*+*+*+سحــــــــابة صيــف+*+*+*

**عين الدماني** · 02-12-03 ||, 04:30 AM

سلام عليكم
شحالكم..؟ عساكم مرتاحين..
اول شي عيدكم مبارك و عساكم من السالمين و العايدين (أدري وايد متأخره بس شو أسوي ما نت أروم أدش قبل)
عالعموم هذا الارت اليديد من القصة نزل اليوم و قلت لازم أحطه لكم..
يالله أخليكم تستمتعون به...
------------------------

الحلقه الخامسه والعشرون<?xml:namespace prefix = o ns = "urn:schemas-microsoft-com:office:office" /><o:p></o:p>
الساعه 11:30 الليل كانت يالسه في الصاله بروحها معصبه وبتنفجر من الضيج وتحاول قد ما تقدر انها تتحكم في الفاظها وكلامها تحاول انها ما تضيج وما يتكدر خاطرها..وتحبس دموعها بالشكل المطلوب ولا تسمح للضعف وفصوله انها تتجدد في حياتها..يكفيها ضربه وحده والضربه الثانيه اكيد مؤلمه..كانت تنش وتمشي من اول الصاله لاخرها وتتأفف يوم ابطى عليها اخوها بس مع هذا كانت امها كل شوي توايج تشوف بعدها في الصاله ولا لاء..<o:p></o:p>
ام راشد: انتي ما بترقدين؟<o:p></o:p>
ليلى: لاء مب راقده..<o:p></o:p>
ام راشد: بسم الله وراج يا بنتي ما ترقدين خافي الله بنفسج وخوج لاحقه عليه كلكم ببيت واحد..<o:p></o:p>
ليلى: امايه احسن شي تسوينه الحين انج ترقدين عشان ترتاحين..<o:p></o:p>
ام راشد: برايج والله..<o:p></o:p>
وصكت ام راشد الباب ودخلت ترقد..وليلى يالسه في الصاله تتريا راشد..عقب ما يابوا قوم احمد شيخه البيت الساعه 10:00 يوم خلصوا حواطه بس سلامه ما نزلت ولا حتى سلمت على حد فيهم لانهم كانوا مستعيلين.. وسمعت شرملى تزقرها من فوق..<o:p></o:p>
ليلى: نعم!!! نعم!! شو تبين انتي الثانيه ناقصتنج انا..؟<o:p></o:p>
شرملى من فوق: شيخه ما يريد يرقد..<o:p></o:p>
ليلى بعصبيه: اذلفي انتي وياها عنها ما رقدت ان شاء الله..<o:p></o:p>
وسمعت شيخه تركض فوق..ومن فوق الدري تنزل بسرعه خلاص تعودت تركض وتستهبل وما تخاف...<o:p></o:p>
ليلى بخوف: اييه بشوي شوي لا تطيحين...!!!<o:p></o:p>
شيخه: ما تيح ما تيح انا دويه..<o:p></o:p>
ليلى: قويه ما قلنا شي بس امشي بأنوثه شوي حشا تقولين قطيع ثيران ياي من فوق..<o:p></o:p>
نطت شيخه من اخر درجه وسارت تربع صوب ليلى..وتعلقت في ريولها..<o:p></o:p>
شيخه: امي ثرملى تريد تنام في ثريري...<o:p></o:p>
ليلى مبتسمه وتشلها وتتنهد..<o:p></o:p>
شيخه: امي نذليني انا كبيله..<o:p></o:p>
ليلى مبتسمه: هيه وايد كبيره..سيري ارقدي عشان باجر نروح الجمعيه..<o:p></o:p>
بطلت شيخه عيونها على الاخير: نثتري حلاوه..؟<o:p></o:p>
ليلى: بتغدين دبه...<o:p></o:p>
شيخه تهز راسها انه لاء: ما نلوح انتي لوحي مع ثرملى..<o:p></o:p>
وشافت ليلى سيارة راشد داخله البيت ونزلت شيخه وزقرت على شرملى تشلها فوق بس شيخه ما طاعت وتمت ويا ليلى وكانت ليلى محرجه وبتنفجر من القهر اللي ضاربنها...اول ما حدر راشد الصاله سلم عليها وعلى شيخه...<o:p></o:p>
راشد: ليش للحين مب راقده غريبه..؟<o:p></o:p>
ليلى بقهر: اترياك لازم بعد...<o:p></o:p>
راشد مستغرب: تترييني؟؟ ليش؟؟ اول مره تسوينها..<o:p></o:p>
ليلى:شفت عاد.!!!<o:p></o:p>
راشد مستنكر: شو فيج؟!! <o:p></o:p>
ليلى بقهر اكثر: شو فيني بعد؟ <o:p></o:p>
راشد بضيج: شو مستوي ارمسي؟<o:p></o:p>
ليلى بتنفجر من الغيض: ما تعرف شو فيني انا شو سويت بك من الاساس عشان تجازيني جي؟<o:p></o:p>
راشد: انتي عن شو ترمسين وبعدين شخبار العرب اللي يووكم...؟<o:p></o:p>
ليلى بعصبيه: يا راشد خبر ربيعك هاللي اسمه فلاح اني مابغيه لو انطبقت السما على الارض...فاهمني؟<o:p></o:p>
راشد وانقلب جد الموضوع: على كيفج هو...شورج براسج؟ ولا انتي بنت نفسج مالج رياييل يقررون عنج.؟<o:p></o:p>
ليلى بقوه عنيفه: اسمع يا راشد انا ان كنت وافقت بكون وافقت عشان بنت اخوك ولا انا وحده عايفه العرس وما بغيه...<o:p></o:p>
راشد: اليوم كنتي مستانسه الصبح شاللي غيرج فجأه..؟ اذا من هله او لو على خواته لا تحاتين بيحطج في بيت لروحكم لا تفكرين بهالموضوع..<o:p></o:p>
ليلى بقهر وشوي وتصيح: يا راشد افهمني المسأله مب مسألة خواته وامه وبيته وجحيمه..راشد الموضوع اكبر من جي..انت حسستني ان فلاح بيخليني اشل شيخه وياي واليوم خواته يقولن عكس جي..<o:p></o:p>
راشد ما استغرب من هالشي: يا ليلى اسمعيني..<o:p></o:p>
ليلى صاحت ما رامت انها تيود عمرها: ماريد اسمع شي ياخويه يا سندي ارجوك افهمني مابغيه والله مابغيه لا تظلمني وتظلم نفسك وياي واردلك باجر مطلقه ولا تم معلقه..خلني جي احسن..<o:p></o:p>
كانت ليلى تصيح بحرقه ومن الخاطر وراشد طالعها ويشوفها وهي منكسره وضعيفه والله ما هانت عليه..بس بيحاول وياها..<o:p></o:p>
راشد: تفاهمي وياهم يا ليلى حاولي باسلوبج تقنعينهم...انتي مب ياهل اوجهج انا...<o:p></o:p>
كانت شيخه تطالع راشد بحقد وتشوف انه السبب في اللي امها فيه بس ما قدرت تنطق...<o:p></o:p>
راشد: فكري بالموضوع ليلى الفرصه جدامج لا تضيعينها...<o:p></o:p>
ليلى تصيح وترمس وهي ذاله عمرها: يوزني دريول يشتغل عندك في الشركة يوافق ان شيخه تعيش وياي ولا تفرني عند ناس ما يبون بنت اخوي..<o:p></o:p>

**عين الدماني** · 02-12-03 ||, 04:33 AM

صدق راشد انصدم منها وما هانت عليه دموعها ولا رمستها وما صدق ان ليلى ممكن تسوي بعمرها جي عشان شيخه...بس في النهايه هاي اخته ابدا من أي انسان ومشاعرها واجب عليه يحترمها ويسوي لها قدر وحشيمه..<?xml:namespace prefix = o ns = "urn:schemas-microsoft-com:office:office" /><o:p></o:p>
شيخه بعصبيه: حيوان!!!!!<o:p></o:p>
راشد مصدوم: انا!!!؟؟<o:p></o:p>
شيخه وهي بتصيح: ليث ليث امي تثيح ليث؟ انت حيوان!!!<o:p></o:p>
ليلى وهي تمش دموعها: شيخه بس عيب هذا عمج..عيب...<o:p></o:p>
شيخه تصيح ولوت على ليلى: مافي مافي..<o:p></o:p>
ليلى: شو اللي مافي انتي الثانيه فديتج قمتي تخربطين..<o:p></o:p>
راشد: ليلى طلعي فوق ارتاحي برمسج باجر ان شاء الله..<o:p></o:p>
وطلع راشد قبل ترد عليه ليلى وهي سارت فوق تحلم انها ممكن ترقد او ييها رقاد...صكت باب الحجره وشيخه تتحرطم على راشد من قهرها..لبستها ليلى بيجامتها ورقدتها على شبريتها وسارت تتوضى بتصلي ركعتين الاستخاره ومن عقبها بتشوف شو الله كاتب لها...<o:p></o:p>
نشت وتوضت وصلت ركعتين ومن خلصت يلست على الكرسي وهي منتهيه خلاص..تشوف وين كانت وكيف صارت وشو هالحظ والظروف والدنيا والاقدار والناس والقرايب اللي حواليها...تعبت خلاص وتحس ان مافيها بقايا للصبر اكثر من جي وقلبها تعب من اللي يصير..وين ليلى اللي قبل ووين ليلى اللي الحين..
"اييه يالدنيا وين كنت ولشو وصلت..؟ سبحان الله...!!! هذي اقداري....عمري ما فكرت بشي وتحقق وعمري ما حلمت ونفعتني احلامي..طول عمري كنت نحيسه ونحاستي ما فارجتني ثانيه..من يوم صغيره ولين ما كبرت...اخواني طول عمارهم مجابليني ومب مخليني اتصرف مثل ما ابى وابوي صح كان قريب مني بس بعد ما كان يردهم في شي...راشد طول عمره متسلط ومضيج علينا نحن البنات..ومبارك انعزالي وما يخصه فينا..وسيف(وتتنهد) الله يرحمك يا سيف الله يرحمك..انت الوحيد اللي فهمتني والوحيد اللي حسيت فيني..انت الوحيد اللي كنت اقدر اكلمه واقوله اللي فقلبي بدون خوف وانتظر نصيحته.. بس حتى انت رحت وخليتني...كنت متأكد وضامن مليون بالميه ان مستقبل اختك ما بيضيع دام ان وراها ريال تشد به الظهر..كنت طول عمرك تقول لي يا ليلى ما بتضيعين ووراج ناصر..بس ما تدري ان ناصر راح وراح معاه كل شي حبيته..ايه يا سيف يا خوي الله يرحمك..ناصر غدرنا وباعنا برخيص وراح...حليلي ما تهنيت في شي تمنيته...(انترسن عيونها دموع وطاحن على ويهها)...ناصر هان عليك كل شي وراحت الحلوف والوعود..ما هقيتها منك يا ولد عمتي والله..ياما داريتك ودافعت عنك واتحديت الكل عشانك بس للاسف صدق انك ما تستاهل...حتى اللي يتعرفون على بنات من الشارع مرات يكون في قلوبهم وفا واخلاص للعشره..وانت ما احترمت اللي من بينا لا عشره ولا قرابه ولا حب سنين..اسميها حياتك ما فيها معاني ولا تفكير...احسن شي اقوله بقلبي الحمدلله اني ما ربطت عمري فيك..مب مستعده ارد اعيد وابني حياتي من يديد وياك..ما بدري يمكن بدل ما تفرغ لسعادتي اتفرغ اعلمك كيف تقدر تتخذ قرار خاص فيك وفي نفسك ليوم واحد بس..."<o:p></o:p>
تنهد ومسحت بقايا الدموع على خدها وعقت عمرها على الشبريه وتمت تفكر في كل شي حواليها يصير ولين وين بتوصل عقبها رقدت تنهي بهالرقاد معاناة ليله كامله من التفكير في عريس الغفله اللي طلع لهم...<o:p></o:p>
...................<o:p></o:p>

الصبح نشت اول وحده صح انها ما ترمس وياهم وايد بس اليوم ما تدري حست بشي غير بشعور مب طبيعي وتحس انها مب هي ولا التفكير اللي فكرته ممكن يرد على بالها مره ثانيه..الساعه كانت 9:30 الصبح دخلت المطبخ وحصلت البشكاره يالسه تتريق واول ما شافتها نشت على طول..<o:p></o:p>
دونا: ماما ليش يقوم بدري روحي نامي بعدين تعالي...<o:p></o:p>
عفرا: بسوي الريوق وبطلع..<o:p></o:p>
دونا: مافي سوي ريوق انا سوي كل يوم..<o:p></o:p>
عفرا بجديه بعدما طفرت من هالبشكاره الحنّانه:اقولج ولا كلمه خليني اخلص شغلي..<o:p></o:p>
دونا صخت يوم شافت عفرا معصبه..وهي مب معصبه ولاشي بس شكلها جاده وما تبى تتجادل ويا البشكاره..بطلت الثلاجه وطلعت البيض والجبن والمربى واشياء خفيفه وجهزت دلال الشاي وحطت الماي على النار يغلي..كانت تفكر وين وصلت بحياتها ووين بتنتهي وشو هدفها وكيف ممكن تتكيف وترد تثق في حد..شافت ان المسأله وايد صعبه ومستحيل تلاقي حد يفهمها ويحبها شرات ما بدريه حبتها..صدق مستحيل تلاقي..بدريه كانت غير فهمتها من غير ما تطلب منها هالشي ومن غير ما تتقرب منها عفرا..حست بحب يتولد من بينهن لا ارادي وبدون مقدمات بس اريد وتريد ويفعل الله ما يريد...<o:p></o:p>
وهي تحط الجبن في الخبز تذكرت شي غاب عن بالها من فتره طويله وما تدري كيف خطر على بالها الحين...تذكرت شي صار في بيت يدها خليفه قبل اربع شهور..<o:p></o:p>
بدريه:بقى اسبوعين..شدي حيلج ابى اشوف اعلى نسبه في العايله كلها..<o:p></o:p>
عفرا وابتسامتها ما فارقت ويهها: انتي عمتي كم يبتي؟<o:p></o:p>
بدريه: نسبتي مب شي..يالله شدي حيلج انتي اول حفيده بتتخرج من العايله...وعشان ما تم في خاطرج انا كنت يايبه 81%..مب شي..<o:p></o:p>
عفرا: وما كملتي عشان تعرسين صح؟<o:p></o:p>
بدريه: كنت احب عمج وماريد اضيع وقت اكثر وخفت يمل ويعرس ترا اول يتحرون الحرمه تنشغل بالدراسه اكثر عن الريل..<o:p></o:p>
عفرا: ما فكرتي تكملين؟<o:p></o:p>
بدريه: يحاول معاي عبادي بس ما رضيت..ما احب التزم بشي..ابا اعيش حياتي بدون قيود..<o:p></o:p>
عفرا مبتسمه: بالعكس الكتب مب قيود...الكتب متعه ومتعه كبيره بعد..هي اكبر حريه في العالم..مستحيل حد يضايقج منها او تزعلين منه..ومتى ما تبينها سيري لها بدون عتب ولوم..<o:p></o:p>
بدريه: بالعكس الناس هم الحياه والحياه هي الناس..نحن في العالم ما لنا غنى عن بعض..والكتب لها فايده وتونس صح بس ما تغني عن البشر..انتي ممكن تستغنين عن صديقه عشان كتاب؟؟<o:p></o:p>
عفرا وهي منتبهه انها مرت عليها 12 سنه في المدرسه وبرا المدرسه وهي بدون صديقه مقربه منها..كانت تحس انها مب في حاجه للصديقات..وان مافي أي انسانه ممكن تفهمها وتتقبل عقليتها..<o:p></o:p>
بدريه: شو قلتي؟<o:p></o:p>
عفرا: ما اعرف.<o:p></o:p>
غمضت عفرا عيونها وهي تتذكر عمتها بدريه وتنهدت من القلب...بس عقبها خلصت شغلها وفي قلبها شي غريب تحس انه شعور اجمل من أي شعور حست به من قبل..خلصت الريوق وطلعت تتمشى في حديقة البيت وردت داخل وطلعت بتوعي حمده..حمده كانت غرقانه غرق في الرقاد وعفرا تهز فيها هز وتحاول توعيها بس بدون فايده ولا حتى نفس اللي يشوفها يقول ميته من السكون والغرق في الرقاد..<o:p></o:p>
عفرا مصدومه: حمده نشي حشا مب رقاد..<o:p></o:p>
حمده ولا تحركت..<o:p></o:p>

**عين الدماني** · 02-12-03 ||, 04:35 AM

عفرا تسحبها من ايدها: حمدووه بطلي عيونج شوي على الاقل ارمسي شو هالرقاد !! ديناصور مب انسان...!!<?xml:namespace prefix = o ns = "urn:schemas-microsoft-com:office:office" /><o:p></o:p>
وتلف عفرا صوب الباب وشافت سمر واقفه وشعرها مفرود على جسمها بطوله وعيونها شبه مغمضه..<o:p></o:p>
عفرا: انتي نشيتي متى؟<o:p></o:p>
سمر بتعب: توني ناشه...<o:p></o:p>
عفرا: وعمتي حصه نشت ولا لاء؟<o:p></o:p>
سمر: بعدها راقده..انتي ليش معصبه؟<o:p></o:p>
عفرا تلف على حمده: يابت لي المرض هذي مب طايعه تنش...<o:p></o:p>
سمر بكسل: صبي على ويهها ماي...<o:p></o:p>
عفرا ابتسمت: حرام اخاف تزيغ ولا يستوي بها شي..شوفيها مول ما تحترج ولا هي داريه بالدنيا..<o:p></o:p>
سمر: اكيد ما بتدري بالدنيا..راقده..<o:p></o:p>
عفرا: نزلي الصاله انا حطيت الريوق وشوفي عمي نش ولا بعده...<o:p></o:p>
سمر: امبلى نش عبدالله وشفته نازل الزراعه برا..<o:p></o:p>
عفرا وقلبها يدق بسرعه: اووه زين عيل سيري وعي اختج وانا بشوف هذي...<o:p></o:p>
طلعت سمر غرفتهن ودخلت بتوعي حصه عشان يتريقون ويا بعض...بس الله يعينها على حصه اللي ما تتقبلها وهي صاحيه عيل كيف لا رقدت...<o:p></o:p>
سمر تبطل الباب بقوه وتيلس بدفاشه على شبرية حصه: هيييه نشي الساعه 12:00<o:p></o:p>
حصه بطلت عيونها بكسل وشافت الساعه10:00 وردت تتلحف..<o:p></o:p>
سمر: حصووه قومي شو هاه معصبين كلهم تحت...<o:p></o:p>
حصه وهي شبه راقده: طلعي برا ابا ارقد..<o:p></o:p>
سمر: انزلي يالله حطوا الريوق ويتريوونج..<o:p></o:p>
حصه: فارجي يا سمر لا اقوم اقطعج تراني مب ناقصتنج..<o:p></o:p>
سمر: حمد موجود ويتخبر عنج..يقول ما بيتريقون قبل تنزلين..<o:p></o:p>
فز قلب حصه وما حست بعمرها الا جدام المغسله في الحمام تغسل ويهها وبتغير ثيابها..وسمر واقفه تطالعها مصدومه..سمر كانت تتكلم بلعانه بس ما توقعت حصه تسمع الرمسه بهالطريقه..وفرحت من قلبها واخير لقت شي تستغل حصه فيه...."يا فرحتي!!!!" قالت سمر هالكلمه وقلبها يدق ويدق مب مصدقه ان حصه اخير بتسمع رمستها كلما طرت لها حمد..<o:p></o:p>
"دامني اعرف من زمان ليش ما استغليتها الله يغربل ابليسي كيف غاب هالشي عن بالي.."<o:p></o:p>
حصه وهي تسحي شعرها القصير: متى وصل حمد..؟<o:p></o:p>
سمر:مادريبه..<o:p></o:p>
حصه وقلبها يتنافض داخل صدرها..<o:p></o:p>
"صح اني فرحانه بس والله لراويك شغل الله عدل...اصبر علي شوي يا حمد.."<o:p></o:p>
سمر: بنزل عنج..<o:p></o:p>
حصه مبتسمه بأدب: الله يحفظج..ولو اني افضل ننزل مع بعض..<o:p></o:p>
سمر مصدومه: شوو؟<o:p></o:p>
حصه: اللي سمعتيه بس لو تبين تسيرين برايج..<o:p></o:p>
سمر تغمض عيونها وتبطلهن بسرعه: انا بنزل...<o:p></o:p>
تنزل سمر وهي تقول في خاطرها"لازم ارد بوظبي باسرع سرعه قبل لا تنفذ فيني ختيه جريمة قتل..انا شو اللي بلاني اقول لها ان حمد هني هاللي ناقصني مشاكل وويع راس..والله اني بس كنت اباها تنش..(وتضحك وهي تتذكر شكلها) والله شكلي بندم من خاطري على هالضحكه.."<o:p></o:p>
وصلت الصاله وشافت عبدالله يالس ويا عفرا وحمده وقربت منه ويلست حذاله...<o:p></o:p>
عبدالله: وين حصه؟<o:p></o:p>
سمر تطالع عفرا: بتنزل الحين..<o:p></o:p>
وما كملت سمر رمستها الا وحصه نازله بكل هدوء من فوق ولابسه وقايتها واستغربوا منها ومن لبسها ..البارحه ما كانت حاطه شي على راسها ليش اليوم يعني...سلمت ويلست...كانت تطالع بعيونها في كل مكان تبى تشوفه تبى نفسها ترتاح وتريح هالقلب اللي عذبه طول البعد...<o:p></o:p>
عبدالله مبتسم: حصه شي بلاج؟<o:p></o:p>
حصه: ليش؟ شكلي يبين في شي؟<o:p></o:p>
حمده تأشر على سمر: ايه انتي شو قلتي لها..<o:p></o:p>
سمر خافت: انا ما قلت شي..<o:p></o:p>
عفرا ابتسمت: عمتي انتي تتريين حد؟<o:p></o:p>
حصه ارتبكت: تريقتوا؟<o:p></o:p>
عبدالله: نترياج..<o:p></o:p>
ويلسوا يتريقون وحصه تطالع سمر بنظره تقول فيها" والله مالج مفر مني" وسمر ميته من الزيغه خلاص تحس عظامها تفتت من الخوف...وتقول في قلبها" ليتني ما وهقت عمري وياج"...<o:p></o:p>
خلصوا الريوق وكل حد سار بقعه يخلص اللي عليه...سمر وحصه ردن فوق عشان يجهزن اغراضهن بيطلعن اليوم ويا عبدالله وبنات اخوهن حسب الجدول اللي مخططات له طبعا شوي السالفه كان فيها تكفيخ بينهن على كذبة سمر بس كله سوالف ومزح...وحمده تمت ويا عبدالله في الصاله...اما عفرا سارت حجرتهن على طول..كانت تحس ان في شي مختلف اليوم ومستوي غير عن كل شي..تحس بشي ممكن ينقلها من اللي هي فيه لشي اكبر منه ..لشي مستحيل يتوقعونه..هي نفسها فرحانه فوق ما تتصور..وعقب اللي تذكرته اليوم عن بدريه تحس ان حياتها بتنجلب وبتتغير بشكل ما يتصورونه ابد..بس على الله تقدر ولو انها تحس ان هالشي شوي صعب بس بتحاول لان نصف التجربه محاوله...
...................
<o:p></o:p>

**عين الدماني** · 02-12-03 ||, 04:36 AM

حاولت تكمل رقادها بس خلاص ماشي رقاد..تبغي ترد شوي ترتاح بس ماشي فايده الحشره اللي برا مب مخليه حد يرقد..وصوت التلفزيون اللي فوق شال البيت فوق تحت...وهي متعايزه حتى تقوم من على الشبريه بس مع هذا تمت منسدحه وتنهدت وهي تتذكر حظها ونحاستها وين وصلتها...بس استغفرت الله وشكرته على كل حال...وهي تقول في خاطرها" فتره وتعدي"..<?xml:namespace prefix = o ns = "urn:schemas-microsoft-com:office:office" /><o:p></o:p>
شوي وهي مسترخيه يتبطل باب الحجره ويدخل وهو متسفر ومتعدل وحالته حاله...<o:p></o:p>
حامد مبتسم: صباح الخير..<o:p></o:p>
سلمى: صباح النور..<o:p></o:p>
حامد: للحين ما نشيتي؟<o:p></o:p>
سلمى: احس بتعب ماروم احترج من مكاني..<o:p></o:p>
حامد رافع حياته: يعني ما بنطلع؟<o:p></o:p>
سلمى وقلبها يدق بسرعه من الخوف: الحين؟<o:p></o:p>
حامد:احسن شي نطلع الحين ماشي زحمه ناخذ اللي نبى ونرد..<o:p></o:p>
سلمى: اللي تشوفه ولو اني بغيت اظهر المغرب...<o:p></o:p>
حامد: المغرب انا برا ما بكون هني والدريول ماباه يوديج الجمعيه خلينا نطلع احسن الحين يوم المربيه عند اليهال..<o:p></o:p>
سلمى: خلاص اظهر وصك الباب وبغير وبنطلع..<o:p></o:p>
حامد: انا تحت..<o:p></o:p>
سلمى: انزين..<o:p></o:p>
طلع حامد وسلمى ميته من الخوف ما تدري متى تتصل ربيعته مها وتخبره عن اللي صار..صح سلمى مب ندمانه انها اتصلت بها بس بعد زايغه لا يدري ما تبى تحط عمرها بموقف سخيف وياه وتدري انه بيحرج وبيتوحش عليها..<o:p></o:p>
توكلت على الله وتلبست ووصت المربيه تشوف اليهال بتسير الجمعيه هي وريلها يتشرون للبيت اغراض..وفي السياره كان حامد طول الوقت يشوف تلفونه وشكله مب طبيعي..بس مب مبين انه يعرف شي لانه لو عرف على طول بيتصرف وما بيتريا ولا بيحشم حد..<o:p></o:p>
نزلت سلمى ويا حامد وتسوقوا وبعدهم بادين في التشري دق تلفون حامد وراح شوي بعيد عن سلمى وهي عرفت على طول انها اكيد هي ما غيرها ربيعته..كانت من تحت الغشوه تشوف حركاته وتعابير ويهه وشكله بدا يحرج...هي في البدايه خافت وعقب سوت عمرها عاديه..ويوم بند التلفون يا عندها...وشكله معصب على الاخر..<o:p></o:p>
حامد بعصبيه: خلصتي؟<o:p></o:p>
سلمى وهي حاسه بشي:شو خلصت للحين ما خذت شي...<o:p></o:p>
حامد: مب لازم امشي جدامي يالله...<o:p></o:p>
سلمى تسوي عمرها عاديه: شوفيك للحين ما خذنا شي..<o:p></o:p>
حامد: اوكي يالله خلصي بسرعه..<o:p></o:p>
خلصت سلمى وفضلت انها تطلع على اساس انهم متفقين يسيرون السنتر عقب الجمعيه..وما حبت تخليه يطول اكثر من جي لان شكله رايح فيها وهي حست بخوف منه...ركبت السياره وهو اول ما ركبت على طول حوّل بيسيرون من درب السنتر لطريج البيت..<o:p></o:p>
سلمى تسوي عمرها بريئه: حامد ليش جي..السنتر من هالدرب مب من هني...<o:p></o:p>
حامد بعصبيه خلاص ماعاد يتحمل: اسكتي لا انزلج في الشارع وتسيرين السنتر لروحج..<o:p></o:p>
سلمى: ليش شو فيك؟ شو سويت بك؟<o:p></o:p>
حامد: سلمى لا تستهبلين انتي فاهمه شو اقصد...<o:p></o:p>
سلمى: شو مستوي ليش ما تكون صريح..<o:p></o:p>
حامد: حلفي انج ما سويتي شي..<o:p></o:p>
سلمى: مب حالفه انت قول شو قابض علي وانا برمس..<o:p></o:p>
حامد: انتي ادرى عاد..قولي حلفي انج ما لمستي تلفوني..<o:p></o:p>
سلمى ارتبكت: ما لمسته...<o:p></o:p>
حامد: عيل منو راد على حرمة ربيعي؟<o:p></o:p>
سلمى تطالعه بنظرة استخفاف: وحرمة ربيعك ليش متصله فيك؟<o:p></o:p>
حامد بصوت متقطع: ليش بتتصل فيني..اكيد تسأل عن ريلها...فشلتيني فيها الله ياخذ غباءج..<o:p></o:p>
سلمى: ماشاء الله ربعك عادي حريمهم يرمسون ربع رياييلهن..<o:p></o:p>
حامد محرج: مب هاه الموضوع انتي اللي رديتي عليها وسبيتيها صح؟<o:p></o:p>
سلمى بثقه: انا مارديت على حد وما رمست حد واذا انت شاك بعمرك سير تأكد منها....اقصد من ربيعك...<o:p></o:p>
سكت عنها حامد ونزلها البيت وطلع وهي دخلت بهدوء..صح خايفه بس مب ندمانه حست انها تصرفت صح حتى رغم انها كذبت عليه بس احسن من انها تشوف شي ما تبغي تشوفه..بس شو اللي بيسلمها منه لو تمادى بالموضوع او لو ان مها مصختها وياه بدلعها وخلته يتصرف تصرف ما يبغيه..حاولت سلمى انها ما تفكر ابد بالموضوع بس غصبا عنها كان تفكيرها يردها له...فكان احسن شي تسويه انها العصر تسير بيت عبدالله وتسهر ويا البنات لين العشاء وعقبها ترد البيت بس اول شي فكرت انها تستأذن من ريلها وتسير لهم...
...................<o:p></o:p>

**عين الدماني** · 02-12-03 ||, 04:38 AM

العصر بعدما تملل من كل شي وضاق صدره ومب راضي يفاتح أي حد باللي في خاطره قرر شي اخير انه يروح بنفسه ويزور اخته لانه صدق وله عليها وما يتخيل كم مرت فتره من يوم عرست وما شافها ولا حتى رمسها...شل عمره واتصل في ريلها على طول ورمسه شوي ودخل له بالموضوع على طول...<?xml:namespace prefix = o ns = "urn:schemas-microsoft-com:office:office" /><o:p></o:p>
احمد: افا عليك يا ريال البيت بيتك حياك في أي وقت...<o:p></o:p>
حمدان: يعني ما بنثجل عليكم.؟<o:p></o:p>
احمد: شو هالرمسه...؟!!! هل البيت منكم وفيكم ونحن الضيوف وانت راعي البيت..<o:p></o:p>
تشقق حمدان: خلاص خير ان شاء الله بس ممكن ارمس سلامه شوي الحين..<o:p></o:p>
ابتسم احمد: لحظه شوي..<o:p></o:p>
وزقر عليها وكانت في الصاله ويا عمتها واخته ويته تربع يوم سمعته..<o:p></o:p>
سلامه: امر يالغالي...<o:p></o:p>
احمد مبتسم: مايامر عليج عدو..تلفون ناس يبغونج...<o:p></o:p>
حمدان في الجهه الثانيه متصنم اول مره اخته في كل حياته تكون صاغره ومستسلمه لانسان غير عمتها ليلى...وسلامه انتفض قلبها وما تدري ليش خافت رغم ان ابتسامة احمد هونت الموضوع...<o:p></o:p>
سلامه: منو متصل على تلفونك يبغيني..!!<o:p></o:p>
احمد: ارمسي وبتعرفين...<o:p></o:p>
سلامه بتردد: الو..<o:p></o:p>
حمدان حس بشي قبض قلبه: مرحبا مليون باللي خلتنا وراحت...<o:p></o:p>
سلامه ما نطقت بحرف وجنها مجهزه عمرها عشان هاللحظه...انفجرت صياح وهي تسمع حسه وهو خنقته عبره..بس ابتسم وحاول يكون عادي..هو ضايج الحين ومحتاج يرمس مع اخته عن ابوهم وعن حياتهم..لكن اخته فاجأته بصياحها...<o:p></o:p>
حمدان: الحين انا متصل اسولف وياج وانتي تصيحين ليش..!!!<o:p></o:p>
احمد احترم خصوصيات حرمته وطلع وخلاها رغم ان صياحها كسر خاطره وعوره قلبه...<o:p></o:p>
سلامه تصيح: والله متولهه عليك..<o:p></o:p>
حمدان اتشقق: والله؟ انتي تعرفين الوله...!!!<o:p></o:p>
سلامه وهي تمسح دموعها: يالسخيف..<o:p></o:p>
حمدان: ايوه هذي انتي مب مال الوله..خلج في الدفاشه...<o:p></o:p>
سلامه: والله صدق تولهت عليكم...<o:p></o:p>
حمدان: هيه صدق..من جي مريتي حذال البيت قبل كم يوم ولا سلمتي...<o:p></o:p>
سلامه: والله كنا مستعيلين عمتي تعبانه وموعد دواها قرب وما خذته وانت تعرف بحالتها...<o:p></o:p>
حمدان: المهم انا بقولج شي وما بطول..<o:p></o:p>
سلامه:توك متصل وين تبند حرام عليك بعدني ما شبعت..<o:p></o:p>
حمدان: لا فضيحه ريلج شو بيقول...سمعي انا بييج باجر عقب المغرب..عشان جي دقيت..<o:p></o:p>
سلامه بفرح: احلف قول والله..<o:p></o:p>
حمدان: والله..<o:p></o:p>
سلامه: زين لا تبند خلك شوي وياي بنسولف..يالزطي بطاقه تستخسرها علي..؟<o:p></o:p>
حمدان يضحك: يالدبه هذي فاتوره مب مدفوعه يا بوج نحن مب مال المدفوعه...بعدين الخساره فيج تعويض..ما يغلى عليج شي..<o:p></o:p>
سلامه: وييه فديتني من زمان محد شحن غروري بنفسي..<o:p></o:p>
حمدان يضحك: اشوفج غاديه حرمه مطيعه...<o:p></o:p>
سلامه: تبى الصدق ولهت على ايام الدلع رغم ان ماشي قاصر علي هني..بس بعد حنيت لايام عمتي..الا شخبار خطاطيبكم؟<o:p></o:p>
حمدان يتنهد: والله ماعرف اظني اليوم بيردون لهم خبر...يالله طولت بخليج الحين عندي شوية شغل...<o:p></o:p>
سلامه: الله الله فيني عن تنساني ..<o:p></o:p>
حمدان يضحك: وين انساج انتي نشبه محد يفج منج...يالله بخليج مع السلامه لا ترمسين حشا ما خليتي شي ما قلتيه..<o:p></o:p>
سلامه مبتسمه: اوكي يالله برايك..سلم عليهم كلهم...<o:p></o:p>
بند حمدان عن سلامه وهو مرتاح شوي على الاقل قدر يكلمها وترتاح نفسه..وهي ارتاحت اكثر وحست بفرح غريب ونشاط عجيب...كل شي حواليها اليوم كان مختلف..لازم بعد حبيبها واخوها الغالي اتصل بها وسلم عليها...اما حمدان فحس ان باجر بيكون يوم مختلف عليه وبيقول لاخته اشياء تكدر خاطره وعلى الله انها تفهمه او على الاقل انها توجهه وتقول له شو يسوي لانها خارج نطاق المنطقه...<o:p></o:p>
[b]..................

كانوا كلهم برا متيمعين...يالسين في الحوش والجو شوي معتدل رغم ان الحر هاليومين ذباح شي اكيد والناس في عز الصيف...يسولفون ويضحكون وعايشين حياتهم ما عليهم من حد كانت احلى ايام عبدالله من عقب بدريه هي هالايام اللي قضاها ويا بنات اخوه وخواته...غيرن له جو البيت وعدلنه وخلنه يعيش حياته صدق انه تضايج من النلقه اللي يبن ينقلنه منها لحياة كلها فرح وضحك ويبن يفهمنه بطريقه واخرى ان الحياه تستمر باللي نحبهم وبدونهم...ضيج هالشي على عبدالله ولكنه تقبله عشانهم وحسسهن انه بيطير من الفرح...رغم ان التغيير في دواخل نفسه شي صعب وصعب جدا بعد...كانن البنات يفكرن انه قدرن يغيرن عبدالله في هالايام لكنهن كانن يجهلن ان عبدالله بقايا صوره من داخل وفرحه من برا مصطنع...<o:p></o:p>
في الحوي يلست عفرا على واحد من كراسي الحديقه وحمده كانت يالسه على العشب هي وسمر ..كانن يسولفن عن اشياء مختلفه وكثيره..منها شو بيطبخن باجر وشو بيسون يوم بييهن حمد...<o:p></o:p>
سمر: انا ماعرف الا احط الاغراض على السفره...<o:p></o:p>
حمده: وانا نفس الشي..<o:p></o:p>
عفرا: عيل منو بيطبخ ومن بيسوي الاشياء...؟<o:p></o:p>
حمده: احسن شي نطلب من برا ليش العباله...<o:p></o:p>
عفرا: اخ عليج..الحين عازمين الريال ونقوله غدا ولا منه اخر شي نغديه من مطعم..ما يسوا عليه المشوار لين دبي..<o:p></o:p>
حمده: زين شو نسوي محد فينا تعرف تطبخ...<o:p></o:p>
سمر: والله انا ما ييت عشان اطبخ انا ييت عشان استانس..الحين دبي للوناسه ولا للطبيخ...؟<o:p></o:p>
عفرا: بسير لعمتي وبشوفها شو بتقول...<o:p></o:p>
سمر: يلسي وين تبين..عمتج في حجرتها الحين محد يرمسها...<o:p></o:p>
حمده: ليش شو مستوي؟<o:p></o:p>
سمر: شو مستوي بعد..ترمس حبيبة القلب لازم تكون مشغوله والله لو كسرتي الباب ما تبطله...<o:p></o:p>
عفرا حست بشي مختلف في حصه...وفي قلبها..<o:p></o:p>
"يا حظها عندها ربيعه!!! شو شعورها يوم كل شي تخبرها به...ويوم تتضايج تعرف ان محد بيسمعها الا هي...شو شعورها يوم تعرف ان ليلى موجوده في كل وقت عشانها وهي بالمثل....يا حظهم والله يا حظهم...معقوله الوقت فات ولابعده في وقت وابني نفسي من اول ويديد واشوف شو اللي قاصر علي وشو اللي [b]<span lang=ar-sa style="font-size:

**عين الدماني** · 02-12-03 ||, 04:40 AM

يا حظها عندها ربيعه!!! شو شعورها يوم كل شي تخبرها به...ويوم تتضايج تعرف ان محد بيسمعها الا هي...شو شعورها يوم تعرف ان ليلى موجوده في كل وقت عشانها وهي بالمثل....يا حظهم والله يا حظهم...معقوله الوقت فات ولابعده في وقت وابني نفسي من اول ويديد واشوف شو اللي قاصر علي وشو اللي طاف...بعده في وقت ولا لاء؟؟؟ يا رب ارجوك ساعدني...اكيد في وقت ولازم استغله قد ما قدر.."<?xml:namespace prefix = o ns = "urn:schemas-microsoft-com:office:office" /><o:p></o:p>
خلصت عفرا رمستها في نفسها وهي معزمه على تغيير كلي كامل لكل حياتها قررت تتحول وتنهي التعب والضيج والمعاناه والوحده اللي عزلت عمرها فيها قررت من اول ويديد تبني نفسها للافضل على الاقل ان ما كان عشان نفسها بيكون عشان خاطر الانسانه اللي حبتها وهذا بيكون اجمل دافع واغلى هديه ممكن تنعطى لروح اقرب انسانه لها...
..
..
وفي الحجره اللي فوق والباب مبند وهي تمشي من اول الحجره لاخرها وتهز راسها بأسف وتحاول تهدي قد ما تقدر بس بدون فايده..تحاول انها تطلعها من الجو الحزين اللي دفنت عمرها فيه..تحاول تكون منها قريبه شرات كل مره بس للاسف ولا أي قوه في الكون ممكن تخفف عليها اللي فيها...كان حزنها نابع من القلب لا ترده ولا توديه قوة الدنيا..حزنها عنيف وقوي وهي مب قد انها تتحمله فما كان لها الا هالانسانه تشكي لها مثل ما تعودت..<o:p></o:p>
حصه: وانتي ليش استعيلتي الله يهديج يا ليلى...؟<o:p></o:p>
ليلى بصوت كله حزن: خله يولي ماريد اعرس اصلا...والله ضاج حالي يا حصه..<o:p></o:p>
حصه: الحين انتي الفرصه يات لين عندج تودرينها ليش...مب كل يوم بييج معرس..ليش رفضتي..ليش؟<o:p></o:p>
ليلى: لا تزيديني الله يخليج والله اللي فيني مكفيني والله يا حصه قمت اقتنع ان كل شي يعاندني بما فيها اقداري..<o:p></o:p>
حصه: استغفري ربج يا ليلى مب انتي اللي تقولين هالرمسه...خلاص والله رغم زعلي انج طوفتي هالمعرس اللي ظني بيكون احسن من حبيب الغفله...<o:p></o:p>
ليلى تذكرت ناصر: ولا تذكريني في هالانسان مب طايقه اسمع اسمه ولا شي يذكرني فيه..مب متخيله اني يوم السبت بداوم وبشوفه في ويهي...<o:p></o:p>
حصه: خليه يولي شو تبين به...لاتسوين له سالفه ابد...<o:p></o:p>
ليلى: لين عقب هالويكند يصير خير...الا اقول حمد متى بييكم...؟..وشو صار في سالفته...؟<o:p></o:p>
حصه: باجر بيي والله ماعرف شو بسوي..<o:p></o:p>
ليلى: لا تسوين شي بس حاولي تتذكرين شي من حركات الخساس ونظرات الطفاسه اللي كان يطالعج بها وطبقيها عملي عليه..يستاهل شوي يتعذب مب لازم كل شي ييه بارد مبرد...<o:p></o:p>
حصه: يالشريره ترا ما يهون علي..<o:p></o:p>
ليلى: كنت اعرف والله اعرف...ادريبج ديايه ما تتحملين تجرحين كتاكيتج..<o:p></o:p>
حصه تضحك..<o:p></o:p>
ليلى: ايوه اضحكي شعليج شو تبين اصلا الا تضحكين ويا راسج...<o:p></o:p>
حصه: خلينا نستانس اليوم ندري باجر بيكون حرب بارده هذا غير التحرش من الطرفين...<o:p></o:p>
ليلى: ما تخيلج ابد تنفرين منه..اصلا انتي غير..احسج تتلذذين بتعذيبه...<o:p></o:p>
حصه: بيني وبينج هيه..مادري احس بعذابه يذبحني...اموت ان ما عذبني...يختي شسوي والله الحب بلوه..<o:p></o:p>
ليلى تتنهد:الله يعينج بس ترا كرامتج لها اعتبار لا تهملينه...<o:p></o:p>
حصه: الحب مافيه واحد اثنين ومافيه كرامه..الحب فيه ......<o:p></o:p>
ليلى تقاطعها: نعم!! عيدي اللي سمعته قبل شوي...الحب اصلا كله كرامه ومبادئ ..نحن نقبل التضحيه والتنازل عشان يستمر الحب بس الكرامه هي الشي الوحيد اللي ما ينقبل النقاش فيه..اذا خسرتي كرامتج خسرتي كل شي...<o:p></o:p>
حصه: مادري تفرق من ناس لناس...<o:p></o:p>
ليلى: الله يعينج والله اذا ما تصلتي باجر يا ويلج ابى تفصيل ممل شو استوى من اول ما دخل البيت لين ما طلع..وشو شعورج وشو سوا وكيف تحرك وشو قال..<o:p></o:p>
حصه تضحك:حشا مب استخبارات ..الا الاستخبارات ارحم ويا ويهج...<o:p></o:p>
ليلى: لازم بعد منج تعاديت..<o:p></o:p>
حصه: ليلى ابى اتخبرج عن كم شغله في المطبخ..<o:p></o:p>
ليلى تغايض: وييه قررتي اخيرا تخيسين ايديج الناعمه وتحدرين المطبخ...؟ يالله قولي شو تبين تطبخين بس لا تختارين شي صعب تراني ماعرف كل شي..<o:p></o:p>
حصه: انا بعد مابا شي صعب ابى اشياء سهله..قولي لي كيف اسوي مكرونة بشاميل وكيف اسوي مجبوس لحم...<o:p></o:p>
ليلى: مكرونة البشاميل سهله ما يبالها..قولي بشو تبين تسوينها لحم ولا دياي..؟<o:p></o:p>
حصه: امم دياي..<o:p></o:p>
ليلى: طبخي الديايه ساعه وعشر دقايق طبعا لازم تكون فرش من العين مب مثلجه...وقبل تخلص بربع ساعه طبخي المكرونه..ولين ما تخلص المكرونه طباخ طلعي الدياي من الماي وشلي العظم عنه وافرمي بصل وايد وحطي الدياي عقب ما تفتتينه على البصل واقليه في سمن حطي صلصه وبهارات وملح وكل شي من فلفل اسود وابيض وفلفل احمر حار مطحون وشو بعد هيه كل شي من البهارات حطيه..عقبها قلبيه لين ما يحمر الدياي وبندي عليه وسيري للمكرونه يوم تستوي وجبي الماي من فوقها وانتهى الموضوع...<o:p></o:p>
حصه: والبشاميل كيف اسويه..؟<o:p></o:p>
ليلى: اشتري جاهز وفكي عمرج..<o:p></o:p>
حصه: لا ابى مال البيت...قولي كيف..<o:p></o:p>
ليلى: صبي سمن في الجدر وحطي فوقه ملعقه طحين متوسطه وقلبي لين ما تتيمع وتمي زيدي طحين لين ما تتماسك وتغدي شرات العجينه..وخليها وييبي ثلاث اكواب حليب نيدو مذوبات في ماي واغليهن وكل شوي زيدي على الطحين حليب لين ما يتماسك ويستوي ذايب شرات البشاميل اللي تاكلينه وابدي حطي طبقة بشاميل وعقبها نص المكرونه وحشوة الدياي وفوقها النص الباقي من المكرونه ووزعي البشاميل بالتساوي من فوق..وحطيها في الفرن لين ما تغدي ذهبيه وصحتين وعافيه..<o:p></o:p>
حصه: الله يستر وايد صعبه..<o:p></o:p>
ليلى: لا صعبه ولاشي يوم بتبدين فيها اتصلي وانا بخبرج كل شي اوكي..<o:p></o:p>
حصه: خلاص اوكي..وكيف اسوي مجبوس لحم..<o:p></o:p>
ليلى: مجبوس اللحم اول شي تقطعين اللحم قطع صغار وتطبخينهن وتحطين عليهن لومي يابس وقرفه وهيل وخليه يطبخ على حسب نوعية اللحمه..اذا كانت من اللحم الصغار تطبخينها ساعه ونص وان كانت لحم كبار طبخيها ساعتين الا ربع...ولين ما يطبخ حمري بصل وطماط وفلفل اخضر بارد وفلفل مطحون احمر واسود وملح ومكعب ماجي واحد بس عشان ما يستوي الاكل حامض..وصلصله والبهاارات اللي تبين...ونقعي العيش في الماي ربع ساعه هذا ان كنتي تستخدمين بسمتي وان كان شي ثاني الله اعلم...كل شوي زيدي الماي على اللحمه عشان يوم بتحطين العيش تضبطين المقادير واول ما يخلص العيش ربع ساعه صفي الماي من فوقه وحطيه على اللحمه وحطي الصلصه اللي جهزتيها قبل شوي وغطيه لين ما ينشف الماي بس تمي تابعيه عشان تذوقين العيش نضج ولا بعده طبعا النار تكون هاديه..وان ذقتي انه خلص بندي النار تحته وخليه مغطى خمس دقايق عشان يجف باقي الماي اللي تحت واجلبيه في صينيه ثاني ورتبي قطع اللحم بالشكل اللي تبينه..وصحتين وعافيه...<o:p></o:p>

**عين الدماني** · 02-12-03 ||, 04:41 AM

حصه: يعافيج حبيبة البي...يا بخته اللي بيظويج اسميه بيظوي حرمة بيت كامله..<?xml:namespace prefix = o ns = "urn:schemas-microsoft-com:office:office" /><o:p></o:p>
ليلى: دخيلج صكي هالطاري لاعت جبدي من العرس وطاريه..<o:p></o:p>
حصه: اوكي خلاص لا تزعلين يا الشيف ليلى..<o:p></o:p>
ليلى: المهم يالله بخليج الحين بسير اشوف هالبنت اللي بتييب لي جلطه...<o:p></o:p>
حصه تضحك: تستاهلين ماياج منها..حشا شو تأكلينها اشك تأكلينها لحوم بشر...<o:p></o:p>
ليلى: يالخايسه والله ان ما قلتي ماشاء الله ببند في ويهج..<o:p></o:p>
حصه: ماشاء الله ما شاء الله ما شاء الله.. ارتحتي ..!!<o:p></o:p>
ليلى: زين يالله بخليج...اكيد بنزل وبلاقي دمار في البيت تحت والله مدري شو سالفتها هالبنت ما خلت شي صاحي في البيت..<o:p></o:p>
حصه ميته ضحك: يالله سيري شوفيها...وان شاء الله اليوم قبل ارقد لازم برمسج..<o:p></o:p>
ليلى: فديتج يا ربي..<o:p></o:p>
حصه: يالله في وداعة الله..<o:p></o:p>
ليلى: الله وياج...<o:p></o:p>
بندت ليلى عن حصه...وحصه على طول نزلت تحت بتشوف البنات وينهن وعبدالله وينه من الظهر ما شافته والحين قربت الغيبه وهو مارد البيت..وهي نازله تحت شافت عفرا في الصاله اللي تحت بروحها تشوف التلفزيون...<o:p></o:p>
حصه: عفاري وين عبدالله؟<o:p></o:p>
عفرا تقلب القنوات: مادري اتصل قبل شوي يتخبرني شو نبى من الجمعيه...وقلت له حصه بتتصل لك عقب شوي..<o:p></o:p>
حصه: سأل عني؟<o:p></o:p>
عفرا: هيه قال يبغي يتخبرج شو تبون من الجمعيه عشان غدا باجر...<o:p></o:p>
حصه: الحين بسير ادق له...الا وين سمر وحمده..؟<o:p></o:p>
عفرا: حمده راحت فوق ترمس ربيعتها وسمر محنيه شعرها وسارت تتسبح..<o:p></o:p>
حصه: اوكي خلاص قصري صوت التلفزيون برمس عمي...<o:p></o:p>
اتصلت حصه على تلفون عمها ورد عليها على طول شكله كان يترياها..<o:p></o:p>
عبدالله: وينج الله يهداج ساعه اترياج تتصلين..<o:p></o:p>
حصه: سوري فديتك والله كنت ارمس ليلووه اسمحلي...<o:p></o:p>
عبدالله: منو ليلى؟<o:p></o:p>
حصه: مب منك انت...الا مصدق عمرك انك من دبي وتنكرت لبوظبي...الحين ما تعرف ليلى؟<o:p></o:p>
عبدالله: والله ماعرفها تعرفيني ماحب هالسوالف...<o:p></o:p>
حصه : أي سوالف يا شيخ ..ما تعرف ليلى بنت خالي ناصر الله يرحمه..<o:p></o:p>
عبدالله يتذكر: هيه عرفتها ليلووه زين زين شو تبين من الجمعيه...<o:p></o:p>
حصه: امم نبغي جبنة بيتزا وزيتون جالعين النوى منه ونبغي صنوبر وزبيب وجبنة مالحه وزعتر وفلفل ابيض وصبغة عيش لا تنسى ابى الصبغه اللي لونها احمر لا تييب البرتقالي...وشو بعد ذكريني يا عفرا...<o:p></o:p>
عبدالله: وهاه كله بتحطينه فوق بعض؟<o:p></o:p>
حصه تضحك: لا لاء هذي اشياء مب موجوده في البيت ونحتاجها لكذا طبق باجر..<o:p></o:p>
عفرا: قولي له ماشي نسكافيه ولا دريم ويب وقولي له ييب بودرة سكر..وخلييه ييب وياه بشاميل جاهز احسن من اننا نتم نخبص..<o:p></o:p>
حصه: لا لا ليلى خبرتني كيف اسوي به طريقه وايد سهله ما نبى جاهز بنطبخ احسن من الطلبيات..<o:p></o:p>
عبدالله: يالله شو بعد..؟<o:p></o:p>
حصه: هات وياك بودرة سكر ونسكافيه صغير وخل وليمون و اقولك هات وياك ..لا لا خلاص كتبت هالاشياء تكفي..<o:p></o:p>
عبدالله: اذا في شي قولي من الحين الجمعيه وايد بعيده مافيني اسير مره ثانيه..<o:p></o:p>
عفرا: هيه تذكرت قولي له ييب وياه معكرونه قصيره ما نبى طويله شكلها يطلع غلط..هذيك ارتب..<o:p></o:p>
حصه: هات وياك م...<o:p></o:p>
عبدالله: خلاص سمعت اذا في شي ثاني دقن لي الحين لان بعدني في الجمعيه..<o:p></o:p>
حصه: اوكي نحن بنسير المطبخ نجهز بعض العجاين ..<o:p></o:p>
عبدالله: برايكن ..<o:p></o:p>
حصه: باي..<o:p></o:p>
بندت حصه وسارت ويا عفرا المطبخ عشان يخلصون ويقربون على الاقل اشياء لباجر عشان يسونها بدل الزحمه والضيج قررن يخلصن بعض الشغل الليله ويخلنه في الثلاجه لين باجر ويكملن عليه يوم ينشن...<o:p></o:p>
................<o:p></o:p>
على بعد المسافه من بين دبي والعاصمه مرورا بكل بقعه وكل بيت وانتهاء بالصاله العوده والتلفزيون اللي يكسر الصمت في البيت الهادي والغرف الشبه فاضيه الا من اربع ا فراد وقريبا جدا بيصيرون خمسه..وعلى اتم الاستعدادات وفي جو لا يمت للبهجه بصله..ولا يعني للفرح أي شي غير تخطيط ومشاريع وكلام ما يخلو عن الشركات والصفقات والربح والخساره....وبعد ما بدا العد التنازلي ويوم ما بقى شي على اللحظات اللي ما تشكل أي اهميه لاي انسان سوى صاحب القرار او احسن شي نقول منفذه لان اللي اتنفذ فيه القرار شخص مغلوب على امره ما يملك من حرية رايه غير اللي يسمح له يتنفس فقط..<o:p></o:p>
بو ناصر: فهد خلصتوا...؟<o:p></o:p>
فهد: هيه خلصنا ويوم الجمعه بينصبون العمال الخيمه...<o:p></o:p>
بو ناصر: كل شي جاهز ما بقى شي؟ متأكد انت ما نسينا شي..؟<o:p></o:p>
فهد: افا عليك ما شي بقى كل شي خلص ...<o:p></o:p>
بو ناصر: يا ام ناصر كلمتي الحرمات...؟<o:p></o:p>
ام ناصر: اصلا هن يدرن ان العرس الخميس ما يحتاي اخبرهن...<o:p></o:p>
بو ناصر: انا ما قلت عزمتي حد..انا اقصد هل بيت ام اروى قلتي لهم شي قاصر عليهم ماشيات...؟<o:p></o:p>
ام ناصر: ماشي قاصر عليهن كل يوم اتصل بهن ما قالن لي شي..الا البنت مدري بلاها شكله فستانها هب عايبنها مدري شو بلاه..<o:p></o:p>
بو ناصر: والله انا ما يخصني في هالشغلات قولي لريلها يتابعها وياها...<o:p></o:p>
ام ناصر: كلمته وقال بيتصل بهن ترا البنت ما طاعت تفصل لها فستان وقالت بتشتري شي جاهز..<o:p></o:p>
بو ناصر: احسن بلاها الخساير من اساسه...<o:p></o:p>
فهد كان يسمعهم ما يدري ليش حس بعمره منقهر..مايدري ليش حس انه يحترق معصب وما يريد يسمع زود...<o:p></o:p>
فهد: خلاص ابويه انا بطلع تامرني بشي؟<o:p></o:p>
بو ناصر: على وين ان شاء الله..انت ما تشبع هياته..؟<o:p></o:p>
فهد: عند ربعي مليت من البيت انا مب حرمه اتقيد بالمواعيد والزم ما علي بيتي[b]<

**عين الدماني** · 02-12-03 ||, 04:42 AM

فهد: عند ربعي مليت من البيت انا مب حرمه اتقيد بالمواعيد والزم ما علي بيتي..<?xml:namespace prefix = o ns = "urn:schemas-microsoft-com:office:office" /><o:p></o:p>
بو ناصر: امك قالت انك تبغي تعرس...صدق؟<o:p></o:p>
فهد: اكيد ولا بعد تبوني اصك الثلاثين وما عرست اكيد فكرت بالعرس...<o:p></o:p>
بو ناصر: بنت منو؟<o:p></o:p>
فهد: بنت ابوها...يعني الله يهداك بنت منو...ماعرف انا انا قلت للوالده تخطب لي وانتهى الموضوع...ما يهمني بنت منو ولا من وين..اهم شي يكونوا عرب ما عليهم رمسه راعين واجب ومحد يرمس فيهم..<o:p></o:p>
بو ناصر: وليش ما قلت لي انا بخطب لك بنت اخت حرمتي..<o:p></o:p>
فهد طالعه بطرف عينه: استريح يالغالي ما يحتاي زين ان اروى ما عندها خوات عشان ما اتوهق في صفقه ثانيه...انا حرمتي امي بتختارها لي...انت اخترت لناصر وانا امي تختار لي...<o:p></o:p>
بو ناصر: برايك...<o:p></o:p>
فهد: يالله يا ام ناصر من رخصتج..<o:p></o:p>
ام ناصر: الله وياك فديتك...<o:p></o:p>
طلع فهد من البيت وما يدري ليش رده تفكيره لليلى ما يعرف شو صار به..بس بنت خاله ما تستاهل اللي ياها...ما يدري شو صار به وليش حس بالذنب تجاهها..حس بطعم الغدر وما حب ان حد يجربه..ما يدري ليش ليلى ما هانت عليه...<o:p></o:p>
"ما تستاهل اللي ياها ما تستاهل بنت خالي..حليلج يا ليلى 13 سنه وانتي تعشمين عمرج وتعدين اللحظات تقولين اليوم اليوم..وراح اليوم ويا باجر وطلع كل يوم يشبه اللي قبله..ماشي اختلف وانتي مكانج ما كسبتي شي..بالعكس خسايرج كل مالها وتزيد...الله يكون بعونج...!!!.."<o:p></o:p>
كان في سيارته يتمشى في الشوراع وما يعرف ليش فكر بشي يمكن يشوفه ضرب من ضروب الجنون لكنه ابتسم وفكر فيها بحريه شوي اكبر..ولو انه تصرف اهبل بس بعد فكر يسويه على الاقل يقضي وقت ومنها يمر عليهم ويسلم ويرمسها بكلمتين في خاطره...وصل لين باب البيت ...البيت اللي ياما لعب فيه وضحك وعاش معظم وقته بين ناس ربوه وداروه ...بين ناس حسهم امه وابوه... في بيت كان يقضي فيه اغلب وقته حتى اكثر من بيتهم نفسه...<o:p></o:p>
تنهد وهو لابس نظارته الشمسيه رغم ان الساعه كانت 8:00 الليل ومستحيل يكون هناك شعاع شمس حتى..هالبيت كان فيه كل شي ذكريات وصفحات عمرها ما تنّسى مهما طواها البعد ومهما عفت عليها السنين...ذكريات يالله محلاها...ذكريات الحب الاول والاخير حتى..يالله كم احتوى هالبيت من موقف بينه وبين عايشه وليلى والمرحوم سيف وراشد ومبارك...حط النظاره على السيت اللي حذاله وبند السياره ونزل ودق الجرس رغم ان الباب كان مشرع على الاخر...بس ما دخل سيارته..وشاف مواقف السيارات في البيت ..كانت فاضيه مافيها ولا سياره الشي اللي يعني ان راشد مب في البيت لا هو ولا مبارك اخوه...وهو يتريا حد ييه من داخل...سمع صوت على الانترفون من داخل...<o:p></o:p>
ليلى: منو؟<o:p></o:p>
فهد: السلام عليكم..<o:p></o:p>
ليلى: وعليكم السلام..<o:p></o:p>
فهد: ندخل ولا نتم برا...؟<o:p></o:p>
ليلى: اقرب حياك الميلس على يمينك الشيخ..<o:p></o:p>
فهد: ما يحتاي بنيلس في الحوش..<o:p></o:p>
ليلى ماعرفت منو يرمس بس حست بقلبها شي غريب ما تدري شو هو...<o:p></o:p>
ليلى: بغيت من؟<o:p></o:p>
فهد: خالتي غاليه وليلى ...<o:p></o:p>
ليلى مبتسمه: فهد!!!!!!!<o:p></o:p>
فهد مبتسم اكثر: هيه زين والله تتذكرين اسمي بعدج...<o:p></o:p>
ليلى: لحظه لحظه بييك الحين...<o:p></o:p>
.
.<o:p></o:p>

**عين الدماني** · 02-12-03 ||, 04:45 AM

في صالة البيت اللي تحت ربعت ليلى فوق وحطت شيلة الصلاه على راسها وكانت لابسه مخور وشيخه في الصاله يالسه تركب المكعبات على بعضها...وامها يالسه وماسكه مسبحتها وتسبح في الطرف الثاني...<?xml:namespace prefix = o ns = "urn:schemas-microsoft-com:office:office" /><o:p></o:p>
ليلى: امايه عدلي وقايتج في رياله بيحدر الصاله..<o:p></o:p>
ام راشد: من هالريال؟<o:p></o:p>
ليلى: فهد ولد عمتي...<o:p></o:p>
ام راشد: هاه؟!!!<o:p></o:p>
ونزلت ليلى من دري الصاله الخارجي ما تدري ليش فرحت لشوفة فهد ما تعرف ليش بسرعه طلعت له وحتى ما خلت امها تكمل رمستها وياها وسارت له لين الباب...وشافته وهو انصدم منها كيف تغيرت يالله متى اخر مره شافها...هالعيون بعدها شرات ماهي ان ما زاد جمالها ما قل...بس الويه البسيط الهادي اللي مافيه جمال يذبح ولكن فيه نظرات حزن تقطع القلب..شكلها ازليه مافي أي شي ممكن يخليها تختفي...<o:p></o:p>
فهد: السلام عليج الغاليه..<o:p></o:p>
ليلى مبتسمه: يا حيهم يا حيهم وعليك السلام يا هلا والله بولد عمتي اللي ما يقصر...<o:p></o:p>
فهد مبتسم: نغزه هذي ولا شو...؟<o:p></o:p>
ليلى: تفضل اقرب حياك...<o:p></o:p>
فهد: قريب يا بنت خالي..<o:p></o:p>
ومشوا مع بعض من البوابه الخارجيه لين الصاله وفي هالوقت..<o:p></o:p>
ليلى: انصدمت والله ما توقعت انك فهد..<o:p></o:p>
فهد: لا توقعي عادي ليش ما كون فهد...بعدني ماغيرت اسمي للحين...<o:p></o:p>
ليلى تضحك: ماتغيرت ابد ...بعدك للحين ما تيوز عن سوالف الاستهبال...؟<o:p></o:p>
فهد: شفتي عاد...شو بيغيرني مثلا...حليلي ما تغير انا...<o:p></o:p>
ليلى: قلت يمكن الدنيا تغيرك شرات غيرك...<o:p></o:p>
فهد: لا لا انا غير ما تبدل..<o:p></o:p>
ليلى: ترا الناس مثل ما يغيرون الثياب يغيرون المبادئ...<o:p></o:p>
فهد: يالله شو هالدرر بنت خالي..ماحيدج شاعره...<o:p></o:p>
ليلى: شفت عاد هذي يسمونها عصارة السنين..<o:p></o:p>
فهد: عن الفلسفه هذي قصيده متعب التركي اعرف مب انتي اللي قايلتنها...<o:p></o:p>
ليلى تضحك: سود الله ويه عدوينك...مسود الويه...كشفتني..بس والله تراني اعرف اعد قصيد...<o:p></o:p>
فهد: اعرف من زمان شو تتحريني نسيت...<o:p></o:p>
وفتحت له باب الصاله ودخل البيت وقرب من ام راشد بيسلم عليها...ويوم سلم يلس قريب منها شوي...<o:p></o:p>
ام راشد: حيالله من يانا...سيري هاتي القهوه يا ليلى فديتج...<o:p></o:p>
ليلى: ان شاء الله...<o:p></o:p>
فهد: الله يحييج يا خالتي شحالج عساج مرتاحه وشحالهن ريولج الحين..<o:p></o:p>
ام راشد تشققت ان حد يعرف عن ريولها ويتنشدها: فديتك انا ريولي خلاص خربن ماشي منهن فايده..ليت حد يقصهن ويفكني منهن...<o:p></o:p>
فهد: بسم الله شو هالفال تحمدي الله واشكريه يمكن ترتاحين عقب...ويفك الله كربتج...الا اقول ليش ما تروحين تتعالجين احسن برا...<o:p></o:p>
ام راشد: وين ماروم للسفر انا..يالله يالله اروم اسير للعياده بعدك تباني اسير برا...خلني اموت في البلاد ابرك من بقعة هالحمر..<o:p></o:p>
فهد يضحك: الله يطولي بعمرج يالغاليه....شحاله راشد ومبارك..؟<o:p></o:p>
ام راشد: بخير ربي يسلمك ...انت علومك وعلوم امك وعربانكم كلهم...<o:p></o:p>
وتدخل ليلى يايبه وياها الفواله والقهوه ودلة الشاهي.....<o:p></o:p>
ليلى: تشرب شاي ولا قهوه...<o:p></o:p>
فهد: اشرب عصير...<o:p></o:p>
ليلى تضحك: فهد عن الاستهبال..<o:p></o:p>
فهد: اشرب أي شي من بيتكم حلو...<o:p></o:p>
ام راشد نشت عنهم..وسارت لشيخه...اللي كانت مندمجه وتركب المكعبات على بعض....<o:p></o:p>
ام راشد: قومي يا شيخه...قومي سلمي على عمج فهد...<o:p></o:p>
شيخه: ماليد..<o:p></o:p>
لفت شيخه وشافت حد في الصاله وسارت عند امها وكان شعرها ملعوز ومب مسحينه...ولابسه جلابيه قصيره...<o:p></o:p>
وركبت على ريول امها ويلست فوقهن...<o:p></o:p>
ليلى: روحي سلمي عليه...<o:p></o:p>
شيخه تطالعه بنظرات خقه: ماليد..<o:p></o:p>
فهد: بنت سيف؟<o:p></o:p>
ليلى: هيه...<o:p></o:p>
فهد: هييي الدبه تعالي...<o:p></o:p>
شيخه عصبت: امي ثوفيها تقولي دبه..<o:p></o:p>
ليلى: لا هو يقصدني انا مب انتي...<o:p></o:p>
فهد: الا انتي الدبه مب ليلى..تعالي سلمي..<o:p></o:p>
شيخه: ماليد..<o:p></o:p>
ونش فهد ويلس في وسط الصاله عند مكعبات شيخه...ويلس يلعب بهن..<o:p></o:p>
شيخه بتصيح: امي ثوفيه قوليله يلوووح..<o:p></o:p>
ليلى: فهد قوم روح بيتكم يالله..<o:p></o:p>
فهد ميت ضحك: كيفكن هو...<o:p></o:p>
ويلس يخرب اللي سوته شيخه ويركب على كيفه...وليلى شاله شيخه فوقها وعقب نزلتها...وشيخه ربعت صوبه..ويرته من كندورته..<o:p></o:p>
شيخه: مالي مالي...<o:p></o:p>
فهد مسكها ولوى عليها وتم يحببها: فديتج انا فديت روحج ...<o:p></o:p>
شيخه: ماليدث ماليدث.<o:p></o:p>
فهد: بس انا اريدج اريدج..<o:p></o:p>
ليلى تضحك عليهم ويلست على الكنبه جدامهم..وفهد يتحرش في شيخه وهي تطالعهم...صح انها انصدمت من تصرف فهد ومن زيارته [b]<span lang=ar-sa style="font-si

**عين الدماني** · 02-12-03 ||, 04:47 AM

فهد: بس انا اريدج اريدج..<?xml:namespace prefix = o ns = "urn:schemas-microsoft-com:office:office" /><o:p></o:p>
ليلى تضحك عليهم ويلست على الكنبه جدامهم..وفهد يتحرش في شيخه وهي تطالعهم...صح انها انصدمت من تصرف فهد ومن زيارته بس خلت عمرها عاديه او نقول احسن روحها كانت طبيعيه بدون ما تسوي هالشي...فهد بعفويته وخفة دمه خلى الجو عادي وجنه كان عندهم البارحه...<o:p></o:p>
ليلى كانت سرحانه في عالم ثاني وفهد نسى نفسه ويلس ويا شيخه وماحس بالوقت..وبدقايق قدر يكسبها...<o:p></o:p>
فهد وهو يحط اخر مربع فوق القلعه اللي بناها لشيخه: شوفي الحين سوينا بيت عوود..حقج انتي وريلج..<o:p></o:p>
شيخه تضحك وضرسين من ضروسها اللي جدام مسوسات وشكلها يضحك:وامي ويانا..<o:p></o:p>
فهد: وانا بعد...!!<o:p></o:p>
شيخه: لاء اتي ولد عيب تلوحي مع البنات..<o:p></o:p>
فهد: حي منو معلمنج انتي هالسوالف...والله انج مسنعه وبنت ناس...عادي ماستغرب دام ليلى وراج فأنتي بتطلعين من اخير بنات العايله..<o:p></o:p>
شيخه تطالعه: يالله نثوي بيت للوحث..<o:p></o:p>
فهد: شو؟<o:p></o:p>
شيخه: وحث...!!<o:p></o:p>
ودخلت البشكاره...<o:p></o:p>
شرملى: ماما ليلى...<o:p></o:p>
ليلى انتبهت: هلا...<o:p></o:p>
شرملى: شو يسوي عشا..؟<o:p></o:p>
ليلى: فهد شو بتتعشى..شو تحب تتعشى..؟<o:p></o:p>
فهد: لا مشكوره الغاليه انا لازم اروح الحين...والله بالصدفه ياي هني والشباب يتريووني بس ما سرت لهم...<o:p></o:p>
ليلى: ليش فهد الله يخليك تعشى ويانا راشد وحمدان بييون الحين...<o:p></o:p>
فهد ينش بيطلع: والله العظيم اني مواعد الشباب..بس ييت هني وعقبها بمر عليهم وبشوف العمال وبسير البيت اصلا ما بيمديني الوقت...<o:p></o:p>
ليلى: أي عمال...؟؟<o:p></o:p>
فهد وشكله تغير: عمال الخيام...<o:p></o:p>
ليلى وقلبها مب في حاله: خيام شو؟<o:p></o:p>
فهد يبلع ريجه: عرس ناصر...<o:p></o:p>
صاعقه نزلت على راس ليلى...ضربه مستحيل يحس فيها غيرها...كلمه تعني لليلى موتي الحين...يالله مرخص الدنيا..وبكل بساطه تقولها يا فهد...<o:p></o:p>
نزل فهد راسه يطالع شيخه وهي تلعب...ما قدر انه يطالع ليلى اللي كانت متماسكه وما صاحت ولا دمعت...<o:p></o:p>
ليلى بثقه مصطنعه: خلاص حددتوا...؟<o:p></o:p>
فهد: الاثنين ان شاء الله...<o:p></o:p>
ليلى حست انها تنجتل وتتعذب بس صبرت ويا مكثر صبرها: مبروك الله يتمم بخير...<o:p></o:p>
فهد: يالله من رخصتج الغاليه...<o:p></o:p>
وطلع من باب الصاله..وعشان ليلى ما تحسسه ان فيها شي طلعت وراه تربع وشيخه نشت وياهم...<o:p></o:p>
ليلى: فهد تريا بوصلك..<o:p></o:p>
فهد: شعليج ساكنه مملكه مب بيت ..اونه بوصلك..<o:p></o:p>
ليلى تبتسم:قول ما شاء الله..<o:p></o:p>
فهد: ماشاء الله..<o:p></o:p>
ليلى: سلم على عمتي وعمي وناصر...و..<o:p></o:p>
فهد: ومنو بعد...؟؟ خلاص خلصنا اونه سلم على وعلى...كلنا على بعضنا اربعه...<o:p></o:p>
ليلى: لا بتستووون خمسه جريب...<o:p></o:p>
فهد: ليلى...<o:p></o:p>
ليلى: لبيه..<o:p></o:p>
فهد: لبيتي حايه...سمعي بقولج شي بس قولي والله اقول الصدق..<o:p></o:p>
ليلى مبتسمه: وييه مال اول هالحركات بس يالله ..والله اقول الصدق..<o:p></o:p>
فهد: عادي اذا ابى ايي هني أي وقت...؟<o:p></o:p>
ليلى مستغربه: شو هالعبط اكيد عادي..يا فهد يا خوي القطيعه يت من صوبكم ولا نحن خواطرنا ما فيها شي..صدقني لو تميت سنه تفكر وتحسب كبر فرحتي اليوم بزيارتك والله ما تستوعب..صدقني يا فهد...<o:p></o:p>
فهد تشقق: زين مشكوره..<o:p></o:p>
ليلى: عدال يالمؤدب انت..<o:p></o:p>
فهد يطلع برا: يالله ردي داخل لحد يخطف ويشوفج...<o:p></o:p>
ليلى ابتسمت: زين والله كبرنا...<o:p></o:p>
فهد يركب الموتر: يالله اقولج داخل في شباب برا يالله دشي..<o:p></o:p>
ليلى تضحك: سلم عليهم...<o:p></o:p>
فهد بنظره حاده: منو؟؟<o:p></o:p>
ليلى: شفيك اقصد اهلك...شبابهم الشباب اللي برا نفادهم..<o:p></o:p>
فهد: ان شاء الله يالله تيك قود كير ..<o:p></o:p>
ليلى: ارجوك ما نروم نحن...<o:p></o:p>
فهد يرجع السياره ورا: الله وياكم..<o:p></o:p>
روح فهد وليلى ما قدرت انها ما تصيح ما قدرت انها ما تطلع حجرتها وتبكي لين ما تقول بس..قهرها وباجر بيزفونه لوحده غيرها...يالله يالدنيا كيف انجلبتي..طول عمرج ظالمتني ويوم قلت بتنصفيني غدرتي فيني...مرخصج يالله مرخصج...صدق ليلى عاشت اكتئاب نفسي وما قدرت تتصل بحصه من ضيج حالها ومن قهرها...حست انها بتنفجر من الصياح...صاحت لين ما قالت بس..وفوق كل هذا تمت تصيح اكثر واكثر...صح تحس انها عافت ناصر بس ما تقدر انها تقول انها ما تحبه وانها قدرت تنساه..مجرد عصبيتها عليه يأكد لها انها بعدها تحبه وتموت فيه...بس كرامتها ابدا من كل شي..<o:p></o:p>
"هذا وانا اشوف يوم السبت صعب علي اواجهه..عيل كيف بسوي وانا بشوفه واعرف ان عرسه باقي عليه يومين...يالله يا ربي شسوي..!! وشهي حياتي لو تلاقت عيني بعينه...شو بقوله وكيف ممكن اواجهه...والله انيه مادري يا ربي شسوي...ارجوك ساعدني.."<o:p></o:p>
وتمت تصيح من قهرها وضيجها...وتلفونها يرن وحصه حرقته تتصل فيها بس ما شلته ابد..ما كان لها بارض تكلم حد..كانت محتاجه تعيش ويا نفسها شوي وتعرف شو اللي لها واللي عليها...ويوم السبت يحلها الف حلال..
.....................<o:p></o:p>

**عين الدماني** · 02-12-03 ||, 04:49 AM

اول ما نشو الصبح كانت عفرا مبخره البيت ومعدله الدنيا وكل شي في البيت كان يجنن من تنسيق حصه وعفرا...اما حمده وسمر فكان وجودهن والعدم واحد...عبدالله كان ضايع في هالعفسه ومب عارف ريله من راسه..بس كان متقبل الموضوع دام ان السالفه فيها خواته وهله وفيها وناسه له وياهم...<?xml:namespace prefix = o ns = "urn:schemas-microsoft-com:office:office" /><o:p></o:p>
في المطبخ كانت حصه تدخل اخر كيكة نسكافيه مسوينها...واكيد عفرا اللي كانت مسويتنها...واما حصه ما تعرف لهالسوالف..واللي تفكر فيه كيف بتخبص الدنيا الظهر يوم بتسوي المجبوس والمكرونه...وعقب ما طلعت من المطبخ...وعفرا وياها..<o:p></o:p>
عفرا: افف عفت ريحتي من الطباخ الله يعينا على الغدا...<o:p></o:p>
حصه: والله ان مايت سمر وحمده ما يتغدن الخايسات بشاكيرهن ونحن ما ندري..<o:p></o:p>
عفرا: ما يعرفن شي لاتزقرينهن وتصدعين براسج برايهن...<o:p></o:p>
حصه: انا بسير اتسبح شوي وبرد الصاله بنحط الريوق...<o:p></o:p>
عفرا: هو متى بيوصل..؟<o:p></o:p>
حصه وقلبها يدق: والله مادري بس تقريبا على الساعه 1:00 الظهر...<o:p></o:p>
عبدالله وهو يحدر المطبخ: يوعان ماشي ريوق...؟<o:p></o:p>
عفرا: امبلى والله تونا نقول بنحطه الحين..<o:p></o:p>
عبدالله: عفرا فديتج حطي لي شاي حليب وفيه شوية هيل..<o:p></o:p>
عفرا: ان شاء الله..<o:p></o:p>
طلع عنهن عبدالله..وهن كل وحده سارت مكان...الساعه بعدها كانت 10:00 الصبح وحمده للحين ما نشت..ودخلت عفرا توعيها...وحصه سارت تستلم سمر...اللي شافتها تسبح في بحور الاحلام...<o:p></o:p>
حصه تسحب لحافها: قومي يالله بلا قلة ادب خلينا نخلص شغلنا..مب حاله هذي ..يالله نشي ساعدينا..<o:p></o:p>
سمر: جب ما يخصج طلعي برا..<o:p></o:p>
حصه مبطله عيونها على الاخير: شو فيج هييه انتي صاحيه..<o:p></o:p>
سمر وشكلها بتصيح: طلعي برا..انتي شو تتحرين عمرج..محد يروم لج..انتي ما تحترمين حد..خلينا نرقد..انتي ما عندج احساس...<o:p></o:p>
حصه كانت صدق مفجوعه في اختها ومب مصدقه اللي تسمعه...<o:p></o:p>
سمر تكمل: بس انا استحملتج وايد بس انتي مصختيها وما قدرتي سكوتي اففففف..<o:p></o:p>
ونشت سمر وشلت لحافها ومخدتها..<o:p></o:p>
سمر: انا بس برد بوظبي ومابا ارقد وياج خلاص تمي بروحج وارتاحي وريحيني...وبليز لا ترمسين وياي اوكي...خلاص كل شي وله حدود..<o:p></o:p>
وطلعت سمر برا وبطلت باب حجرة بنات اخوها وشافتهن يرمسن بهدوء بعدما نشت حمده وكانت عفرا يالسه على شبرية اختها ويسولفن..ولفن عليها مستغربات يوم شافنها..وهي يلست على الكنبه في الحجره وتمت تصيح من خاطرها...ونشت لها عفرا...وكانت هذي هي التجربه الاولى لعفرا والفرصه الاولى اللي مفروض فيها تثبت لنفسها انها تمشي في الطريق الصح..وان الدور اللي بتبدا تتقمصه هو الانسب لها..<o:p></o:p>
عفرا: سمر شو فيج؟<o:p></o:p>
سمر تصيح من خاطرها: ولا شي ولا شي..<o:p></o:p>
عفرا: شو مافيج شي ودموعج هاي شو سببها..؟<o:p></o:p>
سمر: اريد ارد بوظبي خلاص مابا اتم هني..اريد امي وابوي...<o:p></o:p>
عفرا: خلاص نحن باجر رادين ليش مضيجه خاطرج..بس انتي كنتي مستانسه وما تبينا نرد شغيرج؟ حصه زعلتج؟<o:p></o:p>
سمر: لا تقولين اسمها ماريد اسمعه خلاص كرهتها...<o:p></o:p>
عفرا شهقت: افا يا سمر حد يكره اخته بنت امه وابوه..<o:p></o:p>
حمده شلت عمرها ودخلت الحمام بتتسبح...<o:p></o:p>
عفرا: قومي قومي غسلي ويهج وتعالي بكلمج في ميلس الحريم بعيد عن حمده وحصه وعمي...قومي..<o:p></o:p>
قامت سمر ويا عفرا ودخلتها الحمام اللي في الصاله..وحصه صدق بعدها تحت تأثير رمسة سمر مب مستوعبه شي..ليش شو اللي خلاها تنفجر..<o:p></o:p>
" معقوله انها ضايجه وبترد عادي...ولا شو سالفتها هدت علي مره وحده...معقوله اني مصختها..والله اني احبها هذي شو تفكر.."<o:p></o:p>
وردت تتذكر جملة سمر...<o:p></o:p>
" طلعي برا..انتي شو تتحرين عمرج..محد يروم لج..انتي ما تحترمين حد..خلينا نرقد..انتي ما عندج احساس..."<o:p></o:p><span lang=ar-sa dir=rtl style="font-size: 13.5pt; color: black; font-family: 'times new roman'; mso-fareast-font-family: 'times new roman'; mso-ascii-font-family: 'book antiqua'; mso-hansi-font-family: 'book antiqua'; mso-ansi-language: en-us; mso-fareast-language: en-us; mso-bidi-language: ar-sa">دخلت حصه تتسبح وطنشت الموضوع وعبدالله في<span lang=ar-sa style="font-size: 13.5pt; color: black; font-family: 'book antiqua'; mso-fareast-font-family: 'times new roman'; mso-bidi-font-family: 'times new roman'; mso-ansi-language: en-us; mso-fareast-language: en-us; mso-bidi-language: ar-sa"> <span lang=ar-sa dir=rtl style="font-size: 13.5pt; color: black; font-family: 'times new roman'; mso-fareast-font-family: 'times new roman'; mso-ascii-font-family: 'book antiqua'; mso-hansi-font-family: 'book antiqua'; mso-ansi-language: en-us; mso-fareast-language: en-us; mso-bidi-language: ar-sa">الصاله يالس ما يعرف شو يسوي...ويفكر كيف بيكون البيت باجر عقب ما يروحن عنه<span lang=ar-sa style="font-size: 13.5pt; color: black; font-family: 'book antiqua'; mso-fareast-font-family: 'times new roman'; mso-bidi-font-family: 'times new roman'; mso-ansi-language: en-us; mso-fareast-language: en-us; mso-bidi-language: ar-sa"> <span lang=ar-sa dir=rtl style="font-size: 13.5pt; color: black; font-family: 'times new roman'; mso-fareast-font-family: 'times new roman'; mso-ascii-font-family: 'book antiqua'; mso-hansi-font-family: 'book antiqua'; mso-ansi-language: en-us; mso-fareast-language: en-us; mso-bidi-language: ar-sa">البنات...بيرد وحيد ضايج ماله حد...بيحس بتعاسه كبيره..وضيج اكبر..بترد له صديقته<span lang=ar-sa style="font-size: 13.5pt; color: black; font-family: 'book antiqua'; mso-fareast-font-family: 'times new roman'; mso-bidi-font-family: 'times new roman'; mso-ansi-language: en-us; mso-fareast-language: en-us; mso-bidi-language: ar-sa"> <span lang=ar-sa dir=rtl style="font-size: 13.5pt; color: black; font-family: 'times new roman'; mso-fareast-font-family: 'times new roman'; mso-ascii-font-family: 'book antiqua'; mso-hansi-font-family: 'book antiqua'; mso-ansi-language: en-us; mso-fareast-language: en-us; mso-bidi-language: ar-sa">الكئيبه بترد له الوحده اللعينه...بس بيحاول يصبر ما وراه غير<span lang=ar-sa style="font-size: 13.5pt; color: black; font-family: 'book antiqua'; mso-fareast-font-family: 'times new roman'; mso-bidi-font-family: 'times new roman'; mso-ansi-language: en-us; mso-fareast-language: en-us; mso-bidi-language: ar-sa"> <span lang=ar-sa dir=rtl style="font-size: 13.5pt; color: black; font-family: 'times new roman'; mso-fareast-font-family: 'times new roman'; mso-ascii-font-family: 'book antiqua'; mso-hansi-font-family: 'book antiqua'; mso-ansi-language: en-us; mso-fareast-language: en-us; mso-bidi-language: ar-sa">الصبر<span style="font-size: 13.5pt; color: black; font-family: 'book antiqua'; mso-fareast-font-family: 'times new roman'; mso-bidi-font-family: 'times new roman'; mso-ansi-language: en-us; mso-fareast-language: en-us; mso-bidi-language: ar-sa">...
..
..

**عين الدماني** · 02-12-03 ||, 04:51 AM

طلع سيارته اول ما نش..اليوم نش من وقت وتعطر وتعدل كان صدق يذبح اللي ما ينذبح..متعمد يكشخ خله يعذبها شوي اصلا هي تموت في تعذيبه وهو ليش ما يزيد الجرعه....عدل المنظره في السياره وطالع ويهه...<?xml:namespace prefix = o ns = "urn:schemas-microsoft-com:office:office" /><o:p></o:p>
"جي اوكي ...اليوم يومج يا حصيص بنت مبارك"<o:p></o:p>
ابتسم ودخل السيدي في المسجل...<o:p></o:p>
" سولفي للناس عني ...قولي اني ما عرفت اختار من قلبي يحبه ..سولفي للناس اني ما عرفت اقرا وجوه الحاضرين من الاحبه...اعترفلك اني فعلا ما عرفتك...ما قدرت اوصل مع قلبي لحل وما فهمتك..تجمعين الضد في كل الامور راغبه مره ومره مثل نور..تشبهين ايام اوراق الخريف..تمطرين احيان احساسك زهور..صدقيني صرت من بعدك اخاف واعترف ان الخلاف واسع طريقه...واننا ما نلتقي في أي شي... فينا اختلاف للاسف هذي الحقيقه...يا رضاها وقف وناظر شوي شف غلاها كيف سوا بشخص حي..."<o:p></o:p>
قصر عالصوت شوي...واتصل في عبدالله...كان حمد متشقق ومستانس..وكانت هذي اول لمه له مع اهله من يوم توفت بدريه..واول مره يسير دبي من ذاك اليوم المشؤووم...كان صدق بيطير من الفرحه واللي مفرحنه اكثر انه ساير صوب حصه...حصه اللي صدق اليوم بيستعيد وياها احلى ايام العناد والتعذيب...<o:p></o:p>
عبدالله: مرحبا مليون بولد العم..ماشاء الله لو ادري ان غدانا بيخليك تنش من وقت كل يوم بعزمك..<o:p></o:p>
حمد يضحك: بس بس الله يخليك...والله ياخي نشاط مب طبيعي..<o:p></o:p>
عبدالله: هاه ياي ان شاء الله..<o:p></o:p>
حمد: في الدرب توني طالع وقابض درب دبي..<o:p></o:p>
عبدالله: الله الله بنفسك...بيتنا مكانه ما بيطير لا تسرع ولا تتهور..<o:p></o:p>
حمد: خلاص هي مره يا بو حميد ما تتكرر..<o:p></o:p>
عبدالله يتنهد: الله يرحمها بحرمته..<o:p></o:p>
حمد: امين يا رب العالمين..وين البنات عيل ..البيت هادي ليش؟<o:p></o:p>
عبدالله: والله مادري شسالفة هالمخبل...<o:p></o:p>
حمد يضحك: سلط الله على ابليسك..شو سون بك؟<o:p></o:p>
عبدالله: ياخي مدري شعندهن..اخاف يحرقن البيت علي..من امس ما طلعن من المطبخ الا الساعه 2:30 واليوم ناشات تسع ويالسات فيه للحين..<o:p></o:p>
حمد انفجر من الضحك: وين ام لسان عنك...<o:p></o:p>
عبدالله: حليلها ما تروم لهن ودرت المطبخ ويلست في حجرتها...<o:p></o:p>
حمد: وليش محتشره ذاك اليوم وتقول بتسوي الغدا هي؟<o:p></o:p>
عبدالله: انت ترمس عن منو؟<o:p></o:p>
حمد: وليش انت تقصد من؟<o:p></o:p>
عبدالله: انا اقصد البشكاره..<o:p></o:p>
حمد يضحك: حليلك ولد عمي ثرك مب صاحي..انا ارمس عن اختك حصه...محد ام لسان الا هي..<o:p></o:p>
عبدالله يبتسم:والله تحريتك ترمس عن دونا..حليلها حصه..<o:p></o:p>
حمد: دونا خلها لك شو ابا بها..<o:p></o:p>
عبدالله:يالله خرفنا..<o:p></o:p>
حمد:زين انا بخليك الحين يا بو الشباب وعقب شوي بكون عندك ان شاء الله...<o:p></o:p>
عبدالله: الله الله في السواقه السنعه..<o:p></o:p>
حمد: لا توصي يا بو حميد..<o:p></o:p>
عبدالله: في وداعة الله..<o:p></o:p>
بند حمد عن عبدالله اللي نش يتريق ويا خواته...طبعا سمر ما طاعت تنزل ويلست في حجرة بنات اخوها...وعلى سفرة الريوق..<o:p></o:p>
عبدالله: وين سمر..؟<o:p></o:p>
عفرا: للحين راقده بعدها ما نشت..<o:p></o:p>
عبدالله: متى بتتريق..؟<o:p></o:p>
عفرا: باخذ لها ريوق لين حجرتهن...<o:p></o:p>
حصه: وليش فوق..خليها تنزل شو هالدلع..<o:p></o:p>
حمده: خلوها على راحتها..<o:p></o:p>
عبدالله: شي مضيج بها؟<o:p></o:p>
عفرا: لا بس ما طاعت تنش...تقول نعسانه..<o:p></o:p>
عبدالله: خلوها ترقد شو وراها ما بتسوي شي..حرام خلنها ترتاح ياهل..<o:p></o:p>
عفرا: انا بطلع ارمسها عقب الريوق..<o:p></o:p>
حصه: ما اتصل فيك حمد..<o:p></o:p>
عبدالله: توه مبند عني..عقب شوي بيوصل..<o:p></o:p>
حصه وقلبها ما عاد يصبر اكثر من جي: زين والله تحريته بيي متأخر..<o:p></o:p>
عبدالله مبتسم بحنان: لا الحين ان شاء الله بيكون هني..<o:p></o:p>
نشت حصه وشلت الصحون ويا حمده وعفرا وسارن المطبخ وطلعن ييلسن في الصاله يشوفن التلفزيون..وعفرا طلعت فوق عند سمر..وفي الحجره يالسات عفرا وسمر عقب ما رفعت لها عفرا الريوق فوق..<o:p></o:p>
سمر: ماريد شي..ابى ارد بوظبي..<o:p></o:p>
عفرا: لا تستوين نحيسه عاد..سمر اليوم اخر يوم لنا هني..خلينا نستانس...عمي ما يستاهل الضيجه..<o:p></o:p>
سمر: لا تقولون له اني ضايجه بس صدق ابى ارد بوظبي ماقدر اتحمل اكثر من جي..<o:p></o:p>
عفرا: اوكي تريقي ويحلها الف حلال عمي حمد بيوصل عقب شوي..عيب يشوفكن جي متضاربات وهو ياي يستانس وتعرفين اخته ماتت لازم يكون حزين ونحن نطلعه من جو العزله اللي دافن عمره فيها...<o:p></o:p>
سمر: شو اسوي انا محد يحتايني في شي..<o:p></o:p>
عفرا: وجودج مهم..انتي اخته او شرات اخته...لازم يحس اننا كلنا نحبه ونبغيه وفرحانين بوجوده...<o:p></o:p>
سمر:زين بس قولي لحصه لا ترمسني ماريد ارمسها..<o:p></o:p>
عفرا مبتسمه: اوكي بقولها بس نشي سبحي وعدلي شعرج وغيري ثيابج تراه شوي ويوصل..<o:p></o:p>
سمر: قالوا بيي الظهر...<o:p></o:p>
عفرا: توه متصل بعمي يقول الحين دقايق وبكون عندكم..<o:p></o:p>
سمر: زين خلاص شلي هالريوق مابا شي بتسبح يبالي ساعه لين ما نشف شعري...<o:p></o:p>
عفرا مبتسمه: اوكي بخليه لج على الكاونتر في المطبخ تريقي عقب اوكي..<o:p></o:p>
سمر: اوكي صكي الباب [b]<span lang=ar-sa style="font-size: 13.5pt; color: black; mso-ascii-font-family: 'book antiqua'; mso-hansi-f

**عين الدماني** · 02-12-03 ||, 04:52 AM

سمر: اوكي صكي الباب وراج..<?xml:namespace prefix = o ns = "urn:schemas-microsoft-com:office:office" /><o:p></o:p>
طلعت عفرا من عند عمتها سمر وهي مستانسه اول مره تقدر تقنع حد والظاهر ان الدور اللي بدت تتقمصه وتلعبه ينفع عليها..صح يمكن تواجهها عقبات لكنه اكيد دور بيكون اروع ما يكون عشان تعيش في حياتها ذكرى اغلى ناسها...<o:p></o:p>
.....................<o:p></o:p>
نشت اليوم هي الثانيه من وقت وسارت توعي اليهال عشان يصلون ما وعتهم الفير للصلاه ومتوثمه فيهم...بس اول ما ردت حجرتها ما لقت ريها في الحجره...دورته ما شافته وين...اليوم خميس وين بيكون راح...العاده يرقد لين 12:00 الظهر..<o:p></o:p>
سمعته وهو يصارخ في الممر اللي فوق بين الدور الثالث والصاله اللي في الدور الثاني..وصوته يعلى وهو يحلف على شي ما تعرف شو هو بس الظاهر ان كان يدافع عن عمره...هي ما فكرت في شي بس راحت حجرتها وبطلت شعرها بتسحيه..وشوي يبطل الباب بقوه..<o:p></o:p>
حامد: ان ما رمستي والله بجلب البيت فوق تحت على راسج...قولي منو رمستي من تلفوني؟<o:p></o:p>
سلمى وهي مرتبكه: اييه شفيك ما لمست تلفونك...<o:p></o:p>
حامد: حلفي؟<o:p></o:p>
سلمى: مب على كل شي بحلف...اذا ما تبغي تصدقني هالشي راجع لك...<o:p></o:p>
حامد وهو يعض على شفايفه من القهر: لا تنرفزيني ولا ترفعين ضغطي...حلفي انج ما لمستي تلفوني..<o:p></o:p>
سلمى: وقسما بالله اني ما لمست تلفونك والله العظيم..<o:p></o:p>
وتقول في خاطرها" والله اني ما لمسته اليوم"..<o:p></o:p>
حامد: قولي والله العظيم ما لمسته..<o:p></o:p>
سلمى: اووه شفيك شكاك جي..والله ما دقيته...حلفت كم مره بحلف...<o:p></o:p>
حامد: قولي يعلني افقد عيالي واحد ورا الثاني اني ما رمست من تلفونك ابد ابد ولا شليته وهو يدق ولا دقيت على حد..<o:p></o:p>
سلمى: لا صراحه مصختها...<o:p></o:p>
حامد بقهر: حلفي..يالله..لا تخليني اتصرف تصرف ما ترضينه..<o:p></o:p>
سلمى: اوف خلاص انا رمستها بنت الاصول ..ليش شو قالت لك...<o:p></o:p>
حامد بدون تفكير مسك سلمى من شعرها ويرها لين الارض وفرها تحت..وبعثر الحجره فوق تحت يدور تلفونها...بس ما لقاه..وبطل شنطتها الصغيره وطلعه منها..وفتحه وطلع البطاقه...وكسرها جدامها...<o:p></o:p>
حامد: هاي اخرتها..ما باقي الا ترمسين ربعي وانا مادري...<o:p></o:p>
سلمى صخت ومنزله راسها الارض..وتحس الدنيا تدور بها..كل شي توقعته يصير الا هالشي..وعشان منو عشان انسانه دخلت حياتهم غلط وبتحولها كلها لغلط في غلط...<o:p></o:p>
مسكت عمرها لا تصيح من قهرها ومن ذلها..وهو شافها بنظرة احتقار وهي نشت ترفع شعرها ويلست على الشبريه بكل هدوء...<o:p></o:p>
حامد: تفوو على هالويه...وعسا ربي لا يبارك في يوم اخترتج فيه شريكه...<o:p></o:p>
سلمى قابلت حقارته بالصمت..مب ضعف ولا قوه ولا مسألة كرامه ولكنها صدمه ما قدرت تمتصها للحين..<o:p></o:p>
حامد وهو منقهر من سكوتها: اليوم ارد البيت وماريد الاقيج شلي قشارج وذلفي من ويهي..وورقة طلاقج بتوصلج باجر اذا ما وصلت الليله...وانتي طالق طالق طالق..<o:p></o:p>
شهقت سلمى وهي تسمع الكلمات مثل الرصاص تحفر مسامعها...وهو صك الباب بقوه وطلع...يلست تصيح وتصيح وما قدرت تبرد قهرها..وما قدرت حتى تتصل في عبدالله ولا فكرت تدق لحد وما عرفت شو تسوي...غير انها تصيح وتصيح عسى بهالصياح يمكن شوي تعرف ترتاح وعقبها تتصرف...
.....................<o:p></o:p>

**عين الدماني** · 02-12-03 ||, 04:55 AM

في بيت بو خليفه الصبح كلهم الشياب يالسين في الصاله وخليفه وساره ونوره اختهم عندهم..يتهم امس بس انصدمت ان خواتها في دبي..وكانوا واقفين كلهم عند باب الصاله يسلمون عليه خلاص بيخليهم وبيروح...عقب ما اتفق اليميع ان الصاعقه هي الحل الامثل له ولاشباهه...<?xml:namespace prefix = o ns = "urn:schemas-microsoft-com:office:office" /><o:p></o:p>
بو خليفه: يالله يا ولدي توكل على ربك...<o:p></o:p>
ام خليفه وعبره خانقتنها: الله الله بنفسك يا ولدي..<o:p></o:p>
خليفه: ريال ما عليكم منه..قدها وقدود...<o:p></o:p>
نوره: يالله عاد الا كم شهر وتفتك..<o:p></o:p>
ذياب بحقد عليهم: زين خلوني بظهر..<o:p></o:p>
بو خليفه: ما بتسلم على بوك قبل تظهر..<o:p></o:p>
ام خليفه بصوت واطي: واعليه عليك يا ولدي..<o:p></o:p>
ساره: بس يا عمتي لا تزيدينه..<o:p></o:p>
وسلموا عليه وطلع عنهم وسار ويا خليفه...<o:p></o:p>
بو خليفه يدخل الصاله يتعكز: احسن له وين بيسير بيغدي ريال وبيخلي سوالفه..<o:p></o:p>
ام خليفه وهي تمش دموعها: حليله ذياب ياهل ما يعرف شي وانتوا كله تلومونه...<o:p></o:p>
نوره: وين ياهل ريال شكبره بلحيته تقولين ياهل..<o:p></o:p>
بو خليفه: محد مخربنه غير بزا امج..<o:p></o:p>
ساره : مسكينه عمتي ماتسوي شي..<o:p></o:p>
ام خليفه: وييه فديتج محد يفهمني الا انتي..<o:p></o:p>
نوره: اونه محد يفهمني..حليلج امي مافيج حيله وتعرفين منو يفهم ومنو اللي ما يفهم..<o:p></o:p>
ام خليفه: اييه والله ولا عشاني هب متعلمه ما فتهم لشي..تتحرين العلوم بس لج انتي..<o:p></o:p>
نوره: وين اروم لج انا...<o:p></o:p>
بو خليفه: سكتي عن امج الحين بتأذينا والسبه ساره مرة اخوج..كبرت لها راسها..<o:p></o:p>
ساره تضحك: الله يسامحك يا عمي..<o:p></o:p>
نوره: البيت هادي بدون البنات..<o:p></o:p>
بو خليفه: والله اني ولهت على بناتي وعلى سمر اكثر..<o:p></o:p>
ام خليفه: ما عليه ان ما قلت لحصه..<o:p></o:p>
نوره: وييه حرام حصه ما تداني سمر عاد الحين بتستلمها لو تدري...<o:p></o:p>
بو خليفه: ما تروم براويها ان قربت صوبها..<o:p></o:p>
ساره: حصه محد يروم لها يا عمي..<o:p></o:p>
بو خليفه: انا راعي سمحه..وين محد يروم لها...وانا مب ريال اراويها..<o:p></o:p>
ساره استحت: لا مب قصدي يا عمي..بس..<o:p></o:p>
ام خليفه: لا بس ولا مدري وش...مستقوين عليها هاه يوم انها محد بترمسون فيها..حليلها بنتي محد يسواها...<o:p></o:p>
بو خليفه يضحك..وتموا يسولفون وذياب راح خلاص اليوم اول يوم في الدوره اللي التحق بها..على الله ويمكن تعدله او تخليه يفكر بمستقبله شوي...
.......................<o:p></o:p>
 في دبي الكل في الصاله قاعدين وحشره وسوالف صدق الجو كان غير وكل شي فيه مختلف...بندوا التلفزيون مالهم حايه به...الكل مستانس..ويضحك ويسولف...الا حصه اللي في البدايه كانت ساكته وما عرفت ترمس ولا تتصرف...<o:p></o:p>
حمد: والله قعدتكم وناسه..<o:p></o:p>
عبدالله: بعدك ما شفت شي ما ستوا لك ربع ساعه وتقول وناسه..لو يالس مثلي اسبوع شو بتقول...طلعوا لي روحي..<o:p></o:p>
حمده: ليكون مليت يا عمي..؟<o:p></o:p>
عبدالله: حشا والحشا عن مية يمين ما دلني الملل وانتن هني الا رديتن لي روحي..<o:p></o:p>
حمده: عمي حمد..<o:p></o:p>
حمد: نعم!!!<o:p></o:p>
حمده: تعرف تلعب ورقه..؟<o:p></o:p>
حمد: لاء علميني...ويا هالراس اعلمج واعلم ابوج الشيبه بعد..<o:p></o:p>
عفرا: اييه حدك عاد..ابوي ما يخصه...<o:p></o:p>
سمر تضحك: خلووف الشيبه..<o:p></o:p>
حمد: اووه سمر هني توني انتبهت...<o:p></o:p>
سمر: لا والله انا كنت ساكته يمكن عشان جي ما عرفت اني هني..<o:p></o:p>
حمد منقهر ما سخافتها: هاهاهاها.<o:p></o:p>
سمر: جنك سبال شارد من حديقة الحيوان..<o:p></o:p>
بطل حمد عيونه على الاخر وعبدالله افتشل..وحمده نقعت ضحك..وعفرا حطت ايدها على حلجها مستحيه..وفجأه انفجر حمد ضحك..<o:p></o:p>
حمد يفرها بمخده صغيره: مسودة الويه..<o:p></o:p>
حصه تطالعهم بصمت وما نطقت بكلمه..حتى هو ما قالها شحالج ولا رمسها ابد..<o:p></o:p>
حمد: ييبوا الورقه بنلعب..<o:p></o:p>
عفرا: اقولكم احسن شي نلعب بلاي ستيشن..واللي يغلب يطلب من الفريق اللي غلبه أي شي..<o:p></o:p>
حمد مبتسم بخبث: اوكي موافق...بس بشرط..!!!<o:p></o:p>
عبدالله يضحك: شو شرطك جني الا اعرفه...<o:p></o:p>
حمد: انا اختار الفرق واقسمها على كيفي..<o:p></o:p>
سمر: وييه انا محترفه في البلاي ستيشن بعيفكم اللعب..<o:p></o:p>
حمد: بس جب جب ماريد اسمع حسج انتي..<o:p></o:p>
سمر: انت جب..<o:p></o:p>

**عين الدماني** · 02-12-03 ||, 04:56 AM

وتموا سمر وحمد يتناقرون ويسبون بعض بس طبعا كلها سوالف مب من صدق بس هو مستانس ان حصه ساكته مالها حس يتلذذ في ضعفها ويفكر صمتها كله هيمان...<?xml:namespace prefix = o ns = "urn:schemas-microsoft-com:office:office" /><o:p></o:p>
حمد: انا وعفرا وحمد في فريق...وحصه وعبدالله وسمر فريق ثاني..<o:p></o:p>
عبدالله: ياللوتي شليت حمده وياك..<o:p></o:p>
حمد: يا ذك ذك ترا سمر تعرف تلعب عدل ما يستوي يكون فريقين فيه محترفين اثنين..<o:p></o:p>
عبدالله: ليش منو محترف عندكم..؟<o:p></o:p>
حمد: انا طبعا...يالله الله يعينك على عبط بعض الناس..ان شاء الله ما يمسكون الجهاز بالمجلوب..<o:p></o:p>
ويلس يضحك وعبدالله فهم قصده..وحصه حرجت ويلسوا يلعبون...اول اثنين بيلعبون بعد القرعه هم حمده وعبدالله..<o:p></o:p>
سمر: انا اشجع عبدالله...<o:p></o:p>
حمد: عبوود شو فريقه اخترت..؟<o:p></o:p>
عبدالله: البرازيل طبعا..<o:p></o:p>
حمد: وانتي يا ام ذيل؟<o:p></o:p>
حمده: الارجنتين..شو ام ذيل هذي...!!!<o:p></o:p>
حمد: كيفي ابى اسميج ام ذيل...<o:p></o:p>
وتموا يلعبون حمده وعبدالله ويصارخون كلما دخل فريق عبدالله هدف ...ومرت الوقت ودخل عبدالله اربع اهداف على حمده وهي للحين صفر...<o:p></o:p>
عفرا: انتي ما تعرفين تلعبين بتخسرينا...<o:p></o:p>
حمده: جب انتي يعني انتي اللي تعرفين اللعب؟.<o:p></o:p>
حمد: اييه انتن ماريد مشاحنات تأثر على نفسية اللاعبين في فريقي..اسكتن ولا كرت احمر...<o:p></o:p>
كانت حصه تتأمله بجنون ميته عليه وهو ولا مفتكر فيها..مندمج في اللعب..<o:p></o:p>
عبدالله: خلصت المباراه..وفزنا بالجوله الاولى...خمسه/صفر...والله انج مصخره..<o:p></o:p>
حمده: عمي غشاش محد يلعب معاه...<o:p></o:p>
حمد: اسكتي زين..قالت لي غشاش..<o:p></o:p>
عفرا:انا اريد العب ويا عمتي حصه..ماروم لسمر لعيبه..<o:p></o:p>
حصه: شو قصدج يعني انا ماعرف العب..ولا ماعرف العب..<o:p></o:p>
حمد ابتسم وطالعها بلؤم: لا الثانيه ما تعرفين تعلبين...<o:p></o:p>
حصه انقهرت منه وعطته نظره قويه وطالعته من فوق لتحت ولفت عنه ترمس عفرا..وهو يوم شافها مارام يمسك عمره وحس انه بينجلط من القهر..<o:p></o:p>
"من متى حصه تتجرأ تطالعني بهالنظرات."<o:p></o:p>
حصه: يالله انا بلعب وياج عفاري...<o:p></o:p>
عفرا: صبري لين ما نسوي القرعه وعقبها بنشوف...<o:p></o:p>
وبعد القرعه طلعت سمر تلعب ويا عفرا وانقهرت حصه من هالشي وحمد استانس وتحلف فيها في خاطره انه بيعلمها اللعب والادب في وقت واحد على اصول...لعبوا كلهم ويا بعض..واحتشروا ومنها نشت حصه تييب لهم عصير واشياء خفيفه قبل الغدا...لين ما يخلص الدور من عفرا وسمر...وانتهت المباراه وغلبت سمر عفرا ثمانيه /واحد...<o:p></o:p>
حمده: وابوي انا على هالفضيحه...يا خيبتيه..!!!!!!<o:p></o:p>
عفرا مفتشله: على الاقل يبت واحد مب صفر...<o:p></o:p>
حمد: اووه شو قلت انا لا تتضاربن..<o:p></o:p>
عبدالله ميت ضحك على حمد اللي متوهق في البنات..ويطالعه وينقل نظراته على طول صوب حصه...اللي كانت تغلي...وحمد بيقهرها اكثر بتجاهله بس ما رام لها عقب هذيك النظره اللي تقطع القلب...<o:p></o:p>
حمد: يالله انسه حصه تعالي لعبي دورج والله الله فينا ما نبى نخسر...<o:p></o:p>
حصه بقهر: تتمصخر..!!!<o:p></o:p>
حمد: اكيد اتمصخر...ليكون تتحرين عمرج بتفوزين مثلاً..عادي اشنق عمري...<o:p></o:p>
حصه: زين زين اسكت والعب وانت ساكت..لا توتر اللاعبين..<o:p></o:p>
حمد يطالعها بنظرات وهو منقهر منها وبصوت واطي: اوكي بنشوف..<o:p></o:p>
وحمده وعفرا وعبدالله ميتين ضحك على حمد وحصه اللي منقهرين من بعض...وفي نص الشوط الثاني كانت النتيجه11/ صفر لصالح حمد..وكانت حصه تلعب عادي...بس تذكرت كلام ذياب في نص اللعب...<o:p></o:p>
" هيه هذا ولد عمج اللي ميته فيه وتتحرين محد يدريبج لكن انتي بالنسبة له ارخص من نعاله...ملطشه يا محترمه بس انتي ولا شي بالنسبة له ويوم بيمل من كل ها ما بيحصل غيرج اترياه وتتمسح في ريوله عشان ياخذها... وهو ولا يحبج ولا حتى معبرنج صدق مالت عليج فضل عليج بنت شوارع يا بنت الناس المحترمين...."<o:p></o:p>
وبضيج فرة الجهاز على الارض ونشت سايره المطبخ من قهرها...واستغربوا كلهم من حركتها...بس عفرا نشت وراها ..<o:p></o:p>
حمد: يلعن ابوج يالخساره شو تسوين....!!<o:p></o:p>
عبدالله: هزمناكم شر هزيمه...<o:p></o:p>
حمد: ايه بس منو اكثر لاعب فينا هزم لاعب ثاني..<o:p></o:p>
حمده: لا تغير السالفه نحن قلنا الفريق اللي يغلب مب اللاعب اللي يسجل اكثر..<o:p></o:p>
حمد: والله انسحبت لاعبتكم برايها ولا كنت سجلت 20 هدف...<o:p></o:p>
سمر: احلامك كبيره...<o:p></o:p>
حمد: انتي منو سألج يابقره...<o:p></o:p>
حمده تضحك: وييييو والله اهانه يا سمر كيف ترضين...<o:p></o:p>
عبدالله: لحووول يالفتانه انتي شو تبين توصلين له بالضبط...!!<o:p></o:p>
حمده: اغير جو..
.
.<o:p></o:p>

آخـــر الــمــواضــيــع

الموضوع: +++سحــــــــابة صيــف+++

أدوات الموضوع

عرض

Hybrid View

معلومات الموضوع

الأعضاء الذين يشاهدون هذا الموضوع

مواقع النشر (المفضلة)

مواقع النشر (المفضلة)

ضوابط المشاركة

آخـــر الــمــواضــيــع

الموضوع: *+*+*+سحــــــــابة صيــف+*+*+*

أدوات الموضوع

عرض

Hybrid View

معلومات الموضوع

الأعضاء الذين يشاهدون هذا الموضوع

مواقع النشر (المفضلة)

مواقع النشر (المفضلة)

ضوابط المشاركة

الموضوع: +++سحــــــــابة صيــف+++