<font color='#728FCE'>
<div align=center><font color=black><font face="book antiqua"><font color=black>وهو قاعد في حجرته ويحاسب نفسه على كل شي سواه من رد البيت عشان يستفز خليفه وابوه ويكابر احساسه بان اللي سووه كان في مصلحته وياب نتيجه معاه بس ما يريد يخليهم يحسون بالفخر باللي سووه فيه ... حتى عبدالله اخذله واتخلى عنه وخلاهم ينفونه ... في المكان اللي سماه المنفى اسوه بالشباب اللي كانوا فيه .. حس بجيمته وانه ريال ... حس انهم يتحدونه ولازم يثبت للي معاه انه مب اقل منهم وانه يقدر للتحدي ... مرت عليه ايام كان يتمنى انه ينسحب او يمرض ويعفونه بس كبرياءه كان يمنعه ... كان يشوف شباب يمرضون ويطلعون من الدورة على المستشفيات قبل لا يكملونها وكلهم حزن والم وقهر لانهم ما كملوا ... اللي معاه كانوا ضباط وعسكريين الا هو المتطوع الوحيد بينهم واللي الكل اعجب فيه وهم يتحرونه ياي لانه مختار مب مجبور ... حس بمعنى الرجولة .. وتعلم الوطنية من عيونهم ورغبتهم بحامية هالوطن ... كان بينه وبين نفسه يحس بالعار من اللي كان يسويه ... ومنقهر لانه مااختار بكيفه هالطريج وانهم اختاروله اياه ... ابتسم وهو يذكر كيف يلعوز عفاري بنت اخوه خليفه كل ما شافها واللي مستغرب منه ويتمنى انه يعرفه كيف تغيرت وشو اللي خلاها تتغير ... تجاهله لاخته حصه مب تكبر بس لانه منحرج منها ومن الطريقة اللي كلمها بها ... فعلا العسكرية للرجال وتربي رجال ... ومثل ما يقولون ربعه اللي تعرف عليهم هنيه تعرف منوه اللي معدنه اصيل ومنوه اللي مزيف ومجرد كلام ... يدري ان خليفه سجله في كلية الشرطه واربع سنوات وبيكون ضابط له هيبه ... وكان مستانس ومرتاح للخط اللي حياته تمشي عليها ... بس بالرغم من كل هذا كان يكابر ... كان اكثر وحده يغايضها ويطفر بها عفرا يباها تشتكي لخليفه عشان يعرف ان العسكريه والدورة اللي فروه فيها ما فادت ... تحاشيه حصه اللي بينه للجميع انه وغاده منه وقلة ذوق كانت من الاحراج ليس اكثر ... تحرشه بربيعة عفاري بس عشان تشتكي عند ابوها ويعرف انه بعده راعي بنات .... وهنيه رده تفكيره لربيعة عفاري ... هيه صدق حلوة وغرشوبه بس مب هذا سبب تحرشه بها ... يبغي يطفر بهن لين ما يشتكن ...حتى سمر اللي كانت تخاف منه وما ترمسه كان يواجعها كل ما شافها مجابله التلفزيون او نازلة على الدري ... رن تيلفونه ورد من افكاره هاي كلها وشاف رقم واحد من اللي كانوا وياه في الدورة واستانس ربعه ما نسوه ... وهو قرر انه ما يرد حق أي من اللي كان يعرفهم قبل الدورة واللي صاع وياهم وعلى ايديهم...</font></font></font>
</div>
<div align=center><font color=black><font face="book antiqua"><font color=black>ذياب : مرررررحبا ملييييييون ولا يسدن ...</font></font></font>
</div>
<div align=center><font color=black><font face="book antiqua"><font color=black>حميد: ولك مثلهن وزد فوقهم عشرة اضعاف</font></font></font>
</div>
<div align=center><font color=black><font face="book antiqua"><font color=black>ذياب: ما ينفع تدفعهن بيزات...</font></font></font>
</div>
<div align=center><font color=black><font face="book antiqua"><font color=black>حميد: هاهاهاها انت اللي دفع لنا .. انت اللي ماشاء الله اللهم لا حسد ماكلين نص السوق على قولة التجار...</font></font></font>
</div>
<div align=center><font color=black><font face="book antiqua"><font color=black>ذياب: هب هباك الله عن تاكل اخواني وابوي ونعلن افلاسنا ونشحت جدام المسايد..</font></font></font>
</div>
<div align=center><font color=black><font face="book antiqua"><font color=black>حميد: ياخي قلنا اللهم لا حسد ... المهم انت خلاص من طلعت ما تريد تعرفنا لا تيلفون ولا كلمة حشا مب جنا ربع وتعذبنا مع بعض ... وتزحفنا مع بعض وضغطنا مع بعض..</font></font></font>
</div>
<div align=center><font color=black><font face="book antiqua"><font color=black>ذياب: الله يخليك الا هالسوالف ... والله ما احب اتذكر ... وكل ما اشوف ويهك بتذكر..</font></font></font>
</div>
<div align=center><font color=black><font face="book antiqua"><font color=black>حميد: ماعليك ... ابغيك تتدرس وتدخل عسكريه ان ما زحفتك يوم بكون اعلى من رتبتك..</font></font></font>
</div>
<div align=center><font color=black><font face="book antiqua"><font color=black>ذياب: هاهاهاها ماعليه تريا عاد..</font></font></font>
</div>
<div align=center><font color=black><font face="book antiqua"><font color=black>حميد: المهم ما بتمر علينا ... تعال الميلس عندي الليلة عازم الربع كلهم اللي تخرجوا من الدورة..</font></font></font>
</div>
<div align=center><font color=black><font face="book antiqua"><font color=black>ذياب: (وهو مستانس إنهم ما نسوه) والله ... خلاص اكيد اني بيي حد يفوت اشكالكم بكنادير وسفر..</font></font></font>
</div>
<div align=center><font color=black><font face="book antiqua"><font color=black>حميد: هاهاهاها ... ماعليه عيل بتشوفنا كل ليلة هميه الشباب كل واحد فيهم قرر يعشينا عند ليلة بمناسبة نجاحنا في الدورة..</font></font></font>
</div>
<div align=center><font color=black><font face="book antiqua"><font color=black>ذياب: خلاص ويوم بيوصلني الدور ... بيكون عشاكم في ميلس ابوي..</font></font></font>
</div>
<div align=center><font color=black><font face="book antiqua"><font color=black>حميد: هاهاها ان شاء الله ... ياللا يا بطل خلنا انشوفك الليلة وناخذ علومك..</font></font></font>
</div>
<div align=center><font color=black><font face="book antiqua"><font color=black>ذياب: ان شاء الله...</font></font></font>
</div>
<div align=center><font color=black><font face="book antiqua"><font color=black>ابتسم ذياب بينه وبين نفسه ... وقرر انه بعد ما يسبح يقعد ويا امه شوي وبعدين يروح ميلس حميد...</font></font></font>
</div>
<div align=center><font color=black><font face="book antiqua"><font color=black>.
.</font></font></font>
</div>
<div align=center><font color=black><font face="book antiqua"><font color=black>نزل ذياب من حجرته وحصل عفرا طالعة من المطبخ في بيتهم وسمر تطالع التلفزيون ... وهي من اطالعته خافت منه وتدعي في خاطرها انه يطلع دون ما يكلمها...اما عفاري اللي كانت منقهره من حركاته عطته نظرة ومشت عنه... فابتسم وقرر يتحرش فيها..</font></font></font>
</div>
<div align=center><font color=black><font face="book antiqua"><font color=black>ذياب: ماشاء الله الملكة في بيتنا ... هاه حبيبة ابوها المينونه شحالج..؟</font></font></font>
</div>
<div align=center><font color=black><font face="book antiqua"><font color=black>عفرا<img title=frown alt="" src="http://www.alamuae.com/vb/images/smilies/frown.gif" border=0 smilieid="2">اللي تحاول تتجنب ذياب قد ما تقدر) بخير عمي شحالك؟</font></font></font>
</div>
<div align=center><font color=black><font face="book antiqua"><font color=black>ذياب: يا ثقالة دمج ومبيخ الكلمة من حلجج...</font></font></font>
</div>
<div align=center><font color=black><font face="book antiqua"><font color=black>عفرا: مشكور...</font></font></font>
</div>
<div align=center><font color=black><font face="book antiqua"><font color=black>ذياب: هاه الدلوعة ما تشكيتي عند باباتج علي ... ولا خلاص ما يحبج شرات اول ويخاف تنجرحين من الكلمة..</font></font></font>
</div>
<div align=center><font color=black><font face="book antiqua"><font color=black>عفرا: لا ما تشكيت ما اريد اغث ابوي واضيج به..عشان شخص ما يسوى ثره زين...</font></font></font>
</div>
<div align=center><font color=black><font face="book antiqua"><font color=black>وراحت عفاري عن ذياب قبل لا يرد عليها ... وهو في خاطره يقول..</font></font></font>
</div>
<div align=center><font color=black><font face="book antiqua"><font color=black>" يا قوة عينج يا بنت خليفه بس انا وراج لين ما اطفربج"</font></font></font>
</div>
<div align=center><font color=black><font face="book antiqua"><font color=black>وشاف سمر وهي قاعده تجلب في التلفزيون وراح حذالها وهو معقد حياته..</font></font></font>
</div>
<div align=center><font color=black><font face="book antiqua"><font color=black>ذياب: أي انتي شو تسوين؟</font></font></font>
</div>
<div align=center><font color=black><font face="book antiqua"><font color=black>سمر: (وهي خايفه) هاه اطالع التلفزيون..</font></font></font>
</div>
<div align=center><font color=black><font face="book antiqua"><font color=black>ذياب: وانتي ما وراج شي غير التلفزيون ذلفي درسي..</font></font></font>
</div>
<div align=center><font color=black><font face="book antiqua"><font color=black>سمر: ذياب المدرسة بعدها ما فتحت .. الاسبوع الياي...بس عفرا تروح الجامعه لانهم بادين قبلنا باسبوع..</font></font></font>
</div>
<div align=center><font color=black><font face="book antiqua"><font color=black>ذياب<img title=frown alt="" src="http://www.alamuae.com/vb/images/smilies/frown.gif" border=0 smilieid="2">بقرف) زين تحركي سوي شي ... روحي امشي في الحوش ... روحي عند امج .. لا تغدين بليده..</font></font></font>
</div>
<div align=center><font color=black><font face="book antiqua"><font color=black>سمر: زين الحين بروح ...</font></font></font>
</div>
<div align=center><font color=black><font face="book antiqua"><font color=black>كان ذياب من داخله ميت من الضحك عليها ... وهي خايفه وقايمه بتروح تمشي مثل ما قالها..</font></font></font>
</div>
<div align=center><font color=black><font face="book antiqua"><font color=black>ذياب: اقول.؟</font></font></font>
</div>
<div align=center><font color=black><font face="book antiqua"><font color=black>سمر: (بخوف) هاه!!</font></font></font>
</div>
<div align=center><font color=black><font face="book antiqua"><font color=black>ذياب: قوليلي نكته...</font></font></font>
</div>
<div align=center><font color=black><font face="book antiqua"><font color=black>هنيه صدق فجت سمر عيونها ... وحل مكان الخوف صدمه عجيبة ودهشه ما تنوصف ... ذياب اول مرة في حياته يقولها تقول له نكته ... اول مرة في حياتها يعبرها ... ويوم طال سكوتها...</font></font></font>
</div>
<div align=center><font color=black><font face="book antiqua"><font color=black>ذياب: أي انتي شو فيج اتسمرتي جيه ... صدق ما عندي سالفة اتكلم ويا غبيه مثلج..</font></font></font>
</div>
<div align=center><font color=black><font face="book antiqua"><font color=black>سمر: انت صدق تبغي تسمع نكته..؟؟</font></font></font>
</div>
<div align=center><font color=black><font face="book antiqua"><font color=black>ذياب: قولي بشوف منو يقول نكت احلى انتي ولا ربعي في الدورة..</font></font></font>
</div>
<div align=center><font color=black><font face="book antiqua"><font color=black>سمر: انا طبعا...!!!</font></font></font>
</div>
<div align=center><font color=black><font face="book antiqua"><font color=black>ذياب: (يريد يقهرها) ما سمعت شي..</font></font></font>
</div>
<div align=center><font color=black><font face="book antiqua"><font color=black>سمر: هاه ... تصدق نسيت كل النكت اللي عندي!!!</font></font></font>
</div>
<div align=center><font color=black><font face="book antiqua"><font color=black>ذياب: انتي غبية ياللا ذلفي لا اكفخج ... ما اريد اسمع شي...</font></font></font>
</div>
<div align=center><font color=black><font face="book antiqua"><font color=black>سمر: (منصدمة أكثر) هاه ... زين زين بروح لا تعصب...</font></font></font>
</div>
<div align=center><font color=black><font face="book antiqua"><font color=black>طلع ذياب من البيت وهو يضحك على سمر..وعلى الرعب اللي شافه على ويها قبل لا يطلع..وهو مستانس انه بيشوف ربعه اللي كانوا وياه في الدورة كان نجاحه ساحق وهذا اللي ما خبره ابوه ولا اخوه..كان الثالث على الدورة...يعني تفوق وتحمل اللي الكل راهن على فشله في تحمله والاهم انه اثبت لنفسه انه ريال....</font></font></font>
</div>
<div align=center><font color=black><font face="book antiqua"><font color=black>........................</font></font></font>
</div>
<div align=center><font face="book antiqua"><font color=black>اول اسبوع في الجامعه قبلوا فيه فاطمه وعفرا وكانن طبعا ثنائي ولا اروع..فاطمه اللي ودرت البيت وخلت دراستها وجهه ما يلفت نظرها عنها شي..كانت اكثر ايامها في بيت عفرا بس عفرا ما جد زارتها ولا يوم..رغم ان ذياب مب مخلنها في حالها بس هي قابلته بالعين الحمرا وعلمته اصول المغازل من اولها لاخرها..ومع هذا ما استسلم وتم يتحرش بها ويضايجها مب حبا فيها ولكن غاية في نفسه يبغي يوصل لها...ولكن للاسف ما حققها...</font></font>
</div>
<div align=center><font face="book antiqua"><font color=black>اما سلامه اللي انغمست في شغل البيت..كان جدولها صعب وصعب جدا بعد...كان عليها انها كل يوم تنش الساعه 5:30 تسوي لريلها وفاطمه الريوق وتدخنه قبل يظهر وترتب حجرتها وتكنس الصاله والممرات وتنظف الحديقه وتغسل الصحون وتطبخ الغدا وتيلس ويا ام ريلها وتحفظها القراءن لين ماتيي فطيم وتغسل صحون الغدا عقب ما تتغدا ويا ريلها وامه...وترفع شوي منه طبعا لفطيم لين ما تيي من الجامعه الساعه خمس العصر...</font></font>
</div>
<div align=center><font face="book antiqua"><font color=black>من الساعه خمس العصر تبدا راحة سلامه اللي هي مب راحه وتتلبس ويوصلها احمد النهضه عشان تدرس مسائي وفاطمه ترد خمس ونص وتستلم شغل البيت...لين الساعه 11 طبعا...هالوضع وايد معور قلب احمد لكنه ما يقدر يسوي شي ولا هب قادر يدفع 4000 درهم يقضي فيها تأشيرات واقامه وفيزا دخول الشغاله..غير الفحص اللي يباله الف درهم ومعاشها اللي ما يقل عن 450 درهم شهريا...فكان شي صعب عليه خصوصا بعدما دخلت فطوم الجامعه ومصاريفهم زادت شوي..الحاله كانت وايد كسيفه لكن الحب اللي ربط بين هالاربعه خلى الحياه تكون يسيره وسهله لان القلوب قريبه من بعضها...فما لقوا أي فجوه بينهم وما كان التعب يدل لهم طريج بالعكس كان للتعب لذه وللحب لذه واجمل حب بينهم اللي جمع بين سلامه وريلها....</font></font>
</div>
<div align=center><font face="book antiqua"><font color=black>العصر الساعه 5:15 كانت تربط شعرها اللي تعدا مفقرها عقب القصه اللي كانت متمسكه بها ايام المدرسه وشعرها اللي ما يتعدا جتوفها واليوم طال لين المفقر وطافه بعد...وربطته وكحلت عيونها وابتسمت وهي تشوف نفسها وتحس انها كبيره ..كبيره مب عمرا...لان عمرها للحين بس 18 سنه يعني بعدها زهرة شبابها للحين ما تفتحت عدل..بس تشوف عمرها كبيره قلبا وقالبا...</font></font>
</div>
<div align=center><font face="book antiqua"><font color=black>احمد يدخل مفاتيحه في جيوبه: يالله حبيبي...</font></font>
</div>
<div align=center><font face="book antiqua"><font color=black>سلامه انتبهت: اوكي اصبر بتشيل والبس عباتي...</font></font>
</div>
<div align=center><font face="book antiqua"><font color=black>احمد: يا حبكن للمنظره يالحريم..</font></font>
</div>
<div align=center><font face="book antiqua"><font color=black>ابتسمت سلامه: لولا المنظره ما شفتونا حلوات هالكثر...</font></font>
</div>
<div align=center><font face="book antiqua"><font color=black>احمد بنقمه: الحين انتي حلوه؟</font></font>
</div>
<div align=center><font face="book antiqua"><font color=black>سلامه بطرف عينها: عندك شك..!!؟</font></font>
</div>
<div align=center><font face="book antiqua"><font color=black>احمد: جمالج مقبول ولكن ما تفتنين ولاتذبحين...</font></font>
</div>
<div align=center><font face="book antiqua"><font color=black>سلامه بنقمه: ايه صح...انا مب حلوه..اشوفك ما تحبني..يوم اني مب حلوه ليش تعبت عمرك وخطبتني جان دورت لك على وحده غرشوبه ومزيونه (ونغزته بالرمسه) وصغيره شوي عشان تناسبك ..</font></font>
</div>
<div align=center><font face="book antiqua"><font color=black>احمد: خيبه..انتي محد يناقشج حشا لسانج اشطوله..بس ترايه بقصه لو تمادى...بعدين انتي صغيره ليش تبيني ادور على صغيره...؟</font></font>
</div>
<div align=center><font face="book antiqua"><font color=black>سلامه تلبس عباتها: تراني اقولك يمكن تروم تخطب لك وحده عمرها 14 سنه بعدها ما تفهم شي عشان تلعب من وراها بدون ما تحس..</font></font>
</div>
<div align=center><font face="book antiqua"><font color=black>احمد يضحك: سمعي يالبرنسيسه انا لو ابى العب بلعب بدون ما تحسين ولا تدرين..(ومسكها من خدها) بس من عنده هالدانه ويفكر في غيرها..</font></font>
</div>
<div align=center><font face="book antiqua"><font color=black>سلامه تشققت بس تكابر: احم وراي مدرسه واخرتني..(وتبتسم بفرحه) عيبني لقب البرنسيسه...!!</font></font>
</div>
<div align=center><font face="book antiqua"><font color=black>احمد بخقه: من زمان محد مدح غرورج صح؟</font></font>
</div>
<div align=center><font face="book antiqua"><font color=black>سلامه: الصراحه انا كانوا حواليه ناس دوم يشحنون غروري بنفسي ويمدحوني...صح انت ما تقصر بس غير يوم حد يقولي البرنسيسه صدق اتشقق..</font></font>
</div>
<div align=center><font face="book antiqua"><font color=black>احمد يضحك ويشل عنها ال handbag ويظهرون..وفي الصاله سلموا على ام احمد..</font></font>
</div>
<div align=center><font face="book antiqua"><font color=black>سلامه: عمتي يوم ترد فطامي قولي لها اني حطيت لها الاكل في الثلاجه خليها تطلعه وتسخنه اذا كانت يوعانه..</font></font>
</div>
<div align=center><font face="book antiqua"><font color=black>ام احمد: ان شاء الله..</font></font>
</div>
<div align=center><font face="book antiqua"><font color=black>احمد يسحب سلامه بعبط: يا ذكيه وليش توصين امي مب نحن رايحين نييبها الحين ليش العباله..؟</font></font>
</div>
<div align=center><font face="book antiqua"><font color=black>ام احمد: هيه والله صدق..</font></font>
</div>
<div align=center><font face="book antiqua"><font color=black>سلامه مفتشله: اوكي نسيت يالله بسرعه حمود تأخرنا..</font></font>
</div>
<div align=center><font face="book antiqua"><font color=black>وطلعوا للسياره العاديه جدا...عقب افخم انواع السيايير اللي كانت تركبها سلامه تواضعت لنوعية بسيطه جداً..وما عارضت صح الوضع في البدايه كان صعب بس عقبها ما يهمها شو تركب شو تلبس اهم شي مع من تعيش ومن يحبها ومن لاء..</font></font>
</div>
<div align=center><font face="book antiqua"><font color=black>في السياره كانت تتلمس ايدينها اللي بدت تحس فيهن بخشونه واضافرها بدت تحس بهن هشات سريعات الكسر..بحياتها ما فكرت انها ممكن تقطع بصل او تكوي ثيابها فما بالها بثياب غيرها..عمرها ما فكرت تمسك صابون الصحون وتغسلهن بايدينها الناعمه وما حلمت بيوم تمسك فيه قطع الدياي المدهنه اللي دهنها وريحتها تلوع الجبد..بحياتها كلها ما تخيلت انها تكنس او تغسل او حتى ما توقعت ان هالايدين الناعمه بيوم بتنظف الزراعه من الشجر الميت والورق الطايح على الارض ومن قذارات الطيور وعفن اكياس الزباله...</font></font>
</div>
<div align=center><font face="book antiqua"><font color=black>مسك احمد ايدها وحبها وحس شو فيها...</font></font>
</div>
<div align=center><font face="book antiqua"><font color=black>احمد بحزن: اسف والله بس صدقيني غصبا عني ولو بإيدي بخدمج بعيوني هب بس بخدامه يا سلامي..</font></font>
</div>
<div align=center><font face="book antiqua"><font color=black>سلامه صدق افتشلت وحست كيف ريلها قريب منها لدرجة انه يعرف بشو تفكر وكيف تفكر وما قدرت ترد عليه..</font></font>
</div>
<div align=center><font face="book antiqua"><font color=black>احمد يطلع السياره من البيت: اصبري والله مادري هل بقدر اييبها ولا لاء...</font></font>
</div>
<div align=center><font face="book antiqua"><font color=black>سلامه ابتسمت: مب مشكله نحن للحين مرتاحين وامورنا تمام التمام بس شوي نفكر بالمستقبل .يوم .....(وسكتت)</font></font>
</div>
<div align=center><font face="book antiqua"><font color=black>احمد: يوم شو؟</font></font>
</div>
<div align=center><font face="book antiqua"><font color=black>سلامه: الحين بنروح الجامعه ولا المدرسه..</font></font>
</div>
<div align=center><font face="book antiqua"><font color=black>احمد ابتسم: لا تغيرين السالفه يوم شو؟</font></font>
</div>
<div align=center><font face="book antiqua"><font color=black>سلامه احمرت بس ما قدرت تتهرب من سؤاله: يوم تبدا الامتحانات..</font></font>
</div>
<div align=center><font face="book antiqua"><font color=black>احمد يضحك: يوم تبدا الامتحانات ولا يوم ييون العيال..</font></font>
</div>
<div align=center><font face="book antiqua"><font color=black>ابتسمت سلامه ونزلت راسها: بنروح الجامعه صح؟</font></font>
</div>
<div align=center><font face="book antiqua"><font color=black>احمد وقلبه يدق بسرعه: هيه..</font></font>
</div>
<div align=center><font face="book antiqua"><font color=black>سلامه ساكته...واحمد ماقدر يصبر اكثر..</font></font>
</div>
<div align=center><font face="book antiqua"><font color=black>احمد مبتسم من قلبه: تعرفين ودي في شو؟</font></font>
</div>
<div align=center><font face="book antiqua"><font color=black>سلامه بطرف عينها: شو؟</font></font>
</div>
<div align=center><font face="book antiqua"><font color=black>احمد يضحك: ودي انزل الحين الشارع وايول..</font></font>
</div>
<div align=center><font face="book antiqua"><font color=black>سلامه تضحك: لا دخيلك مافينا على الفضايح...يقولون تخبل الريال..</font></font>
</div>
<div align=center><font face="book antiqua"><font color=black>احمد وقلبه يدق بسرعه: والله فيني هبه وبستخف خاطري ايول عشان خاطر عيونج بس.</font></font>
</div>
<div align=center><font face="book antiqua"><font color=black>سلامه بخقه: ادري تحبني بس لو تبا تستخف استخف في البيت احسن..ترا الشارع مب ملك خاص..</font></font>
</div>
<div align=center><font face="book antiqua"><font color=black>احمد يسحب ايدها ويحطها على قلبه: سمعي شو سويتي فيه...</font></font>
</div>
<div align=center><font face="book antiqua"><font color=black>سلامه وقلبها يدق اسرع: مب انا هو مستخف..</font></font>
</div>
<div align=center><font face="book antiqua"><font color=black>احمد: ذبحتيه وتقولين استخف...ماهذا المنطق...؟</font></font>
</div>
<div align=center><font face="book antiqua"><font color=black>سلامه تضحك: افا يا رجل..ما ذبحتك شسوي يعني ربي خلقني حلوه وانحب..وافتن قلوب الناس...</font></font>
</div>
<div align=center><font face="book antiqua"><font color=black>احمد بنقمه: تفتنين قلبي انا بس مب قلوب الناس...لاني لو اكتشف ان أي قلب انفتن بج عادي اعدمه..</font></font>
</div>
<div align=center><font face="book antiqua"><font color=black>سلامه تشققت: اقولك بس يالله انزل اتريا اختك تحت..اخاف تستخف علينا في السياره وبعدين بقولك..لا تقول لي شي جدام فطيم والله استحي..</font></font>
</div>
<div align=center><font face="book antiqua"><font color=black>احمد بخبث: ان شاء الله...</font></font>
</div>
<div align=center><font face="book antiqua"><font color=black>ونزل احمد عند باب الجامعه يتريا فطيم تظهر لانه وقف السياره شوي بعيد من الزحمه وعقبها بيوصل حرمته النهضه ويرد فطيم البيت....</font></font>
</div>
<div align=center><font color=black><font face="book antiqua"><font color=black>.....................</font></font></font>
</div>
</p>
</p></font>
رد مع اقتباس
مواقع النشر (المفضلة)