<font color='#000000'><table height="100%" cellpadding=2 width="100%" border=0>
<tbody>
<tr>
<td align=right><font color=#ff3333><font face="tahoma, arial, helvetica, sans-serif"><font size=3>الجزء الثامن</font> </font></font></td></tr>
<tr>
<td valign=top height=130>


<font face="tahoma, arial, helvetica, sans-serif" color=#ff3333 size=3>ريم : الو مرحبا
هند : مرحبتين
ريم : مين معايه
هند : مين معايه
ريم : هذا تيلفون ميرة راشد
هند : هي منو معاي
ريم : ريم
هند : ريمووووه اشحالج ما عرفتيني انا هند زيغتج صح
ريم : بخير الله يقطع بليسج ان شاء الله ما عرفتج ..... اونه مخليه عمرج ماتعرفيني كنت بموت من زيغه
هند : انفع ههههههههههههههههههههههههه ههه
ريم : بس عاد وين ميرة
هند : ميرة عند حمد
ريم : انزين ممكن تزقرينها
هند : من عيوني لحظه حبيبتي

هند راحت تزقر ميرة و خبرتها ريم على التيلفون تترياها و سارت ميرة حجرتها و ردت على التيلفون ...

ميرة : الو اشحالج وين مختفيه
ريم : بخير يسرج الحال كنت مشغولة و خبريني عنج
ميرة : بخير و الحمدلله على كل شي
ريم : ميرووووه بشري انت قلت بتخبريني انا اول يالله
ميرة : شو السالفة
ريم : ميروووه يالله عاد اونه نسيتي
ميرة : هههههههههه ............ انزين بخبرج لا تاكليني ......... شو اقول ما اعرف اقول هي ولا لا
ريم : ميروووووه رفعتي ضغطي
ميرة : بسم الله عليج فال الله ولا فالج
ريم : اففففففففففففففففففففف
ميرة : ريمووووه لا تتاففين هب زين
ريم : ان شاء الله عمتي
ميرة : بسم الله عليه انا مب عمتج بسم الله اخاف استوى فيج شي لازم يودونج مستشفى
ريم : ما فيني شي .... ميرة بتتكلمين ولا ابند التيلفون
ميرة : انزين بتكلم انا ......انا........... انا موافق
ريم : ميرووووه حبيبتي قولي الصدق
ميرة : اقول الصدق بعد شو
ريم : يعني اكيد انت موافق ما بتغيرين رايج
ميرة : هي
ريم : ok ما بطول عليج مع السلامة
ميرة : مع السلامة

ريم فرحانه و اتصلت في سيف و خبرت براي ميرة و هو الثاني استانس وااااايد , و راح اشترى حلاوة البشارة حق ريم و عطاها حلاوة . بو حمد زقر ميرة و راحت له ميرة و يلست وياه, ابوها يبى يعرف رايها لان اسيوى على السالفة أسبوع و لازم يرد عليهم .

بوحمد: ميرة بنتي ما علمتيني برايج
ميرة مستحية : ............................
بو حمد : لا ما اتفقنا جي ميرة انا ابوي ابا لج الزين و ابا اسمع رايج
ميرة مستحية : اللي اجوف ابوي
بو حمد : ان شاء الله بالتوفيق
ميرة : ابوي بغيت شي
بو حمد : لا بنيتي

راحت ميرة حجرتها و هيا مستانسة , بو حمد اتصل في غانم و علم براي البنت و اتفقوا على يوم الخطبة بكون يوم الخميس الياي , هند و ميرة ما خلو مكان ما ساروا من مصمم و مول وأبوظبي و العين لين ما اشتروا الاغراض اللي يبونها و بخلص فساتينهم يوم الاثنين .و ميرة قالت حق ريم و حمدة ايون معاهم بس ريم و حمدة ما راحوا معاهم لانهم يبون يفاجونهم بفساتينهم , ريم و حمدة راحوا مع بعض يفصلن فساتين عند نفس المصمم في دبي بخلص فساتينهم يوم الثلاثاء.

حمد قاعد يفكر في ود , خلاص قرب الوقت بعد خطوبة ميرة برمس ابوي في موضوع ود .



راحت ميرة و هند اييبن فساتينهم من المصمم و قاسوهم و طلعن أوكي عليهم و خذوهم معاهم البيت . و ريم راحت اتييب فستانها و فستان حمدة لان حمدة كانت تعبانه فما قدرت اتروح مع ريم .

مرت الايام بسرعة و ما حست فيهم ميرة ولا سيف , هند وميرة مع الخدامه يرتبوا البيت و خلصوا ترتيب البيت و ياي يوم الخميس اللي الكل يتريا و بالاخص ميرة تتريا أحر من النار ,هند و ميرة راحوا الصالون يتعدلون و خلصو على الساعة الستة . يت ود و أمها و ريم و يلسوا مع ميرة و هند .

الساعة ثمان يت حمدة و أمها و نزلوا كلهم , و لبسوا ميرة الدبله , ابو ميرة قال الملجة قبل العرس باسبوع يعنى سيف ما بجوف ميرة لين ما يملج .

هند و ريم و حمدة و ود ما قصروا من رقص , و كانت خطوبة ميرة أحلى خطوبة استوت الكل مستانس و فرحان. تعشوا و روحوا بيوتهم , هند و ميرة رقدوا من التعب.اليوم الثاني العصر تيلفون ميرة ما وقف من الاتصالات ربيعاتها يهنونها على خطوبة .

حمد اشجع كلم ابوه في موضوع ود , و حددوا يوم يسيرولهم . . حمد و ابوه ساروا بيت عمهم يلسوا يسولفون و حمد على نار يتريا ابوه يفتح السالفة .

راشد : أخوي محمد نحن يايينكم في خير
محمد : إن شاء الله خير
راشد : يايين نطلب يد ود
محمد: سامحني يا أخوي و الله ما ريد أردكم ، الصراحة ود خطبها ولد خالها من فترة
راشد : والله ما علمتونا
محمد : ماوحالنا إنخبركم كنتوا مشغولين بخطوبة ميرة
راشد : بالتوفيق إن شاء الله


بو حمد رجع البيت بعد العشاء أما حمد حزن وايد و انصدم ، تم كلا ساكت ما يتكلم مع حد ( استوتلا حالة نفسية) الكل حس فيه و يبون يخففون عنه ، وابوه اقترح عليه يسافر يغير جو ،وافق حمد و قرر يسافر فرنسا و جهز حق السفر و بعد يومين سافر.


ميرة و هند يالسات في الصالة يتابعن مسلسل , ياي أبوهم من شغل و راحوا يتغدون و بعد الغدى راحوا يصلون العصر , هند خلصت صلاتها و راحت عند ميرة

هند : ميروه متى بتروحين تكملين زهبج
ميرة : مب اليوم مالي بارض احس بخمول
هند : انزين أنا ما اقصد اليوم أنا بس اسأل
ميرة : اممممممممممم .......... باجر يكون أحسن
هند : أوكي

ميرة تتصل حق ريم

ميرة : مرحبا
ريم : مرحبتين .. اشحالج
ميرة : بخير تمام و انت
ريم : تمام
ميرة : ريموه اباج تطلعين معانا اذا ممكن
ريم : من عيوني بس وين
ميرة : مول
ريم : زين لأني ابا اشتري عطر خلاص عطري
ميرة : اوكي حبيبتي الساعة 10
ريم : اوكي بترياج
ميرة : خلاص عيل بخليج باي
ريم : باي</font></p></td></tr></tbody></table>
<img src="http://oasis.bindubai.com/emoticons/blush.gif" border=0></font>