*+*+*+سحــــــــابة صيــف+*+*+*

**بنت العرب** · 02-11-03 ||, 05:09 PM

تسلمووووووون عالروود ان شاالله  بحط التكمله جرييييييييب ..

                                         بنت العرب

**بنت العرب** · 02-11-03 ||, 05:38 PM

والحين بحط لكم التكمله بس عن الطمع الزايد ..

مب اتقولون تبغوون زياده ..

هاي آخر جزئيه نازله ..

---------------------------------------------------------

الحلقة الثانيه والعشرون

مرت الايام وعلاقة سلامه في عمتها انقطعت كلياً حتى ام راشد لاحظت انها ما قامت تشوف سلامه في البيت العود ابد..وراشد صار اقسى عن قبل على الكل وما عاد يثق في جنس بنيه وصار وايد يضغط بتصرفاته على ليلى وكل شوي يسألها ويحاول يفهم كل شي تخبيه..مب قادر يستوعب ان بنته الملاك الصغيره سوت كل هاه عيل الباقين اللي يفهمون شو بيسوون بحياتهم..طبعا راشد ما خبر حرمته بشي وخلود تتحرا سلامه بس تحس بالوحده من بدت الاجازه، سارت لها كم مره بس ما قدرت تفهم منها شي..وحمدان حاول وياها وويا عمته بس للاسف بعد ما عرف شي..حمدان كان الوحيد اللي ضايع وسط هالحروب...كان طول الوقت في بيت يدته ويا قوم عمه مبارك يالس ويا البنات والعصر يطلع ويا الشباب ويرد عقب المغرب ويكمل سهراته ويا ليلى ومريم وخواتها التوم.....

اليوم السبت راحت ليلى الدوام ويا حصه..وقدمن على اجازه ويلسن في البيت وخلن الشركه وويع الراس...عقب ما ردت ليلى من الدوام من وقت حوالي الصبح الساعه 9:45..شافتهم كلهم في الصاله حريم خوانها وعيالهم عدا سلامه..وسلمت عليهم وطلعت فوق بتوعي شيخه بتروح وياها السوق..وفي حجرتها..

ليلى: شواخي نشي بنروح السوق..

شيخه غرقانه في بحور الاحلام وما ردت..

يلست ليلى حذالها وهزتها شوي: شيخووه نشي بسرعه..بنروح السوق نشتري العاب وملابس..

بطلت شيخه عيونها: وين بنلوح..؟

ليلى: السوق يالله نشي..

ونشت شيخه وغسلت ليلى ويهها ولبستها وطلعت وياها الصاله..وكانوا كلهم يتريقون...

شيخه تغايضهم: هييه بنلوح الثوق..

حمدان: عمتي اسير وياج..؟

ليلى بدون نفس: استريح بسير بروحي..

حمدان استغرب من ردة فعلها البارده..

شمسه: عاد لا تنسينا..

ابتسمت ليلى: ان شاء الله ما عندنا غير شموس وحده.

خلود: هيه وانا الحرمه الشينه مالكم حايه فيني..

شب خاطر ليلى ضو ..ودها تمسكها وتقطعها قطعه قطعه...كانت ليلى طول الوقت تتجنب السوالف ويا خلود..تحس انها ضيعتهم وكانت بتشوه سمعتهم...كرهت حرمة اخوها من خاطرها وما خطر على بالها ابد ان اهمالها ممكن يوصل لهاي الدرجه...

لفت ليلى وسارت حجرة امها وسلمت عليها..

ام راشد: توج واصله على وين المسراح ان شاء الله؟

ليلى مبتسمه: بسير السوق تبين شي؟

ام راشد: من بيسير معاج؟

ليلى: انا وشيخه والدريول...

ام راشد: استريحي ماشي سيره تبين راشد يدوس ببطنج.؟

ليلى مستغربه: وليش يدوس ببطني ان شاء الله اصغر عياله انا..لي حايه وبسير اقضيها وبرد..

ام راشد: ماشي سيره اكسري الشر ويلسي..

ليلى: امايه حرام عليج من زمان ما طلعت شيخه خليني شوي اطلعها انا ما شوفها ابد...

ام راشد: قدمتي على اجازه خلاص بتجابلينها ليل نهار..ماشي سيره يعني ماشي سيره..

ليلى: امايا حرام عليج..

شيخه معصبه: اتي مالث خث...

ليلى ضحكت رغم انها معصبه: اسكتي انتي...

شيخه ونها بتواجع وتطالع يدتها: انا بنلوح اثتري فتان..اتي ما تلوحين..طفثه..

ليلى: شيخه عيب...

ام راشد:هيه هذا اللي علمتيه البنت الخياس بس...شي منه فايده ما تعلمينها...

جرح كلام ام راشد ليلى معقوله كل هاه وما علمتها الا الخياس.؟

ليلى: مشكوره يا امي والله يسامحج جاني ما بعلم بنتكم الا الخياس..

وطلعت ليلى وشيخه تسوي حركات وتتحرطم معصبه على يدتها وقبل يطلعن من الحجره مجابل الباب..

شيخه معصبه وتهدد: اتي ما نوديج اث...

ام راشد ابتسمت وهي تشوف بنت ولدها تتحلف فيها...

وليلى رغم الضيج ابتسمت: شواخي شو تبين امي تسوي في تويز ار اص..عز الله تبينها تلعب بالمراييح...

شيخه: ما نوديها ما نوديها..

ليلى: اكيد ما بنوديها..ولا نحن بنسير اصلا..

وطلعت ليلى فوق والكل يطالعها وحسوا اكيد ان سالفة السوق تكنسلت من يوم حدرت حجرة امها....

................

عقب ما طلعن البنات من الشركه خلفن وراهن فراغ كبير في حياة اثنين في الشركه ما يعرفون كيف ممكن يتصرفون..حمد تم في مكتبه يحس بملل فضيع ما يعرف شو بيسوي...ملان وحاس بوحده عقب ما طلعت حصه كان يفكر الحين بيتحرش في منو وبيغايض منو ومحد يتقبل منه شي غير حصه وعلى تفكيره انقطع بصوت التلفون...تلفون المكتب..

حمد: الو مرحبا..

ناصر: مرحبا حمد شحالك؟

حمد: بخير الحمدلله ..

ناصر: حمد بغيتك في خدمه..؟

حمد: تفضل..

ناصر: في موظفه يديده بتيي بدل مشاعل ممكن وماعليك ام تسير تشوفها والله اني مشغول ولازم اخلص اوراق البنك..

حمد مستغرب: ومشاعل؟

ناصر: ودرت الشركه وردت شركة اخوها...يت ايام وفاة المرحومه تبغي تسلم عليكم ما لقت حد وحولت هناك..ابوها ملزم عليها تم ويا اخوها...

حمد: برايها الا منو هالموظفه..؟

ناصر: مادريبها يمديها تكون وصلت الحين سير شوفها الله يخليك..

حمد: خلاص برايك بسيرلها اشوف وصلت ولا لاء وبخلص لها اوراقها...

صك حمد التلفون ونش بيسير الاستقبال ينشد اذا وصلت ولا لاء..بس وهو نازل تحت شاف وحده غريبه وعرف على طول انها اكيد الموظفه اليديده..روضه اول ما شافته على طول بهتت ما تدري شو ياها بس الاكيد ان حمد من اول نظره ذبح فوادها..ثقلت عليه وطالعته بهدوء وخجل مصطنع...

روضه:السلام عليكم.

حمد: وعليكم السلام مرحبا..اكيد الموظفه اليديده...

روضه حست براحه: هيه..

حمد: تفضلي وياي على مكتبج..

روضه: جدام ولا تحت..؟

حمد مبتسم: المكتب اللي جدامج على طول عقب الممر...

روضه مستحيه: مادل اخوي ممكن توصلني.؟

حمد ما يبغي يسير وياها بس اضطر: اوكي تفضلي معاي...

مشت روضه ويا حمد ما تدري ليش قلبها كان يدق بقوه..هالريال فيه شي غريب شو هو ما تعرفه...غير انه يوم وصلها دخلت مكتب مشاعل الموظفه القبليه ويلست..

حمد:خلاص تقدرين تباشرين الشغل من الحين..

روضه بخجل: مشكور اخوي ما قصرت والله..

حمد: افا عليج اختي هذا واجبنا نتعاون وانتي اكيد مع الايام بتنفعين باقي الموظفين..

روضه: ان شاء الله...

حمد: يالله الشيخه اترخص الحين برد مكتبي...اذا تبين شي كل التحويلات عندج موجوده على المكتب اضربي أي تحويله وبتردج على الادارييين..

روضه: مشكور اخوي...(وبجرأه) ما قلتي لي انت منو؟

حمد لف عليها وهو كان طالع: حمد..حمد خليفه..مدير الماليه في الشركه..

طلع حمد وتمت روضه فاجه حلجها الحين هاللي ساعدها مدير؟؟ بعدها مب مستوعبه..
"يالله يا حلاته مب حلى فيه اشهد انه يقطع القلب..ولا نظرته والله انها ترد الروح..!!مالت علي وعلى ويهي..اذا يومي الاول جي شو بسوي لين تستوي لي سنه في الشركه؟ الله يستر بس..."...

.....................

في بيت بو خليفه نشت سمر ونزلت تحت تدور حد يوصلها المدرسه تييب نتايجها..وفي الصاله شافت امها ويا ابوها يتقهوون ويالسين يسولفون..سلمت عليهم وهي مستعيله..

ام خليفه: على وين ان شاء الله؟

سمر: اليوم النتايج ابى اسير اييب شهادتي..

بو خليفه: من بيوديج؟

سمر: بسير ويا الدريول والبشكاره...

وفي هاللحظه دخلت السياره اللي توصل حصه الدوام...

سمر: هذي حصه ردت بسير وياها...

ام خليفه: الله يوفقج ان شاء الله...

وطلعت سمر الحوش تربع صوب حصه...

حصه وهي تبند باب السياره: اصبحنا واصبح الملك لله...

سمر: حصه ارجوج..

حصه: هاه شعندج انتي بعد شو تبين؟ ارمسي..من قالج نكته على الصبح وتبين تصبحين علي بها...

سمر: محد قال لي شي اباج توصليني المدرسه بسيير اييب شهادتي..

حصه: ايه بشكارتج وانا مدري..؟

سمر: حصه فديتج خلنا نسير محد بيوصلني..

حصه: اوكي اركبي..

سمر: يااااااي انتي فناتك..

حصه: زين جب اركبي وانتي ساكته..

طلعن ويا الدريول وروحن المدرسه..
.
.
في حجرته فوق كان تلفونه يدق وشله بسرعه ما يبغي حد يعرف انه ناش للحين وبعده ما رقد...

ذياب: الو...

هند: يا هلا والله شحالك؟

ذياب: تمام وانتي؟

هند: ماشاء الله ناش من وقت..

ذياب: شو ناش من وقت الله يهديج والله ما رقدت للحين...

هند: افا ليش؟

ذياب:سهران ما ياني رقاد...

هند بدلع: تفكر بمنو؟

ذياب: ما يبالها هذي بعد ..وما تحتاي تفكير..

هند: اوكي متى بشوفك اليوم..؟

ذياب: عقب ما نش...يعني حوالي السبع او الثمان..

هند: خلاص عيل بينا تلفون..

ذياب: اكيد ان شاء الله...

هند: مب تتصل عقب وتقولي اخوك ما خلاك تظهر ولا شي ماشيات..

ذياب حس برمستها نغزه له: لا تخافين بطلع يعني بطلع...

هند: اوكي بنشوف...

ذياب: يالله برايج بحط راسي..

هند: باي..

بندت هند عنه وهو انسدح ورقد على طول..خلاص ذياب من منعوه من الطلعات كمل صياعته داخل البيت...كان يحس بكبت وما يعرف وين يفجره..يلاحظ ان الكل يعامله بازدراء وعنف ويمنعون عنه حريته وهو ريال...يشوف حصه وهي بنت تسرح وتمرح بدون محد يقيدها وهالشي في نظره مب مقبول كونه من منظور نفسه ريال والريال يحق له أي شي..قبل البارحه يوم راحت حصه بيت خليفه قدرت بكم كلمه تقنع حمده وعفرا ما يقولن لخليفه شي ووعدتهن انها تخلي ذياب يصلح غلطته وهالمره يتغاضن عن السالفه وعقب بينهم رمسه ثانيه..ووافقت عفرا هي وحمده على كتمان السالفه عن خليفه...وانتهى الموضوع بالنسبه لهم....

........................

العصر كان يالس يتلبس في حجرته وتعطر ويوم خلص يلس وهو شكله يبى يقول شي ومعزم عليه وما يبى نقاش في السالفه..

راشد: خلود يلسي اباج بموضوع..

خلود: خير ان شاء الله...

راشد: سمعيني للاخر..ماباج للحظه تقاطعيني..

استغربت خلود: اوكي ارمس وانا بسمع...

راشد: سمعي يا خلود...احمد ولد سعيد بن مطر ياني قبل يومين البيت...

خلود: خال شيخه..؟

راشد: هيه...ياي الريال البيت يسلم ويخطب بنتج سلامه..

شهقت ام حمدان: شووو؟ شو يخطب منو؟

راشد بضيج: قلت لج لا تناقشيني لين ما اخلص..

نشت خلود: ليش ما اناقشك ان شاء الله مب بنتي ولي حق فيها؟ ولا شو رايك...ليكون ان شاء الله تبى بنتي تعرس بريال ما عنده مصروف جيبه...وين تباها تطلع من العز للمذله ولا ما يهمك..؟

حرج راشد على الاخر: شو عز وشو مذله تراني ما ييت اشاورج الا ييت اقولج بس...وبعدين انا ما ابغي راي حد بالموضوع حتى امي الا ياي اقولكن والعرس بيتم رضيتن ولا ما رضيتن...

خلود: عيل ليش ياي تقول..اذا بنتك رخيصه بتبيعها بارخص الاثمان وهي ما كملت دراستها شو بقول انا بعد..وين بودي ويهي من الحريم..؟

راشد بعصبيه فضيعه: يوم بتعرفين تربين عيالج زين تدخلي في هالشغلات...

خلود: وليش ان شاء الله مب عايبتنك تربيتي لهم..جد مره سوو شي ولا مسوا سمعتك بشي ولا سمعت حد يرمس فيهم...

راشد ضحك بسخريه: مسكين حالج ثرج الا غافله ويا غافلين لكم الله...

خلود تتأفف منقهره منه...

راشد بقهر اكبر: البارحه بنتج كانت بتضوي واحد لين الزراعه باجر ما يندرى يمكن تدخله البيت لين حجرتها يوم انج غافلة عنها..

انصدمت ام حمدان وتمت تطالع ريلها وهي ما تعرف شو الموضوع..بعدين ظهر عنها وسار فوق لحجرة سلامه...خلاص طفح الكيل وراشد ما عاد يقدر يتحمل اكثر من اللي صار...وين يروم يتخيل ان بنته ممكن تسوي هالاشياء كلهن...

دق الباب بقوه خلت سلامه تنتفض مكانها من الزيغه..

راشد: بطلي الباب ونج الحين تتحرين عمرج بتكسرين بخاطري يوم انج قافله على روحج..

سلامه ماتت من الخوف ونشت تفتح الباب وهي متأكده ان كف محترم بيوصلها..

راشد يدخل: سمعي ماريد نقاش ولا جدال بالموضوع..تفهمين ولا لاء؟

سلامه تطالعه باستغراب: شو ابويه؟

راشد: جب ولا كلمه لا تنطقينها على لسانج؟ ابويه؟ والله ماتشرف اكون ابوج...

سلامه نزلت راسها وتمت تصيح..

راشد: ما يهمني صياحج ..زهبي عمرج وجان تبين تظهرين السوق قولي لي متى الوقت اللي تبين..عسب اظهرج..

رفعت راسها وهي تدمع: ماريد اسير السوق..حق شو اسير بعد...

راشد: اص قلت مابا اسمع حسج..ريال يا وخطبج وبيفكني منج ومن سواد ويهج..وبتعرسين تبين تتزهبين قولي أي وقت تبين تطلعين السوق..وماشي سيرة لدبي ولا هم يحزنون كل زهابج من بوظبي وبس...

سلامه شهقت: ابوي ماريد اعرس..بعدني صغيره...

راشد: صغيره!!! في بنت صغيره ترمس شباب وتبى تنزل راس ابوها الارض...؟

سلامه: ابويه ابى اكمل دراستي حرام عليك..

راشد: ولا دراسه ولا خرابيط تحلمين انتي وايد..وشوفي يا سلامه ماعندي لج رمسه ثانيه ولاني بفايج كل ما برمسج تفتحين لي موضوع خلاص الموضوع مختم بشمع احمر مافيه رمسه ثانيه...عرسج تحدد واليوم برد للريال خبر...

يلست سلامه تصيح من خاطرها وما قدرت تسكت وهو صك الباب بقوه ونزل تحت وسار يكلم امه بالموضوع وعنده موضوع ثاني بعد...

.
.
في فلة ام راشد دخل راشد وكانوا متيمعين في الصاله قوم مبارك وام راشد وليلى وحمدان..ونشن بنات مبارك يسلمن على عمهن وهو يطالعهن بنظرات كلها شك ويشوف ليلى بنظره اغرب منهم بعد..

راشد: امايا ابغيج بموضوع...

شمسه وهي بتنش: يالله يا بنات طلعن الصاله الثانيه...

راشد: لا والله ما تقومن انا ابغي امي وليلى بحجرة الوالد..

انتفض قلب ليلى وام راشد حست بشي غريب...ونشن كلهن الحجره وياه طبعا ام راشد كانت خايفه ما تعرف وش يبغي ولدها...وعقب ما فتح الموضوع وخبرها سالفة احمد ...ليلى ما رمست ونزلت راسها الارض...

ام راشد: بس يا ولدي بنتك صغيره على العرس وين تفتهم له...؟

راشد يطالع ليلى: بتفهم له صدقيني..اللي خلى بنات اول يعرسن وهن بنات 12 و13 سنه بيخلي سلامه تمشي حياتها...

ام راشد: والله يا راشد البنت بنتك مالي شور عليها وجانك ياي تشاورني ما بقول غير الله يوفقك وينولك اللي فبالك...

ليلى بتردد: راشد سلامه وايد صغيره على العرس..وانت تعرف ظروف بيت احمد وتعرف ظروف بيتك..تتوقع سلامه تتأقلم مع الوضع.؟

راشد: ما عندي هاللف والدوران بتسير له وراسها في الارض..وماعليج من عرسها وعيشتها خلاف..كل شي بيوصلها لين البيت وما بيقصر عليها شي..

ام راشد: بتصرف على بنتك وهي بذمة ريال؟

راشد: هيه مافيها شي...الريال بعده حالته صعبه شوي ولازم نساعده...

ام راشد: وشاللي حادنك على عرسها وهي بهالعمر بريال ما عنده شي...

راشد يتنهد بعصبيه: ماعليه ياامايه احسن ما تعرفين...

ام راشد: بنتك بييها نصيبها لا تستعيل..هكوه عمتها جدامك للحين ما عرست ما قالت شي..

راشد: ومنو قالج ما بتعرس ليش شورها براسها مالها رياييل تتنشد عنها...

ليلى استغربت..

راشد يكمل:انا طبيت الموضوع يوم استوى عزا المرحومه مرت عبدالله..والحين برد افتحه وانا ما اشاورج فيه كثر ما اني اجبرج عليه...

ليلى تطالعه بنظره غريبه..

راشد: ولد علي بن بطي..فلاح رمستج عنه...رد يخطبج مره ثانيه...الحين شو تبغين؟ شو عذرج ما توافقين...؟

ليلى بعصبيه: ماريده مب غصب العرس..

راشد: الا غصب شو مب غصب.؟ شو تبين انا ماريد يتم في هالبيت بنات يكفيني اللي شفته من بنتي...

ليلى: وتتحراني شراتها يعني؟

ام راشد مثل الاطرش في الزفه تطالعهم..

راشد:ما برده ولا تراني عند كلمتي والله ما شي شغل ولا طلعه ...

ليلى تطالعه اول مره يهددها: يعني انت جي تغصبني؟

ام راشد: وانتي ليش ما تبينه ؟ تترين منو ان شاء الله؟

ليلى انصدمت من موقف امها: ماتريا حد..

راشد: زين انا بخليج يوم واحد تفكرين به عسب ارد على الريال...اقول انا انتي العاقل اللي لازم اخذ شورها بس اقولج انا مب ياي اخذ شورج وبتعرسين غصب..

ليلى وعيونها مركزه عليه بقوه: راشد ماريده...

راشد حب يضغط على ليلى بشي ما تقدر تعيش بدونه...

راشد: عيل يوم ما تبغينه تمي عند امج..والبنت بخليها ببيت خالها يدتها وخالتها يربنها...مب في حايتج انتي وحده تشتغل ومب فايجتلها...

ليلى شهقت كل شي ولا شيخه...

ليلى وعيونها انترسن دموع: راشد كل شي الا شيخه ارجوك...

عرف راشد ان هالوسيله الوحيده اللي ممكن تغير راي ليلى..

ام راشد: يا بنتي الله يهديج وافقي خلنا نفرح بج وبعيالج وخلي المعاند ولا تيبسيين راسج...

ليلى ودموعها على خدها: عطني وقت افكر مع نفسي شوي...

راشد ينش: اوكي خلاص باجر ابى ارد لهم خبر موافقتج الشخصيه...

ام راشد: يالله عسى ربي يوفقج يا بنتي ان شاء الله...

طلع راشد وام راشد ظهرت لشمسه وبناتها...

اما ليلى على طول شلت عمرها....وتمت تصيح لين ما قالت بس...حست بحزن فضيع وان الكل يستغلها كونها يتيمه ولا تقدر تتخذ قرار مناسب لنفسها..كانت وحدتها اليمه الحين لازم توافق لازم..
"لازم اوافق ..لازم اضحي بحياتي وسعادتي عشانها..مالي غيرها وانا وعدتك يا سيف ما يربيها غيري...ليش ليش..."وتتذكر" كيف هنت عليك يا ناصر..لو انك صنت اللي كان..ما كنت بكون بهالحال..حرام عليك والله حرام...شفتني من عقب ما بعت اللي كان ؟ شفت..؟ لو تشوف حالي رديت وانته نادم على كل ثانيه فكرت فيها تجرحني..ليش يا ناصر ليش؟"

تمت تصيح من خاطرها ما حست بعمرها الا وهي تنش عقب الالم على ورق دفترها تعصرها اللحظات المريره ...يمكن الحزن يتألم لحزنها...ويروف بحالها وعلى ورق الزمن الخاوي من الاحساس..

" يتيمه وبس وش ذنبي ..وعقبك يالابو من لي... غريبه في دنيا مجنونه... تدور وبس ما ادري ...لا أخو بحالتي يدري ..ولا عم ولا خالي يشفي.. ادور لك عذر عندي ...رحلت من دنيتي بدري.. تركت الدار والخلان... وتركت عيونها تبكي.. قريب وغريب يا بويه... اعيش الهم وما يدري... وأدور في دنيا مجنونه.. غريبه وأبد ما ترحم... وأصيح الخال ويا العم ...وأقول العون يا عمه.. ولكن عقب أبو وأم ..من يسأل ومن يرحم.. ومن يمسح دموع ايتام.. في دنيا كبار ما ترحم ..واصيح بعالي الصوت واتنشد.. عن اللي غابوا من اعوام... يقولوا ابد محنا اغراب.. ولكن يا بوي ما هو بدم... اللي جمعنا ما هو بدم... معقوله اصيح ولا يدري... وآهات تشق الصدر ولا يدري ...يقول اخو وانا اعلم.. ولا هو داري بناري ولا يعلم ..يتيمة بس وش ذنبي... وعقبك يا الابو من لي"

.
.
راشد من طلع من البيت على طول اتصل في احمد...لانه هو اللي بيقرر مصير بنته بايده ما بيتريا قرارها شرات اخته ليلى..

راشد: خلاص مبروك يا بو شهاب وافقوا الاهل...

احمد انفجع بعدما كان عايش في كابوس الرفض:والله؟

راشد يضحك: الف مبروك يا ريال...

احمد مب مصدق: الله يبارك فيك..

راشد: بس ترا العرس بعد ست اسابيع بس..

شهق احمد: بس انا مب مستعد وبعدني للحين ما استقريت ماديا..

راشد اللي يبى يفتك بسرعه من بنته: ما عليك يا احمد نحن شارين ريال ونحن اللي بنقوم بعرس بنتنا...

احمد: بس اعتقد باقي لها سنه حسب ما قالت لي الوالده..

راشد: ما عليك من الدراسه بتطبها شلها فيها المره لها بيت ريلها وبس...

احمد مستغرب بس عيبه العرض: عيل بالبركه ان شاء الله يا بو حمدان...

وتموا يسولفون شوي وعقبها بند راشد عن احمد اللي المجره كلها مستحيل توسعه من الفرح عقب هالخبر..ولا يدري ليش ابوها يبغي يتكفل بمصاريف عرس بنته وليش مستعيل هالكثر وليش ما يباها تكمل السنه الاخيره لها...؟

كلها اسئله ما كان لها وقت معين في خيال احمد اللي على طول بيطلع من مكانه ويسير بأقصى سرعه لامه ورضيعته يخبرهن احلى خبر سمعه في العالم كله واخيرا الايام قربت وما بقى شي على بيت يجمعه هو ويا غناة الروح...

في بيت بو ناصر كانوا يالسين في الصاله كلهم قرب المغرب...وناصر كان ضايج وحالته حاله...

بو ناصر : شو رايك تملج يا ناصر؟

ناصر اللي تفاجأ:لا مب وقته...

ام ناصر: وليش مب وقته الا املج وخلص عمرك والعرس بشهر تسعه...

بو ناصر: هيه انا ما قلت لك..ترانا جدمناه العرس..

ناصر شهق: ما يكفي اني مغصوب تجدمون وتردون على كيفكم وانا بنت مالي شور..

فهد: تو الناس..

ناصر: شو هالحياه قسم بالله لاعت جبدي..

بو ناصر: لاعت جبدك من شو؟

ناصر: يا بويه انا مب ياهل بنت خالي ما تبونها وخلاص ليش مستعيلين تطيحون الثانيه على قلبي..خلاص عاد خلني اختار الوقت اللي ابغي بنفسي..

بو ناصر: ونحن مب عايبنك شورنا..خلاص صرت ولد نفسك مالنا كلمه عليك...

ناصر:افا عليك يا بويه من قال...انا اقول ماله داعي هالوقت..

بو ناصر بعصبيه: خلاص صرت ولد نفسك مالك كبير...

ناصر تأفف..

بو ناصر: وتتأفف بعد اشهد انك عاصي وعاق ما فيك أي سمع ولا طاعه لوالديك..

فهد نش.. تعب وكره حياته من هالحرب اليوميه..وناصر انقهر ونش عنهم وطلع برا....نش عنهم ضايج وركب سيارته وقلبه يدق بعنف خلاص مب قادر يتحمل...ويته فكره جهنميه وقرر يطلع حرته فيها...

"انا ابغي ليلى شو ممكن يصير لو رفضت اروى...لي ما اوقف بيووهم وادافع عن اللي ابى..ليش؟ شو اللي يمنعني ؟ ابويه؟ ماي يخصه فيني..ولا هو اللي بيعرس..وجانه يبغي يزيد استثماراته مب على حسابي انا...اروى هذي بنفس لازم اروح واقولها اني ما ابغيها..هيه صدق ما ابغيها..وانا ماريد الا ليلى وحتى لورفضتي الحين ..عقب ما تعرف ان سالفة عرسي تكنسلت مالها غيري ومالها مرد الا لي انا..."

مشى ناصر بموتره صوب بيت عمتهم ووصلهم يايب وياه الخبر اللي بيحطم كل التوقعات...

وصل ناصر البيت وقرر يقول لاروى كل شي واللي فيها فيها ما بيخسر اكثر من اللي خسره من قبل...دخلوه الميلس تقهوى وعقب قال لعمته انه يبغي يسلم على اروى...

يته اروى وكل الشوق بعيونها كلها لهفه وحب..مجرد ما دخلت قلبه تم يتنافض وحست بشي مختلف غير عن كل مره..حس بالفرحه في عيونها والامل في نظراتها..حس بحب جارف من صوبها له هو...

غصبا عنه نسى الكلام وضاعت الحروف وما عرف ليش يا وشو كان بيقول...فرحتها به كسرت خاطره خلته يشفق عليها اكثر من انه يحطم احلامها..ما عرف شو يقول وشو سبب زيارته بس الاكيد ان شجاعته خانته وما عرف شو يسوي...

اروى: والله بس ياي عشان تسلم..

ناصر متردد: هيه ييت اسلم عليج..

وبدون شعور ولا احساس: بغيت اشاورج في شي؟

اروى: اكيد قول بسمعك..

ناصر: ابويه يبغينا نملج الحين ..شو الراي...؟

احترقن خدود اروى من المستحى ووخت راسها الارض...براءه فضيعه في البنت...

ناصر مبتسم: بخليج تفكرين وعقب ليله ثانيه بيي اسمع ردج ..شاوري عمتي..

اروى مبتسمه: خلاص ان شاء الله..بس عطني وقت افكر واشوف اذا اقدر للملجه الحين ولا صبر عليها...

ناصر: خلاص على خير..

نش ناصر عن اروى وهو مب عارف كيف قرر يروح لها ووين راحت الرمسه اللي كان مزهبنها..كيف ضاعت وهو ياي ينهي كل شي وبدل ما ينهيه بناه وبدا يبداه من اول ويديد...كانت مشاعره تتضارب اذا خلى اروى شو اللي يضمن له ليلى توافق عليه؟

قرار نهائي انهى فيه ناصر كل صراعه مع نفسه وقرر يتزوج اروى وينسى كل شي لان الاحلام احيانا تسبب التعاسه..
.................

في موتر خليفه كان ساير صوب البيت توه راد من الشركه قرب صلاة المغرب ودق تلفونه واحد يعرفه من التجار في بوظبي...

استغرب خليفه لانه ما يعرفه وايد بس لهم علاقه في بعض بحكم انهم رجال اعمال وله باع طويل في التجاره...

سعيد: مرحبا الساع...

خليفه: المرحب لا هان..شحالك يا ريال وين ما تنشاف..

يضحك سعيد:مرحبا بك الغالي خلاص تعرف عاد دنيا ومشاغل وانشغلنا بالعرس..

خليفه: هيه توك الا بتذوق المر بعدك ما شفت شي...

سعيد: لا ماعليك مسيطرين على الوضع...

خليفه: وين انت الحين؟

"ويأذن المغرب"

ابتسم سعيد: كنت ساير البيت دامنه اذن بسير المسيد...

خليفه: اقرب البيت اتقهوى بنيلس ويا الشباب..

سعيد: قريب ان شاء الله..بس والله تعرف مشغول والله يكون بالعون..

خليفه: الله يعينك...

سعيد: الا اقول يا خليفه...بغيتك في موضوع صغير..

خليفه عرف انه يبغي فلوس:تفضل وامر..

سعيد: يشهد الله اني ما اقولك الموضوع عسب شي الا لغايه انت بتعرفها يوم اخلص كلامي..

خليفه: افا عليك ما بينا هالرمسه تفضل...

سعيد: مب اصغر واحد في اخوانك اسمه ذياب؟

خليفه زاغ: هيه شو بلاه؟

سعيد: امم والله يا خليفه ما ودي اقولك بس احسن تسمعها مني ولا من غريب..ترا اخوك مرابع فلانه بنت فلان الفلاني وانت تعرف هذي منو ومشهوره على مستوى بوظبي بسوالفها..ما بغيت اخوك يضيع على ايديها...

خليفه ويهه احترق وماعرف شو بيرد على الريال: الله يهديه ذياب شو بقول بعد...خلاص مشكور يا بو عسكور ما تقصر..برمسه اليوم..

سعيد: مابغيك تزعل مني...

خليفه: مب رمسه اللي تقولها يا سعيد والله هذي عهدي بك ريال تخاف على هلك وناسك والله يقدرني على جمايلك..

سعيد: افا عليك يا خليفه ما بينا هالرمسه ..اهل واخوان...

بند سعيد عن خليفه اللي نزل يصلي المغرب في المسيد ورد يركب موتره وكل العصبيه والينان في راسه...

......................

كانت ليلى طول الوقت تصيح مب متحمله فكرة انها توافق تعرس عقب ناصر ولو ان اللي ياها منه مب شويه..بس بعد ما تقدر تتخيل عمرها تكون حرمه لغير انسان وهبت له كل سنين العمر..ما كان جدامها غير حصه تتصل بها...وخبرتها كل شي..

حصه: ليلى تبين شوري؟

ليلى: شو؟

حصه: وافقي خلاص يا ليلى..مالج امل مع ناصر...انتي مب اللي في حاية نصيحتي..والله..

ليلى: ما يطاوعني قلبي يا حصه..

حصه: مثل ما باعج بيعيه..خليه ما يسوى نعالج وخليه يحس انج مرغوبه وانج مب رابطه عمرج كل هالسنين فيه ويي يضيعهن بابسط من البساطه وتغفرينها له...

ليلى: بعد يا حصه العشره ما تهون علي...

حصه: يا ويلي على الوفا اللي في قلبج ويا ويلي على طيبة قلبج..

ليلى: مب طيبه..انا لو ناصر نكر اللي بينا ما روم انكره انتي تعرفين شو يعني اني اخون كل شي..

حصه: خلاص هو خانه وخلص مب محتاينج الحين...

ليلى: لا تكونين قاسيه وياي..

حصه: أي قسوه انا واقعيه والصراحه تعور صح؟ ليلى انسي ناصر وايامه..خلي ال 13 سنه اللي طافت ذكرى انسان وانتهى من حياتج..عيشي الباقي وابتسمي...يمكن ربي مع فلاح يكتب لج حياة احلى واحسن..يمكنه بيعوضج كل شي فقدتيه ما تدرين..لا تحكمين على الريال وانتي ما تعرفينه..

ليلى: خايفه يا حصه والله..ماريد ادخل تجربه واطلع منها فاشله...ودي اكون عانس ولا مطلقه..

حصه:شوفي انا ما اعترف في شي اسمه عانس..هاللقب البنت اذا تبى حد يقوله لها بتستسلم لكن اذا واجهت الناس وحسستهم انها تقدر تعيش حياتها بشكل عادي محد بيتجرأ يقولها شي..

ليلى: قولي هالرمسه في غير مجتمعنا..ردي على الموضوع شو اسوي ماريد اعرس يا حصه ما اقدر..

حصه: ليلى انتي مب مراهقه تتدلعين وتتشرطين..

قاطعتها ليلى: عيل عيوز ولا لقيطه ولا طايحه بجبد اهلي..والله بتشرط كيفي..

تضحك حصه: سمعي مستحيل تلاقين ريال يوافق على انه يعرس ويربي بنت مب بنته وياه..صح ولا لاء؟

ليلى: وهاللي مريحني في السالفه بس...

حصه: عيل توكلي على الله وصلي الاستخاره يمكن ربي يوفقج ويعوضج على ايده كل اللي راح...

ليلى:تقولين؟

حصه: ان شاء الله يا رب..يمكن اللي ما قدرتي تسوينه قبل ترومين له الحين..

ليلى: خايفه افشل..

حصه: مستحيل باذن الله تفشلين ربي بيوفقج ان شاء الله ..

ليلى:خايفه يا حصه..ضاعت 13 سنه حب ووفا في لمح البصر ما تبيني اخاف من واحد بيضويني بين ليله وضحاها...

حصه: يضع الله سره في اضعف خلقه..خلي ايمانج بالله قوي...

ليلى: ونعم بالله...

حصه: عيل شو نتريا باجر ردج على راشد موافقه ان شاء الله..

ليلى بخجل: بشوف..

حصه: خل عنج الدلع يالله مبروك اول وحده تبارك لج فديتني..

ليلى: دومج اول وحده في كل شي مب بس الا المباركه...

حصه: فديتج والله يالعروس..خلاص عرستي وخليتيني مسكين حالي..

ليلى: حوو وين عرست بعدني انسه حتى خطبه رسمي ما انخطبت..

حصه: لا تتحرسين الخميس الياي بيخطبونج رسمي والي عقبه ملجه والي عقبه العرس..

انفجرت ليلى ضحك: بل عليج شو اللي يسمعج بيقول خلاص الريال ميت علي...

حصه: يكفيه ان ضويتي عليه...يحب ايده ورا وجدام ويصلي التروايح شكر هب الا ركعتين...

ليلى: محد مكبر راسي الا انتي..

حصه: انزين مبروك ما رديتي علي..

ليلى مستحيه: الله يبارك فيج..

حصه: شو قررتي توافقين اخير وتفرجينها...

ليلى: الله يتمم علي بخير وعقبالج ويا حمد يالله ياللي خيبت رجاي في ناصر لا تخيب رجاها في اللي تحب...

حصه عورها قلبها على ليلى بس مع هذا سكتت ولا حبت تبين لها يكفيها البنيه اللي فيها فما حبت تزيدها...

حصه: فديتج والله..

ليلى: انزين بخليج الحين وبسير لامايه ارد لها الخبر وعقب بكلمج الصبح ان شاء الله..

حصه: اوكي في وداعة الله..

ليلى: باي..
.
.
نزلت حصه الصاله وشافت امها وسمر وعفرا وحمده وساره ويلست وياهن..

حصه: اووه من وين النور طالع عفاري هني..

عفرا: بعد ربج..سمعت ان سمر طلعت الثانيه قلت ايي ابارك لعمتي..

سمر مستحيه: فديتني والله كل حد يحبني..

حصه:هيه وايد..اصلا كان عندج دور ثاني بس يوم سرت انا وياج تغيرت الامور..تعرفون عاد اذا وصلت حصه يت وراها كل البركه..

ام خليفه: لا والله بنتي من بونها شاطره هب محتايه بركاتج..

حمده تضحك: الام تريزا وانا مادري..

عفرا: لا المهاتما غاندي.

عصبت حصه: ايه انتي وياها جب..

ساره استانست ان حصه غيرت الجو عليهم اهم شي عندها بنتها تطلع من هالعزله اللي عاقه عمرها فيها..

حصه: عفاري خلصتي شي من الماده..

عفرا: هيه بخلص تقريبا الفصل الاول..

حمده: ماعليج منهاعمتي هي تروم تختهم في يوم بس تتغلى على الكتاب..

سمر: مثلي..

حصه: اخ قلبي..

وهن يسولفن نزل ذياب من فوق مستانس يدندن ويغني على كيفه رايق على الاخر...كلهم طالعوه..وعفرا طالعته بنظرة احتقار تقوله فيها انت ولا شي انت زباله ورفعت عينها عنه..نظره خلته ينقهر مكانه..وحمده بالمثل طالعته..

سمر لزقت في امها اكثر..

ام خليفه: هلا بويه هلا فديت ويهج..

ذياب: هلا امايه شحالج؟

ام خليفه: فديتك ايلس بزقر لك ناتالي تحط لك الاكل ما ذقت شي من امس..

حصه: ليش وين كان؟

ذياب كان منقهر من حصه ووده يصفعها ويسبها بس كيف ما يدري...

ام خليفه: في حجرته وين بيكون يعني..

وفي هاللحظه دخل خليفه محرج ما قدر يمسك عمره ولا يعرف كيف يتصرف كل اللي يعرفه انه محرج وناسي ان بناته وحرمته وخواته وامه في الصاله...يوم شاف ذياب حرج عليه...

خليفه يزاعج: اييه انت يا مسود الويه شو تاليتها وياك...يعني تبى فضايح ما يسدك اللي مسوي..؟

ذياب خاف: شو بعد؟ في حجرتي ما يخصني بحد..

خليفه كان محرج وبينفجر: جب ولا كلمه يلعن يومك واليوم اللي كنت فيه اخوي..على اخر عمري بتسود ويهي لا بارك الله في يوم فكرت اطلعك فيه..

ام خليفه نشت بخوف: شو فيك يا خليفه..؟

خليفه: تخبريه قوليله شو مسوي اسأليه...خبر امك قولها انت متعرف على منوه؟قلها منهي البنت اللي لاعبه براسك شرات ما لعبت براس عشرين الف ريال احسن عنك..

ام خليفه: وييه شو تقول يا خليفه؟

حصه مبطله عيونها على الاخر..وسمر نشت تيلس قريب من ساره حرمة اخوها.وساره تأشر لبناتها يطلعن ماتباهن يشوفن شي..بس ما طاعن يبن يعرفن شو السالفه...

ذياب: شو يعني؟ شو يعني؟ اول واحد ولا اخر واحد يتعرف على وحده هاه؟

خليفه بعصبيه: الله لا يوفقك ان شاء الله تعرف بتصيع صيع بعيد عنا هب كل من هب ودب يعرف سواد ويهك...

ام خليفه: يا خليفه وش اللي صار.؟

خليفه: ليش ما تتخبرينه..؟ ليش ما تسألين ولدج شو يسوي شو تقول الناس عنكم..انتي تتحرين السمعه شي سهل..يا امايه خافوا الله في بنات الناس وخافوا الله في السمعه الله لا يبتلينا بفضيحه..

ام خليفه: يا حزني ....فضيحة شو الله لا يبلانا...؟

ذياب بعصبيه:ليش انا اول ولا اخر واحد يتعرف على بنيه..ولا ناسي ولد عمك ..هيه ولد عمك..ناسي سواد ويه والناس كيف قطعته هو وهله كلهم..تحيدون ولا اذكركم...

خليفه بعصبيه: جب ولا كلمه لك ويه ترادد بعد...انت تعرف منو هاللي انت مرابعنها..تعرفها؟؟ جد سمعت عنها ولا اسمعك؟انت تعرف هاي شو مسويه ومنو اللي ما يعرفها؟

ذياب: يت علي انا؟ ولا لانك تشوف نفسك كبير بتستقوي علي.؟ هاه؟واللي يسويه ولد عمك ولا ناسي؟

خليفه:حمد اريل عنك وولد عمك وتاج راسك...يالصايع انت...

ذياب: هيه تراك ناسي انه كان يرد من لندن كل اسبوعين عشان بنيه..ما بقى حد ما عرف عن سواد ويهه...عشان وحده خايسه من خايسات دبي ارد كل اسبوعين من لندن..ناسي ولا تذكر...وفي الاخير ولا حفلت به عرست وودرته...ناسي اللي كان بيعرس بها ويفضح العايله واهلنا كلهم..الحين هذا الريال وانا مب ريال...على الاقل مستوره اهون من المفضوحه...ناسي سواياه ولد عمك ولا ازيدك بعد..تراها ما يت الا علي انا...

خليفه مد يده بيصفع ذياب بس ذياب بعد عنه وكمل..

ذياب: انت ناسي منو اللي كان بيعرس بها ويفضح العايله واهلنا كلهم..

شهقت حصه وانتبهوا كلهم عليها...

ذياب الحين خلاص بيفج حرته في حصه مافي احسن من هالوقت انه ينتقم من كل اللحظات اللي ذلته فيهن...

ذياب: هيه هذا ولد عمج اللي ميته فيه وتتحرين محد يدريبج لكن انتي بالنسبة له ارخص من نعاله ... ملطشه يا محترمه .

.. بس انتي ولا شي بالنسبة له ويوم بيمل من كل ها ما بيحصل غيرج اترياه وتتمسح في ريوله عشان ياخذها... وهو ولا يحبج ولا حتى معبرنج صدق مالت عليج فضل عليج بنت شوارع يا بنت الناس المحترمين....

خليفه اللي كان ماسك عمره طول الوقت عنه ما حس بعمره الا يعطيه ذاك الطراق اللي بغى يطلع روحه من قوته...خلاص حس عمره انعدم وخليفه برد شوي من حرته ...بس ذياب كل اللي سواه انه طلع برا الفله مب مهتم لاي واحد فيهم..ام خليفه تمت مبهته ما تدري شو اخرتها اذا محد حشمها وحشم وجودها...بس الشي اللي صدم الكل شو دخل حصه بالموضوع ليش يفك حرته فيها هي...والتفتوا صوب البنت اللي ما بقت كلمه ما قالها فيها...بس بين كل هالفوضى ما لفوا يشوفون حصه ما وعوا الا وهي طالعه فوق تحت تأثير ابشع صدمه تعرضت لها وبمعلومات اول مره تسمع منهم عن حمد حبيب الروح والقلب...

وان شاالله تستانسون بالجزء اليديد ..

                                                                    بنت العرب

**راع7ي** · 03-11-03 ||, 12:06 AM

مشكووووووورة الاخت على التكملة
نتريا الباجي
الله حيا

**بنت العرب** · 03-11-03 ||, 04:57 PM

مراحبـــا :

هلا راع7ي ..

ان شاالله بحط الجزء اليديد اول ما يخلص ..

والسموووووووووووحه عالقصووور ..

                                             بنت العرب

**عين الدماني** · 04-11-03 ||, 12:19 AM

سلام عليكم
شحالكم..؟ عساكم مرتاحين..
أول شي بغيت أشكر اختي الغاليه بنت العرب على مجهودها... تسلمين لي غناتي و بغيتج تكملين باجي الأجزاء عني لين ما أرد علواحات شرات قبل...
هالأيام ماروم أدش النت شرات قبل عسب الوالده و الوالد مسافرين عسب الولده مريضه و سايره تتعالج و انا مب يالسه في البيت..
أتمنى انكم تقدرون ظروفي و تعذروني... و تدعون للواده بالشفاء
السموحه منكم

**أكسجين** · 04-11-03 ||, 04:46 PM

مرحبا ..

مشكوووره أختي بنت العرب على الاجزاء اللي حطيتيها لنا ..

والله يعطيج العافيه اختي عين الدماني ترى نحن صدق اشتقنا لج حيييل ..

والله يعافي الوالده ان شاء الله وما تشوف شر ..

والسموووحه ..

ياللا وين باجي الاجزاء..

**بنت العرب** · 04-11-03 ||, 10:53 PM

مرحبـــا:

هلا عين الدماني لا شكر على واجب حبيبتي ..

عفاري ..
ان شاالله الجزء اليديد بنزله باجر بإذن الله ..

                                                         بنت العرب

**الجنيه** · 05-11-03 ||, 12:14 AM

تسلمين الغاليه بنت العرب ما اتقصرين , الدماني تسلمين غناتي <img src="http://oasis.bindubai.com/emoticons/blush.gif" border=0>

وهمتج عاد بالبقيه ولا تتحيرين علينا الصراحه القصه كل يوم تحلى اكثر صح مستويه اتصيح وايد بس ما عليه بعد روعه

**عين الدماني** · 05-11-03 ||, 06:14 PM

عفاري
شتاقتلج العافيه غناتي.. و الشر ماييج.. و أول ما يردون لأهل بالسلامه إنشالله بردلكم..

بنت العرب
تسلمين فديتج

الجنيه
الله يسلمج الغاليه

----------------
 
أما الحين عندي لكم مفاجأة,,, يبتلكم جزء يديد.. <img src="http://oasis.bindubai.com/emoticons/biggrin.gif" border=0> هههههه.. أدريبكم مستانسين.. ما يحتاي تشكروني لا شكر على واجب (وايد مصدقه عمري)

----------------

الحلقه الثالثه والعشرون<?xml:namespace prefix = o ns = "urn:schemas-microsoft-com:office:office" /><o:p></o:p>
في دبي الساعه 9:00 كان جرس البيت يدق ومحترق بس محد يرد عليه..اخر شي يلس عند الباب وتعب من كثر ما يتريا..لين ما حد يفتح له..تم يدق تلفون عبدالله يدقه ويدقه بس محد يشل التلفون حتى..حاول يتذكر رقم البيت بس ماقدر حاول وحاول لكن بدون فايده..وهو يالس يفكر في اللي صار وشو بتكون عواقبه عليه ويفكر في الرمسه اللي عقها على حصه شو بتكون ردة فعل خليفه عليه..في الاخير تأكد ان النتيجه وخيمه وان العقاب بيكون عنيف من خليفه نفسه..وهو سارح بأفكاره سمع حد يرحب به..<o:p></o:p>
عبدالله ياي من المسيد: هلا والله ومليون غلا ابركها من ساعه اللي شفتك فيها هلا باخويه ذياب..<o:p></o:p>
ونش ذياب ووايه اخوه ودخله داخل..<o:p></o:p>
عبدالله يمشي وياه لين الفله: وين البشكاره عيل ما فتحت لك الباب..؟<o:p></o:p>
ذياب:مادري بها بشكارتك وتخبرها...<o:p></o:p>
ودخل عبدالله ذياب صالة البيت وامر على البشكاره تسوي لهم العشا...<o:p></o:p>
عبدالله حس ان ذياب متضارب ويا حد في البيت...وذياب ما قاله أي شي لين ما دق تلفون عبدالله وشاف خليفه متصل به..ونش عن ذياب حجرته..<o:p></o:p>
عبدالله: ذياب شوي وبرجع لك عندي مكالمه مهمه من الدوام..<o:p></o:p>
ذياب حس ان خليفه اللي متصل: اوكي خذ راحتك انا بشوف التلفزيون...<o:p></o:p>
وطلع عبدالله فوق يرمس خليفه بعيد عن ذياب...<o:p></o:p>
خليفه: حسيت انه وصلك مسود الويه..<o:p></o:p>
عبدالله: خير شو مستوي؟<o:p></o:p>
وخبر خليفه عبدالله كل شي..<o:p></o:p>
عبدالله: تصدق ماشي غير الحل اللي قلته لي قبل..<o:p></o:p>
خليفه: قلت لك من قبل ما ينفع وياه غير دورة اغرار ولا صاعقه بتخليه يغدي ريال...<o:p></o:p>
عبدالله: صدقني ما ودي نحطه في هالموقف بس هو اجبرنا..<o:p></o:p>
خليفه: الله يخسه مسود الويه وانا اقول بيغدي ريال بس الظاهر ذيل الكلب بيتم عوي على طول وما يتعدل..<o:p></o:p>
عبدالله: وين يتربى الله يهديك ..خلاص بيقولون حبى بعد ما سار...<o:p></o:p>
خليفه: الحين شو يسوي عندك طرشه لي بوظبي والله بمرغه بالعقال مرغ ..<o:p></o:p>
عبدالله: اسلوب العنف ما ينفع لازم يتأدب بطريقه حديثه..<o:p></o:p>
خليفه: أي حداثه يا عبدالله دخيلك ارحمني انت ما شفت شو سوا في حصه...<o:p></o:p>
عبدالله مستغرب: شو سوا بها بعد؟<o:p></o:p>
وخبر خليفه عبدالله موقف ذياب من ساعه ويا حصه...<o:p></o:p>
عبدالله مصدوم: حرام عليكم كل شي ولا حصه عاد..<o:p></o:p>
خليفه: والله وانا ما تهون علي بس صدق عور قلبي بالرمسه عليها..<o:p></o:p>
عبدالله يتنهد: ما رمستها.؟<o:p></o:p>
خليفه: كيف ارمسها يا عبدالله شو بقولها..والله حرام اللي يستوي...<o:p></o:p>
مر طيف بدريه على باله وحس برعشه في كفوفه وهو ماسك التلفون...وهو حاس لو كانت موجوده من بيرمس غيرها..من بيساعد غيرها..اما هو وخليفه رياييل لا يودون ولا ييبون ويا بنيه ..طبعا خليفه مستحيل يقدر يرمس حصه بالموضوع وعبدالله هيج الموضوع سيرة بدريه في قلبه..وحس شي يمسك فواده ويعصره...<o:p></o:p>
خليفه: عبدالله انت وياي ولا قطع الخط؟<o:p></o:p>
عبدالله يتنهد: لا وياك..<o:p></o:p>
خليفه: شياك بسم الله صخيت مره وحده..؟<o:p></o:p>
عبدالله بصوت كله حزن: لو بدريه كانت حيه جان رمستها..كانت اقرب وحده لحصه ..بس.....<o:p></o:p>
تلوم خليفه في اخوه وعوره قلبه عليه: تعوذ بالله من ابليس يا عبدالله ما عليها شر حصه...<o:p></o:p>
عبدالله: خير ان شاء الله..انا اليوم برمس ذياب وانت طيب خاطر حصوه...<o:p></o:p>
خليفه: عبدالله اعفيني من هالموضوع بصراحه ما اقدر ارمسها...<o:p></o:p>
عبدالله: والحل؟<o:p></o:p>
خليفه: انت شو تشوف؟<o:p></o:p>
عبدالله فكر شوي: خلاص خل الموضوع علي وانا بشوفه..<o:p></o:p>
خليفه: الا اقول ..!!<o:p></o:p>
عبدالله: هاه؟<o:p></o:p>
خليفه: وتاليتها ويا ولد عمك..محير البنت ولا يندرا به...<o:p></o:p>
عبدالله:خليفه..حمد هو اللي يبغي حصه من خاطره..وصدقني يوم كذا واحد خطبها وترخصت منها ما رخصها...ولو خاطره هب منها ما حيرها هالكثر...<o:p></o:p>
خليفه يتنهد: والله ما يندرا به هالحمد...<o:p></o:p>
عبدالله: صدقني يبغيها حتى بدريه الله يرحمها كانت دوم تقولي ان حمد يقولها يبغي حصه من خاطره...<o:p></o:p>
خليفه: الله يتمم باللي فيه خير وصالح..<o:p></o:p>
عبدالله: شي بخاطرك ..بنزله عن يحس بشي..<o:p></o:p>
خليفه: خله يولي الله يطبه قل امين..<o:p></o:p>
عبدالله: تعوذ بالله من ابليس وسلم على امي وابوي والبنات والله الله بحصه..<o:p></o:p>
خليفه: الله يسلمك..<o:p></o:p>
عبدالله بتردد: خليفه..بغيت منك شي..؟<o:p></o:p>
خليفه: تم فالك طيب..<o:p></o:p>
عبدالله: فالك ما يخيب..والله لو مافيه كلافه يعني بغيت خواتي والبنات يين عندي..ملل وضيج والبيت محد فيه..خلهن يني كم يوم ما ظهرن حليلهن من ايام العزا...<o:p></o:p>
خليفه صدق هالمره عوره قلبه على عبدالله: الله يهديك يا عبدالله قلنا لك ودر دبي وتعال هني عند اهلك مب طايع ودافن لي عمرك في هالشغل..تقول مادري شو من وكالات وشركات عندك...<o:p></o:p>
عبدالله: هاه شو قلت...؟<o:p></o:p>
خليفه: خلاص بطرشهن لك كلهن..بس مب قبل يرد هالهرم من عندك..ما امن على بناتي في مكان فيه ذياب اخوك..<o:p></o:p>
عبدالله مبتسم: يا ويلها عفاري ان ما يت تراني بزعل صدق..<o:p></o:p>
خليفه: ولا يهمك بسحبها سحب لين عندك...<o:p></o:p>
عبدالله: تسلم يا خليفه...<o:p></o:p>
خليفه: الله وياك..<o:p></o:p>
وبند خليفه عن عبدالله..اللي يت بدريه في باله وفكر كيف ممكن يتصرف ويا اخته وكيف ممكن ييلس وياها ويخبرها اللي بخاطره...ويصارحها بكل شي ويفهمها بطريقه ما تجرحها ولا تسبب لها نفور من حمد مهما كان...عقبها نزل للصاله وشاف ذياب يطالع التلفزيون...<o:p></o:p>
عبدالله: ذياب بند التلفزيون وتعال ابغيك..<o:p></o:p>
ذياب: ان شاء الله..<o:p></o:p>
وسار له ويلسوا كلهم في صالة الطعام وخبره كل شي صار ويا خليفه..<o:p></o:p>
ذياب شهق: حرام عليك عبدالله شو تبى تسوي بي انت واخوك..والله ماسير أي دوره...<o:p></o:p>
عبدالله: ذياب انتهى الموضوع واليوم خليفه بيرمس ابويه وامي..عطيناك فرص اكثر من اللازم بس انت اللي ضيعتهن...<o:p></o:p>
ذياب ينش: عبدالله ارجوك كل شي ولا الدورات والجيش ما ابغي اسير...<o:p></o:p>
عبدالله: بذمتك تسمي اللي سويته تصرف ويا حصه؟<o:p></o:p>
ذياب: اكرهها ما تحمل شي منها..دومها تستفزني وتسوي روحها شي وهي الا بنت ما تسوى شي..<o:p></o:p>
عبدالله: وشو الفرق بينك وبين البنت؟ على الاقل حصه تشتغل شاغله نفسها..هب الا شراتك ميلس لي في البيت ورا السوالف البطاليه..حصه صح بنت بس احسن عنك...تشتغل وتعرف السنع والمذهب...تبى تربيك تخاف عليك يوم انك اخوها...مب قصدها تتحكم فيك..تبى تفتخر فيك شرات ماهي مفتخره في باقي اخوانها...<o:p></o:p>
ذياب: مابغيها تخاف علي..انا ييت هني اباك عون طلعت فرعون..<o:p></o:p>
وسار بيطلع من الفله بس عبدالله زاعج عليه: ذياب..<o:p></o:p>
ذياب صدق زاغ: خير..!!<o:p></o:p>
عبدالله: الخير بويهك..اقولك رد تراني مب اصغر عيالك تعطيني ظهرك وانا ارمس..لا وبعد تباني احن عليك واتوسط لك عند خليفه..عيل شوف من بيرمسه جان هاه اسلوبك...<o:p></o:p>
ذياب رد منزل راسه: زين اسف..<o:p></o:p>
عبدالله يتنهد ويأشر على حجره في الصاله: حجرتك هناك سير بدل ثيابك وتعال بنتعشى من زمان وانا اتعشى بروحي...<o:p></o:p>
ذياب ابتسم: اوكي...<o:p></o:p>
وعقبها تعشوا ويا بعض..وسار كل حد فيهم حجرته..وعبدالله يحاول يتقمص دور بدريه وهي عايشه وكيف تتصرف ويا الناس وتحل الامور بالشكل الطيب اللي يرضي الناس كلهم...ولو ان الموضوع صعب عليه شوي ولكنه في بداية المشوار وما عليه بيتعود...
................<o:p></o:p>
مرت الايام و حصه في حاله ما يعلم بها الا رب العباد مب مصدقه أي شي من اللي انقال ومن اللي سمعته عن حمد..مب مستوعبه أي شي قاعد يصير تحس ان ذياب بس كان يغيضها ولكن سكوت خليفه عن ذيك الليله كان يأكد لها كل شي....معقوله حمد كان يفكر بإنسانه غيرها..؟ تعرف انه لعاب وماضيه واسع في عالم البنات بس ابد ما تعرف انه يوم من الايام حب او انه ربط عمره بحد..ما تعرف انه قرر يوم من الايام يعرس ولا تعرف انه فكر اصلا بالعرس..كل اللي تعرفه عن حمد انها تحبه وانه ولد عمها اللي مستوي دون جوان بس عمرها ما حست انه ممكن يكون يوم من الايام روميو وله جولييت خاصه بحياته..كانت راضيه انها ما تكون حبيبته وراضيه انها ما تكون الوحيده في قلبه او انها محطة اعجابه بس اللي ما تبى ترضاه انها تعرف ان قلبه كان يوم من الايام يحب..هاللي مب قادره تصدقه...<o:p></o:p>
"معقوله يا حمد.!!! ما اقدر اصدق..كنت تحب وتبغي تعرس..ليش انا شو سويت بك؟؟.. طول عمري وانا اداريك وشايلتنك فوق راسي واحبك من بد الناس..وصابره على كل اللي تسويه واللي حتى اقرب الناس لك مب قادرين يتحملونه....جي يا حمد..علموك ترد الاحسان بالاساءه..والله لو اني شرات باقي خلق الله اللي مب مسوين لك سالفه جان من زمان وانت تربع وراي..يعني انا الحين عازتنك وصاينه حبك وكاتمه في قلبي سنين طويله من يوم ما شفتك واخرتها لولا ظروف مادري شو اللي خربت عليك ولا جانك من زمان معرس وعيالك مالين دنياك...من هذي اللي قدرت تسكن قلبك.؟ من هذي اللي كنت ناوي تاخذها وانت مالك بنات خاله ولا خواتي من عمرك..؟لازم اعرف السالفه لازم ادري من اللي عوفتك الناس وانت ما كنت جي..خاطري اعرف يا حمد وان شاء الله بعرف.."<o:p></o:p>
وعقب هالتفكير والتعب..اكثر شي مضيج بها انها في البيت وما عاد تروح الشركه..والاجازه يت في غير وقتها ..الوقت اللي كان ودها تعرف كل شي ابتعدت عن كل المصادر...كانت تبى ترمس تقول لحد بس كيف ما تدري...!!!<o:p></o:p>
ليلى: زين انتي تخبري يمكن الا ذياب اخوج يخور...<o:p></o:p>
حصه: هيه صح!! انتي ما تعرفين شي والله لو شفتي ويه خليفه كيف اعتفس بتصدقين كل شي...<o:p></o:p>
ليلى:خلاص انتي تعرفين هالشي من زمان..<o:p></o:p>
حصه بعصبيه: اعرف انه لعاب هاوي بنات صايع ماله بقعه ييلس فيها..اللي ما اعرفه يا ليلى (وبنبرة ضعف) انه يحب وكان بيعرس..<o:p></o:p>
ليلى: زين ليش ما سألتي بيعرس بمنو وشو اللي منعه؟<o:p></o:p>
حصه: ذياب قال من خايسات دبي..يعني وحده مب من الاهل يعني ممنوع..يعني اهليه منعوه ياخذها وهو كان يبغيها..<o:p></o:p>
ليلى: شدراج يمكن عرست عنه ..<o:p></o:p>
حصه: قال ذياب ما حفلت به وعرست..<o:p></o:p>
ليلى: ماعليج هذا راس الكلام..يعني غازلها ومتعرف عليها ويبغي يعرس بها وما خلوه..<o:p></o:p>
حصه: يعني فكر بالعرس!!!<o:p></o:p>
ليلى: اقولج شي عشان ترتاحين.؟<o:p></o:p>
حصه: قولي..<o:p></o:p>
ليلى: تخبري عبدالله خوج هو اللي بيخبرج بكل شي..محد يعرف حمد كثره..<o:p></o:p>
حصه توها انتبهت: صدقج والله كيف مايا على بالي..؟<o:p></o:p>
ليلى: مب منج من كثر ما حرقتي راسج بالتفكير..<o:p></o:p>
حصه تتنهد: زين يا حمد ولد عمي الحين ان ما عرفت السالفه كلها ولا ما كون حصه..<o:p></o:p>
ليلى: وعقب ما تعرفين شو بتسوين؟<o:p></o:p>
حصه: ولاشي ..حسب اللي اسمعه بتصرف..بس لا تتوقعين اني اكون حصه اللي تعرفينها..<o:p></o:p>
ليلى: الله يستر بس...<o:p></o:p>
حصه: هيه قبل انسى شو مخططات العرس ما حددتوا شي...<o:p></o:p>
ليلى: تقول امي بيزورنا بس مادري خطبه رسميه ولا شو السالفه بس قالت خواته بين هن وامه...<o:p></o:p>
حصه مبتسمه: يا سلام عليج...احسن شي بتنخطبين قبل ناصر يملج عشان يعرف مسود الويه انج مب تحت رحمته..<o:p></o:p>
ليلى من انطرا ناصر وقف شعر ينبها وابتسمت ببلاده..<o:p></o:p>
حصه: خليه يحس انج مب حافلتنه ويندم على كل لحظه تمادى فيها وجرحج..<o:p></o:p>
تضايقت ليلى من كلام حصه: زين حصه بخليج بسير وراي مهمه كبيره...<o:p></o:p>
حصه: على وين؟<o:p></o:p>
ليلى: بسير لوحده تولهت عليها..ماقدر اقاوم احساس قلبي بالوله صوبها..<o:p></o:p>
حصه مستغربه: على وين ان شاء الله ومنو هذي؟<o:p></o:p>
ليلى مبتسمه: فديتها عقب ان نجحت المهمه بقولج..<o:p></o:p>
حصه: والله ما تبندين لين ما اعرف...<o:p></o:p>
ليلى مبتسمه: شوفي ان قدرت اتغلب على كل هالشوق والحب اللي في قلبي ما بسير لها وما بخبرج من هي..وان ما قدرت اقاوم وضعفت ورحت لها بقولج عقب ما رد من عندها..<o:p></o:p>
حصه: عيل والله ما تبندين والله لين ما اعرف..<o:p></o:p>
ليلى تضحك: خيبه تخيبك يالفضووول شو تسوي..ثرك الا مسوي بلاوي في خلق الله..<o:p></o:p>
حصه: لا فضول ولا شي يالله ليلى ارمسي لا اييج البيت الحين..<o:p></o:p>
ليلى تستهبل: حصه باي باي اسمع راشد يزقرني يالله باي اخاف يواجعني..<o:p></o:p>
حصه اللي انقص عليها: اوكي باي بس والله بتصل بعدين..<o:p></o:p>
ليلى تضحك: يالله باي..<o:p></o:p>
وبندت عنها ليلى وشافت شيخه تنبش في واحد من ادراجها تحت....ونشت لها ...<o:p></o:p>
ليلى: شو تهندسين الشيخه؟<o:p></o:p>
شيخه رفعت راسها تطالع ليلى وشكلها مسويه شي: مافي مافي..<o:p></o:p>
ليلى حست ان فيها شي: قولي شو مخبصه اعترفي..<o:p></o:p>
شيخه تضحك ببراءه: ما ثويت والله..<o:p></o:p>
ليلى تضحك وتلوي عليها: انتي شكلج مسويه لج شي من ويهج مبينه..قولي يالله..وتحلفين بعد..<o:p></o:p>
شيخه تنش وتسحب ايد ليلى: امي تعالي بنلوح هناك..<o:p></o:p>
كانت شيخه تحاول تبعد ليلى عن الكبت قد ما تقدر..بس ليلى مب خبله تقص عليها هالياهل..<o:p></o:p>
ليلى يلست عدال كبت شيخه: بشوف ثيابج عادي؟<o:p></o:p>
شيخه بعصبيه: لاء لاء...<o:p></o:p>
ليلى: والخيبه..!!! ليش محرجه هالكثر...؟<o:p></o:p>
شيخه بتصيح: اتي خاثه خاثه...<o:p></o:p>
ليلى حست انها تتعدى على خصوصيات شيخه فقررت انها تحترم رغبتها وما تفتح الكبت..<o:p></o:p>
ليلى نشت: خلاص ما بفتحه والله..<o:p></o:p>
شيخه ا

**عين الدماني** · 05-11-03 ||, 06:16 PM

ليلى نشت: خلاص ما بفتحه والله..<?xml:namespace prefix = o ns = "urn:schemas-microsoft-com:office:office" /><o:p></o:p>
شيخه اللي تمسح دموعها: طفثه..!!!<o:p></o:p>
ليلى ابتسمت وشلتها: فديتج انا..بكون اطفس طفسه في العالم بس ماشوف هالدموع الغاليه...<o:p></o:p>
شيخه: لوحي هناك لوحي...<o:p></o:p>
نزلتها ليلى وسارت تيلس على شبريتها لين ما شيخه تخلص معابل في اللي بين ايديها...وعقبها يوم خلصت سارت لليلى ويلست على ريولها..<o:p></o:p>
شيخه: امي بنلوح عند ددوه..<o:p></o:p>
ليلى: زين يالله قومي..<o:p></o:p>
<span lang=ar-sa dir=rtl style="font-size: 13.5pt; color: black; font-family: 'times new roman'; mso-fareast-font-family: 'times new roman'; mso-ansi-language: en-us; mso-fareast-language: en-us; mso-bidi-language: ar-sa">ونشت ليلى وشلتها وطلعن<span lang=ar-sa style="font-size: 13.5pt; color: black; font-family: 'times new roman'; mso-fareast-font-family: 'times new roman'; mso-ansi-language: en-us; mso-fareast-language: en-us; mso-bidi-language: ar-sa"> بيسيرن عند ام راشد...
..................
في بيت ام احمد الكل كانوا يتجهزون للعرس اللي بدا العد التنازلي عليه...كل شي يتم بهدوء وبتنسيق تام وعلى حساب بو حمدان عرس بنته كامل..طبعا هل احمد قايمين بالواجب ولكن الاغلبيه كانت على ابو سلامه...<o:p></o:p>
ام احمد اللي مستغربه ليش بو راشد يبغي العرس بهالسرعه…ما تدخلت بالموضوع وما حبت تخرب فرحة ولدها وقالت في خاطرها "هي الا فرحه وحده بفرحها ليش اكدر به..بس والله ان السالفه مب بذيج السهوله يوافقون عليه ويبون العرس بسرعه وبعد ما يبون البنت تكمل دراستها..صدق مب مرتاحه لهالسالفه بس الله يعدي كل شي على خير ويسلم ولديه من كل شر ومكروه"<o:p></o:p>
فاطمه: امييه ساعه ارمسج وينج..<o:p></o:p>
ام احمد: هباج الله شليتي فوادي من وين طلعتي انتي..<o:p></o:p>
فاطمه: من وين يا حسرتي الا في هالبيت ومجابل هالطوف…<o:p></o:p>
ام احمد: يسدج شو تبغين تهيتن في الشوارع والمراكز..<o:p></o:p>
فاطمه: حشا الله لا قال هب انا راعية هالسوالف..<o:p></o:p>
ويدخل احمد يغني..<o:p></o:p>
"ارفج بحالي يالضنين...بالروف خذني يا حنون..وسط الحشا عوقي دفين..والحال يشكو زود هون...متصوبن من عوق شين...بالقلب من رمش العيون..يا ويلي الله من سنين العي على روس الفنون...مالي مثيب ولا معين..يثيبني ويقول عون..اقضي الدهر كله حزين...وين الذي بي يرحمون"<o:p></o:p>
ام احمد مبتسمه: بسم الله على عمرك من العوق علني افداك يا احمد..<o:p></o:p>
فاطمه: علني افداك يا احمد..وهالفاطمه مدري من وين لاقطينها...<o:p></o:p>
احمد: يالله يالغيره عافانا الله...<o:p></o:p>
فاطمه: عاد من زينك الواحد يغار منك..<o:p></o:p>
ام احمد: جان الا احمد ما بتلقين فيه الزين..وين بتلقينه ...والله انج تغارين..<o:p></o:p>
فاطمه انقهرت: ماعليه بخليج وياه بشوف من يزقر لي عقب..<o:p></o:p>
احمد يضحك: بتروحين لها وريلج على رقبتج...<o:p></o:p>
ام احمد: ما عليك منها تغار منك يوم ان الحلاه الا من عقبك علني افدا هالويه...<o:p></o:p>
احمد: فديتها فطامي مالنا غنى عنها الا بس نغايضها..<o:p></o:p>
ام احمد: زين وش سويت وشو اخبار العرب..؟<o:p></o:p>
احمد: ماشي كل شي اوكي ترا ماشي بنسويه كل شي على ابوها...<o:p></o:p>
ام احمد تتنهد: زين وانت شو بتسوي..الحين؟ متى بتملج..؟<o:p></o:p>
احمد: ابوها شرط علينا شرط واحد..<o:p></o:p>
فاطمه: شو هو؟<o:p></o:p>
احمد: قال ما يبغيني اشوفها ولا ارمسها لين ليلة العرس...<o:p></o:p>
ام احمد: برايه بنته وهو حر فيها...<o:p></o:p>
فاطمه: عيل اكيد خسفه ما يباك تغير رايك فيها...<o:p></o:p>
احمد حرج: ودج تكون خسفه..الا هاي شيختج...<o:p></o:p>
فاطمه: اسمع انتوا..بعدك ما ضويتها عشان تقول شيختي...<o:p></o:p>
ام احمد ابتسمت: لا والله ماشاء الله عليها البنت جمال ما بعده جمال...ما خلت شي من الحلاه..الحلى يوصل لها ويقول بس...<o:p></o:p>
احمد قلبه يدق بقوه...وفاطمه مبتسمه...<o:p></o:p>
ام احمد: الا متى الملجه..؟<o:p></o:p>
احمد: ليلة العرس نفسها...<o:p></o:p>
فاطمه: ما بقى شي خلاص...الا هن ثلاث اسابيع...<o:p></o:p>
ام احمد: فديتك يا احمد الله يوفقك ان شاء الله..<o:p></o:p>
احمد مبتسم: امين..<o:p></o:p>
ودخل حجرته وخلى امه واخته في الصاله...بيغير وبيطلع عند الشباب...<o:p></o:p>
......................<o:p></o:p>
سلامه كانت في حال ما بعده حال من التعب النفسي والضيج..وحمدان عرف بسالفة الخطبه وما رمس يدري ما بعد راي ابوه راي..وام حمدان كانت معارضه وما تبغي العرس يتم لكن عقب ما عرفت سالفة سلامه من راشد سكتت وما عاد حبت تتدخل بالموضوع...<o:p></o:p>
في المغرب كانت سلامه يالسه في الحجره ما تسوي شي منسدحه على الشبريه صار لها اكثر من ثلاث اسابيع ما شافت عمتها ولا يدتها ولا حتى شيخه...بو حمدان منع البشكاره تطلع لها الاكل فوق..وحذر حمدان يوصل لها أي شي الحجره...يبغيها يوم تبغي شي تروح تخدم نفسها بنفسها...قالها لها بصريح العباره...<o:p></o:p>
راشد: ماباج تطلبين أي شي من البشاكير...تبين شي سيري سويه بروحج..تفهمين؟<o:p></o:p>
سلامه ساكته..<o:p></o:p>
راشد: البشاكير انا يايببنهم لاهل البيت وانتي ماعاد اعدج من اهل البيت لولا الفضيحه ورمسة الناس فريتج لكلاب البقعه تفكني من بلواج..<o:p></o:p>
سلامه ما قدرت ترد عليه ..<o:p></o:p>
راشد: احمدي ربج موفر لج سكنج لو واحد غيري جتلج...الاكل والشرب والغسيل انتي تسوينه...تبين تاكلين قومي طبخي لنفسج تبين تغسلين ملابسج انتي غسليها بروحج...مالج امر على أي خدامه في البيت..<o:p></o:p>
راشد كان قاسي مع سلامه لابعد الحدود..كان شرفه فوق كل شي مب متحمل ابدا اللي صار..وكلما يت على باله أي فكره جهنميه ينفذها في سلامه قد ما يقدر...وخلود ما قدرت تسير لها ما تبى تشوف البنت بعد اللي صار..خلوها صدق تعيش في منفى...كان راشد يبغي سلامه تحس انها طاحت من عيون الكل وماعاد لها قيمه عند أي حد..يبى يحسسها ان اللي سوته مب شويه..وانه مب بالسهوله اللي تتوقعها بينغفر ذنبها...<o:p></o:p>
يووهم بيت مبارك اكثر من اربع مرات من بدت الاجازه ولا مره شافت البنات ولا عمها اللي دوم ينشد عنها ...ما تبغي تطلع تتحرا الكل يعرف عن السالفه..حتى مستغربه كيف حمده وعفرا ما يدقن لها ما تدري ان راشد غير كل ارقام البيت ومنعهم يعطونها لها...بس مع هذا كان حمدان يروف بحالها ودوم يوم يرقدون يسير ييلس وياها رغم ان ابوه منعه لا يكلمها ولا يقرب صوبها...كان كل ما يقدر ويطلع برا ييب لها اكل ويرد بسرعه بدون محد يشوفه يوصله لها...يدري باخته مبزايه ما تعرف تكسر البيضه..كيف بتطبخ لعمرها...<o:p></o:p>
يلست سلامه في الحجره وفجت الدريشه اللي على الشارع وانسدحت على شبريتها...وفكرت في هالمعرس اللي ما تدري من وين انحذف عليها..لدرجة انها شكت ان ابوها اللي خطبه..كيف يا بسرعه وفي هالوقت..معقول كل شي صار بالصدفه...بهالوقت اللي سلامه تفكر فيها طالعت الساعه وشافتها 7:00 المغرب..حست بملل فضيع من متى ما سوت شي يشغل وقتها..الوقت يمر بطئ ماله معنى تتريا كل يوم الساعه 12:00 عشان حمدان يي يلس عندها يسولف لها شو سوى ووين راح..كانت بتقوله شو السبب في كل هالعفسه..بس خافت تخسره شرات ما خسرت الباقين..<o:p></o:p>
عسب جي تمت محتفظه بالسالفه سر عن حمدان..سمعت حد ياي فوق تسمع خطوات تقرب من حجرتها ..يلست وعدلت شعرها اللي طول شوي لين نص ظهرها...محد خلاها من زمان تسير الصالون تمارس هوايتها المفضله في قص شعرها كل ما طال شوي...<o:p></o:p>
سارت صوب الباب بتعرف منو ياي وسمعت حد يضحك ودق قلبها بقوه .."هذا صوت شيخه" بطلت الباب بشوي شوي..وشافت شيخه فوق واقفه عند اول الدري وشكلها تطالع حد يطلع وياها وتضحك...<o:p></o:p>
صكت سلامه الباب ويلست على شبريتها...ودق باب الحجره وبلعت ريجها...هذي يمكن المره فوق البليار من يوم سمعت حس شيخه وهي تدعي ان عمتها ما تكون ويا شيخه وان حمدان اللي ياي...مالها ويه تجابلها...<o:p></o:p>
انفتح الباب ولفت سلامه بسرعه وشافت عمتها واقفه عند الباب يوم انحطت عيون ليلى في عيون سلامه ما قدرت ليلى انها ما تبتسم...<o:p></o:p>
سلامه بلعت ريجها ببطء وغصبا عنها دمعت...ونزلت راسها...<o:p></o:p>
ليلى مبتسمه: طاع الويه...صدق انج ما تستحين..عمتج يايه تشوفج ما تنشين تسلمين عليها...<o:p></o:p>
سلامه قلبها كان يدق بقوه يتنافض يتمرد على ضلوعها...ونشت بتسلم على ليلى..شيخه دخلت تتعبث في دباديب سلامه بالحجره..هذي فرصتها سلامه مشغوله بليلى وهي هذا احلى وقت للتنبيش والتخريب..<o:p></o:p>
قربت ليلى من سلامه..بس ما وصلتها الا وكل وحده لوت على الثانيه من خاطرها...وصاحت سلامه صياح بحياتها كلها ما صاحته...وليلى كانت مبتسمه ودمعت...صدق من قلبها ولهت على سلامه ما تقدر تنكر احساس قلبها..ما هانت عليها البنت تتم في عزله..وهي بتعرس..ما تباها تطلع من البيت اللي ربت فيه شاله اخر ذكرياتها اسوأها...ليلى مهما كان اصيله ما تهون عليها العشره..ويلست ويا سلامه على الشبريه..وكانت سلامه طايحه على ريول ليلى..وليلى بتدلعها بعد يالسه تلعب في شعرها..<o:p></o:p>
سلامه: تكرهيني صح...؟<o:p></o:p>
ليلى: وايد فوق ما تتصورين مب طايقه اسمع سيرتج..<o:p></o:p>
سلامه: ليش يتي لي زين..؟<o:p></o:p>
ليلى: ولهت عليج..<o:p></o:p>
رفعت سلامه راسها بتشوف من اللي يالس يتعبث في الاغراض وشافت شيخه خابصه الحجره فوق تحت..<o:p></o:p>
سلامه: ايه انتي شو تسوين...؟<o:p></o:p>
شيخه لها ويه ترادد بعد: مالنا مالنا..<o:p></o:p>
ليلى تضحك: خليها مالها..<o:p></o:p>
سلامه: من وين مالها هذي كلها اغراضي...<o:p></o:p>
ليلى: بتعرسين وما بتشلين وياج شي منهن..ليكون بتمزرين حجرة ريلج دباديب...؟<o:p></o:p>
سلامه استحت: انتي عرفتي السالفه..؟<o:p></o:p>
ليلى: قبل تعرفينها انتي...<o:p></o:p>
سلامه: ماريد اعرس..<o:p></o:p>
ليلى: ولا انا ...بس يالله نصيبنا ما بنرده...<o:p></o:p>
وخبرت ليلى سلامه انها بعد انخطبت وبتعرس وياها....<o:p></o:p>
سلامه: يعني ما بيتم في البيت بنات غير شواخي...؟<o:p></o:p>
ليلى: لا شيخه بتروح وياي..<o:p></o:p>
سمعت شيخه طاري المرواح ويت تربع صوب ليلى..<o:p></o:p>
شيخه: امي وين بنلوح.؟<o:p></o:p>
ليلى: لا اله الا الله..الهياته تمشي في دم هالبنت...<o:p></o:p>
شيخه تير ثوب ليلى: وين بنلوح..<o:p></o:p>
ليلى: استريحي ما بنروح مكان...بنرقد اليوم هني..<o:p></o:p>
شيخه: انا ماليد هنا ماليد..<o:p></o:p>
سلامه: وين تبين ترقدين؟<o:p></o:p>
شيخه: في بيتنا..هناك عند امي و......<o:p></o:p>
سكتت شيخه للمره المليون تحاول تتذكر اسم سيف بس ما تقدر....<o:p></o:p>
ليلى: و من؟<o:p></o:p>
سلامه: يدووه..<o:p></o:p>
شيخه : مث ددوه مث ددوه..بنلوح عند...(وقربت من ليلى وهي مستحيه) امي من اثمه هذاك اللي هناك.؟<o:p></o:p>
ليلى تذكرت: سيف..<o:p></o:p>
شيخه بفرحه: بابا ثيف..<o:p></o:p>
سلامه: عمتي يالله ردي بيتكم...<o:p></o:p>
ليلى مستغربه: ليش؟<o:p></o:p>
سلامه:ابوي لو شافج بيذبحني..قال لي ما افتح باب الحجره لحد..<o:p></o:p>
نشت ليلى وهي مبتسمه: اوكي يالله بنسير شواخي..<o:p></o:p>
وتحرت سلامه انها زعلت عمتها: عمتي لا تزعلين..<o:p></o:p>
ليلى: لا مب زعلانه..انا بنزل ارمس راشد في موضوع..<o:p></o:p>
سلامه : عن شو؟<o:p></o:p>
ليلى وهي تشل شيخه: بعدين بقولج...<o:p></o:p>
وطلعت ليلى عن سلامه ونزلت تحت بترمس راشد في موضوع هي يايه اصلا عشانه..سلامه حطت في بالها ان ليلى اكيد بتحاول ويا راشد يلغي سالفة العرس..بس ظنها شكله بيخيب...سارت ليلى الحديقه وين راشد يالس...وقبل يوصلون عنده...<o:p></o:p>
شيخه: امي ما نلوح عن وحث..<o:p></o:p>
ليلى: عيب هذا عمج مب وحش..بخبره..<o:p></o:p>
شيخه: خلاث امي ماتقولين..<o:p></o:p>
ليلى: انزين..<o:p></o:p>
وقربت من راشد وسلمت عليه ويلست وياه...كان راشد صدق مبين من شكله ان هموم الدنيا على راسه..ومضيع نفسه وايد..<o:p></o:p>
ليلى: شو بلاك يا راشد.؟<o:p></o:p>
راشد: ماشي بس شوية ضغط في الشغل...<o:p></o:p>
ليلى: خذلك اجازه وريح شوي...<o:p></o:p>
راشد: ماقدر لازم اخلص كل شي هالفتره...<o:p></o:p>
ليلى: الله يعينك..<o:p></o:p>
راشد: الا ما قلتي لي مب ناويه تنزلين السوق تتشرين ولا تسيرين دبي..<o:p></o:p>
ابتسمت ليلى: والله ودي بس عرس سلامي قبل يعني هي الاولى اما انا بعده في علم الغيب..يمكن السنه اليايه..<o:p></o:p>
راشد من انطرت سلامه اعتفس ويهه: ما تستاهل غير نعال في ويهها...انا حالف ما تسير دبي..<o:p></o:p>
ليلى حست بتوتر راشد: زين راشد ابغي منك شي..؟<o:p></o:p>
راشد: تامرين امر ..شي قاصر عليج؟<o:p></o:p>
ليلى: لاء مب جي..ابى شي ثاني..كبير شوي..<o:p></o:p>
راشد: مثل شو؟<o:p></o:p>
ليلى: راشد الله يخليك الله يخليك..خلني اشل سلامه عندي البيت لين العرس ارجوك..<o:p></o:p>
راشد مستغرب من ترجي ليلى له: ليش كل هاه؟ ليش مصره جي؟<o:p></o:p>
ليلى: ارجوك راشد صدقني ما بنساها لك ارجوك..
راشد يطالعها بنظره متساءله: ليش يعني؟<o:p></o:p>
ليلى وعيونها منترسه دموع: ارجوك راشد..<o:p></o:p>
راشد: فهميني ليش الاصرار؟<o:p></o:p>
ليلى: البنت بتعرس يا راشد خلها تاخذ اخر ذكرياتها في بيت اهلها اطيبها...لا تخلي البنت تسير وهي كارهه تردلنا..<o:p></o:p>
راشد: ان شاء الله ما ترد..<o:p></o:p>
ليلى: راشد فديتك اخوي..اسمعني..خلني اشلها وياي البيت وانزلها السوق واوديها دبي تتسوق للعرس..هذي بنتك الوحيده بعد ما تهون عليك رغم كل اللي صار..<o:p></o:p>
راشد: امبلى يا ليلى والله تهون..كانت بتنزل راسي الارض..<o:p></o:p>
ليلى: هكوه قلتها..كانت..وكانت شي كان ممكن يصير ولكنه ما صار..ارجوك راشد عشاني..<o:p></o:p>
راشد: ماروم اردج في شي يا ليلى والله ماروم..<o:p></o:p>
<strong

**عين الدماني** · 05-11-03 ||, 06:19 PM

راشد: ماروم اردج في شي يا ليلى والله ماروم..<?xml:namespace prefix = o ns = "urn:schemas-microsoft-com:office:office" /><o:p></o:p>
لاول مره حست ليلى بحنان راشد يتدفق من صوته يغطيها..كانت كلمه طيبه منه تكفي بلد من الحنان والابوه رغم القسوه الظاهره عليه..تعرف انه مهما قسى بنته ما تهون عليه..يكفي انه بيقوم بعرسها كامل ومصاريف كل شي عليه ولا بيخلي احمد يدفع فلس احمر...غير اللي ما ينذكر ولا ينطرا..<o:p></o:p>
راشد: خلاص خذيها ويا ليت ..صدق يا ليت تحسسيها بفداحة اللي سوت..<o:p></o:p>
ليلى نشت وحبت اخوها على راسه: فديتك انا..<o:p></o:p>
ابتسم راشد ابتسامه ابويه صادقه يبادلها اخته: الله يوفقكن قولي امين...<o:p></o:p>
ليلى مبتسمه: امين..<o:p></o:p>
كانت شيخه متلصقه في ريول ليلى عشان ما تشوف راشد تتحراه بعد ما يشوفها..وشلها عنها وهي تمت تصيح ما تبغيه..وحبها وردها لها..<o:p></o:p>
راشد: ماشاء الله بتعرسين وبنتج وياج قبل العرس..<o:p></o:p>
ليلى مبتسمه: لازم بعد..ابتلشنا..<o:p></o:p>
راشد يتطنز: خلاص اوديها عند خالها وترتاحين لين العرس..<o:p></o:p>
شهقت ليلى: لا لاء خلاص ما ابتلشنا..<o:p></o:p>
راشد: خلاص سيري لسلامه وخذيها وياج...انا واثق من قدرتج..<o:p></o:p>
ابتسمت ليلى من قلبها: ان شاء الله ما خيب ظنك فيه...<o:p></o:p>
وسارت ليلى عند سلامة ولمن اغراضها وشدت رحالها من بيت ابوها سايره بيت يدتها لين العرس اللي ما بقى عليه شي...
..........................<o:p></o:p>
<o:p> </o:p>
في بيت بو راشد كانوا كلهم جاهزين والحين بيطلعون وكانت سلامه مخلصه كل شي من لبسها لين الميك اب اللي خلاها تطلع عذاب..وين عندها بنات عمها وسلمن عليها ويا امهن وسبقنهم الخيمه ويوم يت ليلى بتنزلها من علىالدري اللي فوق شافت خلود طالعه ووصلت قبلهن..<o:p></o:p>
خلود: رديها شوي الحجره برمس وياها...<o:p></o:p>
سلامه استغربت..وليلى ما حبت تتدخل هي وعايشه وتمن واقفات عند الدري وليلى ماسكه ايد شيخه اللي غاديه ملكه بفستانها اللي يجنن..وسلامه دخلت حجرة ليلى ويا امها...<o:p></o:p>
تمت سلامه واقفه وخلود صكت الباب...<o:p></o:p>
خلود وفي عيونها دموع: الله الله بنفسج يا بنتي ماوصيج على عمرج..<o:p></o:p>
سلامه بلعت ريجها عشان ما تصيح وحاول تتماسك قد ما تقدر..<o:p></o:p>
خلود: مادري انتي ليش سويتي اللي سويتيه ولو اني ابد بحياتي ماشكيت فيج..يمكن اني ما كنت قريبه منج وايد..لكن ما حطيت ببالي انج ممكن تخونين ثقة اهلج فيج.<o:p></o:p>
حست سلامه بالدم يغلي في عروقها وما نطقت...<o:p></o:p>
خلود: مب وقت حساب ولا عقاب...ما وصيج على ريلج وكوني حرمه سنعه اللي يباه ريلج سويه ولا تعصينه ابد..لا تتحرينه بو حمدان تقدرين تزعلين وتردين لاهلج متى ما بغيتي..ومب أي كلمه يقولها لج تصيحين منها..تحملي وخلج راعية بيت وواجب..<o:p></o:p>
كانت خلود ترمس ودموعها تنزل على ويهها وسلامه ماقدرت تتحمل وصاحت وخربت ويهها بالدموع...<o:p></o:p>
خلود تبتسم: انتي الحين بتخلينا بس عاد ما وصيج في اهلج زورينا ولا يشغلج ريلج عنا..ولو قصر عليج شي ترانا موجودين..<o:p></o:p>
سلامه وهي تصيح: الحين انا خليتكم ولا انتوا اللي خليتوني..؟ هاه ردي علي...انتي عمرج ما كنتي امي عمرج..عمرج كله ما فكرتي فيني ولا تعبتي نفسج تسألين عني شرات باقي الناس...<o:p></o:p>
ليلى برا سمعت صراخ سلامه وعرفت انها تصيح: لحوول هذي شو ناويه تسوي تبى تفضحنا جدام الناس...عويش نزلي ردي راعية الصالون المكياج اكيد اعتفس..<o:p></o:p>
ودخلت ليلى الحجره وخلود طلعت منها وهي تدمع وسلامه يوم شافت عمتها لوت عليها وتمت تصيح بحضنها بفستان العرس...<o:p></o:p>
ليلى: يا سلامي شو سويتي الله يهديج..!!!<o:p></o:p>
سلامه تصيح من قلبها ومب طايعه تسكت..<o:p></o:p>
ليلى: خلي عواطفج حق بعدين مب وقته هالصياح...حشا غاديه وحش والله..<o:p></o:p>
شيخه تضحك: وحث اتي وحث.!!<o:p></o:p>
سلامه ابتسمت من رمسة شيخه وردت لهن فوق الحرمه وعدلت اللي اخترب من مكياج سلامه..وعقبها نزلن كلهن السياره توصلهن الخيمه..<o:p></o:p>
وفي السياره..<o:p></o:p>
شيخه: امي اليد..<o:p></o:p>
ليلى: شو تبين انتي بعد..<o:p></o:p>
عايشه: يمكن تبغي تعرس..<o:p></o:p>
سلامه ضحكت..<o:p></o:p>
شيخه: امي اليد فتان مثل ثلامه..<o:p></o:p>
ليلى: قصورج بعد تعرسين انتي الثانيه..<o:p></o:p>
عايشه: قلت لج تبى تعرس ما صدقتي البنت مب هينه..<o:p></o:p>
شيخه معصبه على عايشه: اتي مالث خث..<o:p></o:p>
عايشه: عشتوا مالي خص..والله انج مسودة ويه..<o:p></o:p>
سلامه: ابويه ماطاع يسلم علي صح؟<o:p></o:p>
ليلى تذكرت موقفها العصر وياه وكيف حاولت يدخل يرمس بنته ويسلم عليها بس هو حالف ما يسلم عليها ولا يشوفها غير يوم بيدخلون المعرس عليها هذا ان فكر يسلم عليها...<o:p></o:p>
ليلى: ما يا البيت مشغول بالخيمه برا...<o:p></o:p>
سلامه: مب عذر..<o:p></o:p>
شيخه: امي اليد..<o:p></o:p>
ليلى: شيخه سكتي..<o:p></o:p>
شيخه: بنلوح عند احمد..؟<o:p></o:p>
ابتسمت سلامه..<o:p></o:p>
عايشه: ايوه عشتوا..والله وطلعت لج عديله من اول ليله..<o:p></o:p>
سلامه: برايها اصلا انا مب طايقتنه في عيشة الله اللي تباه تاخذه..<o:p></o:p>
ليلى: بنشوف بعدين..<o:p></o:p>
عايشه: تحملي تقولين له هالرمسه يضويج بيت ابوج من ساعة ما يسمعها..<o:p></o:p>
سلامه: فكه من ويهه..<o:p></o:p>
ليلى: ليش شفتي ويهه..؟<o:p></o:p>
سلامه: لاء بس اكيد خسف مثل بنت اخته..<o:p></o:p>
ليلى تكفخ سلامه على كتفها بمزح: مالت عليج ..جان شيخه خسفه وين الحلى وين الزين..اصلا شواخي فديتها شيخة المزايين كلهن..<o:p></o:p>
شيخه مبتسمه: انا حلوه..<o:p></o:p>
عايشه: وايد !!! مسببه مجاعه للبلاد..<o:p></o:p>
شيخه تتحرطم مع انها مب فاهمه ولا شي..<o:p></o:p>
ليلى تلوي على شيخه وتقطعها بوس: يعلهن فداج كل البنات يا شيخه قولي امين..<o:p></o:p>
شيخه مبتسمه وتحب امها على ويهها: امين..<o:p></o:p>
عايشه: اسمع انتوا ونه امين..مالت عليج يا شيخه الدبه...<o:p></o:p>
وتيود عايشه ايد شيخه وتعضها ..<o:p></o:p>
شيخه صاحت بدلع:امي خيثتني..خيثتني..<o:p></o:p>
عايشه تتحرش في شيخه: روحج خايسه وع فستانج مب حلو..(وتغايضها) فستان سلامي احلى كبير وعود وابيض انتي مب حلو مالج..<o:p></o:p>
شيخه تير ليلى وتمسك ويهها: امي ثوفيها..<o:p></o:p>
ليلى: يا عايشه سكتي عن البنت وين مجابله هالياهل..<o:p></o:p>
عايشه تضحك: كيفي ابى اتحرش في حد..<o:p></o:p>
سلامه: وصلنا..بطني يعورني وايد..<o:p></o:p>
نزلت عايشه عشان تفتح الباب لسلامه من الجهه الثانيه وتساعدها ترفع فستانها عن الارض... اول ما نزلت عايشه لفت ليلى صوب سلامه وتنهدت ما حست بعمرها الا لاويه عليها وتصيح والثانيه تمت تصيح وياها...<o:p></o:p>
ليلى تصيح ما قدرت ترمس..<o:p></o:p>
سلامه تصيح: عمتي...!!!<o:p></o:p>
انفتح باب السياره...<o:p></o:p>
عايشه: وابوي انا شو تسون انتن؟ غربل الله ابليسج يا ليلووه صيحتي البنت الحين بتغدي وحش على قولة هالدرام شيخووه..<o:p></o:p>
شيخه: اتي دلام..<o:p></o:p>
عايشه تضحك: مبين...يالله انزلن..<o:p></o:p>
شيخه تتعلق في رقبة ليلى: امي وين نلوح..<o:p></o:p>
ليلى تمسح دموعها وتشل شيخه: يالله ننزل..<o:p></o:p>
<o:p> </o:p>

**عين الدماني** · 05-11-03 ||, 06:21 PM

ونزلن كلهن ووقفت شوي سلامه قبل تدخل وعدلتها عايشه وعقب عقن على ويهها الطرحه ودخلنها الخيمه...<?xml:namespace prefix = o ns = "urn:schemas-microsoft-com:office:office" /><o:p></o:p>
كانت ليلى اللي مختاره لها فستانها وكان جاهز ما مداهن يفصلن شي...كان الفستان جنان وكل شي في سلامه كان روعه..اصلا هي سلامه بنفسها حلوه من غير شي عاد يوم تعدلت غدت اميره ولا كل الاميرات..اللي يشوف ليلى وياها ما يصدق انها عمتها..صح ليلى ملامحها هاديه وحلوه بس مب شرات جمال سلامه..صدق كلهم تخبلوا عليها يوم دخلوها..ويلست مكانها والحفل بدا..<o:p></o:p>
طلعن لها حمده وعفرا ويلسن عندها هن وبعض بنات المدرسه اللي فجعهن خبر عرسها بس لبّن الدعوه وين على طول وين يفوتن عرس نجمة الجماهير ومحطة اعجاب بنات المدرسه كلها قبل اولادها..<o:p></o:p>
عفرا مبتسمه: مبروك سلامه...<o:p></o:p>
سلامه مستحيه: الله يبارك فيج..<o:p></o:p>
حمده: يا ربيييه متى بيي دوري...؟<o:p></o:p>
ضحكن عليها...<o:p></o:p>
سلامه: لا تستعيلين وايد من زينه العرس الحين؟<o:p></o:p>
حمده: بعدتي ما كملتي ثواني من استويتي عروس شله تتحرطمين...؟<o:p></o:p>
غيداء: يعني ما بنشوفج السنه اليايه؟<o:p></o:p>
منيره: ماظن لازم تروح جمعية النهضه ويا الحريم...<o:p></o:p>
سلامه ساكته..<o:p></o:p>
عفرا: زين سلامي من وين ماخذه فستانج ؟؟ والله روعه..
سلامه: عمتي ماخذتنه لي..<o:p></o:p>
وتمن يسولفن وليلى مشغوله ويا حصه شافتها وخلاص وين تخليها..وحصه موتها وحياتها تعض شيخه وتتحرش فيها..<o:p></o:p>
شيخه: ماليدث لوحي بيتكم...<o:p></o:p>
حصه: كيفج هو...<o:p></o:p>
ليلى: بسج منها والله بتتصفعين..حصوه حلي عن سماي..<o:p></o:p>
حصه: تروغيني عشان هالدرام المسطح مالها ويه ولا قفا..<o:p></o:p>
ليلى تضحك: حصوه جب عن هالرمسه يعلج تفدينها قولي امين..<o:p></o:p>
شيخه: امين..<o:p></o:p>
حصه سوت عمرها زعلانه من شيخه: خلاص انا بروح عند ابوي ماريدج روحي..<o:p></o:p>
شيخه بثقه: انا بعد بلوح عند ابوي..<o:p></o:p>
انتفض قلب حصه يوم سمعت هالرمسه..وطالعت ليلى اللي كانت تسلم على اروى وامها...<o:p></o:p>
حصه ترمس شيخه: وين ابوج؟<o:p></o:p>
شيخه: ثافر هناك بعيييد..<o:p></o:p>
حصه وقلبها يدق بقوه اكثر: وين راح؟<o:p></o:p>
شيخه: عند الله..!!!!<o:p></o:p>
ولفت شيخه تتقبض في ليلى ماتبى حصه ترمسها...حصه اللي انترسن عيونها دموع من هالصغيره بس ماعرفت شو تقول غير ان الله يعينها..<o:p></o:p>
ليلى تطالع حصه: هي حصوه تعالي نسير نسلم على ام احمد حليلها..<o:p></o:p>
حصه: وينها؟<o:p></o:p>
ليلى: هناك بسير لها فضيحه حرمه ماتروم تمشي..<o:p></o:p>
حصه: وحليلها..<o:p></o:p>
وسارن يسلمن عليها وعلى فاطمه اللي كانت واقفه ويا امها...<o:p></o:p>
شيخه يوم شافت ام احمد: امي امي انا لحت بيتهم..!!!<o:p></o:p>
ضحكت فاطمه وانقبض قلبها بنفس الوقت..البنت بعدها مصره ان هذي امها...<o:p></o:p>
شيخه: امي ثوفي..<o:p></o:p>
ليلى مبتسمه: ادري هذي اسمها يدوه..<o:p></o:p>
شيخه: مث ددوه مث ددوه..<o:p></o:p>
حصه تكفخ شيخه على راسها: كيفج هو..؟ هذي يدتج يا راعية المذهب..<o:p></o:p>
شيخه بعصبيه: اتي مالث خث..<o:p></o:p>
حصه:البنت ليش معلقه على الجمله من يوم دخلنا مالج خص ومالج خص...<o:p></o:p>
ليلى مندمجه بالسوالف ويا ام احمد...وعقبها سارن عند سلامه وحمده وعفرا...عفرا من شافت شيخه بغت تتخبل وشلتها غصب وقطعتها تقطيع وتمت تحبها وتلاعبها..شيخه ما تقبلت الموضوع بس بعدين استانست وليلى قالت بتسير تسلم على خوات حصه وخلت شيخه عند عفرا..<o:p></o:p>
سلامه: شو تبين بها هالدبه...؟<o:p></o:p>
عفرا: فديتها والله بحياتي ما شفتها ما توقعت جي حلوه...<o:p></o:p>
سلامه: مب حلوه ..<o:p></o:p>
حمده: يالله يالغيره...بنت منو هذي؟<o:p></o:p>
سلامه: عمي سيف الله يرحمه..<o:p></o:p>
عفرا شهقت: هيه والله تونا نرمس عنهم اليوم انا وحمده...<o:p></o:p>
شيخه بتصيح: اليد امي..<o:p></o:p>
سلامه: يالله ودوها حق امها شدها الحنين ما تروم تصبر...<o:p></o:p>
عفرا: منو امها..؟<o:p></o:p>
سلامه: سالفه طويله انتي بس شليها حق عمتي ليلى..<o:p></o:p>
عفرا شاله شيخه: منو امج؟<o:p></o:p>
شيخه ماده بوزها شبرين وخلاص شوي وتتخرطف فيه: امي ليلى..<o:p></o:p>
عفرا: اها اوكي..<o:p></o:p>
وودتها عند ليلى..وسارت مره ثانيه فوق عند سلامه لين ما اتصل حمدان بليلى وخبرها ان المعرس بيدخل عسب تقول للحريم يعقن على ويووهن غشاهن...ودخل احمد ويا راشد ومبارك وحمدان...وحمده وعفرا نزلن بسرعه وتغشن ولبسن عبيهن ويلسن عند اهلهن...ودخل مبارك وسلم على بنت اخوه وحمدان نفس الشي سلم عليها..ونزلوا وتم راشد ويا احمد...<o:p></o:p>
راشد ما كان يبغي احمد يحس بشي وسلم على سلامه اللي من شافته صاحت صياح الموت وقطعت له قلبه بس كابر وسوا عمره عادي ولا نطق ولا قال لها كلمه...بس حبها على راسها وسار عنها...وقرب منها ريلها ورفع طرحتها وحس قلبه بيوقف...قالوله جميله وشاف جمالها بس ما توقع هالكثر...حبها على راسها ..<o:p></o:p>
احمد مبتسم: الف مبروك..!!!<o:p></o:p>
سلامه اللي ما رفعت راسها ما تكلمت...<o:p></o:p>
احمد: شحالج سلامه..<o:p></o:p>
سلامه بخجل: الله يسلمك..<o:p></o:p>
عقبها تم شوي وتصور وياها وويا اخته فاطمه وطلعوا شيخه وياهم وتصوروا عقبها طلع حمد وطلعت ليلى عندها فوق وعدلتها شوي ولبستها وقايه وعباه ونزلتها بعد ما خلص وقت العرس والمعازيم بدت تروح وسلمن عليها امها وخوات حصه ويداتها ام راشد وام خليفه وحريم خوالها وحمده وعفرا وبنات عمها مبارك وعايشه وليلى عقب تمت تصيح ما طاعت تسكت وشيخه متعلقه فيها ما خلتها في حالها..<o:p></o:p>
روحت سلامه ويا ريلها بيت ام احمد على طول لا فندق ولا طياره تترياهم...ابوها متعمد ما حب يسفرها ولا حب يعيشها في رفاهيه كان يبغيها تتعود على عيشة قوم ام احمد الضيجه اللي ما تسر...يبيها غصب تغدي حرمه...ويعلمها ان الكبر عمره ما يسوي شي ولازم تنزل نفسها لكل الطبقات في حياتها وتعرف انها مب احسن عن الكل بشي ابد...عقب ما وصلوا بيت ام احمد نزلت سلامه وتجدمها احمد وسلمت عليها ام احمد وفاطمه اللي وصلن قبلها..<o:p></o:p>
ام احمد بحنان: يا مرحبا الساع مليون مرحبا مرحبا وسهلا نورتي البيت...<o:p></o:p>
فاطمه مبتسمه..وسلامه ساكته ما تعرف شو تقول...ودخل احمد وسلم على امه وحبها على راسها ودخلن حجرهن وهو دخل حرمته حجرتهم..وطلع شوي عنها لين ما تبدل ثيابها وتشل الفستان عنها..ويوم حس انها خلصت دخل وشاف فستانها مرمي على الشبريه وهي يالسه على طرف الشبريه تصيح...ومنزله راسها..عوره قلبه عليها بس تجدملها ويلس عندها..زاغت شوي بس طمنها..<o:p></o:p>
احمد: ليش تصيحين؟<o:p></o:p>
سلامه ماردت..<o:p></o:p>
احمد: ضايجه ولا خايفه؟<o:p></o:p>
سلامه: ماشي..<o:p></o:p>
احمد قلبه يدق بسرعه سمع صوتها ونطقت على الاقل..حاول انه يحسسها بالراحه ويفهمها شي من اللي في قلبه بس الوقت مب مناسب والبنت ضايجه كيف يتعامل معاها...<o:p></o:p>
احمد: ماباج ابد تحسين عمرج غريبه من بينا..ولاباج تفكرين لحظه انج مب من اهل البيت..تراني بجدمج على الكل..واذا حد ضايقج قولي لي مع انه مستحيل حد يضايقج هني...<o:p></o:p>
سلامه منزله راسها ودموعها يطيحن..<o:p></o:p>
احمد:انا كلي لج تامرين امر في هالبيت...امي بتكون امج ولو انه مستحيل تعوضج شي من حنان ومكانة امج بس بتحاول باللي بتقدر عليه...وفاطمه اعتبريها اختج ولو انج متعوده تكونين بدون خوات...<o:p></o:p>
حست سلامه بالراحه الكبيره لكلام احمد اللي ينقط عسل..<o:p></o:p>
احمد: مابغي شي منج ولا ابغي ايهدج في البيت بس في اشياء بخبرج عنها مع الايام مب لازم نرمس فيها الحين عشانج عروس..كل اللي ابغيه منج تصونيني في بيتي في حضوري وغيابي..بس..<o:p></o:p>
سلامه ما نطقت بس رفعت ايدها تمسح دموعها واخترب جحالها شوي ويا على طرف خدها..لاحظ احمد انها تتصرف بعفويه وبطفوله وعوره قلبه عليها ما كان يفكر ياخذها الحين..على اقل تقدير يوم تخلص ثانويه عامه يملج عليها..بس نصيبها واللي صار صار..<o:p></o:p>
نش احمد وسار ييب كلينكس وحاول يساعدها يمسحه عن ويهها..<o:p></o:p>
ابتسم احمد: ماعرف سوالفكم هذي اسميها عذاب..<o:p></o:p>
سلامه كانت مستسلمه لاحمد ومب قادره تسوي شي ولا تتحرك وهو يالس يمسحه عن ويهها..<o:p></o:p>
ابتسم احمد: خلصت بييب لج منظره شوفي..<o:p></o:p>
نش وياب لها منظره وشافت عمرها وانصدمت: شو سويت!!!!!<o:p></o:p>
خاف احمد: شو سويت؟!!<o:p></o:p>
سلامه ثواني وتنفجر ضحك: شوهت ويهي مب جي خبصت الدنيا..<o:p></o:p>
استانس احمد انه قدر يخليها ترمس وتغير مود الكآبه: زين كيف بتشلينه الحين..انا اخاف بصراحه..<o:p></o:p>
سلامه: من شو؟<o:p></o:p>
احمد مبتسم: اخاف ترقدين وانتي جي يعني يمكن يأثر على بشرتج..!!<o:p></o:p>
سلامه استحت:اها [b]<span lang=ar-sa style="font-siz

**عين الدماني** · 05-11-03 ||, 06:28 PM

<div align=center>سلامه: من شو؟
</div>
<div align=center>احمد مبتسم: اخاف ترقدين وانتي جي يعني يمكن يأثر على بشرتج..!!
</div>
<div align=center>سلامه استحت:اها اوكي..
</div>
<div align=center>احمد: يالله نشي عشان ترقدين من متى وانتي اكيد ناشه..
</div>
<div align=center>سلامه: ان شاء الله..
</div>
<div align=center>راحت سلامه تغسل ويهها واحمد غير ثيابه ويلس على الشبريه..بهرته هالكتكوته دخلت خاطره صدق يحبها..ومبين انها ما بتكون مثل ما تصور..بس كيف بيقدر يفاتحها عن حياته وبيته وظروفه كيف بيقدر يخبرها انها طلعت من القصر للكوخ ومن العز لبساط الفقر..كيف يقدر بس كيف..!!!
</div>
<div align=center>.......................
نهاية الحلقة الثالثة و العشرين
أتنى انكم تستمتعون بها
و إن شاءالله إذا نزل جزء يديد و رمت أدش النت بحطلكم اياه

تحياتي
عين الدماني</div>