دير دياري ~ يوميات

[العجيبة]

ههه ادري انج كبري لوول عشان جي استغربت كيف اتداومين وانا احيد انج فالجامعة !
كملي كملي يمدحونها الدراسة ... الا اذا تبين تستوين اينشتاين > تخيلي دكتورنا يقولنا : تبون درجات شدوا حيلكم ما تبون استووا شرات اينشتاين وخلاص ... خخخ

عالعموم بالتوفييق ... حتى الشغل حلو .. خاصة اذا في مكان تطويـري مب روتيني ...

--- --- --- ---


اليوم : الثـلاثـاء

التـاريخ : 17-11-2009


الموضوع : سواالف


بكــرة يصادف العيد الوطني الـتـاسع والثـلاثيـن في سلطنة عمان ...

أخوي متصل الصبح يقولي happy birthday Qaboos لوول

والمنتخب العماني احتفالا بهالمناسبة مستضيفين البرازيل في لعبة وديّة ...
لقيت وحدة قبل المباراة تقول : أهم شي ما يفوزون أكثر عن 7 !!! >> شغل مغايض اونه
المهم كان فخاطري اسير اشوف والله رحمني رقدت وما حسيت الا عقب ما خلصت المباراة ، فازوهم 2 - 0 والفرحة مش سيعاااهم مثل ما يقولون خخخخ !!


وبهالمناسبة بعد فيه اشاعـة تضـحّك منتشرة : اونه السنة اليايـة بيستـوي العيد الوطني الأربعين ...
والرئيس اذا كمل 40 سنة معناته بيستوي امبراطور .... ههه تخيــلوا بسسس ...
عقب بيتغير اسم الجامعة : جامعة الامبراطور قابوس ههههه عجيييب والله


اممم شو بعد ...


اسوأ شي استوى اليوم : خذنا درجات احدى مواد البرمجة ... وانا وربيعتي مزفتين صح ... يايبين D ولله الحمد ...
بس الشيء السيء ان ربيعتي راحت تحذف بـالW وانا قبل اقولها عندنا مجال نعدل اوضاعنا تراه الا اول امتحان ...
وما طاعت تقتنع ... اونه هالدكتور سخيف وما اتحمل اشوفه اكثر !!!!!! وانا اقولها : هالدكتور لو يرسبني برجع اعيد وياه من كثر ما هو عجييب!! خخخ
كانت اتونسنـي فالدرب ونحن سايرين اللاب .. واحيانا هي اللي توعيني اصلا !!




امممم


أهم ما في الموضوع : ان باااجــر برجع البيــت ... مليت والله ... كل اسبوع نقول خلاص بنخلص الاسبوع الياي ... هانت هانت ...
لا الكويزات تبا تخلص .. ولا التستات تبا تخلص ... وكل شيييي ما بيخلص ..... فقررت اسوي طاااف وارجع استمتع بالويكند :)

[أنامل قلب]

^ احليلهم ، أحب أهل عمان !.
وموفقه دوم باذن الله ، حلو الدايري اللي كتبتيه ، غصب خليتيني اتخيلج وانتي تطبعين هالكلام =]

~

اليوم : الاربعا ..
المود : .... !.
الموضوع :

في شي وايد ونسني أمس بالدوام ، تخيلو دوم ينزلني الوالد بواجهة المبنى ، بس هالمره قالي بنزلج من الصوب الثاني ،
المهم صادف اني كنت متأخره شوي هاليوم ، فيعني عادي نزلت وسيده رحت صوب المبنى المعني ، ولا فجأه :nerd:!!.

شفت وحده مرت حذاي ، وجي لكمن جزء من الثانيه حسيت إني لمحت شي غريب ،
لفيت صوبها ولا لقيتها نفس الشي تطالع مستغربه وكأنها تقول اشفيها هاي تطالع جي لول

تخيلو منو طلعت ، صديقه عزيزه علي وااااييييــــــــــــــــ ـــد وايد وايد وايد ، أياااااام والله ،
كانت من الشله إلين سادس ابتدائي ، وعقب صارتلها ظروف خلتها ترد اليمن ، المهم ان رجعت لمن كانت بأولى ثنوي ،
بس من وقتها ماكنا نتواصل وايد ، مادري ليش صدق بس جي التهينا وبنفس الوقت يمكن بسبة طول الفتره اللي افتقدناها فيها ،
المهم إنها طلعت مثلي هاليوم صادف انها تنزل من هالجهه ومثلي بعد يايه متأخره ، صدق سبحان الله كيف حكمة ربي بتقدير الصدف ..!

الحمدلله ، واليوم بعد مرت علي شفتها ولحقت اسولف معاها أكثر "شويه" ،
كنت قايلتلها قبل بالمسج الدبه شلون ماعرفتني وانا عرفتها ، تقولي اونه من النظاره ، ترقعها P=
وما بقول بعد شو قلنا وكيف رمسنا ! > اللي يسمع يقول ميتين يبون يعرفون شو السالفه =#

صدق صدق صدق الحمممــــــدلله ، وتخيلو انا واهي بنفس الوقت طرشنا مسج لـ رفيجتنا الثانيه نقولها اونه : حزري منو شفنا اليوم ؟
لول سبحان الله ، مع انها ابتعدت عنا فتره طويله ، بس بعدها احسبها مثلنا ، نفس الأفكار ونفس الأسلوب ، حبيبتي والله ..

على فكره أنا صديقاتي القراب كلهم من جنسيات عربيه مختلفه ، والغريب إن ولا وحده منهم عيميه لول ولا حتى بعرج من بعيد !.

~

وووو في شي بعد جي مادري وين احطه ، بس احسه هم عالقلب ،
والله كيف لمن تحسون إنكم تشوفون شي ولا تسوون شي يعتبر قلة احترام ، وممكن نقول عيب ..!

مع ان ما يخصه يمكن ولا له علاقه فيني ، بس شي وايد استغربت منه لمن شفته ،
تخيلو في اثنين ولا ثلاث موظفين عدنا هيأتهم تبين انهم مواطنين [ كندوره ويتعصمون ] وصغار بالعمر ، بس يشتغلون مراسلين =[
والله شكلهم صدق صدق صدق غلط ، إما انهم مواطنين صدق بس يمكن ماعندهم الشهاده ولا لقو وظيفه ،
أو يمكن يكونون بدون ، ماعرف ، بس ماااعرف شو استوالي امس ، تخيلو كنت يايه بدخل المكتب ولا الفراش حسن ـ هندي ـ
يقول لواحد منهم كانو مارين من حذاي اونه ييب كاكاو تويكس حق الموظفه الفلانيه ، وانا :boxed: + :wacko: ..

واليوم بعد نفس الشي يايبلي اوراق ، اول مره اتعامل معاه ، بس حسيت نفسي صغيره والله جي مادري شلون ،
وايد وايد وايد استحيت ..

أحس مهمن كان ، صح الشغل مب عيب ، بس لازم يكون في تقدير أكبر لهوية الشخص ببلاده ،
مول ماحبيت هالشي ، كل ما اشوف احد منهم احس جي اتنرفز وافتشل واحس كأني أساهم بـ قلة احترام !.

يمكن يكون تفكيري غلط ، مادري ،
بس هذا اللي احس فيه ..

[مــهــابه]

اليـوم :

~ الخميس

واللي مـآيظهر شسمه ...... =P


المزآج :

عـآل العـآل ولله الحمد =)


المـوضوع :


بـتكلم عـن آمس وشـوّيه من اليـوم ، مثـل مـآتعـرفوون آمس كنـآ مخططين لـ بـآربكيــوو ، خلصـت دوآم ع السـاعه 12ونص لـين رجعـت وبدلـت و ..... حطيت رآسي السـآعه 2 ونص يـلين 5 وشـويه " عـوضـت كـرآف آسبوع " :3:

قـمت من الرقـآد وآشـوف خـوآتي الـ 3 متـصلين ورآ بـعض ، بين كل وحده دقـيقه يمكن جـآن آستغرب:oh: شـ هالحب اللـي نزل فجأه عـليهم

بـيني وبيـنكم آنـآ آتـروع ، آتحرا شي مستوي :birgits_giggle:


المـهم

كـنـآ مزحـومين وآيد ، هذي تـقول آختـآري آي فسـتـآن آلبس ؟ والثـآنيه اطرش صور اللي بـّتلبسه ، واللـي تدق عدلتـي الزفـه ولآ ؟ واللـي للحيـن مـب عـآرفه وين بـتتعدل
آقولـهم آنـآ جريبه مب سـآلمه منكم وبعـيده نفس الحـآله :3: مقـهوريـن من بـرودي وآيد :birgits_giggle:

الـهم خّـلصت من سـآلفه خـوآتي ، بدت آسـتعدآدات البـآركيــووو

وطبعــاً صديقـآتي كلـهن هجـووووم ع غـرفـتي ، آعـنـآد يبون يقصـون بصل فيــهـآ :fa55: ( دآيماً ف حزه الطبخ آتناجر وياهن ، يبوني آقص البصل وآنـآ مستحيييييل ، آيبون لي قفـآزات ، قلـت لهم لآتحاولوون آنسووو )

المـهم مثل ماقـلت كل وحده آتفيزرت ف الغـرفه عندي وسوآلف وضحك وآنزهب الديـآي واللـّحم والـرووب ...


ع السـآعه 8 ونص طلـعـنـآ بـّرع ، خذنـآ زآويه حلـوووه ف الـرمله ، وبديـنـآ آنولع الفـّحم ووو جـآن آتينـآ وحده تقـول عن نفسـهـآ ( آنـآ مديره سكن ) آونه محد يشوي اليـوم آحنـآ عندنـآ آحتفـآلات باليوم الوطنـي :a046:

عـآد آتخيلـوو آحنا مخططين من آسبـووع ومزهبـين وآخرتهـآ مانشوي ؟ قلـنـآ له اوكي ، وهي يـآيه تبـآ تضـآرب يعني :a058:

طـآآآف

جـآن نشـووي ، وقعدنـآ من 8 ونص ليـن 2 وآحنـآ بـّرع ، ونـآسه وآآيد

ضحـكنـآ ، سـولفـنـآ ، كنـآ يـآيبين اللآب توب وحـآطين سمـآعات == > نسوي جّـو لعـمـآرنا :11:

وصلـت الغـرفه وآنـآ هلكـآآآنه خلآص ، يلست آرتبهـآ وجيه وحطيـت دخوون ، لآنهم وصخوها حقي ومن الخـآطر :fa55:

وع الـ 2ونص ، 3 آلآ آنـآ ف سـآبع نـوومه يلين اليـوم السـآعه 10

والحيـن ورآي دّرب وع طـول بـروح آتحنى ، وبالآحد عندي آمتحان ميد =(


مـآفي وقـت


هـمسه :


~ / ( مـوزه ) يـآ ~ محمـد
بآيدك ( آماااااااانه )

.


.

.

[أنامل قلب]

اليوم : الاحد ..
المود : ..... !.
الموضوع :

اممم ، مادري والله ، مشغوله وماني مشغوله بنفس الوقت ،
كيف لمن تحسون بإنكم فعلا ماعندكم وقت لشي ، وبنفس الوقت كله تحسون بـ فراغ بالوقت ..!

^ شوللي قاعده أقوله مادري ، اللي هو يعني ..

~

اممم الحمدلله امس لحقنا تشرينا للعيد ، وتقريبا خلصنا ،
بس وايد انكسر خاطري امس من اشيا شفتها ، والله أحس صدق تعبت نفسيا ،
اليوم اكلم دموع قلم أقولها صدق قمت أشك إني غلط وكل هالشغلات عاديه ، ولا شلون !

جي أحس صاير عندي تشبع موطبيعي ، يعني مثلا قبل اشوف واعدي علي اشيا من غير لا علق ،
ماحس أصلا يناسب إني أعلق ، بس الحين عادي تفلت مني كمن كلمه من غير لا أحس ..

~

آآاااااخ !

أحس خلاااص والله بنفجر ، مادري جي أحس بكبت مو طبيعي ،
أكثر شيء أحاول أركز عليه ، أكثر شي أحتاجه ، أهو نفسه أكثر شي مقصره فيه ، كيف برتاح !

~

وإي صح ، قاعده اكتب وانا لابسة كندورة ابوي ههه ، بس ماقدر اقول ليش السالفه بطول ،
وشسمه بعد ، شو بغيت أقول !

امبلا صح ، يوعانه !.

[أنامل قلب]

اليوم : الثلاث ..
المود : .. .... ~.
الموضوع :


امممم ، ماعرف شقول ، بس صدق صدق صدق أبي أخفف فيني هالخجل اللي معقدني صــــــــــــــــدددددق ،
اففــــــف ، تخيلو موقادره أخلص الاجراءات مثل الاوادم بس عشان اوني أستحي ، والله إني أبط جبد عمري ..
احليله جواز الريال صارله يومين عندي ، اتخيل لو ضاع ولا شي ، بتكفخني إ ..!

~

ضحكتني الحرمه اليوم ، يمكن عشان اسلوبها بالكلام وقعدة البنات ،
أول مره اشوفها بس شلون تسولف عادي ، جي فجأة صدت صوبي تسألهم : ومنو هالصغيره > جي باسلوب اللي يتعامل بلين وود ^^"
حسيت عمري ياهل ، صارلي سامعه هالكلمه عشرين طعشر مره ، صغيره !.
مرات اضايق شوي ، أحس مادري وايد شايفيني صغيره ،
يعني مابي جي يتعاملون معاي عساس إني اونه يعني .!

يمكن مقارنة ابهم امبلا صغيره بس مادري ليش أحسهم مبالغين ^^"
أظني يتحروني جي توني متخرجه من الثنوية ، مع اني احس العكس يعني مبين علي عمري ..


~

في شي ماحبه فيني ، بس ماعرف شلون أشرحه ..!

اممم ، مادري كيف بيكون باجر ، بس ان شاء الله ما يكونون جي داشين ابـ بعض وزحمه وسوالف ،
مادري حتى إذا كنا بنتم بالقسم ولا بنتم رايحين رادين باللي مسوينه ،
ان شاء الله بس ما احصل احد يزن فوق راسي تعالي وعادي ولا تستحين والخ الخ ..

~

رسالة لأحدهم خلف الشاشه :
كيف لا أحزن والدنيا هي الدنيا ،
كلها اختبارات ، وكلنا عايشين قصة امتحان ..

...

[أنامل قلب]

اليوم : الخميس ..
المود : ...... ... .. ....... !.
الموضوع :

امممم مادري محتاره وايد ، بس الحمدلله مرتاحه من هالناحيه كثر هالـ وايد ..

تعرفون ، وايد قمت آخذ موضوع الـ ظن بجدية ، يعني أهتم به واعرف بتأثيره قبل ، بس الحين غير ،
وايد وايد وايد قمت الاحظ تفاصيل بسيطه تكاد لا تذكر يوميا ، وكلها تكون مثلا إن نفسر شغله على إنها بديهيا تعني شي ،
بس ما يكون هالشي صحيح ، والتفسير بسيط جدا ، مجرد إن الموقف اتخذ مسار آخر ، عاده كيف بشرح هذي مادري ..

بس الجميل إن هالتفاصيل الصغيره تصير لنا بالمثل ، كلنا نعيش هالأمور ،
لكن قليل منا يفتكر يحط ابـ باله هالأشيا لمن يتعامل مع الناس ..

المفروض نكون سلسين بالتعامل ، مرنين بتلقينا لأي أمر ، ونحط كل الاحتمالات من غير لا ننشغل ابها ..!

~

أمس كان يوم جميل ، قضيت اغلبه مع ربيعتي بالدوام ، الحمدلله الكل كان رايح راد ع كيفه ومحد تم يلح علي ولا غيره ،
بس شوي تفاجأت بعدد الشباب تحت بالطابق الأول ، ماكنت متخيله إن ممكن يكون عدنا هالكم الهائل من الجنس الخشن عدنا =#

يمكن لأن كذا اداره وكل اداره لها اقسامها ، اللهم من باب المبنى للمكتب ومن المكتب لمكتب ربيعتي والعكس لباب المبنى !.

وكانا بدينا إجازتنا ، ما بنرد انداوم إليـ الأحد الياي بعد اجازة اليوم الوطني ..

~

{ ربنا آتنا من لدنك رحمة وهيئ لنا من أمرنا رشدا ..

[أنامل قلب]

أحب هالموضوع !.

~

اليوم : الثلاث ..
المود : وايد وايد وايد ..... .. .. ... !.
الموضوع :

مادري ، صدق صدق مادري ، مشاعري مخربطه وايد ،
بكل علاقاتي حتى مع نفسي ، وفي موضوع وايد معقدبي ،
أصلا كل شي مستوي معقد ، مادري شلون أييبها ..

تعرفون شلون لمن تعيشون تتواصلون مع الكل عادي ،
بس من داخلكم كل شي مخربط ، كل شي غير مستقر ،
بحاجة لإني أتكلم وأكتب وأرسم وألون وأشخبط وأخربط وكل شي ،
لكن مادري ليش من أبدي بشي من هالأمور ، أحس إني ما أرتوي ،
يعني ما أحس بـ أثر الحاجة اللي منها لجأت لإني أكتب ولا أرسم مثلا ..

مثل لمن اتون بتحطون رد بالواحات على موضوع لفتكم وايد ،
بس تحسون إن الرد ما يناسب أو مو هذا اللي تبون تكتبونه ..!

~

ودي أشق عمري :ohboy: !"

[حلم الطفوله]

اليوم : الاثنين

المزااااااااااااج : صار رااااااااااااااااااايق

الموضوع : مممممم أهم شيء بأحداث اليوم إني علمت ناس معنى الاحترام

صار موقف استفزني واااااااااايد .... وأول مره أتخذ موقف بهالجرأه عشان أعلمهم إنه إلي سوووه سخافه وقلة احترام

والأحلى من كل ها ........ إنه الكل استانس على تصرفي وخصوصا إخواني ( فديتهم ولا خلاني منهم يارب )

أنا حبيت أوصل لهم فكرة ( من تواضع لله رفعه ) لأنه بعض البنات الله يهديهن ما يفرقن بين معنى الاتكيت و عادات العرب

يعني تشوف تصرفات تخليك تعصب وتقول الله يهديهن ،

بس لما يكون هالتصرف يخص المكان إلي إنته متواجد فيه فلازم تواجه الأمر بحسن تصرف يخليهم يعرفون إنه الحركه إلي متعودين يسوونها ما ترضي الله

المهم .... اليوم كان حلو وأحداث هالأسبوع أحلى وأحلى ، والإجازه صارت أحلى وأحلى وأحلى بالناس الطيبين إلي اجتمعت فيهم :)

[مزن هتان]

الثلاثا
المزاج : عادي

عيد و مزن قاعده في دبي ربيعاتي مستغربين كل ما اكلم وحده اونه ها فالعين ؟
هـ العيد مالي خاطر شي، اقولهم عقوني فالبر يوميا العصر و مابي شي زياده

خالتي تكلمني عـ البي بي تقول خلنا نسير العين باجر من الصبح و نرجع المسا
والله مالي خاطر دخل الشتا و بديت البيات الشتوي مالي أنا =)
ماريد ابتعد عن أختي هـ الفتره و أنا عارفه انها تعبانه نفسيا و مش قاعده تقول اللي بخاطرها

غير ذلك بابا ساحب علينا هـ الاجازه بالقو !!
هاليومين وايد نتضارب أنا و أم سيف وايد تحارشني و أنا بسرعه ألبق شكيت انها حامل لأن نفس
الحاله تجيها لمن تحمل الدبه ماعرف ازعل منها

[أنامل قلب]

اليوم : طلع اليوم اهو الثلاث لول ^^"
المود : اممم !.
الموضوع ..

مادري ، بس وايد استانست اليوم ،
الحمدلله ..

~

امممم في شي أسويه لمن أحس إني محتاجه لـ نصيحه ،
أفتح كتاب الله على أي صفحه جي ، أو أحط ابـ بالي أي رقم بسرعه من غير لا أفكر واقراها ..!

صدق صدق واااايد هالشي يريحني ، والله دوم أوقف عند آيات مادري شلون ،
يعني تكون مرتبطه بنفسيتي وحاجتي بشكل مو طبيعي ، صدق للي ماجرب يسويها ،
سووها باقتناع تااااام ، وكأن رب العالمين يناصحكم جل شانه ..

جي سبحان الله وايد بترتاحون ، مادري كيف أشرح ..!

~

صدق صدق صدق وااااايد مقصره ..

[أنامل قلب]

اليوم : الاربعا ..
المود : ...... .... ... !.
الموضوع :

ماكو ، البدايه كانت سيئة ، وقعدت من النوم متأخر بما إني أمس خربتها من الخاطر ، ان شاء الله بس ما يأثر وايد ،
وشسمه ، تريقت وانا مجابله اللاب ، وللحين مجابلته أنطر شغله ، وعساس بنسير نتغدا برا ، واحتمال نحوط شوي ،
بس ماودي نحوط ، ان شاء الله نرد بسرعه والحق أسير أفصلي عباتين بما إني كل يوم أأجل ، أو بالأصح ما ألحق ..!

المهم ، خارج النص ، قمت أحس فعلا أسلم شي إن الواحد منا ما يكترث لراي غيره ،
ما أقصد الآراء العاديه ، لا لا أقصد يعني إن من يبي يسو الآدمي شغله ممكن تلقاه يتردد لأنه مو واثق من راي الناس بهالخصوص مثلا ،
مادري اذا التفكير هذا صحيح ولا العكس ، بس صدق أحسبه أسلم وأريح شي ، خاصه إن تصير تتعامل مع نفسك والغير بأريحية أكثر ..

~

المبدأ الوحيد اللي مقتنعه فيه صدق ، إن الأساس دومه المفروض يكون ثابت عندي ،
وتعاملي مع الناس ما يغير شي ، لأن ردات فعلي بالأخير ما بتكون إلا مني ، بغض النظر عن شخص اللي أتعامل معاه ..

مول مو مقتنعه بمبدأ إنك تعامل الناس بالمثل ، يعني بالطريقة اللي يمشي عليها وايدين ..

~

وشو بعد ، اممم امبلا صح ، بسير أتحنى باذن الله ، وناسه ،
بما إن هاك العيد تعقدنا من الزحمه قلنا ما شي مجال نجازف مره ثانيه ،
وفوق هذا أساسا شغلهم بالعيد ما يكون مثل الأيام الثانيه بسبة الزحمة ..!

وبس ، وايد رمست ،
ماعليه تحملوني شوي النفسيه اليوم ما تساعد :m_m7tar: !.

[أنامل قلب]

اليوم : الخميس ..
المود : ..... .. ......... !.
الموضوع : سوالف ..


اممم كالعاده ، إما إن ما نظهر موليه ، أو الطلعات تصير زايده إلين نمل ،
واليوم بعد عساس بنسير نتحنى بس ماشي اختي مرتبطه ابـ شغله واحتمال نأجلها للسبت ،
يعني اليوم وأخيرا في مجال أسير أشوف محل العبي ..

~

صارلي موقف يضحك مع الوالد ، ترى جي أحطله زيت الحبه السوداء ع ظهره وجي لأن يتويع ،
فـ كل مره عادي تكون الغرشه في لها غطا ثاني جي بفتحه صغيره عساس ما ينجب منه وايد ،
يعني أتم اضرب الغرشه بالقو عساس ينزل منها شوي شوي ، بس هالمره فتحت غرشه يديده
اشوف مابها غطا صغير ، يعني عادي فتحة الغرشة العوده ، وبالتالي لازم احط من الزيت ع ايدي اول
عساس ما ينجب منه وايد ..

المهم ، كالعاده آخذ واعطي مع الوالد وسوالف وجي ، واقوله بعد شو ها هييج الغرشه أحسن وجي ،
المهم أول مره جبيت من الزيت شوي ع ايدي عساس امسح فيه مكان الويع ، وهيك كل شوي اوزع الزيت ،
بس حضرتي نسيت إن الغرشه مابها غطا ثاني ، فلمن ييت اجب الزيت للمره الثانيه جلبت الغرشه بالكامل وبالقو
يعني مثل ما كنت اسوي بالغرشه الجديمه ، وكــــــــل الزيت انجججــــــب مـــــره وحــــــده لول

ما استوعبت اللي صار لكمن جزء من الثانيه ، ولمن استوعبت شهقت وصرت جي :k_puppyeyes: ، وعقب أوني أرقعها ،
أقوله امبيه شو صار ، نسيييــــــــــــت :whistling: ..!

بس صدق ماخله شي ما خيسه ، سرير الوالد ، خيست عمري ، وجسمه كله صار زيت بزيت ، حتى هدومه ،
اصلا هالزيت تحسونه جي وايد دهني ، قفطت بالقو ، وتم يتحرطم عليه اونه شو ها ، ومو قادر يتحرك ههه ..

كلهم يو عدنا من الاصوات الجميله ، شوي نضحك وشوي نحط ع بعض وشوي نزقرهم ،
الوالده واختي لمن شافو المنظر ما قدرو ، يضحكون شوي ويطنزون عليه شوي ، والوالد يقولي
افف احس جسمي مادري شلون صاير ، احليله والله ابوي ، صدق وايد وايد وايد أحبه ..

~

أمس تم يعلق علينا ، اونه في أحد يتغدا هالوقت / كنا رايحين لمطعم ايراني بالفستفال ،
ووقتها صدق كان المكان صوب كوستا زحمه مو طبيعيه ، مادري شو كان عندهم اظني في عرض هاك الصوب ،
بس وااايد كان زحمه جي لزقه ابـ بعض ، ونحن نبي نظهر من الباب من هاك الصوب ، والحمدلله ماظعنا ^^" ،
ووو استانسنا عقب ، قليل ما نظهر نتغدا برا ، عالأغلب يكون عشا ، بس هالمره جنه جمعنا الغدا والعشا !

+ أحس هذول اللي بالمطاعم الإيرانية يستانسون لمن يكلمهم أحد عيمي ،
وبما إن الوالده معانا فما قصرت إهي تمت تاخذ وتعطي معاهم ..

وووقبله كنا بالستي ، وقبله بدبي مول ، أحس خلاص صار عندي تشبع ،
ماحب لمن أظهر كذا مره جذي ، حتى نومي اخترب ، وشسمه بعد :k_special2: ..

~

اممم وايد قمت أحس ابـ أشيا غريبه ،
في شغلات ماحب أشوفها ، وشغلات ثانيه أتفاجأ ابها ،
مادري كيف أييبها ، جي أجز ..

[أنامل قلب]

اليوم : الجمعه ..
المود : .... ... ..... !.
الموضوع :

[ إلا أن يشـــاء الله
واذكر ربك إذا نسيت وقل عسى أن يهدين ربي لأقرب من هذا رشدا } ..

[ ومن أظلم ممن ذكر بآيات ربه فأعرض عنها ونسي ما قدمت يداه .. } ..

~

قراءة أخونا الغامدي هاديه ويظهر الأحكام بشكل واضح ما شاء الله ،
ربي يجزاه خير ..

~

كنت ولازلت أحس إني ما يمشي معاي شي اسمه [ تخطيط دقيق ] ،
يعني إني أتقيد بشي بشكل جامد جي وكأني أمشي على سستم معين يوميا ،
اممم مادري جربت أخطط كذا مره بس كنت ولازلت ما أحب أتقيد ابـ هالأشيا ،
صح الواحد المفروض يحرص على إنه يخطط لحياته ، وأحيانا حتى يدخل بالتفاصيل ،
بس في شغلات ثانيه ما تندرج بمثل هالمخططات ..

~

وايد زعلت اليوم ، صدق ماعرف شو أسوي ..

[قصايد غلا]

اليوم: بتكلّم عن 2_ ديسمبر

المود: ما ينوصف :k_no:

الموضوع:

من قبل العيد بواااايد بنات خالي يبن يسافرن و يبونا "أبويه و أميه و أنا" نكون وياهم .. أبويه وافق
لكن مادري شو ياه في ليلة السفر تم متردّد و يته حمّى و قال مب لازم نسير :k_sadwalk:

أنا زهبت شنطتي في آخر كم ساعة قبل موعد الطيارة عل و عسى أبويه يغيّر رايه مع اني مووول مب متحمسة للسيرة:fa55:
استوا الصبح و طاف موعد الطيارة و سافروا قوم خالي


الضحى

اتصلوا بي عيال خالاتي و قالوا بنسير نتغدا في دبي و عقب بنسير القصبا المسا .. قلت لهم اوكي "على أساس ما بنسافر"

نشيت تزهبت و ظهرت وياهم .. العصر اتصل ابويه قال لي شنطتج زاهبة بس بغيت أخبرج إنه باجر الصبح بنسافر إن شاء الله

قلت له أوكي :) و أميه تكلمني على التلفون الثاني وتقول نفس الكلام :doh:


الساعة 5 المسا أبويه مكلّم أخويه و يقول له أنا بسير المطار و بتريا ربيعك عشان يصرف لي الفلوس

عقب رد أبويه اتصل به كم مرة لقى تلفون أخويه مغلق .. أميه نفس الشي


تمّوا خايفين .. شوية و ياهم رقم غريب طلع أخويه و قال لهم تعالوا لي مستشفى كلبا أنا مسوي حادث :k_no:



و أنا كنت في القصبا مستانسة راكبة العبرة لأول مرة في حياتي .. يوم ياني الخبرررر

ما أقدر أوصف شعوري كيف كاااااان .. أصيح ، أدعي إن الله يحفظه ، أبا أكلمه ، أبا أكلم أبويه و أميه ، مرتاحة و اقول في خاطري "الله هو اللي حفظه في الحادث الأول السنة اللي طافت و بيحفظه في هالمرة إن شاااء الله :yes: "




فجأة لقيت عمري في البيت و أميه تصييييييح و أبويه ما يعلم بحاله غير الله .. يتظاهر إنه ما فيه شي و يالس يدعي و يقرا قرآن
مادري كيف وصلنا جلبا ، الدقيقة جنها سننننننننة ما تطووووووف .. أبا أوصل عند أخويه أبا أكلمه أبا أضمه أبا أقول له ما لي غيــــــــرك في هالدنيا انته أخويه الوحيد انته كل شــــي بالنسبة لي

في الطريج أرد على مكالمات العايلة كللللللللهااااااا .. التلفون ما صخ من كثر الاتصالات كل شوية يررررررن و يسألوني عن أخويه


ما صدقنا نوصل المستشفى .. شفت أخويه :k_no:
فديييييييته غمضني وااااااااايــــددد بس أهم شي إنه الحمدلله بخير
صح ويهه متيرّح و خايطين راسه و ايده متقطعة بس كل هذا يهـوووون :12:

انقضى الليل كلللللله و أبويه كل شوي يطالع المغذي و يطالع الأجهزة اللي محطاية لأخويه و أنا على أي شي أزقر النيرس (لااعت جبدهم منّي من كثر ما أسألهم عن حالته)
ما صدقنا تمر 24 ساعة على الحادث عشان الدكتور يقول خلاص الحمدلله ما فيه شي و تقدرون تطلعون من المستشفى



و الحمدلله طاااافت الـ24 ساعة و وافق الدكتور يرخصه =)


آآآآآآه يا قلبي .. نحن قبل كم يوم نذكر الحادث الأول مال السنة اللي طافت .. يوم خبروني قلت بعععععععععععد منجلب :( .. أستغفر الله
اللهم لا اعتراض على حكمك =)



الحمد و الشكر لك يااااااااااااا رب على النعمة اللي نحن فيها

[مزن هتان]

تستاهلون سلامته يا قصايد غلا

[رمــش الغـــلا]

^ قصايد غلا

تستاهلووووووون سلامته والله ..

الحمدلله انه ردلكم شرات قبل .. ^__^

[مــهــابه]

تـسـتاهلـوون سلامته قصـووده

الحمدلله انها يـت على جيه =)


الله يحفظه لكم ويخليكم لبعض يـارب=)

[العجيبة]

قصايـد غــلا

سلامته وما يشووف شر ان شاء الله - أجر وعافيـة - ...

[قصايد غلا]

مزن هتان : الله يسلّمج من كل شـر حبيبتـــي :a070: .. هذااا كلللللللله من النيسان اللي تحبينه و أخويه يعشقه :bash:


رمش : الله يسلّمج و يسلّم غاليج رمّووش :fa35: .. هيييييه والله ، الحمدلله مليوووون مرررررة على هالنعمة


مهابتي : الله يسلّمج غناتي :fa41: .. آآآآآآآمـــــــــــــيـــ ـــــــــــــــن يااااااااا رب و يحفظ لج ربي و يخلي لج كل غالي :12:


العجيبة : الله يسلمج .. الشر ما اييج فديتج :yes:
الله يعافيـــج الغالـيــة




الله لا يراويكم مكروه في عزيـــز عليــــــكم :a054:

[دمعة شوق]

^
قصوودتي
مايشوف شر وتستااهلين سلااامته ^^

[شوق القلوب]

السلام عليكم...

الحمد الله على سلامته قصوده... و طلعوا عنه دفعه بلى...

و الحمد الله انه ما جاسه شي... :)

[أنامل قلب]

اليوم : مادري أقول السبت ولا أطري الأحد !.
المود : .... .... ... .... ...... ، ... ...... .... !.
الموضوع : خبال ..

بالأول ضحكني أبوي وايد ، حضرتي اوني بسوي فيه مقلب انقلب بعد حين علي =#

كنت رايحه أرتب رفوف الكتب شوي ولا لقيت طيطار بلاستك مادري من يايبه ، وشكله يلوع بالجبد ،
المهم دق براسي وقلت بسو مقلب بالوالد ، فيبت لزقه ولزقت الطيطار عاليدار بالصاله حذال الساعه ،
جي مخشوش شوي عشان أونه يعني يبين انه صدقي ، بس وحليــــــله ابوي شو سوا هههه
ما قدرت أكتم الضحكه ، طبعا عشان لا يشرد اونه يايب أقرب شي لقاه وكان نعاله ـ تكرمون ـ ،
ومن غير ون تو ، سيده ضربه وتم قابض النعال يسألنا إذا الطيطار شرد ولا ههه

انا اهني ما قدرت تميت اضحك ، خلاص جي طحت وانا أقوله امبيه مو صدقي لعبه لعبه لول
واهو مو مستوعب ، يشوفنا كلنا نضحك ، خذله كمن لحظه ولمن شال النعال شاف الطيطار بعده مكانه ثابت ،
جان يعصب ههه ، بس جي يعني سوالف ، يقولنا اختكم تنطرني ومتأخر عليها والخ الخ واهو يضحك ،
حسيته افتشل احليله ..

بس عقبها جي بكمن ساعه ، قتلهم خلو الطيطار مكانه إلين إيي أخوي ، وهذا ما بستغرب جان شرد عنه !.
لكن انا الفالحه كنت اوني متمدده بالصاله اشوف التلفزيون وما حسيت بعمري كالعاده ونمت بالوقت اللي رد أخوي فيها البيت ،
وصار الموقف وشكله زاعج عليهم يبيهم إييبوله شغله عساس يمسكه فيها ، وانا فزيت مخترعه من زعيجه =$
والله قلبي وقف ، كل مره يصير فيني جذي مادري شلون بسرعه اتروع وافز ..

ويعده للحين الطيطار البلاستك مكانه !.

~

هالمواقف تشغلني عن التفكير باللي ماحبه ،
أحيانا صدق تكون النفسيه عندي سيئه ، كل شي مخربط ،
فـ صدق وناسه جي قعدات الأهل ، والحين الحمدلله برد أداوم بما إن الاجازه خلصت ..

اممم كنت طالعه اليوم مع الوالد محل عبي ، كانت قايلتلي عنه بنت عمي ،
المهم ، فشلني صدق ، مع إني أساسا ماحبيت المحل ، خاصه إن كان فيه غيري موجود وقتها ، وكل وحده يبالها مال ساعه ،
والأهم إن واحد من الرياييل شكله ولهجته سعودي ، فـ نو واي بقدر أتصرف ولا بعرف اتكلم ، وفشيله ..

بس لمن ييت بدخل محل ثاني ، تم ابوي بصوت مسموع ، اونه شو هالعبي بعد ، شو هالأشكال ،
كجره جي ، هالعباه تنفع لعشره مثلج لول ، قفطني وايد صدق صدق ، حتى كنت قاعده أحاجي الريال اسئله عن العباه ،
واشوف ابوي يزقرني ويأشرلي بعيونه ، وكأنه يقولي طلعي ولا ياويلج لول

طبعا ظهرت بكرامتي ، بس تميت اكلمه واقوله كيف جي بعد =#
ما فيني أدخل محل ثالث وبرد يسو فيني جي ، والحمدلله طلعت الثالثه ثابته !.
مع إني للحين مو مقتنعه باللي نقيته ، ان شاء الله القطعه تظهر زينه ..

وآخر اليوم ظهرنا تعشينا برا ، عازمتنهم أونه بمناسبة انتهاء الاجازه ، صدق متفيجه ،
وللحين حاسه بثقل مع اني ماكلت وايد ، حتى الشاي الأخضر ما نفع ..

~

تصبحون على خير ، ودامت أيامكم بـ كل خاطر جميل ،
مادري كيف بقوم للدوام ..

[أنامل قلب]

اليوم : الأحد ..
المود : ..... ...... !.
الموضوع : بس جي هذره ..

اليوم كلمن يبدي كلامه بالتهاني ، حتى بالتيلفون ،
بس ما كان فيه هاك الشغل ، ملل يعني ، وللحين ما نقلت الأشيا اللي أبي أنقلها بالفلاش ،
عالأقل لمن ما بيكون عندي شي أسويه بلتهي ابهم ، ممكن اسو بروشورات وأكمل سالفة كتاب الطبخ ،
وغيره من الأشيا اللي تسليني وأحسبني أنتفع ابها ..

وشو بعد ، امبلا صح قمت أقضي وقت أطول مع ربيعتي ع ، وصرت آخذ واعطي معاها أكثر الحمدلله ،
بس مشكلتها مكتبها آخر طابق ، وحليلي صدق دوم ابتلش باللفت ، وبالأخير ألجأ للدري وأوصلها منهد حيلي ^^"

بس ما يصير صدق لازم أحد بيي يوقف ، واللفت يكون فاضي فما بدخل مع ريال بروحي ،
مع إني أكون واقفه قبلهم ><" ، دببه ، على حظي نحيسة باللفت كل ما أبي أستخدمه أصادف أحد ،
الاول يدخل وارد انطر ، ايي غيره وارد انطر ، وقفطه لمن يكونون ناطرين عبالهم بدخل ، فشيله الصراحه ،
الحمدلله إني أحب الدري ولا جان رحت فيها ، خاصه لأن شغلي بالمكتب ، تدرون القعده تهد الحيل ،
فـ سالفة الدري اظنها بتفيدني =)

وشسمه ، صدق الشغل مفيد جدا جدا جدا جدا جدا جدا جدا جدا جدا جدا جدا جدا ..!


~

اممم مــــــــــاااادري :k_special2: !.
أحس خلاص عادي استخف حد الاستخفاف المطلق الذي لا رجعة بعده / =# ..

[قصايد غلا]

دمعة شوق : الشر ما اييج حبيبتي .. الله يسلّمج و يسلّم غاليــج يا ربّــي :a050:


شوّاقة : الله يسلمج فديييتج .. الحمدلله الحمدلله من هالناحية أنا سويت كــــل اللي أقدر عليه من قبل لا نوصل حتى المستشفى و نشوفه في يوم الحادث

الحمدلله رب العالميــــــــن .. هاي أكبر نعمة وهبنا إياها ربّــي إنه حفظه :yes:

[مجموعة إنسان]

تستاهلين سلامته قصااايد
واهزبوووه شو هااا متهور يسرع وايد شكله !! هههه
عيل بس انا انهزب كل يووم

عاد على حظي انا كل ما ارجع من الكلية ابوي يكون راجع البيت يايب اختي من المدرسة
ودخلة فريجنا شوي غبية لازم ندخل في شولدر وانا اي مسرع وادخل الشولدر وهو يشوفني يوم اوصل البيت انهزب هههه


,,

امس الأحد ,,
هممم

بتكلم عن الساعه 12 المسا اول الالصبح مادري المهم الليل

كاانت فيني حمى مب طبيعية امس مع زجاام
وعندي بروجكت في واحد في القروب خون فينا مع ان من البداية ماكنت ابغيه بس الأستاذ قال انتوا الثلاثه في قروب
المهم ان هذا كان متفق معانا ان يسوي 3 بارتات من البروجكت وانا اسوي 3 والثالث يسوي البرزنتيشن وجذي
وهذا اللي بيسوي ال3 بارتات سافر وما سوى شي ومنو اتوهق طبعا انااا!
وامس اشتغلت شغغغغغغغل كررررف
سويته نصه
اخر شي هلكت ماقدرت اكمل من بعد 12 ساعه على اللاب

رقدت جذي 3 قمت 6 سبحت عالسريع وطلعت عسب اروح الكلية
من ركبت السيارة اشوف البترووول خلاااااااااص مخللللص
وقفت في زحمة المحطه ولما خلصت طلع باقي نص ساعه على الكلاس وانا شي اسمه تأخير ما احبه
يا اني اغيييب وارقد او اني احضر بدون تأخير
الحمدلله وصلت بالوقت والمزااج اي شششششششي

ما خليت واحد في الكلاس ما هزبته ههه
معصب على عمري بعد ما اعصب على الصغارية هههه

رجعت البيت الساعه 3 من بعد كلاس دروينج أررف
يعور الراااس
نرسم رسمه بالرصاص والقياسات كلها على 1 سانتي هههه
تخيلوا انتوا بس !!!

رجعت البيت تغديت رقدت وقمت الساعه 6 تقريبا

ومن الساعه 7 لين الحين وانا بعدي على البروجكت بس ابي اخلصه واطرشه لربيعي عسب يطبعه ويسوي البرزنتيشن


شو بعد ؟
شو الأخبار ؟ ههههه

[قصايد غلا]

مجموعة : الله يسلمك من كــل شــر
مب مقصرين في النصايح .. ما نقدر نهزبه أحينه نفسيته تعباااااااانة :sad:


مب زين مجموعـة .. لااااازم تنهزب و ياخذون السويج عنك بعد =p عشان تسير الكلية مشي ولا بـ تكسي لووول


أخويه حليله كل ما اييه حد يدق بيده على الموتر و يقول له للبيع ؟
لااااااااززززم يستوي به شي

الشباب مشكلـــــــة :mf_leia: وااايد يعيبهم يستعرضون و يطلعون خبالهم في السيايير و نحن نبتلش و نحاتي :argue: و القهررر يوم حد يكلمهم يقولون نحن مب يهاااااااااال :ohboy:


الله يهدي أخويه و يهدي كل الشباااااب اللي مب مدركين خطورة السرعة

[أنامل قلب]

اليوم : الاثنين ..
المود : .... ... ...... !.
الموضوع :


مستانسه ع سوالفي وربيعتي اللي اكتشفت بالصدفه انها معاي بالدوام ، الحمدلله رب العالمين ،
والحمدلله على كل شي ، كثر ما إني مرتاحه ، وكثر ما إني العكس ..

مواضيعنا كانت غريبه اليوم نوعا ما ، خاصه آخر سالفه ، صدق هالشي وايد يربكني ، ماحب حتى إني أفكر فيه ،
بس وايد ضحكنا عقب ونحن نطري المواقف ، وهيك ، مره إتي عندي ومره أروح عندها ، أول يومين كلش ماشي شغل ..

اممم تراني مو من النوع اللي آخذ واعطي مع غيري وايد ، يمكن لأني استحي ، وماحب آخذ راحتي أساسا ولا هو بيدي ،
بس الحمدلله ما حس إنهم ماخذين عني فكره غلط نفس ما يصيرلي أحيانا ، إن يتحروني جي مغروره ومال دلع =$
مع اني أساسا ماقمت أهتم الصراحه ، لو بقعد أدير بالي ع كل ظن وكل كلمة وكل خاطر بالناس ، بتم طول حياتي عايشه فيهم !.

وووو بعد ، جي سبحان الله مادري شلون لمن نلاحظ شغلات تبدي تتيسر ، مادري كيف جي ،
اممم وايد تفاصيل أستفيد منها بيومي ، مع إني لازلت أحس بنوع غريب من الفراغ ، لكن باذن الله تعدي علي ك فتره لا أكثر ..

يالله وايد شغلات ابـ بالي أتمنى إني أنالها ، أبي أكون كذا وكذا وكذا ، بس لازلت رغم كل هذا مقصره وايد ،
ماعرف شلون جي من جهة أحس براحة ما كنت أحس ابها قبل ، ومن جهة ثانيه أحس بالعكس ،
أبدا ما أرتاح بنومي ، مادري إذا يعتبر أرق ولا شلون ، يعني حتى لو بنام ما أحس إني نمت وارتحت بالنومه ..

~

كنت قاعده أشتغل ع شي مسويته بس مادري إذا بكمله وبوزعه ولا ، جي أذكار الصباح والمساء بس أحاول أخليه بشكل مختلف شوي ،
يعني بدل لا يقعد الواحد وقت فراغه بالدوام جي متملل ما يدري شنو يسوي ، يمر عليهم ويقراهم ،
وغيره ، سبحان الله يمكن ينتفع ابهم ولو شخص واحد ..

اوووو الحمدلله قمت ماخذه عالشغل أكثر ، استوعب شوي شوي نوعية الشغل واللي يصير بالأفرع ،
بس كله كوم وسالفة التلفون كوم ثاني ، مادري ليش ماحب أرد عالمكالمات ، ودومه نحيس لا يحول ولا يعلق المكالمه ولا يظهرلي أسامي ،
ع قولة ربيعنتي بما إني لازلت يديده ، من زودها المكالمات اللي اتيني الحين ، ونصهم غلط :fa46: !.

وايد شغلات تضحك ، ووايد شغلات نتعوذ منها ، يعني سوالفهم شلون تصير أحيانا ،
وكيف البعض معادي الثاني ، أحس مادري شلون متفيجين :k_special2: ..

~

جنه كل كلامي صاير عن الدوام ، ملهيني وايد ، ومنه التهي بغيره من أمور ..

[دمعة شوق]

اففففففففففففففففف لااا توني كااتبه رد اشطووله وانمسح في ثاانيه عاااااا مااااحب هالحركه السخيفه
:k_icon28:

\

اليوم : الاربعاء
التاريخ : 9 \ 12 \ 2009
المزاج : تـغـرق آلغـرقآن آكـثر ,,!

امممم اليوم كنت نشيطه وقايمه من 6 ونص وقعدت عند اخواني لين ماراحوا المدرسه وبعدها استرخيت
وبديت اتزهب للجامعه وخظفت على ربيعتي وداومنا رباعه ،،

كان الجووو في غاية الجماال :fa41: يشجع للدراسه والوناسه والحمدالله كنت مستانسه وكانت النفسيه اوكيه
وكنت اقول فخاطري ان الجو يغير من النفسيه ،،

خلصت كلاسي ساعه 11 وعقب ترييت ربيعتي تخلص كلاسها لـين 2 ،، وشلينا غدانا تيك اوي وقعدنا برا اقصد في مظلات الجامعه وكاان الجوو مشمس مغيم لوول ،،، واتفقنا يوم يكون الجو جميل نتغدا برا بدل حشرة البنات ولوعتهن :wacko:

عقب الغدا تناقشنا فـي امور عده ،، واخر موضوع كان مهم بالنسبه لي لانه يعنيني جدا وحساس جدا ،، صح هي ماكانت توجه لي كلامها بس انا وااايد تحسست واكتئبت من فتحنا الموضوع :(
مااحب افتح هالمووضوع او حد يكلمني فيه صددق اتضاايق واكره الكل
قعدنا لين قريب المغرب وكل وحده ردت بيتها ،،

وحاليا قااعده اتريا الوقت يمر عشان ارقد ،،


افففف وكل مره اضحك فيها وااايد واستانس اقول اللهم اجعله خير اللهم اجعله خير
لاني اعرف في اخر المطاف شي ببستوي بيخرب علي وصددق بكره الساعه اللي ضحكت فيها :(

امممممم الله المستعان ماعرف كيف يفكرون او كيف عايشين هالفئه من الناس !

اعرف كلامي متلخبط ومختبص بس خطفوا :confused:

[أنامل قلب]

^ لا بالعكس ، وربي ييسرلكم كل ضائقه ، ويوفقج ويحفظج وهلج دنيا وآخره ..

~

اليوم : الأربعا ..
المود : ...... ...... !.
الموضوع :

اممم محتشره انا ورفيجاتي ، مره اكلم فلانه ، ومره ادز للثانيه مسج ، ومره ارد اكلم الثانيه ، وهيك ،
ربي يحفظهن جميييــــــــــــــعا ، ويجمعني وإياهن تحت ظل عرشه يارب ..

~

في شغله وايد تتكرر معاي ، يعني شي مثل هذا لمن يتكرر يكون غريب ، أو أعتبره أنا غريب ،
بس مادري شلون ، وايد بسببه أنحط بمواقف ما أحسد عليها ، أشيا تحرج ، وحساسيات تصير ،
وأحيانا أبدي أحاسب نفسي زياده عن اللزوم ، كله أحط علي ، لاني قادره أكون ع طبيعتي ،
ولاني قادره أحس بالعكس ..

ماعرف شوللي فيني يتسببلي بهالأشيا ، واهني المشكله ،
وغيره ، لمن أقول عادي ، بس أشوف هالعادي يتحول لـ شي ثاني ..

~

اممم بس خلاص :fa46: !

[دمعة شوق]

^
اجمعيييييييييين يالغاليه
ا

[مزن هتان]

اليوم : بتكلم عن البارحه
المزاج : مستانسه
الموضوع
البارحه رحنا أنا و خواتي من قبل صلاة اليمعه عند خالاتي
حق الغدا يو خوالي و عيالهم و عيال خالتي
قلت كلمه كلهم جلبوا عليه بنات و شباب و خالاتي بعد أونه مزن لا يكون
سنوايت انتي :) والله ماقصدت بس حتى تذكار أيدتني بالرمسه هههه
المسا طلعنا جبنا كيكه حق مرت اخوي "مسوين لها كيكه على النمر مال اذ هاردي"
كملة ١٩ مفاجئينها أنا و خالاتي بعدين بدينا نشوي وصل خالي عبدالله
يقولي مزن بسوي عيش مشخول ع الفحم عيش و ع العشا :0
المهم خالتي شوت الدياي و نحن البطاط و الذره و خالي العيش و خالتي العوده البيض
و ها كله طبعا ع الفحم و البشاكير سوو نوعين سلطه
بعد هالعشا قلنا لازم نتحرك طلعنا أنا و خواتي و ٢ من خالاتي و بنات خالاتي
مع اثنين من أولادنا
نتمشى و مشينا لين بيت خالي احمد دخلنا يلسنا وحشني خالي ماشفته بالعيد
و قعد يقولي مزن تعشي معاي أقول والله خالي شبعانه وايد أكلت
و طلع معانا وصلنا لين قريب البيت و رجع
اخر شئ يوم قاعده بالسياره انطر أمي و خواتي ياني خالي عبدالله
ميت من الضحك قالي شو سو أمي و خواتي و مرت اخوي
ههههههاي و اتصلوا فيني خالاتي ميتين من الضحك للأسف فاتني الموقف
هذا كله خوف من وحده فالفريج مينونه عبالهم داخله البيت :) وطلعت اخت زوجة خالي
والحين بنشيل غدانا و بنطلع مع خالاتي

[أنامل قلب]

اليوم : الأحد ..
المود : .... ... !.
الموضوع :

الجو اليوم صدق غرام ~
ماكنت مسويه حسابي ، مع إن المطر من الصبح قبل لا اظهر ، بس مادري ماهقيت إني بتوهق ^^"
عالأقل كنت بلبس بنطلون ولا شي جي يكون أريح ، مو ثوب طويل =/
حتى شيلتي اليوم وايد توهقت فيها ، مووول ما تثبت ولا اروم ألفها عدل ، شكلي اليوم كان صــــــدق غلط ..

اونه ابوي خذيلج مظله ، ما يبيني أخيس على هالكمن خطوه اللي بمشيهم ،
واليوم بعد كنا رايحين عندي فحص دم الظهر بيشوفون اذا بعده الحديد عندي نازل ،
المهم ، صدق الشوارع كانت غيييـــــر شكل ، وسواقة أخوي حدث ولا حرج ما شاء الله ،
وايد ياخذ راحته ولا يحب ينطر ، مره يمين ومره يسار وأحسبه مسرع بالنسبه للجو ..

المهم إن ما أثر بنومي ، طبعا دايخه من الخاطر ،
فـ إلي يمر ع اختي اللي بالكلية كنت انا خلاص رايحه فيها وغاطه ..

وإي الحمدلله ، في شي ناويه أرد أسويه والحمدلله ماشيه فيه للحين بشكل مقبول ،
يارب والله عساني ألتزم هالمره أكثر ، صدق نفسيتي بتتعب جان رديت أهملت ..

+ برد !.

وهيه تذكرت موقف عبيط ، رفيجتي اليوم الله يسامحها دازتلي ايميل صدق ذبحني ،
وااااايد ضحكت منه ، جي مووول مب شي لمن تبون تضحكووون والتمون ماسكين عماركم عن الفضايح ،
حتى دمعت خلاص وصلت حدي ، وبنفس الوقت ياني مراجع يسأل عن موظفه ويباني أجيك عنها شي ،
المهم وأهو قاعد يحاجيني أنا جي حاطه يدي ع حلجي لول ، والله صدق مادري كيف تحملت :k_special2: ..!

[أنامل قلب]

اليوم : السبت ..
المود : .... ... ..... !.
الموضوع :

الكل رجع عادي ، والحمدلله رجع عادي ،
بس للحين ماعتبرته شي عادي ..

هالخواطر اللي اتيني ماحبها ،
وابـ أحيان أتمنى لو كانت الذاكرة عدنا مجرد لعبة تركيب ،
ممكن نستبدل قطعه منها وقت ما نشتهي ، ومثل ما نحب ..

~

كلامه ضحكني بالسياره ، يقولنا كنت أحسني بحلم ،
ومن شفت السوداني فوق راسي بغيت أزاعج / :redface: ..

~

وضعي سيء جدا ،
غير مستقره أبدا ، ولا ابـ أي شكل ..

[أنامل قلب]

اليوم : مو محدد ..
المزاج : ..... .... .. !.
الموضوع : اختي الاصغر ..


مرات عليها مواقف صدق أستانس عليها وايد ، على كثر شطانتها وسوالفها ،
بس مادري شلون جي تفاجئني أحيانا ابـ فواصل جميله ..

حساسيتها من صوبنا "ولنا" شغله حلوه ، طفوليه بشكل مختلف ،
يمكن لأنها أصغرنا ، ومع إني أقولهم أحيانا لا تعاملونها جي لي متى بتعتبرونها ياهل ،
بس ماشي فايده ، إذا أنا للحين يعتبروني ياهل ، عمرنا ما بنكبر بعيون والدينا ،
وفوقه كوني قبل الأخيره ولله الحمد ، نكون بالنص أسلم لنا ..!

وعن اختي هذي ، لو فيني شي ولا بضيج وبفكر ألجأ لأحد من خواتي ، فأكيد بيكون لها ،
أذكر لمن رحتلها بعد اللي صار ، مع إن كان خلاص مر عالموضوع ، بس ماقدرت ولقيتها على طول يمبي ..

حتى لمن يصير شي تعرف إن نحن مانحبه ، وايد تضايج ،
وتضحكني لمن أكلمها أحيانا بـ سوالف عشوائية واوقف عند أمور ضايقتني ابـ أفعال مثلا ،
التم جي اتحط عليهم حتى لو ماتعرفهم وابـ هبل جميل ..!

حنونه على اختها :tongue: ..

~

الموضوع : صغيره !.

اممم ، وايد تصير معاي إني أحس بالناس يعاملوني عساس إني صغيره ،
مادري يعتمدون على الفكرة اللي ياخذونها عني من الظاهر ، ولا لأني قليلة الاحتكاك ابهم ..

وما عندي مشكله أبدا ، أريح لي ، إلا لمن بضطر أبدي ردود أفعال ما يتوقعونها أحيانا ،
مثلا إني أبدي شدة بخصوص مسألة ، ردودي على أشيا ، عدم اختلاطي بالغير بشكل واضح ،
وأذكر مره ما عيبني شي لدرجة كبيره ، واهني ماهتميت كالعاده وسويت اللي احسبه المفروض اسويه ،
بس حسيت باللي كانت طرف بالموضوع استغربت وماعرفت شو تقول ..!

مرات صدق في أشيا ابنا ماندري عنها إيجابيه ولا سلبيه ، ولا الاثنين ،
كل اللي نعرفه إن نحن نحن بالاطار اللي ما نملك الخروج منه ..

~

الموضوع : ريـ فرش !.

ما تصدقون اشكثر اني محتاجه أسولي إعادة ترتيب لكل شي يخصني ، كـــــــــل شـــــــي ،
من أتفه التفاصيل لأثبتها ، من أصغر نتفه ألحظها لأوسعها ، من كل جانب ومن كل بين ،
أبي أشوف نفسي بـ صورة أنا راضيه ابها ، يالله ماتتخيلون اشكثر الأفكار والخواطر ، مزحومه ..!

[أنامل قلب]

اليوم : الاربعا ..
المود : .... .... ..... .. !.
الموضوع :


هالـ فعل بالذات من أكثر الشغلات اللي تريح النفس ،
أحس بروحي تصير شرحه ، والخاطر أنيس ..

~

فيني شي غريب ، كوني حساسه جدا وشلون أصير لا مباليه جدا ،
بس لأني حساسه جدا !. كيف جي لا تسئلوني ، روحي مادري ..

وكأني ألقاه الـ حل الوحيد لتفاصيل كثيره أمر ابها ،
ما تصدقون اشكثر أتحسس واشكثر ممكن أتأثر من وبسبب تفاصيل صغيره جدا ،
ولهذا السبب لمن بيي أحلها ، تكون لي ردود فعل شديده جدا ، من غير لا يكون ابها أي شدة واضحه ..!

مثل ما يقولون ، حتى الصمت له حده ، وربي يعيني على فك هذي الصفات السلبيه فيني ..

~

ليـ هاللحظه ، ولازلت أعتبر الخجل فيني عله ،
عادي أهلوس ولا أصير وكأن وحده سكرانه : تقول ما لا تعيه !.

كل ما يذكرون الموقف وللحين يردون يضحكون عليه ،
أونه قوية من الخاطر ، دببه ..

+ خارج النص ، للي حاب يسمع تلاوات جميله ،
أنصحكم بسماع مقاطع لأخونا ناصر القطامي ، صوته جميل وتلاوته زاكيه ما شاء الله ..

[أنامل قلب]

اليوم : الجمعة ..
المود : .... !.
الموضوع :


أمس كنت صدق مدوخه ، ماقدرت من حطيت راسي طحت بعالم ثاني ،
بس قعدت من النوم مبجر نوعا ما ، جي قريب الساعه تسع ، ومن بغيت أجابل اللاب لقيت أبوي يزقرني ،
ظهرت معاه نقضي حاجتنا ، وبالرده مرينا عالمحطه ، كنت يوعانه ..

فيني طبع صدق بايخ ، إني أحب أشكل بالأكل وبنفس الوقت لمن أكون يوعانه أطلب بزياده فوق ما أحتاج ،
خذتلي 3 قطع / بالاول كنت متلذذه بالفطاير ، بس بالأخير لاعت جبدي من زود ماكنت شبعانه ، أحس خلاص ماشي مكان ،
والوالد يحط عليه ، اونه محد جابرنج ، وكأني قابضلج العصايه إلا غصب تاكلين !.

رديت البيت سيده عصرتلي لومي ، وبعد شويه بشرب جاي أخضر ،
وووو احتمال نظهر عالمغرب مره ثانيه ..

~

أمس حاشره أبوي ، كل شوي أقوله : بابا أحبك ..!
الين آخر مره فالي : شو تبيني أقولج ، حبج برص ههه / لول قتله بضحك : لا المفروض تقولي حبيبتي انتي !. > غصب هو ..
يقولي : انتو مو بس حبايبي ، عيوني انتو / وقعد جي يقولنا كلام > كنا بالسياره وقتها انا والوالده واثنين من خواتي ،
بس كانو مسوين حشره ، فـ ماخذينها سوالف على جد على امممم ، مادري !.

ربي لا يحرمني منهم دنيا وآخره ..

~

اليوم شفت اضافه لـ عهد الوداع ، استانست / ماكنت شايفتلها تواصل من فتره ..

[أنامل قلب]

اليوم : السبت ..
المود : .. ... !.
الموضوع :

اممم مادري ..

~

قاعده الساعه تسع تقريبا ، وتميت افكر بشي ، مادري هيه ولا لاء ،
كان الوالد توه بيظهر ، واختي الثانيه توها اقعدت رايحه تسويلها ريوق ،
فـ ماكو ، رحت وييت رحت وييت رحت وييت ، وتالي سبحت بسرعه وصليت وتزهبت ،
وللحين ما ظهرنا ، المفروض انا اللي احتشر لأن ابي الحق أدور ع كذا شغله ،
بس اختي الاصغر كالعاده دووووم من اييبون طاري الطلعه تلقونها قصة بحالها ..!

يبون يسيرون السينما ، كلنا بنظهر من غير الوالد ،
وشسمه كنت قاعده احاجي رفيجتي ، أحب سوالفنا حتى لمن تكون مال عبط ،
تقولي عن اختها عساس داخله كلية الشريعه مؤقت بس شكلها استحلت القعده بعد ما التقت بربعها ،
مع انها ماتحبذلها انها التم لكذا سبب ، المهم ، فتميت أقولها إذا بغيت أدرس شريعه بتشجعني ولا ـ اهي بالشريعه ـ ،
ودخلنا من عقبها بسوالف ، بس مادري ليش بعدني ما أميل وايد لاني أدخل أكمل رسمي ،
أبي أحضر المحاضرات من غير لا أدرس وأتخصص رسمي وأحصل شهاده ..

ودي أدخل بدوره ولا كليه بس لـ فتره قصيره ، حتى لو بدرس دبلوم بس إني أتثقف زياده بالمجالات اللي احبها ،
لكن مادري أحس إني متقيده بشي اسمه تبريرات ، ع كل خطوه لازم بشرح وبقول وبألف ،
ليش ابي اسوي كذا ، وليش حابه شسمه ، وكيف ، ولما لم أفعل ، وماذا إن فعلت ، والقصه ما بتخلص !.

~

ربي يهديني ، ويوفجني للي فيه الخير ..

[عافك الخاطر]

اليوم: الثلاثا
المزاج: مبعثر
- عقلي المرهق تزدحم فيه المشاعر ..لا شيء بات يثير فيني الحياة.. كأن الكون فيني انخمد ..
- بعد غياب شهور ،اقتصر الحديث على الطقس / تزييف الاشتياق/ و تزيين كذباتنا الصغيرة التي فشلنا بجدارة في إخفائها..
أنا مدركة تماماً أسباب ابتعادك، فحجم السلبية التي خلقها وجودي لا تطاق..
- أشعر برغبة شديدة في تجميد أحاسيسي تجاه الأشخاص والأشياء.. سئمت تعليق الآمال على الطقس/الاشخاص/أحلامي الكبيرة منها والصغيرة /

[أنامل قلب]

اليوم : الاربعا ..
المزاج : .. .. ~
الموضوع :

اليوم الدوام كان سيء نوعا ما ، ماحب الأجواء الممله ، ولا إني أقعد أغطي ع غياب البقيه ، أتوهق أحيانا !.
وشسمه ، من الصبح إليـ قريب العشا ماكنت ماكله شي غير الكوفي وقبل لا اظهر من الدوام خذت من عند وحده
قطعة كاكاو صغيرونه ، اظنها كانت سبب العوار الشنيع اللي ياني عقب ..

من ركبت السياره بديت احس ابـ ألم خفيف بالمعده ، وعادي طنشت قلت بيي وبيخوز بروحه ،
بس من وصلت البيت خلاص حسيت إني مو رايمه أتحمل ، نسيت اليوع وامه ^^"
سيده طحت بهدومي والعباه ، اقول لاختي بطنيييييــــي واسولف معاها شوي واتحرطم شوي ،
بس لقيتها عادي مو مهتمه ، غريبه يعني ، اونه شو ما يبين عليه إن من صجي ،
تقولي يمكن لأنج تسولفين وتضحكين فأحس إن يعني مو لهالدرجة تعبانه لول دبه

شربتني أمي ماي نعناع ، وسرت اسبح عالسريع عبالي الويع بيخف بس زاد ،
ومن ظهرت طخيت من غير لا الف ولا ادور ولا كليت ولا شربت ولا هم يحزنون ، حتى ما صليت العصر ما قدرت ،
بس الحمدلله قعدت من النوم عالـ 6 ونص والويع خف واااايد ، بس كله كنت أحسني بالدوام ،
بعدني أعيد وأزيد في أسامي الموظفين والمراجعين وانا نايمه :glare: !.

المهم ، نشيت صليت ، ومن فضيت كليت اللي المفروض يكون غداي ،
وللحين محتشرين عدنا ومشغولين بكذا شغله ..

اممم !.

[مزن هتان]

اليوم : السبت
المزاج : الحمدلله تمام

الموضوع

أمي و خالتي الصغيره عاملين لنا قلق ربي يشفيهم و يعافيهم
خالتي الحمدلله تطمنا عليها بس ربي يهديها و يصلحها و تكمل علاجها لين يخلص
و هذا احنا ننطر نتيجة أمي و ان شاء الله خير بعد =)

قرت عيوني يوم الخميس 31-12-2009 "آخر يوم بالسنه"
كان يوم حلو شفت زميلاتي و أحد ثاني بعد :fa41: "خبلت ابهم من أول الصبح"
ودي يجي بكره بس لأجل شي واحد -يا انهم يصدموني أو أصدمهم-

[قصايد غلا]

اليوم : الأحد

المزاج : :fa35:


الموضوع :

هالسنة ماشااااااااااء الله امبين عليها سنة خــيــــــر علينا :yes: "الله يديم الخير عليكم و علينا ياااااااا رب"

فـــي أول يوم يانا المطر و البَـرَد (و كان بس صوبنا لوووول) لكن خالاتي و خوالي و بيت عموه و يدّوه و مووول ما ياهم شـــي :boxed:


ثــانــي يــوم هو يوم مـــهـــم بالنسبــة لـــي لأنه يوم عرس "فـــطّـــامـــ:fa41:ـــي" حبيبتي صديقة الدراسة و المغامرات في الثانوية .. أطيَــب و أحَن قلب ، أم قلب أبيَـــض

و هي أول وحدة من ربيعاتي القراب منّــي تعرّس .. انقطعنا عن بعض بسبب الجامعة (كل وحدة في جامعة) لكن القلوب عند بعضها :a054:



الله يسعدها و يوفقّها و يديم عليها الخير يــااااااااااااااااا رَبْ



ثـــالـــث يـــوم "الــيوم" اليــــــوم طلعت النتااايج .. و الحمدلله مليووووووووووووون مــــــــــــــــرة :icecream:

[مزن هتان]

اليوم : الاربعا
المزاج : الحمدلله عال العال

الموضوع : تفاؤل

"ربي لك الحمد كما ينبغي لـ جلال وجهك و عظيم سطانك" متفائله جدا من أول السنه الحمدلله ربي
كذا و من دون أي سبب و ان شاء الله القادم أحسن و أفضل بإذن الله تعالى
يوم أكون مستانسه لازم اللي حولي كلهم يكونوا زيي

بعد كم يوم بنكمل 8 سنين صداقه
كانت صعبه جدا و مرت عليه ايام صج كان ودي اجتلها و ما كنت اتقبلها كلش
و مادري كم مره اقولها بصريح العباره لا تتصلي فيه بس زي ما يقولوا عمك اصمخ
حليلها والله حتى البارحه ساده الخط في ويها ههههه ماعرف متردده اخذ لها هديه
و الا اسوي طاف ؟
اليوم مداومه 10 و نص بعدين طلبت يعتبروني اجازه خلصت كم شغله و بطلع يمكن بعد شوي

أمي زعلانه مني "مو شي يديد" صج لي قالوا البنت عديلة امها و منعتني من الطلعة نهائيا
من دونها و أنا بما اني عنيده قلت لها ما تفرق معاي عادي بيلس بالبيت
و طبعا ابوي واقف بصفي كله يقولي روحي قعدي بالغرفه لا تشوفج و تشب عليج
اقوله انا تربيتك و احب المشاكل =)

البارحه دعوا عليه ياربي مادريت اني لها الدرجه كريهه و ما انبلع
قلت لهم قريب قسمنا بينتقل فرع جديد و مره قريب على بيتنا ان شاء الله
جان يقولون ان شاء الله تزوجين و بيت ريلج يكون بعيد
و قسم بالله كرهتها يوم قالت جذه سخيفه و تافهه بعد. الحين ادعي عليها ؟
استغفر الله يا ربي غثتني والله يعني ماعرف بالضبط حاقده و الا شو ؟

[أنامل قلب]

اليوم : السبت ..
المود : .... ....
الموضوع :

داشه النت من الكوفي شوب !.
مادري ، ما بلحق أحط إضافات تسدني ..

~

أبي أقول شغله بس ماني عاره كيف أصيغها ،
بس اممم ، ما كنت أبي أكون اللي أنا عليه اليوم ،
ولاني أبي أكون غير ..

لو بيدنا نختار ،
وبيدنا نوجه ،
وبيدنا إن نكون خارج معنى الإراده ..!

[مزن هتان]

اليوم : من الخميس الين البارحه
المزاج :sick & fun

[COLOR="Red"]الموضوع :[/COLOR خالاتي

هالويك اند تقريبا قضيته مع خالاتي
الخميس طلعت من الدوام و صلت البيت صليت العصر و كانت اثار الحمى عليه
خذت بروفين و رحت اتحنا معاهم + خواتي و بنات خالتي و بنت خالي
و المسا على اساس انه كان لقاء أغلى أحبابي أنا و أختي مارحنا و اليمعه صليت الفير
اشوف خالاتي يسولفون و مقطعين بعض عـ البي بي قلت بسلم عليهم لزموا عليه
اطلع اتريق معاهم فالمطار كـ تغيير و ليش انه ماطلعت معاهم عـ عالعشا خبرت ابوي و طلعت
تريقت معاهم اتصلت فيني امي ادورني مب لاقيتني بالبيت قالت لي حاولي ترجعين بسرعه
بنطلع البداير رحنا صوب البداير أبوي و أمي و خواتي + نوفل ولد خالي نصبنا الخيمه و امايه
طبخت لنا ذاك الغدا السنع المشواي كان خبال العصر ردينا و ابوي قعد لأن الرياييل راحوا له هناك
وصلنا البيت و انا طول الوقت أحاول اقهر الحمى المسا رحنا حفلة حفيد خالي
و البارحه رحت معاهم القريه


الصداع ذابحني

[رمــش الغـــلا]

الويكند اللي طاف كان حلوووووووو =)

والحمدلله كل ويكند يكون احلى من اللي قبله ^__^

استمتع فيه كثر ما اقدر لاني ايام الداومات ما احصل وقت لـ شي ><


يوم الخميس ..

اختي اللي اصغر مني قررت انها تسير عرس ربيعتها .. وقلت خلى نسير نظالع العرس وياها بما انها بروحها =)
والله يسعدها ويوفقها يارب ..
والجمعة .. طلعت مع اهلي تيمعنا فبيت يدي العايلة كلهاااا .. صدق كنا مفتقدين هاليمعات لانه الكل بزي وما يحصل فرصة =) وعالمغرب سرنا عند بنت اخويه حبيبتي "شما" وشفتها كببرررررت ..
وكانوا الاهل بعد متيمعين فبيت عموه بس انا ما تميت طلعت سرت اتلانتس تعشينا وتمشينا =)
والسبت طلعت مع خواااااتي ولأول مرة اسوق لي دبي >< بس عشان خاطر بنت اختي الصياحة .. لول
واستاانسنا كالعادة طلعاتنا السبت دوم تكون غيييييييير لانها ويا خواتي .. ومارديت الا المغرب ><لانه ورانا نشة ودوام ثاني يوم ..~

[مجموعة إنسان]

من تاريخ 3 لين اليوم
ملل في ملل في ملل


ياا زييين الدواااام ويا زييين طارييييه

[شوق القلوب]

شكلك اماجز...

[رمــش الغـــلا]

مجموعة انسان ..

لاتقهرني انته من صوب واختي من صوب ثاني ..

انا اعد الايااااااااام اتريااااا الاجااااااااااااااازة =)

[مــهــابه]

^
آحم آحم ، آحنـآ بنآجز آكثر عنهم =p

يـلين 7- 2 اجـآزتنا ، وآنا شكلي بطّنش آول يومين من الدوآم

.


.



اليوم :

~ الآربعـآ " آلآيآم تركض وآحنا مب حـآسين بهـآ "



المزآج :


[ ؟ ]



الموضوع :


بـدت آجازتـي ، ومحد ف البيـت مـآجز غيري انا وآبويه لوول ، بس مـدري آحس اني بتخبل ، آيلس الروحي ، آكل الروحي ، آسهر الروحي ، مـآتعودت جيه ، متعوده ع خبـآلنا آنا وتيمون وبومبـآ ، لكن عندهن آمتحـآنات ..


مـآلي غير اليهـآلووه آلعب ويـآهم ، وصـآيرين حشره زيـآده عن اللازم ، آو اني بديـت آطفر من اليهـآل لوول " وحده من الثـنتين "


بدآيه الآسبوع يـت ختيه العـوده تـرقد عـندي ، لكـن طفـرتها لوول ، آول مره احس اني أعررف اطفر الآوادم ، بس شسوي رقدتها ويايه ف الغرفه ، وماتتحمل آزعاجي ، وبعدين ترقد بدري من الساعه 11 حـآطه رآسها ع الشبريه ، تييب لي الأكتئاب لول

تـّمت يوم وروحت عـنّي ومن يومين ختيه آم خليفه فـ بيـتنآ ، وآفديت خلــآفي أنـآ الحشرررره ، آحببببه هالولد ، رغم انه صدعه وكله يصارخ ، بس بـعد ، يعـيبني " كيوووووت "

آمس ختيه العوده ( اللي طفرت بها ) متصلتبي بليييل الوقت متأخر تقول حلمتج حلم واااااايد يخوف، وطشـت من الرقااد وماقدرت ترقد " هذي احلامها تحقق " ، خبرتني الحلم ، وفعـلاَ يخوف ، آقول لهـا : لو مت ترحموا عليه تراها سنه الحياه ، كلنــا بنموت =) ، بس الله يرزقنـا حسن الخاتمه ان شاء الله


آشتقت لـكل اللي كنت اتواصل ويـآهم ، فـ الوآحات : قصودتي ، رمش الغلا ، الغلا ، مزن ، حلم الطفوله ، والبـآجين بلا اسـتثناء ، آشتقت لسـوآلفنا ، وضحكنآ ، وسهرنـآ ، وكل شي

آشتقت ، لـ صديقـآتي لطـووف ومـريـووم

مـدري ف الآجازه آنعزل عـن النـآس ، وف الدوامات اتواصل اكثر معاهم ، رغم انه المفروض يكون العكس !


خـتيه آم عبدالله ضايجتني وااايد ، وحتى ختيه ام خليفه ، يقـولون انتي توج وجيه متغيره ، باجر مابنشووفج خير شر ولا بـترفعين السماعه وبتدقين لنا ، والله مـب جييه ، واحاول قد ما اقدر اتواصل وياهم

يمكـن لآني عودتهم اتصل بهم ف اليوم مرره ومرتين و3 ، ومش قـآدرين يتقبلووون الوضع ، مـدري


بس جّد زعـلت يوم قـآلوا لي جيه ، آنا مالي غنى عنهم ، هم خـوآتي وآكثر بعد ، ومـآلي غنى عن كـتآكيتهم الحلوين بعد



.

.

آشتقت لهـم ، مـآحبهم يوم يـروحون عـّني =( ، آحس بفـرآآآآآآآغ كبير بدونهم ، بس آحاول قد ما اقدر اخلي الوضع عـآدي ، لآني ادري نفسيتهم تكون داااون ، وروحهم مب طـآيجين الوضع ، ف آحاول اخفف مـآ آزيد ، وآنا في داخلي احس اني مب متقبله الوضع


همسه من الآعماق :


أبيك دآيم بخيَر وخآطَرِك ( رايـَق ) ،
ترإك لآ ضِقت ،/ قلبيَ حيلٍ . .{ يوْجعِني ''


[ يوجعني

[قصايد غلا]

اليوم : الجمعة :yes:


المود : مخربط .. شوية :k_no: و شوية :k_special2: و :k_shock_1: و :sleepy: و :doh: و كللللللللل شـــي ، صدق صدق مخي مخررررربط


الموضوع : من أمس و أنا أسمع أخبار مب حلوة

بس الحمدلله على كـــــل حال ، أنا يوم تضربني ضيجة أعرف إنه أشيا مب زينة بتستوي


أمس قالوا لي إنه "أم حرمة خالي توفّــت" الله يرحمها و يغفر لها




اليوم أول ما نشيت من النوم ، قالت لي أميه : تعرفين حميد ولد فلانة ؟

قلت لها هيــه .. شو بلاه :sleepy: ؟ ، كان يدرس ويانا


قالت : توفّــى بحادث سيارة

قلت لها : حلييييييلها أمه .. هذا راس مالها ، وااااااااايد متعلقة فييييييه

و محد ايّيسر يقول له شي بسبة أمه ، واااااايد كانت تحازيه و تداريه




صح هو ما يقرب لنا لا من قريب ولا من بعيد بس عوّرني قلبييييييييييييييي :k_no:

ولين أحينه مب قادرة أنسى الخبر

==============


الظهر ياني خبـــــــــــر من وحدة عزيــزة على قلبي عن شي يعنيها .. حسّيييييت إني بموووت والله

و راااااااسي يعوّرنييييي يوم أفكر بموضوعها .. أستغفر الله لييييييييييش جي الدنيــــــــا ؟

دومها ضد الناس اللي ما يخصهم بـحد .. ليش اللي ما يحسبون للدنيا حساب ولا لربهم عايشيييييين حياتهم ومتهنّييين و مستانسين و دوووم يضحكون و ما جد جفناهم متكدرين و حتى لو صار لهم شي بعد ما يتأثّرون :7:



اللهمّ لا اعتراض على حكمك


قمت أفضفض في المكان الغلط :sad:

[مــهــابه]

اليوم :

آخر آيام آلآسبوع



المزآج :

متقلب



الموضوع :


مـدري !

بس كل يوم يمر يثبت لي أن خواتي غير عن باجي الخوات ، وهلي غير ، وحتى صديقــاتي غير

" ذوقي انا ماهو مثل باقي النـآس
ذوقـي رفـيع و [ هم ] برهـآن ذوقي

يحـق لـي آكون كـول والآمور طيبه ، دآم عندي ظّهر لو انحنيت يسندنـي


مستغربه آني ماصحت ، كنـت آضحك لوول ، بس عند شخص واحد مارمت أيود عـمري ، وصحـت صيـآح من الخـآآآآآآآآطر !


آول مره وقلنـآ خيره ، والثـآنيه بعد ؟ يـآخي مليـت انـا ههه ، ، يقولون الثالثه ثابته =p قلت آحب التغير بس مب هالكثر لوول


آدعـولي الله يفـكني ، خلآص طـآبت نفسي ، مـآ آريده


بنسى كل شي حلـو مريـت فيه
بنسى كل لحظة
كل شي
مابــا شي ، بس آبى كل شي ينتهي بســلاااام والســـــلااااام

[شوق القلوب]

مهابه...

كل شي حلو و لا مر ... ربي كاتبنه و من وراه حكمه..

ان شاء الله .. الخير ياي.. :)

[مــهــابه]

^
والنعم بـالله
آنـآ آمري وكلته للي عـيونه مـآتنـآم

وكل شي حلـو ومر فيه خيره ان شاء الله =)


بـآذن الله =)


شكـراً آم حّـمد " بوسيلي اياااه "

[طير الغرام]

اليــوم : الأحــد

المــود : http://oasis.bindubai.com/bin/images/mood/Happy.gif (http://oasis.bindubai.com/bin/index.php#)

الموضـوع : Mϒ ωèéΚ εŋď


الويكـ إيند اللي فـــات اتيمعنـا فـ العيـن [ صـح هب العايلـه كلهـا بس بعــد استانسنــا وغيـرنا جـو ]

برمـس عن أهـم الأحـداث
[ يــوم الخميــس ]

خالـي اللي كبري يانا ع الساعه ١٢ وشي أسمعه يرمس خواتيه اللي اصغر عني يقوللهن بعد ساعه ونص تعالوا برع وأنا كله ع بالي انه بنروح بيتـهم
"بيت حرمت يدي الثانيه - هو امجابلنا وفـ حوش واحد " وصدق ع نياتي ،، ختيه اتقول أنا زايغه قلتلها ليش هو أكيد بيينا عند الباب وبنروح بيتهم جان تضحك عليه وأنا هب مستوعبه شو السالفه :k_special2:
عقب خبرتني إنه هو قال بيودينا يحوطنا صوب امبزره ويهي استوا جيه :k_shock_1: صدق ولا يستهبل !

وعقب ساعه ونص يانا وصدق جنه حراميه هههه وهو اموقف سيارته اشوي وبيحدر ف الميلس :icecream:
واحنا زايغين ويقول شوو هاا اتحسسوني إني مواعد لا اتخلوني الحينه أدق حق ختيه يطري أمايه :fa46: ويقــول عادي الأمور طيبـــه

http://oasis.bindubai.com/bin/uploaded/1184_01263682447.jpg


حوطنــا فـ امبزره وشربنـا كركـ وغيرنـا جو [ شو هـ الخـال اللي يعلمنا الهياته هههه ]

http://oasis.bindubai.com/bin/uploaded/1184_11263682447.jpg



وع الســاعه ثلاث ردينـا البيــت وأخويه المستخــف يقوللنـا ما بفجلكم البــاب الله يـ الدنيـا أول احنا انقولـه ما بنفج لـك الباب :woot:
[ بس صــدق حسيتــه ADVENTURE :woot: ]

[ يـوم اليمعــه ]

سوينـــا شوبينــج فـ البوادي مــول >> استوالي موقف يضحك بس مافيه أكتب السالفه :icecream:
و ع العشــا خالي اللي ظهرنـا اليوم اللي قبلـه كان امسوي باربيكيــو :thumbup1: استانسنــا وااايـــد والأهـــل كانــوا متيمعيـــن

http://oasis.bindubai.com/bin/uploaded/1184_21263682447.jpg

>> ما اتفيجـت أصور وايد

وطبعـاً كملنــا سهرتنــا عقـــب ارواحنــا وسوالف لين ثلاث وشي ومتفيجيــن فـ نص الحوش بين البيتين يطرون سوالف ين وجيــه فـ مره وحده سمعنـا صوت قطاو
واحنا كنا ٥ بنات وخالي وخويه مره وحده اتقبضنا فيهــم هههههه :fa46: وعقب سرنا نرقـد

[ يوم السبـــت ]

مرينــا سويحــان مزرعـة يدي

http://oasis.bindubai.com/bin/uploaded/1184_01263682586.jpg

http://oasis.bindubai.com/bin/uploaded/1184_11263682586.jpg




وعقــب ردينـــا بوظبي


:yes:

[طير الغرام]

اليــوم : الثلاثـا

المــود : كــان بـاد بس الحمدالله

الموضـوع : Mϒ Dear Lil' Sis

أمــس حالتنـا ماكـانت اتســـر ،، من أول أمس ختيه الصغيره كانت تتويع من بطنهـا وكنا تونا رادين من القريه
بس قلنـا تتدلـع وأمايه ما هانت عليهـا جنهـا إلا حاسه ،، المهـم اليوم الثاني أصبحت اتزاوع ومارقدت عـدل ،، ودوها المستشفى وطولوّا
وتحاليل وحاله ،، آخـر شي ظهر فيهـا الدوده زايـده وملتهبــه :sad:
اشوي يقولون تعالوا واشوي يقولون تعالوا عقب العمليه أنا شو يصبرني بالذات هاي غير أنا وهيه وختيه اللي اصغر عني وااايد مع بعض
اهناك هي اتصيح تبانا واحنا اهنيه انصيح نبى انروح عندهـا ، أنا أعرف انه العمليه بسيطه بس بعــد ما أروم !!

والحمدالله العمليــه عـدّت ع خيــر ،، وختيــه أحــسن بس اشوي تتويـع

وما تبى حد يبات عندها غيري أنا وختيه اللي اصغر عني ،، بس الصراحه رقاد المستشفى متعب :fa52:
زين رديت الظهر البيت وريّحــت ،، وعقـب الصلاه بـرد تباني بعـد اليوم أبات عندها فديتهــا والله :fa35:

[مزن هتان]

سلامتها الف سلامه

[تحفه]

اعتررررف اني تكسرررررت من الالعااااب الي لعبتها ويديني وايد تعورني واحس اني عيوز ... واحمممممد ربي الف مره واشكره ان القريه اليوم ماكانت زحمه لانا شلينا قسم الالعاب فوق روسنا لول


صدق انها ماكانت ربشه القريه كثر المره الي طافت بس صرااااحه الاشياء في القريات كلها حلوه عكس السنوات القبليه

بس احسن شي اشتريته هو ثياب الصلاه فكره عجييييبه ومريحه

[قصايد غلا]

طير الغرام : ما تشوف شـر .. حليلها والله :k_special2:
تستاهلون سلامتها :)

========================


تحفففففةةةةةةة : انتي اليوم في القريـــة .. ليش ما قلتي ليييي :tounge: أنا كنت في القرية بعد لووووول



========================


اليوم : الأربعا .. لالا استوا الخميس :h_daleel:


المود : عال العال :a100:


الموضوع : كالعادة نشيت الظهر و عقب تغديت و يلست في الصالة

العصر ظهرنا كلنا "أبويه و أميه و أنا" سرنا نودّي ساعة أخويه مادري بلاها مخرفة ،

و أبويه عنده أحجار و نحن نتطنّز عليييييييه هو و أحجاره :4:


و هو يبا يسير عند حد مختص في هالسوالف عشان يجيّك عليهم


المهم

يوم وصلنا ، قالت أميه : ما بدخل وياكم عن يقفطونكم و أنا مب مستعدة أتقفّط :fa46:

قلت لها : حرام بابا يدخل روحه يتقفط ، برايه بتقفط أنا وياه لووووول


دخلنا و راوى أبويه الريال الأحجار .. شوي قال هذا عقيييق و هذا blood stone .......إلخ ، جان أنفففففخ ريشي عاد أنا :woot: و استغربت لأنه كنا نتمصخر لكن طلع كلامنا غلللط

و أزقر أميه ، قلت لها : هااااااااه طلعوا شــي شي هالأحجار مال بابا :icecream:


عـــــــاد أنا محد يقول جدّامي شـــــي :a100: .. على طول قلت لأبويه : أبويه خل يسوي لي هذا خاتم و هاي كوشية و ها قلب ...إلخ :9: أفففف اشكثر أحب الأحجار




المهممممممم .. عقب هذا كلللله استانست و استفدت شويه حصلت معلومات حلوة :yes:


و آخر شي قال لي راعي المحل : نصيحة البسي الحجر الفلاني على طوووول
لأن اللي يشوفج أول مرة ينجبر يتم يطالعج واااايد و هالشي يخليهم يحسدونج


جان أتم جي :k_special2: و قلت لأبويه أباااااااااااه :biggrin:



و شووو بعددددددد


اممممم سرت اشتريت دوا عشان ألمّع كللللللللل اللي عندي من ذهب و فضة :yes:


ردينا البيت الساعة 9 .. شوي رن تلفوني "بنت خالي متصلة"

قالت لي : عندج 5 دقايق ، اتلبسي نحن يايّينج .. و أنااااااا جي:fa54:

شوية و يوني و سرنا القرية .. استاااااااانسسسسسسست واااااااااااايد


كلللللت آيس كريييييم مال تركياااا:icecream: يممممييي يممممييييييي أحببببببببببببه أف اشكثررررررررر أعشقه :inlove::inlove::inlove:

و اشتريت جوافة حمرا .. يا ربيييييييه محلاااااااتهاااااااا تخبببببببببل بي هالفاكهة :fa35:


ما طوّلنا .. ساعتين و ردّينا :k_smile2:



الصراحة واااااااايد استمتعت في آخر كم يوم من إجازتي السخيفة القصيرة اللي قضيت بدايتها بالسهر و الرقااااااااااد وعععع :sleepy: أكرررره السهر اللي يكسّر الجسم و يعكّر المزاااااااج طول اليوم يوم أنش من الرقاااااااد



و توتة توتة خلصت الحدّوتة

[طير الغرام]

مزن هتـان ،، قصايـد غـلا

ربي يسلمكــن يا خواتيــه والشـر ما اييكــن ^_^

[تحفه]

طير الغرام : ما تشوف شـر .. حليلها والله :k_special2:
تستاهلون سلامتها :)

========================


تحفففففةةةةةةة : انتي اليوم في القريـــة .. ليش ما قلتي ليييي :tounge: أنا كنت في القرية بعد لووووول



========================


اليوم : الأربعا .. لالا استوا الخميس :h_daleel:


المود : عال العال :a100:


الموضوع : كالعادة نشيت الظهر و عقب تغديت و يلست في الصالة

العصر ظهرنا كلنا "أبويه و أميه و أنا" سرنا نودّي ساعة أخويه مادري بلاها مخرفة ،

و أبويه عنده أحجار و نحن نتطنّز عليييييييه هو و أحجاره :4:


و هو يبا يسير عند حد مختص في هالسوالف عشان يجيّك عليهم


المهم

يوم وصلنا ، قالت أميه : ما بدخل وياكم عن يقفطونكم و أنا مب مستعدة أتقفّط :fa46:

قلت لها : حرام بابا يدخل روحه يتقفط ، برايه بتقفط أنا وياه لووووول


دخلنا و راوى أبويه الريال الأحجار .. شوي قال هذا عقيييق و هذا blood stone .......إلخ ، جان أنفففففخ ريشي عاد أنا :woot: و استغربت لأنه كنا نتمصخر لكن طلع كلامنا غلللط

و أزقر أميه ، قلت لها : هااااااااه طلعوا شــي شي هالأحجار مال بابا :icecream:


عـــــــاد أنا محد يقول جدّامي شـــــي :a100: .. على طول قلت لأبويه : أبويه خل يسوي لي هذا خاتم و هاي كوشية و ها قلب ...إلخ :9: أفففف اشكثر أحب الأحجار




المهممممممم .. عقب هذا كلللله استانست و استفدت شويه حصلت معلومات حلوة :yes:


و آخر شي قال لي راعي المحل : نصيحة البسي الحجر الفلاني على طوووول
لأن اللي يشوفج أول مرة ينجبر يتم يطالعج واااايد و هالشي يخليهم يحسدونج


جان أتم جي :k_special2: و قلت لأبويه أباااااااااااه :biggrin:



و شووو بعددددددد


اممممم سرت اشتريت دوا عشان ألمّع كللللللللل اللي عندي من ذهب و فضة :yes:


ردينا البيت الساعة 9 .. شوي رن تلفوني "بنت خالي متصلة"

قالت لي : عندج 5 دقايق ، اتلبسي نحن يايّينج .. و أنااااااا جي:fa54:

شوية و يوني و سرنا القرية .. استاااااااانسسسسسسست واااااااااااايد


كلللللت آيس كريييييم مال تركياااا:icecream: يممممييي يممممييييييي أحببببببببببببه أف اشكثررررررررر أعشقه :inlove::inlove::inlove:

و اشتريت جوافة حمرا .. يا ربيييييييه محلاااااااتهاااااااا تخبببببببببل بي هالفاكهة :fa35:


ما طوّلنا .. ساعتين و ردّينا :k_smile2:



الصراحة واااااااايد استمتعت في آخر كم يوم من إجازتي السخيفة القصيرة اللي قضيت بدايتها بالسهر و الرقااااااااااد وعععع :sleepy: أكرررره السهر اللي يكسّر الجسم و يعكّر المزاااااااج طول اليوم يوم أنش من الرقاااااااد



و توتة توتة خلصت الحدّوتة



مااااااااكنت ادريييييي :d014:

انا رقادي معفوس .. انش العصر و ارقد الساعه ٩ الصبح .... ف الله يسلمج سرت بعد اذان المغرب على طووول .. لين ١٢

كلت : توم يوم سوب من القريه التايلنديه و نغر و ربيان + :heart: بطاط من القريه التركيه يممم :heart: + فواكه و جوكلت + ايس كريم من القريه الايرانيه فيه ماي ورد و فنيليا نسيت شو يسمونه

اشتريت : ثياب مالت الصلاه من القريه المصريه :k_winner_third_h4h_ + خنفروش و هالسوالف من هالكشك الي يبيعون حلويات لذيذه اعتقد اسمه هيل وزعفران او شي جي :heart: احلى حلويات امراتيه عن جد الجد + هاللي يقعدون عليهم المصاروه بالوان وايد حلوه من المصريه + جبس لينا من الايرانيه + شيئين من القريه اللبنانيه وايد حلوين :heart:

[قصايد غلا]

^ تحففففففففة لا تااااكلييييين هالسوالف مال القرية التايلندية :d014::d014::d014:

حرمة ولد خالوه تسمّمت ومادري شو استوا بها من بلاوي بسبة هالشوربة و الربيان


و أمس يوم سرنا نشتري فواكه .. ربيعة بنت خالي بغت تاكل ما خلييييتها و هزبتها :argue: لوووول ،

أنا بععععععد كللللللت لقمتين من البطاطا مال القرية التركية لووول

ما شفتيني يلست على الدجّة اللي مجابلة القرية التركية عشان آكل آيس كريمي :tongue:


تقهرني القرية كللللللله أكل في أكللللللللللل لووووووول :hysterical:عفانا الله جنه اميوّعيييين :hysterical::hysterical::hysterical:


أنا سايرة الساعة 9 و مروحة 11 و شوي .. يعني يمكن تصادفنا و نحن ما نعرف بعض =p

[بنت الدلع]

اليوم: الخميس
المود: كنت متكسسسسره من الجيم

نشيت شوي متأخر
ومن كثر ما كنت متكسره ماسرت الجيم العصر
واحلى شي اني سرت الصالون وقصيت شعري :heart:

شعوووور جميييييل
ويوم رديت البيت طبعا ماما عطتني ذيج النظره :blush:
وانا ماما بس قصته شوووي مب وايد لول

وفليل كنا معزومين على باربكيو
كان ونااااسه
اول مره احط الدياي واللحم في الصيخ
كشششخه
والشباب كانوا يتطنزون علينا لان كنا لابسين قفاز ونحن نسوي لول

وبعد ماكلوا الكبار دشوا داخل ونحن تمينا برع شوينا مارشميللو
وبعدين سكروا كل الليتات وبس كانوا مورّين الضو وتموا يسولفون عن الجن
زيييييغه
ونحن كنا يالسين تحت الشيره بعد !!
ردينا البيت يمكن الساعه وحده .. كان ونااااسه والله

[خليجيه]

بنت الدلع: الله يجمعكم دوم على خير ان شا الله :a054:

[تحفه]

^ تحففففففففة لا تااااكلييييين هالسوالف مال القرية التايلندية :d014::d014::d014:

حرمة ولد خالوه تسمّمت ومادري شو استوا بها من بلاوي بسبة هالشوربة و الربيان


و أمس يوم سرنا نشتري فواكه .. ربيعة بنت خالي بغت تاكل ما خلييييتها و هزبتها :argue: لوووول ،

أنا بععععععد كللللللت لقمتين من البطاطا مال القرية التركية لووول

ما شفتيني يلست على الدجّة اللي مجابلة القرية التركية عشان آكل آيس كريمي :tongue:


تقهرني القرية كللللللله أكل في أكللللللللللل لووووووول :hysterical:عفانا الله جنه اميوّعيييين :hysterical::hysterical::hysterical:


أنا سايرة الساعة 9 و مروحة 11 و شوي .. يعني يمكن تصادفنا و نحن ما نعرف بعض =p

:k_shock_1: عادي هالتوم يوم سوب مالتايلند شي مهم كلحد يسير لازم ايرب مسكينه كيف تسممت يحيليها :k_shock_1: .. وهيييه للللاسف القريه اكل في اكل :doh: ... ماكنت ادري انج هناك خلاص اذا سرت بسوي اعلان هيهيهي بس لااازم تلعبييين وياي :vampire:

[بنت الدلع]

قصااااايد .. انا وااااايد تعجبني السوالف عن الاحجاااار
احب اقرا عنها سبشلي اللي تأثر في النفسيه ولها علاقه بالابراج

خليجيه .. جمييييعا ان شاء الله تسلمييين ^^

تحفه .. اذا سرتي مره ثانيه جربي البستني الي في القريه الايرانيه .. سوو يممي

[قصايد غلا]

بنت الدلع نعيماااااً .. حلااااااااااتها سوالف الباربيكيو في البراااد أحينه :icecream:

استانسي بإجاااازتتتتتتج .. أنا خلللللصت إجازتي خلاااااااااص :k_no:



أبويه و أنا جي واااااايد نحب الأحجار :yes:

=========================


تحفة : هييه سوي لنا إعلان .. عل و عسى نتلاقى :tounge:

عن ألعـــــــب وياج بسسس .. أنا وحدة ما أحب هالألعاب مال القرية "كلللها ما تخوّفني" بس عاااااااادي يوقف قلبي و أمـــووووووت لوووول :fa46:

[بنت الدلع]

^ الله ينعم علــــيج
هي ان اشاء الله لا توصين ^^

[تحفه]

بنت الدلع انا اعتقد خذت الاسكريم من البستني هذا والله اعلم .. المهم ان الاسكريم الايراني الي ماحفظت اسمه فيه نفس البلاليط بس باااارد وحلللووو

قصايد لا تلعبين احسن للللج! انا من لعبت المشخله ومب قادره والله ارقد :( .. وايدي كلها اسود اسود لاني طحت في المشخله .. طالعتنلني نفس (كدمات على العروج) :S .. والعروج مب طبيعيه مستويه المنتفخه وطالعه على برع ... على كل ايدي وريلي وواااايد يعوووووور >.<

[قصايد غلا]

^ الله يعيييييينج تحفة .. أنا أتروّع أصلا فـ مستحيل أقرّب من هالألعاب لووول

[العجيبة]

قصايد لا تلعبين احسن للللج! انا من لعبت المشخله ومب قادره والله ارقد :( .. وايدي كلها اسود اسود لاني طحت في المشخله .. طالعتنلني نفس (كدمات على العروج) :S .. والعروج مب طبيعيه مستويه المنتفخه وطالعه على برع ... على كل ايدي وريلي وواااايد يعوووووور >.<

سلامات مس تحفة ,,

هاللعبة ما ادري كيف الناس يشوفونها حلوة :fa46::7::glare::fa54:

أبدا أبداااااااااااااااا ما احس فيها شي من الوناسة !! بالعكس انقرف منها خاصة اذا ركبوا فيها شباب وبنات مكس نفس الوقت ... :k_special2:


بالمناسبة تعيبني الالعاب اللي شرات العامود وقطار الموت ، وبالمناسبة #2 مسويين قطار موووووووت كبييييييييييير في جزيرة ياس ما ادري بيفتحونه :2:

[بنت الدلع]

تحفه .. ليكون تقصدين فالوده ؟؟

يحلـــــيلج سلاااااماااااااات .. حطي ثلج وتمي دلكي وان شاء الله بتخوز هالكدماااات

[تحفه]

^مادري يمكن هي يمكن لا

وشكرا الله يسلمج طلع هالشي مايخوز الا بمرهم :S

[قصايد غلا]

اليوم : الأحد :yes:


المود : :fa35:



الموضوع : اليوم أول يوم دوااااااااااااااااااااااا اااام :h_daleel:

و جاااااان نرد للكراف و صدعة الراس :bash:


أمس طووووول الليل أحاول أرقد ، ما خلييييييت حد أعرفه من قريب أو بعيد إلا و فكّرت فييييه

كل حد ايي على بالي في وقت الرقاااد "أفففف مخي ما يشتغل إلا في حزززة الرقااااد :h_negab: مادري ليش"



عقب صرااااااااع ويا النوم .. رقدت على ال2 و شي أو 3 يمكن :k_no:



8 إلا شي وعّاني أبويه .. نشيت تزهبت بسرعة و سرت الجامعة


حضرت أول كلاااس "الدكتور أعرفه" مسوي له راس هالسمستر بعد أونه يزيغ البنات لوووول :k_devil2:



ثاني كلاس حضرته كان زين بس الدكتور وااااااااايد خايس .. ودّي جي فجأة أرد عليه بـ رد قوي يقفطه بس هالشي مب لصالحي ، واااااااايد سخيف و دمه ثجيل و باااااايخ و فوق هذا شيييييييييييببببببببببببب ببببببة بمعنى الكلمة

اللي في عمره يقولون ياااا الله بحسن الخاتمة و بعامل البنات شرات بناتي و بخليهن يحترمنّي غصب بسبة طيبتي ، لكن هو حاط دوبه من دوب البنات و يهزّأ و يقفّط بدون سبب و بأسلوب وقح من أوووول يوووم :10:

الله يعيييننا على هالأشكال :doh:


بـاجر دوامي مب حلوووو .. 3 كلاساااااات و كلهم قوم بو ساعة و ربــــــــع :k_sadwalk:


لااااااازم أرقــــــد بس مادري متى برقـد


أحين أطالع 90210 و أسولف ويا مهااااااابتـــــــي الوفية:a050:

[مزن هتان]

و أنا على بالي بس نحن اللي نسير القريه ناكل يعني أكو غيرنا ياكل الحمدلله
تدرون انا ما ادخل القريه التايلنديه عشان ريحة أكلهم "استغفر الله" اقعد برع
لين ياخذون الاكل
الكنافه تهلع ما اخذ الكنافه الا من الكشك القريب من قرية "بدايتي" كنافة لذيذه
و مكتوب عليه انه فرع الشارجه و اتخبل عـ الفالودة الايرانيه فـ اول شي اسويه
من اوصل القريه الايرانيه اخذه بدون الصبغ الاحمر و الليمون بس ماي ورد
و شو بعد هيه ريحة اللقيمات وين قرية بدايتي تفر الراس بس بعدني ما جربت
خواتي مادري شلون ياخذون هالفاكهه المقطعه استغفر الله مادري منو مقصصها
انا فالبيت ما اكل السلطه لأني اشك في بشاكيرنا
هيل و زعفران بعد عصيدتهم حلوه ماما تقول بس الخنفروش الصراحه اي شي
"مو حلو هاك الزود" قلت حق الفلبينيه غالي و مش حلو هذا الصغير يبيعونه ابـ 65
اظن والله بالكويت العود خذناه تقريبا ابـ 4 دنانير و شوي و أحلى فررررش

يبالي اجرب البطاط اللي تتحجون عنه

اليوم : ......
المزاج : تمام

الموضوع
كنت متملله يوم اليمعه ماحب اروح راك احس اني اتقيد رحنا عوافي يمعتهم كانت حلوه
قعدنا لين 10 و شوي عقب كملنا سهرتنا في بيت عمتي انا رقدت عنهم
عمتي و ماما و أم سيف سوالفهم ما تخلص و لا بعد عميمه قاعده عند راسي
و كل شوي انش اسولف و ارقد السبت يانا عبادي و خبرنا عمي جاسم يتغدا معانا
اول مره نقعد مع عيال عمتي "واحد متزوج و الثاني اصغر مني" سوالف والله
زوج عمتي هلكنا من الضحك و هو عيونه دمعت والله
المغرب ردينا دبي
و البارحه كنت ماخذه اجازه رحت بوظبي على اساس عندي موعد وصلت متأخره
و خذت موعد ثاني و سيرتي صارت عالفاضي " بس صج الدرب لوعة افففف تعب"

[قصايد غلا]

مزن : مااااشاااء الله وين ما أمشي أشوف الحريم يطحنن :hysterical::hysterical::hysterical: ماشا الله يعني صدق صدق القرية حق الأكل هههههههههههه ، فلا تتحرين إنه انتوا جي بس

انتي أكيد تطرين بو فراس "لوحته زرقا" :yes: أحلى كنافة برتقالية كنافته لووول :biggrin:

أنا أبـــــــــا فالودة .. القرية الإيرانية من فتحت القرية هالمرة ولا مرة طحناها :k_special2: ، شكلي المرة الياية بسيرها :icecream:

[بنت الدلع]

قصايد .. شي بو فراس في الشارجه على فكره
بس تعرفين احححححلى كنااااافه كلتهاااا في حيااااااتي
اللي اخوي اييبها من ام قيوين

يااااا الهي والللله انهاااا عذااااااااااااااااب

--------

اليوم: الاثنين
المود: *وحده تحاول تستوعب شو السالفه* :doh:

احس اني ضاااايعه وماعرف شو اللي يالس يستوي في الدنيا
حتى ماعرف التواريخ والايام لول
لازم كل شوي اجيك الكلندر مول ما اقبّص

بارحت امس رقدت الساعه 3 ونص فليل ونشيت الساعه 5 ونص الفير حق الصلاه
وتميييييييييت واااااعيه ماقدرت ارقد

*بس استوى لي شي وايد حلو امس الحمدالله يارب* بس صدق صدق حسيت ان ردت لي الروووح *احبهم انا* :inlove:

رقدت امس العصر ونشيت الساعه 10 فليل !!

بعدين كلهم ساروا يرقدون وتميت بروحي
عالساعه 3 ونص خذت لي حبتين نايتي
وخمدتها ليين اليوم الساعه ثنتين يمكن !!

مادااااني يوم رقادي يخترب ارقد في اوقات غلط و انش في اوقات غلط

واليوم ان شاء الله بسير الجيم
مع ان هالكلاس واااايد يهلّك
الله يعيني


+ في ناس وايد متسيخفين
وما عرف شو سالفتهم بصراحه >.<

[قصايد غلا]

بنت الدلللللع : انتي تطرين الكنافة البيضا ؟

تكون بالقشطة و صغيرونة جي قد جف اليد مرتيييين ، صح ؟


إذا هاي هي ترى فتحوا المحل في الشاااارجة :tounge:

كم تدفعين عشان أخبرج :a100:

[بنت الدلع]

لا تقووووووووولييييييين ؟!!!! :woot:

يحطونها في صحن دائري ولونها همممم جيه عالليموني اظن بس مب برتقالي

هااااا بديييينا كم تدفعين لول
بدفعلج يوم بتيبين لي اياها :4:

====

الجيم اليوم كان فظيـــــع
Really worked out so HARD :fa51:
احلى body pump ever
بناااات اللي تبا تمتن او اللي تبا تقوي عضلاتها سواء عضلات الإيد، البطن، الارداف
تسير هالكلاس صدق صدق وااااايد اوووكي
تحسون انكم صدق سويتو رياضه

بس انا الذكيه يوم سرت ما كنت ماكله عدل فبعدين حسيت ان جسمي بدا يرجف
لان مافي enough suger in my body :doh:

والمدربه وااااايد تظحّك سبشلي يوم تسوي faces هاها :biggrin:

بعد مارديت البيت سبحت وصليت وشفت الكتااااكيت كانوا يايبينهم بيتناااا
يا ربي محلااااااهم :inlove:
بعدين سرنا فستفال يلسنا برع صوب الممشى .. الجو كان وايد حلو
وطبعا الناس السخيفين اللي كانوا وياااااي :bash: قالوا لي شي و عصصصبت
بعدين تموا يظحكون خلاص خلاص هدّي

اعرف كيف أأدبهم :k_devil2:

===

بس الموقف الي استوى لي ويا بابا !!
ماكنت ابا اتغدى فقلت بسوي لي اندومي :9:
وعاااااد بابا ما يدااااني آكل هالشي
جان يعلّق وانا سايره جيييه ما ادعم الايدار بطرف اصابعي !!!!!
انيرحت وطلع دم :k_no:
جااان اسير عند بابا و اراويه اصابعي
قلت وانا اشوفه: منو اللي داعي علي ؟؟ :glare:

[قصايد غلا]

:icecream: هييييه والله فكررررة .. شكلي بييبها لج و بقول لج هاااااه كم تدفعيــــــن ؟


يقول لج اليوم ماكلة منها


لحظة لحظة بصورها جان باجي شي منها لوووول

[بنت الدلع]

ياااا الهي عالنذاااااله >.<

[قصايد غلا]

http://oasis.bindubai.com/bin/uploaded/7683_01264448031.jpg



يا ربييييه منووو نذذذل


النذااالـــة شي مب زيــــــن :tounge:


خبريني منو النذل هنــــه :a100:



قولي لي هاي هي ؟

[بنت الدلع]

قصااااااااااااايد
مااااا حبج للأبببببد :mf_leia:

لوول
هيييييه وااااايد تشبهها



:sad: ما غمضتج ؟

[قصايد غلا]

لالا تحبّيني امبلااااا متأكدةةةةةة :k_blush-anim-cl:


:d014:شو ما أحبج للأبببببد بعد



لالا غمضتيني حراااام :a014:


اممممم تعرفين الدوار اللي مجابل راديسون ساس ؟

لو كنتي ياية من صوب المجرة .. من عقب الدوار خذي يمين


و امشي شوي شوي

بتشوفين اممممم محل العصاير و محل شيخ الكنافة حذاله :heart:

[بنت الدلع]

منو قال ما حبج ؟

اوني اتغلى هاهاا

ايوااااااا صوب المحلات اللي يسوون شوارماااا
اعتقد عرفت وين تقصدين

فور اكزامبل قولي انا يايه من نادي السيدات
وين دوار راديسون ساس اخذ يسار بعدين صح ؟ واكمل سيده

[مزن هتان]

مادري فراس و الا ابو فراس المهم مكتوب عليه الشارجه

نسيبي كان يطري كنافه من أم القيوين
يعني أنا ماني فالحه في دبي شلون بوصل هالمكان فالشارجه
ماشي الا الوالد يوديني أو خالاتي =)
أحب الكنافه و خاصه يوم أقعد أكلها و هي تووووها حاره تهلع
و اقعد اتلذذ بالجبن واااااي
أنا احب كنافه بالقشطه بس ماكو من يسوها لذيذه زي اول احيد
بابا كان ياخذ لي اياها من واحد عالرقه احيد اسمه حلويات و بوظة دمشق
و هيه صح ماحب الكنافه تكون فيها شيره وايد بس شويه شويه

تعذيب الصوره اللي حاطتها قصايد

[بنت الدلع]

مزن لو اتجربين هالكنافه كل يوم تبين تاكلينها

[قصايد غلا]

بنت الدلـــع : علييج نوووور .. هذا دربنا نحن بس مادري ليش تفلسفت و دلّيتج المحل من صوب المجرة :a010:


======================


مزززززن : مال فراس حلللوةةة بس اتحزي ، يعني لو ما بتاكلين شي كليها و أحلى شي في رمضان لوووول :4:

بس هاي الكنافة مال ام قيوين .. لذييييييييذذذذذذةةةة و خفيييييييفة و موووول مول ما فيها شيرة

بس تحسين بطعم حلاوتها =D

[بنت الدلع]

انزين قصايد كملي جميييييلج وقولي المحل بيكون عالسيد اليمين و لا اليسار ؟؟ لول :icecream:
*وحده تحب الديتيييلز*

------

اليوم: الثلاثاء
المود: نورمال

تميت يالسه في البيت مول ما طلعت
ولا سرت الجيم + ولا حتى مريت على ماي كزن الدبه اللي يت من قططططررر :heart:
كان يوم مااااافيه اي اكشن
لين فليل بعد العشا
سرنا الصالون
ونحن طالعين و راكبين السياره وصلني فيديو
ياااااا الهي :hysterical::hysterical:

نقعتتتت من الخااااااااطر :hysterical:
احس من زمااااااااااان ما ضحكت جيه

واللي وياي تحمست تبا تعرف شو السالفه يوم راويتها الفيديو :hysterical: هلللكت من الظحك

كان شي فظييع لول
عن واحد هندي يمشي و جـــيه مايدعم ما دري ينشب في ذاك الحاجز
يحليله والله
يمكن وصلكم بعد :vampire:

[قصايد غلا]

شوفي كل معلومة بـ 10 ربيات :tounge:



امممم على اليمين = 10 ربيات


و أول شي بتيج براحة = 10 ربيات


بتيج أول بناية فيها محل أسمه شيتا كونغ = 10 ربيات


أوقفي عنه = 10 ربيات


و بيكون على يميييينه مال الكنافة = 10 ربيات



شوفي كم كلللللللله و خبريني و طرشي لي الجيك :h_daleel: ===> يا ربيييه كيف أنا مستوية سخيفة وياج :k_harhar1:


==============================


اليوم : كاااان الثلاثا :yes:



المود : مرتاحة الحمدلله:fa35:




الموضوع : بقول كل شييي بالتفصيل استوا اليوم لووول "كيفــــي" ، عشان اييني الرقاد بسرعة عقب هالرد:tounge:



نشيت الصبح الساعة 8 و مااااااااااااااااااا ودّي أفارق شبريتيييي الجميييلللللةةةةةة و لحافــــي الحلوووو لكن غصبًاااا عنّي نشيت



تزهبت و سرت الجامعة و عيونــي مفتوحـة عشان أشوف الدرب بس لووول :doh:


حضرت أول كلاس و كان زويييين ماشي حالــه :10:


من عقب هالكلاس عندي بريك ساعـــة كاملة أتم ملاااانــــة روحي :sleepy:




عقب بدا الكلاس الثاني .. و أنا من الملل واقفة عند الباب قبل بنص ساعة :fa46:
و الدكتور فرّحنا شوي .. قال بنمدد وقت المحاضرة ( 15 دقيقة زيادة) و بنكنسل كلاس الخميس و استاااانسسسسنااا :thumbup1:


يلست حذالي بنت مادري كيف أوصفها .. أستغفر الله مابا أحش فيها


بس صدق تنرفز .. أول شي يوم شافتني نشيت عن كرسيّه قامت و فرت كتبي و شلتهم من على الدرج الثاني بدون أذن


ثاني شي يلست حذالي و كل شوي تمــــــد ايدها تحطها على درجي "انزيييين ليييش ها كلّه ، مب مكفنّج درجج" و كل شوية تكفخني و أنا جي تــااااامة:k_special2: يااا ربيييه شو أقول لها :fa36:، قلت أسكت أحسسسن ، و كفّك الله يا لساني :fa52:





خلللص كلاسي و قالت أميه : بودّيج أحين عند الدكتورة عشان ويهج .. قلت لها أوكي


ودتني و طلعت العياادة زححححممممممة و أنا أصلاً ما عندي موعد بس كيفيييي بسير دام الدكتورة قايلة لي متى ما بغيتي تين تعالي و قولي لهم عندي شي ضروري و بيدخلونج



المهمممممم


وايد رياييل واقفين عند باب الدكتورة:doh: و الحريم كلم يلوس إلا أنـــــا واقفة طول الوقت :glare: محتلّين كل الكراسي




طفرررررت و كل شوية أقول حق أميه خلااااااااااص بروّح مابا أتـــم أتريا و هاي الممرضة ذالّتني مب طايعة تقول إذا بدخل عند الدكتورة ولاّ لااااء



طاف الوقت و استوت 1 و شوي .. تخبّلت عشان عندي موعد للمانكير وباديكير الساعة 2 ، تميييييت أترجّا أميييه أقول لها : الله يخلّيييييج بنروّح مابا موعدي هذاك يطوووف :k_no:
قالت : لاااااااااء يا أميه ، الله يرضى عليج ويهج مب متحمّل متحسّس وايد


اتصلي النادي و أجلي الموعد لبعد ساعة
قلت لها : مب نااااادي أبويه ، و أنا عقب موووت حصلت الموعد هذاااا أبااااااااااااه :7:
بس ما طاااعت و قصّت عليّــه تمت تسولف ويايه هي و الحرمة اللي مجابلتنّا لييين طاف الوقت و دخلت عند الدكتورة :h_daleel:


فديييييييت الدكتورة والله .. أول ما دخلت قالت : قصاااااااااايد انتي فين ؟ أنا من شهر 8 بؤول فين البنت دي ؟
يعني عشان بئينا في سنة تالتة مش حنشوفك إلا بمواعيد :laugh:
دة انتي فوء القانون .. لمّا شفت اسمك و آلوا لي قايّــة من غير موعد ، ألت لهم دخلّوهااااا :yes:



حراااااام والله يخلص دوامها 2 بس تمّت ويايه:a070: لين عقب الـ2 حتى الممرضات طلعن




ظهرنا عنها سرنا وصلنا بنت خالوه وعيالها بيت خالوه



عقب سرنا النادي سويت مانيكير وباديكير :fa41:



ردينا البيت الساعة 4 و شــي :k_special2:




و تذكرت إني واعدة ربيعتي انه نسير رباعة عشان تبا تفصل مثل عبيّه :doh:


و عقب صلاة المغرب ردينا ظهرنا و فصلت لي 3 عبي ناعمات حق كل يــوم :k_smile2:



و ردينا بيتنا عشان أعطي ربيعتي لوشن و كانت هاي أول مررررررة تدخل فيها بيتنا هذا اليديد .. و استااااااانسنا وااايد :fa35:



بس كااااااان يوم متعب لأميه فدييييييييتها والله .. الله يحفظها لي هي و أبويه و أخويه و كل الناس اللي أحبهم :heart:


و يحفظ لكم ربي كل غالي على قلوبكم =)



و تصبحووون على خير :sleepy:

[بنت الدلع]

هاااي استوت 50 تومان p= قصدي ربيه
اسميييج نهّااابه :glare:

لول خلاص ان شاء الله وانا طالعه من النادي بمر

آآآه لا تذكيرني من متى ابا اخذ موعد وكل شوي شي يطلع لي
واايد محتااااجه اسوي بدكير ومنكير
مره ثانيه يوم بتسيرين خبريني عشان اتشجّع واسير لول
اهم شي نعيماااان ^^

[خليجيه]

بنت الدلع: قصايد اتفقت وياج على الربيه،شي زين:fa42: عشان روبيه هنديه مب ((( درهم))) اماراتي :fa47:

قصايد: لازم اتكونين دقييييييقه في شروطج :h_daleel: وعيبني تقريرج BTY

[المزوحي]

الكنافه تنباع في مطعم، وإلا محل مخصوص للحلويات ؟

[قصايد غلا]

بنت الدلع : يا أميه الدنيا كلللها نهب أحييينه :a100:
سيري دام عندج إجازة ، ريحي عمرررج :fa35:
وايد أحب النادي وكلللل شــي فيه :thumbup1:

أووووكــي ، إن شا الله أتذكر و أخبرج قبل لا أسير :12:

=========================



خليجية : :a100:شسوي بـ بنت الدلع تباني أدلّيها و عقب تسألني يمين ولاّ ؟
و عقب تقول لي في أي شارع ........إلخ :tounge:

=========================


المزوحي : هو محل بس لهاي الكنافة :)

[مــهــابه]

اليوم :

~ الآربعـآ


المزآج :

عـآدي بس كسـلآنه شوي



المـوضوع :


جسـمي متكسررر ، تـّوني ناشه من الرقـآد ، مـدري شفـيني اليوم ، بس آنش وآرقد ..


قمت الساعه 10 وشويه ، روحت ايلس عند ختيه ام خليفه ، اليوم روحت عـنّــا وآفديـت خلـآآآفي أنــاا ، بفتقده محد بيخبل به

يلسـنـا مع بعض يلين الساعه 2 ، وعـقب الغدا حطيت راسي ورقدت يلين عقب صلاه المغرب ، والله محد تخبر عـني

حّيـه ، صـاحيه ، مريضه ، آصـلاً مافي حد ف البيـت ، غيري انا وتـيمون وبـومبـا ، آميه وابويه طالعين ، والبشاكير محد

نّشيت واحس جسمي متكسر من حواااطه امس ، اول مره احس اني امشي هالكثر ، على كثر ماكنت تعبانه ومالي بارض للسوق ، لكن ماتم محل ف دبي مول مادخلته ، مدري شو صار فيه امس ياني " هوس تسوق "

طلـعت من البيـت 10 الصبح مـارجعت يلين 9 المســا =p

اول شي روحت آشـتري للجامعه ، وماخذه تـيمون والهنوف بنت ختيه ويايه ، حنـــانه شرات امهــا، وروحت الغـرير اشتري لامي قطع حق عرس بنت عمي ،خبلت ب راعي المحل ، والله حسيت شويه وبيصيح ، يقـول انتي شوو ؟ هالكثر ماحصلتي شي يعيبج ؟ يعني احنــا معروفين بانه خاماتنا حلوووه ومدري كيف ، قلـت له شسوي يعني ؟ ماحصلت شي حلــوو ، واللي عيبـوني في منهم 1 بس ، اونا ابى للوالده ولعـمووه بعد ، وآخر شي يأس الريـال وزين اني حصلت ، لاني كل ما ادق لاميه ، تـقول دقي ل عمـتج ، وكل ما ادق لعمتي " خقااااااقه وايد ومايعيبها شي لوول " تـقول مابي هاللون ، وماادري شوو

قلـت لها مسـوتلكم سالفه وايد ، جـان مالبسكم ف عرسي فـستان ع بـرقع =p ، قـولـوا مهــابه قالت

لعـوزوووني والله ، كرهـت عمريه امس


بـآجي آسبوع من اجازتـنا وانا للحين ماسويت عـبي للجامعه ، وماخصلت باجي اغراضي ، وماخذت فسـتان للـعرس ، بـرودي مش طبيعـي هالآيـاااام


والحسـاسيه رجعت لي ف عـيني ، " تحرقني " =( ، انا احس هاك الايام يوم يقول الدكتور فيج رمد ، هذا مش رمد ، بس هالدكتور مخرف



آبـى أطلع من خـآلي بس هو ف الدوام الحين ، آحس يبـالنـا كررك ونتحوط انا وياه ، عجيييب هالانســااان (L)


همسه :



وصَلتْ حٍــديْ
بالَغلاَ كَيفَ ابّغلَيّكَ؟!
كلَ الكَلاّمَ مقصّرٍ
.. مآيطٌولَكَ
مَنْ كَثَر/ مآآحبَكَ .. وآعاندَك
وارضَيّك
آغَارَ مَنْ ناسٍ تعَزك
وحٌولّ

[مجموعة إنسان]

اليوم الأربع


كااان دوامي 8 بس انش 6
خااصه اني رااقد من وقت البارحه ,, لاني مريييييييز
\مزجججججججم الله ياخذ هالزجااام ملعوزني

المهم
سرت داومت ورجعت البيت الساعه 2
مافي حد اببد
اترييتهم ليين الساعه 3
تغديت والساعه 4 طلعت سرت بوظبي مول اشتريت كم غرض عقب سرت تحلقت
والحين في البيت
ملل
مافي حد
امي مسويه حفله لربيعاتها بمناسبة عرس خالتي يوم الجمعه
وابوي واخواني في راس الخيمه

طبعاا انااا ما سرت لان مابي اغييب
ههههه
شفتوا كييف احب الدوام

المهم ان بعد الدوام ان شاء الله بسير رااك
عااد بااجر وايد ناس بيووون
وابااا اشووف مبااراااة مصر والجزائر
طبعاا جزاائري باجر ههههههه


وشووو بعد
الحييين بتريا حد يرأف بحالي واييبلي عشا ههههه

[قصايد غلا]

مهابتي : فديييته بيبي خليفة :fa35:
أحينه بيفتقد بعض الناس اللي يلعوزونه و يستوون خبراء تجميل على حساب حيّاته و عيونه :h_terms: "الكلام لج يا جاااارة"


============================


اليوم : الأربعا


المزاج : نص و نص :glare:




الموضوع :


اليوم ناشة من وقت عشان دوامي 8 :k_no: و حضرة جنابــي راقدة على الساعة 2 و شي لووول


أول كلاس حلو كلللله عملي و ماشي شرح و إنتباه

يشرح الدكتور نقطة و عقب نطبّق و يجيّك على شغلنا وحدة وحــــدة :icecream: يعني حلو يوم تخلصون أول شــي و عقب تسولفون ويااللي حذالكم تخوّزون الرقاد عنكم =D



الكلاس الثاني عااااااد الدكتور فنّـاااااااان هههههه والله يهلّكنييييييي من الضحك .. أووول مرة أستانس على دكتور

جي يحاول قد ما يقدر يكون دمّه خفيف عشان نضحك وما تكون المحاضرة مملّـــــة :yes:


الكلاس الأخير بعد غيييير الحمدلله لأن هالدكتورة وايد طيبـــــة حليلها "صدق إنه غيييييييير عيال البلاد" :fa35:




الظهر رديت البيت و ما تغديت لأنه مسوين قابط مشواي
و جان أرقد لييييييين العصر :sleepy:


بعدين لقيتهم يايبين لي غدا و أبويه فديته كم مرة وعاني بس أنا الرقاد غالبنّي لووول



و بسسس هذا كل اللي استوا اليــــوم


باجــــــــر عندي شي مهم .. واااااااااااايـــــــد خايفة والله :k_no:

يااااااااااا رب إنه كل شي يكون هيّن :fa41:

[مــهــابه]

^
قصـوودتي :

آنـآ شسمه يعني آبـآه يطلع حليــووو =p

[قصايد غلا]

^ يا أمييييه .. خليفة الله يحفظه جماله ربّـــاني :k_harhar1:

[قصايد غلا]

اليوم : الخميس


المود : كنت:smile2: و أحينه اعتدل شوية مزاجي :k_blush-anim-cl:


الموضوع : الصبح سرت المستشفى و عقب طلعت سرت الجامعة عندي كلاس واحد بس

حضرته


رديت رقـدت من الساعة 11 و شي لييييين 4 و نص العصر:sleepy: .. من كثر ما رقدت تحريت إنه يوم يديد :wacko:



عقب سرت يلست في الصالة ويا أميه ، جان تقول لي ربيعتج "ب" يت قبل شوية و قلنا لها إنج راقدة
و عرسها الأسبوع الياي

و أنا جــــــي :boxed: :k_shock_1::fa46::k_special2::crosseyed::shocked:: Oo::k_nono::oh::wow::fa52::shutup::huh::mf_leia::c razy::k_puppyeyes::ohboy::look: لووووول بس صدق صدق استغرررررربت :biggrin:


و هاااااااي ثاني وحدة من ربع المدرسة تعرّررررررس ==> الله يسعدهن و يوفّقهن =)



سبحان الله كيف الدنيا فرّقتناااا لسبب تااااااافــه بس هي ما تهنت بالشي اللي تغيرت عليه بسبّته:14: ، يعني جنه الله رايد تستوي بيننا مشكلة عشان نفترق لأنها ما تصلح تكون ربيعتي أبداااااااً =)

و هاي ثاني مرة تي بيتنا و أهلي يتحرّوني راقدة مع إني مب راقدة

قلت لأميه : الله مب كاتب أشوفها .. و بيني و بينج أحسن يوم ما شفتها لأني ما بفرح بشوفتها ولا بقدر أعاملها مثل ما كنت أعتبرها أختي :smile:

بس بحضر عرسها لأنها قدّرت مني و يت لين البيت يابت الكرت


على المغرب حسيت يضييييييجة و ملللللل ، قلت مالي غير النااااااادي

أبويه و أميه ساروا العيادة و ودّوني
سرت بروحي جابلت البحرررررر و شربت كوفي و عقب تعشيييييت و غيرت جـــو و ارتحت نفسيًّـــــــــا الحمدلله :heart: و ردّيييييت

[بنت الدلع]

اليوم: الخميس
المود: نورمال

نشيت اليوم متأخر
اختي كانت يايه بيتنا وجان تقول بسير امر على اهل الكهف
لول تقصدني انا :birgits_giggle:
عاد انا سمعتها لانها كانت واقفه صوب حجرتي

ونشيت وقمت وصليت ويلست وياهم
وعالغدا اخوي قطعني من الخاااااطر لول
اني ويز
العصر يتني ضييييجه اعوذ بالله منها والله ان كرهت كلللل شي
وحسيت كل شي استوى اسود في عيوني
لين ما الله هوّنها وفرجها وعالفليل الحمدالله ردت المياه لمجاريها

بس خلاص ماريد افكر زياده
بتوكل على الله
واللي فيه الخير بيصير

[مــهــابه]

اليوم :~ اخـر آيـآم الآسبوع



المزآج :

زعـلآنه




الموضوع :


~ خلاص

بـْتِـسَـاْفِـرٌ .. ؟!

زين ألتفت لحظـه ..!!

عطني [ جروحك ] بس

خلها تسليني.. بـ / غيابك ..

وأخذ النظر مني .. و خبـه مع أشيائك !

ما أبي أشوف الناس ..و

شلون أشوف الناس ..

وشوفي معك سافـر !!



سـفرهم مـآ كـآن ف الحسبـآن ، آحس اني صدق زعـلت رغم انه هالشي مايزعـل ، بس هذي أول مررررره في حيـاتي ومن عـرفتهم يـفكروون يخلـوني الـروحي ، وصـار مزاجي زفـت بسبة هالشي ، من امس وانا مش ع بعضي ، وكل حد يسألني بلاج داقه حـزن جنج ريلج ميت " بسم الله عليه لوول " ، مب متـحمله آي شي ~ ! ..

هـو عــااادي بس أنــا ماعـرف كيف ، لصصصقه :10: ، كنـت ناويه آروح اخذ فستـان ومتفقه مع ختيه العوده انه اليمعه بتي تتغدى بيـتنا والعصـر بيوديـنا ولـد عـمي اللي هو ريـلهــا نشتري ، ومن زود ماكنت متغصصه العصر ، قلـت لهــا روحي الروحج مابــروح

وجان احصل هـزبه خفيـفه ، امبـوني كنت متضايجه ، وماروحت ، يـت المغـرب أمايه كـانت تـوزع كروت العـرس ، وشـافـتني يـالسه ع الدجه الـروحي صوب الملحق قـالت لي : فـــلانه بلاج زعلانه مني وامبوزه ؟
أنــا مش زعـلانه منهـا ، ومستحيييييل ازعل على احن واطهر قلب ف هالدنيـــا كلهـــا :fa41:
من قـالت لي جيه الدموع أربع أربع ، ومااشي ماطاعـت تروح عني يلين اخبـرها ليش انا متـضايـجه

وانـا ما احب يوم اكون متضـايجه حد يسألني شفيني ، وخصـوصـاً لو حد أحبه :inlove:


روحت ع طـول غـرفـتي ، 5 دقـايق واشـوف ختيه أم خليفه ، وامايه ، مسـوين لي اجتماع مغـلق :doh: " يسوون من الحبه أبه ع قولة المصرييين "

وبـعـدين يـاني أخويه ، وكلـمني ف الموضوع ، انزييييين انا ما اصيح عشان هالشي ، انا زعـلانه لانهم بيسافرون عني :a100:

بس اسـتغليت هالشي لصـالحي ، قـال شو تـبيني اسوي ؟

قلت له : ادخيييلك ، روح رمس ابـويه ، قـول له خــلاص

~ له مصيره / ولي مصيري
~ { لايعـلقني } بـدربه

ويـافرحه نـاس =p

.

.

آنـا مايهمني شي ف هالحياه كثر الــلي ف :fa41: ، صح مزعـليني ، وصح انهم بيروحون وبيخلـوني ، بس احسن عسب آشـتااااق لهـم ، وعسب ايبون لي هدايا وااااااااااااايد من هناك =p



الله يحفظهم ويـردهم بالســـلاااامه حقي :fa41:


بـتوحشهـــم واااااااايد


وعن جد بتكون :


الدآر من عقبهم ماهي بمـرغوبه

[بنت الدلع]

مهابــــه :a050:
=====


اليوم: الجمعه
المود: ليش كل الناس عندي وانته ~ لا ؟ :k_no:

اليوم كنت صايمه ونشيت متأخر
سبحت وصليت والاهل ماشالله كانوا متيمعين
بعد الغدى يلست وياهم
وكنت حااااسه بكسل اعوذ بالله منه
وموول ماكان عندي شي اسويه

وبعد القايله يو هلي من قطر وبرزوا ويانا وتموا لين العشا
وانا طول الوقت ملانه مع ان كلهم موجودين

اسير الغرفه و ارد اطلع في الحوي وعقب ايلس وياهم شوي
ليين جيه من بعد الساعه 10 خلاص ما استحملت ايلس في البيت زياده >.<
طلعت لي بحجه اني ابا اخذ شي وارجع
طبعا مارضوا يخلوني فليل وشو يوديج روحج وحيده
وانا :7:
بس ابا اشم شوية هوا
كانت جايستني ضيجه ماعرف ليش بس جي من الله
و هم كل شوي يطرشون لي شي :heart: .. فديتهم والله يعلني ما خلى منهم
شوي وربيعتي تتصل خيير فلانه شوو فيييج قوليلي شو مستوي
وانا :icecream: ماشي .. تبين شي من باسكن ؟ *وايد متفيجه*
اني ويز ماروم ارمس اسوق وآكل و ماسكه الفون بايدي :doh:
فلانه: هيييه اوكي خلاص خلاص بخليج
طبعا مستحيل اتسكر لووول كل ما تبا تخلص تبدا بسالفه ثانيه
بعد ماقلت لها بخليج يمكن تمت تسولف مال 3، 4 دقاايق
انزين تعالي مري بيتنا
فلااااااااااانه انا عالدوار لوول
فديتها والله


بس صدق ليش كل الناس عندي وانته لا ؟

[مــهــابه]

بنت الدلع :

:a070::a070::a070:


اليوم :

السـبت



المزاج :

=)



الموضوع :


آمس بـليل تـميت الـروحي ، في نـآس طفـرآنين وظهروو حرتهم فـيّه انا المسجينه ، وانا الذكيه روحت وخبرتهم بموضوع المفروض اني ما اخبرهم اياه يلين انهيه ، عقب سكرت اللاب توب وكل شي ع آساس اني بـريح وبنـام ، لكـن هيهــات اني انام ، رقدت ع السـآعه 3 تقـريبـاً وانتبهت ع ال4 وشوي ، عـيوني مب رااااايمه افتحهــا

مـآ آعرف هل هي حساسيه ؟ أو شو ، حسيت اني بصعوبه فتحتها وتحررررقني ، وتدمع والحال لله ، انتبهت ورديت رقدت بلا حـاسيه رغم اني ماكنت اريد ارقد ، نشيت جريب ال 6 و رديت كملت رقـادي للـ 1 ونص

نزلت تحت اتغداا ، والغدا بــارد ، وجاااان انش ، بس جيه مزااااااج ، ناشه مالي بارض ل شي وحصلت الغدا بارد وماطعت آآآكل

وآخيراً وليس آخيييييييراً ، خذت فســتآآآن ، آحم ، بيستوي دربي خَضـر ف العرس انا :inlove: ، انا ماكنت مقتنعه فيه 100% بس ختيه ام عبدالله طفرررتني وكانت تبا الفكه مني ـ ادريبها انا

آسـبوع وبنفرح فـ بنت عمي ، عـآد هذي البجر :fa41: ،وأول عرس يصير ف بيـتهم :inlove: ، بس بعد احسهـا صغيييره ، تـونااا صغـآر 21 ، ماعشـنـآ حياتنا صح =p



بس الشي اللي يقهر انه العـرس بيكون بالسبت وانا لاااااااازم الاحد اروح العين :k_no:



ع السـآعه 9 بطلع ويـا خالي ، بروح اييب صوّري ، الله يسستر ، خبل بي خالي وانا اصور ، واقف جدامي ويسويلي حركات وانا اضضضضحك ، آخرته عصب عليه الهندي وقال له روح برع ، ادري الصور بتكوون ك العـاده ، انـا ليش ف الصور مب حلوه ؟

وباجر ان شاء الله بعد لازم انش بدري ، عسب اروح عياده العـيون واشوف شو مشكلتها ف الحياه هذي



همسه :

عسى حكم القدر يرفق بقلب ما بغى فرقاك
و عسى الأيام تجمعنا و أحطك داخل عيوني:fa41:

[مزن هتان]

اليوم : الويك اند
المزاج : أعوذ بالله منه

الموضوع : ....

الخميس ما طلعت أم سيف يتنا بس بعد المغرب طلعت معاها رحت فصلت لي طقمين خفاف و عمليات
للدوام "الله يستر" ماحب الطقوم كلش أحس عرس اونه تقول حق الاجتماع الشهري
فضيحه أحس يعني أنا بروحي حرمه و الباقي رجال راح يلفت فسكتت عني =)
اليمعه من الصبح أنا و شوق طلعنا رحنا هايبر بنده نقضي حبيبتي والله يعتمد عليها
تساعدني بس لازم تدلع، اتصلت في عبادي انت وينك كلهم وصلوا الا انت :fa41:
يونا عالغدا عمامي الاربعه و عمتي ويدي
العصر طلعوا كلهم بس عمتي مستحيل نخليها تظهر حاولت بس ماشي
اونه بلحق على عوافي و مهرجان و مادري شو بس ماما ما خلتها
و زعلت من خالاتي هاليوم صج صج و ولد خالي يقولي امسحيها بويهي.
ماشي خلاص زعلت انا بس بعد رحت البارحه زعلي حق كم ساعه بس
طول الوقت تميت ضايجه طلعت اخذ العشا كنت اكلم ربيعتي افضفض لها و هي بالمثل
شفت شي غير لي مودي شوي و هي عصبت اونه انا اكلمج
و خلص اليوم و استانسنا مع عميمه
السبت سويت كب كيك الصبح و العصر وديته حق خالاتي و طلعنا انا و ماما من عدهم مرينا الورقا
ام سيف مع البنات و الصغاريه لحقونا غير جو و ردينا

هالويك اند احس خربت مود عمي طول الوقت يكلمين عالبيبي انتي شو فيج و ليش ضايجه "انا بروحي ماعرف"

ماما عصبت و بغت تضارب هالاسبوع "لولا" حبيبتي حصل خير
بس من يقول حلفت بالله انها ما راح تسكت !!


اكتشفت اني اتضايج بالويك اند و طول ايام الاسبوع مودي ماكو أحلى منه

أنا و أم سيف و خواتي متحمسين للويك اند الجاي
بنطلع بروحنا و الوجهه لـ بوظبي =) بنضيع هههههه

[رمــش الغـــلا]

اليوم الاحد ..

اول يوم اجازة =)

شعور حلووووو لول ..~

نشيت وسيدا وعيت خواتي وبنت عمي عسب اروح اشوف بروفة فسااتيناا ..

وطلعنا من عند المصمم ورحنا خذنا لفة فالقصباا واتمشينا واتريقنا في sugar box

بعدهاا رادين البيت بس طبعاا اذكرت اني كنت حاجزة فالسبا من يومين واتعايزت فاتصلت اقولها اني ابا اموعد حقي وكل وحدة طلعتلها شغلة تبا تسويها ورحنااا

وخذناا غدا ورجعناا البيت =)

واحلى شي اني طوفت موعد الابره وما سرتله لووول ..~

[بنت الدلع]

اليوم: الاحد

اول يوم دوام

الجامعه كريهه جدااا والبنااات كريهااات جنهم يايين من زريبه عفان الله
مايعرفون الذوق ولا يعرفون يكشخون غير يحطون يونية عيش فوق راسهم و ايون
ماعندهم اتيكيت
ميك اب الصبح غير عن ميك اب المسا غييير عن ميك اب السهرااات اتعلمووووا :fa55:
من الصبح راسمين لوحه على ويوهم
وشعورهم (مزيّته) من كثر ما حارقيينها من السشوار
اتحجبوا وفكوا عماركم لازم تكتسبون آثام !

ناس من مستوى دنيء جدا عفان الله
الحمدالله على نعمت الاسلام وعلى نعمت العقل :inlove:

اني ويييز

الكلاسات كانت لوعه بــ جد :bash:
وانا اوني احاول اكون اوبتيميستيك ومن البارحه اقول للبنات بسكم افكار سلبيه
واليوم كآبة الدنيا طلعت
مادري كيف الجامعه صااااايره البيئه مب حلوه وممله
والمواد يا الهي كل ماده اغبى واخس عن الثانيه

الله يعيييين
How i'm gonna survive this semester :ghostface:

[خليجيه]

you will, if you remain optimistic :fa42:




1. Step
Don't give up hope. Just because it's not happening for you today, doesn't mean that it's not going to happen. The last thing you want to do is lose hope. Hope is one way to keep your spirits (http://oasis.bindubai.com/bin/#) up when your world is falling apart

2. Step
Be encouraged. Everything happens for a reason. Many times when we face adversity, it is to test our resolve. Is the goal you're aiming for what you really want. When you are tested, the testing brings clarity and shines a light on the task at hand.

3. Step
Stay strong. It is oh so easy to just give up and say forget it. The question to ask is...Is it worth it? Is the goal you're pursuing really worth it. If through it all you can say yes, then keep plugging away.

4. Step
Keep smiling. You're on your way. Sometimes you have to just keep telling yourself that, until you believe it.


:yes:

[بنت الدلع]

خليجيه

اكبر (huggggggggz) :heart:

totaly true wut u said :12:
مره وحده كانت تبا تتكلم عني وتقول حق القروب شوي عن شخصيتي
من الجمل الي قالتها: "بنت الدلع مستحيل تنهار"
حلو لما الانسان يعرف عمره ان ممكن يصمد في الـ ups and downs
ويتم صامد مع تغييرا المزاج وكل التأثيرات اللي حواليه
bs recently
i couldnt handle it any more
there is no way i remain cool for 24 hrs
its alsmost impossible to control all the actions and the mood swings
sometimes it just that all doors keep closing

بس مع كل هذا
الحين يا الوقت اقول
stop and no more thinking of the stress
و اسوي ريفريش
وارد مثل ماكنت دايما
اتمنى ارد واكون strong like i always had :ohboy:

===

اليوم: الاثنين

نشيت الصبح وقلت اليوم بيكون غير وما بخليه يأثر علي شرات البارحه
والحمدالله كلاساتنا في نفس المبنى الي دايما كنا ندرس فيه مب شرات البارحه كآبة الدنيا
بفضل الله كل الامور مشت طبيعيه وسموث
وان شاء الله كل يوم يكون جيه حلو وخفيف
i have to be bint el dala3 whom all used to know
i want to be crazy and full of life

[خليجيه]

للأسف بعدني يديده نوعا ما في الواحات فما اعرف شخصياتكم، لكن اتمنى اتكونين دايما متفائله انتي وباقي الجماعه :fa47:

[تحفه]

ليوم : Wed
المزاج : shifting

الموضوع : very very sick :< just had benylin capsules. .. its not the right time :S

[شوق القلوب]

سلاماااات عسووولتي... ما اتشوفين شر.. =)

[بنت الدلع]

كلاس الـ ethical hacking اليوم كان رقاااااااااااااااد :redface2:
والمس اول ما شافتني سجلت هالكورس تحممممست وقاالت حق كل بنات الكلاااس
This is the first class for *flana* o she was over excited to c me haha

وكل ما تشرح تطالعني يحليلها تتحراني واااايد مركزه >.<

وكلاس الـ بروجكت مانجمنت رقاااااااااد
الـ خمسين دقيقه في كلاسه تستوي ساعتين !!!! سيريسلي الوقت ما يمر :a058:

وبما اني يالسه اول وحده كللل الاكزااامبلز علي !!!
يعني ماروم اسرح ثانيه وحده الا زخني وقااااااال for example bint el dl3 is the manager and bla bla bla
وانا افففف :k_icon28: متى بيخلص

اني وييييز يوم رديت البيت شفت سيااااارة اختي وااااقفه :heart:
واخيييييران ردت لي الرووووح
الحمدالله على سلااامتكم كلكم :love:
+ نسيت ان عيد ميلاد اخوي من يومين :doh:

انا اوني اتفلسف ويالسه اقول حق اختي هابي فلنتاين جان تقول من يومين كان عيدميلاد فلان
واناااا :fa46: اوووه صح
اخيييج يالفظيييييحه
am such a bad sister :fa44:

ان شاء الله يكون فيني باور لين بعد ساعتين عشان اسير الجيم :fa38:

[تحفه]

سلاماااات عسووولتي... ما اتشوفين شر.. =)

فديتج يا حياااااتي الشر ما اييييييج :heart: :heart: :heart:

[تحفه]

ليوم : Wed
المزاج : ANNOYED !!

الموضوع : I HATE DUBAI!
3/>

[مايهزك ريح]

^
افا ليش تحفه .. !

[مجموعة إنسان]

امس الثلاث ,,

يوم عاادي مثل كل يووم

رجعت من الكلية الساعه 3 ونص تغديت ورقدت لين قبل المغرب

درست شوي وشربت شاي وقهوة مع ابوي وامي
عال7 أخوي وعياله يونا وسولنا جو شوي

رقدت 12
نشيت 6
6 ونص انا طالع من البيت في الضبااااااااب
وصلت 7 ونص
اول كلاس امتحان
عقب بريك سب وي هههه
مليت من سب ويي ههه


وووو

تستمر الحيااة

من شهر نفس الروتين ما يتغير ابد

[تحفه]

^
افا ليش تحفه .. !


خلها على الله -____-

[تحفه]

:a100::a100::a100::a100::a100:


<object width="560" height="340"><param name="movie" value="http://www.youtube.com/v/aL-C0RK0S2A&hl=en_US&fs=1&"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/aL-C0RK0S2A&hl=en_US&fs=1&" type="application/x-shockwave-flash" allowscriptaccess="always" allowfullscreen="true" width="560" height="340"></embed></object>

[أمطار]

تحفـه..
ههههههههههههههههههه خبله هاي
ويهي يعورني من كثر ما ضحكت عليهااا هههههههههههه
وين تبااا؟! اون علمها تباه فوق البرج هههههههههههه

[تحفه]

كل ما اشوف هالمقطع اضحك .. لوووول .. استوا بطريقه عفويه في برنامج مشهور لووول ... اتخيل انه يشوف هالمقطع على يوتيوب بس لول

[بنت الدلع]

^ ههههههههههه
واااايد كيووووت حسيته

[مزن هتان]

اليوم : الاربعا "ما شاء الله الايام تخطف"
المزاج : شوي باد

الموضوع :
ارهاق، تعب، ضيقة بال، و ناس careless
الله المستعان

ملل وايد، يا ربي من امي و أبوي كل شي عندهم لالالالالا
سفر من غيرنا = لا "قانون يديد هذا"
بيت اهالينا "خوالي، خالاتي، عمامي، عمتي" = لا "هذا تقريبا مقتنعه فيه"
رفيجاتنا = لا
نتمشى بروحنا = عااااااادي
انزين ليش انتوا طالعين عكس الناس ابي أعرف ليش
عادي اتنفس و الا ممنوع بعد ؟

أحب أمي و أبوي وايد و ما تخيل حياتي من دونهم
ربي يخليهم لي :fa41:
أحلى حاجه في حياتي والله

[رمــش الغـــلا]

^ sooo funnnnnny el movie lool

[دمعة شوق]

امس الاربعاء , 24 \ 2 \ 2010

المود ~ نرفزة على ضيقه ..


كان يوم ملي بالاحدآث ,,
واضاربت ويا ربيعتي :(

الله يهدي النفوس

[عافك الخاطر]

اليوم: الخميس
المزاج: " مكركب"
- خاطري يصير شي يديد في حياتي.. مشتاقة احس باشيا ما حسيت فيها من قبل..و ناس يداد .. مااذكر متى آخر مرة تفاجأت بشي جميل .. بمفاجأة .. وردة يمكن..
- لأول مرة اندم على صمتي .. اندم لأني ما عطيتهم فرصة يعرفوني .. ما حاولت أبرز الجانب اللي انا احبه فيني..
- مليت من الدراسة، و الشي اللي مصبرني انه ما بقى شي عليها!..بس بعد..مشوار طوييل

[مــهــابه]

اليوم :


~ الخميس ..



المزاج :

~ مسطله



الموضــوع :



أول شي :

~ ألف الحمدلله =) ، كنـت وآثقه بآنه كل شي يصير في حيـآتي هو خير لي ، والحمدلله


ثـانيـاً :

آسـتمتعـت جداً مع صغـآريتنـآ ، اليوم الآحفـآد كلهم كـآنو فبيـتنـآ ، ولعبـنآ كتييير ، وضحكنـآ كتييير ، وعصبت عليهم " شويه بس "


ثـآلثـآ :

في رجعته ليّـه
~ بتنور " الدنيــاااا "

[خليجيه]

الله يجمعكم على خير إن شا الله :a054:

[بنت الدلع]

اليوم: الجمعه

هالفتره وايد ضغوطات امتحانات وتسليمات
ان شاء الله بتعدي على خير
احلى مافي الموضوع ان اليوم كانوا مسوين غدى كوستاريكي
ويوم سرت بيتهم قالت لي: r u ready to fly to costarica ?
لول

والجيم هالاسبوع كان حلوو
من يومين كان كلاس الـ body balance
اول مره اجربه
مثل اليوغا
القاعه مطله عالبحر .. والساعه كانت 8 فليل
وفاتحه الدرااايش ونسيم الهوا يدخل ونسمع صوت المووي
واعذااابي
صدق الواحد يحس باسترخاااااء
والمدرّبه فناااانه وايد تساعد انه الواحد يسوي deep breath
واخر شي سكرت الليتات وبس على ضوى الشموع وتمت تقول شعر :10:
ابا كل يوم يكون جيه :heart:

طبعا ماشي طلعه اليوم .. عندي 3 امتحانات يوم الاحد و تسليم case study
وايد احاتي اني ما اخلص اللي علي ..
يارب يعدّي هالاسبوع على خير

[تحفه]

اليوم : الحين الوقت ٢ ونص فليل يعني يوم السبت

المود : تعبت وانا احاول انام واعدل رقادي


الموضوع : اليوم كان عجيب ! ... سويت وايد اشياء .. ماقدر اكتب :S مالي بارض الكتابه

[مجموعة إنسان]

اليوم: الخميس
المزاج: " مكركب"
- خاطري يصير شي يديد في حياتي.. مشتاقة احس باشيا ما حسيت فيها من قبل..و ناس يداد .. مااذكر متى آخر مرة تفاجأت بشي جميل .. بمفاجأة .. وردة يمكن..
- لأول مرة اندم على صمتي .. اندم لأني ما عطيتهم فرصة يعرفوني .. ما حاولت أبرز الجانب اللي انا احبه فيني..
- مليت من الدراسة، و الشي اللي مصبرني انه ما بقى شي عليها!..بس بعد..مشوار طوييل


كلنا نحس بنفس الشي !!

بس ان شاء الله الصيف الياي بيتغير شي
إن شاء الله بس


:yes:

[رمــش الغـــلا]

...وايد بزي هالفترة ><

ضغط الدوااام وغير عن التجهيزات والشوبينق وايد واااااااااايد اشيا ..
بس الحمدلله قادرة ارتب وقتي ..واستغل الويكند عدل =)


اليوم .. راجعة من شوبينق من دبي مول ..~
طبعا دبي مول له زيارة اسبوعية بس عسب الف عـ كل المحلات اللي اباها ..
واليوم تقريبـآ خلصت بس بتكون لي زيارة عقب فترة مب الحين

وراي شغل للمدرسة وااااايد ..
وان شاء الله اقدر اخلصه =)

دعوآتكم ..~

[عافك الخاطر]

كلنا نحس بنفس الشي !!
بس ان شاء الله الصيف الياي بيتغير شي
إن شاء الله بس

الله يسمع منك :)

[بنت الدلع]

(1): انتي *** صح؟

(2): لا بنت خالج :tounge:

(1): هههه يالسباله، لان وحده ثانيه عندي بعد بنفس النك نيم

(2): انا **** سبشل :mf_leia:

(1): ههههه خقاااقه بنت خالي بعد..
تعاااالي وين اخوج بغيته ضروري

(2): مادري بعدني عالفراش ماشفت العالم الخارجي :icecream:

[مزن هتان]

اليوم : الأحد
المزاج : .....!

الموضوع
أحس اني مدوخه و الا مادري شلون اممم كأنه حد طاقني عـ راسي و مصدعه
جسمي متكسر ما روم امشي

ربي يصبرها و يثبتها و يهون عليها و يعوضها خير "يا رب"

[مزن هتان]

الاثنين
بعدني مصدعه

سألتني موظفه من شوي سؤال، تتحراني بستحي أقول"احم"
الدوام اليوم فاضي ماكو حد، وايد أشيا في بالي ماحب يوم اقعد أفكر
احساس غريب يلفني اليوم مش عارفه افسره !

الحمدلله ربي ما ياخذ من الانسان شي الا و يعطيه شي آخر
ربي يعوضنا بكل خير ان شاء الله

أمطار اغلقت موضوع اعترافات و عهوده كمان، وين نعترف الحين هممممم ؟!
ما شاء الله المنتدى هـ اليومين ردت فيه الحياه، تراني قلت ما شاء الله
الاداريين الجدد ما شاء الله فيهم الخير بعد

[مــهــابه]

.


.



الموضوع :



آنّ كـآن تقدر تعيش العمر
|[ من دوني
حط عينك بـَ عيني وقول ( واللـه‘

[أنامل قلب]

اليوم : الاثنين ..
المود : ..... .... ... ...... !.
الموضوع :

بتعقد ..

اتكلم عن كذا شغله وكذا موضوع ، ومن اوصل لـ هالطاري أحسني خلاص ماني قادره اتكلم ،
ويصير من عقبها كل الكلام اللي انقال { ما لي حاجه فيه / وأرد امسح اللي انكتب ..

~

اللهم اهدني إلى سواء السبيل ،
يالله ربي ، اهدني إلى سواء السبيل ،
يالله ، أسألك قلبا سليما يــــارب ..


,،

[أنامل قلب]

اليوم : الثلاث ..
المود : .. .. ... .... !.
الموضوع :


مرات أحس عادي ازل واقول وين أشتغل !.
هو عادي عندي بس تفاديا للاحراجات ، سبحان الله مافيني أحد من أهل الواحات يكون معاي بالشغل :k_special2: ..

امممم في شي موهقني وايد ، 1) لمن يقولولي قولي شي وهالشي "جذبه" ..
صج إن الجذبه تكون يدوب تأثر ، بالعكس ممكن يكونون صدق محتاجين لمثل هالكلام ،
بس الاعتياد عليه ، وعدم الاطمئنان للاحتمالات الوارده شي المفروض يردعنا ..
مثلا أتخيل لو صارت إني أقول لـ فلانه إن علانه عندها مراجع ، وفجأة طبت علينا هالفلانه !.
وقتها مو بس إهي اللي بتخيس ، بخيس معاها ..

وبعدين ، احيانا نروم انرقعها ابـ شغلات من غير لا نجذب ، يعني مثلا تكون العلانه فعلا مشغوله بأي شي كان ،
حتى لو قاعده لحالها فـ هي مشغوله ابـ حالها !. / اهني أروم أقول للفلانه إن علانة مشغوله وخلاص ، ليش التفاصيل الزايده ..

+ أكره ما عندي الجذب ، بس هالفتره كله أقعد أساير بهالجذبات البيضا ع رايهم ،
لكنها تظل جذبات ، أكيد ماحبني أنربط فيها ..

2) في اجراءات أخلصها للموظفين ، بس توهقني لان الاجراء بدايته فقط عندي ، ويكملونه عقب المعنيين كلن حسب موضوعه ،
بس شو يصير ، اجراءاتهم مثلا تتأخر ، يسهون ، او حتى يكون في خطأ باجرائي وينسون يردون علي بالاجراء اللازم !.
وبعدين ، تعالي يا أنامل قلب ردي على استفسارات الموظفين لمن يراجعونج حول مواضيعهم ، شو صار ، شو استوى ،
وع كل مره بتصل باللي يكملون من عقبي الاجراء ، ومادري كيف ، صدق افتشل لمن اضطر كل شوي ادق لهم خاصه لمن يتكرر اتصالي لنفس الشخص ،
ما يجاملوني حتى بإن مثلا ماعليج اختي بشوفلج الموضوع ولا ولا ، مع إنها ما تعتبر مجامله ، هذا شغلهم أصلا :glare: !.
مع إن الشغله يدوب بتكلفهم دقايق ، وان زادت ما بينشغلون فيها أكثر عن يوم ، أريح لهم بوايد من صدعة إني مثلا أقعد كل يومين أدقلهم ولا اضطر إني اسيرلهم ..

امممم مرات أحسني أسحب الاجراء منهم اسحاب :k_special2:"
وشكله الاجراء أصلا ما قام يخلص إلا لمن نسيرلهم ليـ المكتب ،
تخيلو القفطه ، في موظف ـ آسيوي ـ عدنا ياني يستفسر ولمن خليته يكلم بالتلفون الموظف المسؤول قال ما يصير وجي ،
وبعدها بفتره يانا موظف ثاني لنفس الاجراء ومن دزيتله المعامله قبلوها عادي ،
فاليوم ما شاء الله يايينا اثنين زياده ، اونه شو فلان قبلتو اجراءه وليش نحن والخ الخ ،
ولمن عطيته بالأخير الحل الأسلم وهو إن يروح بنفسه للموظف "لأني ماكنت شايفه أي خطأ ابـ أوراقه" ،
رجعلي عقبها بشوي يقولي اونه هيه شاف الاوراق هالمره وقال اوك بدزهم لك لول / وكنه الموضوع قام يصير بالمزاج ^^"

~

الله يكون بعوني ..

[مزن هتان]

الاربعا
ماني رايقه

ماقدر امسك نفسي أكثر من هيك، ياربي ن رمست بطينها و بخيسها بعد !!
ماحب اللي يحارشون من بعيد لـ بعيد "فيّه ضحكه عـ عمري اوني بديت أعصب"

الله المستعان

[مزن هتان]

الخميس
الحمدلله مزاجي تمام

ناشه اليوم على راحتي، رحت الكليه وديت لـ أختي لابها مدري شلون ناسيته ؟!!
قولي أوراق ملازم كتب بس لاب توب ؟
داومت 9 و نص و أنا اصعد الدري شفت مسؤولي سلم و طلع، وصلت القسم ما فيه الا 2 =)

البارحه صار شي ما عيبني في بيت يدي حتى أختي و نسيبي ما عيبهم "استغفر الله"
كلمت أمي من شوي قلت لها اليوم ماني رايحه لأنِ ان رحت يمكن أقلل من أدبِ و ماني محشمه
لا كبير و لا صغير، قالت لي خلاص حتى أنا ما بروح "أحسن لأنِ صج ماني ناقصه اللي فيني مكفيني"

افكر أروح لـ رفيجتي، زعلت منها الصبح بسير أرفع ضغطها شوي عقب برضى عنها
كشخه والله يوم تعصب هي اللي لازم تزعل بس أنا خليت عمري زعلانه
و تقولي تومي لا تزعلين حبيبتي والله

[أنامل قلب]

اليوم : الخميس وانا آخر من يعلم !.
المود : .... .. .. ..... !.
الموزوع :

اممم اليوم كان طريف نوعا ما ، رجعت من الدوام ، وصلت البيت ، درت شوي ، ومن ييت برتب اغراضي تذكرت إني ناسية محفظتي ع مكتبي بالدوام ؟!؟!
آااااخ راسي افتر ، ماتخيل إني برجع ابـ هالدرب الطويل مره ثانيه للدوام ، يا إلهي ، بس من غير لا أفكر وايد ، سيده ركبت السياره وتوكلت ،
لو بقعد أفكر بطنش وبخليها ليوم الأحد وانا مداومه بالمره ، بس مافيني أتوهق ومحتاجه البطايق ..

من وصلت اشوف بعدهم بعضهم للحين بالدوام ، السكيورتي يأشرلي ان يعني وين موقفه لول ، اشرت له اني ظاهره ،
مع ان الحمدلله محد يقولي شي :whistling: !.

من رجعت البيت سيده على داري ، لقيت اختي يحليلها نايمه ، سرت حبيتها عراسها جان تقوم وتمت اتهمهم ، وكأنها تقولي حبيبتي بس وخري عني :mf_leia: ،
ما صدقت إني رجعت البيت ، صليت العصر ، ومالحقت أقعد إلا والأفكار الرمادية بدت تشكل غيومها على قلبي ..

~

ماعرف شو أقول ، وايد أحاول أغير هالشي فيني بس ماقدرت للحين ، ماحب جي لمن أكون العنصر الخجول دائما ،
مثل أمس لمن عزمتنا وحده بالدوام (يايبتلنا غدا) ، أولا رحتلهم غصب ، ومن رحت جي ساااكته ولا يخصني ، وكلحد يقطعني ،
لأني أساسا قليل ما أروح وارجع عالأقسام ولا اقعد اسولف مع موظفات الأقسام الثانيه إلا جان في شي يتعلق بالشغل اسيرلهم ،
اللهم كذا وحده أحب اسير اسلم عليهم وجي ، وحتى وانا أبين إني اونه عاديه بس اظلني منحرجه وأحس إن أفعالي وكلامي مقيد ،
ما تظهر ردود فعلي بشكل مريح بالنسبالي ..

تمو يومها اونه : ها اليوم انامل قلب معانا أول مره ، وينج ما تنشافين ، يحليلها مستحيه ، ها يالحلوه شو تبين ،
مادري كيف جي يمكن لأني اصغرهم يتعاملون معاي ابـ هالشكل ، بس والله العظيم ماتصدقون اشكثر أحاول اني اتغير ،
يومها كنت قاعده مع ثنتين من اللي بالعاده اسلم عليهم يوميا ـ كنا قاعدين على أرض فارشينها ـ ، ولا اشوف اللي صوبي
تقول لوحده واقفه حذالي : ها فلانه صدق شيطانه ، ولمن رفعت راسي ابشوف اللي واقفه لقيتها قابضه فونها تصورني =$
اسألهم شو تسوي ، ماكنت مستوعبه ، يقولولي تصورج =/

ولمن شفت اللي معاي بالقسم بغت تروح قمت معاها "ما صدقت" ، بس تميت مرتبكه بس بسبة إني مو قادره أقولهم كلمة حلوه
ولا حتى قلت للي عزمتنا تسلمين ولا مدحت ابـ أكلها " مع انه صدق عيبني اللي سوته" ، بس جي قتلهم كمن كلمة عالسريع وما صدقت إني ظهرت ..

صج اني من النوع اللي يبالي شوي إليـ آخذ عاللي معاي ، بس بعد مو لهالدرجة ، أحس المفروض يعني هالشغلات تظهر تلقائي ،
ما يباله إني استحي من مثل هالأشيا ، والأسوأ لمن هالأشيا تتسبب ابـ شغلات ثانيه أسوأ ، نفس اللي يبي يرقع العله اللي فيه ويقوم يزيد الطين بله ..!

خاصه لمن أكون بين مجموعة ، وقتها انسوني ..

~




وايد تكلمت !.

[مزن هتان]

اليوم : السبت 13-مارس "البارحه"
المزاج : احم ...

الموضوع
كنا في دبي مول العصر "كأنه مسوين مسيره"، خلق الله مستغربين من العدد =)
طلعنا المغرب، ردينا البيت خذنا خواتي الثنيتن طلعنا نتعشا
البارحه فالقروب عـ البيبي خالاتي يرمسون مرت خالي راحت بيت أهلها
يوم يت الحزه انه بتروح امها طلعت برع تترياها و هي مو طايعه تطلع ما تبي تروح
كلهم صاحوا، و هي خايفه انه خالاتي يقولوا لها قعدي عند اهلج و انه خلاص ما عاد نبي نشوفها

ما رحت أشوفها مع انها أكدت انه كل حد يجي عشان تسلم علينا
أقرب وحده من حريم خوالي لي بما انها بعمري، بنروح لها باجر بإذن الله تعالى

مرهقه، ناشه اليوم من 3 و نص
"اللي يبينا عيّت النفس تبغيه
و اللي نبيه عيا البخت لا يجيبه"
مزاجي مو ذاك الزود هـ اليومين بس أقص على عمري

[قصايد غلا]

اليوم : الاثنين

المود : ما ينوصف من حلاااااته :heart: الحمدلله

الموضوع : قبل 4 ساعات ردّيت من بيت الله :k_blush-anim-cl:



استوت أشيااااااء وااااااايد ونّستني و ضحّكتني بخباااال
و استااانست وااايد لأنه بنات خالي ويانا

من 11_3 من أول اللحظات في المطار و نحن نضحــــك الحمدلله :laugh: .. و استوت لنا مواااااااقف تضحّحححححك :birgits_giggle:


و اليوم عند الكعبة حليليييي مستانسة سايرة أشم .. و من عقب ما شمّيت و فرحت
ياني واحد أندونيسي مادري ماليزي داسني دووووســـة بكعب ريله
خلااّ الدموووع تنزل أربع أربع:d010:
و أبويه حليله هو و أميه ودّوني و غسّلوا ريولي بـ ماي بارد و ليين أحين تعوّرني و مزرقّــة

على قولة أميه "دوسة خيييل هاااي" =D




و أحللللللى شي يوم وصلنا المطار استقبلنا أخويه و يايبين بيبي موّاااازي حبيبتييي "بنت خالي الصغيرة" و لابسة تي شيرت مكتوب عليه "موزة تقول لكم : تقبل الله طاعتكم " فديييييييييتهاااااا يا ربّــي حبّيييييت شكلها
و يوم شافتني تمّت تناااقزززز


الحمدلله الحمدلله مرتاااحـــة نفسيًـــا :k_blush-anim-cl:

[مزن هتان]

تقبل الله عمرتكم قصايد
ادعوا لي، ربِ يكتب لي عمره قريبه


اليوم : الثلاثا "البارحه"
المزاج : تمام

الموضوع
البارحه رحت فرع بر دبي بما انه عدنا اجتماع، شفت سيارة عمي وقفت مره
عند المبنى نزل يشخط البطاقه لما طلع كنت واصله شافني هاي اول مره من داومت
اشوفه داومت شهرين معاه في نفس المبنى كلش ما شفته. مستغرب اونه شو
تسوين هني احيدج في ديره ههههههه.
بعد ما خلصت الاجتماع تخبرني ربيعتي تقولي مزن لما طلعتي اجازه عشان العزا
ياينها مسوؤل التدريب يسألها اللي يداوم هني شو يصير لـ مزن =)

البارحه سوينا زياره حق مرت خالي =)

[أنامل قلب]

السلام عليكم ..

اليوم : الاربعاء ..
المود : .... ... .... !.
الموضوع :

طول ما انا نايمه أحلم ابـ أشيا غريبه ، ولا بالحلم قاعده احك يدي ، وكل شوي أقوم "وانا نص نايمه" أحج يدي ـ أصابعي ـ
بس أتحراني بعدني أحلم ^^" ، وعالساعه 5 ونص قمت شفت يدي حممممرا ، متحسسه من الأكل الحار ،
ما أتوب الصراحه ، صج إن مو دوم تظهرلي هالحساسيه ، بس المفروض أحاسب ..

وصلت الدوام اليوم من وقت ، بسرعه الصبح لحقت أطبع الرسايل / وعقب تذكرت إني ما قريت الاذكار ،
سويتلي كوفي بسرعه وعقب قعدت أجابل فايل الأذكار شويه ، وتالي دقت علي رفيجتي المكتب تسألني شو بتريق !.
أنامل قلب : مادري اللي تحبونه / صدق ماعرف ما يفرق عندي / لا لا مابي زعتر / نووو مابي لبنة وزعتر / أقول خذيلي جبن ، الخ ..

وبعدها بنص ساعة تقريبا استأذنت ورحت لهم فوق نتريق ، اهمه بالدور السابع ، بس لمن ييت برجع للدور الثاني ، علق اللفت علي !.
ياربي شلون اخترعت ، وانا على طول يديني يرجفون بشكل مو طبيعي من ارتبك ، وقلبي أحسه خلاص بيسيح ،
جي فجأة وكأن ضرب ابـ شي مع إن ما لحق يتحرك ، من السابع للـ سادس وعلق ..

سيده رديت اتصلت ابـ رفيجتي ، زين إني كنت شاله فوني معاي ، اقولها وانا ماسكة عمري عن اصيح : فلاااانه لحقي علي علق فيني اللفت ،
واهي حضرتها ما شاء الله قاعده تضحك من الخاطر ، وانا باللفت أقعد اضغط على كل الأرقام واشوف الارقام تضوي ،
مع إن اللفت أساسا نازل المفروض ما يرد يضوي بالأرقام اللي فوق ، وتم جي يتحرك تحسونه لاهو قادر يرتفع ولاهو قادر ينزل ولا البيبان طايعه تتبطل ،
بس الحمدلله ما طول ورد رجعني لـ فوق ، ومن اتبطل قعدت اتحرطم على رفيجتي ، تتحسس دقات قلبي وتشوف يديني واهي تضحك ،
إلا كانت بطيح غشيانه من الضحك مادري شو صارلها ،كأن وقتها ، اقولها : لا وبعد بروحي كنت بموت / تقولي : أتخيل لو في معاج أحد ههههههههه > جي تضحك وتكملها تعليقات ..

والله بغيت انجلط منها ، والسكيورتي مرنا يجيك عاللفت ، بس طبعا حرمت ، نزلت بالدري ليـ الطابق الثاني ، أصلا ماعندي مشكلة ولله الحمد باستخدام السلم ،
حتى مرات اصعدلها من الثاني للـ سابع بالدري ، فالنزله عندي شي هين لولا إني كنت مستعيله ..

اممم بالدوام اليوم بدر شي مني ما حبيته ، وايد متلومه والله بس ماعرف كيف جي بديت اتكلم مع إني ماحب اللي جي ،
ماعرف كيف أييبها ، بس في عدنا عامل أغذية موووول ما أحب اتعامل معاه ، واليوم مادري شلون كنا نتكلم عن واحد ثاني نمدح فيه ،
جي صح ان ما يفهم كل شي بس وااايد يستحي وتحسونه ما يرد طلب ، فـ تلقائي ظهرت مني كلمة : مو مثل الثاني !.
وعقب بدل لا اتلوم وكأني ما صدقت أفج الكلام ، مادري شلون جي وااايد واااااايد ما أحب أتعامل معاه ، جي أحس في عليه حركات ،
بس عقب ما تكلمت وخلصت ، تميت أفكر !. اممم اتمنيت لو أقدر أسحب الكلام ، الله يهديني ..

~

عقب الدوام مريت على اختي بدوامها ، وعقب رحنا الخياط أخليهم يقصرولي كذا ثوب ،
وتالي رحنا المستشفى نزور يمه ـ خالة أمي ـ يحليلها والله شكلها وااااايد غمضني واهي نايمة ، مادري كيف حال الإنسان يتغير ،
وايد وايد واااايد حبوبه وسوالفها حلوه ، متعوده عليها كله تتكلم وسوالف وجي ، بس من فتره اتعبت يتها جلطه خفيفه ،
وبعدها كله يلقونها نايمة وحالتها غريبه ، عقب عرفو انها ماقامت تشوف ، والحين يتها جلطة ثانيه ولازالت بالعناية ما قامت للحين ..

بالأول دخلنا بغرفة الانتظار ، خالاتي كانو قاعدين ، حتى خالتي ن يت من الكويت ، والحمدلله يسولفون وجي عادي ،
وقطعوني بعد ، خالتي من الكويت نستني شكلها ، تقولي انتي اصغرهم صح ، اقولها لا قبل الاخيره ، اونه وايد متغيره والخ الخ ،
وعقبها بشوي رحنا عند يمه نشوفها ، من زمـــااان ما شفتها ، وايد وايد مقصره بحق هلي ، صج اني قليل ما أظهر ومتعودين علي ،
بس ما ينفع أقول متعوده ، الغلط يظل غلط ، وماندري بالحال باجر كيف يصير ..

~

اممم بتينا خالو ن باجر باذن الله ، احتمال امر عليها بعد الدوام ، او يمرها أبوي إذا كان هاك الصوب مع الوالده ،
بترد تسافر بالجمعة ، اممم وانا بخاطري أسافر ، مادري شوللي مستويبي هالفتره كله أفكر بالسفر ..

اللي عدنا ما يشجعون !...

[مــهــابه]

آكـره شهر 3 وآيد والسبه تـاريخ 18 -3


آميه العوده بـتكمل 12 سنه مـن توفـت " الله يرحمهــا ويغفر لهــا "



قصـوودتي :

تقبل الله =)

[مــهــابه]

.

.


الـيوم :


الخميس



المزاج :

مش ولآ بد


المـوضوع :

مـافيّه ولا عرج صـآحي ، آحس جسمي متـكسر وصداع فضيـــع ، وآحنا رادين من العـين سّويـنا حــادث ..

أنـا كنت العـب بالتـلفون وما انـتبهت شقــا صــار بس اللي أعـرف انه تـاكسي لـّف عـلينا أو تجاوزنا شي جيه

كنـت يـالسه عند الدريشه وراسي ضـّرب بالسيت اللي جدام بقوووه ، حسيت اني خلااااااص دوخت وارقـبتي حسيت بها شوي وبتنجـلع ، من هذيج السـاعه يلين دخلت البيـت و" الدموع اربـع اربـع " ، انــزين ماصــار شي الحمدلله ، اللهم رضـه خفـيفه

بس مـا ادري ، حسيـت بشـعووور ما اعــرف كيف ، وعـاد امــايه سوت لي " فلم هندي " ، تـحلفني اني بخير ، اقـولها شوفـيني جدامج مافيّه شي عـادي ..



وبـس


اليوم الساعه 8 . 10 دقـايق اميه العـوده وقبل 12سنه تـوفت


" اللـهم أرحم من اشـتاقت لهم ارواحنـا وهم تحت الــتراب "



الله يرحمهـــااا يـــــااارب وان شاء الله نــلتقي بها بدار البقـــاء ..

[المزوحي]

مهابه الحمدلله على سلامتكم ... والله يرحم أمج العوده :k_special2:

[خليجيه]

الحمدلله على السلامه مهابه.... لا تنسون آية الكرسي في كل تحركاتكم

[مــهــابه]

خليجه ، المزوحـي :


الله يسلمكم من الشـر

ثـانكس =)

[دمعة شوق]

^
الحمدالله على سلآمتـكم يـ مهـآبـه ~

والله يرحم جميع موتى المسلميـن ,,

[بنت الدلع]

مهابه .. الحمدالله عالسلامه فديتج :heart:
ظهري صدقه

---

اليوم: السبت

انزين انا ابا افهم شو سالفة الاشياء اللي تنصب علي !!

سالفه [1]
كنا يالسين نتغدى في مطعم
يا الويتر .. وبالغلط صب علي الكولا ! :crazy:
وطبعا عباتي كلها كولا >.<

سالفه [2]
نتعشى ويا البنات
وتتحمس البنت للسوالف
وتاخذ الـ آيس تي ليموناد
وبالغلط يطيح منها الكوب
وطبعا انا الضحيه ينصب علي وعلى الكرسي اللي يالسه عليه !! :k_puppyeyes:

سالفه [3]
متفلسفه وسايره في الحوي بغسل ايدي من بعد الغدا
وافتح الماي
وينصب علي ذاااك المااااي الحاااااار
واحترقت ايدي :boxed:

سالفه [4]
الصبح مديت الكوب لأخويا عشان يصب لي حليب
يت البنت الحلوه تسلم علي وتحضني
وبحركه بريئه جدا يت مندفعه وحركتني !!
وبالتالي اتحركت ايدي وانصب الحليب الحاااااااار على اصابعي :fa43:
ouch :d010:

بس يا ترى ايش الموضوع :k_puppyeyes:

[حلم الطفوله]

سلامات بنت الدلع ما تشوفين شر يالغاليه

اكيد عين ما صلت عالنبي :)

[أمطار]

ســلامات مهابــه "لو إنها متأخــرة" ..
وسلامات بنت الدلع ^^~
.......




مســـاء الخـيــــر ..





اليــوم السبت 20 مارس 2010 ..



المــزاج:: مصدّعـة بس مستانسـة http://bindubai.com/plugins/editors/fckeditor/editor/images/smiley/msn/regular_smile.gif~







اليــــوم سوّيت سمج مشوي ع الغـدا ..
الشوي والطباخ مش شي يديد عليّ .. بس اليديد هـو "السمج" .. ماحب السمج ولا آكـله ولا أتحمـّل ريحتــه :look: ..





بس الوالــد كان خاطــره بسمج والبشكارة ما تشويه صح ولازم تكون فيــه ريحـة مش ولا بدhttp://bindubai.com/plugins/editors/fckeditor/editor/images/smiley/msn/confused_smile.gif!
جـــان أقــولهم خلـّوا الغدا عليّ اليوم وبسوّي السمــج !!!





البشاكيــر كلهم مستغربيــن أني حدرت المطبخ وبديت أشتغل في السمج!
ههههههههههههه 4 خدّامات وقفن بس يطالعن أنـا شو يالســة أسوّي . . .






ريحــة الشوي كـانت تشهـّي بصراحــة ..
بس ما تغديت .. لأني يوم أطبخ أفقد شهيتي للأكــل http://bindubai.com/plugins/editors/fckeditor/editor/images/smiley/msn/thumbs_down.gif. . .








أول ما تبـّلتها خليتها شوي برع تتشرّب التتبيلة ::



http://img.bindubai.com/up/wh_84036438.jpg







أول ما طلعتها من الفرن::



http://img.bindubai.com/up/wh_65508811.jpg



الريحــة كانت تجنن..



http://img.bindubai.com/up/wh_77120605.jpg



http://img.bindubai.com/up/wh_76063865.jpg


بالعـــــافيــه على باباتــي وأخــواني ^^~

نـــااس قالوا لي من شكل السمج يبين أنــه مش نــاضي :k_icon9:..
وأكيــد أنه أهليــه كلــوه مجاملــة لي!

بس مـا شاء الله ســووّا عليــه هجــوم ومـا بقى منـه شي!
استحيت أصـوّر الصينيــة آخـر شي! ههههه

وأكـّدت لي مصــادر داخليــّـة أنــه السمج كان نــاضي 100% وبدون مجاملات..
وكان طعمــه يمي "أقوى شي" :a100:. . .

واللــه :glare:!

[بنت الدلع]

انامل قلب و امطار .. الله يسلمكن خواتي
تسلم ايدج يا امطار ^^

[أمطار]

اللــه يسلـّمج غــلاي بنت الدلع ^^~

[مزن هتان]

اليوم : 21-مارس
المزاج : زي ما يقولون مرررره رايقه

الموضوع
نشيت لـ صلاة الفير و البي بي ناقع "وحده ما تعرف تحط مبايلاتها سايلنت"
خالي اللي توفى حرمته ربت اليوم :fa41: يابت لنا ولد، الحمدلله يا رب
و حرمة خالي الثاني بعد ربت و يابت بنوته "اثنينهم ربّن قريب الفير"
ربِ عوضنا خير الحمدلله.
(ربي لك الحمد كما ينبغي لـ جلال وجهك و عظيم سلطانك)

البارحه كان يوم حلو بس تعبت شوي المسا لمن رديت البيت
كانت عدنا مشاركه انا و خواتي استانسنا و أنا شوي اتلعوزت
بس وايد حبيت المشي، طحت على مجموعه الله يحفظهم صج خبلوا بي
كيف ما استحيت مادري كنت شريره معاهم بس بعد ما سوا لي سالفه
اظن هم المجموعه الوحيده اللي كانوا مسوين حشره، حسسوني بالتقصير =(
كلهم هاديين و منظبطين الا مجموعتي يقولون لنا المتطوعين يسار و هم الا يمين
جان يقولوا لي خلاص برايه روحي معاهم يمين قلت مو عكيفهم اوني عصبت و خذنا يسار
المشكله انهم أكبر مني أظن !!

عقب هالحشره رحت المستشفى عند مرت خالي قعدت معاها شوي قبل لا تربي
تعبانه و بعدها تعاند أقولها يمه منج على كل هـ الهدوء يطلع منج كل هذي =)

[مزن هتان]

اليوم : الاثنين
المزاج : ياااا رب !

الموضوع

"اللهم هوّن على المحزون ضيقاته"
أنش من أول الصبح و مارقد الا 12 ونص بالليل "حاسه ابـ تعب و ارهاق"

امممم أفكر وااااايد هاليومين، اكو اشيا اجلتها و لازم ابدا فيها من الاسبوع
الياي "المشي، دكتور الاسنان و شي بعد"
تجيني أفكار هبله أحيانا -احم- :k_special2:

[مزن هتان]

^^ اليوم نحن الاربعا، شلون كاتبه ان البارحه الاثنين
البال مشغول كنت اقصد الثلاثا توني اشوف الكالندر

اليوم : الاربعا
المزاج : الحمدلله

الموضوع : M

من يومين اطلع من الدوام اخطف على رفيجتي و نروح بيتنا
نتغدا و عقب سوالف لين حزت العشا 9 و نص اردها
البارحه بعد المغرب طلعنا نتمشى تقريبا سبع لين 9 نزليتها

أموت فيها هالانسانه من قبل لا ارمس تعرف انا شـ راح أقول
صحنا مع بعض البارحه عقب قعدنا نضحك عـ عمارنا
والله لو نجابل بعض مو شرط نتحجى، هذي تسد :fa41:

دازتلي مسج أول الصبح "أحبك" سعوديه و انا مادري =S

ربي يريح خاطرها و يقدمها لها الخير و يحفظها من كل سوء
ربي يعينها و يهون عليها و يبعد عنها الحزن و الضيق

[مــهــابه]

آمطـآر ، بنت الدلع ، دمعـووه :

الله يسلمكم من الشـر


بنت الدلع :

تحدث في آرقى العـآئلات صدق آتييج ايام تحسين انه هاليوم صدق نحس عليج =p


آمطـآر :

آنـآ قبل فتره آول مره في حيـآتي آسوي الغدا سمج ، لكن مسـوتنه مجبوس ، وقلت لهم آخر مره ، حدي اللحم والديـاي =p
.


.



الآربعـآ


.

.


المزآج :

مـرهقه


.

.


~ الموضـوع :

خـآيفه

هم يحسـسوني آنهم ويـاي بس آنـآ مش قـآعده آحس بوجودهم ، آحس في شي ، حـاجز ، شي مـآ آعرفه ، مـآ آدري

بس آنا متأكده انه في شي " قلبي دليلي " واحسـاسي عمره ما خـآب ، هم مخبين عليّه شي انـا أدري =(

يعني آحس انها " تأديه واجب لا أكثر "

آحساس بـااايخ

[أنامل قلب]

اليوم : الاربعا ..
المود : ..... .... !.
الموضوع :

الصبح متأخره ربع ساعه ، تفاصيل يديده ، ينتهي الوقت ..

وصلت البيت ، قعدت شويه إليـ أذن العصر ،
صليت ، وتالي شلتني رفيجتي أعاونها بالبحث ،
امممم وصلت البيت عالـ 7 ونص تقريبا ، وحاليا قاعده اتغدا ،
بنفس الوقت كنت حابه أكمل تلخيص الكتاب
عساس الحق اسويلها شغل الباوربوينت للملخص حاليا وللبحث من تكمله ..

من زمان احسني ما التهيت ابـ هالسوالف ،
بس باذن الله يكون مثل ماتبي ، وزياده ..

~

للمره المادري كم ، ماحب أبركن ، للحين مستواي تعيس ،
فضيحه جي احسني انشهرت بالدوام والسبه سواقتي الجميله ،
أمس ساعه إليـ أظهر السياره بسبة إن السيايير كلها قريبه ، من اليمين واليسار وحتى اللي ورا ،
وبعد ما ظهرتها ابـ معاناة ، ييت بطلع من الباركنات ولا مادري منو صافط سيارته بالزاوية ،
وما شافوني إلا أتجدم انج وارجع انج ، اجدم انج وارجع انج ، والشباب ابـ سياييرهم وراي ناطريني اظهر ،
بالعاده يظهرلي احد يعاون بس هالمره جنهم إلا يشوفون فلم فكاهي ، حتى بالأخير وقفت السياره
وربعت يديني ولا طعت اتحرك ، فقدت الأمل ، بس وحده ظهرتلي عقب يزاها الله خير وتمت تعاوني ،
كنت عادي انزل اطلب من واحد منهم يظهرلي السياره ، يا كثر ما قمت اتوهق استغفر الله ..

وايد ادخل رونج سيد ، حتى مره ارتكبت خطأ للحين مو مستوعبه ولله الحمد شلون رسيت ع بر منه ،
لدرجة اني ما اتجرأ أقول لأحد عن هالخطأ الفادح ، اللهم رفيجاتي ، وابد ما قطعوني ..

~

مادري كيف ، أحسني كل ما باي اتكلم يحوشني نفس الاحساس ، ويردني نفس الاحساس ،
كله أحس جي بإني مو عارفه اشرح ، وكله أحسني محتاجه ، بس مادري ..

يا كثر ما استخدمها هالـ مادري !..

[مــهــابه]

اليوم :

~ الخميس


المزآج :

مسـتآآآنسه ولله الحمد


الموضـوع :

~ مـآبغـى " الهدآيـآ " ..
عندي ~ آغـلى { هديه }
~ حبك / وتقديرك ~ / وخـوفك عـليّه ~ !..


يـآ آجمل هديـه ~ سـآقهـآ الله ليّه ..

[أنامل قلب]

السلام عليكم ..

اليوم : الجمعة ..
المود : .... ...... !.
الموضوع :


قعدت الصبح بحدود الساعه عشر ، وبين الحواطه وتقليب المجلات وتحضير الفطور ،
مر الوقت ، وشوي جابلت الواحات ، ويو عدنا ناس اليوم ، فـ يعني قضينا الوقت إليـ المغرب ،
صلينا وظهرنا انا واختي بسيارتي لـ بوهيل قلنا بنجرب نتنقى أي محل عبي ونشوف شغلهم ،
والاهل ظهرو مع الوالد يتشرون ، المهم إن وقفنا المحطه ناخذلنا كذا غرض ، وتالي اوني بسير بوهيل من غير لا اضيع ،
بس من يقول ، بالأول كنت ناويه اوصل من درب ابعد لاني مادل ، يعني مثل ما يقولون : وين اذنك ؟.
بس مع ذلك ضيعت وكل شوي احتاج اسأل أحد ويدلوني بس شكلي حاله ميؤوس منها ،
إلي مادري شلون وصلت بالأخير الساعه تسع تقريبا ، ما صدقت شلون صفطت سيارتي ،
اوني محصله مكان ما يتفوت ، بس من نزلنا وقطعنا الشارع ، شفت الباركات اللي قبال المسيد هناك فااااضي !.

وصلنا بوهيل ، واختي تنقت محل عشوائي ، وطولنا بسبة إن اللي كانت قبلنا اهي وبنتها وااايد خذو من وقت الريال ،
وبعدنا يت وحده مبين عليها جي من النوع اللي امم كيف أييبها ، يعني مو مثلنا تسكت لا ترمس وتجادل ^^"

فقام الريال زقر واحد ثاني عساس يجابلها ، فاختي تمت محتشره اونه شو ها بعد نحن يايين قبل ،
وتمت تزن فوق راسي اونه خلنا نروح عشان يتأدب =/ وانا مول مالي خلق ،
تميت أقولها ان مبين يبي يصرفها بسرعه ، اصلا الوقت تأخر وبيسكرون ، وهيك إلي خلصت الاولية ،
والثانيه تمت تحاول معاهم بالسعر ونحن بعدنا واقفين [ يمكن كملنا جي مال نص ساعه ] ،
وقتها شفنا الريال الثاني ياه صوبنا واهو يقول لرفيجه ، اونه انا بجابل هييل ، ورفيجه يرد يقوله لا بجابلهم انا ،
وانا اقول حق اختي شكلهم يبون يتهربون من المرا :k_special2: ..

وما صدقنا لمن خلصو ، رحنا تالي مال بسرعه بسرعه ، اهي فصلت اربع عبي وانا ثلاث ،
بس خذ وقت شوي واهو يقايس عالعبي اللي يايبينها ، وبالأخير استسمحنا منه ليش إن مأخرينه بزياده ،
وتم اهو تالي يعتذر اونه ادري نطرتكم وايد بس الحرمه ماكانت تبي تروح ^^"

وعقبها مرينا ناخذلنا ذره ، وووونحن طالعين اقول لاختي تمشي بسرعه ،
زياغ جي الوقت متأخر تحسون ومعظمهم رياييل ، وجي تميت حاسه برجفه بديني كالعاده وقلبي مادري اشفيه ،
واختي تسألني اونه شو خايفه ، إليـ وصلنا قريب السياره جان اشوف شلة شباب اثنين منهم عند سيارتي ،
لا وواحد فيهم قاعد عالسياره الدب ، الحمدلله قبل لا نقطع الشارع تحركو الصوب الثاني وانا موووول واااايد زااااايغه ، بالقو يعني ،
جي يتكلمون بصوت عالي ويضحكون ، ومن ركبنا اختي تقولي سكري السياره بسرعه ،
كأنها ماتعرفني خوافه ، وما صدقت ان تحركنا وفجينا ، حتى تميت ليـ نص الدرب وانا جي قلبي مقبوض بسم الله ..


وصلنا البيت قبل الاهل ، كانو داقين علينا يبون اييبولنا عشا من ماكدولاند ، طبعا قتلهم لا ييبولي ،
واختي تعبانه شويه كذلك ما بغت ، وهيك تتكرر تفاصيل أيامنا ، وانتهى اليوم تقريبا ..

اممم حاليا قاعده اكتب هالرد ، بالصاله ، وناداني الوالد من شوي احطله القطره ،
والأهل كلهم قاعدين اهني !..


~ ..

[مزن هتان]

اليوم : الخميس، اليمعه و اليوم
المزاج : عادي ..!

الموضوع :
رحنا الرمله أنا و أمي و خواتي و عيال أختي و مرت أخوي
برد الجو كان كيف حشره أونهن يسولفن و أنا تحت اللحاف ما كان لي خلق كنت مستمعه طول الوقت
أحب البر :fa41:

البارحه أمي و مرت أخوي راحوا عند خالاتي على اساس نطلع وراهم أنا و خواتي
أصلا أنا خواتي نبي نقعد بالبيت و نحن طالعين ام سيف عزمتنا قبل على باسكن
امي احتشرت علينا جي متأخرين

اليوم مالي خلق أطلع، بس اذا بيودوني البر اليوم :blush: ما عندي مانع
عندي مشاوير يفضل اقضيها اليوم بس مالي خلق ابد ابد
تعبت اسوق والله

[مزن هتان]

اليوم : الاثنين
المزاج : not bad

الموضوع
اليوم امي الله يهديها زين ما وقفت لي قلبي، و انا في نص شغلي
قلت بجيك عـ قروب العايله و من افتح الصفحه ما اشوف الا امايه كاتبه تام أبوج تعبان وايد
و انا عاد اتريا دقه "صياح" اتصلت في اخوي العود هو الوحيد يقدر يقنعه يروح المشفى

عقب اتصلت فيه اتطمن عليه و الحبيب طالع قلت له رد البيت أباه

الحمدلله الحين أحسن

[مــهــابه]

الـيوم :


السـبت ~ ! ..



المزآج :

كـول =p

المـوضوع :اليـوم كـان غـييير ، حلــو ، من بدايته كله آكشن " مال خفيف " ، آمس عيـآل ختيه رقدوا عندي ~ وكنـا طالبين من ماكدونـالز لكن عبوودي مارام يـتريـا وجبته ورقد ع ال8ونص ، 9 يـوم ييـت آوعيه جـان يسويلي مناحه ماطاع يـآكل قلت بـرآيك آرقد بيـوعك شـ آسوي يعـني ؟!

رقّـد وآنـآ رقدت ع السـآعه 1تـقّريبــا ، وع السـآعه 8 الصـبح آسمع عّـبودي يصــارخ : آي بـطني ، الـحقـوني " هالولد يضحك يوم يعـوره شي " مـووول مايتحمل وخّــواف بشكل ، يصــارخ جّنه شي مسـتوي به بسم الله

وجـان انش آنا وخته من الرقــاد وانــا مسطله مب رايمه ابطل عـيوني ومش متفـيجه ابداً ، غسـلت ويهي ، وبدلت وروحت ازقـر امــايه ، زقـرتها واول ماوصلـت
جـان يصيح عـّبودي :مـاماه بطني يعّورني اهي اهي مـاماه فــلانه " اللي هي انا " ماخّلـتني اتعشـى

عـاد الصبـح وموعـيني من رقـادي ، مول ماعكر مزاجي ، قلـت له هيه صّح قفـلت عنك المطبخ انــا =P والثـلاجات بعد ههه " دايماً يدخلـوني بالموضوع شي زين ولا شين "


المـهم

روّح عبـودي عند امايه ورجعت آكمل رقـآدي يلين 12 تقـريبـاً خلاف نشيـت وطبعـاً اليوم السبت يعني ختيه ام خليفه وخـلآفي بيروحون فـ روحت عنده ، آول شي سويـته : جان آوعيه من رقـآده ، فديييته هالولد " احببببببببه وايد انا " ، سـولفـنّـا وضحكنـّا وصيحـته عن خاطري وخلاف شفت ختيه تعبـانه تبغي ترقد امس مسهرنـهـا جان آخذه عـّنها وسبحـته ولبسته ورقدته " 10 دقـايق بس " وجان ارد اوعيه " كيـفي آبغي العب وياه =p " بيروح وبفـتقده ~ ! ..

رّوحـوا عقب الغـدا وتميت آخلص شغل ختيه وع العـصر يـاني اخويه بيروح السوق وبيخلي كتـآكيته عندي " حماده ورشوودي " ماشاء الله عليهن 2 لـكنهم عن 10

شـآفني حمـآده ع اللآب اشتغل جـآن يقول لي : يــــا قّــلبي حطي لالالا " هذي نشيده مالت طيور الجنه "

لـما نشتشهد بنروح الجنه =p ، عـاد من قـال يـا قلبي قلـت له لـه عّرب راضين عـلينـا اليوم

خّبلت به ماطعت احطيـهـآ ، جـآن يقول : نّـن نّـن ماشي " يعني مابطلعج بالسياره " اللي يقـول السويج فـ مخبـاه والسيـاره ع البـاب لوول

عقب قـآل :ككــاو ماشي ، شّنطه مـاشي "دايـماً يشوفني وانا مروحه وشـآله الشنطه مالي فيقول انه مابيخليني اروح ، آخرتهـآ هالكتـكووت بيولـيني آنا =p

ع العشـآ يلسـنآ ف الحـوش نلعـب آنا وتيمون وبـومبـآ ورشودي وحماده طبعـاً محد ف البيـت ، كلـهم طـآلعين آلا آحنـآ ~ !..

بـومبـا وايد حشره وآيد ، وضربهـا يعور وايد ، ضربـتني >< ، ورشوودي يوم تضربني يصرخ بالحيييل ، حسـآس هالولد مايحب حد يتضـآرب جدامه ، آحنا نزاعج يتحرانا نتضـآرب ويصرخ بصوت عـالي " يـاحافظ ع الحسـاسين انــا " ~ !. .

ختيه دقـت قـالت بـاجر بّروح المكـان الفـلاني بـتيودين ولدي ؟ ، قلـت لهــا حبكتهــا عليج انـتي يعني ، هـــااااتيه شو بــعد
تـراني صــايره بيبي ستر العـــايله :@

رغم اني مخططه آروح الصـآلون ، لكن مـاعليه ف المسـتقبل القـريب بـردهــا فيهم =p


وبس !

الحـين آقول لـ تيمـون وبـومبــا يالله رقــاد بـآجر مدآرس مب مسوين لي سـآلفه كـل وحده يـآلسه ع اللآب ومسوين طـآف حّقي

[مزن هتان]

الويك اند
خفيف و هادي


خالاتي نزلوا العمره 4 بيوت خذوا عمره يعني ما طلعنا مكان أنا و خواتي
رحنا يومين الورقا شلينا الدرجات معانا
و البارحه مودي اعتفس و السبب حفل التكريم اونه 6 ونص حفل التكريم و حضرتهم بلشوا 7:40 :k_icon28:
و مخلصين 9 الا10 يارب أنا واعده بنتي اوديها مردف ستي اتصلت فيني مري عليه بسرعه قلت لها
خلاص بيسكرون الحين جان تقول يعني ما بتمرين عليه اقولها لا ردت عليه و عرفت انها زعلت خلاص باي :frown:
سكرت و صحت خواتي اللي معاي يضحكون وصلت البيت كانت راقده =(
ما قول الا هاي هي مواعيد عرب شو نتريا منهم، صج تنرفزت البارحه
أقول ما راح اتطوع بس ماقدر خواتي يقهرون يوم انا صرت مابي هم يبون
و امي و ابوي ما بيطرشونهم بدون حد كبير :pullhair:

ماحب يوم أوعد الصغاريه و أخلف
لازم اراضيها اليوم :fa41:

صايره كسوله هاليومين :k_special2: مالي خلق اسوق ابد ابد
أبوي مش مقتنع بـ موضوع الدريول، كم بشيل عنهم :fa46:

[مزن هتان]

المزاج : ...!

الموضوع

مو شي جديد انِ أنسى، توي أذكر انه رفيجتي دقت لي قبل اسبوعين !
وين أودي ويهي منها، وااااخزياه ... اذا أحد اتصل و ما رديت عليه حزتها وايد زين اذا رديت
اتصلت، أقول اللي يبيني اهو يدق لي P=. و اتصل فيني أخوي العود يهزبني من اسبوع طالب مني
اكلم اتصالات عن الواير لس فالبيت ان ارساله مهوب قوي، غسل ايده مني و كلم خالتي =)

البارحه رحنا مردف سيتي أنا و شوق، ماحب أطيح المولات الا اذا عندي شغله
على طول دخلنا cite' des Enfants ساحة ألعاب قدرة و ذكاء انا لعبت معاها، على
أيامنا سندباد الغرير و ليجر النصر =) و لحقنا شوي على ماجيك بلانيت سيتي ديرة
كنت بمر شوقر دادي بس ولد خالي كان هناك و قالي انه اخذ، و العصر ولد خالتي كان جايب
لي كمان كيكة اليزر من lime tree cafe لذيذه، جربوها فـ ما مريت على طول طلعت

يجيني رقم من مصر هـ الكم يوم، البارحه دزوا لي مسج
"ايه مش عوزه تردي، براحتك يا فطفط" ما يناديني فطفط الا ولد خالتي و هو موجود فالامارات
يوم اتصلت طلعت رفيجتي !

ماحب حد يحجي بـ حلم مو زين و خاصه هاي الفتره
و مو شي ان و هم يقولون الحلم افسره, "نظرتي سوداويه هـ اليومين" فـ ماني ناقصه

[مزن هتان]

اليوم : دخلنا باليمعه
المزاج : عادي

الموضوع : بنتحر كتبت رد طويل و انمسح

كنت اقول مادري منين جايبين هـ الافكار، انو كل ما احد توفى قعدوا له سنه
يعني مثالا ماكو اعراس "ما نسوي اعراس و ما نحضر عرس" ماكو حنه، ماكو تلفزيون لـ مدة 40
يوم و مثال خالي قريب توفى الله يرحمه ما اروح ازور زوجته و انا لابسه شي ملون لازم اسود في اسود

مو كأنه هذا اعتراض على مشيئة الله ؟

مو مسألة انو مش حزنانه على خالي، ربي وحده العالم عن اللي بالقلب بس ما يصير نوقف حياتنا
الدنيا بعدها تمشي،,,

برايهم أبوي على هواهم، ان رمسنا بيزعلوا

[أنامل قلب]

اليوم : الاثنين ..
المود : .. .. .... !.
الموضوع : بزي ولله الحمد :fa38: ..


اليوم كنت مضغـــوووووطه ، ومحد معاي بالقسم كلهم مروحين وانا يحليلي مجابله عمري والشغل ،
وكله ولا لمن ايوني المراجعين واضطر اقولهم يردون باجر ، او ان اتصل بأي فرع لنا عساس الموظفين هناك يفيدون المراجع جان عنده استفسار ،
وكله ولا واحد إيراني ياني وشكله شايل من قبل ـ جنهم محولينه كذا مره ـ وما كان عارف يتكلم لا انجليزي ولا عربي ،
فسألته قبل إذا كان إيراني ، وسيده شفت ملامحه تغيرت واستانس ، على طول حول عالفارسي اونه يقولي بلغتهم تعرفين فارسي ،
ارد عليه بالعربي إني أعرف بس جي شوي شوي عليه لول / اوني بحاول ارد عليه بالعيمي وتميت انقع ،
شوي عربي شوي انجليزي شوي عيمي ، وكله اتمكس بشكل عجيب ، والأخ كل شوي يرد يضحك !.
ماعرفت بالأخير منو اللي قاعد يحاول يفهم ع الثاني ..

عقب وانا اجابل البيانات واشوفلي من ممكن يفيده قعد يسولف وخذ راحته بزياده ،
إلا كم عمرج ، مواطنه ولا ، وين ساكنه ، وزرتي إيران ، وين والده ، متزوجه ، عادي شسمه ولا شسمه =$
وانا ارد على سؤال واطوف سؤال ، اوني يعني استهبل واغير الموضوع او اسو عمري ما فهمت ، والبلوه إن صوته عااااالي ، فضحني !.
حتى من روح عني سيده طلعت لمكتب الادارة حذالنا ، اوني بتفنس ، حسيت جي وكأن الشغل بيطيح من راسي XP

وبالأخير ظهرت وانا مو مخلصه ، مادري إذا بحتاج أداوم باجر من وقت ،
احتمال اقعد من النوم عالساعه خمس ، بحيث عالساعه 6 اكون بالدوام ..

~

خارج النص ، اليوم عدنا خوريش سابزي =)
الحين بسير اتغدا ، يوعانه !.

[عهد الوداع]

انامل

ههههههههههه يومج كااان عجيب صرااااااااحه ,,,

[أنامل قلب]

^ اممممم !.
ودي أقبضج من أذونج =]

~

اليوم : الثلاث أظن ..
المود : ...... .... !.
الموضوع : مثل البارح ، بزي ..

مو قادره أركز ، هالشي وايد وايد شاغل تفكيري ، مادري أساسا هالأمور كلها عاديه ولا شلون ..

لو الموضوع ع طرف واحد جان يمكن ما حسيت ابـ هالأثر ، بس لمن تبدي التفاصيل والمشاعر تتكرر من ولـ كذا طرف ،
مره بقول إن هذي طبيعتي وما يخالف ، مره بقول إن السبب منهم ، مره بقول إني زليت ، بس لمن يستمر ويتكرر من كذا طرف ،
اهني غصب أبدي أحس بإن في شي غلط ..

ما أحب لمن أقعد أفكر وايد ، أنا أساسا من النوع اللي وايد يعيش ابـ هالعالم [ زحمة أفكار النفس وخليط المشاعر ] ،
حتى أحسني بديت أزل أو اممم كيف أييبها الحين ، يعني شلون لمن تعيشون الشي يوميا وتصيرون ما تحسون بتعديكم لـ بعض الأمور بسبب التكرار ،
والأسوأ إني واااايد أخاف بإن مثل هالشي يبدي يأثر فيني ، وانا عندي كله ولا هالمجازفات ، كله ولا إني أفتح هذا الباب تحديدا !.

~

مرات أحسني محتاجه أكلم أحد ، ومرات أجرب فعلا إني أتكلم ،
بس كثر ما أحاول ما أروم أشرح ، وهذا الشي بالذات يحسسني بإني أبد ما عدت حابه أنطق ابـ كلمة ،
وكأنك بالكلام بدل لا توصف المعنى ، تقوم تبتعد أكثر لأنك باختصار [ خانك الوصف !.

[أنامل قلب]

اليوم : الاربعا ..
المود : .... ...... !.
الموضوع : الدوام ..

اممم بصراحه ماعرف شو أكتب ..!
أو بالأحرى ما عرف كيف أكتب ، اللي ابي أكتبه أحسبه ما بيظهر ،
ويايه بجرب أنسى اللي بخاطري اظهره ابـ اي سالفه ثانيه ،
بس هم ما نفع ..

لا حول ولا قوة إلا بالله !.

~

[أنامل قلب]

اليوم : الجمعة ..
المود : .... ... ... !.
الموضوع :

اممم أحس مرات إن علي تعليقات غير شكل ، مادري كيف تظهر مني الكلمة وأتوهق ،
مثلا أمس بالدوام وصلني لغز بالميل وتحمست عليه وبسرعه انحل لأن كان خفيف ،
فـ وانا أحل شكلي تحمست بزياده ، وبعد ما حزرت رقم أول شكلين عرفت إن المسألة بتنحل خلاص ،
وزميلتي كانت يايه وقتها عندي تطالع ، أنامل قلب : امبيـــة فديت قلبــــيييــــــي !.
فلانه متفاجأة : لا والله !.

قفطه ، بس ماعرفت شلون أسترجع الكلمة =#

~

كنت رايحه بغرفة الوالد اليوم الظهر ، وما انتبهت عليه متى رجع ،
واهو شكله حس فيني فـ قام ، حبيبي والله شلون ملامحه صارت غير ، وايد كبران ،
جي رحت عنده ، حبيته ع راسه ، أنامل قلب : حبيبي إنته ؟.

ودي أحفظه فيني ، يتم داخلي ..

ومن شويه كنت عند اختي بالصاله ، لقيته ياي يقولي : بابا عادي اتحطيلي الدوا ع ظهري ..
أنامل قلب : لا مو عادي ^________^ ، من صجك تسأل ؟؟؟؟

بس قلبي يعورني لمن ألمح فيه شغلات ..

~

أمس استانست وارتحت بكلامي مع دموع قلم ،
ومن عقبها نمت إليـ الساعه 10 الصبح ، جنه وايد !.
بس كنت كل شوي أقعد ..

امممم وبس هيك ، ربي يعين ..

[أنامل قلب]

اليوم : باجر دوام !.
المود : ....... !.
الموضوع :

قاعده أسو شي لااااااازم أخلصه ، وبنفس الوقت صعب أخلصه ،
بعدني ما خلصت نصه ولا حتى من قريب ، وجي تعبت !.

الله يعين ، بعد ما كلمت رفيجتي ع أفكر ما أحضر ملجة صديقتي ،
إن يعني بنحتفل فيها عقب نحن بروحنا ..!

~

قالتلي مره صديقه كلمة للحين ترن بذوني ،
[ لا تتوقعين ] ، صدق ..

[مزن هتان]

اليوم : الاحد "أحب هـ اليوم"
المزاج : الحمدلله

الموضوع

التدخين مو زين لـ صحتكم، نحن نباكم :fa41:، البارحه خالي طاح "انسداد بالشريان"
ربي يحفظ لنا أبهاتنها، عيالنا، شبابنا و يشفي خالي و يعافيه يا رب

أول الصبح طلعت من الدوام رحت المبنى الرئيسي، افهم شوي
طبيعة عمل الجماعه و شلون توصلنا الـ حالات و ايش ممكن اسوي بدون ما احشرهم
كل شوي بـ اتصال، من شوي وصلني ايميل أجندة اجتماع الاسبوع اللي فات
:Oo: مادري باللي حصل بما اني ماحضرت الا توني اقرا و انصدم !!
ربي يقدرني و أكون أُهل و كفء و مخلصه بـ عملي ان شاء الله تعالى :k_special2:

سبحان الله، الحمدلله، لا إله إلا الله، الله أكبر

[أنامل قلب]

اليوم : الأحد ..
المود : ... !.
الموضوع :

اليوم الصبح قعدت متأخر شويه ، جي عالساعه 6 ، قعدت أتزهب ع كيفي [ لأن عندي موعد ] ،
بمستشفى دبي بركنت مجابل البوابه الرئيسية وماكنت ادري إن ما يصير لول ، المهم ساعه احاول اظهر سويج السياره ما كان ينفع ،
إلا شوي كنت بكسر السويج وانا اسحب فيه ، والبلوه ان مب رايمه أرد أشغل السياره حتى ،
بالأخير اكتشفت إني حاطه عالـ D :shutup: ..

المهم من خلصت رحت خذتلي شي من جلوريا ، ومن وصلت السياره اشوف السكيوريتي واقف حذالي ،
جي قفطه ، قالي كيف اني موقفه غلط والخ الخ ، عافانا الله روحي يالله يالله واصله غصب ..

ووو من وصلت الدوام انشغلت إليـ آخر الدوام ، ماحب جي لمن أحس كل شي حولي زحمه ،
يبالي من الخاطر انظم شغلي أكثر ، وكل شوي حد يتصل واحتاج اتصل ابـ مادري منو ،
ولمن خلص الوقت قعدت انطر المراجع يروح عن زميلتي ، مافيني أخليها بروحها يحليلها ..

من وصلت البيت تفاجأت ابـ أخوي ، ما قالولي بيرجع اليوم من السفر ، وكالعاده من نصافحه ينزل راسه ،
ـ اونه يعني بوسيني من راسي ـ ، قتله : نظيف خخخ ، أخوي : صدق ما تستحين ع ويهج / نستهبل ع بعض ..

المهم ، مريت عالوالده ورحت داري اعق اغراضي وسيده ييت عاللاب افتحه
وكملت دربي للمطبخ اسلم على روز واشرب الكركم العجيب ـ غصب ـ
وتالي رجعت جابلت اللاب ، والحين أنا اهني أحط هالاضافة !.

وبس هيك حاليا ..

[أنامل قلب]

السلام عليكم ..


اليوم : الاثنين اظن !.
المود : .. ... ...... !.
الموضوع : المراجعين ..


مع إن شغلي ما يخصه بالمراجعين عالأغلب ، بس بعد التغيير حطوني بالواجهة يعني معظمهم يمرون علي قبل ،
البايخ بالموضوع إني للحين ماعندي المام كامل بالشغل ، يعني لمن انسئل عن الشي الفلاني ولا العلاني
ما أكون متأكده 100% إن المراجع المفروض يروح عند فلانه ولا علان ..

كنت قاعده عادي مجابله كمبيوتري اللي احسه ولله الحمد يغطي شوي عن اللي رايح واللي راد بمكتب الاداره ،
بس لاحظت إن في واحد واقف متردد مايعرف وين يدخل ، فشفته فجأة ياني وكأن نظرتي له شجعته ، يقولي بلهجته المصريه :
كنت ناوي اروح مكتب الاداره قبل ، بس قلت على هالابتسامه بييكم قبل ..
ما كنت حاسه إني مبتسمه لول ، مرات جي تظهر منا شغلات عفويا ، بس وايد كان حبوب ،
جي نفس اللي نشوفهم مرات بالمسلسلات المصريه ، فيه صحه ما شاء الله ، وفيه شيب :fa41: ~ *

واليوم بعد وانا رايحه لعند مسؤولتي أشوف موضوع عندنا ، لقيت مراجع وايد إيينا ـ هندي ـ معاها ، جي ريال عود وفيه رزانه ،
راكز وكلامه كله هادي ويقعد يعطينا من هالنصايح الغير شكل ، واليوم بعد استلموني بخصوص اكمال دراسة الجامعة ..

كلامه حلو ، ومسؤولتي شكلها ما صدقت ، اونه : ومن قالك نحن بنهدها غصب بنخليها تكمل ،
بس خلها تكمل سنه عدنا وعقب بتصرف معاها / :nerd: !.

~

وفي مراجعين ثقيلييييــــن دم ، مااااحب اللي يظهر قلة احترام عافانا الله ، شخصيته تظهر ركيكه جدا ، ولا تسئلوني من وين يبت هالمصطلح ؟.
خاصه لمن اسحب مكالمات مسؤولتي ويكون المراجع حفظني ، مثل وحده الله يهداها ، لا واسمها على اسمي :glare: !.
بغيت أعطيها محاضره مره ، كنت بعدني اتكلم اشوفها سدت التيلفون ابـ ويهي !.
بغيت أقولها حمدي ربج غيرج يتمنى XP ، اسولف طبعا XP ، بس صدق كنت بعطيها ملاحظه ،
اوك قلنا امشي واساير وأحب أتعامل ابـ لين ، بس وقت ما بصادف فعل قبيح عادي يكون لي رد ـ بنظرهم ـ أقبح ،
لأن اللي عليهم هالحركات ما ظني بيحبون أحد يوجهم ولا يرد عليهم بشكل يحسسهم بإنهم سوو شي بايخ :glare: !.

حتى مره أذكر إن أحدهم بعثلي رسالة مول ما عيبني فيه الاسلوب ، فرديت عليه برسميه مبالغ فيها
وبالأخير كتبت [ وبالأخير يرجى استخدام اسلوب أرتب في كتابة النص ] ، بس حسيت وكأن زميلتي وقتها تفاجأت ،
يعني ما توقعتي ممكن استخدم اسلوب شديد شويه ، صج اني تندمت شوي مع إني أبدا ما استخدمت اسلوب مسيء ،
بس قلت اممم لأن الطرف الآخر اكبر بوايد ، اساسا بقسمنا حضرتي أصغر موظفه ، وبالاداره اظني من المجموعة الأصغر إن ماكنت الأصغر =$
فـ مادري كيف اقوله استخدم اسلوب ارتب =# ، بس وقتها صدق كنت ضايجه ، حتى اذكر اني دمعت ولولا القفطه جان صحت :whistling: !.

احم ، مادري شو شايفيني بالضبط ، هل لازم اكون دفشه ولا كيف !.

~

وبعد ، أحس وايدييـــــــن ما يميزون بين المجامله المطلوبه والمجامله البايخه ،
إني اعامل شخص ابـ أدب واحترام ولين شي ، وإني أزيد بالكلام لـ شي ماعرفه أساسا شي ثاني ..

+ بعيد عن اللي فوق ، أحس بعضهم يظهرون تقدير مبالغ فيه بالتعامل ،
ماحب هالأسلوب أحسه مادري شلون :k_special2: !.

[مزن هتان]

اليوم : الخميس
المزاج : حلو الحمدلله

الموضوع

هـ اليوم أحب اقعد فيه مع أبوي و أمي و خواتي و عيال أختي و أخواني
بس اليوم بيصير شي ان شاء الله =) بتكون عدنا لمة أهلنا، ربي يتمم علينا فرحتنا يا رب
و ما يصير شي يكدر خواطرنا "اللهم آمين".

امممم يا رب على كثر استمتاعي بـ عملي الحالي، الا انه من يومين
أحس كـ إنِ بـ ساحة جهاد، "ربِ وفقني لما تحبه و ترضاه، ربِ سخر اللي الأرض و ما عليها"

[أنامل قلب]

اليوم : أمس إليـ اليوم ..
المود : هالخانه بالذات ما أحب أعلق فيها بغير الـ ن ق ا ط على عدد حروف الكلمات !.
الموضوع :


أمس بالدوام ، لا جديد يذكر ، ماعدا شغله اممم مادري ماحب أطريها اهني أحسها مادري شلون !.
في أشيا نكون محتاجين نفضفض عنها ، بس يمكن لأن حتى نحن ماندري عنها شنهي بالضبط ، ولا ليش تحسسنا بكل هذا ..

المهم ، الاهل كانو بيوم عدنا المسا ، ودايما يطيحون فيني جان بغو شي من برا ،
وأمس صدق حسيت إني يبالي إعادة نظر ابـ سواقتي ، صدق أحس عادي تكون خاتمتي حادث مروري بسم الله عليه ،
لا وبعد ما رجعت البيت ، طبعا كلهم وصلو ما عداي ، لقيتهم يقولولي بعد ردي اطلعي ييبي مادري شو ،
ع كيفيهم هو ، ما طعت اروح جان يظهر الوالد عني ، ماقدرت الصراحه ارد اظهر غير اني استحي عقب ادخل اسلم ،
ومع اني وااااايد احب القعده معاهم ، بس مادري شو استوابي امس معظم الوقت مجابله الصغاريه ،
هو يمكن عشان وحده فيهم ـ باسمي ـ كل ما تشوفني إلا تلح علي : يالله أنامل قلب تعالي لعبي ، يالله أنامل قلب بتي معانا ..
بس صدق صدق صدق لاحظت الفرق الشــــااااسع بين البنات والاصبيان ، يالله شي ما ينوصف ،
دفاشتهم غيييــــــر ، صدف مب طبيعيين الأولاد ، من صغرهم الدفاشه تسري في عروقهم :mf_leia: !.

هذا يفلع الثاني بمادري شو ، وصوتهم مافي أعلى وأغلظ منه ، وكأن يظهرون الحروف من خاااطر خاطرهم ،
أما البنات فديت قلوبهن والله ، كانو بس ثنتين + انا واختي ، تقولون ملايكه بين شياطين استغفر الله يعني :4:

حتى لمن نزاعج عليهم يكون صوتنا أهدأ عنهم ، عافانا الله ،
بس شـــووو لعبنا لعب مخبل ، بالأول قعدت عندهم لمن كانو يلعبون اونو ـ صحن ـ
جي نفرش الاونو بالجلب على شكل دويره ، ونقعد نسحب بالدور بحيث كل واحد ياخذ الاشكال المتشابهه ،
واذا شكل من الاشكال طلع عند حد كذلك نشل اوراقه ، واذا الشخص نفسه ما انتبه وحط الاورقه بالنص وفي منها شبه ،
نقوم نحن ونشلها عنه بسرعه ، وجي يعني هذا اذا انفهم شي !.

المهم من الحماس الزايد ، وابـ بداية اللعبه بعدهم الاولاد مب لاقطينها عدل ،
فواحد فيهم ظهرله رقم ثمانيه وفي منها شبه بالنص لكنه ما انتبه ، ومن حطها عالأرض كلنا فجأة هجمنا بنفس الوقت
وكلنا ضربنا ابـ بعض :hysterical: ، وبالأخير محد خذها ، وحمود عصب جان يفر الاوراق كلها اونه : ايه انتو شو استوى :pullhair: ..
ولا احمداني ياي يتحرطم عاللي باسمي ، شو ها بعد اللعبه عدنا بالإمارات مب جي ، روحي الكويت العبي ع كيفج !! ، صدق انه دب :fa46: !.
حتى اختياراتهم للألعاب غير شكل ، الاولاد يعني ..

+ متخيليني ألعب معاهم شرطه حرامي ، واقعد اراكض :a100: ، كنت ظاهره الحوش ابي اكلم احد بالفون ولا اشوفهم برا ،
ونفس الحاله البنوته إلا اونه أنامل قلب لعبي ، جان احط فوني ع صوب ودخلت معاهم اللعبه ،
بس ما لحقت اصير حراميه إلا وحولوني لشرطيه ـ اختي الدبه مسكتني ـ
ومن شافتني اللي باسمي إني انمسكت اونه لا خلاص غيرو اللعبه ، خلنا نلعب ثلج ماي ،
اونه هاللعبه نروم نفرج فيها عن بعض ، واتي تقولي انهم عقب بيفرجون عني :k_smile2: ..

ووو بالأخير كنا قاعدين نلعوز بعض ابـ الغاز وسوالف ،
اونه منو يقدر يقول بسرعه ويعيدها عشر مرات : شمخت خشمي خمس شمخات !.
ولا منو يقدر يقول : جيس طرشي ابـ إيد شرطي ، جيس طرشي ابـ ايد شرطي ...! > هاي اسهل
ولا هذي : حوش خالي خليل خوش حوش / :mf_leia: !.

آاااخ أحس جي ها خلاص هلكنا أمس ..
واليوم ! ، وااايد حلمت ابـ أشيا ، ما أحب لمن أنام وأحلم ابـ شغلات ما تنفهم وكل شي يكون داش ابـ بعضه ..

ودي أختار أحلامي بالمنام ..

[أنامل قلب]

اليوم : السبت ، وباجر دوام !.
المود : .. .... .. ... ...... !.
الموضوع :


تخيلو اليوم يايه بركب السياره ، ولا اسكارفي يطير عني بالكامل ؟!؟!؟!؟
ااااااخ ويهي قطعوني بالضحك امي واختي ، زين انها طارت من قعدت بالسياره وماكان في أحد ولا جان انفضحت ،
والحمدللـــــه مادري شلون تعلق طرف الاسكارف بيدي وانا قابضه مسكة الباب اوني بسكره ،
تخيلو المنظر جي الاسكارف يلعب فيه الهوى برا السياره ، وزين يوم اني تلاحقت عليه ،
ما أتخيلني أرد البيت ابـ كشتي ، عادي انذبج :fa46: !"

اممم باجر بالدوام يبيلي أروح أييبلي استكر يديد للسياره ، الأخ الكريم ـ السكيورتي ـ شكله حاب يستثقل علي ،
بالخميس وانا بدخل المواقف وقفني اونه : عندج استكر ، حطيه مره ثانيه جدام ..
بغيت أقوله : احلف انته بس XP

الحينه 99,99% مو حاطين هالاستكر ، يت علي أنا يعني ،
ولا اربيعتي تقولي يا انه يستهبل ويسولج سوالف او انه ماحفظج ،
اقولها كل هذا وما حفظني ، خلوني ساكته :glare: !"

حضرتي أساسا مو ماخذه استكر حقي ، بس ماخذه الاستكر الخاص ابـ رفيجتي اللي اساسا متكنسل من السنه اللي طافت ،
قلت بحطه بالسبت ، او حتى اني بسوله طاف وبجرب آخذلي استكر بنفس اليوم ،
إلا أخليهم يعطوني استكر هالمواقف ماروم أسير ابركن ابـ أي جهه ثانيه ، بنتحر :sleepy: ..



وبس هيك ، باقي الكلام مستحه ، ما ادري ليش !.

[أنامل قلب]

اليوم : الأحد ..
المود : .... !.
الموضوع :


شغلات غريبه تصير ..

[مزن هتان]

اليوم : ....
المزاج : عادي

الموضوع : أبوي و أمي

أمي / على كثر نجرتي معاها و معارضة أفكار و رأي بعضنا إلا أنها الوحيده
اللي لو أقعد أحجي لها أحسها تفهمني، تسمع لي حتى أحيان اهي تبدا تحجي لي
عن أشيا تعنيني، بالسنتين اللي فاتوا صارت لي أقرب رفيجه :fa41:

أبوي / يحس فيني قبل لا أتحجى، يعرف شو اللي أحبه. أي فعل يبادر فيه لي يبجيني
أبوي ما يرضى يزعلني بـ كلمه و اللي يزعل مزن عليه حساب و الا ما يصفيه معه، أبوي ينجرح
من ابسط كلمه ممكن تقطها مزن على عكس ان قالتها وحده من خواتي يمكن ما يهتم
أبوي لو يحاجيني بالتلفون يعرف ان كنت ضايجه و الا العكس، يجيني احساس انِ أحب أبوي
أكثر من أمي مادري ليش "أحيانا" ! عادي أبجي ان تكلم أحد "يمدحه أو يطريه بالخير"
خواتي يغارون أحيانا لما يطلبوا منه شي و يرفض، ردهم يكون لو مزن ما كنت ترفض
"أبوي" :heart: لو اقعد أحجي فيه ما راح اخلص

أقول حق أمي لو الجنة تحت أقدام الآباء كنت ضامنه دخولي الجنه

[أنامل قلب]

اليوم : الثلاث ..
المود : .... ...... !.
الموضوع : امممممـــم :blush: ،



مرات صدق احسني ياهل ، تظهر مني افعال وكلمات وردود فعل عجيبه ،
بس تدرون شنو أحلى وأريح شي لنا جميعا ، لمن نصير مانهتم باختصار ، ونكون نحن نحن ، دامنا ماتجاوزنا بنظرنا أي خط أحمر ..

كثر ما أقدر بحـــاااول أفض عني كل الأفكار الزايده ، ماني محتاجه لمثل هالضغط حاليا وأبدا ،
أبي أحسني مترتبه من الداخل ، بأفكاري بمشاعري بظنوني وبخواطري وبكل شي :k_smile2: ..

ربي يرزقنا الهدايه ، ويثبتنا ، ويديمنا بنيه طيبه ،
والحمدلله رب العالمين ..

[مزن هتان]

اليوم : اليوم
المزاج : احاتي...

الموضوع

أم سيف ما كنا ندري انها حامل بـ توأم، سقطت واحد قبل اسبوعين
لازم ما تتحرك وايد تعبانه، وحامها على ولدها سيف اونه ماصخ صاير !! حليله ما سوى شي
ربِ يثبت حملها و يقويها و يسهل عليها حبيبتي :fa41:
زين ما صحت و انا اشوفها شلون تتحرك :redface:

و مرت خالي صيحتني شوي بس، سألتني كم سؤال عن خالي
صحنا مع بعض :a116: أوني بمسك نفسي و بقويها طلغت اخس عنها أنا بعد
الله يرحمه و يغفر له

[أنامل قلب]

اليوم : عساس انه الخميس ..
المود : .. ... ..... .... ..... !.
الموضوع :


مادري ، ما قمت أحب أفهم ، ولا حتى إني أعيش حالة [ عدم الفهم ] ،
ما أدري شوللي أبيه ولا شوللي ما أبيه ، وكأني ماشيه هكذا من غير أي توجيه مني ،
يمكن لأن في تفاصيل كثيره بحياتنا ما يكون لنا حكم التصرف بغير [ رد الفعل ] ،
وحتى بهذي نصير عندها ضبابيين ، مافينا شي واضح ، ولا شي نقدر نستشف منه [ نحن شو نبي !. ] ..

وربي وايد صعبه ..

~

مادري اشـ صار فيني اليوم ، وايد قفطت ، ما صدق ان توجهلي هالسؤال وللمره المادري كم ،
بس هالمره غير جي كاش ، أحسني كنت مثل المينونه اللي تقول كلام ، بس شو قاعده تقول محد يدري !.

تدرون شلون ، أحس دوم جي اللي نحسه بالوقت ما يصير ، واللي مانحسه وننساه بلحظات نلقاه يوصلنا ،
مرات أتمنى إني أظل طول الوقت ماحس ابـ شي ولا أفتكر ابـ شي ،
ومرات أقول ، معقوله أتمنى ذلك !..

~

[ تنهيـــده ] ..

[ذهب]

انامل باجر من تنشين اقري سورة الكهف وبترتاحين هالشيطان يالسلج

[أنامل قلب]

^ تسلمين ذهب ،
وانا اقراه أمس تذكرتج =)

~

اليوم : باجر دوام ..
المود : ..... !.
الموضوع :


ما شي ..!

[مــهــابه]

اليوم :

السّبـت


المود :

تعـبآآآآآآآآنه



الموضوع :


جسـمي يعـّورني ومتـكسر عليّه من آمس ، آبـويه سـآفر آمس وبيرد اليوم ، الجـّو متكهرب نـوعـاً مــا ف البيـت ، وآنـآ وتيمون وبـومبـآ كنـآ متمللين ونبغـي نظهــر وماعـندـآ حد يظهرنـآ =(

قلـنآ لآختيه العوده احم احم آحنـآ خواتج الصغـآر نهون عـليج ؟! تخليني جيه متـمللآت

قـآل : انزين وين بتروحون " طيبه اكثر من اللآزم "


قلـت لهــا : بروح الفسـتفال بشتري غرض وخلآف بروح امرتس مول

قـآلت : بخبر " محمد " اللي هو ولد عّمي

مـآقد رحت ويــاه مـكـآن في حيـآتي ، آآآآول مره من خذ ختيه تقريبـا من 10 سنين الحين

روحنـآ هنـآك آنـآ وتيمون وبـومبـآ ، سوينـآ شوبينغ ، مـآحب امشي روحي ، آحس اني مـآآدري كيف ، لآزم حد آكبر عّني ويـآيه


المهم روحـت كذآ محل ، خذت كذآ غرض لاختيه ام عبدالله ، وختيه ام خليفه ، وتـيمون وبـومبـا مروا ياخذون بيجامات للبيت ، و ....


وعقـب خلصنـآ ، ختيه قـآلت قبل ال 9 مابـآ آشوفكن ، وآحنـآ خلصـنآ ع ال 9 ، قلـت لهم تعـآلو بعزمكم ع سـتآر بوكس ، روحنـا هنـاك ، بـــل شقـآ زحمه ،قلـت لهم نــو ووي تقعدون وعـآد بومبـآ حشره آلا تاخذ

خذنـآ وظهرنـآ ..

عـقب بـومبـآ قـآلت شو رآيكم بدل لآنيلس ف مطعم ولآ نتفرفر ف المول ندخـل سينـما ، قلـت لهـــا نو وي ع الزحمه لي شفتهـــا بــّرع ، آوونه انــتوو امانه عندي مـآشي " طاع من يرمس "

المـهم عـقب قـّررنــا ندخل سكي دبي ، فضـــااااوه وتقزير وقت لآآكثر ،

آكثر وحده غمضتني تيمون ، والله انـهـا ام سلوم ، قـآعده تمشي وماطالعت جدامهـا وفي ياهل يسحب اخوه بقـوه وجـآن يــسحبهــا ويااااهم واطيح ع ويهـــا وتنجلب هههه ، وانــا وبـومبــتا نضحك

غـآمرنـآ وآيد دآخل ، في يـآهل خبلت به من الخـآطر ، حآط دوبه من دوبي كل شويه يفـرني هو واخته ، وآنـآ ماقصرت ههه ، حسيت اني صرت يـاهل امس

رجعـنآ

حصلـت ورقه ع بـآب الغرفه روحي الثـلاجه لـج اهداء


روحت : حصلت حليب بوش من العزبه ، قـلت : ايـوااا

والله ما اشربه


حسيت في نـآس زعلـوا عليّه >< ، بس طّنشــووا وسكــتوو عـّني

اليوم آتشـآور آروح العين الظهر واوصل هنـآك ارقد ، ولآ آروح بليل

اخاف اروح بليل وما اداوم بـآجر

كل آسبوع هالحكـآيه ، آخويه يزعل يوم مـآ آروح ويـآه يتحرآني آنـآ مـآحبه يوديني بس آنا مب جيه والله



خـآرج نطـآق الخدمه :

آتوحشتهم ، ف الويك إند مـآفضى حقهم آنا ادري

بس صدق آتوحشهم واااااااااااااايد :heart:

[مزن هتان]

اليوم : الويك اند
المزاج :ماني رايقه

الموضوع



أم سيف كانت عدنا من حزت الغدا، ملتمين حول بعض انا و خواتي ما تحركنا كلش لين 11 و شوي
اليمعه رحت فستيفال اول الصبح خذت جوكلت و بسكويت من بتيل، 2 الظهر وصلنا العين أنا و خواتي
و عيال أختي من دون أبوي و أمي بعد المغرب طلعنا ردينا 10 تعشينا و تمينا قاعدين لين 2
نشينا اول الصبح بنت خالي يتنا 2 طلعنا رادين دبي

صلينا العصر طلعنا خلصنا كم مشوار و ردينا البيت. ولهت على أمي و أبوي و شوق السوده :hugzzz:
سويت نيو لوك و الحين خايفه من أخوي العود و لسانه "مزن شبلاه شعرج مصدي" يعيّبه بس ينكر

طلعت برع دبي + صبغة شعري بس عشان أغير مودي بس للأسف ما تغير شيء
الله المستعان و الحمدلله عـ كل حال

البارحه بنت عمي تسألني متى بتتزوجين مزن =)
شو أرد عليها ؟

[عافك الخاطر]

اليوم: الاربعا
المزاج: تساؤل

- بس لو كان في شي ..
المشكلة انه ما في شي..
هاي هي المشكلة!

- في فن في الحياة اسمه " فن الكلام " ، ناس ممكن تكسب اشخاص،علاقات، مناصب..الخ بس من ورى لسانها ..
للاسف تعلمت/ادركت هالشي متأخر جداً..

- براعتك في الكذب يشوفونها قوة شخصية و ذكاء .. لانه مافي شي يهزك .. عندك سيطرة حتى على كذبك .. للاسف!

[مزن هتان]

اليوم : ...
المزاج : ...

الموضوع : احساس غير، شعور غير، كلش غير


أحساس انِ فعلا ...، ربِ قدم لي الخير في كل خطوه اخطيها
ربِ ابعدني عن كل حرام، ربِ سهل أموري و يسرها
ربِ لا تأخذني من دنياك حتى ترضى عني و يرضى عني والداي
ربِ :fa41:

[أنامل قلب]

اليوم : الخميس ..
المود : .. ... .. !.
الموضوع :

امم اليوم ، تفاصيل حلوه ، وتفاصيل تضيع ، وتفاصيل غريبه !.

ربي يسلمكم ، اليوم الصبح بركنت وكل شي ويايه بنزل ، لقيت واحد كذلك نزل بنفس الوقت من سيارته الحمرا ،
وعادي ماشين ليـ نوصل المبنى وما كنت ملاحظه عليه كيف هيئته ، يعني عادي شايفه دربي وماشيه ،
بس بما إنه ريال فمشيته اسرع وتجدمني ، ومن مر من جدامي صرت : :wow: !.
صدق مادري شلون ماودي أعلق بس والله إنها مب حلوه لمظهر الريال يكون بهذا الشكل ،
بالأول لا إرادي طاحت عيني على يده "كفر البلاك بيري أحمر وساعته حمرا " ،
مادري قلت بكيفه ، يمكن صادف انه مطقم ولو إن الأحمر داش غلط بالسالفه ،
وبعدين تراني من النوع اللي جي بشكل عام عادي امشي وانا اطالع تحت ، جي مادري كيف ،
المهم ماكنت منتبهه وبالي مشغول بشي ثاني ، بس لمن ييت بجتاز الـ شسمه طاحت عيني على نعاله ،
حتى نعاله أحمر :wacko: "

استغفر الله مش إني أعلق والله مش القصد ، تراني ما أعلق عالهيئة ككل كونها مسألة ذوق ،
بس خاب ظني ابـ معنى الرجولة ، حسيته صدق ما يركب عالريال يكون بمثل هالمنظر ..

وبعد ، صار شي اليوم !.
مادري كيف لمن تظهر منا جذبه ، بس صدق ماكنت ناويه أجذب
لولا إني حسيت بإن أي كلمه ثانيه ممكن تتسبب ابـ مشكله ..
مع إني بالعاده لو ما بغيت أقول شي وانجبرت إني أتكلم ، عادي أعطي رد ابـ صياغة ثانيه
بحيث توحي للشخص بمعنى غير المعنى اللي أعرفه ، وهيك لا أكون جذبت ولا أكون قلت اللي ما أبي أقوله ..

لكن هالمره كنه ما نفع ، اممم أو يمكن من الارتباك !.

~

تدرون كيف ، كل مره أقتنع ابـ هالشي أكثر ، كلما كنا بحالة صمت وبعيد عن أي تفاعل واضح ،
نكون أبعد عن المشاكل والحساسيات ، وأقرب للـ بقعة السليمه ..

خاصه اللي مثلي يتحسسون من التفاصيل ،
أو يمكن الصفه اهني خاصه فيني ..!

[أنامل قلب]

اليوم : الجمعة ..
المود : .. .. !.
الموضوع :


مو من زمان راده من العزا ، كان اليوم اممم لا بأس به والحمدلله ،
بس مادري كيف ، عمي أ الريال العود اللي تكلمت عنه مره بالاعترافات ـ رفيج أبوي ـ
بنته توفت من المرض الكريه ، كانت تتعالج برا وتوفت هناك ، على حد علمي امس يابوها ودفنوها ،
مادري كيف حسيت لمن قالي ابوي إنه كان قاعد يبجي ، والله صدق لو شفتوه بتحسون باللي اقصده ،
وايد وايد وايد إنسان ترتاحوله ، أبد ما قصر مع ابوي وجدا تحبون تقعدون معاه ،
من هالشياب اللي تحسك تبي تاكلهم من وناستك فيهم ..

وبالعزا ونحن قاعدين ، يمرونا الحريم يسلمون كل شوي ، اللي توهم يايين واللي بيروحون ،
بعضهم تحسك ما تبي تفج عنهم ـ يدهم لمن تسلم عليهم ـ وبعضهم يحسسونك انهم غصب يسلمون ،
وايد يهمني أنا كيفية السلام ، استانس وايد عالشخص لمن يضغط ع يدي ، حتى اذكر وحده عدنا بالدوام جي بزياده ،
فقتلها : أستانس لمن أسلم عليج ، يعيبني جي شلون تلمين ايدي / يحليلها ..

ونحن رادين ضيعنا شوي ، يحليله الوالد يبي يجرب درب يديد و"شويه" ضعنا ، بس خطفنا عالمحطه وخذيت للوالده اسكريم من ماكدولاند ،
وخذتلي جبس ولبن من المحطه ، ومن رجعت السياره كلمت رفيجتي ابيها اتي معاي الموعد ، وبالمره اشوفها واقعد معاها شويه ابـ أي مكان ،
وعقبها اتصلت ابـ وحده من زمان مو مكلمتها ، ما بينفعني اقصر ابـ حق رفيجاتي أكانو قراب أم أقل قربا ، يحتاي كل فتره قصيره اكلمهم ،
عالأقل لو نقعد اندز لبعض مسجات سوالف بنحسنا مرتبطين دوم ، غير الصديقات القراب طبعا هذول نتواصل معاهم ونستخف بعد ..

مع إن تقصيرنا صاير واضح لبعض ، بس امممم الحمدلله ، صديقاتي ما في منهن والله ، حتى باستهبالنا ،
وكيف بعد صج سبحان الله تحسون كل وحده لها مكانتها ، عادي مثلا لمن تصادفون شي وتحتاجون تتكلمون ،
مادري كيف على حسب النفسيه سيده تخطر لكم وحده بالذات ..

أحبكم !.
وربي لا يحرمني ..

[أنامل قلب]

اليوم : الأحد ..
المود : .... .... !.
الموضوع :


تدرون لمن تحسون بإن ودكم تكتبون وتكتبون وتكتبون ،
ومن تبدون بالكتابه تحسون بإن كل اللي يظهر مو أهو اللي حابين تقولونه !.

حتى بموضوع الدايري ، أحسني مزحوووومه وأبي أكتب حتى أدق التفاصيل لأنها اللي تعنيني ،
بس لمن أجرب أكتب ألقاني أبتعد لـ شوي من هذا وشوي من ذاك ، وهيك أضيع ولا أرجع !.


دائما ..

[مزن هتان]

اليوم : ....
المزاج : عادي !

الموضوع


مش عارفه اسبانيا و الا بانكوك و الا مصر و الا بلادي :fa41:
أبوي بيروح بانكوك يباني اروح معاه، أمي و خواتي الاثنين بينزلون مصر و امي تباني معاها
عمي و خواتي الاثنين الثانيات قالوا اسبانيا و يغايضوني و أنا أقول كم تسوى بلادي
اقعد أجابل أم سيف :inlove: أحسن لي، بس ماني عارفه راح أقعد عند منو، ماريد أقعد بالبيت

[مايهزك ريح]

^
شكلي يتم في البلاد هالصيف .. الكل امسافر .. وانا بجابل البشاكير .. ^_^
ابويه بيسافر ويا ربعه .. واخواني والوالده سايرين نيويورك .. وانا بتم بروحي ..

بس عندي سفره اسبوع اخر هالشهر بتخفف عليه .. شويه من القهر >_<"

واجازه سعيده ومفيده في دبي .. بجابل مدهش السنه !

[مزن هتان]

الحال من بعضه يا أخوي، بس ذكرتني انه أكو مفاجأت الصيف "مدهش"
يعني بطلع مع عيال أختي الحمدلله

[أنامل قلب]

اليوم : ما تفرق ..
المود : .. ... .... !.
الموضوع :


مشتهيه أنام بس عشان أرتاح من الكحه ،
مع إني حتى وانا نايمه كل شوي اكحكح ، بس على أخف لمن أغطي ويهي ،
صدق صدق هدت حيلي ، أحس روحي بتطلع ..

[أنامل قلب]

اليوم : الأحـــــــــــد ..
المود : ..... !.
الموضوع :


اممم بتخبل من الدوام ، ولا أدري ليش ،
بس خارج النص ، اليوم تفاجأت ابـ تعليق بايخ من أحدهم ، أو بالأصح مأساة :glare: ،
فجأة دخلو المكتب أهو مع وحده من الموظفات ، جي كانت محتشره بسبة مراجعه يتهم من شوي ،
وأهو شكله نفس الشي ، بس رد ابـ تعليق صدمني ، كيف جي مادري ، جذبت عمري لمن سمعت O.o !.

وبعد ، اليوم طايحين فيني تعليقات ، مادري كيف كان الجو اليوم أساسا كل شغلي مخربط ،
مرات أفتكر واضحك ، مرات افتكر واقفط ، مرات افتكر ابـ علامات تعجب واستفهام ..!؟

المهم بالأخير ، عيش مسالم ولا تفتكر بظنونك وايد ،
بعيد عن الناس ، أقرب لنفسك ..

ودمتم سالمين !.

[أنامل قلب]

اليوم : الاثنين ..
المود : ...... !.
الموضوع :


امممم ذبحوني يبوني غصب أرد ابـ هالعباره !.
جي أونه لازم من أرد على أي مكالمه أبداأ ابـ : "اسم القسم" أنامل قلب معاك تفضل !!!!!!

شو ها بعد ، للحين متعقده ، اقعد أختصرها ، بس بعدهم يردون يتصلون فيني اونه قوليها كامله ،
احم ، هو صج انه مو بكيفي ، بس اقولها : كيف جي إذا قلت كل هذا متى بسلم ،
تقولي لا تسلمين خلاص قلتي تفضل :fa44: ..

وانا أبي أقول اسم القسم بس وعقب على طول السلام عليكم ، وهذا اللي اسويه للحين عالأغلب ،
بس يحليلها فلانه ما قصرت ابـ كلامها ، مع إن للحين احس مادري كيف جي ، لكن شكلي غصب بسويها !.

كله ولا يوم رجعت اتصلت ابـ موظف عدنا ، رد علي اونه بيعلق : ها "اسم محل العمل " معاك تفضل ،
ها منو معاي انامل قلب ؟
أنامل قلب : لا والله :fa46: :fa46: :fa46: + ضحكت ما قدرت الصراحه ، قطعني ..

حتى حضرتي شو مسويه ، اوني حاطه استكر عالكمبيوتر كاتبه عليه العباره ،
اونه كل شوي اقعد اقراها ، وبالبيت اقعد اعيدها ، أبي أعود لساني عليها ولا اني استثقلها جي ..

حشى مب عباره ، كابوس ..

مشكلتي ما أحب الشي الجامد ، مع انها يمكن سلبيه توهقني ابـ أحيان كثيره ،
بس واااايد ما أحب إني أكون جامده ابـ أي شي كان :fa55: ..

[مزن هتان]

اليوم : الثلاثا
المزاج : احم ..

الموضوع

امممم استغفر الله يا رب ماحب اذم المكان اللي أعمل فيه
الحمدلله مرتاحه !! بديت اتقبل الاغلبيه بس بعدني احيانا لساني ينربط
ما ارد عليهم لما يحاجوني ..

أبيّ أصلي على راحتي بس هذا اللي ابيّه :bye2:

[أنامل قلب]

اليوم : الثلاث ..
المود : ....
الموضوع :

مثل مزن ، مواضيع الدوام ما تخلص ، بس أحلاها لمن تكون بغض النظر عن كل شي ، لـ حالك !.
المشكله الأكبر بس في كوني أسكت عن شغلات أحس المفروض ما أسكت عنها ، مش إني أقعد أعلق عالدقه ،
بس بعد فتره المفروض اللي خلاص صرت أتعامل معاهم وايد أصير أقولهم هالأشيا عادي ، ولا إني أحطهم ابـ ذمتي ،
يعني مثلا : صج إنهم لازم يقولولي عن أخطاء الغير ، منها أدير بالي ومنها أتفادى مشاكل كثيره ممكن اني انحط فيها مستقبلا ،
بس بالكفه الثانيه ما يصير يفضحون الناس بالاسامي ، مادري ما أبلع هالنوع من الكلام بالساهل ، مع إني طاف عالأغلب ،
يعني لو يكون شو ما يكون تعاملي مع المعنيين مثل ما أهو ما يتغير ، بالأخير أتعامل ع أخلاقي آنا مو أخلاق غيري ،
بس هم ما يصير كل شي ينقال ، خاصه إن ممكن يوجهوني ويطرحون ملاحظاتهم بشكل مختلف ،
+ موضوع التقليل من قدر الغير واااايد ما أحبه ، عالخطأ والزله والدقه ،
وايد أحس يتم التساهل بطرح كلام اعتبره غريب جدا وشي أبد ماني حابه أعتاد عليه ..

~

في موضوعين ، وايد وايد وااااايد مضايجيني بالدوام ، مادري للحين كيف أتصرف ،
حتى وانا نايمه قمت اشوف كوابيس بسم الله الرحمن الرحيم ..

~

مواقف مسؤولتي ما توقف ، صدق انها تحفه بكل النواحي ،
اليوم قاعده اشوفها تتكلم بالتلفون مادري مع منو ، واسلوبها مادري شلون بغيت آكلها ،
فجأة صديت صوبها وانا أضحك ، اونه : فلانه أحبـــج :fa56:

وبعد شوي رجعت دخلت عندها بما إن الأخ ع موجود بمكتبها ـ السايق ـ ،
فقتله عن موضوع عساس المفروض يخلصه ، وريحته بإن بيتابع معاهم باجر مو اليوم ، أعرفه مو فايق ،
المهم اتحرطم شويه ، جي سوالف كالعاده ـ بس للتوضيح تراه ريال عود ـ ، وماكو رجعت المكتب والا اشوف مسؤولتي ترد تزاعج ،
أنامل قلب تعالي بسرعه بعطيح انذار ، خلاااص لازم انذار ، ويوم رحتلها اشوف شو السالفه ـ ادريبها بسوالفها ـ ،
اونه : خلاص بعطيج انذار ، شو مسويه فيهم ، فلان يقول عنج حبوبه :m_m6awa3:
أنامل قلب بخاطري "مسكين مادري منو قص عليه" ، وعلقنا عالخفيف ، بس والله وايد يضحكون ،
ع كثر ما يقولولي بتكرهين عيشتج بسبة الموظفين وبيحشرونج والخ الخ ، بس أحس مع ذلك اجراءاتهم الأخف ،
اللهم لمن يكررون السؤال عن شغله أكون خلصتها بس المعنيين بعدي ما كملو الاجراء ، فاتوهق اهني بما إنهم يقعدون يراجعون حضرة جنابي ..

اممم صج إني وايد صرت أخبص واحيانا اضيع وع كثرة سؤالهم احسني خلاااص دووومي متأخره ،
بس الحمدلله قمت ألقط الشغلات اكثر ، واتعود ع نوعية الشغل اكثر ، وبعدني بلقط اكثر واكثر ..

أحلى شي بالدوام إنك تظل على تواصل مع الناس ولو من بعيد لبعيد ،
تقعد تلتهي ابـ مهام ، تتعلم أشيا ، كذلك احساس إنك شايل مسؤوليتك ومعتمد ع حالك ..

وهيك ، وايد رمست ..

[أنامل قلب]

اليوم : الاربعا ..
المود : ....
الموضوع :






يالله تعبت ..

[أنامل قلب]

اليوم : الخميس ..
المزاج : .... ... .. .... !.
الموضوع :


في شي وايد محسسني بتأنيب ، وابـ نفس الوقت مادري شلون ما أحس ابـ عمري لمن اكون بهذي الصورة ،
في أشيا كثيره نسويها ما نقصدها ، لكنها تظهر بشكل يأثر ابـ اممم ما بقول إنه سلبي ، لكنه بعيد عن القصد ..

ما أدري أساسا إن كان ينفع أوصفها بالـ [ قصد ] ، أهو ما يخصه أحس شي وأمور تمر ابنا بشكل عفوي ،
التفاصيل الي تظهر منا من غير تفكير ، ويا كثرها ..

~

ما أحب لمن أحسني محاصرة ، مع إن الكلمة قويه ، بس فعلا أحسني كذلك من غير ولا نتفة مبالغة ..

~

كان يا مكان في قديم الزمان ،
الناس تعيش الأمس ، وهي تتأمل الغد ،
ولا حاضر لها ..

[مزن هتان]

اليوم : الثلاثا
المزاج : الحمدلله على كل حال

الموضوع

بسرعه أعصابي تفلت
ماحب لما أحد .....
و لمن أسوي شيء و اندم عليه، و أحساس بايخ ....

هل ... و إلا ... ؟


"يا رب"
:bye2:

[أنامل قلب]

اليوم : الاربعا ..
المود : .... .... .. ... ....
الموضوع :


سبحان الله ، ما يحسون فعلا إني ماخذه الليسن إلا لمن أقولهم : لا ما قدر أوصلكم ،
بس الوقت اللي نكون حاضريلهم فيه ، ما يفتكرونه ..

الطريف ، إن هالحكايه تتكرر وايد فينا كلنا باختلاف الأطراف ، بس ياليتنا نفتكر ..

~

اليوم الصبح مريت ع رفيجتي بعدما ضيعت الدرب كالعاده ، ماكنت ادري إن العوير جي كلها مزارع كنه !.
والحمدلله يوم ان الناس فيهم خير ، صج انهم ما دلوني عدل عالدرب بس ولا إني أتم ماشيه كـ ضايع سبيل XP

وعقب بين السوالف والضحك والهموم وكل شي ، وصلنا الدوام بس بحالة شبه هستيريه ولله الحمد ،
مادري اشفيني وكأني من الخاطر مغفيه ، وربيعتي هم مثلي ، بما إني يايه من دربهم فكانت الدليني الدرب يمين ويسار والخ ،
فـ من دخلنا المواقف يايه تقولي بالغلط : لفي يسار ، وانا الخبله من قالت لفي يسار حطيت اشاره يسار ،
وإلي استوعبت فطسنا ضحك ، الله يستر من كانو وراي أكيد يقولون بلاها هذي مضيعه !.
اااخ وعقب لمن ييت ببركن ، آنا أبي أبركن عادي وإهي إلا تخليني أبركن ريوس ، وموقفين السيد مالت علينا ،
إليـ سويتلهم درب ، وبالأخير ولأول مره بركنت ريوس بشكل ممتاز ولله الحمد ، بس منظرنا كان تحفه الصراحه ،
اللهم لا شماته =#

~

بصراحه ما أتخيل شلون الناس ممكن تتمادى بهالشكل ، صدق صدق احباط نفسي !.

قمت أحسني صغيره جدا جدا جدا ..

[أنامل قلب]

اليوم : كان الجمعه !.
المود : .... .... .. !.
الموضوع :


1. وانا قاعده مع الصغاريه ، يقولي حمود ، اونه هيه أقولج شنو كان قاعد يقولي عبدالرحمن ،
اونه ما يستحي ع ويهه ، قاعد يطالع البنيه ابـ أناشيد طيور الجنه ويقولي شوف هاي حلوه ،
بس أنا ما قلت شي ، قتله مادري ما بقول شي !!!

عبدالرحمن كان مفتشل ويقعد يتهرب ولا اونه : ما قلت جي ، وشو ها وايد يفتن والخ ..

2. بنت عمي كانت داخله اللفت مع بنت اختها الصغيره واللي تخاف من الاصنصير بس قاعده تستقوى ،
بنت عمي : ها لطوف خايفه ، لطيفة : لا لا عادي ..
ولمن أحد يطري شي يزيغ واهي بمثل هالأماكن ، مثلا إن اللفت ممكن يوقف ،
ترد عليهم جي بانفعال : بسم الله الرحمن الرحيم ، بسم الله الرحمن الرحيم ..
أو : قولو استغفر الله قولو استغفر الله .. لول !.

3. أحمد من صغره واهو وااايد يندمج باللي حوله ، خاصه بالتلفزيون ،
حتى امه ماتخليه يشوف أي شي لمن كان اصغر ، مثل سوالف الباتمان وغيره عن يعفدله من فوق شي ،
مثلا يكون قاعد يشوف الشخصيه قامت تتحرك وتركض يقوم معاها ،
ومره ما أذكر أي رسوم كان قاعد يعق هدومه ، وهذا جدام التلفزيون هم قاعد يعق هدومه من غير لا يحس !.
بسم الله شلون كل ياهل يظهر ابـ شكل ، بس تعالو شوفوه من الصوب الثاني كيف يشد حيله مع خواته ،
اهو الوحيد بين اربع بنات ما شاء الله ، من يظهرون ولا ايون مكان يقعد بالأول يتأكد إن كلهم قاعدين معاه ،
يعني مسوي فيها ريال البيت من الحين ، حتى عادي ايرهم من ايدهم وما يحب أحد يلعوزهم !.

4. يحليلها بنت عمي وأخيرا يابت بنت بعد ثلاث اولاد ، الحمدلله ،
وربي يسهل ع اللي يايين بالدرب ، ويسلمهم جميعا ..

5. سوالف اليهال حلوه ..

[أنامل قلب]

اليوم : الجمعه ..
المود : .... ...
الموضوع :


مادري كيف ، فجأة يصيبنا كل أشكال وألوان الارتباك ، الخوف ربما ،
وفجأة نصير ما نفتكر بكل ذلك ..

[مزن هتان]

اليوم : الاثنين
المزاج : عادي

الموضوع:

أحاول أمسك نفسي كثر ما أقدر، خايفه يكون في شي !!
نفسيتي كلش بالحضيض استغفر الله يا رب، مو قادره أسوي حاجه
البارحه قبل لا أرقد يتني مرت أخوي تقيس لي الضغط زين ما انجلطت، احم
مع انه ما فيه ضغط بس وايد كان مرتفع، الله يستر

دعواتكم

[مايهزك ريح]

اليوم : الأثنين ..
المزاج : متردد .. :crazy:
الموضوع :
ما ابا اتم في الصيف بروحي .. عن يسوون لي فيلم Home a lone جزء يديد .. :k_puppyeyes:
اليوم حاولت ويا مديري على الأقل اكون ويا الأهل اسبوعين وارد .. بس ما اتم شهر كامل بدونهم ظيج .. :bye2:
حتى اخويه عزم يسافر هو والصغاريه .. يعني ما حد بيتم ..:fa43:
مديري وافق على اسبوعين لأنه هو روحه بيطلع اجازه .. :fa34:
احين لازم اركض ادور حجز على نفس الطياره .. :a018:
ادعولي احصل !!! :m_bye:

[مزن هتان]

اليوم : الثلاثا
المزاج : ماني رايقه :ohboy:

الموضوع

كلش مو ناقصه أنا زعلات
وصلت الدوام جيكت عـ مبايلي أشوف واصلني
مسج من رفيجتي تعاتبني !! شو السالفه ؟ و من حجيها انه اهي ادق
و انا ما رديت !! متى هالحجي مادري

ليه الناس أحيانا ما تقدر، صحتي و نفسيتي هـ اليومين مش ذاك الزود
قريت مسجها اليوم وايد ضايقني صج حسستني بالذنب
ماحب أحس انه رفيجاتي زعلانات و الا ضايجات مني :sad:

والله انه ام سيف "اللي هي أختي" تتصل ما ارد عليها
أمي كل شوي تتصل فيني طول ما أنا فالدوام، اونه أخاف يصيبج شي :crazy:
و اللي يقول خذي اجازه مرضيه، عاد انا كلش و لا قعدت البيت "تجيب المرض"
بيود عمري الا هو اسبوع و بعدها تراني طالعه اجازه ان شاء الله

أحسن حل اني أغلق مبايلي هالفتره بعد فترة الدوام :bye2:

[مايهزك ريح]

^
الله يعينج اختي مزن .. انا ساعات تيني نفس الحاله .. اغلق الموبايل وافك راسي من الصدعه ..
they should give me some space

[مزن هتان]

اليوم : الاربعا
المزاج : worried

الموضوع

أم سيف سقطت مره ثانيه ! ربي يعوضها ان شاء الله
طول عمرها راح تظل دلوعة هـ الحرمة :mf_leia:

امممم البارحه كنت حلمانه بحلم حلو =) خبرت ماما فسرت لي اياه غير عن التفسير اللي فسرته بنفسي
بس بعد تفسيرها خير بإذن الله تعالى. و اليوم بعد حلمانه أحس انه مرتبط بحلم أمس "اللون متواجد بالحلمين"
الحلو بـ حلم اليوم اني كنت متوسطه أخواني العود يميني و الثاني يساري
بكمل الحلم حق أمي أول ما تنش، خير اللهم أجعله خير

دايما أنسى أحلامي، مستغربه انه الحلمين تامين في بالي !

[قصايد غلا]

^ الله يجعله لها طير من طيور الجنه ، يشفع لها يا رب :)

الله يجعله خير و يرزقج اياه يا رب

[مزن هتان]

آمين يا رب، شكراً

[مزن هتان]

اليوم : الاثنين
المزاج : =)

الموضوع
صباح الصحه

مستانسه و لله الحمد، و ربي يونّس خواطركم و يرسم الابتسامه على وجيه جميع خلقه
الصبح كنت عند أم سيف قعدت اتريق معاها، بعد الدوام بروح لها على طول
أمس طلعت من الدوام و رحت لها قعدت معاها لين عشر و نص،
بابا اونه نحن لنا حق بعد خلينا نشوفج، راح تمل من ويهي بس اصبر شوي.

اليوم بيرخصونها من المستشفى ان شاء الله تعالى، و راح تقعد عدنا لين ترد لها عافيتها
صار لها 3 أيام بالمستشفى، نستحق سلامتها.

[دمعة شوق]

تسـتـآآهليـن سـلآمتهـآآ يـآمـزن
والله يعوضها آن شآآءالله

[مزن هتان]

ربي يسلمج يا دمعه، و يعوضها

اليوم : الخميس
المزاج : عادي

الموضوع
صايره أرقد وايد، ما اشبع رقاد
امممم قاعده أدور لي أنا و خواتي الثنتين تذاكر على نهاية هالشهر
لايعه جبودنا استغفر الله، بعدني ماخذت موافقة بابا

الله يالدنيا مزن تبي تسافر =P

قطعت خدمة البلاك بيري =)، أمي معصبه

[مزن هتان]

اليوم : الاحد، البارحه
المزاج : أي شيء

الموضوع : جبروت ليلى

أحيانا أحس ماما فيها جبروت "الله يحفظها"
نخاف نحاجيها ان قلنا كلمه ما عيبتها يا انه يجينا شيء أبد ما يعيبنا أو انها تتعب
الواحد ما يسر يصارحها، عاد انا ما عرف امسك لساني اذا عندي نقطه عـ شخص
لو منو كان جدامي، فـ لما اقولها شي انطق طق و تزعل مني صج.
حتى من فتره مسكتها من ايدها اقولها ماما قولي انج مسامحتني أخاف أموت كفختني

يمكن أنا بنت عديلتها، بديت أشك بالموضوع
قبلي أنا يجي أخوي و فرق امبينا سنه "فالجنسيه مكتوب انه مواليد 86 و أنا 87،
بس فالجواز حاطين له 87 شهر 6 و أنا 87 شهر 8" أكيد أنا بنت ريلها و ماتبي تقولي
=) زاده اشوفها مخلتني شرى الدريول عدها و مستحيل تظهر مع حد الا في ظروف قاهره
سافرت اسبوعين أنا، يخبروني حريم أخواني انها ما طلعت أبداااا
من رديت كل مكان تبي تسير، البارحه جانت تبانا نتعشى في فرايديز قلت لها ماحب أكلهم الا بمزاج

موتره البيت ليلى، اتصل فيها من متى غالقه مبايلاتها، توها ردت عليه
اسألها ها بتسافرين اليوم تقول لأ، بس كذا الدعوه عناد ليس إلا !!
"حريم يغيرون رايهم بدقيقه، اتوقع الساعه 12 تقول ودوني المطار"

[شوق القلوب]

سوالفج حلوه يا مزن... ربي يحفظلج الوالده :)

[مزن هتان]

=) ربي يحفظ لنا أهلنا عزوتنا، تاج راسنا و كل غالي يا رب

[مزن هتان]

اليوم : الثلاثا
المزاج : لا تعليق

الموضوع

البارحه مرت أخوي العود خرعتنا عـ الساعه 11ونص بالليل طلعت من غرفتها و تنادي أختي
سألتها عن أخوي الثاني اذا موجود أختي قالت لها لأ توى طلع سكتت عاد أختي خافت قالت أكيد أخوي العود
صابه شيء، جان تسألها ليش قالت لها ماشيء و دخلت غرفتها.
نتصل في هاك ما يرد عاد انا و هاي خايفيين ننزل تحت عدها قلنا يا انه ريلها تعب وياه شيء أو مات " يا لطيف شلون متشائمات"
بعد 10 دقايق رد هاكي خبرته يتصل فيها، اول شي ما كانت ترد عليها هو خاف زياده
اتصل يقولي مزن قوي قلبج نزلي شوفي شصاير حلفت له والله ماني نازله، و هو يكلمني كانت تتصل فيه
كان وايد يحاتي، شوي اشوفه اتصل يقول تبا لوز ... تمووون الاخت و لا كأنه
عدها ريل و تمارس صلاحياتها على أخو زوجها بأنه ولد خالتها و زوج اختها

أختي قالت له لما توصل البيت اتصل فيني ننزل نطقها أنا و أنت و مزن
وقفت قلوبنا والله، قلت حق اختي بفعلها بـ لوز صدقيني.

[قصايد غلا]

شو قصة كل المعرسات يبن لوووز

بسم الله شو مستوي

ربيعتي حامل و تبا لوز ، وديت لها لوز من بيت خالوه ، مع إنه أخضر كلته
و اليوم تقول لي إنه حرمة ولد عمتها بعد تدوّر لوووز >.<

[خيال الحب]

^ ههههههههههه زين خبرتيني خلاص عيل بفتح محل بس لبيع اللوز خخخخ

اسميه اللوز طاح طيحه ولا حد ياكله

قبل يضاربون عليه اليهال والحين يتعازمون عليه خخخخخ

[قصايد غلا]

لووووول خيال يبا لك تدور على البيوت

ولا أقول لك : أسهل شي انك تسوي برودكاست على البلاك بيري مسنجر ههههههههه و تعطيهم رقمك للتواصل و طلب اللوز =D

[خيال الحب]

هههههههههههههههههههههه ماتخيل والله

ربعي بيقرضوني قراض لين ما انقرض من الدنياااا

المشكله الدريوليه مسافرين ولا بتكون تجارة غاويه خخخخ

ماشاء الله بكل مكان لوز

[مزن هتان]

أنا من السنه الجايه راح أبيع أجل، لأن عدنا شيرة لوز بس للحين خضر و اظن ما راح
يصفر و يحمر الا الحول الياي، و حاليا اللي يبي يقول بيبعه برخص لأنه من بيت خالتي
بس باخذ اتعابي من دون سعر التنبيت و السقى كم سنه =)

[خيال الحب]

لااااا يا مزن@_@ لاتسرقين فكرتيـــه

واللوز ما يتنبت@__@ لوول

[مزن هتان]

ينزرع لااااااه

[مزن هتان]

اليوم : السبت "البارحه"
المزاج : احم :fa41:

الموضوع


نشيت 8 ابوي يسألني شو مقعدج من أول الصبح، أقول باجر الاحد يعني لازم ارقد من وقت
عقب قالي اروح عنه الجمعيه بما انه ميهود رحت خذت الماجلة، الضحى العود دزيت مسج حق
وحده اني اريد اشوفها و ما ارح اطول معاها بس 10 دقايق، ردت عليه انه مش مشكله بس وين و متى؟
حددت لها المكان و الوقت و كان مناسب من 3ونص نزلت المطبخ كنت ارتب كم حاجه + اسوي كيكتين
حق نسيبي و اللي بشوفها بس صارت من نصيب خواتي و اخواني. بعد المغرب طلعت عشان اشوفها و تلاقينا
كنت موديتلها شيء "ان شاء الله" يكون عيبها صج و ما تكون مجاملتني بالمسج. و قبل لا نركب سياييرنا
قالت لي أسلم عليكم "عاد ان شاء الله يوصل سلامها للجميع" تقول للي سئل و ما سئل عن أنامل قلب

لقاء عـ السريع و حلو :fa41:الله يحفظ هـ البنت تدخل القلب والله
اول وحده من الواحات اخذ راحتي معاها من دون لا استحي

رديت البيت بركنت السياره توي بنزل ياني اتصال أونه الا نطلع نتعشى :mf_leia: أوني زعلانه عاد
نعم ؟! الحين قريب الـ 8ونص و بكره دوام ما ينفع بس ماشيء كلمتهم مشت عليّه بالاخير
من رديت من السفر و هم يحاولون معاي و أنا مش طايعه أطلع مكان، غيرت جو :inlove:

[مزن هتان]

اليوم : من دون تحديد
المزاج : اممم عادي

الموضوع
استغفر الله يا رب و ربي يهديهم و يبعدهم عن هـ الفعل
و ربِ ياخذ حقنا من أي شخص تحجنا فينا من ورانا، عيب لمن فلان يستأمن عـ شخص
و يقوم يشهّر فيه "حسبي الله و نعم الوكيل" هل هذا مرض ؟ امبلا أكيد مرض
ينطبق عليهم هـ البيت "يعطيك من طرف اللسان حلاوة و يروغ منك كما يروغ الثعلب"

بعيد عن الموضوع اللي سبب لي أرق هـ اليومين ^^

البارحه استانست و أنا احفظ الكم كلمة من أختي و انقلها لـ رفيجتي، هزبتهم شوي
ليه انه دراستهم سهله و حلوه بس هم ما يذاكرون، عدهم حاجه تتسمى مقالي =) عبالي اختي تتريق
عليه يوم تقول تذاكر مقالي عباره عن نقطه و منها 10 بنود و تحت كل بند بعد كم نقطه !!

يقولكم في قانون الاقتصاد يكون للمدين احقية الاختيار في استرجاع الديّن للدائن بعد 15 سنه ام لا
يعني ربيعتي تسلفني و بعد 15 سنه تقولي ردي خردتي أقولها مالج حق عندي، بس طبعا فالقانون الشرعي واجب استرداد الديّن
و شي اسمه الوفاء الاعتياضي "الوفاء بالمقابل" يعني ان يتفق الدائن و المدين باستبدال العين بشيء آخر مثال انه بدال الخرده
اللي عطيتها فلانه تعطيني سيارة. التخصص احسه اي شي لو دارسين موارد بشريه، علاقات عامه أحسن لهم
أشتقت للدراسه والله =(

[مزن هتان]

اليوم : الاثنين "البارحه"
المزاج : الحمدلله وايد حلو

الموضوع


رديت من الدوام قعدت مع خواتي و كلمت أمي و بعد صلاة العصر رقدت
نشيت 6 ترتبت و طلعت عند أخواتي اسأل منو من الصغاريه يانا ان جان حد من عيال اللي نعرفهم يعني
وصيت الخدامه تيب لي رطب بس قريب الاذان يوونا خالتي و مرت أخوي + الصغاريه وزعنا عليهم
بعد المغرب يتنا أم سيف و بابا رد من وقت تعشينا يميع و أخواني كذلك

احب أقعد اجابل ام سيف، ترد لي الروح هـ الانسانه

خواتي اللي اصغر مني وحده بالكليه و الثانيه اولى ثانوي
دوم يقولن لي مزن انتي تفكيرج شرات الرسوم المتحركه =)، مدري افرح و الا أزعل
ما راح اتعب عمري و اعطيهم من أفكاري مره ثانيه
ها يزا الاحسان ؟


أفتقد شمعة أمل و أنامل قلب عن جد :heart:

[مزن هتان]

اليوم : الخميس
المزاج : اتمنى يصير أحسن

الموضوع

من رديت من السفر لاحظت على عدد من الأعضاء ان يسون لي طاف =)
"يا ربي أنا شو مسويه، حد منهم دزيت لهم رسالة بـ هالخصوص -قبل السفر-و قالوا ماكو شي عادي"
عادي برايكم بس حبيت أقول اني أنا ما أوقف مع حد ضد حد، أنا ما اتحجى من
وراء ظهر فلان، لو يصير سوء فهم امبيني و بين شخص مستحيل أشيل بخاطري على الشخص والله

أحب أجدم الاحترام قبل كل شي و حسن الخلق
يقول الله تعالى : (ولا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ) فصلت:34
لو يظلون يسوون لـ ردودي طاف بعد بدز ويهي، يمكن اطيب خواطرهم
اذا كانوا زعلانين على فعل لابد انه بدر مني من دون قصد و لو اني عارفه نفسي
خاصه معاهم مستحيل أقط كلمة او أشد معاهم بالحجي.

أهل الواحات كثار منهم تغيروا :ohboy:
وين اللي كنا نقول عنهم اخوانا و خواتنا، ما يحتاي نشيل بخواطرنا على بعض
أنا ماريد أجبر أحد انه يرد عليه، بس هذي من مبدئ الاحترام انه إذا أحد يحاجيني
اني أرد عليه لو حتى انا انزعج منه.

كلامي هذا عن 3 أشخاص، وايد مضايقني هالشيء :bye2:

[قصايد غلا]

^ يمكن مشغولين أو ما شافوا رسايلج =)

و إذا مطنشينج عمداّ ، خلاص سويتي اللي عليج
بيي يوم و بيردون مثل ما كانوا و أحسن

لأن اللي معدنه طيّب لو زعل و تكلم بلسانه قلبه يبقى مثل ما هو و يرد مثل ما كان لو عقب سنيييييييين
لا تشغلين بالج ، الله أعلم بالنوايا =*

[حلم الطفوله]

أصلا إلي يعرف انسانه مثل مزوووونه ما يزعل منها يالغاليه

أتشرف إني أكون إختج الواحاتيه يا أغلى مزووووونه :)

وكلام قصوده صحيح 1000%

الأغلبيه مشغولين هالفتره ودخولهم خطافي ....

[مزن هتان]

اليوم : الثلاثا
المزاج : الحمدلله تمام

الموضوع

أخاف أموت من شوقي و أنت مطول غيابك "حق ماما و خواتي"
آخر مره أخليها تسافر و أنا اكون فالبلاد، المره اليايه بقولها يوم اسافر انتي تسافرين وين تبين
ما عندي مشكله تقعد زياده اسبوع و الا عشر أيام بس

امممم انا تقريبا انهبلت، البارحه كنت مع أبوي و أختي يالسه عادي
مره وحده ضحكت بصوت عالي، اختي تقولي تخبلتي أقولها لآ بس ذكرت أم سيف
والله مجرد ان تجي على بالي استانس، صج مودي يعتدل

أختي البارحه تروغني من البيت أونه مزن روحي الجم أقولها انتي شكو
تقول ان يات أم سيف ادري بج ما راح تروحين :blush: أم سيف مغناطيس تراها
من أشوفها الصق ابها، هالايام صرنا نتضارب وايد و السبه عيالها الحشاكل
اونه مزن لا تقعدين اطفرينهم اقولها حلوه هاي أغلب الوقت انتي معاهم بالبيت
و لما تجين عدنا يلزقون فيج بعد ؟!! ما صارت هذي أختي أبيها انزين

[أنامل قلب]

^ مشكوره مزن ، وللناس الطيبه كذلك وحشه ،
ربي يحفظلج هلج ، ويرد كل عزيز على قلبج سالم ..

/

اليوم : الثلاث اظن ..
المود : ..... ... .... !.
الموضوع :


ماكو قاعده مجابله شغل التدقيق من جهه ، ومن الجهة الثانيه اتابع مسلسل فريندز ،
ومن أقلب عالشغل أشغل الاناشيد اللي عندي ، اممم قاعده اسمع نشيدة شهر الوصال ،
مادري هالنشيده شلون ـ قشعريره ـ من يومين رديت اسمعها وليـ هاللحظه ، كل ما أحطها أرد أحس مادري كيف ،
اجواء رمضان على الاشيا اللي كنت اسويها وانا اسمع هالنشيده ، وكأني أرد أعيش كل تفصيله .!

وايد حلوه ، صافيه ..



ادعولي ،،،
اللهم انت ربي لا إله إلا أنت ، خلقتنا ، وحفظتنا ، ورزقتنا فيما نجهل ،
رحمتنا ، سترتنا ، جنبتنا الشديد علينا ، فأكرمنا اليوم ونحن نسألك ..

اللهم أنت ربي وأنا عبدك ، لا إله إلا أنت سبحانك إني كنت من الظالمين ..

[أنامل قلب]

اليوم : الاربعا ..
المود : ..... .... ~
الموضوع :


كلما أبي أبدا أكتب ، أحاول أجمع تفاصيل اليوم بذكر المهم بشكل مختصر ، أو إني أفصل ابـ ذكر المواقف اللي أحب أوقف عندها ،
بس مادري شلون ، لمن أيي بكتب ألقاني أسرح بيومي ، أبدي أستصعب ذكر أي شيء منه ، ماعرف شوللي حابه أكتبه ..

مزيج من الكثير من القفطات اليوم ، مع احساس غريب بتأنيب الضمير ، وأحيانا أقول ليش لاء ، بالعكس محد يدري .!
صدق صدق من أسوأ المشاعر إنك ملزم دائما لإظهار فعل حيال الغير ، وتظلك ماتدري كيف تتصرف ،
بالأخير تتصرف وتكمل تفاصيل حياتك من غير لا تدري إن كان الكثير مما يظهر منك عادي ، ولا مجرد أخطاء أخرى ..

مرات أشتهي أدخل بناس معينه ، أبي أعرف شنو أهو شعورهم حيالي ، أفكارهم عني وشوللي يظنونه فيني ،
اممم على الأقل تأثير تواصلي بالناس ، بس ، امممم أرجع أقول الحمدلله بإن الكثير مما نشتهي يظل بعلم الغيب ..

أول ما قعدت من النوم اليوم كنت ضايجه ، بس عقبها ليـ قبل لا اوصل عند رفيجتي تغير شعوري بشكل غريب ،
شليتها ورحنا الدوام عادي ، وهناك كذلك اممم زحمة مواقف اعتبرها ، اختصرها بخط عريض لكلمة [ قفطة ابـ ربطة ] ..

من شويه مريتهم الصالة ولقيت ابوي قاعد يكلم اختي ، مادري عن شو يتكلمون ،
المهم رحت صوبه "بابا حبيبي ـ وحبيته ع خده" ، صديت عقب صوب اختي وانا حاطه يدي ع خصري استهبل عليها ،
اونه "ها تغاريييـــــــــن ماترومين تبوسين بابا" ، كنت قابضه يده جي وكأني أسلم عليه وييت حبيت يده مره ثانيه وانا اغايظها ،
ترى بس حضرتي واختي الاصغر جي عادي نحب الوالد ونسوله سوالف ، بس اهي لاء جي من النوع اللي ينحرج والخ ،
قعدت تقولي اونه : انتي سيري نامي أحسنلج لول ، الدبه ..


على طاري الوالد ربي يحفظه ، حالتي تغيرت حيال أمور كثيره بشكل غريب ،
كل مره أقول بكتب عن هالحالات اللي ماحبها ، وأرجع أقول لا ما أكتب أحسن ،
أخاف أعيشه أكثر ..

[عافك الخاطر]

اليوم : الخميس
المزاج : ملخبط
الإحساس بانك شخص "عادي" بعد كل اللي سويته و حققته ..شي صعب.. خاصة لو كان الاحساس موجه منك لنفسك ..
انا خذلت نفسي ولخبطت اولوياتي و اليوم اكتشفت اني ما اعرف انا وين من كل ها الاشياء ..انا وين من كل اللي يصير.. ليش تبلدت عندي اشيا كان المفروض تتفجر و تصنع مني الانسانة اللي دوم كنت اطمح اني اكون..
ما ادري شو استوى اليوم.. زحمة كلام و صداع لحظي لا يُطاق حسيته وهي تكلمني ..ضعت في كلامها و رحت بعيد .. " هذا اللي كنتي تبينه .؟"..
احياناً يوم اشوف نفسي بينهم ..ما احس باني انتمي لشي.. ما انتمي لافكارهم ..لمخيلاتهم ..واحياناً احس باختلاف يميزني .. و احياناً احسه يبعدني عن اللي ابيه ..بدون ما احس.. مثل اللي ضايع و يتعمد انه يفقد الامل بانهم يحصلونه يوم ..
ابني حواجز بدون ما احس.. اضيع فرص و اكتشف متأخرة ان الحياة هاي انا بعيشها مرة وحدة بس..

[أنامل قلب]

اليوم : السبت ..
المود : ..... .....
الموضوع :

من الخاطر ، الحمدلله انه ما تم الا ايام وبندخل بإذن الرحمن بشهر الخير ،
ابد ما صورت نفسيه كهذي ، لا وصف يفيد ، ولا حتى نفسي عارفه افسرني ..




ربي إني لما انزلت الي من خير فقير ،
ربي اني لما انزلت الي من خير فقير ،
ربي اني لما أنزلت الي من خير فقير ،
ربي إني لما أنزلت إلي من خير فقير ..

..

[مزن هتان]

اليوم : الاثنين
المزاج : CooL

الموضوع

من أول الصبح و أنا متفائله الحمدلله، نشيت تجهزت شليت ريوقي لفيته "صايمه من البارحه الساعه 10"
نزلت ادق الموتر سلف ما يشتغل الموتر، نششت أبوي يقوم يجيك عالموتر قالي شي ما فهمته
قلته بشل موترك بروح العياده و برجع، وصلت العياده 8 الا ربع سحبوا مني دبي
أول مره اكون شجاعه شوي، شكلي كل مره بروح بروحي عشان ما دلع و اسوي حركات
كلش ما لعوزتهم، شفت ربيعتي آخر مره شابفتنها قبل سنه و 4 شهور
هاي كانت تكلمني يوميا من 10 لين 3 الفير مره وحده قطعتني من دون سبب، حتى اليوم يوم لمحتها
قلت ما بحرجها و اسلم بروحها سلمت تكملني و أنا جامده "ما شاء الله تزوجت و الحين حامل :fa41:"
ربي يسهل عليها و تولد بالسلامه

رديت البيت قلت لابوي وصلني سوى لي طاف، قالي تبين تروحين شلي سيارتي
خذت سيارته وصلت الدوام جان اكتشف اني ناسيه مبايلي و ابوي ما يعرف رقم البلاك بيري
رحت السياره شفت مبايله شليته و اتصلت فيه قلت له لو تبيني دق على هالرقم
من شوي جاء و اخذ سيارته و خلى مبايله عندي =)
الله يعطيه الصحه بو فاطمه لعوزته معاي من أول الصبح

[أنامل قلب]

اليوم : الثلاث ..
المود : .... ... .. .... !
الموضوع :





بعد !

[مزن هتان]

اليوم : الاحد
المزاج : Sleepy

الموضوع

اتعرض لـ ازمة رقاد هالفتره، كل ابّي أرقد
ناشه الصبح زعلانه حسيت اني ياهل، الوقت اللي يفضل ارقد فيه "الظهر" اقعد
مبققه عويناتي فيه. من توصل الساعه 11:30 اسطل خواتي اونه رمضان قعدي معانا
حدي لين 12ونص بعدها لازم ارقد. واصله الدوام 7 و خمس

يارب يصير اللي في بالي

[قصايد غلا]

^ أنا عكسج يا مزن .. جنّي جنيّــة

أهلي مخليني منبّه لهم حق السحور و الصلاة لأني ما أرقد
أكره السهـرررر >.<

الله يحقق لج ما تتمنين ياااا رب :*

[مــهــابه]

:fa43:^
آنا الجنيه الثانيه لوول ، ليل ونهـار بتحصليني واعيه لوول ..


اليوم :
دخلنآ بالخميس ..


المزآج :

مستآنسه ولله الحمد =)



الموضوع :

آحب خــوآتي آنــــا :heart: ، الله لايحرمني منهن يـــااارب ..

ختيه ام خليفه من ظهروها وهي عندنا ، وختيه العوده صايره تبات طول الاسبوع عندنا ومن يرد ريلها من الجزيره تروح ..

يعني البيت صايره فيه لمه حلوووه ، وسوالف وحط على بعض وقراض من الصبح يلين نرقد ..

رمضـان هالسنه غيير ، حلـوو لكن احس اني مول ماتفيج لـ شي

يعني لآ اطبخ ، ولا آطالع التي في ، ولا شي ، يـا ميوده خليفه واتريا مواعيد ادواه ، يا يالسه عند خواتي ..

عـاد انا وختيه العوده معروفات ف البيت عدايل لوول ، رغم اني انا وياها من نفس البرج لكن اكثر هنتين نتناجر لوول ..

آحس اني مقصره ف حق كل حد ، لا اسأل ولا ادق ل ربيعاتي ولاتواصل وياهن حتى بالمسجات ..

طيحه ختيه قلبت كل الموازين

وعلآقتي بـ بـومبا صايره قويه نوعـاً ما " الله لايغير علينا "

يقـولون لي اني تغيرت وصرت طيبه ==> يعني انا قبل كنت شـريره مثلاً ؟!

لآ بس يعني ماصرت اعصب عليهن شرات قبل ، وانا محصله وقت عسب اعصب ؟ لوول

شـي ثاني جايستني حاله اكتئاب ، كل حد كل حد يشوفني يقول لي وحده من الثنتين يـا انتي ضعفــانه يــا اللي لابستنه واااايد وسيع ..

ملابسي الجدام صرت اغوص فيهن ، يعني بشكل ملحوووووظ >< وانا هالوقت بالذات كنت ابغي احافظ ع وزني :fa43:


اليوم حماده ولد خويه رقدوه ف المستشفى بعد ، ريله مايروم يمشي عليها ، والله مادري شو صاير عندنا ف البيت ، كل يوم حد يطيح مريض

ختيه ام خليفه وولدها ، خلاف بومبا ،والحين احمدووه

الحمدلله ع كل حال ..




همسه خاصه :

لو ~ في يدي اصرخ وأعلن[ بحبك ] على كل هاالكون ..
~ بس المصيبه [ الصمت ] اكبر صفاتــــي



آلـف الحمدلله ع هالنعمه =)

[أنامل قلب]

اليوم : خلاص صرنا بالأحد ..
المود : ..... .... .....
الموضوع :


دخلنا باليوم الاثنعش !.

~

أحسني بكلي جالبه على عمري ، كل شي متداخل ،
وبالكفه الثانيه مادري اشـ ياينها صحتي كله جايستني لوعه ..

~

غصبن علي الموضوع شاغل تفكيري ،
مره أقول يمين ، ومره أقول يسار ..

~

غريبه شلون نكون نظن بنفسنا شي أو اممم مو ظن بنفسنا بس إن يعني متخيلين الصورة جذي ،
وبلحظة الصج تلقاك تحس وتتصرف بشكل مختلف بشكل كبير ..

ودي أبعدني عني !.

[مزن هتان]

اليوم : الاحد
المزاج : sick

الموضوع :

راقده 5 ونص و ناشه 8 كلمت زميلتي تخبرهم اني بداوم 9
بروح العياده بعد الدوام، بشوف شو السالفه. ربي لا يواري عدو اللي اشوفه

ارد اقول يمكن النفسيه مأثره بما اني صرت تقريبا اشوف المدير يوميا :a116:
حليله هالريال مادري بلايه أنا قلبي صاير اسود عالخليقه :ohboy:

ودي أسافر :whistling:

[حلم الطفوله]

مساء الورد

سلامات مزووونه ما تشوفين شر الغاليه

جان عالمدير ولا يهمج أخونا روز شو خانته !! بنوصيه عليج

الله يعافيج مزونه ويسهل كل امورج يارب

[مزن هتان]

أهلا حلم

ربي يسلمج أختي و الشر ما ييج
ما يقصر أخونا روز =) من دون توصيه

شكرا عـ الدعاء الحلو و يسهل لج أمورج يا رب