من اتزوج منهم المواطنه ام الاجنبيه

[رومانسي الأطباع]

<font color='#0000FF'>ذهبت البارحه الى شقت احد اصدقائي وهو شاب يبلغ من العمر 21 سنه
وبينما نحن جالسين احسست باحساس غريب احسست الخوف في عيونه
وكانه يخاف مني او من شي ا خر واذا بصوت طفل صغير يبكي فصدمت
واذا بامراه غريبه ( اندونيسيه) تخرج من غرفة النوم وتاتي الينا لتقول
لصديقي ابنك مريض ولا ادري مابه فصمدمت وقبل ان اسال اجابني
اجل انها زوجتي فلم استطع الكلام وبعد لحظات سالته ليش فعت هذا
الحمدالله انت لا ينقصك شي فقال والحزن يملا قلبه : ماذا تريدني ان افعل
ازني مثلا قلت لا تزوج ولكن مواطنه تحفظك وتحفظ بيتك في غيابك
قال لقد تقدمت لفتاه ولكن اهلكني والدها بالطلبات فهو يريد مهرها
35000 غير الذهب وغير اغراضها وغير الفندق ...الخ
ولم يفكر لحظه من اين ساتي بالنقود كل همه بيع السلعه التي لديه
باعلى الاسعار فهو لا يريد الخساره في تلك اللحظه .... باركت له وقلت
فعلت خير الزواج ستر فصدمني بتلك الجمله التي ارعبتني كثيرا
( انا الحين متزوج من هذه بس يوم بحصل فلوس بسفرها وبرتاح )
اوبمعنى اخر فهو يعتبر الزواج من اجنبيه محطة راحه واستعداد.

لقدوصل شباب الامارات الى مرحله لايحسدون عليها ولكني لا الومهم
ولكن الوم الاباء فهم السبب فيما نحن فيه ابدا كل همهم راحتهم فقط
من منا لا يريد الزواج ولكن اتزوج اجنبيه واتخسرني 10000 ولا
اتزوج مواطنه واتخسرني 200000 انا لست مع الفكره ولكن لا يوجد
حل &nbsp;( اما النار او النار ) ولكم الاختيار ؟؟؟؟؟؟
وانا اختار نا رالاجنبيه سواء عربيه ام من دوله اخرى &nbsp;فلست مستعدا لتحمل
الديون ؟؟؟

هل انا مخطي بقراري ام لا ؟
واذا كنت مخطا فما هو الصواب ؟
وكيف استطيع الزواج من مواطنه دون ان اغرق بالديون ؟


كل هذه الاسئله اسالها على نفسي ولا اجد لها تفسير &#33;&#33;&#33;&#33;&#33;&#33;

ولكم القرار &nbsp;<img src="http://oasis.bindubai.com/emoticons/down.gif" border="0" valign="absmiddle" alt=':dd:'>



( جميع الحقوق محفوظه من قبل الجاسوس )</font>

[الياهل]

<font color='#000000'><div align="center">دام إنكم خربتوا سمعت بنات إبلادكم في النت &nbsp;و غيره و إتسبونهن و بنات البلاد كلهن خايسات و مادري شو .. بعد إشحقه تتزوجونهن؟
البارحه إنصدمت من شي .. واحد سعودي سوالي آد قالت له إسمحلي أنا ما أسوي آد حق شباب في المسنجر .. إتسغرب قالي ليش ؟ إتحريت إن بنات الإمارات كل شي عادي عندهن من الإيميلات إلي توصلني من الناس فيها رمسه عن بنات الإمارات .. قفطت و ما رمت أقول شي و على طول سويت block ...
و بعد تبون تتزوجون بنات بلادكم ؟ و إنتو كل شي عندكم جمع .. إذا كانن شي بنات خايسات ترا شي بنات عدلات .. لكن إنتو كله عندكم جمع ماشي مفرد
المهم أظني طلعت عن سالفة الموضوع هي عن الخسر مب عن الأخلاق
سالفة أجنبيه أو إمواطنه .. ترا نفس الشي
و أنـا شفت هالشي بعيني محد قالّي .. و إلي إيقول إن الأجنبيه &nbsp;بتكلفني أقل كل يوم بتقولّك ودني بلادي ..
أخوي متزوّج أمريكيه و هي ويانا هني في البيت .. ما أشوف إنها ارخص عن المواطنه .. نفس الشي ..
لكن إلي مخّه مخبوق و مايعرف يحسب .. والله مشكلته </div></font>

[كنت احبك]

<font color='#000080'>هلا أخوي..

اتخسر ع المواطنة؟؟


مب هاي حرمتك و ام عيالك.. و تستاهل انها تستانس و تكون فرحتها مميزة,, خاصة انه هالليلة مستحيل تتكرر في حياتها؟؟ اتسير تعتبر هالشي مخاسير؟؟؟

ما أنكر انه شي عوايل ,, الله يهديهم,,, طلباتهم تعجيزية و فوق المعقول.. بس on the other hand شي عوايل متفهمة و متفتحة و طلباتهم اتكون وايد معقولة,,,


بعدين شي واحد قاهرني في الشباب...


الواحد تلقاه يتسلف و يتدين و ينزل بعمره عسب يشتريله أغلى و أيدد سيارة.. والا يسافر له سفرة محترمة.. و في منهم يخسرون ثلاثة أرباع معاشاتهم على الـ(Girlfriends ) و على الهدايا و هالخريط كله..

بس يوم اتيي السالفة ع العرس.. تلقا الكل يتشكى و يقول مصاريف و ديون و من هالكلام كله..

انزين ليش مسويلكم صندوق الزواج؟؟ ليش ماتيمعون بيزاتكم بدال ما تصرفونها و اتفرونها مني و مناك و اتيمعون مبلغ محترم بدال ما تتدين و تتسلف؟؟

بعدين حتى لو خذتوا هالأجنبية.. بابا اصحوا.. هي ما تبا شبابنا عسب سواد عيونهم.. الأجنبية اتفكر بمصلحتها و بالإمتيازات اللي بتحصلها اهني و مب لاقتنها في بلادها..

بعدين ما فكرتوا كيف العيال بيطلعون؟؟ بيتربون على عادات و تقاليد منو؟؟ مب الأم؟؟

و ما فكرتوا بنات البلاد منو بياخذهن اذا الأغلبية ساروا و خذوا أجنبيات؟؟؟ لايكون باجر بنظطر نستورد رياييل من برع والا يتزوجن هنود عسب نقلل نسبة العنوسة&#33;&#33;&#33;


أخوي..

يمكن انت و الا ربيعك يشوف ايجابيات الزواج من أجنبيات متعلقة بالمصاريف بس.. بس قارنها بالسلبيات و بتعرف انه مب بس متعلق بالبيزات.. في أشيا ثانية الواحد لازم يحط في باله...

ع العموم اسمح لي جان طولت عليك و الله لا يبلي شبابنا و يكونون شرات ربيعك&#33;&#33;


باي..</font>

[شمه]

<font color='#F660AB'>شوف اخـــــــوي... يمكن سبق و انطرح هالموضوع لكن بطريقه ثانيـــه..
اولا .. انا هالمره ما بحط على حــد بس بقول اللي في خاطري..
اذا انت اتشـــــوف انه الاجنبيـــه ارخـــص .. و المواطنــه ما تسوى تخسـرون عليها (ما ادري ليش تعاملونها كنها سلعه اللي رخيص بناخذه).. مع انها بتعيـــش معاكم طول العمـــــــر..و بتظمــن مستقبل اعيالك و سمعتهم.. فهذا شي يرجع لتفكير الغبي (اسفه على هالكلمــه).. عيل يوم اتخسرون على سياره اكثـــر من 300000 او اللي بياخذ له ب 500000 درهــم.. و طبعا ع السنه الياي بيغيرهــا ..ما قلتوا ديون و خسر..
انت ما تدري شو سلبيــــــات الزواج من اجنبيـــــات.. اول شي اكيد الاعيـــال هم اللي بيتــأثرون من الرمســه..
ثــــاني شي مجتمعنــــا.. ما يتحمل ترتيب و تعديل التركيبه السكانيــــه.. ما يكفي بس تعاملنا مع الهنود خرب لغتنـــا وين لو كانت الام اجنبيـــه..والله و على الدنيا السـلام..
ثــــالث شــي.. انت اشدراك ان هالاجنبيــــه بتكون من بيئه نظيفـــه,,ولا محترمـــــه.. اكيد المواطنــه مهما غلطــت بيردها اصلها و بتحط مجتمعها و اهلها و عادتها و تقاليدهــــا..جدام اعيونــها لانها اتربت في ارض طيبه مثل الامارات ..يعني لازم تفتخر في بنت ابلادك..
رابع شي.. مــــــــــــب كل العوايـــــل مثل بعــــض.. في عوايـــل اكيد تشتري الريــال ..اللي بيسعد البنــت.. و مب مهم البيزات عندهـــم.. يمـــكن اتشوف هال 35 الف وايد.. بس ما فكرة كم بتخسرك الاجنبيــه.. مب مهم البيزات المهم هم الاعيــــال و السمعه الطيبـــه..
و بعدين بتكتشف ان الاجنبيــه خسرت فوق طاقتك كل يومين تبي اهلها تبي اتسافر تبي اشياء ثانيه ..شو يظمن لك انت.. اما بنت ابلادك اكيد بتراعي ظرووفك اكيد بتحس فيك لانها من دمك ..
و بعديـــــن اكيد صندوق الزواج مب مقصـــر .. يعني كل المواطنين اللي بيتزوجون مواطنات و يساعدهم.. انـــزين انتوا يوم تاخذون اجنبيات ليش ما فكرتوا في مشكله العنوســـه اللي الدولـــه الحين تبذل كل جهودهـــــا عشان تقضي على هالظاهره ...

ع العمــــوم اخــــــوي السموحه جان طولت. .. بس اكيـــــــد برد اعلق ع الموضوع بعديــــن&#33;&#33;


<img src="http://oasis.bindubai.com/emoticons/inlove.gif" border="0" valign="absmiddle" alt=':lov:'>
شمــــــــه</font>

[صريح]

<font color='#000080'>أنا بعدني صغير .... &nbsp;<img src="http://oasis.bindubai.com/emoticons/rock.gif" border="0" valign="absmiddle" alt='???'> &nbsp;


أخاف يوم بتزوج بيكوون المهر مليون &nbsp;<img src="http://oasis.bindubai.com/emoticons/sad.gif" border="0" valign="absmiddle" alt=':('> &nbsp; &nbsp;..... من وين بييب المهر ؟؟ &nbsp;...


&nbsp; &nbsp;عني سؤال و حبيت انكم تجاوبوني .... ليش أغلب الاهالي يبغون المهر يكوون وايد مرتفع ؟؟؟ .... &nbsp; <img src="http://oasis.bindubai.com/emoticons/down.gif" border="0" valign="absmiddle" alt=':dd:'>


&nbsp; &nbsp; والسموووحه ...</font>

[شمه]

<font color='#F660AB'><span style='color:purple'>مرهف الاحســـــاس</span>..


لان ما عندهم ســـالفه.. و يحبون الخقـــــــــه ..والله نـــاس مغروريـــــــن.. <img src="http://oasis.bindubai.com/emoticons/smile.gif" border="0" valign="absmiddle" alt=':)'>


<img src="http://oasis.bindubai.com/emoticons/inlove.gif" border="0" valign="absmiddle" alt=':lov:'>
شمـــــــه</font>

[رومانسي الأطباع]

<font color='#0000FF'>يا اخواني انا ماقصدي اقلل من شان الاماراتيه لا بالعكس
لاني هم انا عندي خوات وابيهم يتزوجو
وانا ما ارضى ان بنات بلادي يستوردو رياييل من برع

بس تعالو انشوف حال الشباب ( قائمة الطلبات )
1. المهر 20000 وهذا قرار من ريس الدوله ( بس فيه بعض التجاوزات )
2.الذهبه 40000 ( وهذا اقل مبلغ ) ليس الجميع بس الاغلبيه
3.الذهب 40000 ( ارخص شي ) وبعد ما يعجب بعضهم
4.الصالون وملحقاته 15000
5. الفندق 31500 ( وهذا اقل فندق) ما يبون خيمه حر
غير المصاريف الباقيه
يعني كم بتحمل الواحد ليتحمل
اما عن صندوق الزواج 70000 الحمدلله ما قصر بو خليفه الله ايطول عمره
فهو على دفعتين اول دفعه 40000 قبل العرس والباقي بعده
لكن نلاحظ ان صندوق الزواج ياتي متاخر فالواحد يتزوج وبعدها الدفعه الاولى ما نزلت ويمكن ييب عيال واعرف وايدين انا خوي ياته البنت وبعدين نزلتله الدفعه الاولى


وهذه الفكره موب غبيه مع احترامي الشديد

عندي سوال ممكن ؟

لو قلبنا الايه وصار العكس انه البنت تتكفل مصاريف الزواج
هل كانت ستتزوج مواطن مع كل احترامي الشديد؟</font>

[شمه]

<font color='#F660AB'>لووووووول سؤالك الصراحــــه ..ما ادري شو اقول عنــه..
لوول تدري هـــذاك الوقت صدق بحس انا بحريـة المرأه و بالناس اللي نادوا بحريتــــها..
اممممم يمــــــكن هذاك الوقــت بس باخذ اللي انا ابـــاه و بختار على كيفي.. يمكن ليـــش لا.. يمكـــن نستوي شرات الهند..و انسوي فلم هندي.. بس على الاقل في النهايه ياخذون اللي يحبونهــم..اما اهنـي في الامارات فبيكون حكم اعدام ..يا ولد العــــم ولا ما شي..
تدري هالسؤال دووم انا و نجود يوم انسولف ايــــه على بالنــــا.. <img src="http://oasis.bindubai.com/emoticons/smile.gif" border="0" valign="absmiddle" alt=':)'> <img src="http://oasis.bindubai.com/emoticons/blush.gif" border="0" valign="absmiddle" alt=':b:'> صح شو بيكون موقف البنات لو كان المهر عليهم.. <img src="http://oasis.bindubai.com/emoticons/rock.gif" border="0" valign="absmiddle" alt='???'>


<img src="http://oasis.bindubai.com/emoticons/inlove.gif" border="0" valign="absmiddle" alt=':lov:'>
شمــــــه</font>

[فتاه من الشرق]

<font color='#8D38C9'>الصراحه.. موضوع جمييل...

اول شي،" الرياال " واصر على كلمة الريال ،اول ما يبدأ يشتغل ايفكر انا انسان ابا ايمع لي كذا مبلغ عشان اعرس فيهم.... وهذا اللي انا اجووفه ريااال اللي يفكر فالمستقبل&#33;&#33;&#33;

الحينه انا ما اجووف هالشي الشباب الله يهديهم مايفكرون انه ماعندهم فلووس الا قبل &nbsp;شهر او شهرين من العرس&#33;&#33; ياخي انته اللي بتعرس انته اللي المفرووض اتفكر وانته اللي اتيمع لك مش هلك او الدوله&#33;&#33; صح الدوله بتساعدك ولكن بتساعد بحدود معقوله.. وانته فالنهايه المسؤل عن تحمل هالمصاريف

الصراحه الزواج مسؤوليه .. &nbsp;واللي يجووف عمره مب قد المسؤوليه او حتى مب قد انه ايلبي طلبات الانسانه اللي بياخذها لااا يتقدم ويووم بتجووف عمرك قادر وعندك الامكانيات فحياك الله ...</font>

[رومانسي الأطباع]

<font color='#0000FF'>اعرف انا الزواج مسؤوليه ومسؤوليه كبيره بعد بس
اذا مشيت على كلامج يبيله الواحد وقت حتى يتزوج
لانه مستحيل يجمع هذا المبلغ في وقت قصير لانه
وراه مسوليات وايد اسويها يعني الواحد بيزوج بعمر 27 مثلا
وطبعا مستحيل يتزوج وحده بسنه بل بالعكس يبي وحده صغيرا بحدود
22 &nbsp;مثلا . ( انا لا اقصد الكل بل البعص او الاغلبيه ) .

وبتعبير اخر البنات الي يصل عمرهم الى سن 26 ولم يتزوجو يفقدون
الامل تقريبا مما يودي الى ظهور مشكله اخرى وهي &nbsp;( العنوسه )

يعني يمكن للرجل الزواج في سن 50 مثلا &nbsp;ولكن &nbsp;من النادر ان نجد
امراه تتزوج في سن &nbsp;30 .

فاذا انا استطيع الانتظار واقول بعده العمر امامي كبير
فاني لا اظن ان الفتاه تستطيع ذلك .</font>

[عيون الليل]

<font color='#348781'>انا ما ابا اعلق ع الموضوع وايد علشـان ما يرتفع ضغطي...

اذا الريال مب قد المصاريف اشحقى عيل يسمونه ريـال؟
وليش الريال اصلاً ما يفكر بنفسه من زمان... انه وراه عرس وعباله... خله ايمع له بدال ما يخسر على السيايير والمحاوط والمغازل وع اربيعاته اونه عاد يبا يكون شي جدامهن ويعزمهن ف احسن الاماكن... اونه عاد ولد عز خخخخ....

يا بويه عن الخقه الزايده هب زينه ما يمدحونها...
وبعدين انتوا يالشباب ليش تتعاملون مع البنت جنها سياره عندكم... ساعات الشباب يقولون ناخذ لنا سياره ولا ناخذ لنا حرمه... اخ عليه الي جيه يفكر... عيل خله السيـاره تهتم فيك واتسوي لك سالفه وتيب لك عيال...

الحيـن شبابنا زادوا معدل الخقه شويه.. قام كل واحد يشتري له بدال السياره سيارتين اونه عاد شي .... انا ف نظري الشباب الي جيه يحطونهم ف محل تبليس ولا مال زينة السيارات ويصكون عليهم... لانهم مب مال عرس...

اما الريال العاقل هو الي بيفكر بمستقبله وبيمع له بيزات .. علشـان يوم ايي ياخذ له وحده يحبها ما يرده شي وما يخلي عليه اي كلام ينقال عنه... يكون قدها وقدوود...

وبصراحه ابو البنيه يوم يطلب وايد .. يبا يأمن مستقبل بنته لانه يدري الرياااييل ما منهم امـان (شوفوا دعاية الرد بول .. حليلها عقب ما عطته الرد بول وغدى ريال حليو اونه من عقب ما كان ضفدع قال لها بسير ادور غيرج الله يعينها فقيره خخخخخ) ....

بس بعد المهر وهالسوالف يكون بالمعقوووول مب يخلوووون الريااااال طول حياته <img src="http://oasis.bindubai.com/emoticons/drool.gif" border="0" valign="absmiddle" alt=':dro:'>

ع العموم الله يهدي شبابـنا.... وكل واحد يبا يتزوج ويشوف عمره قدها وقدود ما انقول غير الله يوفقه ويهنيه.... ومبروكيييييين خخخخخ
مشالله كل ها واونه ما ابا اطول عليكم... الله يخليني والله وتسلم ايديه &nbsp;<img src="http://oasis.bindubai.com/emoticons/tounge.gif" border="0" valign="absmiddle" alt=':p'>

السموحه منكم وايد طولت بس ما اعرف لساني اليوم شي بلاااااه.... <img src="http://oasis.bindubai.com/emoticons/suspect.gif" border="0" valign="absmiddle" alt=':sus:'>

اختكم... عيون الليل</font>

[نجود]

<font color='#736AFF'>السلام عليكم

اخوي الجاسوس انا ماعندي رمسة اكثر عن اللي قالتها شمة وعيون الليل ولا تلوميني

والله فديتهم.......طلعوا كل اللي في خاطري.......وبردوا جبدي <img src="http://oasis.bindubai.com/emoticons/smile.gif" border="0" valign="absmiddle" alt=':)'>


نجود

<img src="http://oasis.bindubai.com/emoticons/blush.gif" border="0" valign="absmiddle" alt=':b:'> <img src="http://oasis.bindubai.com/emoticons/blush.gif" border="0" valign="absmiddle" alt=':b:'></font>

[ملاك الليل]

<font color='#810541'>مراحب انا ماصف مع احد ضد احد


بس هالماكل هذي ذابحة الطرفين اولا د وبنات لان لكل من وجهة نظرة


بس ماقول غير الله يعين الريايل الصراحة والله انا اقول لكم احنا عندنا الريال يكلف زواجه 100000بالشقة وبكل شي يعني لزواج كامل وهو منكسر ظهره بس والله الله يعينهم الصراحة المصاريف اللي شفتها هني عيوني مي مستو عبتها ابد


الله يعينكم والله بس صحيح في ناس بعد يزودونها وايد بالمصاريف والله حرام خلوا الاولاد تستر على حالها مع نصفهم الثاني بس لا حياة لمن تنادي انا قلت ناس والبعض منهم مو بكلهم .. لا تفهموني غلط


وانا اول وحدة يوم اللي بوفر على زوجي مصاريف بيكون لي اول فخر لي


&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; والسموحة منكم


&nbsp; &nbsp; &nbsp; &nbsp; &nbsp; &nbsp; &nbsp; &nbsp; ســـــــ مــــــــــــلاك ـــــــــــــــــــــــــ ــلامي</font>

[الشوق]

<font color='#000000'>السلام عليكم ورحمة الله وبركاته ..
اخي الكريم " <span style='color:red'>الجاسوس</span> ..
في البدايه .. احببت ان اشكرك على اول موضوع لك في الواحه المفتوحه .. التي من خلال هالمووضع شنيت حمله على عمرك ... ( ماشاء الله بنات الواحه وايدات .. ومثل ماشفت كل وحده وعندها وجهة نظر) . ( لكن نتمنى ان نرى وجهة نظر اخوانا الشباب <img src="http://oasis.bindubai.com/emoticons/smile.gif" border="0" valign="absmiddle" alt=':)'>

<span style='color:orangered'>عدنــــــــــ ـا</span>.. <img src="http://oasis.bindubai.com/emoticons/smile.gif" border="0" valign="absmiddle" alt=':)'> للموضوع
اختار صديقك طريقه ليسهل عيشه في الحياه ..لكنه للأسف طريقة سلبية جدا .. لم يتطلع للنتائج التي ستترتب عليه بعد ذلك ... لنتناول نقطة نقطه ..
<span style='color:deeppink'>تزوج من امراه اجنبيه .. ليخفف مصاريف الزواج ... لكن ألم ينتبه الى ان هذا الزواج قد يتسبب في ضياع اسرته بالنسبه للامور التاليه ( العادات والتقاليد / اللغة</span> &nbsp;..

نحن على علم ان مهر الفتاة الاماراتيه &nbsp;غال جدا .. لكن لم يضع الرجل دائما ديونه وكأن السبب في هذا الدين هو زواجه من مواطنه .. مما سببت هذا الدين ..
لننظر الاسباب ..ومن ثم سنتناول النتائج ..

الرجل بحاجة الى سياره ف( &nbsp;<span style='color:blue'>سيتدين</span> )
الرجل بحاجة الى بيت او شقه ف ( <span style='color:blue'>سيتدين</span> ) &nbsp;
الرجل بحاجه الى ان يسافر ويرفه عن نفسه ف( <span style='color:blue'>سيتدين</span>)
الرجل بحاجه الى ان يقوم بعمل مشروع ما ف <span style='color:blue'>سيتدين</span>
الرجل بحاجه ان يسدد ديونه الى اصدقائه او اهله او البقاله او البنوك الاخرى التي يتعامل معه ف ( <span style='color:blue'>سيتدين</span> ) .

ااذا في كل تلك الحالات سيتدين الرجل . فهل في النهايه فكر أين ستقوده هذه الديون ..
<span style='color:orangered'>طبعا نحو ( القفص الرمادي ) .... السجون</span> &nbsp;

هناك حلول ... ليبتعد الرجل عن الزواج من امراه اجنبيه ..
- اعتماد الرجل على نفسه قبل القدم بأي مسؤوليه &nbsp;على قولةاخوانا المصريين
( يحوش افلوسه &nbsp;حق ايام العوزه ) <img src="http://oasis.bindubai.com/emoticons/smile.gif" border="0" valign="absmiddle" alt=':)'>
- &nbsp;هناك طريقه في التقليل من مصاريف &nbsp;الزواج ( الزواج الجماعي ) .
- &nbsp;هناك فئات من الاباء الذين لا يطلبون مهور غاليه &nbsp;لبناتهن ويكونوا من الناس المتوسطي الحال في مجتمعنا .
<span style='color:orange'>فليضع دائما الرجل ان الزواج من اجنبيه قد تسبب له .. بنتائج سلبيه * سيكتسب الابناء عادات وتقاليد الامهات. ستيتكلمون بلغة ركيكه .. كلغة الام .. فالأم هي التي ستكون موجوده بجانبهم اكثر عن الاب بحد ذاته ... وقد يتسبب الزواج في بعض االدول الى ان تكون وصايه تربية الابناء بجانب الام في حالة حدوث الطلاق.</span> . &nbsp;

<span style='color:red'>لكن هل هناك حلول للحد من ديون الشباب هذا هو السؤال .. فمن لديه الحل فليتفضل ...فقد أطلت في الحديث ولي عوده قريبه ان شاء الله</span>

اختكم / الشوق
<img src="http://oasis.bindubai.com/emoticons/blush.gif" border="0" valign="absmiddle" alt=':b:'> <img src="http://oasis.bindubai.com/emoticons/blush.gif" border="0" valign="absmiddle" alt=':b:'></font>

[رومانسي الأطباع]

<font color='#0000FF'>الشوق : مشكوره اختي على ردج المقنع

الي فتح لنا ابواب جديده للنقاش لقد تلاحمنا في النقاش
وتناسينا امر مهم وهو ( الحل ) كنا نفكر بالاسباب
ولكن لم نفكر بالحل

انا باعتقادي ان نشر الوعي الاسري سيساعد كثيرا
في احتواء هذه المشكله فكلما زاد الوعي عند الاهل
قلت المشاكل فاذا ادرك الاهل ان مايفعلونه خطا
وسيدمر حيات ابنتهما عندها سوف يتوقفون عن
الطلبات التي لا فائده منها .

ولكن المشكله من سيتولى هذه المهمه ؟
او بتعبير اخر من هو الاجدر بتوليها ولماذا ؟ &nbsp;

و هل لدى الاعضاء اي نوع من الحلول للتخلص من تلك الديون ؟</font>