<font color='#000080'><span style='color:Navy'>سلااااااااااام... <img src="http://oasis.bindubai.com/emoticons/sad.gif" border="0" valign="absmiddle" alt=':('> <img src="http://oasis.bindubai.com/emoticons/sad.gif" border="0" valign="absmiddle" alt=':('>

ممكن آخذ رايكم في السالفة هاي.. و اسمحولي ع الأسلوب لأني فعلا ماروم أركز من الصدمة... <img src="http://oasis.bindubai.com/emoticons/sad.gif" border="0" valign="absmiddle" alt=':('> و أحلفلكم انه السالفة صدق مستوية...

اليوم شفت وحدة من أعز رباعتي في الكلية.... كنا ندرس ويَـا بعض في الفاونديشن (المرحلة التأسيسية) و افترقنا بعدها و سارت كل وحدة على تخصصها... و كنا انطرش مسجات و ايميلات لبعض و نسوولف بالتيلفون لين ما خفت المكالمات ابسبة زحمة البروجكتات و البحوث و انشغال كل وحدة ابحياتها...

المهم...

اربيعتي كانت اتحب واحد من معارفهم بس من دولة خليجية و كان ناوي يخطبها (صارت رمسة أهل بس و حجزوها له)... بس الريَال كانت عنده شوية مشاكل و بغاها تتريَـا شوي عليه...

اليوم لما شفتها في الكلية عقب التراويح استانست وايد و سألتها عن أخبارها و أخبار مازولا&#33;&#33; (كنَا نسميه حبيب القلب مازولا)&#33;&#33;&#33; من سألتها تغيرت ملامح ويهها و قالت لي: خلاص كل شي تكنسل... ويدي شقايل كل شي تكنسل و انتوا كنتوا اتموتون في بعض و ولا حد منكم يروم يستغني عن الثاني؟؟ قالت لي: الغلطة غلطتي و أنا اللي أستاهل...

اتقول: مرَت فترة مشاكل بيني و بينه و كنت ما أقدر أستحمل حتى صوته,,, كنا نختلف على أتفه الأسباب و نتزاعل فترات طويلة على أشياء مالها داعي.. و في نفس الفترة,, اتعرفت على واحد ع النت من عقب ما ضافني ع الآيسكيو,,, ارتحتله وايد و كنت فعلا أترياه ايي اونلاين عشان أنسى مشاكلي ويَـا خطيبي... و استمرينا فترة لين ما وثقت فيه و قلتله عن اللي يصير بيني و بين خطيبي... في البداية حاول يهديني و يصلح من بينا و بعدها لاحظت انه قام يزعل و يغار كل ما أييب سيرته... و عقب سنة تقريبا صارحني بمشاعره و قاللي انه كان ناوي يخطبني و انه ما بيحصل أحسن مني بس المشكلة اني شبه مخطوبة...

قلتلها: و انشاالله صدقتي كلامه... قالتلي: و ياريتني ما صدقت.. المشكلة اني حسيت بأنه هالأنسان فعلا فاهمني و يحبني و قمت أقارن بينه و بين خطيبي اللي ما كان يحس فيني.. قلتلها: بس كنتي تعرفين انه يواجه مشاكل و كان من واجبج انج توقفين وياه و تتفهمين وضعه.. مب اتسيرين اتدورين غيره... سكتت و ما ردت علي...

سألتها انزين و شو سويتي عقب؟؟ و ياريتني ما سألتها لأني بعدني و الله مصدومة من اللي قالته للحين.. اتعرفون شو قالت لي؟؟

قالت: اتفقت ويا اللي اتعرفت عليه اني أقوول لاهلي اني ما أباه و أكنسل كل شي,, و بعدها هو ايي و يتقدملي&#33;&#33;

الله أكبر&#33;&#33; و صدقتي انه واحد عمره ما شافج و لا يعرف انتي بنت منو,, بيي و بياخذج؟؟؟ و الله ابصراحة غمضتني لو انها غبية و يلست اتصيح و قالت المشكلة اني سويت هالشي و أهلي احتشروا في البيت و هو للحين منصدم و مب عارف شو السبب.. و يااني من بلاده لـدبـي بس عشان يراضيني و أنا مصرة على رايي.. و لما شفته يأس.. سرت سيده خبرت الثاني انه كل شي جاهز اذا بيي الحين.. و مثل ما قلتي.. كنت فعلا غبيه.. لأنه من يومها لبسني و لا قام يرد على مسجاتي و لا على مكالماتي.. و تالي خسرت الأثنين...

ابذمتكم.. مب سالفة تقهر.. أنا للحين ما رمت أرقد و باجر وراي دوام و كلية بعد&#33;&#33;&#33; بس فعلا مقهورة من اللي صار...

أموت بس و أسأل هالثاني شو استفاد لما قص ع البنت حليلها,, ليش يستغل ضعفها و يهدم بيتها و سعادتها؟؟

و ليش هي صدقت كلامه و تحرته صدق بياخذها؟؟؟ والله دواها بعدين عندي لمَـا بتصل فيها لأني فعلا مقهورة من اللي صار....

اسمحوولي أدري انه السالفة طويلة و يمكن ما اتعيبكم بس فعلا بغيت أفضفض شوي.. الله بصبرها و يصبر خطيبها اللي طار من ايديها...</span></font>