الي يبا يضعــف يدخل هنــــي الحيين

رتبت اموري و حطيت لعمري بلان
و ان شاء الله ان شاء الله من باجر الصبح بسير الجم

حاليا دوامي من الساعه ٧-٢ فليل
يعني الصبح ما عندي شي اسويه و اهم شي انه الصبح الجم يكون فااااااااضي و بتمرن على راحتي

سويت ريسيرج في النت و قريت كتاب عند ربيعي اسمه body for life
حبيت اسلوب الكاتب و التكنيك الي يستعمله

طبعا الريال نظامه عباره عن نظام اكل + رياضة
اول شي بتكلم عن الرياضة و عقب بقولكم عن نظامه الغذائي

الرياضة تعتمد على نوعين من التمارين, الاول الي هو رفع الاوزان, و الثاني هي تمارين الايروبيكس
سواء جري او سيكل او وات ايفر
طبعا تمارين رفع الاثقال تكون لمدة ٣ ايام في الاسبوع و الايروبيكس ٣ ايام و يوم واحد اجازة
اليوم الاول يكون الجزء الاعلى من الجسم + الظهر
اليوم الثاني ايروبيكس
اليوم الثالث الجزء الاسفل من الجسم + معده
اليوم الرابع ايروبيكس
اليوم الخامس الجزء الاعلى + ظهر
اليوم السادس ايروبيكس
اليوم السابع استراحة
و بما انه اخر شي سويناه هو فوق + ظهر, معناته انه احين لازم نبدء بـ معده + اسفل و نكمل على نفس الطريقة

بالنسبة للاكل

النظام محددلي ٦ وجبات صغار في اليوم
تعتمد على شي اسمه الحصص الغذائية, كل حصه عبارة عن مقدار اكل بحجم قبضة اليد المسكره
و كل وجبة فيها ثلاث حصص عبارة عن حصة بروتين و حصة كاربوهايدرات و حصة خضروات

الكتاب قارنه من قبل لكن قريته بدون تركيز
هالمره قريته عدددددل و قمت افهم و استوعب كلام الكاتب و بديت اقتنع كلامه و وجهة نظره

لمزيد من المعلومات عن النظام ادخلوا الويب سايت
http://bodyforlife.com/

و لمعرفة النظام بتفاصيله ممكن انكم تشترون الكتاب من مكتبه المجرودي

أختي الصغيرة يالسة حذالي ..

قالتلي دشي ردي على هالموضوع اللي يبا يضعف

بس قوليلهم ابا امتن ههههههههه


.
.

حتى هاي الياهل تتطنز علي >< !

لول =)


..............................


انا برايي اهم شي الارادة تكون عند الواحد .. واعرف شخص قدر ينزل 10 كيلوات في شهرين

وان شاء الله ناوي على عشر كيلوات بعد خلال شهر ونص ..!

بس اهم شي الرياضة المستمرة =)

بس هذا كله يباله ارادة وعزيمة =)

.....

وان شاء الله كلكم توصلون للأوزان اللي تبونهـآ .. =)

يمكن تضحكون علي

بس كتبت لعمري لستة كتبت فيها كل الاسباب الي تخليني اتغير و علقتها على باب الحمام xP
و معلق جينز قياسه ٣٨ على الكبت عشان كل ما اشوفه اتذكر و اقول اني خلاص ابغي اشتري جنزات يديده غير الجدام الي احجامهم كبيرة xP

انزين ابا اشوف شو هـآي اللستة لووووووووووول =)

يلا زين .. الله يسهل علييييك وتوصلل للي تبـآه

وماشالله ارادتك قوية مبينه ^__^

ناصر :

خطوة حلوة :fa42:

يلا عقبال ما نشوف ذنيني اليديد عقب فترة .. بس أهم شي إنه ما يصيبك الإحباااااااط و ترد تتكاسل .. لو نزلت كيلو ، اظهر إعجابك بذااااتك

حبّييييييت حركة البنطلون :fa47:




==================================






رمش : 10 كيلوووو في شهريــــــــن أو شهر و نصصصص !!!!!!

ما يستوي لوووول .. هذا مخربط =p


لأن مستحيل ينزل في الأسبوع أكثر من كيلو وااااااااحد دهون لو شو ما سوّا الإنسان

لكن لو نزل وزن الشخص أكثر من كيلو في الأسبوع معناته إنه "كيلو واحد دهون و الباقي عضل و ماااااي" و هالشي يضر ما ينفع :fa36:

شمــعة أمل ...
النظام الي تتكلمين عنه تقريبا نفس نظام الدكتورة ريتا في عيادة ويت كيير في الهيلث كير ستي .. سرتلها من فتره و سوتلي نفس الي قلتيلي عليه و طلعت عندي مشكله في الانسولين و عطتني دوا عشان احافظ على معدل الانسولين و قالتلي شو الاشيا الي ممنوعة عليه و الاشيا الي اقدر آكل منها بدون ما افكر حتى لول :b050:
نظامها صحي و جيد ..
و للي مايقدر يسوي رجيم و مايقدر ياكل اكل الرجيم، أحسن طريقة (انا مجربنها) انه يسير عند Lively أو العيادة الثانيه نسيت اسمها بس انا افظل لايفلي ... هاييلا يعطونكم الوجبات الي لازم تاكلونها طووول اليوم من ريوق و غدا و عشا، الوجبات تشببببع يعني ساعات صدق احس اني شبعت وماقدر اكمل الصحن و تخيلو في آخر الشهر نزلت حوالي 9 كيلو (بدون رياضة - بس مشي خفيف) بس مشكلتهم اني لازم اتقيد بالبوكس الي يطرشونه و انا مشكلتي كله برع البيت ( في الشغل ولا اخلص اشغالي الثانية برع ) ف لازم التزم بمواعيد أكل محدده ..
ذنيني ...
Body for Life
هالبرنامج ممتـــاز .. اربيعي خبرني عنه قبل كمن شهر و قالي ابتد ويايه.. المهم انا مابديت و هو بدا ..
البرنامج عباره عن كورسات، كل كورس فيه 12 اسبوع ..
يوم السبت الي طاف اربيعي خلص ال 12 اسبوع، ماخرب فيهم و كان ماشي عالجدول + الرياضة ..
نزل 16 كيلو، رقبته خفت نص انج، الويست حوالي 3 و شويه أو 4 !!
وعلى فكرة الريال هذا مب مواطن، بريطاني، ف وااااااااااايد بان عليه خصوصا اني كل يوم اشوفه بالبدله و أول ماخلص ال 12 اسبوع اشترا بدل يداد و شفت الفرق تميت جييييه :pullhair:
و على فكرة، 16 كيلو لهالريال ترا انجاز لأنه طويل (طوله 185 تقريبا) و كان وزنه 113 (يعني مب متين وايد) .. يعني لو انا اسوي نفس الي هو سواه احتمال انزل اكثر .. و هو اشترك في النادي الي في فندق البستان روتانا (عند المطار) ..
النظام هذا وايد ممتاز، حتى في موقعهم لو تشووف حاطيلك انواع الرجيم و شو تاكل و الرياضة .. انا طبعت كل هالاشيا و سويتلي فايل كامل ..
انا شخصيا جربت وااااااايد اشيا،،، و اشوف ان بودي فور لايف و الي يسوولك اياه في عيادة الويت كير الي تكلمت عنها في ردي على شمعة أمل و عيادة Lively هم احسن شي ..

لا حبيبتي قصوودة .. لا مخربط ولا شي

وانا اعرف وشفت النظام اللي ماشي عليه ..!

بس المشكلة ان الجسم يباله ريااااضة وااااااااااايد الحين ..!

والحمدلله بالإرادة قدر انه ينزل .. والفحوصات اللي سواها الحمدلله أطمن بس يحتااي ريااضة اهم شي وعقب يقدر يكمل ينزل بعد =)

الا انا
الله يباااارك فييييييج!
ابدي رجيم ويانا :)


ذنيني
البلان عجيب! واذا ركزت عليه وماخربطت بينفعك :)
good luck & work hard

على طاري الجينز.. انا مره حصلت جينز وايد وايد حلوو.. القصه عجيبه وفيه حركه وايد حلوه.. بس ماكان عندهم مقاسي! ومستحيل آخذ الأكبر فـ خذت الأصغر.. والجينز هذا عقمته دقمه.. يعني مايستوي تلبسونه الا لو يسدكم.. قلت لنفسي.. من كثر ما هالجينز حلووو اكيد بظعف.. لازم البسه! وايد وايد كان عايبني الجينزز..
وحطيته في الكبت وكنت اجربه كل اسبوع.. وآخر يوم جامعه يربته وسدنيييي! جان اصوره واطرش الصوره ام ام اس لكل ربيعايتي p; الحينه هو شوي وسيع!
بسير اشتري سايز اصغر مره ثانيه.. وهذا بيكون سايزي المثالي مابا اظعف زياده من عقبه! وان شاء الله يسدني في 10-7



قصايد غلا
منوو قال.. امبلا يستوي.. انا مره نزلت 3 كيلو دهون وزدت كيلو عضلات!
وأعرف واحد خسر عشرين كيلو في ثلاث شهور.. وآخر خمس شهور ظعف 10 ..
كيلو دهون في الاسبوع بالكثير؟ حرام عليج p; صدقيني يستوي اكثر


لماح
أنا أسير عندي ريتا :) عندي مشكله في القلوكووس عشان جي.. ونفعتني :) دواها خايس.. فـ قمت آخذ نفسه بس slow release نشتريه من لبنان.. مافيه سايد ايفكتس الحمدالله! عكس الثاني اتم مدوخه طول اليوم =s
وعن لايفلي.. يعتمد على أكل البيت
انا لايفلي مانفعني بدال مايظعفني متني.. لانه أكل بيتنا وايد صحي وأوروبي.. وكل شي فرش.. الى ماحبيته في لايفلي انه اكلهم مب كله فرش =s يعني المشروم يكون مشروم قواطي.. فـ مارمت اكمله (هالشي من سنتين مادري ثلاث)

لكن وحده تقربلي سارت وظعفت اظني 6 كيلو.. لانه هم اكل بيتهم عيووش وصالونه على الغدى.. والعشا سندويجات ولا فطاير! فـ الناس الى اكل بيتهم جي لايفلي وااااايد بينفعهم

هلا أختي شمعة أمل .....
أنا حسيتبها زينه و دواها جيد
لايفلي نفعني برنامجهم لأني ما أكل في البيت اصلا فبدال الجنك فوود كنت أكل أكلهم

الحمدلله مستوية أواظب عالرياضه ، بس الأشيا اللي اروم اسويها بالبيت ،
يعني بين المشي السريع والخفيف والجري ، وبين تمارين الاستبس ، والتمارين الثانيه ،
صدق تحسون بالفرق وشلون انكم تتنشطون / حماس !

ووووو مستوية اشرب ماي أكثر ، بس سؤال ؟

امم اللي اعرفه ان شرب الماي
قبل وخلال وبعد الرياضه عادي ، صح ولا !

هئ هئ هئ انامل قلب ابغي امشي ابغي امشي بس حررررررر موت

ومادري ليش ما احب اسير الجم

الحل : ....

صدق لازم ارد امشي

الحل انك تمشي بالبيت اذا في مجال ،
واذا ماكو فـ ماعندك غير ان اتيب جهاز المشي للبيت إذا كنت لازلت ماتحب تروح للجم ،
والا اضغط على عمرك وسير الجم [ صدق الرياضه نشـــــاط / نصحصح !

انامل قلب لا تشربين ماي خلال و بعد الرياضة على طووول مو زين يأثر على القلب


الاسبوع الي فات كنت تقريبا كل يوم بالليل امشي
صدق تحسوون بنشاااط و يهدي اعصابكم
+ يوم لو تمشووون كل يوم تقدروون تاكلون ع راحتكم من دوون ما يزيد وزنكم
بس المشي لازم يقل عن 35 دقيقة

المزووحي صح ان الجو ابدا ما يشجع
بس حاول تمشي بالليل جي عقب الساعة 10 احس شوي الجو احسن

ياليت تفيدونا على نادي رياضي للسيدات

أنامل قلب ما في مجال في البيت + بس تدرين خطر على بالي اشتري سيكل ، بس مب جهاز السيكل - لا -

اقصد السيكل اللي نهوم به في الفريج أول : )

.....

عفاريتووو مستحيل امشي هالوقت، لأنه اكون تعبان نوعا ما - بس في النهايه احتاج امشي

عفاريتوووو ، عيل متى نشرب !
احس مادري ، وايد أعطش بعد الرياضه :fa54: ..

,

اختي الموز ، ما سبق واشتركت بنادي ،
فـ ماعندي العلم بالموضوع ، ان شاء الله غيري
بيفيدج من أصحاب الخبره :k_smile2: ..

,

أخوي المزوحي ، حلو لو اتيبلك سيكل ،
مع اني ما سبق وركبت السيكل المتحرك ،
بس أحسه اوك / حماس ^^

,

وايد مستانسة اني صايره ملتزمه بالرياضه ،
جي نفسيتكم تتحسن وتتنشطون =)

انامل ادري ادري شعور الرياضة ، بس خليني ارتب عسب هالموضوع

يبالي انامل

http://images.loqu.com/contents/856/...-01-10/1_7.jpg

^__^ ..

فكيت عمري وسويت لي Gym بسيط في البيت ..
اتشجع انا والرضيعه .. وعقب ايوون عيال اختي وايلس اضحك عليهم ^_^

الموز .................. في نادي fitness first للحريم في الواحه مول .. ^_^!!

شو فكرة الجم مايهزك ريح ...

الموز اختي سجلت في fitness first اللي في الواحة اللي يطريه مايهزك ريح

مرحبا مروان ..
شريت treadmill
http://www.argos.co.uk/wcsstore/argo...9UC465765M.jpg

+ crosstrainer ..

http://ecx.images-amazon.com/images/...yL._AA280_.jpg

على كمن ثجل ..

http://www.johnlewis.com/jl_assets/p.../000001556.jpg


وسيديات P90X.. extreme home fitness من امريكا

وبادين رياضه في البيت عقب الدوام ^_^!!


http://www.extremebodyworkout.com/

تدري مايهزك ريح ، إني أمل من هالشغلات، يعني أدري بعمري لو اشتريت جهاز ما بكمل التمارين عليه ...

بس يبالي تشجيع الصراحه .. مليييييييت من عمري .. ومبروك على الاجهزة :)

الله يبارك في حياتك ..
انا الصغيره اللي في البيت ادق عليه اول ما ارد .. عقب الدوام ..
اكون انا على جهاز وهيه على الجهاز اللي عداله .. وعقب نتبادل الأماكن ..
فهي مشجعتني ..
لأنها تبا تظعف وتبا حد يسوي التمارين وياها .. ^_^

^والله انا اعطيك لقب الاخو المثالي D=

اقتباس:

---

المشاركة الأصلية كتبت بواسطة تحفه

^والله انا اعطيك لقب الاخو المثالي D=

---

صدقتـــــي... ماشاء الله عليك :)

كملت اسبوع و نقصت كيلو بالضبط
باقي ١٩ كيلو عشان اوصل للوزن الي اباه

^
ناصر حط لك خطه مدتها 5 إلى 6 شهور على الأقل عشان تنزل هالوزن ..بمعدل 2 كيلو في الشهر عشان ما تتعب !
وعقب لازم اتثبت وزنك 6 شهور على الأقل عشان تموت الخلايا الدهنيه وما ترد تمتن ولا ما شي فايده ..
الدكتور قالي هالكلام !


شوق القلوب .. تحفه .. مشكورين .. ^_^!!

نصور كم نقصت لين الحين؟

اقتباس:

---

المشاركة الأصلية كتبت بواسطة عفاريتووو

انامل قلب لا تشربين ماي خلال و بعد الرياضة على طووول مو زين يأثر على القلب

---

لا لا لا! غلط!

أنامل اشربي ماي أميه! اليوم كنت يالسه أرمس عن هالشي ويا مدربتي (وبعد عندها شهادات في النيوترشن)
لازم تشربين ماي خلال الرياضه!! هالشي لازم لازم !! بس يكون شوييييه! يعني سرطه وحده!! كل خمس ولا عشر دقايق!! خطر عليج لو مول ماتشربين ماي! لانه يوم تعرقين.. تخسرين ماي من جسمج.. واذا انتي تمارسين رياضه عدل وماتشرين ماي خطر على عضلاتج وجسمج

الزبده: اشربي ماي بس مب كميات كبيره :)

اقتباس:

---

المشاركة الأصلية كتبت بواسطة لمّــاح

هلا أختي شمعة أمل .....
أنا حسيتبها زينه و دواها جيد
لايفلي نفعني برنامجهم لأني ما أكل في البيت اصلا فبدال الجنك فوود كنت أكل أكلهم

---

انا أخذ نفس الدوا بس من لبنان..slow release على مدى 24 ساعه عشان مانصدم مره وحده :)

عيل لايفلي بينفعك دامك تاكل جنك فوود وايد

بالتوفيق :redface:

الموضوع والبرنامج حلو ومفيد، مشكلتي إني احتاج تخفيف منطقة الأرداف، هذا اللي أعاني منه ..

هل احتاج اسوي سيكل بس ... ؟!

يوم تسوين رياضة الجسم ما يحرق في منطقه وحده بس
يحرق الدهون من كل مكان
و عاده يبدأ بحرق الدهون في المنطقه الي تجمع فيها اخر شي

يعني لو حد عنده دهون في منطقه البطن و الارداف
لكن المتن عنده بدأ اول شي في البطن و بعدين في الارداف
تحصلين انه الحرق يبدأ من الارداف قبل و عقب من البطن

بس الدهون تحترق بشكل عام في كل اجزاء الجسم
و السيكل وسيله جيده للحرق و في نفس الوقت تشد عضلات الرجل
جربي المشي السريع لمده ما تقل عن اربعين دقيقة يوميا
طبعا بالتدريج لو ما كنتي متعوده على المشي
و ممكن تنوعين و تستعملين السيكل بس كـ بداية انصحج بالمشي اذا عضلات ريلج مب قوية بما فيه الكفاية


انا الين الحين ما بديت برنامج بدي فور لايف. بعدني احاول ازيد لياقة جسمي في البداية و يوم بحس اني مستعد جسديا ببدأ فيه بشكل جدي

مايد P90x يباله جيم ولا ما يحتاي ؟؟
شو المعدات الاساسية الي تحتاجها ؟

انا اللي يبالي مشي، صار لي يومين اشوف اجهزة المشي في كل كورنر ....

اقتباس:

---

المشاركة الأصلية كتبت بواسطة شمعة أمل

لا لا لا! غلط!

أنامل اشربي ماي أميه! اليوم كنت يالسه أرمس عن هالشي ويا مدربتي (وبعد عندها شهادات في النيوترشن)
لازم تشربين ماي خلال الرياضه!! هالشي لازم لازم !! بس يكون شوييييه! يعني سرطه وحده!! كل خمس ولا عشر دقايق!! خطر عليج لو مول ماتشربين ماي! لانه يوم تعرقين.. تخسرين ماي من جسمج.. واذا انتي تمارسين رياضه عدل وماتشرين ماي خطر على عضلاتج وجسمج

الزبده: اشربي ماي بس مب كميات كبيره :)

---

يزاكم الله خير =)

اليوم حسيت عمري اسوي دعاية نايكي
لول

حطيت الايبود و شغلتلي كمن اغنية تيكنو و ركضت من خاطري ! لول
بس صدددددق يوم خلصت حسيت بشعور جمييييييييل و كأني مسوي انجاااااز و هو فعلا انجاز بالنسبة لي

إن شاء الله ببتدي من باجر :thumbup1: احس بخمول فضيييييييع هالأيام :k_no:

مرحبا ناصر .. تحتاج كمن ثجل + Mat ..بس ..

وانا ابتدي بالـ treadmill لـ 30 دقيقه كتسخين .. وعب اشغل الديفي دي مال P90x
يمكن انته ما تحتاج ..
وفي شي نسيت اقوله انه هالسيديات بس حق 90 يوم .. ويترتب جسمك .. وعقب ما تحتاج اتعيده من اول لأنه بيعطيك
تمارين للـMaintenance

ما يهزك ريح كم تمشي على ال treadmill ؟

انا ربيعي كان يضغط على عمره ويتعب، يبغي نتيجه سريعه