<font color='#000000'><FONT color=#000000><FONT color=#990066>مرحبااااا بـ شوق القلوب (( بسم الله عليج و حواليج سيري عند حد يقرا عليج من الحسد ))

ما عرفت من وين أبدا لأن الفقرة الأولى تحتاج استعداد و تفكير لان الكثير من الكتب تكلمت عن المشاعر الي تنتاب الانسان مثلا الغضب او الحزن وكيف عليه انه يتعامل معاها وكيف ينظر هو لمشاعره نظره خارجيه و ينظر لمواقفه من على كراسي مسرح الحياة يعني يخرج من دور الشخص الحزين (( البطل )) الى دور المراقب (( الجمهور )) الي ماعليهم اي ضغوط و يفكر بطريقة الجمهور الي يشوف كل الاخداث من البدايه للنهايه وبعدين يقيم الوضع ما يحكم لا لا لا ايشوف من شارك في صناعة المشهد - الديكور - الجو - الوقت - تأثير الآخرين كلامهم مواقفهم افكارهم - و ازيد الشيطان بعد له دور يعني هو الي ينصح البعض فيقول له الدنيا مافيها خير عق عمرك من هالدريشه فينط الحبيب والا هو في جهنم خلال ثواني يبغي يرتاح من عذاب الدنيا و ألمها ينتقل لعذاب الآخره وسعيرها (( إنزين هذا ردي مب معتبر على الفقرة الأولى بس هو مقدمه خخخخخخخخ برجع بس ما ابغي حد يسبقني فالرد - جييييييه الاول يعطونه فلووس خخخخخخخخ ))

شوفي بقولج العقل له مرحله يغلق فيها ايصكر ايعلق مثل الكمبيوتر مالج (( لا اتقولين &nbsp;ما ايعلق )) انزين عشان جيه الي يعلق عقله ايكون معذور الا اذا تسبب في اضرار ماديه للآخرين - الاضرار المعنويه أخس ادري - المثال عمر بن الخطاب رضي الله عنه لما مات الرسول صلى الله عليه و آله و صحبه وسلم - قال عمر من قال أن محمدا قد مات قطعت عنقه .... الخ القصه الشهيره - شو منو قال هالقصه ما ايخصها <IMG src="http://oasis.bindubai.com/emoticons/sad.gif" border=0>&nbsp;لا ايخصها

انزين هو يمكن يكون ضعف و يمكن يكون عدم حب الانسان للقيود - حفت النار بالشهوات و حفت الجنه بالمكاره - أظن الموضوع راجع للعزيمه الي يسمونها قناعه لما يصل الانسان لدرجة القناعه و القناعه العاليه الي تدفعه للفعل او تمنعه من الاقدام على الفعل - و عندج مثال الدباديب قوم حلم الطفوله و دخون و انامل و اتمنى و بهجة الروح و العجيبه المهم ايحاولن وحليلهن يضعفن ايسون تمارين يسمعن مريم نور ايسيرن الGM بس ماشي فايده يرجعن البيت ياكلن اليابس و الخضر - لا تزعلن اسولف بس <IMG src="http://oasis.bindubai.com/emoticons/fa56.gif" border=0>

انزين انا خليت ردي امقطع على اساس ان الموضوع فقرات يارب ايكون واضح و السموحه و ان الله راد برجع استدرك على عمري ادري اني امخبص</FONT></FONT></font>