يـا مدور الحب ويـــن الحب ..

[ماوحشتك]

<font color='#000000'><span style='color:blue'>الجزء التاسع


&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;و في صباح اليوم التالي
&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; في بيت أبو خالد
خالد : صباح الخير يا أحلى أب و أم في هالدنيا كلها
وراح خالد يقبل راس أبوه ويوم راح يقبل راس أمه
أم خالد: ما أريدك تحبني لين ما تحترمني و تسمع كلامي و تقدرني
خالد: اف عليج يا أمايا الحين أنا ما أحترمج و قدرج
أم خالد : لو تحترمني كنت سمعت كلامي ووافقت على بنت خالك موزة
أبو خالد : اف عليج يا أم خالد خالد ريال و يقدرج ويسمع كلامج
خالد : تسلملي يا أبوي
أمايا غناتي انتي تريديني أعرس
أم خالد : أكيد أبى أشوف عيالك قبل ما موت
خالد : بعيد الشر ان شاء الله تشوفين عيالي و عيال عيالي
انزين أخطيبيلي ليلى بنت عمي
أم خالد: أنا أقولك مكلمه أخوي مبارك و انت تقولي خطبيلي ليلى
اسمع رمست و لدك يا أبو خالد
أبو خالد : شو أقول يا أم خالد يا خالد يا ولدي صح ليلى بنت أخوي ما تتعيب و خلوقه و دارسه لكن عاد أمك قالت حق أخوه و ما يصير انرد عن كلامنا شو بيقولون عنا
خالد : عيل ما أريد الا ليلى بنت عمي
وطلع خالد من البيت معصب
أبو خالد: لا حول و لاقوة الا بالله
بقوم اروح الشركة مع السلامة
و نزلت حمدة من فوق
حمدة: بسم الله اشفيكم من الصبح تصارخون
أبو خالد : بقوم اروح المزرعة مع السلامة
أم خالد: في حفظ الله
حمدة : اشبلاكم مبوزين
أم خالد : لو سمعت أخوج شو يقول
حمدة : خالد اشفيه خالد
أم خالد : أنا أقوله ياخذ موزة و هو يقول اخطبولي ليلى
حمدة : بصراحة صادق موزة غلسه و ما تنحب
و الله اختار يوم اختار ليلى بنت عمي
أم خالد : هذا اللي ناقصيني انتي يلا ذلفي عن ويهي
حمدة: ان شاء الله بس لا تعصبيني علي أنا مالي خص اللي يبى ياخذه ياخذه
و سارت حمدة فوق
و مر أسابيع و الحال على ما هو
خالد ما يريد موزة و أمه مصره على رايها
في بيت أبو علي
يوصل مسج من خالد لليلى وهيه كانت يالسه و يا فطوم
فطوم : ها و صلج مسج
ليلى: (تغير لون ويها و ابتسمت ) فديت أنا اللي مطرش المسج
فطوم : ها من مطرش المسج
ليلى : ربيعتي سلامة فديت عمرها
فطوم : ها قريلي ايه شو مطرشه
ليلى لو عشقتج يا ز اخر موعشان فيج ميزة لا وربي بس فيج روح على نفسي عزيزة )
فطوم : يلا يلا على المسج
تطرش مسج لخالد
(فديت اللي تذكرني فديت اللي ذكر خله فديت اللي سكن فيني أحبه و ما أمل منه )
ووصل المسج لخالد و ابتسم
و خالد في خاطره يقول يالله يا كريم ترحمني و توافق أمي أتزوج من اللي أحبها و سكنت قلبي بصراحة ما أقدر أستغنى عنها صدج بموت لو ما تزوجت ليلى
و في بيت أبو علي
أم علي : ليلى فطوم تعالن تغدن
ليلى و فطوم : ان شاء الله يا امايه
و يلسو يتغدون و كانت أم علي مبوزه
علي : ها أمايه اشفيج اشوفج زعلانه قوليلي جان الشيبه مزعلنج بصراحه ما عند حق يزعل هالقمر
أبو علي: لا حشى ياله أنا ما زعلتها
أم علي : ياله كلام حرمت أخوك يزعل
فطوم : منو خالتي عايشة
أم علي : هيه تقول أنها ما تتنازل تاخذ ليلى لخالد جن نحن مايتين عليهم
فطوم : معقول خالتي عايشه تقول هالرمسه
منو قالج أمايه
أم علي : الحريم ما عندهن الا هالسالفه انها ما تبى ليلى
علي : اف الحريم اصلن ما عندهن سالفه الا الرمسه عن الناس عنبو CNN
أبو علي : لا حول و لا قوة الا بالله
و قامت ليلى من الغدا و لا تكلمت أي كلمه و سارت غرفتها
و في غرفتها
و يلست تفكر انها تسوي تيلفون لخالد ولكنها خافت
يمكن يكون حد عنده و لا حد يعرف انها تكلمه في التيلفون
و طرشت مسج
( خالد لو سمحت ممكن اتسوي تيلفون لو كنت فاضي)
و شاف خالد المسج و دق تيلفون لليلى
خالد: الو هلا ليلى شحالج
ليلى : الحمد الله بخير سوري ازعجتك يمكن تكون مشغول
خالد : ازعجتيني لو تعرفين يوم شفت المسج كيف كنت مستانس
و ما اظن انه شي اهم منج يا الغالية
ليلى : خالد أدري ان أمك ما تريدني و تريد اتزوجك موزة
و قاطعها خالد : من قالج هالكلام
ليلى : قالولي
خالد : تعرفين اني أحبج و ما أقدر استغنى عنج
ليلى :...................
خالد : أمايا تحبج بس هيه مكلمه خالي في موضوع زواجي من موزة جذيه هيه ما موافقة من زواجي منج
بس ان شاء الله بقنعها اني احبج وما أعيش من دونج
ليلى : ما أريدك تخسر أمك علشاني
خالد : ان شاء الله بتوافق و بنتزوج
ليلى : اوكي خالد برايك مع السلامة
خالد : اشفيج مستعيله ما صدقت اسمع هالصوت
صبري شوي بسمعج شي
و سمعها حاتم العراقي
لو بيدي ما خليتك تمشي وحدك و لا لحظة بدوني
ياللشوفتك كحلت رمشي و شلون ما ارخص عيوني
بعيوني اضمك مو بقلبي خاف العيون تشوف غيرك
ليلى : كل هذا حقي
خالد : مو بس هذا حقج العمر كله
ليلى : .............مع السلامة
خالد : في حفظ الرحمن يا الغالية
و انتهت مكالمة خالد و ليلى
و كانت ليلى يالسه تفكر بالكلام اللي قاله خالد
و بعد شوي يوصلها مسج ((لا يصيبك شك مني في غلاك و لا يهمك من حكى هذا و ذاك ....العمر يا زين ما يحلى بلاك ))
و فرحت ليلى بالمسج اللي طرشه خالد و كانت تقول في خاطرها يا بعد عمري يا خالد


&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;أختكم
&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; ماوحشتك

&nbsp;</span></font>