*+*+*+سحــــــــابة صيــف+*+*+*

**بن دبي** · 09-09-03 ||, 10:49 AM

ابصراحة القصة وايد حلوه بس لو تكملينا ابسرعة .. نتريا التكملة

**بن دبي** · 08-09-03 ||, 05:41 PM

مراااحب مشكوووره الغاليه ع التكمله ..
بس عاد لا تبطييين علينا بالباجي ..

والسمووحه ... <img src="http://oasis.bindubai.com/emoticons/smile.gif" border=0>

**بنت الحكومة** · 19-12-03 ||, 04:42 PM

السلام عليكم

هذه الجزء اليديد من القصة 

 
<div align=center>الحلقه السابعه والعشرون
</div>
<div align=center>في بيت بو خليفه العصر...كانت سلمى يالسه في الصاله راضيه بالوضع اللي صار لها وعن قناعه تامه..خلاص انتهى بالنسبه لها كل شي وخسرت كل شي رغم انها مظلومه..بس وين تروم ترفع صوتها في زمن تعيش فيه المطلقه حياه من عصر حجري..يرتفع عليها صوت الريال..وما تروم تتكلم او تنفس او تطالب باقل حق من حقوقها...هي ما طلبت المستحيل ولا طلبت المساواه ولا رفعت صوتها في المحاكم تتريا تكسب قضيه..كل اللي تتمناه اهل تشد فيهم الظهر...هي تعرف ابوها زين ما زين تدري به طيب وحنون بس اللي ما تقدر تتخيله هو تمسكه العنيف بعاداته وتقاليده انحيازه العنيف لصفوف الرجال مهما قسوا وظلموا وسجلوا للمرأه نقاط سودا واضافوا الصفحات البيضاء لسجلاتهم الحافله بالعنف والقهر للبعض ومب الكل طبعا...
</div>
<div align=center>سلمى ماسكه موبايلها تتريا ربيعتها تطرش لها مسج تخبرها اذا تعرف حد في الوزاره بيخلص لها اوراقها ويحولها تربية بوظبي عقب ما بتترك التدريس في دبي..يوم انها انتقلت تعيش ويا اهلها..وهي تعابل مسجاتها حدر خليفه...
</div>
<div align=center>خليفه: السلام عليكم..
</div>
<div align=center>سلمى تحط تلفونها حذالها: وعليكم السلام..
</div>
<div align=center>خليفه: وين الناس؟
</div>
<div align=center>سلمى: كل حد بحجرته..ونوره روحت بيتها...
</div>
<div align=center>خليفه: حصه وين وسمر وين؟
</div>
<div align=center>سلمى: حصه بتنزل الحين بتسير السوق..وسمر مادريبها...
</div>
<div align=center>خليفه يلس في الصاله: وين امي؟
</div>
<div align=center>سلمى: سارت بيت خالتي غاليه..من زمان ما سيرت عليها...
</div>
<div align=center>وان حصه نازله..كانت ضايجه من الموقف السخيف اللي حطها فيه حمد اليوم واكثر متضايجه من موقف ليلى...لدرجة انهن في طريق الرده ولا وحده فيهن نطقت بحرف ولا تكلمن ابد..وشكلها عين وصابتهن على كثر ماهن ويا بعض...
</div>
<div align=center>خليفه: على وين العزم ان شاء الله؟
</div>
<div align=center>حصه من دون نفس: محل اثاث..وخبرت ابوي..اذا عندك اعتراض اجله لبعدين..
</div>
<div align=center>خليفه ما عيبه اسلوبها: تكلمي عدل ..
</div>
<div align=center>حصه بقوه: زين يوم انك ما تبى تسمع رمستي ليش ترمسني..
</div>
<div align=center>سلمى تأشر لها انها تسكت ولا تستفزه...
</div>
<div align=center>حصه بتطلع: يالله سلمى نشي..
</div>
<div align=center>سلمى تعض على شفايفها انها لا ترمس ما تبى خليفه يدري انها طالعه..
</div>
<div align=center>خليفه لف على سلمى: وين انتي الثانيه؟
</div>
<div align=center>سلمى: تباني اسير وياها بنختار لها اثاث لحجرتها..
</div>
<div align=center>وهني سمعوا صوت حد ياي على الدري وانها سمر واقفه...
</div>
<div align=center>خليفه بنظره حاده: استريحي ما عندنا مطلقات يسرحن ويمرحن على كيفهن...هذاك اول في بيت ريلج تتصرفين شرات ما تبين ..الحين نحن مب ناقصين كلام الناس..والباب اللي تييك منه الريح سده واستريح..نحن في غنى عن الذم..
</div>
<div align=center>سلمى بلعت الاهانه..اما حصه ما سكتت..
</div>
<div align=center>حصه: ومن متى كلام الناس يعني لنا شي؟ ومن متى حد سلم منهم..خليفه مع احترامي لك هذا تفكير رجعي...
</div>
<div align=center>خليفه نش صدق ما تحمل رمسة حصه: حصـه!!!
</div>
<div align=center>حصه بصوت يذكره بالمستقبل: خليفه انت اخوي وانا احبك..ومحد في هالدنيا يهمني كثرك تدري انك سندي واكثر حد افتخر فيه..انا ماباك تاخذ السالفه على اساس انها ريال وحرمه وتعدم عواطفك..خليفه مب انا اللي اعلمك هالرمسه وانت ادرى مني..لا تظلم اختك وتلاقي باجر اللي يي ويظلم بناتك...انت ما تدري بالاقدار...يهون عليك ان عفرا تنضرب من ريلها ولا يظلمها نفس الظلم اللي انظلمته اختك.؟ ماظني يرضيك ولا ظني عفرا تهون عليك..ولا سلمى حتى...اصلا انت معصب ولا نحن ندري ان محد يحبنا كثرك وان محد يعزنا كثر ما انته تعزنا وتهمك مصلحتنا..صح ولا انا غلطانه اخوي حبيبي؟
</div>
<div align=center>بهت خليفه وهو يفكر في عفرا لو صار لها مثل هالموقف شو ممكن يسوي..هو ابو وبناته اغلى ما عنده..وابوه لو اشتط وعصب لانه يحمل نقاوة الماضي وعفويته وقسوته...كلام حصه وايد منطقي وخلاه يستحي من نفسه..اما سلمى حست بعبره خانقتنها وطلعت فوق...وهو تم واقف مكانه..
</div>
<div align=center>خليفه يطالع حصه وعقبها طلع برا...ولفت حصه بتروح المحلات بس مع من وهي تدري ان سلمى خلاص مستحيل تروح وياها وشكلها ضاجت وعورها قلبها..فما شافت الا سمر بس لا يمكن تكلمها..وتدري انها بتموت لو قالت لها تعالي من الوناسه لو راحت وياها بس ما بتقول لها عناد..
</div>
<div align=center>سمر بعفويه: تبين حد يسير وياج..انا بروح...
</div>
<div align=center>حصه مبتسمه: اوكي يالله من الصبح اتلفت ابى حد يسير وياي ..
</div>
<div align=center>سمر: بتوديني الجمعيه...؟
</div>
<div align=center>حصه بنقمه: بدينا بالتشرط.؟
</div>
<div align=center>سمر تضحك: خلاص بروح اغير وبييج الحين..
</div>
<div align=center>يلست حصه على الكنب: اوكي بسرعه...
</div>
<div align=center>وشوي وان سمر نازله ورغم اللي في حصه من حزن وضيج وعصبيه على اللي صار اليوم الظهر في الشركه بس تغيرت ملامحها من يوم طلعت السوق..على الاقل غيرت جو وقدرت تنفس عن عمرها شوي وتنسى ضغوط العمل..وفي الدرب..
</div>
<div align=center>سمر: ليش جي يعاملون سلمى والله تغمضني؟
</div>
<div align=center>حصه: مادري تخبريهم..
</div>
<div align=center>سمر: اووه عاد لا تطنشين تراني ماحب جي..من متى ما رمسنا..
</div>
<div align=center>حصه: شو تبيني اسوي لج يعني؟
</div>
<div align=center>سمر: سولفي قولي أي شي..
</div>
<div align=center>حصه: تراج تسولفين كيف اقاطع رمستج..ارمسي وانا اسمع..
</div>
<div align=center>سمر تبتسم: اوكي بقول نكته..
</div>
<div align=center>حصه تطالعها بطرف عينها: ترانا ابطينا من خبالج ..قولي نكته..
</div>
<div align=center>سمر: اممم صبري بفكر من زمان محد دق لي وخبرني نكته كل ربعي مسافرات الا انا..كله بسبب عفرا..
</div>
<div align=center>حصه: مب بسببها نحن اصلا ما نبغي نسافر هالسنه...
</div>
<div align=center>سمر: انزين النكته يت...
</div>
<div align=center>حصه: قولي...
</div>
<div align=center>سمر: في واحد محشش طلع الفير الساعه اربع بيت ييرانهم ودق الباب عليهم وبطلوا له الباب...قالهم عندكم ثلج..قالوا هيه قال حتى نحن عندنا...
</div>
<div align=center>حصه تضحك: حلّوه..
</div>
<div align=center>سمر: اعيدها؟
</div>
<div align=center>حصه بطرف عينها: لا كثر الله خيرج ما نبى ازعاج...
وتمت سمر طول الدرب محتشره ويا حصه ونست اللي صار من بينهن ياهل ما تنلام ما تروم تشل بخاطرها اكثر من اللي شلت تعرف عمرها ما تصبر عن ختها مهما سوت فيها..بس بالرغم من كل هاه حصه ردت لكآبتها وما قدرت تسيطر على نفسها تحس بتعاسه فضيعه وتشوف الزمن والناس ضدها وكل شي يعاكسها ولا هنت لها عيشه مع كل اللي يصير حواليها..
</div>
<div align=center>........................
</div>
<div align=center>ليل كانت في حجرتها ويا شيخه تسبحها وتغير ثيابها عقب ما نشت من الرقاد قبل صلاة المغرب بشوي....كانت ليلى تحس بشي غريب ما تعرف شو هو بس احساسها كان بضيج من تصرف حصه اليوم واللي صار وياها في الدوام واللي اكثر مضيج عليها ان العرس ما بقى عليه غير ساعات هالليله...وهي تلبس شيخه كانت تغني ..وشيخه مستانسه وياها...
</div>
<div align=center>شيخه: امي انا بغني..
</div>
<div align=center>ليلى: لا بس دخيلج خلينا نرتاح شوي..
</div>
<div align=center>شيخه بعصبيه: خليني خليني.. وقبل تنطق ليلى كان باب الحجره يدق...
</div>
<div align=center>ليلى: منو؟
</div>
<div align=center>بس محد رمس..
</div>
<div align=center>ليلى: من يالله عاد بلا غلاسه مب فاجه لين ما ترمسون؟ هزاعي ولا فهد او مطر الاهبل..
</div>
<div align=center>بس محد رمس...
</div>
<div align=center>ونشت ليلى بتبطل الباب وما حست بقلبها الا ينتفض من الفرح وبكل حب ووناسه في الدنيا لوت على سلامه من خاطرها...
</div>
<div align=center>ليلى تلوي عليها بقوه: حياتي...!!!!
</div>
<div align=center>سلامه وهي متمسكه فيها اكثر: والله وحشتيني موت فديتج..
</div>
<div align=center>ليلى تسلم عليها: شو هالمفاجأه اللي تجنن...!!!!
</div>
<div align=center>سلامه تبتسم وتطالع براسها داخل الحجره: اوه شواخي البقره هني..اشوف حد استفرد بمكاني.؟
</div>
<div align=center>شيخه ابتسمت وبطلت عيونها على الاخر: ثلامه..!!!
</div>
<div align=center>وربعت صوبها عشان تشلها..
</div>
<div align=center>سلامه تنزل لها تحت وتحبها: ولهت عليج يالدبه وعلى مغايضج..والله..بس مابروم اشلج اخاف ارد لريلي مكسره..
</div>
<div align=center>ليلى تضحك وشيخه مستانسه..
</div>
<div align=center>ليلى متشققه من الفرح: تيننين بالبرقع والله..
</div>
<div align=center>سلامه ونها مستحيه: فديتني من يوم يومي هب بس اليوم...
</div>
<div align=center>ليلىتتمصخر: شكلج عيوز من الخاطر..
</div>
<div align=center>سلامه:يالله يالغيره شو تسوي ثرها مب سهله..
</div>
<div align=center>كانت ليلى بتتشقق ان سلامه يتهم اخيرا..وسحبتها من ايدها ونزلتها تحت ويا شيخه..وفي الصاله محد كان موجود..
</div>
<div align=center>ليلى: وين ريلج؟
</div>
<div align=center>سلامه: سار عند ربعه..
</div>
<div align=center>ليلى: زين ما شفتي حد.؟
</div>
<div align=center>سلامه: لا والله اول ما ييت سيده على حجرتج...
</div>
<div align=center>ليلى مبتسمه: فديتج انا..
</div>
<div align=center>وفي هاللحظه جرس البيت كان يدق وصوت وايد حاد علىالانترفون..وحد يضغط عليه ومبين انه يلعب..
</div>
<div align=center>ليلى: شرملى سيري شوفي من اللي على الباب..
</div>
<div align=center>وسارت ليلى ويلست حذال سلامه اللي كانت يالسه قريب من يدتها وعايشه..اللي حدرن عليهن ويلسن يسلمن ويسولفن وياها..
</div>
<div align=center>عايشه: يالله عاد عقي البرقع نبغي نشوفج..
</div>
<div align=center>ام راشد: لا خليها يا زينها فيه...
</div>
<div align=center>سلامه: اللي يسمع الحين ما تشوفين شي...؟
</div>
<div align=center>عايشه: بس على الطبيعه احلى...
</div>
<div align=center>ليلى تيلس: خلوها لحد يضيج بها (وتلوي عليها) هذي حبيبتي..
</div>
<div align=center>وشلت سلامه البرقع عن ويهها...
</div>
<div align=center>ام راشد: سرتي عند اهلج؟
</div>
<div align=center>سلامه: بعدني للحين قلت اسلم عليج انتي وياهم وبعدين اروح بيتنا...
</div>
<div align=center>ليلى : بتباتين عندي اليوم مب في بيتكم...
</div>
<div align=center>سلامه: لا فديتج بروح بعد شوي البيت ريلي ما يباني ابات...
</div>
<div align=center>ام راشد استانست من خاطرها يعني سلامه مرتاحه في بيت ريلها...
</div>
<div align=center>دخلت شرملى: ماما ليلى..
</div>
<div align=center>ليلى: نعم!!!
</div>
<div align=center>شرملى: في ريال برا يقول يريدج..
</div>
<div align=center>ليلى: والعثره!!! انا متأكده..؟
</div>
<div align=center>شرملى: ايوه يقول وين ماما ليلى.؟
</div>
<div align=center>عايشه: منو هذا؟
</div>
<div align=center>ام راشد: منو يبغيج؟
</div>
<div align=center>ليلى: شدراني...شرملى ما قلتي له منو؟
</div>
<div align=center>شرملى وهي تسير صوب المطبخ: يقول اسمه فهد..يجي هني قبل يومين..
</div>
<div align=center>هني تيبس الكل بما فيهم عايشه عدا ام راشد اللي شافت الموضوع عادي وليلى حست بشعور غريب للحظه حست الدم يتيمع في ويهها وما قدرت تتحرك من مكانها..
</div>
<div align=center>ام راشد: قربي الريال غربل الله بليسكن..
</div>
<div align=center>سلامه: وين تقربه..خلي حمدان يظهر له..
</div>
<div align=center>ام راشد: حمدان للحين برا ما رد..
</div>
<div align=center>ولبست ليلى وقايتها وعايشه ابتسمت"ياي اخيرا بشوفه الاهبل"
</div>
<div align=center>وطلعت ليلى عشان تقربه يدخل الصاله....وسلامه ردت تلبس برقعها...بس ليلى دخلته الميلس اللي برا...وعايشه سارت تييب عيالها ولبست وقايتها وسارت ورا ليلى الميلس...
.
.
</div>
<div align=center>للحين وهم يالسين في ميلس الضيوف ويا فهد اللي انصعق يوم شاف عايشه..صح ما كان يستهبل بس حس باحساس مثل اللي غارق في بحر الضياع..عايشه كانت عادي تستهبل لدرجة ان ليلى استغربت منها وعيالها وياها مسوين شله استهبال وشيخه كملت عليهم اما سلامه ما طاعت تدخل لان ريلها قالها لا تظهر على حد ابد مهما كانت صلة قرابته بها غير ابوها وحمدان وعمها مبارك..حتى عمر ولد عمها قالها لا تقابله الا اذا حطت البرقع على ويهها...يلست سلامه في الصاله بروحها وعقب يتها ام راشد تيلس وياها لين ما يردن البنات من عند ولد عمتهن..
</div>
<div align=center>وفي الميلس اللي خاري..
</div>
<div align=center>فهد يضحك: انت الحين ويا راسك اسمك فهد!!!؟
</div>
<div align=center>فهد الصغير: هيه عندك مانع؟
</div>
<div align=center>بطي: لا سعيد..
</div>
<div align=center>فهد يطالعه بنظره: وانت الثاني من سألك حد طلب رايك؟
</div>
<div align=center>هزاع: والله تهزأوا كلهم..!!!
</div>
<div align=center>عايشه: فهد بس عاد عن الحركات لا تشب الضو من بين عيالي...
</div>
<div align=center>ليلى تضحك ومستانسه على الاخر: لا لا خليه...
</div>
<div align=center>شيخه: خليه خليه..
</div>
<div align=center>طالع فهد شيخه: وانتي الثانيه تخليني على شو؟ انتي فاهمه انا شو يالس اقول؟
</div>
<div align=center>شيخه تضحك: شششش
</div>
<div align=center>نقع فهد ضحك: تسكتيني؟
</div>
<div align=center>ليلى مفتشله: لا والله هي ما تقول ششش يعني اسكت..بس جي علقت على الحرف وتعيده كل يوم..
</div>
<div align=center>فهد:اها تحريت بعد..
</div>
<div align=center>عايشه: يالله ما بتنش تصلي...قامت الصلاه من شوي..يالله يا عيال نشوا المسيد ويا خالكم..
</div>
<div align=center>وطلعوا اليهال يتوضون وعايشه وليلى طلعن وفهد جدامهن...عايشه نزلت وراه وليلى حذالها..وهو تجدمهن شوي..
</div>
<div align=center>فهد: انا بسير خلاص سلموا على راشد وحمدان كان خاطري ايلس وياكم بس تعرفون الليله سبيشل في البيت والكل مربوش..ان شاء الله نشوفكم باجر في الخيمه..
</div>
<div align=center>عايشه: بتحدر الخيمه..
</div>
<div align=center>فهد يضحك: وانتي شعليج؟
</div>
<div align=center>عايشه: مالت عليك بس اتخبر شو تتحراني بموت عليك..
</div>
<div align=center>فهد يتمصخر: لا انا اللي ماصبر عنج..
</div>
<div align=center>ليلى كانت ساكته ردها فهد للتفكير في باجر وهي تجاهد عشان تتناساه وتعيش يومها ليومها..
</div>
<div align=center>وسارن البنات عنه بس هو كان يبغي شي وما قدر انه يسير قبل يقوله وحتى ما يقدر يقوله جدام حد..هو راعي العنيه يبا يقولها بنفسه..لف لورا وشاف البنات بيدخلن الصاله وزقر بصوت عالي..
</div>
<div align=center>فهد: ليلى!!!
</div>
<div align=center>ليلى لفت له: نعم!!
</div>
<div align=center>عايشه: سيري شوفي شو يبغي يمكن بيقولج شي عن ناصر..
</div>
<div align=center>ليلى: بس اسكتي الله يخليج..
</div>
<div align=center>ونزلت ليلى وسارت له وهو كان واقف في نص الحوش..
</div>
<div align=center>فهد: ليلى ابغي ارمسج بموضوع..
</div>
<div align=center>ليلى مستغربه: وليش ما رمست من الصبح...؟
</div>
<div align=center>فهد متردد: شفتي يهال وعايشه اختج وما قدرت ارمس..
</div>
<div align=center>ليلى مرتبكه: خير ان شاء الله في شي..؟ لا تخوفني وتطلع تستهبل والله بحرج عليك...
</div>
<div align=center>فهد: والله ما استهبل ليلى انا فكرت وايد بالموضوع..وبصراحه قلت قبل ارمس أي حد حبيت تكونين اول وحده تعرف هالشي..سبحان الله ما صار شي يكون الموضوع بيني وبينج ومحد بيدري به..
</div>
<div align=center>ليلى صدق مستغربه: لا تخوفني ارمس ..
</div>
<div align=center>فهد: اول شي اوعديني ما يطلع الكلام من بينا..وثاني شي حلفي تفكرين على اقل من مهلج ولا تستعيلين..وغير كل هاه حلفي لو صار شي سلبي ما تتغيرين ابد...
</div>
<div align=center>ليلى ما تدري ليش انقبض قلبها: اسفه ماقدر اوعدك..شعرفني شعنه بترمس؟
</div>
<div align=center>فهد: عيل ماروم اقولج لين ما حصل وعد مسبق..
</div>
<div align=center>ليلى: شدراني يا فهد عن شو بتكلمني..كيف اوعدك ؟ معقوله لو كان الشي يخص احساسي اوعدك فيه..بتخبرني منو يروم يتحكم باحساسه؟
</div>
<div align=center>فهد انصدم: وانتي شعرفج انه ممكن يكون عن الاحساس؟
</div>
<div align=center>ليلى: انا ما قلت انه عنه بس قلته لك على شكل مثال...
</div>
<div align=center>فهد: خلاص يا ليلى...تعرفين ان ناصر بيعرس...وادري بشعورج واعرف كل شي تحسين به من يوم عرفتي لين ما تحدد كل شي...ماظني بقالج امل في الموضوع..صح؟
</div>
<div align=center>ليلى انقهرت منه: ليش تقول جي...؟
</div>
<div align=center>فهد: لا تتضايجين..انا اقولج شي واقعي...
</div>
<div align=center>تنهدت ليلى وسيطرت على اعصابها: انزين كمل...
</div>
<div align=center>فهد: شوفي باجر بيكون شي غلط تفكرين بناصر وشي غلط (وسكت وطالعها بس رد يكمل) تحبينه...بيكون كل شي غلط لانها بتكون موجوده وما بيحق لج تشاركينها شي ملكها صح ولا انا غلطان..
</div>
<div align=center>جرحها فهد في احساسها وادماه...الدم تحس به وما تحس..ويهها صار احمر من الضيج وعيونها جدامه غرقت بدموعها ما تدري ليش فهد يتعمد يجرحها هو طيب ليش يسوي جي..؟
</div>
<div align=center>فهد: ادري اني اجرحج برمستي بس شو دراج انها ما تكون يقظه لج..شدراج انها ما تصحيج وانتي غارقه باحلامج؟
</div>
<div align=center>ليلى مركزه في عيونه: مادري شو سويت بك عشان تتعمد تجرحني وتسم قلبي بالكلام!!!
</div>
<div align=center>فهد ندم: والله مب قصدي..بس حبيت انبهج لانج بنت خالي وعشت فتره وياج وما تهونين علي ومعزتج من معزة نفسي لنفسي..وكبرياءج و أي جرح يجرحه يعتبر جرح في كبريائي انا...
</div>
<div align=center>ليلى بنبره عاتبه: عيل ليش جي تقول..؟
</div>
<div align=center>فهد بحنيه: ترا قلت لج انبهج...!!!
</div>
<div align=center>ليلى: فهد اذا شي بخاطرك اجله لبعدين..صدقني نفسيتي ما تتحمل زود..ارجوك بعدين تعال والله احس بصداع فضيع..
</div>
<div align=center>فهد بخيبة امل يتنهد: خلاص يوم ثاني ان شاء الله..
</div>
<div align=center>ليلى: اسفه والله بس ما بروم اخذ واعطي وياك وانا بالحاله اسمحلي..بس غصبا عني..
</div>
<div align=center>فهد يبتسم: لا عادي بنت خالي ان شاء الله يوم ثاني..
</div>
<div align=center>ليلى: الله الله بالسواقه..
</div>
<div align=center>فهد يسير عنها: لا توصين حريص..
</div>
<div align=center>وردت ليلى صوب البيت..
</div>
<div align=center>فهد: ليلى!!!
</div>
<div align=center>لفت ليلى: نعم!!!
</div>
<div align=center>فهد: بتيين باجر..؟
</div>
<div align=center>ليلى بنظره كلها تعب حزن والم وجروح: مادري الله يعلم لين باجر شو يصير...
</div>
<div align=center>فهد يبتسم: انصحج تيين..!!! انتي الكسبانه..صدقيني..
</div>
<div align=center>ليلى: على خير ان شاء الله بفكر وبتشوفني لو ييت..
</div>
<div align=center>فهد مبتسم وطلع عنها وركب موتره وهي دخلت البيت وشافت سلامه يالسه في الصاله بروحها..
</div>
<div align=center>ليلى: انتي للحين ما سلمتي على امج؟
</div>
<div align=center>سلامه بدلع: لاء..
</div>
<div align=center>ليلى: يا ثقالتج!! يالله نشي بنروح بيت راشد...
</div>
<div align=center>سلامه بتردد: يكون احسن بعدين..
</div>
<div align=center>ليلى: ريلج بيي الحين يالله نشي..
</div>
<div align=center>سلامه: منو هناك؟
</div>
<div align=center>ليلى: امج بس..
</div>
<div align=center>سلامه اللي ارتاحت ان ابوها مب هناك: اوكي عمتي انا بسير بروحي ...
</div>
<div align=center>ليلى ابتسمت: على راحتج...
</div>
<div align=center>ونشت سلامه وطلعت بتسير بيت ابوها...وليلى طلعت فوق بتصلي...ليلى اللي صدق لو قلت انها صارت بقايا انسانه بكون قصرت بحقها..اللي ياما تحملت وصبرت وعاشت وقاست المر عشان ناصر وردت ورفضت وعاندت الكل واخر شي برخيص يبيع المحبه..والادهى من كل شي انها تقول له انها نست وبتعيش وياه شرات ما تعيش ويا راشد ومبارك..!!! معقوله انهت كل شي ..؟ لا لا ما اظن حب العمر ينتهي بلمح البصر...
</div>
<div align=center>بطلت باب الحجره وهي واقفه عند الباب شافت مقبره جماعيه الكتب تحت والعاب شيخه فوق الشبريه وتحتها وكبتها ملعوز وثيابها نصها برا والغرفه غاديه مزبله..
</div>
<div align=center>نقلت نظرها في كل مكان تشوف اذا حد في الحجره ممكن يسوي جي بس ما لقت أي حد..وعلى طول سمعت الحشره في حجرة عايشه وسارت بكل عصبيه ونفسيتها التعبانه من الصبح وبطلت باب الحجره وشافت عايشه تصلي وبطي وهزاع يلعبون بلاي استيشن وشيخه وفهد الصغير يالسين يقطعون مجلات يايبينها من حجرة ليلى ويشخبطون على اليدار بألوان شيخه الخشبيه...
</div>
<div align=center>ليلى بزعيج: شيخه!!!
</div>
<div align=center>شيخه ابتسمت بخوف: مث انا مث انا..!!
</div>
<div align=center>ليلى صدق محرجه من الخاطر ودخلت ومسكتها من ايدها ورفعتها عسب توقف: نشي يالله اشوف جدامي..!!!
</div>
<div align=center>شيخه عصبت: مالث خث مالث خث..
</div>
<div align=center>ليلى تيرها بعنف: امشي جدامي ولا كلمه...
</div>
<div align=center>فهد والباقين زاغوا وعايشه كانت تصلي فما قدرت تتصرف...ودخلت ليلى وشيخه الحجره وهي راصه على ايدها بقو وشكلها عورتها..
</div>
<div align=center>ليلى بضيج: ممكن اعرف منو بسوي بالحجره جي؟ ممكن اعرف؟
</div>
<div align=center>شيخه صخت..
</div>
<div align=center>ليلى: انكري قولي مب انتي...يالله ارمسي منو..
</div>
<div align=center>شيخه: امي .....
</div>
<div align=center>ليلى تدزها لداخل: ادخلي يالله اشوف ردي كل شي مكانه والله يا شيخه بتنضربين وانا صبرت عليج وايد..
</div>
<div align=center>شيخه بتصيح: ماليد..
</div>
<div align=center>ليلى بعصبيه اكثر: شيخه مب كيفج يالله تعلمي الشي اللي تخربينه انتي تعدلينه وتردينه مكانه...تفهمين..!!
</div>
<div align=center>شيخه صاحت..
</div>
<div align=center>ليلى بضيج: اقولج اسكتي راسي يعورني مب ناقصه ويع راس زود (وتصارخ) اص ولا كلمه..
</div>
<div align=center>سكتت شيخه وهي تشوف عمتها شابه لاول مره ضو وضربتها ..صدق دزتها من على جتفها بقوه صوب الحجره ويوم بتصيح ضربتها على كتفها بقوه..وشيخه ما قدرت تستوعب شي..وقبل تنفجر صياح كانت تجمع ثيابها اللي عفست بهن الحجره وتدخلهن الكبت بشكل مب مرتب بس من الخوف لا تسوي بها ليلى شي..
</div>
<div align=center>ليلى بجديه: اليوم بتتعلمين كيف تكونين صدق انثى يوم حد يقولج انتي بنت تعرفين شو يعني ان انتي بنت...
</div>
<div align=center>شيخه ما ردت وكانت ماده بوزها شبرين للارض ما توقعت ليلى تتصرف معاها جي..
</div>
<div align=center>وليلى اصلا من الصبح محتره وضايجه ومحد في وويهها غير شيخه وكانت اول وحده تحصل وتجمع غضب ليلى...
</div>
<div align=center>عقب ما خلصت شيخه ترتيب العابها وثيابها فجت الباب بتطلع..
</div>
<div align=center>ليلى اللي يالسه على الشبريه: على وين؟
</div>
<div align=center>شيخه ماده بوزها: عند يدووه..
</div>
<div align=center>ليلى: مع السلامه ذلفي وصكي الباب..بس لا تييني في الليل تصيحين ماباج..
</div>
<div align=center>شيخه صاحت وهي تفتح الباب: انا بعد ماليدث..
</div>
<div align=center>ليلى تغايضها: فكه وانا بعد..
</div>
<div align=center>وطلعت شيخه مقهوره وليلى فيها اللي يكفيها فطنشتها عشان ترتاح..
.....................
</div>

**القلب المحتاس** · 07-10-03 ||, 02:21 PM

نتريااااااااااااا التكمله اختي عين الدمااااني وانشالله تحطينها باسرع وقت الغاليه ..!!!

ااختكم *قلووووووبه*<img src="http://oasis.bindubai.com/emoticons/blush.gif" border=0><img src="http://oasis.bindubai.com/emoticons/cool.gif" border=0>

**راع7ي** · 07-10-03 ||, 01:57 PM

<img src="http://oasis.bindubai.com/ubbc/smileys/0051.gif" align=absmiddle border=0>مشكورة الاخت وماتقصرين على التكملة
وما تبطين علينا بتكملة
        &n bsp;      
       &nbsp ; الله حيا

**أكسجين** · 07-10-03 ||, 12:42 PM

مشكوره أختي عين الدماني ..
واسمحي لي على تقصيري في الرد ..

ويلا شدي حيلج .. وحطي لنا الباجي ..

والسموووووووووووحه ..

أختك في الله ..
<img src="http://oasis.bindubai.com/emoticons/inlove.gif" border="0" valign="absmiddle" alt=':ilo:'> عــــفــــاري <img src="http://oasis.bindubai.com/emoticons/inlove.gif" border="0" valign="absmiddle" alt=':ilo:'>

**بن دبي** · 07-10-03 ||, 02:00 AM

تسلميين يا حيااتي ما تقصرين...<?xml:namespace prefix = o ns = "urn:schemas-microsoft-com:office:office" /><o:p></o:p>ننتظر الباقي ..لا تعذبينا اكثر بلييز..

**عين الدماني** · 06-10-03 ||, 11:39 PM

سلامـــــــــــــي عليكم
شحالكم..؟ عساكم مرتاحين..
آسفه على التأخير بس كان عنجي شويت ظروف منعتني من إني أدش النت..
و أشكركم كلكم عالمتابعه و الإنتظار و يبتلكم ويايه الحلقه السابعه عشر..
------------------------


الحلقه السابعه عشر<?xml:namespace prefix = o ns = "urn:schemas-microsoft-com:office:office" /><o:p></o:p>
عقب ما شغلت الليتات وعدلت المنظر اللي على الطاوله.. كانت تحس بعمرها مرتبكه وقلبها يدق بقوه...ما قدرت تيلس بس كل اللي كان يهمها انها تخلص السالفه ويا ابوها وتطلع..<o:p></o:p>
وشوي ووصل بو خليفه اللي دخل يتسند بعصاه ويثبت عمره على الارض ويلس على الطرف وهي يلست وياه...<o:p></o:p>
بو خليفه وهو يسند عصاه على الطوفه:تدرين بشو برمسج؟<o:p></o:p>
سلمى: هيه ابويه..<o:p></o:p>
بو خليفه بحزم: انا رمست ريلج وهو وايد شال بخاطره منج..<o:p></o:p>
سلمى مبطله عيونها: من شو؟ ابويه هو اللي غلطان هب انا...<o:p></o:p>
بو خليفه: بشو غلط عليج.؟ هو ريلج وله الحق عليج في كل شي...انتي غلطتي ومن حقه يسوي اللي يبغيه..<o:p></o:p>
سلمى بقهر: ابويه حرام عليك ضاربني وماخذ معاشي وفوق كل هذا معاملته الشينه وتقول ظلمته..؟<o:p></o:p>
بو خليفه: شوفي يا بنتي سالفة الضرب بنرمس فيها ولكن سالفة البيزات انا مالي حق اتدخل بينج وبين ريلج ودام انج رضيتي كل هالسنين تحملي ماياج...والسالفه مب بذيك الخطوره ومن يعز عليج شي نحن موجودين جدامج...ومعاشج انتي وريلج متفقين ومب عشان هالخلاف تفلشين ريلج وترمسين فيه..<o:p></o:p>
سلمى وقلبها محترق كيف ابوها فاهم الموضوع: ابويه حرام والله حرام...انت ما تعرف حامد كيف...ابويه ترا...<o:p></o:p>
بو خليفه: شو ؟<o:p></o:p>
سلمى: ابويه حامد والله يتعبث بالفلوس على كيفه ومحد يدري عنه..وفوق كل هذا تلومني ليش اشتكيت منه مره في العمر..<o:p></o:p>
بو خليفه: ريلج تفهمين شو يعني ريلج..وهذا ريال يحق له اللي ما يحق لج...يعني تمشين على طوعه ..يقولج يمين تقولين حاضر يقول شمال تسيرين شمال...يصفعج على يمينج تعطينه الخد الثاني...<o:p></o:p>
سلمى تدمع بقهر: ابويه...<o:p></o:p>
بو خليفه ينش: تطلعين حجرتج وتسيرين تزهبين ثيابج باجر ريلج بيي عقب الظهر يشلج وياه..<o:p></o:p>
سلمى تصيح: ابويه ما توقعت جي تسويبي...؟<o:p></o:p>
بو خليفه وهو يمشي صوب الباب: انتي مدرسه ومتعلمه ما قريتي في كتاب الله" الرِجال ُ قَوّامونَ على النِساء"..ما تعرفين هالايه؟<o:p></o:p>
سلمى وهي تكمل ورا ابوها: "بما ملكت ايمانهم" ليش ما تكملونها...؟ ابويه القوامه مب بالضرب والعنف القوامه بالمشوره والانفاق..<o:p></o:p>
وطلع بو خليفه وودرها في الميلس وكان مثل اغلب او اكثر الرياييل اللي مبدأهم الريال مع الريال ضد الحرمه لو انها صح...
...................<o:p></o:p>
من اصبح الصبح وشيخه ناشه ما خلت حد يرقد..وتلعب في شي وتخرب شي..وسلامه تسكتها عشان عمتها لا تنش...وشيخه تعاند اكثر...<o:p></o:p>
وبما ان سلامه وحمدان رقدوا في بيت يدتهم فأكيد انها بتنش من فير الله تسوي لهم ريوق كل شي ولا عيال راشد حبايب القلب....وفي غرفة ليلى ما نشت بس سلامه وشيخه ناشات...سلامه تدرس شوي وشيخه مأذتنها...<o:p></o:p>
سلامه بهمس: اصصص ماما تعبانه حرام عليج..<o:p></o:p>
شيخه بعناد: اتي ليث تنامين عندنا...<o:p></o:p>
سلامه بضيج: خلاص بسير بيتنا بس اسكتي..<o:p></o:p>
شيخه: لوحي ما نليدث هذا بيتنا..<o:p></o:p>
سلامه رافعه حاجب: عشتوا..بيتكم؟ والله اعرفه قبل لا تشرفينا يا حضرة جناب الدبه...<o:p></o:p>
شيخه مطلعه لسانها: اتي دبه..<o:p></o:p>
سلامه بإحتقار: جب جب..ودج حتى لو بس بصوره تشبهني ولا جسم شراتي..لو انا شراتج اكيد ما بظهر على حد..<o:p></o:p>
شيخه مب فاهمه شي وعلى هالحشره نشت ليلى.وتلومت سلامه فيها بس بعد شو...<o:p></o:p>
ليلى: سلامي ليش ما سرتي المدرسه؟<o:p></o:p>
سلامه: بعده وقت الدريول بيوصلنا بعدين الامتحان مب الحين...<o:p></o:p>
ليلى تطالع شيخه: وانتي ليش ناشه الحين ناقصه صدعه انا؟<o:p></o:p>
شيخه: امي ثوفيها؟<o:p></o:p>
ليلى: منو هي؟<o:p></o:p>
شيخه تأشر على سلامه: هذي..<o:p></o:p>
سلامه: قولي سلامه..شو هذي بعد بشكارتكم انا..<o:p></o:p>
ليلى تضحك: شو سوت بج بعد..؟<o:p></o:p>
شيخه تيلس في حضن ليلى: مالي..<o:p></o:p>
ليلى: عدال اللي يسمع الحين محد بقى ما نافسج على حضني..ناطه هني تقولين صافين طوابير يسابقونج..<o:p></o:p>
سلامه بغت تموت من الضحك على رمسة ليلى وشيخه تطالعها وضحكت مع انها مب فاهمه شي...ونشت ليلى ويلست ويا سلامه شوي وعقب طلعت ونزلت تحت وشمت ريحه من زمان ما شمتها وعرفت ان امها مليون بالميه في المطبخ...وسارت لها وسلمت عليها..طبعا ام راشد ما رمست ولا تدري شو السالفه بس الاكيد انها بتفاتحها في الموضوع عقب ما ترد من الدوام...<o:p></o:p>
وشوي ونزل حمدان ووراه سلامه اللي كانت شاله شيخه وياها...ويلسوا يتريقون في الصاله ويا يدتهم وعمتهم...وعقبها نزلت ام راشد الزراعه برا وتمت سلامه تدرس هي وحمدان في الصاله ويا ليلى لين ما ياهم الدريول وروحوا وياه...<o:p></o:p>
.
.
تمت ليلى يالسه في الصاله تفكر في موضوع امس..وحست بطعنه كبيره وخيانه فضيعه...فكرت كيف ممكن تتعايش ويا هالانسان مره ثانيه..وكيف ممكن تتقبل وجوده...؟ والاصعب كيف بتواجه نظرات اخوها وامها وحصه واللي يعرفون ان ناصر يعشق ترابها...كيف ممكن تتقبل وكرامتها سحاب وهامات شامخه ما يوصلها أي انسان...؟ كيف ممكن تتحمل...وبلحظه حست فيها بالضعف قررت انها ما تسير الدوام اليوم وخله يصير اللي بيصير...<o:p></o:p>
دقت لحصه بس محد رد عليها..وردت تدق مره ثانيه بس بعد محد يشله...وتلومت في نفسها كيف ما نشدت عنها طول هالوقت وهي تدري انها مريضه...بس بعد يوم فكرت ليلى يوم تخبر حصه باللي صار بتعذرها...ما تدري انها تعرف من قبلها...<o:p></o:p>
تمت تدق بس ما يردون اخر شي قررت تدق على البيت تدري بهم ناشين هالحزه...ودقت...<o:p></o:p>
ليلى: السلام عليكم..<o:p></o:p>
سمر: وعليكم السلام هلا ليلوه...<o:p></o:p>
ليلى: ليش مستعيله وتنافخين شي وراج؟<o:p></o:p>
سمر: الدريول برا بتأخر اليوم اخر يوم خلني اروح..تبين حصه؟<o:p></o:p>
ليلى مبتسمه: اذا مافي مانع...<o:p></o:p>
سمر: ما بتسير الدوام تعبانه وايد...يالله بخليج..<o:p></o:p>
ليلى مصدومه: اوكي باي...<o:p></o:p>
وبندت عن سمر...وهي تهز راسها بأسف..وفي خاطرها...
"هه ..شغلت نفسي بإنسان تافه ما يستحق للحظه اني اضيعها في التفكير به..وانشغلت عن بنت عمتي صدج اني ما استحي على ويهي.."<o:p></o:p>
وتمت سرحانه في عالم ثاني...لين ما قطع عليها الصمت صوت شي ينكسر في الصاله..وفاجأها ونشت بسرعه تشوف...ومسكت راسها يوم شافت شيخه واقفه حذال الطاوله مبتسمه وشكلها مسويه جريمه نكراء....<o:p></o:p>
ليلى تطالع قطع الكريستال اللي صارت اشلاء وملح تبعثر على ارضية الصاله...وشيخه واقفه مكانها ما تحركت...ويوم ليلى تمت تطالعها تحركت بتيي صوبها..<o:p></o:p>
ليلى بخوف: لا تتحركين...<o:p></o:p>
شيخه انصدمت وتمت تطالع امها ليش تصرخ؟كانت ليلى خايفه لا تجرح ريولها بالقطع المتكسره تحت...وقربت منها وشلتها وزقرت البشكاره تيي تنظف المكان ويلست ليلى في الصاله وشيخه قاعده حذالها ساكته...<o:p></o:p>
ليلى بجديه: شو اللي وداج هناك؟<o:p></o:p>
شيخه مبطله عيونها على الاخير ومبين انها بتكذب:امي في وحث..<o:p></o:p>
ليلى بعصبيه: شيخه لا تجذبين الله بيحطج في النار..نحن ما عندنا وحوش...ليش كسرتيه هذا مال يدتج..خلاص ما بتحبج...<o:p></o:p>
شيخه مبطله عيونها: مث انا كثرته مث انا...<o:p></o:p>
ليلى تطالعها: من كسره؟<o:p></o:p>
شيخه: ثلامه...<o:p></o:p>
ليلى: سلامه في المدرسه كيف كسرته..<o:p></o:p>
شيخه: امي والله في وحث والله...<o:p></o:p>
ليلى: لا تحلفين جذب الله بيحطج في النار..<o:p></o:p>
ومسكت ليلى ايدها وشلتها...بعصبيه...لين المكان اللي انكسر فيه الكريستال....<o:p></o:p>
ليلى: وين الوحش وين راح ممكن افهم وينه؟<o:p></o:p>
شيخه عاقده حياتها: والله امي في وحث..<o:p></o:p>
ليلى الظاهر بدت تفقد اعصابها: زين وينه؟<o:p></o:p>
وتمت شيخه تتلفت وتطالع يمين ويسار بس ما لقت الوحش اللي ممكن ينقذها من التهمه..كانت تدور بعيونها الوساع في ارجاء الصاله بس ما شافته...وين راح هالوحش هذا وقته يختفي ويكذبها جدام امها...<o:p></o:p>
ليلى: شفتي ما شي..شيخه حبيبتي انتي بنت كبيره عيب تكسرين اغراض البيت بعدين يدوه بتزعل...<o:p></o:p>
وسارت ليلى عنها وهي تمت واقفه مكانها ويلست على الارض وشافت البشكاره يايه من بعيد يايبه قطعة قماش وماي بتمسح على الطاوله اللي مكسور عليها الكريستال...<o:p></o:p>
ووقفت شيخه تطالعها وشافت شي على الطاوله وابتسمت بفرح....وسارت تركض لامها ويابتها لين الطاوله....<o:p></o:p>
شيخه مبتسمه بنصر: امي ثوفي الوحث...<o:p></o:p>
ليلى بنظره بارده: وينه؟<o:p></o:p>
شيخه تأشر على الطاوله: هنا مات..خلاث..<o:p></o:p>
نزلت ليلى راسها وشافت فراشه تجنن من حلاة الوانها بس ميته والظاهر الزجاج موتها...يوم طاح عليها..وابتسمت وشلت شيخه وحبتها..وانحل الاشكال...<o:p></o:p>
ليلى: الحين انتي تركضين ورا الفراشه وهي متعلقه على الكريستال وتبين تقبضينها..؟<o:p></o:p>
شيخه: امي هي كثرته مث انا..<o:p></o:p>
ليلى: ردينا للتأليف...زين هي كسرته سامحتج لان واحد من المتهمين توفى وعقبها ماشي سماح عقوبه شديده..<o:p></o:p>
شيخه طنشتها وعقب سارت ليلى الزراعه وقالت لامها انها مب مداومه اليوم خير شر...واقنعت امها بالموضوع وقالت بتوضح لها الاسباب عقب مب الحين....
........................<o:p></o:p>
الساعه تسع الصبح يالس في مكتبه رفع سماعة التلفون وكلم السكرتيره تطلب له المركز وعقب ما دقت طلب شوية معلومات عن شخص يريده وعلى طول خلصوله اللي يبى بالتلفون وعطوع بياناته كامله....ثواني وخليفه يتصل بالشخص المطلوب...<o:p></o:p>
خليفه: السلام عليكم ورحمة الله وبركاته...<o:p></o:p>
وائل: وعليكم السلام يا مرحبا...<o:p></o:p>
خليفه: لو سمحت اخوي..انت وائل عبدالكريم..؟<o:p></o:p>
وائل: ايه هوا في ايشي؟<o:p></o:p>
خليفه: اخوي شحالك عساك بخير..؟<o:p></o:p>
وائل: الحمدلله نشكر خير الله..بس ممكن اعرف من بيحكي؟<o:p></o:p>
خليفه:وياك خليفه مبارك احمد طال عمرك..<o:p></o:p>
وائل: يا اهلا وسهلا ممكن اخدمك بشي؟<o:p></o:p>
خليفه: هيه والله بغيناك في خدمه صغيرونه اذا فضيت يعني؟<o:p></o:p>
وائل: ولو خيي انت تؤمر بس كيف بدي آبل شخص ما بعرفوا؟<o:p></o:p>
خليفه بثقه: اخوي تقدر ببساطه تنشد أي حد منو خليفه بن مبارك ويعطيك الجواب...<o:p></o:p>
وائل: وانا شو دخلني ..طيب فين بدك ياني آبلك.؟<o:p></o:p>
خليفه: اذا فاضي الحين تقدر تييني الشركه ..<o:p></o:p>
وائل : طب شو رأيك تحاكيني في أي مكان عام.؟<o:p></o:p>
خليفه: انت ليش زايغ؟<o:p></o:p>
وائل: شو؟<o:p></o:p>
خليفه: لاء ماشي بس انت تعرف حد اسمه عبدالله بن خليفه كان وياك في المركز امس..؟<o:p></o:p>
وائل:اييه عرفتوا...شو بو هيدا...؟<o:p></o:p>
خليفه:اعرفه انا....دلني عليك...<o:p></o:p>
وائل:ايوه هيك برتاح اكتر..عبدالله بدوا يجي معك...<o:p></o:p>
خليفه: هيه بتيي؟<o:p></o:p>
وائل: خلص بدي اجي..وينك.؟<o:p></o:p>
خليفه متملل من غلاسته: اوكي وين تداوم؟<o:p></o:p>
وائل: سائق ثقيل..<o:p></o:p>
خليفه: اها اوكي مرني الشركه يكون افضل...<o:p></o:p>
وائل: وين العنوان...؟<o:p></o:p>
خليفه: شارع خليفه بن زايد الثاني ...<o:p></o:p>
وائل: خلاص اتفأنا...<o:p></o:p>
وبند خليفه وخلص من البند الاول من الخطه...على امل ان الجزء الثاني ما يخيب...وبيتريا لين ما الاخ وائل يشرف...<o:p></o:p>
تم يشتغل بس فكره لاهي ويا السالفه وكيف بيروم يرمسه ويتفاهم وياه وكيف اصلا وائل بيساعده...كان خليفه مرتبك وما يعرف هل ممكن يتقبل وائل الموضوع او انه يرفضه رفض كلي...كل خوفه ان وائل يكون انسان يعرف السنع والمبدأ وما يعرف له...او انه انسان نزيه...<o:p></o:p>
كانت الافكار توديه وتييبه لين ما دق على موبايله مره ثانيه...<o:p></o:p>
وائل: ايوه.؟<o:p></o:p>
خليفه: تأخرت يا ريال وينك؟<o:p></o:p>
وائل: والله ماني عارف شو بدك فيني...انا هلا واأف مأابل الشركه...<o:p></o:p>
خليفه مبتسم ابتسامه نصر: اطلع اخوي حياك الدور الثامن...وبخلي حد من الموظفين يوصلك...<o:p></o:p>
بند خليفه ووائل خذه واحد من الموظفين...بهره في المكان فخامته واسال لعابه رفاهيته...لاول مره يدخل اماكن مثل هذي وفي الدرب لين الطابق الثامن ولين ما يوصل لبرج خليفه العاجي..كان بينه وبين الموظف كلام بسيط...<o:p></o:p>
وائل: هيدي الشركه لمين.؟<o:p></o:p>
الموظف: والله الشركه دي للاستاز خليفه مبارك احمد...<o:p></o:p>
وائل مبطل عيونه: ومين خليفه مبارك؟<o:p></o:p>
الموظف:دا من كبار رجال اعمال الدوله مش معأوله ما تعرفهوش؟<o:p></o:p>
وائل مندهش: لا والله اول مره بسمع فيه..لك كل هيدا لا إيلوا...مبصدء...؟<o:p></o:p>
الموظف يطالعه بإستخفاف: لا دا شويه دا أأل حاجه عندو...دا لسه سلسلة مطاعم ومحلات مجوهرات ووكالة سيارات...واسم وعيله وكل حاجه...دي الشركه تبأ ابسط شي يملكو..<o:p></o:p>
وائل خلاص حرارته ارتفعت مب مستوعب شي: طب انت ما عندك فكره شو بدوا اياني...<o:p></o:p>
ووصلوا قبل يرد الموظف ودخل واستأذنت له السكرتيره ودخل على خليفه....<o:p></o:p>
كان خليفه يالس على كرسيه ومن دش وائل نش ومد له ايده وسلم عليه واشر له على الكرسي عسب ييلس..<o:p></o:p>
خليفه مبتسم: مرحبا اخوي شحالك؟<o:p></o:p>
وائل: نشكر خير الله كيفك استاز..؟<o:p></o:p>
خليفه: الحمدلله شو مسوي وشعلومك؟<o:p></o:p>
وائل: والله منيح الحمدلله...بدك ياني اخدمك في شي..؟<o:p></o:p>
خليفه يحرك الكرسي:والله يكون من دواعي سروري...<o:p></o:p>
وائل: اتفضل استاز..<o:p></o:p>
خليفه: تعرف منو انا؟<o:p></o:p>
وائل مبتسم: خليفه..<o:p></o:p>
خليفه: لاء ..انا خليفه مبارك اخو ذياب بن مبارك الي متهم بكسر سيارتك...<o:p></o:p>
طالع وائل خليفه وهو مبطل حلجه مب مصدق: بتحكي جد؟<o:p></o:p>
خليفه: هيه..<o:p></o:p>
وائل:شو صار معو هلاّ؟<o:p></o:p>
خليفه:في السجن...<o:p></o:p>
وائل شوي خجل بس ما رمس...بس خليفه استغل الموقف ويلس يسولف وياه شوي حول اموره العائليه وضايقته الماليه واحواله كإنسان مغترب...طبعا كل شي كان يمشي لصالح خليفه اللي دهن سير الريال وعقبها قدر يدخل بالموضوع وياه بشكل حلو ودبلوماسي...<o:p></o:p>
خليفه: شو رايك اعرض عليك صفقه..؟<o:p></o:p>
وائل: مثل شو؟<o:p></o:p>
خليفه: خبرني اذا الموضوع دخل بمزاجك...<o:p></o:p>
وائل: اتفضل..<o:p></o:p>
خليفه يمد ظرف لجهة وائل: تقدر تشوفه..<o:p></o:p>
بطل وائل الظرف وشاف شيك مكتوب ب10,000 درهم...طبعا ارتعدت اوصاله يمكن من يوم انخلق ما شاف مبلغ جدامه بالحجم...<o:p></o:p>
بس رد يتدارك عمره...<o:p></o:p>
وائل: شو بدي اعمل فيه؟<o:p></o:p>
خليفه:تاخذه لك...<o:p></o:p>
وائل: وشو اعمل لك..؟<o:p></o:p>
خليفه: تتنازل عن القضيه...<o:p></o:p>
وائل سكت...وفكر شوي...فكر بخبث كيف يستغل حاجة رجل اعمال له..عرف ان خليفه الحين يالس يشتري سمعته...<o:p></o:p>
وائل: المبلغ ما بيكفي...<o:p></o:p>
خليفه ابتسم وخذ الشيك وقطعه ووائل يطالعه وهو مبطل عيونه..ورد كتب واحد ثاني...ومد يده لوائل..<o:p></o:p>
خليفه: يسدك؟<o:p></o:p>
وائل وهو يشوف ال 15,000 تتراقص جدامه...ابتسم وهز راسه..<o:p></o:p>
وائل:خلص مشي الحال...<o:p></o:p>
خليفه: عطني الشيك...<o:p></o:p>
وائل: ليش؟<o:p></o:p>
خليفه: بعطيك نص مقدم وعقب ما اضمن تنازلك..اعطيك الباقي..<o:p></o:p>
وائل: ماشي الحال...ما عندي أي مانع...<o:p></o:p>
وطبعا خذ وائل 7500 واتفق مع خليفه على تنازل القضيه وقت الجلسه باجر الساعه 11:00 الضحى....<o:p></o:p>
.......................

**شمه** · 06-10-03 ||, 09:57 AM

تسلمين الغاليه..
بس نتريا التكمله <img src="http://oasis.bindubai.com/emoticons/smile.gif" border="0" valign="absmiddle" alt=':)'>

<img src="http://oasis.bindubai.com/emoticons/cool.gif" border=0>
شمه

**حلم الطفوله** · 05-10-03 ||, 12:24 AM

هلا باختي عين الدماني...
بصراحه القصه روعه ...ونتريا الباقي على أحر من الجمر
كملوها عاااااااااااد<img src="http://oasis.bindubai.com/emoticons/rock.gif" border=0>

**وردة غلا** · 05-10-03 ||, 12:35 AM

بسرعة الله يخليج عين الدماني...نتريا التكملة

وتسلمين الغالية على مجهودج..<img src="http://oasis.bindubai.com/emoticons/blush.gif" border=0>

**بن دبي** · 03-10-03 ||, 11:23 PM

يالله عااااااااااااااااااد نتريا التكملةةةةةة لا تصيفوووووووووووووووووون<img src="http://oasis.bindubai.com/emoticons/glare.gif" border=0>

**وردة غلا** · 03-10-03 ||, 06:47 PM

تسلمين الغالية على التكملة...والله يعطيج العافية<img src="http://oasis.bindubai.com/emoticons/smile.gif" border=0>

**بن دبي** · 03-10-03 ||, 05:21 PM

اختي عين الدماني

الله يعطيك العافيه على مجهودك الرائع

في انتظار التكمله

مساعد العيناوي

**ولد الحكومة** · 03-10-03 ||, 03:52 PM

<img src="http://oasis.bindubai.com/emoticons/smile.gif" border=0> عين الدماني

تسليمن اختي على القصه الجميله وعلى كتابة القصه ونتريا منج التكملة

آخـــر الــمــواضــيــع

الموضوع: +++سحــــــــابة صيــف+++

أدوات الموضوع

عرض

Hybrid View

معلومات الموضوع

الأعضاء الذين يشاهدون هذا الموضوع

مواقع النشر (المفضلة)

مواقع النشر (المفضلة)

ضوابط المشاركة

آخـــر الــمــواضــيــع

الموضوع: *+*+*+سحــــــــابة صيــف+*+*+*

أدوات الموضوع

عرض

Hybrid View

معلومات الموضوع

الأعضاء الذين يشاهدون هذا الموضوع

مواقع النشر (المفضلة)

مواقع النشر (المفضلة)

ضوابط المشاركة

الموضوع: +++سحــــــــابة صيــف+++