السلام عليكم
كل الأعضاء ردوا بـ اخوي..بس اظن انج اختي
::
::
المهم،، اذا كل شي بنسويه في هالدنيا بنقول ماله معنى
ترى حتى يلستنا عالنت والتلفزيون مالها معنى!
الكره رياضه والكل يحبها،، وما اضيف على كلام الأعضاء
فوقي غير انها صارت مصدر دخل للدوله،، يعني حالها حال
اي مهرجان وفعاليات تصير.. فـ تشوفين الدول تتسابق منو
يستضيف بطولة كذا او كذا.. لأن فيها مصادر مربحه، يمكن
احنا ما ندري عنها،، بس لما نتكلم عن اقتصاد بلد نتكلم حتى
عن فانيله عليها شعار بطولة مستضافه!
شوفي كأس العالم،، تحصلين المحلات كلها تبيع سوالف
عليها شعارات كأس العالم اوالفرق المشاركه.. وهــــذا
بحد ذاته دخل
ليش اللي يطالع مباره يستوي عصبي ويتوحش ومايترمس؟؟؟؟
لأنه يحب فريقه،، وأكيد مرات تحصل أشياء كبيره بسبب هالضرايب
والأعصاب مب زينه.. لكن صدقيني مهما صار في شبابنا وتضاربوا
فالأخير يتمون حبايب وهاي الضرايب مجرد سوالف بينهم
اما اذا زادت عند حدها فـ هذا منهم روحهم،، يسوون سالفه من لا شي
وتظل الكرة لعبه،، وانتي اذا حبيتي شي وتعلقتي فيه يمكن تسوين اكثر
عنهم حتى لو كان هالشي ماله معنى.. بس بالنسبة لج عالأقل له معنى
والسموووحه
رد مع اقتباس
مواقع النشر (المفضلة)