موقف حسسك بالخجل ..

**لمّــاح** · 16-09-03 ||, 10:09 AM

نور السنا .. ثرج حراميه <img src="http://oasis.bindubai.com/emoticons/biggrin.gif" border=0>

راعي ال اس اس .. تسلم على مرورك .. موقفك فنان و يقفط<img src="http://oasis.bindubai.com/emoticons/tounge.gif" border=0>

**نور السنا** · 15-09-03 ||, 08:13 PM

ههههههههههههه شي شي شي,, ولا طارق عااد,, صج صمتك شكلها,,

هممم انا أكثر موقف أحرجني ,,

وحده من المدرسات الشديدات تصير عمّة وحده من ربيعاتي و كله كنت اقول حق ربيعتي ابي اشوف ولد عمتج,, قالت لي على درج عمتيه حاطه صورته,, مره ثانيه اذا رحتي شوفيها,, قلت لها اوكي,, المهم مره كنت رايحه و هي كانت برع يعني كنت سايره لمدرسه ثانيه بس قلت بشوف الصوره,, كانت حاطه اغراضها على الصوره ,, قمت شليت الاغراض عسب اشوف الصوره و مرّه وحده صرخت علي من وراي,, انتي شو تسوين؟؟؟ ههههههه روحها تكرهني,, انا تفاجأت مره وحده تقزت,, قلت لها ها؟؟ كنت ابي اشوف جدولج(خييييييبه شو ابا في الجدول) و المشكله انه جدام المدرسات الي في الغرفه صرخت علي و قالت لي عيييب طلعي برع,,,<IMG src="http://oasis.bindubai.com/emoticons/tounge.gif" border=0>

طلعت و ويهي مححححححححتررررق......

**شموخ** · 15-09-03 ||, 11:35 AM

هلا اخوي النحوس
وااايد مواقف صارتلي والله
بذكر اخر موقف مريت فيه من قريب
رحت السوق اشتري لرفيجتي هديه وطبعا بعد مااخترت الهديه رحت قسم التغليف
عسب يغلفون الهديه
وكان هناك واحد هم قاعدين يغلفون له هديته
قلت لصاحب المحل بخذ لفه وبرجع على بال مايخلص التغليف
واول مارجعت شفت هديتين وكلهم نفس الحجم اخذت وحده ومشيت وانا اقول في خاطري
ياربي الهديه ليش خفيفه وامشي ومااشوف الا واحد ينادي علي لا بعد ماعبرته
وشوي وقف جدامي وقالي لوسمحتي اختي ماقصدي شي بس هاي هديتي
ووجااااان امووووت من الجفطه<img src="http://oasis.bindubai.com/emoticons/down.gif" border=0>
هههههههههههههههه

والسموحه على الاطاله
أختـــــــ وفيت ــــك<img src="http://oasis.bindubai.com/emoticons/inlove.gif" border=0>

**لمّــاح** · 15-09-03 ||, 12:04 PM

وفيت خلي ما وفا ..

تعجبيني <img src="http://oasis.bindubai.com/emoticons/biggrin.gif" border=0>

تسلمين على ردج

**وردة غلا** · 15-09-03 ||, 02:36 PM

تسلم اخويه المنحوس على موضوعك..
بصراحه وايد مواقف محرجه استوت لي واللي فبالي الحين موقف صارلي من اسبوعين تقريبا...
كنت رايحة ويا اختي واخويه وبنات اخويه مركز منار،وكنت أنا وبنت اخوية الصغيرة نمشي بروحنا واختي واخويه وبنت اخويه الثانيه تجدمونا وتمينا احنا وراهم،وكان زحمة لأنه يوم الخميس،المهم انتبهت بنت اخويه انهم تجدمونا،فصرخـــــــــــــ ـــــــــــت صرخة قويه،الكل وقف وتم يطالعنا،وانا ميتة من الضحك وقافطه،فشلتني الله يهديها الكل مبطل عيونه ويطالعنا، هيه عاد صرخت لأنها جافتهم يمشون جدامنا، شويه بعيد.
بس والله قفطت...<img src="http://oasis.bindubai.com/emoticons/blush.gif" border=0>

**لمّــاح** · 15-09-03 ||, 02:50 PM

روح المعولي .. تسلمين على مرورج <img src="http://oasis.bindubai.com/emoticons/biggrin.gif" border=0>

وردة غلا .. تسلمين على الرد .. <img src="http://oasis.bindubai.com/emoticons/smile.gif" border=0>

**المرحووووم** · 14-09-03 ||, 07:35 PM

هلاهلا بالطش والرش ...

هلا فيني والله ..

هييه

موقف صار لي السنه اللي طافت ..

كانت اول سنه لي في الجامعه ..

وكانت علي حصه في كليه الشريعه ..  ماده اسمها ثقافه اسلاميه ..

وحليلي مستجد هههه ماعرف شي يديد بقراطيسي..

يالس ادور الغرف..وشفت رقم الغرفه نفس الرقم اللي في الجدول.. جان ادش..  والا ستين واحد موجودين ..

سلمت ويلست ..

وتميت يالس ..وفي نص الكلاس سألني الدكتور.. ليش خذت مساق (---) ..  قلت شوو

قلت له ماخذت ها المساق ؟؟!!! قلت له ها الغرفه مب فيها ثقافه اسلاميه !!!

قال لي  هيه بس  باجر مب اليوم ههههههه كل الطلاب ضحكو عليي وحليلي <img src="http://oasis.bindubai.com/emoticons/down.gif" border="0" valign="absmiddle" alt=':down:'>  

جان استحي  ..واشيل قشي واشرد <img src="http://oasis.bindubai.com/emoticons/sad.gif" border="0" valign="absmiddle" alt=':('> ..

احم ..

انزين منحوس انت خبرنا يالله ..  نتريا موقفك ^_*

بايو

**لمّــاح** · 14-09-03 ||, 06:37 PM

وينكم .. ما عيبكم الموضوع ؟ <img src="http://oasis.bindubai.com/emoticons/sad.gif" border=0>

**لمّــاح** · 15-09-03 ||, 06:25 PM

عيون الليل .. حياج الله اختيه الموضوع موضوعج ..

طارق .. تعجبني <img src="http://oasis.bindubai.com/emoticons/biggrin.gif" border=0> .. تسلم على مرورك حبوب

**ولد الحكومة** · 18-09-03 ||, 06:13 PM

<img src="http://oasis.bindubai.com/emoticons/biggrin.gif" border=0> المنحوس

والله لو شفتني ..... بتنقع عليه من الضحك ،،،،،،،

تسلم اخوي ع الموضوع وعلى الرد

**المزيوونه** · 17-09-03 ||, 07:36 PM

موقف خلاني استحي <img src="http://oasis.bindubai.com/emoticons/cool.gif" border=0> يا سلام عليه واايد وان قلت بفضح عمري...

اوكي ها الموقف شويه اهون..

مره مادري عاده من متى من زمان هو اول ماتحجبت يعني هيهيهي .. يعني تخيلو بعدني توني لابسه الوقايه وماعرف شو واجب البنت شو لازم اتسوي وشو شو المهم..

كنا عند اهلنا..اووكي.. حلو الكلام..

انزين وكانو الرياييل كلهم متيمعين فصالة الاكل.. يتغدوون..والحبيبه دخلت وهيه شاقه الحلج...

انا: وينهن الحريم..
خالي<img src="http://oasis.bindubai.com/emoticons/sad.gif" border="0" valign="absmiddle" alt=':('>قااافط) ..
ابويه: كح كح..
انا: اطالع باستنكار..شوو ؟؟
خالي: (طالعني بنظره)
انا: طاالعت الكل..
جان ازييغ واركض خاري.. امييه شو سويت ..ليش خالي طالعني جيه...
وتميت يالسه..

وعقب..

خالي: امايه ماتشوفين الريال داخل.. شحقه دخلتي انتي.. .... الخ..
انا: متلونه بالوان الطيف من القفطه..(بعدني حليلي ماعرف انه عيب..)...

واليوم يوم اذكر ها السالفه احس ويهي يحترق.. فما بال ابويه وخالي قبل وانا حضرتيه داشه مستانسه وهم عندهم ريال غريب<img src="http://oasis.bindubai.com/emoticons/glare.gif" border=0>

<img src="http://oasis.bindubai.com/emoticons/oo.gif" border=0>ويسلموو المنحوس..

**لمّــاح** · 17-09-03 ||, 07:41 PM

هههههههههههههه

تستاهلين <!--><img border=0 src=http://oasis.bindubai.com/emoticons/mad.gif>

**المزيوونه** · 17-09-03 ||, 07:54 PM

وياراسك.. حراام والله قفطه <img src="http://oasis.bindubai.com/emoticons/glare.gif" border=0> كل ما اشوف خالي اتذكر نظرته <img src="http://oasis.bindubai.com/emoticons/down.gif" border=0>

**ولد الحكومة** · 17-09-03 ||, 07:56 PM

<img border=0 src=http://oasis.bindubai.com/emoticons/oo.gif>

تسلم اخوي المنحوس ع الموضوع