.. يمعتنا يا محلاهـــــــا .. [الأرشيف] - الصفحة 5

أنامل قلب

13-03-10 ||, 07:45 AM

يالله يالحسد :oh:

شوفي برع البيت مب شرط حواطه في السياره وبس

في شباب بس في السياره ويتالون من مكان لمكان

ونوعيه يحبون مركز معين ويحوطون فيه

نوعيه يختارون كوفي معين واكثر الوقت هناك

ونوعيه يسيرون يلسون في ميلس بيت واحد من الشباب

ونوعيه يسون كل هذا اللي فوق :unclesam:

وفي حد يحب البحر أو البر

انامل والبنات شو يسون برع البيت :h_negab:

لا لا لا ما يخصه الحسد ، صدقني نحن حتى لمن بنتحرطم "نبي نظهر"
بس تلقانا اذا صار وظهرنا كذا يوم ورا بعض نتعقد ونبدي نتحرطم "أبقعد بالبيـــت" !.

وبعدين طلعاتنا تكون لـ وقت وتالي نرجع البيت ، مو مثلكم من صباح الله خير ليـ حزت النوم =#

جان تبي الصدق مادري عن البنات ، بس عني ما صار إني ظهرت حواطه بس جي بالسياره ،
يمكن لأن بعدني حديثة عهد بالسواقه ، عالأغلب يكون عندي شغله ولا بنسير مكان او بلتقي ابـ أحد ..

فـ :k_special2: !.

أنامل قلب

13-03-10 ||, 07:46 AM

انزين ، مادري شو قعدني من نص ساعه ، مول مافيني نوم !..

مزن هتان

13-03-10 ||, 09:54 AM

السلام عليكم و رحمة الله و بركاته
صباح الخير :)، داخلين الضحى العود و أنا بعدني أصبح

مــهــابه

13-03-10 ||, 11:21 AM

^
صبـآحج فـل ونـرجس ويـآسمين

عـآدي الحـآل من بعضـه مـزن

قبـل شوي نـآشه وانا اللي رقدت امس بدري ع اسـاس اني بنش الصبح ادرس ..

بـروح آتـريق ~ ! ..

نـــتلآقــى

.

.

أنامل قلب

13-03-10 ||, 11:28 AM

مادري ليش حابسه عمري بالبيت ،
اقول بظهر ، القاهم يظهرون ، واختار إني أظلني قاعده ..

مــهــابه

13-03-10 ||, 12:09 PM

^
حلـوه يلسه البيـت =p

يمدحـونهــااا

أنامل قلب

13-03-10 ||, 12:42 PM

إي حلوه ، بس نبي نغير جو شويه ،
وكأن صرنا عايشين ابـ سستم !.

المزوحي

13-03-10 ||, 01:38 PM

السلام عليكم

انامل ليش تتكلمين روحج :a032: هههههه

ليش في بنات يحوطن بالسياره :k_devil2: نيااااهااا

اليوم سرت شريت لي مجلات وكتب ولبس يعني دلعت عمري

New Look المزوحي :fa46:

أنامل قلب

13-03-10 ||, 01:51 PM

يحليلك ، امممم !.

عن الحواطه ،
امبلا في ، وشكلي بجرب قريب ..

أشوفكم على خير ..

مناير

13-03-10 ||, 02:13 PM

المزوحي: أحلى شي نيو لوك بين فتره والثانيه يلا اخويه تتهنى في الاشيا اللي خذتها ان شاء الله

جان تبي كتب من عندي بعطيك تراهن مازرات المكتب عندي ( كتب المدرسه ) مادري بلايه هالتيرم كارهه المدرسه

من خاطري، اففففففف

دمعة شوق

13-03-10 ||, 04:54 PM

مسـآء آلخـير وآلآحسـآس وآلطـيبـه ,

يقولون عندي دراسه والف شغله وشغله ..
بس قلت ادخل مالي بارض حآليا ً ^^"

المزوحي

13-03-10 ||, 05:15 PM

لا مناير مابغي كتب مدارس

وإلا أقول عطيني لابد إنه نتثقف من الكتب

دمعة شوق شوفي الأولويات وبيكون لج بارض

المزوحي

13-03-10 ||, 08:52 PM

ماتعشيت للحين ... هممم شو آكل ياترى !

دمعة شوق

13-03-10 ||, 11:23 PM

^
الحمدالله خلصت كل اللي علـيّ ,, وارتحت ^^

هاا عسى تعشيت شي خفيف يـ المزوحـي ,

مجموعة إنسان

13-03-10 ||, 11:51 PM

هههههه
دمعوووو نحن معطينااا الف شغله عسب نخلصها وانا ما سوييييييت ولا شيء ابددد هههه

باجر بسوي قبل الكلاس هههه

اليوم سرت الشارجه وصلت اختي الجامعه واعقب سرت دبي موول تمشيت شوي مع نصور وتونييي بس واصل البيت

محشش بيسافر مع ربعه.. وطول الطريق للمطار وهو يردد: ياليتني جبت التلفزيون ياليتني جبت التلفزيون، ويوم وصلوا للمطار قالوا ربعه: ازعجتنا وش تبي بالتلفزيون ؟ قال:الجوازات فوقه‪ !!!‬‪

أمطار

14-03-10 ||, 01:09 AM

صــباح الليـــل. . .

"
واحد فيلسوف وواحد أمي

طبعـًا الأمـي معروف هو إلي لا يقـرأ ولا يكـتـب ،،،

راحوا رحله تخييم فى الغابه
وبعد ما وصلوا الى بقعه جميله...
أعدوا خيمتهم وتناولو العشاء وتسامروا
ثم ذهبوا للخيمه للنوم
وبعد منتصف الليل... ايقظ الامي صديقه الفيلسوف
وقال له: انظر الى الاعلى وقل لى ماذا ترى؟
فقال الفيلسوف: أرى ملايين النجوم
فسأله: وماذا تكتشف من هذا؟
ففكر الفيلسوف قليلاوقال:
لو قلنا فلكيا ، فهذا يدلنا على وجود مئات وملايين الكواكب والمجرات
اما بالنسبه للوقت فتقريبا الساعه الان قبل الثالثه صباحا بدقائق،
وبالنسبه للجو....فأظن ان الجو سيكون صحوا وجميلا غدآ
ثم أخيرآ فإن الله سبحانه وتعالى يرينا قدرته ، وكم نحن ضعفاء وتافهين بالنسبه لهذا الكون العظيم
لكن قللى انت : على ماذا يدلك هذا المنظر...؟

فقال الأمي :
ياحمار ، خيمتنا انسرقت
"
:fa46:

شخبــاركم ^^~

مجموعة إنسان

14-03-10 ||, 01:30 AM

ههههههه
بخصووووووص الفيلسووووف بس هههه
مجموووعة مطر
شخباااارج؟
خل اقص عليج شوي
يقولج البارحه حلمت فيج حلم شو من حلم بس
حلمت انج تمشين في صحراا بس شو من صحرا
الرمل احممممر والسماااا بنفسجيه
ما تنفعج التفاصيل بس اخر الحلم نشييييت بصراحه هههه
شرايج في الحلم ؟! ههههههه

شو هالرقاد اللي مب طااايع اييي
شكلي انا اللي بروحله

أمطار

14-03-10 ||, 01:44 AM

مجموعــة "نفر" . . .

حشـا .. فلم رعب هب حلم~
رمال حمرا وسما بنفسجيه .. هممممم

بدا خيالي يشتغــل ..

ارقتني ألمـاً ..
تمـاماً كـ لون الغدر ~

تنــاثرتنـي حلماً ..
كـ أمطــارٍ هَمجية ..

ذات فجــر ~

بلون البنفسـج ..
نسجت فستــان زفافــي ..

و بطعنتٍ من خنجركـ النجدي ..
احتضــر في صــحراء هجرك.. و لـ تتلوث أحــلامي. . .

p=

مجموعة إنسان

14-03-10 ||, 01:56 AM

اقووووول

كيف حالج
عسى حالج تمام ههههههه

لوسمحتي لا تسرقين احلامي ! تراها اخراج عباس محمود العقاد الله يرحمه ههههه

من زماااااان ما كتبتي ونزلتي شييي

انا ماخذ درزن كتب من المعرض ولييين الحين ما نزلتهن من السياره
مادري متى بتفيج ابدا اقرا ههههه

أمطار

14-03-10 ||, 01:59 AM

هههههههههههههه

خلاص آسفه .. آخر مره ما بعيدها ..

ع طاري المعرض ..
أنا بعد ماخذة مجموعة لا بأس بها .. افتح من كل كتاب كمن صفحة واسكرهم ..
ما بديت اقرا شي منهم =)

شتشووته

14-03-10 ||, 01:59 AM

مرحباااااااا

اشحااالكم ؟؟

استوييت كل يوم اطل عليكم عقب مايرقد ريلي خخخخخخ

أمطار

14-03-10 ||, 02:02 AM

هــلا شتشوته . . .

الحمدلله نحن بخيــر ..
إنتي شخبارج وشو صحتج؟!

شتشووته

14-03-10 ||, 02:03 AM

الحمدلله بخييير ربي يعافيييج ..

^_^

أمطار

14-03-10 ||, 02:06 AM

عســاج دووم ع الصــحه غــلاي. . .

لـيـش فــ ج ــأة استوت ساعة الواحات مجدمــه بـ 40 دقيقــه ؟!؟!

شتشووته

14-03-10 ||, 02:09 AM

ساعة الواحات اساسا متأخره دايما .. هي لاحظت انها اتجدمت توه فجأه خخ

امطاار انتي اتدرسين اي مرحله ؟؟

أمطار

14-03-10 ||, 02:13 AM

كـانت متأخرة بـ 20 دقيقــة..
والحينــه مجدمـه بـ 40 دقيقـة ..

أدرّس حالياً حلقة أولى .. رابع وخامس ^^~
كنت في سنـة من السنوات أدرّس المراحـل كلها من صف الأول لين الخامس ..
و أول سنـة كنت أنتداب أدرس حلقة أولى و ثانيـة صفوف رابع وخامس + سابع وثامن وتاسع ..

وأنتي؟!
تشتغلين ولا full time housewife ?

شتشووته

14-03-10 ||, 02:17 AM

ايواا .. ماشاءالله ربي يوفقج ^_^

لااا حبيبتي انا مبوني ماداني الدوام خخخ وريلي بعد مايباني اداوم لوول

sooo am full time housewife ع قولتج :)

أمطار

14-03-10 ||, 02:23 AM

ويوفق الجميــع . . .

مــا شـاء الله حلــو .. يا بختــج !
ودّي أودّر الدوام وأتفرغ بس للبيت .. بس صعبه لأني تعوّدت ع الدوام والشغل ^^~

شتشووته

14-03-10 ||, 02:26 AM

هي الواحد من يتعود ع شي خلاص مايقدر يودره ^_^

متى بترقديين ؟؟ انا ظهري بدا يحرقني بس ابغي اسوولف خخخخ

أمطار

14-03-10 ||, 02:41 AM

سيري ريـّحــي ..
مب زين اتـّعبين عمرج ~

بعد شوي يمكن ^^~

شتشووته

14-03-10 ||, 02:42 AM

وييييه انتي شكلج الا رقدتي ..

يلا بوي انا ظهري يعورني بسير ارقد .. جود نايت

شتشووته

14-03-10 ||, 02:43 AM

اوه انتي هني خخخ عبالي ظهرتي ..

يلا عيل حبوووووووبه ..تصبحيين ع خير

أمطار

14-03-10 ||, 02:45 AM

وأنتي من أهلــه . . .

تحمـّلي على روحج~

مزن هتان

14-03-10 ||, 07:17 AM

السلام عليكم و رحمة الله و بركاته
صباح الخير :fa41:

مــهــابه

14-03-10 ||, 07:31 AM

صبـآحكم ورد

اليـوم آنا والنشه ضرآبه ، النوم سلطـآن

مزن هتان

14-03-10 ||, 09:47 AM

صباحج جوري مهابه :fa41:
كل التوفيق لج

و أخيرا بشوف ربيعاتي حبيباتي، بكره عدنا اجتماع
بـ الفرع الثاني

صريح

14-03-10 ||, 09:56 AM

صبـاح الورد للجميع
:yes:

المخطط
الخميس = بحر
الجمعه = بحر
السبت = بحر
:4:

يا حلاته يوم تتاخر ع الدوام يوم الاحد و السبب يكون هالصور فاليوم اللي قبله
:icecream:

http://oasis.bindubai.com/bin/uploaded/508_01268545776.jpg (http://oasis.bindubai.com/bin)

http://oasis.bindubai.com/bin/uploaded/508_11268545776.jpg (http://oasis.bindubai.com/bin)

:1:

مزن هتان

14-03-10 ||, 10:22 AM

طرشوا لنا شوي أخوي صريح
من زمان عن السمج :fa41:

صريح

14-03-10 ||, 11:47 AM

نطرشلج الثلاجة كلها بعد مب شويه اختي مزن

خير البحر واايد الحمد لله
:yes:

مزن هتان

14-03-10 ||, 12:12 PM

تسلم ،،،

أمطار

14-03-10 ||, 12:27 PM

مـن كثــر مـا أحس الموضوع فيـه سمج ..
أخــاف أرجع البيت وألقى الغدا سمج!!

صــريح .. مـا شاء الله صدتوا خيــر ^^~
بالعــافيــه عليــك. . .

مزن.. شخبارج غلاي؟!

مزن هتان

14-03-10 ||, 12:32 PM

قوه أمطار
أنا الحمدلله طيبه، علومج أنتِ ؟

أمطار

14-03-10 ||, 12:38 PM

اللـه يقـوّيــج غلاي ..
وعســاج دومـz ع الصــحـة يـا رب. . .

الحمــد لله طيبـه ..
بس ميــتــه يوووع ههههه
مـا تغديت أمس ولا تعشيت ولا تريقت اليوم ='| ..

مجموعة إنسان

14-03-10 ||, 01:32 PM

مرحباااااا

اليوم اول غيااااااب من اول كلاس
هههه

داومت ورجعت
الحين اشرب شاي واكل حب شمسي
تبووون هههههههه

شوق القلوب

14-03-10 ||, 01:42 PM

جاي حليب الله يسلمك...

مجموعة إنسان

14-03-10 ||, 01:58 PM

ماااكووو جاااي حليييب
فيي. شااي بحبق عجييييييب

كيف الحال؟

مزن هتان

14-03-10 ||, 02:02 PM

لاعبين فينا الاداره
ردوا الوقت 20 دقيقه =)

شوق القلوب

14-03-10 ||, 02:04 PM

اووووووف... شهيتني..

.
.
الحمدالله بخييير..

.
.

بسير اتغدي... حياااك

مجموعة إنسان

14-03-10 ||, 02:07 PM

ههههه
بالعافية ام حمد
مزن
اي اداره؟
ياااالله يوعاااااااان

عهد الوداع

14-03-10 ||, 02:23 PM

مساء الخير

مجموعة إنسان

14-03-10 ||, 02:27 PM

مسا النوووور

كيف حالج عهدوووو؟

المزوحي

14-03-10 ||, 02:42 PM

السلام عليكم

شو كان نص يومكم ؟

شوق القلوب

14-03-10 ||, 02:46 PM

كان يوم روتيني عادي... مشوب بضيقه البارض

المزوحي

14-03-10 ||, 02:49 PM

افا شوق

انا سرت الدوام وانتظر الوقت يمر بسرعه ... وبسير امشي العصر وعقب بشوف وين بسير

مايهزك ريح

14-03-10 ||, 03:03 PM

انا اليوم اصطكيت في الدرب لجبل علي .. ساعتين من جميرا لين دوامي .. عشان الحادث ..اللي عدال دوامي ..
افففففففف ما صدقت اوصل .. بس حمدلله محد قالي شي اصلا كلحد كان مصطك في الشارع مثلي ..^_^!!

وشو اخباركم ..

شوق القلوب

14-03-10 ||, 03:14 PM

صح.. بسالكم..

افتحوا سيتي سنتر مردف..؟

اشوف امطرشيلي اعلانات عن محل بيفتح هناك في ١٦ مارس

عهد الوداع

14-03-10 ||, 03:42 PM

مجموعه

تماااااااااااام ...ولله الحمد ...
واخباااااااااارك وياا الدراسه والامتحانات ,.,,,

شوق

شكله بيفتح هالاسبوووع ..^^
شورايج تحضرين الافتتاح ,,,,,,,,,,,,,,

مزن هتان

14-03-10 ||, 04:58 PM

ادارة الواحات
لو الدوام كنت بتخبل أكيد

مسا الخير
شوق القلوب : الاقتتاح يوم الثلاثا مثل ما قلتي
البارحه مرينا و دخلنا الباركات أنا و خواتي باركاتهم وسييييعه عكس سيتي ديره
شوق أختي كانت حاشرتنا الا تروح هاي عمرها 6 سنين بس دخلنا الباركات و شافت
الهنود اقتنعت، الحلو انه من نطلع من فريجنا شي جسر خاص حقه لين داخل الباركات =)
بس دخلنا له من داخل مردف البارحه لأن مش فاتحين الجسر للحين

المزوحي

14-03-10 ||, 05:59 PM

هلا مايهزك ريح ، المهم توصلون بالسلامه

شوق القلوب من شويه كنت هناك ، مادري يتي على بالي، قلت خلنا نقولكم متى الافتتاح واللي هو بيكون بالثلاثاء

وييييييه وانا اكتب الرد مطرشين لي الاعلان نفسه

http://www.ae.com/web/index.jsp

مزن نشوفكم هناك هههههههههه

المزوحي

14-03-10 ||, 06:12 PM

هيه صح المحلات اللي بتكون في مردف ستي سنتر في حدود 450 محل

ومن بينهم

المحلات الكبيرة مثل
Borders bookshop
Carrefour hypermarket (15,000 sq meters / 160,000 sq feet)
Centrepoint
Debenhams - clothes and home accessories
E-Max - computers, electronics, home appliances
H&M - fashion and furniture
Home Centre furniture store
Zara - fashion

وباجي المحلات، من بينهن محلات فروعها لأول مره

1847 Men's Grooming
Ahmed / Ahmad Seddiqi & Sons Group (3 stores?) - watches
American Eagle
Crate & Barrel - a US furniture store, opening in 2010, announced 01 October 2009
Hamley's toy store
Jacky's Electronics
Jane Norman (fashion for young women)
Juicy Couture (fashion)?
Lakeland - UK home and houseware store, first branch in the Middle East, operated in partnership with Jawad, opening April 2010.
Mango Tree - Thai restaurant (no alcohol). Mango Tree also in Souk Al Bahar in Dubai (opened 2008)
Office Depot
Paris Gallery
PF Chang's
Pottery Barn
Pottery Barn Kids
Sacoor Brothers - men's, women's, and children's fashion from Portugal. Tailoring service.
Shattaf Jewellers?
Virgin Megastores

واكيد الفووود كورت والكوفيات في حدود 75 مطعم ومقهى

Abu Sid - Egyptian food
Nordsee - European chain of fish & chip shops. The first Nordsee outlet in the UAE opened in The Dubai Mall in September 2009
P.F. Chang's - USA based Chinese restaurant
Tiffenbites - UK based Indian restaurant chain
YO! Sushi - Japanese food on a conveyer belt

وشي خدمات ثانيه

Baby changing rooms (meaning nappy-changing facilities, not for baby replacement, even though the press release said "male and female baby changing rooms") - 28 of them, for mums and dads.
Beauty and hair salons - Tila & Finn, Sisters Beauty Lounge
Community areas
Mirdif entertainment areas with Aquaplay Dubai, bowling alley, children's play areas, cinemas, Cite Des Enfants, iFly indoor skydiving, Soccer Circus, video games, etc
Fitness centre - Fitness First
Health spa
Medical clinic
Men's grooming - 1847
Nail Bar - Lily Pond (Indonesia)
Virgin Active Gyms

الجم

http://www.virginactive.co.uk/Content_Intro.aspx

:thumbup1:

مــهــابه

14-03-10 ||, 07:54 PM

مسـآ الـورد

.

.

شحـآلـكم هـل الواحات ؟!

آليوم حسيـت آني رقـدت صّح من 3 يلـين المغـرب ولولآ الـتلفون جـآن مانشيـت

كـآن في خـآطري آروح المؤتـمر ف قصر الإمارات لكن عندي آمتحانين ف اليوم لي بـعدهم =(

أمطار

14-03-10 ||, 08:33 PM

مســا الودّ. . .

عسى فيها العافيـه مهابه ^^~
والله يوفقــج في امتحاناتج . . .

شحــالكم؟!

مــهــابه

14-03-10 ||, 08:40 PM

الله يعـآفيج يـآرب

بخير وسهـآله ، آنتي شحـآلج ؟عسـآج بخير ؟!

أمطار

14-03-10 ||, 08:45 PM

عســـاج دومـz ع الصحــه ^^
الحمــدلله ربــي يسلمــج كلّو عال العال بنعمــة الكريم المتعال . . .

المزوحي

14-03-10 ||, 09:39 PM

مساء الخير

أمطار

14-03-10 ||, 09:46 PM

مسـاء النــور مزوحي..

تصبحــون على خيــر ^^

المزوحي

14-03-10 ||, 09:59 PM

امطار توى الناس ؟؟؟

أنامل قلب

14-03-10 ||, 10:03 PM

مساء النور ..

اليوم خربت نظامي ، على غير العاده نمت الساعه ست وقعدت من النوم بعد الساعه 9 بشوي ،
وفوقه قمت مخرفه ، قبل لا انام كنت ملتهيه بالفون وشكله وانا نايمه انخش تحت وحده من المخدات ،
فـ من ييت أدور عالفون ولا يايني مسج + مس كول من رقم غريب ، واهني الغباء ،
عالأغلب ما أرجع اتصل إلا اذا مشبهه بالرقم ، بس هالمره يازيني متصلة ابـ مادري منو وراد علي المجيب الصوتي ،
عقب استوعبت !.

~

على فكرة اليوم تغربلت ليـ ظهرت سيارتي بالدوام ، أحد صافط سيارته وراي ، ويازينهم حاطين الكفر وكل شي تقول واحد مبيت هناك ،
ولا حاطين الرقم ، وانا أساسا ناسيه فوني اليوم بالبيت ، وبعد ربع ساعه قعدت أحاول أظهر السياره بشكل صدق يضحك ،
انج لـ جدام ، وانج لـ ورا ، وجي إليـ قدرت أحرك السياره ، زين ما دعمت بس أذيت التاير من زود ما ضربت بالرصيف ..

على فكره ، لأول مره اليوم لقطني الرادار ^^"

~

أخوي المزوحي ، انا من النوع اللي ما انتبه وايد لأسامي المحلات ،
عادي أدخل المحل عشرين طعشر مره ومن يسألني احد مثلا من وين ماخذه هالقطعه أقولهم ماعرف !.
بس اذكر اسم المركز :doh: ..

أنامل قلب

14-03-10 ||, 10:05 PM

أمطار نوم العوافي =)

ناوية اليوم قبل لا ارد أنام أمشي عالأقل لـ نص ساعه ،
أحس حلو جي الواحد يرد يفرفش والنفسية تعتدل ..

المزوحي

14-03-10 ||, 10:07 PM

عيل مابترقدين الحين، انا رقدت تقدرون تقولون غفوه، يعني مال عشر دقايق .. وقمت سرت امشي

بس اناامل عسى ماتعور الموتر هههههه واهم شي ابتسمتي للرادار ؟؟؟

ليش ما تنتبهين على اسامي المحلات، نحن عندنا اهم شي الواحد يكون منتبه لوووووووول

شو رايج من يوم وساير تفتحين عيونج عدل وتلاحظين :)

أنامل قلب

14-03-10 ||, 10:19 PM

امأذيته بالقو الموتر يحليله ، ومأذية أحسني الجماعه هناك من زود ما أتلعوز وانا ابركن ،
تراني للحين ماعرف ابركن عدل وكل شوي تلقوني أجدم وارد اظهر والخ الخ / أحسهم حفظوني ..
> بعد نصايح رفيجتي صرت أهون شوي ..

لا ما ابتسمت ، بس كنت قبل لا اخطف منتبهه عليه وعارفه انه بيلقطني ،
فـ شفته لمن صورني ، احم !.

إي المفروض انتبه ، بس مادري ما القط ، او اني اقراه بس ما أذكره عقب ، يعني ما استفدت :k_special2: !.

أنامل قلب

14-03-10 ||, 10:21 PM

عادي أكون داخل المحل اتشرى ، وعقب أذكر إني مو عارفه وين داخله ،
فـ أسأل اختي مثلا أو أي أحد معاي / شو اسم المحل ـ وين نحن ؟..

P=

المزوحي

14-03-10 ||, 10:25 PM

من اي كوكب الأخت

سوالف انامل

زين - بتجّول شويه في الواحات وبسير ارقد

أنامل قلب

14-03-10 ||, 10:29 PM

:k_smile2: ,،

مجموعة إنسان

14-03-10 ||, 11:04 PM

أنامل
مووو بس انتي انا بعد
انا لا اسامي محلات ولا افلام ولا مطاعم ولا حتى الناس
ابد ما احفظ ههه

متكسسر

تصبحون على خييييير

دمعة شوق

14-03-10 ||, 11:08 PM

صباح الليـل ^^

أنامل قلب

14-03-10 ||, 11:09 PM

^ إي نفس الحاله ،
بس الناس ع حسب ^^"

نوم العوافي ،
شكلك تعبان بالقو ..

~

اختي دمعة ، ومسائج صباح !.

=)

دمعة شوق

14-03-10 ||, 11:14 PM

^
كيفك خيتووو آن شآءآلله منيـحـه ^^
مسيتـج وآيـد ،، مـن فتـره مااجفتـج :)

مجموعة إنسان

14-03-10 ||, 11:17 PM

ههههه
انامل انا اكثر الناس اناديهم سعييييد ههههه

دمعة شوووق
باركييييلييييي قلت الكلمه عدل هههههه

المشكله باجر دوامي 10 ومابي انش من وقت ماعندي شيء اسويه ههه

دمعة شوق

14-03-10 ||, 11:23 PM

^
هههه واخيرا
مايسوى عليك الا مستشفى لووول
بس على العموووم مبرووك
بس هاا لا تتبهدل جداام حد خخ

أنامل قلب

14-03-10 ||, 11:24 PM

دمعة شوق ، امبلا من زمان ما شفتج !.
ياخي متى بشوفج صدق ...!

أخبارج بعد ، شلون الجامعه معاج ؟.

~

خيو مجموعة ، يا حظك ما شاء الله ، دوامك عشر وتتحرطم !.
وعن سعيد ، غريبة يت معاك على هالاسم ،
أحيد كلحد اسمه محمد =)

~

وبعد ، شو مسويين ..؟

دمعة شوق

14-03-10 ||, 11:26 PM

يختي يبآلنـآ نتـلآقـى ،، صـح تعالي
قلتي من تحصلين الليسن بتعزمييني ،، يالشررريره
وقلتي بعد بتيين لين نص درب العين وبلااقيج لوول
هاا متى هـذا ؟!

يالله انتي تسوقين تعالي صوبـي ،،

الجامعه الحمدالله كوويسه عم ندررس :)
انتي اخبار الدوام ويـآج ؟

مجموعة إنسان

14-03-10 ||, 11:28 PM

هههههه

دمعووو لاااا ماعلييج اقولها هوسبلاااات هههههه
ندلع شو نسوي بعد هههه

انامل
شفتي عااااد ماحب يوم دوامي يتأخر هههه
لاا سعييييد مرااات اكثر شيء اناديهم سند ههههه

والله موو مسوين شيء بس اشم ريحة اللبان
قبل شوي امي مبخرة البيت
اقولها بعدها ليلة الخميس للزار هههه

دمعة شوق

14-03-10 ||, 11:32 PM

^

لوووول هوسبلاات هاا ،، جنك تقوول سبالااات لووول

دمعة شوق

14-03-10 ||, 11:34 PM

والله موو مسوين شيء بس اشم ريحة اللبان
قبل شوي امي مبخرة البيت
اقولها بعدها ليلة الخميس للزار هههه

:k_devil2: :hysterical:

أنامل قلب

14-03-10 ||, 11:39 PM

احم ، وشخباركم بعد !. >> مول ما أغير السالفه تراني ..

بس لا صدق ودي ألتقي فيج ، إن صارت لي فرصه ولا تجرأت أكثر أكيد بحشرج ،
وعن الدوام ، فـ حلو ، جي تظلين تلتقين ابـ ناس وتتعرضين لمواقف وتشوفين من كل نوع وكل لون ..

~

خيو هواجيس ، يعيبني شلون تكون متحمس مرات !.

دمعة شوق

14-03-10 ||, 11:49 PM

^
هييه مسكينه ابدن مااتغير الموضوع p=
ان شااءالله نتلااقى ،،
وحطي في بالج اتين صوبي ولا اذا مريت يمكم بحشرررج ^^

زين حلو الدوام ترفهين عن نفسج بدل قعدت البيت الممله :s
وتتعرفين وتتلاقين ويا نآس يـدآد ونفس ما قلتي من كل لون ونوع
:)

..

يالله خيتوو شي فخااطرج ,, يمدحوونه الرقااااد -.-

مجموعة إنسان

14-03-10 ||, 11:51 PM

اشوووفج تضحكييين دمعوووو
يلله يوم الخميس قربي بنسويلج حفله زااار
سامري على كييييف كيييفج ههههه

انامل
هيه احيييد مره تحمست واستويت فووول ههههه

شو نسوي انامل لازم نسولف ولا الواحات بترقد هههه
بروحها مستويه بنتاغوون كلها مشرفين ههههه

مزن هتان

14-03-10 ||, 11:52 PM

أنا فيّه رقاد و ختيه مو ناويه تطلع من الغرفه
بديت اصدع، ورانا دوام يا حتوم اطلعي

سهرانه شـ حلاتي

دمعة شوق

15-03-10 ||, 12:00 AM

خواااشيق
هههههه الله يقطع بليسك ضحكتني
اونه بنتااغوون لووول ،، تعاال صح ماستوويت مشررف
p=
:nerd:
/

واونه فوول يالمتحمس
:doh:
هدي هدي

وعن الزاار لا لا معذررره مخليتنه لك
عبرر وتحمس وفضفض عندهم ارووحك لوووول
:k_devil2:

مجموعة إنسان

15-03-10 ||, 12:05 AM

بيني وبينج اقترحوا علي بس يقولج مايعرفون وين يحطوني هههه

كل واحه فيها 4 مشرفين وانا اسويييت الزحمه ههههه

لييييش لييييش اوكي الزااار
نفس الحجاااامه
الحجامه اطلع الدم الخايس والزار يطلع هذيل قوم بو جني ههههه

امااا زااار هههههه
انا شفت واحد يستنزل شردت هههههههه

يقولج بعد الحين اطوروا ما يستنزلون اللا بدي جي هههههههه

أنامل قلب

15-03-10 ||, 12:06 AM

دمعة شوق ، باذن الله بنتلاقى :yes: ،
وشكله مجموعوه ما بيخليج تنامين P=

خيو مجموعة ، اونك طيب P=
يمكن تحسون إن كلها مشرفين لأن عدد اللي يتواصلون انحصر على ناس حفظناهم ،
ولمن بدو يغيرون بالاداريين ، توجهو أكثر لـ هالفئة بالاضافة للأشيا الثانيه ..

لحظه أقول ، مو كنك كنت رايح تنام ؟.

~

مزون ، يا بختج فيج رقاد ، حلاته جي ،
أحيد قبل كنت أقول لاختي : لمن تشوفيني نايمه قوميني ،
اونه أحب أرد أحس ابـ شعور الرغبه في النوم !.

صدق خبله ..

دمعة شوق

15-03-10 ||, 12:06 AM

مزوون
اتحمليـهـآ ولا قوليـلهـآ آبـآ آرقد -.-

دمعة شوق

15-03-10 ||, 12:11 AM

هوااجيس
:icon_rr:
هههه هيه صح انته اللي بتسوي الزحمه الحين
يمدحووونه اللون الازرق تبا الصدق شتبا بعوار الراس s=
لا لا اقتررح يحطوونك على واحة المحذوفاات

يعقوونك هنااك لووول
:k_harhar1:

وعن الزااار
:g_aloof:
:11:
ههههه ينفعلك تبا الصدق بتنزل اللي فيك متجمعين
هييه الدي جي ينفع الحين ماشاءالله مفعووله سرريع وفووري
:birgits_giggle:

دمعة شوق

15-03-10 ||, 12:12 AM

انـامل
انا مايخصني هوو يهـذرب وآيـد
:ghostface:

مجموعة إنسان

15-03-10 ||, 12:14 AM

ههههه

يقولون بس بعده الرقاد ما وصل هههه

انامل عالويكند انا واخوي تحدي نوووم
بعد تعب اسبووع نرقد من 9 المسا او 10
نقعد 2 ناكل شيء ونكمل لييين الريوق عالساعه 11
والعصر بعد رقااااااد هههه

الويكند كله رقااد عدنا ههه

اهداء لكم مجموعه ادعيه
<3
يا إلهنا و يامولانا و يا سيدنا
http://www.almuaiqly.com/Duaa/mobile/d1.mp3
<3
الحمد لله المتوحد بالملك و الملكوت
http://www.almuaiqly.com/Duaa/mobile/d2.mp3
<3
اللهم لا تدع لنا ذنبا إلا غفرته
http://www.almuaiqly.com/Duaa/mobile/d3.mp3
<3
اللهم اجعلنا ممن دعاك فاجبته
http://www.almuaiqly.com/Duaa/mobile/d4.mp3
<3
اللهم إنا عبيدك بنو عبيدك
http://www.almuaiqly.com/Duaa/mobile/d5.mp3
<3
سبحان الذي يبسط يده بالليل ليتوب مسيء النهار
http://www.almuaiqly.com/Duaa/mobile/d6.mp3
<3
لا إله إلا أنت سبحانك إني كنت من الظالمين
http://www.almuaiqly.com/Duaa/mobile/d7.mp3

مزن هتان

15-03-10 ||, 12:20 AM

أخيرا اطلعت
دمعة شوق : عزج الله لوح قلت لها و لا كأنه حد يحاجيها
أنامل : مع اني راقده اليوم العصر بس من الضيجه عادي أرقد أي وقت :)

شتشووته

15-03-10 ||, 12:20 AM

مرحبااااااااااا .. اشحااالكم يا حلوييين ؟ :)

دمعة شوق

15-03-10 ||, 12:25 AM

هوآجيـس

يزاك الله خيـر ^^

مزون
يالله عيل رقـدي ,, ونـوم آلعوآفـي
وتصـبحيـن على خيـر :)

شتشووتـه
حياج الله ، بخير ربي يسلمج , عسآج بخيـر :)

/

تصـبحـون على خيــر
^^

سـبـحآنـك آللهـم وبـحمـدك , أشـهد آن لا إله إلا آنت ,, أستغفـرك وأتـوب آليـك

مجموعة إنسان

15-03-10 ||, 12:29 AM

ههههه

دمعووووو
اناااا اهذرب الحيييييين
وانتي اللي تارسه الصفحه بردووودج كل رد اظول من الثاني ههههه

لا تتكلمين وااايد بس عن تعضين لسانج بالغلط ههههه

شتشوووته
هذا وقتج يلله امسكي زااام الحييين
وحليلج والله
تشتغليين سكرتي?؟ ههههه

شتشووته

15-03-10 ||, 12:31 AM

هلا فيكم ..

انا بطلع ريلي يا ..يمكن اطل فليل باي

أنامل قلب

15-03-10 ||, 12:36 AM

يالله كلكم ، بتوكل أنا مو متزهبه للحين ،
وبعدني ناوية أتمشى اليوم =)

دمعة شوق :a010: ..
مزون / ربي يجيب دعاويج ، ويحل همج ..
شتشوته / حلوين ، وطالعين :k_wheelchair: ..

خيو مجموعة ، تسلم عالأدعية الطيبة ، ما قصرت ،
حلو صوته ما شاء الله ..

:smile:

دمعة شوق

15-03-10 ||, 12:41 AM

أخـي العضو المحترم مجموعة انسان

لاحظ في نهاية رد لي كتبت كفاارة المجلس
فـ لو سمحت لا تخـرب علـي
:glare:

خلني جي دام الله هدآنـي :tounge:
الموهـم طلعت بس من شفت ردك ونميت فيني قلت لااازم ارد
:bash:
مايخصك اذا تارسه الواحات كلها بردودي

يآحـظ آلوآحـآت فـينـي
:fa41::fa41:
لوول

مجموعة إنسان

15-03-10 ||, 12:41 AM

انامل
هذا صوتي ههههههههههه

يلله انا عيوني بدت تسكر
شوي وتملح ههههه

يلله تصبحوو على خيراااات
نشوووف وشكووو بخييير

شوق القلوب

15-03-10 ||, 01:07 AM

انامل
هيه احيييد مره تحمست واستويت فووول ههههه

ا

يلله انا عيوني بدت تسكر
شوي وتملح ههههه

يلله تصبحوو على خيراااات
نشوووف وشكووو بخييير

يا اخي موتني من الضحك... ماشاء الله عليك...

اضني بيتكم يستوي مب شي يوم ما اتكون موجود ...

أمطار

15-03-10 ||, 01:08 AM

:k_special2:
فـيـه حد هنه؟!

أوني برقــد .. البي بي طيـّر الرقاد من عيني "نفر" بيقول الحينه طير ها مب رقاد :woot:..
يبــالي أكسـّره ولا أعقه في طاسة الغسول ..
:sleepy:

esht .. I know I sound lil off

بنت الدلع

15-03-10 ||, 01:09 AM

يقولج بعد الحين اطوروا ما يستنزلون اللا بدي جي هههههههه

:birgits_giggle:

مطّورين هذول :vampire:

المزوحي

15-03-10 ||, 06:20 AM

صباح الخير

بسم الله خفافيش في الواحات

عيل الناس راقده وانتوا كملتوا 4 صفحات

..

يالله حق اللي ما شافوا

الكلام امس

هيه صح المحلات اللي بتكون في مردف ستي سنتر في حدود 450 محل

ومن بينهم

المحلات الكبيرة مثل
Borders bookshop
Carrefour hypermarket (15,000 sq meters / 160,000 sq feet)
Centrepoint
Debenhams - clothes and home accessories
E-Max - computers, electronics, home appliances
H&M - fashion and furniture
Home Centre furniture store
Zara - fashion

وباجي المحلات، من بينهن محلات فروعها لأول مره

1847 Men's Grooming
Ahmed / Ahmad Seddiqi & Sons Group (3 stores?) - watches
American Eagle
Crate & Barrel - a US furniture store, opening in 2010, announced 01 October 2009
Hamley's toy store
Jacky's Electronics
Jane Norman (fashion for young women)
Juicy Couture (fashion)?
Lakeland - UK home and houseware store, first branch in the Middle East, operated in partnership with Jawad, opening April 2010.
Mango Tree - Thai restaurant (no alcohol). Mango Tree also in Souk Al Bahar in Dubai (opened 2008)
Office Depot
Paris Gallery
PF Chang's
Pottery Barn
Pottery Barn Kids
Sacoor Brothers - men's, women's, and children's fashion from Portugal. Tailoring service.
Shattaf Jewellers?
Virgin Megastores

واكيد الفووود كورت والكوفيات في حدود 75 مطعم ومقهى

Abu Sid - Egyptian food
Nordsee - European chain of fish & chip shops. The first Nordsee outlet in the UAE opened in The Dubai Mall in September 2009
P.F. Chang's - USA based Chinese restaurant
Tiffenbites - UK based Indian restaurant chain
YO! Sushi - Japanese food on a conveyer belt

وشي خدمات ثانيه

Baby changing rooms (meaning nappy-changing facilities, not for baby replacement, even though the press release said "male and female baby changing rooms") - 28 of them, for mums and dads.
Beauty and hair salons - Tila & Finn, Sisters Beauty Lounge
Community areas
Mirdif entertainment areas with Aquaplay Dubai, bowling alley, children's play areas, cinemas, Cite Des Enfants, iFly indoor skydiving, Soccer Circus, video games, etc
Fitness centre - Fitness First
Health spa
Medical clinic
Men's grooming - 1847
Nail Bar - Lily Pond (Indonesia)
Virgin Active Gyms

الجم

http://www.virginactive.co.uk/Content_Intro.aspx

أمطار

15-03-10 ||, 08:11 AM

صبــاح النــور مزوحــي ^^..

صبـــاحــكـم ودّ عيال وبنوتات الواحات ..
كيــف أصبحــتــوا؟!

مجموعة إنسان

15-03-10 ||, 08:46 AM

صباااااحكووو خييير

انا من شوي قاعد والحين بروح الكلية

شووق القلووب
هيه اكيد يستوي مب شيء ابد
ما يحصلون واحد يحطون عليه ويهزبونه هههه
اكسر الخاطر ههههه

مزوووحي
يلله ان شاء الله يكون المول بدون مهنده هههه
واذكر الله اونه وصلتوا 4 صفحات
ويين ما كملنا صفحه !!!

مجموعه متر
اهلا اهلا
هااا اليوم في ريوق ولا اكمل صيام؟ هههههه
صوت بطني تقولون صوت باااب خشب قديييم
احس من كثر ما بطني خالي تقولون مب ماكل شيء ههه

أمطار

15-03-10 ||, 09:11 AM

هلا هــلا "نفر" ..

كســرت خاطــري.. للأسف ماشي ريــوق اليوم ههههههههه
مـا خذت لك ريوق وأنت سايـر الكليـه؟!

btw.. شو تخصصكـ؟!

مجموعة إنسان

15-03-10 ||, 09:49 AM

لا والله ما اخدت
كنت متأخر هههه

تخصصي chimecal opreation

شو الأخبار بعد؟
فيني رقااااااااااااد

بنت الدلع

15-03-10 ||, 10:05 AM

صبحكم الله بالخير

المزوووحي .. اخ بطني عورني يوم شفت اسامي المحلات لول
ان شاء الله بس ماتستوي زحمه فظيعه
متى بيفتتحونه ؟؟
احلى شي حق الشرداااات وقت البريكات *شوفوا التفكير* :k_devil2:

خواااشيق
ازيّك؟

أمطار

15-03-10 ||, 10:06 AM

مـا شاء الله نــايس التخصص..
موفــّق ..

الحمدلله كـلـوو تمام..
الله يعينك ع اليوع والرقاد p=

عنـدي وايد شغل اليوم ..
أشـــوفكـم بعد الدواام ^^~

مجموعة إنسان

15-03-10 ||, 10:11 AM

والله كويسين اوي
مزاجنا زي الفل وبطننا زي الطبل
هههه

اووه سوري نسيت انج عصبية ههههههه
زييين ما عصبتي على مادري منووو في واحة التصوير هههه
انا من شفت الرد على طوول كلمت ربعي عسب نشوف ضرابه يديده هههه

انتي اللي ازيك؟ عامله ايه؟
ازي ماما وبابا ؟ ان شاء الله كلهم كويسين؟

مــهــابه

15-03-10 ||, 11:01 AM

صبـآحكم جـوري =)

للحـين مـآبدأ دوآمي =p

شحـآلكم ؟!

مجموعة إنسان

15-03-10 ||, 11:18 AM

احوالنا تمااام

انتي اخبارج ؟
اييش مسويه؟

مــهــابه

15-03-10 ||, 11:26 AM

بخيـر ، كتـّر خيـر الله

مـآشي حـآلي يـآلسه عند ربيـعتي نسـوولف دوآمي 12 ونص ويـآيه الجامعه من الساعه 10 شـ عندي مـآ آدري =p

بـآجر عندي كـويز كلكلولآس ، والآربعـآ عندي آمحتـانين =(

آنـت كيفك ؟ وشو الدرآسه ؟!

مجموعة إنسان

15-03-10 ||, 11:29 AM

انا اوكي مسططططططل

والدراسه
هممممم
مالي خاطر ادرس هههه
عندي ريبورت لازم اسلمه باجر
والكلاس كله يترياني اسويه هههه
وعندي رايتنج لازم اكتبه وما كتبته
وعندي الف شي ولا مسويييه هههه

اليووم حررررررررر

مــهــابه

15-03-10 ||, 11:35 AM

آنـآ عكسك مصحصه ، شربت لي كـوفي وجـآن اصحصح

.

.

الله يـكون بـ عـونك ~ !..
الحــآل من بعضـه

الجـو بدآ يـحر لكن بليـل يكون حـلو ، الله يعـينـآ ع شهر 4 و5 بننـصهر

مجموعة إنسان

15-03-10 ||, 12:38 PM

حر من الخاطر بعد

اخر كلااااس وبخلص

مزن هتان

15-03-10 ||, 12:42 PM

مسا الخير

واصله الدوام 12 ونص =)

أنامل قلب

15-03-10 ||, 01:11 PM

قفطه ، مرات صدق احسني خبله ،
مادري شلون جي أحيانا يظهر منا الكلام من غير تفكير !.

المفروض اتصل استفسر من المرور بس مادري ،
أحس خست اليوم بالقو ..

المزوحي

15-03-10 ||, 03:05 PM

مجموعه مسوي ربشه في الواحات :a0360:

بنت الدلع باجر الافتتاح، بس إذا الهنود ماحضروا منو اللي بيكون هناك ، :bash:

راسي يعورني من يومين :pullhair:

احس عندي الف شغله وشغله مثل 100 مرقش ومرقش :fa52:

المهم اللي يقول الدنيا حر سافروا أوربا 3 شهور :fa56::fa56:

مجموعة إنسان

15-03-10 ||, 03:28 PM

مزوووحي
عيونك الربشه هههه

شخباااركم يا حلويييين؟

بنت الدلع

15-03-10 ||, 03:46 PM

مجموعة انسان << انته بس لاحظ اظني اول مره ازقرك جيه لول

ياااااا حبك للضراااااابه انته

والله انا في حالي .. هم اللي يتحرشون فيني :icecream:
يتحملون اللي اييهم :inlove:

---

المزوحي
يالللله عااااااااد هذيييل الرزه
ياخي ليش مايخلونا نستمتع في بلادنا :fa55:
انا شكلي بفتتح جزيره وبشل المواطنيييين كللللهم وبوديييهم هناااك
وممنوع منعا باااتا دخول الجنسيات الثانيه

مجموعة إنسان

15-03-10 ||, 03:57 PM

اشوووف جيييي

انا برع الواحات لما حد يزقرني محمد استغرب هههه

افا علييج اذا حد قالج شي ولا شي بس خبريني عسب اطمش هههههههه
ابا اشوف شو اخر الضرايب ههه

على طاري الجزيره
اصلا بيستانسووووون
نحن الحين شوكة في البلعوم وانتي بطلعيناا هههه
تعالي صح انا بكون مع المواطنين ولاا ؟ ههههههههههه

بنت الدلع

15-03-10 ||, 04:03 PM

هههههههههه
فاتتك المتعه عيل انا مب مال ضرايب *اونه*

هيييه والله صدقك
بيسوون بارتي اصلا
وبيشلون اعلام وكاتبين فيها no more locals واكس بالاحمر علينا هههه

هممم والله يعتمد .. بشاور الجماعه وبنشوف نسبة التصويت

مجموعة إنسان

15-03-10 ||, 04:07 PM

هههه

لالا خليني معاهم احسن بستوي شيخ عليهم ههههههه

بنت الدلع

15-03-10 ||, 04:11 PM

اخاف يحولونك تمثال

مجموعة إنسان

15-03-10 ||, 04:19 PM

على الأقل تمثااال هههه
بستوي مشهووور مب انتوا

عاد تودينهم جزيره مافيها شيء وعقب اترجيني اتوسط لج عند قوم بو هنااااد عسب تشترون منهم قوطي بيبسي وبقولج لااااااا

هههههه

المزوحي

15-03-10 ||, 09:28 PM

بنت الدلع - الله - تشجعين الصناعه الوطنيه :1: كشخه تودينا جزيره روحنا :a018:

عيل هاذيل قد ماتبين ترتبينهم مايترتبون :k_mad_argue:

اليوم سرت امشي مع إني انشغلت وايد اليوم، بس قلت لازم اسير عسب ما اخرب على عمري :shutup:

مجموعه نعطيك 10/10 على هالتفاعل :fa34: الله يحفظك :icon_rr:

مجموعة إنسان

15-03-10 ||, 09:36 PM

زييييين والله نجحتني ههههههه

وين تتمشى المزووحي عسب نسويلك كمييين هههه

دمعة شوق

15-03-10 ||, 10:21 PM

مـسآء آلخـير :)
شـحآلكم

مجموعة إنسان

15-03-10 ||, 10:30 PM

مساكم الله بالخير

شلووونكم؟
وداعتكم هذي الإنتخابات صدق ولا جذب هههه

ملينا من انتخابات العراااق هههههه

دمعة شوق

15-03-10 ||, 10:33 PM

^
مسآك الله بالنور والسرور خيوو
الحمدالله بخيير ونعمه ,, آنته شحالك

احم احم شو تقول !
لوول

شتشووته

15-03-10 ||, 10:36 PM

مسا الخيييير ..

كيفكووووووووون؟؟

مجموعة إنسان

15-03-10 ||, 10:39 PM

هلا هلا

اليوووم داخله من وقت هههه

دمعة شوق

15-03-10 ||, 10:40 PM

حمدالله شحالج شتشووته .^^

شتشووته

15-03-10 ||, 10:42 PM

الحمدلله ربي يعافييج ..

مجموعه بعد اشوي بظهرر.. بس قلت اطل طشوونه ^^

شتشووته

15-03-10 ||, 10:51 PM

بلااكم صاخييين جذا :S

أمطار

15-03-10 ||, 10:56 PM

مســـاكــم ودّ. . .

شــو الأخبــار!؟
شحالج شتشتوته.. وشو الصحه؟!

مجموعة "نفر" .. كيفو؟
دمعــه شوووق .. شحــاااالج؟!

^^

شتشووته

15-03-10 ||, 10:58 PM

هلا هلا امطاار .. انا بخير ربي يعافيييج ^_^

شو مسويييه

أمطار

15-03-10 ||, 11:02 PM

عســـاج دوومـz ع الصـحه يـارب ^^..
الحمــدلله أنــا بخيــر ..

شو الأخبــار؟!
شو سويتوا اليوم؟!

شتشووته

15-03-10 ||, 11:04 PM

يلا انا استأذن .. حياكم ^^

دمعة شوق

15-03-10 ||, 11:25 PM

بخير يـ آمـطـآر آنتي شحالج عساج بخير :)

أمطار

15-03-10 ||, 11:28 PM

عســاج دوومـz ع الصــحه غــلااي..
الحمــدلله أنــا بخيــر سلــّمج ربي ^^~

شو الأخبـــار؟!

دمعة شوق

15-03-10 ||, 11:30 PM

ماشي آلا رقـآآد يمدحوونه خصه اللي عندهم دوامات p=

دمعة شوق

15-03-10 ||, 11:36 PM

يآالله نتلاقى عـلى خيـر ,,

تصـبحون على خيـر :)

أمطار

16-03-10 ||, 02:21 AM

وأنتـــي من أهلــه ^^~

مجموعة إنسان

16-03-10 ||, 07:17 AM

مرحبااااااااااا

افتح يا سمسم ابوابك نحن البزرااان
اسمييي ايااام هالسمسم هههه

شخباركم؟ شو مسويييييين؟

مزن هتان

16-03-10 ||, 08:20 AM

السلام عليكم و رحمة الله و بركاته /~
صباح الخير :fa41:

أمطار

16-03-10 ||, 08:45 AM

وعليـكم السـلام والرحمـه. . .

صبــاحكـم ودّ..
"أبـــا أرقــــــــد"

مزن هتان

16-03-10 ||, 09:03 AM

قوه أمطار، شلونج ؟
الله يعينج

مجموعة إنسان

16-03-10 ||, 09:26 AM

مرحباااااا

اليوم اسبوع المرووور هلله هلله بالحزام ههههه
يقولون في بوظبي شغالين علينااا
وفقي دبي على ارقام بوظبي ههه

مزن هتان

16-03-10 ||, 09:55 AM

كيف اليوم اسبوع المرور ؟!
تقصد ثالث يوم من اسبوع المرور على مستوى الخليج
"احذر أخطاء الآخرين"

مجموعة إنسان

16-03-10 ||, 10:45 AM

هيه هذا هووو

شخباركم بعد ؟

مزن هتان

16-03-10 ||, 10:53 AM

بخير

أنته عامل ايه ؟

مجموعة إنسان

16-03-10 ||, 10:56 AM

عامل ريبورت ههههه

هاا
شو الدوام ؟

مزن هتان

16-03-10 ||, 11:00 AM

ظريف ههههههه
سوالف و ضحك و شرب قهوه و جاي و كوفي و زعتر

نص الراتب حرام، استغفر الله

مجموعة إنسان

16-03-10 ||, 11:04 AM

كيف تقدرين تنامين وانتي مب مسويه شغلج
خلاص النص الثاني عطيني ايااه وبترتاحين ههههههه

مزن هتان

16-03-10 ||, 11:08 AM

الحمدلله ما عندي pending
و ما شي بلاغات وايده
طبيعة الدواير الحكوميه الشغل خفيف، يحطون لك 3 مواظفين على شغله وحده :)

لا الحمدلله ضميري ميت و ما افتكر فالنص الحرام
و على قولة حد نحن نحب بيزات حرام
ههههههاي استغفر الله

مجموعة إنسان

16-03-10 ||, 11:10 AM

الله يعينكم والله
شو من ضمير عندكم ؟
ما تخافون ؟ هههههه

اليوم الدوام ممل
بخلص 3

شتشووته

16-03-10 ||, 11:32 AM

يسعد لي صبااحكم ^_^

اشحااالكم ؟؟

مزن هتان

16-03-10 ||, 11:37 AM

يالله يالله يا بو ضمير انته
أنا ودي أطلع اليوم 12 و نص بس استحي استأذن

لبيك اللهم عمره
ربِ يكتب لي عمره قريبه، يا رب

مجموعة إنسان

16-03-10 ||, 11:44 AM

شوووووووته
مرحباااا

غريبه داخله الصبح اليوم هههه

مزن
افا عليج انا ابو الضمير بعد

مزن هتان

16-03-10 ||, 11:57 AM

ليش ما يصير اروح عمره آمنه مع خالاتي و عيال خالي
يتني صيحه "استغفر الله، استغفر الله، استغفر الله"

قوه شتشوته

ملل متى ارد البيت
هاليومين وايد ارقد =)، ارقد بعد صلاة العصر و انش 5 ونص تقريبا
و المسا عادي لو ارقد 10 بعد
معبره الرقاد

شتشووته

16-03-10 ||, 12:18 PM

خخخخخخ عادي مزن انا بعد وايد ارقد حلاته الرقاد..

مجمووووووعه .. هي كان عندي موعد اليوم ومارقدت ..

مزن هتان

16-03-10 ||, 12:59 PM

رقادي الا ماصخ احيانا نص ساعه تسدني
و احيانا 7 ساعات و ما اشبع

أمطار

16-03-10 ||, 01:28 PM

مســا الودّ :inlove:..

شخبــاركـم؟!

مــزن و "نفر" ..
اسميني أنــا اللي استــاهل كل فـلـس من راتبيــه :sleepy:~
اليــوم مـرّيت على مكتب المعلمات أوني بيلس وبـتقهوى وياهم . . .

يسـألوني وينج مووول ما تنشافين!
يلست أعددلهم الشغلات اللي اسـوّيها في اليــوم!
واللـجان اللي حـاطين اسمي فيها من الإدارة. . .

طبعاً التدريس..
اللـجـنة الماليـة "حاطيني مسئولة المقصف" ..

اللـّـجان الإداريـه:-
- لجنـة تدخيل بيانات المعلمات
- لجنـة تسجيل الطلبـة الجدد
- لجنـة الحـضـور والغياب

لجـان النشاط:-
- لجنـة التوعيـة "صحـّة"
- لجنـة تنظيم المناسبات

واليـوم المديـرة تقولي من اليوم ورايـح بتـّمين ويـاي اتـرجمين لما أيي ها الأسترالي مال مجلس أبوظبي للتعليم ..
كـل زيــارة أفــرّغ عمـري وأيلس ويا المديـرة وهـا مال المجلس ..

شـرايكم؟!
استااهل راتبي؟!
:k_special2:

شتشــووتــه ..
شخبــارج؟!

مزن..
أنــا بعد وااااايد خـاطريــه اسير اعتمــر ..

مجموعة إنسان

16-03-10 ||, 01:44 PM

عاااد امي السنه اليايه بتتقاعد الحين مالها خاطر تشتغل ههه
وحليلها حللت راتبهاااا صححححح

من كانت مدرسة اسرية وهيه تكرف ومؤتمرات ومادري شو
الحين في جمعية النهضه مستويه مدرسة خصوصية ههه ادرس العياييز ههه

يعطيج العافية ابله امطار ههه

حررررررر اليوووووووم

أمطار

16-03-10 ||, 01:56 PM

اللــه يقـوّيهــا ويعطيــها الصحـه والعـافيـه..
^^

هــيــه اليــوم صدق حـــرّ ..
اللـه يعيـــن ع الأيـام اليــايه ..

خــاطري ابدا في شي ..
أدعـــوو لي أن اللـه يقـوّيني ويـوفـّقنـي . . .

مجموعة إنسان

16-03-10 ||, 01:59 PM

موفقه مجموعه مطر

شخباركم؟

مزن هتان

16-03-10 ||, 02:00 PM

أمطار : تستاهلين زياده بعد عـ الراتب اللي تستلمينه
يعطيج العافيه
مجموعة انسان : ربي يعطيها الصحه و العافيه أمك

أمطار

16-03-10 ||, 02:05 PM

تسلــمـــون "نفر" و مزن ^^~

أخــباري مدوّخــة وبسيــر أحط راسي وأرقــد ..
أشووف وشـّكـو بخيـــر . . .

مجموعة إنسان

16-03-10 ||, 02:07 PM

نشوف وشكي بخييير

كيفكووون بعد ؟
شو هالدوام اللي ما يببي يخلص

المزوحي

16-03-10 ||, 02:37 PM

السلام عليكم

اش حالكم

والله يمدحونه مردف ستي سنتر بس شووووو زحححححححححححححمه، ماحصلنا موقف ، وتمينا ندور لين يالله حصلنا آخر

طابق ، في الشمس وموقف واحد بعد والمواقف شويه مثل مول الامارات بس الممرات ضيجه :k_icon28:

وعلى فكره ستار بكس يفووووووور من الناس :pullhair: وحتى paul كنا بنيلس ماشي طاوله وحده فاضيه :bash:

وحالهم

مايهزك ريح

16-03-10 ||, 02:57 PM

اشوف مول الإمارات البارحه خالي .. محد فيه غيرنا .. والمواقف فاضيه ..
عشان افتتاح مردف سيتي سنتر .. عقب ما ايكمل شهر او شهرين يمكن اسير .. بس اكيد مب الحين ..
ما احب الزحمه ..
وشو اخبارك مروان ^_^

المزوحي

16-03-10 ||, 03:00 PM

تسلم مايهزك ريح، بس بغيت اقولك لاتقول إنه بيفضى، كل وقت بتكون زحمه ، لأنه فاتحين مجمعات سكنيه هناك

في مردف، وبعدهم ماسكنوا فيهم، عقب المول بيكون زحمه أكثر

اليوم الافتتاح اصلا ، بس سرنا مع الربع، ظهرنا من الدوام، قلنا بناخذ لفه، أمة محمد

شو فضيع السنتر ، سيده على الكارفور ...

مايهزك ريح

16-03-10 ||, 03:07 PM

ايوا .. انا اتحسب الإفتتاح البارحه لأنه صدق المول خاااااااالي ..

شوق القلوب

16-03-10 ||, 03:23 PM

الجماعه مخططين يمرونه باجر... وانا مالي بارض على الضياعه و دوره الراس.. و اضني نص المحلات مب مفتوحه

مــهــابه

16-03-10 ||, 03:32 PM

مسـآ الـورد

كيـفكـووون هـل الواحـآت ؟!

آنـآ دخلت هنيه اتحرطم شوي ، وبظهـر ، عندي بـآجر آمتحانين ، والآسبوع اليـآي 10 طعشـر آمتحان =(

وفـوق هذآ قـآهريني ~ اللي نتـصل بهم عسب ناخذ معلـومات عنهم مسـوين لـنا طـاف ، اللي يقـول ما ادري منـوه محد ، واللـي ماعـرف شـو

حشـى مذله ، طـالبين بيـت شعبي مب شويه معـلومات " مول مايـتعـاونون مع طلبه الجامعات " :@

لـو حد من اخواني ولا ابويه ف القطاع الخاص جـان ماذلـونا هالكثر " فـيني صيحه " =P

عهد الوداع

16-03-10 ||, 04:41 PM

مهابه

الله يعيييينكم وهونيهاا وتهووون ياختي ...والله يوفقكم ان شاء الله ...يالله ازمه وبتتنهتي ^^

ومساء الورد ....

أنامل قلب

16-03-10 ||, 04:43 PM

مهابه ، هانت /
طوفتي الأكثر ، ما تم لج وايد عالتخرج اظني =)

~

عهد ، وينج يالقاطعه !.
مسائج عهود طيبه ..

عهد الوداع

16-03-10 ||, 04:47 PM

موجوده في هالدنيا ^^

اقولج ليكون نسيتي الاتفاق الي من بينااا ,, تراني بزعل (:

واخبارج ...بعد ...

تعاالي من فتره كنت بمر عليج الدوام ..طالعه من الصبح سايره دبي ,,,
بسويلج احلى مفاجأه بس استحيت ياختي ...

المزوحي

16-03-10 ||, 05:15 PM

لا مايهزك ريح الافتتاح اليوم وشي احتفال بس نحن ماشفنا شي من الاحتفال، وبعد وااايد كاميرات كل ماتلف صوب تصوير

شكلهم صوروني

شوق القلوب .. وايد محلات كانت طلقه، ومن غير باقات الورد + البالونات اللي عند المحلات

مهابه الله يعينج يارب

عهد +انامل كيف الحال ؟؟؟؟

دمعة شوق

16-03-10 ||, 05:50 PM

يـسعـدلي مسـآكـم ,,

اليوووم حررر وكتمه اففف الله يعينا لين شهر 6 :(
وعقب شـوي بروح محاضره لـدكتـور خليفة السويـدي

,

أنامل قلب

16-03-10 ||, 06:48 PM

سمحيلي عهد ما كنت قاعده عاللاب ،
اوووه والله صدق !. جان ييتيني صدق صدق كنت بستانس =]

صج اني بقفط وبتقطع وبتحرطم وكل شي ،
بس بستانس بالأخير P=

امبيه اتخيل عمري وقتها ههه

ووووو احم !.

عهد الوداع

16-03-10 ||, 07:26 PM

المزوحي

تماااام والله ...شوو يديدك

انامل

مسموووحه اختي ...
خخخخخ هيه كااان خاطري اشووفج في هالموقف ,,,
عاد انا يا حبي للمفاجأت ...يلا اكيد بشووفج مره ثانيه ان شاء الله وووبعد بخليها مفاجأه ,,,
ووووانا اكثر بستانس بشوووفتج ^_____^

مجموعة إنسان

16-03-10 ||, 07:29 PM

مرحباااااااا

قويييييييتوا والله محد ينش هههههه

شخباركم؟ شو مسوييين؟

أنامل قلب

16-03-10 ||, 07:34 PM

عهد ، دخيل أمج دزيلي خبر قبلها ،
مافيني أحترق =#

خيو مجموعة ، مرحبتين ،
والله عايشين !..

وبعد ، شو يديدكم جميعا ؟.

مجموعة إنسان

16-03-10 ||, 07:45 PM

نشرب شاي بحبق
وناكل حب شمسي
ونشوف قناة العربية

باجر دوامي 8
مب شيء اكووون مسطللللللل ههههه

مزن هتان

16-03-10 ||, 07:50 PM

اهلاً

على بالي بكره الخميس، احم

أنامل قلب

16-03-10 ||, 07:57 PM

^ وسهلا ، وانا عبالي اليوم الاثنين !، / احم ..

اخوي / نحن دوامنا يويما يبدي 7 ونص ،
يعني 8 بالنسبالنا خير ونعمه !.

=)

توني ماكله جبس بابسناك ..

مزن هتان

16-03-10 ||, 08:00 PM

=) ذكرتيني في نشة الصبح يوميا
أحس انه ماله لزمه انداوم من 7 ونص

سمعت انه اكو مامي سناك بعد، ما امزح

مزن هتان

16-03-10 ||, 08:28 PM

متنا من اليوع ابوي مادري وين طالع
و ماما بتكمل ساعه من طلعت قمت اشك جان وصلت سيح شعيب يمكن
الا هي الراشديه مو من بعدها ؟!!!

نبا نرقد، خواتي اشكالهم تحزّن كل وحده منسدحه مكان
نشينا صلينا و ردينا و هم بعدهم !

أم سيف يايتنا الحين =)
رقدّت عيالها و يايه تاخذ عشاها، متصله في خداماتنا موصيتهم يرفعون لها
من كل نوع شي، بيتها و الا بيتنا ؟!!

المزوحي

16-03-10 ||, 10:40 PM

عهد الحمدلله ، ماشي يديد ، ابغي اغير جو وقلت باخذ إجازه اسبوع - برتاح من الدوام

مزن مستعيله على يوم الخميس ... شو خططج لنهاية السبوع ؟

دمعة شوق

16-03-10 ||, 11:15 PM

لـيش تـسكـر موضـوع آلآعتـرآفـآت .؟!

:rock:

أمطار

16-03-10 ||, 11:51 PM

بـفتحـه إن شــاء اللـه ..
بس لأن الموضوع يباله توضيح.. وايد من الأعضـاء فاهمين الموضوع غلط =)

شخبــاركم؟!

أنامل قلب

16-03-10 ||, 11:59 PM

مو قادره أنام ..

مجموعة إنسان

17-03-10 ||, 12:29 AM

مرحباا

قبل شوي كنت اقرا كتاب تاكسي للكاتب. خالد الخميسي
كتابه حلو ويبين كيف سواقين التكاسي في مصر مستضعفين. واللي في قلبهم على لسانهم وكيف هم عندهم اخبار مصر كلها

شخباركم بعد؟

أمطار

17-03-10 ||, 12:36 AM

مــراحب "نفر"

أصــلاً تلاقــي الأخبــار أوّل بأول عند سوّاقين التكاسي والحلاقين .. مـا شاء الله شكله الكتاب حلو ^^~
مـن متى وأنـا افتح من هالكتـب اللي اشتريتهم ومـا أقرا شي!

الحمــدلله أخبــارنا كويســه.. أنت شخبارك؟!

حلم الطفوله

17-03-10 ||, 12:41 AM

امنيحه

مجموعه ... هالكتاب واااااااايد حلو !! قريته من سنتين تقريبا بس مواقف السواقين المصريين تخليك تستعجب ضاحكا !!

شو جيه !! رقادي معتفس من 3 أيام !!! ضاريه ديايه ارقد من وقت

مجموعة إنسان

17-03-10 ||, 12:44 AM

ترا معروفه اكثر ناس يتكلمون الحلاقين ،
لين الحين حلو
ومن كثر ما اسمع عن مصر وسوالفها تربطين الكتاب بالواقع وتصدقين اللي سمعتيه

ترا انا نفسج بس اليوم بديت في الأول
وعندي كم كتاب للأيام ببدا فيهم ان شاء الله

والله ماشي اخبار
من الملل سرت تحلقت وزين الحلاق بطيييييئ ويسولف وايد
ما خلينا شيء ما تكلمنا فيه هههه

أمطار

17-03-10 ||, 12:44 AM

البـــارحه سهـّرتج ويــاي :inlove:..
SowWy

أنــا بعد يـبــالي أرتـّب رقــادي!
مسـتويـه واايد أسهــر هالأيام!

شتشووته

17-03-10 ||, 12:46 AM

مرحباااااا فيني ارقاد مسطله بس قلت اطل اشويه

كيفكوووون

أمطار

17-03-10 ||, 12:46 AM

مجمــوعــه ..
يبــالي أعـزّم وابــدا من بـاجــر اقــرا ^^~

نعيمــاً

أمطار

17-03-10 ||, 12:47 AM

سبـحـان الله.. توّج على بــالي ..
أقــول في خـاطريــه شكلها شتشوتـه زارتنــا الصبـح ومـا بتطـّل علينا الليله!

شخبــارج؟!

حلم الطفوله

17-03-10 ||, 12:47 AM

أمطاري ..إنتي عالمسن الحين وإلا بترقدين !!

مجموعه !! أتوقع انه فيه مجموعة نفر لازم يسير يرقد لانه باجر وراه دواااااااام !!

شتشووته

17-03-10 ||, 12:49 AM

أمطاار لوول فديييتج والله .. ترا رقدت الظهرر طشونه من جذا بعدني واعيه..

انا الحمدلله انتي اشحااالج ؟ ^_^

مجموعة إنسان

17-03-10 ||, 12:50 AM

حلم
هيه كتاب قديييم
تخيلي عندي الطبعه 17

في كتاب اسمه. ترمي بشرر. لعبده خال
هذا فاز بجائزة في معرض الكتاب

شكله حلوو بس بعدي ما بديت فيه

اشوووفج ما شاء الله عالفجر تدخلييين
انا اليوم الزحمه الظهر صدعت براسي
لين الحين مصدع

أمطار

17-03-10 ||, 12:51 AM

حلمــي .. هيه بعدني ع المسن ..

شتشــوتـه.. عسااج دوم ع الصــحــه غلاي..
الحمــدلله أنــا بخيــر ربيــه يسلمج ^^~

شو صحـّتج؟!

شتشووته

17-03-10 ||, 12:54 AM

الحمدلله ربي يعافييج ^_^

متى بترقدوون؟

حد سار المول اليديد؟

مجموعة إنسان

17-03-10 ||, 12:55 AM

الدوام لله حلم هههههه

امطار يلله شدي حيلج وقوليلنا شو تقرين باجر

حلم الطفوله

17-03-10 ||, 01:00 AM

شتوته ... لا والله عقب ما يعيفونه الناس بسير عشان تخف الزحمه شوي

مجموعه .. هيه والله الدوام لله !! بس التسطيل إلي نعيشه بالدوام متعب

شتشووته

17-03-10 ||, 01:01 AM

حلم .. هي اخير لج ..

أمطار

17-03-10 ||, 01:07 AM

شتشوتــه .. بعد شوي بسيــر أرقــد ..
نفر .. إن شــاء الله ..

يــلا أشوف وشــّكو بخيـــر ..
Bonne Nuit~

مجموعة إنسان

17-03-10 ||, 01:10 AM

هههه
امااا السطله

والله يا حلم انا من بعد ما ضيعت 3 سنين في الجامعه
الحين تشوفيني استمتع بالكلية من كل النواحي هههه
صدق ما احاول اضايق عمري بشي اخذ كل شيء بالساهل
صح نكررف بس لما تحبين الشي وتجبرين نفسج انج تحبينه يكون حلو ولو كان مب حلو

شتشوته
شو يفرق عن المولات الثانية!!!
المشكله مسوين المولات كلها نفس الشكل ما يغيرون في شيء

حلم الطفوله

17-03-10 ||, 01:17 AM

الله يوفقك يا مجموعة ويفرحنا بتخرجك وعرسك وعيالك ( دعوه من خاطر الخاطر )

وينك عن الواحات ؟ ناقصتنها ربشتك ونشاطك فيها

مجموعة إنسان

17-03-10 ||, 01:18 AM

اميييين
ربي يسمع منج ان شاء الله

وعن الحشره ترا كل يوووم من اصبح لين امسي وانا موجووود
معبي الوضوع بحشرتي ههههه

بس في منتدى ثاني ادخل اقرا فيه مواضيع حلوة مرررررره
صدق منتدى مثقفين هذاااك هههه

الواحت اجوائها مشحووونه وايد هالأيام مب عارفين شو يسون فيها هههه
حتى مالي خاطر اشوف مخططاتهم هههه

لأن مبدأ التغير فيه إن تحتها الف خط
واكيد فاهمه قصدي ههههه

يلله تصبحون على خير
لو تميييت زياده. بعق وايد كلام مب زيين هههههههههه