:~: عــقــول ساذجـــة... !

بداية .. احترت في اختيار عنوان للموضوع .. فكنت بين " عقول ساذجه " .. و" مخدوعات باسم الحب " ..
فضلت الأول على الثاني .. عله ان يكون أكثر جذبا وعمقا عما سأكتبه !

قد استغرب كثيرا عندما اقرا عن مأسي بعض الفتيات اللواتي لا يتعلمن من اخطاء غيرهن ..
وكان آخر مقال قرأته في هذه المآسي عباره عن قصه واقعيه ..
للكاتبة مريم راشد من جريدة الخليج.. بعنوان كالشاة جررتها !

http://www.alkhaleej.ae/portal/11fe8...d644893eb.aspx

وكانت تتحدث فيه عن فتاه .. يخدعها رجل باسم الحب .. وتجري خلفه ثم تنصدم بالواقع المر ..
وهو انه قام بالإعتداء عليها وفقدت أغلى ما تملك .. شرفها .. وذلك بسبب سذاجتها .. وجريها خلف الحب .. الذي لم يكن له وجود في قلب ذلك الذئب الذي اعتدى عليها وقام بتصويرها حتى يبتزها وماتت أمام منزله وهي خارحه مسرعه- تلملم ثيابها الممزقة على جسدها-
بأن وقفت في منتصف الطريق لتدهسها سياره مسرعه .. !


الخلاصه ..

انه ما يثير استغرابي ..

بعض الفتيات يصرون على ان الذي تتحدث إليه هو ملاك - على قولة الوالده منزل بسلاسل من السما - .. وليس بالذئب الذي تتحدث عنه القصص .. وتظل تدافع عنه .. حتى " يطيح الفاس في الراس " .. فتتبعثر احلام الحب والزواج وتتلاشى .. لتصطدم على صخرة الواقع وتقول .. "يا ليتني مت قبل هذا " .. ولكن نقول لها "لي فات الفوت ما ينفع الصوت " .. :3:

ترى ماذا سيكون شعورها .. هي .. هل تحتقر نفسها !
ماذا ستكون ردة فعل أهلها الذين ربوها على الدين .. واعطوها الثقه .. وخانتهم !
ماذا ستكون ردة فعل المجتمع .. وكيف ستواجه مصيرها !
كيف وثقت بالغريب واعطته " الخيط والمخيط " !
كان يقول لها لا تخبري احدا ولا تقولي لأهلك .. حذق هو وساذجه هي..
"والجواب للفتاه : حتى لا يبعدوها اهلها عنه وياخذ نصيبه منها لأنها ساذجه حين صدقته " !

والبعض الأخر .. :doh: -بعدما تحدث الكارثه- لازلن يحلمن باليوم الذي يأتي فيه ليصلح الحبيب ما افسده وهو ان بتزوجها " ويستر عليها " واقولها – لو كان يباج جان خطبج من هلج مب سوا سواته واحين تترينه ايصلح -
ولكن هيهات ..
اعتقد بأنها ستقضي الدهر كله تنتظر هذه اللحظه التي ربما لن تأتي ... ابدا !:fa55:
فيكف به يرتبط بمن خانت وكذبت على أهلها .. لتكون ام لأولاده مستقبلا فهو ليس بالساذج مثلها !

اسئله كثيره كانت تدور برأسي لم اجد لها اجابه !

كلما اقرأ عن هذه المأسي تنتابني حيره .. وغصه على هؤلاء الفتيات .. لماذا لا يذعن .. ولا يصغين لأهلهن .. عندما يحذرونهم من الذئاب !

وللأسف ان هذه المآسى تتكرر .. والدليل .. كل يوم نقرأ او نسمع قصه .. قد تختلف شخصياتها .. وبعض احداثها ومكانها .. ولكن النهاية واحده .. هتك عرض وضياع شرف تلك الفتاه الساذجه !

دعاء : اللهم احمي بناتنا وبنات المسلمين من هذه الفتن .. يا رب العالمين !

اترك لكم مساحه للتفكير .. فأنا تعبت من هذه المآسي التي اقرؤها و اسمعها كل يوم !


" فــــــــذكـــــر ان نــــــفـــــعــــــت الـــــذكـــــــرى ( ) ســـيـــذكـــر مــن يـــخـــشــــى "

كلامك وموعك جميل ..

يعني الواحدة يوم تتزوج ماتقدر تصدق زوجها، لعل يخدعها قي بعض الاحيان، طبعا انا ام اتكلم عن الكل ..

بس مثال ...

كيف تصدق واحد ابتسم لها في ثواني ..

ومثل ما قلت هالشي مب أول مره يصير، يعني لازم تعتبر ...

لكن يوم نسألها ليش جيه ؟؟؟

تقول لك : لا

بس هو غير عن الكل، وهو قال لي : أحــبج، فكنت افتكر إنه صادق ...

أحيانا الوحده داخلها يكون نظيف، يعني مب راعية سوالف ... ولا عمرها حبت .. رغم متابعة أهلها لها،

فجأة يتبدل الحال، وتتصل باللي عد عليها الرقم، تحس بنفسها تبغي تفضفض له ، تحس إنها ناقصه حنان

عاطفه، فتسلك الدرب الخطأ، ومثل ماذكرت الكاتبة، تفقد أغلى ماعندها ...

هل الابتسامه تعطيج دليل إنه هو غيييييير وإنه بيكون غير عن الكل ....

السلام عليكم ..

"مايهزك ريح"

هيه والله يا مايهزك ريح الواحد لما يشوف شو يصير هالأيام يتنهد ومايعرف شو يسوي ويخاف من
باجر شو بيصير يوم هو بيكون مسؤول عن أولاده وبناته وكيف بيقدر بينمعهم
ويصونهم من هالسيل الجارف اللي يشل وياه الاخضر
واليابس، قلتها قبل في موقف
مختلف بأن بني آدم هالايام مايتعلم إلا لما ينقرص بنفسه ويحس بطعم الألم لأن مثل ماتفضلت
حضرتك دايما يكون عذر الفتاة بأن فلان غير ومب مثل الباقين وردة فعل
الشاب يوم يشوفها متمكسه فيه يقول لو تركتها
بتروح لحد غيري وبسهوله
بيلعب عليها فيستمر في الغلط بالحجه هاي وبعد عدة تجارب يصير الموضوع عادي ومجرد هوايه
او عاده الطرفين مايقدرون يعيشون بدونها وكل ماينتهي جزء يبدؤون في
جزء يديد والتمثيل يلعب دور كبير هني طبعا
لأنهم يكونون متمكنين
من إتقان الدور مهما كان نوعه وفي النهاية إذا كان لهم عمر يكتشفون بأنهم لوثوا سمعتهم بل
سمعة العائلة ككل ويحاولون يرقعون، ماقول غير الله يستر من اللي
ياي والواحد يبدأ بنفسه أولاً وإن شاء الله
تعتدل أمور المجتمع

الاســـطـــوري
أخوكم

تراه ها اللي يقهرني .. يوم يقولون هذا غييييير .. انزين شو ظمنج انه غير ... ماخذه مبدأ " سيماهم في وجوههم "
يمكن يالس يستدرج لشي اكبر .. وفي النهايه الفضيحه للبنت .. الريال دايما "يطلع زي الشعره من العجين" مثل ما ايقولون .. في النهايه هيه اتم مكسورة .. شو الفايده :3:

مشكور على التفاعل اخويه المزوحي :k_smile2:

:
.

لابي علق وردي انمسح قبل لا اضيفه :/

ان شاء الله برد مره ثانيه ..

والسموحه ><"

:.

:
.

السلام عليكم .. . !

أشكرك أخوي مايهزك ريح عـ حرصك الطيب وغيرتك ..

:

بالبداية عـ كثر ما اسمع بقصص من هذي النوعية عـ كثر ما يزداد تساءلي ..
كيف يسمح البعض بهذا النوع من التمادي والتجاوز .. وكيف يملك البعض هذي الجرأة .. !؟

مادري هل امتلاك الفتاة للخبره والعلم بهذي الامور امر سلبي ام ايجابي ..
ولا ادري ان كانت الحرية ام الثقة المطلقة اللي يسلمها الاهل لابناءهم
امر ايجابي بحيث يحسون بالمسؤولية حيال انفسهم ..
ام هو امر سلبي يستدعي تقييده .. !

كثيرا ما تأتيني القصص بأنواعها واشكالها حول هالمواضيع وكثيرا ما اعتبر 3 ارباعها من نسج خيال احدهم ..
لأني ماتصور ان ممكن احد اكانت الفتاة ام الرجل يتجرأة عـ الطرف الثاني ويتدحرج بهذا الشكل .. :smile2: !

:

موضوعك يحزن النفس جدا أخي ..

كما أحب أن أضيف ملاحظه حول شغله سلبية لاحظتها عـ اغلب الأسر بمجتمعاتنا ككل ..
فكثيرا ما نرى تهاونها واستهانتها بزلل وأخطاء شبابها مبرره افعالهم بإنها طبيعة ابهم بعمر الممراهقة ..
ومردهم بالنهاية يعقلون ويصطلبون .. لكن بعد شو .. !

متناسين بإن أخطاءه هذي ان كانت عادية بالنسبة له كونه شاب .. من مكالمات وغيره ..
فهو بالنهاية بيئذي من .. ! مش بنت المفروض انها بحسبة اخته وصى عليها الحبيب المصطفى عليه الصلاة والسلام ..
عالأقل يخافون اهمه اسر الشباب على بناتهم فيهم .. !

قامو يتهاونون بمكالمات الشباب مع انها العتبة الاولى لأخطاء ثانية تأتي تالي .. !

:

الله يستر علينا جميعا ويحفظنا من شر ما كره يارب ..
ويعين كل من غفل وييسرله درب الخير باذنه ..

فعلا الحال محزن جدا ..
وقصص تدمي القلب وتثير الحسره .. .

:

يزاكم الرحمن خير ..
والمعذره ..

:.

مايهزك ريح، خلنا نوقف وقفه، ونشوف إنه البنت هي اللي تلحق الشاب، ليش مايكون العكس !!

ليش ماهو يبتعد عنها، يتجاهلها، مايعطيها فرصه، لو حتى اعترفت بحبها له ...

ما يهتم لمرستها ... يجنبها، يصدها ...

السلام عليكم ورحمه الله وبركاته

قبل كمن سنه بقول في عقول ساذجة .. الحين البنات حدث ولا حرج :3:انعكست الموازيين وراحت ايام البراءة الا من رحم ربي

في جميع الاحوال هذه بنت خسارنه .. والحين خسرت الدنيا والاخرة!!! :k_sadwalk:

فضفضـتك مقنعه وايـد يـ مايهـزك ريح . .

كلامـك منـطقي 100% . .

الله يهدينا ويهدي الجميع يــارب

وعليكم السلام .. مرحبا اخويه الأسطوري ..

هيه والله صدقك .. باجر كيف يوم بنكون مسئولين عن عايله وبيت .. كيف بنراقبهم ..
كيف بنربيهم .. وحتى لو بنصك عليهم البيبان بيطلعون تراهم للمدرسه وبيسمعون وبيشوفون بلاوي .. :fa55:

المصيبه انه هالمشكله سببها قل الدين ولا شو يرد الواحد عن الغلط إلا دينه والخوف من الله وانه رب العالمين يراقبه وبيحاسبه يوم القيامه..
قل الوازع الديني هو السبب الرئيسي لها المشكله !
لو كل واحد فيهم استشعر مراقبة الله .. جان هالبلاوي ما استوت ..
في حديث يقول .. " لا يزني الزاني حين يزني وهو مؤمن " مستحيل واحد يسوي شي غلط وفي قلبه ذره من الإيمان .. لأن الإيمان بالله يمنعك من هالكبائر ..
والمشكله الثانيه انها بعد من الكبائر .. والسبع الموبقات .. بس ما ايفكرون .. استصغروا المشكله .. وخذوها كلعبه ..
الله يرحمنا .. ويهديهم يا رب .. :smile2:

وعليكم السلام والرحمة .. حيالله انامل قلب ..

بالنسبه للثقه اكيد واثقين منها لأنهم ربوها على الدين والإخلاق مثلا.. وهم حاسين انها ما بتسوي اي شي غلط .. !
بس هيه مثلا خانت ثقة اهلها ..
وبعد شي بنات عنيدات .. اتقولها امها لاتسوين هالشي وهيه اتعاند - عندها حب استطلاع - إلا اتجرب .. اخذا بمبدا " الممنوع مرغوب " :3:

و الشباب في هالزمان ما شاء الله عليهم شي منهم عندهم اسلوب على كيفج -مادري وين دارسينه - يغطها في البحر ويردها عطشانه .. ودايما يدقون على الوتر الحساس انا احبج وانا بخطبج من هلج بتستوين حرمتي ..اشو منه زايغه .. وانا ثرني شو بسويبج .. ومن هالخريط ..
وطبعا هيه اتصدق .. وتنقاد له واتدافع عنه ..
وبعد على اساس انه فلانه سوت هالشي وظبط وياها واكيه عرست .. !

وفيه نقطه اثرتيها انه في مجتمعاتنا الريال اذا سوا شي غلط المجتمع ما يحاسبه ..- وينه من حساب رب العالمين " يمهل ولا يهمل " -
اخذا بكلام العيايز " الريال ما يعيبه شي " !

لو كل عايله عندها شباب راقبتهم .. ومنعتهم يسوون هالأشياء جان ما وصلنا لها المرحله .. :3:

واللي يقهر اكثر يوم اتقول له ما اتخاف انه اختك يستويبها نفس اللي سويته في بنات الناس ..
يكون الرد يقهر اكثر ويقولك اختي غير .. وبرد اقوله ليش اختك معصومه من الخطأ !

الله يهديهم ويصلح حالهم ويردهم للدرب الصحيح قبل فوات الأوان !

اقتباس:

---

المشاركة الأصلية كتبت بواسطة المزوحي

مايهزك ريح، خلنا نوقف وقفه، ونشوف إنه البنت هي اللي تلحق الشاب، ليش مايكون العكس !!

ليش ماهو يبتعد عنها، يتجاهلها، مايعطيها فرصه، لو حتى اعترفت بحبها له ...

ما يهتم لمرستها ... يجنبها، يصدها ...

---

برد عليك وبقولك " كثر الدق يفج اللحام "
بيرتد عنها مره.. مرتين ...ثلاث .. وبعدين بينصاع لها .. -اشوف هالشي بعيوني -
ويوم بتقوله ليش بيقولك هيه يتني وهيه تباني .. وانا ما ايخصني .. - يا عيني على البراءه -

وما قدرت اتفجج منها .. ومادري اشوه .. - عذر اقبح من ذنب -

وبيقولك انه حاول يقاوم .. وما قدر.. -واعليه عنه -..
لو حط في باله انه السالفه نهايتها جهنم وحط رب العالمين جدام اعيونه ..
جان ما سوى هالشي .. !

مثل ما قلت قبل .. قل الدين والأخلاق .. هو سبب المشكله .. لأنه اللي ما ايرده دينه ما ايرده شي !

اقتباس:

---

المشاركة الأصلية كتبت بواسطة فرح ناز

السلام عليكم ورحمه الله وبركاته

قبل كمن سنه بقول في عقول ساذجة .. الحين البنات حدث ولا حرج :3:انعكست الموازيين وراحت ايام البراءة الا من رحم ربي

في جميع الاحوال هذه بنت خسارنه .. والحين خسرت الدنيا والاخرة!!! :k_sadwalk:

---

وعليكم السلام والرحمة .. حيالله اختي فرح ناز ..

ما اقول غير الله يهديهم .. شو استفادوا .. خسروا كل شي .. باعوا الآخره عشان خياس دنيا !

والله انه السالفه ما تسوى .. ابيع ديني وابيع آخرتي عشان شي تافه .. :k_special2:
لذه ما تستمر إلا دقائق معدوده .. والنهايه خساره ما بعدها خساره .. واللي ينكسر ما يتصلح :3:

اقتباس:

---

المشاركة الأصلية كتبت بواسطة مــهــابه

فضفضـتك مقنعه وايـد يـ مايهـزك ريح . .

كلامـك منـطقي 100% . .

الله يهدينا ويهدي الجميع يــارب

---

مرحبا اختي مهابه .. اشكرج على الرد .. والله يهدي الجميع ويصلح حالهم يا رب !

هي مثل ما قلت أخي الكريم ،، عقول ساذجة .. وأيضا .. هي قلوب أكثر منها سذاجـــة ،،

لا أبرر لهن :d014: .. لكن تفسير آخر وقد انطبق على البعض فقــط منهن ... كثيرا ما بررنــا سبب انحرافهن بالوازع الديني .. و قد يكون هذا السبب صحيح ، و لكن هي أيضا حاجة يلبونها بأي شكل من الأشكــال ..

في محاضرة للدكتور أحمد النجار .. قال أن المراهق وحده يحتاج في اليوم الواحد إلى 40 لمسة .. من شأنها أن تعزز الحاجات العاطفية للمراهق و تغنيه عن تعويضها بآفات خارجية منها ما تفضلت به في موضوعك ..

أنا مثلك أتمنى أقفل البيبان على اخواني عشان ما نحاتي ..لكن للأسف تبقى أمنية .. لأنك مهما وفرت لهم جو مناسب في البيت ما تغني عن التجارب خارج البيت اللي ممكن تصقل شخصياتهم و معرفتهم لأصناف البشر ....

لذا الجواب :whistling: أن نحاول أن نكون آباء و أمهات متفهمين لحاجات أطفالنا .. وألا نخجل من لمسة باختلاف أشكالها نقدمها لهم كل وقت ... خاصة الأب لبناته ..

موضوع جميل
موفق دوووم ..

:9: تعليقي بسيط:9:

لأنه المرأة تفكر بعاطفتها أكثر من عقلها !

اشكرك اختي طفلة من هذا الزمان على الرد
احيانا الحاجه لمجرد الفضفضه في زمن لا يصغي لك فيه احد ..
قد يدفع بهؤلاء المراهقين للخارج حيث تتلقفهم ايادي اصدقاء السوء ..
وينجرفون إلا ما يحمد عقباه .. الله المستعان !
وعندما يتعرضون لمشاكل او عندما تحدث مصيبه توقظهم من سباتهم يعودون للحضن الأول..
وهم الأهل فيبثون لهم ما ذاقوه ولكن بعد فوات الأوان !
فتكون لهم تجربه قاسيه..
" واللي ما يتعلم من هله .. اتعلمه الدنيا" ولكن الضريبه تفوق احيانا قدرتهم واستيعابهم ..
مما قد يجعل بعضهم حبيس غرفته بسبب الإكتئاب والبعض الآخر قد ينتحر والعياذ بالله .. !

مرحبا اخويه 6210 ..
صحيح انه المرأة تفكر بعاطفتها احيانا ..
بس مب فكل تصرفاتها .. اكيد في اشياء تحكمها بالعقل ..
صح انا ما دخلت عقولهم وكيف يفكرون .. بس ها شي بديهي !
الواحد ما يتخذ قرار " بما يمليه عليه قلبه .. وانما يفكر بعقله "

ترا الأثنين ملامين ,,
البنت والولد

لو البنت حاشمه نفسها ومب حاطه مليون ألف صبغة على ويهها
وتوزع ابتسامات للناس وهي تمشي
تقول حد بيصورها
وعقب يوم واحد بيرقمها تصااارخ لااا رقمني
اكيد بيرقمج يعني شو تبين يقول ما شاء الله عليج محجبه
سوري يعني
بس هذا الحق

البنت تفتح للشاب الباب انه يرقمها
بس في النهاية هيه اللي بتتوهق . . والريال ما ينعاب ..

بس ما ننسى الشباب الجنقل ..
قوووم سباااايكي او قوم بو ختم
هذيل اللي مسويلي فيها الكشيخه وبوالرنج ( يخرب بيييييتكم .. بعدك على سوالف التسعينات)
والبنت ما تصدق وتقووول فدييييييته
ولد عز عنده رنج

ههههههههه

وهو صاير فيها روميو زمانه ضارب حب وحاط 6 تلفونات في مخباه
( 1 بس فيه بطاقة والباقي عالميموري)

على فكره على فكره

بقولكم شي ..
اذا البنت تبي تتعرف على واااحد
والله انها تقدر اتييب راسه !!

يعني البنت لو تبي تكلم بتكلم
ولو ما تبي ما بتكلم
وما بتطلع

يعني البنت اللي تحدد مصيرها
بس البنت اذا تشوف ربيعتها تسوي جذي
وعادي اختها اكبر عنها تسوي جذي
ومادري منو بعد
اكيييد بتسوي






ما يهزك رييح
واحد من الشباب قال : مااال اول الحين البنت تكلم واحد ,, الحين البنت تحب وحده
تعرف ان البنات يضحكون على اي وحده تكلم واحد
اونه هذي مال اول

نسيت اقول شي

ترا لو كانت التربية 100% سليمة
هذا مب عذر ان البنت ما بتكلم شاب

قبل التربية ترا في عاطفة في البنت
يعني البنت ليش اتكلم الولد
لانها ادور حد يقولها احبج ,, حد في عيد ميلادها يقولها كل عام وانتي بخير
حد يدلعها

لو شافت هذا الشي من اهلها ما بدوره برع البيت ..

صح وللا ؟؟

اخويه محمد .. ما اعرف شو ارد عليك .. اول شي يلست اضحك على سالفة الصبغ ..
واتذكرت ربيعنا يوم يسألني شو يعني فاونديشن .. وانا على طول قلتله اتشوف صبغة الكروزر- أبيض- اللي واقف جدامك .. مثل هالصبغه يحطونها على ويهم ^_^

وبعد يوم وصلت للموبايل ضحكت ازياده ..^_^
صدقك واحد 20 موبايل في مخباه .. وراس ماله بطاقة وحده والتوأم مالها بعد ( الله يخلي اتصالات )

وعن سالفة البويات اللي منتشره .. صح مسوين العبي من قطعة الختم ويتمشون .. ولابسين بزم بعد ..
امسات شفت هنتين في ستاربكس ..
وحده لاويه على ربيعتها ويالسين يصورون وحركات *_* طبعا انا كنت مستغرب من الحركات ..
شويه ولا الرضيعه اتقولي تراه هذيلا ويانا في الكليه .. وهاي بويه والثانيه كلوزتها >_< ..



وعلى طاري حبني وبحبك .. وايدين ضاعوا .. :bash:
في واحد كنت اسولف وياه البارحه عن هالموضوع .. :k_nono:
قالي شوف يا مايد بلا حب بلا بطيخ .. الحب ماله وجود في هالزمن الكل الحين يربع ورا الماده ..
وما شي حب في هالزمن .. :fa55:
وقالي شوف فلان عرس وخذ حرمته عن حب وكان بيموت عليها ...عقب فتره عرس عليها وخذ وحده ما تسوى وين الحب والغرام .. وذابح عمره ولاحقنها .. ومتبهدل .. :boxed:
وواحد ثاني بعد كان بيموت عليها وظارب هله عشان ياخذها تم وياها سنه وطلقها .. وين الحب والسنين اللي كان يركض وراها !

ما شي شي يدوم .. والحب ما يدوم .. فالواحد ما يتعب عمره .. ويضيع دينه ..عشان شي مايدوم :smile2:

كلامك جميل مايهزك ريح، مره سمعت محاضرة، عن سوالف الشباب والبنات وأقولك بالمختصر، إنه الشيطان ممكن

يزين صورة الحرمه جدام الريال، والريال بإمكانه يتخيل ويحس إنه هاي أحلى وحده وغيره من هالأمور ..

مايد

بقولك شي ..
ترا مب البنات اللي فيهم سذاجه
بالعكس الشباب الأغبيا وصدق يعني يوم اقول متخلفين ترا متخلفين
مثل ماقلت ترا البنت لو تبيك بتييب راسك
مثل ما تكلمك ترا بتكلم غيرك
وايد شباب اضاربوا مع بعض عشان بنت ......
خلوها على الله
بس انا قصدي في كلامي ان البنت هيه اللي تتحكم في الشاب
وايد شباب يوم يكلم البنت تقوله حبيبي لا تطلع مع ربعك ...
ما يطلع
ويتغير على ربعه ومادري كيف



مايد يمكن ما بتصدقني
تعرف ان لين الحين بنات يكلمون شباب عشاب بطايق تلفون !!!
تخيل انت بس!!



عندي نكته بس ما بقولها !!
لو تبيني اقولها لك عالخاص خبرني ,,

والله العظيم اني ما أجامل يوم اقول
ان انظف واحسن شباب تعرفت عليهم لين الحين .. وبين فتره وفتره اشوفهم شباب التطوع ذنيني وكلكلوش والأسطوري

مجموعة انسان، يعني الحمدلله في شباب بيرفكت .. الله يحفظهم

المزوحي .. مجموعة انسان ..
الله يثبتنا يا رب .. جدام هالبلاوي ..

محمد .. انته شفت شباب اظاربو عشان بنت ..
انا سامع انه واحد في العين جتل ربيعه عشان بنت متخيل لأي درجه وصلو !

على طاري البطايق .. في قصيده ذكرتني بها اللي هي البطاقه ومعجباتي

http://forum.sh3bwah.maktoob.com/t81625.html

تخوفون .. .

...

:

كنت قاعده اكلم ربيعتي عن مووضعكم ..
وفعلا حسستني بـ اني انسانه منغلقه بزياده .. :surrender:

الله يستر جان هالامور صدق تستوي .. :sad:

:..

يحليلج يا انامل قلب ..
انا احين اقولهم الله يخليلكم اذا سوالفكم فيها بلاوي ما ابا اسمع بس علينا ..
ومن يدخلون في هالسالفه اقولهم غيروا الموضوع
انا افكر في هاذيلا اللي يدوامون في المحاكم والنيابه شو يسوون.. الله يعينهم ^_^