<font color='#000000'><table height="100%" cellpadding=2 width="100%" border=0>
<tbody>
<tr>
<td align=right><font face="tahoma, arial, helvetica, sans-serif"><font color=#ff6633><font size=3>الجزء السابع</font> </font></font></td></tr>
<tr>
<td valign=top height=130>
<font face="tahoma, arial, helvetica, sans-serif" color=#ff6633 size=3>في بيت غانم سيف نزل تحت حصل امه و ابوه وحمدة في غرفة الطعام يتريونه ....... اتغدوا و خلصوا و الكل راح حجرته , اما سيف تم في الصالة يالس يجوف تيلفزيون , أم سيف سمعت صوت في الصالة فقالت بجوف منو برع طلعت حصلت سيف يجوف تيلفزيون .........
أم سيف : ها سيف ما رقدت
سيف : لا ما فيني رقاد
أم سيف : انا بعد ما فيني رقاد , خلاص بقعد معاك .....
و تموا يسولفون و أم سيف : و الله متى بجوفك معرس و بجوف عيالك ؟!
سيف : والله امايا انا كنت بكلمج بنفس الموضوع بس ما عرفت كيف ابدا
أم سيف : صدق هاي الساعة مبارك ....... و منو تبا تاخد أكيد ريم
سيف : لا امايه مب ريم ....... انا ريم اعتبرها أختي
أم سيف : ها عيل منو في بالك ..
سيف : و الله امايه ربيعت ريم اسمها ميرة بنت زينة و حمدة بنتج تعرفها
أم سيف : بالمبارك , انا برمس ابوك و بجوف يوم بنسيرلهم بس انت عطني رقمهم
سيف : انا ماعرف رقمهم يمكن حمدة عندها خذي من عند حمدة
أم سيف : خلاص عيل , سير صلى العصر و انا بسير اصلي
ميرة اتعدل حجرتها و رتبتها ... دخلت هند عليها
هند :الله الله من وين طالعة الشمس اليوم
ميرة : حرام ارتب حجرتي
هند : منو بيي عندج
ميرة : ريماني
هند : يا سلام من زمان مايتنا ......... متى بتي
ميرة : العصر يمكن ساعة خمس او ست انت انزلي تحت و يوم بتي يبيها فوق لاني بروح اتعدل
هند : ok
وصلت ريم الساعة خمس ونص و هند ودتها عند ميرة و تموا سوالف و ضحك ........
ريم : ميروه ما بتشتغلين
ميرة : انت تعرفين عائلتنا ما تخلي البنات يشتغلون
ريم : ليش انزين
ميرة : ما عرف هذي القوانين مالتنا ...
ريم : أها ....... شخبار سيف معاج ....
ميرة : ها سيف و انا شو دراني باخبار ما اكلمه ولا شيء
ريم : تبين رقمه ؟!
ميرة : لا ريم ما ريد رقمه ..... شو تتحريني
ريم : ههههههههه كنت امزح ...
بو حمد و حمد في السيارة رايحين صوب العزبة , يطمنون على الهوش و البوش .......
حمد : ابوي شو رايك انمر على عمي محمد و نقوله ايي معانا العزبة
بو حمد : ما دري بيي و لا لا
حمد : خلنا نجرب
بو حمد : انزين يالله نسير
وصلوا بيت عمهم و دقوا الباب ..... ود كانت مارة سمعت صوت الدق قامت وفتحت الباب .....
بو حمد : هلا بود
ود : أهلين عمي
حمد : اشحالج ود ؟
ود : الحمدلله ...... اقربوا هني ابوي في الصالة
بو حمد : محمد حمد ولدي قالي انمر عليك يمكن تبا اتسير العزبة....... شو رايك بتي معانا
محمد : دام حمد قال ما يسير خاطره الا طيب..
حمد : تسلم عمي ....... ود ما بتين معانا
ود : أنا شو اسوي هناك
حمد : ماشي تغيير جو
ود : الصراحة أنا ما أحب ها الاماكن
حمد : على راحتج
ود : وين ميرة و هند
حمد : في البيت
طلعوا و راحوا العزبة , رجعوا البيت بعد العشاء صلوا و تعشوا و راح حمد حجرته و رقد من التعب .
أم سيف كلمة غانم و خبرت و أن سيف يبى يخطب , واللي بيخطبها مب ريم بنت خالة , ربيعة حمدة و فهمت الموضوع و وافق غانم, حمدة خبرت ميرة بان ابوها و اخوها ( سيف ) بيونهم بعد يومين اذا انتوا فا يضين , رحبت فيهم ميرة و هيا ما تعرف السبب الزيارة لان حمدة ما بينت لها السبب الزيارة قالتها بانهم يايين يسلمون .
ميرة خبرت اهلها بان ابو حمدة واخوها يايين صوبهم يوم الاحد الياي , ياي يوم الاحد ميرة و هند ما قصروا سوا الحلويات و طبخوا الاكل و رتبوا ميلس الرياييل بعد ما خلصوا راحوا اسبحوا ,العصر حمد يالس في الصالة مع ابوه يجوفون التيلفزيون نزلت هند من فوق سلمت عليهم و قالها ابوها سيري دخني الميلس و راحت هند ادخن الميلس خلصت وراحت فوق عند ميرة , سيف و ابوه و صلوا بيت ميرة و دقوا الباب حمد فتح لهم الباب و دخلهم الميلس و ياي بو حمد الميلس رحب فيهم , ميرة و هند نزلن تحت ما لقوا ابوهم ولا حمد عرفوا ان سيف و ابوه يوه , ميرة قالت حق البشكاره اتودي العصير حق الرياييل و الفواله .
بعد ما تعشوا الرياييل راح سيف و ابوه البيت و راحوا حمد و ابوه الصالة لقوا ميرة و هند يالسيين في الصالة يتريونهم , حمد راح حجرة يرقد و تم بوحمد معاهم يلسوا اشويه و رحوا يرقدون .
اليوم الثاني العصر بو حمد زقر على ميرة و راحت ميرة حجرة أبوها و قعدت عداله
ميرة : خير أبوي
بو حمد : ان شاء الله خير ....... ميرة اسمعيني زين انت الحين خلصتي دراستج و صرتي حرمة و ياي الوقت اللي بجوفج فيه عروس
ميرة مستحيه : ................
بو حمد : بو سيف ياي يخطبونج حق ولد سيف و انا جفت الولد ما شاء الله عليه ريال بمعنى الكلمة و اباج تقولي لي رايج
ميرة : اللي اجوفه أبوي
بو حمد : لا ميرة خذي راحتج و فكري في الموضوع زين بعد اسبوع قولي لي رايج
ميرة : ان شاء الله ابوي عن اذنك
بو حمد : اذنج معاج بنتي
راحت ميرة حجرتها و تمت اتفكر في الموضوع وهي مستانسه و تقول اخبر ريم ولا لا , راحت صوب حجرة هند دقت الباب عليها و فتحت هند الباب دخلت ميرة و يلست معاها .
هند : ميرة شبلاج
ميرة : ماشي ........ هند ابا اقولج شي بس ما اعرف كيف ابدا
هند : جان تبين اتقولين قولي
ميرة : انزين هند ....... تعرفين بو سيف اللي يانه امبارح
هند : هي اعرف شو السالفة
ميرة : خ....خط...خطبني حق ولده سيف
هند فرحانه : والله .... قولي والله ....... الله يخليج
ميرة : فرحانه : والله ..... بس انا ما رديت عليهم ما اعرف اوافق و لا لا
هند : ميرة حبيبتي لا تتسرعين فكري على راحتج و بعد صلي صلاة الاستخارة
ميرة : هي بصلي استخارة و بعدين برد عليهم
هند : اخيرا حد بعرس عندنا .......
في بيت غانم سيف عند أخت حمدة يبا يعرف اذا كلمة ميرة , سيف : حمدة انت مشغولة
حمدة : هي اشويه انت تبا شي
سيف : لا ماشي
حمدة : سيف اعرفك تبا اخبرك عن ميرة ........ صح
سيف : كيف عرفتي
حمدة : طبعا اللي يجوف حركاتك يعرف و انت اخوي و انا اعرفك زين ...... اسمع ما كلمتها بعد ما اخلص ان شاء الله بكلمها ارتحت
سيف : ههههههههههه انزين انا طالع مع السلامة
حمدة : في حفظ الرحمن
بعد المغرب اتصلت ميرة حق ريم , بس ريم ما ردت و تمت ميرة تتصل و في الاخير ردت
ريم : هلا ميرة
ميرة : اهلين وينج ما تردين على موبايل
ريم : كنت تحت مع الوالدة
ميرة : ريم بخبرج خبر بتستانسين عليه
ريم : بسرعة
ميرة : كيفي و الله بخبرج كيف ما انا اريد
ريم : اهوووووووه ....... خبريني على كيفج
ميرة : الخبر هو ...... استحي اخبرج
ريم : ميرة بتتكلمين ولا لا
ميرة : لا و الله اضربيني بعد
ريم : لو كنت عندج ضربتج
ميرة : خلاص ما بخبرج شي
ريم : ميرة اونه زعلت
ميرة : .........................
ريم : ميروووه حبيبتي انا توام روحج كيف تزعلين مني
ميرة : ...........................................
ريم : انزين i'm sorry
ميرة : ...........
ريم : ميرووووه اعتذرت
ميرة : تضحك ههههههههههههههههههه
ريم : فديت الضحكه و راعية الضحكه
ميرة : ريمووو اسمعيني زين السالفة هي ....... انا ........ انخطبت
ريم ( مخليه عمرها ما تعرف السالفه ) : والله و منو سعيد الحظ
ميرة : سيف اخو حمدة و اللي يستوي ولد خالتج
ريم : ميرة انا واااااااااايد مستانسة حقج و ان شاء الله بالتوفيق حياتي
ميرة : تسلمين حبيبتي
ريم : ميرة بصراحة قولي لي شو رايج
ميرة : لين الحين ما دري بعدني ما فكرت في السالفة عدل
ريم : ميرة لا تتسرعين ..... و طبعا انا اول وحدة بتعلمينها برايج
ميرة : طبعا حبيبتي ...... ريم انا بخليج الحين مع السلامة
ريم : مع السلامة
مر اسبوع على السالفة و ميرة بعدها ما ردت , و سيف مب عارف شو يسوي عسب يعرف رد ميرة , قام و اتصل على ريم و قال محد بيبلي الاخبار غيرها.
سيف : السلام عليكم ............ كيف الحال ؟
ريم : بخير و انت
سيف : مب بخير
ريم : بسم الله عليك ......... شو فيك ؟
سيف : تسأليني شو فيني ....... هاذا كله من سبب ميرة
ريم : شو سوتلك ميرة حليلها
سيف : خذت قلبي و عقلي و روحي و كل شي فيني و ما خلت فيني شي صاحي
ريم : ههههههههههههههههه .........
سيف : ريم ميرة ما خبرج برايها
ريم : لا
سيف : انزين شو رايج تتصلين عليها و تتخبرينها
ريم : و الله ... كنت افكر اتصل فيها اوكي بخليك باي
سيف : صبري بعد ما تتصلين خبريني لا تنسين اترياج
ريم : اوكي باي
سيف : باي
اتصلت ريم بميرة و تم يرن التيلفون و ردت .........</font></p></td></tr></tbody></table><font face="tahoma, arial, helvetica, sans-serif" color=#ff6633><img src="http://oasis.bindubai.com/emoticons/blush.gif" border=0></font></font>
رد مع اقتباس
مواقع النشر (المفضلة)