ياناس يا عالم شو رايكم بتركيا

أحب أعرف تجربة من زار تركــيا .. يخبرنا عنها ... من 1-10

وإن عندكم صور لرحلتكم .. تجربتكم .. الفنادق .. مع العلم .. مابغي موقع تركيا والفنادق ..
أبغي بأسلوب هل الإمارات :kcl:

السلام عليكم..

هالموضوع بيفيدك وااايد يالمزوحي..

http://oasis.bindubai.com/bin/showthread.php?t=31110

و اتمنالك اجازه حلوه .. ^_^

ماتقصرين يالطيبة ..... الحين بقرأ الردود ...

ana al7een fe turkia
t7dedn fe bursa
ro3aaaaaaaaaaaa ro3aaaaaaaa
als'lalat altelefrek
w 3'erha

السلام عليكم

أسميها تركيا ممزوره عرب السنه ؟ إلي كانوا بلبنان وسوريا كلهم سارولها....

بصراحه فرق كبير بين العام والسنه ....زحمة عرب غير طبيعية!:no0: :doh:

المهم افتتحوا من إسبوعين تقريبا مركز جواهر باسطنبول... أنصحكم تروحوله:ice:

رافقتكم السلامه

ولد الشحوح وقت ممتع

حلاة السفره وي جماعه =)

حلم الطفولة .. يعني عقب الأحداث اللي صارت في لبنان اتوجهوا لــتركيا ؟؟

بوظبي .. السفره مع جماعه أحلى .. بس مب أي جماعة طبعا ..

المزوحي ....الناس والصيف ؟ ودام لبنان الله يعينها فلازم يغيرون وجهتهم لبلاد ثانيه !

وصدقها بوظبي ...السيره ويا جماعه هيه أحلى ما في السفره ...

الله يحفظ كل مسافر:yes:

انا إلي اذكره من سوالف خالي,,إن عندهم جزيره للحريم,,يعني يقدرن ياخذن راحتهم بها,,هلي عجبني,,عنيه مش رايحتنهاا,,بتودني معااك خخخخ,,بس يمدحوونها,,حتى التوور قاايد إهنااك أوكيه,,ويمدحوون شعبهم معني اشك بهالشي,,يا الله ان شاالله تتونس وترجع وانت مستانس ربي حافظك

المزوحي

أنا عيبتني تركيا لانها بلاد مسلمين

و في نفس الوقت عندهم وايد أماكن يستاهلن أنه الواحد ايسير و ايشوفهن

:yes:

..

وحي القلم ... الاهل هناك ... أونه مب لين هناك 0... قلت لهم لا تحكمون .. يمكن توكم أول يومين .. وثانيا على حسب المنطقة يمكن .. وأمس ساروا اسطنبول ...

كانوا في أي منطقه ؟

يلوا أظن .. وزاروا حديقة لونا بارك أونه مافيها شي ...

وايد يمدحونها بس اتحمل لانه طلع فيها bird flu ف لا تاكلون دياي هناك

يلوا كلها عرب يعني الى يسير هناك بيشوف نفس الويوه الى انشوفها فالبلاد

يمكن عشان جيه ما عيبتهم

هي حلوه للي يبون الخضره و الاماكن المفتوحه

و فيها حمامات للماي الحار مادري أظني ايسمونه الماي الكبريتي و فيها شلالات بعد

بس اسطنبول و بورصه غير

..

:kkk: مادري ليـــش هالبلاد ما تدخلي فالزور < مع اني ولا مره سرتها ومابا اسيرلها لول

احسها مكان ثقافي
و حق طبيعه وحق ناس كبار وهالسوالف
يعني بإختصار للاستجمام ..
بس يمكن تنفع حقكم انتو الشباب

ملل :no0:

يعني الواحد يوم يسافر يكون من الاشيا اللي يسويها
والرئيسية هي الـ Shopping فـ في تركــيا احس مافيها شي شرات البلدان الثانيــه .. شو بسوي هنااااااك >.<
.
.
.

hmmm i c

وحي القلم .. يمكن عيل على حسب المنطقة ...
الياه .. يمكن لأنه تدورين على التسووووق من جيه ماعيبتج

هيه يعني الواحد مايسير حق طبيعه وبس ألا اذا كان روحه ماخذ إجازه ويبا يرتاح .. بس فالصيف ماحس هالبلدان تنفع الحريم والبنات ..
تسافر تطمش بس ؟ وترجع لبلاد
وترد تتشرا من لبلاد هذا اذا عندك وقت أو تكون راد لبلاد وما بقى شي عن الدوامات ..

مب كل البنات و الحريم يا الياه :ttmasha:

أنا استانست هناك

لانه الى شفته في تركيا ما جد شفته فمكان ثاني

يعني الواحد ايعرف هناك شقايل كانوا المسلمين أقويا و الباقين تحت نعولهم مب شرات الحين

خصوصا توبكابي الأشيا الى فيه روعه

يوم الخميس يايه منها وايد حاره السنه تركيا :fa38:

حركات .. الاهل قالوا حارة .. لكن أول مره يسيرون ويوم انتقلوا بالعبارة يقولون الجو حلو ...
متقلب الجو .. لكن تقدرين تقارنين إذا مسافرين لها من قبل ..

سايرتلها قبل مرتين اخر مره من 13 سنه بس اذكرها عدل
قبل احلا بوايد

اسنطبول حاره بس المناطق اللي يسيرولها بالعباره ابرد
يوم واحد بس طاح المطر ف اسطنبول الثلاثاء اعتقد
نحن ماسرنا المناطق البعيده بس يلوا يوم واحد

مااستانست فيها وايد ومثل ماقالت الياه مكان ثقافي وتارخي ماتنفع حق الـ Shopping

يا حبكم حق الشوبينج ... هههه .. زين الحمدلله على السلامة واللي عنده صور من تصويره مب من مواقع ثانية لايبخل علينا ..

أنا عندي بس تبى صور أي منطقه بالضبط ؟؟

اللي تقدرون عليه حطوه مب مشكلة ....

المزوحي

في اسطنبول شي وايد أماكن تاريخيه منها متحف توبكابي و هذا فيه شعرة الرسول صلى الله عليه و سلم و ضرسه و غبار من عند قبره و سيفه و رمحه و وايد أشيا من غير كانت للصحابة و سلاطين العثمانيين

http://www.0zz0.com/2006/08/13/897696274.jpg

و عندك قلعة محمد الفاتح و المسجد الأزرق و مسجد أبو أيوب الأنصاري الى اندفن فيه رضي الله عنه و فيه اندفن محمد الفاتح ،، و آيا صوفيا الى كانت كنيسه و حولوها المسلمين مسيد و عقب ما حكمهم أتتورك سواها متحف

قلعة محمد الفاتح

http://www2.0zz0.com/2006/08/13/785420099.jpg

آيا صوفيا

http://www.0zz0.com/2006/08/13/180307652.jpg

و من غير هالأشيا عندهم مطعم على راس اليبل اتشوف منه جزء كبير من اسطنبول ايسمونه بيير لوتيه و فيه تلفريك ،، و السوق المصري بعد (سوق شعبي) بس بعد حلو

http://www2.0zz0.com/2006/08/13/817197939.jpg

و في بورصه شي يبل أولوداغ تسير له بالتلفريك وايد حلو و بارد و شي عندهم شلالات بعد

http://www2.0zz0.com/2006/08/13/936394497.jpg

و في يلوا شي شلال ايسمونه سودوشان

http://www.0zz0.com/2006/08/13/927929147.jpg

و وايد أماكن بعد بس هذا الى عندي الحين

:)

..

السموحه

و جزيرة الأميرات

هاذي ما فيها سيايير بس عربات

http://www2.0zz0.com/2006/08/13/161903729.jpg

http://www2.0zz0.com/2006/08/13/352687476.jpg

السلام عليكم

ما شاء الله عليج يا وحي القلم ......... صور تنطق بمعالم تركيا

تركيا السنه كانت حلوه .......... الحر بس باسطنبول وإلا يلوا وبورصه جوهم رهيب :fa35:

الحمد لله على السلامه صديقة ربيعتي:yes:

الله ايسلمج يا حلم :fa35: ،،

مرحبا

تركيا الصراحة فنانة وااايد عيبتني

ما أطري الأسواق مثل ما وايد ناس يفكرون

أقصد الطبيعة و الآثار،،، خاصة الآثار من أيام الدولة البيزنطية و الدولة العثمانية (بس آثار العثمانيين أحلى و أفخم)

آثارهم تراويك أنهم صدق كانوا ملوك مثل ما قالت وحي القلم

اقتباس:

---

الواحد ايعرف هناك شقايل كانوا المسلمين أقويا و الباقين تحت نعولهم مب شرات الحين

---

قصر توبكابي و اللي فيه أكبر دليل طبعا من غير الهدايا اللي كانت تيهم من بلدان العالم
من الصين و كوريا و أوروبا و غيرهن "بس الهدايا وايده"

أنا سرت اسطنبول و يلوا و بورصة، بس اللي عرفته أنه تقريبا كل مدنها فيها آثار
و ان شاالله إذا الله راد نسيرلها المرة الياية لاني الصراحة ما شبعت منها :fa35:

في اسطنبول كل الأماكن اللي سرنالها أثرية "ماشا الله وحي القلم ما قصرت في الصور"
حتى السوق المصري جديم، فيه بهارات و وعيان و وايد خراوشين

يلوا المنطقة اللي يلسنا فيها أسمها ترمال (منطقة الينابيع) منطقة مرتفعة بعيدة عن البحر شوي
بس خضرا و جوها حلو و ياها مطر يوم واحد و احنا هناك

اللي عيبني فيها أنها صغيرة مثل القرية هلها يعرفون بعض جنهم عايلة وحده
الدريول اللي سرنا وياه للشلالات كل ما مرينا على حد وقف و سلم
واحد يزرع و واحد عنده طوي واحد محمل حطب حتى الصغارية يسلم عليهم

حلوة حياتهم، بسيطة و مرتاحين
"أفكر أسير أعيش عندهم" :harhar1:

حتى الفندق اللي سكنا فيه جنه بيت مب فندق وايد شرح و اللي يشتغلون فيه طيبين و خلوقين

كانوا وايد عرب فيها بس ما يظهرون غير العصر لين نص الليل فالصبح كان يعيبني أكثر يوم أطلع كلهم هل البلاد ماشي عرب :tounge:

بورصة ما تحوطنا فيها وايد سرنا ("أولوداغ" الجبل الكبير) بالتلفريك و بعدين بالسيارة عند الثلج فوق
بس هذي المرة ما كان الجو بارد مثل المرة الأولية اللي سرنا فيها كان الجو أبرد و الغيوم كانت قريبة

في بورصة بعد سرنا جامع الأربع و عشرين قبة هذا بعد من أيام العثمانيين فيه لوحات و آيات اللي مسونها الخطاط التركي المشهور "سنان"

بس لوحاته ما جد شفت مثلهن وايد فنانة لوحاته إذا سرت ان شا الله لا تفوت هذا المسيد
عداله شي سوق بس ما عرفت أسمه كل شي كان فيه ذهب ثياب أثاث مستلزمات بيوت و طبعا وايد منها منتجات تركية

أخيرا نصيحتي للي بيسير و يبغي دليل سياحي يختار واحد تركي لأنه العرب معلوماتهم مب مثل هل البلاد :bow:

هذا اللي عندي احينه و يمكن تكون لي عودة

وحي القلم شكرا على الصور ...

أنشودة المطر شكرا على الإضافة

المشكلة انكم ما تيلسون في بورصة واذا رحتوا يوم ولا اثنين والاماكن التقليدية ما تكتشفون وتغااااامرون انا ويا الاهل يوم سرنا الشلال الصغير في بورصة مرينا على مزرعتين للاترااااااااك ويلسنا وياهم وكيلنا من زرعم وتمشينا مرة في بورصة حصلنا متحف خاص واحد مسونه وايد حلو حاط فيه ثياب زمان واهل كل منطقة شو يلبسون وانا مسافر تركيا 5 مرات وبعد ما مليت بلد يصلح للعايلات بس ما ارتااااااااااح ليلوا واسطنبووووووول وايد احب بورصة وايد

ولد الشحوح بس تركيا أغلى عن بلادنا

بالنسبة لبلدان ثانية رخيصة

يا جماعة دخيلكم ادور على معلومات عن مطعم او فندق على جبل في اسطنبول واسمه بيير لوتيه حد يساعدني

اقتباس:

---

المشاركة الأصلية كتبت بواسطة ام علي الحمادي

يا جماعة دخيلكم ادور على معلومات عن مطعم او فندق على جبل في اسطنبول واسمه بيير لوتيه حد يساعدني

---

http://bedentravel.com/

السلام عليكم..

مع اني سرت تركيا بس ما شفت ربع الي طريتوه... وايد وايد تام في خاطري اسيرلها مره ثانيه

الحمدلله على السلامه ( قصدج جريب سافرتي ) ؟!!!!

همم يمدحونها وايد، وماتسد تزورينها مره ، من جيه كنت اسأل عنها