بسويها

**رتوجه** · 05-10-03 ||, 07:58 PM

السلا م عليكم 
  ما ادري شقول   كنت خايفه و قاعده افكر  و قلت خل اكتب يمكن ارتاح ، انا قلت مره اني بسوي عمليه و عمليه وايد مو هينه
ووايد صعبه  ، كنت بالاول ماخذه المساله لعب وانه مو صج و ماراح اسوي العمليه بس الحين قربت الصجيه  و موعد العمليه
انشالله الاربعا  ، و اخاف اسال الدكتور اذا لا سمح الله العمليه ما نجحت شنو بيصير، ادري ما راح يصير الا الي كاتبه لي ربي بس الانسان يخاف و 
يحاتي ، و هم المدرسه شي ثاني ؛ دروس بطوفني و يمكن امتحانات بعد  الله يستر    و الحمدلله على كل حال . 
انشالله ما كنت ثقيله عليكم  <img src="http://oasis.bindubai.com/emoticons/down.gif" border=0>

**بنت جميره** · 05-10-03 ||, 09:06 PM

هلا اختيه ..

اول شي زين سويتي وكتبتي موضوعج في الواحات ..

انتي توكلي على الله  وسوي العمليه وان شاء الله ما بيستوي غير اللي الله كاتبنه ..

ومن ناحية الدراسه والدروس اللي بطوفج .. ما عليه كل شي يتعوض وترومين تفمهين من ربعج

وطبعا الابلوات بيفهمن وبيقدرن موضوعج ..

ترا كل شي يتعوض الا الصحه ..

وما تشووووووفين شر ان شاء الله اختيه ..

ربي يشافيج ..

والسمووووووحه ..

اختج :

بنت جميره <img src="http://oasis.bindubai.com/emoticons/inlove.gif" border=0>

**بن دبي** · 05-10-03 ||, 11:10 PM

حبيبتي سلامتج ما تشوفين شر ....
وان شاء الله بتكتبين عقب العمليه  وانت بخير وعافيه
لا تحاتين وخلي كل شي على الله  .......

وبدعيلج تقومين بالسلامه ان شاء الله

**رتوجه** · 06-10-03 ||, 01:32 AM

مشكورين ما قصرتوا على ردودكم الحلوه  ما قصرتوا  و انشالله ما يصير الا الخير يا رب  ،  حدها العبره خانقتني ،
انا   ما كنت قايله حق احد بس امي و ابوي و اخوي الكبير الي يدرون محد كان يدري  حتى اخواني الصغار كنت بقولهم اني مسافره ، و ما كنت اخليهم يقولون حق احد ما كنت ابي احد يدري
اليوم كلمت ثنتين من رفيجاتي و بنت عمي و قتلهم اني بسوي العمليه  رفعوا معنوياتي الحمدلله ، 
 ، انشالله بعد تييني ردود منكم والله تونسوني 
و بنت جميره  و الحلوه  مرا ثانيه وايد وايد وايد مشكورييييييييييين

**بنت جميره** · 06-10-03 ||, 10:12 PM

العفو ولو اختيه هذا اقل شي نقدر نسويلج ياه ..

عالعموم الله يقومج بالسلامه وما تشوفين شر ..

وتوكلي على الله ..

اختج :

بنت جميره <img src="http://oasis.bindubai.com/emoticons/inlove.gif" border=0>

**مشغووووب** · 06-10-03 ||, 11:47 PM

السلام عليكم ورحمة الله وبركاته

رتوجه 

ما تشوفين شر أختي 

توكلي على الله ...

وبنكون معاج بقلوبنا وما بننساج بالدعاء ...

وإن شاء الله بيتم كل شي على خير وبتردين لنا بالسلامه <img src="http://oasis.bindubai.com/emoticons/blush.gif" border=0>

 

 
والسموحه

**رتوجه** · 07-10-03 ||, 01:04 AM

و عليكم السلام ،
الشر ما ييج بنت جميره و مشكوووووووره  مرا ثانيه  على ردج   ، و الله يسلمك مشغووب و يعطيك العافيه على الدعاء و انشالله مردود لك
يارب  ،  
قالي الدكتور العمليه احتمال الاربعا او السبت انشالله السبت عشان اتم معاكم اكثر ،
        &n bsp;      
        &n bsp;     ربي يوفق الجميع انشالله <img src="http://oasis.bindubai.com/emoticons/smile.gif" border=0>

**نبراس الليل** · 07-10-03 ||, 04:29 AM

السلام عليج

اختي اول شي ماتشوفين شر سلامات

ثاني شي صلي الاستخاره وتوكلي على الله

اذا صليتي الاستخاره والله سبحانه وتعالى عالم الغيب اذا كانت في العمليه خطورة الله
بيوجد اسبااب تمنعج انج تسوينها واذا مافيها خطورة الله بيهل عليج وبينزل فقلبج السكينه والطمانينه

انصحج اتصلين الاستخاره صدقيني مابتخسرين شي
مامن عبد استخار الله ندم

الله يشافيج وعن الدراسه تراها بتتعوض اهم شي صحتج

وان شاءالله تنجح العمليه وترجعين لاهلج ولدراستج وللواحات سالمه

يكون بعلمج مافي شي يزيد المرض اكثر من الحاله النفسيه لاتعبينها وان شاءالله كل خير اييج

والسموحه اتمنى فدتج بشي

طارق

**العامري** · 07-10-03 ||, 08:39 AM

ربي يعافيج وما تشوفين شر

**رتوجه** · 09-10-03 ||, 04:28 AM

و عليكم السلام اخوي طارق  ، الشر ما يجييك و مشكور ما قصرت على النصيحه  و ربي يوفقك و يوفق الجميع انشالله . و ما قصرت على النصيحه  .   انشالله بتوكل على الله و بسويها و امس سويت اجراءات الدخول و انشالله العمليه السبت و راح احاول كثر ما اقدر اخلي نفسيتي مرتاحه .   ،
و اخوي العامري الشر  مايجيك انشالله .
انا الحين افكر وايد في بنت عمي و رفيجت عمري اهي مو بالديره  لانها تدرس بره  و اخاف اقولها تحاتي و اهي متعوده كل اسبوع تتصل فيني او انا اتصل عليها  بس ماراح تحصلني و اهي بعد يوم الاثنين عيد ميلادها يعني بعد العمليه بيومين و انا بهالوقت راح اكون بالعنايه يعني ما ادري شسوي اخاف تزعل مني لانها ما تدري عن العمليه و اخاف ما اشوفها مرا ثانيه حيييييييييل حييل مشتاقه لها ، انا قايله بدق عليها الجمعه انشاله بس اخاف لماا كلمها ابجي و بعدين تحس ، شسوي قولولي ما ادري افكر بالعمليه و لا بالدراسه و بنت عمي الي من زمااان مو شايفتها بسبة الغربه .

**عفاريتووو** · 09-10-03 ||, 04:49 PM

تقومين بالسلامة ان شالله و تردين احسن عن قبل

**رتوجه** · 10-10-03 ||, 03:41 AM

سلااااااااااااااا ااام
الله يسلمك عفاريتو و مشكور  <img src="http://oasis.bindubai.com/emoticons/smile.gif" border=0>\
و اليوم اخر يوم راح ادش لاني باجر بدش المستشفى عاد ادعولي    ، و مشكوريييييييييين ما قصرتوا على ردودكم  و انشالله ما ضايقت احد و لا ثقلت عليكم  : )

**رتوجه** · 25-10-03 ||, 12:17 AM

السلام عليكم ،
        الحمدلله سويت العمليه و عدت على خير ، و الدكتور طمني و قالي الحمدلله العمليه كانت من العمليات القليله الي تكون ناجحه من جميع النواحي  ( الحمدلله الحمدلله الحمدلله ) بس قالي الحين لازم تصبرين لان  ما تروح نتايج العمليه و اثارها السلبيه ورم و انتاخ و عوار و تخدر الا بعد شهرين يخف ، و يختفي بعد 6 اشهر الى سنه ( الله يعينا ) بس الحمدلله فترة المستشفى و المعاناة و الالم الي يذبح راحت و العوار خف و احسن من اول بوايد ، و ما اقول الا مشكورييييييييييين كلكم على ردودكم و دعائكم و قفتكم معاي  و انشالله مردوده لكم <img src="http://oasis.bindubai.com/emoticons/smile.gif" border=0>