كيف ستايلكم في البيوت ؟

[الـيـاه]

سلااااام

شحالكم يا أمامير و يا حلوين ويا سُكر زياده :icecream: ؟


وأنا يالسه أسوي الهوم وورك مال الـ printmaking يا ع بالي سؤال .. أني أبا أعرف شو ستايلكم
في أثاث البيوت :k_icon9: ؟ وهل في حد نفسي وألا كلكم تقريبا ً معارضيني نفس ربيعاني وبعض الأفراد من أهلي


كيف ستايلي ؟

مول ما أداني الأشيا الملكية الفخمة + الذهبية المزخرفة + القطع الكبيرة :fa44:
مادري ليش أحس بأن هالشي دفش ومايريّح - والكل عارضني ويقول أنه هالشي فخم - بس أنا لااا


أرد وأقول إني ان شاء الله عقب ( ثلاث سنين ونص ) :inlove: بستوي انتيرير ديزاينر وبقنعهم بشغلي
اللي بيكون بعيد تماما ً عن هالستايل واصلن محد يسويه مادري ليش يحبونه !


وايد أحب الأشيا الموديرن + الكلاسيك أكثررر
أحس أنها مريحه وهاديه وأعشق الخشب فيها بشكل فضيع - الصنوبر بالذات -
وبعيدة تماما ً عن الستايل الملكي اللي أكرهه ه ه ه ه :alien:


أبا أصمم بيتي بروحي ويكون بهالاستاااااايل
:fa35: :fa35: :fa35:
بذمتكم مب حلووو ؟ ومريح ؟ ويريح العين ؟ وأحسن بوايد من الأشيا الدفشة والوايد فخمة ؟

http://salman.alsaud.googlepages.com/DWF15-320627.jpg

http://salman.alsaud.googlepages.com/DWF15-320643.jpg

http://salman.alsaud.googlepages.com/DWF15-320625.jpg

http://salman.alsaud.googlepages.com/DWF15-320626.jpg

http://salman.alsaud.googlepages.com/DWF15-320630.jpg

http://salman.alsaud.googlepages.com/DWF15-320632.jpg

http://salman.alsaud.googlepages.com/DWF15-320641.jpg

ياربي كيف الخشب حلووووو
:inlove:
يالله قولولي كيف ستايلكم وشو اللي تحبونه وشو اللي ماتحبونه ؟

والسموحه


تحياتي
Elyaah

.
.
.

[بنوتة جميرا]

انا مثلج
استايلي هادي بعيد عن الدفاشه
احب الشي البسيط الراقي
ماحب الفخامه الزايده

شكرا الياه ع الموضوع

[بنت الدلع]

هااااااااااي عسللل
نحن بخير انتي شحالج ؟

::::

بالنسبه لي :


i hate goldish thingy في الاثاث

احس انه دفش
صح انه يوم نشوفه نحس انه وفخم و واااو
بس انه يكون في البيت
مول مب حلو

حتى في الميلس ما احب اشوفه

تقريبا ستايلي قريب منج
احب الاشياء الهاديه والي تريح العين
نحن يالسين في البيت نحتاج شي مريح
مب شي دفش ومتكلف :fa55:

::::

اول ماقريت العنوان اتحريت كيف ستايل لبسكم في البيت :shutup:

[الـيـاه]

بنوتة جميرا
حلووو .. تعجبيني لول
بس جد والله :k_icon9: لأن هالستايل أصلن يناسب كل الأعمار مب مجرد تحف للشكل
ومشكوره حبوبــه


بنت الدلع
أنا منيحه كتر خير الله :icecream:
هيه نفسي مول ما أحب هالشي - مع أنه أمي ذوقها جي - بس دوم أحط راسي براسها يوم
تنعجب في هالأشياء لول .. لكن يالله الناس اذوااااق

لووووول
:k_harhar1: تخيلي أنتي بس يكون الموضوع جي
ثااانكس سويتي ع الــرد


.
.
.

[همس الدماني]

هههههه

انا عن نفسي احب الأشياء الغامجه

مثل الأسود اموت على هالووون

واحب الأثاث سبوورت

ثانكس..

[تحفه]

بيتنا من داخل استايله عربي .. اقصد اندلسي وفيه سوالف الـ ذهبي على قولتكم لول..


ومشكوره وايد حلو الموضوع خاصه انا يالسه اغير في غرفتي .....


fly kiss حق العسولة صاحبة الموضوع

[الـيـاه]

همس الدماني
الأثاث الـ سبورتي ؟ مافهمت كيف هالأثاث لول
ع العموم
مشكووره الغاليه


تحفه
مول ماداني الأثاث اللي جي :doh: .. ستايل وايد جديم ومحد يسويه الحين
لانها مجرد تحف .. أحب الأشيا اللي تريح والغربية أكثر وان شاء الله بيتي بسويه جيي
ثانكس حياااااااتييييييي وصلت لول :inlove:


.
.
.

[بوزايد]

ما احب الموديرن ولا احب الجديم

احب الوسط

محد فهم شي صح ادري

[الـيـاه]

^

لا طبعا ً .. شو الوسط مادري لول ..

[وحي القلم]

كشخه الصور اللى حاطتنهن يا الياه

و كل ما زادت المساحه و قلن الأغراض يكون أحلى

ترتاحين نفسيا :fa41:

ماداني الاثاث المكود اللى ما منه فايده

.
.

[الـيـاه]

وحي القلم
أنتي الكشخه والحمدالله وايدين مأيديني لول :fa51: شجعتووني
مثل ما قلتي
مول مب حلو يوم يكون البيت واااايد متروس اثاث وتحف واكسسريز زياده عن اللزوم
مشكوره الغاليـــه ع ردج الحلوو


.
.
.

[العجيبة]

موضوع جمييـل ..




مول مب حلو يوم يكون البيت واااايد متروس اثاث وتحف واكسسريز زياده عن اللزوم



أنا أؤيد ولا أؤيد هالنقطة ..

هو من ناحية ترتاحين نفسيـا ، يكون هالشي في البداية ..
بس عقـب لا ..
بيتنـا مثلا ، فاااضي فااااضي .. ما فيه شي .. أحسه سيييييييييح .. ونسمع صدى أصواتنا في الدري والليوان ..!!!!
مب حلو جي بعـد ..

بالنسـبة لرأيي في الموضوع أعلاه :k_smile2:
أنا أشوف هالأشياء الذهبية في الأماكن الكبيــرة تكون لايقة على المكان وهيبة حجمه ..
لكن المكان يكون صغيير ويا دوب الاثاث بس اللي مغطنه بيكون شي مب حلو :fa55:
عشان جي يسمونه ملكي ، لأنه ينحط في القصور والفلل الكبيرة .. وفي هالحاله أكيد يعيبني :fa56:


الاثاث الموديرن ، وايد حلو وبسيط ، وأحسه ينفع حق البيوت الصغيرة والشقق لأنه يعطي مساحة أكبر..
وأشوف ما يخصه في الراحة النفسيه .. لأنج أصلا تحسين بالراحة من التناسق في أحجامه وألوانه وطريقة استخدامه ..
والصراحة مب كل الموديرن يناسبنــا - أقصد نحن العرب - ، أحسه ماخذ من الطابع الغربي أكثر وأبدا ما فيه لمسة عربية !


وبيتنـا لا هو قصر كبير ولا هو شقه صغيرة، فـ نحن مب مسويين أثاث من الاساس خخخ :fa56:



وعلى طاري الخشب .. لا يغرج وايد .. مرة كانوا مظهرين عنه تقرير في التلفزيون ..
مع انه شكله وايد حلو ومرتب ، بس في الأخير يعفن لأنه يجمع البكتيريا والفطريات
وإذا تعفن يتمدد وتزيد مساحته .. وتخيلي الباقي :fa55:


وبس

[تحفه]

تحفه
مول ماداني الأثاث اللي جي :doh: .. ستايل وايد جديم ومحد يسويه الحين
لانها مجرد تحف .. أحب الأشيا اللي تريح والغربية أكثر وان شاء الله بيتي بسويه جيي
ثانكس حياااااااتييييييي وصلت لول :inlove:


.
.
.

هممممم .. اتوقع الصوره الي انتي مكونتنها عن الاثاث الذهبي بصفه عامه مب شي لول .. :fa56:

بس صدقيني ديكور بيتنا حلو :fa41: اقصد يعني مب مثل دكوريشن افلام المصرييين :h_qor9anah:

[الـيـاه]

العجيبة
منو قال أني أحب البيت الفاضي فاضي لول .. بس أكره البيوت المزخرفة بـ ستايل إسلامي
سوري مب أهين هالشي .. لا حشى .. بس ماشوف فيه نفسي
ومثل ما قلتلج الناس أذواق مب الشرط اللي أنا أحبه أنتي تحبينه والعكس
يجذبني الاستايل الغربي أكثر وخاصة الكلاسيك مش ارجع بالـ انتيرير لـ ورا

شووووو .. منو قالج فـ البيوت يستخدمون الخشب اللي هل لبلاد يستخدمونه
أردا أنواع الخشب ويتآكل بسرعه ..
وأصلن الغرب كل بيوتهم خشب - الأغلبيه تقريبا ً - تعالي ليش الغرب هاذم اللبنانيين عندهم خشب
ولا أروع وفي منه موّرد طبعا ً ونحن بيتنا أغلب الأشيا فيه خشب ونصه تقريبا ً
ومشكوره الغاليـــه


تحفه
لاااااا .. ليش صوره .. جايفه العجب أنا من هالأشيا بس مول ما تشدني ولا أحبها
أحسه شي جديم رغم فخامته
هممم إذا ترومين صوري زاوية من هالشي في بيتكم .. وخل أشوف إذا اللي فـ بالي


.
.
.

[شمعة أمل]

بيتنا تقريبا كله موودرن .. ويا ألوان فاااتحه ومخدات وستاير غامجه ..
الا المليس .. وطبعا الملييس وااايد *عربوووو* قم بو ذهبي على عنابي على حليبي على احمر..


انا ويا هالشي .. احس لازم لازم لازم الميلس يكون فييه اللون الذهبي!!! مايستوي يكون ميلس لو مافيه لون ذهبي ..

لكن عن البيت .. انا مب ويا المودرن وايد ولا ويا الفخم وايد ..

لانه المودرن وايد = بيتكم شكله فندق ومافيه حياه
ولو وايد فخم = بيتكم جنه قصـر ومافيه حياه

يعني جي ولا جي .. مافيهم حيااه


وحجرتي المستقبليه .. يا بتكون حجرة برنسيسسسسس ويا ابيض ورمادي ووردي .. ولا بيكون مغربييييي ويا كل ألوان الدنيا:fa41: بعدني ماقررت .. يوم اعييز يمكن يتغير ذوقي:9:

في الاخير .. لازم يكون البيت شكله بيتوتي وبس:k_smartass:

[الـيـاه]

شمعة أمل

هيه نفس بيتنا تقريبا ً .. يعني في وايد اشيا في بيتنا ممكن ماتعيبني بس تعيب الناس
ذوقي وااايد صعب .. فـ أنا احسن أرمس عن بيتي في المستقبل

وع طاري الأشيا المغربية
براويج صور من بيتنا اليديد أحس بيعيبج

بس شو رايج أنا اسويلج بيتج لوووول بما أنه في وااايد أشيا في ذوقي نفسج

.
.
.

[شمعة أمل]

تعالي
من متى وانتو تبنون بيت يديد؟؟ في فريجنا اليدييد ولا انتو مكان ثاني؟؟

انا عندي *فكره* عن كيف ابا غرفتي اليديده تكون .. بس ماعرف كيف بطبقهاااااااااااااااااااا ومابا اعلنه في الواحات عن لحد يسرق فكرتي xp
براويج الليي أووت لغرفتي اليديده برع الواحات.. وخبرينيي راييج بعديين *تعلمي في الجامعه سوالف و خبريني xD*
شي انتيرير ديزاينرزز للبييت .. بس ماااااااااااااثق فيهم .. احس بيخلون غرفتي بيج X بيج >_<

[الـيـاه]

لول صباح الخير يا مدلل .. بخبرج التفاصيل برع الواحات ..
لا مب صوب بيتكم اليديد
مب وايد بعيد عن بيتنا وبيتكم الحالي =)

خبرتج عن المكان توه بالمسج .. فـ عسب جي اقولج الاسبوع الياي براويج
لانه هالمكان لازم ندشه ببطاقه وللحين ماعندي أنا .. أول ماتجهز براويج وببععععععزمج 3>

ترا احين أنا قد ما أقدر
يالسه أتثقف من اللي آخر سنـه واللي تخرجووو وأحشرهم بأسئلتييي

[تحفه]

وناسه .. وين هالمنطقه الي اتدشونها إبطاقه .. حتى زعبيل ما سوو جيـه

[الـيـاه]

مب منطقه يا عسل
نفس بيوت إعمار وأملاك و تلال الإمارات ممنوع اتدشينها ألا بـ بطاقة بيتج اللي تمليكنه هناك .. وهني تطوفين من عند السكيرتي اللي يكونون عند بوابة الفريج !


عرفتي !

[شمعة أمل]

واخيرا بشوفج:fa56:
مايستوي تردين العزيييمه .. خلاص عزمتيني عزمتينيييي:fa56:

وعن السالفه

مبروك ع بيتكم مقدماااااا:fa41:

[الـيـاه]

الله يبارك فيييييج عنزززززتييييييي .. هيه عند كلمتييي 3>
وعن السؤال اللي سألتيه برع الواحات
بصورلج الحجره وبراويج ..

[شمعة أمل]

ok dear

وذكريني أراويج حجرتي بعد =s

[الدلووووعة]

تسلمين عالموضوع الكخشة

تعرفين اني انا تقريبا جي شرات استايلج
وهاك اليوم انا والوالده نتظارب ^_^ اونه إلا تباني اشتري شبريه من هيل الشباري الفخمة على قولتهم الملكيه وانا مابا ابا شبريه بسيطه هب دفشة تقول اونه احسن ومادري شو خخخخخ

احس هيل الاثاث الملكي حلو بس هب في كل شي يعني يوم يكون الاثاث بسيط حلو
وترتاحين إما يوم يكون الاثاث وايد تحسين البيت ظيج ومافيه مكان ماحبه ^^

[شمعة أمل]

المشكله ويا هالأثاث
لازم غرفتكم تكون واااايد عووووووده عشان يكون شكله اوكيـه ..
اذا غرفتكم عاديه ولا صغيره .. ماينفع

[تحفه]

إنزيييييييييييننننن

حطولنا غرفكم الحين / قبل التغييررر .. أبيي اشوووف .. يمكن ناخذ افكاااررر :k_smile2:

[تحفه]

مب منطقه يا عسل
نفس بيوت إعمار وأملاك و تلال الإمارات ممنوع اتدشينها ألا بـ بطاقة بيتج اللي تمليكنه هناك .. وهني تطوفين من عند السكيرتي اللي يكونون عند بوابة الفريج !


عرفتي !

هيييييييييييييييييييه اسمها بالعربي فسحى مجمعات سكنيه :fa56:


عادي "احزر و أفزر "؟

في ذا فيلا ؟ :b015:

[الـيـاه]

عادي عندي بس انتو أبدو حطو الصور بعدين أنا ( عسب ما أتفشل من عفسة حجرتي لول )
بخليهم يرتبونها بعدين بحط ههههه أشكره أخبرهم بعد ..

لاااا جوابج غلطططط يا سكر زياده ( ليش ما خليتي نكج جي ) ع كيفي لول

[شمعة أمل]

خاطري اشوف صور حجرتكم:k_harhar1:
يله حطووو الصووور اترياااكم:fa56:
يقولووون .. غرفة الشخص تخبركم وايد عن شخصيتهم :k_harhar1:

بعد الاعضاء الشباب لازم يحطوون:k_harhar1:

[عهد الوداع]

الياه شو رايج بهاي الديزاينات ,,,

رووووعه :fa56:


http://serv2.imagehigh.com/files/ih000001/25350_Copy_of_image011.jpg

http://serv2.imagehigh.com/files/ih000001/1382_Copy_of_image004.jpg

http://serv2.imagehigh.com/files/ih000001/2737_Copy_of_image006.jpg

http://serv2.imagehigh.com/files/ih000001/16576_Copy_of_image007.jpg

http://serv2.imagehigh.com/files/ih000001/12219_Copy_of_image008.jpg

http://serv2.imagehigh.com/files/ih000001/11010_Copy_of_image009.jpg

ناااااااايس ,,,:love:

اذا عيبج بخليج تصممين بيتي :b015:

[الـيـاه]

هذا موديرن بالقووو + وايد أبيض في المكاااان .. ماحب الأبيض الزايد في البيوت
لانه من الألوان المنعشه ويا الأخضر الفاتح مب الدافية

[عهد الوداع]

مادري انا احس الابيض يفتح النفس وبنفس الوقت يعطيج مساحه كبيره ,,,

[شمعة أمل]

عهد الوداع
اذا خليتي بيتج وايد أبيض بيغبر بسرعه ويخيــس بسرعه *يعني مول ماينفع لو شي يهال*
خصوصا في الصبغ .. يعني نحن في بيتنا ولا غرفه مصبوغه ابيض لانه وايد مكتبي وبعد يخييس بسرعه .. ف عشان جي كل الغرف جيي نفس off white

[عهد الوداع]

شمعة امل صح كلامج ها الشي السلبي فيه ...

[الا انا]

الهادي واااايد ارقى ,,, واحلى ,,


انا معاج وماعليج من اهلج وربعج ,,,, ستايلج احلى واااااااااااااااااايد ..


راااااااااااااااااااااااا اااقي

[عفاريتووو]

مرحبا الياااه :fa41:

امم بقولج عن ستايلي ؟؟ .. يعيبني البيت اللي يكون متوازن
يعني فيه المودرن و فيه الكلاسيك

الاماكن الاعائلية في البيت يعني اللي دووم ييلسون فيها حلوو تكون مودرن
لانه مريح عملي و مريح اكثر

بس في الميلس و المدخل يعيبني الكلاسيك اكثر
يعطي فخاامة للبيت وما تملين منه بسرعة

امم والكلاسيك اللي احبه مب البيج و جي .. لا اخس لوول
احب اللي يكون مع الالوان الفاقعة .. نفس تركواز والاحمر و الازرق الفيروزي و جي
نفس ستايل المحل اللي في وافي .. الظلمة يوم تدشينه اظني اسمه بتيل
يخبلني هــ المحل .. احسه صدق ستااايلي :fa41:

و شو بعد ؟؟ احب شغل الجبس واييد في البيووت .. يحلي البيت واييد
و احي بعد الاشياء الغريبة

وهييه وفي شي واييد دااش خاطري و حنييت عليهم واييد عشاان يسوونا في بيتنا
ماما سوتلي يااه بروحها عن خاطري لوول بس شغل البرو غير
اللي يرسموون ع اليداار جي شراات بلكوونه مفتووحة ع بره
وايييد عايبني :fa41: و تبين الغرفة اوسع

امم ها هو ستاايلي ..

[مــهــابه]

انـا مالي أسـتايـل واااحد ، حـسب المزاااج ، يـعني العام كان فـخاطريه بلـون هـادي وفـاتح وسـويت غرفـتيه بيــج ، ومحطيـه ســريـر وكـبت فقـط لاغـير فـالغـرفـه مع جـامه طويلـه ع الزاويـه

وهالأسبـووع غـيرت أسـتايـل غرفـتيه ، طبـعـاً الجبس فـوق أبيض ثـابـت ، صبـغـتها فــووشيــه ، طـالـعه خبـااال ، اللـون وايد وايد جريئ ، وماختـرت لها الأثااث


بس بـشكل عــاام ، أحب الكلاسيكي ، الغـريب ، يعني أبد أبد مايعيبني أسـتايل البيوت التـقليدي ، احب الشي يكون جذاااب وغـرريب ،