<font color='#000080'>عاش المزوحي .. مثل ما قال المزوحي 100%

انتي الحمدلله واثقه من عمرج .. لكن ما تعرفين شو بيستوي اذا طلعتي .. الشباب بيلاحقونج و من هالسوالف .. و في وايد بنات محتشمات .. قصو عليهن بكلمتين و استون من اوصخ البنات في البلاد ..

و فوق كل هذا .. الريال ما يعيبه شي .. لكن البنت اهم شي سمعتها .. يعني لو الريال بغا يخطب بنيه .. و عقب اكتشف ولا سمع من ربعه انه البنت الي يبا يخطبها كانت اتسير السينما ويا رباعتها و اتسوي حركات حق الشباب .. او على الاقل كانت تضهر و تطالع الشباب و تتيلس في الاماكن العامه و في اوقات الزحمه .. ف بتنشهر البنت و بيعرفونها كل الشباب ..

و حتى من ناحية الاهل .. اهل البنت او الولد &nbsp;.. يبغون عيالهم يكونون من احسن الاولاد في البلاد .. يبغونهم يرفعون راسهم ..

مثلا امج الله يطول بمعرها .. اذا سارت عرس فلانه ولا علانه .. و شافت وحده من ربيعاتها .. الحرمه بتقول هيه انتي ام فلانه ( تقصدج) و بتيلس تمدح فيج .. بتقول بنتي ماشاءالله تمشي ويا بنتج و من تعرفو على بعض بنتي تغيرت تصرفاتها و استوت احسن ..

ولا تبغين هالحرمه اتقول حق امج يودي بنتج عن بنتي لنها خربتها ؟؟ او عودتها على السينمات ؟

اهلج ما يبغون شي غير انج ترفعين راسهم جدام الناس .. و اتكونين بنت زينه عشان يحسون بتعبهم .. و ثالث شي و الاهم عسب يبرون ذمتهم جدام الله سبحانه يوم القيامه ..

و انتي يمكن اتحسين بشي من الظيج لأنهم وايد شديدين .. لكن والله انه كل ها في مصلتحج ..

انا هلي كانو دوم يتضاربون ويايه عسب اني اتأخر خاري نص الليل.. لكن والله عقب فتره حسيت بالفرق .. يعني اوكي نطلع الين 11 .. و بعدين ليش اتأخر ؟؟ يعني الواحد ما يتم خاري الا اذا عنده شغل او يبا يغازل .. و انا بعدني صغير على الشغل .. اكيد ابا اغازل او عندي سوالف بطاليه ..

يالله لا اتظيجين بعمرج لنه ها كله لمصلحتج &nbsp;..

السموحه على الاطاله .. <img src="http://oasis.bindubai.com/emoticons/smile.gif" border="0" valign="absmiddle" alt=':)'></font>