:~: عــقــول ساذجـــة... !

[المزوحي]

مايهزك ريح، خلنا نوقف وقفه، ونشوف إنه البنت هي اللي تلحق الشاب، ليش مايكون العكس !!

ليش ماهو يبتعد عنها، يتجاهلها، مايعطيها فرصه، لو حتى اعترفت بحبها له ...

ما يهتم لمرستها ... يجنبها، يصدها ...

[فرح ناز]

السلام عليكم ورحمه الله وبركاته

قبل كمن سنه بقول في عقول ساذجة .. الحين البنات حدث ولا حرج انعكست الموازيين وراحت ايام البراءة الا من رحم ربي

في جميع الاحوال هذه بنت خسارنه .. والحين خسرت الدنيا والاخرة!!!

[مايهزك ريح]

السلام عليكم ورحمه الله وبركاته

قبل كمن سنه بقول في عقول ساذجة .. الحين البنات حدث ولا حرج انعكست الموازيين وراحت ايام البراءة الا من رحم ربي

في جميع الاحوال هذه بنت خسارنه .. والحين خسرت الدنيا والاخرة!!!

وعليكم السلام والرحمة .. حيالله اختي فرح ناز ..

ما اقول غير الله يهديهم .. شو استفادوا .. خسروا كل شي .. باعوا الآخره عشان خياس دنيا !

والله انه السالفه ما تسوى .. ابيع ديني وابيع آخرتي عشان شي تافه ..
لذه ما تستمر إلا دقائق معدوده .. والنهايه خساره ما بعدها خساره .. واللي ينكسر ما يتصلح

[مايهزك ريح]

مايهزك ريح، خلنا نوقف وقفه، ونشوف إنه البنت هي اللي تلحق الشاب، ليش مايكون العكس !!

ليش ماهو يبتعد عنها، يتجاهلها، مايعطيها فرصه، لو حتى اعترفت بحبها له ...

ما يهتم لمرستها ... يجنبها، يصدها ...

برد عليك وبقولك " كثر الدق يفج اللحام "
بيرتد عنها مره.. مرتين ...ثلاث .. وبعدين بينصاع لها .. -اشوف هالشي بعيوني -
ويوم بتقوله ليش بيقولك هيه يتني وهيه تباني .. وانا ما ايخصني .. - يا عيني على البراءه -

وما قدرت اتفجج منها .. ومادري اشوه .. - عذر اقبح من ذنب -

وبيقولك انه حاول يقاوم .. وما قدر.. -واعليه عنه -..
لو حط في باله انه السالفه نهايتها جهنم وحط رب العالمين جدام اعيونه ..
جان ما سوى هالشي .. !

مثل ما قلت قبل .. قل الدين والأخلاق .. هو سبب المشكله .. لأنه اللي ما ايرده دينه ما ايرده شي !