جديدي من معرض الطيران

[ذنـيـنـي]

السلام عليييكم

اتمنى ان تحوز صورتي المتواضعه على أعجابكم

[شتشووته]

حلووه ..

عيبتني الصووره انا ..

تسلم اخوويه ونتريا يديدك ..

[تحفه]

حلوه ليش ماقربت اكثر؟ .. انا مادري ليش يوم اخر مره خذت صور لهلمعرض اختي قالت لي انها تنفع تنحط على جياس محلات الثياب =/ وايد انحبطت

احس لو كنت اجرب بتكون احلى

[شوق القلوب]

السلام عليكم..

خطيـــره يا خطيـــر..

اتوقع الموضوع كان يباله سرعه و تركيز..

..

ماشاء الله عليك ..:)

[مزايا]

ذنيني مستواك أعلى من كذا
عادة الصور كلها تؤخذ من هالزاويه وتوقعتك تكسر هالعاده وتجيب لنا شي بروفيشنال مثلك
على العموم صوره جميله

[قرموشة]

أمـسـات كنت واقفـه على سطـح بيتنــا وأشـوف العـرض .. وايـد كـان حـلوووو

وبالنسبـه للصـورة هـي وايـد عاديـه بس أتوقـع بذلـت مجـهود عـشان تـصورهـا لانها يبالهـا تركـييييز !
وشي حـلووو انـك جمـعـت كل الطيارات فيـهـــاا ..
تسـلم ايدك وعدستـك يا نـاصـر ~ ماقـصرت ونطمع في المزيد

[بنت الدلع]

احس ردودكم تحبط الواحد

بالنسبه لي الصوره وايد حلوه
وعيبتني
خصه انك ماخذنها بهذي الوضعيه
وفقت في الشتر سبيد
اكيد ماخذ صور ثانيه ^_^ ماعندنا مانع نشوفهن

[ذنـيـنـي]

شتشوته
تسلمين على المرور الطيب

تحفة
العدسة الي عندي كانت 200 mm و ما قدرت اقرب اكثر من جي

[ذنـيـنـي]

شوق القلوب

فعلا الموضوع يباله تركيز خاصة في لحظة الضغط على الشتر لأني كنت ابغيهم يكونين جدامي بالضبط و بنفس المستوى و على خط مستقيم
و فعلا طلعت اللقطه مثل ما خططت لها بالضبط و طلعوا بطريقة على اساس انهم في سباق

[ذنـيـنـي]

مزايا

هالصورة تنقيتها من الميموري الاول بس و كان فيه 150 صورة بس

عندي ميموريين من غير و مجموع الصور كان 1480 صورة و خرده
ان شاء الله بعرض صور اخرى بس ابغي اتنقى الصور الي تسوى و تستاهل العرض

الصورة هذه اخترها على السريع لأني اصلا ما كنت شايف الصور الثانية في حزتها و ما كنت ادري انه عندي صور احسن من هذه بـ 12389 مره

ان شاء الله قريب بنزل موضوع ثاني و فيه كذا صورة من المعرض
تحياتي

[تحفه]

يبالي اراويك الصور الي علقت عليهم اختي

كانو وايد جراب .. حمدلله موقعي كان ممتاز!

[قصايد غلا]

كـــشـــخــــة



ماشا الله عليك

وايد عيبتني الصورة


ذكّرتني بــ حفيد عمّوه

يوم يا يخبّرني عن المعرض

جان يقول لي : شافيت طيّارة تطلّع فلفل

[دمعة عين]

جميلة جداا ..!!
وبالعكس أنا أشوفها واايد حلوه ..

خاصه شكل الطيارات .. ماخذ كل حيز من الصوره .!
وشكلهم في سباااق في الهوا ..

موفق أخوي .. ونرقب اليديد من صوبك
تحياتي لك

[ملاك الروووح]

وعليكم السلام ورحمة الله وبركاته



من متى وأنا أتريه صورك مالة المعرض ..




شي بصراااااااااااااحه !

وايد عيبتني .. حلو شكل الطيارات ..



تسلم عدستك ذنيني

أف حشروووووونا ترى مع طياراتهم .. الواحد ما يقدر يركز ف شغله

[بنت ناس و عرب]

Which camera ? and lens