كيف ستايلكم في البيوت ؟

[الـيـاه]

سلااااام

شحالكم يا أمامير و يا حلوين ويا سُكر زياده ؟


وأنا يالسه أسوي الهوم وورك مال الـ printmaking يا ع بالي سؤال .. أني أبا أعرف شو ستايلكم
في أثاث البيوت ؟ وهل في حد نفسي وألا كلكم تقريبا ً معارضيني نفس ربيعاني وبعض الأفراد من أهلي


كيف ستايلي ؟

مول ما أداني الأشيا الملكية الفخمة + الذهبية المزخرفة + القطع الكبيرة
مادري ليش أحس بأن هالشي دفش ومايريّح - والكل عارضني ويقول أنه هالشي فخم - بس أنا لااا


أرد وأقول إني ان شاء الله عقب ( ثلاث سنين ونص ) بستوي انتيرير ديزاينر وبقنعهم بشغلي
اللي بيكون بعيد تماما ً عن هالستايل واصلن محد يسويه مادري ليش يحبونه !


وايد أحب الأشيا الموديرن + الكلاسيك أكثررر
أحس أنها مريحه وهاديه وأعشق الخشب فيها بشكل فضيع - الصنوبر بالذات -
وبعيدة تماما ً عن الستايل الملكي اللي أكرهه ه ه ه ه


أبا أصمم بيتي بروحي ويكون بهالاستاااااايل

بذمتكم مب حلووو ؟ ومريح ؟ ويريح العين ؟ وأحسن بوايد من الأشيا الدفشة والوايد فخمة ؟















ياربي كيف الخشب حلووووو

يالله قولولي كيف ستايلكم وشو اللي تحبونه وشو اللي ماتحبونه ؟

والسموحه


تحياتي
Elyaah

.
.
.

[بنوتة جميرا]

انا مثلج
استايلي هادي بعيد عن الدفاشه
احب الشي البسيط الراقي
ماحب الفخامه الزايده

شكرا الياه ع الموضوع

[بنت الدلع]

هااااااااااي عسللل
نحن بخير انتي شحالج ؟

::::

بالنسبه لي :


i hate goldish thingy في الاثاث

احس انه دفش
صح انه يوم نشوفه نحس انه وفخم و واااو
بس انه يكون في البيت
مول مب حلو

حتى في الميلس ما احب اشوفه

تقريبا ستايلي قريب منج
احب الاشياء الهاديه والي تريح العين
نحن يالسين في البيت نحتاج شي مريح
مب شي دفش ومتكلف

::::

اول ماقريت العنوان اتحريت كيف ستايل لبسكم في البيت

[الـيـاه]

بنوتة جميرا
حلووو .. تعجبيني لول
بس جد والله لأن هالستايل أصلن يناسب كل الأعمار مب مجرد تحف للشكل
ومشكوره حبوبــه


بنت الدلع
أنا منيحه كتر خير الله
هيه نفسي مول ما أحب هالشي - مع أنه أمي ذوقها جي - بس دوم أحط راسي براسها يوم
تنعجب في هالأشياء لول .. لكن يالله الناس اذوااااق

لووووول
تخيلي أنتي بس يكون الموضوع جي
ثااانكس سويتي ع الــرد


.
.
.

[همس الدماني]

هههههه

انا عن نفسي احب الأشياء الغامجه

مثل الأسود اموت على هالووون

واحب الأثاث سبوورت

ثانكس..

[تحفه]

بيتنا من داخل استايله عربي .. اقصد اندلسي وفيه سوالف الـ ذهبي على قولتكم لول..


ومشكوره وايد حلو الموضوع خاصه انا يالسه اغير في غرفتي .....


fly kiss حق العسولة صاحبة الموضوع

[الـيـاه]

همس الدماني
الأثاث الـ سبورتي ؟ مافهمت كيف هالأثاث لول
ع العموم
مشكووره الغاليه


تحفه
مول ماداني الأثاث اللي جي .. ستايل وايد جديم ومحد يسويه الحين
لانها مجرد تحف .. أحب الأشيا اللي تريح والغربية أكثر وان شاء الله بيتي بسويه جيي
ثانكس حياااااااتييييييي وصلت لول


.
.
.

[تحفه]

تحفه
مول ماداني الأثاث اللي جي .. ستايل وايد جديم ومحد يسويه الحين
لانها مجرد تحف .. أحب الأشيا اللي تريح والغربية أكثر وان شاء الله بيتي بسويه جيي
ثانكس حياااااااتييييييي وصلت لول


.
.
.

هممممم .. اتوقع الصوره الي انتي مكونتنها عن الاثاث الذهبي بصفه عامه مب شي لول ..

بس صدقيني ديكور بيتنا حلو اقصد يعني مب مثل دكوريشن افلام المصرييين

[الـيـاه]

العجيبة
منو قال أني أحب البيت الفاضي فاضي لول .. بس أكره البيوت المزخرفة بـ ستايل إسلامي
سوري مب أهين هالشي .. لا حشى .. بس ماشوف فيه نفسي
ومثل ما قلتلج الناس أذواق مب الشرط اللي أنا أحبه أنتي تحبينه والعكس
يجذبني الاستايل الغربي أكثر وخاصة الكلاسيك مش ارجع بالـ انتيرير لـ ورا

شووووو .. منو قالج فـ البيوت يستخدمون الخشب اللي هل لبلاد يستخدمونه
أردا أنواع الخشب ويتآكل بسرعه ..
وأصلن الغرب كل بيوتهم خشب - الأغلبيه تقريبا ً - تعالي ليش الغرب هاذم اللبنانيين عندهم خشب
ولا أروع وفي منه موّرد طبعا ً ونحن بيتنا أغلب الأشيا فيه خشب ونصه تقريبا ً
ومشكوره الغاليـــه


تحفه
لاااااا .. ليش صوره .. جايفه العجب أنا من هالأشيا بس مول ما تشدني ولا أحبها
أحسه شي جديم رغم فخامته
هممم إذا ترومين صوري زاوية من هالشي في بيتكم .. وخل أشوف إذا اللي فـ بالي


.
.
.

[شمعة أمل]

بيتنا تقريبا كله موودرن .. ويا ألوان فاااتحه ومخدات وستاير غامجه ..
الا المليس .. وطبعا الملييس وااايد *عربوووو* قم بو ذهبي على عنابي على حليبي على احمر..


انا ويا هالشي .. احس لازم لازم لازم الميلس يكون فييه اللون الذهبي!!! مايستوي يكون ميلس لو مافيه لون ذهبي ..

لكن عن البيت .. انا مب ويا المودرن وايد ولا ويا الفخم وايد ..

لانه المودرن وايد = بيتكم شكله فندق ومافيه حياه
ولو وايد فخم = بيتكم جنه قصـر ومافيه حياه

يعني جي ولا جي .. مافيهم حيااه


وحجرتي المستقبليه .. يا بتكون حجرة برنسيسسسسس ويا ابيض ورمادي ووردي .. ولا بيكون مغربييييي ويا كل ألوان الدنيا بعدني ماقررت .. يوم اعييز يمكن يتغير ذوقي

في الاخير .. لازم يكون البيت شكله بيتوتي وبس

[بوزايد]

ما احب الموديرن ولا احب الجديم

احب الوسط

محد فهم شي صح ادري

[الـيـاه]

^

لا طبعا ً .. شو الوسط مادري لول ..

[وحي القلم]

كشخه الصور اللى حاطتنهن يا الياه

و كل ما زادت المساحه و قلن الأغراض يكون أحلى

ترتاحين نفسيا

ماداني الاثاث المكود اللى ما منه فايده

.
.

[الـيـاه]

وحي القلم
أنتي الكشخه والحمدالله وايدين مأيديني لول شجعتووني
مثل ما قلتي
مول مب حلو يوم يكون البيت واااايد متروس اثاث وتحف واكسسريز زياده عن اللزوم
مشكوره الغاليـــه ع ردج الحلوو


.
.
.

[العجيبة]

موضوع جمييـل ..

مول مب حلو يوم يكون البيت واااايد متروس اثاث وتحف واكسسريز زياده عن اللزوم

أنا أؤيد ولا أؤيد هالنقطة ..

هو من ناحية ترتاحين نفسيـا ، يكون هالشي في البداية ..
بس عقـب لا ..
بيتنـا مثلا ، فاااضي فااااضي .. ما فيه شي .. أحسه سيييييييييح .. ونسمع صدى أصواتنا في الدري والليوان ..!!!!
مب حلو جي بعـد ..

بالنسـبة لرأيي في الموضوع أعلاه
أنا أشوف هالأشياء الذهبية في الأماكن الكبيــرة تكون لايقة على المكان وهيبة حجمه ..
لكن المكان يكون صغيير ويا دوب الاثاث بس اللي مغطنه بيكون شي مب حلو
عشان جي يسمونه ملكي ، لأنه ينحط في القصور والفلل الكبيرة .. وفي هالحاله أكيد يعيبني


الاثاث الموديرن ، وايد حلو وبسيط ، وأحسه ينفع حق البيوت الصغيرة والشقق لأنه يعطي مساحة أكبر..
وأشوف ما يخصه في الراحة النفسيه .. لأنج أصلا تحسين بالراحة من التناسق في أحجامه وألوانه وطريقة استخدامه ..
والصراحة مب كل الموديرن يناسبنــا - أقصد نحن العرب - ، أحسه ماخذ من الطابع الغربي أكثر وأبدا ما فيه لمسة عربية !


وبيتنـا لا هو قصر كبير ولا هو شقه صغيرة، فـ نحن مب مسويين أثاث من الاساس خخخ



وعلى طاري الخشب .. لا يغرج وايد .. مرة كانوا مظهرين عنه تقرير في التلفزيون ..
مع انه شكله وايد حلو ومرتب ، بس في الأخير يعفن لأنه يجمع البكتيريا والفطريات
وإذا تعفن يتمدد وتزيد مساحته .. وتخيلي الباقي


وبس