<font color='#000000'>السلااااااااااااا ااام عليكم اخواني و هاي ثاني مره لي اكتب في المنتدى
لكن حسب خبراتي شدني الموضوع
أول شي اللي أستوى هذا منقووووود و غلط
بعدين على فكره نسبة السبعين في الميه غلط
هالشباب اللي يسوون جيه بالذات نسبه بسيطه
بقسملج انواع الشباب المغازلجيه نبدا اول شي باللي طريتيهم
1. هذيل شباب نسميهم المقلع أو المفلع أو المزبدين و أنتي اختاري واحد من هالتسميات , هالنوع من الناس لما يشوف بنت أو حتى حرمه كبيره يلاحقها ولا يودرها الحبيب شايف نفسه بوس ويبا يراوي عمره بين ربعه أنه مب خواف وهو طبعا الغبي حاط في راسه انه البنت ما راح أتييه بهالطريقه لو شو ما صار لانه مافي شي غصب لاكنه غبي على باله لو لحق بنت بس و طفر بها بيطلع ريس قدام ربعه.أتوقع انها السالفه صارت في العين ( أنا من العين على فكره)
2.النوع االثاني من الشباب المغازلجيه نسميهم عشاقه,كيف يعني , هذا النوع تحصلونه اربع و عشرين ساعه في المولات بشكل يومي يتريا اي اشاره من اي بنت بس كل شي بشكل مستور يعني يلاحقها ولا حد يحسبه الين ما يوصلون مكان فاضي و يرقمها و يروح, يعني على المستور و تكون علاقته وياها في الغالب تليفون و مواعد على الخفيف بس لانه اكثرها العلاقه هاي تكون عشق مزيف , هالنوع من الشباب متضرر بشكل كبير من فواتير الاتصالات وهم اكثرهم يطالبون بتخفيض الاسعار مع انه اسعار شركت الاتصالات منافسه عالميا(انا عايش بأوروبا و شفت الدنيا الحمدلله بلادنا مافي احسن منهها و موفره كل شي للمواطنين لكن شو نسوي ,, بطررررررره ,,)
3. ونوصل للنوع الثالث اللي هو أخطر شي , هالنوع من الشباب يغازل قوم بو اسبوع و اسبوعين و يودر البنت اللي يرمسها,ما تحصلونه في المولات اكثر شي يكون بالمراقص أو الاماكن المشبوهه , هالنوع من الشباب يبون يحققون غايه في نفسهم وهي معروفه ما يحتاج أقول مع بنت تبى نفس الشي وهن موجودات و بكثره في بلادنا,في العاده مافي مخاسير مع هالنوع ومخاسيرهم اقل بوايد من النوع الثاني.
4. النوع الرابع حبيب الكل, هالنوع الشباب اللي يتعرفون في النت و أغلبيتهم يعانون نقص و النت اللي تتعرف في النت نفس الشي , يا تحصلونها معنسه ولا شي فيها غلط , والريال تحصلونه بطال ولا شي فيه ولا برا البلاد يبا يقزر وقته, هالطريقه حاليا الشباب يشوفونها حلوه وايد لانها رخيصه و تسمحله انه يشوف البنت و يتعامل ويها من غير ما يستحي او هي تستحي.
أحب أنوه انه مب كل الشباب مغازلجيه وفي ناس وتقريبن الغالبيه من الشباب حاليا يحاولون يبتعدون عن البنات و عوار الراس , لكن متى بيتعلمون المذكورين أعلاه ..؟؟؟؟؟&#33;&#33;&#33;&#33;&#33;
وبعد احب انوه انه مثل مافي هالنوع من الشباب في بنات نفس الشي بالضبط الا في الفأه الاولى اللي هم اخوانا المستقطعين لانه مهما البنت كانت فالته ما اتوقع انها بتفتح باب سيارت واحد على الاشاره ,,
هذا تعليقي على الموضوع كله ,, ولا تبرن عماركن بعد يا بنات لانه وجود الفئه الثانيه تراه بسبب البنات مب من الشباب نفسهم,,
لو في أي تعليق على كلامي ارجو انكم تقولوه ولا تستحون أبدا حتى لو في حد بيهاجم كلامي
والسموووووووووووووووووووو حه لو غلطنا على حد, او انه واحد من الشباب هني ينتمي لواحد من هالمجموعات<img src="http://oasis.bindubai.com/emoticons/fa55.gif" border=0></font>