دير دياري ~ يوميات

[طير الحب]

السلام عليكم...

مايد...لا تحتار كمل دراستك حاليا قبل لا تلتزم بتكوين أسرة...


اليوم...نايس دي واحس الأيام اليايه بتكون أجمل ان شاء الله...جدا مسمتعه بالكليه..ومرتاحه ويالقروب الي معاي بس بديت أشاغب شوي قبل كنت هادية حلو انك تتعامل مع كل الفئات يعني التنيجرز ردوني لأيام الدراسه قبل..بس ياريت القى وقت اسوي رياضه ان شاء الله اول ....


نفسيتي جدا مرتاحه اني قادرة ألقى نتيجة حلوة على الصعيدين الشخصي والعلمي.

[مــهــابه]

اليـوم :


الأربعــا


المـزاج :

يبـآلي حد يـبطل " عـيـونـي " ويسحبـهـآ

مسطلـه ع الآخـر خلآآآآص :4:


المـوضـوع :

الـيوم مشيـت من الخـاطر ، والله انه ريـولي تعـورني من زود المشـي من يـوم نـآشه السـاعه 9 الصبـح يليـن الحيـن ما ارتحــت


روحـت أداوم ، 3 كلاسـآت متواصـله بـدون بريـك، خلاف صـديقـتي قـآلت بنروح المعـرض اللي مسوتنه " شرطة بـوظبي "

فـ جامعـتنا ، وروحنـآ ، جـآن اسوي بصمة " العـيون " وانـا احط عـيوني ع الجهـاز ، اطالـع الشـاشه ، الشـرطي يـقول لاتطـالعين

طالعـي الجهـاز ، أقـول له : مـابـا ، أبـى آشـوف عـيوني ، يقـول : يـابنت ماينفــع بس احنـا اللي نشـوف

وجـآن الف الاقسـام كلـهـا صـآرت عـندنـآ خلفيه فـ الاحداث وسـاعد ومـادري شـو ، عـآد اونه نبـى نتـثقف :fa46:


بس صـدق شغـلهم يـخوف ، وقفـنـآ عند قـروب يقـولون لـنـآ تعـآلـوا قـدموا ع وظـآيف فـ الشرطه ، قلـت لها بـذمتج وي هالشغـله احنـا

جـان تـضحك وتهـز راسها :4: ( رحم الله أمرء عرف قـدر نفسه )

الـمهم عـقب ، اتـصلت بي ختيه تـقول يالله ردي زهـبي اغراضج انـا فالـعين

يـاحليلهـا يـايه ومتعـنيه عـسب محل " يونيك " بس اللي ف العين مول، ويـوم رحنـآ حصلـنـآ آشيـا لكن مب هـآك الزود ، يمكن لأن عليهـآ تنزيـلات واصـلاً انا كنت مسطلة مالـي بـارض أشتـري

إلا جيـه ادخلـت المحلات واحط اشيـا مالـهـا لـزمه ، ويـاليتها حقـي ، كلهـا لـ عبودي وحماده وهنوفه :fa46:

وتـونيه واصـله البيـت ، خلاص مـا أشـوف شي

يـعني عـآدي اكتب الرد وما احطه ، انام :k_harhar1:

لاتـصدقـون عـآد

" تـصبحـون ع طـاعه الـرحمن "

كـآن اليـوم ممـتع ( بما انه الكتاكيت كانوا ويايه ) ومتعـب بنفس الوقـت

[طير الحب]

اليوم: الخميس يوم ميلادي


وايد استانست اليوم فاجئوني البنات بكيكة عليها صورة عيالي...حتى الاساتذة ..باختصار كل شيء كان حلو منهم ..
http://up.stop55.com/upfiles/jAn85656.jpg (http://up.stop55.com/)



وأحلى شيء هالباقة من أغلى ناسي
http://up.arabseyes.com/upfiles/5mM85506.jpg (http://up.arabseyes.com/)
تحميل صور (http://up.arabseyes.com/)

[الا انا]

..^^

كل عام وانتي بخير ...

وعسى عامج . كله سعاده وحب يارب .^^

وعقبال ما تفرحين .. بميلاد عيالج .. ان شاء الله ^_^

[رمــش الغـــلا]

^ كل عـآم وانتي بخــير .. =)

[مزن هتان]

اليوم : 23 - April
المزاج : ....

الموضوع
همسات و نظرات
اذا اقرب الناس يغبون عليه، شـ انتظر من البعيد ؟!

ابي اتحجى
غصه ميودتني، ماني قادره
" اللهم هون عليها، اللهم لا تشغلها بـ غيرك
اللهم اهديها و تبّ عليها انك انت التواب الرحيم "


شمعة أمل وين ؟ لها وحشه

[قصايد غلا]

اليوم : السبت


المود : محتارة شوية :k_icon9:


الموضوع : برمس عن يوم الخميس "يوم النحاسة العالمي"


يوم الخميس غبت عن الجامعة لأن أول كلاسين تكنسلوا لأننا مخلصين الكتب :a049:و آخر كلاس طنشته لأنهم بيعرضون برزنتيشنات و أنا مب وياهم ، بعده ما يا دوري


و سرنا أنا و ربيعتي الشركة لأنه عندن شغل وياهم ، و كاان موعدنا على الساعة 11

وصلنا لهم على الـ11 بالضببببببببط :biggrin: الحمدلله ما تأخرنا


حسبي الله على بليسها من حرمة ما خبرتنا عن كل شي نباه ، تمت تلف و تدور و تطلعنا من الموضوع :fa55: ويا ويهها


بس استمتعنا وياها حليلها لوووول تمت ترمسنا عن الكتب المفيدة و عن الروايات و تمت تقول إنه لازم نقرا لأن القراية بتفيدنا واااااااااااايد و خبرتنا عن خبرتها في الشغل :yes:



المهم ظهرنا عنها على الـ12 و شي .. 1 نحن في بيت ربيعتي

يلسنا ويا أمها شوية و خلاف سرنا حجرة التلفزيون عشان نفكررررررر كيف نسوي البحوث عشان نفتك منهم


تغدينا و ردينا يلسنا أنا و ربيعتي و أختها الصغيرة رباعة ليييييين العصر ، قلنا نبا آيس كريم:icecream:

قالت ربيعتي : قوموا ، أنا بودييييكم الدكااااااااان .. تميت أفكرررررررر :k_icon9: ، قلت لها : لالا مابا ، أول شاوري أمج

قالت : عادي .. أميه عادي عندها لأن الدكان وااايد جريب لكن لو المحطة بتخاف علينا و لازم أختي العودة تكون ويانا أو هي

تمينا نفكر و كنّا متردّدييييييين و نسينا السالفة ، و عقب ساعة قالت : قوموا بنسييييييييييير :4:

و بسرعة بسرعة تزهبنا و سرناااااااااااا و ياااااااااا ليتنا ما سرنا ههههههههههههههه


سرنا و ردينا بالسلامة :k_smile2:



لكن ربيعتي الفيلسوفة:bash: ، قالت بتدخل السيارة و بتردها مثل ما كاااااانت في الكراااااااج و بتدخلها بالريوس :tounge:


أنا أطالع ورا .. جان أقول لها : حاسبي لأن العمود ورااااااااج ، بس لا حياااااااة لمن تنااااادي

شوية و سمعنا "طاااااااااااااااااااااااا ااااااااااااااااخ":a068:

و يت أختهم اللي أكبر منا تركضضضضضض و كانت زااااااايغة هههههههههههههههههه واكتشفت إن الدريولية الفنانة دعمت العموووود


جان أقول لأختها اللي أكبر منّا : الحمدلله في العمووود و مب فيج ، لأنه شعره بيننا و بين حجرة التلفزيون ولا جان طاااااااحوا اليدار و التلفزيون رباعه و انتي داخل تتابعين التلفزيون :hysterical::hysterical::hysterical::hysterical:


بس المصيبة إن أم ربيعتي ما تدري .. بتنصدددددم و يمكن تحرّج عليها

تمينا زاااااااااايغاااااااااااا ات و مب عارفات كيف نتصرف


العمووووود دورنا له دبرة .. و حصلنا قوطي صبغ و بنصبغه


http://oasis.bindubai.com/bin/uploaded/7683_01240658977.jpg





لكن السياااااااااارة شو بنسوي بها ..


http://oasis.bindubai.com/bin/uploaded/7683_01240659142.jpg



خاست السيارة بصبغ العمود .. بس خوّزنااااااه بالأسيتون + شي طلع على برع و تمن يدزنه على داخل ليييين اعتدل بس بقى الليـــــــــــت لأن الكفر ماله مكسووور



و المشكلة إن هالسيارة ماشي منها هنه


جان اتصل بأخويه و خبرته و ما قصّــــــــر في الشماتة و الطنااااااازة :fa44:، قلت له : دور لناااااا ايااااه ، قال لي الوكالة مبندة أحينه بس بدور لكم لكنه ما حصّـــل


آخر شي تذكرت ربيعتي محل أبوها .. و خبرت أختهم العودة بالغلط و حرّجت على ربيعتي بس عقب فهمناها و هــدت
و قالت بتخلي حد من المحل يشلها و يبدل الكفر و يردونها بدون لا حد يدري (لا أبوهم ولا أمهم)\

وعقب ما تتصلح السيارة بيعترفون هههههههههههههههه بالجرييييييييمة

[مزن هتان]

اليوم : الاحد
المزاج : تمام و لله الحمد

الموضوع : خدمة المجتمع
البارحه اقنعت ثنتين ( عـ الاقل يملون وقتهم بشي طيب ) يجون معي
لـ اجتماع الجمعيه ( لقاء تعريفي للمتطوعين الجدد و تسجيلهم )
بعد ما طلعنا يقولوا لي مزن نحن متحمسين لـ المشاركه بـ الملتقى.
و ان شاء الله ما يخيبوا ظني فيهم

[العجيبة]

الاحد


المود : معتفس تقريبا


والله اتوقعت انه الشغل ويا الشباب معنااااته بحصل كل شي جاااهــز واللي بسويه بيكون شي بسيط عشان احلل درجاتي
طلع العكس ... يبوني انا اسويلهم كل شي !!! طفـرت والله وهالسمستر ما ادري شو ياااه طويل بزيااادة !!!


مب متعــاونيــن بتــاتـــــاً !

:(

[قصايد غلا]

اليوم : كااااان الأحد و استوا الاثنين :fa52: و بعدني وااااعية

المود : مستانسة لأني مخلصة امتحاناااااااتي بس تعبانة لأن شغل الجامعة ما يخللللللللللللص :fa36:


الموضوع :

نشيت اليوم الساعة 8 إلا شي ، وصلت الجامعة على الساعة 9 و10 تقريبا .. حمدت الله لأنه ماااااا وصل الدكتور قبلي لووول

افتكييييت و سلمت له البحث و ارتحت نفسيًـــــااااا


رديت البيت الساعة 1 ، يلست شوية على النت و سطلللللت على الساعة 3

نشيت رقدت من 4 ليييين 5 إلا ربع ==> بس مخي شغّااااااااااال ، أفكر بالبحث الثاني اللي لازم يتسلّم بااجر :a052:

و من الساعة 5 يالسة أشتغل علييييييييييه لين أحينه و إن شااااااااااء الله أطلع بنتايج حلوة :fa42: لأني أحس بعمري أبدعـــــــت في التأليييييييييف و التخرييييييييييييف :laugh:



و من الساعة 11 معلقة على أغنية يا حظ عينك بسبة اليـــــــااااااااااااااا ااااااااااهـ :11: لووول


و ياااااااااااا رب أخلص هالعلة عشان أرقـــــد قريرة العييييييين =p


أحس بعمري بزجّـــــــم .. راسي يعورني و كل شوية أعطس =S روحي مب ناقصة ، لكن برايه كفاااارة عن الذنوب و الخطايا =)



==========================


الله يعييييينج يالعجيبة لأني أعاني مثلج .. البحث اللي أسويه لازم تسويه ويايه بنت ، بس أنا يالسة أشتغل بروحي

قلت أنا عليّــه من نفسي ، مب مستعدة أعاند حــد ما تهمه درجته ، و مستحيييييييل الله يساويني بها :k_smile2:

[بنت الدلع]

مزاااجي مزاااج استرخاااء


واخيرا سرنا شفنا الفلم (fast & furoius)
عاد كله ولا الاسباب العجيبه الي ظهرناها وطبعا النتييييجه :d014:

لول

انا و H اذا تيمعنا مصييبه :fa56:

the last updates

رتتتتبت غرفتييي
سرت وظهرت كللللل شي برررررع
ومسحت الغرفه وخليتها تلامع وغيرت الشراشف كلها والكفر وغيرت اماكن الاثاث
الحين يوم ادخل الغرفه احسها فرررررش وتلللق لول
التغيير وااايد يأثر عالنفسيّه ويخلي الانسان more productive

http://oasis.bindubai.com/bin/uploaded/2211_11240781619.jpg

كله ولا المواقف الي صارت في ايكيا :14:
وانا بكل بروووود: وين محفظتي ؟!! :blush:
يحليلها اختي

وبعدها الاخت متصله
اقولج
ماعرف وين بركنت سيارتي !!! :birgits_giggle:

[رمــش الغـــلا]

اليوم ... 28

الثلاثا =)

.
.

اليوم كـآنت التحضيرآت الاخيرة لكونفرنس يوم الخميس ...

وفي نفس الوقت تقسيم شغلنا والـ Duties لكونفرنس بــآجر =)

.
.


طبعــآ اول شي شغالين فالطباعة وترتيب الفايلات وانسوي كفرات السيديات .. وونسخ الفايلات عالسيديات ..

و واااااااااااااااااايد اشيبا غير هذا كله >_<


http://oasis.bindubai.com/bin/uploaded/7877_01240939116.jpg


هاي كفرات السي دي سوتهم ربيعتي وطبعناهم ويلسنا انقصصهم ...

وعقب ما خصلنا ال 60 سي دي =)

http://oasis.bindubai.com/bin/uploaded/7877_21240939116.jpg


وعقب بدينا نرتب الفايلات

قسمناهم 3 الوان وردي واصفر واخضر 20 لكل لون .. طبعا من كل شي انسوي 60 مرة لووول ...!
http://oasis.bindubai.com/bin/uploaded/7877_11240939116.jpg


عقب بديناا نحط السيديات والاوراق والاقسام اللي في كل فايل .. وهاي روحها قصة ><

http://oasis.bindubai.com/bin/uploaded/7877_11240939155.jpg



وآخر شي احلللللللللللللللللللللى شي شفنا ال 60 فايل جاهزييييييييييييييييييييي ن =)

http://oasis.bindubai.com/bin/uploaded/7877_01240939155.jpg



وهـ التعب كله كان من 8 ونص الصبح لي 3 ><

^__^

والله يعين كونفرنس بــآجر لول ..!

[رمــش الغـــلا]

اسمحولي عـ كواليتي الصور .. لانهم بالفون وعالسريع =)

[طير الغرام]

http://oasis.bindubai.com/bin/uploaded/1184_11231791297.gif

اليـوم : الخميــس
المــود :http://oasis.bindubai.com/bin/images/mood/Fine.gif (http://oasis.bindubai.com/bin/index.php#)

الموضــوع :

من أصبحـــت الصراحه ماسويت اشيا انتريستنـج
يلست مع الوالـده واتريقـــت ،، تميت اجوف التلفزيون اشوي
وعقب قعـدت ع النــت أخلص البروجكـت اللي عليه [ بس بعد ماخلصتــه ] وفـ نفس الوقت كنت انزل برنامج
مــر الوقــت وعقب ردن خواتيه من الدوام اتغديت معــاهن ،، وعقب كل وحده ع حجرتهـا سارت ترقــد
وانا الفقيره المسكينه بـرد اقعــد روحــي !

وأمايه ويدتيــه روحــوا المستشفى
لنه يـدي اليــوم تعـب علينــا اشوي وودوه المستشفـى ،، قالوا بيخلونه تحت المراقبــه كم يوم
[ ربي يعطيــه طولت العمــر والصحــه والعافيــه آميـــن ]


المهم ع العصـــر تميــت روحي فـ البيت [ طبعاً الموجودين غيري ارقــود ] فـ من الملل سرت سويـــت كيكه وخليت البشكاره اتحط الفواله واتسوي جاهي
تميت اتريــا واتريــــا >> جان اتفاول روحــي [ غمضـــت عمــري الصراحه http://www.swalfdubai.com/vb/medals/emi/smailes94.gif ]

اشوي وجان يـرن فون البيــت كان ولد خالتيه سألني وين أمايه قلتله روحــت جان يقول اوكي خلاص ،، قلتله ويت ويت وأمك متى بتروح
http://www.swalfdubai.com/vb/images/editor/separator.gifقالي الحينه جان اقوله خلها اتمــر عليــه عيل ،، انا بروح
وجان اربـع الحجــره بسرعــه بســرعه وبالمره وعيت ختيه كانت تبى اتروح !

سرنــا اتطمنــا ع يــدي والحمدالله صحتــه احســن بس بعــده اشوي تعبـــان ! [ ما اتجــوف شــر يالغالـــي ]
وردينــا البيت ع العشـــا ،، وبس هاي أهم أحداث اليــوم

http://oasis.bindubai.com/bin/uploaded/1184_11231791297.gif

[عنــود المهـا]

اليوم ::

اليمعه بما ان الساعه 2:40ص
بس آنا برمس عن الخميس

المزاج ::

:fa42:
عال العال

الموضوع ::

من يوم السبت عميمه وبناتها وريلها يايين من قطر
وما صارت فرصه اييونا ولا نسير لهم لأنه ريلها عنده دوره ,, ولأنهم نازلين فـ بوظبي
عاد اليوم تواعدنا فـ دبي وتلاقينا

ع الساعه 7 المغرب طلعنا م البيت صوب دبي مول

التقينا وسلمنا وتوزعنا

الرياييل روحهم ،، امايه وعميمه روحهم ،، خواتيه روحهم
وانا وريماني ولولو رواحنا

سوينا شوبنق وخلصنا ويلسنا فـ ستار بوكس نسولف
والله كنا شالين البقعه ع روسنا ضحك وسوالف وتصوير وعبط وجنان وربشه :10:
فديتهن والله كنت متولهه عليهن واايد :fa35:

المهم
خلاف سرنا جدى المطاعم << الطلعه اكل فـ اكل :hysterical:
واتيمعنا كلنا وطلبنا عشا ويلسنا
عاد نحن الثلاث شو اللي يخلينا نسكت بعد ما التقينا
الاوادم يتعشون ونحن من الضحك مب قادرات انكمل اكلنا
لـكن الحمدلله عدت ع خير ومحد هزبنا :d014: وقدروا الموقف اللي نحن فيه
و ع الساعه 12 سلمنا ع بعض وهم ردوا بوظبي لأنهم بسافرون الصبح ونحن ردينا البيت

وبس

[مزن هتان]

اليوم : من الاربعا المسا لين الأحد المسا
المزاج : missing someone

الموضوع : عرس خالي
يوم الحنا كان صعب من نواحي كثير، كل ما اذكر اني شفت هـ الاثنين
واقفين مع بعض احس بـ غصه + اللي زاد الطين بله خالي ( المعرس )
تذكر يمه و كلنا معاه ما قدرنا نيود عمارنا "ربي يرحمها " كان متعلق فيها
لدرجه. يوم العرس الحمدلله انه كان يضحك عكس يوم الحنا و انا معاه
بالغرفه اقوله خالي ابتسم يقول لي مو قادر


نفخوا لي ريشي بـ إطرائاتهم زين بس ما طرت :blush:
لون فستاني كان سكري + ذهبي ( غيرانه من العروس :fa52: )

[مزن هتان]

اليوم : البارحه
المزاج : عادي

الموضوع
من كم يوم حلمانه بحلم استحي اقوله بس لين البارحه ما قدرت
خبرت اختي و مرت أخوي "بنت خالتي" شو قعدوا يضحكون
كنت حلمانه { اني اسوق مرسيدس ابيض و هالمرسيدس كان مال الشيخ
حمدان بن راشد ال مجتوم - ربي يحفظه - و حتى انه بالحلم حد طلبها مني قلت
لهم اسمحوا لي موتر الشيخ } احاول اذكر قبل ارقد بشو كنت افكر مو قادره
عن جد غريب بس والله ضحكت على عمري من الخاطر يوم نشيت


مين يتواصل مع شمعة أمل ؟ طمنونا عليها

[مزن هتان]

اليوم : هـ اليومين
المزاج : كل حين شي !!

الموضوع
أشيا كثيره بـ بالي، تفكيري مشتت مو قادره ايمع حايه
1. خالي محمد مغبي علينا انه راح يستقر مع زوجته و عياله بالكويت، لأنه داري يباه ما راح يخليه .
2. أخوي أشغلنا بزواجه مو قادرين نتنصخ .
3. البارحه نشيت 8:10 و ماكو ابالي الا شمعة أمل و على طول دزيت لها اقولها وحشتيني :inlove:
الحمدلله ردت عليه انها بخير .
4. البارحه شفت حد من هني، ربي يحرسهم و يخليهم لـ بعض و لأهاليهم .
5. موضوع أختي شاغل بالي بالمره ربي يوفقها :fa41:

[مزن هتان]

تم تمليك موضوع دير دياري ~ يوميات لـ مزن هتان
=)

[شوق القلوب]

أحب عفويتج يا مزن في هالموضوع.. دايما امتابعه اخبارج .. :)

[طير الحب]

اليوم:::مجهده


مزن بنوته حبوبه وطيوبه وايد ما شاء الله عليها

[مزن هتان]

أم حمد : :fa41:
طير الحب : تسلمين، لي الشرف اني التقيت فيج

[تحفه]

ااااوه يبيلي اشارك في هالوضوع ... زاد الضغط الدراسي وكالعاده اتهرب فايلس في الواحات شكلكم صددددق بتلوع جبدكم منييي لان كل ما يجرب الديدلاين وانا اتهرب اكثر من اليوم الي قبله هيهيهي

المووووهيم

امس :

نشيت متاخره ... كلعاده شاربه رد بول واخر رقاديه ومارمت اداوم من وقت .. فداومت من الساعه ١ لين خمس .. يرييت عمري يررر من الشبريه
من ٦ لين ٩ كنت nail station - town center اسوي بدي كير ومني كير وماخليت شي ماسويته تميت في الصالون ثلاث ساعات لول :) كنت احتااااااااج بريييييييك من الامتحانات ...

http://oasis.bindubai.com/bin/uploaded/3281_11242666243.png (http://oasis.bindubai.com/bin)

( انجاز امس ماشربت رد بول D: بس عشان خاطر مزن (K) )

الموهيم

اليوم نشيت احم احم الساعه ٨ اوووبس باجي ساعه ولازم اكون في الجامعه عشان انا وبنت القروب نسير مكان نسوي انترفيو حق المانجرررر وكنت صصصدق مفففتشله لاني دووووم اتاخر بالساعه والساعتين عن ميتنغس ربيعاتي ... من شربت هالرد بول وحياتي معفوسه .. مواقيتي اختربت استويت قوم بو مواعيد عربيه P= وصلت ٩ واربعين دقيقه ! الموهيم تميت اتصل لها اتصل اتصل تلفونها مادري بلاه مافيه خط! جان اشوفها عن الباب وطلعت هي بروحها متاخره لوووولز! حمدت ربي بس سويت عمري مغيضه اونه وينج وبلاه تلفونج لول ... سرنا نطبع اوراق وبالصدفه يا علي بالي اتصل في المانجر جان اكتتتشف انهم نااااسين ساااالفتنااااا افففففف ناشه الصبح عشان الانترفيو واخر شييييي طلعت ناشه علفااااضي .... صصصصدق قههرررر T.T

الموهيم تمينا ساعه في الجامعه وقررنا نرد بيوتنا ..... انا سرت دبي مول اطالع لا فايييت ... والصراحه حسيت بخيبه امل شديده! يوم سالتهم ليش جي مافي ماركات عدله ولا جواتي يديده قالو اونه الاداره تبي تستكشف سوقنا >.> صرااااحه ادااااره تعبااانه مايدرووون انا في الازمه الاقتصاديه اصرف اككككثر لوووول ... منو صاير مثلي؟ لول


الموهيم

١ طلعت من دبي مول
١:١٥ سرت ذا فلج اطالع سوالف سوس وشتريت كمن كتاب وكالعااااده لااااازم كب كيك ( احلي شي عندهم مال اليزر + رد فلفت )

http://oasis.bindubai.com/bin/uploaded/3281_11242666321.png (http://oasis.bindubai.com/bin)

رديت البيت ٢ ونص الظهر تغديت وقعدت اشتغل علي بروجكتيييي

٥-٧ رقدت

والحين يالسه علنت ... يوعانه ........ واكتشفت انهم مب مسوين عشى ويوم قلت حق اخويه تبي تطلب قال طلبنا T.T ... جان اتحرطم عليه اني طيبه اسالهم شو يبون ومره ثانيه بستوي شريره مثلهم ولا بسالهم لوووول

والحين اشوق غريز انتومي ... حلقه What a Difference a Day Makes وااااااايد تصيح :( يوم شفت بطن البنت منفجر ومشقوق لانها مسويه حادث سياره قررت اقعد في البيت لوووول جبانه مستويه لابعد الحدود

[قصايد غلا]

اليوم : الثلاثا


المود : تعباااااااااااانـــــــــ ـــــــة منهد حيلي هلكاااااااااانة منتهيـــة همداااااانة و فيّه رقااااااد و مودي هو : "كل معاني التعب" :mf_leia:




الموضوع : امتحنت اليوم ثالث إمتحان و بطلعة الروح خلّصـــــــــــت و الحمدلله ارتحت نفسيًــــــا

باقي لي امتحان واحد بمتحنه في26 و بفتـــــــــــــــــك من الجامعة و طاريها بشكل مؤقت .. و عقب برد أنكرف في الصيف :a052:"ما يستوي الجامعة تكنسل شي اسمه كورس صيفي؟؟؟" :shutup:


امتحنت الظهر الساعة 1 ونص و خلصت 3 و نص .. رديت البيت تغديت و صليت و جابلت اللابتوب و التلفزيون و قريت كمن مجلة "أعوّض عن ايام المذاكرة و الكراف"

و الساعة 5 سرت ويا اميه المستشفى ، و قلت إلااااا أشرب كوفي بس أميه منعتني لأني مب راقدة مثل الاواااادم امس :sad:


يا ربييييه مادري ليش أميه تكره ستار بكس :fa52: أنا أحببببببببببببببببببببببب ببببببببببببببببببببببببب به حب مب طبيعي





من أمس لين اليوم مب راقدة غير ساعتين و نص .. هلكااااااااانــــــــــــ ة ، فاجة عيوني بالغصب لين أحينه :k_puppyeyes:


أحس إني عيوووزززز :tongue: متكســــررررررة و مخرررررررفة



يرمسوني و ما أستوعب الرمسة من التعب :huh: بس مادري ليش معذبة عمري لين أحينه ما ارتحت




تحفـــــــــــــــة : تولّهت علييييييييييييج (L) .. يبا لي أسوي مثلج عقب الامتحانات بريّح عمري من الكراااااااااااااااااف

[مزن هتان]

( انجاز امس ماشربت رد بول D: بس عشان خاطر مزن (K) )


تحفه :fa41:
ما هو زين لصحتج، حبيبتي والله :inlove:

[تحفه]

قصااااااايد فديتج والله ... انا تولهت عليج مليوووووووون (K) لوووول تدريين بعدني انا ما بديت امتحاناتي .. بس من الحين سترسد و تنرفزه واعصابي طااااقه ههههه ... وااااااااااااايد استانس يوم اذكر ان خلاااااااص بعد ثلاث اسابيع خلاااااص بتخرج من شي اسمه جامعه Pp= شعووووور عجيب! متتتتحححمسسسه لشي اسمه بكون بطااااليه هيهيهيهيه

مزن فديتج والله انتي الي حبيبتييييي D: xoxox

[تحفه]

اليييووووووم كان فضيييييع !

مادري كيف ماسمعت المنبه ... نشيت ١٠ ،٣٧ دقيقه وانا اوردي عندي ميتنغ الساعه ١٠ ! :b050:
اكتشفت يوم اشرب ردبول ما ايني رقاااد الفلييل :ghostface: مخي يفتر فرررر وارقد بعد الاذااان :fa36:
المووهيييم

نشيت نشه وبسرعه (البرق) تلبست وسرت الميتنغ ... من الساعه ١١ ونص لين ١ نشتغل وبعدين الساعه ١-٣ فالكلاس .. عندنا وايد شغلللل :k_winner_third_h4h_
وبعدين طلعت سرت اسوي ميتنغ عسريع عشان مشروع التخرج .... واتصلت لي ربيعتي عشان تعطيني شي ... وتشاوفنا في DIFC :heart: ..... قعدنا في المندلون ... جد قلت لكم ان هالمطعم اللبناني يسوي احلىىىىى مناااااائيييش ؟؟... والكابتشينووو مالهم مضبووووووط :fa42:
http://oasis.bindubai.com/bin/uploaded/3281_11242763745.png (http://oasis.bindubai.com/bin)

المهم ماطولت ساعه ورديت ......

٥ انا فالبييييت :h_qor9anah: ... كنت تعبانه وفيه رقاااااااد .. تميت ساعه في صراع مع الرقاد :k_harhar1: وفالاخير استسلمت ونزلت تحت فالصاله ... ضيعت وقتي لين الحين الساعه ١٢ ونص .... معنه عندي شغل بس تدرون احينه بشتغل عيه لوووول :a058: وحذاااالي صديقييي الصدوووق ... ردبووول شقر فري هديه وي كرسبي كريم دونت من اخويه توهه راد من برع :heart::heart::heart::heart:

http://oasis.bindubai.com/bin/uploaded/3281_11242763886.png (http://oasis.bindubai.com/bin)



والحيييييين ما برقد الا يوم بخلص شغليييييي :h_ttmasha:

[طير الحب]

والله كان لازم اتعلم منكم كيف اتعامل مع الامتحانات

ارهقت نفسي وايد والنتيجة يومين في المستشفى والحين مالي بارض لا على امتحانات ولا شيء ابا استانس ابا اسوي شيء يديد اروح مكان يديد عيبي ما احب الروتين حتى عادي اترك الدراسه ما اعرف شو فيني ما اعرف نفسي...ابا اعيش حياة ناس كيرلس....تعبااااااااااااااا نه

[مزن هتان]

سلامات أختي طير الحب


اليوم : السبت
المزاج : عادي

الموضوع : عين

1. صيف 2008 مزن لخواتها : اضاءة منطقة المهندسين"القاهره" أقوى عن الراشديه "بدبي"، خمس دقايق بالضبط
و الا نتقطع الكهربا بالمهندسين.
2.البارحه في بيت أهل امي، ام مزن لـ بنتها ام سيف : على كم وصل مبايلج ردت عليها بنتها واصل المبايل قالت لا مشكوره
رفعت المبايل بنتها و جيه ما يطيح المبايل في غسول البيالات P=.
3. عم مزن : شوفوا شيبه يركض، تخرطف و طاح الشيبه.
4. أخت مزن"هـ" لـ أختها "تـ" : جيه ما خذتي لي من باسكن شراتج و جان يطيح الاسكريم عـ "تـ".

^^ كل هذا عـ خفيف بس S=

"اذكر الله قبل الشروع بـ أي شي"

[وحي القلم]

اليوم ... 28

الثلاثا =)

.
.

اليوم كـآنت التحضيرآت الاخيرة لكونفرنس يوم الخميس ...

وفي نفس الوقت تقسيم شغلنا والـ Duties لكونفرنس بــآجر =)

.
.


طبعــآ اول شي شغالين فالطباعة وترتيب الفايلات وانسوي كفرات السيديات .. وونسخ الفايلات عالسيديات ..

و واااااااااااااااااايد اشيبا غير هذا كله >_<


http://oasis.bindubai.com/bin/uploaded/7877_01240939116.jpg


هاي كفرات السي دي سوتهم ربيعتي وطبعناهم ويلسنا انقصصهم ...

وعقب ما خصلنا ال 60 سي دي =)

http://oasis.bindubai.com/bin/uploaded/7877_21240939116.jpg


وعقب بدينا نرتب الفايلات

قسمناهم 3 الوان وردي واصفر واخضر 20 لكل لون .. طبعا من كل شي انسوي 60 مرة لووول ...!
http://oasis.bindubai.com/bin/uploaded/7877_11240939116.jpg


عقب بديناا نحط السيديات والاوراق والاقسام اللي في كل فايل .. وهاي روحها قصة ><

http://oasis.bindubai.com/bin/uploaded/7877_11240939155.jpg



وآخر شي احلللللللللللللللللللللى شي شفنا ال 60 فايل جاهزييييييييييييييييييييي ن =)

http://oasis.bindubai.com/bin/uploaded/7877_01240939155.jpg



وهـ التعب كله كان من 8 ونص الصبح لي 3 ><

^__^

والله يعين كونفرنس بــآجر لول ..!



حلو ما شا الله :yes:

أفتقد هالنوع من الشغل :shutup:

[رمــش الغـــلا]

^

انا بفتقد هـ الشغل وايد عقب ما نتخرج =)

متعودين كل فترة يكون عدنا نشاط واكتفيتي نسوي وخاصة مؤتمرات لدرجة انه صار عدنا تشبع [ لوول ] ..

[مزن هتان]

أصبحنا و أصبح الملك لله و لا حول و لا قوة إلا بالله

اليوم : الاثنين
المزاج : مرتاحه

الموضوع
البارحه سمعت شي حلو + شفت موقف حلو :fa41:

شفت : الشيخ مجتوم بن محمد في حفل تكريم خريجين "برنامج مهنتي"
يوم مر من صوب ذوي الاحتياجات الخاصه "المكفوفين" نشوا له الشباب واحد منهم عقاله
طاح رفعه له الشيخ و لبسه "و نعم التربيه".
سمعت : شي حلو بيصير يوم الخميس ان شاء الله، ربي يسهل الامور و تعدي على خير

[مزن هتان]

اليوم : الثلاثا
المزاج : تمام

الموضوع : ملانه، زهقانه، طفشانه و فيه طاقه
ما عرف وين اطلعها =)

أحلامي زايده، البارحه حلمانه اني مذيعه هع، و غير عن حلم صلاة الاستخاره
ما لقيت أحد يفسره لي !!

البارحه ام سيف اتصلت تبيني اوديها الشارجه، اقولها حرام عليج
شارجه بنص الاسبوع و العصر !! طلعنا الاخت ما تدل و لا أنا كلمت بنت خالي
على اساس اتدليني تقولي ادلينه ميغا مول اقولها لأ انزين ستي سنتر الشارجه
لأ !! قلت لها انا باخذ شارع ملا بلازا و من هاك الشارع دخلنا ضعنا شوي بس ما تأخرنا
أنا "دبي" مادلها احم ..

نشيت الفير فتحت البرده و الا سيارتي مو موجوده
وي يا قردي موتري انباق !! اثاريه أخوي بايق سويج البارحه المسا

مستانسه وايد أخيرا فتحوا جسر مردف ما بغوا
متحمسه لـ يوم اليمعه =)، مسوين حنة معرس

أمي هاليومين ما عرف شو ياينها
تقول خلاص كفاية زواج اقارب =)، هاك اليوم مادري هي دعت لي و الا عليه !!

[دمع العيون]

اليوم الأٍبعاء
المزاج تعباااااااااااااااااااااا اانه ومقهوووووووووووووووره
الساعه 11:00
للأسف اليوم ناشه من الصبح وشاده حيلي مداومه
وفي الآخر السير قال ماشي كلاس... اعملوا اللي تبونه
والثاني طلع هب مداوم
والقهر الأكبر عندي كلاس الساعه 2 يعني لازم اتم يالسه اتريا الكلاس
ع العمممووووووووووووم الحياة حلوه
باجر الخميس وهاه مصبرني ع دوام اليوم

[مزن هتان]

اليوم : الخميس
المزاج : الحمدلله عـ كل حال

الموضوع
البارحه اتصلت فيه اللي كنت اعتبرها رفيجتي شفت رقمها قلت أكيد تبي
تتهزء هاي مارديت عليها كنت مشغوله رديت اتصلت فيها بعد ساعه كانت
تسألني عن صيدليه ؟!! قعدت تتحجى ربع ساعه قبل لا اسكر قلت لها اتصالج غريب
المسا حطيت راسي برقد وصلني مسج منها و كان
" الصراحه تعذرت في سالفة الصيدليه عشان ارمسج من
زمان مارمستج بس ما شاء الله عليج كشفتيني =) "

هالانسانه اعرفها أكثر من نفسي
أنا عارفه اني قاسيه بس صدقوني أحسن حل لنا

عيال خالي فلللله، قام يقطعون بعض ما يونسني بالدوام الا ايميلاتهم "طماشه"

[بنت الدلع]

سلااااااااااااااااااااااا اااااااااام

اشتقتتتتتت لكممممم واااااااااااااااايد

واشتقت لدييير ديااااري واااااايد

حاااالياااا انا في قطر
البارحه وصلت
وباجر برد بلاااااادي العزيييييزه :1:

وبستعد لامتحانااااتي

وااايد فالحه عندي امتحانات فااينلز ومسافره

شكراااااا لكل سأل عنيييي
احس من زمااان ماحدرت الواحات
بس والله موووول مايرحمووون اساااتذتنااااا بروجكت ورااااا بروووجكت :fa45:

[أنامل قلب]

^ ربي يوفقج اختي ، وترديلنا بالسلامه ..

,

اليوم : أمس !
المود : .... ~
الموضوع :

أمس كان يوم مزحوم جدا ، للحين ماني مستوعبه إني شفت واحد مكلبجينه :ohboy: !
احساس كريه والله ، خاصه إني تفاجأت فظهرت مني ردة فعل عبيطه ، جي صديت عاللي معاي
وانا اقولها : امبيــــــه كيف جي :sad: !!!

فـ عقب لمن مر من جدامنا تم يطالع بشكل غريب ، ااااخ قفطه اتخيل لو سمعني والله فضيحه ،
بيتحراني أحط عليه وانا قصدي استنكر عالشرطي والمنظر ككل ><

صدق صدق صدق غلط جي يمشونهم جدام الله وخلقه ، المفروض يراعونهم شوي :rock: ، ماحب جي !

,

اكتشفت امس صفه فيني ماكنت اظنها جي لهالدرجة ! بس احيانا صدق الاقي شغلات تنرفز ،
+ مشكلتي اني عادي لو وصلت حدي تلاقوني امشي عن الشخص اللي يقعد يكلمني ، اللي اونه يتكلم !

اعتبرها وقاحه ان يطلبون شي جي ، واسمحولي عالكلمه بس صدق بعضهم حتى اسلوب ماعندهم ،
وبعدين عشان لا اكون من اللي يسكت عن حقه بتكلم بأدب مره ومرتين وبس ، سار الموضوع كان بها ،
ماصار فيزاهم الله خير ومع السلامه ، مو ملزومه اعيد الكلمه كذا مره ، ولاني ملزومه اجابل شي ماحبه ..

حلو ان الواحد يملك جرأة وياخذ راحته ، بس ما ينسى حدوده !
+ أحلى شي إني سيده طلعت عنهم ، ولا إني أدخل عمري بصدعة راس مالها معنى ^^

,

اممم تميت اكلم صديقتي من اول ابتدائي ، يايلها واحد ومحتاره ماتعرف تجدم محاسنه على عيوبه / اللي تحسبه فيه وابـ هله ،
اقولها بعد ماتدرين اول مره تشوفينه ويشوفج اكيد بيرتبك ، تقولي أي مرتبك كان جريء بزياده =$
وانا ماروم حاليا احط عليها وايد ، عساس لا أأثر على رايها ، والله يكون بعونها =)

تقولي انامل قلب قولي شو اسمه ، اسألها اسم منتشر "وحطيت ابـ بالي محمد" / ردت علي اسم مركبببب لول
قلتلها لا تقوليييـــــــن ليكون عبدالقادر عبدالجليل / اوني احاول استهبل ، تمت تضحك اونه لاااااااا شو كل هالطول ^^"

وااااااايد احاتيها ، وبنفس الوقت امممم صدق افكر استخير معاها لول ، ماكنت ادري بس مره قالولنا ان يصير أظن ،
+ صدق هالمواقف تكون شي لا تحسد عليه الفتاه :bye2: ..

,

ربي يوفقها وييسرلها كل أمرها ويعينها ، ويبارك لها بنصيبها ~ ..

[بنت الدلع]

الله يسلمج حبيييبتي
ويوفق الجميع ان شاء الله

ماعليه صدمه وتعدي ^_^

-----

وردينا البلاد :1:
وردينا حق البروجكتات والامتحانات :bash:

امس في قطر كان يوم جميييييل جداااا
وضحك عالآخر

احلى شي ان سوينا فيشل عند خبيرة تجمييييل
فنااااااااانه

اول شي قلت مابا اخاطر
بس بعد ماشفت بنت عمتي والنتايج الي على ويهها صدق غييييييييير
ماشالله جيييه ويهها صار نظيييييف ومنوّووور
واهم شي انه مافيه بخار وخربطان وهالسوالف

كلها كريمات وسوالف طبيعيه من Kenzo
بس صدق فيشلهم Amaaaing
تحسون ان الويه جيييه فررررررش من الخااااااااااااطر :fa35:

كله ولا في ديوتي فري كيييييف خبلووو بيييييي الصغااااريه
مب صغااار صغاار يعني جيه قوم 9 - 11
بس ذبحوني :pullhair:

واحم :inlove:
في اشياء اذا الله راد بتصير وان شاء الله يمر الموضوع على خييير

شوي خايفه.. شوي مرتبكه .. شوي زعلانه.. شوي فرحانه
مادري جيييييه احاسيس واااايد متلخبطه
وبعده الخبر ماوصل البييييت

ما اتخيل ارد البيت وماما تكلمني في الموضوع

[مزن هتان]

اليوم : الاثنين
المزاج : عادي

الموضوع : معاريس = مخاسير

ما نخلص من عرس و الا و نحاتي اللي بعده، يا انه الحريم و ما وراهم الا الخسر
غير عرس اليوم عدنا عرسين الشهر اللي جاي ولد خالتي و اللي عقبه أخوي
أمي و أبوي يدورون الشقى "5 ايام قبل عرس أخوي مسوين ريوق + غدا و عشا
حق كل بيت أهل أبوي + أهل أمي في بيتنا"
أنا و خواتي شارين كل وحده تقريبا 7 قطع حق الخوار غير الدراريع الجاهزه اللي
راح ناخذهم أمي تقول لازم فاليوم نلبس 3 نفانيف.
كل وحده 15 نفنوف !! استغفر الله، نحن وين بنروح من عقاب الله "تبذير هذا"

[مــهــابه]

^
ذكرتـيني بـ صيـف 2007 ، كـآنوا اخـوآني الـ 2 معـرسين جـمآعـي واحد 7-7 وواحد 8-7
ونـآسـه لـكن كـرآف وتعـب ، و صيف حّــر :4:

الله يـتمم لـه ع خيـر وعقبـآل البـآقين :fa41:
.
.



الـيوم :

الأثنيـن


المـزاج :


مشـتآقـه لـ نبض قلبـهم :fa41:


المــوضوع :



آنــا ( مشـتآق ) /
آخلـي " وسـآدتي " صّـــدرك

.

.

:inlove:

[المزوحي]

اليوم : الاثنين

المزاج : عادي

الموضوع : عيادة الاذن والانف والحنجرة

سبب الزيارة، عندي مشكلة انا والوالدة في الاذن ... والمشكلة هي يسمونها Hyperacusis يعني اسمع الاصوات

بضجر ... من اي شي أتألم .. من صوت الناس اللي يتكلمون بصوت عالي - صكة الباب وباب السيارة بقو

تقرقيع - هرن المواتر ... الخ

وكنا نتريا الدكتور إيي من بوظبي وفتح له عياده في دبي وهو اليوم مب موجود ( اظن يكون يومين في السبوع او مره )

مادري، اليوم عندنا موعد تخطيط سمع، يبون يشوفون قوة التحمل من الاصوات اللي نسمعها من خلال الهيد فون

والنتيجه بيقراها الدكتور في الموعد الياي ان شاء الله خير



http://en.wikipedia.org/wiki/Hyperacusis

[أنامل قلب]

^ يمكن أنا بعد فيني هذا ، لأني صدق ما اتحمل الصوت العالي ،
يعني عادي نكون بمكان انا الوحيده فيه ساده اذوني ومحتشره ، اما الباقي ولا كأنه !
وصدق اكون مو قادره اتحمل الصوت ، احس الطبله بتنبط ^^"
حتى من صغري اتيني حالات عوار الاذن ، الله لا يبلاكم !

+ صوتي بعد بسرعه يتعب ، يعني مثلا لو تميت ساكته ،
احس بصوتي جي ممسوك وكأني قاعده من النوم ، أو مادري ، مو عارفه شلون اشرح !

المهم ربي يعافيكم ، وخير ان شاء الله ..

,

اليوم : الاثنين ..
المود : .... ~
الموضوع :

بالاول يـــــــــــارب و بإذن الله ما اضطر لهذا الشي ، يالله شلون !
مادري كيف جي عندهم المسألة شي هين ، صدق ما يصير ..

ادعولي !

,

سبحان الله في أشيا ما ندري بحكمتها ، وعقب لمن نشوف النتيجه نوقف ونحن !!!
تالي نذكر التفاصيل وكيف إن لكل شي سبب ، واللي ما عيبنا أمس ، اليوم بيسعدنا ، وجي !

من فتره صايره نفسيتي ما تنوصف ، مادري ابها خير ولا شي ما يسر ، ولا شلون بالضبط ،
مره راضيه ومرتاحه ، ومرات العكس تماما / وكأني مو عارفه أمشي أموري ..!

,

اللهم ارزقنا الخشوع والاخلاص لك بكل أمرنا ،
وابعد عنا الرياء ما علمنا به ، وما لم نعلم ..

~ ..

[المزوحي]

أنامل يستحسن تسيرين عند الدكتور وشوفين حالتج

[أنامل قلب]

^ ان شاء الله بس مب الحين ، احتمال عقب ..

,

اليوم : الثلاث ..
المود : .. .... ~
الموضوع :

الحمدلله أحس علاقتي بأمي قامت تتحسن من قعدت بالبيت ،
مادري شلون ، بس مثل ما يقولون دوم كانت الخلافات بينا
لكونها عنيده وانا أعند ، والأسوأ ان أفكارنا بأحيان كثيره ما تتوافق ..

اممم ، مرات تصير أشيا بديهيا محد يحب ان ينحط فيها ، بس عقب تلقونها تخلف آثار طيبه ،
وبعدين صرت أحاول ما أجادل على اللي أقدر أتصرف فيه واغض عنه فـ عادي ، وبالأخير لمن صرت
أعاند على شيء أنا مقتنعه بإنه ما يصير أو إني عالأقل ما أقدر عليه ، صارت ما تلح مثل أول ..

من صغري كنت أميل لأبوي أكثر ، ولمن كبرت صرت أحتار بأمي أكثر ،
بس من فتره شفت مقطع من فلم أظن ، وحتى بالواقع ، من الياهل يستويبه شي
سيييــــــده يروح عند أمه / وعني من صغري إلين يومي ، من يستويبي شي (صحيا)
سيده ألجأ لها وانا أحط ابـ بالي وكأنها أفكار تلقائيه [ بإن أكيد العلاج بيكون عندها ..

تضحكني لمن نطلب منها شي إهي تعرف انه بخاطرنا ،
ما تقدر بالغالب تقول لا ، بس تبوز =)

اممم ، للحين أحب راس أبوي والعوزه عادي ،
بس أمي ماقدر ، يبالي شوية جرأة !

,

بعيد عن اللي فوق ، معقولة صار عدنا
تقشــــــف لهالدرجــة بالدكاتره الإناث :ohboy: ..

الله يعين بس ..

[بنت الدلع]

اليوم : الاثنين

المزاج : عادي

الموضوع : عيادة الاذن والانف والحنجرة

سبب الزيارة، عندي مشكلة انا والوالدة في الاذن ... والمشكلة هي يسمونها Hyperacusis يعني اسمع الاصوات

بضجر ... من اي شي أتألم .. من صوت الناس اللي يتكلمون بصوت عالي - صكة الباب وباب السيارة بقو

تقرقيع - هرن المواتر ... الخ

وكنا نتريا الدكتور إيي من بوظبي وفتح له عياده في دبي وهو اليوم مب موجود ( اظن يكون يومين في السبوع او مره )

مادري، اليوم عندنا موعد تخطيط سمع، يبون يشوفون قوة التحمل من الاصوات اللي نسمعها من خلال الهيد فون

والنتيجه بيقراها الدكتور في الموعد الياي ان شاء الله خير



http://en.wikipedia.org/wiki/Hyperacusis


يمكن انا عندي هالمرض بعد !!

لاني وااااايد اعاني من هالشي
كل حد يالس ويتكلم وانا الوحيده الي اتأذى من اصواتهم وداااااايما اقولهم خفوا صوتكم
+ ما استحمل الحشره الزايده بسرعه اصدع
ومثل ماقلت اتنرفز من الاصوات الثانيه
الباب، الهرنات، الصوت العالي، التيلفون

سرت مرتين كشفت قالولي تدلعين مافيج شي !! :k_puppyeyes:

[مزن هتان]

اليوم : الاربعا
المزاج : بعيد عنكم

الموضوع
من الصبح قعدت استفرغ >.< أدري لوعة جبد
يوم أكون ضايجه و افكر وايد لازم يصير فيني جيه
تعبانه نفسيا هـ الفتره و من البارحه الظهر خذت لي شوية شوربه
لين الحين ما اقدر اكل شي

10 و شوي المسا البارحه قلت بروح الجمعيه "هدوء آخر الليل"
وصلت داخل الجمعيه قلت بحط السويج و المبايل بالهاند باق و انا احطهم
ما لقيت محفظتي "ناسيتها بالبيت" رديت البيت و أنا مقهوره من نفسي

و اليوم الصبح نشيت ماكو ابالي الا ام سيف انه البارحه مادقت لي من خلصت
الدوام "مديت البوز" شوي و الا اذكر انها كانت عدنا من قبل المغرب لين
حزت هي طلعت أنا رحت الجمعيه "يمه راسي"

بس خلاص عايفه كل حاجه بحياتي

[المزوحي]

اليوم : الجمعه

المود : عادي

الموضوع : shopping

الصبح سرت دبي مول، اتجولت من الخاطر، وكنت اشوف قطعه قطعه، أكيد بتقولون المزوحي ليش جيه :look:

عادي عادي عادي، لأنه يوم اشوف الوافدين مايخلون شي سواء يبون يشترون او مايبون يشترون ، كيف !

حتى في التنزيلات ياخذون الغرض الفلاني ويفرونه على الارض كأنهم مقهروين، بس انا لا

حدي اسوي ويندو شوبينج بدون ما افرر شي :hysterical:

عقب ما تجولت طابق طابق ...

خذت صندل من محل Gap حق الصغيروني ... وبجامات حق بنات + اولاد اعمار 3+6

....

وتميت احوص ودخلت brioche dorée كافيه بيكون جريب الشلال ... في الطابق الارضي

وكملت مشي وظهرت وقت الصلاة

....

العصر سرت الامارات مول وديت بنت اختي نص ساعه ادور بارك ما لقيت :bash: كملت سيري برجمان

اخييييج ليش جيه الناس مستوين :m_9admah: كل هذا عسب السيل :fa46: دخلت ساكس فيفث افنيو

الله اكبر كيف .... ماقدرت اتحمل طلعت ومرينا دانكن دونت لأنه البنت ياعت ...

وكملنا دخلنا زارا خذت جنز وتمشينا شويه ... وطلعنا ... سرت الفستفل .. عسب محل واحد بس

اللي هو converse لأنها تبغي الجوتي الاسود

http://www.mary-kateandashleystyle.com/images/Converse%20All%20Star%20sneakers%20in%20Black.jpg

وانا كنت باخذ هذا وماشي قياسي

http://www.laidbackstore.com/images/new/men/converse_strap.jpg

:k_shock_1:

دخلت بوما وحصلت تي شيرت وخذته لي :fa56: ورديت البيت

بتعشى وبرد لكم عقب شويه :thumbup1:

[رمــش الغـــلا]

زين المزوحي سويت شوبينق اليوم

انا كنت ابا اسير دبي مول >< بس ماقدرت ..

.
.

انا برمس عن أمس

الخميس ... 4/6
المزاج .. حلووووووووووووووووووو ^__^

الكلية ونحن بنات الكلاس كنا مرتبين حفلة نسويها بمناسبة تخرجنـآ

وكنا نحن بنات الكلاس وبنات التخصص بس الاصغر منا والمدرسين والسبرفايزر وكلنـآ =)


أول شي ا ل غ ل ا قرت ال speech ورمست عن كل وحدة منا فالكلاس وعن المدرسين كلهم ..

وعقب عرضنا الموفي .. اللي انا مسوتنه ^__^

وكرمنـآ المدرسين والمدرسات اللي درسوناا .. والسبرفايزر ..

والمس عقب زقرت كل وحدة فينا وكاتبة بيتين شعر لكل وحدة فينــآ ^__^

http://oasis.bindubai.com/bin/uploaded/7877_11244229799.jpg

هـ اللي كانت كاتبتلي اياه ..


------- is a fashion queen
The coolest Jewelery you have seen
She's clever too,, made direct entry
A gracious blend of brain and "moda"



هني آخر شي يوم سرنا الكلاس وقصينا الكيكة ويا بعض وكلناااها يمييي

http://oasis.bindubai.com/bin/uploaded/7877_01244229799.jpg


http://oasis.bindubai.com/bin/uploaded/7877_21244229799.jpg

http://oasis.bindubai.com/bin/uploaded/7877_01244229845.jpg

http://oasis.bindubai.com/bin/uploaded/7877_21244229845.jpg

http://oasis.bindubai.com/bin/uploaded/7877_11244229845.jpg


ويا عندنا اخر شي دكتووور فريد "مدير الكلية " وتم يرمسنا وجيه وطلبنا منه رحلة لووووول
وما رفض طلبنـآ :heart:

[المزوحي]

كلام كبير رمش الغلا شو هالكيكه :fa37:

أقول عيل يوم انا سويت شوبينج اليوم، وين تنصحيني اسير باجر :m_atmasha: جوتشي امرتس تاور + دبي مول

قاضين على المحافظ ... يعني اسير هارفي نكلز .. وإلا بس تعتقدين اسم المحل موجود :hysterical:

[رمــش الغـــلا]

الكييييكة لذييييييذة صدق .

هي والله قالتلي مرت اخوي ما حصلت شي !!

وكل شي مفرور يمين ويسااار في هارفي نكلز !


وحليلها مختارة اسكارف قبل امس من قوتشي يوم سألت امها عنه امس عسب تاخذه ما حصلته !

خامين المحل خم لوووول ..!

[المزوحي]

اكيد بيخمونه، عيل لقيت وحده تضارب مع الموظف،

قالت له عطني القياس الفلاني مال الجوتي، قال ماشي

قالت : كيييييف ماشي وانا متصله الصبح وقلتوا لي تعالي المحل

...

يعني اكيد بيقولون لها تعالي مب متفيجين لها .. واللي يحصل الشي بياخذه، محد بيحجزه لها إياه ...

[رمــش الغـــلا]

هي ترا جيه انزين .. لول

الله يعين عاد الحريم يوم يبون الشي لازم ياخذونه ههههه ..!

[المزوحي]

عن تكون وحده من الواحات لووووووووول :hysterical:

[رمــش الغـــلا]

هههههههههههههههههههههه .. لا لا ما اتوقع .. لول ..!

[مجموعة إنسان]

اليوم ,,,,


مب شي لين الحين

[رمــش الغـــلا]

اليوم .. حلو والحمدلله

اول شي الصبح مريت عـ ربيعتي ويينا الكلية
ومن وصلنا قالوا امتحان الساعة 9 ونص

صدق اتغصصت انا وهمس الوجود متفقين نتلاقى هـ الوقت بالضبط
لين المس وزعت الاوراق وانا كل شوي اوايج من جامة الباب وما شفت حد ><

.. خلصت والامتحان خبيييصة ... ><
الله يهديها المس !

وعقب سرت اتريق ويا ربيعتي .. وعقب ما طلبت بسير ايلس عـ الكرسي اشوف وحدة اتقولي انتي ***** قلتلها هي ليكون انتي وصديت ادور المواصفات اللي قالتلي عنها همس لووول :heart:

وشفتهااا

حبييييييييبتي والله استااااااااانست وااااااااااااااايد اني شفتج :inlove:

وان شاء الله اشوفج وقت ثااني ونيلس يلسة عدلــة =)

وعقب رديت وسلمت الويب سايت ..:fa56:

[همس الوجود]

اليوم عجيييب ^^



رمش الغلا .. هههههههههه فديتج انا .. ~

اناا كنت اخلي ربيعاتي يوايجن لول ^^ كانوو يقولون لي في وحده لابسه سكارف ابيض ويالسه عند الباب .. واناا اقول لهم اكيد هي عيل :k_special2: ..

وتميت اتررررررريه لين طلعتي من الكلاس وشفتج رايحه الكافتريا ..:whistling:

قلت خلني اشوف حظي ياتطلع هيه يا مب هيه خخخ والحمدالله طلعتي انتي .. :a050:

وعقب رحت امتحن ^^ والحمدالله الامتحاان سهل ال سؤال وااااحد الله يهديهم مادري من وين طلعووه القهر عليه 5 درجات :boxed: وهالخمس درجاات فالمجمووع عادي تنقصني 20 درجه افف .. بس والله طاف :fa44:

ذلني السير وهوو يقول لي خلصتي خلصتي :bash: ..
يأخي تشوفني اجلب بالصفحات مب شرط معناته اني مخلصه واراجع .. :boxed:
بس اخر شي سلمت اوراقي حق السير الثاني لول :a100:..


واحييين اناا فالبيت :redface2:

[مزن هتان]

اليوم : الاثنيناء "على قولة امي"
المزاج : عادي

الموضوع
"العيب واصل عند باب البيت هاليومين" << طرى عـ بالي شي

الخميس أنا و خواتي و عيال أختي رحنا العين، قبل المغرب وصلنا
"نفصل مخاوير حق قبل عرس أخوي" تحسرت ما كانت ماخذه كل قطعي
معاي بس ما خليت بخاطري خذت قطع حزتها و فصليتهم ردينا دبي 1
أخواني + ابوي كل شوي يتصلون
تعشينا هناك و شفت أشيا عورت لي راسي و بغيت أصيح
و شو بعد امممم البارحه رحت فستيفال أختي الصغيره خذت لها جيتار
مادري جاتها هفه اظن المهم زفيتها شوي عن خاطري
رحت اب تاون خدمتنا تبي اي بود تقول لي "بطه ابي أغني" ربي يصلحك
يا ديفي

أخوي معرس و حاط رنته "حطيت ايدي على خدي" اقول له يا ذا العلم
هذي رنه تحطها !! وش يقولون عنك؟ -مغصوب- P=

[مزن هتان]

اليوم : الثلاثا
مودي : عادي

الموضوع : امممم

البارحه امي مسويه طلبيه "20 كيكه" حق كل بيوت خوالي و خالاتي
و عمومتي و بيت عمام أمي + حد من معارفنا. طلعنا من 6:30 ردينا 11:30
عند كل بيت يحلفونا نزلوا و الا انه لازم يعطونا شي > عادات و تقاليد <
و خالتي آسيا ماخلتنا نطلع لين تعشينا
مرت عم امي "اااخ ويهي" ييت اسلم عليها و اطلع يودتني بيدينها
و أحد من عيالها كان معدي ورانا و بناتها حواليه
اونه بس ساعتين قعدوا !! ما يمدي نحن بنروح بردبي الحين الساعه 9:20
بس منو يقول قعدتنا تقول تعشوا "راح ننفجر، خاله اسيا معشيتنا" قعدنا ربع ساعه و شردنا

أعرف ناس ما اقول غير انهم مشوهين العيم
كل العيم اللي أعرفهم ما شاء الله "ما يفتكرون" الا ذول يتبيخلون ع عمارهم
يا ربي محد دايم "عيشوا حياتكم"

[تحفه]

اليوم :

ناشه ٨:٢٠ بالزوووووور ستين الف تسعين مليون الارم وكمن موبايل ( واحد جريب و واحد شوي بعيد والثلث بعييييييد :tounge: "بس علشان انش هيهي:doh: " ) و الميتنغ وي ربيعتي الساعه ٩! :tounge: تلبست وجي شفت منها مسج اناخر الميتنغ لين ٩:٣٠ .. كلنا تعبانين ونبا نرقد لوووول
وصلت الجامعه ٩:٤٠ ..... قعت اقرا لين ما يت ربيعتي الساعه ١٠ وربع .... اطالع موبايلي وماشوف الا شوق الغاليه :a054: مطرشه مسج :fa41: والللله انج غيرتيلي موودي :thumbup1: :fa41:

بعديييين يابتلي ربيعتي كوفي وسناكس عششاننن نمخمخخخخ ...... وتمينا لين الساعه ٣ في الجامعه .. بعدين طفرت وقلت لها خلاص تعبت خلينا نرجع البيت لول ... ورجعت .....

وصلت ٤ ... وكان عندي موقع اسنان متاخره عليه عشرين دقيقه! :fa46: يا سلام سلم .. وصدق هالمره التقويم عمل عمايله :frown:
بعدين مريت سبنس اخذ افلام يديده .... هالمحل الي في سبنس اتعامل معاه من الف سنه والله احب ادخله هو بالذات وااجر افلام :yes: وكلعاده شفت كمن بنت من جامعتنا بعد ! ماشاء الله قايم سوقه الظاهر هالايام لول

المووهيم

رجعت البيت ....... وصدق مليت لين مازارتنيييييييي ايه احبك علعشى .... حاولنا نطلع مني مناك مافي فايده :k_no: ماما مب موافقه نطلع تقول ماشي بنات يطلعن من بيوتهن تالي الليل :pullhair:

رضيني وقعدنا وحليلنا


والساعه ١٠ روحت

وانا الحين هني ... والحين بسير ارقد



ومشششششكوره شوق عالمفاجاه الللللحلللللوه .. وبوسيلي البيبي

[مزن هتان]

^^ لج وحشه يا تحفه

من يوم ثلاثا المسا لين الحين
تعبانه

وايد اشيا صارت، شي حلو "ربيعتي صارت أم"
كنت فالعين هاليومين اونه بغير جو صار العكس تأزمت زياده -الحمدلله ع كل حال-
وايد وايد حر اففففف بس من دري الفيلا لين السياره راسي يعورني من الشمس
ما صرت ارقد عدل 4 و الا 5 ساعات و كل شوي انش + دمي نازل طول الوقت احس اني دايخه

البارحه يوم ميلاد اخوي * 23 سنه كان زعلان و ماد البوز "مرته ناسيته"
لين جات عـ 11:00 المسا طرشت الهديه، عاد تعالوا سكروا حلجه -دعاية كرست-
ربي يخليهم لـ بعض =) { ارتفعت معنوياتي ع الموقف، الدنيا بعدها بخير }

الواحد يوم يكون معصب ردود أفعاله تكون فضيعه
ماعرف اتحكم بأفعالي، بس بعد دوم أحمد ربي اني اعترف بـ خطأي
"اتصلت و قلت أنا آسفه لـ كذا و كذا"

[تحفه]

^فدييييييييييتج انااااااا تولهت عليج العافيه حبيبتيييي! xxxx! تعرفين تخرجت وكل يوم والثاني حفله تخرج XD they ruined my diet

ياليت لو يستوي نسوي party حق بنات الواحات بيكون SO CUTE!

[تحفه]

اليوووووووووووووم !


وبديييييت حااياااااااااات البطااااااليه :10:


نشيييييت ١٠ ونص تلفونات واشوف المس كولات والمسجات :h_terms: .... وسرت مول اف ذا امرتس !

تشاوفت وي ربيعتي في الكوفي شوب نحل قضيه غير طبيعيه ارررررربع ساعااااااات :fa41: حشا هذربان البطاليات احلى منه ماااااشي ! :2:

وصلت البيت ٣ ونص ..... تغديت سمجججج وعيش وي بابا :inlove: ......... من زمان ما حسيت بالحررررريه ..... الي يسمعني يقول كنت محبوسه لوووووول

الساعه ٤ ردت الروح في البلاك بيرييي من بعد طول غياااااب :a050:

ورمست ايه احبك فدييييتها اتذكرتي ويابتلي هديه بمناسبه التخرج :a070:


وبعدين قعدت اقرااا كل المجلااات الجديمه واليديده


و الحين اسوي سيرج في امازون ادور كتب وقصص حللللوه اتسلى فيهم لين ما ادور لي وظييفه الله يعلم متا الله بيفتحها علي وي هالرسشن ..... توقيت تخرجي نحس لسبب من الاسباب لوووول


وبس الحين اون لاين

[رمــش الغـــلا]

مبروووووووووووووووووووووو ووووووووووك تحفه :heart:


.
.


نفس حالتي يعني من حفلة لي حفلة ومب ملحقيييييييييين ><


برمس عن أمس واليوم ..

امس نشيت اتريقت ويلست ازهب ثيابي لطلعة العصر ويلست عالنت وعقب سرت شوكو لا لا آخذ صينية جوكلت ..
وسرت خذت هدية تخرج لكزناتي الهنتين ..
وعقب رديت وعالسرررررررريع اتلبسنا وسرناااا بيت عموووو .. وعقب بيت يدي وتمينا هنااااااااك
احللللللى يمعة ووناااااااسة لي 12 وردينا البيت ^__^

.
.

اليوم نشيت اتلبست وسرت دبي مول من 11 الصبح لي قبل ساعة بس رادة ><
شوبنق من الخااطر ، واخر شي نص الاشيا مب ماخذتنهااا وباجر بكمل ان شاء الله ويا بنات الكلاس لول ..!

^__^

والحين رادة تعباااااانة ووراي باجر شوووبينق ولعب وونااااسة الله يعين كم بتتحمل "ريلي" المسكينة >< ..
هلكت من الكعب اليوم .. باجر بلبس فلاات وبريح عمري ..:inlove:

[طير الحب]

السبت...


الحمدلله مرتاحه من شغلات وايد المناسبة الي حضرتها كانت حلوة والحين احس دور الشغل افكر ادرس بروحي ايلس بدون شهاده عسب من انسى الانجليزي لانه الممارسة شيء زين وفكرت اخذ دورات برمجة او طاقة عن طريق النت فالي يعرف مواقف مضمونه ابا ادرس شيء عن طريق النت ...

[تحفه]

رمش: حلو الشعور يوم تكونين بطاليه ومن حفله لين حفله ;) جان زين حياتنا كلها حفلات XD

طير : شو عن الجامعه؟ لا تضايجين حبوبه كلنا مرينا بأزمات هيهيهييي ... بس في الاخير نتخرج وبعد نقعد في البيت =X

[رمــش الغـــلا]

اليوم الأحد

حلو عـ متعب ... ]

أول شي وصلــنآ امرتس مول السكي السـآعة عشر

دخلنا السكي ولعبنـآ لي 11 ونص ..

وعقب السكي شوبينق لين وحدة

وعقب غدااا

وردينا كملنا شوبينق لي 3 ونص .. =)

ووصلنا الساعة 4 ونص ^__^

وخلاص ماااااااشي طاااااااااقة ><

واحس كل عظمة فيني متكسرة !

وفوق هذا باجر عندي كمن مشوآر أسويهم ..

أبا يوم واحد بس أريح وريلاكسيشششششششششن .. =(

.
.

[مــهــابه]

الـيوم :

كـآن الآحـد


المـزآج :

مسـتآنسه وللـه الحـمد


الـمـوضـوع :

مسـتآنسـه وااااااااايد ، الآبـتسـآمه مـآفـآرقـت شفـآتي طـول اليوم الحـمد الله :)

مرتـآحه نفسيـاً من بـعد ضغـط الامتحـآنـآت

ومسـتآنسـه آكثـر لـآني 3 آربـاع وقـتي كـآن مع عيـآل ختـيه وعيـآل اخـواني :)

.
.

عـيني اليـّمنى صـار لهـا يوميـن تــرف =p

[طير الحب]

تحوفه...أزمة وعدت ولله الحمد...وابا احلى الف مبروووك على نتايجي الحلوة بدلع نفسي بسفرة لو مب هالانفلونزا

[مايهزك ريح]

البارحه ظربتني ظيجه ويالس احاول اغير مودي ..
بس مب رايم .. موقف سخيف من واحد اسخف اتعرظت له ولين الحين في بالي ..
مع اني ما غطلت ولا قلت شي وكنت في حالي بس في ناس اعوذ بالله !
صدق انه "حد احشمه وحد احشم عمرك عنه" >_<

[تحفه]

^انته تعرف انا اشتغلت وورك بليسمنت شهرين وحسيت ان بيستويلي القلب وبموت من الي شفته من الموظفين في الشركه الي اشتغلت فيها!!

كانت العداوات اب بيزه!

حتا يوم يسلمون يعقون نغزات ... اجواء مصلحه و انانيه و كل حد يحفر في الثاني و كله نميمه وكره .....

الحمدلله ما قبلوني يوم قلت لهم بشتغل عندكم ولا جان بتشوفوني منجلطه بعيد الشر عني في غضون شهور ،،،، P=

احمد ربك انك ماتصادف هالمواقف يوميا او كل ساعه ونت فلشغل! لول! هالنصيحه الي اقدر اقولك اياها

[أنامل قلب]

اليوم : آخر كذا يوم !
المود : ... ... ...... ~
الموضوع :

كذا شغلة منرفزتني ومخليتني بمود عصبي ، والحمدلله إن عصبيتي هادية نوعا ما ، بمعنى إني غير عدائية ،
وحاليا بالي جد تعبان ونفسيتي متوتره والقلب ضايج !

لكن صدق لمن نشوف أغلاط كبيييــــــــــــــره والناس كلهم ولا كنه ! / لأول مره أستخدم كلمة بوصف وحده ربي يهداها ،
مادري شلون جي ، والاعلام كلهم ولا همهم ويعتبرونه اظن حرية شخصية ولا شلون !!!

,

كنا طالعين لأحد المراكز ، وصادف بهاليوم شفت كذا مواطن "هيأتهم إماراتيين" كلن مرافق وحده غير عربية ،
اكثر شي نفرني لمن شفت واحد منهم حرمته الغير عربية "مبين روسية" لابسه لبس ؟!؟!؟!؟
مادري شلون هذول مافيهم غيره ، والله مناظر تعور القلب ، كيف رياييل جي ، عالأقل يخليها تحشم عمرها وتحشمه معاه ..

وغيرهم بمواقف صارتلي ولا صارت لغيري ، لمن نضطر ندخل بمعاملات أيا كانت مع الرياييل بخصوص مسائل
ما يصير ناخذها إلا من النساء ، لكن نشوفهم بكل بساطة يقعدون اونه بيقنعونا إن عادي مافيها شي اذا الريال سد حاجتنا !!!

يومها مادري كيف مسكت عمري ، غصب يخلون الواحد يتكلم ،
اما انهم صدق مافيهم غيره ، او انهم يرضونها لبنات الناس من غير أهلهم !!!

,

في رياييل أعوذ بالله ، يعني نحن الحين مش من النوع اللي يقط كلمات ولا نحب نحتك ولو بالكلام مع الناس والرياييل بالأخص ،
بس والله مرات أحس إني بوصل لمرحلة عادي أقط كلمة على هالفئات ، عيني عينك ..

,

أمس رفيجتي وصديييييييقتي يت عندي البيت ، وللأسف ما طولت !
لمن رحت ازهب للغدا خذيتها معاي تساعدني ، وتمت اونه عاد تتحرطم / ياربي اشكثر احب صديقاتي ..

قبل لا يمرها اخوها تمينا نسولف عن العباه الوسيعه ، لاني اول مره فصلت وحده وبيومها زهبت ـ
فتمت تقول برايها انها احسن من عباة الراس من زود ماتشوف بعض البنات يتلعوزون لمن تطيح وجي ،
ووووووباذن الله بنسير عقب بنفصل غيرها مع بعض ، بس ان شاء الله ترد تيينا وتقعد زياده !

اممم تكلمنا بعد عن أشيا والله تحزن ، لو اقدر اتكلم عنها بس !

الله يعين ..

,

اليوم رحنا بيبي شوب ، وكنا أخس عن اليهال ، كل وحده قابضتلها كذا لعبة > تعطش للألعاب ،
وكنت باخذلي كذا لعبه زياده من هالالعاب اللي شرا الشطرنج وجي ، بس استعيلنا ،
+ ما خلتني آخذ السلة لـ "كرة السله" مع انها كانت بخاطري ، اونه ما عيبتها ، بس شكلي برد آخذها !

وووو شو بعد اممم ، إي صح ماحب لمن ادخل مكان اييني أي أحد من الموظفين ،
كأن السالفه غصب لول ، حتى لمن رحت الكوفي شوب بسم الله هجمو علي يمكن جي قريب الخمس وانا O_o ،

ياني الاول بالمنيو واهو قابض الكرسي " اونه يعني قعدي =/" ، قلت لا اسمحلي باخذ تيك اواي ،
فيتني الثانيه تشوف شو بطلب وتمت تعددلي الموجود وتقولي اهي شو تفضل احليلها ^^" ، واهي تتكلم ياني ثالث
اونه ها اخترتي !!! ، وعقب ياني الرابع بعد ما اخترت يقولي شلون تبينه حار ولا والخ ، وعقب وانا انطر والين استلمت طلبيتي
تمو يسولفون ، البنية تسألني كم عمرج وتدرسين ، وليش ماخذه تيك اواي ، وغيرها ياي اونه يس يس نايس =$

بغيت ازاعج اقولهم بعدو / وخرو عني لول ، حتى كنت بنسى ادفع !

,

اممم في امور شاغلتني وايد وايد وايد ،
مسألة الدراسة المختلطه ، مسألة تأجيل الدراسة ،
مسألة الدورات اللي ممكن تعنيني وتسد ميولي ،
مسألة الشغل اللي احتمال كبير خلاص اداوم فيه ..!

باذن الله خير ، باذن الله خير ،
ودعواااااااااتكم ~ ..

[مايهزك ريح]

^انته تعرف انا اشتغلت وورك بليسمنت شهرين وحسيت ان بيستويلي القلب وبموت من الي شفته من الموظفين في الشركه الي اشتغلت فيها!!
كانت العداوات اب بيزه!
حتا يوم يسلمون يعقون نغزات ... اجواء مصلحه و انانيه و كل حد يحفر في الثاني و كله نميمه وكره .....
الحمدلله ما قبلوني يوم قلت لهم بشتغل عندكم ولا جان بتشوفوني منجلطه بعيد الشر عني في غضون شهور ،،،، P=
احمد ربك انك ماتصادف هالمواقف يوميا او كل ساعه ونت فلشغل! لول! هالنصيحه الي اقدر اقولك اياها

الحمدلله .. بيئة الشغل ما فيها هالخرابيط .. مفتك من الصدعه .... !

[المزوحي]

ترى شو اللي يخرب غير هالرمسه الزايده ... وهذا منتشر بين البنات والشباب ماشي فرق الحين - للأسف ...

[مزن هتان]

اليوم : اممم
المزاج : الحمدلله تمام

الموضوع

ما عرف شـ قول اممم، وايد اشيا في بالي "البال مشغول"
قبل بارحه حلمانه في أخوي مجموعة انسان !! أمي تقول لي مسكين ما بيترقع =)

تحجت أنامل قلب عن العباه الوسيعه فـ ذكرت موقف صار لي، أنا عندي كمان عباه وسيعه
"يصير" تنحط فوق الراس، ذاك اليوم طالعين من عند حد اهالينا فـ رفعت العباه فوق راسي
عشان ما تخيس العباه و انا ماريد ارفعها من تحت و جيه ما اسمع صريخ وراي تام كل اللي
بالليوان صدوا صوبي =S "حريم و رياييل" و الصريخ مستمر بسبب طريقة لبسي للعباه !!

ما عرف شو صاير بالدنيا ؟ مادري شلون يرضونها الاهل عـ بنتهم ترتبط بواحد أهله مش
راضين على بنتهم و تشوف المعرس ينزف لحاله، و الادهى من ذلك لمن تسمع انه نصف
العرس قايمه فيه العروس و يمكن كله !!

اممم الكل يتكلم عنها و الله اني رحمتها، كل حد يدور الزين
بس اهي بزياده يعني تبي جنتها "بيضه، جميله و شعرها حلو" ما قالت الاخلاق
ما تدرين يا خالتي يمكن أخلاقها تغطي على شكلها
شـ حلوهم السمر :blush: P=

ياني انطقيت طق البارحه و انقرصت و اتعضضت من "مرت أخوي و أختها"
ما يبون اطلع مع رفيجاتي، كله يبوني معاهم، استانست وايد البارحه من زمان عن
خالاتي. داروا عليه خالاتي الا اخذ البلاك بيري يقولون وايد راح ينفعج و قبله بيوم
أخوي يقول لي باخذ بلاك بيري خذيه معاي o.O عاد هو خال يدلع نفسه =)

خايفه من شي

[مجموعة إنسان]

صدقها امج
اسميني مو مترقع هاليوميييييين

[أنامل قلب]

اختي مزن ، تدرين من بعد ما لبست هالعباه ،
قمت استحي البس العباه العادية ، لأن هذي وسيييعه وساتره اكثر ،
اما العبي اللي بالقصات العادية تكون غير ! ^^"

,

اليوم : قبل أمس بالأخص ، واليوم !
المزاج : .... ~
الموضوع :

تفشّـلــــــــــــــت !"

,
,

وبعدني بتفشل !!"

,
,

من بينهم كلهم ،
ياهي حاله ..!

وووو ماتم إلا كذا يوم ،
فعسااااااااااه خييييييــــــــــــر ..

,
,

لمة الأهل حلوه ، وسبحان الله ،
شلون أحيانا ناس ما بينكم وبينهم صلة قرابة ،
لكنهم قرااااااب جدا جدا جدا ..

ربي ييسرلهم أمورهم كلها ، ويشرح خاطر خالو ف وعيالها كلهم ،
ويطمن خاطرها ويعينهم بكل شي ، وما يرزقهم نعمة
إلا ويجعلها لهم عونا لما يحب سبحانه ..

ما شاء الله عليهم ،
وايد أحبهم وأعزهم وأقدرهم والله ~ ..

=)

[مزن هتان]

مجموعة انسان
خل عنك

أنامل قلب
أنا ما ألبسها دوم
و غير اني ما تعودت عليها لسه كل شوي اتخرطف =)
اوصلتج رسالتي ؟!

[قصايد غلا]

^ يااااا ربييييه يا مزن لا تطرين سالفة التخرطيف لووول

أسميييييني أتخرطف بالعبي و خاااصة إذا العباة مسكرة :k_no:صدق أغمض .. كل شوية أقبض أميه و أتم أضحك على عمري:biggrin:

[أنامل قلب]

^ انتي مثلي ، اقعد اضحك على عمري ^^"

مزن لا ماوصلتني لأني مسكره الخاصيه ،
ردي دزيها لمن تشوفين ردي هذا ، وعساه خير ~ ..

,

اليوم : الاثنين ..
المود : .. .... ~
الموضوع :

لأني التهيت ابـ شغلات بالفتره الأخيره ، قمت أهمل بالرياضه !
ع كثر ما يكون احساس الالتزام بالرياضه حلو ، ع كثر مايكون بايخ لمن تردون تهملون ماركم "شوي" ..

+ من بعد ماهجرت دفتري كذا يوم ، رديت التهيت فيه امس وما تم فيه صفحه فاضيه ، خلص اكتمل !
مع اني وااااااايد احب هالدفتر ، نعوم وعلافه معبر ، بس لازم اقعد اشقق اوراقه :k_special2: ..

,

مرات تستوقفنا أسئلة واستفهامات أعوذ بالله منها ومن الشيطان ،
ماصدق إن ممكن تخطف علي مثل هالأفكار ، عسانا مانتحاسب عليها ...

,

أشوف أحيانا شغلات استغرب منها وايد ، يعني مواقف الناس من أمور ، نظرتهم التشاؤمية أحيانا ،
عدم اكتفاءهم ، انهم ما يحاولون يستشعرون كثر النعمة اللي يملكونها ..

وغيره لمن نصادف ناس ما يفكرون مثل ما نفكر ، بمسائل أخرى ..!

,

فرق شاسع ، فـ من منا على خطأ ..؟!

[مزن هتان]

اليوم : الاثنين
المزاج : عادي

الموضوع

ما شاء الله عليها مرت أخوي وايد اجتماعيه، البارحه كنا نتعشى
بالميلس "امها و أختها و أمي و خواتي" نشت قالت بتروح غرفتي أنا و أختي
يوم ردت تقول لنا دخلت على أبوي الصاله سلمت عليه و كملت
" أنا جايه فوق مخصوص عشان احاجيك، جيه ما تخلي فلانه تبيّت عدنا "
و خذت منه الموافقه *أبوي كلش ما يحب انه نرقد عند أحد، بس عشانها وافق
و غير جيه كل شباب و بنات أهل أمي مستحيل يسولفون مع أبوي "يشوفونه
سيريس وايد"، بس مرت أخوي و أختها و أخوها ضحك و سوالف معاه عادي

أخوي و مرته ان قعدوا مكان واحد بينجلب المكان لـ ساحة تقطيع "فاهمين الرومانسيه غلط !"

نشيت الفير أشوفها دازتلي مسج يبون يروحون مكان
من فتره و هي تحن عليه في المكان، ما تهون عليه اليوم ان شاء الله
اذا ربي راد راح نروح

البارحه تفجرت عندي مشاعر خبيتها فوق الـ 6 شهور
ادعو لها ربي يهون عليها و يعوضها خير "بزوج صالح، خايف ربه، صاين نفسه قبل بيته و يقدرها و يسعدها" اللهم آمين

[مزن هتان]

اليوم : من يوم الثالاثا
المزاج : الحمدلله

الموضوع
الثالاثا رحنا سكي دبي أنا و أختي + بنات خالتي، و نحن داخلين أقولهم
واخزياه الناس داخلين مع عيالهم و نحن !! طول الوقت و أنا قابضه الكاميرا
شكوا فيني P: ساعه و طلعنا تعشينا هناك 11 طلعنا من امرتس مول
عاد و نحن طالعين قطوني بموقف والله أهما عادي عدهم و أنا بس خلاص
ويهي تكسر أونه على قولتهم حرية شخصيه ما دروا انهن تعدوا حريتهم !!

و البارحه اممم "لا حول و لا قوة إلا بالله" كل حاجه كانت ماشيه تمام من أول
الصبح لين آخر الليل، خلاص برقد تعكر مزاجي بقوه امسح دموعي لكن من يقول
لين آخر شي رقدت و أنا أصيح. بس الحمدلله اليوم نشيت و أنا بخير طلعت اللي بخاطري =)

اليوم أتمنى يكون مسانا خفيف و حلو

[مــهــابه]

.

.

الـيوم :

بدآيـه آسبــوع يـديـد ، وبدايـه أمــل

و اليـوم ( سبــت الأبـتســامه )



المـزاج :

:)


المـوضـوع :

ابـدايـة يـوم يــديد وصبــاح يــديـد ، طـّلـت ع العـايلـه حفـيده يــديـده


وصلـت أخـت عـبدالله والـهـنوف بـالســلامه :fa41:

.

.

السـاعه 3 و3 دقـايق بالـظبط أتصـلت ختـيه ، انــا فـ المسـتشفـى وعيــالي يـايبـنـكم فـ الدرب

من سمعـت صوتهـا ، حسيييت بخـوف ، اقـول لـهـا : ايييج المسـتشفى تـقول : لا ولا تخـبرين اميه ولاتخبرين حد يليـن اقوم بالسـلامه

اقـول لهـا : مابخليج الروحج ، تـقول : ريلي بيكـون عندي وسكري عـني لاني تعـبانه خلاص وبيكون في اتصـال بينج وبين بوعبدالله


اتـصل بـي بوعبدالله ، انـا ع البــاب ، والصغـاريه رقـود ، اقـول له كل اللي فـ البيـت رقود ، شقـايل بوعـي اميه وابويه

روحـت لأخـويه اوعيه ، نش اطلـع ، مب مسولي سـالفه ، اذن من طيـن واذن من عـجين ، والريـال مسـتعيل بيلحق ع حرمـته


شو بسـوي يـعني ، الوقـت متأخر ، كيـف بنظهر عند بـاب الحـوي فـ هالوقـت ، يقـولون : الغــايه تـبررها الوسيله ، لبسـت تيمون وبـومبـا العـبي والشيل وقلـت لهم : وحده تـطلع تشل عبدالله والثـانيه تــشل اخته

يبـناهم ورقـدانهم

السـاعه 5 و25 دقيـقه ، اتـصل بي نسيبي يـقول : مبـروك


قلـت : الله يبـارك فيك ، ومبـروك مـايـاك ، والحمدلله ع ســلامة ام عـبدالله والبيبي


والحيـن مب طايـعه أرقـد يلين اكلم ختيه واطمن عـليها ، ولا مابيهدالـي بـال



ع فـكره كل هذا صـار بدون عـلم حـد ف البيـت ، حتى ابويـه اللي دخل غرفـتيه يوعيني لصلاه الفير ماحسسته بشي ولا انتـبه انه عيـال ختيه راقديـن عندي

سويـت اللي وصتـني ختيه عــليه


شطـوووره انـــا :inlove:

[رمــش الغـــلا]

مبروووك مـآ ياكم حبيبتي =)



وتتربى فـ عز امها وابوها ان شاء الله ^__^

.
.

اليوم نشيت 5 ونص الفجر بتوقيت تـآيلند .. سرنا المطار عـ يوعي .. الساعة 6 الصبح

وتمينا هناك لين سمعنا الـ last call

سرنا ووصلنا البلاد الساعة 12 الظهر .. والبيت وصلت السـآعة 2

ويوم متعب وطول السفرة ما أحس إني رقدت =(

.
.

وان شاء الله راح احط تقرير برحلتنـآ للسفـآري بس من أفضى =)

[مجموعة إنسان]

مبروووووووووووك مهاااااابه

وتتربى في عزكم ان شاااء الله



رموووووووووووووش
حمدالله على سلاااااامتكم
نورتوا البلااااااااااااد

[ايه احبك]

مبروووك مهوبتي على ما يكم وتتربى في عزكم ان شالله XD
احسن احسن زيدو من جنس البنات XD يزيدون الرزق

[مــهــابه]

رمش الغـلآ :


نـّــورت البـلآد بـ / وجــودج ~ !* . .


الحمدلله ع الســلامه حبيبــتي ~ . . .


والله يبـــارك فــيج


م . ج :

الله يبـآرك فــيك


إيــه أحبــك :

الله يبــارك فــيج حبيبـتي

هيييه فـديـتهم البنــوتات عــسل ^ ^

خلاص صـآر في تعـآدل فـ الأحفـاد 3 بنــآت و 3 آولاد =P

[مزن هتان]

اليوم : ...
المزاج : الحمدلله عـ كل حال

الموضوع
قبل بارحه عطيت الـ PSP مالي حق عهود بنت أختي لين يعدلون مالها
متصله فيه البارحه تقولي سيف ماخذ السوني مالج طالع بالليوان مخلي
عيال عمي يلعبون فيه و أنا رحت سحبته منهم و دخلت سيف الغرفه معايه

كنت مستانسه وايد، بس اللي قريته ضايقني يعني عفس لي مودي عدل.
يالله شوفوا وين وصلنا ؟! قاعدين .... في بعضنا
ابي اقول شي بس .. احس راح يتحسس منه البعض

لازم أشوف أبوي >.< ما يعدل لي مودي الا اهو

[ايه احبك]

يااااي انا احب البي اس بي يا مزن بعد وناسه XD
ولا تضاجين يا عمري من القيل والقال ^-^

--
مهابه الله يزيدهم ويخليهم ويحفظهم لج ان شالله

[مزن هتان]

^^ امي و ابوي يقولون لي استحي ع ويهج
اللي كبرج عدهم عيال و انتي تلعبين بهذا X=

اليوم : السبت
المزاج : عادي

الموضوع
من يومين ما كلمت أبوي اتصل على ارقامه "مال الامارات" غالجنهم
اثاريه مسوي تمويه برقم thai

الخميس أخوي + ولد خالي نزلوا الكويت و نحن رحنا راك
ما ظل بالبيت الا أخوي العود و حشرنا جيف تروحون ووو ..
أمي و خواتي معطيني راحه اليوم عشان باجر اوديهم العين،
البارحه رادين من راك زين ما نفدت ابهم P= أختي ام سيف اون مزن زوجي يبيني

وايد مستانسه + ماني مستوعبه انه سند بيتزوج "أحد أصدقاء الطفوله"
ربي يتمم على خير =)

[ايه احبك]

so what ??we are not big enough to stop playing with them :P

[مزن هتان]

الاثنين
الحمدلله مرتاحه

محتايه ارقد هاليومين "يا حلات الرقاد"
البارحه كنت فالعين، أنا و أمي و خواتي و عيال أختي يا ربي شلون اطق عيالها أم سيف أمي غيضت عليها =/
قالت لها بنتها و هي تصيح "يوم أنا أبي اتناقش معاج ماتعطيني فرصه، بس سيف عادي"
هاك عصب جيه تطريني يقول حق امه بسلعه دولي شو دالت "بسرعه قولي شو قالت" عهود بعتيج تف
"بعطيج كف" P= ( سيف كل حجيه غلط)

ردينا دبي 12 الا ربع

بعد ما صليت الفير وصلني مسج "خير اللهم اجعله خير"
فتحته و الا وسايط من عمي داز لي صورته و هو رايح المطار
دزيت له مسج و رقدت

[همس الوجود]

اليوم .. الاثنين

الساعه .. 7:17

التاريخ .. 6\7\2009

الحاله .. متغصصه


اليوم ماسويت شي ابداا قمت الساعه 3 تغديت ... يالست على النت ..
واكتشفت انه الدوامات تاريخ 31\8\2009 لكليات التقنيه .. والله شي يقهررررررررر !!! شو احناا مانحس
يعني بس مال المدراس يتعبون .. احناا ندرس 3 سااعات ورا بعض والله شي يهد الحيل . . الله كريم بس

[مزن هتان]

^^ ان شاء الله يعطونكم الاجازه زي ما تبونها


:: :: ::

مستانسه

عرس ولد خالتي و الحريم متيمعين في بيتنا !! " متجمعين عند النبي ان شاء الله"
استانسنا بس ناقصه القعده من دون خالاتي صـ، مـ، عـ . نعوضها اليوم بإذن الله

أخوي العود من خبرته امي انه عدنا الحريم بالبيت "انحاش"
اما الثاني و لا عليه من أحد ما خلصنا من زعيجه عـ اليهال

وحشني أبوي، و أحاتي عمي جنه الا أول مره يسافر دزيت له
مسج "الله الله" رد عليه " لا توصين حريص و افا عليج حصن المسلم في المخبا"
حطيت صورته باك Gـراوند مبايلي يسألوني حريم خوالي منو ها =)

بسير اتحنى العصر ان شاء الله
مستانسه اني بتحنى اليوم

[مزن هتان]

اليوم : ...
المزاج : عادي


الموضوع
بلش العد التنازلي لأخوي، و يوم الخميس من ردينا البيت خبرته ترى اليوم كان آخر يوم تشوف فيه زوجتك
لين العرس "قالي مو عكيفكم" اليوم اللي العقبه اتصل يقولها فخاطري بقلاوه و كنافه "عيار" و لا جابت له
احسن، يقول لها لا تخبرين خالاتي اني بشوفج، و حتى اهي خلاص ما راح تيي بيتنا
أمي و خالتي "أمها" الحين متوترات ع الاخير


موضوع شاغل بالي من فتره
اكو وحده محيّره لـ ولد خالها من يوم صغار "اللي اصغر منهم تزوجوا و هم لسه"
الشاب مش طايع ياخذ غيرها "بس حد مش راضي" و البنت معلقه أبوها ما يبيها
الا لـ ولد خالها و كل أهلهم تعرف انه فلان مو راضي يتزوج الا هاي << فشيله مو ؟
دوم ادعي انه ربي يقدم لهم اللي فيه الخير.
( ان شاء الله هلي يفجون هـ التعويذه "زواج الاقارب و تحيير العيال" )

[أنامل قلب]

^ نحن عكسكم ، ماعدنا هالسوالف أبدا ،
وماناخذ من الاهل إلا بالنادر ، يعني قليل جدا ما نسمع !

ما يعيبنا ، وبنفس الوقت اخير لنا P=

,

اليوم : بين الاثنين والثلاث ..
المود : ..... ~
الموضوع : اتحرطم !

دقت علي رفيجتي عساس تشوفنا اذا خلاص اكيد بنيها الجامعه ، وبالمره عندي كمن شغله بستفسر عنها ،
بما إن المجيب عندهم لعوزني ، مادري شو دقيت بالغلط فتم الكمبيوتر يكلمني عن تاريخ الجامعه لول ^^"

سكرت من عندها وانا ادري انها بترد تتصل تتأكد عن المواصلات ، بس ماتوقعتها بتتصل بهالسرعه فرحت اصلي العشا ،
وانا اصلي لقيت مبايلي يرن ويطول إلين آخر نفس ، وتم جي لأربع مادري خمس مرات وانا !!!!
يعني مو من طبعهم انهم يتمون يتصلون كذا مره إلين أرد عليهم ..

المهم لمن خلصت ، طلعو اللي داقين علي ثنتين ، ويوم رديت على كل وحده تمو يقولولي انهم اونه متصلين
كذا مره عشان يسمعون النشيده اللي حاطتها للمتصلين لول ^^" / وانا اقول شو السالفه ..

وووشو بعد ، إي تميت أزهب اللي بلبسه واكوي عباتي وجي ، وكل شوي اييني مسج من وحده ،
ومادري اشفيني ماخليتهم ابـ حالهم إلا وانا أرد اتحرطم عليهم ..

ردي على رسالة وحده منهم :
[ ان شاااااااء الله ، وجان تبوني أزهب لكم قلاص الحليب
وسندويتشه سليس قبل لا تقعدون من النوم فحاضرين حبي ..

المرسل : وحده مقهوره ، ليش إن الكل بيقلب خلقته ينام ،
وانا بتم مواصله عالأغلب !

واخزياه .. > ولا تسئلين اش دخل !!" بس جي كيفي ،
طرت على بالي جان أكتبها XP ] > خبال آخر الليل ..

وفوق هذا ، احليلها قايلتلي ادق عليها 4 الا ربع عساس بتصلي وجي ،
وانا مافتكرتها الا عالساعه 4 ، صدق فالحه ..!

,

يالله تقبل الله منا ومنكم مقدما ~ ..

[مزن هتان]

صح اني اريد التعويذه تنفج
بس مرتاحين من زواج الاقارب للحين الحمدلله


اليوم : البارحه، الاثنين
المزاج : الحمدلله ع كل حال

الموضوع
الساعه 6 تقريبا راده تعبانه من الدوام قلت بريح لين المغرب
و الا اسمع أخوي يصرخ مزززززن فزيت يالله سترك اسمعه يقول حق اختي
لبسوا عبيكم امي طاحت، يالله ما قدرت استوي فيني رجفه مو قادره

ردينا البيت 10 الحمدلله هي بخير الحين، بس أول مره تطيح علينا "تتعب"
ما خبرنا أخوي العود للحين "بغينا نموت أنا و خواتي"

دعواتكم لها بارك الله فيكم

[رمــش الغـــلا]

ما تشـوف شر أمج مزن ... ~

[العجيبة]

مزن :

ما تشـوف شـر الوالدة ان شاء الله .....

[مزن هتان]

رمش الغلا، العجيبه
الشر ما ييكم، تسلمون خواتي

[أنامل قلب]

باذن الله مامبها إلا كل خير ..

,

اليوم : الأربعا ..
المود : ..... ~
الموضوع :

اليوم قعدت من النوم جي عالوحده وشوي ، ويعني من نشيت صليت وتريقت وعقب جابلت اللاب شوي ،
ومن الاشيا اللي جابلتها ايميلي ، إلين وصلت عند ايميل الله لا يبليكم ابـ مثله ، والله زين مانجلط !
جي سوالف المقصه ، ان يعني تفتحين فيديو بالاول شي وتالي تظهر لج ينيه تزاعج ، وانا كنت معليه ع صوت الميك
لأن الفيديو فيه موج وجي وتوقعت يكون معاه صوت لكن ماكان له حس إلين ظهرت الينيه تزاعج وانا زاعجت معاها ،
واختي احليلها كانت راده من الدوام الصيفي نايمه ، ومن صرخت فزت معاي ! / حتى اللي برا يو يشوفون شو السالفه ،
وابوي تم يحط علي ، وانا من زود الخرعه صحت ، بس الله يسامحها الدبه !

,

كل شوي اتيني اختي : اناااااااااامل اشفيج جي متغيره وكأن شي بخاطرج ! / احليلها كل شوي اتي تقولي نفس الكلمه ،
والوالده من الصوب الثاني : ليش جي ضعفانه ، سيري شوفي وزنج / وتمت تحط علي ، اللي يسمعها يقول اني ميته !
ذكرتني لمن رحت افصل عبي ، تقولي الحرمه : ما شاء الله كتكوته / وانا فيني ضحكه ، اذا انا كتكوته عيل الناس اللي ابـ بالي شنو يظهرون !

المهم ، لاعت جبدي من الملل ، استخفيت عقب وتميت العب بالهولا هوب ، والعوز اختي معاي ،
وبعد الصلاة لقيتهم حاطين برنامج الشيخ عمر عبدالكافي ، ما شاء الله عليه وعلى أسلوبه ، وايد اقدره ..

,

ومن عقبها كالعاده ، كل شوي اجابل شي ،
والحين ناطره برنامج بخصوص شغله !

[قصايد غلا]

مزن : سلامتها الوالدة ما تشوف شـــــر :a070:

===================================



اليوم : كان الأربعا


المزاج : نص نص :fa44: كلللللللله منهم أففففففف منهم و من سخافتهم و الأسلوب البايخ


الموضوع :


نشيت من النوم اليوم الساعة 1 الظهر .. أحس اني ارتحــــــــــــــت برقادي اليوم الحمدلله :fa35:



على الساعة 2 تقريبا يلست ويا أبويه و أميه و أخويه في الصالة
تمينا نسولف لييييييييين الساعة 3



خلاف كل واحد سار حجرته و انا تميييييييييت في الصالة مجابلة التلفزيون ليييييين المغرب


صلينا و ظهرنا .. سرت ويا أميه نطالع العبي عند حرمة


سرنا وما استفدنا شي لأنه موووووول ما كان فيه شي على ذوقنا :smile2:


ظهرنا من عند الحرمة سرنا بيت خالي


كانت هناك أخت حرمة خالي و بنّوتاتها .. ماشاااااااااء الله عندها 3 بنوتّاااااااااات عسسسسسل :heart::heart::heart:

أمّووورااااااات حلواااااااااااات كيوتاااااااااات لوووول .. ماشااااااااااااااااء الله 10000 مرة .. يجمعن كل معنى حلو هالبنوتات


و يايبات وياهن ألعااب و كل شي كل شي :k_blush-anim-cl:



طلعوا هالورقة اللي تكون مثل الاستيكر و يرشونها بالرمل الملون عشان يلونون الرسمة و تميت ألعب وياهن و خلللللللص الرمل


جاااااان تطري على بالي فكرة جهنميّـــة لأنهم يبون يكملووون اللعب بس الرمل خللللللص


جان أقول لهن .. يلا نسييييير المطبخ


سرنا المطبخ و كملت لهم الرسمات بكل أنواع البهارات اللي في المطبخ :hysterical::hysterical::hysterical::hysterical:


عقب ردينا داخل البيت و تمينا ننفخ البلّونات ربااااااعة و تخبلنااااااااا

أووووول مرة أنسجم ويا يهال لهالدرجة .. ضارية على اليهال بس هالبنوتات يدخلن أعماااااااااااااااااق القلب والله

ربّي يحفظهن من كـــــــــل شر


استانسواااااااااااا واااااااااااييييييييييييي يييد .. و يوم ييت بروّح

كل وحدة تنشعني و وحدة متعلقة في رقبتي ولاوية عليّـــه و تبوسني .. و تمّوا يتبعوني لييين السياااااارة


فديييييييييييييييييييييته ن يااااااا ربّــــــــــي محلاااااهن

الله يحفظهن موّاز :fa35:و ميمي:inlove: و منّايــّـه:fa41: .. :a054:



اكتشفت ان البنوتااااات حلوااااااااااااات وايد وايد وايد .. و حلوة علاقتهن ويا أمهن يوم يكونن أكثر من بنت


الله يعطيني بنوتات مثلهن في المستقبل =p

[بنت الدلع]

وجااااااااااااااااااااااا اااااااااااااااااان نتوّر البلاااااد بوصوووولي :biggrin:

الحمدالله على سلااااامتي :biggrin:

اشتقت للبلااااااااد ولأهلهاااا ولغرفتيييي :heart:
وللوااااحاااااات :heart: وللي فيهاااااا :k_blush-anim-cl:

مسّــــيتكم وايد :biggrin:

ورديييينا للحر :fa44:
بس فديت حر بلااادي والله

هنااك نرقد بدون مكيف ونحن متلحفييييين من البرد
وهنه .. !!


الوجهة إلى دبي :heart:

http://oasis.bindubai.com/bin/uploaded/2211_11248022670.jpg

[المزوحي]

الحمدلله على السلامه بنت الدلع :m_atmasha:

[بنت الدلع]

الله يسلمك
تسلم ^_^

[مزن هتان]

تسلمون خواتي، الشر ماييكن قصايد & أنامل

اليوم : الاثنين
المزاج : عادي

الموضوع
صفر و محرم ما نسوي أعراس "نتشاءم" عاد هم سوا عرسهم في (10 صفر)
الحين ما كملوا 6 شهور تطلقوا "استغفر الله العظيم" الله يعوضها خير ان شاء الله

عندي هوس هالفتره "المهم اصرف بيزاتي بس في شو لا تسألون أي شي
تطيح عيني عليه أخذه، يا رب سامحني".

نهاية الشهر بينزل خالي من الكويت "اول الشهر كان موجود" بس هالمره غير
زوجته معاه و ولده بعد "و اخييييرا بشوف أول حفيد كندري ظهر و بطن"
يبيلي أجهز له شي امممم

شاحن الـ PSP مالي اخترب و فضى السوني الحين
قلت حق اختي أم سيف عطيني شاحن عيالج ولدج هو خرب لي اياه "بخيله"
بديت اتناسى أي حاجه تضايقني، ياخي ماكو شي يرزه
خلونا نعيش =)

شمعة امل & الشوق لهم وحشه :fa41:

[أنامل قلب]

اليوم : عساس انه الخميس !
المود : ..... ~
الموزوع :

قعدت اليوم متأخر وانا ميته من الحر ، مادري شو السالفه ، يمكن بيجامتي ثقيله !
رحت غسلت ويهي ، صليت ، وتالي قعدت أنبش بكل ثلاجه بس لقيت إن التفاح عدنا خالص / غريبه ،
المهم كلت موزه ، وبعده بشوي رديت يعت فكلت قطعتين صغار من كاكاو داين او شي جي ،
تصفحت البيان شوي وعالسريع ، جابلت اللاب شوي ، ويعني هيك إلين الغدا ، وعقب انشغلت
إلين الساعه ست ، ووقتها بدا برنامج شريعة النور بالاذاعه فتميت اسمع وانا امشي ساعه ،
وطول ما انا قاعده امشي حاسه ابـ خمول وكأن فيني نومه ، الوالد وقتها كان قايلي أكويله هدومه
بس صدق كنت تعبانه وبديت اصدع فخليت اختي الاصغر تكويله وانا رحت أنام ع فراشه !

تميت جي أتقلب ولا نمت ، وعقب حسيت اذوني بدو يتحسسون وضجت من السماعات ، مافيني بعد ،
وتميت على هذا الحال اتقلب شوي وانام "اقل من الاشوي" إلين صارت الساعه 8 حسيت اهني إن خلاص
راسي بينبط ، فسيده قمت خذتلي حبتين بندول وتالي رحت أصلي المغرب ماكنت مصليه ، بس قبلها بشوي
كان الوالد ياي داره اهو واختي الاصغر عساس تحط له القطره ، فتمينا نلعوزه احليله ، والله وايد أحب أبوي ،
يقول لاختي يالله قومي بنسدح "عشان تحط له القطره" واختي مو طايعه ، وعلى هذا المنوال قعدت تحشره
واهو مزاجه رايق فتمينا بين الضحك وبين السوالف ، وانا مالي شغل =)

اممم بس بعد الصلاة مادري شوللي صارلي :smile2: ..

,

قعدت أسولف مع اختي شوي ، وعقب رحت الصاله كلت من الحلاوه اللي مسويتنها اختي الثانيه ،
وعقب صبيت لي شاي مر يغطي ، ووووو بنفس الوقت تميت اقلب بالمسجات ، اقرا من الأجدم للأجدد
من مسجات صديقاتي فقط ، فتميت بين الضحك وبين الابتسامه وبين الامتنان ، ربي لا يحرمني ~ ..!

وووووهكذا إلين تعشينا وصليت وتزهبت ، وظهرنا عقب بيت قوم عمي وهيك ،
والقعده هناك يبالها رد منفصل من زود الشغلات اللي صارت ، بس كله ولا بنت بنت عمتي الزغطوطه ،
كانو اليهال كلهم ملتمين بس هذي نحطها على صوب ، مادري طالعه على منو لسانها يقطر عسل P=
حتى اللي يدرسونها يقولون مع انها شيطانه ووايد تتكلم بالحصه مانروم نقولها شي من زود ما كلامها حلو وتقردن ،
وتقعد عاد : ها أنامل قلب ما شاء الله حلو مسويه شعرج ، كشخه جي من فوق نعيم ومن تحت دواوير "قصدها كيرلي" ،
وعقب اشوف اشوف شنو لابسه ، ليش ماتفصخين العباه ، حبيبتي انتي ليش جي ناعمه ، ليش كلكم جي ناعمين ،
يا عمري ، يا بعد قلبي :biggrin: / مادري كيف والله يمكن لأنها زغطوطه وجي تتكلم ، حتى سوالفها سوالف كبار ،
يعني تمت عقب تكلمنا عن الاعراس والملابس ومادري شلون ، هذي واهيه بعدها توها بتسير ثالث !
كنت حاطه صورتها أظن بالواحات لمن كانت اصغر ، راعية الغمازات / ما شاء الله عليها ..

ووووبالأخير مادري شوللي ضرب بالفيوز وانقطعت عنا الكهربا لول ، جي مال ربع ساعه الين ضبطوه ،
بس استانسنا وايد ، واليهال بعد ما قصرو ما شاءا لله ، عيالنا صدق حبوبين ^___^ ..

,

امممم :k_special2: ..!

[أنامل قلب]

اليوم : السبت ..
المود : ... !
الموضوع :

اليوم كان مثل غيره ، قعدت من النوم جي بحدود الوحده ، صليت وجي ،
تريقت موزه ، وعقب قعدت أجابل اللاب ، يعت مره ثانيه ، رحت كليت من هالسليس المجفف / نص القطعه ،
مادري شو يسمونه بالضبط ، وجبيتلي شوي من غرشة البيبسي ، وماكنت ملاحظه ان ابوي موجود ،
طبعا هزبني ، ونفس المحاضره اونه انتي ماتاكلين مثل الاوادم ، واذا بتاكلين تخربطين ،
الحين في أحد عاقل يشرب ببسي ابـ بطن فاضي !

المهم عقبها سرت أقطع للسلطه ، حق الغدا ، وبعدها رديت قعدت عاللاب ،
وشسمه ، عقب عادي لهيت عمري بالأشيا المعتاده ، تقريبا ..!

,

المسا رحنا تعشينا برا بكوفي شوب ومن هناك سرنا بيت الاهل ،
حسيت شوي مادري ماكانت حلوه مني ، طول القعده وانا قابضه فوني اتكلم ، وكل شوي أسير مكان ^^"
مره عند الصغارية ، ومره المطبخ ، ومره الصاله ، ومره الغرفة الفلانيه ، زين ما رحتلهم الديوانية !

حتى لمن كنت ظاهره من الصالة ، بدل لا البس نعالي لبست نعال عمي ، اونه يعني عالسريع ،
فعقب طول ما انا احوط لابسته ، ولمن يينا بنروح كنت بالمطبخ ، فسيدا من هناك
ظهرت لهم بعد ما سلمت وجي من غير ما احس بعمري ، ولا حسيت إلا وانا شايفه
عمي قابض نعالي ونحن بالسياره ، اونه تعالو منو اللي ناسيه نعالها لول ،
آخ ويهي صدق فضيحه ..

[قصايد غلا]

^ ذكرتيني بعمري يا أنامل .. صدق ويهي يعوّرنيييييي يوم حد يتصل بي و خااااصة إذا بيكلموني عن شي مهم أو وحدة من ربيعاتي متضايقة ولاااااااااااازم أتم أرمسها و المشكلة إني أكون في بيت حد من أهلي :doh:



ضحكتيييييييييينييييي على سالفة النعال ههههههههههههه

[أنامل قلب]

^ لول ^^"

وامبلا فشله ، بس مثل ما قلتي مو كل اتصال ترومين تردينه =)
وبعدين من الأساس كنت متملله =#

[مزن هتان]

أنامل ضحكتيني بسالفة النعال "كرمتوا"

اليوم : ...
المزاج : =)

الموضوع
يوم عن يوم يزيد التوتر "بس الحمدلله مستانسين"
يوم الخميس "خواتي و بنات عمي + أمي و مرت عمي جهزوا توزيعات يوم الحنا و مزن قاعده تطمش"
>>بارده و هيزه<<

اليمعه "خالاتي تمن مشتطات عـ يوم حنة المعرس، ما بيقدرن يون الا متأخر"

السبت "من طلعت 5 من الدوام مارديت البيت الا 10:30 و صليت و الا اسمع اختي اتحجى
بالتلفون تقول لا بعدنا حياك، وصل عمي عابد :fa41: قرت عيييييييني والله وحشني الدب"
مادري شياها امي البارحه قابضتنه الا تتزوج اقولها لا بعده صغير عمي "ما اتنازل عنه انا"

أبوي عليه حركات الا يطفشني من دوامي، البارحه متصل يقول منتي طالعه اجازه
للحين ليش ؟ و لا يكون ما عطوج و ان ما اقبلوها قدمي استقالتج O.o "اباه انا بطلع
اجازه الاسبوع الجاي هو شياك هبيت فيني ؟!!"

[أنامل قلب]

اليوم : أمس ..
المود : ... !
الموضوع :

أمس لمة الأهل كانت حدث ولا حرج بسبة الصغارية ، ربي ايحفظهم ،
صدق سوالفهم عجيبه ، والكلام معاهم شي أعجب :smile: ..

كنت مجابله اثنين من عيال بنت عمي ف ، ويالله احس عادي باجر أحسب كمن شعره بيضه ظهرتلي ^^"
ما شاء الله عليهم ، ع كثر البراءه اللي فيهم تلقون أنواع عجيبه من الشطانه ، وانا من النوع اللي ما أحب
أطنش الصغارية لمن يكلموني ، أحس ما يصير لازم نسمعلهم ونكلمهم وجي ..

كنا مجابلين هالكائن المسمى بالـ بي اس بي :
http://cache.kotaku.com/assets/2006/06/psp2psp.jpg


وتمو عاد يظاربون عالاشرطه ، إلين حطولي لعبه مادري اشسمها ، جي مال ظرايب :fa46: ،
فـ يتمون كل واحد يبي يراويني الفنون والمهارات القتالية اللي اتقنها :fa32: ، وانا استهبل عليهم كل شوي ،
مثلا يقعد يضارب وكل مره اييه مقاتل يديد وانا ابدي اعلق ، وييـع هذا ليش جي دفش ، هذا ليش جي شكله ،
شنو هذا مو آدمي وايد ضخم ، ليش تحب هذا هذاك احلى P= ، واقعد بعد امدح لعبهم / ولمن اتيه بنيه ، اقوله كيف جي
ما تستحي تظرب البنات ، ليش الطقها ما يصير ، وحرام عليك ، وعيب :whistling: ، والاصغير يقولي لا اهني باللعبه عادي
بس برا مو عادي ! / إلين يا دوري باللعب وطبعا مستحيل اختار ريال ، فنقيت بنيه والله لا يراويكم القفطه ، من ظهرت صورتها
ويا الحركه اللي تسويها اشوف الأصغر حط ايده عالبي اس بي يغطي واهو يقول " لا هذي ماتستحي على ويها ،
ماصخه ماصخه ، عيب لا تشوووف" ، والاكبر يرد عليه " هي خايسه وحده ، ما تستحي " عن الصورة اللي ظهرت يعني ،
وانا ":crazy:!" ، وبعدين مادري من وين لقط كلمة خايسه :k_icon9: !!

,

كنت ناوية احط فيديو لهم جي مال كمن ثانيه اراويكم الخبال ع اصوله ما شاء الله ، كل واحد يبي يبين انه ادفش عن الثاني ،
صدق اولاد :smile: ، بس مادري اشياه البلوتوث من فتره مخرف ، المهم ، اممم مادري قمت القى منهم أشيا ماكانت قبل ،
والمشكله اني عارفه هييل عيال من ، يعني مثلا يستخدمون الفاظ ويسئلون اسئله :k_special2: ، مع ان نحن ماعدنا جي عيال ندلعهم ،
اذا بيغلط الياهل يعلمونه ، يعاقبونه ، ماعدنا سوالف والله احليله ماعليه ياهل ، عشان يفهم ويتعلم ، بس مادري اذا ماخذينها
من المدرسه ولا كيف ! ، يعني مثلا وانا اصور الوسطاني جي عادي اقوله بين الكلام حبيبي مثلا ، لكن لقيت الثاني يرد علي
اونه ليش تقوليله حبيييـــــــبيييي "يقلدني لأن عندي علة مط الكلام" ، ويشوفني جي واهو يضحك مادري شلون !
رديت عليه لأنه حبيبي زغطوط واحد XP / وكل شوي يرد يقط علي تعليق غريب ، اونه انتي متزوجه صح ، لا لا مو متزوجه ،
متزوجه وينو زوجج ، ليش هاك اليوم كنت تتكلمين بالتلفون وايد ، منو كنتي تكلمين :Oo: ! / صدق :wacko: ..

بس زين امه عاقبته ، خلت الاصغر يسير مع عيال بنت عمي الثانيه واهو تم بروحه !

,

وايد سوالف صارت أمس ، وحلوه لمة الأهل ..

[بنت الدلع]

اليوم: الاثنين
المود: تعب جسدي على نشاط !

اليووووم كان the workout day !!

العصر سرت الجيم
اول كلاس كان body pump
for a good shape and a toned body :fa51:

بس كان هلااااااااااااااااااااااا ااااااااااااااااااااااااا اك :wacko:
بمعنى هلااااك
لازم نرفع اثقال وكل شوي نزيد الوزن .. عضلاتي قامن يرتجفن !!!!
صدق تعب من الخااااااطر
ويوم خلصنا يت المدربه صوبي جان تقول
this is your fisrt class right?? .. you really worked out hard

وبعد ماخلصت منه كملت وياهم عالـ body jam
لول احب هالكلااااس وايد funny
"enjoy the sensation of dance" :heart:

والحيييين محد يرمسنيييي حتى تيلفوني ما اقدر اشله
متجسسسسحه وجسمي متكسر
ويوم اصلي واركع شوي وبصييييييح من الويع :3:

بس we have to keep on :fa38:

[تحفه]

^احس حلووووو ! وين هااا فتنس فيرست؟

[رمــش الغـــلا]

^ ليكون فتنس فيرست اللي فالواحة
كل كزنااتي وخالاتي يسيرون هنـآك لول ومستاانسين =)

[مجموعة إنسان]

اليوووووووم

شوي انقشعت سحابة الملل
ههه حلوة انقشعت هههه


اليوم الصبح سرت بنك اخوي اطلع بطاقة ومشييت السالفه عليهم وكلمتهم اني انا اخوي وسويت كل شي
لييين ما اخوي اتصل فيني وقلت له هلاااا عزااام
قالولي ليش مب انت عزام
قلت في خااطري يالغبي الحييين تتصل ههههههههههه

وعقب اخروني لين ما طرش فاكس وجييي

سرت محطة البتروول عقب
وشفت واااحد لاهو جنس اول ولا ثاني ولا ثالث ولا خامس
جنس يديد هذا مادري من وين طالع
وطبعا انا حالتي كانت اي شي من الحر والغبار ههه

المهم ان هذا اللي ماعرفت شو جنسه وهو يمشي ويشوفني وانا اشوفه بالنظره الحقيره
ليش ما يدعم الجامه
ومن دعم الجااامه وانا طايح على الأرض من الضحك ههههههههههههه

سرت صوبه وهو ماسك ويهه وعيونه ادمع
( عرى فكرة تراا واحد كبيير وااايد شكله يعني جييي مال 26 سنه)
المهم
سرت صوبه
قلت له هاا حجي ,.,, تكسرت ولا بعدك هههههههههه
قال لا بعدي
قلت وحليلك دخلت المحطه خذيت كرتون اللزق مال جروح وطلعت قلت له يود عدل عمرك بهذا هههههههههه

عصب علي سبني وشرد ههههههه


وحليله ولد امه
انكسر ههههه

[بنت الدلع]

^ هههههههههههههههههههههههه
يحلييييله
عاد هو مابغى يتخرطف الا جدامك !!!!!! لووووول

====

تحفه
هيييه وايد حلو + وااااايد تنقصين سعرات حراريه ونفس الوقت ماتحسين لان وايد حماس
يعني عادي في الكلاس الواحد 60 دقيقه تنقصين 600 كالوري
لا في SHJ ladies club

رمش الغلا
نووو
يبالج تسجلين وياهم عيل ^_*

[مجموعة إنسان]

انا ادري !!!
شكله امه زعلانه علييه ولد امه
دلوعة امه ههههههههههه



انا ليييييييين الحين ميت قهر على اللي شفناه انا ونصووور في مول الأمارات
ونصور ما خلاني العوزه هههههههههههه

[تحفه]

^ ليكون فتنس فيرست اللي فالواحة
كل كزنااتي وخالاتي يسيرون هنـآك لول ومستاانسين =)


اكيد اعرفهم! D:
فتنس فيرست في الواحه غيييير عن كل مكان سرتله :4: انا وربيعتي نقعد عادي خمس ساعات! :thumbup1:


مجموعه : هههههه سوالف انت XD ماتخيل الموقف ...

[رمــش الغـــلا]

^ اكييييييييد ..، كل يوم يسيروون
ويتمون بـ السـآعات لول =)

[تحفه]

ليكون انا كزنتج ونا مادري لوووول!....... لا بس محد من كزناتي مشترك! افكر بعد اوني XD

[مزن هتان]

ااااي صبعي، أحترقت بالفحم "قام ابخر مكتبي =)"

اليوم : الاحد
المزاج : عادي

الموضوع

وايد مضغوطه من ناحية الدوام و البيت، ما عرف اسوي شو و الا شو
الرقاد صاير بجيبي هـ اليومين قبل كنت مستحيل ارقد بعد الدوام لكن
هالفتره ارد البيت ارقد لين صلاة المغرب و بالليل عادي 11 انعس
"احس هذي هروب من الضغظ"

قام أحن عـ ابوي ينزل الكويت بعد عرس أخوي =)،يحب يلعوزني يقول ماريد لين خالي قال انهم اصلا
بيروحون كويت مش تايلند زي ما يقول ابوي بعد عرس أخوي

الجو هاليومين زفت من الخاطر كنت اريد اروح اب تاون البارحه بس وين ؟ كلش ما ينفع

[أنامل قلب]

اليوم : الاثنين ..
المود : .... ~
الموضوع :


قعدت الساعه وحده وشي ، وبعده الصداع كان مثل ما اهو من أمس ،
دقتلي وقتها اختي تقولي اذا بسير الصالون ولا بأجل الروحه ، طبعا ما قدرت بهالصداع ، فقتلها برد احاول انام وبشوف عقب ..!

تميت اتقلب واتقلب واتقلب ، الين ساعه زياده ومن غير فايده ، قمت غسلت ويهي ورحت اصلي وعقب كلت موزه عشان اروم
آخذلي حبتين بندول ، وووو عقب رديت صليت العصر ، والتهيت مع الاهل شوي ، والصداع إليـ هالوقت خف وايد فـ قلبت خلقتني
للصالون ، وهناك خلاص حفظونا ، لأن خواتي يسيرون وايد ، من دخلت كل وحده يايه تسألني شو ابي وهيك ..

بالاول وانا انطر رحت اشوف نقوش الحنه عدهم ، اممم عيبني كذا واحد ، بس هالمره ناويه أتحنى بشكل ثاني :fa41: ..~ !

وإي صح مادري ليش فيني شي غريب ، لمن اكون بروحي رايحه مكان أكون أجرأ من اني لو كنت مع احد ،
والجراة تخف زياده كلما زاد عدد اللي معاي ! / فـ بما اني هالمره يايه لحالي كنت آخذ واعطي معاهم بكل أريحيه P=

الفلبينيه كانت جي بارده ، بس شغلها حلو ، خاصه لمن بتي تحط الكريم ع كف اليد بعد ما سوتلي ظفوري ،
وتقعد جي تسولي مساج ، احس كل اللي من هالجنسيه شغلهم حلو ، وطبعا ما قصرت فيها كل شوي اسولف :doh: ..

بالأخير اشوفها تقولي بالانجليزي ، اونه شلون اني لمن ابتسم عيوني تصغر جي ـ وتمثل ـ ، قفطه :blush: ،
هذي بصمة العايله جنها لول ، مهمن تكون عيونك كبيره من نبتسم ولا نضحك جي تصغر ،
ولأن رموشنا عالأغلب طويله فأحس مادري ، حتى وحده منهم مره يايه تمسك رمشي تقولي هذا طبيعي خخخ ..!

خلصت تقريبا عالـ ست وشوي ، جان ادق عالوالد والين يوصل خذتني المسؤوله تراويني النقشات ،
فتميت اقولها شلون الحركه اللي ابيها وجي ، واهي تشير علي بالأحسن من ناحية النقشات وهيك ،
المهم وصل الوالد ، رديت البيت صليت ورديت غيرت + تغديت ورديت لبست العباه بنروح المستشفى :a018: ..

مادري ظاهرلي شي برقبتي من صوب الجتف الأيسر ، اهو ما بيبن بس لمن اضغط عالمكان احس فيه ومعاه الم خفيف ،
اظني شي بالغدد الليمفاويه ، بس تدرون وسواس باباتي وماماتي الكرام ..!

خاصه أبوي ، حتى لمن وصلنا ودخلنا عالدكتوره ـ تعرفنا ـ تقولنا ما شاء الله ابوج مبين عليه وايد يحبكم ،
اقولها إي وايد وبزياده بعد ، تمت تضحك تقولي كيف بزياده ، اقولها روحج بتشوفين ، شي يسمونه الوسواس الزايد ..!

بس مبين امي بعد احليلها جي خايفه + بنفس الوقت ماتحب تقول شي جدامي اونه يعني يمكن تخوفني ،
ما يخصه اصلا ما يباله شي ، حتى لو فيه شي ، ما يباله الواحد يوسوس جي :k_icon9: ، شو هو الضرر بالنهايه ..!

خذو مني دم حق الفحوصات ، وقالولنا بعد ساعه بنشوف النتايج ، فنحن بدل لا نقعد جي رحنا الجمعيه انا والوالد وامي ،
تمينا هناك إلين خلصنا شغلنا ، وعقب ردينا للدكتوره وهناك تفاجأنا بوجود خطأ ابـ شي ..!
شكلهم جنه شو مسويين ، حاطين اجابة الفحص مالتي تحت اسم وحده ثانيه بنفس اسمي ،
فالحين الدكتوره قاعده تفهم الوالد ان هالخطأ مني وعادي يصير وجي وبس بتغير الحين ، لكن من يفهم الوسواسيين ،
يالله شو سوى ، رايح وراد لـ قسم الفحص بعصبيه ، وبالأخير ظهرناه غصب :k_special2: ..!

المهم عطتني بروفين وفيتامين سي ، وقالتلي ردي بجيك عليج عقب اسبوع مره ثانيه :fa38: ..

,

اممم باجر بعد بنشغل ، بسير الصالون مرتين ـ الله يعيني ـ ،
بس وأخيرا بسير أتحنى ، ان شاء الله بس يظهر اللي ابي اسويه حلو ، مافينا عاد كله ولا الحنه ،
اقول لرفيجتي ، اتخيل لو ظهر بايخ بشو بخشه ، بترس ايدي كريم اساس ولا شلون :biggrin: ..

بس لا ادري ان بيظهر حلو ، اممم أفكر أشل رفيجتي معاي =)

[وحي القلم]

^سلامات أنامل.. خبريني يوم بيعطونج النتيجه

[مجموعة إنسان]

اسميني رقدت وااااااايد امس
كنت ساير جامعه الشارجه كلية البنات
الشرطي ما طاع يدخلني اونه وين اهلك
قلت له بلله علييك الحين انا بي من بوظبي بهذا الجو الأرف ومب رااقد لين الحين عسب اغازل بنات
وين بعد
في الجامعه
يا عمي خلني اخلص شغلتي
وحليله قفط وفتح الباب

عقب سرت راس الخيمه سلمت على يدتي واتريقت معاها
وحليلها قاعد اشوف تلفزيون واسولف جاان ارقد عنها
شلت النظارة الشمسية وحطت مخده تحت راسي وعدلت كندورتي هههه
المهم ريحتة ساعه عقب نشيت وسرت دبي لان متواعدين انا ونصور

تغدينا وقعدنا في الكوفي وتمشينا في ربوع السيتي

وطلعنا 7 اللا خمس

افتريت ليييين 9 بين المطار والفيستفال لين ما عمي تشرف وطلع

بعدخط بوظبي اللي حسيته طويييييييييييل
وصلته البيت ورجعت بيتنا وانخمممممد لين اليوم الساعه وحده

اليوم قمت وحصلت هزاب شوي

[أنامل قلب]

^ ما شاء الله ، زين فيك همه تسير من اهني ليـ هناك =)

وحي ، ربي يسلمج ، بس ماظني برد اسيرلها ^^"
الوالده مو مقصره فيني ، تأكلني وتشربني من سوالف الـ سبوس والـ كركم والخ !
تشربنا كلنا بالأصح ، تقرا من صوب عن هالاشيا وفوايدها ، وعقب تجابلنا =#

لا واذا ما طعنا ناخذ من هالأشيا تقعد تتحرطم =)
اونه ، بزمنا هذا حتى الفواكه لها اضرارها بسبة البلاوي اللي فيها ،
عالأقل هالأشيا مافيها من هالخرابيط / لول ..

,

اليوم : الثلاث ..
المود : ....
الموزوع :

يوم عادي ، بديته بشكل عادي ، الزياده فيه اني تحنيت أخيرا ~ ..
بس للحين ما رحت الصالون ، مادري بس ماحب اسير الصالون وايد ،
شكلي برد أأجلها لـ باجر ، هذا إذا ما كنسلتها بالمره ^^"

وشسمه ، ملتهيه بالشغلات المعتاده بالبيت ،
+ أجابل اللاب ، تلفوني ، وأشيا ..

~ ..

[وحي القلم]

لا ما يستوي لازم تسألين عن النتيجه .! << بستوي أمج رقم 2 :k_harhar1:

..

[أنامل قلب]

لا دخيلج / P=

[بنت الدلع]

اليووووووووم : الثلاثاء
الساااااااعه : 7 وثلث تقريبااا

كنت طالعه عندي مليون مشوار ابا اخلصه :3:
بعد ماخلصت 3 مشاوير كنت راده جدى البيت
انا واقفه عالاشاره شوي الا ترتففففففع حرارة السياااارة :oh:
وتمت ترتقل وظهر دخان من البونيت !!!!!!!

وانا متتتتتتت من الزيييييغه :oh: على طووول سكرتها قلت الحين بتنفجر السياره !!!!

اخضرت الاشارة

حاولت اشغلها
الحبيبه مب راضيه تدق سلف !!

والي ورااااااي هرنااااااااااااااات من خاااطر خاطرهم لول

وقفت مكاني ودقيت دبل اشاير

ويزاااااااااه الله الف خير والله شهم وماقصر

وجان ايون ويدزون السياره وانا تمييييت ميته من الحر لين ما الاهل وصلوا وانقذوووني :fa38:

بس اهم شي وصلت البيت بالسلامه =)

شكرا يارب
في كل مكان يسّخر لنا ناس تساعدنا :heart:


وخلص الفلم .. :biggrin:

[الهيثــم]

^^ هذي من رحمة الله بناا ..

بس كان المفروض إنج ما تسكرين السيارة .. ومن تخضر الإشارة تمشين وشوي وشوي الحرارة بتنزل ..

..

حسستيني إنه عندج نيسان موديل 1990 وعليه تواااير 900 .. لوول ...

[أنامل قلب]

^ كمليلنا عاد الاجزاء الثانيه ، بس مثل ما قلتي نعمه من رب العالمين ، الناس الزيينه دومهم ينوجدون ..!

,

اليوم : الأربعا ..
المود : ...... .... ..!
الموضوع :

ماشي ، سلامتكم ، كالعاده بالأخير كنسلت روحتي للصالون من زود ما اني ماحب هالطلعات !
بس للحين مو مستوعبه ان خلاص باجر بشوفها حبيبتي بالثوب الأبيض ~ ..

امممم اليوم بدا سيء لأني قمت بوقت متأخر جدا ، الساعه ثلاثه !!!
ناشه متكسره ، ما احب لمن اطول بالنومه جي ، وكل الناس احسني شفتهم بهاليوم ، بأحلامي الغير مفهومه ،
بس اليوم جي عالمغرب ييت بجابل اللاب ، من قعدت لقيت اختي يايتني بالبشاره ، اونه : أنــــــــااامل قلب بسرررعه
تلبسي بنسير نسو فحص النظر خلاص وأخيرا بنقدم لليسن ^______^ ..

أنا : اوووه والله ، بس شو ها مو متفيجه اظهر الحين لول ^^"
بس طبعا ظهرت ، ما صدقت وأخيرا ما بغى الوالد يطيع ، مع اني من الأساس ماكنت ولازت أحاتي الليسن
كثر ما أحاتي لمن باخذ الليسن عقب شو بيكون محلي من الاعراب معاه ، يعني صدق ماتتخيلون ابوي واهلنا بشكل عام شلون ..

خاصه ابوي وعمي ، يالله يسوون لنا فلم رعب وهذا حال كل وحده تاخذ الليسن منا ..!
عادي نقعد سنتين ثلاث ما نسوق ^^" ..

ولمن يبدي يشوفنا شلون بنسوق يتمون جي ، لاتسوين كذا ، وسوي جي ، لادوسين جي ، منو عطاج الليسن انتي ،
ماتعرفين اتلفين عدل ، اوووووه انتبهي ، نزلي اقولج نزلي بتجتلين الخلق وبتجتلينا معاهم ..!

ولا بعضهم اونه ما يوسوسون بسوالف ان والله ممكن البنيه مابتعرف تسوق عدل ولا بتتعرض لأحد ويصير لها شي ،
لا يخافون على سالفة والله يمكن يوقفلها واحد ولا يلعوزها أحد ولا ولا من هالأشيا ،
اونه من بتتعطل سيارة البنيه الرياييل ما بيقصرون ..!

المهم ان بالأخير رحنا سوينا الفحص الغريب وردينا ، كان فعلا غريب ، عاد قلنا خلو الحروف صغيره بس مب جي ،
بس الحمدلله طلعت سليمه لا نظارات ولا غيره ، مع انه قالي لازم ادير بالي عن اونه احتمال احتاجه قريب ،
فال الله ولا فاله ^^"

,

وهيك يعني ، التهيت عقب ازهب لـ باجر ،
وحاليا مجابله اللاب =)

[بنت الدلع]

^^ هذي من رحمة الله بناا ..

بس كان المفروض إنج ما تسكرين السيارة .. ومن تخضر الإشارة تمشين وشوي وشوي الحرارة بتنزل ..

..

حسستيني إنه عندج نيسان موديل 1990 وعليه تواااير 900 .. لوول ...

خطااااااااااااااااااااب :fa56:

اسمييييييك هلكتنيييي من الضحك

لوووول لا للأسف مب نيسان

كنت اسوق رنج


لا ماقدرت ما اسكرها .. يوم شفت الدخان قلت ما ينفع اخليها جي سكرتها على طول
المروحه دقت في المكينه

====

انامل .. لوول الاجزاء الثانيه وايد تضحك
مافينا عالفضايح :shutup:

[الهيثــم]

خلاص ولت المكيينة ..

ههههههههههههه عن تسمعج دهن العود بتتخبل ،،

[بنت الدلع]

والله مادري عاد شو صار بها
انا رديت وهم يابوها عالونج


ليش بتتخبل ؟

[الهيثــم]

تحب الرنج وايد ..

[وحي القلم]

بنت الدلع

أويه.. لو أنا بدالج جان نزلت من السياره أظني :surrender:

.
.

أنامل

:birgits_giggle: أحيده شرات فحص النظر العادي.. سويتيه في عياده ولا محل نظارات؟

حلوه السواقه بتعيبج :laugh:

[أنامل قلب]

لا محل نظارات الجابر ..
بس ماكان نفس الفحص العادي ابـ لوحه ،
كان جي بالاضاءه ، والحروف صغيره زياده عن اللزوم ،
حتى لمن قعدت وشفته يسألني عن الحرف ، كنت اتحراه يتغشمر ^^"

واي بخاطري اتعلم السواقه من زمان ،
ولا مره جربت اسوق =)

[العجيبة]

خخخ سلامااات بنت الدلع ما تشوفين شـر .... هذااا مصير اللي يتخلى عن البي ام ويسير حق الرنج > يتحمل العواقب لول



مبـــــروووك أنااامل خخخ شــدي حيلــــــج ... انتي عكسي ما تسوقين وبتظهرين ليسن ... انا اسوق وما ابا اظهر ليسن !!!

[طير الغرام]

http://oasis.bindubai.com/bin/uploaded/1184_11231791297.gif

اليـــوم : اليمعـــه

المـــود : FeelinG Tired + HaPpY

الموضـــوع :
MY WeeKend

هـ الاسبــوع قررنـــا انغيـر جـــو وانســوي اشويــة ريــلاكسنــج
فـ سرنــا The Cove Rotana اللي فـ راس الخيمــه [ يــوم الأربعــا ]
الصــراحه المكـان وااايــد حلـــووو وعــالم ثـــاني

http://oasis.bindubai.com/bin/uploaded/1184_01249679857.jpg


وأول ماوصلنــا ريحنــا اشــوي عقــب قررنــا انســوي توور ع المكـــان وعشـان يحــلى التور
طلبنــا ايوونــا بـ بقــي بــدال البــاص العــادي >> وحلاتهــا القعــده ورا :12:

http://oasis.bindubai.com/bin/uploaded/1184_11249679857.jpg



http://oasis.bindubai.com/bin/uploaded/1184_01249680005.jpg

ومن خلصنــا التــور حجــزنا لفــه نــص ساعــه بـ الـ banana boat وليتنــي ماركبـــت معاهـــم :mf_leia:
أنا الصراحه أول مره أركبــه وما كنــت أعرف إنه جيــه اتوقعــته شرى القارب عــادي

حتى اللي قبلنــا كانوا يهــال ومعاهــم بنــات وطاحــوا فـ نص البحــر

http://oasis.bindubai.com/bin/uploaded/1184_21249679857.jpg



وصار موقــف الصــراحه واحنــا قاعديــن نتريــا دورنــا ما أجــوف إلا حــرمه يايه من بعيــد تشـبه أمايه
>> تـرا مكـان الفيــلا بعيــد عن المكــان اللي كنا قاعديــن فيــه [ والحرمـــه طلعــت أمايـــه :whistling: ]

جافت البنــات يوم طاحــوا وزاغـــت تتحــرانا إحنــا يــت تربــع ويوم سرنــا عندهــا تمــت اتحبنـــا وتلــوي عليــنا :4:
وخواتي قالولهــا عادي ما يخــوف ،، والريـال قال إنه البنــات هم اللي طلبــوا انــه يجلبهـــم
وأنا لين الحيــنه موووول هب حاطــه فـ بالي إنــه في احتمــال انطيــح أو ننجلـب
>> لـ درجـة إنيه حاطــه فوني فـ مخبايه + فـ المخبـى الثاني اكستــرا ميمــوري حق الكــام يديده وموول ما استعملتهــا

المــهم بدينــا التـــوور فـ البحـــر وكل شي تمـــام التمـــام وأنا كل حيــن أوصي خــواتي وأخويــه اتمسكــوا عــدل اتمسكــوا عـــدل

٥ دقــايق وإلا اتطيــح وحــده من خواتيـــه ،، أنا زغــــت عليهـــا :sad:
ويـوم قال الريــال إنه تحتهــا أرض عادي تقــدر توقف قلت افـ خاطريــه عيل ما عليهــا شــر تتدلــع :whistling:
وعقــب أخــويــه مسكهــا وخــلاهــا اتــرد تركــب

وكملنـــا اللفـــه ،، جــيه مال كمــن دقيقــه ازيــاده ولا جان تنجلـــب البنــانا بـ اللي فيــها [ يعنــي احنـــا :4:]

أنا من كثــر ما أنا متقبضــه انجلبــت وطاحــت البنانا فــوقي والصــراحه أنا خوافه درجه أولـى
بطيـت تحــت وشــربت ماي وايــد ماقــدرت ،، ومن ظهـــر ويهــي فــوق تميـــت أقـــول بمــوت بمــوت بمـــوت ما أقــدر
>> والله شكليــه كــان ع قــولة خواتيـــه :a068: وخشميــه احـّمــر وااايـــد
بس والله كنت زايغــه وما أعــرف أسبــح >> لــولا اللايف جاكـــت جان أنـــا رحــت فيهـــا
وبطينــا ليــن ما كلنــا ردينــا ركبنـــا [ ماشاءالله العبــي روحـهن ثجـل وغير إني كنت لابسـه جينـز يعنـي ذكيـه ماشاءالله :k_smile2: ]

وكملنــا اللفــه هـــاي اللي هب طايعـــه اتخلــص أنا خــلاص أبا أرد ما أبا أكمـــل بس لازم انكمــل وخواتي وأخويــه امكيفيــن الصــراحه

المــهم يــوم كملنـــا وهــو يســرع ما خليـــت معوذات وما خليــت أذكــار وآيــة الكرســي
أقولهــن وأرد أعيــدهن وختيــه تضحــك عليه اتقولــي بــلاج خايفــه
>> لـ درجــة إنيـه استغفــر الله قبل من كثــر ما كنت زايغــه غلطــت فـ الآيـه من كثــر ما أعيــدها استغفــر الله

واشــوي وإلا انطيـــــح اووهـــوووو وأرد أعيـد اسطوانتيــه بمـــووووووت هههههه
والله إني اتقبضــت فـ ختيه وحطيــت اريولي ع جتفهــا من الزيغــه ههههه

وأقــول حق الريــال خــلاص ما نبا نركــب ،، احنا بنتقبــض عــدل وانتــه اسحبنــا
خواتي تمــن يضحكــن عليــه وقالوولي يالهبلــه قــوة المــاي بتعورنــا !
أنا ع السحــب اللي سحبونــي إيــاه اتكســر جسميــه الصــراحه

ما بغينــا انخلــص هـ التــــور

يـــوم خلصنــا ذكــرت إنه فيه فــون فـ مخبايــه >> عليـــه الســـلام والميمــوري بعــد
[زين إني كنت يايبــه رقميــه الثانـي بـدلت الفـون والحمدالله الرقـم يشتغـل والميمـوري مالت الفون كانت صاحيــه
أنا أوريدي حاطـه فـ بالي أغير الفــون بس بعـدني مارسيت ع واحــد ]

أهــم شي انــه ظهــرت من هـ المعمعــه بـ الســلامــه :whistling:

:

ريحـنــا واتسبحــنا وعــقب اتزهبنــا حق العشـــا
وبعــد ما خلصنــا العشــا وردينــا الفيــلا اتمشينــا عن خاطرنــا اشــوي

http://oasis.bindubai.com/bin/uploaded/1184_11249680005.jpg

http://oasis.bindubai.com/bin/uploaded/1184_21249680005.jpg


هـــــــدووووء

http://oasis.bindubai.com/bin/uploaded/1184_01249680282.jpg


وسهــرت مع خواتيــه انجــوف فلــم Orphan :k_puppyeyes:

:

اليــوم الثانــي ظهرنـا من المنتجــع الصبــح ورحنــا سـوق ما أعــرف شو اسمــه
وعقــب قبضنــا الخــط ع درب دبي وبتنــا فـ فيــلا روتانــا

وكنــا فـ هاليــوم [ الخميــس ] صيـّــام فـ تمينــا فـ الفنــدق لين ما أذن المغــرب وفطـرنا
>> صح عن خاطرنــا قلنـا بنـروح مزايـا لنـه جريب منــا [ بس الصـراحه ما فيــه شي ممــل ]

المهـم بعــد مافطرنــا رحنــا امرتــس مــول زحمــــــــــــــه
أنا تمـــيت مع قوم أمايــه وأبــويه ويلسنــا فـ كوفــي لين ما خلصــن خواتيــه

وع الســاعه ١١ وشي ردينــا الفنــدق
وعقــب عن خاطريــه تميــت أصــور حركــة السيــر [ ع شارع الشيـخ زايـــد ]

http://oasis.bindubai.com/bin/uploaded/1184_11249680282.jpg


وماطولنــا فـ السهــر رقدنــا من وقـــت
واليــوم الصبـــح قمنــا امصحصحيــن واتريقنـــا وعقـــب شلينــا قشنــا واحنــا ظاهريــن مرينــا مارينـا مول دبي
وسوينــا شوبينــج اشــوي
وعقــب قبضنــا خــط بوظبـــي

وتوتـــة توتــة خلصــت الحتــوتــه :whistling: >> أدري واايـــد رمســـت

[ الصــراحه كــان ويــك إينــد حلـــو وبعيــد عن ضغـــط الشغــل >> هـ الرمســه بالنسبــه لـ خواتيــه ]

http://oasis.bindubai.com/bin/uploaded/1184_11231791297.gif

[عهد الوداع]

طير مداام كنت في داري اكيد بتستااانسين لووول


والله ونااسه عشت وياج الدور ... (:

[وحي القلم]

طير.. أويــه ما أتخيل 0.o

الحمدلله على سلامتكم و مره ثانيه لا تركبون في شي شاكين فيه ؛)

[أنامل قلب]

اليوم : الاثنين ..
المود : .. .... ~
الموزوع :

اليوم قبل أذان الفير بشوي حنيت ظفوري ، بعد ما خازت الحنه كلها تقريبا ، وبما إني كنت متحنيه من غير الاظافر ،
بس تمت اختي تحط علي ، اونه صج عيــــووووز ، بس حلو ، جي عايبني كل فتره والثانيه نغير ، مره جي ومره جذاك ^^،

اممم اليوم يو عدنا الصغارية ، والتهينا فيهم ، غير إني المفروض احضر محاضرات الليسن ، بس طبعا ماحضرت وبنطر إلين الاثنين القادم !
وووشو بعد إي اليوم مريت بموقف لا أحسد عليه الصراحه ، كنت توني واصله مركز التعليم ، فسيده دخلت غرفة الانتظار الخاصه بالنساء ،
وبنفس الوقت يت وحده "اظني من المغرب العربي" دخلت معاي ، قعدنا حذا بعض ، وعنها إهي ما لحقت تقعد إلا ولقيتها تنبش بالجيسه اللي معاها ،
وشكلها احليلها يايه تتغدا بالمره "فطاير" ، بس الله لا يبليكم والله ، انا انسانه مــــوووول ما أحب أسمع أحد يظهر صوت وأهو ياكل ،
تعرفون هالأصوات شلون تظهر ، جي أتنرفز وأجز وتلوع جبدي ، وهذي كانت والله العظيم أبد أبد أبد مب طبيعيه ، يعني وكأن واحد
ياي بالعماله يتقصد يظهر صوت بشكل يلوع جبدك فيها بزياده ، مااادري كيف استحملت ، تميت جي مجابله فوني احاول أركز عليه
وعالاذاعه ، وبنفس الوقت فاتحه عالرسايل اكتب ، ويالله مادري ماصدقت لمن شفتها ردت قبضت جيستها إن يعني خلصت ،
شفتها عقب فتحت الببسي ، آااااااه معاناة ثانيه ، إلا شوي كنت صدق بتخبل ، وبنفس الوقت مفتشله أقوم من عندها ،
أحس جي مب حلوه ! / لا وأخيرا بعد ما خلصت وقفت فجأة وسوت حركه انا وقتها استويت جي : :boxed: !

مادري شو السالفه والله ، مرات صدق نلقى أشيا نستغرب منها ، مادري هل اهمه يعني مايلاحظون ولا يحسون بعمارهم ،
ولا انهم صدق ما يدرون إن مثلا هالشي ما يليق ولا عيب ولا ولا أيا كان ، بس في أشيا صدق الواحد ما يحتاي أحد يوجهه فيها ،
ولا إنه يقوله ترى لازم كذا ومو لازم كذا ، مادري بس الصراحه ، عانيت باختصار :a018: ، وبنفس الوقت كان بخاطري أقولها :
لو سمحتي اضيج من هالأصوات ، بس ماتخيل الصراحه اتيني هالجرأة ..

:fa46: :fa46: :fa46: ..! / أحسها مادري جرأة فيها مسحة وقاحة =$

,

وشووو بعد ، إي لعوزت الحرمه احليلها "مدربتي" ، مع انها جي أول ما تشوفها تحسها من النوع السيرياس اللي ماتبتسم ولا تضحك ،
وتحسسك إنك هم على قلبها وتبي الفكه ، بس من نقعد بسيارة التعليم وتشوفون حرصها عالشرح والتوضيح ولو كانت جديه بزياده ،
على طول ترتاحون ، وسبحان الله أكيد بتنفعني أكثر من اللي بتوزع ابتسامات وبطوف علي شغلات P=

بس لعوزتها صدق ، تقولي لو سمحتي انا الابله وانتي الطالبه مب العكس "اهي هندية فالتواصل معاها يالله يالله بالانجليزي" ،
المهم ، وشو بعد تقولي ، اي صح الحمدلله مدحتني هذا أهم شي بالليسن لول ، بس تمت تحط علي اونه الخبير اهني ما يروم
يسوق فوق الـ 40 لان المكان اصلا ما يسمح وأغلبه لفات ، وانتي ما شاء الله عاللقه قربتي عالـ 50 ، لا وهذا ثاني يوم لج :doh: ..

حسيتها هزبة محترمه ، تميت اتذرع طبعا اقولها ماعرف اشكثر اضغط عالبريك وجي ، ولا اقولها ماعرف اشكثر بلف السكان ،
واهي تقولي ماعليه انتي الحمدلله تعرفين كذا وكذا ، اممم ان شاء الله بس يظهر كلامها واقع مش انه ترفعلي معنوياتي :a100: ،
وكله ولا يوم تقولي هدي الشيله وهدي الشيله ، لأن عادي وانا اسوق اهد السكان ع كيفي وارد ارتب شيلتي لول / وووو شووو بعد ،
إي صح كله ولا انها طول الوقت تقولي واتش ذا ميرور ، لفت شولدر ، رايت شولدر ، آل ذا ميرور نات اونلي ذيس !

أحس إني لو بقعد اتلفت جي ما بروم أركز :bye2: ..
+ أسوأ شي إني ماروم ألف السكان بالشكل اللي احسه يريحني اكثر ، كله تقولي لا تلفين بيد وحده بالكامل !

,

اممم هذي قصة حياتي اليوم ، وحتى هذي الدقيقة وهذي اللحظه ،
وووحاليا احتمال اقلب ويهي ، مع ان بخاطري احط اضافات بموضوعي "كلمات" ..!

وهيك يعني ~ ..

[عهد الوداع]

انامل

اسميني نقعت من الضحك:biggrin: ..جااان سويتي عمرج تتمشين اووو ترمسين في الفون :hysterical::hysterical:

انتي نفسي انا وااايد اتوتر من هالحركه ماعرف ليش شي لا اراادي .. يالله .....مره وحده تبييين تعصبييين عليهم لوول :k_no:


وهالله هالله في السواااقه :4:

[رمــش الغـــلا]

ما اتخيل أمر بـموقفج أنـآمل .. انا من النوع اللي اذا مريت بموقف جيه يبين عـ ويهي ..

وتتغير ملامحي ودوم اختي الكبيرة تهزبني لول ..!

وعـآدي جدا اني اقوم واغير مكـآني لول ..!


======

وعن السـوآقة بالتوفيق وهالله هالله بـ عمرج =)

[أنامل قلب]

عهد ، ضحكي ضحكي وانتي شو وراج :tongue: ، وإي والله صدق كان يبالي أسو جي !
+ ان شــــاااء الله عموه ، كل مابسوق الحين بذكركم ، الله يستر عن اضحك جدام الحرمه :icecream: ..

رمش ، عيل انتي نفس وحده من صديقاتي ، كل شي يبين عليها ^^"
بس لا الصراحه احسها قوية اني اغير مكاني ، والله لا يبليج بمثل هالمواقف :doh: ..!
ان شــــاااء الله ، خلاص بصطلب وما بلعوز المدربه ^-^

~ ....

[تحفه]

اليوم : الاثنين ..
المود : .. .... ~
الموزوع :

اليوم قبل أذان الفير بشوي حنيت ظفوري ، بعد ما خازت الحنه كلها تقريبا ، وبما إني كنت متحنيه من غير الاظافر ،
بس تمت اختي تحط علي ، اونه صج عيــــووووز ، بس حلو ، جي عايبني كل فتره والثانيه نغير ، مره جي ومره جذاك ^^،

اممم اليوم يو عدنا الصغارية ، والتهينا فيهم ، غير إني المفروض احضر محاضرات الليسن ، بس طبعا ماحضرت وبنطر إلين الاثنين القادم !
وووشو بعد إي اليوم مريت بموقف لا أحسد عليه الصراحه ، كنت توني واصله مركز التعليم ، فسيده دخلت غرفة الانتظار الخاصه بالنساء ،
وبنفس الوقت يت وحده "اظني من المغرب العربي" دخلت معاي ، قعدنا حذا بعض ، وعنها إهي ما لحقت تقعد إلا ولقيتها تنبش بالجيسه اللي معاها ،
وشكلها احليلها يايه تتغدا بالمره "فطاير" ، بس الله لا يبليكم والله ، انا انسانه مــــوووول ما أحب أسمع أحد يظهر صوت وأهو ياكل ،
تعرفون هالأصوات شلون تظهر ، جي أتنرفز وأجز وتلوع جبدي ، وهذي كانت والله العظيم أبد أبد أبد مب طبيعيه ، يعني وكأن واحد
ياي بالعماله يتقصد يظهر صوت بشكل يلوع جبدك فيها بزياده ، مااادري كيف استحملت ، تميت جي مجابله فوني احاول أركز عليه
وعالاذاعه ، وبنفس الوقت فاتحه عالرسايل اكتب ، ويالله مادري ماصدقت لمن شفتها ردت قبضت جيستها إن يعني خلصت ،
شفتها عقب فتحت الببسي ، آااااااه معاناة ثانيه ، إلا شوي كنت صدق بتخبل ، وبنفس الوقت مفتشله أقوم من عندها ،
أحس جي مب حلوه ! / لا وأخيرا بعد ما خلصت وقفت فجأة وسوت حركه انا وقتها استويت جي : :boxed: !



انا بععععد اخس شي اقعد عند حد واسمع الاكل وهو ينمضغ .. اففففف انقهرر يوم احس انس في بلعوم حد!

بس موقفج لوووووول .. انا هالايام ما قمت اراعي احساس حد يختي خلاص تعبت من كثر ما اراعي الناس واشوفهم يمشون علي جني شارع

الي يفرحوني خليتهم و الي كلامهم negative قلت لهم باي باي من زمان :a036:

[أنامل قلب]

^ لا وهذي كانت بشكل مب طبيعي صدق ، والله إني شكيت انها بالعماله تظهر هالأصوات لول
بس ضحكني تعليقج ، اونه يمشون علي جني شارع ، خلاص عيل المره اليايه بستوي شريره P=

تدرون شوللي احاتيه ، اخاف اصادفها مره ثانيه هههه ..

حتى احليلها كانت بالاخير تسولف معاي ، الاسئلة المعتاده ،
وخلصنا بنفس الوقت بعد ، جان تمر علي تسلم !
وانا اذكرها الحين بديت احس بتأنيب الضمير ، عن يعتبر هذا كله حش واتوهق =$

انا قاعده اسولف من باب انها شخصية مجهوله من الكل ^^"

,

لا تخلوني اسولف وايد ،
بيقولون مراقبه وتجر عيالها للسوالف :sleepy: ..

[قصايد غلا]

اليوم: ما أعرف شو هو بما إني في إجااااازة :a100:


المود : اممممم عادي


الموضوع : استغلاااااااااال :fa34:



أول أمس ياني أخويه متضااايق يلس عندي في الصالة .. جان يقول لي : أنا أبا الدراجة بس هالبنك الخاااايس يلوع بالجبد :sad:
و أبويه كله يقول لي زييييين هالبنك




و يبا مسااااعدتي عشان تنحل مشكلته ويا البنك الأنهم متناحسين وياه



قال شرايج تساعديينيييي .. يوم قال جي أنا متتتتتتتتتت من الضحك عليه :a068:
جنننننننه أناااااااا في ايديّه مفتاح العريش


قلت له أوكي بس بشررررط .. قال شو ؟


جان أحط ريل على ريل و أفرك إبهام ايديه بالسبّابة .. قلت له كم تدفــــــــع =p ؟


قال اللي تبييييينه بس المهم يوافقون على الطلب



و جان أسااااعده و انحلت مشكلته بدووووون ما أتكلم وايد لوووووول


جان يتم مستغرب منييييي لأنه هو ما وافقوا له بس أنا عااااااااادي :4:



وجاااااااااان أستغل هالشي .. و أتم أتأمرررررررررررررررر :tongue:


حصلت بيزات + قمت أتدلع على كيفي :a100:





و المسا سرت قصيت شعرررررررررررري :fa56:




و جااااااااان أستااااانس على اللوك اليديد وااااايد و كلللللللل حد عايبنّـــه :k_blush-anim-cl:

[مزن هتان]

اليوم : الثلاثا
المزاج : احساس ودي اصفع عمري =)

الموضوع
زعلانه ليش انه رقادي اعتفس والله ماحب جيه ان رقدت يكون بعد الـ 12
صلاة الفير اتثاقل فيها و اوصل الدوام و عيوني منفخات من الخاطر
و اول الصبح يجيني اتصال يهزبوني جيه سهرانه ؟ "يكون الوالد و الوالده طبعا"
اصيح يعني مو بيدي أحاول ابجر بالنومه بس ماكو فايده
و من الصوب الثاني يهزبوني انتي ما تاكلين و انتي تعبين روحج
ناقصه أنا أكل ها ؟!! صايره رقم صفر بالانجليزي xD
^^ أنامل أنا ما اتذمر كلش مو ؟

قام أحاول من كل صوب، ضارب عندي الشوق :inlove:

[أنامل قلب]

قصايد ، نعيما ، وحلو استغلالج للوضع =]
مزن ، لا مول ، بس شويه ^-^ ..
وعلى فكره ، مرات يفيد إن نتذمر أحيانا ..

,

اليوم : الثلاث ..
المود : .. .... ~
الموضوع :

اليوم نمت متأخر وكنت حاطه المنبه على وقت الصلاة ، بس بعد ماقمت ><
مع إني اذكر بإني انتبهت للمنبه وشلون سكرته ، بس مادري ليش ما قمت ،
لمن يصير جي أبدي أحس بإحساس جدا جدا جدا بايخ ، جي وكأني ما أستاهل أأدي صلاة الصبح بوقتها ..

,

امممم ، استلمت اليوم مكالمه جميله ، وعساه خير باذن الله ،
كنت قايمه يمكن من الساعه 10 وشوي ، وعقب تميت اتقلب ، شوي ارد انام وشوي ارد أقوم ،
وجي إلين خلتني هالمكالمه أصحصح ، وعقبها رحت اغسل ويهي وجي / الين انتبهت لعيوني ..!

كله ولا العيون أحس ، لا ويبين جي الجفن محمر من الجنب على انتفاخ خفيف ،
والبلوه ان عيوني لمن تتحسس ماتتحسس مره وحده وخلاص ، لا تتأثر بشكل تراكمي ،
يعني اذا اهملت كذا مره وتعرضت وايد للشمس واشعة اللاب ومن هالأشيا تظهر عندي مثل هالحساسيه ،
ومرات يصير ان بنفس الوقت تدمع عيني ومن هالسوالف / بس لمن تتحسس جي اتلعوز صدق ..

الحين بتم احط مره ـ اظني هذا اسمه ـ وكمادات حاره ، والله يعين ..

,

حشروني عيال بنت عمتي ، يبون يتحنون وعساس بيسيرون الصالون مع اثنين من خواتي ،
فيايين عندي إلا يبوني أسير أنا بعد ، اونه انتي تعرفين احسن وبتنقين شغلات أحلى =/
طبعا ما سرت ، صدق ماكنت متفيجه وبنفس الوقت ماله داعي ، وللحين ما ردو !
أبي أشوف شلون تحنو ، عايبتهم الحركه اللي سويتها لمن تحنيت ، فصارو حابين يتفننون بزياده =)

,

بعدني ما تغديت ولا تريقت ، بس قبل شوي يعت فسويتلي فيمتو + كلت 3 قطع بسكوت ،
مادري شو اسمه ، جي اصابع طوال ، وخفيف ..

ووو ما صليت العصر ، بسير اصلي الحين ، بسني وايد جابلت اللاب ..

~ ..

[رمــش الغـــلا]

قصـآيد .. نعيما ..، انا ابا اقص شعري بس ما يخلوني ><

=====

اليوم المزاج .. مش ولا بد !!

اليوم نشيت مب قـآدرة مب عـآرفة شو اللي مستوي فيني من يومين أحس بشي فظيع يستويبي من ابا انش حق الدوام !

كل ما حد سمع اني اسوي هالاشيا فالصيف !! يقولون لي انتي فيج طاقة غير عن الناس !! وما تتعبين :smile2:

[ الله يسـآمحهم ] .. :fa54:

و مسؤولتي فالدوام خربت أعصـآبي ومزاجي اليوم !!

اتصلت فيهـآ ..

أقولها عندي ظروف ما أقدر أداوم لـ كمن يوم ..!

اونه تعـآلي بتكسي !!

شو تستهبلين وين عايشين نحن !!!

يالله كيف تنرفز ! وانا ماشي لسـآني متبري مني أرد عليهـآ ردود أخس عن كلآمهـآ ..

وفوق هذا اونه ضغط الشغل وآيد تعالي باجر !!

اقولها ما أقدر اتقولي لا تعالي يعني تعـآلي..!

وانا اقول في خـآطري أشتغل صيفي عندكم مب موظفة اتعامليني جيه :smile2:

بس عرفت ان في نـآس ويههم الثاني يطلع بسرعة !! :fa54:

=====

ومن الظهر وانا اجهز لـ تقييم باجر =(

عندي تقييم الوزارة وعقبه مقابلة راح ياخذ اقل شي 4 ساعات ونص لانه نحن 18 بنت :smile2:

دعوآتكم >< من اليوم أحـآتي انـآ :ohboy:

[مناير]

رمش الغلا

ربي يوفقج واتحصني عنبوا من شافوا حد نشيط
يحطون عليه

موفقه:)

[تحفه]

ررمشش: نعيييييماا يا أمرررر


انامل : لوول XD انا يوم نجحت في امتحان الليسن كان كاااابووووس!! تخيلي انا وحده مواطنه و فلبينيه و هنديه و لبنانيه وهالشرطيه وصلتنا السطوه نمتحن وقت الزحمه كان شي ابدا مب متوقعععع! الحمدلله نجحت من اول مره احمم احمم طبعا لول

بس والله فالامتحان بغينا نموووت! تخيلي عل يوتيرن تم واحد خايس يدقدق هرنات وكانت فلبينيه تسوق و زاغت و طلعت فالشارع فنص اللفه وقفت السياره وكانت سياييرر بتدعمنا والشرطيه الخايسه ما حلالها اتصرخ علفلبينيه الا ونحن فنص اليوتيرن والفلبينيه تصيح ووييييه اياااااام كنت ميته من الزياغ زين ما مشو علينا الشاحنات ومتنا والله كان امتحان عصيب مادري كيف قدرت انجح بعد هالفلبينيه الي تصيح طول الوقت لين ما خلصنا امتحاناتنا وردينا المعهد T.T

[رمــش الغـــلا]

مناير.. ثانكس حبيبتي ..~ :heart:





بتكلم عن أمس ..

اليوم الاربعـآ ..
المزاج .. الحمدلله بداية كنت متنرفزة ومتوترة بس عقب الحمدلله مستـآنسة وراضية عن عمري ..=)

:a014:

الصبح مريت عـ الغلا ورحنا الانترفيو .. اللي كانت مدته من الساعة 8 لي 1 ونص تقريبـآ ..:icecream:
====

اول شي كنت فالقروب اللي بدا بالمقابلة الشخصية ..
اول مادشيت يقولون انتي "رمش" اقولهم هي انا ..، يشوفون الصورة اللي جدامهم ويشوفوني !
يعني لـ هالدرجة شكلي غير لول !! :smile2:

يسألني اول سؤال شو معنى اسمج لول =) وعطيتهه المعـنى ..~:inlove:
وبدوا بالاسئلة الحمدلله عطيتهم اجابات مقنعة لكل الاسئلة الا سؤال واحد حاولوا اني اغير رايي بس بطريقة تنرفز
لكن تميت مصرة ع رآيي واعطيهم اسباب مقنعة .. :icecream:
وطلعت وانا رآضية عن اللي سويته ..
بس أحلى شي انه واحد من اللي سوولنا المقابلة سألني سؤال بـ [ العربي ] وقالي ردي بالانجليزي ..!
بس حاولت اركب اللي قالي ايـآه ما فهمت السؤال ..:smile2:
لانه شي يخص دراستي ومصطلحات غريبة شوي بالفصحى ..
فطلبت انهم يقولون لي اياه بالانجليزي لول [ وتموا يضحكون انه كيف ما نستوعب المصطلحات اذا استوت بالعربي ] ..=) :fa35:

======

بعد المقابلة اتريقنا .. وبدينا القسم الثـآني ..،
اول شي يخلون كل وحدة ترمس عن نفسها [ معلومات السي في ] بس بشكل عـآم
وبعدين كل بنت تدخل مع وحدة من لجنة التقييم ..، تقيم طريقتها فالشرح وتطلع
وايد استاانست علي اللي تقيمني وحبت الافكار اللي كنت مسوتنها [ الحمدلله ] ..:heart:
وبعدهـذا كله كان عدنا نقاش عن موضوع معين لمدة نص ساعة يبون يشوفون مدى اسلوب كل وحدة فالنقاش ويقيمونـآ عليه ..
واكتشفت انه في وحدة ابدا ماعندهـآ أسلوب وبس تقاطع الكل عسب تلفت النظر لها هي وبس !!>< :pullhair:

=======

رجعت البيت اتغديت .. وخذت بريك لين المغرب

نشيت يلسنا ويااهلي بنات عموتي اخواني وحريمهم والصغارية نتريا خواتي يوصلون من السفر
والحمدلله وصلوا بالسلامة :fa41:
وكنت طآآيرة من الونـآآسة من شتفهم.. :fa47:
[ الله لا يحرمني منهم ] ..
وبنت اختي الصغيرة كل شوي تبا حد يشلها مب مصدقة شافتنا فديتهـآآآ ..:heart:

[الهيثــم]

^^ هالموضوع بالذات ما عرف أكتب فيه لول ..

[مــهــابه]

قصـوودتي :

نعيـماً ، عقبــآلي


~ رمش :


قـود لك ، ان شاء الله خيـر ابلـتنــا =p وماننسى بعد الغـلا


،


آهـم آحداث اليـوم ، آحـم آحم جـآن اجتل صرصور :4: ، آظن خلصت البف باف على صرصور واحد :k_harhar1:

لعـبت آنـآ ورشودي يلييين رقد :fa41:


آحمدوووه يـآني الغرفه بليل ، وعفسهـا ، ماتم شي ف مكانـه ، وكسر عطري :fa43:


وعقبهـا صـآرت حرب عـآلميه ، آنتهت بالصلح ولله الحمد :fa41:


عقب صلاه الفير سولفنا بالمسجات انا وامونتي :inlove:



حـآليـاً آتــريـآ الــ :fa41: على اساس الساعه 5 هم ف البيت ، لكن شكلي بـتريـا وايد

ولا ش رايكم ، اطنش وارقد ومحد بيفتح بـآب الصـاله :fa46:



لاحرام ما اقدر والله ، شكلي برقد وبخلي تيمون ولا بومبا يفتحون الباب



وبس !

[العجيبة]

الثلاثـاء 18 أغسطس 2009 ~
السـاعـة 7 المسـا : كنـت يـالسـة عالواحـات وأحوط في النـت ....
الساعة تسع المسا : كنـت في العيـادة أفحص عن ألـم بسيط وخذت عليه أدويـة ورجعت البيت.

الأربعاء 19 أغسطس 2009~
منتصف الليل : كنـت في المستشـفى لأن الألم زاد والأدويـة ما استقرت فـ بطني !!
الساعة 1.30 صباحا : دخلت عند الدكتـور وسـوولي فحوصات عاديـة ومغذي.
الساعة 4 الفجـر : دخلـت عنبـر الباطنية والجراحة - نساء ... لأول مرة في تاريخي أترقد في المستشفى !!
الساعة 9 الصبح: جاء الدكتور يخبرني عن حالتي وان لازم حد كبير ايي ايوقع على اوراق الموافقة على عملية جراحية عاجلة !!!!!
بين 9 و 10 الضحى : اتصل منييي ومنااااك ابغي حد ايينـي يشوفـون شـو السالفة واني ابا اظهـر ههه خلاص ما فيني شي .... طبعا لان المرافقة اللي عندي هي اختي الصغيرة وراقدة ولا داريـة شو مستـوي خخخ
الساعة 10.30 : أمـي يـت ووقعـت عالأوراق
الساعة 11 تقريبا : اتصال لأمي يقولولها فيه لا توافقي على عملية بدون أشعة !!
الساعة 11 وربع يمكن : يـاي دكتـور التخديـر يبـا يودينـي غرفة العمليـات !! رفضت امي رفضا قاطعـا ... وقالت لازم صـورة
ربع ساعة زيادة : كانت فيها الممرضات والدكتور يحاولون يقعنـون أمي ان أحسن بسرعة وان العوارض كلها تدل على المرض ونتيجة فحص الدم سلبية ... وامي مستحيـــل إلا تسـوولهـا أشعة
الساعـة 2 الظهر : سـوولي أشعـة وما ظهـر شي ...!
الساعة 4 تقريبا : دكتور ما ادري شو يا يقنع أمي بأهمية العملية، امي مب عارفـة تقـرر ... أبـوي مب عارف شـو يقول .. آخر شي ... توكلـوا على الله ووافقـوا !!!
الساعة 6 او 6.30 : رحت غرفـة العمليـات ... بروحي طبعا :/ ... ما ادري شـو استـوى .... ههه بس كنت اتويييع واايد وفجأة شفت امي وياي ومبلسينها أزرق ... استغربت وهديت شوي اقولها متى بيسوون العملية خخخخ قالت خلااااص خلصوااااا الحمدلله.... وعقب ما ادري وين راحت امي .... سوولي مسكّن .. وتميت اطالع ....
الساعة ما ادري بها كم : رديت العنبر ... وهناك قالولي انها الساعة 8 وربع !!! افااا كيف جي طولت انا في العملية ؟؟ انا احسبها عشر دقايق وخلصت ... ما حسيت بالوقت !!


الخميس 20 أغسطس 2009 ~
قضيـت اليوم بين الادويـة والفحوصـات وزيارات الاهل والاصدقاء وعدى الوقـت الحمدلله على خيـر ....


الجمعـة 21 أغسطس 2009 ~
مـر الوقـــت بطيء جدا ... ليلة الجمعـة جدا بطيئة عانيـت فيها من آلام الجراحة وآلام الاعصاب وآلام إبرة العملية !!
الساعة 9 الصبح : يـا الدكتـور قال عاادي شووو يعني لازم بيعورج كل شي ... هههه انتي صبية وانتي ما ادري شو ... ما تحتاجين دوا ...
الساعـة 12.30: أنا في البيـــــت ^__^ وأخيـرا


السبـت 22 أغسطس 2009 ~
رديــت الواحات مرة ثانية ههه ^_^


الاثنـيـن 17 أغسطس 2009 ~
وصـل طـرد من امبـوسـت على اساس مطرشين بطاقات ثقة ... من كل افراد العيلة ... واصلة بطاقتي بس !!!!
فـيه تعليق انقال في البيت في نفس اليوم : هذه الوحيـــدة اللي ما تمرض ويابـولها هي البطاقـة ونحن اللي دومنـا في المستشفيات ما يابوا بطايقنـا !!!! خخخخ طبعا انقال على سبيل المزااااح وصااار اللي صـار عقبـه ..




وأولا وأخيرا ... الحمدلله على كل شيء .... كان شيء جديد تعلمـت منه وايــد ..... عرفـت منه وايـد أشياء ....
ولـولا الألم اللي أحس به الحين كنـت بحسبـه حلم !!

[طير الغرام]

http://oasis.bindubai.com/bin/uploaded/1184_11189791440.gif

^

ألــــــف الحمــــدالله ع ســــــلامتــــــج
والحمـــدالله إنــه الموضــــوع عــــدى ع خيـــــر يا ختيـــه ^ـ^


http://oasis.bindubai.com/bin/uploaded/1184_11189791440.gif

[مزن هتان]

سلامات العجيبه :fa41:

اليوم : اليمعه
المزاج : shocked

الموضوع
و أنا أقول مو من الله يلزمون علي أنا احضر من بد خواتي الـ s7oor gathering أكيد شي صاير
هو خبر زعلني شوي بس اممم ماعرف. مزن بالموضوع و أنا ما ادري عن أي حاجه
زين ما رحت و الا العيون كلها بتكون علينا، و قررت بحاول برمضان ما حضر و لا عزيمه عند
أهل أمي =) الا ان كانوا خالاتي بروووووحهم
امايه ردت من عدهم ضايجه عشان اللي سمعته "يمه ماكو شي يزعل والله"
يتحجون بالموضوع و يشوفوني ماحب ماحب "غبيت ويهي ورا شاشة اللاب توب"

استغفر الله أحس رمضاني السنه ما بيكون ذاك الزود، وايد راح افكر
"يـــا إلـــهـــي"

حزت السحور "أنا + أختي" بروحنا محد معانا كنا نهلوس اظن
ضحك بصوت عالي و كنا ظريفات وايد، الله يذكر نسيبي بالخير =) "كان ماده دسمه"

بس عاد مزن "صج هذربان"

هذا حق شمعة الواحات :heart:
مسجها حلّى مساي والله

[رمــش الغـــلا]

العجيبة .. بسم الله عليج ..

حليلج ما تسوآ عليج البطاقة اللي ما يابوها وجيه استوآبج عقب ..!

يلا اهم شي عدت عـ خير حبيبتي ..

ومـآ تشوفـين شر ..~

[قصايد غلا]

الله ينعم علييكن حبيبااااات :fa41:ــي "أنامل + رمش+تحفة و مهابتــ:inlove:ـييي"


رمش : أنا سنييييييين و منين كله يقولون لي لالالا ماشي قص ما شي .. و آخر مرة قاصة شعري فيها من الخاااااطر
هي يوم كنت في صف ثااااااااني إبتدااااائـــــي:doh:


و أحين في الجامعة قصيته لوووووووول


========================================


العجيبة : الحمدلله على سلااامتج .. غمضتييييينيييي :k_no:

:12:المهم إنج بخير أحينه

[العجيبة]

الله يسلمكم ويعافيكم يارب .... :)

[مــهــابه]

^
العـجيبه :

مـأجـوره ان شاء الله
ماتـشوفين شر

[وحي القلم]

العجيبه.. الحمدلله عالسلامه =)

[أنامل قلب]

اليوم : الأربعا ..
المود: ..... ... .... .... .. .... ~ ,،
الموضوع :

اممم اليوم مثل أمس ، بس الفرق إن الأهل كانو يايين عدنا وروحو يمكن جي بعد الساعه 2 بشوي ،
وعقب قضيت الوقت عادي إلين كلت خفايف قبل اذان الفير ابـ نص ساعه ، شربنا وتزهبنا ، وهيك إلين أذن فـ صلينا ،
وقعدنا وقعدنا وبعد قعدنا وتمينا قاعدين انا واثنين من خواتي + بنت عمتي نامت واهي قاعده لول + بناتها الاثنين حاشرينا ،
تمينا جي بين السوالف والاستهبال وشوي نساير بناتها ، وشوي نهزبهم ، وشوي وشوي ، إلين كل وحده فينا طخت وفضى البتري ..

حضراتهم بنات بنت عمتي نامو بيني وبين اختي أو بالأصح شبه راقدين على بعض ^^" ،
بس الله يسلمكم من اللي شفته من الأكبر "13 سنه" ، يالله ماتقولون وحده نايمه ، طول مانحن نايمين قاعده تضارب وانا الضحيه !
مره تكفخني بيدها ، ومره مادري شلون تجلب وبثقلها علي ، زين ماتكسرت ، مادري كمن مره قعدت من النوم ،
بس مادري كيف جي اللي يتقلبون وايد واهم نايمين ، لا وماتحس بعمرها بعد ^^"
حتى اهي ما شاء الله عليها مابيني وبينها فرق كبير لا بالطول ولا بالوزن ، فـ ماعتبرها صغيره كـ حجم :k_special2: ..

إلين آخر مره قمت متروعه ، بكوعها على ويهي =$ / عصبت صدق جان ادزها لول ، بس ما بقول كيف دزيتها هههه ،
مع اني ماحب جي بس حتى الدزه ما شاء الله ماحست فيها ..!
ونحن يدوب نتقلب ، حتى من زود ما خلاص طفح الكيل ، قعدت من النوم وتميت جي بس قاعده !
كم بدزها ^^" ، كله أرد أقوم ابـ كفخه محترمه :sleepy: ..

عقب رديت رقدت الساعه 11 ونص ، كانو خلاص قامو وروحو ، وتميت نايمه إلين الساعه 1 ونص ،
الوالد أو الوالده "ما اذكر والله =#" يو قوموني ، عساس بسير عندي تدريب الليسن ..

فإلين صليت وتزهبت وييت ورحت ، على رااااحتي :fa55: ، زين ما تأخرت عليهم ،
المهم الحلو إن اختي معاي ، يعني تدرب معاي وبنفس الوقت ..

+ هناك حلو استانست على كلام المدربه بالأخير ، قالتلي ما شاء الله متحسنه وايد وسواقتج حلوه P=

,

وعقب عادي ، رديت البيت سويت شي وعقب جابلت اللاب ، بالواحات شوي وبموضوع المسابقه الرمضانية ،
إلين أذن ، فطرنا ، صلينا ، شغلوني بالمطبخ وتميت اغسل المواعين :rolleyes: ، وهيك إلين الساعه 8 الا ربع ،
رحت للمره المادري كم اتزهب ، هالمره للتراويح ، بالمسيد كانت الأجواء لطيفه جدا اليوم ، وعقبها ظهرت للنهضه ،
محاضره جميله وراقيه جدا من الدكتور عمر عبدالكافي ، وايد وايد أحب أسلوبه وكلامه ، فاتكم الصراحه !

وهيه صح ، لمن ظهرنا من المحاضره وكنت ناطره الوالد يمرني ، شفت ربيعتي الدبه كانت يايه متأخره فما انتبهت علي
وبالتالي ماقعدت عندي بالمحاضره ، المهم :14: / بس لمن سلمت على أمها قالتلي اوه انامل قلب ضعفانه ،
اهني تشققت لول ، بس آآآاااخ من قالت جي تذكرت أخوي المزوحي ، وشكلي كان صدق غلللــــــط ،
تميت قابضه ابتسامتي عن اضحك ، أقول شو السالفه موضوع الوزن دومه وراي وراي :birgits_giggle: ..

وووعادي ، وصلت البيت 12 تقريبا ، من دخلت سرت صوب اختي كانت قاعده تسوي سندويجات سليس ،
فسيده غسلت اديني ، رفعت كم العباه ، جبيتلي عصير برتقال ، ويالله كلي !

وبس ، رديت بدلت ، وجابلت اللاب ، والحين قاعده أضيف ردي هذا ، وكان الله غفورا رحيما ..!

~

[أنامل قلب]

اليوم : الجمعه ..
المود : .. .... ..!
الموزوع :

,

اللي كتبته انمسح ! / فـ بكمل إلين وصلت مو متفيجه أرد أعيد الكلام ^^"

المهم بعد صلاة المغرب اليوم التهيت شوي بالشغل + شي خاص + عقب رحت اسبح عالسريع لأني كنت متأخره جدا ،
وبالأخير ما سرت المسيد ! ، امممم ومن عقبها جابلت اللاب شويه وفوني شويه ، إلين دقت علي رفيجتي تذكرني بمحاضرة اليوم ،
كذلك بجمعية النهضه لكن هالمره المحاضره لأخونا عمرو خالد ، احليله صدق صدق صدق كانت محاضرته جميله ،
تعرفون شلون لمن يكون الإنسان بسيط وعفوي بتواصله مع الناس ! / أهو جي ما شاء الله ..

مثل هاك اليوم كنت مشغله فوني يسجل المحاضره ، وناوية عساس أدزهم لربيعتي اللي تدرس برا بالايميل ،
بس مادري اليوم كان صوت المايك أخف ، هو أريح لنا نحن بس للتسجيل أحسه مانفع ، يعني الصوت ظهر ضعيف شويه ..

اممم الغريبه شلون لمن دخل البعض صفق له لول ، ويعني من هالمواقف صارت وايد ، أشيا تضحك وأشيا تونس ،
وتعليقات مني ومنها على بعض ..

تكلم فيها عن 8 نقاط ربطهم ابـ رمضان ، رصيدنا / التوبة / الدعاء / العفو / صلة الرحم / الوفاء / العتق من النار ،
تفرع من خلالهم لـ أمور جدا جميله ، وقفات ما احتسبناها ، أمور قد نكون غفلنا عنها ، أفكار طيبه ..

,

بالأخير ونحن ظاهرين طبعا زحممممـــــــــــه ، وكل شوي يدوسون على عباتي إلين طفرت ورفعتها فوق ،
وتمينا عاد يالله يالتعليقات ، أقولها : تقولين وزار :k_special2: ! / جنه وايد زحمه ! / جنه وايد لاصقين ابـ بعض ! /
تقولين من جماعة من مال الله ! ..

وعقبها من ظهرنا برا القاعه والزحمه نفسها نفسها ماتغيرت ، شفنا اثنين "رياييل" شكلهم كان غلط جي امبينا ،
كانو بالصوب الثاني طبعا ، ومادري إذا اهم يشتغلون هناك ولا ! / أقولها شو ها شكلهم غلط ، أكيد يقولون يـــااااه كل هذول بنات ،
جَـنـّـةُ في الأرض خخخ / لا وجي يبتها بالفصحه استغفر الله ، وقت ما أخبص أصير صدق مانطاق ، ربيعتي تقولي شو ها بعد استغفر الله لول :tounge: ..

مرات أحس صدق يدق براسي ، حتى بالسياره ونحن راجعين يقولي الوالد : قعدي عدل شو ها بعد انتي بالسياره !
أي بريك خفيف بتنخشين بالجامه ، يالله قعدي عدل ! > واهو مبوز على شوية نرفزه على حواجب جاده ..
أنامل قلب / حضرتها قاعده بالسياره مربعه ريولها وسانده خدها بكفها وملتهية بالفون تكتب : لا عادي تراني تكسرت من القعده هناك ،
باخذ راحتي ، والخ الخ ، إلين صدق خذ بريك فجأة مادري على أي لفه "واحد طايف فجأة" و :wacko: ..

,

امممم يقولون بخاطري أشيا :yes: ..

[ تنهيده ] ~

[أنامل قلب]

بكتب الدايري من الملل الزايد + مادري ليش مب قادره انام اليوم !

المهم ، اظني اليوم هو الاثنين بس بعتبره الأحد ..
المود : .. ... ... .. ..... ....... .!
الموضوع :

اليوم كان اممم مادري ، قبل الفطور يمر الوقت عادي كالمعتاد على أغلب الأحيان ،
بس اليوم قبضتلي كذا كتاب مريت عليهم عالسريع ، جي كنت امر على كتبي ارتبهم شوي ،
واكتشفت إن عندي أشيا حلوه محتاجه لقراءه ! / مادري هل كيف أعرف إن عندي الكتاب الفلاني مثلا وللحين ما قريته !

المهم ، عقب جابلت اللاب كالعاده ، إلين أذن المغرب ، ومن عقبها انشغلت إلين حزة ما يعرضون كرتون خوصه بوصه ،
وكل ما اسمع اغنيته اذكر المعفوصه عايده الله يحفظها ، كيف كلما تشوفهم حطوه تقعد تترقص مثلهم هذول اللي باغنية الكرتون !
كنا قاعدين عادي إلين يا أخوي وضاف جو من الفكاهه والضحك ، ماعرف كيف أقول شو تم يسوي لول احليله ..

عقبها كنا بنظهر مكان ، بس قبلها تميت اقايس اللي ماخذته للعيد وامر على اهل البيت ، بما إن اخوي والوالد ماكانو قاعدين ،
فتميت ماخذه راحتي رايحه راده ، حشرتهم ، بس مادري ماحب جي مو مزهبين للعيد عدل ، احس ماشي وقت !
بعدني ماخذتلي جلابيه سنعه ، ولا شرينالنا شيل للبيت ، ماعرف قلت بسأل م أكيد عندها فكره بدل لا نلف وندور عالفاضي ..

وماشي ، عقبها ظهرنا انا واثنين من خواتي ، رحنا خذنا حاجاتنا وتمينا ندور بالسياره شوي ، وعقب ردينا البيت ،
من رجعت رحت اسو هالحلى اللي تكلمت عنه بالخيمه عالسريع ، بس طول شوي علامه يسيح المارس ،
واختي كلما تمرني تشوفني قابضه شي آكل ^^" ، لأنها عكسي مووول ماتلتفت لشي وقت ما تحضر ، أي شي كان
حتى وااايد الطول ، جي تبي كل شي يكون مرتتتــــــــب زياده عن اللزوووووم !

مو آنا ، شوي شاني / شوي رول سليس بالكيري ، وشوي سمبوسه ، وارد اشرب شاي ، وشوي آكل من المارس !
بس صدق شكله بالذات وايد عيبني ، مع انه موووول ما فيه شي ..

بخاطري أجرب أشيا يديده ، ومن متى قايله بسويلي كتاب ألملم فيه كل الأشيا الحلوه اللي جربناها ،
مني ومن اختي ومن رفيجاتي ومن اللي انعرفهم وهيك ، بس للحين ماكو ، ما بديت فيه حتى !

وناويه بعد آخذلي كمن كتاب ، إلا ويطلع امبين هالصفحات أشيا حلوه ..

,

وهيك عدا اليوم ، وإي صح كلمت وحده بعد من ربعي ، صدق ماستحي على ويهي توني أباركلها بالشهر =#
والثانيه دقيت عليها وانا ادري عالأغلب بتكون بالمحاضره ، بس جي استنذل ، واهي الدبه سدت ع ويهي بعد رنتين ،
عقبها طرشتلي مسج تقولي إني فشلتها ، أكيد حاطه رنتها هييج النشيد اللي عقدتني منها ، أحسن تستاهل =)

اونه : شو تبين / لول !

بس والله إني أحبببــــــــــــهم ، والحمدلله رب العالمين ~ .

[مزن هتان]

اليوم : الاثنين
المزاج : عادي

الموضوع

وايد وايد أشيا في بالي، مش عارفه هل الصداع من التفكير و الا الصيام ؟ و اظن الاثنين !
البارحه رقدت من وهل 2:30 اظن ما تنبهت الا عـ الساعه 5 مانششوني للصلاه =/
بطلع ينوني عليهم هع، رمضان السنه أحس غير بالنسبه لي "...."
المسلسلات اللي يعرضوها "هم" اللهم يا كافي، ماكو أحسن عن الشعبيه و خوصه بوصه
صار لي فتره طويله ما تابعت شي البارحه اشوف أم البنات و دخلت جو معاهم "خفي صوتج
عن يسمعج أبوج" أمي قعدت تضحك. 11 و شوي طلعنا أنا و اثنين من خواتي فصلت لي
عباه ساده حق بعد باجر و باجر بسير اتحنى =)

أفكر أروح العين باليمعه ان الله كتب لنا عمر لين ذاك اليوم

علمت الوالد انه مسافرين يقولي بسير وياكم =)، اباه وين تبا ؟ كلنا بنات
و المسا رادين و ان طولنا اليوم الثاني الظهر يعني كلش ما يحتاي !

[رمــش الغـــلا]

تسيرين وترديـن بـ السلآمة مزن ^_^

[مزن هتان]

ربي يسلمج حبوبه
راح يوصلج مسج مني اليوم !

[رمــش الغـــلا]

خلاص اتـريـآ ^__^

[أنامل قلب]

اليوم : عساس انه الخميس ..
المود : .. ... .... .~ !
الموضوع :


بتكلم عن روحتي لأحد المولات اليوم ، والزحمه اللاطبيعيه اللي شفتها ..!

أحيد الناس يحشمون الشهر شوي ، بس اللي شفته العكس تماما ، صدق صدق واااااااايد كان الوضع فظيع ،
بالأول تميت مع الأهل رايحين رادين بكذا محل نشوف حاجاتنا ، وعقب طفرت جان اقولهم بسير المكتبه ومن يقعدون
بأي مكان كوفي ولا مطعم خل يدقون علي ، وهكذا !

طبعا الله لا يراويكم الوضع شلون كان ، زحمة شباب بشكل ، أساسا مو من زود نسبة المواطنين بالبلاد ،
وكأن نصهم تواجدو اهني اليوم ، ربي يزيد ويبارك فيهم بس مو بمثل هالأماكن ..

حتى مادري ليش جي تميت خايفه ^^" ، حسيت عمري صدق عبيطه ، المفروض اعصب واكشر بويهم XP
مع اني استمتعت جدا جدا جدا بالمكتبه ، احس نفسيتي ترتاح وتبتهج بهالمكان :whistling: ، بس مالحقت اظهر
إلا واعتفست ، حتى وانا يايه احاسب كنت جي واقفه على اعصابي ، ماحب أحس جي ناس حوالي وزحمه ..

وعقب المأساة ، بعد ماطلعت من المكتبه كنت رايحتلهم داقين علي يقولون انهم بالكوفي شوب الفلاني ،
ما كنت ادله فسألت السكيورتي اللي الله يسامحه دلني عالمكان الغلط ، بدل لا الف يسار قالي يمين ،
والبلوه اني بروحي كنت والمول كبير والزحمه صدق ماكانت طبيعيه وكلهم شباب ، يالله رايحه راده اراكض لول ،
ماحب جي لمن امشي بروحي بالأخص لازم بتلقوني امشي بسرعه ، فكنت اتنرفز لمن اصادف احد جدامي يالله يالله يمشي ،
وانا مستعيله وحرانه وتعبانه ابي القى الاهل بسرعه ، وفوق هذا ادق عليهم ابي اتأكد انهم هناك بس محد يرد علي !

بالأخير قلت اتصل برفيجتي تونسني ، عالأقل أحس في احد معاي وما أشوف هالأشكال الجميله :crazy: ،
بعضهم صدق حدث ولا حرج ، إلا واحد ههههه صدق صدق شر البلية ما يضحك ، جي صغير مال مدارس ويسو حركات ،
وبنفس الوقت مبين انه منحرج ، كان جدامي ونحن نازلين من السلم المتحرك ، وانا ماااسكه عمري أبي أضحك ،
كنت أبي أقوله : ها ماما ، ليكون ضايع عن امك الدور عليها ..! / على قولة وحده : آغو :k_harhar1: ..

وبعد هاللويه والعفسه كلها طلعو الاهل محولين مكانهم بدل الكوفي الفلاني رايحين للكوفي العلاني !
صدق صدق عصبت ، بس لمن دلوني عليه طلع بنفس الدرب اللي رايحتله ، وأخيرا ..

,

في شي صار حبيته اليوم وايد ، دوم كنت اقول لرفيجتي اني احس امي صدق ماتحبني وايد ،
لأن انا واهي صدق مانتفق على وايد شغلات ، خاصه إنها عنيده وانا اعند ، يعني ماحب أسو شي اشوفه غلط ،
ولا انه صدق شي ما يعيبني ومن هالكلام ، بس من مده قامت علاقتي معاها تصير اطيب الحمدلله ، من فوائد القعده بالبيت ..

حتى من وناستي قتلها : اوييـــــه حبيييـــــــبتي ، وانا اوني كنت اقول لرفيجتي انج ماتحبيني !
جان تشوفني جي بطرف عينها ، وكانها تبي تقولي طاع هذي ، انثبري مكانج P=
اهي من النوع الحنون بس ماتعبر ، يعني ما تبين ومن هالحركات ، عكس ابوي حنون لكن يبين ويعبر =)


ووووو صدق صدق أحب خواتي ~ .!
وأخوي الدب بعد !

وهيك ~ .

[رمــش الغـــلا]

^ أنـآمل انا شراتج

اول ماشفت هالاشكال فالمول أقول حق اختي العودة يعني حتى فـ رمضـآن هالتحف موجودين !!

شو هااا الناس ماشي احترام مول وزحمة مو طبيييعييييية ..!

والله وايد مواقف استوتلي اليوم بس الوآحد يسكت أحسن لول ..!

"الله يهديييهم " ..~

[أنامل قلب]

^ على قولتج !

ربي يعافينا جميعا ..

[مزن هتان]

اليوم : من الاربعا
المزاج : =)

الموضوع
رقدت 5 الفير 6:30 نشينا تلبسنا مرت علينا بنت خالي
10 دقايق لين وصلنا المطار بركنا سيارتنا، دخلنا جناطنا تمشينا و تشرينا كم شي من سوق الحره طيارتنا 9:15 كانت خالي
كل دقيقه يتصل في بنته لين آخر شي يانا و دخل معانا لين الطياره وصلنا الكويت 10:40 اظن بتوقيت الامارات
مرت عمي قالت بتنطرنا بس مالقينا حد هناك o.O صرفنا عمارنا وصلنا الفندق نزلنا أغراضنا رتبنا عمارنا لين يوصل
التاكسي حق السوق من 10:30 لين 3 ردينا نريح على أساس فطورنا بيت عمي راحت علينا نومه لين وقت اذان
المغرب صلينا و اكلنا بالفندق نطرنا لين صلينا العشا و ردينا طلعنا ردينا 01:00 رتبنا أغراضنا قعدنا شوي سوالف ضحك غشمره
"امسكنا هاك اليوم قبل الامارات و الكويت، يقيمون الليل و نحن عبالنا الفير هع" نشينا متأخر مالحقنا نمر بيت
عمي نسلم على طول المطار وصلنا دبي 5:00 مستانسه عـ السح و الماي اللي عطونا اياه =) "استوت لنا هناك
مواقف حلوه و مراح تنّسى :fa41: نحن 5 اللي مسافرين "أم سيف و ميمي بنت خالي -بعمر بعض-، أنا، أختي
هدى و مرت أخوي -بعمر بعض- أنا الغلط امبينهم

أبوي يقول لي يا خسارة التذكره ليوم واحد جيه ما قعدتوا زياده xD
"مارحنا لا عند عمي و لا خوالي =)"

البارحه اليمعه بعد صلاة العشا رحت العين زي ما قلت "أنا و أمي و شوق"
12:15 كنا بدبي

"استانست وايد هاليومين"

[الهيثــم]

^ افتقدنا تواجدج مزن ، الحمدلله على سلاامتج ..

رمش الغلا ، أنامل قلب ~ الحمدلله إني ما دخلت مول من اول رمضان .. أصلا ما احب المولات ، شو يوديني في رمضان
استغفر الله مرة بس سرت الستي عشا نالجراجة وطلعت .. ما طولت .. ^__^

[بحر الموده]

الله يرحمنا برحمته ويعينا على هاى البلاوى وعلى هالناس لى مايقدرون شهر الخير
انا شراتك اخوى خطاب مااحب المولات الا جان الاهل يبونى اخذ اغراض من الكارفووووور
والله نشبه امسات انا اتمشى فى الممر ولانه ثلاث يايات من جدام تقول اسلاس يالله عاد شوه يخوزهن
البكله طايحه على الخد والويه ملون ومسوين له باليس والسماعه مال التيلفون شرق غرب تقول مريحانه خخخخخخخخخ
الله يرحم زمان اول تسير الدكان عطنى هذا وعطنى هذاك ماتشوف هاى الاشكال لى تخوف وتخرب المجتمع

[الهيثــم]

^ هيه صدقك بوجاسم ...

الحين بالعكس يا خوك ، الريال يستحي والبنت فاصخه الحيا ..
غصب تعالوا شوفوني ... ! تعالوا تحرشوا فييني !! .. تعالوا عقوا علي رمسات ! ما بييني رقاد جي ،، ( لسان حالها يقول هالكلام )

أنا ما دري هالبنات إلي من هالفئة ، شو الشعور إلي يراودهم !!
يتحرون اعمارهن حلوات !! ولا يلفتن النظر .. ولا مواكبات الموضى !! وولا الشو بالضبط ؟؟
ترا أكثـــر الناس ومعظم الناس يشوفونهم بنظرة استحقار ودونية ، ما انقول غير الله يهديهن .. ويرد المسلمين إلى دينهم ردا جميلا ..

[رمــش الغـــلا]

والله أمس كنت اقايس نعال والا اشوف 3 بنات حذالي داشين المحل توهم والله جنهم مهرجـآت شو مسوين فـ عمارهم

كنت ابا اضحك بس مسكت عمري .. ما اتحملت اسكت ..

قلت حق أختي في ناس صدق صدق كجرة والغباء كله انه في 3 اولاد اكيد مثل عقليتتهم بعد يتمشون ورآهم ..!

والله ان البنات اشكالهم مال المدارس صغار يعني ..! [ الله يهديهم بس ] ..~

[أنامل قلب]

أخوي خطاب ، بس نحن مو مثلكم ، مو كل مكان نروم نظهرله ،
وحاجاتنا موجوده بهالمراكز بالأخير ، فإلا مانسير لها ..

+ بس لي تعليق على كلمة قالها أخوي خطاب بخصوص الرمسه اللي تنقط ،
فاللي نشوفه الحين إن الرمسه تنقط عالكل الصراحه ، مو كل من بتنقط عليها كلمه ولا بيرقمها أحد
تكون من اللي طريتهم ، البعض ربي يعافينا صدق ما يحشمون أحد ، والبعض ما يحتاجون يقطون لا كلمه ولا رقم ولا حركات ،
تحسون أحيانا يطالعون بشكل تقولون أول مره يشوفون فيه بنات ، مادري نستغرب ولا نعصب ، نتكلم ولا نسكت !

أخوي بحر ، مثل ما قالت رمش هذول أظني أغلبهم صغار ، مال مدارس ،
واللي اكبر فـ هممممم ، مادري الصراحه بشو أعلق !

رمش ، مره شفت وحده كوبي من موضة بنات المدارس ، بس كان مبين عليها جي بالثلاثين !
حتى أذكر مره ع أيام المدرسه ، كنا رايحين اجتماع بمكان فبعض من اولياء أمور الطالبات حضرو ،
فكنا تخيلي من أيامها شايفين ولية أمر يايه حالها من حال اللي طريناهم ، صدق وايد استغربنا يومها ،
يعني جي عباتها كلها ملونه والقصه شلون صايره والميك اب الثفيل !

~.

[الهيثــم]

^ ليش معصبــة ؟؟

تعليقي انا وبحر المودة كان عن الفئة هااييج ، والي حاشمه عمرها تراها تعرف عمرها ، ما يحتاي إلي يعق عليها رمسه يقولها تراج حاشمه عمرج ولا فاصخة الحيا ...

والي فاصخة الحيا كذلك تعرف ومتأكدة إنه نحن نعرف بأنها فاصخة الحيا .. ولكنهم في سكرتهم يعمهون ..

[أنامل قلب]

^ الحين منو قال إني معصبه !

بس صدق الواحد يضيج لمن يشوف الملاحظات تتكرر على أشيا من غير أشيا ..

[مناير]

اخواني وخواتي

ترا البنت المحترمة تنعرف من البنت...... بشكلها العام

عشان جيه اللي تبي الرمسه عليها تتحمل شو اللي اييها وربي يهديهن ويعافينا لأنهن ابصراحة

زادن....

[الهيثــم]

^ بالضبط ، حتى مرات في فئة من الشباب إلي " يدورون " بنات ، في فئة منهم ما يعرفون يميزون بين البنت المحترمة والبنت الـ غير محترمة أو المنحرفة أيا كانت التسمية ..

تلاقيه يتحرش بـ أي شي ، حتى لو ما تتشاهد ، المهم بنية ..
بس في النهاية نقولكم ، ترا من الجنسين فيه الزين والشين ..

واايد بنات محترمات وينضرب فيهن المثل ، وينحطن ع الراس
ووايد شبـاب ينضرب فيهم المثل وموضع تقدير واحترام من الجميع وبشهادة الكل

وفيه العكس كذلك ..

ونسأل الله السلامة والعافية ..

[مزن هتان]

^ افتقدنا تواجدج مزن ، الحمدلله على سلاامتج ..
شكرا، ربي يسلمك

اليوم : الاثنين
المزاج : الحمدلله

الموضوع
أريد أطلع أغير جو و أعدل مودي
ما عرف اذا بيروحون البحرين، ملل وايد ملل
ماحب أقعد فالبيت صايرين حشره و ازعاج استغفر الله
لاعت جبدي من التلفزيون من 16 يوم و أنا مجابلته وياهم مادري شلون
يحبون يقعدون "يجيب الصداع و الهم و البلاء"

الحلو اليوم انه بنت خالتي خلصت العده :a050:
على طول زواج ماكو قعده أقولها :vertag:، ربي يتمم لهم على خير ان شاء الله

[أنامل قلب]

اليوم : اليوم ..
المود : .. ..... .... .. ..... .!
الموضوع :

وانا بالمسيد دزتلي صديقتي تقولي ان اسير النهضه اليوم ، لأن عندهم سهره / جي خواطر واسئله وسوالف ،
فـ شديت حيلي ومن خلصنا التراويح سرتلهم ، بس إهي حضرتها كالعاده تأخرت شويه ، فتميت قاعده روحي بالصف الثالث انطرها ..!

إلا شوي ، شفت حرمه يت قعدت عندي ، استغربت شوي مادري ليش ^^"
يمكن لأن المكان كان بعده فاضي ، الكراسي اللي جدام حتى اللي حولي ، فماتوقعت إن أحد بيي يقعد عندي على طول ..

من قعدت ما شاء الله تمت تسولف ، وكان مبين عليها وحده جي دينه وبنفس الوقت خاطرها صافي ،
يعني تسولف عن الحفظ والبنات اللي ينشدون ، وسوالف البرامج ، عن نفسها وعيالها ومن هالكلام ..

وعقب يت وحده بعد قعدت حذاها تعرفها من قبل ، فعرفتني عليها بالأول وعقب قالتلي صادقيها هذي طيبه وجي ،
فبالأخير ما قدرت أقوم من مكاني واسير صوب صديقتي ، فشله ، وبنفس الوقت كنت حابه سوالف المرا ، جي تتكلم بحماس ،
بس شوي كانت سوالفها غريبه ، دخلت بالجو وايد ما شاء الله ، وكنت شوي مفتشله مادري كيف ..

وايد تمت تتكلم عن عيالها ، شلون انهم اقربلها ، او بالأصح بما إنها تقضي وقت اكبر معاهم فطبيعي بياخذون منها أكثر ،
وتمت تمدح بولدها العود ، وانه ماخذ من الاثنين وعاقل ، بس الثاني شوي طايش ، اما بنتها الاصغيره فلازالت صغيره !

وعقب شوي ردت قالت تدرين إنج وايد طيبه ^^" ، بغيت أقولها حبيبتي لا تقصين علي =#
وبعد شوي ردت تسألني إنتي أهلج كلهم مثلج جي طيبين ، قلتلها لا أهلي أطيب عني p=
وردت قالتلي تشبهين فلانه بنت يارتنا ، عيونج بالذات ، وعقب تمت توجهني لأشيا ، هذا كذا وهذا المفروض يكون كذا ،
حسيتها ما شاء الله عليها واعيه وتحب جي تكلم الناس عن الأشيا اللي اتعرفها ، وكالعاده الأسئله اللي ماحبها لازم تنطرح ،
مادري ليش أحسها تحقيق ، كم عمرج ، تدرسين ، ليش ظهرتي ، تشتغلين ، متزوجه ولا ، وين ساكنين لول
حتى استغربت لمن قالت انتي قوم منو ، تمت جي تحاول تتلفظ به وماتعرف ، لول انصدمت حسيت مادري كيف ماتعرفه ،
وتالي تمت تقولي انج متواضعه ، وحضرتي معروفه ماحب لمن يمدحني احد اختبص ماعرف بشو ارد ^^" ،
وزين يوم غيرت الموضوع عقب ..

,

غريبه صدق ، يعني ما اعتبر من النوع اللي ياخذ ويعطي وايد مع الناس ، ماتعرف عالناس وايد ، ولا أحب مثل هالأشيا ،
بس جي اصادف ناس أحيانا مادري كيف جابلتهم وكيف تكلمنا وكيف وكيف ، ما شاء الله عليهم ..

تبادلنا الأرقام ، احليلهم ، الحرمه يمنيه ، والبنيه الثانيه مصريه ، وهذي الثانيه كانت وااايد جي خجوله أحسها ..

ووو بالأخير ، كنت رايحه أساسا لأن ربيعتي قالتلي تعالي ، بس يدوب شفتها ولا قعدت عندها !
+ كله ولا يوم شفت طيطار عود عاليدار وراها ، لمن رحنا برا القاعه ، احليلها تخرعت فجأة شافتني ازاعج واراكض ،
اونه تمساح ، مالة علي :wacko: ..

بس وااااايد وااااااااااايييــــــــد كانت الأجواء طيبه ، وجي تستانس لمن تشوف الناس تردلك الابتسامه باللي ازين منها =]

ربي يوفجهم دوم لمثل هالأعمال ، ويرحمنا جميعا باذنه ..

~

[الا انا]

.^^

سلامتج الف سلامه يا صديقتي من التمساااح .. خخخخ

^_^


..

اليوم : 9.9.2009


المود : عادي ..!!


...

بسرعة تركض الايام .. وبسرعه مر رمضان ... وكل شي يمر بسرعه البرق ..!!

العيد جرب .. ووايد شغلات بتتغير من بعده ..!!

الي بيبدى حياة يديده ..

والي بيبدى يعيش ببلاد غير بلاده ..

والي بيبدى شغله يديده ..

والي والي ...

><

احس مادري .. هالسنه غير .. ابغي اغير وايد شغلات من نفسي ..@@

الله المستعان ..

...

البارحه كان احلى يوم ..

ظهرت مع حبيبتي ام تركي ..

اتصلت فيها ولا هي جريبه من بيتنا .. قالت .. يالله لبسي ونزلي بسرعه بظهر ...
عاد انا الحين انخمد هالوقت .. مسطله ومالي خلق ..
كنت متوضيه بس ابغي اصلي ..

وبسرعه بسرعه ظهرت ووصلنا بيت عمتي صلينا .. ويلسنا نسولف .. جنه سيلانيات .. مب جايفني بعض من متى !
يت عمتي وبنات عمتي ... حسيت اني دهريه ومغبره ... من متى ما جايفيني .. لوول ..
حبيبتي هالعمه اموت فيها ..^^ ..
يلسنا وسولفنااا ..

ووصلت بوس العايله ( يدتي ) هع .. وعاد اخذ الحين شو بيسكتهاا < انتي ما تمرين ما تسالين < ياربي ><
يلسناا .. عاد عمتي ما خلت شي ما حطته .. < توني فاطره ماروم >< ياربي < استحي يوم احد يغصبني عالاكل

...

عاد لازم .. ما نروم .. يوم نروح بيت عمتي لازم نطلع ... ام تركي .. فيها دوده ما تروم ..
وطلعناا .. وطبعا لازم الشيخ تركي .. يصييح وماما .. ومادري شو < يعني فهمي بيي وياج .. اخيييه ماحب اليهال بالطلعات ..<< مادري كيف اليهال يفهمون انه يوم نلبس عبااه يعني طالعين ..><

طلعناا .. ويالت ما طلعناا ..
الحين نحن الي بنظهر وهو يركض يبغي ييلس يدام < اويييه والله ماخلاني ايلس يدام < اتخيلواا .. هالنتفه الي عمره سنه وشي .. يسوي جي فيني .. ههههههه ضحكني < والله يلست ورى اتخيلوا هع هع >< تحطيييييم

قلت لها والله مابى ترديني البيت ..
وضرابه انا وهو ..>< هع ..

بس ونااسه .. لين 11 رديت البيت .. وعلى طول رقااااااااد ><"

...


هالمسج مليون مره وصلني



‏​التاريخ: تسعہ (9) ،،
الشهر: تسعہ (9) ،،
السنه: ألفين وتسعہ (09) ،،
الله يعطيك أغلى وأحسن
تسعہ (9) أمنيات تتمناها يارب ،،
صباح مميز في يوم مميز
لشخـ♥ــص ممــيز !!
(09 / 09 / 09)


.^^

:)

[أنامل قلب]

^ دببــــــــه ، بس لا صدق والله كان عــــووووود ،
يعني ينفع يكون ولد تمساح P=
وفوقه الدنيا ليل ، واضوية الجمعية عاكسه الظل بشكل زاد من رهبة الحدث :tounge: ..

/

اليوم : الاربعا ..
المود : .. .... .!
الموزوع : مواقف طريفه ..

بالأول كان عندي موعد شفت فيه بنت واحد من معارفنا ، من الناس اللي تركت أثر حلو ما شاء الله ،
جي حسيتها وكأني أعرفها ، اصغر مني بسنتين اظن ، طيبه وعيبني سلامها ،
بعض الناس لمن نصافحهم نقبض يدهم بشكل كامل لكن نحسهم مول ، بس هذي ردت شدت على يدي ،
وهالحركه البسيطه روحها كم تقرب الشخص من الثاني ، ما شاء الله عليها وربي يوفجهم ..

المهم ، العصر كان عندي كالعاده تدريب الليسن ، وعلى فكره للحين ما امتحنت باركنج بس لأني مو لاحقه آخذ موعد ،
لأني اتواجد بحدود الساعه ثلاث عندهم واهمه يخلص دوامهم ثلاث فيروحون ، وكل مره جي ،
إلا مره لحقت عليهم وهالمره الوحيده اللي كنت ناسيه فيها الاورقه الصفرا بالبيت ! / صدق فالحه ..

احم شكلي بمتحن كل شي بيوم واحد !

,

حشرت مدربتي واااااايد اليوم ، بس اهي بعد صدق ماتقصر فيني ، طول ما انا اسوق تنبهني للميرورز على قولتها ،
خلاص الواحد يتشتت يعني حتى لو انا حاطه ابـ بالي اني بشوف وبهتم وبركز ، من زود ما تقعد تعيد اختبص ،
إلين آخر شي سويتلها طاف وبديت امشي على كيفي لول ، قعدت أمثل لاختي وامي شلون كنت اليوم وتمو يضحكون علي ،
وقعدت اقولها كيف تمت تتكلم وتتحرطم عليه ، حتى صوب الاشاير داست عني البريك جي بقوه ، اونه واتس ذيس ،
آيم تيلنج يو يو شود سي ذا ميرور ، سي ذا ميرور ، هاو ماني تايم آي شود ربيت اون يوم ، واتس ذا شولدر مين تل مي ،
دو يو نو واتس ذا شولدر از / وانا جي باااارده ، رديت اقولها هيه ، يعني هذا واشرت على جتفي لول استهبل زين ما انجلطت ،
استغفر الله يعني ، بس والله ماابي اتكلم لأني لو تكلمت احتمال ازيد واسو سوالف ، ان يعني اغير المدربه وجي ،
وانا ماحب هالخرابيط او اني احط نفسي بهالأشيا ، فـ لأول مره حسيت انها واهي تحط علي كنت عــــــااااديه ،
حتى بالأخير لمن ردينا المركز تقولي ها شو لهذي الدرجة أنا خسفه ماتبين تصدين صوبي (تطري سالفة الشولدر) ،
اهني صدق قفطت / جان اقولها لا شو ما يخصه وتمت تضحك / معجزه احم ! ، بس أحسها وايد تباني الف ليـ الجامه الخلفيه ،
كيف جي اكيد ما بروم وانا توني يعني المفروض احاسب عاللي جدامي ،
فتمت تكلمني شوي وتقولي كيف وجي والخ ، احليلها والله صدق =)

,

مستويه وايد اقلد هذي عواش اللي ابـ خوصه بوصه ، اللي كله تقعد تقول ليـــــــش وتمطها جي !
أقول للوالده : لييــــــــــش ، ليـــــــــــش انتي جي ما تسمعين الكلام ليـــــــــــش / لول ، زين ما كفختني :k_harhar1: ..

وهيك ، انقضى يوم آخر من أيام الشهر الفضيل !

ربي يعين ..

[الا انا]

.^^
لوول ..

نفس حالتي مع مدربتي ><" بالظبط .@@

هي تيلس تتحكم ..< بكل مره اهزبها اقولها شلي ريولج عن البريك ..
><
كل شوي سوت بريك ><" لين ما هزبتها والحين تادبت لوول ..

...

[مزن هتان]

أنامل قلب : من كم يوم تقولي وحده لا يكون انتِ عواش ليش P=

اليوم : الخميس
المزاج : الحمدلله تمام

الموضوع

هـ اللسان مودني في داهيه و مخلي الانظار عليه
اونه شو نحن يمكن فاهمين قصدج بس غيرنا لين سمع بيقولون هاي فاصخه
الحياء !! يعني شو أسوي أنا أعز شخص و أحب ابين له انه أعزه عادي والله دام
متأكده من الطرف الثاني حسن النيه و لله الحمد =)

امايه تقولي من فتره مزن صايره بنت o.O ليش و أنا شو كنت يعني ؟!
تضحكني يوم تقول أنا يايبه 3 أولاد مش ولدين، أقولها قولي الحمدلله
انه ينشد فيني الظهر لما أبوي و أخواني مش بالبيت هع "أخت رجال" تفلعني لمن أقولها
فديت ليلى بتخون فيني و بتسافر =(

مطفره عمي هـ اليومين حبيب قلبي بوحميد :fa41:
^^ يحفظك ربي

[الا انا]

.^

لول .. الله يحفظكم وخليكم لبعض ^_^

اليوم : الخمــيس ..

المود : عااال العااااااال وو فوق النخل فووق فوق لوول ...



ويكـ اند .... اخيرا ... اشتقت لخواتي وايد وايد ^_^ احب هاليوم الكل يتيمع .. وناااسه

><..
^^
اليــــــــــوم يوم السعد بالنسبه لي ..
:) :) :)
اليوم احلى يوم واحلى ساعه واحلى ميتنق ..><
صج صج صج ما توقعت ..!! انا قلت ما دري شو مسويه خيافانه كنت .. وايد .. وطلع العكس .. اول ما قال الكل يطلع وفلانه تمي < قلبي طاح فبطني اميييه شو يبغي هذه >< لوول

Unique ,,, Strong >> OMG
ما توقعت ابد ابد < احصل على هالتقييم بس خلال اسبوعين من الدوام ..^_^
واكون الاختيار الاول من بين 22 students
><
:)

الحمدلله .. التغيير طلع منه فايده .. وملحوظ .^_^

...

[رمــش الغـــلا]

تستـآهلين الا انا ^__^

======

مزن ليش لول .. =) مـآشالله عليج حلو يوم يعتمدون عليج ^__^

======

اليوم دشينا الجمعة

بس برمس عن الخميس ..~

امم رقدت السآعة 6 ونشيت 11 ونص عـ خبر وفـآة صح اني ما اعرفهم بس مب حلو يوم أشوف غيري مضايج وزعلان>< [ الله يرحمهـآ ويصبر عيـآلهـآ ] .. فرآق الام صعب ..

امي قالتلي وديني كارفور وبالمـرة قلت بخلص شغلة البنك ..
طلعنا انا وامي وسلطون ..،
مريت البنك أمي وسلطوت يتريوني في فالسيارة نزلت
أول ما دخلت أشوف اللي يالس عالكاونتر يرمس فالفون وياشر بايديه يسويلي لااء ..ّ
انا حليلي افتشلت سيدا رديت قلت بسير يمين يمكن هـ الصوب ..

يوم سرت أشوفه يقولي تعـآلي شو بغيتي .. اونه انا كنت مشغول بـ التيلفون شوي ..!
[ سبحان الله !! ]

المهم سرت وييت بيلس أشوف كرسي لاين وآحد ورياييل وحريم يالسين ودوري بعده اثنين قبلي ><
وين ايلس توهقت !
تميت وآقفة عل وعسى واحد ينش من مكانه والا يسوولي مكـآن يعني
والاحرآج ان شكلي وآيد غلط انا واقفة جيه .. والحرمة اللي يالسة الريال وايد قريب منهـآ يعني استحي أيلس ><

شوي جان ينش الولد اللي صوب الحرمة سيدا سرت يلست .. أشوفه يا ويلس عندي قريب وآآآيد .. صح انه زلمه وصغير شوي بس حتى لو احسه هو عـآدي عنده يعني
>< بس اففف قمت الإحرآج استحيت انش جان اسحب عمري شوي شوي لي شوي وبلصق فالحرمة لووول ..~
المهم لين يا دوري خلصت الشغلة وسرت السيارة

وعقب مريت ويا امي كارفور .. طبعا ويا أشطن ولد سلطوون ..
فظحني فظييييحة ><
مرة امي سارت اتييب شغلة وانا وياي العربانة واتريـآها اشوي الا ما اشوفه ادوره يمين يسـأر اشوفه يزقرني عموووه رمش .. طبعا كل حد عرف اسمي لول ..!
ااشر له تعال .. يضحك ويركض يتحرآنا فالبيت والعب وياه ..
ويترياني الحقه وامشي وراه ابا اييبه ما قدرت يركض بسرعة لوووول
والله فظحني وامشي لين وصلتله ومسكته وركبته فالعرباانة ..
خلصنا من كارفور من بعد الفظايح اللي سوواها..

شاف SWEET FACTORY الا يباااه
اقوله مسكر نحن صايمين لاا يسير ويصااارخ انتي مب حلوة ابا الحلاوة
اقوله الحرمة محد .. يقول لا ابا .. عقب امي تراويه ان السدات كلها مسكرة اسكت واقتنع ..

دشينا محل يهال .. الحبيب مشى وسار شال الحوض مال سبوح اليهال
اونه امي بنشتريه هذا ><
كل حد يشوفناا اللي يقول اول مرة يطلع ..
وانا اباا اضحك ومقهوورة منه نفس الوقت..
شوي سار عند عربانات اليهال فالـ Display وجلع الـ tag مال السعر ><
افتشلت من الحرمة اللي فالمحل ..

ووووووايد مواااااااااااااااااقف محررررجة صدق ><

اخبر اخوي وحرمته قالوا مستغل انتوا طالع وياكم بروحه يسوي حركااته ويستعرض والا وياهم ما يسوي كل هذا هههه
الله يسـآمحه بس زين انه الصبح والا جان ما تم حد ما عرفنـآ لووول =)

.....

وقبل شوي رآدين كنا سايرين بيت حد من الاهل .. يخبر امه يقول الستيشن سيارة عموه رمش ههههه
لانه كنت طالعة وياه الصبح وفليل بعد بنفس موتر البيت الستيشن " وسمـآها باسمي لول " ^_^

[مزن هتان]

رمش الغلا : تقولين ليش ؟ أكو بنت بهالعمر ما تعرف تحط كحل =) ؟
مو حلو يعتمدوا عليه بالاخير صرت زي ما تقول امي ماكو أنوثه

اليوم : بتكلم عن البارحه المسا
المزاج : وناسه

الموضوع "جمع تبرعات لـ جمعية أصدقاء مرضى السرطان"

وصلني أول الاسبوع مسج "ما تعرفين بنت ترسم ع ويوه اليهال" المهم لقيت بنت عمي
و أختي يعرفون بس مو ذاك الزود دزيت اساميهم و البارحه وديتهم و امي قالت قعدي معاهم
رحت أنا و اثنين من خواتي و بنات عمي الاثنين يوم وصلنا هناك أختي قالت مزن ماني رسامه لهم أخاف
أخرب ويوهم قلت اوكي بطلع مهاراتي ع ويه اليهال المهم شخبطنا أنا و بنات عمي من 9 الين 12
خبلت فيه فطوم بنت عمي "12 سنه" لسانها طويل شو سوت فالصغاريه اللي يقعدوا يتشرطون
آخر ياهل كان عندي يريد سبايدر مان ويه كامل شو سوت فيه اونه نحن بنروح بس خلاص تعبنا نحن
ليش ياي هالحزه "كان هندي" حبوب والله و اللي معانا بس يسمعون سوالفها و يضحكون
لئيمه اونه قوليلهم الرسم بـ 5 دراهم و اهو اصلا فري قالت حق كم واحد بـ 5 راحوا


شكرا أخوي محمد عـ الفرصه

[أنامل قلب]

^ احليلكم =)
رمش ، ربي يحفظه لكم ..
اختي الا انا ، تستاهلين تستاهلين ،
وعن المدربه فـ عني أنا مو من النوع اللي يناجر احد ولا اني اقعد افاتن ،
ما يخصني بهالسوالف ولا أحبها أساسا ، ولا قتلها كلمه ! ، بس مشكلتي إنها تسو شغلات صدق ماحبها ،
فتلقوني أحيانا أتنرفز وفوقه مو من النوع اللي يتكلم ، عشان جي اصير بارده معاها ،
وفوق هذا بعد ما يرضيها لول ، مو كافي اني كاظمه غيظي P=

مع ان ممكن يكون من حقها الصراحه ، اكيد تقول احر ماعندي ابرد ما عندها !
ولو إن إهي اللي تحط نفسها بهالمواقف ، بس اممم مادري يمكن لأنهم يبون يخلونا نسوق
بشكل يرضي اللي يمتحنون ، تدرين بعد فلسفتهم =/

,

اليوم : الجمعه ..
المود : .. ..... .... ..... .... .!
الموضوع :

أحلى وقت لقراءة القرآن بعد صلاة الصبح ، خاصه لمن الكل يكون نايم ،
ووو بعدني ما قريت سورة الكهف + كنت أبي أقولهم إيوني البيت بس شكله ما بينفع اليوم ،
وهيه ، في برنامج كل ما ارد اشوفه باليوتيوب أرد أحس بنفس الاحساس ، ربي يجزاهم عنا كل خير ،
صدق والله جي تميت أفكر شلون الناس تطرح شغلات وعقب يمكن ينسونها ، ولا حسبالهم ،
لكن مثل ما إني ييت وشفت ورديت شفت وبعد برد اشوف ، ولازلت أحس بنفس الأثر ولازلت أقول يزاهم الله خير ،
يعني أكيد في غيري وايد ، وكل هذا بميزان حسنات كل مبادر باذن الله ..

,

أمس كنت يايه ألبس الشيل اللي يابولي اياها للبيت ، اجرب شو الاحلى ^^" ،
مع إن نحن عايلتنا ماعدنا سوالف ان نقعد كلنا مع الكل ، اقصد رياييل وحريم ، الا اللهم جان ماكو احد غير الاكبار ،
وهذول بعد يعتمد اذا من المحارم وشنو صلة القرابه ، الا بالعيد ، اممم عيالهم كذلك ايون يتغدون عندنا ،
فنقعد كلنا وقت الغدا مع بعض ، وعشان هالنص ساعه متوهقه !

لمن ييت أشوف الشيل شلون حسيتهم شوي خفاف ، مع ان طولهم حلو والقطع كذلك حلوه ،
صدق مووول ما كنت متفيجه افكر اقعد اغير هدومي وعقب ارد البس اللي كنت لابسته ! ، لكن شكله لا مفر ..

,

مرات أقول أشيا مادري كيف استغفر الله تزل من لساني ، نفس امس ونحن بالمسيد انا وربيعتي ،
بعد ما صلينا اربع ركعات ما لحقنا نقعد شفنا الامام رد قام وقف بيكمل ، فربيعتي تقول غريبه ليش جي بالعاده بنطر شوي ،
قتلها : يمكن بيطوفه المسلسل =# ، استغفر الله والله صدق مادري كيف طلعت من لساني ، ضربتني وتمت تضحك بنفس الوقت ،
يمكن لأنها كلمه صارت تنقال وايد ، وانا شكلي يبالي كفخه :fa46: ..

وهيك يعني ، يالله أذن العصر { ادعولنا ..

[أنامل قلب]

اليوم : السبت ..
المود : .. .... ~ .!
الموضوع : وللمره المادري كم / تدريب الليسن !!"

,

اليوم عاد يقولون إني وصلت حدي ، صيحتني !

قتلها خلاص رديني المركز ، مابي أسوق ،
إلين وقفتني ع طرف الشارع بالباركنج ، وتمت اونه بتكلمني ،
وانا مااا احب اني ابجي جدام احد ، خاصه لو هالأحد ما لي علاقه فيه ولا هو قريب لي ،
جي تميت اصد الصوب الثاني ، وارد ابتسم مثل اللي تضحك على روحها ، استهزاء على استنكار يعني :glare: !

تمت جي تبي اونه تفهمني ولا تبررلي اهي ليش جي ، وانا ماكو مو قادره اسمع ولا طايقه اسوق اصلا ،
ظهرت برا السياره ورديت قعدت ورا ، قتلها خلاص قعدي مكاني ورديني المركز ! > اتشرط بعد ..

بالاول تمت تزقرني ، وعقب تمت تحاول معاي ، اقولها بس مهمن كان الواحد يكون طيب بالتعامل مو جي ،
انا ماعندي اغلاط جايده وجي كل شوي شاده اعصابها / اللهم على سالفة الميرورز والشولدر ، عيل لو كنت من اللي مول شو كانت بتسو فيني ،
وردت تتكلم وتتكرم وتتكلم ، وانا ســــااااكته كالعاده ، إلين قالت أونه أنامل قلب مهمن كان أنا أكبر عنج مو لازم جي تسوين ،
اهني صدق والله واااايد زعلت ، قلت بخاطري الحين انا من شفتها وليـ يومي ما قتلها شي ، وحتى اليوم ما قتلها شي واتكلم معاها بالزين ،
وتشوف شلون صيحتني ، بالأخير تقولي هالكلمه ، والله جي حسستني شلون إن ما شي يبين بعيون الناس غير اللي يبون اهمه يشوفونه ،
وقتلها بعد ، الحين بعد كل هذا تقولي هالكلمه ، الحين بالله عليها هذي كلمه تنقال جي ..

وماشي ، تمت تتكلم وتتكلم وتقنعني وتقولي ان اونه لو كانت اختها مكاني جان تمت توجها بنفس الأسلوب ،
لأن على كلامها اونه يعني جي بتتعلمين وبتنتبهين وبتركزين اكثر ، وانا اكثر منج أبيج تاخذين الليسن ومن هالكلام ،
حتى ردت قالتلي اونه حطي نفسج مكاني ، ماكنتي بتكونين مثلي / قلت بخاطري بسم الله علي الرحمن الرحيم ..!

وكالعاده أساسا ماحب أحط نفسي بهالأشيا ، آخر همي والله إني أحط موضوع الليسن باعصابي ،
رجعت مكاني ورديت اسوق / بس مادري اممم ماعرف كيف أييبها ، تعرفون لمن تحسون أحد ماخذ موقف من كل المواطنين !
هذي أحسبها جي ، مادري اذا صايرلها شي ولا ان تكرر معاها كذا موقف ، بس كله جي أحسها ،
حتى قالتلي مره اونها تعرف عربي بس ماتحب تتكلم هاللغه ! تقولي بس جي ماحبها =/

بغيت أقولها لا دخيلج حبيها :glare: !

,

قلت حق الوالده ، اونها المره اليايه بتي معاي ، ولا بتخبر ابوي واهني الطامه الكبرى ،
طبعا ما بخليها ، حتى ما قلت للوالد عن الموقف ، مافيني والله على صدعة الراس ،
وبعدين كاهي شاطره وشدتها نفعتني ابـ أشيا ، وزين الموقف اليوم بيبينلها شوي إن في تجاوز صار ..

,

هيه صح ، وأخيرا خذت موعد لامتحان الباركنج ، ما بغيت الصراحه ! صدق وايد تأخرت بس لأني مالحق عليهم ،
هالمره ابوي راح قبل لا يخلص دوامهم ولحق عليهم ، ووو عقبال الامتحان الاخير ..

وبس ..

[عافك الخاطر]

الأحد
13.9.09
المزاج: اشتياق مبعثر ..
- عندما تصطدم رغباتهم بمبادئك .. هنا فقط عليك أن تضع الحدود الحمراء بثقة و تنصرف بهدوء. محاولات الاندماج مع الآخرين لا تعني بالضرورة أن نكون قابلين للانسياب في كل لحظة...
- لا أمل الانتظار.. اعتدت عليه ..لكن اليوم بعد أن اوصدت ابواب المكان و بقيت وحدي..شعرت بوحشة كبيرة لم أعلم مصدرها..انعكاس وجهي في المرآة كان انعكاساً لأشياء أعمق في ذاتي.. كأن كل ما حرصت على كبته في داخلي رأيته أمامي يطفو مع أشياء كثيرة كنت اظن انني لن أتمكن من رؤيتها تبزغ من جديد...
أحتاجك الآن أكثر ..
- جميل أن تلتقي بأحدهم بعد يوم شاق طويل كدت فيه أن تفقد الأمل من كم الاحباطات التي تنهال عليك من كل الجهات ، ليخبرك بأن الأمل كان كل ما يملك ليواجه به شدة مرضه و المحنة التي انتهت به ببتر ساقه ..
لسببٍ ما..أنا ممتنة لك كثيراً
- كان عمر اللقاء اسبوع واحد فقط .. لكنه ترك أثراً عميقاً في نفسي.. أحببت (اللهجة) قبل كل شيء.. ربما كان الاهتمام جزء من تأدية الواجب بالنسبة لهم ، لكن كان يعني الكثير بالنسبة لي .. مُنحت إحساس لم أحظ به منذ زمن قديم .. إحساس بالثقة و بأن كل شيء ممكن ..

[مزن هتان]

الاثنين

البارحه أنا و ام سيف عصبنا على عمي بوحميد
عمتي تقوله خاطري بـ كنافه يقولها ماني يايب لج "اقول حق أختي هذا و هي أخته الوحيده ؟"
المهم راح لين المسا أختي خبرت أمايه كلمي عمي خله ييب لها كنافه من كلمته أمايه نص و
هو يايب الكنافه، أقول حق أختي عمج قام يمصخها ترى
قاطع كل عمامي و عمتي الا عدنا طبعا لأنه يتحاسب عـ اليوم اللي ما يتصل فيه اذا ماقدر يينا
عمتي من فتره طالبه منه حايه ساحب عليها الريال والله !! المشكله أبوي و أمي مكبرين راسه
وايد وايد يفرق صح اني أموت على عمي بس بعد ماحب يوم يقعد يفرق في معاملته امبينا و
امبين عيال عمامي و عمتي

البارحه تقولي ربيعتي مزن انتي وايد تدلعين o.O
أنا اللي يقولي دلوعه كأنه غلط على أمي، عطيتها من هاك اللسان

على كثر ما ألعوز أبوي و أزعل عليه بس والله أحبه
ليش البنات يحبون أبهاتهم أكثر من اميماتهم ؟

[رمــش الغـــلا]

^ أنا أحبهم الاثنين ..، بس بعد أمي غيييييير وحبهـآ غيييير ] ..الله لا يحرمني منهـم..~

[أنامل قلب]

اليوم : أيا كان ..
المود : ... .. ~
الموضوع :

/

أتمنى والله ، بس مادري هل أبدي فيها بروحي من غير علم أحد ، ولا !

مادري حتى إذا نيتي من ذلك الناس قبلي ، ولا نفسي قبلهم ،
لكن بكلا الحالتين أرجوا أن يكون كما أشتهي ، وكما تمنيت ..

وايد بيعنيلي مثل ذلك ، وبالمثل بيفتحلي مجال لأمور أخرى ورؤية أوضح ،
مابي أكون من النوع اللي يفكر بطريقة [ بيصير كذا لمن بيكون كذا ] ،
أبي الـ بيصبر يصير معاي حتى من غير الكذا الثانيه / المهم إن قصدي منه ألقاه باذن الله ..

باذن الله ، وسبحان الله ماندري وين الخيرة بتكون ،
بكل الأحوال أحب التغيير ، وأمل بسرعه ، وأحب أحافظ عاللي عندي ،
ولازلت محافظة عليهم ، ولازلت كما كنت أغير وأغير وأغير ..!

~

يا ترى مثل ذلك ، وإن ما كان ، بنلقاه بكتاب أعمالنا !
هل مثل ذلك يعتبر من النيه اللي تكتب ، وتحفظ ، ونفرح بها ...!

ياربي ، اشكثر مخبصه ..

~

ادعولـــي ، تراني أدعيـــلكم ،
{ وحافظوا على كرم هذي الأيام الكريمه ..

[عافك الخاطر]

الثلاثاء -15.9.09
المزاج: أرق
- يبدو أنه قُدر للأشياء التي احببتها واحبها سرعة الفناء..
- ليت للنسيان طرق مختصرة نتجاوز من خلالها مرحلة الاشتياق المؤلم لكل تفاصيل الغياب
- الأرق (ذبحني)، و ساعتي البيولوجية في تدهور مستمر ،و كتاب ضخم مطلوب مني اعرف كل شبر فيه .. وانا مسوية طاف للعالم..
محتاجة اقطع وسائل الاتصال مع العالم الخارجي....
- الصبر هو كل ما احتاج..

[طير الغرام]

^

ربـي يعينــج ،، وييســر أمــورج إن شاءالله ^ـ^

[عافك الخاطر]

ويعين الجميع يارب :)
تسلمين طير

[مزن هتان]

الثلاثا
=(

حبيبتي يا سيارتي
1. أبوي قال لي ما تطلعين بسيارتج الا للدوام، لأنها خربانه "السفايف خالصه"
2. صرت أوقف سيارتي برع البيت عند الباب الجانبي عشان ابوي مايشوفني لين طلعت المسا
3. سيارتي تطلع صوت خااايس، صرت ماحب ألزم بريك "احساس انه الدرامات ولت"
4. كلمت أخوي العود و انا طالعه الصبح للدوام نخيتك شقيقي سيارتي تشوف لي صرفه لها
اليوم بعد المغرب شلها قالي اعتمدي و سألني اونه انتي سيارتج وين هاليومين اقوله خاشتنها
عند الباب الثاني عشان أبوي =)
5. ما بقى عـ العيد الا كم يوم و العيد = صالون وع ع ع ع الله يعين

[طير الغرام]

^

الله يعينــــج

:

اليــوم : السبـــت
المـــود : http://oasis.bindubai.com/bin/images/mood/Stressed.gif (http://oasis.bindubai.com/bin/index.php#)
الموضـوع : مشاويـر العيـد

بـرمس عن أمــس ٦٠ ألف شغلـه وشغلـه وبعـد ورانـا ظهـرات اليــوم [ حتى أمــس ما اتفيجــت أحـدر الواحــات ]
أنا ماقهرني غير هـ الحنايـه اللي من الصبـح وهيه اتقول حق ختيه بيي وبيي وطل افـ ويهــهـا قلنـا يمكـن ربـت لنهـا حامــل !
وعــاده أنا هب من زود ما أتحنى كل عيـد بس هالعيـــد مايخصني أبا آتحنى يعنـي أبا أتحـنى
المهـم تمينــا ع هـ الحــال نتريـا الحنايـه ،، ليـن عقب الفطـور قلت حق ختيـه خلينـا انروح المارينـا وانخلـص مشاويرنـا اهنــاك
رحــت وخــذت طقـم صحـون حق العيـد وصحون حق التقديـم وأشيا ثانيـه من هوم سنتـر وعقب حدرنـا المـــول زين قبل الزحمــه
وخلصنــا كمن شغلــه >> لاحظوا كمن شغلـه هب كل الشغــلات !

حسيـت والله باللي يشتـرون حق حد مايكـون معاهــم إلا يعيبنـي هذا وعقب أصوره ولا أدق فيديو كول وعقب أتريا الموافقـه من الطرف الثاني
جان عيبهــم ولا لا !!

وعقــب ماخلصنــا من المــول مرينــا ع ثــلاث خياييـط وكلهــن تعديــل [ كناديري وكنادير خواتيـه ] وأنا ما أداني الخياييــط مرات أخلي خواتي هـن اللي يخلصـن لي هالســوالف!
ويــوم ييت عند الخياط اللي فيه كناديـري قلتله كناديـر بإسـم فـلانـه ....... جان يقولي ما يعـرف بس فيـه هـذا فاطمـه ....... وأنا أجوف الجيسه جيستيه نفسها اللي يبت فيها الكنادير [ ع كيفــه يغيـر اسميــه P= ]
ويوم جفت اللي داخلها قلتله هـذا مالي أنا ،، جان يقولي أوه ســوري وأنا افـ خاطريـه أقولـه صباح الخيــر

و ع أساس انــرد البيــت وانحصــل الحنايــه موجــوده بس مايــت !! [ لنــه تقريبـاً رادين البيـت ع الســاعه ١٢ واحنا أونه سايرين بنخلص أشغالنـا فـ ساعه ]
فـ اظطرينــا انـه انـروح لـ صالــون ،، متى عاده هـ الرمســه ١٢ وشي جريب الـ ١
وماشاءالله احنــا حول الـ ٨ بنـات
سرنــا واتحنينــا ،، وردينــا البيـــت ٥ إلا ربـع !!! حسيـــت أشكالنـا غلـط زين انه ختيه اللي ردتنـا
مع إنـه فـ السيــره نصنـا ساروا مع الدريول والنص الثاني مع ختيه [ وفـ الرده ع دفعتيـن P= ]
وأنــا افـ خاطريـه أصبــغ شعــريـه فـ خاطــر خاطريــه والله :smile2: بس واايـد خايفـه ع شعريـه من كثـر ما قـام يطيـح هالفتــره
المشكلــه ما أحـب أخلي شي افـ خاطريـه :k_harhar1: خليـت ختيـه تصبغليـه فـ البيــت :fa47:
وهـ الكلام ع الساعـه ٦ الفيــر
وليـن ما رقدت وقمـت ع الساعــه ١٠ يعني صــدق تعـــب

واليــوم بعــد ورايـــه كمــن شغلـــه ،، آآآخ راسي يعورنـي جنـه عــرس
وفـوق هـذا كلـه شكليــه بمـرض حلجـي واايـد يعورني وفيني كحــه وأظن أظن الزجـام ياي فـ الدرب :fa36:

ما يستـوي العيـد يكـون يوم الإثنيــن :whistling:

[مجموعة إنسان]

أمس الخميس,,

كان يوم عادي ,,
قمت الساعه 9 ومافي حد في البيت ,,
تصفحت الجرايد وشربت نسكفيه ( عاده يوميه ما نقدر نغيرها)
شفت تلفزيون شوي

لما صارت الساعه 10 سرت سبحت لان كلاسي 12 او 11:55
حضرت الكلاسين خلصت دوامي ورجعت البيت

وانا راجع اتصلت بحرمة اخوي قلت لها تي بيتنا .. طبعا عشان الصغارية الحلوين
الساعه 5 رقدت
وللأسف للمره المليون ينسوني ناايم لين الساعه 8
قمت وسبحت وهالسوالف

شفت فلم Charlie Wilson's War


تعشيت

وباجر الصبح ان شاء الله بسير راس الخيمه اودي ابوي وامي ,,
مع ان ما ودي ارووح هناااك ,, مللللللللللللللللل بالقووووو
بس ماقدر اقول لاا ,, ممممم


في كلمه قريتها وعجبتني عن الليل لــ الرسام فان غوخ
"كثيرا ما اضن ان الليل أكثر حياة وذخرا بالألوان من النهار"



والحين
تصبحون على خير

وتذكروا


لا تنسوا ابتسامتكم

[طير الغرام]

^

وإنتـــه من أهلـــه بــروو ^_^

[طير الغرام]

اليــوم : الخميـس ولا اليمعــه [ بين الإثنيـن P= ]
المـــود : http://oasis.bindubai.com/bin/images/mood/Sick.gif
الموضـوع : Tired & Sick

اليــوم من بدايتــه ما كــان حلــو
ارقـاد مستويــه ما أرقـد عـدل !
ودوامي من صباح الله خيـر ٨ ونص والقهـر طلعـت أنا امخرفـه واليـوم دوامي هب ٨ ونص الاسبوع الياي بيكون ٨ ونص الخميس
المهــم قلت فرصـه دام عندي وقت لين وقت الكلاس الثاني ١٢ ونص أرد السكـن وأرقـد اشوي :redface2:
وبسبـة الكحـه المستعصيــه اللي فيني ما قدرت أرقد عـدل ولين ما رقـدت اشوي وجان يرن المنبـه تميت متعايزه أقوم ولا لا !
آخـر شي استقريت ع إني أكمـل ارقادي ولا إني أتم أكحكح طول الكلاس وأنا جيـه !! صح إنيه حسيت بتأنيب الضمير لني ما حضرت الكلاس بس شسوي !!

رقــدت وقمت ع الثنتين وشي لنه ورايـه درب بوظبي >> أحس لو راده البيت الأربـعا أبـركـ !!
المهـم صـار موقــف بايـخ قبل لا أرد البيــت وزعلـت عليهــم وأول ما حدرت البيــت تميــت أصيـح :fa43:
كسرت خاطر أخويه وتم يلوي عليـّـه لين ما هديت اشوي سـرت صليـت وحطيـت أغراضي

وع العشـا سرت العيـاده تقريباً فـ هالعشرة أيام سرت العياده ٣ مـرات وكل مره يعطوني أدويـه غيـر !

يوم كنا سايرين العين
http://oasis.bindubai.com/bin/uploaded/1184_01254432450.jpg

يوم ردينـا من العيـن
http://oasis.bindubai.com/bin/uploaded/1184_11254432450.jpg

يوم رديت من عيمـان
http://oasis.bindubai.com/bin/uploaded/1184_21254432450.jpg




تعبـت نفسيــاً + حطوليـه أكسجيـن هـ المـره :smile2: وكنت امسويـه تحاليل بالمـره أجوف النتيجـه ويجوفولي حـل لـ هالكحـه !

وليــن الحيـنه أحــس برجفـه فـ ايديـه المفروض اتخوز هـ الرجفـه بعد ربـع ساعـه بالكثيــر وأحس بتعب وخمــول فضيـع بشكـل عام :fa45:

الله كريــــم ،، إن شاءالله باجـر يكون أحسـن من اليــوم ^_^

[مجموعة إنسان]

سلااامتج طييييييير

الحين هالدوا تي فلوو يعطونه حق اي حد
وهالفايروس منتشر واااايد
في رمضان بيتنا كلهم طاحوا
انا سويت حجر صحي لي عسب ما انعدي
واشتغلت على الفيتامينات وايد بعد ههه

(اخاف من المرض) خخ


,,,,,,,,,,,,,,

أمس الجمعه,,

قمت الساعه 9 الصبح على ان بودي هذيل امي راس الخيمه
بس اتنازلوا عني وراحوا مع عمي

ممم
الساعه 10:30 اختي سوتلي اومليت عجيييييب
تريقت وسبحت وسرت المسيد
رجعت واتريت اخوي يوصل تغدينا وسرن القهوة عسب نشوف المباريات
الساعه 10 رجعت البيت تعشيت وجابلت النت شوي

والحين بسير ارقد عسب انش الصبح\
وباجر ان شاء الله بدرس
انتوا بس ادعوا لي اني ادرس ههه

[ملاك الروووح]

تولهت عليكم .. وع الواحات وايد :heart:

[مزن هتان]

الاحد ع بالي الاثنين

اممم ملانه + خايفه بروحي فالبيت
احس انه قاطعين عني الاكسجين ما عندي سياره اليوم بتضارب سيارتي ترد لي
و بالطقاق يا ...
من بعد العيد و أنا ما ارقد الا 3 ساعات بالليل هذا ان طولت و الظهر ساعه
و يوميا مصدعه
سحبوا دمي حق التحاليل قبل كم يوم "فضيحه سويت حق امي"
اريد أطلع ما عرف اعيش من دون سياره xD احس اني بدون ريول هع
البارحه امي وصتني على شي اونه انتِ بادري =/ اماه ترى بقول رمسه ما راح تعيبهم
ليش اعور راسي مريحه عمري من الصدعه

أعترف
اني ارتكبت غلط بـ هالفتره =(
و الشعور بالذنب لاعب بحسبتي

[مجموعة إنسان]

اليوم الأحد

لين الحين زيين بس تعباااااان

مداوم الصبح وكرررف شوي في الكلية
والكلاس الأخير مللللللللللللللللللللللل من الخاااااااطر

رجعت تغديت والحين اتحايل انام وللا ؟
شكلي وللا هههه

[عافك الخاطر]

الأحد4.10.09
المزاج: النهايات
-كثرة الآمال باتت تتعب القلب .. سأكتفي بأمل واحد صغير تتفرع منه آمال كبيرة أبعد من الأرض وأقرب لعلو الفضاء...
- من أبشع انتكاساتي.. ولكن اؤكد لك أنني خرجت منها أقوى بكثير ..!
- Stay true to yourself..
"في الإنتظار... يصيبني هوسٌ برصد الإحتمالات الكثيرة" محمود درويش

[رمــش الغـــلا]

اليوم .. الاحد

تعبـآآآنة ><

ما أحب الحوآطة بين المصممين !!

وسوالفهم وحركـآتهم اللي تقهر وأسئلتهم السخيفة لول ..!

اممممممم .. طبعا ساعة بس لين يرسم كل تصميم !! وكل تصميم لين نختار المتيريلز اللي نباهم
وطبعا كل وحدة تبا قطعة غير ولون غير والكريستلز مادري اي لون ..
لين اتخبل وخلص لنا اخر شي
وطبعا اخر ساعة حق السعر لووووول =)


هلكـآآنة ..! ما احب أطول جيه في مكـآن واحد
بس الحمدلله ان افتكييينا من هالشي >< والحين الله يعين كيف بيظهر كل شي لول =)

[الا انا]

.^^

الله يعينكم ..><

اسميكم بتتبهدلون ><" ..

البروفات بالدرب الحين ..@ حطيلج جدول وكتبي بس خخخ ><

^_^


طير سلامتج الف سلامه ^_^ ماجوره ان شاء الله ...

[رمــش الغـــلا]

الا انا ..

هي انزين سيدا اونه عقب اسبوعين بروفه !!><

الله يعين .. وزحمة الشوارع وانه ماشي باركات شي ثاني بعد لول لين توصلين =!!

=======

[الا انا]

.^^

هيه والله .. اميها لعوزه ><

اناكرهت حيااااتي ><

كانت عروسنا ورى بعض ..< شهر 12 و 1 و2 وآخر واحد من فتره شهر 9 هييل بس خواتي << ومن بين كل هالشهور < عروس كزناتي وغيرهم << يعني كنت صج صج كارهه شي اسمه عرس ..


><


صج صج يباله مجابل < ما ترتاحين الا يوم يخلص العرس ><


الله يعينكم .. وبالمبارك ان شاء الله ..^_^

[رمــش الغـــلا]

يحليلكم =)

^ترآ نحن جيه

الحين في اخر عشرة
وفي 11 وفي 2 ><

اخاف يطلع عرس والا ملجة فالنص بعد لول =)

[الا انا]

.^^

هههه الله يعينكم >< نحن وايد وايد تبهدلناا < كرهت الميك اب وكرهت الصالونات وكل شي >< مليناا لوول


موفقين يارب وعقبالج يا صبيه ^_^

....

[أنامل قلب]

اليوم : الاثنين ..
المود : ..... .!
الموضوع :

امم اليوم مول ما قدرت أنام ، الوقت الوحيد اللي نمت فيه وماكانت نومه نومه ، اظني تعتبر غفوه !
وقت ما أذن الفير بالضبط ، اذكر اني سمعت الأذان بس ما أذكر عقبها بشو سرحت وكيف نمت ولا شوللي صار بالضبط ،
بس من رفعت راسي عبالي متمدده خمس دقايق ولا اشوف الساعه ست الا ربع ..!

قمت صليت من غير السنه ، وايد كنت تعبانه ،
وتميت حاولت اقاوم عساس اقعد شوي لاذكار الصباح بس ماقدرت ،
قريت كذا ذكر وكملت الباقي عالفراش ^^" ، بس حتى الاذكار ما كملتهم مادري كيف جني نمت ،
ووو يالله من هالنومه ، تعرفون لمن تحسون انكم نايمين ومو نايمين بنفس الوقت ! احلام بايخه ..
هذا غير إني كل شوي أقعد أجيك الساعه ، لأن وراي قعده وموعد لمكان ..

المهم قمت الساعه ثمان بكل برود رايحه راده ، اوني بتزهب يعني وبصلي الضحى وبلحق اقعد شوي واكمل الكتاب ،
بس ما لحقت اسو شي من هذول ، لمن دقيت لـ فلانه كانو قايليلي المفروض اتصل ابها وجي ، تفاجأت ابها تقولي تعالي الحين ،
او بمعنى ثاني طلع عندها اجتماع الساعه عشر على كلامها ، فما لحقت بسرعه بسرعه ، ولمن تزهبت لقيت اخوي الكريم بعده ،
المفروض انا اللي اتأخر مو اهو ^^" ، تميت اسير وارد عليه ، ضحكني شلون يتغتر ويتعطر ويتعدل ..

بس مادري وايد حسيته اليوم ذويق ، مادري كيف جي اونه ما يبيني ادخل بروحي ، ولمن دخل كل شوي يخليني اتجدم عنه ،
احليله شلون لمن يهتم ، ما خاز عني إلين وصلني للمكتب المطلوب ، وهناك قعدت يمكن جي مال نص ساعه ..

حبيت البنيه وايد ، حسيتها جي طيوبه وعفويه ، اسلوبها غير متكلف ، وضحكتني لمن قالت اوني صغيرونه وكتكوته ،
والله ما يخصه ، اقول بخاطري عيل الكتاكيت الصدق شو يسمونهم ، على كلام امي اونه هذول بزياده ، كيف بزياده مادري ..

الحمدلله احس جي ربي حفظني ، كنت احاتي اشيا ، بس سبحان الله شلون طلعلي هالموضوع وهاللقاء ،
اممم مادري صدق شو السالفه ، بس باذن الله خير ..

,

عقب رجعت البيت ، جابلت اللاب ، قعدت ادور بالبيت بروحي ، جان اتذكر اني مو متريقه ، اللهم العلج اللي لوع ابـ جبدي ،
خذتلي تفاحه والكتاب اللي اقراه حاليا وقلبت ويهي عالفراش ، تميت إلين الساعه 12 ، وعندي موعد اوريدي عالا12 ونص ،
الامتحان التجريبي للسواقه ، لبست عباتي وسيده ظهرت ابـ مجازفه كبيره ، تخيلو رحت للمركز ابـ تكسي وبروحي !
حسيت اني كبرت عشر سنين ^^" ، ما شاء الله محد من اللي يسوق عدنا موجود بالبيت ، والوالده مشغوله ، والوالد قايلي عادي توكلي ،
بس صدق يوم عن يوم اقتنع اكثر بفايده الليسن اللي باذنه الله باخذه قريييـــــــب وبرتاح من صدعة التوصيل ، وايد يذلونا ..

الحرمه اللي كانت هناك احليلها مادري شلون تكلمني ، وايد حسيتها حبابه جي مهتمه ووصلتني لسيارة المدربه بنفسها ،
وهي نفسها اللي امتحنتني ، انا الهبله ماعرفت اسرع الا وقت الامتحان ، تخيلو عاللفه زين ما جلبت السياره ^^"

عطتني كذا ملاحظه ، وحده اني اسرع ، والثانيه لمن اغير السيد تقولي لازم اجيك عقب احرك السياره ،
مو احركها وانا اجيك ^^" ، وإي صح تمت تقولي بزيدج حصتين وانا محتشره مابي ، اقولها ليييــــــــش ماحتاج !
تمت تتذرع بإن اساسا لستة الأحد مزحومه ، فمافي مجال يناسب كثر الثلاث ، فسلمت للأمر ، يالله خيره ..

وإي صح ، انا روحي يالله يالله توني متعلمه السواقه ، وياينا واحد صدق شكيت ابـ سلامه عقله ، قاعد يلاحق السياره ،
وجي يقربها من سيارة التعليم ، والمدربه محتشره عليه اونه آر يو كريزي ، ضحكتني ، ولا تقولي انتبهي عدل من هالسياره اللي فيها مينون !

تم جي الين ردينا المركز ، وهذا بصوب ولمن اشوف السيايير الطوفني بكوم ثاني ، ماحب جي ،
شو ها بعد اونه يعني يراووني انهم يسوقون ع كيفيهم ، دببه ..

,

ادري وايد تكلمت ، بس اليوم رحت كذا مكان ، رجعت من مركز التعليم سيده نمت ، قعدت يمكن عالخمس صليت العصر ،
وتغديت بروحي مجبوس لحم مع روب ودقوس وطرشي ، جني وايد مكست ..

بعد صلاة المغرب رحت انا واختي نتصور ـ صور شخصيه ـ بما إن الصورة اللي عندي جديمه نوعا ما ،
ومووول حاسه صدق شكلي كان غلط ، الله يستر بس الحين كيف بتظهر الصورة ، مره تقولي وايد ترمشين ،
ومره تقولي سكري حلجج =# لعوزتها صدق بس بالأخير صدق صدق صدق حسيت إني مووول ماكنت مرتاحه لمن خذت الصورة الأخيره ..

عقبها ابوي كان عنده شغله ، بييب شيل اختي من محل العبي ، وعقب رحنا الجمعيه ،
ردينا البيت يمكن جي قريب الساعه تسع ، والحين قاعده احط هالاضافه ، وبرد اظهر من الواحات ، ما صليت العشا .!

~

كل شي خيره ..

[طير الغرام]

^

ربــي يوفقـــج ويكتــب لـج الخيـر فـ كـل خطــوه تخطينهــا =)

[أنامل قلب]

^ وإياكم اختي =)

[عهد الوداع]

انامل لا تنسين تبشريني لمااا تخلصين من الامتحااان ... والله يوفقج ان شاء الله ... ^^

ومره ثاانيه اتريقي عدل ,,, (:

[تحفه]

اليــوم : الخميـس ولا اليمعــه [ بين الإثنيـن P= ]
المـــود : http://oasis.bindubai.com/bin/images/mood/Sick.gif
الموضـوع : Tired & Sick

اليــوم من بدايتــه ما كــان حلــو
ارقـاد مستويــه ما أرقـد عـدل !
ودوامي من صباح الله خيـر ٨ ونص والقهـر طلعـت أنا امخرفـه واليـوم دوامي هب ٨ ونص الاسبوع الياي بيكون ٨ ونص الخميس
المهــم قلت فرصـه دام عندي وقت لين وقت الكلاس الثاني ١٢ ونص أرد السكـن وأرقـد اشوي :redface2:
وبسبـة الكحـه المستعصيــه اللي فيني ما قدرت أرقد عـدل ولين ما رقـدت اشوي وجان يرن المنبـه تميت متعايزه أقوم ولا لا !
آخـر شي استقريت ع إني أكمـل ارقادي ولا إني أتم أكحكح طول الكلاس وأنا جيـه !! صح إنيه حسيت بتأنيب الضمير لني ما حضرت الكلاس بس شسوي !!

رقــدت وقمت ع الثنتين وشي لنه ورايـه درب بوظبي >> أحس لو راده البيت الأربـعا أبـركـ !!
المهـم صـار موقــف بايـخ قبل لا أرد البيــت وزعلـت عليهــم وأول ما حدرت البيــت تميــت أصيـح :fa43:
كسرت خاطر أخويه وتم يلوي عليـّـه لين ما هديت اشوي سـرت صليـت وحطيـت أغراضي

وع العشـا سرت العيـاده تقريباً فـ هالعشرة أيام سرت العياده ٣ مـرات وكل مره يعطوني أدويـه غيـر !

يوم كنا سايرين العين
http://oasis.bindubai.com/bin/uploaded/1184_01254432450.jpg

يوم ردينـا من العيـن
http://oasis.bindubai.com/bin/uploaded/1184_11254432450.jpg

يوم رديت من عيمـان
http://oasis.bindubai.com/bin/uploaded/1184_21254432450.jpg




تعبـت نفسيــاً + حطوليـه أكسجيـن هـ المـره :smile2: وكنت امسويـه تحاليل بالمـره أجوف النتيجـه ويجوفولي حـل لـ هالكحـه !

وليــن الحيـنه أحــس برجفـه فـ ايديـه المفروض اتخوز هـ الرجفـه بعد ربـع ساعـه بالكثيــر وأحس بتعب وخمــول فضيـع بشكـل عام :fa45:

الله كريــــم ،، إن شاءالله باجـر يكون أحسـن من اليــوم ^_^



سلاااااماااات طيييييرر ما تشوفيييين شرررر :heart:

غمضتينييي واللله .. اهم شي في هالفتره انج تريحين عمرج .. ودوم اشربي حليب بالزنجبيل واخلطيييه بالعسل! او جاي حليب بالجرفه... قبل لا ترقدين خلي حد يحطلج فكس ... اذكر يوم مرضت من فتره جييي بعد كنت احس اني خلاااص عايفه الدنيا .. شهر كامل لين ماشفيت !!

الللله يشاافييييح حبوبه

[الا انا]

اليوم : meeting day lol

المود : not bad


><"

اليوم يوم الاجتماعات >< والوهقه والفضيحه ><

الميتنق الاول مع المس < محاضره طويله عريضه << انتهت بإبتسامه عريضه < مصطنعه مني ومنها @@ <هع

الميتنق الثاني << مع السيرالامريكي < وحليله < كسر خاطري والله < صج اني كرييههه << انتهى الميتنق برضى واتفاق الطرفين لوول << صرنا ربع خلاص خخخخ < http://www.sharjawy.com/vb/images/smilies/smile.gif << صج صج صج انحرجت من الموقف < بس زين انه فهمني وقدر وعرف ليش سويت جي < الحمدلله



الثالث << It was a great meeting with Crown Prince

ونااسه ما توقعت جي يكون ومر الوقت بسرعه والابتسامه والرضى بويوه الكل
وايد كيوت وطيب ><"

^_^ الحمدلله .. كل شي عدى ع خير ..^^
..


لازم افضي عمري الحين وابدى من البداية وارتب اموري كلهاا ><"

اول امتحان وكان سخيف << ومن اهمالي < يبت +B..< غبيه ><

لازم اعوض الحين ><

..

>< "

[رمــش الغـــلا]

الا انا ..

ماشالله عليج ^__^

حلو والله .. اهم شي انج سويتي اوكي في كل الميتينقز =)


=====

طـير الغرآم ..!

حرام كل هالادوية وايد والله ><

ما تشوفين شر فديتج =)

[الا انا]

..^^
الحمدلله ^_^

[طير الغرام]

الا انا ،، تحفـه ،، رمــش الغــلا

توني أنتبـه ع ردودكــم ،، وربي يسلمكـم من كـل شر

تحفـه >> المشكلـه هب بـس ع الكحـه ! الله كريـم :smile2:

[طير الغرام]

اليــوم : الأحــد
المـــود : ؟؟
الموضـوع : !

أحـلى مافي الويكـ الإينـد اللي مـر لمـة الأهـل [ يوم الخميس وأمس كله عزايـم ]
وأخـس احسـاس يـوم يتيمعـون الأهـل وأنا فـ السكـن
والحمدالله أمـس استقريـت ع إني اتم فـ البيـت وأستانس مع الأهل + أرتـاح اشـوي من الوضـع اللي أنا فيه
واليـوم الصبـح ييـت السكــن :k_sadwalk:

[جنون امرأة]

اصعب شي لما يواجه الانسان موقف .. يحس عمره بعده صغييييييييييييييييير عليه !!!


=(

[مزن هتان]

الاثنين
مريضه

بنات خالتي خرعوني يقولون اعراض انفلونزا الخنازير بسير العياده بعد شوي

اليوم الصبح وصلت قريب الدوام "بردبي" اتصلت فيني اختي اللي بالكليه تقولي ان شوق مو طايعه
تروح المدرسه و تصيح قلت برايها خل ترقد و انا مغيضه سكرت و رديت اتصل اسأل تقولي مزن صرخت
عليها فسحبت جنطتها يعني بتروح خلاص هي تقولي و انا اصيح "شوق بنتي" انا ما اصرخ عليها شلون
أحد ثاني

الحراره شوي تخف و شوي تزيد ماروم اتكلم ماقدر امارس هوايتي و هي الصريخ
و الحين أخوي يالس عندي مزن شو فيج و من الظهر مطفرني اون اريد اشوفج جابليني
اقوله روح عند حرمتك

[مزن هتان]

of Oct 8
كان يوم الخميس

على كثر ما كنت مستانسه أول ما طلعت كنت مشتاقتلهم وايد
"صيحوني" و نحن راجعين =( أريد أقول شي بس امممم ما ينفع
و ما بنساه لأني احترقت بسبتهم و ما تكلمت

توني مسكره عن ماما قالت لي شي زعلتني ياخي، أقولها ماريد بخلي داوي
اونه لا انتي انزين والله ماريد يتني غصه اقولها حتى و انتٍ بعيده عن البيت تمشين البيت
كفو عليج "حريييييم يسوون اللي براسهم"

أعترف
علاقتي مع ماما هاليومين مش و لابد
حتى انه من وصل ابوي ماتصلت فيها كل اهي تتصل تقولي مزن ليش ما صرتي تتصلين
ماعرف شو ارد عليها -استغفر الله يارب سامحني أنت وحدك عالم بالخوافي-
و أعترف
قاعده اضغط على نفسي بس عشان شوق
أعترف
أم سيف ما استغنى عنها والله والله مو مضايقني الا اني ما بشوفها
ماحب اسير مكان الا و اهي قبلي و لا بعد هالمره بالغصيبه اروح "الله يصبرني"

[الهيثــم]

مزووون عندها خربطيشن في الاستيعابيشن .. هذا موضوع الدايري مب الإعترافات .. لول ^__^

[مايهزك ريح]

^
كنت اتحسب عمري مخرف .. طلعت مزن .. مب منها يحليلها من الحرق ..
سلامات اختي مزن .. ما اتشوفين شر ..

[مزن هتان]

خطاب & ما يهزك ريح : =) انزين يعني بغيت اعترف هني عن خاطري
ماني مخربطه و لا انه الحرق مأثر عليه هههههه، الشر ماييك أخوي مايد

زاده الظهر كنت اتألم في اثنين هني يحشون فيني xD

أعترف
اني راده من العياده =)

بشرد عن أخرب الموضوع

[مزن هتان]

الويك اند

يوم الخميس رحنا الورقا أنا و خواتي كلنا بس ما طولنا حشرتهم أريد أرقد
4:45 فير اليمعه طيارتنا كانت أنا و شوق لـ مصر، زين لحقنا عـ النداء الاخير قاعدين نتفرفر
اممم رحنا و شفنا أمي و جان نستانس من كنا فالطياره كنت أقول لـ شوق أنا بودرج عند ماما
و برد دبي تقعد تصرخ ما تبا =) تعرف انه ملل منقرصه قبل
يوم الاحد7:30 بتوقيت مصر 9:30 بتوقيت الامارات كنا عند مطار القاهره
عاد تعالوا مسكوا مزن =( ما شبعت من أمي اريد اقعد معاها لين ترد و شوق عادي عدها
صحت شوي دخلنا المطار و كنت اتلفف "كنت اكتشف مطارهم و أخيرا سوا مبنى يديد" جان
تقولي شوق تام لا نتأخر بعد عن تروح علينا الطياره
وصلنا 3 لعوزتني فالمطار تدلع وايد و تكلم كل حد عادي
كلمت ماما المسا قبل ارقد صوتها كان وايد تعبان، كانت راده من المستشفى
سكرت عنها صحت زياده تقولي مزن لو قعدتي معاي لين ارد "وايد ضايجه و متملله خلاص تبي ترد"

ربي يشفيها و يعافيها

[رمــش الغـــلا]

^ الحمدلله عـ سلامة أمج مزن ..~


برمس عن الويكند اللي طاف ..

كنا بزي من الخاطر

الخميس .. دآومت الصبح طلعت الساعة 2 على طول رحت اتعدل حق العرس ومن وصلت البيت بس اطمنت انه شالين شنطتي وفستاني وعباتي وركبت السيارة على طول لول ..
ووصلنا العين بـ السلامة .. نزلنا الفندق وشوي وسرنا القاعة .. =)
"الله يسعدهم ان شاء الله المعـآريس" بس صدق صدق حسيت بالفرق فالعادات والتقاليد يعني العرس كل شي كان عالسرييييييييييييع اول مرة اروح عرس جيه

....

وطبعا الكل رد الفندق ورقدنا 4 ساعات بس.. ومن 8 الكل نـآش ومصحصح ..

http://oasis.bindubai.com/bin/uploaded/7877_01257087591.jpg

اشوف ولد خالوتي الصغير أول واحد ياي يدق باب الفيلا يدور أخوي الصغير .. =)

http://oasis.bindubai.com/bin/uploaded/7877_11257087591.jpg

وسوينا مكالماتنا واتلبسنا وكلنا سرنا الـ pool
يلسنا ويبنا الصغارية يسبحون =)

http://oasis.bindubai.com/bin/uploaded/7877_01257087693.jpg

الا غلوية غمضتني ناشة وطلعت ناسية ثياب السباحة وتمت اصيح لين اخر شي اقتنعت انها ادش شوي عن خاطرها لول ..

http://oasis.bindubai.com/bin/uploaded/7877_01257089480.jpg

والثلاثي المرح نشوا من الرقاد وكل واحد بـ كشته وبجامته ياي لول ..

http://oasis.bindubai.com/bin/uploaded/7877_11257087693.jpg

وعقب هذا كله .. اتغدينااا كلنا واحلى مافي الموضوع انه الفندق انصد يمين ويسار كل العايلة الكريمة هناك لول ف خذنا راحتنا يعني =)

وعقب ما خلصنا من الغدآ ..

طلعنا والوجهة الاولى كـآنت لـ جبل حفيت ..

والجو رووووعة =)

http://oasis.bindubai.com/bin/uploaded/7877_21257087939.jpg

ومن بعد جبل حفيت نزلنا صوب المبزرة خذنا لفة بس .. لانه وايد تغيرت عن آخر مرة سرتلها احس الواحد ما يحس انه في بلاده مول ><



http://oasis.bindubai.com/bin/uploaded/7877_01257087939.jpg

http://oasis.bindubai.com/bin/uploaded/7877_11257087939.jpg


ومن عقب المبزرة .. سرنـآ ويا اخوي ركبنا سيـآكل واحلى شي المغامرات هني لوووووووووول
والمكان كان فاااااضي عكس داخل المبزرة =)

http://oasis.bindubai.com/bin/uploaded/7877_11257087890.jpg

والزعيم الصغير اول واحد ركب ..

وعاد انا مافيني قوّة اختي اللي اصغر مني اتسوق وانا حذالها لول ..

وعقب ها كله اخوي قال بنسير المول ونحن كيف لااء ><
عبينا خايسة =(

وكل وحدة طلعتلها عباة الثانية واللي ما عندها دبرت عمرها لول .. لانه مش كل الاغراض في سيارة وحدة

وسرنا والوجهة الاخيرة كانت للـ بوآدي مول ..!

http://oasis.bindubai.com/bin/uploaded/7877_21257087890.jpg


^__^

[عهد الوداع]

رمش

يا سلام كشششخه ....^^
اهم شي انكم استانستوا وغيرتوا جووو

[قصايد غلا]

مزن : الحمدلله على سلامتج .. الله يعافيــج لج أمــج و يبعد عنها المرض :)


=========================


رمّــوووش : اللـــــــه كــشخـة .. ماشا الله عليكم شكلكم استانستوا

حبااااايبييي الثلاثي المررررح :a032::a032::a032: .. حبيبتيييييي حمدااااااايــــة :a050:



و على طاري العبي :biggrin: عااااااااادي دوم تستوي هالسوالف يوم نسير أماكن بعيدة لووووول

بس عااااااادي محد يعرفنا =p ، أحلى شي اليمعة :12:

[مــهــابه]

رمــوشه :

شـو قـلتج آنـا =p

آبـى آروح البـوآدي ، آلـعـآبهم حلـوووه لوول ، هاليمـعه بّحن عـسب يودووووني

.

.

[طير الغرام]

اليــوم : الثـلاثا بس برمـس عن أمس [ الاثنيــن ]
المـــود : ؟؟
الموضـوع : Tired

يــوم الاثنيــن أطـول يـوم وأخــس يـوم [ صــدق متعــب من ٩ ونص لين ٨ ونص ]
والقهــر كل أسبـوع أقول بـرقد عـدل اليـوم اللي قبلـه بس ماشي فايــده
وسبحــان الله بـعد كـل اثنيــن يظهــر فيني شي علـه ولا شي يعورنـي ولا أمرض ! [ من أمس حلجـي يعورني ]

اليـوم اللي قبلــه رقـدت يمكـن ٤ ونص الفيـر ! [ أو بـ الأحـرى يـوم الاثنيـن الفيـر رقــدت ! بطيــت لني كنـت أعـدل ع بريزينتيشن ]

المهــم فـ هاليـوم كان عندي تقديـم بريزينتيشن أنا وابنيـه معايــه [ الصراحـه أنا سويـت كل شي لنه هيه كان عندها امتحان يوم السبت وأنا لا
فـ قلتلهـا أنا بسوي كـل شي ،، وع أساس تقـرا البارت مالهـا قبلـه بــ يـوم بس فـ نفس اليـوم اكتشفت إنهـا ماقرتـه :wacko: ]


و ع أســاس أنا جاهـزه وكــل شي بالنسبـه لـ البارت مالي وأتريـا البنت تـي الجامعـه عشان تقرا البارت مالهـا
بس !

صــار عندهــا ظــروف وما بتحضـر العيـاده من الأســاس :crosseyed: أنا اهنيــه ارتبكــت زيــاده
وأوريدي وااايـد كنــت مرتبكــه لنـي ما أحب أشـرح جـدام البنــات والدكاتــره

صــح إني مريــت ع الموضوع كلـه لني أنا اللي سويتـه بس بعــد ما اتوقعـت هـ الشي يصيـر
ويوم رمسـت الدكتور قالي عادي قدمي البارت مالج بس المشكلـه الموضوع كلـه يعتمـد ع المعلومـات كاملـه
أمري لله قلت لـ الدكتور خلاص بقدمــه كلــه

والحمدالله مع إني صدق صدق كنت مرتبــكه
[ لـ درجـة إني أرجــف مادري ليـش وماحطيـت عيني لا ع البنـات ولا الدكاتره ياربي مادري متى بودر هـ العاده وكل شي يـكون بيرفكــت ]
بس الحمدالـه عيبهــم
والدكاتـره قالولي إنتي عنـدج ثقـه فـ النفـس لنـج قدمتيـه روحــج ،، جــان أستانــس :k_winner_third_h4h_

وغيــر الشغــل الطويـــل فـ باقي اليـوم جلعـت ضرسيــن + عقبـه كان عندنـا عيادة اليهـال وسويـت حشوتين وحده رصاصيه والثانيـه بيضا

يعني مـول ماكـان فيه مجـال نرتـاح اشوي ورا بعــض :k_sadwalk:


أهــم شي إني اليـوم أووف وعوضــت ارقـاد يوميـــن :14:

[تحفه]

دير ياري : الله يشفي كل المرضى و يعافي كل مهموم ويصبر كل الناس على مصايبهم بس خلاص الواحد يخاف من كثر ما يسمع عن الوفيات ;<

اليوم وايد حزنت عليج يا نوال الله يرحمج و يثبتج عند السؤال .. ماعرفج شخصيا لكن معرفتي انج حاربتي المرض الخبيث هالمده كلها يخلي الكل يتاثر و .. الله يرحمج ..

اخاف يوم اسمع عن حد ميت .. يتم قلبي مقبوض

[مزن هتان]

^^ آمين يا رب العالمين
ربي يعافينا و يعافي جميع المسلمين، الكانسر انتشر بطريقه فضيعه "الله المستعان"

بعيد عنكم عدنا السرطان وراثه بالعايله، بين سنه و الا سنتين لازم حد يظهر فيه

[رمــش الغـــلا]

عهودة ..

هي والله استـآنسنـآ صددق =)


مهـآبة ..

لول اشوف انا المول بكبره فاضي بس صوب الالعاب زحمة بس طبعا ما سرنا ..~


قصـآيد ..

هي والله عاد مواقفنا ويا العبي وآيد لووووول =)




* الله يشفي جميع مرضى المسلمين ..~

[أنامل قلب]

اليوم : من بداية الاسبوع لـ هاللحظه ..
المود : اممم ليس بسيء ولا هو بـ جيد ..
الموضوع :

الحمدلله مرتاحه لاختياري لأكثر من سبب ولأكثر من جانب ،
مع اني للحين بفترة تدريب ، وشكلها الفتره بطول بحكم نوع الشغل ،
يعني ع كلام المسؤولة يبالي يمكن سنه إلين أكون ملمة بشكل كامل بالمطلوب ،
ومن السنه اللي عقبها ببدي أشيا زياده ، تقولي صدعة راس ، بس مادري حابه نوعية الشغل ،
+ بيئة العمل والموظفين مريحيني وحبيتهم صدق ، الحمدلله جي المكان ككل مرتاحتله ،
استانس لمن ألقاني انحط بين ناس طيبه وأحسب فيهم الخير ..

وايد شغلات تصيرلنا مانكون عارفين ابـ سببها ، أو يمكن مانكون منتبهين لها ،
إن كانت خير أم سوء ، شو الحكمة من تفاصيل حياتنا هذي ،

بس بعد فتره وفتره تبدي كل حكمة تبان ، الحمدلله دائما ..

~

اممم وبعد للحين مادري هل آخذلي سيارة ولا أأجلها لشهرين ثلاث ،
ولا ادري اذا آخذلي شيء مقبول مؤقتا ولا بالمره آخذلي شي سنع يعيبني !

أحد يقولي خلج سنه ع سياره وعقب غيريها ، وأحد يقولي اختصري الدرب ،
لا تخسرين عمرج مرتين دام سواقتج حلوه ..

مشكلتي فاشله درجة أولى بهالسوالف ، يعني العلم بأمور السيايير ،
خلفيتي بهالأمور يدوب تكون مقبولة جان بجامل عمري ..

~

وايد كلام بخاطري ، لدرجة إني أظلني ساكته بأحيان كثيره ،
مثل اللي يكون مزحوم فوق ما يستوعب ، وتالي يصير غير قابل لابداء أي رد فعل شافي ..

~

جديا أفكر بسالفة المشروع ، عالأقل أكون لنفسي خلفية مقبولة ،
أنظم وأخطط مؤقتا ولو عالورق ، وعقب يصير خير بفضل الله .!

بالأول والأخير شيء أحبه ، ليش ما أمارسه ، ولو بمحاولة أسعد إبها ..

~

ربي يحفظنا ، ويجعلنا أصحاب قلوب سليمة ..

[مــهــابه]

اليوم :


الآربعـآ

( آخر آيام الدراسه ف الآسبوع بالنسبه لي )


المزآج :

مسـتآنسه =)


الموضـوع :

بغّـض الطرف عن الضغوطات ، وبغض النظر عن الزحمه اللي حولي والآشيـآ اللي صدعـت برآسي من كثر مـآ آفكر بهـآ


وبـغض النظر عن الآشيـآ المب حلـووه قـآعده تـصير آنـآ مستـآنسه


( حّـبيبي رآجع لي:heart: / وبـتفرح " عيوني "
فـي رّجعـته لـيّـه بـتنور الدنيــا

.

.

[رمــش الغـــلا]

اليوم :


الخميس :heart:

أحلى أيام الاسبوع لانه ويكند واخيراً )


المزآج :

مسـتآنسه وايد واااااااااااااايد "الحمدلله" :love:


.........

من وصلت من الدوآم ، خبروني انه بو سلطـآن بيي عقب المغرب ، والكل بدا يتيمع فالبيت

ووصلوا قوم اخوي من بوظبي وواختي وبناتها كانوا عدنا واخر شي وصل بو سلطان ..
ضحكتني بنت أختي من زود ماهي مستـآنسة

قالت "اسم اخوي" يـآ .. حليلها نست تقول خالي عقب استوعبت ..

وكلنا سيدا عن السيارة

متغييييييير صدق 40 يوم خلته يسمر "تاان طبيعي" اقوله .. ورجيييم من الخاااااطر بعد :heart:

بس صدق ردت الاجواء والحشرة للبيت ..

[أنامل قلب]

^ الحمدلله ع سلامته ، وزين زين ترى السمار أحلى عالشباب ..

~

اليوم : لازلنا بالسبت ..
المود : .... .~
الموزوع : خربشه ..

اممم اليوم كان ممل جدا ، في شي سويته استانست عليه بس ما كملته ،
وووو ماعرف كله أحس ابـ لوعه من زود ماني ماكله شكر ، حلاوه على بسكوت على رطب على حلاوه .!

واليوم أول يوم أتغدا فيه بعد اسبوع كامل ، حتى أمس ماتغديت ..

~

اوووو كنت كاتبه اشيا بس مسحتها ،!
ماعرف من زود ما أحسني أبي أكتب قمت ماعرف شلون أكتب ..!




ربي يوفقنا جميعا ..

[أنامل قلب]

اليوم : عساس انه الاثنين ..
المود : .. .... .~
الموضوع :

ماكو رايحين رادين من الدوام للبيت ومن البيت للدوام ولا جديد يستحق الذكر عموما ،
اممم بس اليوم اشوه عن قبل بالدوام ، بديت أدخل بأجواء الشغل أكثر الحمدلله ..

الحلو ان الواحد يظل يشوف الناس ويتعامل مع الكل حتى من غير احتكاك مباشر ،
يعني تشوفون طبايع الناس ، هذا شلون يتكلم وهذا شلون يتصرف ، هذا يعصب شوي ،
هاك يسولف ويضحك ، وغيرهم يتكلمون عن شغلات أحسبها مضايقتهم .!

بكل شي أظلني بعيده ولله الحمد ..

,

في شي يضحك بالدوام ، وهو إني ماحب أستخدم اللفت ،
الحمدلله بالطابق الثاني فما يحتاج أصلا ، السلم أسرع وأسلم ..

بس اليوم كنت محتاجه أسير الطابق السادس ، وللحين ماعرفله عدل اصنصيرهم ،
دخلت كنت بروحي ، ولا اشوفه بدل لا يصعد ينزل للطابق الاول ، ودخلو اثنين ،
ورد نزل للباركنج ، طلعو الاثنين ودخلو ثلاث ، وانا بنت بروحي مستويه جي :crazy: ..

رجع يرتفع قلت بخاطري " يالله الحمدلله وأخيرا رايحين فوق " بس لقيته وقف مره ثانيه عالطابق الاول ،
طلع واحد ويو بيدخلون جيش ما شاء الله ، واهني طبعا طفح الكيل ، داشه روحي ورجعت ابـ درزن ،
طلعت عنهم بسرعه وانا كاتمه الضحكه من زود ماكنت مستغربه ، ماكنت مستوعبه شلون جي من صجهم ،
اتأخرت عالحرمه عالفاضي ، لو كنت رايحه بالدري أكرم لي الصراحه ..

رديت جازفت قلت بنطر مره ثانيه ، انفتح اللفت الثالث وسيده دخلت مع وحده قبل لا نتفاجأ ابـ أحد ،
والحمدلله هالمره سيده وقفنا عالطابق السادس بـ سلام ..

بالاخير ، تعلمت إني ماجازف للمره الثالثه :k_icon9: ..

~

بنت عمي كانت تسولف معانا ـ لمة أهل ـ عن العبي وجي ، فتقولنا شلون انها رايحه محل عبي
وتشوف موديلات عجيييـــــبه ، فـ تمت تكلم الريال بالمحل ، اونه : شوهادا عبايا كله ماتعرف هادا مافي زين ..
تقولنا إنه رد : والله ماما أنا في مالوم ، شوفي أنا زوج مال أنا في باكستان لو يلبس هادا شكل انا سوي موت / لول ..
شو ضحكنا ، اونه يقولها : انا في مالوم انه هادا كلو هرام ، بس شو سوي هازا بنات يبي هادا شكل ..

ماعرف شو أقول الصراحه :whistling: !.

[العجيبة]

~

بنت عمي كانت تسولف معانا ـ لمة أهل ـ عن العبي وجي ، فتقولنا شلون انها رايحه محل عبي
وتشوف موديلات عجيييـــــبه ، فـ تمت تكلم الريال بالمحل ، اونه : شوهادا عبايا كله ماتعرف هادا مافي زين ..
تقولنا إنه رد : والله ماما أنا في مالوم ، شوفي أنا زوج مال أنا في باكستان لو يلبس هادا شكل انا سوي موت / لول ..
شو ضحكنا ، اونه يقولها : انا في مالوم انه هادا كلو هرام ، بس شو سوي هازا بنات يبي هادا شكل ..

ماعرف شو أقول الصراحه :whistling: !.

في الصميييييييييم :fa52:




انامل دوام شو ؟ ما شاء الله لحقتي تتخرجي من الجامعة ؟!

[أنامل قلب]

لا شو تخرجت بعد ، تراني كبرج / صباح الخير عجيبتنا ..
بس يقولون إني ظهرت من الجامعه ولا كملت حتى يومي هذا !.

+ للحين مادري جان بكمل ولا ، يعتمد ..