<font color='#000000'>السلام عليكم ورحمة الله وبركاته .. <img src="http://oasis.bindubai.com/emoticons/smile.gif" border="0" valign="absmiddle" alt=':)'>
أحببت أن أكون سباق للكتابة عن هذا الحدث الجميل .. <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> ,
الأول من شوال .. الساعه 6 .. دق دق دق ( أمي توعيني ) .. قم يا مايد قم سير الصلاه .. ( عاد أنا تعبان من عقب المراكض من السوق والحلاق ) .. <img src="http://oasis.bindubai.com/emoticons/sleeping.gif" border="0" valign="absmiddle" alt=':sle:'> شو تبين .. قم يامايد قم .. أنزين أنزين , وأنش وسير أسبح وأتلبس , وتدخل أمي وفي يدها المبخر واتحطلي من هالعود الزين <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> وتظهر الدهن عود واتحطلي منه ( طشونه ) أمي زيدي زيدي .. بسك بسك مب معرس أنته هههههههههه <img src="http://oasis.bindubai.com/emoticons/wink.gif" border="0" valign="absmiddle" alt=':;):'>
وأنسير الصلاه .. وندخل المصلى .
جد بادين المصلين بالتكبير : الله أكبر الله أكبر الله أكبر الله أكبر .. مادري والله كم مره .. وأنكبر معاهم ( مع الخيل ياشقرا ) <img src="http://oasis.bindubai.com/emoticons/tounge.gif" border="0" valign="absmiddle" alt=':tou:'> ..
وعقب الصلاه والخطبه أنش أنتوايه وأنوايه إلي أنعرفه .. طبعاً أمشي ابسرعه عشان أشرد من الربع .. لكن أين المفر .. ميود ميود ولا هذا أحمدو .. هلا هلا أحمد : مباركن عيد , مايد : عساك من العايدين والسالمين ..
وأمشي شوي .. أشوف واحد يطالعني ويبتسم .. أووووووووووه هذا ( سعود ) ..
وأجدم وأسلم عليه .. كل عام وأنت إبخير بو عسكور .. سعيد : وأنت إبصحه وسلامه يا بوسلطان .. , وصلنا عند الباب .. يالله زحمه وأشوف جدامي أقول هذا القفا مب غريب عليَ امممممممم منو هذا منووووووو هذا .. اوه هذا ( مروان ) ..طبعاً أسلم عليه ..
وأرجع البيت وأسلم على أمي وأبويه .. وعقب أسير بيت يدتي وأسلم عليها وأسلم على خوالي ( طبعاً أهم شئ الــعـــيـــــــــــــــد يـــــــــــــــــه ) ..
ونيلس في الميلس والناس داخلين طالعين .. والصغاريه كل شوي يدقون الجرس ( عيديه عيديه ) .. أطالعهم وأظحك أقول ماشاء الله ..
طبعاً ظاهره جميل هي الخروج للعيديه .. ولكن اندثرت فينا أفكار الغرب ومعتقداتهم الكاذبه ( والكبر ) .. وقال البعض أنها ( شحاته ) .. لا والله ليس فيها حرج وإنما هي تقوي الصله بين أبناء الحاره ( الفريج ) .. وتحبب الناس ببعضها ..
كانت أمنيتي وأنا صغيير في كل عيد أن أظهر للعيديه لكن للأسف .. ( لأني لو ظهرت مابحصل كثر إلي بحصله في البيت ) <img src="http://oasis.bindubai.com/emoticons/tounge.gif" border="0" valign="absmiddle" alt=':tou:'> <img src="http://oasis.bindubai.com/emoticons/tounge.gif" border="0" valign="absmiddle" alt=':tou:'> ههههههههه ..
والسموحه .. <img src="http://oasis.bindubai.com/emoticons/laugh.gif" border="0" valign="absmiddle" alt=':la:'>
<span style='color:Blue'>وكـــــــــــــ ـل واحــــــــــــــــــــــ ـد يـــــــــــــكــــــــــ ـــــــتـــــــــــــــــ ب قـــــــــــصـــــــته ..</span></font>
رد مع اقتباس
مواقع النشر (المفضلة)