.:. ]|[ رايكــم ~ Vaio or HP ]|[ .:.

[ذنـيـنـي]

لا مب يهال

ادخل موقع آبل و شوف الحرب الاعلامية الي مسوتنها آبل ضد الكمبيوترات الثانية

عزيزي امريكا و الغرب ما يمشون الا بالاعلام
و نحن بعد شراتهم

ادخل يو تيوب و اكتب mac vs PC و شوف الفيديوات
أو أدخل على هالصفحة و شوف الفيديوات و بتعرف شو قصدي


http://www.apple.com/getamac/ads/


على طاري هالفيديوات صار موقف طريف
مايكروسوفت حاولت انها تسوي فيديو بنفس الطريقة عشان يردون على اعلانات الماك
بس لسوء حظهم واحد من الي سووا الفيديو فضحهم و قال بأن فريق عمل الفيديو كانوا يشتغلون على كمبيوترات ماك
وباستخدام برنامج الفيديو الرائع Final cut Studio

[شرجاوي]

لا مب يهال

ادخل موقع آبل و شوف الحرب الاعلامية الي مسوتنها آبل ضد الكمبيوترات الثانية
[/U]

الحين ما عرفنا .. منو اللي يذم الثاني ؟؟ خلك ع رمسه وحده


ما يهزك ريح .. كيف كان يشتغل ف ماك و هو و وشريكه اسسوا شركتهم الخاصه سنة 1976 .. و apple طلعت ف سنة 1976 و آبل طالعه قبلهم ب 7 شهور و انهوا نظام ماك ف سنة 84

و بخصوص النظامين .. الفرق بينهم سنه تقريباً .. و ( لو ) كان الماك احسن .. جان شفته مغطي عالويندوز .. بس اللي حاصل الحين .. العكس .. 99.9% من الشركات تستخدم انظمة مايكروسوفت .. الا آبل .. تستخدم انظمتها الخاصه و انظمة مايكروسوفت وياها بعد ..

[ذنـيـنـي]

الحين ما عرفنا .. منو اللي يذم الثاني ؟؟ خلك ع رمسه وحده


ما يهزك ريح .. كيف كان يشتغل ف ماك و هو و وشريكه اسسوا شركتهم الخاصه سنة 1976 .. و apple طلعت ف سنة 1976 و آبل طالعه قبلهم ب 7 شهور و انهوا نظام ماك ف سنة 84

و بخصوص النظامين .. الفرق بينهم سنه تقريباً .. و ( لو ) كان الماك احسن .. جان شفته مغطي عالويندوز .. بس اللي حاصل الحين .. العكس .. 99.9% من الشركات تستخدم انظمة مايكروسوفت .. الا آبل .. تستخدم انظمتها الخاصه و انظمة مايكروسوفت وياها بعد ..

كل حد يذم الثاني


بالنسبة لـ انه الويندوز مغطي على نظام الماك فـ كلامك صحيح 100%
لاحظ انه شي ناس يذمون الـ HP و شي ناس يمدحون الفايو و شي ناس يقولون بأن التوشيبا زين و ان الدل ما ادري شبلاه

شو الفرق بين الكمبيوترات الي فوق،، مب كلهم اساسهم واحد ؟
مب كلهم يشتغلون على الفيستا ؟؟
ليش الاداء يفرق بينهم, و ليش ناس يذمون كمبيوتر و يمدحون كمبيوتر مع انه استعمالهم نفس الشي ؟؟

لهذا السبب آبل ما خلت كل من هب و دب يركب برنامجهم على اجهزته


و غير جي،، كل شركة و توجهها

مايكروسوفت شركة برمجيات و تبيع البرنامج على باقي الشركات

أبل شركة مصنعة لأجهزة الكمبيوتر بالاضافة الى توفير برمجيات خاصة بأجهزتها




في النهاية اقول ما نقدر نقارن تويوتا او هايونداي بـ مرسيدس او بي أم
صحيح انه التويوتا و الهايونداي منتشرات اكثر و قطع غيارهن ارخص

لكن المرسيدس يتم مرسيدس، أمان و ثبات و هدوء و راحة بال و سمته و متعة في القيادة

و الماك يتم ماك،، ثبات النظام و راحة البال من الفيروسات و كفائة في العمل و أعتمادية و متعة في الاستعمال

[شرجاوي]

في النهاية اقول ما نقدر نقارن تويوتا او هايونداي بـ مرسيدس او بي أم
صحيح انه التويوتا و الهايونداي منتشرات اكثر و قطع غيارهن ارخص

لكن المرسيدس يتم مرسيدس، أمان و ثبات و هدوء و راحة بال و سمته و متعة في القيادة

و الماك يتم ماك،، ثبات النظام و راحة البال من الفيروسات و كفائة في العمل و أعتمادية و متعة في الاستعمال

المرسدس مظهر و تعب جيوب .. التويوتا تواضع و راحة للجيوب ..

شو اتفضل ؟؟ اتكون مرتاح بالظاهر و تعبان جيبياً ولا العكس ؟؟