<font color='#000000'><span style='color:royalblue'>الجزء الخامس

وبعد بضع ساعات
وصلوا لبنان والكل فرحان ومستانس و خاصة ليلى وفطوم لأنهن أول مرة يسافرن ويطلعن خارج البلاد
وصلو الفندق وكان للبنات قسم وللولاد قسم اروحهم والجميع تعبان من السفر وكلهم ناموا وفي ذاك اليوم محد طلع وبالباجر الصبح
أم خالد: يلا بنات نشن يايات ترقدن ولتستانسن
حمدة:اها امايه انزين بنقوم
وقامن البنات من الرقاد و تلبسن و كانوا الولاد ناشين من الرقاد
و تريقوا
أبو خالد: ها ما بتطلعون تتمشون
حمدة: أكيد عيل ليش ياين نيلس في الفندق
خالد : يلا تجهزن
فطوم : نحن جاهزات
وراح راشد ومريم اروحهم ولاالباقي راحوا ويبعض
علي : المناظر وايد تهبل صدق اللي قال لبنان حلوة
خالد: اصبر عيل انت ما شفت شي بعدك
وكلهم يالسين على الشاطئ
حمدة : يا سلام شهل الجو الحلو
ليلى : صدقج و الله الجو في منتهى الروعة
فطوم : ياي روعة وايد
خالد : قوم علي بندخل شوي فالماي
علي : يلا
أبو خالد : صبروا بروح و ياكم
أم خالد : وين تروح شيبت ما تروم تغطس
أبو خالد : جان انتي عيزتي ولا انا بعدني شباب
و يضحك الجميع
و بعد غروب الشمس يعودون الى الفندق
خالد: يلا برايكم أنا وعلي و راشد بنظهر
حمدة:وين بترحون بنروح وياكم
خالد: يلسي و ين بتروحي و الله انج رزة
وطلعوا خالد و علي وراشد
مريم : تستاهلي و ين تبين تروحين ويا الشباب و انزين توج يايه ما تعبتي
حمدة : انزين خلاص اف
أبو خالد : بروح اشوف التلفزيون جان شي أخبار
أم خالد : بسير وياك
مريم : انا بروح ارقد سلوم
موزة : ليلى أول مرة تيون لبنان
ليلى: هيه
فطوم : أول مرة نسافر فيها
موزة : و الله عيل نحن دوم نسافر فالصيف نحن وقوم خالتي عايشة
عيل شو تسون في الاجازة الصيفية في البيت ما تملون
ليلى : نمل لكن شو نسوي
موزة : لو انا كنت مت من الملل أحب أسافر و اظهر
فطوم : ها نطالع التلفزيون و الأكل والنوم وشغل البيت
موزة :جيه ما عندكم خدم
ليلى : لا
موزة : و الله عيل نحن عندنا ثلاث شغالات من غير السواق و الزراع وبعد اشوفهم ما مكفين
حمدة: ترى عمي ما يحب أكل الخدم ما فيها شي لو سوو شغل البيت والطبخ اروحهم
موزة: عيل انا ما امس شي من شغل البيت كل على الخدم
فطوم : اف مليت انا بروح الغرفة
ليلى : حتى أنا
حمدة : اخذوني وياكم ترى الجو هنيه حار
وراحن البنات الغرفة و خلن موزة اروحها
موزة : بسم الله ليش راحن ودرني اروحي
أما الولاد و هم يتمشون رن تيلفون خالد
لطيفة : ألو
خالد: ألو مرحبتين لطوف
لطيفة: هلا و الله خالد شخبارك وشخبار الأهل هناك
خالد: الحمد الله الكل بخير
لطيفة : شخبار الجو عندكم
خالد : و الله الجو بارد هنيه شخبار عبد الرحمن و البنات
لطيفة : بخير و الله يسرك الحال عيل عطني ارمس امايه اسلم عليها
خالد : الحين انا طالع عنهم يوم بوصل الفندق بخليهم يسولج تيلفون
لطيفة : أوكي باي سلم على الجميع
خالد:يوصل السلام مع السلامة سلمي على عبد الرحمن
لطيفة : يوصل السلام باي
في البلاد
عبد الرحمن : السلام عليكم
أمه و لطيفة : و عليكم السلام و الرحمة
و يلس عبد الرحمن ويا أمه و لطيفة في الصالة
عبد الرحمن : عيل و ين البنات
لطيفة : اتعشن ورقدن
عبد الرحمن : شو كلمتي أهلج
لطيفة : كلمت خالد و كان طالع عنهم يسلم عليك
عبد الرحمن : الله يسلمه من الشر شخبار الجو عندهم
لطيفة : بارد يالتنا رحنا عندهم
عبد الرحمن : تعرفين ظروف الشغل
الأم : الله يعينك يا و لدي
عبد الرحمن : قومي لطيفة حطيلي العشا
لطيفة: ان شاء الله</span></font>