<font color='#FF00FF'><p align=center><strong><font color=#0000ff size=3>لاحظت ان عدد كبير من الاعضاء&nbsp;يتابعون &nbsp;هذه القصة وحتى انا وايد حبيتها
ويوم لقيت الجزء اليديد للقصة حبيت انى انقله لكم بعد اذن صاحبه الموضوع</font></strong>&nbsp;



<span class=smallfont><font size=4><font face="ms sans serif"> </font></p>
<div align=center><font color=black><font face="book antiqua"><font color=black>الحلقه السادسه والعشرون</font></font></font>
</div>
<div align=center><font color=black><font face="book antiqua"><font color=black>دخلت الحجره وهي رافعه راسها فوق...وما تبى حد يرمسها..ضاربنها غرور عنيف الليله وما تبغي ترمس ويا حد ولا في خاطرها شي ابدا...حتى ما رمست أي حد غير اخوها وعفرا...فتحت الكبت وشافت دونا مرتبه ثيابها وبيجاماتها على الرف وشلتهن وحطتهن في كيسها على اساس انهم بيردون بوظبي باجر الصبح....شافت حصه منسدحه على شبريتها وراسها لفوق تطالع السقف ولا اهتمت لدخلتها ابدا...حطت اغراضها ورتبتهن عدل..</font></font></font>
</div>
<div align=center><font color=black><font face="book antiqua"><font color=black>وتمت تغني..</font></font></font>
</div>
<div align=center><font color=black><font face="book antiqua"><font color=black>"نحلم ايه...ونحس ايه..ياما حلموا ياما حسوا..اسألوهم ضاعوا ليــــه...كل واحد كان لوحده ..عاش لنفسه وعاش لوحده..هم كانوا اليأس ياخذوا ..ضاع لكنو ما ضاعش وحدوا...خذ معاه الكل جنبوا..غصب عنهم شالوا ذنبوا..واحنا منهم بعد منهم خذنا أيــــــــه..هم ضاعوا وراحوا واحنا..جرحهم مخلوق في روحنا... كل شي حوالينا واقف ضد احلامنا وطموحنا...كل حاجه باينه واضحه...لازم احنا نصحى...هي غلطه وفات زمانها...كلنا ندفع ثمنها..يا وطن يا ام خايفه نفسنا يرجع املنا.."</font></font></font>
</div>
<div align=center><font color=black><font face="book antiqua"><font color=black>حصه نشت من مكانها وسارت لكبتها تطلع هي الثانيه اغراضها..بتخلي البشكاره تغسلهن وتكويهن عشان باجر الصبح بييهن خليفه او عبدالله بيسرحهن بوظبي من وقت..ما رمست سمر من يوم تواجعن الصبح وما توقعت سمر تشل في خاطرها ولا تسوي شي..ما تدري شو اللي غيرها فجأه مب طايعه ترمس وياها..بس ما همها الموضوع..وطنشتها ويلست تظهر ثيابها وطلعت وكانت هاي اول طلعه لها من يوم راح حمد...ونزلت الصاله وشافت عفرا وحمده يسولفن...</font></font></font>
</div>
<div align=center><font color=black><font face="book antiqua"><font color=black>عفرا: وييه عمتي تحريتج راقده والله..</font></font></font>
</div>
<div align=center><font color=black><font face="book antiqua"><font color=black>حصه: كنت في حجرتي ملانه...</font></font></font>
</div>
<div align=center><font color=black><font face="book antiqua"><font color=black>حمده: بتردين يوم السبت الدوام..لاحقه على ويع الراس..</font></font></font>
</div>
<div align=center><font color=black><font face="book antiqua"><font color=black>حصه تتنهد: بالعكس وناسه..اشغل نفسي على الاقل..</font></font></font>
</div>
<div align=center><font color=black><font face="book antiqua"><font color=black>حمده: تعالي يلسي طالعي الحفله ويانا...</font></font></font>
</div>
<div align=center><font color=black><font face="book antiqua"><font color=black>حصه: حفلة منو الليله؟</font></font></font>
</div>
<div align=center><font color=black><font face="book antiqua"><font color=black>عفرا: كاظم الساهر..</font></font></font>
</div>
<div align=center><font color=black><font face="book antiqua"><font color=black>حصه: كالعاده بروحه...صح؟</font></font></font>
</div>
<div align=center><font color=black><font face="book antiqua"><font color=black>عفرا: لازم بعد قيصر الاغنيه العربيه وين ما تبينه يخق ويحيي الحفله بروحه..</font></font></font>
</div>
<div align=center><font color=black><font face="book antiqua"><font color=black>حصه: ماقدر ايلس وياكن ابى ارمس اخوي وينه...؟</font></font></font>
</div>
<div align=center><font color=black><font face="book antiqua"><font color=black>حمده: فوق في حجرته..</font></font></font>
</div>
<div align=center><font color=black><font face="book antiqua"><font color=black>حصه مستغربه: والله؟ ليش لروحه؟</font></font></font>
</div>
<div align=center><font color=black><font face="book antiqua"><font color=black>عفرا: مادري والله بس حسيت انه يبى ييلس شوي لروحه...</font></font></font>
</div>
<div align=center><font color=black><font face="book antiqua"><font color=black>حمده: شكلنا قطعنا عليه وناسته في الوحده عقب بدريه..</font></font></font>
</div>
<div align=center><font color=black><font face="book antiqua"><font color=black>عفرا: كيف يعني؟</font></font></font>
</div>
<div align=center><font color=black><font face="book antiqua"><font color=black>حمده: يعني هو كان يحب يختلي بنفسه ويتذكرها على راحته ويعيش على طيفها وخيالها..بس نحن عكرنا وما يساعد الجو للخلوه الفكريه..</font></font></font>
</div>
<div align=center><font color=black><font face="book antiqua"><font color=black>عفرا: حليله عمي...&#33;&#33;&#33;</font></font></font>
</div>
<div align=center><font color=black><font face="book antiqua"><font color=black>حصه وقلبها يدق بسرعه: انا بروح له الحين..</font></font></font>
</div>
<div align=center><font color=black><font face="book antiqua"><font color=black>عفرا: وين عمتي سمر.؟</font></font></font>
</div>
<div align=center><font color=black><font face="book antiqua"><font color=black>حصه: في حجرتنا ترتب اغراضها..</font></font></font>
</div>
<div align=center><font color=black><font face="book antiqua"><font color=black>حمده: عفرا قومي ازقريها..</font></font></font>
</div>
<div align=center><font color=black><font face="book antiqua"><font color=black>عفرا: انتي الصغيره انا اتأمر عليج مب انتي تتأمرين علي..قومي انتي..</font></font></font>
</div>
<div align=center><font color=black><font face="book antiqua"><font color=black>طلعت عنهن حصه فوق وسارت حجرة عبدالله اخوها بتشوفه وتيلس وياه شوي...ويوم وصلت باب حجرته بغت تدق الباب..بس ما تدري ليش نفسها منعتها من هالشي..تخيلت عمرها تمنعه من انه يعيش للحظات يفكر فيها في بدريه..حست انها تقضي على احساسه فيها وتفكيره بها...حست بقلبها يعورها وما قدرت تتخيل انها تكون السبب في طرد بدريه ولو لثانيه وحده من خيال اخوها...خنقتها العبره..</font></font></font>
</div>
<div align=center><font color=black><font face="book antiqua"><font color=black>"فديتك يا عبدالله والله ما تستاهل..الله يقوي عزومك يا رب" </font></font></font>
</div>
<div align=center><font color=black><font face="book antiqua"><font color=black>ولفت بتسير حجرتهن وقبل تمشي شوي تبطل باب الحجره..</font></font></font>
</div>
<div align=center><font color=black><font face="book antiqua"><font color=black>عبدالله: حصه&#33;&#33;&#33;&#33;&#33;</font></font></font>
</div>
<div align=center><font color=black><font face="book antiqua"><font color=black>حصه حست عمرها استحت: لبيــه...&#33;&#33;</font></font></font>
</div>
<div align=center><font color=black><font face="book antiqua"><font color=black>عبدالله مبتسم:تعالي ابغيج...</font></font></font>
</div>
<div align=center><font color=black><font face="book antiqua"><font color=black>حصه: تعال بنيلس هني(وتأشر على كنب الصاله فوق)</font></font></font>
</div>
<div align=center><font color=black><font face="book antiqua"><font color=black>عبدالله: لاء تعالي الحجره برمسج هني بعيد عن البنات ابغيج في موضوع..</font></font></font>
</div>
<div align=center><font color=black><font face="book antiqua"><font color=black>حصه مبتسمه وتمشي صوبه...واول ما قربت حذاله لوى عليها من جتفها ودخلها الحجره وصك الباب..كانت ريحة الحجره ريحتها..وعبيرها وعطرها ولمساتها..كانت بدريه موجوده في كل ركن فيها...الحجره كانت مب حجرة نوم كثر ما هي مملكة ذكريات..كانت روعه روعه بس تسبب الالم لكل من يدخلها...وحصه متأكده انها اول انسانه تدخل الحجره من عقب بدريه وعبدالله...هي من شافت اغراض بدريه في مكانها وعطورها على تسريحتها والهاند باق مالها على طاولة الحجره..وثوب الصلاه معلق مكانه وشيلتها البيضا فوقه بعد...الشبريه وترتيب الحجره نفس ما هو...حتى مكياجها خلته على الطاوله من اخر مره استخدمته يوم كانت يايه بوظبي وهو ما حركه من مكانه...ولفت بسرعه تشوف فريمات صورها هي وياه وحطها حذال الشبريه...ريحة عطرها في الغرفه تجنن بس مؤلمه بنفس الوقت...حست اخوها يتعمد يعذب نفسه..ويرهق احساسه بأمل موؤد..</font></font></font>
</div>
<div align=center><font color=black><font face="book antiqua"><font color=black>حصه وهي تبلع ريجها: ليش يا عبدالله؟</font></font></font>
</div>
<div align=center><font color=black><font face="book antiqua"><font color=black>عبدالله وهو ييلس على طرف الشبريه: شو اللي ليش؟</font></font></font>
</div>
<div align=center><font color=black><font face="book antiqua"><font color=black>حصه وعيونها في عيونه: ليش تسوي بعمرك جي؟</font></font></font>
</div>
<div align=center><font color=black><font face="book antiqua"><font color=black>قبل ينطق عبدالله كانت حصه مصدومه يوم شافت عيونه حمر..او احمرار خفيف فيها..وهالشي يدل انه توه صايحها..ما حست بعمرها الا تلف عليه بتشوف ردة فعله..وانصدمت اكثر يوم شافت شي على شبريتهم..بس ما قدرت تتأكد منه..وين ما لفت ويهها بتشوف بدريه موجوده فيه...بس شو هالشي اللي على شبريتهم...اسود..&#33;&#33;&#33;&#33;&#3 3; لونـه اســود..&#33;&#33;&#33;</font></font></font>
</div>
<div align=center><font color=black><font face="book antiqua"><font color=black>"يا ربي هذي شيلتها...&#33;&#33; فديتك عبادي فديت روحك...يا ربي ليش يسوي جي بعمره ليـــش&#33;&#33;&#33; "</font></font></font>
</div>
<div align=center><font color=black><font face="book antiqua"><font color=black>عبدالله: ذكريات ما نروم نعدمها صدقيني..</font></font></font>
</div>
<div align=center><font color=black><font face="book antiqua"><font color=black>حصه: بتتعب والله..</font></font></font>
</div>
<div align=center><font color=black><font face="book antiqua"><font color=black>عبدالله وفي ويهه رضا: الله يعين..</font></font></font>
</div>
<div align=center><font color=black><font face="book antiqua"><font color=black>حصه تتنهد بس ما عرفت شو تقول..</font></font></font>
</div>
<div align=center><font color=black><font face="book antiqua"><font color=black>عبدالله مبتسم: زين ابغيج في سالفة مهمه..</font></font></font>
</div>
<div align=center><font color=black><font face="book antiqua"><font color=black>حصه: عن شو؟</font></font></font>
</div>
<div align=center><font color=black><font face="book antiqua"><font color=black>عبدالله: عنج انتي..</font></font></font>
</div>
<div align=center><font color=black><font face="book antiqua"><font color=black>حصه وقلبها يدق بعنف خافت ما تدري ليش..</font></font></font>
</div>
<div align=center><font color=black><font face="book antiqua"><font color=black>عبدالله: بلاج زايغه؟</font></font></font>
</div>
<div align=center><font color=black><font face="book antiqua"><font color=black>حصه: مادري عن شو بترمسني..</font></font></font>
</div>
<div align=center><font color=black><font face="book antiqua"><font color=black>عبدالله: ترا قلت لج عنج...زين بقولج..شو تبين تعرفين من البدايه ولا من النص ولا اختصر واقولها من اخرها...</font></font></font>
</div>
<div align=center><font color=black><font face="book antiqua"><font color=black>حصه مستغربه: شو هي وعن شو بترمسني؟</font></font></font>
</div>
<div align=center><font color=black><font face="book antiqua"><font color=black>عبدالله: عن السالفه..تبينها كامله ولا نصها ولا من اخرها..</font></font></font>
</div>
<div align=center><font color=black><font face="book antiqua"><font color=black>حصه: يعتمد عن شو بترمس...اذا موضوع مهم قوله كامل واذا تافه هات من اخره..</font></font></font>
</div>
<div align=center><font face="book antiqua"><font color=black>عبدالله: بقولج عن شو وانتي احكمي..</font></font>
</div>
<div align=center><font color=black><font face="book antiqua"><font color=black>حصه مبتسمه: اوكي قول...</font></font></font>
</div>
<div align=center><font color=black><font face="book antiqua"><font color=black>عبدالله:عن حمد ولد عمي...</font></font></font>
</div>
<div align=center><font color=black><font face="book antiqua"><font color=black>بردت اطرافها وحست بشي غريب..مب حراره ولا تجمد..حست بصفعه قويه على خدها..</font></font></font>
</div>
<div align=center><font color=black><font face="book antiqua"><font color=black>حصه: شو فيه؟&#33;&#33;&#33;</font></font></font>
</div>
<div align=center><font color=black><font face="book antiqua"><font color=black>عبدالله مبتسم: ما فيه شي بس بغيت اقولج اشياء عنه يمكن ما تعرفينها انتي وما يعرفها حد غيري انا واخته بس..</font></font></font>
</div>
<div align=center><font color=black><font face="book antiqua"><font color=black>حصه تبلع ريجها: مثل شو؟</font></font></font>
</div>
<div align=center><font color=black><font face="book antiqua"><font color=black>عبدالله: الحين بقولج بس ما رديتي علي تبين مفصل ولا مختصر..</font></font></font>
</div>
<div align=center><font color=black><font face="book antiqua"><font color=black>حصه تسوي عمرها مب مهتمه وهي من داخل محترقه: اذا بتيلس تقولي عن صياعاته وربيعاته وشغلاته الخايسه تراني الا اعرفها..كلها اعرفها..</font></font></font>
</div>
<div align=center><font color=black><font face="book antiqua"><font color=black>عبدالله: هدي هدي حبيبتي..بقولج اشياء مستحيل تخطر على بالج ابد..</font></font></font>
</div>
<div align=center><font color=black><font face="book antiqua"><font color=black>حصه: ادري بتقول لي يبغي يعرس ومادري شصار عليه وما عرف شو وما دري شو..</font></font></font>
</div>
<div align=center><font color=black><font face="book antiqua"><font color=black>عبدالله: لحوول انتي ما تعرفين تسكتين وتخلينا نرمس شوي..؟</font></font></font>
</div>
<div align=center><font color=black><font face="book antiqua"><font color=black>حصه: اوكي ابغي بالتفصيل ارمس..</font></font></font>
</div>
<div align=center><font color=black><font face="book antiqua"><font color=black>عبدالله مبتسم: اوكي سمعي..</font></font></font>
</div>
<div align=center><font color=black><font face="book antiqua"><font color=black>قبل يبدا عبدالله بالكلام كانت حصه معاه قلبا وقالبا..تبى تلحق على كل كلمة يقولها وينطقبها..ما تبغي شي يفوتها..تحس ان عبدالله اليوم بيريح فوادها اللي طال عذابه وزادت جروحه وما لقت من يداويه..</font></font></font>
</div>
<div align=center><font color=black><font face="book antiqua"><font color=black>عبدالله: سمعي يالغاليه...تعرفين حمد وحيد اهله..وكانوا عاقدين عليه الامال ويقولون حمد وحمد وما في مثل حمد..ما دري تذكرين حمد يوم كان في الثانويه واسلوبه كيف كان غير عن الحين..</font></font></font>
</div>
<div align=center><font color=black><font face="book antiqua"><font color=black>حصه: اكيد اذكر كان وايد كول وعادي ومب جي بالمره..كان وايد سوالف وضحك واستهبال..كان يغير اليلسه بقعدته وسهراته ببيتنا..والله ايام ما ننساها وفجأه جلب علينا والله العالم شو فيه..</font></font></font>
</div>
<div align=center><font color=black><font face="book antiqua"><font color=black>عبدالله: تعرفين يوم خلص الثانويه العامه..عمي قرر انه يسفره بريطانيا يدرس هندسة طيران..</font></font></font>
</div>
<div align=center><font color=black><font face="book antiqua"><font color=black>حصه: ادري وسافر...</font></font></font>
</div>
<div align=center><font color=black><font face="book antiqua"><font color=black>عبدالله: اول شي حمد ما كان ميوله هندسه طيران كان يبغي أي شي ثاني وما يسافر برا البلاد..كان يبغي يكمل دراسته في أي مكان في الدوله..وكان السفر شي خارج عن ارادته..شي ما يبغيه..اول شي عاند ويبس راسه وحلف ما يسافر لو على موته..بهدل اهله وعذبهم وياه..بس بدون فايده..ابوي حاول وياه وخليفه وعرب من اهلنا بس ما طاع..كان شايل فكرة السفر من باله..وانتي تعرفين مراهق عمره 18 سنه لازم يعند ويسوي اللي في راسه..وما يحلى له الا لما يعاند خلق الله..بس ما قدر انه يسوي شي جدام اصرار ابوه العنيف انه يكمل دراسته في لندن وفي الاخير بعد جهد جهيد استسلم لابوه وسافر لندن..</font></font></font>
</div>
<div align=center><font color=black><font face="book antiqua"><font color=black>حصه: حليله&#33;&#33;&#33;</font></font></font>
</div>
<div align=center><font color=black><font face="book antiqua"><font color=black>عبدالله يكمل:مب بس هذا...حمد قبل يسافر كان متحطم ومتضايج وما يهمه شي حواليه..كان حاقد على الظروف اللي فرضت نفسها عليه..</font></font></font>
</div>
<div align=center><font color=black><font face="book antiqua"><font color=black>والكل ما يدرون ليش حمد ما يبغي يسافر عكس معظم الشباب اللي يموتون ويسافرون...محد كان يعرف شو فيه الا انا وبس..</font></font></font>
</div>
<div align=center><font color=black><font face="book antiqua"><font color=black>حصه بلهفه: ادري انك كنت اقرب انسان له من ربعه واكثر واحد وياه بس عقب مارد من لندن علاقتكم ياها فتور..مدري ليش&#33;&#33;&#33;</font></font></font>
</div>
<div align=center><font color=black><font face="book antiqua"><font color=black>عبدالله يكمل: سمعي وبتييج الرمسه..حمد ما كان يبغي يسافر مب حبا في حد او عشانه ما يبغي يفارج البلاد...ولكن لانه كان يحب وحده صدق من خاطره..انا اعرفه حمد زين..والله يا حصه يحبها حب ما تتخيلين كيف...وهالشي تعرفين كيف بيأثر على مراهق..خصوصا انها اول حب واول تجربه..فكان شي خيالي بالنسبه له...مب مصدق بهالحب ويحس عمره بعالم ثاني..ما بقولج ان البنت ما تحبه..الا كانت تموت فيه..وهو حمد مادري ماقدر ابد اني الاقي كلمه تعبر لج عن اللي كان بخاطره..</font></font></font>
</div>
<div align=center><font color=black><font face="book antiqua"><font color=black>حصه كانت تتحطم وهي تسمع رمسة عبدالله ولو انها كانت وايد مسيطره على الوضع ومسويه عمرها عادي...بس قلبها كان ينشوي ويغلي ويحترق وتحس بكتله ناريه تتجول في انحاءه...</font></font></font>
</div>
<div align=center><font color=black><font face="book antiqua"><font color=black>عبدالله حس فيها: اكمل ولا يكفي؟</font></font></font>
</div>
<div align=center><font color=black><font face="book antiqua"><font color=black>حصه بثقه مصطنعه: شو يكفي كمل انا وياك..</font></font></font>
</div>
<div align=center><font color=black><font face="book antiqua"><font color=black>عبدالله: المهم هو ما تخيل عمره يسافر لندن ويخليها في دبي ما تخيل للحظه انه يفارقها..او انه يعيش لو شوي بعيد عنها...انتي ما تعرفين كيف علاقتهم كانت قويه وتقولين لو بينهم حتى اتصال روحاني..وحلف لها ووعدها انه بياخذها بس تصبر عليه شوي...</font></font></font>
</div>
<div align=center><font color=black><font face="book antiqua"><font color=black>حصه: من وين عرفها.؟</font></font></font>
</div>
<div align=center><font color=black><font face="book antiqua"><font color=black>عبدالله: والله ما عندي فكره كل اللي اعرفه انه تعرف عليها ويرمسها بالتلفون..كيف ؟ لا تسأليني لاني ما جد سألته تعرفين سؤال محرج..</font></font></font>
</div>
<div align=center><font color=black><font face="book antiqua"><font color=black>حصه بحزن: اوكي كمل...</font></font></font>
</div>
<div align=center><font color=black><font face="book antiqua"><font color=black>عبدالله: وسافر حمد واللي محد كان يعرفه عنه انه ما قدر يصبر بدون جواهر دقيقه كانت تعني له كل شي حياته وعمره..كان ما يتخيل كيف بيعيش بدونها كل هالفتره في لندن..</font></font></font>
</div>
<div align=center><font color=black><font face="book antiqua"><font color=black>حصه تقطع رمسته: اسمها جواهر؟</font></font></font>
</div>
<div align=center><font color=black><font face="book antiqua"><font color=black>عبدالله مبتسم: هيه روعه صح؟</font></font></font>
</div>
<div align=center><font color=black><font face="book antiqua"><font color=black>حصه بقهر: مب وايد...</font></font></font>
</div>
<div align=center><font color=black><font face="book antiqua"><font color=black>عبدالله يكمل: المهم البنت وايد تأزمت عقب ما راح..والاتصالات من بينهم شغاله ما عاد شي يقطعها...كان يدرس ويواصل حبه وكمل السنه الاولى معروف لغه...طبعا شي ثاني بتسأليني كيف صبر عنها سنه...بقولج اصلا حمد كان يرد كل اسبوعين في الويكند دبي بالدسه وهله ما يدرون بشي..بس يروح يشوفها ويرد لندن...ومحد كان يعرف بهالشي الا انا بس..حتى بدريه اقرب وحده له ما عرفت الا عقب..</font></font></font>
</div>
<div align=center><font color=black><font face="book antiqua"><font color=black>حصه تشهق: ومنو متفيج لمصاريفه ورداته من لندن كل اسبوعين عشانها وكيف ما عرفوا هله..؟</font></font></font>
</div>
<div align=center><font color=black><font face="book antiqua"><font color=black>عبدالله: عادي ما يحتاي اقولج عمي شعنده وكيف تجارته...ما يحتاي اخبرج ان حمد هو الوريث الوحيد لكل ممتلكات عمي..فكان بالمليون ما يبخل على حمد ويشوفها شويه في حقه..عمي كان يشوف حمد ثروته كلها...</font></font></font>
</div>
<div align=center><font color=black><font face="book antiqua"><font color=black>حصه تضايجت وكلام عبدالله كان يحطمها اكثر بس صبرت لين ما يخلص...</font></font></font>
</div>
<div align=center><font color=black><font face="book antiqua"><font color=black>عبدالله: وبعدين تواصلت السفرات والردات وكان حمد في خضم دراسته وفي اوج تقدمه..كان متفوق رغم انه ما كان يميل لهالمجال بس هي بتشجيعها غرست حب الدراسه في نفسه...</font></font></font>
</div>
<div align=center><font color=black><font face="book antiqua"><font color=black>حصه: متى كل هاه؟</font></font></font>
</div>
<div align=center><font color=black><font face="book antiqua"><font color=black>عبدالله: في بداية السنه الثانيه...عقبها البنت بدت تلعب وتخوره...ملت من الانتظار والصبر وحست انها بحاية حب يديد..وما كانت تدري باللي بيصير بالريال عقب ما تودره...تعلثت بالعرس عشان يخليها حمد وما يتم وراها وراها..لا تنسين ان حمد كان مغترب ومراهق والبنت اول حب بالنسبه له واول تجربه..يعني الصدمه مب صدمتين الا اكثر عن صدمه..وثلاث واربع...يكفي انها الوحيده اللي كانت تخفف عليه غربته وضيجه والوحيده اللي يحبها ووعدها بالعرس بس هي خلته وعرست ولا حفلت به...وهذا حمد ولد عمج شوفي كيف صار&#33;&#33;&#33;</font></font></font>
</div>
<div align=center><font color=black><font face="book antiqua"><font color=black>حصه تضايجت من عنفوان حب حمد للبنت: شو سوا بعدين...؟</font></font></font>
</div>
<div align=center><font color=black><font face="book antiqua"><font color=black>عبدالله: ولاشي بدا بالصياعه حفلات وبنات وسهرات ودنيا دنيه واشياء ما تخطر لج على بال...ينتقم من جواهر في الناس...وازيدج تراه ودر الدراسه ورد هني وكره كل شي الناس والبنات والعالم وكان يفج خيانتها في كل بنت ولا يهمه حد ولا جرح مشاعر حد...بس اقولج الصدمه يمكن تكون بسيطه لكل الناس لكن اللي مثلنا يعرف حمد واحاسيسه المرهفه وطيبته وشفافية روحه بيعرف ان الحب اللي في قلبه لازم يتعامل معاه بكل رقه...حمد كله احساس مملكه من الاحاسيس..بس غدرتها جواهر وراحت...</font></font></font>
</div>
<div align=center><font color=black><font face="book antiqua"><font color=black>حصه: وليش الناس تكرهه؟</font></font></font>
</div>
<div align=center><font color=black><font face="book antiqua"><font color=black>عبدالله: الناس عافت حمد من اسلوبه...ما تشوفين كيف غادي...الكل يشتكي منه ما عنده اسلوب ابد وما يحشم وما يحترم حد...يلعب في بنات الناس لعب..ما يهمه شي...ضيع كل اللي ورثه عن ابوه...واخرتها يالس يشتغل لي في شركه من تمليك قوم خالي بو راشد الله يرحمه...حمد ضيع اللي له واللي عليه والسبه جواهر...لا تقولين لي معقوله بنت تسوي كل هاه..بقولج هيه واكثر عن جي بعد..ترا محد قام يطيق من حمد شي ومحد يتحمله...يا بنت امي وابوي حمد ولد عمنا محتاج لناس تفهمه وتقدر احساسه وتراعي جروحه ووحدته والمه وتعبه مع نفسه...بس للاسف الناس فهمته غلط..واولهم انتي...</font></font></font>
</div>
<div align=center><font color=black><font face="book antiqua"><font color=black>حصه تشهق: انا.&#33;&#33;&#33;&#33; حرام عليك...عبدالله انت اكثر انسان تدري والمرحومه وياك من يصبر على حمد وشينه كثري...</font></font></font>
</div>
<div align=center><font color=black><font face="book antiqua"><font color=black>عبدالله مبتسم بعفويه: شوفي يا حصه انتي ما تقدّرين حمد وما تحسين فيه..ولو ان اللي بقلبج شي صادق ونابع من اعماقج عمرج ما بتغيرين اسلوبج معاه عشان كلمتين وصخات عقهن خوج ذياب وهو في لحظة غضب...</font></font></font>
</div>
<div align=center><font color=black><font face="book antiqua"><font color=black>حصه حست ان عبدالله فاهم كل شي وما ردت عليه..واكتفت بالصمت..</font></font></font>
</div>
<div align=center><font color=black><font face="book antiqua"><font color=black>عبدالله يكمل: زين هاللي كنت ابغيج فيه وبس..حبيت اوضح لج حياة حمد كيف كانت وكيف صارت..كلها عذاب بعذاب..والدور الياي والاصعب الله العالم بنشوف يكون على من...</font></font></font>
</div>
<div align=center><font color=black><font face="book antiqua"><font color=black>حصه عرفت ان عبدالله يقصدها بالرمسه وان حمد وحياته كلها شي تحت مسؤولية حصه وتحت رحمتها...وان حمد وسعادته وحياته كلها بين ايديها...بس وين ما تقدر تحس شي صعب انها تحبه كل هالسنين وهالعمر كله وتعرف بالاخير انه كان يحب غيرها ويفكر بغيرها..صعب والله صعب..</font></font></font>
</div>
<div align=center><font color=black><font face="book antiqua"><font color=black>عبدالله: شو رايج نقوم نشوف البنات اكيد يترين العشا...</font></font></font>
</div>
<div align=center><font color=black><font face="book antiqua"><font color=black>حصه انتبهت: اوكي يالله بس خبرنا شو تبى تتعشى..&#33;&#33;</font></font></font>
</div>
<div align=center><font color=black><font face="book antiqua"><font color=black>عبدالله: لا العشاء اليوم علي انا عازمنكم...</font></font></font>
</div>
<div align=center><font color=black><font face="book antiqua"><font color=black>حصه مبتسمه: كشخه &#33;&#33;&#33; أي مطعم بنسير..</font></font></font>
</div>
<div align=center><font color=black><font face="book antiqua"><font color=black>عبدالله: استريحي لا مطعم ولا هم يحزنون...بييب العشا البيت...</font></font></font>
</div>
<div align=center><font color=black><font face="book antiqua"><font color=black>حصه حايسه ثمها: اوكي تحريت شي ثاني وقلت يمكن تطورنا..</font></font></font>
</div>
<div align=center><font color=black><font face="book antiqua"><font color=black>عبدالله يدزها بمزح من جتفها:التطور مب في التحرر..التطور في التفتح العقلي..</font></font></font>
</div>
<div align=center><font color=black><font face="book antiqua"><font color=black>حصه بتطلع من الباب: بس بس ارجوك ماحبك يوم تتفلسف..</font></font></font>
</div>
<div align=center><font color=black><font face="book antiqua"><font color=black>ونزلت حصه وعبدالله وياها الصاله ويلسوا ويا البنات الصغار تحت...
....................</font></font></font>
</div></font></span>


</p>


&nbsp;</p></font>