<font color='#000080'>اولا عن الموترات انا ما يخصني فيها اتمنى يكون عندي بس للاسف ما عندي ..


احب اكل شوربة تسويها بشكارتنا بالمشروم و الدياي يبيعونها في ماكنسبنسر لذيذه

احب البس بناطلين و ما اداني التنانير و بناطليني تكون سبورتيه يعني وسيعه ما احب البس شي ضيج ..و بعد شو احب البس و احب اكون هذيل البنات الكوووووول على قولتهم بس طبعا جدام البنات بس هب جدام اي حد ..
كلمه معينه مممممم هبله انا هبله و اي حد اهبل او يستهبل اقول هبله و تيسه يوم بسب وحده اقول لها تيسه &nbsp;و يوم اكلم وحده و تسكت اقولها هيه ..... انزين ...... و بعد ...... لي ما انطلع سالفه.. يوم اركب السياره على طول افتح المكيف و بعدين اشغل الاغاني ..:b:

اما طلعاتي .. الحمدلله و ماشالله عندي وايد ربع كل يوم اطلع ويا وحده طبعا نكون مخططين من قبل .. بس انا البنات اللي استانس وياهم محدودات ما استانس ويا اي وحده من ربعي صح اطلع و اظحك و حاله بس عادي .. شي كمن وحده صدق الطلعه وياهن ما تتفوت يكون فاتني نص عمري لو راحو مكان و انا ما رحت له ..
اما منو ارتاح و اخذ راحتي وايد وايد وياها يوم اطلع و احب اطلع وياها بروحنا بدون شلل و عفسه و زيطه زمبليطه بنت عمي .. مرات نروح بحر الحريم ناخذ غدانا جنا ميانين نحن الثنتين و ناكل هناك و عقب نروح نتسبح بهدوء و بدون صدعه ولا حشرة زياده و نرد البيت و نحن مستانسين ..
و مرات نطلع شلل و حشره صح وناسه و حشره و رقص و ربشه بس ارد البيت مدوخه و مصدعه و فيه رقاد من التعب بس يكون يوم لا ينسى الصراحه ..
و طلعة اخر الاسبوع على حسب المكان و على حسب اللي بطلع وياهم ..
مثلا مرات طلعه وي وحده اهلها ما يخلونها دوم تطلع فانا لازم اكون متجهزه حق هذا اليوم من قبل و مستعده لان يمكن ما اقدر اشوفها مره ثانيه ..
و مرات بالهبل بابا ايي و نحن نحشره نقوله طكلعنا يطلعنا ..
بس كل طلعاتي او معضمها اكون مخططه لها من قبل ..

حق منو احب افضفض ..
على حسب المشكله .. اذا مشكله عائليه اروح عند بنت عمي او اختي ..
اما اذا مشكله ويا الربع اشكيها حق 3 من ربيعاتي على حسب .. مثلا يوم اضارب ويا وحده اروح اشكي حق الثانيه و يوم اضارب ويا هذيج اشكي حق الولى اما شي وحده وايد ارتاح لها و احب افضفض لها بس هي من النوع اللي ما تعرف تواسي للاسف يعني تواسي بس ما تعرف تسكتني يوم تواسي و تنسيني اللي فيني .. و في وحده ماشالله عليها اول ما اقولها الو تعرف شو فيني و من شو انا مضايقه اعصب منها لانها دوم تعرف ان فيني شي تقهررررر ..
و بعد عندي وايد افضفض لهم الحمدلله ..

مشكور عالموضوع الحلو احس اني وايد طولت لان الصراحه الموضوع عيبني حبيت اطول اكثر بس ما احب اخرب السالفه خلوها مختصره احسن <img src="http://oasis.bindubai.com/emoticons/tounge.gif" border="0" valign="absmiddle" alt=':p'></font>