.. يمعتنا يا محلاهـــــــا .. [الأرشيف] - الصفحة 3

خيال الحب

28-12-09 ||, 01:13 PM

مسا الخير ..

اخت انامل لاتحطين في بالج سالفة الملل او الضيج او الحزن.. لاحظت عليج هالايام كله تكتبين هالاشياء:k_icon9:

الله يبعدهم عنج ان شاء الله

لازم تجربين شي يديد .. جربي الرسم او التصميم .. او التصوير..

احس اكثر شي بيفيدج بالمستقبل التصميم .. بيفيدج بالشغل وايد بعد

شو رايج تطلعين ويانا الحداق:a042:>>>>>:tounge: لوول

أنامل قلب

28-12-09 ||, 01:41 PM

^ جان زيييـــــــــــــــن ، ودي أجرب شغله فيها حركه ..

امبلا أحب هالشغلات اللي طريتها ، بس مادري مو دوم نكون بمزاج معين ، مادري كيف أشرح ،
صدق حااابه أجرب شي يديد ، حتى لو بشترك ابـ دوره ولا بجرب شي أهبل ..

:m_m7tar:

خيال الحب

28-12-09 ||, 01:44 PM

:bash:امرج غريب:bash:

انا اعرف الشعور الي فيج.. حاسه بملل وبنفس الوقت حاسه انه ماعندج وقت تسوين فيه شي يقضي على هالملل..

حاولي ترتبين الافكار في مخج.. وخلج ريلاكس..

انا اقول من الحين سيري افتحي الفوتوشوب واقعدي طقطقي فيه:thumbup1: ولا تقولين مو فايجه ولا مالي خلق

الحين الحين هالدقيقه وهالثانيه تفتحينه:b015: اشوفج تراني:vampire:

أنامل قلب

28-12-09 ||, 02:04 PM

لول شو بعد افتح الفوتوشوب ، ماعدنا فوتوشوب بالدوام P=

ان شاء الله عمي بشوف هالحماس بالبيت وين بصرفه ،
لك علي جان ألفت شي بالفوتوشوب أدزها لك اهداء :yes: ..

بس عن تحسبها أذيه :icecream:
ترى مالي بالفوتوشوب ..

خيال الحب

28-12-09 ||, 02:13 PM

هههههههههههههه:biggrin: يبيلج تنزلين الفوتوشوب عندج في كمبيوتر الدوام:biggrin: لووول

خلاص عيل انا انتظر الاهداء:tounge: .. وماشاء الله عندنا مبدعين بالواحات راح يعطونج مقترحاتهم.. وحبه حبه ان شاء الله راح تصيرين من المتميزين في هالمجال:thumbup1:

مــهــابه

28-12-09 ||, 02:25 PM

آنـآمل :

صدقـج
آرمس بالقطـآره لوول ، والرمسه آبد مش مفـهومه لوول

المزوحي

28-12-09 ||, 02:49 PM

السلام عليكم

خيال خلنا ساكتين احسن ( عن طاري الدوام )

المهم شو اخباركم ؟

أنامل قلب

28-12-09 ||, 07:52 PM

وعليكم السلام ورحمة الله وبركاته ..

~

أخوي خيال الحب ، صدقني ما تبي تشوف التحفه اللي شاغله نفسي ابها ،
تقولون بيكاسو ناوي يجرب الفوتوشوب ، ولا تسئلوني اشـ دخل :tongue: ..

+ يزاك الله خير =)

~

مهابه / =]

~

أخوي المزوحي ، شكلك وايد شايل عالشغل ،
هو تصدق أول ما بديت الشغل كانت أفكاري ورديه زياده عن اللزوم ،
والحين بديت أعيش الواقع "شويه" أكثر ، كثر ما أحتاج عالأقل ..!

الواحد بالأخير دامه لازال ياخذ ويعطي بغض النظر عن البقعه ، يظل بالحالتين مستفيد ،
ولو عـ سالفة التقدير وانهم ما يراعون ، فـ خل يرفع من معنوياتك فكرة إن في مثلك كثر ،
مثل ما إن في كثر يرحبون بـ تقدير غيرهم أولى به منهم ..

بس اممم ، مادري اقرا هالاقتباس :a018: :
هناك نوعان من البشر فيما يتعلق بالعمل :
الأول : يقوم بالعمل وينجزه ..
الثاني : يتلقى الثناء والتقدير ..
فكن من النوع الأول ، لأن المنافسة هناك أقل بكثير .. }

ويمكن تكون محتاج لـ شي ثاني ماله علاقة بـ محل العمل ،
يعني أظني صارلك تشتغل كذا سنه ، والإنسان بـ طبيعته يحتاج عالأغلب لـ فواصل يجدد فيها نفسه [ ريـ فرش ع قولة العرب !. ] ،
يعني يمكن تكرار الروتين اليومي ، ويمكن تكون حالتك شبيهه بحالتي : إنك محتاج لـ شي يديد لا أكثر !. أو اممم اظني يعني لا أكثر :fa46: !.

مادري شنو اهيه الشغلات اللي تميل لها أخوي ، بس اسأل وبادر باللي تحسبه انت ملائم لـ شخصك ،
وحدد أولوياتك ..

=)

المزوحي

28-12-09 ||, 09:04 PM

مرحبا اختي انامل، إذا على الروتين، 100% روتين طبيعة شغلي، بس لو شي تقدير، لانهم يوعدون بأشياء،

وكل شي يبوه حقهم، ومابغي اتصل حق بوعمر وأقول إنه الوافدين اللي يرؤسونا مايبونا نطلع لفوق

خلنا من هالسالفه، في خاطري حليب بالزعتر ...

وفي الويك اند في خاطري اسير JBR

أنامل قلب

29-12-09 ||, 10:33 AM

^ ربي ييسرلك أمورك أخوي ..

وانا بخاطري سلطة !.

المزوحي

29-12-09 ||, 08:04 PM

مساء الخير

كيف الحال ؟؟

اشوف هدوء، محد هنيه ؟؟

دمعة شوق

29-12-09 ||, 10:02 PM

^
مساء الانوار يالمزوحي

بخير الحمدالله انته شحالك

المزوحي

29-12-09 ||, 11:01 PM

الحمدلله طيب دمعة شوق ..

مزن هتان

30-12-09 ||, 08:05 AM

السلام عليكم و رحمة الله و بركاته

أدم الصـــلاة على النبي محمد فقبولها حتما بغيــر تــردد
أعمالنا بين القبول و ردهـا إلا الصلاة على النبي محمد

أنا ما صمت اليوم =S

أنامل قلب

30-12-09 ||, 10:49 AM

اممم ماشي شغل اليوم ذاك الزود ،
وملهيه عمري بموقع أدب com.

موقع جميل ..

مزن هتان

30-12-09 ||, 11:25 AM

=)

أنا من الملل قاعده اخلص اللي عندي
البنات مش مداومين و أنا بروحي بين الموظفين
نعست =0 و صدعت من الارقام =X

أنامل قلب

30-12-09 ||, 11:56 AM

^ احليلج ، نفس حالتي ،
نحن اربع بنات بهالمكتب ، وحده اجازه واثنين اجتماع ،
يعني قاعده بحالي ولحالي وناطره رفيجتي !.
حتى اهيه اليوم محد عندها فماتروم تنزلي =/

قاعده بس أسد غيابهم ، ماعندي شي ثاني حاليا ،
وشسمه ، يوعانه !.

مزن هتان

30-12-09 ||, 12:03 PM

نحن 3 بنات في قسم كامل ما بقول مقابل كم رجال "توني استوعب الرقم"
وحده عدها امتحان و الثانيه مادري ليش ماداومت اليوم

اممممم شسمه، جي ما اكلتي شي و الا تستحين ؟!!

أنامل قلب

30-12-09 ||, 12:12 PM

الله يكون بعونكم عيل ،
وبخصوص الـ شسمه فماشي ، الله يسلمج
يقولون كنت بطلب لي من مطعم بس ماحب عامل الأغذية عدنا ،
ما بي أتصل فيه عساس إييب لي الطلبيه ، ماتتخيلون اشكثر ماطيق اشوفه ..

+ ما جربت أطلب من كافتريا الدوام !.
+ ماعندي خرده عساس آخذلي شي من الثلاجه ..

كل شوي أقول بعد شوي ..

أنامل قلب

30-12-09 ||, 12:15 PM

أقول ترى صدق بديت أمل :fa36: ..

مزن هتان

30-12-09 ||, 12:45 PM

شو الاجتماع ما خلص للحين =0
قمت اشك انج اتداومين في نفس المكان اللي اداوم فيه بس فرع ثاني
اكو اداره عدنا اجتماعاتهم تتعدى الساعتين

أنامل قلب

30-12-09 ||, 07:38 PM

^ اللي عدنا هالمره ماكانو باجتماع اجتماع ، شي ثاني !.
حتى تميت لآخر الدوام متوهقه ، ولمن رجعت البيت وانا نايمه العصر
كله تميت احلم بهاليوم ههه عافانا الله

^^"

أنامل قلب

30-12-09 ||, 07:40 PM

هو ماظن ان نشتغل بنفس المكان ، بس احتمال ليش لاء !.

بنت الدلع

30-12-09 ||, 10:25 PM

ام حمودي:1:

ههههههههههههه بنعال بن دبي:birgits_giggle:

بنت الدلع:k_harhar1:

ماورانا لا بروجكتات ولا شي:k_harhar1: خلينا نسهر:k_harhar1: لووول

ماتبين مساعده بالبروجكتات:k_harhar1:

:glare: كلها اياام وبنخلص

مزن هتان

31-12-09 ||, 08:01 AM

السلام عليكم و رحمة الله و بركاته

أصبحنا و أصبح الملك لله
الحمدلله مستانسه اليوم بشوف زميلاتي =)

خيال الحب

31-12-09 ||, 02:47 PM

السلام عليكم

شحالكم وشخباركم

مرتاحين ان شاء الله

المزوحي

01-01-10 ||, 11:46 PM

وعليكم السلام

خيال الحب الحمدلله على كل حال

بلاهم الجماعه رقود .. ماشي حماس .. تونا بداية السنة

شو كان يومكم

خيال الحب

04-01-10 ||, 01:52 AM

مرحبتين بالمزوحي

يا حيالله^__^

مسائكم برد وامتحانات

الله يوفق الجميع ان شاء الله^__^

شتشووته

04-01-10 ||, 04:51 AM

صبااااااااااااااااااااااا اااااااح الورد ^___^

المزوحي

05-01-10 ||, 02:34 PM

السلام عليكم جميعا

دمعة شوق

05-01-10 ||, 04:35 PM

وعليكم السلام والرحمه

شحالكم ^^

خيال الحب

05-01-10 ||, 05:48 PM

مرحباااااااااااااااااااا^_ _^

المزوحي شحالك

دمعة شوق شحالج وشخبارج

بشري شو الامتحانات ان شاء الله كل شي تمام

المزوحي

05-01-10 ||, 08:06 PM

دمعة شوق

خيال الحب

الحمدلله بخير اش حالكم انتوا ؟

يقول نبى نغير جو شويه، وناخذ إجازه من الدوام، بس ياليت تخبرونا وين نسير في البلاد :k_smartass: هممم

طبعا غير برج خليفه لأنه هذا بيكون من ضمن الخطط :pickaxe_rune: هههههه

خيال الحب

06-01-10 ||, 02:23 AM

هلا وغلا بالمزوحي

عندك عوافي يمدحونهااا

مر سوق السمج وخذلك 5 كيلو قباقيب وسير اشويهم على العرقوب

وناااااااااسه

المزوحي

06-01-10 ||, 02:44 PM

خوش فكره خيال : على قولة الكويتين

مزن هتان

06-01-10 ||, 03:38 PM

أنامل قلب وينها ؟

الحين وقت البر :)

المزوحي

07-01-10 ||, 02:53 PM

السلام عليكم

اليوم الخميس

واخيراااااااااااااااااااا اااا

دمعة شوق

07-01-10 ||, 11:11 PM

خيال الحب

الحمدالله انا بخير انته شحالك ؟
انته علومك ^^

الحمدالله افتكيت من الامتحانات والحين على اعصابنا نتريا الدرجات ^^

\

المزوحي
دووم ياخويه
ويمدحوونها الطلعه وتغيير الجو ^^

المزوحي

08-01-10 ||, 03:03 PM

دمعة شوق، يمدحونها أكيد :a042:

وين مخططين تسيرون اليوم :woot:

المزوحي

09-01-10 ||, 05:38 PM

مساء الخير ... الجماعه مختفين

أظن اللي يذاكر ، واللي ساير البر ... اعترفوا :fa46:

المزوحي

10-01-10 ||, 03:11 PM

يوم اقولكم رقود

وينكم

عهد الوداع

10-01-10 ||, 10:52 PM

تشوووفووون البرق

مزن هتان

11-01-10 ||, 09:03 AM

مالحقت لا عـ البارج و لا عـ المطر
كلش ما حسيت =S

صباح الخير

مايهزك ريح

11-01-10 ||, 10:54 AM

انا ما رقدت طول الليل من صوت الرعد والبرق ما شاء الله ما وقف لين اذان الفجر !

مزن هتان

11-01-10 ||, 12:59 PM

كفو رقاد والله، أختي تخبرني انها نشت بس ماحسيت أنا

المزوحي

11-01-10 ||, 02:39 PM

مبروك عليكم الرحمه :1:

مزن هتان

13-01-10 ||, 08:01 AM

صباح الخير

وصلني عـ البي بي :

عقب الفقر سووا ملايين
و اتبدلوا لهنود عربان

أول بشاكر بالدكاكين
و اليوم مكتب فوق عمران

سردار شاهد ولد ياسين
في بلادنا له مركز و شان

و ولد الدار يالمسيكين
تلقاه متشتت و سرحان

تأجيل قسط فوق قسطين
و البنك فوقه صار سجان

قالوا المواطن حاله يزين
فوق التعزز صار بطران

رنج مزهب للمزايين
سبورت أسود و كت هامان

هذاك واحد بين تسعين
وارث عماره وسط بنيان

هذا الواقع و ربي يعين
غياب زايد سبب أحزان

و سلامتكم

مايهزك ريح

13-01-10 ||, 08:56 AM

^
صح لسان الشاعر ..
تسلمين على النقل اختي مزن..

مزن هتان

13-01-10 ||, 09:27 AM

ربي يسلمك أخوي مايد

المزوحي

13-01-10 ||, 02:52 PM

السلام عليكم

مزن ... يا هالبي بي :shutup: شكرا على النقل :yes:

شو علومكم ؟:k_special2:

مزن هتان

14-01-10 ||, 08:12 AM

وش فيه البي بي ؟ على فكره العرب تنقد كل حاجه و مع ذلك تلاقيهم هابين عليه
العفو خيو

الخميس اليوم =)
شكلي بكون برع دبي هالاسبوع >.<
ان شاء الله خالاتي يجون و استانس

مــهــابه

14-01-10 ||, 11:42 AM

مسـآكم وّرد ..

آخبـآرهم النـآس المدآومين ؟

آنا شخصيـاً مـوعـيني من رقـآدي >< ، طفـرووبي عيـآل ختيه ، كل شوي حد يـوعيني ~ !* ..

بس زيـن سّـوو لآن الظهر كل حد ف البيـت يكون رآقد ، آلا انا فـ برد آكمل رقـآدي ويـآهم =p

حلـوووه الاجازه =p

مزن هتان

14-01-10 ||, 11:54 AM

زين وعوج الصغاريه =)

نحن الحمدلله مناح بما انه الخميس، ها بتين معاي العين اليوم ؟
زين زين تهنوا بالاجازه :fa41:

المزوحي

14-01-10 ||, 03:10 PM

مزن خلاص آسفين هههههه

مهابه اكيد حلوه الاجازه

على وين ناوين الجماعه ؟؟؟؟؟؟؟؟؟

رمــش الغـــلا

14-01-10 ||, 03:52 PM

انا الويكند كالعادة ..

اليوم عزيمة وباجر بطلع =)
ويوم السبت ويا خوآتي ..~

بنت الدلع

14-01-10 ||, 03:56 PM

^ رمممممش
انتي ويييين
مسد يوو

المزوحي

14-01-10 ||, 04:34 PM

رمش الغلا .. انا ابغي عزيمه على عزبه !

............

وعلى قولتهم غوري حليب زعتر لوووووووووووول

مــهــابه

15-01-10 ||, 08:22 AM

مـزن :

كنـت بقـولج هيه ، بس قـريت الرد متآخر ، وروحـتي عّني =p

بنروح لهـآ الآسبوع اليـآي آو لي عقبه ان شاء الله، عندنـآ عـرس هنـآك مادري تاريخ جم بالظبط

المزوحي :

آكيد الآجازه حلوه ، بس الظاهر في نـآس بيخربونهـآ وبيستوي آكشن لوول

.

.

صبـحكم الله بالخير =)

المزوحي

15-01-10 ||, 09:32 AM

صباح النور اختي مهابه

اصبحنا واصبح الملك لله

رمــش الغـــلا

15-01-10 ||, 09:50 AM

صبـآحكم ورد وجوري ..

بنت الدلع ..

حبيبتي والله مس يوووووووووووووووو اكثثثثثثثثر=)

المزوحي ..

لا البااارتي كان عسب مولود يديد واستاااااانسنا الحمدلله =)
مع ان الجو كان باااارد لول ..

المزوحي

15-01-10 ||, 03:00 PM

رمش الغلا اهم شي إنكم استانستوا^_^

خيال الحب

17-01-10 ||, 06:48 PM

السلام عليكم

شحالكم وشخباركم

المزوحي

17-01-10 ||, 07:26 PM

وعليكم السلام

مرحبا خيال

نحن بخير ربي يعافيك ، شو عنكم ؟

مــهــابه

17-01-10 ||, 11:18 PM

صـدق من قـآل :

ليـل الشتـآ طــويل

عهد الوداع

18-01-10 ||, 11:45 PM

حد اهنه

مــهــابه

19-01-10 ||, 04:12 AM

صبــآآآح الخيـر =)

شدوا هـمتكم => للنـآس المدآومين من الصبح ~ !

بـروح آنام =p

المزوحي

19-01-10 ||, 01:12 PM

مهابه عن المعاير ...

بس ماعندي دوام لووووووول

شتشووته

20-01-10 ||, 08:57 AM

صباح الوووووووورد ^__^

المزوحي

20-01-10 ||, 10:15 AM

صباح السرور

شتشووته

20-01-10 ||, 11:38 AM

شخباركم وشعلومكم ؟

ملااااااانه .. محد ويايه عمتي طالعه وريلي بيطول بالدوام افففف

المزوحي

20-01-10 ||, 02:35 PM

الله يعافيج، تراج من بينا في الواحات،لا يضيق صدرج وتملين !

وين بتسيرون اليوم ؟؟؟؟ هذا السؤال مب حصري حق نهاية السبوع ^_^

مــهــابه

20-01-10 ||, 06:20 PM

المـزوحي :

آنـآ مـآ آعـآيرك حرآآم ، الـروحي آبى حد يآجز ويـايه ، آنا الوحيده اللي فـ آجازه ف البيـت

.

.

~ اليوم ماظهرت مكـآن ، كنـت بروح مع ختيه ام عبدالله ذا ووك ، لكن مرت اخويه خلـت ولدهـا عندي وطلعـت مـآ آقدر اروح =(

شكلي بـخليهـآ للويك إند

المزوحي

20-01-10 ||, 07:31 PM

خلاص سامحتج

زين ماشي زحمه في نص الاسبوع .. ~

خيال الحب

20-01-10 ||, 10:04 PM

مســـاء الخيــــر~

المزوحي

21-01-10 ||, 09:46 AM

السلام عليكم

اش حالكم، عساكم طيبين ؟؟

مايهزك ريح

21-01-10 ||, 11:24 AM

اخيرا الخميس باقي 6 ايام وايردون الأهل .. صدق ملل يوم البيت خالي !

المزوحي

21-01-10 ||, 02:10 PM

الله يعينك مايهزك ريح، وإن شاء الله تفرح بييتهم :inlove:

الـــيوم ســير مكان + الجمعه والــسبت :a042: أو اكتــشف أماكــن يــديده :fa46:

مزن هتان

25-01-10 ||, 01:51 PM

يوعانه اليوم !!

ممله الواحات و كئيبه =X

مايهزك ريح

25-01-10 ||, 02:25 PM

يالله اليوم الأثنين ..
عندي اشغال ابا اخلصهن .. ان شاء الله يواحيلي اخلص كل شي اليوم وافتك !

ابصراحه مب بس الواحات ممله .. كل شي استوى ممل .. الدوام ..البيت .. كل شي ..
الله يعينا بس >_<

المزوحي

25-01-10 ||, 02:52 PM

مايهزك ريح ، سبحان الله، فترة الصبح تقدر تخلص وايد أمور، بس دام إنه دوام أكيد بتطلع العصر ..! :icecream:

الواحات ممله، لازم نغير شويه من الروتين عسب مانحس بملل ! :a042:

مايهزك ريح

25-01-10 ||, 02:58 PM

صح فترة الصبح وايد تقدر اتقضي فيها اشغال بس وين الإجازه !

المزوحي

25-01-10 ||, 03:02 PM

الله يــعينك

لو كنت تقدر تاخذ يوم واحد إجازه، منها تخلص اشغالك ومنها تغيير عن الروتين ( اللي هو دوام ... )

تحفه

27-01-10 ||, 08:20 AM

اللهم يامصرف القلوب والابصار صرف قلبي لطاعتك ويا مقلب القلوب ثبتي قلبي على دينك .. صباح الخير صبايا وشباب :)

خيال الحب

27-01-10 ||, 10:14 AM

صــباح الخيـــر~

شحــالــكم وشـــخبـــاركم:a033:

المزوحي

27-01-10 ||, 03:06 PM

مرحبا تحفه + خيال الحب

اش حالكم ؟؟

في احتمالية تي موجة برد هاليومين والله اعلم

المزوحي

28-01-10 ||, 08:17 PM

حد عنده فكره عنها ؟

http://fondoscoches.com.es/images/wallpapers/peugeot-307-cc-rojo-429938.jpeg

قصايد غلا

28-01-10 ||, 11:52 PM

^ مساعة أخويه يقول لنا بيينا منخفض جوّي من سيبيريا جننننه :k_smile2:

مزن هتان

01-02-10 ||, 09:39 AM

صباح الخير

ما شاء الله الجو حلو اليوم و يفتح النفس
ودي اتمشى ابـ منطقه مفتوحه مع انه ماكو احلى من اليلسه عـ الرمله، احم :inlove:

ان شاء الله بعد يوم اليمعه الجو يكون جذه "جميل و بديعي"

المزوحي

01-02-10 ||, 09:03 PM

اكيد الجو حلو، بس واحد جدامي ضارب لي دبل اشاره ،،، اتحرى يبغي مساعده، طلع الحبيب عشان الضباب

متى بيتعلمون !

الـيـاه

01-02-10 ||, 09:22 PM

شحالكم شباب وصبايا ....
لايعه جبدي .. مستوي الرقاد اييني من الساعه 9 فليل اقفّل

المزوحي

01-02-10 ||, 10:03 PM

بــخير عســاج بــخير .. الياه 9 ولا 3 :redface2:

بنت الدلع

01-02-10 ||, 10:44 PM

السلام عليكم
الياه انزين حلو جيه
على الاقل تنشين وانتي نشيطه
الاسبوع الياي نحن بنبدااا الله يعييييني على نشة الصبح
عاد هالسمستر كلاساتي كلها من 8 >.<

المزوحي كيفاااك ؟؟

الـيـاه

02-02-10 ||, 08:46 AM

صباح الخير :fa41:

المزوحي : ههههه أله 3 عاد

بنت الدلع : جوفي الحين كلاسي الظهر وانا ناشه من 8 ركبت عالخيل ساعه والحين ماعندي شي -.-
اووه الله يعينج

المزوحي

02-02-10 ||, 03:26 PM

مرحبا بنت الدلع، بخير الحمدلله

الياه : هيه جيه اباج .. عن السهر

الـيـاه

02-02-10 ||, 03:43 PM

^ لا خلاص اصطلبت لوول .. من بداية هالاسبوع مستويه ما اسهر

الواحات وايد رقــــــــااااااااااااد هالكم يوم -.-

المزوحي

02-02-10 ||, 04:18 PM

زين ..

الواحات تييب الرقاد وملل .. يمكن ماشي موضوع يديد أو موضوع يكون حلو ويشد

لو نبتعد شويه عن الواحات عسب نتوله

ماسرتي bloomingdales في دبي مول ؟ :b015:

بنت الدلع

02-02-10 ||, 05:14 PM

المزوحي .. صدق الواحاااااااااااات مافيهاااا شي
يا ترى ليش !

الـيـاه

02-02-10 ||, 05:22 PM

المزوحي : لووووووول انت تقرا افكاري!؟ توني راده في موضوع shopping كتبت عنه ...
هيه بالاحد كنت هناك يوم الافتتاح ... 3> 3> 3>

الاعضاء اصلن اختفو من الواحات .. نادر ما اشوفها متروسه :S

المزوحي

02-02-10 ||, 10:41 PM

بنت الدلع شو دراني بهم :bash: مب شي جيه . لازم نسوي حملة ونشجع هل الواحات يردون مثل قبل واحسن :thumbup1:

الياه : اتحرى الافتتاح امس لأني كنت هناك :fa46:

تعتقدين شو سبب اختفاء الاعضاء ؟؟؟

إجازه :a042: وإلا مشغولين ؟ :h_terms:

بنت الدلع

03-02-10 ||, 12:32 AM

حملة شو و تشجيع شو
دوول خلااص ناموا في سباااات عمييييق

خليجيه

03-02-10 ||, 01:03 AM

بنت الدلع: لاااااااااا،،،، هذا الهدوء اللي يسبق العاصفه :sleepy:

بنت الدلع

03-02-10 ||, 01:10 AM

^ هزرج !

طير الغرام

03-02-10 ||, 03:25 PM

البــرود اللي صايــب الواحــات فضيــع !
واللي يشاركون ينعدون ع الأصابـع ،، ومافي مواضيـع اتشجـع
اللهم كمن قسم فيهم حركه بسيطـه :mf_leia:

وعنـي شخصيـاً مرات يعتمـد ع مودي ما أحب أشاركـ ومرات أكـون بزي ما أتفيـج :fa52:

المزوحي

03-02-10 ||, 09:19 PM

بنت الدلع نبى حماس

طير الغرام يبالنا اعادة بناء

الـيـاه

03-02-10 ||, 10:02 PM

المزوحي : لا مب مشغولين وايد .. اليوم شفت 25 عضو فالواحات ومحد كاتب رد واحد :S ماعرف شو يسوون بالضبط!

بس اظني لانه مافي شي يديد فالواحات

بنت الدلع

04-02-10 ||, 12:05 AM

^ لول البارحه من الملل ومن قلة المواضيع
سرت افتح مواضيع مال سنة 2006 واقراهم
وسلسة عايش وهم مال الابتسامات رديت قريتهم مره ثانيه
ماشالله عنده اسلوب جميييل جدا

مجموعة إنسان

04-02-10 ||, 12:08 AM

همممممم

على طاري الواحات
شخباركم اليوم ؟

شو مسوين ؟

مزن هتان

04-02-10 ||, 07:56 AM

البارحه سهرانه الين ١ كشخه بس ياني صداع فرقدت
الخميس :)

المزوحي

04-02-10 ||, 02:43 PM

الياه ههههه 25 يمكن فاتحين كذا موقع، وإلا إنهم ماسجلوا خروج :mf_turban: فالأسم موجود

بنت الدلع، كنت بقول حق الياه، يمكن يحوطون في الواحات يقرون مواضيع جديمه :sleepy:

مجموعة انسان نحن بخير دامك بخير ودام إنه اليوم الخميس :yes: نايس :a042:

بنت الدلع

05-02-10 ||, 12:05 AM

^ يوم مافي شي نسترجع الذكريات

المزوحي

05-02-10 ||, 08:01 AM

السلام عليكم

اش حالكم ، عساكم بخير ؟

بنت الدلع يوم افكر واستعيد الذكرياتي :a042:

شو علومكم ؟ بسكم رقاد نــشو :a032:

مزن هتان

05-02-10 ||, 01:38 PM

و عليكم السلام و رحمة الله و بركاته

أنا و أمي و خواتي طالعين نتغدا برع و أم سيف بعد مع عيالها
تغيير

المزوحي

05-02-10 ||, 03:42 PM

مزن زين تغيرون جو شي طيب، بس تبون الصدق هذا الجو يباله دراجات :woot:

http://dubaimoon.com/dubai/images/cars/_28955.jpg

مزن هتان

05-02-10 ||, 06:43 PM

أي والله جو دراجات بس نحن برع دبي و بدون أبوي
بيسافرون اظن باجر أبوي وامي و خواتي !! فقاعدين يقضون
و يتشرون، ماكو فرصه للدراجات

المزوحي

06-02-10 ||, 09:44 AM

السلام عليكم

مبروك عليكم الرحمه .. شو رايكم بالجو اليوم ، يبالكم خمير على الضو ودلة حليب ^_^

الـيـاه

06-02-10 ||, 02:00 PM

الجو رووعه روووعه ماشاء الله 3> احس ابا اسير البر بس ماقدر متكسره :(
البارحه كان عنا عرس كزنتي وصباحي وحياتكم .. موول مب وقت تخضخيض البر ...

ابا جاي حليب 3/>

خيال الحب

06-02-10 ||, 05:06 PM

السلام عليـــكم

شحالكم وشخــباركم

ياسلامي على البرد الي نزل اليوم الفجر^__^ كشخه والله

المزوحي

06-02-10 ||, 08:55 PM

كان يبالك تمر ودلة قهوه على هالجو خيالو

شو كان يومكم ؟

خيال الحب

07-02-10 ||, 01:27 AM

هي والله صدقك يالمزوحييييييييييييي

الله يدوم علينا هالامطار ان شاء الله

^__^

يعلها امطار خير يارب

مزن هتان

07-02-10 ||, 12:30 PM

نعسانه

ملل الدوام اليوم

مــهــابه

08-02-10 ||, 10:28 AM

صبــآآآحكـم كـآدي =)

.

.

وجـآن تخلص اجازتنــا ، وجـآن انرد للكراف

نـتلآقى

مزن هتان

08-02-10 ||, 12:24 PM

^^ وين يالغايب عن أولوفك
قاطعٍ ما تذكر أولافك ؟...

ولهت عليج مهابه :fa41:

مــهــابه

08-02-10 ||, 05:10 PM

مـوجوده آنـآ

بس كنـت مشغوله ف عرس بنت عمي اللي كان بالسبت وعقبها ع طول روحت الجامعه وتـدرين بدايه الكورس شقـآيل
متبهدلين شوي بـالـتسجيل والسكـن اليديد =p

آنـآ بـعد تـولهت عليج =)

رمــش الغـــلا

08-02-10 ||, 07:39 PM

مرآحب ..

شحـآلكم ؟ شو دنيـآكم؟

المزوحي

08-02-10 ||, 09:28 PM

مرحبا

هلا بكم

هلا رمش نحن بصحه وعافيه الحمدلله - وشو عنكم ؟

رمــش الغـــلا

08-02-10 ||, 10:56 PM

والله الحمدلله =)

مرتـآآحين =)

المزوحي

10-02-10 ||, 03:14 PM

السلام عليكم

ليش جيه ماتشجعون الواحد يتم في الواحات .. يالله بنسوي لكم رحله بحريه في هالبرد .. وإلا اقول خلوها بريه

عسب نوري ضو

ومع هذا بقولكم الصيف بدا خلاص - لاخريف ولا ربيع

دمعة شوق

10-02-10 ||, 09:38 PM

السلام عليكم

شحالكم وشخباركم .؟
شوو جديد الواحات ؟

مايهزك ريح

11-02-10 ||, 11:33 AM

ما شي يديد .. بس احلى شي انه اليوم الخميس ^_^!!

مزن هتان

11-02-10 ||, 11:45 AM

=) اليوم ان شاء الله بطلع مع عمي

أخوي ما يهزك ريح ها نقول قرت عيونك و تستاهل سلامة أهلك و الا لسه ؟!!

مايهزك ريح

11-02-10 ||, 01:10 PM

للأسف .. بعدهم .. العاصفه الثلجيه اللي ظربت امريكا .. كنسلت كل الرحلات .. وهم بعدهم يالسين هناك .. !

ان شاء الله توقف هالعاصفه ويرجعون بالسلامه دعواتكم

مزن هتان

11-02-10 ||, 01:19 PM

أهم شي هم بخير الحمدلله
يردون بالسلامه ان شاء الله

مــهــابه

11-02-10 ||, 01:21 PM

آحم

في نـآس مـآجزين من آمس ، ورآقدين يلين السـآعه 12 ونص =p ، ولـولآ العمـآل اللي مـآ آعرف شو يسوون جـآن كملـوا

.

.

ويك آند جميل لكـم ان شاء الله =)

مايهزك ريح

11-02-10 ||, 01:53 PM

أهم شي هم بخير الحمدلله
يردون بالسلامه ان شاء الله

آميييييييييييييين

المزوحي

11-02-10 ||, 03:02 PM

السلام عليكم

اش حالكم ؟؟

مايهزك ريح، إن شاء الله يردون بالسلامه .. واليوم الخميس مثل ماتقول :woot: شي حلو

مايهزك ريح

11-02-10 ||, 03:06 PM

يسرك الحال اخويه مروان .. ^_^

المزوحي

12-02-10 ||, 05:38 PM

مسا الخير

اش حالهم الجماعه عساهم طيبين ؟

غريبه ماظهرت اليوم من البيت، إلا الصبح طشونه سرت ACE

وانتوا شو عنكم ؟؟ شو اليديد

عهد الوداع

13-02-10 ||, 02:11 PM

مســــــاء الخيـــــــــــــر

مــهــابه

13-02-10 ||, 04:44 PM

ليش الويك إند يخطف بسررعه =(

.

مـآ آريد آروح العـين =(
.

المزوحي

13-02-10 ||, 09:32 PM

مساء النور عهد الوداع

مهابه الله يعينكم

....

مزن هتان

14-02-10 ||, 03:40 PM

يسعد مساكم

ام سيف تكلمني عـ البيبي تهددني مزن لا ترقدين
ملل البيت ياخي كم بجابل اخواني الاثنين و اختي

مزن هتان

15-02-10 ||, 09:38 PM

اليوم على إذاعة الشارجه كان أكو لقاء مع الدكتور بشير صالح الرشيدي
أشكر اللي علمني عن اللقاء
صح ما لحقت عليه من البدايه بس بعد استمتعت

شوق القلوب

16-02-10 ||, 01:10 AM

^

مزن.. منو هالدكتور.. ؟ خبرينا عنه ؟

مزن هتان

16-02-10 ||, 08:05 AM

كويتي
"صاحب أول عيادة استشاريه اجتماعيه و نفسيه على مستوى دول خليج"
له كتب عديدة بالارشادات النفسيه و الاجتماعيه و كذلك عنده روايات
أنا للحين ما قريت له بس أحد الاخوان مدح لي رواية له

شوق القلوب

16-02-10 ||, 08:10 AM

ماشاء الله ... عيل اكيد كان اللقاء حلو..
هالشخصيات الرياديه اتكون محط اعجاب ..

..

شكرا مزمز.. ^ـ^

عهد الوداع

17-02-10 ||, 12:42 AM

حد سهران

مزن هتان

18-02-10 ||, 12:45 PM

العفو شوق القلوب
كان لقاء و من بعدها قعد يرد على استشارات المتصلين
في أمور متعدده :fa41:

ملانه

المزوحي

18-02-10 ||, 02:45 PM

السلام عليكم

مزن ليش ملانه ؟؟ اليوم الخميس ( محد عندكم ) ؟

مزن هتان

18-02-10 ||, 11:50 PM

هلا

الدوام ملل اذا ماكو شغل

خالاتي من شوي طالعين من عدنا يايين يسلمون على امي

المزوحي

19-02-10 ||, 09:00 AM

صح إذا ماشي شغل ملل

صباح الخير

تحفه

23-02-10 ||, 03:58 AM

♡ يارب عفوك كل يوم وليله ♡ زادي قليل والمسافه طويله ♡ يارب خف عني الذنوب الثقيله ♡ يارب تغفرلي جميع الذنوب ♡

المزوحي

23-02-10 ||, 10:27 PM

السلام عليكم

اش حالكم

بتمون جيه تدخلون وماتشاركون، اشوف اليوم الاسامي وايده ماشاء الله

يعني غير عن الايام اللي طافت

بنت الدلع

23-02-10 ||, 10:28 PM

^ مرحباا خيّو
كيفاااااك ؟؟

العجيبة

23-02-10 ||, 10:42 PM

انااا منيييحاااا

انتي كيفييييك

خخخخ وحدة داشة عرض

تحفه

23-02-10 ||, 10:50 PM

شو سويتووو اليوووووم؟

بنت الدلع

23-02-10 ||, 10:53 PM

بقولكم اليوم شو استوى لي..

وبينما انا منهمكه في حل الواجبات المستعصيه والتي تتطلب عرض العضلات على اصولها :fa38:
اذا بي أرى كائن يحدق بي
يبدو صغير الحجم
ضئيل البنْية
اقتربت منه شيئا فـشيئا

بانت ملامحه قليلا

وقفته شامخه
ولا يهاب شيئا
كأن له سطلة في هذا المكان !

اقتربت منه اكثر

آهـااااا

انه عدّوي :fa32:

الذي احتلّ غرفة النوم الخاصة بي منذ أيام عدّه
يا له من كائن عديم الاحساس
أين هي كرامتك ؟

ألم تتعلم الإستئذان قبل الدخول
ألم تتعلم كيفية طرق الباب ؟ :shocked:

بحثت عن شيئا يخلّصني منه وبسرعة

وجدت الأداااة
انها مفكّرة صغيرة

طااااااااااااااااخ

والصدمة !!! :ghostface:

رأيت قطرات من الدم

فالشرااااب والغذاااء موّفر له (مجانا)ً في هذه الغرفة
ولكن
ليس بعد الآن :d014:

العجيبة

23-02-10 ||, 10:55 PM

لقيتي قملة بنت الدلع ؟ خخخخخخ

العجيبة

23-02-10 ||, 11:01 PM

شو سويتووو اليوووووم؟

من ٥ العصر للحين وانا فالدرب للبيت وراي ويكند توويل

وقبل ٥ كنت شبه راقدة فمحاضراتي خخخخ

بنت الدلع

23-02-10 ||, 11:02 PM

-___-
تحلييييلج للموضوع غلط 100 %

قمله في راسج هذي لول

كانت حشره سخيفه تشبه البعوضه واقفه على رف مكتبي

العجيبة

23-02-10 ||, 11:08 PM

ههههه عادي حبي القمل من مخلوقات الله ما فيها شي قولي انه قمل اونه يشبه البعوضه خخخخ

بنت الدلع

23-02-10 ||, 11:13 PM

الحمدالله بعدني ماشفت شكل هالمخلوق اللي تتكلمين عنه في الطبيعه
اذا انتي شايفتنه ومعاشرتنه هذا شي ثاني :hysterical:

بنت الدلع

24-02-10 ||, 12:42 AM

منو من عيال البزنس في الواحااااات ؟

شي يخص الـ payback period
شو سالفة الـ cummulative cost !!
وكيف نحسبه

مجموعة إنسان

24-02-10 ||, 07:46 AM

هاااااا

صباح الخير يا حلويييين !
كيفكووون

المزوحي

24-02-10 ||, 03:05 PM

مرحبا بنت الدلع ... انا الحمدلله بخير

جماعه شو سالفة القمل في الواحة ، خلني اظهر قبل ما اتعادى :fa56:

مجموعة انسان هلا - وين دنياك ؟ :alien:

بنت الدلع

24-02-10 ||, 03:46 PM

الله يساااااااااامحج يالعجيييييبه

شوهتي سمعتي بين الاعضااااء :k_santa_1:

بيودووني الحين غرف العزل وبيحجزووني !

لول باسم الله علي
طالبيني اسوي وياهم اعلانات شامبو بس انا رفضت :inlove:
تريزامي و دوف و كريستاسي حرقوا التيلفون يقولج :a100:

دبه وحده :mf_leia:

---

المزوحي .. يقولك هذي العجيبه قامت تنعش ونثرتهم في الواحات :vampire:

المزوحي

24-02-10 ||, 05:13 PM

ههههههههههههه بنت الدلع

العجيبه بعيد بعيد الله يخليج

بنت الدلع

24-02-10 ||, 10:28 PM

هيه العجيبه بعيد لو سمحتي
مب زين بعد تعادين المزوحي لول
بيروغونه الوورك ميت ماله هاهااااا

مزن هتان

25-02-10 ||, 07:36 AM

الخميس ...!
صباح الخير

مجموعة إنسان

25-02-10 ||, 08:23 AM

باجر جمعه صباح النور ههههههههه

هاااا
في ريوووق وللا؟

أمطار

25-02-10 ||, 10:54 AM

ما عرف صباح ولا بدايه مساء..
الموهيم ..

صبـــاح/ مســـاء الخيــر . . .!

شخبــاركم؟!

قبل شوي ييت من عنــد المديــرة ..
سرنا نسلم عليها في بيتها (أنا ومجموعة من المعلمات)
كشـــخــــة .. ركبنا باااص استرجعت ذكريااات أول ..

يحليله مسوية عمليــه وسرنا نتحمد لها بالســلامــه ^^"

أخبـــركم..
باجـــر إجااازه ياااااااي B-)

المزوحي

25-02-10 ||, 02:47 PM

مرحبا بكم

دمعة شوق

25-02-10 ||, 03:27 PM

يسعد مسااكم ,,

شحالكم

المزوحي

25-02-10 ||, 06:21 PM

مساء النور

شو يديدكم ؟

بنت الدلع

26-02-10 ||, 09:49 PM

اليوم غباااااار وانا فاتحه دريشة غرفتي من الصبح
يوم سرت ابا اذاكر الاورااق مغبره >.<

ان شاء الله باجر ينزل مطر

أمطار

26-02-10 ||, 11:08 PM

مساء الخيـــر~

^^

مزن هتان

28-02-10 ||, 08:19 AM

السلام عليكم و رحمة الله و بركاته

صباحكم جوري :fa41:

مــهــابه

28-02-10 ||, 08:32 AM

صبـآحكم نشـآط وتفـاؤل وآمل ..

~ مبروك علينـآ " الرحمه " . . .

مزن هتان

28-02-10 ||, 09:55 AM

الله يبارك فيج مهابه :fa41:

المزوحي

28-02-10 ||, 07:39 PM

مسا الخير - حد هنيه ؟

مزن هتان

01-03-10 ||, 09:46 AM

صباح الخير

مالي خاطر اشتغل اليوم =)

شوارع دبي البارحه كانت لوعة جبد بمعنى الكلمه
رادين البيت 10 و نص و الزحمه بعدها فالنفق بالاتجاه للشارجه و امرتس روود بعد

أمطار

01-03-10 ||, 11:40 AM

صبــاح النـــور ..

أبــــاااا كابتشينوو عشاان أصحصح شوي !!
توه خلصت من حصــة وصوتي رااااايح من الشرح =|

المزوحي

01-03-10 ||, 07:44 PM

مسا الخير اش حالكم عساكم طيبين

شو أمــوركم الــيوم ؟

تحفه

01-03-10 ||, 09:56 PM

ماعندنا امورررر .. بس اتريا العاصفه وي ربيعاتي (6)

أمطار

01-03-10 ||, 10:39 PM

تحفــه ..

وأنــا أقـــول "الله بالسلامــه" :a068:
من العــاصفـــه حتى مطـــر ما نزل هههههههههههه :a100:

تحفه

01-03-10 ||, 11:24 PM

هيييييه شكلها السالفه جذببب

تحفه

02-03-10 ||, 01:40 AM

بدت العااااااصفه :D :D :D:D:D:D:D:D:D:

أمطار

02-03-10 ||, 02:19 AM

شـــوو الأجـــواااء وياااكــم ..؟!
بصــراحــة أحــــس زيـــاغ .. صوت الرعـــد مش طبيعي =@

"اتســـووو" << تحسّست من الغباااار

مزن هتان

02-03-10 ||, 08:30 AM

صباح المطر

الصراحه الجو ماكو أحلى منه

عكس بالليل كنت ميته من الزياغ، نشيت 2:30 زايغه بس عيال خالاتي ما قصروا
نسوني الزيغه تعمقنا بالسوالف فالقروب لين 5 اظن، عقب رديت رقدت و نشيت 7 .

على هالجو لازم الرمله اليوم :fa41:

أمطار

02-03-10 ||, 10:13 AM

صبـــــاح الأمطـــــار ^^ ...

الجـــو ولا أروع بصــراحــة ..
طلعــونا من المدارس بسبـــة اشااعــة ما أدري منو مطلعنهــا :a068:..

أون إعصــار بيي والأهــالي كلهم محتشرين وطلعــوا بناتهم!
ههههههه وجـــان يقولولناا (مرواااح :a049:)

مزن هتان

02-03-10 ||, 10:44 AM

أحسن لكم من الصدعه، استمتعوا بالجو

أمطار

02-03-10 ||, 10:58 AM

هــيـه واللــه ..
الجـــو يســاعد على الطلعــات ^^ ..

مزن هتان

02-03-10 ||, 11:49 AM

وصلتني خبريه و أحس مو صج
تقول ام سيف اونه بيوقفون خدمة البلاك بيري اسبوع ؟
حلوه هاي و نحن وين نروح بدون بيبي

قلت بتصل الـ customer care بعد الدوام بسألهم
استحي حد يسمعني الحين

أمطار

02-03-10 ||, 12:18 PM

مــزن ..

أنــا اشبكــه بـ الواي فاي ويشتغل البي بي مسنجر عــادي ..
يعني في اسوأ الحالات .. إذا وقفــوا الخدمه ..
تقدرين تشبكينــه ع الأقل يوم تكونين في البيت وملانــه هيهيهيهي ..

بس مــا أظن بيسكـرون الخدمـه ..
دوم نسمع انهم بيوقفونها فترة ومــا يوقفونهــا ^^..

مزن هتان

02-03-10 ||, 12:31 PM

ريحتيني، زين اهم حاجه اني اقدر اشبك بالـ واي فاي

شكرا

مــهــابه

02-03-10 ||, 01:48 PM

مسـآكم ورد ..

جـونـآ جمييييييل ( L )

المزوحي

02-03-10 ||, 03:11 PM

تحفه اللي اعرفه إنه المطر Night heavy raining والكل يقول جذب وين المطر !

انا انتبهت الساعه 3 ، بس على الساعه 12 طاح نفاف

اليوم كذلك بيطيح مطر في الليل والله اعلم

المدارس مرخصينهم اليوم وباجر

أمطار

02-03-10 ||, 08:00 PM

مـســـاء الـــودّ . . .

^^

مجموعة إنسان

02-03-10 ||, 09:00 PM

مساكم الله بالخير!!

كيف الحااال؟
شو مسوين ؟

منوو لعب تحت المطر اليوم

أنامل قلب

02-03-10 ||, 09:06 PM

أنا ..!

بس مو وايد ، مافيني أوصل الدوام بـ غير شكل !.

مجموعة إنسان

02-03-10 ||, 09:32 PM

ههههه
انا بغيييت العب وزلقت هههههه

أنامل قلب

02-03-10 ||, 09:44 PM

ولا تزعل ، حتى اختك اليوم نفس السالفه ، بس مو برا داخل الدوام ،
فضيحه كنت بالممر ابروح المكتب ووقفني موظف يستفسر عن شغله ،
فمن رديت عليه وييت برجع / خطوتين وجان اتخرطف !.

مادري شو هالنحاسه اللي فيني والله صدق ، أحس إني أكثر إنسانه تمر بقفطات ،
الله العالم إذا أحد ضحك من وراي ولا XP

بس الجو صدق غـــرام ~ ،

مجموعة إنسان

02-03-10 ||, 10:47 PM

ههههههههه

يمكن وايد يطروونج من ورااج هههه

,,,

شو أجواء المطر عندكم ؟

أنامل قلب

02-03-10 ||, 11:55 PM

امممم يمكن !.

الجو اليوم ع قولة وحده [ عــــذاااااب ] ،
بس حاليا أحسبه بيبدي يتقلب ،
مع إن ليـ آخر وقت كنت فيه برا كان الجو حلو ..

~

ربي لك الحمد كما ينبغي
لجلال وجهك وعظيم سلطانك ..

أمطار

03-03-10 ||, 12:58 AM

الجــو روووعــه برع ..

الحيــنــه تمطــر عندنــا ..
كان شــوي والحينــه بدا يزيــد ..

<< لازم أعــدل رقــادي :doh:..

شوق القلوب

03-03-10 ||, 01:40 AM

اتصدقون... اني ولا فجيت دريشه او ياني فضول افتحها و اشم ريحه المطر...

مستغربه من عمري..!

يا حظكم.. لعبتوا تحت المطر...

أمطار

03-03-10 ||, 01:49 AM

هـــلا شـــوّااقــه ..

تصدقيــن .. حتى أنــا ما طلعت!
بس كلـه أطــالع من الدريشــه ^^"

قبــل شوي بنت أختي تكلمني ع المسنجر ..
تقولي اصرقي السيارة وتعــاليني بنطلــع نحـاوط في هالجــو !

"تبانا نضرب في العراقيب بعد" ههههههه
يحليلهــا .. تخبلت من الثانوية العامــة ..

:a100:

تحفه

03-03-10 ||, 05:11 AM

أستغفــــر الله الــــــــذي لا إلــــــه إلا هــــو الحـــــي القيّـــــوم وأتـــــوب إليــــــــه ... صباح الخير :)

تحفه

03-03-10 ||, 10:29 AM

http://salemhumaid.blogspot.com/ حلوه كتاباته

مجموعة إنسان

03-03-10 ||, 10:49 AM

هيه تحفه عجييييييييب

شخباركم ؟
شو مسوين ؟

مــهــابه

03-03-10 ||, 11:18 AM

^
نشكر الله

كيفـك آنته بـآش مهندس ؟

صبـآحكم ورد ..

كيفكــوون؟ ، اليوم الاربعــا ، شعور جمييييل

مجموعة إنسان

03-03-10 ||, 01:31 PM

والله تمااام
كل شي اوكي

اليوم كان اوكي .. أول كلاس كهرباا شوطنا شوي على الخفيف
وعقب انجلش و ماتريال بروبرتيز ههه

هااا
شو الجامعه ؟

الحمدلله افتكيت منها

مايهزك ريح

03-03-10 ||, 02:37 PM

الزين اني افتكيت من زماااااااااااااااان من الجامعه .. اللي يخس شارع العين كان ملوعلي جبدي ..

اخيرا باجر الخميس .. كلهم بيردون ورى بعض ما اعرف شو اسوي .. بعدني مب امصدق .. يا رب يوصلون بالسلامه ..
البيت بدونهم ما يسوى ..
Its been two months now !

المزوحي

03-03-10 ||, 03:26 PM

مراحب

شو علومكم ؟

مايهزك ريح .. الحمدلله بس شكلهم طوّلوا .. الله يردهم بالسلامه وتفرح بييتهم ..

...

شو خططكم اليوم ؟؟ عاد هاك أول يوم الواحد يظهر نهاية السبوع بس

أمطار

03-03-10 ||, 06:31 PM

مـــا يهزك ريــح :k_special2:. . .

صــح الطريــج يلوع بالجبد.. بس دامــه طريج العيــن أكيــد بيكون حلــو :fa47:
((متعصّـبــة للعين))

:hysterical:

اللـــه يوصـّــلهم بالســلامـه وينــوّر البيت بوجودهم ^^..

المزوحــي..

مــا شي مخططــات والله.. يمكن أسيــر بيت أختـي وأساعد بنت أختي شوي في الفيزيــاء ((متوهقه))
و عنــديه تحضيـــر ما خلصــته.. أبا أســوي أوراق عمــل للطالبــات :wacko:

وأنتــو؟!

مــهــابه

03-03-10 ||, 07:16 PM

م . ج :

حلـووه هذي شـّوطنـآ

الله يـوفقك آن شـاء الله =)

آممم الجـآمعه يقـولون لآزلنا نصـآرع فيهـآ ، على قـولتهم :

صـآمدوون

وخريـجين الكورس اليـآي بآذن الله =) ، دعــوآتك بس ..

مـآيهزك ريح :

مـآفي آحلى من درب العـين =P

لكن مـب الحين ، لآن التحويـلآت عن جد تـرفع الضغط وتدوخ بـرآس الواحد ..

يـوصلـووون بالسلآمه ان شاء الله ، وتقر عـينك بشوفتهم ، شـهريييين وآيد

المـزوحي :

~ بالنسبه لي اليـوم بدايه الويك إند فـ رآآآحه ، حـآولت آرقد بس كل اربعــا من الفرحه ماشي دوام بالخميس مـا اقدر ارقد لوول =P

وبس !

مايهزك ريح

04-03-10 ||, 08:53 AM

مشكورين يا جماعه ..
اليوم بسير المطار مرتين .. خخخخخخخخ
كل حد بيي في وقت غير ..
وباجر بعد بسير مره ..

يايين على 3 دفعات وذالينا .. ^_^!!

اسميني بطيح في المطار .. هاليومين

مجموعة إنسان

04-03-10 ||, 11:21 AM

مهاابه
موفقين إن شاء الله

أنا السنه اليايه بخلص بس بكمل الباجلر سنتين بعد
متى بنتزوج هههههههههههه

ما يهزك رييح
انا ما طلعت من الجامعه اللا من السكن والدرب
الحمدلله الحين الكلية نص ساعه وانا فيها
والدراسه مافي احلى منهااااا
عجييبه ,,

اليوم بس عندي كلاسين والحين في البيت
واليوم الخميس طبعا بيجمعون في البيت عالغدا اخوي وعياله
( كل يوم بس انا وامي وابوي عالغدا ) هههه وكله تحرطيم انا وابوي ههههه

العصر ان شاء الله بروح معرض الكتاب

شو أخباركم بعد ؟
شو مسوين؟

أنامل قلب

04-03-10 ||, 12:55 PM

التكرار ذبحني !.

مجموعة إنسان

04-03-10 ||, 01:02 PM

عادي يا أنامل
كلنا نفس الحاله ,,

بس اليوم غيرت شوي واخذت شباب الكلاس وسرنا تغدينا في مطعم يمني هههههه

انا اتريوو علي شهرين اذا ما اتكلمت يمني ههههه

مايهزك ريح

04-03-10 ||, 01:14 PM

^
ليكون ماكلين مندي ^_^!!

انا اليوم متغدي برياني هندي اللي يخلي الهنود اللي عندنا .. واحد شاري موتر .. ويايبلنا غدا .. فيهم خير والله ^_^

مجموعة إنسان

04-03-10 ||, 01:23 PM

لا شووو مندي عالصبح

ماكل ملوح زكبده وفول و شكشوكه
وخبز رطب ههههه

شرايك تجرب ؟ ههههه

أنامل قلب

04-03-10 ||, 01:36 PM

^ ما بجذب وبقول شهيتني =#

يمكن لأني شبعانه ،
تخيلو متعقده بالدوام ، حتى الكوفي ماحب أحد يسويلي اياه ،
لازم روحي أسير اغسل الكوب بديني ، روحي اسولي الكوفي ،
وأمس وحده قرفتبي ـ شايفين شي بسندويجه طالبينها ـ ما بفصل عن ألوع بجبودكم ،
فاليوم لأول مره يبت ريوقي من البيت قلت بجرب ، لأني صدق أيوع بالدوام > ما أتعشى لأن عالأغلب أنام من وقت ..

بس تصدقون طلعت أسوي سندويتشات أحلى من اللي أطلبها من برا !.

يمي يمي :yes: ..

مجموعة إنسان

04-03-10 ||, 01:40 PM

هههه

افا علييج هذا مطعم اليمن السعيد هههههههههه

ترا نحن ما عدنا في الكلية غير سب وي و ماكدونالدز
الحين ما قمنا ناكل بس نشرب عصير من فورتي فروتي
ههههه
اونه بنضعف هههه

أنامل قلب

04-03-10 ||, 01:55 PM

يحليلكم ، خلاص بسويلكم ريوق معاي يوصلكم يوميا P=

بس ترى العصاير تشبع مع السلط مثلا ،
شكلي بالأحد بسولي سلطه يونانية أترسه بهالجبن الأبيض / يمي يمي ..

أحب هالسوالف :10:

مجموعة إنسان

04-03-10 ||, 02:22 PM

ههههه

تسوين خير في 13 شخص
شو راايج ؟ ههههههههههه

المزوحي

04-03-10 ||, 02:44 PM

تبون الصدق نحن كذلك ملينا من اكل المطاعم ، نضطر نييب شي من البيت احيانا وأونه لو بنغير نمر المحطه ناخذ لنا شي

اش حالكم ؟؟؟

اليوم الخميس اكيد مستانسين ؟؟

مجموعة إنسان

04-03-10 ||, 03:05 PM

ههه

اذا نطلع الساعه 6 ونص منوو بيسويلنا اكل في البيت هههه

اليوم الخميس؟
مب شي يبدا الملل
بنشوف معرض الكتاب شو فيه
هاا
تبون كتب شي
قولوا ترا ما بنقصرر
كل شي بحسابه تراا هههه

أنامل قلب

04-03-10 ||, 03:35 PM

هو لو على ريوق لـ 13 شخص ـ فعادي جدا ،
ترى الخبز واحد ، والمقادير وحده ..

بس أخاف كل واحد يبيله خمس سندويتشات ، اهني عاده سمحولي !.

~

أخوي المزوحي ، امبلا نمل وايد ، يعني انا توني بكمل 4 شهور وجي مليت من الأكل ،
مع إني كل مره أطلب من مكان ، بس بعد دومه أكل البيت غير والله ،
حلاته انك تدري شوللي قاعد تاكله / أكل نظيف !. / وزياده عليه أنامل قلب مسويته !!!!

:tounge:

~

أحيانا ندخل ابـ حالات تخريف زايده ، حاسه إنها حايشتني حاليا !.

عهد الوداع

04-03-10 ||, 03:42 PM

مساء الخير والطيبه

أنامل قلب

04-03-10 ||, 04:05 PM

^ مسائج ورد أبيض ~ ..

تعالو صح ، ع طاري الخميس ،
يمدحون ملتقى العائلة مع إني للحين ما سرتله ،
+ أظني الجبيلان بيحاضر هناك بعد صلاة العشا ؟.

من فلاحتي ناسيه الجدول بالدوام ..

المزوحي

04-03-10 ||, 06:49 PM

مجموعة هات كتب من اختيارك

انامل قلب عادي كيس سليس وكاس جبن وخلاص ، واليوم هيه بيحاضر الجبيلان

عهد الوداع مساء النور

أنامل قلب

04-03-10 ||, 09:03 PM

وطبعا ما رحت بما إن سيارتي بالوكاله ،
ومحد متفيجلي !.

المزوحي

04-03-10 ||, 10:41 PM

كيف الحال ؟؟ جماعه

والله احس بتعب وابغي ارقد ومادري شو اللي مخلني للحين شكلي بتريا لين 12:1

مجموعة إنسان

04-03-10 ||, 11:41 PM

هلاااااا

اسميييييني تعباااااااان
خلااااص مقفففل

ما خلونا نشتري عدل هههه
شافوني مال رابطة بوظبي للتصوير ومسكوني
من زماااان مب شايفيني اونهم هههه

وقفت معاهم ساعتين ويقنعوني عسب اشارك في مسابقة

هممممم

يلله
تصبحون على خير

تحفه

05-03-10 ||, 07:34 AM

صباح الخير

<object width="425" height="344"><param name="movie" value="http://www.youtube.com/v/P_9mjBUSDng&hl=en_US&fs=1&"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/P_9mjBUSDng&hl=en_US&fs=1&" type="application/x-shockwave-flash" allowscriptaccess="always" allowfullscreen="true" width="425" height="344"></embed></object>

مجموعة إنسان

05-03-10 ||, 08:16 AM

صبااااح النووور

شخباركم؟ شو مسوييين؟

تحفه

06-03-10 ||, 12:10 AM

اخبااارنا طيبييييين :) ... وانت شو هي اخبارك؟

المزوحي

06-03-10 ||, 12:10 PM

السلام عليكم اشحالكم ؟

وينكم غاطين ؟

مجموعة إنسان

06-03-10 ||, 01:46 PM

اهلا اهلا

تحفه
تمااام والله
كل شي اوكي .

انتي اخبارج ؟
شو يديدج ؟
المزوحي
كنا راقدين شوي تعرف ويكند لازم نعوض ههههه

المزوحي

06-03-10 ||, 02:01 PM

مجموعة صح النوم ^_^ عيل وين ناوي تسير اليوم بعد هالرقده

مجموعة إنسان

06-03-10 ||, 02:24 PM

همممم

لين الحين بس بروح معرض الكتاب بعد الغدا

وانت وين ناوي تروح؟

المزوحي

06-03-10 ||, 03:19 PM

انا بسير امشي عقب صلاة العصر

أنامل قلب

06-03-10 ||, 04:15 PM

من شوي سمعت شغله صدمتني ،
تقولي اختي بإن متصلين فيها من الدوام يقولولها ان وحده عندهم اخوها توفى ،
صغير كان قاعد برا البيت وفجأة طبو عليه شباب جتلوه بكذا طعنه ومات ..

وايد وايد وااااااايد مصدومه ، معقولة غدينا لـ هالدرجة ..

المزوحي

07-03-10 ||, 02:52 PM

السلام عليكم

اشحالكم ؟؟؟

شو تسوون يوم تكونون متوترين ؟ بكل أمانه !!!

المزوحي

07-03-10 ||, 11:01 PM

يالله يوم انكم لاهين ... بقولكم تصبحون على خير

ونشوفكم باجر بإذن الله ...

في مان الله

أنامل قلب

07-03-10 ||, 11:23 PM

اممم ابي ارد على استفهامك بس مدوخه ، خلوني أسهر غصب ..

{ بـ حفظ الله أخوي ، ونوم العوافي مؤخرا ..

أمطار

07-03-10 ||, 11:31 PM

السلام عليكم

اشحالكم ؟؟؟

شو تسوون يوم تكونون متوترين ؟ بكل أمانه !!!

وعليكم السلام والرحمه ..

ربي يسلمك ..
انت شحالك؟!

أمطار ترتبك وتاخذ بريك من كل شي ومن كل حد إذا كانت متوتـّرة ..
بس إذا ما قدرت ابتعد عن الكل.. أتم ساكته طول الوقت~

واللــه يعين اللي ينرفزني بـ زيادة..
عـادي انفجر بـ نوبة غضب وما ينفهم من الكلام اللي أقـوله إلا كلمة أو كلمتين!

ما أحبني وأنا متوترة ^^~
:a058:

تصبـح على خيــر . . .

أنــامل قلب ..

شخبارج؟!

شتشووته

08-03-10 ||, 06:35 AM