دير دياري ~ يوميات

[شمعة أمل]

اليوم : الأربعاء
المود: الحمدالله
الموضوع:

اليـوم ملللللللللللل!!!! معظم يومي رقاد والسبب الملل! والشوتايم قرر يخترب اليوم:a058: والمشكله مايعيبني أوربتتتتتت>_< صدق ملل.. محد طلعني اليوم:glare:

لكن رغم الملل انا مستانسـه
ربيعتييييييييي يت من لندن اليووووووووم:11: مستانسه وايد وايد:11: بنطلـع نتغدى باجر بس بعدين لازم تردني البيت من وقت عشان سييييييييده بسير البحررررررررر:fa34: أفكر أسوي كوكيييز وأوديهممم وبشوف شو بعد من سويتسس بسويهاا اليوم الفليل.. لازم اعدل كل شي من اليوم لانه كل الى في بيتنا بيون + بنت عمي + ربيعة اختي:11: وبعد باجر بنسـير محل نشوف اذا شي نفاخات يداد.. كان خاطرنا نشتري هاللي ينشل على فوق ويطيير يوم الجتسكيي يتحرك.. بس ماااااااشي ;_; ماخلينا مكان مادورنا فيه >_<

وبعد باجر لازم أسيـر اطلب كيكه لـ عيدميلاد اختي الصغيـره.. قررت أسويلها كيك princess crown يعني تياراا أحس بيكون حلوو!

والحين لازم اخطط لـ شي ويا ربيعاتها.. بس شو بالضبط ماعرف .. هالبنت وايد صعبه! بس قلت بستوي الـ girl version لـ جيمس بوند هالويك اند ويوم نسـير البحـر بدش حجرتها وبسرق تليفونها وبخزن أرقام ربيعاتها:hysterical: ان شاء الله بس تخلي تليفونها في الحجره!!


وهيييييه وبعد شي ثاني مونسني من الخاااااااااطر:fa34::fa34:
وحده من ربيعاتي يت عندي وطلبت مني أنظملها baby shower عقب رمضان.. اسميني متحممممممسسسسسسسسسسسسه!!!!!! !!!!!:11: من الحينه يالسه ادور اشياء اون لاين للحفله! وبطلبلها هديه من بيبي كيكس! شفت وحده ثانيه اسمها دايبر كيكس بس مال بيبي كيكس مرتب وايد! وبنظم الألعاب ولستة الهدايا والأكل والديكوور.. الله كشششخه!! وايد وايد متحمسـه:11:

[بنت الدلع]

اليوم: الاربعاء
المود: ونااسه على عبط
الموضوع:

مريت على ربيعتي في بيتهم
قبل لا ندخل البيت سئلتهااا اذا حد من خوانها في البيت
قالت واحد طالع والثاني ماتعرفه وين
واول ماندخل الا اشوف واحد من خوانها جدامي
قفففففففففففففففففففطه
من الفشيله على طول دخلتني غرفة المكتب
ويهي جيييه غدى :blush:

اني وييييز
يسلناااا وسوووولفنااا
من زماااااااان ماكنت شايفتنهااا
وخبرتني عن الاكشناااات الي صارت لها في السفر
وضحكنااا واايد على المواقف الي صارت :biggrin:
وبعدين سرنا فستفاال ستي
يا الله
كل بناااات الجاااامعه هناااااك
اظن فاتحين كلاسات في السنتر !! :3:

وعقب سرنا نتعشى
واستوى موقف ههههههههههه فظييييييييع
ربيعتي ناسيه بلوتوثها شغاال
ومنو الي كان يطرش لها !!!!!!!!
لا تعلييييييييييييييق الصراااحه
والله هللللكت عليها من الضحك :hysterical:

وبعدين ظهرنا وقبل لا ارد البيت مريت عالصيدليه
وافففف شفت ولد خالي :glare:
سويت عمري ماشفته ومشيت، وهو يالس يبحلق
عاااد هذييل مايصدقووون يشوفون شي عشان يرمسون عنه :3:

وبعدين فليل عيال عموه من قطر زارونا
كلهم في عمري تقريبا
وشو ما قرضناااا بنت عمووووه
ههههه يحلييلها واايد اتعاني ويانا
اختي يالسه تتمصخر عليها واتقول لها ليش شنطتج وايد صغيره
هيه ترد وتقول إيه هذي شنطتي
وشوو ما اخووها يطيييح فيهااااا

احلى شي يوم ساروا يسوون الهويه
هي شوي سميره واخوها ابيض عنها
ابوها يالس يقول حق الموظفه انا متزوج حرمتين
ام البنت اثيوبيه عشان جيه هي سوده وام الولد مصريه عشان جيه الولد طالع ابيضاني
هههههههههههههه
وهو اصلا متزوج حرمه وحده قطريه

ظححححك ابووهم
سواالف ماشالله عليه

عاد اذا ابوها وبابا يلسوا ويا بعض
يشلووون المكاااان بسواالفهم

-----

والحين انا احاول استمتع كثثثر ما اقدر بالايام الباجيه من اجااازتي
لان يوم الاحد دواماااات
اف ارررف :k_sadwalk:

[مزن هتان]

اليوم: اليمعه
المزاج: !!

الموضوع
يوم عن يوم أكره طاري الزواج و أقول ربي لا يبلينا (أستغفر الله)
من اللي أشوفه !! ما تخيل نفسي أرد خواتي بأي شي و الا
ما اطلع وياهم راح ايينّ (بتخبل) و فوق هذا كله ما روح بيت هلي
و اقطع رفيجاتي، أقعد بيت أبوي أحسننننن لي.

شي ثاني مادري شلون تفكيرهم، حلال عليهم حرام علينا
كل يوم !! مصاخه يسمونها ذي !

استغفر الله استغفر الله استغفر الله
أخاف تدور الدنيا و يصير ليه كل ذي و أرضى
ربي لا يبلينا

[الـيـاه]

اليوم : الجمعة
المزاج : ولا احلى
الموضوع :

مع اني مريضه من اسبوع يحليلي T_T بس مسويه طاف للمرض :fa38: واسوي اللي اباه
سرنا ناخذ هدايا حق ميود لعيد ميلاده وشفت ويه النحس بالصدفه بس سويت طاف XP عن يخترب مودي ابا اخليه حلو :heart:
وعقب مرينا على بيبي سلامه وهند بنت عموتي حبايب ألبي عسب ناخذهم ويانا نحتفل كلناااا :11:
ميود ع باله نحن ناسين ومسوين طاف لانه من رد من السفر وهو مايعيش فالبيت ويعيش فاليخت الصيف كله بما انه محد كان فالبيت لول .. وبالاتفاق ويا حمد خليناه ايمع كل الفلبينو اللي يشتغلون فاليخت عسب كلهم يغنون :happybday:

make a wishhhhhhhh
w yala everybody say cheeeeeeezzzzzz

http://www.up-00.com/uploads/Zhm37148.jpg

http://www.up-00.com/uploads/UeG37018.jpg

بعدين سرت اخذلي نعول فلات للجامعه .. ورديت البيت اشوف موفييي وعقب النت لين احيين
وافكر شو اسوي باجر حق عزيمة ربيعاتي :k_icon9: مال قبل رمضان >.<

.
.
.

[تحفه]

^ حيج:fa41: .. انا خاطري اسير بس للاسف سرت مره ودوخت و حرمت :h_qor9anah: والحين كل ما احول يودوني البحر وياهم يذلوني علسالفه الجديمه لول

[مــهــابه]

اليوم :


~ كان اليمعه


المزاج :


بين وبين ~ !* . .


الموضوع:



~ كل شي " فيني " أظـن أني أعـرفه~
[ أجهــله . . .




كــل شي

[شمعة أمل]

اليـوم: السـبت
المزاج: مسـتانسه الحمدالله
اليـوم:

نشـيت عـ الساعه 11 على أساس أخلص كم من شغله الصبح!.. ويوم شافني أبويه واعيـه قالي يله بنسـير نسوي هالشي الى تبينه وبنـسير نشرب كوفي! ولا عقبه بـشوي يقولي هاتي هدية اختج.. بما اني خاشه هديته عندي .. ف قررنا نعطي اختي الصغيره الهدايا والحمدالله عيبها وايد وايد!! وانا ماخليتها في حالها أقولها شوفييي بعد ايي ويا شهادة للالمـاس.. اوني وايد مكبره السالفه:a046: بس صدق يعني لازم أكبر السـالفه كل شوي أراويها شهادة الالمـاس:4:
آخر شي انا وابويه سرنـا المركز وطرشـت الأغراض بوظبي وسـرنا الكوفي الى هنـاك .. وطرشت الدريول يسـير ييب كيكة اختي الصغيره من جوكوا

رديـنا البيت ورديت بدلت ثيابي مره ثانيه وتكشـخت:k_smartass: وسرنا برج العرب نتغدى:laugh: ومن وصلنا جان يقولون لاختي هابي بيرثديي ويلسونا في مكان خاص.. كل مطاعم برج العرب مب لين هناك بس هذا وايد وايد حلو:inlove:

http://oasis.bindubai.com/bin/uploaded/2373_01220122483.jpg (http://oasis.bindubai.com/bin)

http://oasis.bindubai.com/bin/uploaded/2373_11220122483.jpg (http://oasis.bindubai.com/bin)

بعدين رديت البيت وماوحالي اسوي شي ولا ردينا طلعنا مره ثانيه وسرنا المستـشفى نشوف بيبي خلفـان:inlove: فديته والله .. الله يحفظه وبعديننن ردينا البيت
وحليلي .. متكـسره من الخاطر! اصاعبي منيرحه ومتورمه وماروم امشي! وماروم ألف راسي لانه رقبتي تعورني.. يحليلي طحت البارحه طيحه من النفاخه تميت متيبسه في البحر ماروم اتحرك لدرجه القوقلزز مال غواصه طاحو من ويهي في البحـر وضاعو *الله يخلي اللايف جاكيت* ولا جان رحت فيها:4: .. واليوم الايفكتسس موول مب رايمه اتحرك ويوم رديت البيت فوق كل ها راسي يعورني وكنت *اتمنى* انه اختي الصغيره تشفق علي وقولي مب لازم تسيرين بس لاااااااااا اف اف اف!

وقبـل لنسـير طرشت مسج لـ هزايم ورمستها:inlove: من زمان زمان زمان مارمستها:k_blush-anim-cl: تولهت عليها!

المهم
بعديـن سرنا الاوتوودروووم:6:!! نتسابق :4: شي فضييييييع!! في البدايه لازم نسـجل وجي يصورونكم وانا تصورت:4: بس خواتي وعموتي ماطاعوو بس انا طاف صورة وصورتي طلعت عبييييييطه!! هاهاها! بعدين سرنا غرفة التبديل وماشي مقاسات غيـر XS و XL ونحن جي >> O_o آخر شي لبسـنا السايز العووود ولبسـنا الهلمتسس عشان شعرنا لول.. شكلـنا هااايل الهنود مال القراجات:hysterical: جان عمي *ب* الصغيـر ايينا ويقولنا احس عمري خبّاز:hysterical: عقب ركبـنا السياير وانا كنت في 21! والنتااااااايج النحسه حاطيني انا آخر وحده!!!!! اونه انا الخسـارنه:bash: مع اني ثـالث وحده!!!!!!!!!!!!!!!!!!!!!!!!!!!!!!!! حتى الأفرج مالي يقولي ثالث وحده!!!!!!!! بس طبعا عمي هو الى فاز:bash: يقههههههر!! يت فـتره خليته معفن وراي جي لـ دقيقتيـن آخر شي طفر ودعمني واتجاوزني:bash: بس كان كشخه كل شوي السيـاره تتزحلق:4:

http://oasis.bindubai.com/bin/uploaded/2373_21220122483.jpg (http://oasis.bindubai.com/bin)

وآخر شي ردينا البيت وكلنا الكيكه الثانيه.. ماكنت أباها جيييييييي >_< لانه بس عطيتهم يوميـن قالولي لازم أكثـر اذا ابا الكيكه كـ تاج لانه مادري شو لازم يسون ويا الشكر

http://oasis.bindubai.com/bin/uploaded/2373_01220123109.jpg (http://oasis.bindubai.com/bin)

[المزوحي]

اليوم : السبت

المود : يعني

الموضوع : مولاااااات

اليوم من اصبحت كان عندي موعد، وبعد ماخلصت سرت الامارات مول ... ورديت البيت تغديت، وعقب طلعت

لأنه عندي مشروع زعبيل مول، تعبت وأنا ادوره مايسوى عليّه ...

المهم قررت إني أرد البيت، يلنه متصل بي واحد وتواعدنا عند وافي ماطولت عشر دقايق بس ، خذت عمري ورديت

البيت .. على الساعه 6 الرضيعه تبغي تسير الفستفال وسرنا يادوب نص ساعه وطلعنا ( ازعاااااج )

رديت البيت اتعشيت واتسبحت وصليت .. ودخلت الواحات ...

[مايهزك ريح]

يوم الجمعه .. كان يووووووووم ..
اتيمعنا في بيت اخويه على الغداء .. وعقب صلاة العصر .. قالي سوق موتري .. وهو يلس وياليهال ورا يلعبون
بنت اختي استغلت انه اخويه ورا وعفدت جدام .. عدالي ....
وسوينا كعب داير .. سرنا الفجيره .. وعقب مرينا خورفكان توني واصل عند باب العقه إلا الصغاريه ما يبون المطعم مال العقه يبون ماكدونالد .. وطبعا وين ما كدونالد ..
في راس الخيمه .. منار مول !
واصلين البيت نص الليل ..
لا ورادين بيتنا موترين نتابع انا واختي الصغيره ..!

وكله في صوب وفي درب السيره لراس الخيمه صوب ثاني ..
مره وحده اشوف غبره انا بعدني مب مستوعب .. واقول لأخويه شو مستوي ..
شويه واسمعه يقولي اظرب برييييييييييييييييييييييي يك حاااااااااااااااااااااادث جدامك ..!
وانا اظرب بريك اقوله وييييييييييين الأربع اشاير في موترك !
بنيه يحليلها .. ظربت كمن مره في الحواجز يمين ويسار والله سلمها ما طاحت في الوادي ..
بس الحمدلله ما استوابها شي !

اخويه يقولي كنت ناوي اتسوي بولينغ بتدخل فيهم ^_^!!

[مــهــابه]

اليوم :


~ الأحد



المزاج :


~ عصيب نوعاً ما



الموضوع :


~ ما أدري شو فيني ، لازم مع بدايه عام دراسي أمرض :(

من البارحة بليييل وانا ارجع وحالتي حاله ، رغم انه طول اليوم مافيَه شي . .
الحاله يتني ع الساعه 3 جيه . .
ويليـن اليوم ،
أول شي ماخلوني أيي العين ، قآلوا لي انتي مريضه ومايستوي
قلت لهم مابي ، لازم ادوام ، واضبط أموري ، مابا انضغط الأسبوع الياي
وانا ادري لو تميت فالبيت مابسوي شي ~ !* . .
ييت العين ، وتمشيت شويه ، وشميت هواها ، خلاف خطفت ع صديقتي وسلمت عليها
وعقب وطوني ~ !* . .
هالبنات خلوني أنحبط ، كل حد يقول لي مصفره ، وضعفانه :(
قلت لهم يمكن لأني مريضه . .
ممم هالسمستر جدولي ملخبط ، تخيلو جدول يوم الاحد لازم كله يتغيره والسبه الدكاتره الأرف . .
باجر من الصبح بروح اراكض ، الله يعين ، امبونه باجر بيكون أول يوم رمضان ، وتعب . .
وعـاد مذله رفع السقف يبآلها بـعد . .
ان شاء الله تتسهل الأمور عـليَه . .




~ ومبروك عليكم الشهر . .

[رمــش الغـــلا]

Slaaaamat Mahaba ~

Ma tshofeen shr 7bebty ^^
.
.

[مــهــابه]

الشر ماييج

~ يا أنه انتي وبنت الدلع تلخبطون فيه
مافرق امبينكم . .


ثـآنكس الغاليه :)

[ذنـيـنـي]

اليوم الاربعاء

المزاج رااااااااااااايق الحمدلله



اليوم الوالده وعتني للسحور الساعه اربع و كنت تعبااااااااااااااان و راسي ثجيييييييييييييييل
قلتلها ما اقدر انش هاتيلي ماي


شربت الماي وبندت المكيف و قلت برقد شوي على اساس اني بنش الساعه ست الا ربع للدوام
لكن منو قال اني بنش لول

رقدت من هاك الوقت الين الساعه 12 بدون مكيف

و طبعا ما سرت الدوام

[تحفه]

حمدلله اليوم ماعندي دوامD:

[المزوحي]

اليوم : الاربعاء

المزاج : والله إنه

اصبحت الصبح وقلت يعني لازم دوام، المهم سرت وطحت في الزحمه ... وصلت الدوام بس كنت تعبان من ظهري

للحين يعورني يبالي أدور على دكتور غيره !!

عقب ماخلصت الشغل ظهرت طشونه من الدوام ( اقووووووول متى بيطوف الوقت ) ...

رديت الدوام اتريا الساعه 1 عسب اظهر ورديت البيت ... ماياني رقاااااااااااد رقدت على 4:30

نشيت وفطرت .... وسيده دخلت الواحات .... اليوم طبعا مافي برنامج مشي ، لأنه بظهر مع واحد .

[شمعة أمل]

اليوم الــ ماعرف اظني اليوم الخميس
المود تعيس
الموضوع

أول شي بداية يومي بايخه لاني نشيت وايد وايد متأخر.. اول مره انش جي متأخر.. ماعرف شو استوابي
بعدين كنت محبطه من البارحه على سالفة موضوع رؤى فاشن فيكس.. بس فديتها رمش الغلا محد رفع معنوياتي غيرها 3>
وبعد اليوم ياني احباط على الموضوع:frown:
بعديننن شو استوى
هيه
حصلت هزبه مني مناك
مره من أبويه عشان ماسرت امشي البارحه وباجر بحصل هزبه لاني بعد ماسرت امشي اليوم
مره من اميه.. لدرجه المفروض تعطيني معاشي قبل مادري كم من يوم وعطت كللللللللحد الا اناا وانا وحليلي اتحرى ماعطت حد بيزاته لين الحين طلع انه بس انا:Oo: وهااااا كله عشان تباني اشل اوراقي من حجرة التلفزيون وانا ماشليته وعشان ليييين الحين ماطرشت هدية سكرتيرة ابويه الى من اسبوعين واقول بطرشها.. انا وايد وايد كسوله هالايام :s
وبعدين اختي الكبيره زعلتني اليوم.. وآخر شي تأسفتلي 3 مرات:icecream:

والحينه يالسه في المطبخ اطبخ اشياء .. لازم اخليهم لـ 24 ساعه.. المشكله الوصفه الثانيه يبالها يمكن 3 ساعات وانا مايا عباليييي والحين شكلي مابرقد لين عقب الفجر

والشي الوحيد الايجابي اليوم.. أصلن هم شيئين
الأول.. رمش الغلا:10:
والثاني .. ربيعتييييييي!! مطرشتلي هدية تجنن وحده منهم عباره عن اوسكار مكتوب عليه اسمي و best friend in the world :heart:



مب جنه مودي وايد زفت :s

[رمــش الغـــلا]

بعدين كنت محبطه من البارحه على سالفة موضوع رؤى فاشن فيكس.. بس فديتها رمش الغلا محد رفع معنوياتي غيرها 3>
والشي الوحيد الايجابي اليوم.. أصلن هم شيئين
الأول.. رمش الغلا:10:
:s



Fdaitch shm3o0oOty ~

:k_blush-anim-cl:Thanxxxxxxxxxo wallah ^_^

afa 3laich 7a'6reen , enshallah 2day fel BREAK b76 shy ydeed !!*
.
.
3ybny elmow6oo3 waaayed huny :P

:inlove:

[الاسطوري]

اليوم الاربعاء

المزاج رااااااااااااايق الحمدلله



اليوم الوالده وعتني للسحور الساعه اربع و كنت تعبااااااااااااااان و راسي ثجيييييييييييييييل
قلتلها ما اقدر انش هاتيلي ماي


شربت الماي وبندت المكيف و قلت برقد شوي على اساس اني بنش الساعه ست الا ربع للدوام
لكن منو قال اني بنش لول

رقدت من هاك الوقت الين الساعه 12 بدون مكيف

و طبعا ما سرت الدوام


^
هاي حاله طبيعيه تصيب الواحد عقب الإجازه الطويله، بس
عاد بدون مكيف رقدت لين 12 بالمكيف
لين متى بترقد؟
:doh:

[المزوحي]

اليوم الخميس

شمعة أمل ماظن ازفت عن مودي انا

عيل اليوم الخميس والمفروض اكون مبسوط ( كونه الويك اند)

بعد معاناة النشه قلت برايه سر داوم اليوم .. مادري ليش احس الوقت مايمر بسرعه في الدوام، مع إنه عدد ساعات

العمل اقل فر رمضان، وعقب ماخلصت الشغل شليت بعمري وظهرت ماعرفت وين ادق براسي .. وراسي اصلا يعورني

مريت الستي شوووووووووووو فاضي ( مب انا ) الستي .... بس بعد بتقولون عني فاضي اقصد متفيج ..

ورديت البيت ودخلت الواحات

[الاسطوري]

^
ماشاء الله خلصت دوامك ورديت البيت
وانا بعدني في الدوام
:d010:

[المزوحي]

دوامنا من 8-1 بس اليوم ظهرت من وقت

[الاسطوري]

دوام الحكومة حلو 5 ساعات بس

[شمعة أمل]

اليوم الخميس وقت الظهر
المود الحمدالله
الموضوع

لا صدقني المزوحي مودك مايتحدى مودي البارحه.. على قل انتو عندكم شغل تشوفون ناس وجي انا وحليلي في البيت مجبـاله ولا شي لول.. ملللللللل!!!!!!!!! يعني من كثـر ما انا ملانه يالسه ألعوز كلحد.. ماخلي حد في حاله :s وهالشي لا ارادي.. بس مادري ينيت:Oo:
وحليلها سيارتي.. لاني ماطلع الدريول مبركن سيارتي جدام ومبركن سيارتـين ورايه!!!!! فـ حتى لو أفكر أطلع.. عباله.. لول

رمشششش
فديتج انتي وايد فرحتينيييي:heart:




اليـوم .. تقريري
- قصـيت هالشي الى سويته البارحه
- يلست أتصل في اندنوسيـا.. تليفون بيتنا خربان والفاكس ماعرف شو بلاه والبشكاره واقفه على راسي اتصلي وليش مايستوي ومادري شو
- رمست : ملاك الروح ، نيغين، ندى
- يوو هاييل مال الحشرات
- أفكر أسوي باستا اليوم.. أفكر بس مب أكيد

[وحي القلم]

دير دياري

ممكن أفهم ليش الواحات تروغني ؟؟ :sad:

لازم أسجل دخولي 100 مره يعني :4:

.
.

أخيرا طاف هالاسبوع :fa52:.. مع أنه كان عندي يوم إجازه بس بعد أحس أنه كان ثجيل XP

يمكن من استاذ الرياضيات اللى خلاني أكره الكورس من أول كلاسين حظرتهم عنده :surrender:

.
.

شمعة أمل.. شو الباستا اللى تسوينها؟؟ :blush:

[وحي القلم]

شمعة أمل.. الله يسامحج خليتيني أتذكر رافيولي مطعم بييلا.. أبى عالفطور XP

[أنامل قلب]

:
.

اليوم : الخميــــــــــــــــــــ س !
المود : .... ... ... ..... .. !
الموضوع :

ياللــــــــــــــــه من زحمة الدرب اليـــــــــــــووووووووو م !
بالعاده دربنا من الجامعه للبيت مابين النص ساعه ليـ ساعه إلا ربع ..
بس اليوم كان فضيييـــــــــــع ،، تخيلو ساعتيييـــــــــــن نحاوط ونشرد من درب ونرد الـ درب ،،
وهذا كله ونحن مخالفيـــــــــن بالهبل لول ،، زين ما خالفونا ولا جكونا ولا جان رحنا فيها ..
خاصه ان بنتين فـ صدق فشله + مـــــــوووول مب حلوه + قفطه وزياغ :bye2: ..

حتى بالجامعه البنات ما شاء الله ،، أول مره ألاقي هالزحمه عند المخرج ..
شكلنا كان يضحك ،، وانا من الصوب الثاني أقول لـ رفيجتي حاسه إني مدوخه " اونه حاسه اني مدوخه لول "
ومن الصوب الثاني بس أبي أقعد ><" ! ..

مادري كيف وصلت للسياره رايحه صوب ورفيجتني اتيرني صوب ،، تقولي انتي صدق رايحه فيها ..
+ من قعدت بالسياره انسدحت وفريت قشي + لايعه جبدي =$

بس صدق صدق صدق لو كان بالامكان اصور شكلي
ورفيجتي فيديو "من الاهل" بالسياره هالساعتين ،، يالله كنا خبايل :birgits_giggle: !

الله لا يبلاكم الصراحه ،، واحلى ما باليوم إنه الخميــــــــــس !

.... { :a050:

[شمعة أمل]

وحييييي
هالباستـا

شكله امممممم
http://www.uaekitten.com/goodies/hungry/esp4guys/chickenpasta.html


عقب ماحطيت الرد
البشـكاره يت عندي "مييم حبيبتي يله وديني سبنيزز انا في يريد عجينه مال سمبوسه"

وديتها وسيارتي مغبرررره فضيحه:ghostface: وقبل لانوصل سبنيز خرفت شويه اونه بظرب اشاره يمين عشان ادش سبنيـز.. بدال ما استخدم هالعصاا مال الاشاير استخدمت هالعصا الى على صوب اليمين (انا مافهم في السياير ترا) وجان هالشي الى ينظف الدريشه يشتغل:ghostface: وانا اصلن ماعرف كيف شغلته ف حركت ها مال الدريشه مره ثانيه ولا هاللي ينظف الدريشه من ورا يشتغل:k_no: ماعرفت ابنده:doh:
بركنت وخلصت ويوم طلعت بعده يشتغللللللللللل قلت يمكن لو ابند المكينه وارد اشغلها بيبند يعني.. عقب طلعت من الباركينغ ووصلت الدوار واكتشفت اني مب لابسه حزام:eek: وقفت ولبست حزامي:tongue: وها مال الدريشه بعده شغااااااااال >_< حتى رديت البيت وبعده شغال >_<
لين الحين ماعدلته قلت عقب الفطور بخبر الدريول يسير يبنده


اعترف انه اليوم اكتشفت ليش ابويه مب ناوي يشتريلي سياره يديده أبداااااً.. اختي الصغيره يشتريلها سياره روحها يديده واناااااااا مايخلوني لول.. صدق اني ماستاهل سياره يديده:tongue:

[المزوحي]

سكون يقولج في رمضان لاتحاولين تختصرين الدروب لأنه بتطحين في درب اخس
يابوج مب منج شمعة ... شغلتي المشاش يعني .. شكلج مستعيله على المطر لووووووووول

[وحي القلم]

شمعة أمل

شكرا ً :a070:.. لازم أجرب أسويها :fa35:

و عن سالفة سيرة سبينس ههههه

انتي من جريب ماخذه الليسن؟؟ :biggrin:

[تحفه]

ahahahaha @ sham3a! i used to do that too 2wal 2yaaamii lolol! it was funny!

[شمعة أمل]

المزوحي
طلع اسمه مشاش! والله زين!



وحي القلم
لااااااء من سنه وأربع شهووور عندي ليـسن:k_smartass: انا بس أعرف أسوق السياره وأبركنها:4:.. لكن شي ثاني يخص السيـاره ماعرف:4: حتى ماعرف متى لازم تسيـر الوكاله وبس مره صبيت بترول في السيـاره وهذا بمساعدة امي:4:


تحفه
انا احيد اول ليله أسوق.. يلست أسوق بدون ليتات:4:

[تحفه]

^اول مره سقت بعد امتحان الليسن بحوالي شهر! خلاني بابا اسوق بدايه من السطوه - الجمعيه ومن الجمعيه للبيت !! الشي الي واااايد يضحك اني اول مابركنت عدل في باركنات الجمعيه وشفت ان بابا راضي علي سواقتي خذت نفس وصكيت السياره بالسويج من دون ما اصك الكنديشن الليتات و الدرايش هاهاهاهاهاااااا معني قبل اسوق بس من كثد الحرص اني ابي اراوي بابا اني سويقه عميتها هاها لين احين اتذكر كيف ويه بابا اعتفس من بعد ماكان ساتيسفايد وي سواقتي هيهيهيهيهييي وبنات خوالي كلهم ويانا ويضحكووون لوووووول وللحين نضحك علسالفه

[شمعة أمل]

على قل خلوج تسوقيين p:
انا ماخلوونييييي! تخيلي لـ كم من شهر بس يخلوني أسوق من البيـت لـ سبنيز ومن سبنيز للبيـت >_<

[بنت الدلع]

اليوم: الجمعه
المود: :inlove:
الموضوع: عيدميلاااااااااادي :fa41:

كاااان يوووم واااايد سبشل وحلووووو
ليلة عيدميلادي يعني امس فليل صارت اشياااا واااايد حلوه
صار لي شي يزعل بس كانت لحظاااات وااااايد كيووووت ومستحييييل انسااااهااااا "احبهم وااايد والله :heart:"

واليوم بعد الفطور سرنا نحتفل بعيدميلااادي
كلهم كانوا يعاملوني شرااات البرنسس
واحلى مافي الموضوع كل ما اندش محل ويعجبني شي يشترون لي // :k_devil2: عاد انا استغلاليه لول
واايد كان يوم كيووووت
وبعدين سرنا ناكل سوشي ههههه موااقف عبييييطه صااارت لنااااا :4:
واحلى شي في الرده ضيعنا وكلهم معتمدين علي
انا اعرف ان نحن مش مضيعين بس خذنا شارع ثااني
وصار شي غبـــــــي جداااااااااااااااااا :k_harhar1:
وهلكناااااااا من الضحححححححك

يوم ما ينّسى ابدااااان

ومن شوي يعني عالساعه 2
كلهم كانوا في بيتنا خواتي ونسايبي .. والخ
يلست عدال بابا وحطيت راسي على جتفه
واختيييييي ام لسااااااااااااااان
جان تقووول يالله يالله ماشي دلع دشيتي العشريييين :fa44:

[مزن هتان]

اليوم: من أسبوع
المزاج: عادي

الموضوع

1- غلطان اللي قال (هم البنات للممات) و الصحيح (هم العيال للممات) مش تحيز.
2- عليهم طلبات هـ البنات !! (خواتي)
3- شفت أحدى زميلات الدراسه، تقريبا أكثر من سنتين مو شايفتها
تزوجت ما شاء الله.
4- أختي أم سيف ربي يرزقها على قد نيتها ان شاء الله
5- في كل بيت عرفته و الا سمعت عنه الام تتحيز لـ أولادها، و الأبو لـ بناته
عدنا نحن الام و الابو متحيزين لأولادهم. شنو ذي ما يصير
بس بعد يوقف ويانا ابوي احيان
6- أقول حق أمي متأكده اني أنا بنتكم، هذا يوم أبي اسوي شي و ما
تطيع لازم هـ الفلم.
7- ولد خالي، قلت اتزوج بيترك حركاته. بس منو يقول لين الحين على
خفة دمه. اونه يعتبرني أخته طفرني
8- بشوف عمي اليوم =)، اسبوعين مو شايفتنه زين ما مت

[المزوحي]

اليوم: الاحد

المزاج: ok

بداية السبوع ورمضان، صدق مالنا بارض على الدوام، وفوق هذا كله حلجي يعورني وريجي ناشف من الألم ..

قلت قوم شل عمرك ولاتغيب، يعني كل يوم بتم على هــ الحاله !!

وبعد ماجبرت نفسي وسرت الدوام ... ماشاء الله مكودين الشغل، اللي اجتل عمري واخلصه وما اوعى إلا

اشوف شغل غيره، كأني مادقيت شي من الاوراق بصييييييييح ... يعني غير المسلمين يتمون اوفر تايم

ويدفعون لهم وهم مبسوطين والشغل مكود عليّه ...

اتريا الدقايق تمر لأني خلاااااااص مب متحمل ... وخلصت الشغل وكان عندنا اجتماع اليوم ..

وخلص الوقت ورديت البيت ... رقدت .. وقمت اصلي العصر وادخا الواحات ...

يادوب فطرنا .......

عقب التراويح سرت امشي ورديت البيت وبس

[شمعة أمل]

اليوم: يعتـبر الاثنين
المود: الحمدالله مرتاحه
الموضوع:


بعد تفكيـر عميـق .. وتشجيـع الوالديـن.. قررت أتطوع :smile: .. ان شاء الله خير

[تحفه]

Today ...

7:20 alarm on .. i was dead-tired so i closed it and go back to sleep
9:00 :wow:

[تحفه]

Today ...

7:20 alarm on .. i was dead-tired so i closed it and go back to sleep
9:00 :wow: still on bed opened my eyes shocked! I MISSED my 9:00 class todaaaayyy then i go back to sleep :k_no:
10:30 decided to wake up for good and dress up ..
11:30 heading to school :b050:
12:15 starting my today sec and last class :fa38: feeling lil sad about skipping my first class
2:15 class finish .. head to my classmates chitchatting and finishing things i had on mind ;p
3:40 home sweet home
and now online .... feeling tired and sleepy

[أنامل قلب]

:
.

اليــوم : أظني الاثنين !
المــود : ...... ... .. !
الموضــوع :

مادري // مستغربه ،، على استفهام ،،
على سؤال ،، على مادري !

مادري .. .

:

اممم ،، بعيدا عن كل ذلك وبالجامعه ،، شغلات غير متوقعه الصراحه ..
وعـ طاري الجامعه ،، معقوله رفيجتي من صجها .. . !
سولفتلي عن عيال المدارس واللي تسمعه من الاهل عن ربعهم ..
خــــــــــــــاصه طاري الاصبي ،، وربي صدمه ..

حسستني بالـ !؟!؟!؟!






فيني نوم !

.. .

[بنت الدلع]

اليوم: الاثنين,, يعني امس
المود: كنت مستانسه
الموضوع:

وصلتني هديه غريبه جدااااااا من اعز ربيعاتي
بس وااااااااايد كيوووووت و elegant
كانت غير عن كل الهدايا
اول مره يوصلني شي جي
صدق حسيت ان عيدميلادي الـ 20 مميز وغير :inlove:

[بنت الدلع]

اليوم: الثلاثاء
المود: satisfied
الموضوع:
اليوم بعد الفطور كان عندنا a very important meeting ويا واحد من السفراء
كان في الخيمه الرمضانيه الي في الـ DIFC
وايد حلو المكان, عيبتني الاضاءه وايد
تنفع حق الـ relaxation وااايد
لو كان informal meeting كنا بنستانس اكثر

بس شعور حلو حسيت اني من هذيل السلبرتيييز "celebrities" :inlove:
احلى شي يوم قوم الميديا يكونون صوبنا ويا كاميراتهم والكل يتم يتصدد "منو هذيل" !! لول

[الـيـاه]

اليوم : ليلة الاربعاء
المود : عادي ( ماعرف ) S:
الموضوع :

البارحه واليوم كله رقاد ..
اليوم الشيخة الياه ما سارت الجامعة لووول :tounge: ما وحالي ( ردت حليمه لعادتها الجديمه )
مع اني كنت واعيه يعني بس ما سرت XD سرت آخذ هدية عيدميلاد لكزنتي The N's
- الظهر جي الساعه 2 يلست اشوف فلم وما كملته *طع الفاضيه* + msn
- رقدت لين المغرب عقب الفطور مشيت خطوة لبيت The N's نقولها كل عام وانتي بخير :a050:
- رديت البيت تسبحت وسرت اسلم على الحريم :h_mar7aba: ويلست وياهم
وبسسسسسس

P.S : Happy birthday 7ubi The N's :heart:

http://up.stop55.com/upfiles/ckw03067.jpg

[شمعة أمل]

اليوم الأربعاء لكن يعتبر الخميـس
المود: متوتره وايد وايد على احاتي على اففف
الموضوع:

مارمت أرقد من كثر التفكـير.. هذا وعلى بالي انه الشي بيكون الأسبوع الياي.. ولا اليوم يوصلني خبر انه باجر *الى هو اليوم*! .. ايه ده.. قلبي طاح:k_sadwalk:

افف حاله
ماعرف شو أسوي.. أحس عمري هبـله ومول مول مول مب مستعده:k_no: ماتجهزت! ماعرف شو ألبس! ماعرف شو أقول!!


يارب باجر يعدي على خير.. ويارب هالشي ينفعني.. ويارب أبيّض الويه وماستخف..



:k_sadwalk:

[تحفه]

today i was off D: i stayed in bed till 4:55 + watch some tv + do nothing and i must say nothing like family gathering

al7imdella i feel so happy

[تحفه]

owwwwwwww alyaaaaah i know this feeling!! nothing like making someone happy and simply be there in such a day! i LOVE buying gifts 3> what did u get her?

[الـيـاه]

تحفه : Meeee to ..
ماعرفت شو اخذ اخر شي خذتلها شنطه للجامعه gucci jolicoeur في هارفي

[شمعة أمل]

اليوم: السبت
المود: الحمدالله
الموضوع:


بعد ما فكرت.. وفكرت وفكرت.. ورمّست أهلي.. وحصلت على الموافقه.. والحمدالله حصلت على وظيـفه :fa35:
في يوم سبتمبـر 11.. هو كان يوم عالمي بالنسـبالي. لكن بعد الى استولي في سبتمبر 11 2008.. استوى يوم مهم.. مهم وايد :)

ومن قررت هالقرار.. وحسـيت باب ورا باب يفتحلـي.. لدرجه انه في الجامعه شي كورس أقدر آخذه عباره عن بروجكت عن وظيفتي.. بدون كلاسات :)


خذت هالوظيـفه عشان أتعـلم، عشـان أغير نفسي للأحسـن، عشان أحس اني سويت شي (صح) في حياتي.. وشرطي الوحيد انه مايعطوني معـاش.. ولا حتى فلس .. مابا بيزاتهم بس أباهم يعلموني


بعد ماقررت هالقرار.. والكل عرف.. حصلت نظرات غريبه.. وكلام مب حلو.. من (فئه) من النـاس.. مشكله يوم مايعرفون.. انه البيزات مب كل شي.. وصدق الى قال.. العلم نور والجهل عار..


أدري اني بتعب وايد.. شغل ودراسه.. بس حاسه نفـسي مرتاحه .. أنش كل يوم مستـانسه.. الحمدالله

[بنت الدلع]

اليوم: الجمعه
المود: مستااااانسه
الموضوع:

كنت معزومه في بيت ربيعتي عالفطور
سرنا وكنا جيه مال 4 بنات
تفطرنا وعقب تمينا نشوف الفريج + شعبية الكرتون
بعدين ظهرنا سرنا جدا الممزر
احلى شي انه فاااااااااااااضي
تمينا بس الا نتمشى بالسياره
وعقب كملنا لين جميرا وطبعا انا الي كنت اسوق
كان انجاز بالنسبه لي لاني ماجد سقت لين جميرا
دايما اكون passenger
تمينا نتمشى على شارع جميرا وكشخه ماافي زحمه بعد
بعدين نزلنا ميركاتو واغلبية المحلات كانت مسكره
خذنا اسكريم وردينا
وطبعا مادل طريج الرده
اتصلت في اخويا وهو كان عالدراجه
شو سوااااا بي
كان متفييييييييييييج عالآآآآآخر
مليوووون مره خلاني اعيد كلمة ميركاتو
اونه اي حد يتصل بي وينقع على طول التيلفون يسكر في ويهه ! سخيف :fa44:
وعقب قالي حطي عالسبيكر
وتم يقرض ويقرض ويقرض
وانا كل شوي اقوله خلصت يقولي لا .. هههه وايد متفيج
المهم وصلنا جدا البيت بسلام
وسرت وصلت البنات لسكناتهم "في الجامعه"
ووصلت ربيعتي بيتهم
ورديت البيت

واحححححححححححححم :h_qor9anah:

ناس كانوا يتريوني عند الباب :5:
وحصلت محاضره شطولها شعرضها لاني كنت متأخره

والحين ممنوع اطلع ويا البنات :3: لين ما ترضى الحكومه عني :ghostface:

[شمعة أمل]

اليوم: الاثنيـن
المود: الحمدالله على كل حال
الموضوع:

مادري شو بلايه اليوم.. تعبانه وايد.. راسي يعورني.. واحس بالوقت مول مايطوف.. والجو مأرف.. ومارمت أمشي اليوم..

سرت العزا اليوم.. توني راده من هناك:sad:.. الله يرحمها ويغفرلها ان شاء الله.. ورديت ربيعتي ويايه.. مافيه ترد ويا البنات الى يت وياهم.. سواقتهم مب شي أخاف عليها..

مع هذا كم من شي حلو استوى اليوم.. الحمدالله.. أحلى شي اني سرت يبت خواتمي.. مستانسه عليهم وايد

عندي عزيمه باجر في إماره ثانيـه.. مابغلّط نفس آخر مره.. من كم من يوم كان عندي عزيمه وقررت أفاجئهم.. جان أدش ميـلس البيت.. ومحد هناك:k_special2: .. وسرت الميلس الى برع.. وبعد محد هناك:crazy: افتشلت من الخاطر:look:


أبا كرك:fa39:



















تصدقون
انه وصلنا نص رمضان؟:crazy:

[بنت الدلع]

اليوم: الاثنين
المود: مزااجي متعكر
الموضوع:

امس رقدت عالساعه 4 ونص الفير
واليوم كلاسي 9 !!!!!
بزوووووووور ليييين ماااا نشيت
كان فيني رقاد وكسل غير طبيييعيي ابداااااااان
وصلت الجامعه 10 الا ربع تقريبا
والكلاس يخلص 10 وربع
ما اتفيجت احضر بما انه ما بجى شي ويخلص الوقت
ترييت لين كلاسي الثاني
اول ماخلص على طوووووول سرت البيت ورقدتتتتتتتتت ليييين الساعه 7 المغرب
نشيت وانا مالي بارض حق اي حد

والحين مول مافي حد في البيت
بروحي يالسه
ومب متفيجه حق شي

وراسي يعورني بعد

:fa44:

[أنامل قلب]

تصدقون
انه وصلنا نص رمضان؟:crazy:لا مو مصدقه ،، ولا قادره أستوعب !

:

اليوم : ما يفــرق ..
المود : .... .. ... .. !
الموضوع :

هممم ،، مادري ..
أبــي أحط يومياتي ،، بس ابـ نفس الوقت ماني قادره !
بغض النظر من إن في شغلات ماتنذكر ،، وفي شغلات إن قلتها بلاقي العتب ..
+ أموري كلـــها مخربــــــطه !

كل همي شي واحد حاليا ،، مادري هل بيصير وبقدر أقنعهم ولا ،،
ولو إني لازلت مو عارفه كيف أفتح لهم الموضوع من أساسه :k_sadwalk: ..

نفسيتي تعبانه جدا ..


:
.... { احليلني :image005: ،

[مزن هتان]

^^ و لا انا ماني مصدقه
ما شاء الله نص رمضان، قرقيعااان

اليوم: الثلاثا، اليوم
المزاج: الحمدلله

الموضوع: السرعه
الساعه 12 و شي(من شوي) انا و أخوي ودينا سيارة البيت الكراج
انا بسيارتي و هو بسيارة البيت، الحبيب يمشي على راحته و أنا
ماعرف المهم وصلت قبله وصل حط السياره و ركب معاي اول شي
سواه كفخني على راسي قلت له ليش يقول ليش تسرعين اقوله:
فهد انا ما اسرع هاي سواقتي، تبي تشوف شلون السرعه؟!!:k_devil2: المهم
قعد ينصحني، عاد قلت لازم ادهن سيره خذتله من باسكن و قلت
له تكفى لا تعلم الوالد انا أختك الصغيره :image005:
ادري راح يعلمه :glare:

السرعه مو زينه، خذت عني خالتي
تذكروا انه عدكم ناس تخاف عليكم
دمتم سالمين بإذن الله

[أنامل قلب]

:
.

اليوم : الأربع ..
المود : .... .. !
الموضوع : صلاة التراويح =)

هممم ،، صدق اللي ما يسير التراويح ،، ما يحس ابـ أجواء رمضــــان :fa41: ..
ولا يضحك عالـ مواقف اللي يشوفها :fa46: ، ولا يزعل عـ شغلات يلحظها :fa54: !

/

اممم ،، بالعاده ما شاء الله تشوفون كلمن يسلم عـ الثاني ،، يتعارفون يعني وجي ..
وانا من الصوب الثاني احاتي // اونه ان شاء الله محد يتعرف علي =$ // خاصه إني أسير بروحي !

همم ،، أحب أوقف أول سطر ،، بس اضطر أوقف ثاني سطر عشان الموضوع نفسه ،،
وكل مره ألاقي وحده تزقرني تقولي تعالي تجدمي وقفي حذاي
عشان أسد الصف وما ينقون غير حضرة جنابي لول ..

اليوم بعد نفس الحاله ،، وقفت ورا وانا أقول ابـ خاطري ان شاء الله لحد يزقرني ،،
ومن خلصت تحية المسجد شفت بنتين بالسيد الاول يبتسمون ويتساسرون //
مع ان ماكان السيد فاضي ،، بس خلت الحرمه تدن الصوب الثاني ،، ووقفتني حذالها :fa46: !

حبوبات ،، بس استغربت مادري كيف حسيتهم ،، وللحين ماعرف جنسيتها ،، لهجتها مختلطه !
وبعد سنة العشا لقيتها تسألني : انتي إيرانيــه لووووووووول خخخ

هالسؤال يدل على إنها أكيــــــد مش عيميه ،، إما وافده أو إيرانيه "يعني فارسيه" ..
قتلها : إي عيميـــة // عقب تقولي صغيرة ما شاء الله صح // أقولها يعني 20 سنه >>
>> ماحبيت أقول 19 بما إن ماتم وايد عالعشرين :glare: !

واستانست لمن قالتلي ،، أويه باين عليج أصغر هي هي هي P=

وعقب ما صلو اربع ركعات من التراويح ،، روحو ونحن طبعا كملنا //
بس من سلمت وتمينا ركعة الوتر ،، شفت الحرمه اللي حذاي من الجهة الثانيه "عوده شوي"
قابضتني تقولي انتي من بنته .. عرب وين انتو لول ><" !! //
وانا استويت جي (( ها ! )) قلتلها لا نحن عيـــــــــــــــــــــم بابتسامه عريضه !

بادلتني الابتسامه وإهي تقولي متزوجه ما شاء الله ،، خخخ // اقولها لا لول ..
تقولي مخطوبه عيل =$ // هم أقولها لا ..
تقولي انزين انتو بيتكم هالمنطقه صح ،، أقولها إي قريبها ..

جان اتي وحده ثانيه يمكن اختها "صليت حذاها أمس" تقولي هيه هذي كانت حذاي أمس وسلمت عليها وجي ..
وانا بـ خاطري أقـــول صـــــــــــــــدق الحريم ســــــــــــوااااااااالف فففف ..

مالحقت أفتح المصحف إلا ويتني وحده لوت علي من ورا ،، وحده لها وحشـــــــه تعرفت عليها بالمسيد من سنتين ..
عاد هذي بالذات أحسها غير ،، جي عادي يعني ،، ولو إني انحرجت منها لكوني مقصره ،، ربي يحفظها !

+ اليوم صارت عدنا هوشه بسبب ان بعض الحريم إيببون عيالهم الصغار !
+ خلصنا الصلاة من وقت مقارنة ابـ كل يوم !

ووو بس !!!

/

ربي يتقبل منا جميعا ^^ ..

.. .

[مزن هتان]

أنتِ زيي تروحين لحالج !!
:image005:

[وحي القلم]

(1)

أنامل قلب

شي من اليهال يسوون حشره و يخربون عليج الصلاه :glare:

أحس مب أي ياهل يتودا المسيد :fa54:

و على طاري أول و آخر صف

لاحظت أول صف يكون أنظف عن اللى ورا.. هاك تهب عليج فيه ريحة طبيخ>> وايد يهمني هالموضوع ترا :4:

مادري إذا انتو جيه بعد ولا لا بس هالشي هو اللى يخليني أجدم في السيره عشان أحصل مكان في أول سيد :a034:

.
.

(2)

مستويه سالفه وايد رافعتلي ضغطي

أحينه الموظف اللى يداوم في مكان مطلوب منه فيه أنه يتعامل ويا الناس

مب لازم يعلمونه أدب الحوار ...!!!! :glare:

و جانه وقح يقصون لسانه مره وحده بعد

شي وحده لو يحطوني مديرتها ما بفنشها بس... بفرها من فوق المبنى عشان تتأدب :k_icon28:

[وحي القلم]

قصدي سكون.. مادري ليش مب مستوعبه أنج غيرتي الاسم ؛)

[أنامل قلب]

اختي مزن : :a074:
اختي وحي : مادري والله ،، لأني دوم أكون بالسيد الأول شئت أم أبيت لول ^^"
أصلا حلاته السيد الاول ،، لولا شغله إن دوووووم اللي يتعارفون ابـ هالسيد !!!!!
والـ كمن مره اللي وقفت فيهم بالسيد الثاني ماحسيت إلا بالمشاكل المعتاده ابـ كل سيد ..
يعني مثلا إن وحده وايد تتحرك ،، ولا من النوع اللي يحب يتعرف والخ !
وعـ طاري اليهال ،، تخيلي اليوم وحده طول الصلاة شاله ولدها ،، حتى وهي راكعه ><" !

+ حرام عليج ،، لول
تفرينها من المبنى مره وحده ^^"

+ بالعكس ،، أحب إنكم تنادوني بـ أنامل قلب =)

/

اليـــوم : اونه الخميس ..
المـــود : .... .. !
الموضوع :

صاير عندي ادمان عـ لعبة بالنت :a018: // مع ان اللعبه بشكل عام ماحسبها وايد يعني !
يمكن كـ رد فعل لـ حال النفسيه الكريمه :k_special2: // أو يمكن أشغل نفسي من الأشغال ،، وأتعذر !

لازلت وايد وايد وايد متردده ،، ومادري ليش خايفه أستخير ..
للحين ماعرف أكمل ،، ولا أوقف وأبدأ باللي أحسبه أنسب لي !

مب حلو لمن تنحطون ابـ وسط هالقرارت المصيريه لول ..
لا صدق ،، احساس جدا كريه ،، خاصه لمن يكون رايك وطريقة تفكيرك
مختلفه تماما عن طريقة تفكير الأغلب ،، إن لم يكن الـ كـــل !

خاطري أستشير أحد يفكر بطريقتي ولو مره ابـ هالخصوص :ohboy: !

.. .

[وحي القلم]

سكون

صدق مول ما يعيبني اسلوبها

العام استوا بيننا خلاف و السنه كنا على وشك

وايد اسلوبها استفزازي ماحب الناس اللى يحاولون يستغلونج عشان مصالحهم هم ... و البنات اللى ويايه أذكيا بعد

قلت لهم هاي محد يرمسها بس ماشي فايده.. ساروا و قصت عليهم و خلتهم يظرون غيرهم و هم مستانسين

مادري شقايل ما يحسون بتأنيب الضمير لانهم سايروها :3:

.
.

الله يعينج

أظني عرفت السالفه XP

المشكله رايي ما يعيبج في هالسالفه بالذات ههههه

[أنامل قلب]

^ كيف جي O.o !
هممم ،، ربي يكون بـ عونج :look: !!!!

/

وإي صح ،، رايج أعرفه ومب عايبني XP ..

اااااخ بس ،، متى برتــــــــاح من هالهم ="(

.. .

[بنت الدلع]

اليوم: الخميس
المود: احراااااااااااج
الموضوع
اليوم صاااارلي مووووقف جداااااااااااااا محررررررج
صدق حسيت انيييي مغفيييييييييييييييييييييي يه
والشرطي يبا يضحك بس اشكره ميوّد ضحكته لول

[تحفه]

اليوم:

6:00 المغرب نشيت من رقادي :S اكره حياتي يوم رقادي يعتفس ..................

وتفطرت وكل شي عادي و ماشي بس يلست في البيت اطالع تي في وفي الواحات و اطالع غريز انتومي
آآآآآآآه راحه الويكند .. اكره شعور يوم احس يوم عندي دوام الله يطولج يا الاجازه

[بنت الدلع]

اليوم: السبت
المود: ممم جيه كسل
الموضوع:
اليوم مادري شو ياني
رقدت رقاااااااااااااااااااااد بعدين الساعه 2 ونص الظهر ماما دخلت علي الحجره وشافتني يالسه عالفراش واتعبث في تيلفوني
تمت جيه مبهته !! اميه **** شو بلاج ؟
بسج رقاد شو ياينج اليوم
قومي صلي !!

وماشي طول اليوم كان عادي وكسل

صدقج تحفه
اخس شي يوم تعرفين ان باجر دوااام يع

[تحفه]

بنت الدلع: اتوقع شعور كل بنات جامعة زايد لول ;)

---

اليوم نشيت على اذان المغرب .. اففففففففففففف ماحب جي مادري كيف ماسمعت المنبه

[بنت الدلع]

XD Definitely

[أنامل قلب]

^^ ترفعون المعنويات الصراحه P=

/

اليوم : السبت =(
المود : .... !
الموضوع :

مادري شو هالنفسيه الغريبه اللي مخليتني وايد اتغشمر !

على فكره عندي برزنتيشن باجر وانا للحين ما سويت شي ولا قريت الموضوع ولا بسو شي ..
مستخيره كمن مره ،، وللحين مضايجه من الجامعه وحابه فكرة إني أقدم استقالتي :fa38: ..

والله ييسرلي إن شــــــــاااء الله ،، ادعولي !

.. .

[شمعة أمل]

اليوم السبت
المود مستااااانسه:fa34:
الموضوع:


طرشت مسـج لـبنات المدرسه.. عن شي مب حابه أذكره هني.. بسسس بيووووون!! بيكون أول مره نجتمع فيها ويا بعض في شي يخص اوراق وأقلام وكراسي وطاولات من ايام المدرسه :4: شعووور حلوووووووو!! جي احسس awwwww أبا أعطيهم huggggg

واختي الصغيره شريره.. كلت الجبس مالي:sad:.. البارحه كلت نص الجبس وخليت الباقي لليوم.. ويوم سرت أدوره ماحصلته ويوم سألتها قالتلي انا كلته.. اونه كانت تتحراه مال البشكاره.. واناااااااااا:mad::mad: يعني انا البارحه يالسه أكل الجبس جدامهاا.. حرام خاطري في جبسسسسسسسسسس:k_no:

ماروم أتريااا لـ صراع على الرمال:fa41: كل يوم أحلى وأحلى:fa41: ليييش جي ماشي ريايل في هالزمن نفس الى في المسلسل:bash: كشخه يوم يقولون للاا حق لاء p: عايبتني الكلمه:4: حتى كلمة ماكوووو مال حياة الفهد:fa56:




انا وايد مستـانسه:hysterical: الابتسامه ماتفارق ويهي هالايام.. ان شاء الله دوووم وكل يوووووووووووم:blush:

[بنت الدلع]

^ عسى دوووم يا كيوت انتي ^_^

[حلم الطفوله]

إن شاء الله الابتسامه ما تفارج ويهج يا أغلى شمعة رؤى بالدنيا :)

أبيييييييييييييييييييه !!! طلعتي اتابعين صراع على الرمال مثلي !!! أغنية النهايه تعيبني وااااايد !

بس صدقيني ...هالرياييل بس بالمسلسلات !!! قوم فهد ونمر بن عدوان انقرضوا من زمان

[شمعة أمل]

هييه للاسفففففففففف الفضيعععع.. الحلو في المسلسل هو الجسمييييي وصوته في الباكقراوند.. مسوي جو رومانسي:4: وهااك الى ويهه مشخط.. صح سخيف بس تمثيييله شيييي الصراحه!! بس شو سالفت الثعلب؟؟

انا وايد وايد يعيبني.. لدرجه اني اتابعه الفليل + اشوف الاعاده كل يوم:4:

[حلم الطفوله]

شمعتي .... ها مب ثعلب !!! ها ذيب ....أونه عاد مثل ذياب ( رقيط)

[شمعة أمل]

لول انزيين ذيب p; طلع عشان جييي
اونه اختي الصغيره تقولي انه كل شوي يحطون الذيب عشان هو يبا يكون ذيب هههههه!!! بس الصراحه انا ترجمتها انه هو شرير فـ عشان جييي حاطين حيوان شرير

[تحفه]

شمعه سالفه الذيب "الثعلب" حاطينها لان اسمه ذياب ;)

[تحفه]

لول توني اشوف تحليلاتكم

[تحفه]

هي والله للاسف ماشي رياييل يحبون جي ... شي يعذب القلب ;( انا شكلي بقرر عما قريب اني ما اتزوج غير واحد عايش مع يدته عشان يطلع لنا يالله مثل رياييل زمن اول لوووول


وايد في خاطري غزال اهئ اهئ

[شمعة أمل]

معقوله يعني بس نحن الى مافهمناها xD وافضيحتاه

[تحفه]

اليوم قبل كمن ساعه كنت مطرشه حق كزنتي هاللنك

احلى بارت عندي

http://www.youtube.com/watch?v=OLuJxj2_2nU

كيووووووووووووووووووووووو وووووووووووت

[تحفه]

الديالوق عذااااااااااب احلى من هالكلام فعمري ماسمعت 3>

فهد الدور رااااااكب عليييييييه .. على فكره هو نفسه الي لعب بطوله مسلسل الملك فاروق العام

[بنت الدلع]

^ شفت المسلسل مره وحده وتولعت به
بس مارديت اشوفه مره ثانيه لول

تقهرني النفخه الي تحت عيون الهنوف
احس جيه غصب مجحلينها لول

[شمعة أمل]

ياقلبيي كيووتيييييييين

بعدين قناة دبي تنرفز.. يعني لييييييييش المسلسل يخلص ربع ساعه قبل!! ليييييييش مايخلونا نشوف عشر دقايق زياده >_<
انا قررت.. بقوللهم يبولي السي دي عشان ارد اشوف عقب رمضااااان 3>

[أنامل قلب]

ملاحظه 1 : بعد ما تخلصون السوالف علموني عشان أمسح الردود ..

مش القصد وأظني تدرون إني عادي بالعكس أحبذ طرح الملاحظات عشان يحس العضو بإن في أحد يتواصل معاه والخ ..
حتى أنا نفسي أطرحها وأسولف وكل شي تمام التمام =)

بس مثل ما أقولكم دايما // أتمنى ما ناخذ راحتنا بزياده ^^"
وبالتالي حفاظا على شكل الموضوع + ما أتوهق انا عقب ،، بضطر أمسح الردود لأن خذتو راحتكم فيها بزياده ..

ما شاء الله صفحه كامله :tongue: ..

ملاحظه 2 : بمر عـ صفحات الموضوع واحتمال أمسح بعض الاضافات القديمه
بما إن خلاص كلنا استانسنا وقريناها وخلصنا ^^"

عشان لحد يقول اشمعنا مسحتي هذا وخليتي ذاك ..

ملاحظه 3 : ببعث رسالة تنبيه للأعضاء تالي ^_^ ..

/

حفظكم ربي جميعا ~

.. .

[تحفه]

^رمضان كــــريم ! قولي حق الي فالاداره خلو السوالف بس شهر فالسنه! باجي بس عشرتيام .. متحسفين السوالف علينا :S

وبعدين هالسوالف علعام زينه .. تنمي روح العائله في المنتدى

[أنامل قلب]

^ إن شاء الله ..

ومثل ما قلتي وقلت // الملاحظات مطلوبه ! // وانا مخليتكم عـ راحتكم إلا بـ حالات واضحه كـ هذه !
بس اسمحيلي إن ماقدرت أوصل الكلمه بالشكل السليم =)

.. .

[ايه احبك]

سكون ما شي شرات قلبج اثنين ؟؟؟ XOXO

[تحفه]

طيبه واصيله ماشاءالله عليج

حلو اسلوبج فالكلام

[مزن هتان]

اليوم: صرنا بالاحد
المزاج: كويّس
الموضوع
كنت أتمنى أعتمر الشهر بس ظروف، و عمره مقبوله لـ أبوي و أخوي
اليوم وايد استانست من زمان عن طلعاتنا أنا و خواتي و بنت خالي
و خالتي. سحبنا زوجة خالي اللي بعمري، يا ربي شلون تستحي.

شوق لها فتره طويله تسأل ماما وين ((يمه))، ليش قاعده ابـ مصر
خلها تجي عدنا نبي نشوفها، عاد من شوي تقول حق ماما خلاص
عطيني رقمها أنا أحاجيها. قلبي يعورني ماما بروحها مشتاقتلها
تجي شوق كل حين تذكرها.

"اللهم اغفر لها وارحمها، وعافها واعف عنها، لقِّها الأمن والبشرى والكرامة والزلفى،
اللهم إن كانت محسنه فزد في حسناتها، وإن كانت مسيئه فتجاوز عن سيئاتها،
اللهم اغسلها بالماء والثلج والبرد، نقها من الخطايا كما ينقى الثوب الأبيض من الدنس،
أبدلها أهلاً خيراً من أهلها ، وداراً خيراً من دارها ، وجيراناً خيراً من جيرانها ، اللهم
لا تحرمنا أجرها، واغفر لنا ولها"

[شمعة أمل]

سكوووون
آسفه ماكان قصدي أسولف.. تعرفين المسلسل ماخذ قلبي ومخي وكل شي

وملاحظه: استانست عليج.. أول مشرفه تقولنا بطرشلنا رساله اذا بتمسح ردودنا.. شي حلو منج (f)






اليوم الأحد
المود هبله
الموضوع

صدق اني هبله.. اليوم مادري im so out of it .. كلمة مخرفه وهبله شويه عليـّه..حتى واحد وياي في الدوام زين ماطاح من كرسيه اليوم من كثر ما يضحك عليه:mad: ويهي عورنييييي.. انا ليش مستويه هبله
ارمس مها ربيعتي واقوللها اتوقع قلة الرقاد وال the day after weekend phase :4:

مستويه retard اليوم:birgits_giggle:


باجر يوم مهم .. الله يعطيني العقل والمخ لـ باجر قولو آمين

[حلم الطفوله]

اليوم ... بداية يوم يديد

المزاج ... منهد حيلي وراسي مفتر

الموضوع ... جدولي كان متعب اليوم بالمدرسه .... بس كله أقول لنفسي ... الحمد لله على كل حال

وطلعت من البيت قبل ما يبدأ مسلسل أبله نوره عشان سيرة السوق ( غصبا عني )

وتغصصت توني يوم شفت رد سكون على الموضوع

هالبنت عسل .... وقلبها أبيض ...وأسلوبها راقي ويانا

أباها تعذرنا بس ....ترانا من تنفتح سيرة رجال من ذاك الزمان .....ننسى نفسنا بالردود

وعاد من بيسكتنا أنا وتحفه وشمعه .... وكلمه اتير كلمتين ورد وراه ردود .....فلا تمسحين ردودنا ....

اعتبريها صفحه وسقطت سهوا ....المشرفين ما بينبشون برمضان ( يوم بتحصلونهم خبروني وإبئو آبلوني )

[مزن هتان]

اليوم: الثلاثا
المزاج: مستهمه

الموضوع
كلمت أبوي البارح الظهر، فديته ميهود !! أقوله شو فيك
يقول ماشي عشاني راقد بس ساعه. شايله همه
أخافه يتعب زود، ما كلمت أخوي أوصيه عليه. قلبي عورني
ماحب اسمع حسه و هو ميهود بصيح ولهانه عليه اقوله
ابااااه ناقصتنا شوفتك يرفع ضغطي اونه انا برد بعد العيد

اليوم بعد تناجرت مع أخوي، شال الصقور بسيارتي و السيتات
خاسن من الرشـ...، لين يردون بابا و الثاني حد فينا جاتل الثاني =)

لا بأس عليك ابااااه :fa41:

[الاسطوري]

وعاد من بيسكتنا أنا وتحفه وشمعه .... وكلمه اتير كلمتين ورد وراه ردود .....فلا تمسحين ردودنا ....

اعتبريها صفحه وسقطت سهوا ....المشرفين ما بينبشون برمضان ( يوم بتحصلونهم خبروني وإبئو آبلوني )



^
:h_daleel::b015::k_busted_cop::vampire::h_negab::k _santa_1::k_devil2::glare::h_qor9anah:

[المزوحي]

اليوم: الثلاثاء
المود:عادي


رقدت ع الساعه 3 تقريبا (الفجر) يالله عاد شو بيقومني حق الدوام، بغيت اصيح، يعني لازم نسير الساعه 8

قمت 7:30 ورديت رقدت مره ثانيه 20 دقيقه، المهم لين ماوصلت الداوم 8:30 وتميت في السياره ربع ساعه وخلاف

نزلت ...

السلام عليكم .... وردوا السلام

المزوحي ماله بارض، وماحب حد يكلمني يوم اكون جيه، لين ما اصحصح ...

بدينا بالشغل وأنا مبوز ( المفروض اكون نشيط .. رمضان كريم )

لين ماطاف الوقت ... وطلعنا من الدوام ورديت البيت ... ماشي مني مناك ...

تميت شويه ورقدت الظهر ... قمت 5 تميت لين ما أذن المغرب فطرنا (ولله الحمد)

وشويه سوالف .... وقهوه ..

ودخلت الواحات ....

اليوم بزور الوالد في المستشفى وعقب ماعرف وين بسير ....

[وحي القلم]

اليوم: الثلاثا

المزاج: ..

الموضوع:

افتشلت اليوم :k_no:

كان عندي شي مب فاهمتنه جان أطرش ايميل حق الاستاذ أسأله عنه

بس بالغلط طرشته للاستاذ الثاني

و اليوم رد عليّه يقول لي أنا وايد آسف ما فهمت سؤالج ممكن توضحين :fa46:

مادري ليش ساعات أحس اني ماروم أركز :doh:

[العجيبة]

اليوم : الثلاثاااء

المود : اممم ما أدري .. مب متأكدة منه


الموضوع :


اليوووووم نشيـت على صوت بابا وماااماااا > أححححح شو أحلى من هذاااا

بعد صلاة الفير ضبطت المنبه على 7:40 لان عندي محاضرة 8 بالضبط

7:20 تلفوني يسوي ززززززززززز ززززززز ززززز > كان هزاز خخخ

كااان بابااااا

وكلمني وهو حاط سبيكـر ... يعني هوو والمااماااا .... واستانسسست كتير كتيييييير

لانهم مشتاقيلي ويسألون عن اجازة العيد


والله ما أدري ليش للحين ما اعلنوا عن اجازة العيد .. وايد متحمسين يكملون دوامات الاسبوع الياي

اما انا اعلنوا ولا ما أعلنواااا ، ما بداوم أكثر عن يوم الاحد ... حتى لو ما حصلت حد يردني البلاد > طفرت والله

وهالاوادم اللي يبا يداوم للاثنين واللي يبون يكملون للثلاثاء > عنبووو ... عييد عيييييييد :/

المهم ما كملت رقاد .... استوت 7:45وانا في الكلاس > وهذا غير المعتاد ... امبوني لازززم عالتاااايم بالضبط

خلص الكلاس تسع وخمس ، وسرت عمادة التسجيل اسوي شغله صغيروونه

وعقب رديت السكن وكمللللت رقاااااااااد لين الساعة 1 > كاااان عجييييييييب

من كثر ما رقدت قمت وعيوني تدمع هع

صليت ووحدة ونص كان عندي لاب ....

سرت وطفـرت بالدكتووووووور واااااااايد ... الين ما آخر شي عصّب حبتين

هو أونه اذا وقف يطالع البنات يعني يبغي الجواب من البنات .... ويوم يكون جي ، كل البنااات يردن عليييه ... يعني تستوي زحمة إجابات

ويوم يطالع صوب الشباب لازم الجواب ايي من صوبهم ، لكن ما أدري كانوااا وااااايد مبلمين الشباب لدرجة انه لو واحد جاوب بييب جوااااب أبدا مب منطقي ولا حتى له خص لا بالعمليات الحسابية ولا بالقوانين العلمية خخخخ


انا ما كنت اجاوب وقت البنااات لانه فيه حد يجاوب بدالي ... بس خله ايي وقت الشباب وساكتين وساكتين وساكتين ... وهو يعيد السؤااال لين آخر شي أنا أجاووب

ههههههههه آخر شي ما ادري شو قااال .... لهجته الجزائرية طررررر ....


وواقفة له عالدقة ... يعني مثلا استوت مشكلة في البرنامج ... ونبا نحلهـا .... عطيته الحل اول ما قال المشكلة

جان يقول لا لا هالحل مب زين ... صحيح انه بيمشي الحين لكنه مب هو المطلوب

وتم يشرح ويشرح ويشرح الحل اللي عنده

آخر شي قلتله وانته ليش تعقد المسائل ونحن عندنا شيء أسهل وأسرع !!!

قالي انتي سوي اللي انا اقوله لانه هالحل ما بينفع دايما وما ادري شوووو

.... عقب شو اللي صار ... استوت مشكلة عن البنت اللي يالسة حذالي .... وزقرته انا يحل لها المشكلة لانها ما رضت تقتنع بحلي ... مع انه كان صح

اقوله هاي البنت عندها مشكلة .... قال وانتي شو فايدتج اهني خخخخخخ

هههه المهم طفـرته شووي ... وطلعت من هناااك الساعة 3 ورحت المكتبة عشان اتريا تستوي 4 عندي اجتماع


سرت المكتبة على اساس ادرس ، وهناك لقيت مجله ويلست اقرا المجلة بدال ما ادرس وطااااف الوقت


رحت الاجتمااااع، اجتماع جماعة التصوير خخخخ اونه مسويين ورش هالفصل ، بس ما بيدخلون حد هالورش الا بعد ما يسووله امتحان اجتياز+ يقدم 3 صور فنيـّة عالاقل قبل الامتحان

وعقب كنت معزومة على افطااار جمااااااعي

والحمدلله اووووووول فطوووووووور لذييييييييذ ومن الخاااااااااطر من بعد ما ييت الجامعة .....

فطرت واستانسـت .....

ورديت السكن

ودشيت الواحااات شوي ، وشوي اذاكر ، وشوي اشوف النت ... يعني هيك وهيك



وباجر عندي كويـز ... تعبت وانا ادرس له ، وآخر شي تعثرت عند مسألة وحدة طفـرتبي وانا عارفة انه اجابتها سخيفة :/



سي يو

[مزن هتان]

اليوم: صرنا بالاربعا
المزاج: مش ولا بد
الموضوع

نشيت البارح مستانسه انيه مبجره بالقعده 9 و نص، يوم اشوف
الساعه ثرها 12 و شوي o.O .
صليت طلعت أمر على خواتي رديت قريت شوي قرآن رديت رقدت 3 لين 5
واااايد أرقد هالايام، بعد الفطور جتنا ختيه مع عيالها أختي سلمت و دخلت
الغرفه كانت مشغوله و بنتها زعلانه يلست عند امي قالت لها يماااه
(أمنوه) << يدتها ام أبوها، دقت راسي بالسرير !! تخبلت أمي
قعدت تناجر ختيه اون جيه تهدين بنتج عدهم، أختي قالت لها مايخصني
هي و يدتها ما راح اتدخل.
ما تهون عليه عهود، الدمعه بعينها و هي تحاجي امي. دلوعة امي
يوم اليمعه الدم بيوصل لين الركب ظني بين أمي و يدتها لـ عهود.

[تحفه]

نتايج الغش العام :tongue:


















:4:
























http://oasis.bindubai.com/bin/uploaded/3281_11222211540.jpg (http://oasis.bindubai.com/bin)

[تحفه]

^مال العام لاتخافون محد فاطر p;

[مزن هتان]

اليوم: البارح، الاربعا
المزاج: كووووول

الموضوع

http://oasis.bindubai.com/bin/uploaded/447_01221959574.jpg

الأمور طيييييبه :fa44:

[مجموعة إنسان]

أمس الأربع ,

مستوي ما ارقد ابد ,,
رقدت 3 الفجر وقمت 8:10 اشوف التلفون وهو يشوفني
اانا اقوله ليش ما قعدتني وهو يقول ليش ما ترقد
بسرعه بسرعه غسلت ويهي ولبست كندورتي وحطيت الكااب الأزرق (اسمه كاب الأزمات ) . شغلت سيارتي وعلى طووول حرك حرك
ابوي طلع جدامي ,, يمشي شوي شوي
وانا متأخر
يااخي اسرع ,,
ما يسرع

وصلت لين الهاي وي ,, وما شافني بعدها

واتذكرت ان عندي واجب وما كتبته ,, عند كل إشارة اكتب شوي
وصلت الكلية بالوقت 8:55

داومت وخلصت ورجعت البيت ,, يوم وصلت ابوي دخل البيت ,, انا اقوله ليش ما تسرع وهو يقولي ليش تسرع
وناقشنا موضوع العصر العباسي والأموي وليش العباسيين كانوا يعتمدون على الفرس في حكمهم ومن هالسوالف
صليت العصر وحطيت راسي عسب ارقد

كان بخاطري ارقد بس الرقاد ماله خاطر ,,

لييييييين الساعه 5 وشوي
ما ياني رقاد ,, قمت وانا مسطل
امي تقول ليش ما رقدت ,, اقولها احب شو اسوي
قالت قم لا ادوسك الحين (بيت ما يقدرون الحب هههههههه)

سويت لهم حشره وشفت ابله نوره
(مسلسل ما يعرفون يمثلون
فيه ,, !!) ومافي هدف وكلهم يكرهون بعض

حطيت قناة الرأي
شفت محمد العوضي وشوي شوي يحطون الفطور وانا مسطططططططططططل
ابي ارقد وابي اكل

أذن

فطرت
صليت
شربت قهوة ,,

سرت الغرفه ,, سكرت اليتات وبطلت اللاب ,, كنت اشوف شي
وما حسيت اللا بالساعه 3 الفجر ,,

وقته عاااد
استغفر الله ما صليت العشا
صليت

دخلت المطبخ وتعشيت
ابوي دخل قال سو سحوور

والحين مصحصح

[شوق القلوب]

صباح الخميــــــس...

الساعه 7:07 الصبح..



رقادي معتفـــــس من حوالي سبع شهور.. و يمكن أكثر..!

أحس اني من زمـــــــــــــــــاااااا ااااااااااااااان ما رقدت مثل الناس.. سهر طول الليل.. ورقاد في النهار..

والله خاطري مره ارقد 11.. ولا 12..

..

اول امس كنت ناشه من وقت.. يعني مب راقده غير 3 ساعات.. المهم من استوت 9 في الليل كنت منتهيه وابا ارقد.. قلت فرصه اعدل رقادي.. غفلت من 10 لين 1:30.. و نشيت شبعانه..!! وكان الرقاد متقطع.. مثل الواحد اللي راقد في وقت غلط ..! و طبعا تميت لين عقب صلاه الفجر.. ورقدت..

امس..
من يت الساعه 3 حسيت انه فيني امل ارقد شوي.. رقدت و نشيت 4:15.. يا دوب الواحد يشرب ماي.. و عقب الصلاه قلت برقد.. وللاسف.. هالغفوه خربت كل شي.. و للحين مب طايع اييني رقاد..

..


حالتي صعبه :bye2:

[مجموعة إنسان]

نفس الحاااله شوووق

تقولين مكحل عيني بكحل فرعون
ههههههه

او حد عاطني بكس على عيني

[شوق القلوب]

عيل الله يعينك... وراك دوام ..!

[أنامل قلب]

^ كله ولا حالتي ،،
مستويه أواصل وما أنام إلا لمن أرد من الدوام =$

وماله داعي أوصف لكم جمال عيوني :tongue: ،،

/

خواتي ايه احبك + تحفه + شمعة أمل + حلم الطفوله ،،
بل بل بل كل هالكلام حقي ^^" //
بالعكس والله ما أبديت غير وجهة نظر وملاحظه =)


/

اليوم : بدون تحديد ..
المود : كالعاده .... !
الموزوع : خواطر يوميه -_- !

ـ إذا مافجيت عقده هالموقع عني بيستويبي شي ><" !
ـ استانست بطلعتي معاها وااااايــــــد ،، حتى كل ما أشوف اللعبه اللي مب طايعه تتعدل ،، أذكر الطلعه وأرد أبتسم !
صح إن ماحصلنا شي ناخذه ،، وكان ودي الصراحه ،، بس الحمدلله // حسيت خاطري انتعش لول ^^
ـ مادري ليش قيام الليل هالمره كان صدق صدق صدق غيــــــر ،، وكان ناقصنه وحده راحت عليها نومه ^^"
بس سبحان الله عليه صوت واسلوب بالترتيل ما شاء الله لا إله إلا الله ،، جي تحسون ابـ مناجاته لـ رب العالمين !
ـ مستخيره كمن مره ،، وللحين حاسه ان مالي رغبه أكمل + ميل كبيـــــــر لترك الجامعه // بس دعواتكم ..
مو عارفه كيف أفتح الموضوع مع الاهل ،، كل اللي أعرفه إني أتعامل مع الجامعه عساس إنها مجرد زيارات مؤقته !
ـ هممم ،، ماحب شي اسمه صريخ ! // صدق أتنرفز بـ شكل ما تتخيلونه ><"
ـ ان شاء الله ان شاء الله ان شاء الله ألحق أختم المصحف من الجزئية اللي ناويه أبدأ فيها !

/

.... { :k_special2: !

[بنت الدلع]

اليوم في النهار كان عادي
والظهر يا الهي كسسسسسسل غييير طبيعيييييي
من الملل بس جيه طايحه في الحجره ماعرف شو اسوي
المغرب ارتبش البيت وكلهم يو

فليل ظهرنا وشفت تحفه بس هيه ماشافتني لول
وتعشينا
وحسيت اني برجع من السلموووون من كثر ماكان ني
طلبت salmon slice sachimi
استغفر الله وااايد كااان نييييي وااايد وااااايد

ووو شو صار بعد
ماشي
والحين ماشالله ماشالله كلهم وااعين
حلوو جيه
اخوي + نسيبي يايين من الملعب كان عندهم طايره
والحين جيه يالسين في الصاله قوم ماما
والي يتسحر والي حاط ادعيه ... الخ
غريبه يعني واعين لين الحين


هيهيهي اليوم استوى شي حلو
كنت اطالع عمري في المنظره عقب قلت حق بابا
بسألك سؤال
وكنت جاده
قالي تفظلي
قلت: انا على منو طالعه حلوه ؟

هههههههه والله اني متفيجه
ورده علي كااان واااايد حلووو
جيه استغربت يعني
فديته والله ، الله يحفظه ويخليه على راسنا

===

+ ابااا اييب مخاااويري
بس ماداني اسير وسط المدينه من كثر الزحمه ما استحمل
افر كل شي على خواتي
الحمدلله اني انا اصغر وحده في البيت
اكبببببر نعععمه والله

شكرا يا إلهي

[أنامل قلب]

/

اليوم : كنا بالجمعه ودخلنا السبت !
المود : .... وااااااايد !
الموضوع :

أكره عمري لمن أضيع وقتي ابـ هذا الشكل ،،
مادري هو عناد ولا احباط ولا كسل ولا ضيجه ولا .... ولا شو !

بخاطري أرسم ~ !

.. .

[تحفه]

اليوم في النهار كان عادي
والظهر يا الهي كسسسسسسل غييير طبيعيييييي
من الملل بس جيه طايحه في الحجره ماعرف شو اسوي
المغرب ارتبش البيت وكلهم يو

فليل ظهرنا وشفت تحفه بس هيه ماشافتني لول
وتعشينا
وحسيت اني برجع من السلموووون من كثر ماكان ني
طلبت salmon slice sachimi
استغفر الله وااايد كااان نييييي وااايد وااااايد

ووو شو صار بعد
ماشي
والحين ماشالله ماشالله كلهم وااعين
حلوو جيه
اخوي + نسيبي يايين من الملعب كان عندهم طايره
والحين جيه يالسين في الصاله قوم ماما
والي يتسحر والي حاط ادعيه ... الخ
غريبه يعني واعين لين الحين


هيهيهي اليوم استوى شي حلو
كنت اطالع عمري في المنظره عقب قلت حق بابا
بسألك سؤال
وكنت جاده
قالي تفظلي
قلت: انا على منو طالعه حلوه ؟

هههههههه والله اني متفيجه
ورده علي كااان واااايد حلووو
جيه استغربت يعني
فديته والله ، الله يحفظه ويخليه على راسنا

===

+ ابااا اييب مخاااويري
بس ماداني اسير وسط المدينه من كثر الزحمه ما استحمل
افر كل شي على خواتي
الحمدلله اني انا اصغر وحده في البيت
اكبببببر نعععمه والله

شكرا يا إلهي



فرصه سعيده لول :12:



اليوم:
نشيت حق الفطور على اذان المغرب :k_shock_1: مغيضه ومتضايجه لان رقادي مــــــــــــــخـــترب :3:

اكككككره شي يوم اليوم كله يطوف عليكم وانتوا رقود اففف مب قادره اعدله :fa55:

[مجموعة إنسان]

السبت ,

طبعا قعدوني للسحور غصب ,,
قمت وتسحرت
بعد الصلاة رقدت قمت 8
شووو بسوي شو بسوي ,,, مافي شي
شليت كيمرتي وسرت داخل بوظبي ,,
اول شي سرت اخذتلي تلفوون ( هدية من أختي)
عقب سرت اخذتلي فلاش للكيمرا
ورجعت البيت 11:30 ورقدت
ماعرف متى قمت 4:30 او 4:45

اتريا الفطوووور وانا يوعااااااان
فطرنا وخلصنا
وسرت القهوة ,, لييين صلاة العشا
صليت ورجعت البيت مافي شي لين ما بدا باب الحارة تعشيت وانا اشوف باب الحارة
والحين بنخمد لان وراي امتحان تحديد مستوى باجر
هو بس جذي بمتحن ,, وبشوف الإمتيازات عقب

[مزن هتان]

اليوم : من بداية ارمضان
المزاج: مستانسه، ضايجه، حايره، خايفه وااايد غيرهم
الموضوع

أقول عن نفسي قويه و ما الا ذلك و بالاخير و على أقل شي :fa43: <<< حرررريم
مغيضه من ناس و افج الضيجه في أخوي.
فديت الفهدي مايهون عليه بس مو بيدي
واااايد أشيا أبي أظهرها بس خلوا اللي بالقلب بالقلب
وع ع ع ع ع، ما أحب أشوف نفسي ضعيفه نفس اليوم
أبيّ أسوي شي بس ماني قادره

" لا إله إلا الله وحده لا شريك له،
له الملك و له الحمد و هو على كل شيء قدير "

:bye2:

[بنت الدلع]

اليوم: السبت "امس"

رقدت رقااااااااااااد
لين الساااعه 3 ونص الظهر !!!
مووول ماحسيت بعمري
اخر شي ماما دخلت علي وقالت لي مب بس من الرقااد ؟!!
نشي خلص الرقااد لول
عقب يلست ويا هلي شفنا ابله نوره
وبعد الفطور سرت ويا مرت اخويا عسب تخبق اذن بنتها
و i was going to pierce my nose
فجأه دشششش في خاااااطري
ويوم سرت الاخصائيه قالت انا ما اسوي
قالت اذا التهب ابداان ماله علاج لا مضاد حيوي ولا بطيخ
والخشم لازم ينشل !!
موتتني من الزياااغ
وتميت مبوزه لول
اخر شي قالت حطي من هذيل الـ glue احسن واظمن =(
ماحبها


وفلييييييل ياااابو مخاااااويييري ^___^

[مــهــابه]

اليــوم :

~ الأحــد



المزاج :

مش ولا بـد


الموضوع :

تَـعب

والله شغل البيت تـَعب ، وخاصه فـ رمضان وجريب العـيد ، 2 من البشاكير روحن ، الطباخه واختها وصفينا عـ 1

مووول مب وقتهم والله:k_no:

طبعـاً انا اعـرف شو اللي بيخلونه عليَه ( الطباخ ) ، موعيني من رقادي ، عسب اسوي صالونه الثـريد

تغيضت منهم خربوا عليه رقادي ، جان اكمل رقـاد يلييين 3 ونص

كل شي يبونه فـ وقت واحد ، روحي اطبخي ، روحي السوق خلصـي أغراض خواتج :a046:

طبعـاً انا للحين مب مخلصه أغراضي كـ العـاده


عـباتي فـ العين ، وكـنَـا مخططين انسير اليوم عقب الفطور نيبها ، بس مرض ولد ختيه واتكنسلت السيره
والحين اتـرياه يطرشهـا عن طريق الأمبوست

ومخـورتي بـعد ماشفتها للحين ، ودوها يفصلونها


امس رحت خذت لي تنورتين بلا قمصان ، وخذت لي جوتي ..

والحين أتـريـا الأفندم يفضـى لي عسب آروح اكمل باجي الأغراض

المشكله السـوق زحمممممممه ، وانا ماحب جيه ، ما اخذ راحتي

وخويه ييلس يحتشر عليَه ، عاد انا مول ماعـرف اعـاند

يعني عـادي عــندي ايلس فالبيت مب مخلصه شي ، ولا انه حد ييلس يعصـب عليَه:3:


وبس


~ من بـوح الخـاطر :


لا معـك ينفع " عـتاب " / ولا [ ملام ] . .
وين آســافر عـن عذابك ؟ / وين آروح ؟

[أنامل قلب]

:

اليوم : أظن السبت ،، ولا الأحد !
المود : .... ~
الموضوع :

من بعد صلاة الفير تميت قاعده إلين الساعه 8 عـ موقع يوتيوب أقلب بالملفات الكريمه ..
وايد انصدمت ابـ شغلات شفتها ،، اللي كانت متحجبه وشلت عنها الحجاب واللي يجحد ابـ كتاب الله ..

وايد وايد وايد انصدمت ،، خاصه إن التعليقات تزيد الطين بله بدل لا تداويهم من علل ..
حسيت إني ماعرف شي ولا أبي أعرف شي + رجعتلي حالة التعب وانا اللي روحي مب ناقصه أرق ..

بس عقبها لقيت ملفات اسعدتني جدا ،، لأخوانا المشايخ محمد العريفي / مشاري العفاسي وغيرهم !
ريحوني أراح ربي قلوبهم ونفوسهم مما يهمهم ،، كما جعلهم ممن كتب لهم طيب المنزل بغير حساب ..

/

هدانا الرحمن جميعا ،، ووفقنا لما يحبه ويرضاه ..
كما بارك لنا بكل أمرنا يــــــــارب ~

... .

[شمعة أمل]

اليوم الاثنين

الموضوع:

مرات الواحد يمر بظروف

ويكرهه كل شي

ويظارب كلحد

بس فجأه

بدون انذار

يستويله شي واحد حلو

وفي حياتي أنا

هالشي

عباره عن كيـس عند الباب


وشو محتوى هالكيـس؟؟

































http://oasis.bindubai.com/bin/uploaded/2373_01222688835.jpg (http://oasis.bindubai.com/bin)

الحين منو مايروم يوّد عمره من انه يبتسم ويحضن الكرتون وينقز؟؟







بس تبـون الـ bad news ؟
اليوم آخر حلقة!!
بس شي 29 حلقة في الكرتون :( للأسف

[مجموعة إنسان]

ههههههههه
شمعوووو الحييييين بيضاربووون معاااااااااااج ههههه

[ايه احبك]

المهم ازوجوا فهد والهنوف
اه ه ه ه ه
يا دير يا ديري
يا اني تعبانه
انا طول السنه بخير وصحه وعافيه الحمدلله وما شالله عن احسد عمري بعد
بس خله يقرب اي عيد اي عيد لا زم قبله بكمن يوم امرض وواتعب وانهد والله مب قادره افرح بالعيد حتى الصالون ما رحته
استغفر الله
تعبانه ولايعه جبدي من كل شي شي شي
العيد الياي ما بشتري شي ولا بتزهب لنه اعرف اني بطيح في البيت =(
اه ابي فكس

[قصايد غلا]

اليوم : أول يوم العيد :fa52:


المود : تعبااااااااااانة و ميهودة =(


شو هذاااااا ؟ .. من أصبحت و أنا أتناااااااااااافض ، بعدني ما تهنّيت بالعيييييد

يعني ما مرضت في الإجازة

لكن ما أقول غير الحمدلله ، يبقى المرض نعمة من الله لأنه فيه تكفير الذنوب :k_smile2:


أنا أخس عنج إيه أحبك ، والله ما رقدت غير 4 ساعات:fa48:

[مــهــابه]

يحليلكم ..
ماتسـتاهلون والله !
مـب حلو يوم تمرضين بالعــيد ..

اليـوم :

~ أول أيـام عيد الفـطر

المزاج :

رايقـه

الموضوع :


~ مستويه ينية القايله اليوم ، اللي فـالبيت كلهم رقـود ، إلا أنـا :fa56:! ..
مـوعيني من صباح الله خير ، الساعه 5.45
اللي يباني اييب له الدهن عـود ، ولي يدور العـود ، واللي واللي ..
والله اني انكرفـت كراف اليـوم !
من زود ما انا مسطلة ، كنت بحرق وزار خويه ( حليله ) . .
رقـدت السـاعه 8 ونص تقريبـاً ، عسب جيه لا سلمت على حد ولا حد سلم عليَه
ومن زود التعـب رقدت بالمخـور مالـتيه !:fa46:

وللحين ماتصلت بـ صديقـاتي ، بس طرشـت واتصلت للـvip:4: وعقب حطيته سايلنت ورقدت


يـادوب سلمت على امايه وابويه واخواني بس!
وعـقب يـوني عيال ختيه ، وجان يطير الرقـآد
تغـدوا كلهم عـندنا ، سولفـنا وضحكــنا ، واخويه يايب لنا " ربوع " يعيدنا بهـن !
قلـت له : آسفـه ..
بـوكي مايسـتقبل أقـل من 100 درهم
والحين ملانه ، وتامه الروحي ، كل حد راقد ، رغم اني مارقدت وايد جريب الـ 3 سـاعات بس من أمس
بس احس اني شبعــانه !

خـلاف بليييـل بـآخذ لفـه ع العـايله بسلم عليهم وجيه ...


وباجر ان شاء الله ناوين نطلع بــر:fa42:




~ كـان عـيد الناس بـ " الثوب الجـديد "
أنـا لاشفـته أكــون [ معيده . .


كــل " عـام " وانتــو بخيييـر:fa41:

[أنامل قلب]

/

اليوم : بتكلم عن أيام العيد ،
الود : لازال على حاله ~ !
الموضوع :

هذا العيد أغلب المعايدين لي من صديقاتي اكتفو بالرسائل وانا للأسف بادلتهم بالمثل ،،
استغربت من البعض ممن اكتفى بـ لاشيء ،، ولو إن ما ينلامون بما إني مقصره معاهم .. . !

+ اللي حاجيتهم 2 بـــــــــس // تخيلو ؟!

هممم ،، متعودين عدنا على هالنظام بالعيدين ،، من أكثر عن الـ 20 سنه ..
أول يوم اللمة تكون عدنا ،، والاهل إيونا من الظهر إلين الليل ،،
+ ثاني يوم نسير كلنا بيت قوم عمي ^^

أما ثالث يوم فـ كل مره شكل ،، وعادة يكون بالبيت لول !

/

بيني وبينكم ،، كان شكلي غلط من الخاطر هالعيد ،، مخبصه بزياده ..
بس لـ سبب أجهله حبيته ،، صدق مادري ليش !

إي صح وقبل لا أنسى ،، كان بخاطري أييب اختي العجيبه أراويها شعري بأول يوم كيف كان لول ..
لا تسئلون ليش بس عباره قالتها مره ههه P=

وووووو ثاني يوم لمن كنا بيت قوم عمي ،، كالعاده لازم أرقد بدار عمي عندهم لول ..
المهم بس وايد وايد وايد استانست مع الصغاريه وبالأخـــــص لطوف ،،
سوتلي حركه حلوه حفظهم الرحمن جميعا ..

جي كنت نايمه وإهي بحضني "5 سنوات" نسولف ! // راسها عـ جتفي وتلعب بيدي الثانيه ،،
أقولها لطوف بردااااااانه وااااايد ! // وووو مالحقت أكمل الجمله إلا و جفتها احلييييلها شو سوت ،،
جي قبضت ذراعي وقعدت تحكك فيه وتحضنه وإهي تقول : بردانه ،، ماعليه بخلي البرد يروح ~ !

ياربي فديتها ،، حسيت إني .... !

+ مع إني مش مثل اختي اللي دوووووم تلعب اليهال ومعروفه عند الكل بزود ما تلعبهم ما شاء الله ..
حتى كلهم بالعاده من يشوفونها يسيرولها وجي ،، يعني عادي مثلا تقعد تلعبهم 24 عالـ 24 !

بس أنا فيني طبع إني لمن يقعدون عندي أحب أبين لهم اهتمامي ،،
يعني تعرفون كيف البعض يحب يسولف وجي // ويازينها مواضيعهم ~ !

فـ هممم ،، وقتها ماحب إلا إني أسمعلهم وأناقشهم ولو ماكنت بالمود أحيانا لول ..
أحس مادري غلط إن نردهم ،، ومن هذا الباب ألاقي البعض من إيي عندي ياخذ راحته !
بس شوفوهم لمن يتحمســــــــــــووون ههه ^^"

+ صارتلي وايد شغلات وتفاصيل طيبه هذا العيد ،،

+ ربي لا يحرمني منهم ~ !

/

[مزن هتان]

اليوم : أنا بعد بتكلم عن أيام العيد
المزاج : الحمدلله عـ كل حال
الموضوع

أول يوم الصبح جانا ريل أختي و ولده
عمامي، مرت عمي الله يرحمه و عيالها
الضحى جتنا أختي و بنتها عقب طلعنا لبيت أبو أبوي
و عقب بيت أبو أمي لين المغرب رحنا عند بنات عم أمي
ردينا البيت

اليوم الثاني العصر طلعنا الصغاريه نلعبهم تعشينا و ردينا
10 المسا انا و 2 من خواتي رحنا فستيفال ردينا 11 و نص
شفنا صابر الرباعي :Oo:

البارحه طلعنا العصر رحنا امرتس مول أنا خواتي + ولد خالي عمره 10 س
زحمه من الخاطر، دخلنا سكي دبي تكسرنا :icecream: و طلعنا تعشينا و ردينا البيت

اليوم بعد يمكن نطلع
اول عيد يمر علينا و ما نروح (العين)

[أنامل قلب]

/

اليوم : دخلنا بالـ أحد =(
المود : .... والله !
الموضوع :

أخاف أسير الدكتور عشان عيوني مره ثانيه ،،
آخر مره الدوا ما نفع وسوالي عمليه طلعت فيها روحي ولو كانت عقولتهم بسيطه ..
صدق صدق يده كانت ثقيـــــــــله ،، سامحه الله // حتى ماخلو ماماتي تدخل معاي :surrender: ..
والدكتور الثاني "يايبينه مترجم بالمسشتى الايراني" رفعلي ضغطي ،،
كل ما أبي أبعد يد الدكتور ينزلها اونه اصبري اصبري ="(
حتى حطولي شي يثبتلي عيوني عشان لا ارمش ولا افتحها ،،
+ هذا روحه عواره غير + غير الخياطه عقب ="(

/

اونهم حاطيلي بنج بعد ،، والله ولا كأن ،، مافيني حتى انقلكم احساسي وقت العمليه ..
ولا أقدر أشبه لكم ألم العمليه باللي قلته للقراب مني وقتها // بتفروني ابـ شي =$

كلما أذكر شكلي بعد العمليه وكيف كانت عيوني ،،
اااخ تقولون أحد ضاربني بكس والجفن السفلي بكبره نازل ومحمـــــــر ..
أحيد بالمدرسه "بالثنويه العامه" كنت لازم ساعه معينه اظهر اشل الشاش الابيض اطهرها واحط القطره ..
+ كانت دموعه اتي معاي احيانا وانا ماكنت أحب ،، اونه لا تشوفين عيني صدي الصوب الثاني لول P=
+ وايد كانت تلعوزني ،، اونه كمن مره اقولج لا تحطين كحل ><"

بس وناسه لمن اتصلت فيني ابلة العربي "اللي درستنا اول ثنوي" لمن وصلها الخبر وإهي بالعين خخخ ..
انصدمت الصراحه كيف وصلها مادري =$

وابلة الدين زعلت من صديقتي اونه كيف ماتقوليلي ان انامل قلب سوت عمليه =#
وووبنات ماعرفهم ايوني يقولولي سلامات ههه !

+ اذكر موقف ابلة العربي حبيبة قلبي ،،
اللي كانت تدرسنا بالثنويه العامه لمن شافتني واهمه حاطيلي قطن هالكبر لول ..
بس لو أروم أنقلكم شكلها ،، ربي يذكرها بالخير .. . !

المهم بعدها حرمت أسير مره ثانيه ،، والحمدلله بعد كمن شهر زال الأثر تمـــــــاااااما ،،
عشان إيني التهاب ثاني بعيني الثانيه ويقعدون يلحون علي مره ثانيه عشان اراجع الدكتور ..
بس صدق مادري شو سالفة عيوني !

مـــــــــابي اسير والله ،، والا اللي تقولي روحي عند الشيخ يقرا على عيونج هههه استغفر الله ..
احتمال بس آخذلي دوا ،، والله يستر بس // ان شاء الله يخوز من غير عمليه ،،

لأني باختصار ما بسويها ولو حلفولي ان بيسوولي بنج كامل XP
والله قصو علي هييج المره ،، اونه والله العمليه بسيطه وما بتحسين ابـ شي :3: !

/

الصراحه عقدتني هالاخصائيه !
مع انها حسستني بإن عيوني شي لول ،، بس لا صدق وربي احباط ..
كل شوي تقولي عينج ملتهبه ،، وعينج تتحسس بسرعه ،، عينج وايد الدمع ،، عينج وعينج !
حتى الرمش ما خلته بحاله // اونه حاطه رموش صناعيه =$

/

ادعــــــــــوووووولي :surrender: ،

.. .

[صريح]

اصبحنا و اصبح الملك لله
:laugh:

[تحفه]

موااااااااصله .... اكره شعووور فالعالمممم


رقاااااادي مخترب من ارمضان واشرب تروبيكانا سليم يممم من زمان ماتريقت حق الدوامات ... افكر اطنش الجامعه واقعد اشوف موفي

[مجموعة إنسان]

اليووووم

طلعت من البيت 7:15
وصلت الكلية 7:55
مستويه مشكله في الكلية والدكتور حضر ورااح

الساعه 12 كان عدنا امتحان
خلصت 12:33 ورجعت البيت
واتريااا الغدااااااااااااااااااا

[مزن هتان]

اليوم : من فتره
المزاج : مقهوره من نفسي :k_icon28:

الموضوع
صايره نسايه، وايد أنسى مليون مره ناسيه مبايلي فـ رمضان
ما خليت لا محل و الا جمعيه فدبي الا و انا ناسيه المبايل
و مره طالعه مع ابوي نزلنا جمعيه بالشارجه نسيت مبايلي
على وحده من الرفوف خذت لفه كامله عقب ذكرت لقيته عند الكاشير
شله بابا و حطه بمخبا دشداشته XD
و بداية ارمضان ضيعت محفظتي و لين اليوم ما لقيتها ظهرت عن كل البطايق
الا ليسني و sim card، كلش ما اتفيج zZzZzZ
لازم انسى شي يوميا، اطلع على اساس اقضي كم شغله ارد البيت لازم
اتناجر لأني اذكر نسيت اسوي شي و الا شيئين
فضيييييييعه، البال مشغول :k_sadwalk:

[تحفه]

اليوم .. يعني اقصد امس p;

كنت سايره الجامعه مواصله

كلاسي يبتدي 10 بس انا كنت امشي على اقل من مهلي " مداومه بالغصب "
وصلت 10:30 وكانو البنات يطلعون .. الاستاذ ناسي الكلاس " يحـــليــــــله " >.>
ماكان عندي شي اسويه سرت يلست وي ربيعتي نسولف .. بعد ساعه خلصو ربعنا كلساتهم وتيمعنا سوااااااالف بعد رمضان ووجييه
الساعه 12: سرنا تغدينا ليييييين 1وربع قوموني ربعي بالغصب عشان الحق على كلاسي وانا اقولهم بعد شوي لول
يوم وصلت الكلاس طلع كلاس مب مهم بس جي يالسين وانا خلاص جبدي لاعت من السالفه اففف سرت الجامعه علفاضي


الساعه 3 رجعت البيت
الساعه 5 رقدت
الساعه 12 وربع نشيت شبعانه رقاد والحين علنت ...... اتريا كلاسي يبتدي كلاسي 8 اليوم

والله اداوم بالغصب


الجامعه ملللللل لاعت جبدي ابي اتخرج T,T

[ذنـيـنـي]

اليوم: الأربعاء
الساعة 7 و 25 ديقة بتوقيت لابتوبي

المود: مستانس


البارحه كان عندنا تصوير في الاستوديو و رجعت البيت متأخر و وااااااااااااااااااايد تعبان
فـ رقدت و نشيت قبل شوي و دوامي اصلا يبدأ الساعة 7
فـ قلت بما اني متأخر و أمس بعد متأخر بسبب الحادث الغبي الي على شارع الذيد اليوم ما بداوم لأني ما ابغي اسمع كلام ما احبه من مديري مثل - ليش متأخر و انته من بدأ الاسبوع و انته تتأخر و و و و

قررت اني ايلس في البيت و باخذ عن اليوم اجازة عارضه او "اضطرارية"
و بالمره اريح شوي و افك عمري من حشرته

[شمعة أمل]

اليوم الخميـس
المود الحمدالله
الموضوع:


بدينا جامعه هالإسبوع.. واليوم كان حلووو 3>.. أول مره أطلع من كلاس وأحس انه وااو بمعنى الكلمة! .. وايد استانسنا وضحكنا في الكلاس.. صدق انه نحن (قروبي) وايييد self-centered .. كل مايسألونا سؤال.. نرده على نفسـنا..
مثلاً كانت المدرسه تسألنا شو تتوقعون من الكلاس وشو الأشياء الى مب متأكدين منها..
كلهــــــم تمو يرمسون عن الاشياء الى بناخذها في الكلاس.. وانا ربيعاتي العكـس..
صدق ويههنا لوح
قلنا للمدرسه
- نحن نتوقع منج ماتتأخرين على الكلاسات
- نحن نتوقع منج اطرشيلنا ايميل او مسج او تخبرينا على قل يومين قبل اذا بتكنسـلين كلاس.. حرام نحن نصك درب لـ ساعه ولا ساعتين ويطلع الكلاس كانسلد <<< اخ جذب... أبعد وحده فينا تعيـش 20 دقيقه من الجامعه:tongue:
- نحن نبا نستانس في كلاساتج.. فـ مانبا كلاسات ممله

وشو الاأشياء الى مب متأكدين منها
- يوم تقوليـن theatre & drama هل هالشي معناته انه لازم نمثّل؟:shutup:







الشي البايخ والى يضحك والى ماروم أصدق انه هالشي استوالي وكيف استوالي
لازم أمثّل مادري أكون في مسرحية في كل كلاساتي الا واحد:a068::crazy: لا بعد 30% مادري 40% من علامتي النهائية:hysterical:




والشي الثاني
لازم اسويلي CV .. ماعرف كيف اكتب CV .. آخر مره كتبت CV كنت في المدرسه O_o ولازم أطرشه اليوم!!


وثالث شي
حلو يوم الشخص يكون مشغول طول الوقت... وخصوصًا يوم يحب هالأشياء وفيها خير للناس .. شعور جمييييييل


ورابع شي
حلم الطفووووله تولهت عليج هالكثثثثثثثثثثثثثثثثثثثثث ثثثثثثثثثثثثثثثثثثثثثثثثث ثثثثثثثثثر 3>











أحس اني وايد نقعت >_<

[حلم الطفوله]

أويييييييييييييه !!! منو قدي .... شمعتي متوله علييييييييييييييييه :9:

وانا أكثرررررررررررررررررررررر رررررررررررررررررررررررر يا أرق شمعه بالعالم:12:

اليوم: الخميس

المزاج : فجأه تعكر بفعل فاعل مفلوع بطابوقه أم طابقين :crazy:

الموضوع الأول :الله يهدي إلي عكرت مزاجي اليوم

والموضوع الثاني إني قررت أغير كل شيء بغرفتي ....من صبغ لستايرلترتيب الأثاث نفسه !!!

أبا أصبغ بألوان تفتح النفس !!! ومحتاره شو أختار

[وحي القلم]

حلم الطفوله.. أنا شايفه وول بيبر امخبلبي :14:

حتى أقول لهم يوم بيي الوقت اللى لازم أغير فيه حجرتي بحط هاللون :tongue:

هو مب أزرق أزرق.. شوي راد على التركوازي

شفته فالكتلوج و امدخلين وياه أبيض.. حاطينه على يدار واحد بس و الباقي صبغ أنه وول بيبر أبيض عشان يكسر اللون

[وحي القلم]

الصراحه عقدتني هالاخصائيه !
مع انها حسستني بإن عيوني شي لول ،، بس لا صدق وربي احباط ..
كل شوي تقولي عينج ملتهبه ،، وعينج تتحسس بسرعه ،، عينج وايد الدمع ،، عينج وعينج !
حتى الرمش ما خلته بحاله // اونه حاطه رموش صناعيه =$

/

ادعــــــــــوووووولي :surrender: ،

.. .

الله يعينج

اقري على عمرج كل يوم إذا جيه السالفه :boxed:

[مزن هتان]

اليوم : الويكند
المزاج : HaPpY

الموضوع : أجواء هنديه

يوم الخميس كنت طفشانه، قلت راح اصلي و انام. صليت عقب سمعت
امي تقول بنتعشى برع و انااا اقولهم مابي :fa48:
1- تعشينا ابـ قصر الهند على راي امي، شربت عدهم كرك بعد العشا
2- ردينا 11 و نص، شفنا فلم هندي
3- يوم اليمعه طلعنا العصر
4- ردينا البيت 11 شفنا فلم هندي، من زمان ما صحت عـ فلم هندي :fa43:
خلصت الفلم الهندي دهنت شعري غديت سيلانيه و رقدت !!

[العجيبة]

^^ هههه كله هندي في هندي





إي صح وقبل لا أنسى ،، كان بخاطري أييب اختي العجيبه أراويها شعري بأول يوم كيف كان لول ..
لا تسئلون ليش بس عباره قالتها مره ههه P=


أوه !! ليش ؟ شو قلت انا ؟!!!

[ملاك الروووح]

اليوم : الويكند
المزاج : HaPpY
الموضوع : أجواء هنديه
يوم الخميس كنت طفشانه، قلت راح اصلي و انام. صليت عقب سمعت
امي تقول بنتعشى برع و انااا اقولهم مابي :fa48:
1- تعشينا ابـ قصر الهند على راي امي، شربت عدهم كرك بعد العشا
2- ردينا 11 و نص، شفنا فلم هندي
3- يوم اليمعه طلعنا العصر
4- ردينا البيت 11 شفنا فلم هندي، من زمان ما صحت عـ فلم هندي :fa43:
خلصت الفلم الهندي دهنت شعري غديت سيلانيه و رقدت !!



:hysterical::hysterical::hysterical::hysterical::h ysterical::hysterical::hysterical::hysterical::hys terical:

:hysterical::hysterical::hysterical::hysterical::h ysterical::hysterical::hysterical::hysterical:

:hysterical::hysterical::hysterical::hysterical::h ysterical::hysterical::hysterical:

:hysterical::hysterical::hysterical::hysterical::h ysterical::hysterical:

:hysterical::hysterical::hysterical::hysterical::h ysterical:

:hysterical::hysterical::hysterical::hysterical:

:hysterical::hysterical::hysterical:

:hysterical::hysterical:

:hysterical:

اااااااااااااااااااخ مب قادره والله

ضحكت من خاطري على هالرد !!

[ملاك الروووح]

i Miss U @ll Guyyyyyyyyyyyyyyyyyyyyz !!

:fa35:

:

وايد واحشتني الواحات .. وهلها :fa41:

[مزن هتان]

العجيبة & ملوووكه
عساها دوم الضحكه :fa35:

ملوكه
و أنتي و حشتينا كذلك
ردي :heart:

[مجموعة إنسان]

اليوم السبت ,,



مافي شي ابد ابد ابد

قاعد في البيت ما طلعت .,,
وأمس نفس الحالة

[ذنـيـنـي]

اليوم الاربعاء

الحالة مزجم و محموم =(

اليوم الصبح سرت العياده على اساس اني بعالج عن الزجمه
و طلعت من المستشفى و انا مسوي جراحة في الظهر :fa52:



من عقب ما فحصني الدكتور و عطاني علاج الزجمة
قلتله دكتور طالعلي شي في ظهري،، قالي خلني اشوفه
راويته ظهري و طلع كيس دهني قديييييم بس انا ما كنت حاس فيه :k_puppyeyes:
و طبعا الكيس الدهني ما ينشل الا بجراحة :fa39:

على طول قالي ها بتسوي الجراحة الحين ؟ لأنه الدكتور موجود و ما وصلته حالات الين الحين
قلتله شورك و هداية الله دام انه طبيب الجراحة موجود و ما عنده حالات اليوم :9:


من سرت عند طبيب الجراحه ما سوالي 1 2
قالي يالله عق كندورتك و سير هالغرفة لول

صمني بابره بنج موضعي و قصصلي ظهري و طلعلي شي عجيب منه !! :k_puppyeyes:
تصدقون اني ما كنت حاس بالكيس هذا لأنه في مكان سخيف ما اقدر اوصله بايدي لول :9:
الحمدلله افتكيت منه و رديت البيت و قبل شوي ناش لأنه البنج حتى لو كان موضعي,, عقب فتره يأثر على باقي الجسم و يسبب النعاس :fa48:

[الـيـاه]

^
OMG! :boxed: ما اتخيييييييييييل! اسير عند الدكتور لـ زجام و ويقولون لي يالله عمليه ..
ألف الحمدالله ع سلامتك ناصـر وماتجوف شـر :fa54:

[هزاايم]

^^^^ واايد استانست يوم شفت الدياري

تونسي يا حرمه,,, الله يحفظج

ذنيني لوول تغمض يا ريال,, سلامات


اليوم: الأربعا
الحدث: وصلت الجامعه ب 5 دقايق o.0
هل كيف مدري؟؟

و الحدث الثاني: شماسي عندها املاء باجر
النتيجه المتوقعه: ماراح تكتب شي
السبب:
1- اختها"اللي هي انا=q" قرت الورقه بس طوفتها لأن انا ما كنت احب الاملاء في الابتدائيه,, حق ليش اعقدها
2- اشوف الورقه طايحه في بيتنا وهي توكلت على بيتهم=q

التوقعات ليوم غد:
1- بتصيح في المدرسه,,, و هي الصياحه عندها هوايه و تبدع فيها
2- بقعد اضحك عليها من اصبح لين ما التقي بهم
3- بحصل لي هزبه محترمه من اختنا العوده
4- الجبيله كلها بتكون في صفي,,لان محد يدري عن الاملاء غيري و انا ماراح انطق,,ف يووم بيخبرووني انها صاحت بضحك و الضحك ببلاش=q و لو قروا الورقه، بيكون فات الفوت


لووول متحمسه ,,انقضت شماسي من التعب نياهاهاهاهاها
والله احساس بالمساعده احساس لا يوووصف الصرااحه

[مايهزك ريح]

^
هزايم .. ما احيدج شريره .. حرام غمظتني الصغيرونه .. !

ناصر سلامات ما اتشوف شر .. !


متملل .. ابا ارد حجرتي بأسرع وقت ..
البارحه خلصوا تركيب الجرانيت .. وان شاء الله بالسبت بيبدون الصبغ ..
صدق متبهدل اغراضي متنثره بين حجرتين >_<

[مــهــابه]

^
مايـهزك ريح :

احس بشعـورك ، قـد جربته من قبل ، خاصه يوم حطيت الجرانيت ولا الصبغ والأثاث يهون ، واحس اني جـني لآجئه فـ البيت


ذنيني :

الحمدلله عـ السلامه



~ اليوم :


الخميـس واللي مايطلـع شو ؟




المزاج :


مسـتآنسه ولله الحمـد


الموضوع :


~ لا حـرمني الله من " غلآكم " ومنكم !
والله يبعد [ ضيق الآيام ] عـنكم




~ لعبت وايد ، وضحكت وايد . .


هـلي جنه من دهر مب شآيفني مب جنه من اسبوعين لوول




لعبت مع عيآل ختيه وايد ، عـبودي يقول لي :

~ ما احبج ، انا ايي بيتكم ادورج انتي فـ ( اليـامعه ) عآد هذا عرج البدو ناط عنه بزيآده مايقول جامعه :P


آونه انتي كله تخيلنا وتروحين عنـآ ..

مممم لعبت معآه كوره جآن يرضـى ، واخته تبآ توديني الروضه مالتهم ، في وحده ضآربتنها ( جني محامي الدفاع آنـا )


طبعـاً

بـعد حشره ، وضرآبه ، ختيه خلتهم يرقدون عنديه ، يعـني اللعب بيستمر لتآلي الليل


بغض النظر اني تضآيجت شويه ع الظهر أو العصر جيه ، ويتني الغبنه ، آول مره يكلموني بهالطريقه ، صدق صدق اسـتغربت

مـآكنت أتوقع اني أهـون

[قصايد غلا]

سلامات ذنيني ، ما تشوف شر ياخويه

الله يعينك ، ساير عن شي وطالع بجراحة :fa52:



====================================



اليوم : بتكلم عن أمس "الخميس"


المود : مستانسة وااااااااااااااااااايد و تعبانة من المشي =D


الموضوع :

كنّـا متفقين أنا و ربيعتي إنه نسير فيستفال مول ، لأنه عندنا برزنتيشن عن التدخين و قلنا بنشتري رئة و جقارة و هالخرابيط ==> لكن قلت لها تبين تشترين جقارة ، اشتريها روحج أنا أتّقي الشبهات =D ، و ما اشترينا حفاظا على السمعة لووول

المهم

طلعت من الجامعة الساعة 1 و شي ، سرت البيت ريّحت شوية و عقب أميه ودتني بيت ربيعتي

الساعه 3 و شي أنا هناك ، على الــ 4 طلعنا (اختها العودة و اختها الصغيرة و ربيعتي و أنا و ربيعة اختها الصغيرة)
"سايرين من وقت عن الزحمة"

اشترينا اللي نباه و اللي ما نباه و استانسنا واااااااااااايد ، و استوت لنا مواقف غبية

ريولنا عورتنا و عقينا النعلة "و انتوا بكرامة" و تمينا في المجرودي عاد أونه يالسين بس جي لووول

http://oasis.bindubai.com/bin/uploaded/7683_01224238166.jpg



و يوم ظهرنا جان تدعم ربيعتي اللوحة و أنا ما أعرف ايود عمري مووووول :a068: ، بدال ما أقول لها : بسم الله ، شو فيج؟
تعورتي ولا لا؟، تميت أضـــــحـــــــــك

و ظهرنا على الساعة 7 شي ، بنرد البيت


وعقب ما ظهرنا

مرينا برجر كنج ، واحد كان جدامنا "أسميييييه بااااايــــــــــــــخ" ، نحن واقفين وراه و هو يوايج علينا من المنظرة الجانبية و يسوي حركات مثل السبلان و يضحك ==> يتحرانا بنضحك له وبنستانس عليه

محد مسوي له سالفة ، جان يتم يريوس علينا أونه بيدعمنا

يعني صدق صدق تااااااااااافــــــــــــ ـــــــــــــــــــه ، و يوم شافنا لابسينه جان يروّح

و ردينا البيت تعشينا و عقب رديت بيتنا =) ...

[هزاايم]

مايهزك ريح: لالا انا مش شريره,, إلا هي المكااره,,مجهزه ضحكتي عسب اضحك عليها,, اشوف معلقين لها وسام التفوق,,اسألني حق ليش؟؟ بنت الذين "آمنوا" طلعت افلح عن خالتها,, ويابت علامه كامله معنها ما داارسه قلت ماشاء الله و راح اقول ماشاء الله,, بس انا مااحبها
احب فرووس لأن شراتي فااشل في الإملا=q


اليوم:الجمعه
الموضوع: ماعدت وحيده
نص الموضوع=q

غدينا عايله مكتمله=q
استقريت و اخيرا=q
ماقمت اتشحطط من بيت لبيت
تولهت على أميييي واااااااااااايد واااااااااااااااايد,,"احبها ياربي" صحت لما شفتها,,اسبوع مر علي كانه دهر
اونه الابو زعلان لأن ماصحت يوم سلمت عليه=q يااخي الأم غير

و زادت الصيحه بزياره ربيعتي و امها
من سنة يدي ماشفتهم=q و الله ولهت على شوفت الناس الطيبه اللي شراتهم


بس بالليل ضحكت ضحااااااك لا يتوقف في امريتس مول
شفنا ربعنا عيال ميونخ=q اسمي ضحكنا وياهم
و بلاهم الخلق جي غادييين
إللي لابسه عبااة الشل الشييفون
واللي لابس اسكني اخضر,, والله ان طالع عصقووول و يغمض و يضحك للأبد
واللي " يطالع وكنه ما يطالعني نظرتك هذي حبيبي لا تكررها=q " خالد المريخي بيشتكي علي=q
قهرني و وترني و خلاني ازييغ يا انك يا مان اتي و تسلم أو انك تمشي و تنسى الماضي الزفت
وهارفي غادي زفت و الناس اللي فيه ازفت يرفعون الضغط اعصاابي اختربت ززين ماصحت=q

بس فالنهايه ضحكت كثر ماصحت
و ربي لك الحمد و الشكر على اي نعمة انعمتها علينا
و لك الحمد و الشكر على القدر الجميل اللي فرقنا وجمعني بعايلتي

[شمعة أمل]

اليوم الاربعاء
المود زويّن
الموضوع

كل مره أبا اكتب رد سواء في هالموضوع والا غيره مادري امسح الرد وابند الصفحه وابند الكمبيوتر؟! أحس غلط
المهممم اليوم قررت أكسر هالحاجز واكتب رد نفس الأوادم!

حالياً حياتي بزي بزي بزي بس وناسه. كل شي يضّحك!

استوتلي سالفة ويا الجامعه.. كئبتلي حياتي.. كانو حاطيلي صفر في مادة! وكانت عباره عن غلطه مطبعيـة!! وكللللل مره أسيرلهم يقولولي الاسبوع الياي بيتصلح!.. ومع هذا مايطيعون يخبروني شو علامتي.. تخلف أدري:sleepy:
فـ بعد عناء (هذا وانا ماخبرت اهلي عن السالفه.. شو أقوللهم مرسبيني بالغلط وانا ناجحه؟:tongue: بعدني ماينيـت).. بعد تخطيط دام ساعتيـن ويا سكرتيرة أبويه # 1 وويا ربيعتي.. وخلاص قررنا اليوم نسيـر نتظارب ونبدى بالتهديدات وندخل الهيئة في السالفه.. الخ (باختصار ضرابه عوده:4:).. نشيت الصبح وشفت باباتي وقلت حرام لازم اخبره اني بيّر سكرتيرته ويايه في مشكلتي وبدّخل الهيئه وكل شي لانه (تحدي على حقوقي كـ طالبة ) . ويلست أصييييييح:fa43: (هم على قلبي من أكثر من شهر:tongue:) وفديته قالي سيري عندهم اليوم وقوليلهم لو مايعطونج علامتج في هاللحظه انه أبوج بيتدخل.. فديته أبويه 3> .. فـ قبل لاطلع من البيت قلت خلنيييي أجيك علامتي بس... وعدلوووووووووه!!!!!!!!!
يعني يوم خلاص طفرت وقررت أتضارب وياهم وكل شيييييييي.. الظاهر وصلهم الخبر اني بلعن خيرهم وعدلولي اياه! وطلعت الوحيده الى عدلو علامتها.. ربيعاتي بعدهم وحليلهم! والقهـــــــــــــر انه رسبوووني وحطوووولي صفر يوم انا يايبه إمتياز!!!!!!!!!!!!!

سالفه ثانيه تضححححك مستويه وياينا في الجامعه:4: ربيعتي العنزز خبرت اختها ونص بنات السكن.. ولا عقب الكلاس اشوف شلت بنات ياين عندها واطالعها: شامييي مب جنه هاي ساره؟؟.. شامي: هيه ساروه يايه خبرتهااا:4:
فضييييحه!! حتى ربيعاتي الى في جامعة زايد يبون يوون زياره عشان هالشيي خخخخخخخخخ!! بس شو هو مابقوووول p:

سالفه ثالثه تخص الجامعه... اظني الجامعه هالسنه بمثابة صفعه على ويهي؟!!! صعب صعب صعب!!!!!!!!!!!!!!! وعيدو كلمة صعب مليون مره وبعد مايكفييي!!!!!! لدرجه يعطون آرتكلززز يمكن مية صفحه لازم نقراها في يوم واصلن نص الكلمات ماتنفهم!!!! يبت الديكشناري (معجم) عشان اترجم معظم المقال:crazy: مثال.. بدال ما يقولون although قالو albiet .. يعني انت يا أخ الى كاتب المقال شو بيستويبك لو كتبت أولثوووو؟!!!!!!!! فضيحة الصراحه اول مره استخدم ديكشناري لاني مب فاهمه شي:4: إفف وايد صعب.. بس مع هذا [ روعــــه] كل كلاس أحلى من ثاني!!! النقاشات في الكلاس التعليم كل شي [ واو ]
it will be interesting to see what i become by the end of the semster


المهم خلصت من سوالف الجامعه

سالفة تخص الشغل.. الباررررررررحه شو ضحكت على عمري!!!!!! انا فقدت شي اسمه اللغه العربيه واللهجه الاماراتيه تمامااااااااا)
كنت لازم اتصل في ناس ويالسه أرمس بـ خمس لهجات مختلفه .. منقع من الخاطر
مثلا
مرحبااا.. كٍيييف الحـال؟؟.. إي إي صح.. لاء بدي أحكي مع السيـد (فلان).. أيوه.. مشكووره وماقصرتي! .. مع السلامه :crazy:
عقب مابندت التليفوووون استوعبت انا شو قلت ويلست أضحك لـ عشر دقاييق هههههه!!!!!


المهم باقي الاشياء كونفدينشششل

المهم
صح اليوم عيدميلاد صديقتي الصدوووقه!! الويكند الى طاف سويتلها سبرايز بارتي في بيتنا .. ويبت نقازيه! ولعبنا ألعاااااب كان كشششششششششششخه!! المفروض الحفله تنتهي الساعه 9.. بس خلصنا 12 :tongue: واليوم طلعتها وكلنا وانتفخنا وكان حلووووووووووو 3> أحبهاا وايد .. صديقتي من ثمان سنين 3>


وشو بعد يدييييد هممممممممممممممممممم وايد اشياء بس مابقولكم:4:



في الخاتمه
حبيـت أسلم على
- الياه
- حلم الطفوله
- مزن هتان
- شوق القلوب
- مهابه
- قصايد غلا
- هزاايم
- الا انا
- عهد الوداع
- محد يستاهل
- بنت الدلع
-ملااك الروح

[شوق القلوب]

سلااااام الحلويـــن وصل..

..

المهم انج مستانسه و مرتاحه :fa41:.. و هذا احلى سلام

[هزاايم]

أوييييييييه
مااتخيل اشوووف صفر o.0
ومااتخيلج تشتطيين و توااجعيينهم

الله يسلمج شمعة

[الـيـاه]

شمعة أمل
وصل سلامج يالغاليه 3>
لول وزين انهم عدلوه في آخر لحظه .. والا جان لبقت عليهم عيوزنا P:

[قصايد غلا]

وصل سلامج غناتي :fa35:

تولهنا عليـــــج ، بس أهم شي إنج مستانسة ، الله يوفقج و يسعدج :yes:

[المزوحي]

اليوم الاربعاء

قمت الصبح من الرقاد، حسيت بعمري مرتاح والحمدلله ومبسوط من غير سبب، سرت الدوام، من يومين غيرت طريج السيره

بس عاد ايام والكل بيعرفه، صدق ارف .......

يالله التقينا بشلة العمل اقصد زملاء العمل ... بعضهم مسوي لنا جــو .... ولازم ابتدي بالشاي حليب، وعقب

نتفق من وين بنطلب ريوق ... سرت اشتغل .. لين حزة الريوق ... وسوالف وتعليقات شويه، عسب نقدر نرد نشتغل ..

بس الصراحه في واحد عكر لي مزاجي، حتى رديت عليه ....

ولين نهاية الدوام ... سرت اتغدى في برجمان ... ورديت البيت على الساعه 6:15 مب زحممممه مووول

صليت ودخلت الواحات ...

[مزن هتان]

شمعة أمل
سلامج وصل حبيبتي :fa41:

اليوم : الخميس
المزاج : الحمدلله مروّقه :thumbup1:

الموضوع
البنتات قامن ينخطفن XD (ينخطبن)، عرس ينت خالتي 25 - 01 في دبي
و بنت عمتي 26 -01 في الراك P=. انا و خواتي حاطين ابالنا ما نروح عرس
بنت خالتي لأن عمتي مخبرتنا قبل ارمضان. و نحن بنروح الراك قبل العرس
بأيام .
بنت خالتي بتزعل مني ادري (لين اليوم حاشرتني ليش انها ما شفتني
يوم ملجتها و ليش ما تصورت فياها)

خواتي انخطبن 18 و 14 (توهن صغار ) اهلنا مادري شلون تفكيرهم !!

أنا مستانسه وايد الحمدلله :fa34:، أبيّ أطلع أغير جو من بعد تعب جم يوم
:a018:

[ملاك الروووح]

:

شمعوه

الله يسلمج حبيبتي

:fa35:

مس يوووووووووووو دبوه

:a070:

::

حلييييييييييييييييييلج

زين انهم غيروه .. ولا كانوا بيشوفون الويل منج :14:

بس أحس تحطيم حاطين لي صفر وانا يايبه امتياز ! :glare:


أحيد استوت مره أيام المدرسه ..

كانوا حاطين لي في الكيميا 79 .. :shocked: وانا منصدمه لأني كنت مصريه في مادة الكيميا

ويوم جيكت مع الابله طلع المجموع 97 أصلا .. :14:

ف عادي فديتج تستوي يعني وايد .. :m_9afgah:

::


اليوم استوت مصييييييييييييييييييييييي يييييييييييييييييييييبه في الدوام !!

بس للأسف أنا دوامي سبلت .. ف ظهرت الحين

ويوم برد بتنقش وبتخبر عن اللي استوى في الميتنغ !! :fa39:

ما أقول غير الله يستر بس !

السالفه ما بيسكتون عنها !! :k_devil2:

[المياسه]

اليوم الخميس واللي ييلس في البيت يخيييس...

الدواااام كان ملل بس أترياااااه يخلص... رديت البيت رقدت لين المغرب... وعقب بدى الكسل والخموووول... و يلست في البيت طبعا.. تعشيت وحبيت أدخل الواحات أشوف شو اليديد..

وبسسس.. مافي شي انترستيييينج يعني...

[ملاك الروووح]

^

المياسه

بخصوص الدوام

والله كلنا لايعه جبودنا منه ..

صج روتين قاتل :biggrin:

:

خلاص ترانا متفقين الاسبوع الياي نسير صوب جميرا هاه .. :11:

انتي أي يوم يناسبج ؟

بتكونين فاضيه في الويك دييز يعني ولا ؟

:fa56:

::

فييييييييييني رقاد الدنيا ..

بس مابي أسير أرقد ..

وأبي أعدل صوري بالفوتوشوب ..

من زمان ما نزلت شي ف موضوعي .. حليله غبر من الخاطر:h_daleel:

:

[مــهــابه]

اليوم :


~ كـآن الخميس


المزآج :

رآيقـه ولله الحمد


الموضوع :

~ عـلى الرغم من آني كنت معصبه ومتنرفزه:k_icon28: ، آني واصله البيت عقب صلآة المغرب !
وكنـت خلآص مفـَـوله ع خـويه ، مب طآيجه كلمة من حَـد !


ويحليله هـو يقول آونه آنتي آول وحده تـركبين سيآرتي اليـديده

قبـل حرمتي وولـدي بعد :4:

بس عـقب تغير المود ، من شفـت عيآل ختيه ، اليوم مآدري شو اسـتوى بنآ ، ركيض فـ الحوش :4: ، وخبآل

حبيبي عبودي ، يقول آنا آدورج ، آنتي وين ( يغمضني هالآنسان )


يوم السبت مخلني آروح ودمعتيه بعيني ، يقول : لآتروحين ، آنا ابآج ، بيي ويآج ، بس انا ( ليــال ) آونه هو ريآل مايستوي:fa56:


المهم ، شويه ويآ خويه ، قآل يالله عـ الخور ، يآريــآل استهدى بالله

قآل يالله جــداآمي


http://oasis.bindubai.com/bin/uploaded/222_01224794211.jpg


~ يـا [ خــوي ] ~ يـاعزوتـي :fa41:


في محل فـ الخور آسمه [ رؤى ] ، يذكرني فـ قروبنا:4:

وفـ إلا انـا بعد ، آطالع البيوت ، آقول يمكن هذا بيتهم ، عـ كيفي:fa46:


http://oasis.bindubai.com/bin/uploaded/222_11224794211.jpg


عـديت ختيه الصغيره ، حولت للسفـن آب ، والحين آنتقلت العدوى


عـ قولتهم تتوآرثونه هالبيبسي :4:


~ خليك آدهــا !


بآجر ان شاء الله عيآل ختيه بيرقدون عنديه :fa41:



ما انسى انه عندي 4 ميدتيرمات هالأسبوع آبتداء من الأثنين للآربعـا بختمها بـ ( امتحانين )


الله يوفقنا ويعينآ


دعواتكم :fa41:

[مــهــابه]

شمـعه الوآحات :


وصـل السلآم :)

تسلمين

[مزن هتان]

اليوم: اليوم
المزاج : كوووول على طول
ان شاء الله

الموضوع : my best friend 3wash

صديقتي بتصير أم، كأني أنا بصير أم. كل شوي اسأل ماما
شو تاكل شو ما تاكل اي مستشفى احسن اذا جبدها
لايعه شـ تاكل شـ تشرب واااي واااي متقطعه من الوناسه
كان اقعده حسب مع ماما متى ان شاء الله راح تربي D=
الله يثبت لها حمالها و يسهل عليها ان شاااااء الله
=)

بعيد عن عواش، كل سبت امرض اللهم لا اعتراض
العلوم الطيبه صايره تهل عليه و ربي يفرج عن مصيبتنا
و يهديه و يغفر له

[تحفه]

اليوم

٨:١٠ منبه يررررن .. صكرته وانا مادري ورقدت
٩:٤٠ فجيت عيوني فزعانه اطالع الساعه .. مافي فايده اذا نشيت الكلاس س ١٠ رايح علي .. رايح علي طرشت مسج حق ربيعتي قلتلها توقعلي حضور وكملت رقادي
الساعه ١١ نشيت وتزهبت وطلعت روحها طايفنها الكلاس لوووول صدق ربع
١٢:٣٠ طلعت من البيت.. سايره الجامعه
١ وصلت ثلاث ترباع البنات غايبات .. واستاذنا خلانا نشتغل علبروجكت رواحنا وهو قعد ومرات يدور علبنات ... وكل ما اساله يقولي شي ويوم اقوله ليش جي نسوي انته قبل قلتلي جي يقول لالالالا سوو جي وجي وجي! وانا مستغربه ترا كلامي نفس كلامه ليش يقول لالالا وانا وربيعتي منصدمات وساكتين فينا ضحكه ... بعد ماخلص الكلاس بس نحن وكمن بنت في الكلاس تمينا نبي نخلص البروجكت تمينا فتره ساكتين وبعدين ربيعتي سالته سوال والاستاذ صكر عيونه عشر دقايق وراسه مال على جسمه ونحن انبحلق في بعضنا تحريناه دش في غيبوبه او استوا به شي! وبعدين نش دور عمره بالكرسي و فجاه قالنا شو قلتوا! وانا خلاااااص ميييييته من الضحك استوا ويهي قوز قزح لووووووول وهو يطالعني بطرف عين فضييييحه بس شو اسوي الصراحه موقف فضيييع بعدين قالنا انه كان مسافر امس واصل الساعه ١ فليل وكان عنده كلاس ٨ الصبح! - يحليلنا عيل في رمضان نواااصل ومايستويبنا شيي!!! لولولول

انا ماقدرت ايود عمري وشليت قشي وربيعتي يت وياي طلعنا من الكلاس ونحنا منفجرين من الضحك والفضييييحه ماقدرنا نسكت ونحنا مارين فالممر كان واحد مواطن مار وي السكيرتي !!!! ونحنا نحاول نسكت عمرناااا بس ماشي فااااايده!! انا اعترف اني من النوع الي يوم يضحك يعلق علضحكه وربيعتي ماتقصر تضحك وتضحكنيييي زياااااده هيهيهيهيهيييي

تخيلوا رقد فالصف ونحنا نساله !!!

بعديين تمينا فالمكتبه نشتغلل لين ٣ وشي وطلعنا
٤ وصلت البيييت وتغديت وكلشي
٦ بديت اذاااااكر حق باااااااجر اففففف ... خلصت مذاكره

١١:٣٠ اسوي اسايمنت سهل بس طويييييييييييييل مايخلصصصص تسلمييييييمه باااااجررررر بعد الامتحاااان افففف توني خلصته الحين الساعه ٢:٤٠ طرشته حق وحده فالكلاس تبا تشوفه لانها مب عارفه كيف تسويه ...

الحين برووووح برررررقد باجر امتحاني ٨ :S ادعوووولي

[مجموعة إنسان]

بالتوفيييق تحفه !!



اليووووم قمت 6 .. بلااااعييييمي تعورني ومزجم
والكلاااس ممل بالقو

[شمعة أمل]

اليوم الاربعاء
المود تعبااانه
الموضوع

أنا مب من النوعية لى يمرضون بس الحين مرضت ليييييييييييش >_< منهد حيلي تعبانه اول مره جي امرض ياربيي.. كيف الواحد يكون مزجم بس مايروم يرقد ولا يتنفس ولا يتحرك؟؟ أخس شي هو اني ماروم ارقد افففففف احس حد عطاني بكسات ولا شي على ويهي والله ويهي يعورني وايد احس ظاربيلي آبار كولجين ولا بوتكس ويهي منتفخ يبهتي تعورني خشمي يعورني خدودي كل شي يعورني ضروسي كل شي:k_sadwalk: .. راسي مضعوط >_<
أبا ارقدددددد ليش مب قادره ;_;

كنسلت الشغل لهالاسبوع بس المشكله جامعه ماروم أغيييب .. بالغصب سرت المحاضره اليوم بس مارمت اسير الكلاسات احس حد يالس يظرب كور قولف على راسي ;_;

الله يسامح ربيعتي .. يابتلي هالمرض البايخ.. أبا ارقد أبا أرتاح أبا أكون pain free :d010:

[قصايد غلا]

^ سلامـــتـــج شموعة ، ما تشوفين شر حبيبتي :a050:

امممم خليهم يقطعون لج الزنجبيل قطع صغار و يحطونهم في الكوب و عقب يصبون عليهم ماي حار و اشربيه ==> هالشي وااايد زين حق الزجمة

و كلي أناناس لأنه واااااااايد زين إذا بلاعيمج تعورج


هيه مجموعة انته بعد اشرب الزنجبيل بالماي الحار و كل أناناس :yes:


الله يعافيكم يا رب :)


أنا ما احب الزجااااااااااااااااااااا ااااااااااااااااااام ، أكرهه أكرهه أكرهه :k_no: يهلّكني
بس أأدبه بفكس تايلاند و البخاخ مالي ==> يخوزه بسرعه عني

[الا انا]

اليوم :




~ كـآن الخميس



المزآج :


رآيقـه ولله الحمد



الموضوع :


~ عـلى الرغم من آني كنت معصبه ومتنرفزه:k_icon28: ، آني واصله البيت عقب صلآة المغرب !
وكنـت خلآص مفـَـوله ع خـويه ، مب طآيجه كلمة من حَـد !



ويحليله هـو يقول آونه آنتي آول وحده تـركبين سيآرتي اليـديده


قبـل حرمتي وولـدي بعد :4:


بس عـقب تغير المود ، من شفـت عيآل ختيه ، اليوم مآدري شو اسـتوى بنآ ، ركيض فـ الحوش :4: ، وخبآل


حبيبي عبودي ، يقول آنا آدورج ، آنتي وين ( يغمضني هالآنسان )



يوم السبت مخلني آروح ودمعتيه بعيني ، يقول : لآتروحين ، آنا ابآج ، بيي ويآج ، بس انا ( ليــال ) آونه هو ريآل مايستوي:fa56:



المهم ، شويه ويآ خويه ، قآل يالله عـ الخور ، يآريــآل استهدى بالله


قآل يالله جــداآمي



http://oasis.bindubai.com/bin/uploaded/222_01224794211.jpg



~ يـا [ خــوي ] ~ يـاعزوتـي :fa41:



في محل فـ الخور آسمه [ رؤى ] ، يذكرني فـ قروبنا:4:


وفـ إلا انـا بعد ، آطالع البيوت ، آقول يمكن هذا بيتهم ، عـ كيفي:fa46:



http://oasis.bindubai.com/bin/uploaded/222_11224794211.jpg



عـديت ختيه الصغيره ، حولت للسفـن آب ، والحين آنتقلت العدوى



عـ قولتهم تتوآرثونه هالبيبسي :4:



~ خليك آدهــا !



بآجر ان شاء الله عيآل ختيه بيرقدون عنديه :fa41:




ما انسى انه عندي 4 ميدتيرمات هالأسبوع آبتداء من الأثنين للآربعـا بختمها بـ ( امتحانين )



الله يوفقنا ويعينآ



دعواتكم :fa41:




هيييييييه

مهابه .

توني انتبهت والله ..

كيف اتيين الخور وما تمرين علي ..


><

ما تستحين ..


وماره رؤى بعد ها .. خخخخ

يوم ابغي اسوي باقه ولا شي اروح له . شغله نظيف ..^_^

..

لوول


مره ثانيه تخبريني . يالدبه .:k_harhar1:

[مــهــابه]

^

والله روحنـا فجأه ، كنـت موجوده فـ العيد آصلاً هنـاك ( ثـاني يوم ) . .

عـ طـآري رؤى ، خطفـت من الشـارع هنـاك ، بس تـدرين ما انتبـهـت محل شـو هو ؟ لوول آطالـع اللوحـات بس آنـا


خيـرهـا فـ غيرها لوول

[تحفه]

بالتوفيييق تحفه !!
اليووووم قمت 6 .. بلااااعييييمي تعورني ومزجم
والكلاااس ممل بالقو


تسلم ان شا الله ماكون مغلطه وايد فالامتحان لول ... وماتشووف شر :a074: اشرب اشيا دافيه ... جاي ينسون :fa42:


شمعه : مؤجوره ان شاء الله .....

[شهوووودة الأمورة]

السلاااااااام علييكم ورحمة الله وبركااااااته ^^
( غبااااااار كح كح .. من طلعت شهووودة ) خخخخ



الساعه : 7:15

واليوم : الخميــــس

المزاج : مستااانسه

والموضوع :
مافي موضوع محدد بس حبييت أبصم في هالصفحه ^^
تولهت ع أيـــــــــام الواحـــــــــــات ^^

( عفااريتوو .. الشووق .. عافك الخـــاطر .. ماوحشتك.. أحبك إيه .. دانة حتا .. مهــابه ) تولهت علييكم بنات واحاتي ^^

[مــهــابه]

^
تـوله عـليج العـآفيه

~ وآحـنا ( ولهـنآ عــليج ) . .


قطعـتينآ ، قـبل فـتره كنـت آتخبر آمـواج عـنج

[مزن هتان]

مزاج : fine

الموضوع : أخوي فهد

فرحانين له و الحمدلله، بس اهو مرتبش بزياده شوي
(النهارده فرحي يا قدعان)
(أخيرأ اتجوزت)
(حتجوز و حتجوز)
^^^ غناهن كلهن حقنا و حق أخوي العود و نسيبه فضحنا

من شوي اون بحاجي ابوي ابموضوع قفطني و قال اسمحي لي
مزن انا مسافر بعد باجر و أنا عيوني تبطلوا لالالا
على هيك لازم انتظر الين يرد

[العجيبة]

الأربعااااااااااااااااء


مستااااااااانســـــــة كتيييييييير كتييييييير ..... الحمدلله



اليوم خذت نتيجة الكـويـز ، الحمدلله اوكي ، اصلا كل اسبوع عندنا كويزات ، لكن هالكويز رفع ضغطنــاااا من كثر ما انتظرناه


وبعدييين سرت عند مساعد عميد كليتناااا ، مطرشلي ايميل البارحة يقول تعاالي

هههه تم يتفلسف علي ، أونه ليش مطرشه ايميل لكل طلاب الكلية ! وهالشي غلط ، وهالشي ما ادري شو

انزين شو تباني اسوي عشان اقول للناس صوتولي !!!!

آخر شي يقولي النتايج ( نتايج ممثلين الطلبة ) بتطلع اليوم وشوفيهم في البورد ، وما طعت اطلع الا بعد ما قالي النتيجة

استـوييييييت ممثلة الطلبـــــــة ^____^

قلتله خلاص انزين انا ما ابا اكون ممثلة الطلبة دام انه طريقتي غلط ومن هالكلام ... قال لا لا ما يصير .... والطريقة عادية وما فيها شي ، بس يعني لازم كنتي تقوليلنا قبل خخخ

هههه



المهم .....


برجـــــــــــع البيـت اليووووووووم ، ثلاث اسابيع ما شفت مامااااااا .. وحشتنييييي كتييييير كتيييييييييير
واختي الصغنووووووووووونه .. ونصـوووووووووووووور ....

[شوق القلوب]

مبرووووووووووووووك يا العجيبه ... قدها و الله ..!

هذيلا هم عيــال الامارات اللي يرفعون راسنـــا في كـــل مكان ..

:k_smartass:

.
.
.

و تووووصلين بالسلامه ان شاء الله .. ^_^

[مــهــابه]

تسـتاهـلينهـا يـا العجيبـه

آنـتي قـدهـــا


آحب طمـوحج :)

[شمعة أمل]

اليوم: السبت
المود: متضايجه :(
الموضوع:

هالحجره الى انا عايشه فيها حاليـاً مسببتلي أزمه نفسيه.. لدرجه ماروم أرمس حدددد ودايما راسي يعورني.. الحجره وايد كئيبه وظلام وحشره ;_; تولهت على حجرتيييييييي
حتى كبت ماعندي.. كلهم تارسينهم فستاين.. وحليلي فاره ثيابي في كراتين & شنط سفر & على السوفا الى في هالحجره :s
مكتئبه.. أبا حجرتيييييييييي اففف

One week down, 3 to gooooo

أحس ان عايشه في زباله :fa43:

http://oasis.bindubai.com/bin/uploaded/2373_01226161932.jpg (http://oasis.bindubai.com/bin)



انا وايد متضايجهـ وأعرف انه 99.9% من هالحجره.. وقلة دخول الشمس فيها.. انا وايد احب الشمسسسسسسسسس 3> والله يوم أيلس في حجرة جي منيـره بنور الشمس أبتسم .. أيااااااااااام ;_;

زين مني كملت 8 ايام في هالحجره.. كيف بكمل اسبوعين زياده؟؟؟؟؟؟؟؟؟؟
مب رايمه ادرس مب رايمه اسوي شييييييييييييييييي :d010:

[مــهــابه]

^
نفس المعـانـاه ، حـاسه فيج والله، بس انـا ( الحمـام ) وآنـتي بكـرآمه ..
مسـتويه لاجئـه ، كل شي بـ صوب ، عزايه انه هالأسـبوع بيخلصـونه حقي

[شمعة أمل]

أنا وايد معوريلي راسي ;_; أحس اني متوحشه هالأسبوع!! ماخليت حد في حاله :s انا مب أنا >_<

[مزن هتان]

اليوم : الويكند
المزاج : تمام

الموضوع
ماما اتعبت شوي (التهاب بالكليه)
رحنا نتحمد لـ خالتي و زوجها بالسلامه رادين من الصين
جونا خالاتي لجل امي
اليمعه تغدينا عند اهل امي و بعد المغيربان اهم اجو
باتوا عدنا (حشّره)، ماما توترت من عيال خالي و احفاد
خالتي و تعبت زود تقولي من شوي
اليوم رحنا البحر (حديقة الممزر) الضحى العود لعبنا الصغاريه
دخلنا و ياهم (وناسه)

كلمت ابوي من شوي، (يتغلى) علينا الريال
(وحشني) عمي عبدالله و احلى شي يوم اشوفه
ظاهر بويهي اشـ حلوها من صدفه :heart:

أختي ابـ كي جي 2
تقولي باجر ماني رايحه (واثقه)، اونها تعبانه
على بالي امي موافقه توي اتخبر امي
قالت لها مو عكيفج يا شوق، جان تقفط

[تحفه]

اليوم ماسرت مكان .... مالي بارض لشي ..

[هزاايم]

اليوم: الاحد
المود:الحمدلله مستانسه رغم شي...

الحمدلله الحمدلله ,,الف حمد و شكر لك يااارب ,,ما سطلت في الامتحاان و جي كنت متحمسه لدرجه اني اتسييخف عالاستاذ:whistling:

واكثر شي ضحكني
مسج بنت الخال

I No StuDy I No Care I gO MarRy a MiLLiOnAiRe

hezayem let we say it loudly

واناااااا:a068: غربلات ابلييسج يا العظااميه

رديت عليها
ok
neyahahaha

وجاان ربيعتي تشووف المسج و بدت:argue:,,اونه انا اخربهم,,الا هم خراابه,,فهي خااربه خااربه خلينا نعمييها:whistling:
وبالصدفه التقييت مع اواادم من زماان ماشفتهم:a054: وعقب بديينا تخطييطااتنا للخميس نياهاهاها :devil:

ومرووا عليه الحلويين ,,,يغمضووني احيد انا بالروضه اخلص 12 مدري 12 و شوي و هذوول 1
الحمدلله افتكييت من الروضه و نجحت بلا مدرسيين خصووصيين:tongue: اتخيل

http://www.oasis.bindubai.com/bin/uploaded/3750_01226255665.jpg

جتلووني من اضحج,,عبدالله ماينطق حرف الراء ف طرووق الدب يقول له شو قلت شو قلت..؟؟شو يعني؟؟انزين بالenglish شو يقولون له؟؟اقولكم خقااق ولد فريج عفااريييتو:fa44:



البيت كئييب مش كئييب بس هاادي:k_icon9:,,, و ام شمااس بعدها متجسحه :fa43: ,,get well soon big sis
عقب المغرب يووم بدى المخ يشتغل و تطلع الاجوبه

اتيي ام فاارس و تقولي نشي بنرووح اب تااون وانا yes yes مابحل:a049: و رحنا وياها على اساس نلعب الصغاااريه و يا حراام الالعااب شااليينهم وبدت المنااحه:fa43::fa43:

وردينا البيت و تعشوا و كملت حلي
وفجاه خالي و حرمته وصلوا: قلت يااني الموت يا تااركه الصلاه,,بس الحمدلله ظهر ان و هذا والله اعلم ان بنته مافضحتني في بيتهم:m_9afgah: عفيه عالشطووره

والحين بنزل عند ابويه و امي"يا ابوونا و امنا يا سند بيت الهنا نحن ما ننسى فظلكم:a010:"

بنتااابع مسلسلنا الخطيير:whistling:"والله هالاترااك شطاار,,عرفوا كيف ييمعوون العايله:whistling:

وتصبحوون على طااعه
:fa35:

[مــهــابه]

اليـوم :

~ الأثنيــن



المـزاج :

~ رايقـه ولله الحمـد


المـوضوع :


رقـآد هـل الكهـف فيـَه ، خلاص ما آشـوف شي جـدامي ..


امس رقـدت مـتأخر ، وآوردي رقـادي متقـطع هـالأيـام ، نشيـت السـاعه 7 وربـع بالظبـط

كانـت عندنــا رحلـه لــ [ جــزيره الســماليــه ]


وصـلنا شــآطي الراحه عـ السـاعه 9 وشويه ..


طبعـاً وحـنا رايحـين فـ الدرب البنات محـتشرآت ويوعـآنـات ، ( كل هذا بس عسب اينزلهن الدكـتور الشيشه )


ويوم وصـلنا ، قـال لهـن ممنوع انزلـكن ، شـاف الشيشه متـروسه شبـاب وجيه مـاطاع ينـزل ولا وحده فيـنا


قـال اكتـبوا شو تـبون وانا بيب لـكم بحسـابي


عـقب يوم شـافـنا 18 بنـت

قـال : فــلانه انــزلي

:a049:


عـاد انـا ماصـدقت ، مـا أقـول لآ :4:


حـدرت انـا ويـاه ، ولو تـشوفون شكليه وانا شـاله السـله وآحـطي لـ 18 بنت ، فقـدت الـتوازن :fa46:


آخرتهـا قلت له دكـتور شـوف ، انـت عـازمنهم ، وآنـت اتــصرف ، قـال عـيل ليش محـدرنج انـا ؟:fa56:


وعـاد ويانا فـ الكلاس زلـمه !

تـخيلـوا شـو مسويه ؟

امبطـله دريشه البـاص وتــزقرني :


يــا . ... ، يـالـسوده ، يــالهـرمه == > عـاد انا استغربت زلمه وتعرف هـرمه ماحيد :4:


المهـم بنات الكلاس حـقدن عـليَه حقـد اعـوذ بالله منه ، بس عـسب اني نزلـت


طبعـاً اهـناك ركبـنا العـباره ، اقـول لـهم يبـولنا يخـت :fa46:

آول شي ودونـا صوب الطيـور ، وعـرفت آشـكال وانواع ماجد شفتها ولا سمعـت عنهـا فـ حيـاتي ..


ومن هـناك رحـنا صوب مـال ( النحل ) كـآن حلو ، بس انا ماحدرت ويـاهم ، آخاف من النحل يلدغني :3:


وممم عـقب سرنـا مال الأسمـاك


وآخـرتهـا صوب الرمـايه


طبعـاً كل بنت المفروض تـرمي 10 طلقـات ( بالسكــتون )

كـانوا قـروبين وانا فـالقروب الأول

تـخيلو ، كلـهم صـوبـوا ، إلا انــا :fa43:

حصلـت 0 %

قـال لـي بخليج تعـيدين خلاف مع الدكـتور :fa55:

المهـم فـ المره الثـانيه ، عـدت وكان ويايه الدكتور بس ..

2 فـوق راسي ، خبلـت بهم يـلين صـوبـت صح ، حصلـت 29 % والدكـتور 23 % وجـان اذله

آمبـوني هـالـ محمد عـلي حاقده عليهـ من زود ما هـو غلس :4:

يآلس يزقـرني آونه لاتتحرين يبـتي هذي بمجهودج انا كنـت ارمي جداج ، والله خـَرط :k_no:


حـلو بـحكم اني أول مره امسـك سكتون وآصوب فـ حياتي ( 20 ) طلقـه :fa47:


آسـتانسنـا ، آهـم مافـ الموضوع انه فـي شي يسمــونه ( بــحـر ) :inlove:

وحـنا مروحيـن عـديت عـليهـم هالبيـتين بلآحاسيه :


~ يا [ بحر [ أنا بسألك عن مبعد الدار
ياللي من الأشـــواق مـــبرد وخـــالي
انتـــه طويت بلجتـــك علـــم وأســـرار
وأنا طـــرالــي من الهـــوى ما طرالي ~




الـصور خلاف ماروم انزلهـن

[مزن هتان]

اليوم : الاربعا
المزاج : رايقه

الموضوع

فيني شي زين اني انش الصبح بابتسامه
طلعت اوصل خواتي الـ 2 مدارسهن جات الاولى ركبت السياره
الثانيه تأخرت من شفتها جات قفلت البيبان و تحركت طلعت
لين برع البيت عقب فتحت البيبان =)
ما كنت خايفه الا انه ابوي يشوف الاستهبال

البارحه خالتي ودرت سويج السياره ع السيت
سكرت البيبان انقفلوا البيبان اتوماتيكلي فالدوام
و المبايل كان بالسياره
اتصلت بيه مزن تعاي مري عليه =S
فديت اسوي

بعد شوي بظهر مع ام سيف، كابوس بر دبي ملاحقني
من اسبوعين كل صبح مهيب حاله هذي

[مزن هتان]

اليوم: الفتره ذي
المزاج: نقول الحمدلله

الموضوع
ماما تعبانه، حجي الدكتوره يخرع تقولها ليلى أي صدمه راح توقف قلبج و امي تضحك لها.

[هزاايم]

^^مااتشوووف شر
الله يشفيها يااارب

[طير الحب]

اليوم

المزاج: عادي


طفرانه من الكليه :)

[مزن هتان]

هزايم
الشر ما يجيكم، آمين
:: :: ::

اليوم : اليوم، اليمعه
مودي كلش مو تمام

الموضوع
وصلني مسج بعد الغدا كنت طالعه مشوار تقريبا الساعه 1:50
تميت اصيح الين 4. مع اني كنت مستانسه اليومين اللي فاتوا
و أنا أصلي المغرب بعد صحت، استغفر الله

من كثر ما اصيح زجمت بعد >.<
و لو انه الحجي كان قوي لدرجه اني لين الحين الغبنه بعيوني
بس بعد ما يهون عليه ازعل من راعية المسج تاج راسهم

[شمعة أمل]

اليوم: الجمعه
المود: الحمدالله

الموضوع:

هالإسبوع يستاهل جايزه من كثر ما كان تعييييييييييييييييييييييي يييييييييييييييييييييييس
بس اليوم المود وكل شي تعدل *الحمدالله*

البارحه رديت من الجامعه و غيرت مكان كل شي في حجرة الظيوف.. قلت يمكن هالشي بيساعدني أرقد.. ولأول مره في شهررررررررر رقدت عدل الحمدالله:biggrin:
والساعه 8:50 ولا اسمع ميييم حبيبي قومي بتين ويايه بسير ستاربكس.. أبويه فديته عازمني على ريوق:fa41:
مااااااااصدقتp: نقزت من الشبريه وتبدلت في ثلاث دقايق لول
والكشخه انه بس انا وهووو محد يا ويانا كلهم رقوود:k_devil2:
ولا قبل لانطلع.. حظرتهم الهنود الى يعدلون حجرتي يووو! غريبين! في الاسبوع مايون بس يوم الجمعه يوم المفروض مايون يووون! لا بعد لين الحين في بيتنا!! الساعه سبع.. أول مررررررررره!!
بس خساره يوم ردينا سيده سار البحررر.. بيرد باجر:fa41:
الحين لو انا كنت ولد جان سرت وياه.. هالسلبيات يوم تكونون بنات.. ماترومون تسيرون البحررر ويا ابوكم:frown:

وسرتتتت دبي مول ويا ربيعتي... مارمستها من يمكن 10 أيام O_o ماصدقت يوم شفتها.. بس دبي مول تعيس.. وايد كجره من ناحية الديكور.. كجره الصراحه... بس المحلات الى بيبونها ناايس.. والقهر انه نحن سايرين نتغدى بس ماشي مطاعم! بس شي كوفي شوبـس ولا فووود كورت.. ماشي مطعم محترم!
والمول كله فييه حشرات .. يععع!
الشي الوحيد الى استانست عليه هو المكتبه اليابانيه .. ماشاءالله عوووووووووووووووووووود!!! كنت ابا اسير آخذلي كتب عن الديكور.. بس كان وايد عود.. فـ قلت بسير يوم ثاني.. لاني تعبت من كثر المشيي

ورديت البيت واشوفهم يالسين يكّشخون بيتنا للعيد الوطني:biggrin: جان استانس:biggrin:
باجر باخذ راحتي بكشخ سيارتي :biggrin:


الحين ممممممم ماشي اتريا خواتي وامي يردون.. بنطلع نتعشى:biggrin:

[وحي القلم]

^شفتي المكتبه؟ :a050: ... وايد عيبتني أكبر عن المجرودي اللى فالفستفل

أوني كنت سايره أشتري ثياب حق العيد.. لكني من شفتها قلت لهم بدخل شوي.. و هالشوي تحولت نص ساعه عقب :tounge:

بس انصدمت أنه قسم الكتب العربية ما فيه غير كمن كتاب.. سيده سرت أسألهم ليش جيه ؟! :icecream:

قالوا لي أنه بعدهم.. شي من الكتب ما وصلن.. و منهن الكتب العربيه =)

لازم أسير مره ثانيه عشان أروم أختار على راحتي :yes:

..

[شمعة أمل]

هيه وااايد واييييييييييييييد عووود.. والأشياء الثانيه الى يبيعونها نفسس الستيشنري كشخه! اشياء ماكانت تي دبي من قبل

[مزن هتان]

اليوم : الاحد
المزاج : تمام التمام

الموضوع
مرتاحه نفسيا و ضميريا << منين جات مدري ؟!!
راده من القريه متكسره طفرنا ماما انا و خواتي تبتسم بالحسره
و نحن الا نظهرها من اللي فيها. هي و نحن رايحين بالاحد و زحمه

اليوم الدكتورة اتقولي فيج حصى بالكلى اقول بخاطري الله بالخير
قبل ثلاث سنين قالوا لي ان فيه التهاب حاد و احتمال كبير يسبب ليه
حصوه. و من ذاك اليوم و انا دبة الماي معاي وين ما اكون لااااااازم و الحمدلله الصحه عال العال

تقول ليه شربي حلبه و شعير >.<

[مــهــابه]

^

سـلامات مــزن ، ماتشوفين شر
خـوفتيني ، انـا فالأسبـوع دبـتين بس ، ماشرب ماي وايد

[مزن هتان]

يسلمج ربي، الشر ما ييج
شربي ماي، تذكرت شي ما صرفت الدواء P:

[مــهــابه]

اليوم :

~ الأثنين


المزاج :

~ أوكـي لـولآ السعـال


الموضوع :

اليوم كـان آحواطه فـ أحـوآطـه ..

وصلت من العـين ، صليت وريحت ، وعـ طـول طلعـنا ، انـا وخواتي وعيـال ختيه ومعـايه آمونتي واختهـا


اسـتانسـنا ( حلوه طلعه البنات ) طبعـاً محرمنا كان عبودي ولد ختيه لوول

جـان نتـمريح ، ونلعـب ، وكلـنآ من البآسكن والحين ردت بلآعيمي تعـورني مره ثـانيه ..


فيَـه رقـاد ، ورايه تـرتيب شنطتـي لـ باجر ، بنروح الظهر ان شاء الله ، وبنرجع بـالخميس بــليل أو بالجمـعه الصــبح ..



~ أتـمنى الـمود مايـتغير لـآخر الاجازه :)

[دانة حتا]

اليوووم : الجمعه
مزاجي : رقاااااااااااااااد

كنت ابا انام او لما غمضت عيني شفت الواحات وجاااااااااان افتح اللاب وادخل
بس عقب ما عرفت ويييين اروووح ..هههههه

توني وانا اقرا الردود شفت رد شهوووده
فديتج اتولهت عليج انا بعد بس خلاااص شفتيني هذاااج اليووووم
ههههههههههههههههههههههههه ههه
ما اعرف اذا خبرتكم مهوووب بس سويييييييييت فيهم حركه باااااااااايخه
اهم شي ضخكت علييييييييهم
هييهيييي
ياللا فديييتكم وقت الرقاااااااد تصبحووون على خييييييييييير

[أنامل قلب]

اليوم : هممم !
المود : .... هالكثــــــر (.................................... ^^ .................................) .,
الموضوع : مقتطفات !

//

مكالمة هاتفية ...

الطرف الآخر : ألـــو ..
سكون : آلـــو ..

الطرف الآخر : ألـــو ..
سكون : آلـــو ..!

الطرف الآخر يزاعج : ألــــــــــو :pullhair: ..
سكون : :Oo: !

سكون : نعم ألو ،، قاعده أقول ألو :shutup: !!!"
الطرف الآخر يزاعج : ليش صوتج واطي ،، شو تكلمين روحج :pullhair:!؟!؟!؟!؟!

سكون واهي قابضه روحها عن تضحك ! : ها ،، لاصوتي عادي :rock:" !
الطرف الآخر يزاعج : قولي لاختج خلها تنزل بسرعه :pullhair:!!؟!؟!؟

سكون : ان شاء الله :doh: ..
الطرف الآخر : يالله بسرعه ،، وسكر الخط !!!!!!!!!!!

سكون بخاطرها : بسم الله :fa46: !

//

هممم وايد اتيني مكالمات من أرقام غريبه ،، أو ان يظهرلي الرقم دون الاسم بما اني نسخت اسامي البعض بالغلط مرتين !
وانا من النوع اللي بسرعه ارتبك ،، ماعرف أرد عاللي يتصلون بالغلط // حتى آخر مره احليلها حرمة متصله من لبنان ..
وانا من دون ما أركز معاها كله تميت أقولها نعم نعم ،، سمحيلي اختي غلطانه بالرقم ،، واهي تنقلني الرقم صح :rock: ~ !

وووو صح ،، يقولون باجر العيد .. >> حلفي انتي بس :fa46: !
كل عام وانتو جميعا بخير واحسان ،، وربي يديم عليكم العافيه ..

:smile: .,

[مزن هتان]

اليوم : الخميس
المود : عال العال

الموضوع
رادين من عوافي من شوي استانسنا غيرنا جو مع أهل
زوج عمتي (في عزبتهم ) شرحيين طيبين حبوبيبن ميلسهم ما ينمل
بالسيره و الرده انا أسوق ( تعب )
أمي و خواتي الاثنين عدهن لياسن بس ما يسوقن

بروح أرقد

[تحفه]

المود: متتتتوله على بوظبييييي

الموضوع : مابي الاجااااازه تخخخخخخلللص .. ياريت لو اقدر اعيد الزمن ;'(


بوظبيييي !!!
http://oasis.bindubai.com/bin/uploaded/3281_11229094030.png (http://oasis.bindubai.com/bin)




حتى زينه الشوارع فيها علامه شانل لوووووول !!.. صدق انها مني وانا منها :k_busted_cop:

http://oasis.bindubai.com/bin/uploaded/3281_11229094117.png (http://oasis.bindubai.com/bin)

[ملاك الروووح]

المعنويات : متحطمه .. :glare:

بنرد الدوام عقب باااااااااااااااااااجر .. لاااااااااااااااااااااااا اا .. ماباااااااااااااااااااااا اااااا

:k_no:

شو هالحاله ..

والله كل ما أذكر الموضوع اتيني حالة اكتئاب ..

صح اني تولهت ع البنات شوي .. بس مابي أرد حق لوعة الجبد ومجابل الكستمر السخيفين ..

:3:

وبعد عندي جرد آخر السنه OMGGGGGG


:

أكره شي يوم أجوف الستف ولا الكستمرز في المولز .. ويعرفوني ..

وشوي واحسهم بيون يسلمووووووووووون :fa39:

والله عادي عندهم ما يحشمون ترى ..

:k_devil2:

:

استانسنا وايد ف هالاجاااااااااااااااااااا زه

بس بغيت أصييييييييح يوم سلمت علي بنت عمي .. وقالت لي خلاص هذا اخر عيد حقي وياكم ..

مابجوفكم لين العرس ..

حسيت جيه قبضتني غصه ..! :k_no:

بنتوله على هالايام والله !!:fa41:

مابي نكبر .. أبي انتم جيه .. بنااااااااااااااات ..

اللي عرست واللي عندها ياهل .. واللي انخطبت .. :k_no: وانشغلوا بالدنيا ..


جان زين لو نقدر نوقف الزمن لي هنيه ..

:

بنت اختي يوم أكون يالسه وياها ما أحس انه نسولف ..

وسوالفنا ما تطلع الا ع المسن لوووول فديتها والله دمها عسسسسسل ..



..مشتاق لك موت ياللي طول غيابك .. ذبحني الشوق وانت عني مو داري.. says:
hhhhhhhhhhhhhhhhhhh
..مشتاق لك موت ياللي طول غيابك .. ذبحني الشوق وانت عني مو داري.. says:
trane 6al3a 3laich


فديتها ياربي .. :inlove:

::

جني البارحه حلمانه ف حد من الواحات .. بس ما بقول منو :14:

[مــهــابه]

اليـوم :


~ الخميس واللـي مايطلـع شـو ؟

كملـوهـآ آنــتو:4:


المزاج :

عـآل العــال

منوه هذا بعد عبدالعـآل ؟


~ الموضــوع :


بررررد


http://cars-club.maktoob.com/ftp/qalaq/new/AL%20Ain.jpg


هذي السنه برد { العــين } متغيّر . . '
ما هو سواة العام || واللي ورا العام
لـو ان خلـّي لا زقرته يسيّـر '`*
ما همّني هـ البرد , , لو ترجـف عظـام . . !*

[مزن هتان]

^^ :fa41:


Day: thursday
mood: fine

sub: secret :fa41: between me and alAin
i need to be in alAin this weekend, miss the road ,weather alMbazarh evreything in alAin

CRY

[مــهــابه]

اليوم :

~ بدايه " أسبوع " متعـبه


المزاج :

سـآد


الموضوع :

~ تمنيـت الآرض تـنشق وتـبلعـني ، بس ما آشوفهـا


لـيش ؟


اليوم الصبح كنـت فالكلآس كاتبه هالعـباره بس جيه يعـني :


~ في زحمة الحيـاه نعاهد آنفسنا بآننا سوف نـنسى
ونـكتشف بـعدها بأن الذاكره قـد " امحت " وجـودهم




وعـقبهـا بشوي بس ومن شفتها ، كل شي تغيييير ، واكتشفت بأن اللي كتبتها

كان كـلام فـ كلام

[مزن هتان]

اليوم : ثلاثا اربعا و الخميس
المزاج : متوتره

الموضوع
أختي اللي أصغر مني ملجتها شهر 4 =)
اربيعتي اللي معاي تقولي مالت عليه و عليج هع اقولها
نصيب، قبل 10 ايام كان عقد قِران أخوي على بنت خالتي
كلنااااا مستانسين عقبه بيومين كانت ملجة بنت عميمه

اي صح قبل كم يوم مرت خالي ربت جابت ولد (غيث) هذا الـ 4 كانت تبي بنت

:fa41:
أوحشوني شمعة امل، حلم الطفوله و سكون


لازم ارقد الحيييين

[مزن هتان]

اليوم : السبت
المزاج : جان ازعل !!

الموضوع : شمسه

25 - jan عرسها بنت خالتي أكبر مني بسنه
من شوي اختي ام سيف ذكرتني انها راح تسافر بعد
عرسها باسبوعين يمكن اكثر يمكن اقل
المهم انها بتروح و مادري متى بشوفها عقب يمكن سنه يمكن
اكثر يمكن اقل، اختي تكلمني و انا ميته من الصياح
و البارحه تقول لي شمسه مزن ابي اظهر قبل العرس معاج
و انا اقول لأ مابي ماني متخيله بصيح بصيح


شمسه مكانتها غير عندي :fa41: و عند ماما بعد
افكر اني ما اروح عرسها
انا وايد زعلانه

[حلم الطفوله]

مساء دهن العود ولمخمريه :k_blush-anim-cl:

مزن هتان ... تخيلي ما تحضرين عرسها !!!:d014:

هاي لحظه مهمه في حياتها !! لازم تشاركينها لحظاتها الحلوه وتتمنيلها السعاده بهاليوم السعيد:heart:

كافي انها وياج بهالأيام إلي طافت ...سيرتكم وردتكم مع بعض !!

سيري ... وشوفي فرحتها بعيونج

وهالزمن الموبايل ما يقصر !!! ووووووووووووووووووووووووو و ووايد أشياءات بسويها فيج جان ما سرتي

أهمها ... قرصه معتبره على خدج :biggrin:

[مزن هتان]

شوفي دامج وصلتي لين هني
حتى لو ما قلتي لي روحي بروح، جم تسوى طلتج علينا
وحشتيني :fa41:

من عيوني اروح

[شمعة أمل]

اليوم الأحد
المود مستانسه
الموضوع:

اليوم كان وااااااااااااايد حلووووووووووو D:
رقدت شوي متأخر البارحه بس نشيت من وقتتتت
وطلعت اتغدى ويا صديقتييييييي! مب شايفتنها من زمااان، سرنا سوق البحر بالغلط دخلنا مدخل الشقق! دشينا نشوف الباب مب طايع يفتح فـ دخلنا اللفت ونـزلنا طابق وبعد نفس الحاله! جان يطلعلنا واحد بريطاني ياي من الباركينغ فسألته وين المطاعم؟جان يأشر على شي الصوب الثاني من الباركينغ يوم طلعنا من هالقسـم شفنا لافته مكتوب عليها apartment residents only لوووول! عبببببط!! وايد استاااانستتتتت بس يوم رديت البيت انهزبت:crazy: ماعرف ليـش؟؟ امي تقول اني وايد أطلع هالأيام؟! بس انا ماطلع وايد:blush:
المهمممممممممم
بعدين كان عندنا عشا على اليخت واختي الصغيره نقعت فييه خيانه وآخر شي مايت!!! كنت اباها تيييييي بس شو اسوي اونه تدرس
المهم
سرت ويا الماما ويدوتيي ويوم وصلنا شفت سيارة أبويه مبركنه داخل .. وحليلي بركنت برع
وابويه يا من الجيم هناك جان يقولي مييم انتي هنيه؟ عيل سيارتج وين؟؟
أنا: برع
ابويه: ليش مبركنتها برع!
أنا: انت قلتلي لاتبركنين داخل مب لازم!
أبويه: انا ماقلت
وحليله ابويه نسّاي دوم ينسى..
انيوييز سرت دخلت سيارتي داخل.. يوم كنت عند السكيوتري أحاول أفهمهم انه سياره ثانيه يايه! مايفهمون رفعولي ضعطيييييييييي!! عقب طرشت واحد يسير يفهمهم ويعطيهم بيانات السياره الى بتي

بعدييييييين اصدقائنا الروسيين يوو.. اسمينيي ضحكت لين ماقلت بسسس:4: سوالفهم ماتنمللللللللل وأحلى شي التنقعينات بدال singing يقول songing :tongue:.. يلست أتذكر أيام ماديرا وياهم:4: هاليلسه ناقصتنها خواتي وبنت عمي:blush:

اووووووووووووه

نسيت اقول
ماشي ضحكني غير انه الريال brought a man bag crocodile clutch :4:

anyhooo
استوت الساعه 11 واضطريت أرد البيت، حرام اختي الصغيره روحها ويوم كنت نازله ماحصلت نعااااااالي!!:4: عقب حصلته مخشوش في صندوووق.. وانا من الصبح اتحرى هالصندوق زباله واتفلسف على اميه اقوللها شوفي هالزبايل كيف شكلهم غريب:4:

لا بس صدق كان زياغ
كنت امشي روحي بين اليخوت ولا يطلعلي هالبودي قارد مال هالروسيين وهو روحه روسي ويزيييييييييييييييييييييي ييييغ اميييه صدق يخوووف!!! ولا اسمعه يمشيي ورايه وانا خلاااااااااااااص ميته من الزياغ عن لايذبحني ولا شي ابدى امشي بسرعه! ولا اسمع خطواته تسرع وجان اعطييه واركض لين سيارتي :4:
مب مشكلتي.. الصراحه شكله مايساعد ضخم ولابسه بدله كلشي اسود في اسود والمكان ظلام :s

أنا شي اسمه بودي قاردز ماحبهم!! اونه حق الأمان وجي.. أي أماان أصلن من شكلهم الواحد مستحيل يحس بالأمان:fa52:


وباجر بيكون يوم حلوووو
بعد بطلع ويا صديقة الطفوله.. بس ماعرف وين بنسير بعدني ماقررتتتتتتت.. أقوللها وين تبين تسيرين ترد علي انتي وين تبين تسيرين؟ الحين انا ماسألت السؤال عشان تسألني.. أنا سألت السؤال عشان تجاوب:whistling:
ان شاء الله مانهزب باجر.. أصلن الغلط مب مني
هزبة اليوم ماكان له داعي.. هزبه عبيطه:4:

[قصايد غلا]

^ هههههههههههههههههههه شمعة ضحكتيني على سالفة الزبالة أونه شكلها غرييييييب :laugh:

و أحلى شي يوم تركضين من الزيغة :birgits_giggle:



اليوم : استوا الاثنين :)

المزاج : تعبانة و منهد حيلي و مستاااااااااااااااااااااا اااانسسسسسسسسسسسسسسسة و فيّه رقااااااااااااااااااد

الموضوع : أنا مستانسة لأنه بدت إجازتي من تاريخ 27 _ 12 اللي هو أمس :fa42:

ارتـــــــــحـــــــــــت نفسيًـــا من هالعلة الجامعة و من طاريها و من مجابل الويوه الشينة ويوه الدكاترة و البناااااات و المنااااكر :fa52:

عاد من الفرحة .. سيدة من عقب الامتحان خليت اميه توديني ستاربكس عشان أبرد فواااادي بفرابتشينو :14:

وعقب سرنا أنا و أميه و أبويه بيت خالوه و استانست

لكن اليوووووم

نشيت الساعة 6 الصبح مع إني راقدة 3 الفير يعني مب راقدة غير 3 ساعااااااااااات ، تميت أسولف ويا أبويه و غصصت على أميه و عقب جابلت التلفزيووون و خلاف ظهرت ويا خالوه وعيالها

رديت الساعة 5 و شي ، قالت أميه يلا اتزهبي بنسير البر ويا قوم عموه و بعد قوم .....و قوم ...... و إلخ يتريوننا هنااااك

سرنا و جنّي حاسة اني بتيمّد .. شليت شال و جاكيت و لابسة ثياب صوف و بعدني برداااااااااااااااااانةةة ةةةةةةةةةةةةةةةةةةة إلا متيمممممممدةةةةةةةة

و استانسنا و ضحكنا إلاّ هلكنا من الضحك و من عقب الضحك جان تظهر لهم عقرب صفرا و سووا لنا حفلة من كثر ما يباغمووون :shutup:


وعقب شوية أونه عمي بيتفلسف و مادري شو بيسوي ، عنده شي مثل المنطاد ولازم يولعون له ضو
جان يطيره و جاااااااااااااااااااااااا ااااااااااان يتعلّق في الغافة و تبق الغافة و هلكناااااااااااااا من الضحك علييييييييييييه .. زين ما احترقنا :hysterical::hysterical::hysterical::hysterical::h ysterical::hysterical::hysterical::hysterical::hys terical:

[مزن هتان]

اليوم : الاثنين
المزاج : ماعرف

الموضوع : ما عرف شو صاير فيني هاليومين


مادري شـ جاني كل شوي طقيتها بجوه صايره حساسه و رقيقه هاليومين
و الا دلوعه ما عرف بس اكيد اني ماني صاحيه اجل اكو وحده تصيح
عاشن ريلها تعورها !! ذكرت شمسه صحت، ذكرت رفيجتي عيّشه صحت
تعبانه صحت اخوي يمزح معاي صحت. شـ هـ المنكر بعد !!
صار شي هني بعد زعلت و تكدرت مع انه شي ما يرزى، صايره بنوته P:

احس انه في ناس هني ما يتقبلوني، مو غلطتي اذا انا ردودي جافه هذا اسلوبي

بسير اكمل بجي ;(

[بنت الدلع]

اليوم: الاثنين
المود: :confused:

اليوم كان عادي سرت الجامعه مال ساعتين ورجعت
ومن متى يالسه اشتغل
باجر عندي عرض ماده فلميه (برزنتيشن)
والكل بغاني اكون المنسقه العامه
صدق تعبت من الشغل
سويت ريسيرج عن الموضوع كامل
ورتبت البوربوينت وقسمت الشغل ووزعته
والحين يالسه اشوف الفلم عسب اختار أكثر لقطه معبره عن الموضوع واعرضه باجر

وغير جيه عندنا تسليم تقرير حق هذا الموضوع
واااايد شغل والله تعبت

وباجر عندي امتحان آي تي
ذاكرت بس بعدني ماراجعت
لازم اراجع من الورقه الي يعطينا السير لانها وايد مهمه

ان شاء الله باجر يمر على خير وبجي بيكون عندي تسليم بس شيئين (بروجكت الانفايرومنت و ريسيرج بيبر) + برزنتيشنين ومن بعدها على طول الفاينلز .. تعب والله


حاليا اعاني من حاله غريبه صايبتني
شي وايد شخصي بس ماعرف احس جيه اني يالسه عالكرسي والشريط يمشي جدام عيوني
مب مستوعبه شو الي يالس يصير
شرات الكابوس
مثل سلسة احلام جيه مرتبطه ويا بعض وانا اتريا النهايه
باسم الله الرحمن الرحيم
يارب ابعد عني وساوس الشياطين وطمّن لي قلبي

[بنت الدلع]

اليوم: الثلاثاء
المود: اففف راااحه

الموضوع:

الحمدالله سويت البرزنتيشن اليوم وكان اوكي وافتكيت

بعد ماظهرت من الجامعه مريت اخذ لي جواتي عالسريع
عفان الله am running out of shoeses

http://oasis.bindubai.com/bin/uploaded/2211_11230665711.jpg


http://oasis.bindubai.com/bin/uploaded/2211_11230665744.jpg


http://oasis.bindubai.com/bin/uploaded/2211_11230665795.jpg

واااايد مريحييييييييين

وصلت البيت وخلاص كنت ميته من التعب رقدت لييييييين بعد المغرب
نشيت وشفتهم يااايبييين لي كناااافه :inlove:
يمميييي

وعلى نهاية اليوم وصلني هالشي

http://oasis.bindubai.com/bin/uploaded/2211_11230665954.jpg

لونه وااااايد حلووو وناعم :fa41:

[تحفه]

حلوه يومياتج .. دوم عندج قصص لول! يوميات صايره ممله

[بنت الدلع]

لول ثانكس
وايد اكشنات تستوي لي

[تحفه]

^انا الاكشنات الوحيده الي عايشتنها في حياتي هي ضغوطات الديدلاينز و الامتحانات لووول

[مــهــابه]

الــيوم :


~ الآربعــا


المـزآج :


مسـتآنســه واااااااااااايد


الموضوع :


~ آمس مـتأخر آتذكرت عـيد ميلآد بنت ختيـه وتذكرت آني سـويت لـ عـبودي كيكـه وهي مآسويت لهآ

غمضـتني ~ *

آتصلت فـ خآليه وقـلت لـه ودنـي ، مآطآع آونه زحمـه وآنـآ مشغول ومـآدري شو

المهم عقب حَـنه ورَنـه روحت البآسكن وخذت لـهآ كيـكة مال سـرعه سرعه بس تفي بالغـرض:fa56:


http://oasis.bindubai.com/bin/uploaded/222_21230738068.jpg (http://oasis.bindubai.com/bin)


طبعـآ كالعـآدة آحط الشموع ولآزم آحـترق :4:

وسوينـآ بـآرتي مآل خبـآل ، ماتمـت بـآلونه مانقعـوهـآ فــ ويهـي :fa46:

~ آهم شي آسـتآنست وآآيد :fa41:

شـوي ، آشـوف بـوكس ميـوب حقـي ،،

http://oasis.bindubai.com/bin/uploaded/222_01230738068.jpg (http://oasis.bindubai.com/bin)


:fa34: تـشوفون شقـآ فـآج حلجه هـذآ ، شرآتـه آنـا ، صدق آستانسـت ، هذي آول هديه منهم :fa41:

فـرحت بس آستحيت شويه ، لآنهآ جدآم خواتي الكبآر وآمايه ( آونهـا البنت تسـتحي عـآد ) :fa56:


فـجيتهـآ :

http://oasis.bindubai.com/bin/uploaded/222_11230738068.jpg (http://oasis.bindubai.com/bin)


~ تـدري وش آغـلى من " الهديه ؟ !

آنهـا [ منـك ]

وآني لـمآ آمسك ( الدميـه )

فـيهآ ريـحه تـشبهك

وكـ آني آشمك


كلماتي :fa41:


آكثر شي حبيـته الدبدووب الصغير ، ريحته حلوه :k_harhar1:

[عنــود المهـا]

^^
مهآبتي والله تستاهلين
آنا حسيت بـ شعورج
لأني
آنـــا آول من شهد اللحظه التاريخيه
وأصلن محد فاهم شي ~ والكل مستغرب
.
.
حبيت نظرتج الاندهاشيه
صدق وناسه
.
.
لو تشوفون شكل مهابه
عسسسسسسسسسسسسسسل

[تحفه]

ماهااااااابه ،،، تستاااااهلييييين كلللل خييييررر


عيشتيني الجو وياجج لوووول

[مــهــابه]

عـنود المهـآ :


آنـتي آخر وحده تـرمسين يـالدبه
آحبـج آنــا


تـحفه :

مــن طيب آصلـج والله

شكراً :)

[رمــش الغـــلا]

مهآآآبتي

تستآآهلين حبيبتي ^__^

واهم شي تكونين مستآآآآنسة :)

.
.

[بنت الدلع]

مهابه
تستااااهلين كل خييير
حسيت باحساااسج ^_^


===


اليوم: الأربعاء "يعني امس"
المود: عادي بس وايد كنت مشغوله


كان يوم حلو وفيه وااااايد اكشناااات لول بس بذكر لكم بعض الي صار
العصر سرت الجمعيه وتشريت اغراض وييت البيت وسويت كب كيييييب عشاااااااان بعض الناااااس بيووون بييييتناااا :inlove:
هالبعض الناس من الواحاااات بعدين بخبركم منووو


وسويت كب كيك وبعدين وديت بيت صديقة الطفوله لانها من زمااااان ودها تذووقه
تميت عندها مال 10 دقايق
وبعدين رديت البيت وعقب ظهرت ويا هلي
اني ويييز شفنا حرمه من اهلنا ماما سلمت عليها جان تقولي تعالي اميه سلمي على خالوه
واناااا :9:


آآه يالقفطه كنت توني ماكله هالحلاوه الحمرا الكبيييره الي فيها لبان داخلها
وخدي منتفخ :biggrin:


حاولت اكسرها بسرعه بس مووول ماشي وقت لوول وايد فظييحه


اني ويييز ردينا البيت
وبعدين فليل يلست اتابع فلم ويا اخويا
بلاك هوك داون (حرب)
سالفه صدقيه كانت مستويه في الصومال واايد احب افلام الحرب
المهم خلص الفلم وقبل لا ارقد شغلت الدفايه لانه ثلللللللج
قبل لا ادخل الغرفه جان اسمع صوت انفجااار


بوووووووم :huh:



وشفت دخان اسود


امييييييييه شو استوى !!!!! :Oo:



ريحة حررررق :boxed:



الدفايه صاحيه مافيها شي ما احترقت
جيكت عالمحول ولا اشوف ليتاته مب شغاله !!
قلت بجيك عالسوكت


:oh:



http://oasis.bindubai.com/bin/uploaded/2211_11230815022.jpg


ايش الي صااار !!


http://oasis.bindubai.com/bin/uploaded/2211_11230815162.jpg


:crosseyed:

[تحفه]

اووويه زين ما تشوطو

يبالكم تتصلون في حد مختص .. كلشي ولا الكهربا

[بنت الدلع]

الساعه 2 ونص فليل بتصل في منو >.<
الحمدالله مافي شي قريب من السوكت ولاكنت بكون في خبر كان
الحمدالله على سلامتي XD

صدقج والله كل شي ولا الكهربا
بس لان كان عليه لوود واايد عسب جيه نقع
دفايه+ ثلاجه+ جارج اللابتوب+ البرنتر+ اضاءة المكتب >.< كل شي مكودتنهم مكان واحد

[محد يستاهل]

تستاهلين السلامة بنت الدلع ..

[ذنـيـنـي]

اليوم: الجمعة 2-1-2009
المزايج: رااااااااااااااااااايق
الساعه 11 الا عشر


يالس اسولف ويا حمودي ولد اخويه "بلغته العجيبة"
لا تسألوني شو تقوله و شو يقولك، لأني ما اعرف
بس قلتله شي و مط بوزه و عقب قلتله شي ثاني و رقعت السالفة و ضحك و لا تسألوني شو هالشي الي زعله و شو هو الشي الي ضحكه لول

اوا اوا ابو ابوغا اسّي تو ابوغا اوا لول

[قصايد غلا]

اليوم : السبت :k_smile2:

المزاج : مستانسة :fa34:


الموضوع : يتنا بنّوتة يديــــــــــــــدة .. يونا بنوتات من فترة لكن ما أعترف فيهن :4:

هذي بس أعترف فيها .. اليوم الفير الساعة 4 و شي شرّفت و سمّوها "عــــهــــد" موووووول مب حـــــــــــــــلــــــــ ـــــو الاسم ، ما عيبني :mf_leia:

[شمعة أمل]

اليوم الأحد
المود بخير
الموضوع:

من كم يوم وانا انظف حجرتي، وكل يوم أحصل صور يوم كنت صغيره.. بدال ما انظف حجرتي يالسه اصور الصور واي صوره فيها وحده من ربيعاتي اطرشلها اياه بالأم أم اس :k_harhar1:
وحده وحليلها زين ما صاحت.. توها مربي وانا مطرشتلها صورتي وياها في حفله في بيتنا يوم كان عمري 2:k_harhar1: ولا اطرش للثانيه صورة بيبي تصيح واقوللها بلاهااا الكتكوته تصيح وسنه لين ماتستوعب انه هالكتكوته هييي! :k_harhar1: كان كشخه:birgits_giggle: لاحظت انه معظم البنات في الصور لين الحين اعرفهم.. الله يخليهم لي:heart:

بعض الصور:k_blush-anim-cl:

مشكله يوم يطرشونا الباليه:woot:

http://oasis.bindubai.com/bin/uploaded/2373_01231066147.jpg (http://oasis.bindubai.com/bin)


مشكله يوم بنات دبي في امريكا :k_harhar1: خمس بنات صغار اونه نرقص هالرقص مال cowboys .. عايشين الدوور ومتكشخييين :4::a049::fa56: أحيد تضاربنا ضرابه عوده على البوتس:a058:

http://oasis.bindubai.com/bin/uploaded/2373_11231066147.jpg (http://oasis.bindubai.com/bin)

:heart::heart::heart:

http://oasis.bindubai.com/bin/uploaded/2373_21231066147.jpg (http://oasis.bindubai.com/bin)

خسوووووفه :hysterical:

http://oasis.bindubai.com/bin/uploaded/2373_01231066651.jpg (http://oasis.bindubai.com/bin)

[قصايد غلا]

اللــــــــه أحب صور الطفولة =)

يا ربيييييييييه محلااهاااااا هاي الصورة الاخيرة .. كتكووووتـــــــــة

أنيقة من يوم يومج تهتمين بالنظارة =p

[بنت الدلع]

شمعه
كيوووووت الصوره الاخييييره

====

اليوم: يوم التسلييييم العااااالميييي

افففف عندنا بروجكت environmental sciences
وحظرته اليوم مطرش لنا ايميل اونه اليوم التسلييييم !!!!!!
يتمصخر حظرته
يحليلي كنت رااااقده ومتهنيه جان توعيني ربيعتي قالت نشييي اليوم التسلييييم !!!

بروجتنا لازم نختار جزيره ونكتب عنها
ونحن مختارين madagascar
بس لو يخلينا باجر نسلمه واااايد زين
بنسويه على شكل بوستر وبيكون وااايد كلرفل وحلووو وكرييتف
بس هالآدمي الله يسامحه يباه سوفت كوبي !!!

وانا بعدني ماخلصت
عندي تسليم تقرير + سيدي فيه كل شغلي مال هالسمستر حق استاذ الاسلاميك
+ تسليم الريسيرج بيبر حق تيجر الانجليزي
واليوم لازم اظهر ويا هلي فليل
متى بخلص شغلي !!! >.<


وهم اذكياااااااء يعطوونا كل هالبروجكتات على نهاية السمستر مايدروون ان عندنا فاينلز

[تحفه]

بنت الدلع : حمدلله يوم محد تاذى ! تحملو !

ذنيني : لووووول ولد اخوك كيوووت

قصايد: مبرووووووك .. فديتها كيوووووت .. والله انها حلوه

شمعه : كنتي صغيييييره .. الصور مب واضحات .. بس الصوره الاخيره كيوت!

بنت الدلع : اوووويه احححيييد هالبروووجكت .. نحنا سوينا عن سويسرااااااا 3> اتضاربنا على الورقا بس عشان نكون اول ناس نوقع وناخذ سوييسرااا لووووووول! حتى في الدراسه والبروجكتات نتنقاااا شو نحب هيهيهي صدق بنات

[تحفه]

اليوم ناشه على اذان المغرب


رقااادي معتفس من رمضااان ولا افكر اعدله لووووووول!
عندي باجر تسليم بروجكت .. لازم اكتب ١٥٠٠ كلمه للحين كاتبه ٣٠٠ لووووووووووول !! ماقدر اكتب خلاص مخي تجمد من البرررررد .. ابي اشرب شاي دافي بس ماقدر لانه الوقت متاخر ونا ماشرب شي الا ماي بعد الساعه ١٠ ....
باجر دوامي من ٨ لين ١٢ .... واليوم الي بعده عندي امتحان ٦ جابتراااااات! الللللله يكون في عوووووووونييي


الجو ابدا مايشجع علمذاكره

[ملاك الروووح]

:

بنت الدلع

الحمدلله ع سلامتج حبيبتي :a070: تحملي مب زين والله ..

وبعدين ما قلتي لنا انزين منو هاي مال الواحات ؟ :h_daleel: لول

وشو سالفة هالفلم مال الصومال ولد اختي لوع لي بجبدي ترى :m_afaker:

كل ما أي آكل شي اونه خالوه والله لو قلت لج شو استوى في الفلم البارحي

عادي ترجعين الحين :boxed: !

اقوله شو استوى ؟ :glare:

اونه لالا كلي عقب بقولج

وع العشا نفس الموّال .. طفر بي ولين الحين ما عرفت شو سالفة الفلم لووول



الله يعينج ع شغل الجامعه :k_puppyeyes:

يبالكم تدخلون سالفة رسوم مدغشقر في البروجكت لول ..

<< خلي افكارج حق عمرج :biggrin:

:

قصووووووووووده

تستاهلوووووووووووووون ماياكم ..

تتربى ف عزكم ان شاء الله ..

بالعكس حلو اسمها وايد .. :inlove:

عاد لو كنتوا بلوش بتتوهقون ويا العيايز بيزقرونها ( أهد :biggrin: لووول )

الله يحفظها لكم ..

:

شمعووووووووه

لوووووووووووووول

آخر صورتين ما طرشتيهم لي :biggrin:

فدييييييييييتج كتكووووووووووته

وايد عيبوني الصور

مانروم عليج يالبلارينا .. :k_harhar1:

حبيبتي والله

:

مهوووووووب

تستاهلين ياقلبي :inlove:

استانست لج والله ..

خاطري أجرب هالشعور أنا بعد :d014:

<< انزين ليش محرجه ع البنت لول :biggrin:

[قصايد غلا]

تحفة : الله يبارك في حياتج ، تسلمييييين حبيبتي عيونج الحلوة :heart:


حاولي تصفّين ذهنج و تيلسين في مكان هاااادي ، و ريحي أعصااااابج بتطلع الأفكااااااار و بتكتبين و بتفتكين إن شا الله

الله يعيييينج و يوفقج :k_smile2:

[قصايد غلا]

ملااااااااااااااااااااااا اااك : بس عااااااد .. هلّكتيني من الضحك اليوم

والله انتي عسسسسسسسسسل:12:

لالا مب فرنسيين .. بيزقرنها عهد عيايزنا

روحهن محتجّات اللي تباهم يسمّونها غاية عليها و اللي تباها نورة و ... إلخ :a100:

[ملاك الروووح]

^


لووووووووول فديتج انتي العسل والله :fa41:

زين انه مافيكم عرج فرنسي لووووول ..

يوم بغيت أختار لي اسم ..

يالسه أراعي اللفظ الفرنسي حق الاسم

وأحاول ما أختار اسم فيه حرف العين لووول



هنيه الدنيا

جوفوا الأسامي .. والدلع ..

مالت علينا نحن :pullhair:



فدييييييييييييتها جفت صورتها ف موضوع اليهال

تجننننننننننن ماشاءالله

الله يحفظها لكم :inlove:

احب اليهال اللي جيه ماشاءالله ملامحهم تكون مبينه

تبادلونا بهنّود ؟ :a0360:

[قصايد غلا]

اليوم : الأحد

المود : امممم عااااادي

الموضوع :

اليوم من أصبحت و أنا في البيت

أبويه و أميه ساروا الذيد و أنا و أخويه في البيت

ظهر أخويه وخلاني بروحي ويا البشكارة

و طوووول الوقت مجابلة اللابتوب و التلفزيووون .. ملللللللللللللللللللللللل لللللللللللللللللل
بس أقوم أصلي و أرد أطالع التلفزيون

==================================

ملاك : هيه هيه عطونّا هنودة ، بتجتلني أمها لوووول:birgits_giggle:

أنا بعد أحب اليهال اللي ملامحهم باااارزة واااايد

يونا يهال وايد السنة .. لو شفتي علاوي اليديد بتحبّينه ماشااااااااء الله أول مرة أشوف بيبي في عايلتنا ملامحه بارزة
ماشا الله عليه وااااااااااايد حلو

ما حطيت صورته لأني مليت من الأولاد ، يوم بتفيج بحط صورته

[تحفه]

قصايد المشكله كل ما ايي اكتب في القووقل شي حق الريسيرج احول وادش الواحات لووووول!

حاله نفسيه >.<

[ملاك الروووح]

^

جان سرتي وياهم .. أحسن لج من يلسة البيت والله .. :h_daleel:


أنا بعد أمل بسرعه في الاجازه .. بس هالاجازه استانست فيها وايد

لانه كان في فعاليات .. وكنت مطيحه في الاسواق ..

واحتفلنا ب ميلاد اختي .. ف كان وناسه .. :11:

:

لوووووووول

خلاص متى بتم عملية المقايضه والتبادل التجاري ؟ :h_daleel:

بنتلاقى عن أرسلان كافيه :biggrin: بالمره بنشرب كرك ع الماشي لول

شو رايج ؟

:

ماشاءاللللللللله

يتربى ف عزكم يارب ..

يالله بترياج حطي لنا صورته ..

الله يحفظه لكم يارب ..

حتى نحن هالسنه كان الفيض زاخر عندنا :h_daleel:

خالد .. وشما .. وغيث يوناااااااااا ..

فديتهم والله من زمان ما جفتهم ...

ملامحهم تغيرت .. :boxed: عادي لو جفتهم الحين ما أعرفهم :biggrin:

:

المود : وااااااااايد متفيجه وما أعرف شو أسوي ف عمري

اختي قالت لي بتعطيني فلم كوري وايد حلو .. بسير أجوفه الحين ..

أبي أستغل كل دقيقه وكل ثانيه من اجازتي :h_daleel: بما انه هالسنه مول ما بنحصل اجازات محترمه ..


وايد يالسه افكر ف عرس بنت عمي ..

وأحاتي الميك أب والشعر

متطمنه من ناحية الفستان والحمدلله العباه جاهزه والشنطه والنعال والاكسسوارات ..


ان شاءالله شكلي يكون حلو .. واكون مقتنعه بعمري ..

وياويلها رمش الغلا لو ما يت :a058: بصفعها صج هي ودفوووووش .. :d014:

:

قصوده ما بتين العرس ؟ :inlove:

[قصايد غلا]

تحفة : ما ينفع جذه ، وقت الجد جد =@ والله عقب بتقولين طاف الوقت و ما سوّيت شي

لاحقة على الواحات ، يلا ابدي بهمة .. الله يوفقج :)


ملاك : شسوي ، أميه قالت ما بنطوّل ، سايرين المزرعة وما بييلسون بس بيوصلون شي وبيردّون

متى ما تبين بنتبادل اليهال ===> حسّستيني إنه نحن من هالمصريات اللي يخطفن اليهااااااااااال :fa46:

فديتهم ما شفناااااهم أحفادكم اليداد ربي يحفظهم


لوووووول لالا شو ايّيبني أنا أستحي :a100: ، بي عرسج بإذن الله :a070:

أحس إنه بيروغوني من الواحات بسبة هذربااااني :vampire:

[ملاك الروووح]

:

لوووووووووووووووووووووووو ووووووووووول

والله ضحكتيني

عيل مب هالمصاروه :biggrin:


اختي دوم جيه كل ما تشوف حد من اليهال لابس ذهب تقولي ملاكوه فوقه

خل نقص ايدهم ( لو كان خاتم ) ولا اذونهم ( لو شغاب ) :biggrin: لوووول

متأثره باستراحة الجمعه يوم كانوا يحطون كله جرايم مصريه جيه تحيدين لوول

:

بحط صورهم ..

ماشاءالله كبروا .. وبيعرسون وانا لين الحين متعايزه انزل صورهم :k_harhar1:


فديت اللي يستحون :k_harhar1:

غصباً عنج بتين عرسي :d014:

بس خل ايي ملعون الصير اول شي :bash: لوول


انا بعد وايد ارمس :fa52: يالله تصبحين على خير غناتي :inlove:

[قصايد غلا]

لا ما أحيد والله :S

ههههههههههههههههههههههههه هههههههههههههههههههههههه ملااااااااااااااك والله وايد ضحكت اليوم بسبتج

غيرتي لي مودي :a068:

حلوة سوالفج والله =D

ملعون الصير عيل هااااااه .. امدحييييه عشان ايّي وعقب حاسبيه على التأخييير =p

و انتي من هله الغاليــة "خالة هنودة الحلوة":k_smile2:

[ملاك الروووح]

^

لووووووووووول

عساها دوم الضحكه ما تفارقج حبيبتي

:inlove:

:

لوووووووووووول

ع قولة اختي يوم الملجه بعطيه كف ع ويهه بقوله تو النااااااااااس :a058:

<< شو هالعايله العنيفه :boxed: هع

:

ترى هنّود طالعه على خالتها هاه :k_harhar1: لوووول

:

شكلي بنطرد من الواحات انا بسبة هذرباني لول

يالله تيك كير حبيبتي

[قصايد غلا]

وياااج يا رب
ههههههههههههههههههههههههه ه عاد إن شا الله ما يكون عنيف ريلها و لا بتستوي مصيبة :4:
فديييييتها راعية سوالف هنودة و دمها خفيف و رقيقة :a010:

و أنا لاحقتنج لووووووووول
يو تو غناااتي :)

[شمعة أمل]

اليوم الاثنين
المود bittersweet
الموضوع

نشيت من وقت اليوم وطلعت ويا أبويه واختي امرتس مول نتريق .. ريوق فاااشل بس صحبه حلوووه!! بعدين سرنا ندور هديه لـ عيدميلاد اختي الثانيه.. ماحصلت شيييي لين آخر شي قالي ابويه انتي شو تبين تشتريلها؟ قلتله هالانسانه شو تحب غير المجوهرات؟؟ بس خاطري اشتريلها لولو لانه ماعندهاا.. ورد علي جان قلتيي من الصبح!! لازم تسيرين عند الفطيـم
من سرنا هناااك سيده حصلت شي يسسسسسسسسكت.. وايد حلوو جان ماسرقه منهاا لول
وكنت شاله كاش ويايه.. أبويه ما لاحظ لين ما اختي خربت علييييي:k_nono: جان انهزب.. بس خساره بعده اعلنت افلاسيييييي:( لو مايعيبها هديتهااا اسميني بعصب:k_harhar1: *لو انتي تقرين هالرد.. بليز خلي الرياكشن مالج وايد حلووو عشان خااااااااااااطريييي 3>*

والشي الى يضحك.. كنا في هارفي، فـ يلسنا انا واختي الثانيه نقول لا مابنشتريلها شنطه ويلسنا نعدد شنظ حلوه اشترتهم ومالبستهم.. وتمينا حاطين على شنطه شانل عندها.. بعدين قلنا بنشتري اسواره من بلقاري.. عقب قلنا لا اولريدي عندهاا اثنينه واحد لين الحين مالبسته.. آخر شي شو استوى؟؟ ردينا البيت شفناها شاله شنطة الشانيل والاسواره ×_× صدفه غريبه

عـ العصر سرت ويا اختي بن بطوطه .. يوم بركنت السياره نسيت انها هي في السياره وانا طبيعتي انزل من السياره بسرعه.. جان ما اقفل السياره وهي بعدها في السياره:hysterical: وانا مااااااااااااشيه ولا عقب دقيقه استوعب انها مب ويايه.. وأشرلها من برع ليش ماطلعتي من السياااره!!! وتأشرلي على الباب انه مقفووول:hysterical::hysterical: مسكينه:k_harhar1:

ويوم ردينا البيت نفس دووم لازم أعق خواتمي والساعه والكواشي لازم اعقهم كلهم واحطهم على الطاوله.. بعدين يوم يدق في راسي عقبه بـ يوم ولا اسبوع ولا شهر اردهم حجرتييي.. وجان ما اختي تخرب علييه مره ثانيه
أبويه: هالقلب الى عـ الطاوله مال منو؟
اختي: منو غير شمعووه تخلي ذهبها كل مكان
أبويه: شمعه ليش مخلتنه هني
أنا: *ابتسامه عرييييييييضه*
اختي: أبووووووويه بعد ها من شوباارد!! اسألها ليش مخليه مال شوبارد هني
أبويه: ليش مخليه مال شوبارد هني
أختي: والبارحه حصلت خاتمها على الأرض!
أبويه: والبارحه هي حصلت خاتمج على الأرض!!
اختي: ويوم الهنود في بيتنا بعد تخليييه
أبويه: ويوم الهنود في بيتنا بعد تخلينيه؟؟
أختي: وتعرف ابويه يوم من الايام هالهنود بيسرقون كل ذهبها
أبويه: وتعرفين انه يوم من الايام هالهنود بيسرقون كل ذهبج؟
اختي: أبووووووويه! im serious here!!!!
أبويه: شمعوه WE ARE SERIOUS HERE!!!!
أنا: :hysterical:
أبويه: لا امييه صدق بيسرقونه عنج شليه وديه حجرتج.. *عقب يمثلي كيف بيسرقونه عني لووول*


فديييييييتهم.. بس بعدني ماخوزته.. انا مابتأدب لين ما حد صدق يسرق شي عني:4:
صدق اني هيييييزه

[العجيبة]

أبويه: هالقلب الى عـ الطاوله مال منو؟
اختي: منو غير شمعووه تخلي ذهبها كل مكان
أبويه: شمعه ليش مخلتنه هني
أنا: *ابتسامه عرييييييييضه*
اختي: أبووووووويه بعد ها من شوباارد!! اسألها ليش مخليه مال شوبارد هني
أبويه: ليش مخليه مال شوبارد هني
أختي: والبارحه حصلت خاتمها على الأرض!
أبويه: والبارحه هي حصلت خاتمج على الأرض!!
اختي: ويوم الهنود في بيتنا بعد تخليييه
أبويه: ويوم الهنود في بيتنا بعد تخلينيه؟؟
أختي: وتعرف ابويه يوم من الايام هالهنود بيسرقون كل ذهبها
أبويه: وتعرفين انه يوم من الايام هالهنود بيسرقون كل ذهبج؟
اختي: أبووووووويه! im serious here!!!!
أبويه: شمعوه WE ARE SERIOUS HERE!!!!
أنا: :hysterical:
أبويه: لا امييه صدق بيسرقونه عنج شليه وديه حجرتج.. *عقب يمثلي كيف بيسرقونه عني لووول*





هههههههههههههههههههههههه :fa56: حبيت هالمقطع وايد :4: > الاخت يالسة تشوف فلم :fa44:

[حلم الطفوله]

حتى أنا حبيت هالمقطع وااااااااااااااااااايد !!

الله يحفظلج كل أحبابج يا شمعه :)

[تحفه]

شمعه تعلمي من كلام اختتتتتتتتتج :a058: لاتحطين ذهبج في كل مكان ماتعرفين شو ممكن هالهنود يسووون فيييييج!!!

تعرفين ربيعتيييي كانت جيه لين ماكتشفت امها ان الخدامه مسويه لها سحرررر بالصدفه عشان البنت تحبها وما تخليهم يردونها البلاد لو حتى شو تسوي!!! :a046:

كانت تمسح بقطعه على الذهب الي هي تفره في كل مكان عشان يعني تاخذ شي محتك في يلدها .. وكانت ادور يوم تاخذ كياس زباله شعرها واضافرها واتيمعه عندهاااا

واكتشفو مره ان في بين الاماس والذهب شعر واضافر البشكاره !!!!! لابعد ست كبييييير كله الماااااس صدق ربيعتي ماكانت صااااحيه ..

علىىى طووووول سفروها البشكاره والمسكينه بعدها كل ماتذكرها تصيح!!

:a058: ف لا تعقين ذهبج جي يقولون اخطر شي هالسوالف


مافينا بعد تعشقين لنا بشكاره :heart: نباج انتي مثل ما انتي :12:

[تحفه]

اليييييوووووووووم !!

كنت مواصله فالجامعه عندي كلاسين من ٨ لين ١١ .. وخلاص الرقاد كان واصل لين خشمي .. وتميت في الجامعه لين ٣ ونا اكتب في هالبحث واحاول اخلصه !!

رديت الببببيييييت اول ماشفت الشبريه رقدت جني ولامره رقدت في حياتي :ghostface: والساعه ٨ نشيت على ازعاج اختي

اكره شعور يوم تنشون من رقاد عميق :k_no: كنت عادي اصيح :doh:

الموهيم

باجر عندي امتحان ست جابترات وبعدني مابتديت :k_wheelchair: احس اني خلاص تشبعت من الجامعه

كنت ناويه بصراحه ابدا بس الحين يوم عرفت ان شوق ربت احس اني مستانسه :laugh:


وايد فرحت لها :heart: فرحت لج وايد شوووق :image005: ويتربا في عزكم ان شاء الله

وايد شي غريب ادري .. بس شوق من اكثر الشخصيات الي احبها اون لاين :a074:

[تحفه]

تحفة : الله يبارك في حياتج ، تسلمييييين حبيبتي عيونج الحلوة :heart:


حاولي تصفّين ذهنج و تيلسين في مكان هاااادي ، و ريحي أعصااااابج بتطلع الأفكااااااار و بتكتبين و بتفتكين إن شا الله

الله يعيييينج و يوفقج :k_smile2:


هييييه صححححح نسييييت اشكرججج ... كلامج وايد فعال.. ياب نتيجه لول!

بس صدق صدق صدق صراحه لازم اعترف تمت رمسج اتي عبالي كل ما ابي اتهرب من الاسايمنت
:a054: شكرن والله :a010:

[قصايد غلا]

تحفة : العفو حبيبتــــي :heart: ، استانست وااايد لأن كلامي أثّر فيج و فاااادج :k_smile2:

يلا أحين عليج بالــ6 جابترات :image005: ، خلصيهم عشان ترتاحين

[شمعة أمل]

شمعه تعلمي من كلام اختتتتتتتتتج :a058: لاتحطين ذهبج في كل مكان ماتعرفين شو ممكن هالهنود يسووون فيييييج!!!
تعرفين ربيعتيييي كانت جيه لين ماكتشفت امها ان الخدامه مسويه لها سحرررر بالصدفه عشان البنت تحبها وما تخليهم يردونها البلاد لو حتى شو تسوي!!! :a046:
كانت تمسح بقطعه على الذهب الي هي تفره في كل مكان عشان يعني تاخذ شي محتك في يلدها .. وكانت ادور يوم تاخذ كياس زباله شعرها واضافرها واتيمعه عندهاااا
واكتشفو مره ان في بين الاماس والذهب شعر واضافر البشكاره !!!!! لابعد ست كبييييير كله الماااااس صدق ربيعتي ماكانت صااااحيه ..
علىىى طووووول سفروها البشكاره والمسكينه بعدها كل ماتذكرها تصيح!!
:a058: ف لا تعقين ذهبج جي يقولون اخطر شي هالسوالف
مافينا بعد تعشقين لنا بشكاره :heart: نباج انتي مثل ما انتي :12:


اميي بسم الله:fa46:
وحليلها بشكارتنا مب جي.. بشكارتنا ideal muslima احس انها بدش الجنه.. صدق تستاهل:fa41: عمرها ماظرتنا في شي.. وترا انا مثل ماعق ذهبي في كل مكان أعق بيزاتي في كل مكان.. ولا مره نقص عني حتى درهم
عشان جي تشوفيني هييزه ماحب احرك شي.. لاني اعرف انه اهلي & البشكاره مابيسرقون شي

بس شليت ذهبي اليومp;.. لانه الهنوود يوو بيتنا:bash: :glare:

[شمعة أمل]

العجيبه وحلممم
لانه أحلى مقطع:tongue: خساره ماصورنا فيديوو:tongue:

[طير الغرام]

http://oasis.bindubai.com/bin/uploaded/1184_21201028869.gif

اليوم : الثلاثا
المود : امسطله
الموضوع :
ما احب نشة الصبـــح حدي 7 وشي إذا عندي دوام

كان عندي امتحان اطويييييييييييييل ،، واااااااااااااااايد نوت
هب راقده عدل يالله يالله رقدت 4 وقمت 6 وشي اونه براجع اشوي
اقرا كلمه كلمتين واغفل اشوي :whistling:

وع هـ التعب الامتحان كان شرى ويه الدكتور وزفــت !!

الله كريـــم

والحينــه أبــاا ارقــد ارقااااااااااااد وعقب بفكر بـ امتحان يوم الخميــس :surrender:

Wish Me LuCK
=)

http://oasis.bindubai.com/bin/uploaded/1184_21201028869.gif

[قصايد غلا]

^ الله يعينج و يوفقج


الله يوفّق مهابه و طير الغرام و تحفة في إمتحاناتهم :k_smile2:

[طير الغرام]

http://oasis.bindubai.com/bin/uploaded/1184_21201028869.gif

^

ربي يسمــع منــج إن شاءالله =)


http://oasis.bindubai.com/bin/uploaded/1184_21201028869.gif

[العجيبة]

قصايد

والعجيبة بعــــــد هيهيهيهي باقي لي امتحان واحد يوم السبت :/

[طير الغرام]

http://oasis.bindubai.com/bin/uploaded/1184_21201028869.gif


اليوم : الثلاثا , الأربعا كله واحد :k_harhar1:
المود : كــول
الموضوع :


من عقب المود المعتفس اليوم وبعيد عن جو الدراسه :a033:
[ لا عن خاطريه درست اشوي عشان ما أحس بتأنيب الضمير :14: ]

اشوي خذنا بريك >> ماسرت ابعيد سرت المطبخ وسويت عشا [ معكرونة + شوربه ]
[ أحس وناسه اليوم وااااااااااايد ضحكنــا أنا واربيعتيه ] ويا حلات السوالف اللي تظهر ع العشــا :a108:

بتولــــــــه عليهـــــــا وااااااااااااااااااااايد يوم الخميس آخر يوم دوام لي
وهيه وحليلها >> كليتهم غير شكل احنا بنأجز شهر وهيه طول هـ الشهر بتم فـ السكن بيكون عندها امتحانات :smile2:

الله يوفقــها ويوفقــــــنا جميعــاً إن شاءالله
ونفرح بالنتايــج [ i hope so ]

=)

http://oasis.bindubai.com/bin/uploaded/1184_21201028869.gif

[قصايد غلا]

و العجيبة بعد الله يوفقج و يسهل عليج إمتحاناتج و يرزقج ربّي العلامات اللي تتمنينها :k_smile2:



اليوم : الأربعا

المود : مستاااااااانسسسة:a049:، بس متلومة :9:

الموضوع : اليوم الصبح طلعت ويا أميه عشان أشتري قميص حق ربيعتي مثل قميصي ، قالت لي أميه : خليه باااااجر ، عزّرت عليها وقلت لها بيخلّصصصص أباه اليوم يعني أبااااااااه :sad: وجان تودّيني فديتها لوووول

سرت خذته و رديت البيت أتريا ربيعتي تخلّص شغلها و تمر عليه عشان بسير بيتهم ، مرت عليه الظهر و سرنا بيتهم تغدينا ويا ماماتها فديتها .. يميييي يميييي كلنا مألوبة لذييييييييذذذذذذذذةةةةةةة ةةةةة أول مرة آكل مألوبة بنوعين من العيش "مصري + أمريكي مخلوطين رباعه"

و عقب سرنا فوق كلنا فواكه و العصر شربنا جاهي حمر و عطيت ربيعتي محاضرات عن خبالها و عفويتها وطيبتها الزاااااايدة عن اللزوم:4:

و الساعة 5 كان عندها موعد في شركة إنتاج لكن أجلناه للساعة 6 ===> بس منو يقوووول إننا بنسير في نفس الوقت ، العرب بعد وين يلتزمووون بمواعيدهم :mf_leia: الساعة 7 الا ربع تقريبا نحن كنا تونا واصلين عندهم لووووول


المهم تموا يرمسون عن الشغل اللي تباه ربيعتي ، و عقب سألها الريال تبين شي خاص بتراث هل البحر ولا البر و لا الحضر؟

جااااااااااااااااااان تفج عيونها قصايد :k_puppyeyes: و منووو يقول إني بسمع شي غلط و بسكت =p

قلت له : لو سمحت ترى ما شي اسمه هل بر و هل بحر و حضر

هل البر هم البدو و هل البحر هم الحضر .. قال لاااااااااا

قلت له : عفواً ، انته غلطان ، لأنه هل البر هم البدو و هل البحر هم الحضر
قال : لا ، الحضر كانوا تجّار .. قلت له : انزييييييييين و هالتجارة من وين يت ؟ تراهم يسافرون و ايّيبون تجارتهم من الهند و الدول الثانية الجريبة منّا و يتاجرون باللولو :k_smile2:

قال : انتي شو تدرسين =D ؟
بس استانس و تم يسألني عن واااايد أشيا ما يعرفها .. قلت في خاطري أنا ياية أعلّمك :k_icon9:


عقب تلوّمــــــــــــت و ويهي عوّرني ، حسّيت إني قفّطته و طلّعته إنه ما يعرف شي

[طير الغرام]

http://oasis.bindubai.com/bin/uploaded/1184_21201028869.gif

^

إن شاءالله دوووم مستانسه :fa34:

:


اليوم : الخميس
المود : مستانسـه
الموضوع :


أخييييييييييييييييييييراً خلصنا الامتحانات
صح اني امصدعه ومارقدت شرى العالم والناس بس عادي من الوناسه بيخوز :a116:
والحمدالله الامتحان كان هيّـن مقارنة بـ مال يوم الثلاثا
ورايــه خط بـــــوظبي :a049: >> بدى الخبال ههههه

وبرد البيــــــــــــــت وبيلــــــــــــــس واااااااااااااااايد وبفتكـ من السكــــــــــــــن :4:


=)



http://oasis.bindubai.com/bin/uploaded/1184_21201028869.gif