سجل اعجابك بشخصية الأعضاء !

[الدلووووعة]

سفير الخيال
مادري تعيبني مواضيعه صح مرات احس اني ماعرف ارد عليها بس اقراها

وخيال الحب

مادري احس يربش المنتدى

الشوق

هاي العضوه هي اللي كانت تشجعني دوم
وهي كات دوم تقولي سوي ولا تقولين مابيعيب الاعضاء ومادري شو
كانت دوم تقول ردي وحطي مواضيع وماعليج من حد

دموع قلم

هاي الانسانه اعتبرها اقرب عضوه وياي من اعضاء المنتدى
احسها ماتتسرع في تخاذ القرار

طبعا انا قبل قلت الم ترا وماقلت ليش
فالحينه بقول لنه احسه عضو دوم يحب ييخلي الاعضاء متواصلين ويابعض
ويدور اي شي يخلي الاعضاؤ متواصلين

كلكلوش
لنه احسه هو الوحيد اللي يهتم فالرياضة ويوم اطلب منه اي شي مايقصر على طول
يساعدني يعني فالخدمة دوم

وبوميثه

احسه ها الشخص بعد ربشه يدخل المواضيع يسوي فيها جو فكاهي

مسافر للجفا

ها العضو اللي اختفى تقريبا من الواحات ماينشاف ابد
بعد كنت احب اقرى مواضيعة

والمنصوري

لني احب اقرا مواضيعة التراثيه تعيبني واااااااايد
وبعد مايقصر يوم ابا منه شي فالخدمة

قلوب دبي

عميي ^^ ها الانسان احسه انسان متوازن يعني جدي على مزح ماعرف كيف
بس تعيبني شخصيته

شمعة امل

احس هاي الانسانه تبا تسوي اللي تباه وتخطط للشي اللي تباه
قبل ماتسويه وطموحة

المقاتل

انسان مايحب الغلط ومايسكت عن الغلط


وان شاءالله يوم بتذكر حد برد اكتب

[بوميثه]

وبوميثه

احسه ها الشخص بعد ربشه يدخل المواضيع يسوي فيها جو فكاهي

بسم الله الرحمن الرحيم ..

اولا اسجل اعجابي الشديد بالعضو بوميثه ,, الصراحة هالعضو خدمني واااااايد الله يعطيه العافية .. =>> هههههههه ( لا شكر على واجب حببي تسلم لي كم بوميثة عندي انا .. ) ,,^


ثانيا ..

اشكرك يا اخوي الغالي على هالموضوع الحلو ..

وصحيح انه منقول ..

لكن نحن نحتاج لها المواضيع عسب نعرف وين نحن من اعضاء المنتدى ..

هل من اسفل السافلين ام اعلى المراتب ,, ((( وابوويه سواها سافلين )) ,,

وانا كل ما اقرى رد واحد من الاعضاء تقبضني صيحة .. خلاص بصيييح ههههههه

محد طراني .. مالت عليك .. تراااااااك انته مول ما تحدر شقايل بيطرونك ..

عالعموم حصل خير .. دوااااااي محد قاللي اقاطعكم ..
والحين ببدي راي
,,
ببدى بالاعضاء ,,


مع اني ما احتكيييييت بالاعضاء وايد ..

بس سهااااام قلبي ما تصييب الشخصية عالطاير .. ولا يهمكم ..


من الاعضاء الي يعيبوني ,,




شمعة امل و الياهوو :


ردودها طوييييييلة وفيها خبااااااال راقي .. احم .. يعني مثلا وسط لا خبل ولا رزانة .,,

وتعيبني لانها تسااااااافر دايما وكل صيف وربيع مطيحه في مكان .. ( شراتي )

,,



الدلوووعة ,, ( الوحيدة الي ذكرتني .. )


هالعضوة ساكته ساكته ساااااااااااااااكته ..

بس من تستوي سالفة ربيشة .. حشرن مع الناس عيييييييد ..


يعني محتاجة فيتامينات خبااااااال وربشة بس محد يساعدها .. ( انتو الله يهداكم دفنتو مواهبها هههه )

والله يعين هل بوظبي عليها اذا طلعت الليسن وخذت لها الستاندار .. الله يعين ..




مهابة ,,


تواقيعها واااااااااااااااااااااااا اااااااااااااايد تعيبني ..

وخصوصا هالتوقيع :


من قــال بنـساك !!..
بـالحيــل مخـطي ...
كـلمة [ شـــرف ] خــذها
~>من الرأس للـرأس <~
حلفـت لك بالله وأعــلن بخــطي :
[ من بــعد قلبك ، كل القـلووب.,. تــنداااس ]

اسمني اتخبلتتتتتتتتتتت علييييييييييييييييه ,, والله انهـ طــــــر ,,

وحبيت اقوللها السموحة .. لاني ساعات اسرق تواقيعج .. احم كح ( ما قلت شي انا هههه )



,,



ووووو ,, نسيت حبيبي الزعوولي الطيووبي فديته


بوزايد ..


احم .. يعيبني هالانسان .. يعق عليك الكلام وما يهمه احد ..

واذا حط شي براسه .. قووومو عنه محد يقوللها انته غلطان .. ( خلوه على راحته ^_^ )

فديتك بو زااااااااااايد .. لك وحشة ولله مختفي ..



,,,


الملهمـ ,

هالرياااااال ساااااااااكت وهادي

بس من يجوف بوميثه دخل ويطيييييييح بالشريرات .. فزع معاااااااااااه و وقف ويايه

والمشكلة انه بوميثه يسوي المشكلة ويشرد عنه هههههههه .. ( الله يذكرك بالخير يالغالي ..)




,,


دمعة شوق ,


هالعضوة الكوووبي من خباااااالي وطولت لساني ..

بس للأسف الثانوية العامة حرمتنا من طلتها الغاوية

واقولـها ربي يوفجج وانشالله ترجعين لنا شرات قبل واحسن ..( الثانوية ما خلت في الناس عقل .. بس يالله ربي يعينها ), ,



,
قراميثوووو ,,


تصاميمها حلوة .. وردودها طويييلة وموزوونه ..

يعني لما تكتب لكم سالفة ولاموضوع من وحي خيالها .. وتحسسك كأنك في قلب الحدث

كأنك كنت وياااااهم ويالس امبينهم ..


اوووووب بوووووب .. الي بيقرا موضوعها لازم يشتريله كرتوون مسافي .. ( ريجه بينشف من القرايه ) ,,



اممممممم


وهاذا الي رمت عليه الصراحة ..

وما بقول اسمحولي اذا نسيت حد .. لانه مش مهم عندكم سواء تذكرتكم ولا نسيتكم .. ( منو انا اصلا .. مالت علي هههههه محد يحبني


سلامـ ,

)

,,

,