رفــقــاً بـبــعـضـكـم

[شوق القلوب]

عوده ثانيه..

الزواج... وايد يتأثر بطابع هالشخصين..يعني في بيوت لها استايل معين في التعامل في الاكل.. في طريقه عيشتهم في البيت... صح كلهم طيبين و زينين.. بس هالاختلاف يمكن يشكل فجوه اذا هالشخصين مب قادرين يتقبلون اسلوب حياه الثاني..الا اللي بالهم طويل و عندهم قابليه للتغير.. و اختيار الافضل بين الاسلوبين..

في اشخاص زينين... لكن طبايع مثل الدلع الزايد.. العصبيه.. الحساسيه الزايده.. الجديه..حتى الرومانسيه.. يمكن اتمثل فجوه.. اذا الاثنين مب قادرين يستوعبون بعض.. و يحاولون يتغيرون..

ومثل ما قال مايد... الريال تختلف نظرته للريال.. من نظرة الحرمه له..، لانه غالباً الرياييل يوم يسألون يسألون اذا الريال مصلي.. مب راعي سهر .. ماله تاريخ في المغازل - ولو انه الشباب بين بعضهم يغضون الطرف عن هالنقطه لكون انه شاب لازم له هفواته في اول ايام الشباب - معروف بين العرب ولا لا.. كبير بتصرفاته و بأخلاقه.. لكن الزواج يهتم بالتفاصيل الصغيره مثل حسن التعامل في البت و العشره الطيبه.. و هذي محد يعرفها الا اللي معاشرنه يا في بيته ..ولا في السفر! .


في نظري.. انه الشاب اذا كان متعود وهو في بيته انه يهتم بشئون اهله و خواته و امه.. و يحاتيهم .. ويأدي مشاويرهم بطيب خاطر.. هو من انجح الناس اللي لو فكر انه يأسس عايله... لانه في شباب يحسون انه متطلبات زوجاتهم هم و مسؤوليه.. و واجب غصب يسوونه..

..

الكلام وايد متشعب في هالموضوع.. الله يعينك علينا يا عايش..

[قصايد غلا]

في اشخاص زينين... لكن طبايع مثل الدلع الزايد.. العصبيه.. الحساسيه الزايده.. الجديه..حتى الرومانسيه.. يمكن اتمثل فجوه.. اذا الاثنين مب قادرين يستوعبون بعض.. و يحاولون يتغيرون..

الزواج يهتم بالتفاصيل الصغيره مثل حسن التعامل في البت و العشره الطيبه.. و هذي محد يعرفها الا اللي معاشرنه يا في بيته ..ولا في السفر! .

في نظري.. انه الشاب اذا كان متعود وهو في بيته انه يهتم بشئون اهله و خواته و امه.. و يحاتيهم .. ويأدي مشاويرهم بطيب خاطر.. هو من انجح الناس اللي لو فكر انه يأسس عايله... لانه في شباب يحسون انه متطلبات زوجاتهم هم و مسؤوليه.. و واجب غصب يسوونه..

أنــا ويـــاج شواقة :) ...