يـا مدور الحب ويـــن الحب ..

[ماوحشتك]

<font color='#000000'><span style='color:red'><span style='font-size:15pt;line-height:100%'>&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;الجزء العاشر و الأخير</span></span>



<span style='color:blue'>في بيت أبو خالد الوضع نفس ما هو الأم و اصرارها و خالد ورغبته من زواجه بليلى
و أما في بيت أبو علي
أبو علي و أم علي و خوله يالسين في الصاله و كانت فطوم وليلى فوق في الغرفة و علي طالع ويا ربعه
أبو علي : خولوه حبيبتي سيري عند خواتج فوق
خوله : ليش بابا ابى ايلس هنيه
أم علي : سمعي حبيبتي كلام ابوج وسيري فوق
خوله: انزين أنا بروح
و سارت خوله فوق عند خواتها
أم علي : خير ان شاء أبو علي جنه في خاطرك شي
أبو علي : هيه نعم اليوم كلمني ولد عمج ناصر يريد يخطب ليلى حق و لده
أم علي : منو من ولاده
أبو علي : و لده خليفه ها شو قلتي
أم علي : بصراحه خليفه ما ينعاب
أبو علي : و أنا أقول شراتج خليفه ريال ما ينعاب و دارس و مرباي
و ريال محترم
أم علي : لكن لازم انشاور البنيه
أبو علي : أكيد بشاورها
سيري زقريها من فوق
أم علي : ان شاء الله
وراحت أم علي فوق عسب تنادي ليلى
أم علي : ليلى ليلى
ليلى : نعم امايه
أم علي : سيري تحت أبوج يباج
ليلى : ان شاء الله
فطوم : صبري ليلوه بسير و ياج
أم علي : وين رايحه قلت ليلى يالملقوفه مش فطوم
فطوم : شو جيه شي أسرار
أم علي : يلسي انتي هنيه و مال لج خص
وراحت ليلى تحت و يلست عدال ابوها
ليلى : خير ابوي أمايه قالت انك تريدني
أبو علي : ليلى حبيبتي انت الحين كبرتي و صرتي حرمه و درستي و ما باقلج في الجامعه الا سنه وبتخلصين
ليلى : ما فهمت ابوي شو صاير
أبو علي : ولد عم أمج ناصر أخطبج لولده خليفه ها شو رايج
ليلى : بس أنا أبوي ما أفكر بالزواج
أبو علي : تراه خليفه ريال زين و ما ينعاب و دارس و أنا و اثق انه بيعيشج عيشه زينه و لا تتسرعين في قرارج
ليلى :.................
أبو علي : يا حبيبتي فكري و نحن ما نريدلج الا الزين
ليلى :ان شاء الله
و طلعت ليلى فوق غرفتها
فطوم : صدق اللي سمعته ليلوه انه خليفه خطبج
ليلى :هيه
فطوم : شو وافقتي
ليلى : أفكر في الأمر
فطوم : لو منج بوافق خليفه ريال و حليو وايد و دارس
ليلى : جان عايبنج اخذيه
فطوم : لو كان خطبني انا كنت خذيته لكن خطبج انتي شو نقول عاد
ليلى : أقولج فطوم ذلفي عن ويهي سوالفج نفس ويهج بايخه
فطوم(تبتسم ) : ان شاء الله يالعروس
و طلعت فطوم من الغرفة و يلست ليلى تفكر باللي قاله أبوها و بخالد اللي تحبه و بأمه اللي رافضه زواجه منها و تريده ياخذ موزه بنت خاله
و مرت الأيام و ليلى تفكر شو ترد على أبوها توافق و الا لا
يا ترى خالد بيخطبها و الا شو و خليفه و لد ما يعيبه شي
و في بيت أبو خالد
حمدة : امايه بروح بيت عمي
أم خالد : منو بيوصلج
حمدة : خالد
أم خالد : جيه خالد محد
حمدة : سويتله تيلفون قال الحين ياي
أم خالد : انزين برايكم سلمي على عمكم وحرمت عمج
حمدة : ان شاء الله باي

و في بيت أبو علي
دخلت حمدة و خالد و سلمو على عمهم و حرمة عمهم و البنات
ليلى : يلا حموده انروح فوق
حمدة : اوكي يلا
و راحن البنات فوق في غرفة ليلى
فطوم : زين زرتينا يالقاطعه
حمدة: تعرفي عاد انتي ثالث ثنوي
ها انتن شخباركن
ليلى : الحمد الله
فطوم : باركيلي بفتك من ليلوه ياها معرس
حمده : و الله ليلى
ليلى : هيه لكن بعدني ما وافقت
حمده : ولد منو أنا أعرفه
ليلى : تعرفي ناصر ولد عم أمي
حمده : هيه جني شفته مره
ليلى : ولده خليفه
و تمن البنات يسولفن وتعشوا خالد و حمدة بيت عمهم و بعد ما خلصوا ترخصوا و ساروا البيت
و في السيارة
خالد : ها حموده شخبار بنات عمي
حمدة : اعرفك تقصد ليلى
خالد : هيه ليلى شخبارها
حمدة : خالد انسى ليلى
خالد : شو هالكلام حمده ليش تقولين جذيه
حمدة : ليلى خطبوها
خالد : شو
ووقف السيارة شو خطبوها ومنو خطبها
حمدة : خليفة و لد ناصر ولد عم أمها
خالد :............ شو هيه وافقت
حمدة: لا بعدها تفكر
و شغل السيارة ووصلو البيت و كان خالد معصب و دخل الصالة و كان أمه و أبوه يالسين حتى ما سلم عليهم و طلع فوق غرفته
أم خالد تقول حق حمده : اشفيه اخوج معصب
حمدة : السلام عليكم
الجميع : و عليكم السلام و الرحمة
و يلست حمدة عندهم في الصالة
أبو خالد : ها حمدة اشفيه خالد عسى ما شر
حمدة : ليلى بنت عمي انخطبت
أم خالد : انزين اشفيها
حمدة : امايه تعرفين ان خالد يريد ليلى
أيو خالد : لا اله الا الله
أم خالد: و موزة
حمدة : و تعرفيه بعد انه ما يريد موزة و يعتبرها نفس اخته تصدقين امايه حرام عليج تغصبين خالد على زواجه من موزة و انتي تعرفين انه ما يحبها و لا يريد يتزوجها ليش تغصبونه
صدج و الله حرام و بعدين هذا زواج و عشرت عمر
و كان أبو خالد و أم خالد ساكتين
حمدة : أسفه اقول هالكلام امايه بس حبيت أعبر عن رايي تصبحوا على خير
وراحت حمدة فوق غرفتها
أبو خالد : صدق كلام حمدة يا أم خالد ليش انغصب الولد يوم ما يباه مب زين
نغصب عليه و انا سكت لاني قلت خالد يمكن يقتنع و ياخذ موزة لكن الولد ما رايدنها و يبغي بنت عمه و ليلى بنت أخوي بصراحه و النعم فيها و انا برمس أخوي ما دام الولد يباها وولد عمها أحق بها من الغريب و أنت تعذري من أخوج و قوليله ان ما بناخذ موزة لخالد
يا ام خالد الزواج ما يي بالغصب الله يهديج بس
و طلع أبو خالد من الصاله راح فوق الغرفه
و اما عن ام خالد فما قدرت ترقد تفكر بالكلام اللي قاله لها ابو خالد وبرمست حمده اللي حسسوها انها بتظلم خالد بهالزواج لكن كيف تقول حق اخوها و تتعذر منه
و في صباح اليوم الثاني
أم خالد كانت يالسه في الصاله
و طلع خالد من غرفته و نزل تحت
خالد : صباح الخير
أم خالد : صباح النور
خالد : بروح الشركة تآمرين بشي
أم خالد : جيه ما تريقت
خالد : ما أريد ريوق شبعان
أم خالد : ايلس ابى أكلمك
و يلس خالد عدال أمه
خالد : خير امايه شو بغيتي
أم خالد : تعرفيني اني احبك و ما اريدلك الا الخير و انا يوم اخترتلك موزة شفتها بنت طيبة و تحبك و قلت هاي اللي بتحصل الراحه عندها لكن يا و لدي ما بغصبك على شي ما تريده و انا مستعده اروح اخطب لك البنت اللي تباها بس انت لا تزعل عمرك من لي غيرك
خالد : صدج امايه
أم خالد : هيه
بس اشر على اللي تباها و بروح اخطبها
خالد :ابى ليلى بنت عمي
أم خالد : بس حمده قالتلي ان ليلى مخطوبه
خالد : انا ولد عمها و أحق بها
أم خالد : ان شاء الله
خالد : مشكورة يا الغالية يا أحلى أم في الدنيا
امايه قولي لفكتوريا تحطلي ريوق تراني يوعان وايد
أم خالد و هيه مبتسم : ان شاء الله
حمدة : صباح الخير
خالد : هلا و الله بالقمر صباح النور و السرور
حمدة مستغربه من فرحت أخوها اللي كان أمس في الليل محرج و زعلان و معصب و ما يكلم حد : ما شاء الله عليك اشوفك فرحان خير ان شاء الله
خالد : امايه وافقت آخذ ليلى بنت عمي
حمدة : صدق امايه
أم خالد : هيه
حمدة : مبروك خالد حبيبي
خالد : الله يبارك فيج
و طبعا حموده راحت تسوي تيلفون للطيفة و مريم تخبرهن انهم بيخطبون ليلى لخالد
وراح أبو خالد و خالد وراشد و عبدالرحمن و مبارك بيت أبو علي عسب يخطبون ليلى لخالد و طبعا وافق أبو علي لان خالد ولد أخوه و أحق بليلى من الغريب
مع ان أم علي كانت ما خذه في خاطره من أم خالد من يوم الكلام اللي وصلها ان أم خالد ما تبى ليلى حق ولدها و لكنها وافقت لان خالد ريال طيب ما يعيبه شي و حددوا موعد الملجه و العرس في يوم واحد
وراحت ام خالد و تعذرت من اخوها لكنه ما زعل منهم والا عن حرمته فكانت زعلانه حتى صارت ما تيهم و لا تسأل عنهم
و ما بقى عن موعد العرس الا أسبوعين و الكل مشغول ويجهز للعرس
حمدة و لطيفة و مريم اشترن فساتينهن من نايس سبرايس و حجزن في صالون فكتوريا
أما عن العروس فكان فستانها من لبنان و حجزت في صالون الافراح
وخوله وفطوم اشترن من لليلي و حجزن في الافراح ويا ختهن
و في ليلة العرس
و الكل مستانس و فرحان لخالد وليلى
كانت ليلى داخل الغرفة تتعدل بعدها ما خلصت و كانن خوله و فطوم مخلصات
و دخلت لطيفة و مريم
لطيفة: ما شاء الله عليج يا ليلى شو هالجمال ألف مبروك حبيبتي
ليلى : الله يبارك فيج
مريم :يا سلام ليلوه مسكته ما شاء الله عليج
ليلى : مشكورة حبيبتي
و دخلت عليهن حمدة شو ما خلصتي ليلى بعدج
اللي تعدلها : الحين بتخلص ما بقي شي
حمدة :يــــــاييي ليلوه شو الحلاوه كلها
ليلى: عيونج الحلوه
فطوم على الأقل جاملني و قوليلي حلوه
الجميع :هههههههههه
حمدة : ليش تبين نقص عليج
فطوم : هاها و الله اني حلوه و مغطيه على العروس بعد
و شوي الا و يوصل مسج في تيلفون ليلى
فطوم اشوف هذا المسج من خالد
حمدة : قولي يلا فطوم شو فيه
فطوم : ((أبختصر عذب الكلام أبختصر أحلى الجمل أبختصر كل الشعور في كلمة (تولهت عليك))
مريم : يا سلام يا عيني على الحب
فطوم و حمدة : يلا يلا على الكلام الحلو
ليلى تبتسم
لطيفة : خلن عنكن الهذربه و قومن نروح الخيمه
مريم : انا بتم هنيه و يا ليلى
و طلعن البنات وراحن الخيمة
و الساعة عشره بعد ما خلصوا المعازيم متعشين
دخلت العروس على أغنية راشد الماجد
الله يازين اللي حضرت غطت على كل الحضور
و مشت فوق الكوشه و بعدين يلست
و بعد شوي دخلوا المعرس و دخل ابوها و أخوها علي و أبو خالد
و شل خالد الطرحه عن ويها و حبها فوق الراس
و سلم عليها أخوها و أبوه و عمها و باركولها و طلعوا
و يلسوا المعاريس و بعد لحظات استوت الزفه
و كان هدية زواجهم من خاله مبارك حجزلهم في برج العرب لمدة أسبوع و بعدين يسافرون ماليزيا يكملون شهر العسل</span>

&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; وتاتي البقيه ... <img src="http://oasis.bindubai.com/emoticons/biggrin.gif" border="0" valign="absmiddle" alt=':D'>
&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;.



&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;.
&nbsp; &nbsp; &nbsp; &nbsp; &nbsp; &nbsp;


&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;
&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;.






&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; .







&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; .









&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;.











&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;.







&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> &nbsp;امزح .. &nbsp;
&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; <img src="http://oasis.bindubai.com/emoticons/rock.gif" border="0" valign="absmiddle" alt='???'> &nbsp;اقلكم الجزء الاخير .. خخ


&nbsp; &nbsp; &nbsp; &nbsp; &nbsp; &nbsp; &nbsp; &nbsp; انشالله تكون القصه عيبتكم <img src="http://oasis.bindubai.com/emoticons/blush.gif" border="0" valign="absmiddle" alt=':b:'>

&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; أختكم
&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; ماوحشتك</font>