دير دياري ~ يوميات [الأرشيف] - الصفحة 7

مزن هتان

01-09-10 ||, 09:48 AM

اليوم : الاربعا اظن
المزاج : الحمدلله تمام

الموضوع

امممم دوامي 7ونص و أنا طالعه اليوم من البيت 7ونص
وصلت 7:40 ما كنت اسوق كنت اطير =) استحيت يوم شفت المدير داخل وراي
أكيد شافني و انا اجاوز الشاحنه و الباص :a116:

نفسيتي اليوم الحمدلله يا رب أحسن عن البارحه
علقت اللقمه بحلجي البارحه عالفطور أعوذ بالله، كانت فيّه غصه
ما تهنيت بالافطار نشيت عن يفتحون لي تحقيق عمي و أخوي

من كلمت أمي ارتحت "فديتج يا ليلى" يا علني ما اذوق حزنج

مزن هتان

05-09-10 ||, 09:26 AM

اليوم : ...
المزاج : الحمدلله تمام

الموضوع

تضحكني تعليقات أمي لو أكون ماطه البوز من تنطق بكلمه اضحك
يوم الاربعا ابوي راح العمره و رجع البارحه =) يوم الخميس رقدت مع امي
لو عليّه ما افج عنها

باليمعه و نحن رادين من راك اختي ام سيف تقولها شـ راح تسوين لمن تتزوج مزن
اونه لازم تتعودين تطلعين مع حد غير مزن، ردت عليها ما عندي مشكله راح اترياها
كل نهاية اسبوع و بطلع وين ابيّ و اقضي مشاويري
تقولها راح نسوي لج جدول يا يمه ان كل مره وحده منا اطلعج و اهي معانده الا مزن

ان شاء الله اليوم يصير شي و تستانس عليه ليلى :fa41:

مزن هتان

07-09-10 ||, 10:06 AM

اليوم : الثلاثا "اخيرا"
المزاج : حلو الحمدلله يا رب

الموضوع

من يصدق انو اليوم 28 من رمضان ما شاء الله، ربي يتقبل طاعتنا و صالح أعمالنا
الحمدلله الوالده استملت سيارتها قبل بارحه، فيني طاقه اليوم ودي اظهر شري =)

"ربي لك الحمدلله كما ينبغي لـ جلال وجهك و عظيم سلطانك"

مزن هتان

15-09-10 ||, 09:35 AM

اليوم : .....
المزاج : الحمدلله يا رب

الموضوع

امممم السنه بعد لعبنا تهادوا تحابوا برمضان =)، من بدت توصلني الهدايا برمضان
و أنا كنت شاكه باثنين و بيوم المصارحه "اول يوم العيد" طلع واحد من اللي كنت شاكه فيهم "ولد خالي" بو يحيى
قبل لا يقول هو عنده اسم منو قلت لهم انا حاسه انه اسمي عند مطر =) اونه تامي اعترفي منو خبرج
قلت له مطر انت نفس أخواني بالضبط أعرف ذوقك ههههههههه
وايد استانست عالهدايا اللي وصلتني منه

آخر هديه بيوم المصارحه وايد وايد عيبتني "عقد بـ حرفي" عاد الحريم و الذهب :blush:
و عطر جفنشي بلاي النسائي

اليوم من أول الصبح و أنا مرتاحه من عرفت ....

مزن هتان

16-09-10 ||, 02:16 PM

أخيراً الخميس
الحمدلله تمام

اممم احس اني ضايعه، مش عارفه شو اللي احتاجه بالضبط....

عندي حاسه سادسه ما تطلع الا لـ شخص معين، من البارحه و انا اقول انه
مش بخير و الضحى تأكدت، ربي يحفظه و يهديه و يتزوج و أرتاح أنا =)

مزن هتان

28-09-10 ||, 02:01 PM

اليوم : امممم الثلاثا
المزاج : أي شيء

الموضوع

اليوم عرس بنت عمي و مالي خلق أحضر الصراحه
لما خبرت امايه تقول بتقعد معاي !!

مشكلتي بالحياه اني ما عرف أجامل، و مستحيل اقعد
اتبسم بوجيه كلش ما اتقبلها ماحب انافق بمشاعري، استغفر الله يا رب
مادري بلايه انا بعد كنت متحمسه من الباديه و بردت البارحه :a116:
حليلها من بد خواتها هي الوحيده كلش ما قطعتنا من بعد وفاة عمي الله يرحمه
تستاهل عواش

مزن هتان

03-10-10 ||, 10:30 AM

اليوم : الاحد
المزاج : حلو

الموضوع

امممم مادري شلون بس صج أحس انهم مو خواتي، هاييل بناتي
ما عرف كيف اوصف بس من اتكلم عن مرضهم و الا تعبهم دموعي تنزل
بتخبل ان ياهم شيء، ماحب اشوف الوحده منهم متكدره

بس شوق البارحه طلعتني من طوري عصبت شوي عليها لان لسانها صاير طويل و ضحكتني وايد
تمت تدعي تقول ان شاء الله فلوسج تحترق و ان شاء الله ينسرقون صج ضحكت
و بسبب لسانها اللي طايل هاليومين و دلعها، بدينا معاها باسلوب العقاب
1. لو تحاجينا ما نرد عليها
2. لمن نطلع ما ناخذها معانا "عاد عوقها الطلعات"

و كل كلمه و الثانيه تهددنا بـ ابوي :whistling:

مزن هتان

21-10-10 ||, 12:49 PM

اليوم، الخميس
المزاج، ان شاء الله يعتدل للمسا

الموضوع

ودي أخذ اجازه يومين بس متردده، مادري بلايه حابه الدوام هـ الفتره
ربي يدوم هالحاله و ما يصيبني ينون و اعاف الدوام =) الحمدلله يارب
كل ما اذكر ان اليوم الخميس استانس لـ سبب واحد :a068: اني بصلي العصر و برقد
اليوم الوحيد اللي ارقد فيه :fa34:بعد الدوام

الفتره اللي فاتت انضغطنا شوي، أشياء تكدر الخاطر... بس الواحد مو بـ ايده شيء
ربي يهدي سرهم و الحمدلله عـ كل حال و الله المستعان

في خاطري شيء :ohboy:

قصايد غلا

21-10-10 ||, 06:16 PM

اليوم الخميس: اممم هاليوم يوم راحتي :a049:

يوم يمعتنا (3 من ربيعاتي من أيام الثانوية + أنا) نتيمّع كل مرة في بيت وحدة من صلاة العشا لييييييين الساعة 12 :fa34:
صدق صدق نتريا هاليوووم ايي، و نيلس نخطط شو بنلبس و كل وحدة شو بتبدع و بتطبخ لنا لووول :wink:
فديييييييييتهن والله .. الله لا يغير علينا

المزاج : نص نص لأنه موسم امتحانات :crazy:

الموضوع:

بما انه وقت امتحانات يعني خلاص الويك اند ضايع ضايع و تتكنسل طلعة الجمعة اللي ويا ابويه و اميه :fa43:

عندي كويز و امتحان و تسليم اسايمنت في يوم واحد :fa39:.. كيف برتب وقتي و بخلص كل هالأشياء الله يعلم :d010:

ياااااااااا رب باجر أنش من وقت و فيني طاقة وأخلص مذاكرتي و المسا ياااا رب يااا رب يا رب أخلص الاسايمنتس الـ2 :fa45:

اليوم عندنا ملجة وحدة من أهل أميه ، يعني بتتكنسل يمعتنا :sad:
و أنا لازم أسير لأنه حرام أميه تسير و ترد في الليل روحها :fa52:

الشي الحلو اللي استوا اليوم هو انه كان عندي امتحان بالخميس الياي لكن تكنسل
و استوت حشرة في الكلاس، كل ما تقول الدكتورة تاريخ، قالوا البنات : لااااااااااا ما نبا عندنا امتحانات

ليييين تأجل الامتحان لبعد العيد :11:فكـــــــــــــــــة منه:tongue:

امممممم شو بعد استوا

سألت ربيعتي لو تعرف حد ماخذ ترجمة، أبا أصور عنهم كمن ورقة ناقصتني يوم كنت مريضة وغايبة
جان تقول ربيعتي: انه ربيعتها "ث" ماخذتنها

المهم يابت لي الأوراق
و انا خلاص صورتهن و بردهن على "ث" اللي اعرفه ويهها و هي ما تعرفني شخصيا بس تشوفني في كليتنا

يوم سرت عطيتها الاوراق و شكرتها وايد لأنها نفعتني

يوم روّحت عنها، كتبت لي على البي بي مسنجر: أوويييه هاي انتي !!
تدرين اني ما أدانيج ههههه
عقب قالت: بتقولين اني وقحة صح !!

و أنا جي :huh: .. قلت في خاطري: كلت حلالج و أنا مادري؟!

بس بعدين قلت: عيب أكون ناكرة معروف لأنها عطتني أوراقها و سوت فيني خير

بس ما بسكت لها لووول

قلت لها: لا تحكمين على الشكل
أنا ما يهمني رايج ولا راي غيرج طالما ما أغلط على حد ولا لي خص بحد
بس يمكن لأني ما أحب أعطي اي حد ويه إلا اللي أحس بهم يناسبوني :tongue: عشان جي تتحريني وغدة ولا متكبرة

==========

حسيييييييت انه كسرت خاطري قصايد "اللي هي أنا =p"
كل ما أتعرف على حد يديد يقولون لي: أووووه فرررررررررق بين شكلج يوم بس كنا نشوفج و فرق بين شخصيتج اللي أحين عرفناها
حد يقول خقاقة و حد يقول متكبرة و حد يقول لي: كنا نحس بج تطالعينا بإحتقار :k_special2:
حليلي والله :h_waa:

يعني ضروري أكون سخيييييييفة و ماصخة و أضحك وايد جدام الناس عشان أكون فنانة و حبوبة :fa44:

حلم الطفوله

22-10-10 ||, 10:13 AM

قصوده ... أصلا لنا الشرف إنه نعرفج :)

مزن هتان

26-10-10 ||, 08:51 AM

اليوم، الثلاثا
المزاج، الحمدلله تمام

الموضوع

أحيانا أبط الجبد ماما تقول =)
اونه كيف بارده حتى لمن تسولفين، انزين شو أسوي أنا جيه أماه
عشان جي مستحيل أخذ و أعطي مع أحد غير هلي، حد يتحراني اني اتدلع

محتاجه دعواتكم لي بالشفاء من كل بأس

مزن هتان

31-10-10 ||, 09:14 AM

اليوم، الأحد
المزاج، الحمدلله تمام

الموضوع

ناشه الصبح أقول حق أختي ما يصير أخذ اجازه اليوم بعد ؟
يوم الاربعا تعبت زياده بعد الدوام، كانوا رقود الظهر ما قدرت أصبر تلبست و رحت المستشفى
رايحه عشان العوق اللي فيني و طلعت انه فيني حراره، امايه متصله اونه شلون تروحين بروحج
و انتي مو قادره تصلبين عمرج، اقولها ما قدرت اصبر اوني قلت برقد كود انه العوق يخفف بس ماقدرت

الحمدلله خذت العلاج و لو انه الدكتور صدمني، بس الحمدلله عـ كل حال
أحس اني طحت مره وحده 3 أشياء مره وحده، مستحيه انه راح يزيد غيابي على هيك

اون يوم الخميس معطيني اجازه و لازم راحه تامه و ما تحرك كلش
بس فزعت لـ رفيجتي بالبديع :redface: من أول الصبح غيرت جو

مزن هتان

02-11-10 ||, 09:37 AM

اليوم، الثلاثا
المزاج، الحمدلله ان شاء الله دائما و أبدا أكون مرتاحه

الموضوع

قرأت بـ مدونة إحدى الأخوات حجي عجبني كتبت فيه "كوني مؤثره لا متأثره أينما كُنتِ، و توكلي
على الله مستعينه بقول الرسول صلوات ربي عليه : (لو أنكم تتوكلون على الله حق توكله لرزقكم
كما يرزق الطير تغدو خماصا وتروح بطانا) رواه الإمام أحمد والترمذي
والنسائي وابن ماجه وابن حبان والحاكم‏,‏ وقال الترمذي‏:‏ حسن صحيح‏.‏
أجعلي عملك لله و في الله، و من كان مع الله كان الله معه.

مزن هتان

03-11-10 ||, 10:17 AM

اليوم : الاربعا
المزاج : عال العال و لله الحمد

الموضوع

من وصلت الصبح مر علينا مسؤولنا أونه فاطمه سلامات شكو مداومه اليوم جان خذتي
أجازه اليوم :crazy: استحيت و أنا اتذكر البارحه عـ الساعه عشر تعبت و رخصوني من الدوام
:a116: رحت العياده و رديت البيت
الاسبوع اللي طاف يومين و هالاسبوع بعد يومين ؟!! يسمونها مصاخه أحس
عندي موعد بعد كم ساعه يعني بعد بترخص

ابوي اونه شـ ياج يا بنت، كل يوم و الثاني طايحه.. مأجوره ان شاء الله =)

ربي يعوضج يـ أم سيف ان شاء الله، أنا تعبت من هـ الحرمه على قولت ناس متأكده انها أكبر عنج ؟
شـ كثر أقولها لا تتحركين و لا تسوين بس عنيده أون أنا ما أرهق نفسي كأني أنا المتزوجه و اعطيها
نصايح !!

العجيبة

06-11-10 ||, 08:58 AM

اليوم : السبت

التاريخ : 6 نوفمبر

المزاج : مكتئبة

السالفة :

عندي امتحان بعد ثلاث ساعات ومالي نفس اروح بس لازم اروح
ويوم انه فخاطري ارجع البيت ما اقدر
ليش يعني؟
الحياة تمشي عكس ما نبا لييش ؟

والله مـلـل وكآبــة

شوق القلوب

07-11-10 ||, 01:50 AM

ان شاء الله كان امتحانج سهل...
الله يسهل عليج دراستج و يعينج على غربتج...

مزن هتان

09-11-10 ||, 09:51 AM

اليوم، البارحه الاثنين
المزاج، وحشني واحد
الموضوع

كنت متمدده و ملانه دخلت عليّه أختي تقول مزن ينزل مطر =)
سحبت البردّه و فتحت البلكونه أشوف شوق و شريفه مستمتعين باللعب تحت المطر
سحبتي وقايتي و نزلت الصاله تحت اول بادي لعبت مع امونه بنت أخوي
عقب طلعت الليوان مع خواتي...

عندما يرحل الذين نحبهم، يأخذون معهم كل أشيائهم الصغيره
إلا إبتسامتهم !! فـ هي تبقى معنا "واسيني الأعرج - طوق الياسمين"

اممم وايد وايد أفتقد خالي الله يرحمه، عسى الجنة مثواك و تسقى من أطيب نهر

الا انا

09-11-10 ||, 05:55 PM

اممم وايد وايد أفتقد خالي الله يرحمه، عسى الجنة مثواك و تسقى من أطيب نهر

^

وايد اتأثر وارجع لذكريااات جديمه يوم اقرى مثل هالكلام ..!!! صعب وايد يوم تفقدين شخص ... وايد صعبه ><

الله يرحمه >< وحاسه فيج والله ...

......
..

اليوم: الثلاثااا
المزاج : حلو بشوفتهااا < عموووه

اليوم كان يوم حلو عندي .. لاني إالتقيت فبنت من بنات الواحه ... (( عمة العيم )) فديتهاااا ... اختي وحبيبتي وصديقتي وكل شي .. وايد احبهااا ^^

صج عسوله ... ومافي منهااا ...سولفناا وضحكناا وايد لول ..
:)

مزن هتان

10-11-10 ||, 07:42 AM

إلا أنا : :a010:

قولي حق عموه خل تترك عنها الغياب و ترد الواحات :mf_leia:
و ربي يجمعكم بداره ان شاء الله

الا انا

10-11-10 ||, 08:29 AM

.^^

حبيبتي انتي ...

يوصل .. بخبرها ^_^

مزن هتان

11-11-10 ||, 09:31 AM

اليوم : ...
المزاج : الحمدلله

الموضوع

أنا هـ الفتره أسلف رقاد جان تبون، ارقد من بعد صلاة العصر و انش قبل اذان المغرب
ابـ 20 دقيقه يمكن ! و بالليل لو ما اقرى لي كتاب عادي ارقد 10 احم...
و الصبح بعد امد البوز يوم انش سبع الا ثلث، الله يعين اسمعهم يقولون راح تصير دواماتنا
من 7 لين ثنتين أنا الحين يوم انه 7ونص يادوب أوصل عـ الوقت وين بعد 7
أنا بطالب باستثناء بقولهم خلوني اداوم 7ونص لين 3 اقعد فتره زياده و لا اداوم مبجر

الوقت مو قاعد يمر، ملانه من الحين !
ماكو شغل للحين الجماعه عدهم اجتماع

الا انا

11-11-10 ||, 10:10 PM

اليوم : الخميس ...

المزاج : وايد غير >< مكس .. حزينه ع كئيبه ع مادري شو

...

حجاجنا اليوم روحو ...

غير غير غير .. بكل مره يسافر .. بكل جمن شهر تقريبا وعادي يعني ..بس هالمره غير .. (اخوي وحيدنا ) مالنا غيره..
يوم سلم علي احس انه جسمي صار حاااار ويتني قشعريره ..!!! مع انه دوم مسافربس للحج مادري ليش غير...

وايد نحبه .. وايد نموت فيه .. خصوصا انه الوحيد ( ريال ) من بينا كلنا نحن البنات ...
غير ياخوي والله مكانك غير ..!! خصوصا انته .. << حنووووون يا ربي شو حنون ><
ابد .. ما ضايجني .. ابد ما قالي سوي جي ولا تسوين جي .. ابد ما يتدخل ولا يحب ياذي الناس .. حبوب .. طيب .. مافي منه >< وايد احترمه .. وهالمره مفتقده وجوده !!!

:(

مــهــابه

12-11-10 ||, 02:59 PM

^
الله يخليه لكم يارب =)

.

.

اليوم :

اليمعه ..

المزآج :

بآد نوعاً مآ

الموضوع :

آكـره شي ف الحيآه آني احط بلآن وآخرتها ولسبب مآيرزا يتكنسل كل شي ><

كّل حّد يفكر بـ نفسـه وبس !

آنـزين آنا شسوي ؟!

الله لآيحوجنآ لحد غير ربنــاا

والمشكله آني تعودت كل شي آباه يصير يعني يصير والحـين آنا اللي متبهدله لو بغيت شي ومآصآر

آتم معصبه ومتنرفزه =(

ومقهوره من وحـّده ، بس الدنيآ دوآره وكـمآ تدين تدآن ..

آضحكَ لهمَ يومْ آجيهمَ ..وآنآ خآبرْ
آطيبهمَ لو بكيفهَ [ شربَ ] دميْ

وأمشيَ وآنآ أرفع يدينَيْ للسمـآ صآبرْ
[ ياللهَ لآ تجعلهمْ آكبرَ هميَ وغميْ ] ..~

.

.

خآرج نطآق الموضوع :

مآعدت آقوى " فرآقه " آكثر من آسبوع

من شهر مآشفتهم =(

مايهزك ريح

14-11-10 ||, 08:33 AM

الأحد .. دوااااااااام .. الشارع خالي واللي في البيت رقووووووووود وانا مداوم .. !

مزن هتان

14-11-10 ||, 10:24 AM

^^ الحلو بالموضوع انه الشوارع سالكه
غير ذلك أحس اني بنفجر من الملل و الضيجه و اللوعه
أبي أترخص بس سمعت البنتين اللي معاي بيترخصون فـ استحيت أكلم المدير بعد

:d010:

مايهزك ريح

14-11-10 ||, 12:25 PM

قدمت على اجازه بالخميس ^_^ !!

ووافقوا لي هييييييييييييه

مزن هتان

14-11-10 ||, 12:52 PM

مبروك، يالله عاد استانس الحين

مايهزك ريح

14-11-10 ||, 12:59 PM

الله يبارك في حياتج ..
لازم بستانس .. لأنه صدق قهر اداوم والجماعه رقوووووود لا ويتصلون لي ويغايضوني بعد .. >_<"

مزن هتان

21-11-10 ||, 08:38 AM

اليوم : من صباح العيد الين هـ الساعه
المزاج : حلو الحمدلله

الموضوع

طلعنا و استانسنا و استمتعنا بكل دقيقه طول الفتره
بس مكان خالاتي كان مبيّن 3 مسافرين زيلامسي و وحده الكويت !
و ردوا بالسلامه الحمدلله

من البارحه نخطط لـ يوم اليمعه بإذن الله تعالى، و اتمنى ما يسافر بابا قبل
عشان نستانس اكثر و بعد يجهز و يرتب لنا =)

مزن هتان

28-11-10 ||, 10:41 AM

اليوم : من الخميس لين البارحه
المزاج : خوف + صياح + وناسه + راحه

الموضوع

الخميس 8:40 بعد العشاء تعبت أم سيف، 9:30 وصلنا المستشفى
1:20 دقيقه دخلوها العمليات للتنظيف و فقدت دم وايد و صحت صياح
العمليه بسيطه بس مادري حالتها كانت فضيعه حسيت اني بفقدها، حبيبتي
2:00 طلعوها من العمليات 3 و شوي وصلت بنت خالي
4:00 الفير وصلنا البيت أنا و أختي بعد مل تأكدنا انها رقدت
اليمعه 7:30 الصبح قعدتنا شوق 9 طلعنا 10 وصلنا البداير
أبوي و عمي و ولد عمي كانوا سابفينا و ناصبين الخيام و بنات عمي وصلوا
بعدنا و استمتعنا وايد وايد لين بعد صلاة العشاء7:30 شلينا أغراضنا و ردينا
و طول الوقت كنت اتواصل مع أم سيف و اتطمن عليها و أخوي ما قصر قاعد معاها طول اليوم
بس أختي تقول انه ريلها معصب عليه أونه كيف تسير عنج فطام :crazy:
نعم يعني ؟؟؟ اون اتصلي فيها هاي دبوووه بتفاهم معاها :whistling: بس أختي سوت له طاف
10:30 وصلنا المستشفى أنا و أختي تعشينا مع أم سيف و أنا طلعت رديت البيت
12:00 رقدت و الساعه 1:00 اتصل أبوي عشان أوصله المطار
رديت البيت 1:30 رقدت و راحت عليه صلاة الفير ناشه 10:00 على اتصال أم سيف
تقول تعالي تريقي معانا "متفيجات عزيزاتي" ما رحت لهم الا قريب الـ 3:00 خلصت أوراق
خروجها و ردينا البيت و رديت طلعت أمر على أمي و خواتي من بيت يدي
تعشينا 7:30 و المساء أخوي شل أم سيف يوصلها البيت

و بس !

مــهــابه

28-11-10 ||, 02:15 PM

^
مآتشوف شر

تستآهلون سلآمتها ..

مزن هتان

07-12-10 ||, 02:15 PM

اليوم : ...
المزاج : تمام ولله الحمد

الموضوع

صح أنا أعز ناس و أصاحب ناس و أتعرف على اشخاص مثلا يجذبني فيهم شيء
مثلا تشابه بالميول و كـ شخصيه و الا أخلاق و غيره !

بس في 5 أشخاص لو يسألوني ليه أنا ارتاح معاهم و الا أحبهم وايد بقول مادري !
وحده من الـ 5 موظفه معانا حتى الموظفات اللي معاي لاحظوا و بدوا يتحسسون

الثانيه موزه ربيعتي أنا ما راح أقول شـ اسوي بس بعد ربيعاتي الباقيات
يغارن ليه أنا معاها هـ الزود

ثنتين من بنات المنتدى ما عرف شلون تعلقت فيهم، لو انه علاقتي فيهم بسيطه
و ما تتعدى هـ الشاشه !

:fa41:

مــهــابه

22-12-10 ||, 11:14 PM

.

.

اليوم :

الآربعآ ..

المزآج :

مكتئبه

الموضوع :

مآعرف شـ فيني ؟

مش طبيعيه آنا ، آحس اني مشوشه وضآيعه ، صآيره وآيد آحاتي وآيد آوسوس ..

ووآيد آفكر بعد ..

لكن مآريييد آبين لهم ==> آخاف انهزب لوول ..

وبعد صآيره مهمله ، الحسآسيه والكحه من العيد العود لليوم ماراحت ، ومسويه طآف لآ آروح العيآده ولآ آراجع ولآشيآته

آحس حتى الويك إند مايسسسدني ..

مآتهنى به ..

.

.

مـآعرف =(

همسه :

لآتغييييب آكثر " حبيبي " ..
آخاف آموووت من الحنين .. ~ ! ..

مزن هتان

05-01-11 ||, 11:09 AM

اليوم : الاربعا
المزاج : عادي

الموضوع

أنا بالدوام بس عقلي الباطن قام يشتغل على أني بالبيت !
و أحس ان عقلي خفيف بسم الله عليّه

مزن هتان

09-02-11 ||, 01:19 PM

اليوم : الاربعا
المزاج : عادي

الموضوع

ماكو حل للنسيان معاي ! المدير سقط سهواً مدري شلون نسيت
نسيت محفظتي اليوم بعد بالبيت فديت أبوي لو يكون موجود يجيبها لي

مزن هتان

15-02-11 ||, 08:24 AM

اليوم : البارحه "الاثنين"
المزاج : حلو

الموضوع

البارحه قلنا بنكسر روتين بعد الدوام أنا و زميلاتي، و حده تجدمتنا
و الثانيه قالت لي مزن بنسير بيتكم حطي سيارتج و تعاي معي
رحنا فستيفال اول تغدينا ابـ توني روماس و بعدها سوينا شوبنج عالسريع
و عن خاطرنا =)

صج تغيير، اقول حق ماما اغير شوي عن ويوه اللي بالبيت
رديت قريب المغرب تعبانه و بعد صلاة العشاء رحت نزلت سيارة ابوي المطار
وصلت حطيت راسي و لا ادري بالدنيا

دمعة شوق

06-03-11 ||, 12:44 AM

اشتقت اكتب يومياتي :(

مزن هتان

23-03-11 ||, 09:45 AM

اليوم : الثلاثا "البارحه"
المزاج : حلو الحمدلله =)

الموضوع

البارحه رحنا الرمله شلينا الدراجات من متى الصغاريه يحنون على أبوي
المكان فاضي و هادي خذنا راحتنا وايد =)، بس اختي تذكار و عهود بنت اختي
اونه بيلعبون شلوا الدراجه تجدموا شوي و الا ينجلبون
أمي و أبوي فديتهم والله شلون ركضوا صوبهم و أنا و خواتي و لا ندري بالدنيا
الحمدلله ما صابهم شي. عقب أبوي شنو قال أونه خلاص ماكو دراجه بعد
ماما قالت ما يحتاي هاي شي عادي ما خلنا نصك الدراجه و ردينا البيت
و ما خلاهن بحالهن ياي صوبنا اونه تذكار و عهود نشوا اشوف
تقدرون تمشون تحركوا جدامي عشان اتأكد

كيف يحاتي هـ الابو :fa41:

مزن هتان

05-05-11 ||, 10:33 AM

اليوم : الخميس
المزاج : الحمدلله رايقه

الموضوع

يبدأ الضغط من اليوم بعد المغرب، أبوي بيسافر !
مشغول بالي على رفيجتي الشينه اطرش لها مسجات و ما ترد اونها زعلانه
و ام سيف تقولي هاك اليوم ان تحاجيها و خبرتها بعد انه كانوا مسوين لها جراحه
من صجها زعلانه بكمل شهر ما كلمتها
مادري شكلي بطيب خاطرها، لازم اروح لها بس بفاجئها =) برتب مع أختها

مــهــابه

07-05-11 ||, 08:28 PM

اليوم:

السبت..

المزاج :

فرح ، خوف ، ترقب ، .... الخ

الموضووع :

يا عُمر توّي أعيشه ،
لوَّن إحساس ٍبـ صدري ..
وصرت أتمنّى لقاهـ ..!
عدٍّي يا وقتي و جيبه ،
قرِّب أحلى ايام عمري ،
خلِّني أحيا معاهـ !

الف الحمدالله والشكرررر ..

هاللحظه تريييييتها وااااااايد والحمدالله ..

الحمدالله انه الله عوضني عن كل شي كان مب حلو في حياتي..

شعووور ماترجمته الا ' دمعه فرحه ' خبيتها عن الگل ..
صح هالشي يفرررح لكن بالنسبه لي حلللللم عمري..

.

.

رمــش الغـــلا

08-05-11 ||, 02:01 PM

اليوم ..

الاحد ، أول أيام الأسبوع

المزاج ..

مستانسة على خوف على ترقب ..
بس ان شاء الله أكون ماشية عالخطة صح =)

اممممم الدوام متعب جداّ جداً !!
التدريس مهنة وايد متعبة !

آآه متى يطوف هالشهر على خير .. وأرتاح .. والله يرزقني بالفرحة اللي اترياها من شهور ^^

...

لكم وحشة هل الواحات ..~

حلم الطفوله

08-05-11 ||, 10:11 PM

هيه والله

لكم وحشه يا أهل الواااحااااااات

لكل شخص عرفته بهالمكان ...ولكل شخص غاب ..ولكل شخص مازال

الله يوفقكم وين ما تكونون :)

ملاك الروووح

24-05-11 ||, 05:12 PM

اليوم : الثلاث ..

المزاج : متولهة عالواحات وهلها واااااااااااااااااااااااا اااااااااااااااااااااايد !!

:

عدنــــــــــــــــــــــ ــــاااااا

شوق القلوب

25-05-11 ||, 01:34 AM

حيالله روحج الطيبه يا ملاك...

انا وايد استانست بشوفتج ^ـ^

اتذكرت سالفه المج

ملاك الروووح

26-05-11 ||, 08:36 PM

هلا والله شوووووق

فديت روحج أناااا

ههههههههههههههههههههههه شخبارج بعد ؟! :9:

خلاص قدمت استقالتي الحمدلله افتكيت منهم للأبد :fa34::fa56:

يعني انهيت اخر شي يربطني براعي المج لوووول

شوق القلوب

31-05-11 ||, 02:52 AM

وحليييله ... هههههه

و الحين ... تشتغلين في مكان ثاني... لا اتكملين دراستج ؟

الاسطوري

31-05-11 ||, 10:14 AM

الحمدلله على السلامه

في ناس استقالوا قبل مايطلعون لي رقم مرتب
خلاص ضاعت أحلامي
:sad:

ملاك الروووح

09-06-11 ||, 09:40 PM

شوق ..

عرست ويلست في البيت :h_6abakhah:

ببدا الدراسه ان شاءالله ف جامعة زايد شهر 9 :fa34::fa56:

:

الاسطووووري

لووووووول انا روحي طلعت من هنااك ب خفي حنين :fa43:

مالت عليهم عقب هالكراف والتعب كله ما حصلنا شي !!:h_waa:

:

عافك الخاطر

13-06-11 ||, 03:24 AM

اليوم: 11.6.2011
المزاج: مغمورة بحب ، فرح و فخر
الموضوع: ا
لا تحضرني الكلمات الآن، فكل الحروف تخرس أمام اللحظات الجميلة. سنوات من الطموح تتلخص بيوم جميل كذلك الذي حظيت به

تذكروا دوماً " إن الله لا يضيع أجر من أحسن عملا" و آمنوا بقدراتكم
بعد 6 سنوات من التعب و السهر ..تحقق الحلم.
هي نهاية ولكنها بداية جديدة واستعداد للولوج إلى عالم آخر تكون فيه المسؤولية
أكبر و المهمة أصعب

لا تتخلوا عن أحلامكم.. تشبثوا بها جيداً :)

شوق القلوب

13-06-11 ||, 03:47 AM

السلام عليكم...

ماشاء الله ... بالبركه دكتووورتنا...
هالسنه جدا جميله... الكل حصد سنوات التعب ... الحمد الله ...
الله يجعل ايامكم نجاح و تميز

عافك الخاطر

14-06-11 ||, 12:36 AM

شوق القلوب :)
الله يبارك فيج ..
وآميين يارب

مجموعة إنسان

14-06-11 ||, 12:41 AM

ألف مبروك
نسناهلون كل خير والله ما ضيع تعبكم

وعقبال ما نشوفكم دكاترة أد الدنيا

عافك الخاطر

14-06-11 ||, 01:11 AM

مجموعة: الله يبارك فيك وعقبال ما نفرح باختك ان شا الله :)
تسلم ما قصرت و بالتوفيج لك بعد :))

مجموعة إنسان

14-06-11 ||, 01:28 AM

انا بعدي مطول
توني خلصت الدبلوم وباقي الباجلر الحين

واختي طلعناها من عندكم الحين في كلية دبي الطبية
الحمدلله مرتاحه اكثر هناك

الا انا

14-06-11 ||, 01:31 AM

.^^
مبروك حبيبتي تستاهلين وعقبال الوظيفه يارب ..^_^

بالتوفيج

عافك الخاطر

14-06-11 ||, 01:45 AM

مجموعة: بالتوفيج ان شا الله.. يا الله كله خير ان شا الله.اهم شي الجهد اللي هي تبذله

الا انا: الله يبارك فيج عزيزتي :)))، تسلميين

شوق القلوب

14-06-11 ||, 03:24 AM

بالبركه محمد... عقبال الدكتووووراه ان شاء الله ^ـ^

شوق القلوب

14-06-11 ||, 03:25 AM

احرجتووونا يا عيال الواحات..... يبالكم عزيمه

مزن هتان

16-06-11 ||, 12:04 PM

اليوم : الخميس
المزاج : عادي

الموضوع :

البيت صاير ملل صج ملل ماما و اختي مسافرين و أبوي بعد كم يوم بيسافر
يعني الواحد كم بيطلع T_T خواتي امتحانات بعد
أبّي أكشن شوي مع خواتي وجيهم تجيب الملل ذولا

الحين اممممم مادري هل .. و إلا همممم
سته و ستين شغله أحس فوق راسي

بعد قالت اني متغيره بس شنو اللي متغير بالضبط مادري
تقهرني هذي الانسانه و تعرف شلون تلعب بأعصابي الشريره

طير الغرام

23-06-11 ||, 01:40 AM

اليـــوم : الأربعــا
المـزاج : فرحـــانــه الحمدالله
الموضــوع :

Fina11Y Graduated & MY { Dream } is Materialized

فرحتيـــه اليــوم ماتنوصــف الحمدالله ،،
جفــت نتيجــة تعــب هـ السنيــن بـ اعيونيـه وحسيت بفرحة هليــه واربيعاتيـــه ،،
صدق احســاس غييييير غييييير ،، يا محــلى فرحتنــا والله ،،
وختيـه ماشاءالله عليهــا شاله الدنيا اتقول هي المتخرجه هب أنا هههه يوم زقروا اسميه سمعت وحده اتقول تستاهليين تستاهلين
>> قالتليه الناس اللي عدالها تموا يطالعونها جان اتقوللهم شو ختيه وتستاهل ههههه :4:
ختيه اتصفق واتزاعـج وأمايه عدالها اتصيح ،، دمــوع الفرحـــه والله غيــــر

الا انا

23-06-11 ||, 02:05 AM

^

كلولووووووووووووووووش

لول ... < حد يببلج قبلي هع

تستاهلين حبيبتي .. وصج الفرحه هاي بالذات غييييير

تحسين بثقه ع فرحه ع خبال ع كل شي ...

منها للاعلى ان شاء الله

وعقبال الوظيفه يارب ..

وانصحج تكملين ... وتكملين وتكملين .. مافي احلى من الدراسه ^_^

موفقه يارب ... وتستاهلين حبيبتي ..

طير الغرام

23-06-11 ||, 02:07 AM

^

تسلمين حبيبتي
وهيه ختيه ماقصرت ههههه
والحمدالله ع هـ النعمــه

ربي يوفقنـــا جميـــعاً ^_^

خيال الحب

23-06-11 ||, 02:19 AM

الف مبروووك يا طيررر

تستاهلين والله^___^

هي والله فرحة التخررج غيير غيرررر

طير الغرام

23-06-11 ||, 02:49 AM

^

ربي يباركـ فيــكـ ياخويـــه
وصدق هـ الفرحـه مايحـس فيهـا إلا اللي جربها وعاشها

:laugh:

قصايد غلا

23-06-11 ||, 03:14 AM

بالبركـــة طيـــر حبيبتي .. الحمدلله زرعتي و حصدتي و الله أبدلج بالتعب راحة
أحلى شعووووووور حسيته في حياتي هو شعور التخرج ،أباه كل يوم ينعاد :(

مايهزك ريح

23-06-11 ||, 07:24 AM

مبرووووووووووك التخرج .. لكل الخريجين والخريجات .. ^_^!!

مزن هتان

23-06-11 ||, 12:56 PM

مبروك التخرج يا طير ألف ألف مبروك
و ربي فرحت لج من قلبي :fa41:

مــهــابه

23-06-11 ||, 03:09 PM

مبرووووك طير ..

ماشاء الله ، هالسنه عندنا خريجيييين وايد فالواحات ..

=)

.

.

اليوم :

الخميس

المزاج :

مب طبيعي..

الموضووع :

آبد هالطريقه وهالاسلوب مآينفع معآيه ..
وااااايد انصدددمت من موقفكم امسس..
انا انسانه ما اطمح الا اعيش بهدوء وسلام بدون خلافات او مشاگل ..
تصرررفهم جداً غريييب ..

آنا ما اقدر الا اكون كتاب مفتوووح ويآهم وبدونهم ، حيآاااتي مبنيه ع الصراحه والشفافيه ..
اللي سويته ابد مش غللللط..

لكن تكون ردة فعلهم جذه !!!

اكون بعيد عنهم احسسسن لي ولهم ، بعد موقف البارحة مش متقبللله اشوفهم
نشيت من الرقاد غسلت ويهي وسبحت وعلى طول ييييت عند ' ماما ' اني اكون جدام عينها يعني انا بخييير

في شي انا مب شرااات قبل
والله ماعندي القدره آني اتحممل فوق مالا اطيقه

اللي تاكدت منه انه مهااابه ماتفهمها الا مهااااابه ..

طير الغرام

24-06-11 ||, 05:57 PM

-{ قصايد غلا }-

الله يباركـ فيج
وصدقج هالشعور غيييير غييير ووايد حلووو :fa34:

:

-{ مايهزك ريح }-

ربي يبارك فيك ياخويه
ويوفق الكــل ^_^

:

-{ مزن هتان }-

تسلمين والله حبيبتي
والله يبارك فيج وفـ حياتــج :redface:

:

-{ مهــابـه }-

الله يبارك فيج =)

مزن هتان

18-08-11 ||, 11:55 AM

اليوم : الخميس
المزاج : الحمدلله يارب بأفضل حال

الموضوع :
خايفه من الطاري شلون لمن ... ؟ يوم الاحد كمّلت 24
=) يا إلهي كبرت فاطمه
أمي و خواتي فاجؤني و عمي بعد :fa41:

باقي نص ساعه و يخلص الدوام، رتبت مكتبي اليوم سويت جرّد حق الاوراق
باخذ آخر 3 ايام رمضان اجازه

شعور غريب هاليومين، ان شاء الله خير

مزن هتان

07-09-11 ||, 09:58 AM

الاربعا
worried

عسى من ضايقوك، تضيق صدورهم "تسودّ الدنيا بعيني لين شفت أحد من أخواني ضايق"
نفسي بخشمي =S، شكلي بروح المستشفى بعد الدوام
من أصبحت و انا حاسه بدوخه و ألم فضيع بمعدتي
غير التسطيل اللي أنا فيه :crazy: و ملل الدوام مش ممكن

شوق القلوب

19-10-11 ||, 01:37 AM

مفتقدين يومياتج يا المزن ....!

مزن هتان

23-10-11 ||, 01:49 PM

مو لاقيه وقت ! ابي اشارك كلش ماكو فرصه
الاسبوع اللي فات انضغطت آخر يومين بالشغل، و بالبيت مادري احدر النت بس
عقلي وين مادريبه !

لـ عيونج يا شوق القلوب :fa41:

اليوم : من دون تحديد
المزاج : تمام الحمدلله

الموضوع :

ما عرف شلون اوصف نفسي بهاي الفتره بس ممكن أقول مثل المد و الجزر !
الحمدلله بجميع الاحوال، صرت ما ارتاح الا بنهاية الاسبوع و الويكند بالاساس ما نحس به
ما نلحق نسوي فيه شي، على قولت خالوه تكفى يالخميس تــــمــــغــط ! =)

احس ماريد شي الا السفر ! أبي ارتاح
الاسبوع الجاي عرس خالاتي الثنتين، و انا احاليا مابي اروح الكويت !
ابي اروح اول السنه جايه اذا الله راد و بعد خسر أقول حق أمي، و رانا العيد

الجو احس اعتدل وايد ! و اثر عالنفسيه الحمدلله بشكل ايجابي

البارحه دازه برودكاست حق خالاتي و بنات خالتي "حريم اخواني" و بنت خالي
أقول مادري طباخ خالاتي حلو و الا انه اللمه هي تاثر !
يعني صج غير، امي تسوي الشي نفسه بس يوم أكله في بيت يباه له طعم ثاني heart:

من قبل العشر تقريبا و انا اكتب الرد، الحين اسوي له اضافه ! الله المستعان
يوم الخميس واحد من المدراء يقولي فاطمة بيتكم قريب قلت له ايييه، استغربت
جان يقولي زين عيل تقدرين تقعدين لين 4 تخلصين الشغل "يتحجى و هو مبتسم" =)

مزن هتان

16-11-11 ||, 12:10 PM

اليوم : الاربعا
المزاج : الحمدلله تمام

الموضوع

اجهز تقرير الحضور و الاجازات "شهريا" للموظفين المواطنين في ادارتنا حق المدير
سلمته تقرير شهر اكتوبر الاسبوع اللي فات اليوم يناديني اونه فاطمه انتي اللي تسوين التقرير
و بروحج تتأخرين ! شو اسوي بو أحمد =) !! يضحك عليّه

الاسبوع اللي فات تهاوشت مع ام سيف، زعلنا مال كم ساعه =S
امي اونه لا تكلمينها خليج قويه هههههه، ما نصبر والله ما نروم اذا ما كلمنا
بعض =) بعدين منو يحش و يتحرش في خواتي اذا أنا و اهي متهاوشات ؟!

تعليق أحدهم ألجمني ! =S استحيت للأبد "من متى فاطمه صوتها يطلع" !
يبالي أعيد النظر في موضوع لساني اللي فلتان هاليومين على فلانه
بصير الاعقل و بسكت عنها، الحمدلله اسلوبي مع الموجودين خلاهم يحطون حدود
و غير الاحترام و الفرق الواضح بالمعامله عنهم. ماني مشوّه صورتي عشانها
الله يهديها و يعقّلني مع لساني ذي
دوم أقولها اعذريني بس انتي لو أكبر وحده فينا بس عقلج في ريولج !
انا انسانه صريحه، و خاصه مع هالانسانه بزياده، تقعد تسوي حركات جيه انا تقولون حد كافخني بكس
على ويهي هييييه انتي احترمي سنج يا مره حنا مكان عمل افففف اتنرفز
امانةّ هي طيبه و على نياااااتها وايد بس بعد احس مخها في ريولها في ردود افعالها اسلوبها !
ما يصير جذي يا فلانه اسلوبج اوكي نحن بنات و فاهمينج و متحملينج لكن الموظف عيب ترفعين
صوتج عليه ريّال هذه و الصوت حدث و لا حرج اللي فالمكتب الثاني يسمعه

هالكلام تسمعه مني شبه يومي بس ما في اذنها ماي ! امي و خواتي اونه خفّي عليها
يا ناس و ربي اللي في سماه لو بسكت عنها مره بس المره الثانيه ماروم
لساني يحكني، لغايه انا. و دليل انها زينه ما تزعل مني تقولي فاطمه كلامج يزعل
بس هو صج وانا ما قدر اغير من نفسي لا والله !! اقولها بلوّع جبدج لين تتسنعين
امممم أحيانا أعذرها بسبب الضغط اللي تعيشه، بس ارجع اقول لازم ما تستسلم و شي
نعرفه من يومنا مشاكلنا العائلية ما نيبها معانا الدوام !و بعدني اشوفها احسن من غيرها

"سبحانك اللهم و بحمدك اشهد ان لا إله إلا أنت استغفرك و أتوب إليك"
الله المستعان، وايد كتبت !!!!

قصايد غلا

29-11-11 ||, 08:49 AM

صباح الخير يا هل الواحات :a070:

اليوم : الثلاثا

المزاج: هادية و رايقة اللهم لك الحمد و الله يديم هالشي يااا رب:thumbup1:

الموضوع:

يقولون اني استويت موظفة :tounge:
من يومين تي الواحات على بالي بشكل مب طبيعي ، لدرجة إني قمت أدخل الواحات في الدوام و مديري يوم يدخل فجأة أفز و أسكر الصفحة من زيغتي لأني أكون مندمجة >.<

بس الحمدلله إنه أمس سافر و الحينه أروم أكتب رد عدل و أتفلسف =p

اممم اليوم إن شاء الله بسير دبي مول معزومة على افتتاح =P و بالمرة بسير أتغدا ويا أميه "أفتقد هالشي وااايد" من عقب ما داومت و دوامي يخلص العصر
أحس إني من زماااان ناسية الدنيا باللي فيها .. ناسية أغلب ربيعاتي ومب متفيجة لحد من كثر ما أحس بتعب و إرهاق

و باجر إن شاء الله بنحتفل باليوم الوطني و أنا المسؤولة في إدارتي عن هالسوالف لأنه كل اللي ويايه أجانب :s
أمس سويت لهم توزيعات و اليوم بنرتب المكان و باجر بنحتفل إن شااء الله :woot:

وااااااايد تولهت على الواحات و أهلها .. يوم فجيت موقع الواحات حسيت إن ذاكرتي بدت تسترجع الأشياء الحلوة اللي اختفت فجأة من حياتي :fa41:

مهابتي ، مزن، شواقة ، حلوم، شمعة أمل ، الياه، تحفة، بنت الدلع، دمعة ، الغلا، رمش، إلا أنا ، طير الغرام ... "سامحوني إذا نسيت حد" ==> أحبكــــــم وايد :fa41:

مزن هتان

29-11-11 ||, 01:46 PM

قصايد :fa41:
مبروك عالوظيفه عزيزتي

حدري كل يوم و أنتِ بالدوام هالفتره دام مديرج محد =)
نحن نحبج بعد

مزن هتان

08-12-11 ||, 09:35 AM

اليوم: الخميس :fa41:
المزاج: الحمدلله، تمام

الموضوع

الحمدلله حمداً كثيرا طيباً مباركاً فيه، اتمنى ربي يسهل أموري لأن عن جد احتاج الشي :heart:
راحة عجيبه بصدري اليوم من أصبحت، سبحان الله و الحمدلله

ان شاء الله أخلص شغلي من بدري اليوم عشان استاذن :blush: الساعه 12
مو باقي الا شوي و يطيح الحطب، و الفضل يرجع لـ ماما و أم سيف
اليوم طالعه من البيت مبجّر بابا متصل شعندج مزن مبجّره مهب العاده =)

نتريا الخدامات يوصلن، تو اتصلت في بابا اقوله متى بعد بيون
بس ماما ما تروم عـ الشغل

مزن هتان

11-12-11 ||, 12:02 PM

اليوم: الاحد
المزاج: الحمدلله تمام "فيني حمى خفيفه بس راسي ثجييييل"

الموضوع

يتني صيحه :cry: لمن قريت رد أختي قصايد غلا في موضوع البراتا
عـ طاري الخدامات صار لنا شهر طالبين خدامات و لين يومكم ما وصلوا broken heart

تامين بليا خدم ! تعب تعب
امي و أبوي و انا و خواتي 4 :a116:
ماما كم بتسوي لنا، اختي قايله من يوصلون الخدمات
بتسوي حفله فرحة بوصولهن. متضايقه من نفسي اني مهب مال شغل مستغربه أنا !!
بما اني الاكبر امبين خواتي بالبيت حاليا احس لازم اكون الـ motivation person
بس وين طل بويهي، ما تمن لي بدل بالكبت اللبس اللي ما البسه صرت البسه
لانه ماكو من يكوي لي لبسي، غرفتي و الحمام عزكم الله ادفع 50 درهم اسبوعيا حق اختي عشان
تنظف لي اياهم، انا ماقدر تراني اداوم و هي عادي تدرس و صغيره و انا اختها العوده لازم تسمع كلامي
من يوصلن الخدامات لازم احجز لي في سبا بسبب الضغط النفسي "بالضبط من اللي لازم يحجز امج و خواتج و الا انتي ؟"

و ان شاء الله يتصل فيني ابوي اليوم و يقول الخدمات وصلوا و بيجيبهم بوحسين
افكر اطلع الحين و الا لأ ! ابي اروح المستشفى

الا انا

11-12-11 ||, 02:16 PM

^

قصوده .. حبيبتي مبروك عالوظيفه ^_^ ونحنا بعد نموت فيج ونحبج وايد 3>

"

مزن ..< اخس شي يوم البيت مافيه خدم >< نحنا قبل لا يروحون يلي عندنا بجمن اسبوع ولا بالكثير شهر .. لازم يكونون يلي بيون بعدهم واصلين قبل لا يروحون هييل !! يعني نضمن ييتهم قبل لا يسافرون .. جي احسن ..

مزن هتان

12-12-11 ||, 09:49 AM

الله كريم

اليوم: الاثنين
المزاج: رايقه
المكان: قاعده بنص الدري " ماني فوق و لأني تحت" بالبيت طبعا

الموضوع
البارحة طلعت من الدوام رديت البيت ١٢ و شوي تغدينا انا و ماما و اختي
دخلت حاولت ارقد ماقدرت نشيت رحت المستشفى حرارتي ٣٩ وشوي مادري شلون ظليت مقاومة
من يوم اليمعه، الحين احس أني أهون الحمدلله بس ما طعت أخذ أبره مستحيل الشي
أتريا ماما تجيب خواتي بنطلع ونتريق برى

بس للحين احس بثجل في راسي

البارحة لمن رديت من المستشفى ماما تقول مزن تراج قام تخرفين من تأثير الحمى اتحراها تمزح
مسكت البيبي مالي مادري شلون سويت فورمات له و انمسحوا الكونتاكت كلهم يا حسرتي عليهم

مايهزك ريح

12-12-11 ||, 12:18 PM

سلات اختي مزن .. ما تشوفين شر ..

مزن هتان

12-12-11 ||, 05:51 PM

يسلمك ربي من عذابه اخوي مايد و الشر ما ييك

مزن هتان

15-12-11 ||, 07:06 AM

اليوم: الخميس
المزاج: الحمدلله أوكي بس متملله

الموضوع

من إلبارحه الصبح أنا بالمستشفى الحمى هدت حيلي والله
رقدوني عندهم لأنه الحرارة ما كانت تنزل، و ناشه من 3 لأنه ارتفعت
الحرارة مره ثانية، يوعانه أقوى شيء و خاطري في موكاتشينو لأجل أتدفئ

برد شديد. !
وربي يبعد عنكم كل سوء و دمتم سالمين

إيه صج شكو مسكرين البرزة ؟

مــهــابه

15-12-11 ||, 09:55 AM

^سلامتچ حبيبة آلبي

ماجوره ان شاء الله ...

.اليوم :الخميس

المزاج:متروعه ' چني انا اللي بعرس

'الموضوع

:ناشه من الصبح مافيّه رقـاد ، ابا آروح عند هَلي ، اليوم عرس صديقتي الصدوقه امووونه وااايد اشيا علي، عبااااتي لي فصصلتها للعرس چنه الارض انشقت وبلعت شيلتها من يوميييين مسويه مناااااحه اباها ، الوووضع مول مايسمح اني البس فستاانالله يخلي عباه العيد لووول ، ابا اروح الصااالون لـ شعري وخلاف ابل اروح للي بتحط الميك اب حقي مممم لازم اخلص ع المغرب ان شاء الله لاني بروح بدري قبل المعازيم وبيلسسس عندها احسسس اني متوتره ، اقولها سوي چيه وسوي چيه ، لاتنسين هالشي ، يالسسسه ارمسها بالفون وهي ترتب اغراضها ، يحليلها مدوخه تقول شو احط وشو اخلياليوم بتبدا حياه يديده مستقبل يديدانسـان يديد وعايله صغيره اتمنى انه يصووونهابتبدأ المسؤليه ويارب تكون قدها والله يوفقهـا ويحقق لها مرادها عقبال گل العزابيه وبدت تقل شلتنا ، مريوم ، يدوره ، شواخ عقبالكم..وصبـاااحكم فرح يـااارب

مزن هتان

20-12-11 ||, 11:11 AM

ربي يوفق أمونتج :fa41:

اليوم: الثلاثا
المزاج: يا لزيز يا رايق

الموضوع، تراي يوعانه أقوى شيء =)

هممممم نظرتي سوداء بموضوع الزواج للاسف الشديد، ماما تقولي مافي شي
كلللله حلو، على قولتها كل حلاوه و لها مرارة اسمحيلي المر اللي شفته تحت
ايدج ههههههههه يخليني اتمنى و اطمح لحياة رغيدةز لا صج احس اني مش كفو الشي
ماقدر شلت مسؤولية عند اهلي "احسس مو ؟" تعليق اختي تحسسيني مزن انج تصرفين
عالبيت. ياخي كافي اني اوديكم و اجيبكم

تكلمني ام سيف امس لمن رجعت بيتها مزن متصله فيني وحده تسأل اذا انتي مخطوبة
i was like that walla o.O هيه قولي لها متزوجه و عندها 3 البجر ولد و بنتين تونز
شنو هالغباء. ربي يتمم على أختي الصغيره فرحتها =) :heart: الهي كتكوته بنتي
اقولها بتروحين عني الشارجه نشرط عالنسيب بيت في دبي "كف على راسج مزن"

كنت أبي اكووون بقطر ههههههه، طالعه من المستشفى رايحه الصالون
متحنيه و حاطه استكيرات قطر من قبل فترة اخذتهم، على قولت خالوه
ما شاء الله وطنية وطنية مزن هع، يا حيهم اللي راحوا
نحن مسيرات بلادنا ما نطلعها وين يخلونا بعد نفزع لين قطر

حلمانه امس ما عرف اذا زين و الا بس !! :fa41:

حان وقت العودة للعمل، ودي أكتب وايد بس ما يمدي

حلم الطفوله

20-12-11 ||, 01:06 PM

مستمتعه لحديث نفسك يا مزن ^^

ربي يحفظج ويكتبلج سعادة الدارين

مزن هتان

20-12-11 ||, 01:31 PM

زين والله حد يقرا هالخنبقان

اكتشف اليوم لمن جايه ادخل اجازاتي المرضيه انه اول مرضيه بيوم غلط
رجعت بذاكرتي لذاك اليوم ذكرت اني رجعت حق الدكتوره و قلت لها بالحرف الواحد
هاي اجازه بتاريخ 12 و انا ابي بتاريخ 11 "اليوم اللي كنت عندها فيه 5 و شوي العصر"
تاثير الحمى شفتوا كيف و انا اصلا ذاك اليوم مداومه و كنت ابي الاجازه حق 12

كل ما اذكر الشي مخي يعورني بنفس اليوم سويت كل الهباب يوم رجعت البيت سويت فورمات حق البيبي
احس مخي كان في راحه ذيج الفترة ما يفكر وايد

ما كتبت عن ابوي، مادري شلون سهيت
امس كنت بالغرفه البس عباتي بطلع بروح المستشفى، دقت عليه الباب أختي
مزن تلفون بابا. من اشيل التلفون اذا اهو داق ارد "هلا يباه" و من قلت له
جان يقولي هاي مو فاطمة بنتي صوتج متغير شنو فيج

عاد تعرفون نحن لمن يسالونا شنو فيكم و نحن ضايقين نصيح، انزين شكو ؟!! صج والله
سجّل عندك نفسية تبي تنتحر لا بس ما صحت انا قلت ماكو يباه عادي يمكن من التعب
الصوت متغير سكت شوي حسيته ما صدقني عقب تم يسولف عادي
يا بعد حيّي يا ابوي، ليت قلوبهم شرات قلبك :fa41: بتزوج بشرط تجيبون لي واحد زي ابوي
مسافر و من كلمني عرف اني ضايقه

مزن هتان

27-12-11 ||, 11:13 AM

اليوم : الثلاثا
المزاج : مش ممكن، كل حد يقول عني مش طبيعية
من يوم طلعت من المستشفى

الموضوع : أحبها

هذي وحده من الاخوات تعرفت عليها من سنتين تقريبا

استغرب منها جدا، اهي مطلقة من احد اقربائها "من دون تحديد صلة القرابة"
سألتها شلون ماليزيا بهاي الفترة من السنة قالت لي روحي فطام راح تعجبك و حلوه
و تمت تمدح المكان ما الى ذلك سألتها ليه متى رحتيها قالت لي بشهر العسل
قلت بخاطري شي طيب والله، بالرغم انها تطلقت و لكن عادي للحين محتفظه بالذكرى الحلوه

حطيت نفسي بمكانها لو انا شنو بيكون ردي ؟!! احس بزمنا الشخص "ذكر و الا أنثى"
من ينفصلون ماودهم يذكرون حاجة من حياتهم بذيج الفترة حتى ان كانت حلوه الذكرى
من فترة رحت بيتهم وقفت سيارتي عند بيتهم وطلعنا بسيارتها، و نحن راجعين لبيتهم قالت لي مزن
تشوفين ذا البيت، هذا بيت اهل طليقي الريال اللي داخل تو هذا ابوه قلبي طاح في بطني
بيت طليقها ملاصق بيتهم :cry:

طاهرة هالانسانه، قريبة لقلبي والله تكبر بعيني يوم عن يوم
ماحب اتكلم مع شخص في مواضيع احس انه راح يتضايق منها، اول فترة كنت مستحيل
اسألها عن شي بس من يوم خذيت عليها و انا حاشرتنها

سؤال واحد ماكو غيره، اقولها صديقه "كلمتنا المعتاده" اكثر من 5 سنين متطلقين
و بيوتكم عند بعض كم مره شفتيه الصدمة الكبرى كانت و لا مره، كل يوم اعيد عليها السؤال
لين ذاك اليوم تقولي مزن من حنتج شفتهم بالقرية اهو مع اهله

الهي !! احبها هالانسانة، امي و خواتي وايد يحبونها

ولهانه عليها، قلت بخلي مساحتي من الدياري لها اليوم
من اسبوعين ما شفتها :fa41:

ليه لمن نحب شخص، نشوفه ملاك طاهر يمشي عالارض ؟!

مزن هتان

03-01-12 ||, 09:49 AM

اليوم : الاثنين
المزاج : الحمدلله يارب، أحسن عن أمس
ربي يدوم علينا الراحة

الموضوع :

ماكو شي في بالي، بس مرتاحه
بس في وحده شكلها تباني امسح فيها الارض، اشتغفر الله العظيم
ماني معكره مزاجي على وحده الله يهديها ههههههه

فيني طاقة و ابي أفرغها بخليها ليوم الخميس، امس البنات يقولون لي مزن انتي وايد غامضه
مستحيل تقولين اللي بخاطرج

الاسبوع اللي فات دزيت لشمعة امل أقولها لج وحشه :fa41: حبيبتي هالبنت
و يوم اليمعة كان عرس حد من الواحات :h_daleel:، بالرفاه و البنين ان شاء الله تعالى

قصايد غلا

03-01-12 ||, 04:08 PM

^ على طاري عرس حد من الواحات
أنا من فترة حضرت عرس و يوم أنا في العرس خبروني إنه عرس حد من الواحات "باااااا إلـهــي كيف الدنيا صغيرة" بس للأسف ما أقدر أتكلم لكن خبّرت أميه و بنات خالاتي (بس أقدر أخبر اللي ما لهم علاقة بالواحات) :k_unlock:

مزن هتان

04-01-12 ||, 10:26 AM

اليوم : الاربعا، ابتسامه عــــــريــــضــــة
المزاج : الحمدلله تمام

الموضوع

حليله عمي مقرحتله من البارحة بالليل، أحس لو يشوفني الحين بيزغدني
هذا عقابا له عالتخريعه وقّف لي قلبي و أنا اتعشى، أول مره يكلمني بهاي الاسلوب :bye2:
المهم غلقت مبايلاتي خلاص ما قدرت اتحرك والله صبّت عظامي
و يتني الحالة يوم اخاف و اتضايق اقعد استفرغ "وع ع ع ع لوعة"، لين الساعه 10 ونص جتني ام سيف
و قالت لي ترى هيك و هيك السالفة شغلت البيبي و مبايلاتي وقعدت اكلمه حشرته
اونه انتي بلاج متشائمه، شو تباني اضحك يعني قلت له ما شفت اسلوبك و انت تحاجيني
اونه لا ما شفت سمعت :a046:و بعد يستخف بدمه عليه !!
صح ارتحت بس بعد خلاص ما قدرت ارقد طول الليل منتبها نشيت 12و 2 و 3 و 4ونص
و الحين اهو يبي يرقد مو مخلتنه، سهران عالمباريات

اقوله لا تخليني ادعي يخسر النادي اللي انت تشجعه، خفي علينا

مزن هتان

09-01-12 ||, 01:42 PM

اليوم : الاثنين
المزاج : للاسف :fa55:

الموضوع

احساس انه بتيني حمى !! و غير ذلك تاريخ اليوم !!
احس بأني خسرت شي هالسنة "كانت أيام" 10 سنين :smile2: من عمرنا

برجع أكتب عن الويك اند اللي وايد استانست فيه الحمدلله، حاليا نفسيتي وايد داون

رب إن قد مسني الضر و أنت أرحم الراحمين

مزن هتان

19-01-12 ||, 09:34 AM

اليوم: الخميس
المزاج: الحمدلله تعالى تمام

الموضوع

ما عندي شي أكتبه، حاسه بحياتي صايرة مملة ما بسوي شيء
تفكيري بس كيف راح اكمل شغلي و انا نفسيا مالي خلق :3: ابي اجازه
بس ما في فرصة ماقدر اخلي صديقة بروحها :heart:

الاسبوع اللي كنت مستانسه فيه و مالقيت فرصة اكتب عنه
كنت رايح الفجيرة !! و ربيعة خالوه عزمتنا على الكيف كافيه اللي بالخور
ذكرت "إلا أنا" لان الكوفي شوب مجابل كافتيريا الزهور =)

مزن هتان

19-01-12 ||, 12:18 PM

مزن هتان

23-01-12 ||, 11:03 AM

اليوم : الاثنين
الساعة : 10:16 صباحا بتوقيت كمبيوتر الدوام
المزاج : الحمدلله

الموضوع

مو جايبه البيبي، تركته بالبيت اليوم ما تفيجت اشحنه امس و الحين ملانه
صايرة مش طبيعية و الا اللي حولي عليهم يلد تمساح !!! من اصبح لين امسي
و انا ما غير كلمت برد عـ لساني هو صج برد و الا انا ابالغ
ارقد و انا لابسه سويتر صوف و لازم اتدلغ، مااااااقدر مااااااقدر برد طبعا من دون تكييف
و اتلحف. استغرب من خواتي يفتحون المكيف :fa36:

الوقت ما بيمرؤ, يوعانه - خاطري بكوفي اشربه فالهواء الطلق
خاطري بأكل بس ما عرف شو، المهم يكون لذيذ

الساعة الآن 10:57 ص

الا انا

23-01-12 ||, 01:32 PM

.^

لول مزون ... الكيف بالخور :) < باخرها بعد وانتي رايحه درب دبا هناك ... بس يمها الزهور ؟! ممممم خربطتي يمكن.. لان الزهور باول الخور ومافي يمها اي كوفي !! يمكن هناك لهم فرع وما اانتبهت انا ..,, انتي كنتي يايه الخور ؟

كيف اتين وماتخبريني ^^ ! يالله مره ثانيه ان شاء الله اتين :) الجو يجنن عندنا

مزن هتان

23-01-12 ||, 01:47 PM

هيه كنت بالخور

شوفي انا متاكده اني مش متخربطه لاني لمن نزلت من السيارة بدخل الكافيه
و انا اسكر الباب شفت كافتيريا الزهور عالشارع الثاني !

خلاص بخبرج المره اليايه

الا انا

25-01-12 ||, 12:25 AM

>< لول هيه صح صح فرعهم الثاني !!

هيه اكيد تخبريني :)

مزن هتان

25-01-12 ||, 11:42 AM

اليوم : الاربعا
الساعة : 08:01 صباحا بتوقيت كمبيوتر الدوام
المزاج : الحمدلله، كويس

الموضوع

مرتاحه كثير نفسيا الحمدلله يارب و من الحماس ودي اسحب على الدوام اليوم

الساعه 11:35 بتوقيت الكمبيوتر، ماكو وقت أكمل أكتب !!!

مزن هتان

30-01-12 ||, 08:48 AM

اليوم : الاربعا
الساعة : 07:19 صباحا بتوقيت كمبيوتر الدوام
المزاج : مرتاحه و لله الحمد

الموضوع

ملل ! ما شبعت أمس من خواتي "دوده و داوي" طالعه باسم يديد حق ام سيف :a068:
أون مزن ما لقيتي أحلى من دوده هههههه قلت لها دوده متينه انتي "على وزن الاسم اللس نناديها فيه"

اتذكر شيء بطني يعورني، أوقات احس انه مخي يدق و يخف الحمدلله ع نعمة العقل
صايره سودوه من البرد خصّه ايدي مره وحده تغمج عليّه أم سيف اونه بسم الله مزن
اظن الدم نازل هاليومين

ابغى أعزم خالاتي و عيال خوالي و خالاتي كلهم بس ما عرف وين ؟ هالمره بختار على ذوقي
مره عزمتهم على اتلانتس و مره جوني كارينوز على ذوقهم كان "وايد أحب العزايم و اللمات"
ياليت عدنا لينوتر كنت بعزمهم باليمعه عالريوق، كـ تغيير و أرخص بيطلع عليه :fa56:
اذا انتي مو قد العزيمة لا ادحين الصدر و تقولين بعزم :a0360:

مسويه شي و مستحيه خخخخ لابسه قفاز عن البرد اصابعي تعورني والله
اطقطق عالكمبيوتر و ارجع ادس ايدي تحت الطاولة اخاف حد يشوفني و يضحك

امس ما داومت، احمممم على اساس كنت لازم اكون بالكويت امس الصبح و ارجع المسا
لمهمة بس صار شي !

حلوه الحياة بوجود خواتي :heart:

08:42

مزن هتان

31-01-12 ||, 09:32 AM

بسم الله عليّه !! امس الاربعا خووش والله

اليوم : الثلاثا
المزاج : الحمدلله
الساعة : 07:41

الموضوع
أصبحنا و أصبح الملك لله، أكو راديتر منطر "ريحه خايسه" من أول الصبح كفو عليه :h_negab:
طلعت متاخر اليوم بس بعد ما شفت أبوي مو بالعادة يتاخر بالقعده و الحين اتصل به تلفوناته مغلقه
حتى امي و امون بنت اخوي ما شفتهم

08:47 اتصلت ع تلفون البيت رفعت السماعه موني البطه فديتها عيون عماتها
عسل هالبنت فديت من يابها و من رباها، ودكم تاكلونها و تقطعون خدودها
الا تخربط عالتلفون و ما تقول الا عمّه و اطرش هالبوسات

حبيبي أبوي تو متصل يقولي امريني، راسك سالم يا أبو فاطمة بس ما شفتك الصبح قلت
اتطمن عليك :fa41:. امووووت في امي و أبوي ما صبر عنهم "ربي يحفظهم لنا و يطول عمارهم"

الا انا

01-02-12 ||, 12:05 AM

^

الله يخليهم لج يارب ~

مزن هتان

06-02-12 ||, 10:46 AM

اليوم : الاثنين
لمزاج : الحمدلله
الساعة : 10:22

الموضوع

شفت موضوعي اللي نزلته العام قبل لا اروح العمره، ربي يكتب لنا عمره قريبه هالفترة

امس امي هددتني بتاخذ الاي باد عني :glare: انزين ليه اماااه
عشاني ما ارقد الظهر و فوق هذا اسهر لين 1 طبعا طول الوقت ماسكه الاي باد
رجعت خدمة البيبي بس ماكو فايدة ما عندي وقت له :b015:
اليوم دسيته في مكان سري و الحمدلله اصلا اهي اليوم مشغولة طالعه من الصبح
من شوي واصله البيت و اكيد نست

هالويك اند شدينا بالكلام أنا و أبوي كله عشان موضوع سيارة
اريد سيارة يا رجل، و ما عجبه الكلام :smile2:

مزن هتان

12-02-12 ||, 08:47 AM

اليوم : الاحد
لمزاج : الحمدلله
الساعة : 08:05

الموضوع

:b050: ناشه متاخر اليوم، صليت و سبحت و تلبست كل ابـ 25 دقيقة
وقت قياسي جدا. الحمدلله وصلت قبل 7:30 هذا اهم شي

حلمت بشيء "ما ينطرى" ياربي شلون صحت بالحلم
بس الحمدلله تضايقت شوي عقب دحرت الشيطان لا يقعد يوسوس لي و يخترب يومي

اليوم شكله ماكو شغل وايد التقييم و خلصنا منه يوم الخميس
و صديقه بعد اليوم مو موجوده

امس كنت طالعه اتصلت فيني ماما تسألني مزن شنو تبين عشا قلت لها لا
تحسبين حسابي و سكرت قلت في خاطري مابا لاني كنت متغديه
وصلت ملتقى العائلة قلت باخذ لي لقيمات و بطلع صديت على حرمة المره الاولى
يوم رحت المتلقى شفت عندها زحمه طلعت تسوي خبز رفيع مش رقاق
سألتها قالت فلزي قلت لها سويلي بيض و جبن مع مهياوه، رديت البيت اكلته
وصلت غرفتي و الا جسمي متهيج :a058: استغفر الله يمكن حوبت عمي لانه يحب
الفلزي هاي المهياوه ما تيوز لي بس الا اكله دوم على هالحال

يستغربون مني في اشياء وايده ما اكلها، حد يتحراني اتدلع :a0360:
ما عدنا بنات يدلعون "كف"

08:42

مزن هتان

13-02-12 ||, 12:12 PM

اليوم : الاثنين
لمزاج : الحمدلله
الساعة : 11:52

الموضوع

نرفزني موظف خلاني اعصب يستهبل عليّه شافني احترمته و قدرته قال بوقف فوق راسها
هذيل هم الهنود تعطيهم ويه يمصخونها، دام اني ماشيه معاك سيده خلك سيده تراني ان جلبت عليك
ما بيعيبك :k_mad_argue: اوني عاد معصبه انا لا تكلموني :birgits_giggle: ساعات تيني غصه ليه اني ماداوم فالمبنى الرئيسي
والله كنت بروح له لين مكتبه و بشخله شخال
عيل مو تارسه عينه يروح يتصل في فلان و علان و الشغله عندي، مالت عليه الا مالت عليه
بخلص لك الشغله بسرعه اونه انا ما عرف انها عندج يالجذاب و من شهرين منو اللي يتصل فيني كذا مره
ابوي لااااه نرفزني فضل عنه انا البارده الثلاجه انت تحرني براويك يا رفيق

يوعانه انا اليوم، صح !
ما تريقت :surrender:

12:06

مزن هتان

21-02-12 ||, 12:59 PM

اليوم : الثلاثا
لمزاج : الحمدلله
الساعة : 11:20

الموضوع

يوم الاحد كان في مقابلات، فـ كنت بقرية البوم السياحية، و امس ما داومت
زجمانه و ايدي اليسار تعورني احس منفجه من الجتف

متملله اليوم من الصبح، ما كلمت امي للحين =(

مزن هتان

26-02-12 ||, 01:57 PM

اليوم : الاحد
لمزاج : الحمدلله
الساعة : 10:42

الموضوع

ما قمت افكر أبدا، مادري الافكار تجمدت و الا أنا مو قاعده اشغل المخ
لا في شغل و لا بيت و لا اي مكان ثاني، بس ادور وقت اكون فيه فاضيه و ارقد
كلش ما اهتم و الا اعور راسي :sleepy: اظن الشعب السوداني ساكن فيني

من الاسبوع اللي طاف منطحنه على وحده، قالت لي حناج مو حلو 1 كيفها صح هذا رايها
بس انها تقولي غيري هالصالون اللي تتحنين فيه و دزيانتهم وحده هاي مهب من حقها

و اروح اكتشف انها المره الاخيره كانت متحنيه بالصالون نفسه اللي دوم اروح له
و قالت جدامي انها صج اول مره تحس عمرها متحنيه !!! ما قالت لي وين متحنيه
خبرتني زميله معانا، مريضه برايها قلت لها انزين انتي ليه متضايقه انا عاجبني
اسكتت لان مو متعوده اني ارد عليها

01:51 اقل من عشر دقايق و يخلص الدوام

مزن هتان

28-02-12 ||, 10:15 AM

اليوم : الثلاثا
الساعة : 09:36
المزاج : not bad

الموضوع

بطني يعورني من أصبحت، عندي موعد مع دكتور الاسنان
كملت سنة صار لي مو مراجعه، الله يعيني على دكتور خالد !

امس كلش ما نمت عدل :smile2: نشيت مرتين، يوم اكون ضايقه يبيّن عليه
اختي حسّت عليه اونه شفيج، انا ماده البوز شبر و أقول ماشي

"أحتاج إلى صديقة مخذوله، كيّ نضحك سويا على خيباتنا ":k_sadwalk:

مزن هتان

05-03-12 ||, 12:58 PM

^^ بهدلت الدكتور و كرهته في مجاله، بس بالاخير
خلع لي ضرسي :bash:

اليوم : الاثنين
الساعة : 11:53
المزاج : الحمدلله

الموضوع

يوم الاربعا خالي و ولد خالتي سوا حادث هذا المسا "طالعين من كويت رايحين السعودية"
يوم الخميس اختي سو لها جراحه بعينها من 3 شهور كيس دهني بعينها و ما تبي تشيله
ما داومت بالخميس كنت معاها بالمستشفى، و امس ما داومت كنت تعبانه شوي

"الدنيا سجن المؤمن و جنة الكافر"
الجنة دار السلام، ربي يكتب لنا السكن فيها :fa41:

الا انا

05-03-12 ||, 01:36 PM

.^

الحمدلله على سلامتهم .!!

وسلامتج :)

مزن هتان

05-03-12 ||, 01:40 PM

يسلمج ربي من عذابه يالغالية

مزن هتان

20-03-12 ||, 10:51 AM

اليوم : الثلاثا
الساعة : 07:53
المزاج : الحمدلله

الموضوع

الانسان مش ملاك و لكن انا لو اكره شخص مستحيل اقول اني ااكره انسان
الناس راح تاخذ عني فكره انه هالانسانه قلبها اسود، كرهي للشخص بيني و بين نفسي
و اتوقع لو كرهت شخص ماظن راح ادعي عليه !! اتضايق لمن اسمع انه حد يقول
انا اكره هالانسان و يقعد يتحسب عليه. ممكن اقول انا ما تقبل هالشخص ماحب احتك فيه
بس اني اكره ؟ لا حرام. انا ما اقول نافقوا و جاملوا بس احتفظوا بهاي المشاعر بينكم و بين
انفسكم عشان ما تخسرون اللي حولكم.

مقصره في حق كثار من حولي, اتعلث انه ما عندي وقت
قالت لي ربيعتي يالله مزن عرسنا و بعدنا ننشد عنج و زعلت
بس صج والله فكرت فيها صح كلامها ما شاء الله ربي يحرسهم رفيجاتي
تزوجوا و عيلن و لين اليوم هم اللي ينشدون عني و الا انا لو ما يتصلون
عادي اسحب عليهن.

يوم السبت دزتلي رفيجتي مري عليه انا بيت امي ماخذتلج حاجه قلت لها اوك
لين قبل حزتها بساعه اتصلت تعذرت و انا ما كان عندي شي ضروري بس جذه ماحب
قالت لي ما عليه مري خلاف بخليه عند اختي و لين اليوم مارحت

اقعد 05:40 اداوم من 07:00 لين 02:00 اوصل البيت 02:12
اصلي و ارقد و احيانا اتغدى 04:10 تقريبا 05:00 اقعد افرفر في هالتلفزيون
و احاوط فالبيت فالحوش و المطبخ غرفة امي و ابوي و الصالة و غرف خواتي
اسوي لي كوفي و العب لين 09:00 عاد اجهز نفسي للنوم مع انه في مسلسل
اتابعه الحين الساعه 10:00 و ارقد بعدها

"قمت اتابع مسلسلات" من الملل الشديد و من فترة شهر و شوي وقفت قراءة

10:44 بتوقيت الكمبيوتر،،، :fa36: باقي وايد عالدوام

مزن هتان

17-04-12 ||, 09:10 AM

اليوم : الثلاثا
الساعة : 08:45
المزاج : الحمدلله

الموضوع

املل شي اليوم من اول الصبح، ثنتين مش مداومات ماكو من يشاركني
طولة لساني =)، و حتى ماكو ريوق تكبرت على ريوق بيتنا امي قالت لي
اتريقي قلت لها بتريق بالدوام :ohboy: الحين اتصلت فيها تجيب لي ريوق
قالت لي مابي ههههههه. امس سوت لي رفيجتي طوق ياسمين :k_blush-anim-cl: احببب الياسمين
و هاي موسمه و حاطه شوي من الياسمين المنثور بزجاج فيه ماي عالمكتب.

اوكو وحده معانا تسوي رجيم و تجيب خيار، و انا جذي :fa39: يا حرمه لا تجيبين
خيار "نسيت نفسي اتحرى المكتب باسم ابوي". استغفر الله العظيم

مزن هتان

17-05-12 ||, 01:39 PM

اليوم : الخميس
الساعة : 12:27
المزاج : الحمدلله / احباط

الموضوع

مسؤولي يقول اني بردت بالشغل، وايد تضايقت !
الله المستعان

مزن هتان

29-05-12 ||, 08:35 AM

اليوم : الثلاثا
الساعة : 08:20
المزاج : الحمدلله بجميع الاحوال

الموضوع
سلامتج يالدوحة، سلامة البلاد من أولها لآخرها "خطاج الشر يا قطر"
اللهم أحفظ قطر و أميرها و أهلها و شعبها من كل مكروه و أبعد عنهم كل سوء

ربي يحفظ كل غالي علينا بديرة بو مشعل :fa41:

مزن هتان

01-08-12 ||, 11:51 AM

اليوم : الاربعا
الساعة : 11:32
المزاج : الحمدلله

الموضوع

آخر أسبوع من رمضان يمكن أطلع اجازه، ارتب المكتب من الحين و الاسبوع
الجاي راح اجهز الـ Hand Over :h_daleel: لرفيجاتي :). ربي ييسر جميع اموري !

وَمَا ذَلِكَ عَلَى اللَّهِ بِعَزِيزٍ. [فاطر:17]

قصايد غلا

13-09-12 ||, 01:34 PM

يالسة أقرا كلامج يا مزن من شهر 2 و اشوفج تقولين بسير ملتقى العائلة ==> قلت في خاطري والله زين مجدمينه وايد السنة :surrender:
عقــب استوعبت انه كلامج هذا من 7 شهور :4:

يااااالله بالستر الواحات مهجووورة :crazy:

مايهزك ريح

13-09-12 ||, 02:30 PM

اليوم : الخميس
الساعة : 2:20
المزاج : متملل

احس بالملل .. مع انه ويك اند .. بس ما اعرف وين اسير
كل يوم ارد البيت وما اطلع مكان .. اجابل الكمبيوتر .. وكل شويه ادخل سايت لين يأذن المغرب اسير اصلي وارد ايلس ويا الأهل لين اذان العشاء .. اصلي اتعشى وارقد ..
كملت اسبوع على هالحاله ..

مزن هتان

14-10-12 ||, 12:58 PM

اليوم : الاحد
الساعة : 12:37 مساءا
المزاج : الحمدلله

الموضوع

همممم استغفر الله العظيم، شو أسوي ؟! يا رب يسّر و لا تعسّر
مدمنة ايباد درجة أولى صرت، امي و خواتي ودهم يكسرونه :)
والله من الفراغه :k_sadwalk:

قصايد غلا

14-10-12 ||, 01:56 PM

^ مزن: انا بقدم لج اقتراحات =p عشان يخف ادمان الآيباد

في هالأيام حاولي تشغلين عمرج بأمور العيد .. تقضين شغل البيت أو خواتج حق العيد

يوم تردين من الدوام تلاقي ويا ربيعاتج اذا يومج طويل

يلسي ويا اهلج

سيري الجمعية بدال اللي يسيرون يشترون أغراض البيت

بسرعة بيطوف الوقت و بيي وقت الرقاد و في هالوقت عاد اقري قرآن أو تصفحي النت بالتلفون و اقري لج أشياء مفيدة ليين اييج الرقاد

أهم شي يخشون عنج الآيباد >< .. أنا أكره الآيباد :fa52:

مزن هتان

15-10-12 ||, 10:51 AM

أرد من الدوام متكسره :)، اني اتجهز للعيد همممم
خوالي و خالاتي و حد من عيالهم كلهم مسافرين و الاهم من ذلك
ليلى مسافره :glare: و المخاوير جاهزه بس امر اطلعهم من العين
و الجمعية ؟ يحب هاي الشغله و خواتي يستطفلوا !
خلاص يمكن اخف هاليومين بصير بيبي ستر حق شواق اختي

بس كيف ما تحبين الايباد :fa41: احسن عن الهذربان
و شوفة التلفزيون اللي ما منها فايدة

شوق القلوب

29-10-12 ||, 09:07 PM

السلام عليكم..

مذكرتي العزيزه..

كان يومي جدا هادي...
لكني اكتشفت حقايق يديده..
محزنه..
للاسف..

الله يعين..

المزوحي

31-10-12 ||, 08:15 PM

احتاح لفترة نقاهه، احتاج لسماع النداء الاخير في المطار ، على رحلة معينة

اليوم: الاربعاء

حالة طفرة من كل شي

روتين الشغل ذبحني

ابحث عن حل ثاني

مزن هتان

25-02-13 ||, 08:32 AM

اليوم : الاثنين
الساعة : 08:11
المزاج : الحمدلله

الموضوع

بنفجّر من الادارة اللي أداوم فيها، مصالح عفانا الله و اياكم !
لو انه 5 دقايق عن بيتنا كرهته، أقول حق امي اداوم بجبل علي
بس اهم شي مدير يقدّر و ما يقط كلام اهو مو عارفنه
الشره على اللي وصلوا الكلام يوم انكم ما قلتوا شي طيب شكو توصلون
حجي يغثني، من القهر امس صحت امي و خواتي مستغربين مو للدرجه هذي
يا مزن ! امبلا يوم يقول فاطمة دوم تاخذ اجازات و انا حتى اذن خروج ماخذ
الا للضرورة و مره بالشهر لازم بتضايق -.-

يالله وردة روز منو تقترح عليه من مدراء، مابا DP كرهوني حياتي

مزن هتان

16-03-15 ||, 08:10 AM

اليوم : الاثنين
الساعة : 07:31
المزاج : الحمدلله :fa41:

الموضوع

ماعرف شو اكتب بس حسيت اني ابي اقول أي شي
فيني طاقة ماعرف ايجابية و إلا سلبية بسم الله عليه
الشي الوحيد اللي احسه بعد كل هالفترة برامج التواصل الاجتماعي
ما عوضت عن المنتدى، احس هني غير سبحان الله
كأني في بيتنا :14: ما أحاتي اقط كلمة مني و الا مني
و حد يزعل و مادري من هالخرابيط، في انستغرام
الواحد ما ياخذ راحته :fa46: و تويتر آخر فترة ما ياز
لي فصكرت حسابي هناك و طبيته هممم هيه الواتس
اب و البي بي للضرورة و سناب :shutup: الحمدلله و الشكر
يخليك خبل ليس إلا :a100:

مزن هتان

16-03-15 ||, 08:18 AM

وييييييي أهم من هذا كله الواحات عرفتني على انسانه
والله لو اقول فيها من اليوم لي باجر صح ما تستاهل
حجي حلو بس والله صرت ما اصبر عنها ههههههههه
:hysterical: والله أكتب البوست و انا اضحك

اصلا هي مو ويه حجي حلو، بعد سنة ان شافت هالكلام
بتقول لاااا مزن فضحتيني :k_harhar1: سيري لاااااااااااااااه
على فكره كنت منغشه فيها اونها هني حبيبتي و عزيزتي
و الحين تناديني بشي ثاني و اهلي حاليا منغشين فيها
و يحبونها

الا انا

28-03-15 ||, 11:22 PM