سجل اعجابك بشخصية الأعضاء !

[حلم الطفوله]

السلام عليكم

الحاضر الغايب وسفير الخيال

من الأشخاص المميزين على الرغم من تواجدهم العابر بهالفتره

أتمنى وطفلة من هذا الزمان

أعتبرهم جواهر الواحات التي لا تقدر بثمن

[دانة حتا]

بس اللي يعجبني والا ما يعجبني ما اكتب عنه؟؟

يعجبني
الم ترى
لانه متواضع ..واحسه انسان راقي
كلكلووش و خنفروش
احسهم مرحين ما اعرف يمكن من اسماءهم
امرين
لاني اتواصل معاها من برع الواحات وحبوبه
قرموشه ومهابه وامواج
شخصيااات حلوه وطيبه وحبوبة
اممممم بعد وايدين

[ألم ترى]

بسم الله الرحمن الرحيم ..

الأخ دانة حتا ..

بارك الله فيك ع كل حرف كتبته لي ولكل اسم كان ف ردك ..

دمتي بحفظ الرحمن ..

[ألم ترى]

بسم الله الرحمن الرحيم

انا معجب بـ :
لماح ــ قلوب دبي ــ عايش وهم
لئن افضالهم كبيره عليه وما راح انسى او اتناسى هالشيء ابد !


لي عوده اخرى إن مد الله بعمري

[شمعة أمل]

البنوتاات

هزاايم
محد في العالم يقدر يضحكني نفس ما هزاايم تضحكني
لكن في شي واحد مايعيبني فيها مول مول مول للحين مايابتلي كرك بيتهم *تدرين اذا فتحتي بزنس كرك بتربحين وايد من كثر ماسويتلج دعايات*

اليـاه
لأنها عســل < على قوولتهااا
انا احبهاا واحب شخصيتهااا لانه فينااا كمن شي نفس الشي .. ف عشان جي يعني
كفايه انها ربيعتي

شوق القلوب
هالبنت تعيبني وايد وعطتني نصايح صدق استفدت منها

حلم الطفوله
صديقتيييييييييييييييييي الى توني اكتشفت انها ابله
الشي الى الحلو فيها انها تعامل كلحد نفس الشي وباحترام

أنـامل وأتمنى
احترمهم وايد لانهم شخصيتات مثقفه وطريقة ردهم على المواضيع *غيـر* ..

تحفه
من زمان ماكنت ادانيها وايد لاني كنت احسها وايد *تهجم* .. لكن مادري بعد ماردت من غيبتها الطوويله طلعت غيير .. وهي الحينه صدق انسانه حبوووبه وتدخل القلب تعجبيينييي

العجيبـه
نكها يجاوب على السـؤال

طير الغرام
انسانه خدوومه ودووم تحب تساعد الناس
والشي الى صدق حببني فيها انها تطبببببببخ! نادرا اشوف بنات يطبخون وصدق استانس يوم اشوف حد يطبخ

قرمووشه
هالبنت ابا اقرصها < مايخصه
همممممم قرمووشه! حبوووبه ودبه وكتكوووته .. واغار منها لانه عندها الليسن وانا لا

تنينه
اذا هالبنت ماطلعت نفس هاذييج البنت في الجريده اسميني بتعقد





الشباب

ألم تـرى
أنسان خدوم وطيـب ..
وشـرطي يخدم الشعب!
والشي الى خلاني احترمه وايد وايد حبـه لأمه الله يحفظها

الأسطوري
من قبل ماكنت أدانيـه .. لكن الحينه أعرف الأسطوري الحقيقي..
أعتبره من أفضل المراقبين في الواحات!
الشي الى يعيبني فيه انه دايـما يفكر فينا نحن الأعضـاء .. ومايسوي شي الا لو يشاورنا.. وطبعا مافييه هالصفه المب حلوه مال *يغلق الموضوع تمهيدا لحذفه* .. دايما يطرشلنا رساله اذا بيغلق او بيجدد شي من مواضيعنا فعلا شخص كبر في عيني وأحترمه وايد

الحـاضر الغايب
لأنه إنسـان خدوم بمعنى الكلمه! .. يوم كل الإداره سوولي طاف هو الوحييد الى سوالي سالفه!
وبعد لانه تصويره يعيبني

ذنيني & كلكلووش
محترمين وخدووميــن! وشكرا كلكلوووش وايد وايد على موضوع الكره وذنيني عن الكيمره!

لمـاح
انسـان خدوم ومثقف!

مايهزك ريح
شخصية مايهزك ريح وايد تعيبني .. انسان متثقف ومتطور!
وحبه لأهله شي جميــل الله يحفظهم

خيال الحب
هالإنسـان الشي الحلو فييه انه دمه *خفيف* .. والشي الى يعيبني فيه انه يغووص





ولي عوده*يعني بعدني ماخلصت*

[أمطار]

اسجل اعجاابي الشديد بــ

. . . أتمنى. . .
رقيقة ،، راقيــة .. مبدعــة وصاحبة ذوق عالي وإحساس مرهف . . .!

. . . طير الحب . . .
كلمــة وحده ثبتت في بالي عن هالإنسانة رغم زخم كلمات الاعجاب بها ..
جـــمـــيــــلـــة .. من الداخل ويشع نور جمالها الداخلي في كلماتها وأسلوبها الراقي . . .!

. . . الشوق . . .
شــــوو أقــول عنها؟! .. أسلوووووبج "طر" << على قولة بنت ختيه "علمتني هالكلمة" ..
ذوق وأخلاااق .. وعلى عكس ما يظنه البعض فيها .. الشوق "مـــرحــه" وراعي سواالف عجيبة ..
الواحات مفتقده تفاعلج يالغلا . . .!

. . . شوق القلووب. . .
غـــاليـــة على قــلب أمطاار .. وربي غاليــة ..
أي موضوع ترد عليه بلا شعور انجذب له .. عندها أسلوب بسيط وراقــي في التفاعل . . .!

. . .حلم الطفولة. . .
طفلة الواحات .. مرحه وتجــــــــنن !
أحب نظرتها للحياة .. وتفاؤلها الدائم ..
متأكدة إذا سألتها عن الكوب اللي نصه ماي ونصه هوا .. بتقولي نص مليااااااااااان . . .!

. . . عمــة العيــم . . .
عمـــوتنا كلناا .. بسيطة في ردودها .. ومرحه في كلماتها ..
أسرني فنها و قمت اخجل برسوماتي مقارنة بإبداعهااا . . .!

. . . وحي القلم . . .
"أمطار مُصغـّرة" .. هذي نظرتي لوحي ..
أحس أفكارها نفس افكااري واعجابي بخواطرهاا ما له حدوووود . . .!

..

. . . عايش وهم . . .
يكفي اني اقول عنه " كبـيـر" بأخلاقه ..
" كبـيـر" بتعامله وأسلوبــه .. وتبقــى في عـيـون أمطار "كــبــيــر" ..
احترامي لك سيدي . . .!

. . . ألم ترى . . .
اعجابي بشخصيته يوم عن يوم يزيد ..
راقـــي في تعامله .. مرح في ردوده .. متجدد في مواضيعــه . . .!

. . . قلوب دبي . . .
ما أدري شو أقول .. لكن أتمنى أن تبقى معطاءاً ..
وربي يحفظك ويبقيك للواحات . . .!

. . .أحلى منصوري. . .
أخوي الصغير .. اعجابي بمواضيعه كان إدمان ..
وصدق صدق احسه اخوي!


. . .خنفروش. . .
استاذناا .. نقف له احتراماً و تقديراً ..


. . . نبراس الليل. . .
قصائده .. شي ثاني ..
خواطره .. شي ثاني ..
كله على بعضه .. مبدع !


. . . المحاق المشتعل. . .
أسلوب .. فن .. تجدد .. فعلا ً معجبه بأعماله !


..

والمعذرة على القصور ..

كل الــــودّ لقلوبكم . . .
أمطار

[ولد الحكومة]

وعليكم السلام ورحمه الله وبركاته

من فترة طويله ما شاركنا في مثل هالمواضيع الحلوة والمتميزة

الصراحه اكثار من اعجبت بشخصياتهم في هالمنتدى والي ما ذكرت اسمه ابغيه يسمحلي لانكم كلكم نجوم والصراحه تنقال !!!

انا معجب بكل من : طير الحب ، ألم ترى ، أمطار ، لماح ، الشوق ، طير الغرام ، عايش وياهم ....... والسموحه من الجميع

[مــهــابه]

ببـدأ في البدايه مع العضوات

شمــعة أمل:

هـالأنســانه ولفــترة من الزمن ماكـانـت تعيبني أبد ، كـنت احسها غير !!

ولكـن فالفـترة الاخيره ، صدق قـمت احب ردودهـا ، واحب سوالفـها وشخصيــتها

صح اني ابد ما احتكيـت فيها ولا سولفـت معـاها

بس تـعيبني جرأتـهـا وعــفويــتهــا !!

احسـها رميســه وعـندهـا خلفيـات عن أشيـا وايد


غـواني:
هـالأنسانه أنا ويـاها أحيـان جنة وأحيـان نار

وبحـكم اني أكلمها واعـرفـها ، وفيها أشيـا تعيبني واشيـا ماتعـيبني

بس شي واحد صـدق أحبه فيها صــراحتـها ، وماتجـامل أبــد !!

وتعـطي فـ الويه ، اشكـــره !


الشـوق:
أحب نشـاطهـا وايـد ، وأسلـوبها فـالطرح


قـصايد غـلا:
فـي أشيـا مشـتركة بيني وبينهــا !
عـسب جيه احسها قـريبه مني ، واحب أسولف ويـاها

دانـة حـتا:بحـكم اني شفـتها وكلمتـها !!

حبيــت سوالفـها وااااايد


دموع قـلم:
هـالأنسـانه ع الرغم من صغـر سنها ، بس أحس بداخلــها طموح واصـرار !!


العـيناويه ودمعة الشوق:
أحب خبــالهم وسولفــهم


طيـر الحــب:أحب شـخصيـتهـا كـ ربـة بيــت
وأم لـطفل !!

في اعـتقادي هـي ربـة بيـت ناجحة بالدرجة الأولــى

والله يوفقــها يــارب


الأعـضــاء :

خــيال الحــب:

أحب خفـة دمه وسوالفــه

احسـه لوكان ضـايج او حتـى زعـلان ، يسـولف ويرمس عـادي

وهـو انسـان جداً محــترم ، ومـايحب الخش والدس

قـلوب دبي:
شخصيـته حلـوه

مثقف ، رزيـن ، يجمع بين اللعب والجـد

أحب تـصويره وايـد

واحسه متـعلق شراتي بعــيال اختــه


عـايش وهـم، أحلى منصوري:
تعـيبني كتــاباتهم واسلـوبهم بــالطرح !


نبـراس الليل ، وعـاشق قــلم ، سفيـر الخــيال

أحب أقرأ شــعرهــم !!

[شمعة أمل]

الشوق
لانه تذكرني في بنت عمي!

قصايد غلا
هالانسانه وايد كتكووته

طير الحب
اكثر اكثر اكثر شي يعيبني فيها .. انه ماعندها بشكاره!



برب احس مخي يعورني برد اكتب في الويك اند .. بس شوية اعضاء زياده وبخلص

[المقاتل]

إذا ييت ابـا اسـجل وأكتب إعجابي في العضو إلي في بالي .. ولا بخلص .. الطيبين كثّر .. لهذا السبب أنا أمتنع إني أشارك في إي موضوع من مواضيع يتضمن ذكر أسماء أعضاء لأني أخاف أظلم حد .. !!

ولكــن بما إنّك طارح الموضوع أحب أقول وأتكلم عن شخصية المكّي - سيف الاسلام - محب الشيخين - ألم ترى .. وإذا نسيت نك نيم حقك علي بس ذكرني بالزّين .. !! هههه

طبعا بكتب نبذه عن شخصية معاذ ..

شخصيه حبوبه و طيبه .. أتعرفت على هالانسان من مده طويله جدا .. وما شفت معاذ إلا منذ فتره قصيره .. شخصيه أتحب اتشوف الملاكمه + وماشاء الله عليه واصل يتخبر عني بين فتره وفتره .. وعصبي المزاج بعض الشيء .. بس بصراحه قلبه طيب .

هذا بالنسبه للنبذه .. بس لو شفنا ملفه الشخصي في الواحات .. لشفنا انه ملفه زاهر بالأعمال الجميله وإلي مضمونها انه يربط الأعضاء رابطه أخويه وهذا شي جميل جدا جدا ..

شو بعددددددد ؟؟

اذا حصلت شي في راسي بكتبه خخخخخ والله يديم المحبه ما بينكم .

[الدلووووعة]

سفير الخيال
مادري تعيبني مواضيعه صح مرات احس اني ماعرف ارد عليها بس اقراها

وخيال الحب

مادري احس يربش المنتدى

الشوق

هاي العضوه هي اللي كانت تشجعني دوم
وهي كات دوم تقولي سوي ولا تقولين مابيعيب الاعضاء ومادري شو
كانت دوم تقول ردي وحطي مواضيع وماعليج من حد

دموع قلم

هاي الانسانه اعتبرها اقرب عضوه وياي من اعضاء المنتدى
احسها ماتتسرع في تخاذ القرار

طبعا انا قبل قلت الم ترا وماقلت ليش
فالحينه بقول لنه احسه عضو دوم يحب ييخلي الاعضاء متواصلين ويابعض
ويدور اي شي يخلي الاعضاؤ متواصلين

كلكلوش
لنه احسه هو الوحيد اللي يهتم فالرياضة ويوم اطلب منه اي شي مايقصر على طول
يساعدني يعني فالخدمة دوم

وبوميثه

احسه ها الشخص بعد ربشه يدخل المواضيع يسوي فيها جو فكاهي

مسافر للجفا

ها العضو اللي اختفى تقريبا من الواحات ماينشاف ابد
بعد كنت احب اقرى مواضيعة

والمنصوري

لني احب اقرا مواضيعة التراثيه تعيبني واااااااايد
وبعد مايقصر يوم ابا منه شي فالخدمة

قلوب دبي

عميي ^^ ها الانسان احسه انسان متوازن يعني جدي على مزح ماعرف كيف
بس تعيبني شخصيته

شمعة امل

احس هاي الانسانه تبا تسوي اللي تباه وتخطط للشي اللي تباه
قبل ماتسويه وطموحة

المقاتل

انسان مايحب الغلط ومايسكت عن الغلط


وان شاءالله يوم بتذكر حد برد اكتب

[محد يستاهل]

بمـا أني يدية اهنيه ..

فحبيــت أسجل إعجــابي لأول شخصين صدق احتضنوني ورحبو فيني فالواحات:

(( مهــابــه ))

لو كتبت فيج أبيات شعر ما راح أوفي لج
لأنج صدق ما اتقصرين وساعدتني من أول ما دخلت اهنيه

والله هالإنســانــة فنتك وراعية واجب ..


بنوتــة جميرا:
كونج أول وحدة رحبتي فيني
فاسمحيلي أهديج هالكلمات .
في ذمتي ..أنت الصديق اللي ترفع لصحبته الراس


وسوالــم

[ألم ترى]

بسم الله الرحمن الرحيم ..

اخواني ف الله ..

بارك الله فيكم ع المرور والأضافه ..

حيل ممتن لـ كل من قال كلمته في شخصي المتواضع ! ..

دمتم بحفظ الرحمن ..

[مايهزك ريح]

مايهزك ريح
شخصية مايهزك ريح وايد تعيبني .. انسان متثقف ومتطور!
وحبه لأهله شي جميــل الله يحفظهم

مشكورة اختي شمعة أمل على هالكلمات الحلوه .. بصراحه ما اعرف شو اقول ..

[نبراس الليل]

السلام عليكم ورحمة الله وبركاته


ماسأكتبه هنا ليس كل مالدي فهناك أعضاء كثر ..سأعود لهم فيما بعد إن شاءالله


أبدأ بطارح الموضوع الاخ محب الشيخين


لغزارة الحب الأخوي والذي يملأ قلبه كما هو ظاهرا لنا ..نسأل الله ان يجعل ظاهره صورتا لباطنه


الأخ المقاتل ..

أعجبت بشخصيته ربما لتقارب أفكارنا وشخصياتنا ..


الأخ المحاق المشتعل


لإتجاهه للفكر الديني في إبداعاته (الرسم)


وتواضعه رغم ضخامة حجم ابداعه وفق الله



الأخ ذنيني وكلكلوش


للروح المرحة التي تكسنهما ...



الأخ راعي الزعامة والأخ الملهم



لصمتهم الجميل ...





سفير الخيال



لجهوده الطيبة في الشعر ..واسلوبه الراقي في الحديث





الأخ خنفروش ..



لما يحز في خاطره دائما من افكار منعشة للأقلام



الأخ ابن الخطاب




قوة حضوره






الأخت أنامل


جمال حضورها ونقاء تواجدها أخت نعتز بها ..والعفوية


الأخت أتمنى



شخصيتها تفرض الاحترام




الأخت شوق القلوب وحلم الطفولة


لما أراه من محبة تجمعهما في الله




الأخت دموع قلم



شخصية أحترمها كثيرا كثيرا ...




الأخت أمطار




أخذتنا بخواطرها للبعيد فتلمذنا على حروفها




الجنية ..



لصفاء قلبها رغم المشادات التي وقعت بيني وبينها في أكثر من موضوع إلا إنها بادلتني الاحترام




الأخت أمواج


إحترامها للآخرين








مهابة قرموشه

تحملان شخصية جميلة ...













ولي عودة إذا الله راد مع الباقين ..





ويشهد الله إني أحبكم في الله ..





ومن هذا المنبر




أقدم أسفي الشديد لكل من ناقشني فكنت حادا وشديدا معه ...لكن تاكدوا إن خلف الشاشة إبتسامة كنت أخفيها ..





وصباح الخير للجميع