<font color='#000000'><span style='color:royalblue'>الجزء الرابع
في الحديقة
البنات الصغار يلعبن ولطيفة ومريم وباقي البنات يراقبنهم
مريم : أقول ليلى
ليلى : هااااه شو عندج مريوم قولي
مريم : هالسنه بتسافرون مكان
ليلى: ومن متى نحن في الاجازة نسافر مكان
مريم :انزين هذي السنه ليش ما تسافرون ويانا
ليلى :هههههههههه ضحكتيني أبوي أصلا ما بيطيع يسافر وأمي بعد يقوووولون انهم ما يقدرون يودرون البيت
لطيفة: انزين حبيبتي مب مشكله روحي انتي وخواتج
فطوم : الـــــــــله بنسافر فكرة وااااايد حلوة ليلوه يله عاد قولي هيه
ليلى: ليش هو بكيفي أقول هيه والا لا لو وافق ابوي أنا أول وحده بروح
حمدة: أوكي خلاص نحن بنقول حق ابوي علشان يكلم عمي
مريم : ان شاء الله يوافق علشان يوم نروح شلة بنات بتكون الروحة احلى
ليلى: الله يسمع منج
حمدة : يله بنات ترانا ما لعبنا الا شوي قوموا نلعب
ليلى : أنا بيلس ما فيني أقوم
لطوف : أنا بيلس وياج ما يخلصني اقوم
مريم أنا بعد بيلس ألاعب ولدي سلووووم شوي ما بروح
فطوووم : برايكن والله نحن بنروح
ليلى : يله يله روحن

خالد في السيارة يكلم نفسه: شو هذا وبعدين معقول أنا أستحي لهالحد ليش ما أكلم ليلى ما عندي الا أسلم عليها واقولها شحالج وبس
أوكي خلاص أنا قررت أني أحاول أتكلم وياها شوي ابيها تحسبي أبا أعرف هي تفكر فيني نفس ما أفكر فيها

والساعة عشرة حمدة تدق حق خالد علشان اي يشلهن
حمدة ألو خالد وين انت
خالد أنا ياي صوب الحديقة
حمدة :أوكي ألحين نحن بنطلع من الحديقة صوب البوابه لين توصل
وطلعن البنات من الحديقة
في السيارة
خالد: هااااه ستانستن
حمدة :وايد وايد ستانسنا
خالد : وانت تتكلمين عن الكل والا عن نفسج
خالد: لا عن نفسي طبعا
مريم :خالد أنت يعني ما تعرفها ملقوفة
حمدة: هااااااااااه عن الغلط
خالد :خلاص خلاص سكتي
وانتن بنات عمي ستانستن
ليلى: هيه الحمد الله ستانسنا
فطوم: عني وايد وايد وايد استانست
و تموا يسولفون لين ما وصلوا بيت أبو علي ونزلن ليلى وخواتها
وراحوا خالد وخواته البيت
فليل في غرفة خالد
خالد ما وقف عن التفكير في ليلى ويالس يسمع شعر يمعة بن ناين الكعبي
الله عليك الله عليك ........ الله يزيدك ويعطيك
من هالحلا قلبي وقف......... سميت باسم الله عليك
ذبحتني بسهم العيون .........و أسرتني برمش الجفون
و المشكلة صعب علي .........أعرفك انته من تكون
ممكن تجاوبني السؤال............ هل في حياتك لي مجال
قول بقناعة لا تخاف ...........ريحني يا ولد الحلال
وخالد ما نام لين أخر الليل
وفي نفس الوقت كانت ليلى تفكر بخالد وما قدرت تنام من التفكير
في اليوم التالي
أبو خالد كلم ابو علي عن موضوع السفر ووافق أبوعلي
انه بناته وولده علي يسافرون ويا قوم عمهم
وقال حق بناته وفرحن وااااايد خاصة فطووووووم الانها تحب تطلع
ومرن اسبوعين وخالد يزور بيت عمه كل يومين
ليلى وفطوم يالسات في غرفة ليلى
فطوم : ليلووووه
ليلى: شو
فطوم: ما جنه خالد زايدات يياته هالاسبوعين
ليلى : اشفيها بيت عمه
فطوم : لهل الكثر يحبنا وايد
ليلى: ودري عنج الكلام اللي ما منه فايدة وقومي نساعد امايا في المطبخ
فطوم : افففففففف انزين يلا
وفي بيت أبو خالد كلهم يالسين في الصالة
أبو خالد: بنسافر يوم الثلاثاء الياي
حمدة: الله يعني ما باقي غير خمسة أيام خبرت قوم عمي وقوم مريوم
أبو خالد : هيه خبرتهم اليوم
حمدة: خالد حبيبي نظر عيني فديتك توداني السوق
خالد:و أقول ليش كل هالكلام الحلو المعسول
أم خالد: ليش تبين تروحين السوق
حمدة: أبى أشتري أغراض
خالد: انزين تزهبي
حمدة: عشر دقايق و أكون جاهزة
أم خالد : انزين شوي شوي لا طيحين
ويضحك الجميع
وبعد مرور أربعة أيام
في بيت أبو علي
أم علي : حليلهن البنات فرحانات بالسفر
أبو علي : شو خولة بتروح
أم علي : لا خولة ما بتروح بنات لطيفة ما رايحات بتلعب ويا منو
أبو علي : وخولوه صياحه أحسن لها تيلس
أم علي : بتسير عند بنات خالها تيلس
أبو علي: برايها ليلوه وفطوم بيسافرن عنها منو بيلس عنده
وفي غرفة ليلى
ليلى وفطوم يجهزون جناط السفر
فطوم: تصدقين ليلوه أنا وايد فرحانه
ليلى: حتى أنا
فطوم: كم يوم بنيلس في لبنان
ليلى : خمسة عشر يوم
فطوم:وااااااااو
وفي بيت أبو خالد
حمدة و الخدامات يجهزون أغراض السفر
وقي يوم الثلاثاء
أبو خالد : حمدة اتصلي لقوم عمج علشان يتجهزون خالد الحين بيمر عليهم وياخذهم المطار
حمدة: ان شاء الله أبوي
وين جرس التيلفون في بيت ابو علي
علي : ألو
حمدة : ألو
علي : هلا حمدة اشحالج
حمدة : بخير الحمد الله يسرك الحال
الحين بيمر عليكم خالد علشان نروح المطار
علي : نحن جاهزين
حمدة: اوكي باي سلم على عمي وخالوه آمنه
علي : يوصل السلام مع السلامة
وبعد نص ساعة كانوا في مطار العين
حمدة: والله اني فرحانه حيل
فطوم: عيل شو تقولين عني أنا بطير من الفرح
ليلى: بس سكتنا عن الهذربة
حمدة : اشفيج نعبر عن شعورنا
أم خالد: ها مريوم وريله وموزة و صلو
خالد: يلا عيل ندخل
وبعد نص ساعة انطلقت الطيارة من مطار العين متجهة للبنان
في الطيارة
خالد : ها علي شو بتتخصص
علي : هندسة معمارية
خالد: ما شاء الله كلكم هندسة معمارية
أما عن البنات
موزة : تصدقين ليلى ما عرفتج من زمان ما شفتج من يوم كنا صغار
ليلى : ولا أنا عرفتج ما شاء الله عليج كبرتي وحلوتي بعد
حمدة في خاطرها عافانا الله أي حلاه</span></font>