*+*+*+سحــــــــابة صيــف+*+*+*

[عين الدماني]

<font color='#728FCE'>درة الشرق الله ايسلمج حبوبه و أشكرج عالمتابعه.. <img src="http://oasis.bindubai.com/emoticons/biggrin.gif" border="0" valign="absmiddle" alt=':D'>

ابتسامة جرح لا شكر على واجب غناتي وشكرج للإخت شوق بوظبي يبلغ انشاءالله.. <img src="http://oasis.bindubai.com/emoticons/smile.gif" border="0" valign="absmiddle" alt=':)'></font>

[عين الدماني]

<font color='#728FCE'>الحلقه الرابعة
الساعه 12:30 كانت ليلى في حجرتها يالسه وعقب سارت حجرة عايشه اختها ويلست فيها...حست بكبت بتعب وضيج..حست محد في العالم كله فاهمنها..."ليش ابويه مات..&#33;&#33; وليش اختي عايشه عرست وراحت..ليش انا في البيت وحيده..وليش خويه سيف توفى وبنته شو ذنبها تعيش يتيمه العمر كله..انا مب معترضه يا ربي على قدرتك واللي كاتبنه في اقدارنا...بس سؤال في نفسي اللي ضعفت وعمري اللي بدا يمشي بدون هدف..ليش ما عرست للحين...ليش كل الاقدار ماشيه ضدي..باقي 4 سنين وكم شهر واوصل الثلاثين..."
نزلت دموعها بصمت وحراره..ما قدرت تتكلم...ودها تكلم حصه بس تدري به بيتهم ممزور ضيوف..دفنت ويهها في المخده....
"اختي عايشه ولهت عليج"...
حست ليلى عمرها تبى تصيح تطلع الكبت اللي يحرق حياتها..وحدتها تسبب لها تعب نفسي..تحس بعمرها ضايعه ما تلقى نفسها الا في عيون ناصر...ناصر اللي ربت وياه وشافت كل ايام الطفوله معاه..كان ناصر حياتها من يوم انولدت وشافت الدنيا، ناصر هو عيونها اللي تشوف بها..تذكرت يوم صغيره وتلعب معاه ويوم كبرت وصارت مراهقه وهي تموت عليه..ويوم تخرجت وبعدها تعشق الدنيا لان ناصر فيها..لين ما وصلت هالعمر وهي بعدها ما عرست للحين..وتذكرت اثنين خطبوها بس رفضتهم عشان ناصر..ناصر اللي تقنع عمرها انه لها لو شو ما صار..
اكثر شي يعذبها انها تدري انها حبه الاول والاخير تدري ان ناصر يموت فيها....بس ناصر عاقل ويدري ان ليلى بالنسبه له مثل خيوط الشمس تنور له حياته بس ما يروم ييودها ..ليلى بالنسبه له نجمه يناجيها لين الفير بس عمره ما يوصل لها...
تعبت ليلى وهي على هالحال تفكر فيه وتدري انه سراب ..بس عواطفها قامت تسيرها وحست عمرها ما تقدر توقف تفكير فيه..وصار هالشي من يوميات حياتها..وكيف ما تحبه وهالحب ربى في قلبها من الطفوله وتأكدت منه ونضج في قلبها من 12 سنه..
يلست تناجي نفسها بصمت...
"ناصر وينك..&#33;&#33; ليش الدنيا رخيصه..شو اللي اغلى من البني ادم..الحين صار الميراث وسوالف الفلوس هي اللي تفرق بين الناس...الله يرحمك يا بويه..لو تدري ان عمتي اللي هي اختك ما طبت بيتنا من يوم غاب حسك عن هالبيت..ليت الموت بالاختيار جان رجيت الله ياخذ روحي وانت تتم...بس بعد ما تهون عليه احرق لك قلبك...يكفي كيف حالتك ومرضك اللي مرضته عقب وفاة سوافي الله يرحمه.."
يلست ولوت على المخده وتربعت على الشبريه...وتنهدت بحراره تذوب لها اقسى القلوب...وبدون شعور كانن دموعها مفر لها من قسوة الايام..ويمكن شافت فيها تبريد لروحها المتعبه المثخنه بالجراح....
"ناصر لو ان ابويه وافق يوم خطبتني اول مره شو كان بيستوي حتى لو ما عرسنا ذاك الوقت...الله يسامحك يا بويه قلت اني صغيره...ما تدري ان الدنيا بتتغير وانك يوم بتموت بيفترقون هلك عشان ميراثك..وبيروح اللي حبه القلب وعشقته الروح...ليش يا بويه ما حسبت ان هالبنت اللي كانت صغيره بتكبر..ما ادري يا بويه اذا رمستيه تعذبك بس من اشكي له..ربي اصبر علي والهمني الصبر ما عاد في باقي العمر روح..."
نشت من مكانها ويلست تطالع المنظره...ورفعت ايدها لشعرها وفتحته...وطاح من فوق لين اخر ظهرها...ويابته شوي جدام ويلست تطالعه...وابتسمت بألم...وجدام المنظره..
" باجر يختلط سوادك بالبياض.."
ردت لفته وبندت الليت ومشت دموعها وطلعت من الحجره..كان الممر مظلم بقدر ظلمة الحياة في نظرها...سارت بخطوات ثقيله لحجرتها تجر معاها هم ووجع السنين...ويلست على الكرسي وسحبت الدفتر والقلم وسجلت على صدر الزمن صرخة الم...
" آآآآآآآهٌمن غربة الروحومن هيجانأوجاعي"
ووقفت وردت شخبطت على الجمله وقطعت الورقه...وكتبت من اول ويديد..

"تعبتأكثر من التعب..أحترق...أحترق مثل الحطب مثلالخشبآه يا حرق اللهبكيف الصبربين اللواضي والجمركيف الجبر؟؟هذا الكسر ما ينجبرمن يجبر كسور الزجاجيارب عجّل بانفراججلّالمصابالقلب ذابيكفي عذابيالوعتي كبر الفيافي والقفركثر المطرأو كثر أمواج البحرحتى النهرأو كثر قطرات البحرحتى النهراوكثر من ودا البحر عنا وراحيكفي جراحأبعتذر..... يعني : يكفي إذا هذا مزاح؟؟؟؟ما عدت اميز صدقيني بين ضحكي والنواحبين صبري والكفاحبين رمشكوالرماحالكل........سبب لي جراح..الكلأرث لي نواحهليا ترىأصبح عذابي مستباح؟...أم ياترىماضي أنا عدا وراح &#33;&#33;&#33;&#33;&#33;&#33;&#33;&#33;&#33; وين العدلحتى الأمل عني غدا واصبح جُمَلفيها مواساتي غزلكيف العملمن بايداوي هالعلليالله يعل اللي تجلا بي وحلأنه يصيرمثل السراب ويضمحلأهل ورفاقما عوضوني عن بعادك والفراقوالله يعلم أنقلبي قده ضاقأرجوك يكفيني إحتراق"

صكت الدفتر ونشت بتنزل الصاله وكان الجو بارد...تترياهم...بس تعبت من كثر ما تتريا وقررت ترقد...حطت راسها على المخده ورقدت..
............
حصه على طول بعد اللي صار طلعت فوق وصكت الباب وعقت مخدة سمر ولحافها برا الحجره..ولحقتها سلمى على فوق بس ما قدرت تقنعها تفتح لها الباب....
سلمى: حصوه بطلي الباب خلي الخبال اللي فيج...
حصه ما ردت...كانت تحترق وتحترق بس ما تقدر تكبت اكثر عن جي...داخلها براكين غضب...لو صاحت جدام اختها بتقول انها ضعيفه...وايد تسمع من نوره هالرمسه ودايما جملها ترن في اذنها..
" انتي دومج مستقويه على سمر وبنات خليفه..دومج تطولين لسانج علينا وعلى خوانج وحريمهم..وما تحشمين حد بس الله مبتليج في محبة ولد عمج اللي يسقي الناس كاس مذلته"
حصه بندت الليتات ويلست بكل ثقه على شبريتها وقاومت الدموع وكانت فعلا قويه...كانت تتنهد تبى تقهر العبره اللي خانقتنها..تكابر ولا تصيح...تدري انهم كلهم بيلومونها حتى بدريه اللي دومها وياها ممكن تلومها على دموعها...
سلمى: حصووه وغلاتي عندج بطلي الباب...او ارمسي على الاقل...
وملت سلمى وسارت عنها تدري بها عنيده ومستحيل تفتح الباب الا في الوقت اللي يرضيها..
نزلت سلمى تحت وشافت ان هل بدريه روحوا..وشافت ان بنات مبارك بن ناصر يلبسن عبيهن وشكلهم بعد هذيل بيروحون...
وهناك عند باب الصاله واقفه مريم وخواتها وسلامه وبنات خليفه وبنات شمسه...وياي من بعيد بطي وبدر ويوسف بيدخلون الصاله...
هنادي: لحظه بطي اصبر شوي...في بنات هني..
بطي يستهبل: احلى شي..
وتحجبن البنات ودخل بطي..وسارن سلامه ومريم شوي بعيد لين ما يمر...
ودخل هو واخوانه...
هنادي: وين ساير...؟
بطي: وين بعد اكيد بسير ارقد تعبان...
هنادي: وين..؟
بطي: اوهوو في حجرة خالي ذياب وين يعني..يالله يوسف.
وسار وياه يوسف ...وبدر تم يسولف ويا امل وايمان...
بدر: اقول من احلى بنات دبي ولا بوظبي..
ايمان: دمك ثجيل..
ريم: بنات دبي...
بدر: والله سوالفكن تييب المرض..اونه من احلى نحن ولا بنات دبي...مالت عليكم احلى شي بنات البحرين وبس..
وسار عنهن وهن يتحرطمن خواته وبنات مبارك الصغار...
وردت مريم وقامت شمسه حرمة مبارك هي وخلود وام راشد..وسلمن عليهم وقبل يظهرن وقفت افنان عدال مريم وطلبت رقمها في دبي..
مريم: هذا رقم الصاله اللي تحت وخذي هذا بعد للي فوق يمكن ما كون تحت دوم..
افنان: ما عندج موبايل..
مريم: يوم اخلص الثانويه العامه وادخل الجامعه ابويه وعدني...
افنان مبتسمه: ولا انا ..ما عندي بس خالي ذياب وعدني يوم اتخرج بييب لي واحد انا وهنادي..
مريم:احسن عقب مب الحين..شو نبى الموبايل الحين..؟
افنان: زين مريامي بدق لج عقب وان شاء الله بزورج قبل اسافر...
مريم مبتسمه: ان شاء الله..
سلامه: ما شاء الله الخوات تعارفن...
حمده: يهال ما عليج منهن...
عفرا تطالع حمده بنظرات: من كبرج انتي؟
حمده ما ردت عليها..وهاللي قهر عفرا اكثر..
طلعوا بيت بو راشد سايرين بيتهم ودخلن الحريم في بيت بو خليفه وشافن البيت مجلوب فوق تحت والدنيا معتفسه..
نوره: الله يعينا على اعادة الاعمار...
سلمى: شكلنا بنتعب وايد...
عفراء: الشغل الجماعي يخلي كل شي يخلص بسرعه..بنتعاون وكل شي بيخلص بوقته...
ساره: شو نبدا الليله ولا باجر الصبح..؟
شمسه: شو الليله ساره..؟؟ تعبانين نحن خلهن لباجر..
بدريه: لا شموس انتي ما تسوين شي خله علينا نحن...
سلمى: عيب بعد ضيفه وتشتغل..
شمسه: وفرتن علي..
شمسه كان مزاجها معتفس عقب اللي صار..معروفه ومشهوره بتربيتها لعيالها احسن تربيه..والكل يشهد لها بهالشي..وكانت طول الوقت تفكر بطي شو مسوي...&#33;&#33;&#33;&#33;
وسارت شمسه فوق وخذت وياها ريم ومها..اما هنادي وافنان قالن انهن بيسيرن ويا عفرا وحمده فلة خالهن خليفه...
سلمى: انا برتب شوي ويا البشاكير والله يغمضني هن بشر شراتنا...
بدريه: وانا بعد...وياج سلامي..
نوره: انا بسير ارقد..
ساره: عيل بتم ويا بدريه وسلمى..
عفرا: امايه بسير اغير ثيابي وبييكن اساعدكن...
حمده: انا بسير ارقد..
هنادي وافنان: ونحن بعد....
وكل وحده سارت المكان اللي تباه...شمسه طلعت فوق على طول وفتحت باب حجرة ذياب وشغلت الليت وشافت بطي متلحف ورفعت اللحاف شوي من على ويهه..وشافته راقد...وخلته...وهي طالعه...بندت الليت وصكت الباب...
نش يوسف من مكانه: مب قلت لك انها بتيي تشيك عليك رقدت ولا لاء...
بطي: والله انه مب ريال الهرم خبر امايا..يالوهقه عاد ام سعود هاي تصدق المشتكي الاول..
يوسف: ما عليك بنخلي بدر يشهد ويانا هي تصدقه...
بطي: بس بعد ما ابى امايا تهاوشني...وبدر خوك فتان يباها من الله على الضرب اللي يحصله مني...
يوسف: ما عليك منه ارقد الحين وباجر اغسل لك مخ بدر بسنكرز واي حلاوة ثانيه وتلاقيه عبد مأمور...
بطي: تصبح على خير..
يوسف: وانت من اهله...
.............
وصلوا قوم بو راشد بيتهم...وسار مبارك وحرمته وبناته البيت العود وراشد سار فلته ويا حرمته..وسلامه وحمدان وعمر ولد مبارك وياهم...وفي فلة راشد سلامه فوق في حجرتها قافله الباب...وتغير ثيابها..
وتغني بصوت مسموع" تقدر تروح وتبتعد ان كان يرضي مطمعك..لو حب قلبي ما صمد...عن حب غيري ما امنعك..الحب احلى من الشهد..ومن مثلي حب ودلعك..ولا تظن في قلبي احد يا كيف وهو نبضه معك..وسهيل نجم بلا عمد..ومن فوقه حبي رفعك"
مشطت شعرها وحاولت تلفه ولفت شوي منه مع انه قصير..و على طول وانسدحت على الشبريه...
وفي غرفة حمدان على طول رقد عمر من التعب اللي فيه...وحمدان بعد ما غير نزل الصاله بيسير بيت يده ناصر...بس شافه ابوه وهو نازل...
راشد: وين رايح...؟
حمدان مرتبك: بيت يدي ناصر..
راشد: وهاي حزة طلعات ..عمتك راقده..سير ارقد...ما شوفك فتحت لك كتاب من يوم الاربعاء...ارقد عشان اشوف الدراسه باجر ...وتعويض الوقت اللي قضيته في الهياته طول هالويكند...
حمدان نزل راسه: ان شاء الله ابويه...
ورد على طول حجرته وقفل الباب...
" اففف يا ربي ما شي رقاد شو ايلس اسوي هني..شو هالملل.."
وتم طول الليل يتجلب ما ياه رقاد من الملل مع انه من الصبح ناش...

وفي الدور الثاني في بيت بو راشد...وفي غرفة مبارك يالس ويا حرمته شمسه...
مبارك: نرد باجر...؟؟
شمسه: عيل نتم شو نسوي...عيالك وراهم مدارس يوم السبت ولا ناسي..
مبارك: زين على الله يصير خير...
شمسه: شكلك ما تبى ترد..
مبارك: من قال بالعكس..بس تعرفين ما احب ايلس في بوظبي وايد...
شمسه: من حقك والله...
مبارك: كرهني راشد اخويه فيها والله...
سكتت شمسه ما تريد تتدخل تعرف مبارك بيبدا في لوم اخوه ويعيد سوالف ما تحب تسمعها لان حلولها انتهت...
مبارك: فشلنا وفضحنا بين العرب..عيال عمتي يشوفوني ويا الشباب ولا يون يسلمون...يتخبروني الناس شو بينكم..شو ارد عليهم اقول اخويه ماكل حلال امهم...حتى عمتي لا سرت اسلم عليها تكلمني من ورا خاطرها...
شمسه: وانت شعليك ليش يحاسبونك على شي مالك ذنب فيه..
مبارك: هذي هي الناس كل حد يدخلونه في اللي له واللي عليه...
شمسه: رمست راشد.؟
مبارك: يحلف بالله ان ابويه معطيها حقها كامل وان عيال عمتي ناصر وفهد يألفون سوالف هم وابوهم...ويقول اكيد لاهفين حلالها وهي ما تدري..
شمسه: والله ام ناصر طيبه وعادي يكون حد قاص عليها...
مبارك: ما ادري بس عمتي ما بتصدقنا ضد ريلها وعيالها...
شمسه:زين ما رفعوا دعوى بالمحكمه...
مبارك: فال الله ولا فالج من حرمه...ناقصنا محاكم نحن...هاللي باقي الفضايح...عوذ بالله من فالج...
شمسه سكتت...وتلحفت: تصبح على خير...
مبارك: وانتي من اهله ولو ان الخير معدوم...
..................
وفي بيت بو خليفه..كانن البنات والحريم اللي ما رقدن يشتغلن...و ع الساعه وحده دخل بو خليفه بعصاه يتعكز عليها...وشافهن يرتبن الصاله ويودن وييبن...
بوخليفه: بناتي ليش ما رقدتن..؟
ساره: والله يا عمي بنرتب شوي ما نروم باجر لكل هالشغل...
بو خليفه: بنتي ساره سيري بيتج ..ريلج سار هناك من الساعه 12 ..بيتج الزم ما عليج الحريم هني يكفن ويوفن والبشاكير هب زينه في البيت..
ساره: ان شاء الله عمي...
وسار بو خليفه حجرته...
سلمى: وا عليه عليك يا حامد اكيد توله علي...
بدريه تتمصخر عليها: والدليل انه دق لج...
سلمى: اووه موبايلي ما شفته والله اكيد حرق التلفون دق...
بدريه: هذا ويهي لو لقيتي نص مس كول...
وتمن يرتبن وسارت سلمى حجرة نوره ويابت تلفونها ويت تربع المطبخ..
سلمى: قبل ادق التلفون ولا اسوي به شي يبته لين هني...شوفي كم مس كول...
بدريه: اشوف..
سلمى: فديت روحه 14 مس كول وثلاث مسجات...
بدريه: يالله فتحينه يمكن شي يعيبني طرشيه...
سلمى: وسعي عني يمكنه بيقول لي سالفه سريه..
قرت سلمى المسجات وعصبت وويهها تغير...
ساره: شو مستوي سلامي؟
سلمى مدت بوزها ونها بتصيح: مسود الويه....
بدريه: ليكون خذ الثانيه...
سلمى: بجتله..
ساره: سافر...؟
سلمى: يا ليت...
بدريه: عيل شو الشي الجايد اللي يخلي سلامي تقول عن ريلها مسود الويه..
سلمى: قال...
بدريه تسحب تلفونها: هاتي اشوف...
وانفجرت بدريه ضحك وساره تطالع: شو السالفه بدريه...؟
بدريه: اااه بطني ما روم والله...ساره اقري لروحج...
سلمى: ما يضحك..والله بيشوف..
ضحكت ساره لين ما قالت بس..
ساره: تستاهلين دواج وهذا غيض من فيض...
كان حامد كاتب لسلمى في المسج" دقيت وهلكت وانا ادق وما رديتي تمي في بيت اهلج انا راد دبي..يوم تشبعين وتفضين سوي لي تلفون اييج"
سلمى: بتشوف والله..
بدريه: سمعناها وايد...
وكملن شغلهن وسلمى يلست وياهن لين 2:30 عقب كلهن سارن يرقدن وراهن نشه باجر...
..................
سمر اول ما طلعت فوق وشافت اغراضها برا الحجره عصبت ونزلت عند ابوها بتواشي على حصه...وتخبره شو مستوي وتمت تدق الباب ولا حشمت ان ابوها راقد..
سمر: ابويه افتح الباب بسرعه...
ونش بو خليفه بسرعه: هاه بنتي شي مستوي عسى ما شر...
سمر وهي تصيح:حصه فرت مخدتي ولحافي في الممر..وين ارقد..
بو خليفه عصب: شو اسوي بج ريال شكبري وتعبان وهلكان الضيوف ما سارو الا اخر الليل موعيتني عشان مخدتج..انخمدي في أي حجره لا بارك الله فيج...
وصك الباب بسرعه...
سمر انصدمت من ردة فعل ابوها وتمت تصيح...ومرت بدريه وشافتها هي وسلمى وعرفن شو فيها..وشلتها سلمى وياها حجرتها ترقد عندها...
وبدريه سارت بتدق لعبدالله بس اكتشفت عقب ان تلفونها في حجرة حصه..بس ما تكلمت ونزلت الصاله ودقت لعبدالله..
بدريه: وينك غناتي...
عبدالله: في الميلس...
بدريه: ويا منوه؟
عبدالله: لروحي..راحوا ضيوفكم..؟
بدريه: من زمان والله اني تحريتك رقدت بس قلت بجرب وحظي انك واعي للحين..
عبدالله: فديت غناتي يا ربي..زين ثواني وانا على اسرع من بساط الريح عندج الحين...
بدريه مبتسمه: اوكي اترياك في الصاله...
يلست بدريه في الصاله ...شوي وتسمع دق على باب الصاله ونشت تبطله..وعقب ما دخل عبدالله بندت الباب...
عبدالله: بووووو انا ييت...
بدريه مبتسمه: يا هلا بك والله..
عبدالله يطالعها ومبتسم: يالله يالله شو هالزين كله يا بدوور..(ومد بوزه ونه زعلانه) الحين كل هالحلا للحريم وانا بس مالي الا بقاياه...
بدريه: بس عاد خل عنك هالرمسه...وايد تبالغ...
عبدالله: وين نرقد الحجر ممزوره عرب...
بدريه: لا في حجر فاضيه شو قالوا لك ساكنين خرابه فيها حجرتين..يالله تعال بنرقد..
عبدالله: وين..؟
بدريه وهي تأشر على اخر حجره في الصاله: هناك...
عبدالله: فاضيه..؟
بدريه: هيه يالله وفرشت وكل شي خلاص..
عبدالله: اكيد على الارض..؟
بدريه: ارجوك يا ولي العهد اللي متعود على ريش النعام..
عبدالله: ظهري يعورني ما روم ارقد على الارض وانتي تدرين بهالشي..
بدريه: وكيف انسى ؟ وليش كم عندي عبادي انا ..
عبدالله: عشان جي تبين ترقديني على الارض وتفتكين مني...
بدريه: امنت لك اللي تبى وفرشت لك فراش طبي كان عمي مبارك يرقد عليه... احسن عن ا لشبريه مليون مره..
عبدالله: بعد عمري والله ..كل حريم الارض ما يسونج يا بدريه...
بدريه: كل هاه عشان فراش..يالله يالله نسير..
عبدالله: يالله نسير..
وسار هو وياها ورقدوا في هذيك الحجره...

وفي حجرة حصه ما رقدت للحين قاصه على عمرها ونها ما بتصيح لو شو ما صار...وقالت في خاطرها" ما شي الا اني ارمس ليلى اكيد هي الوحيده اللي بتفهمني"
ونشت تييب تلفونها....ودقت بدون تردد حق ليلى...
بس طوّل محد يرد وتمت تدق واخر شي ردت عليها ليلى...
حصه بهمس: ليلووه...
ليلى وصوتها رقاد: منو؟
حصه: من بعد انا حصه...
ليلى: شو مستوي..؟
حصه: ما شي بس ما ياني رقاد...
ليلى: وحد قالج اني منوم..؟
حصه تضحك: يالله خل عنج انا مقهوره ليلوه نشي..بسج رقاد...
ليلى : شو تبين انتي الثانيه خليني ارقد ما فيج صبر لين باجر..
حصه: محد يدق لج تحريتج الوحيده اللي بتفهميني...
ليلى: زين شو فيج..
حصه: ما شي باي..
وصكت حصه التلفون قبل ترمس ليلى...
ليلى ردت ترقد..بس بعد عشر دقايق نشت..وسارت تشوف الساعه ولقتها 3:10 وغسلت ويهها..بطلت الليت وشافت اذا صدق حد متصل بها من شوي ولا كانت تحلم...ويوم فتحت المكالمات الوارده..شافت ان حصه متصله..وتذكرت اللي صار وتلومت وردت تدق لها..
حصه: خير شو تبين..؟
ليلى: اسفه حبيبتي والله ما كنت حاسه..
حصه: اففف ليلوه مضايجه والله..
ليلى: شو استوى بج ارمسي..
حصه: هو..
ليلى: حصوه والله اني مصطله رقاد منو...زين حمد شو سوا اليوم..
حصه: نذل كالعاده..
ليلى: يومج تدرين بهالشي ليش متقبضه فيه..؟
حصه: مثل يوم انج تدرين ان ناصر مستحيل ياخذج ..بعدج تحبينه ليش؟
ليلى بحزن: غصباً عني...
حصه: نفس الشعور..
وخبرت حصه ليلى كل شي صار..
ليلى: طول عمره خسيس وما ينبلع وكارهتنه من ايام زمان..
حصه: حرام عليكم..
ليلى: حصوه حبيبتي الساعه الحين 3:30 شو رايج ترتاحين شوي وترقدين فديت روحج..تدرين شموس عندكم وراج نشه من الصبح عشان تيلسون وياها قبل يردون دبي..ولا شو رايج..؟؟
حصه: خلاص عيوني بسير ارقد..بس ابى ارمسج باجر...
ليلى: باذن الله...في وداعة الرحمن..
حصه: الله وياج.
ليلى: حصه...
حصه: هلا غناتي..
ليلى:احبج..
حصه بفرح: فديت قلبج وانا بعد..
ليلى مبتسمه: يالله فديت روحج باي..
حصه: مع السلامه..
ورقدن كلهن الثنتين...على طول..
...........

اليوم الثاني في بيت بو راشد..الساعه 8:30 نشت ليلى اول وحده...وحست بنشاط غريب رغم انها ما رقدت امس عدل ورغم الضيجه اللي فيها بس نشت بسرعه اليوم وعلى غير العاده....وسارت المطبخ وسوت لها شندويتش جبن وكوب شاي..ويلست بتاكل ..وتذكرت حمدان...وحطت الاكل وقالت بتتريا لين ما ينش هو وسلامه...
البيت كان هادي والبشاكير مبطلين بيبان الصاله وصوت العصافير يريح القلب وهوا بارد ياي من صوب الحديقه...وطلعت ليلى وكان الجو يجنن برا..وقبل تنزل من دري الصاله ....
امل: عمتي ليلى...
ليلى لفت صوبها: صباح الخير اموله..
امل مبتسمه: صباح النور...
ليلى: ليش ناشه من وقت...
امل: انا دومي جي اول وحده انش في بيتنا...
ليلى: شطوره..
امل: عمتي ما ريد ارد دبي..قولي حق ابويه بنيلس هني...
ليلى: والمدارس..؟ وين ومن بيكمل دروسج عنج...؟
امل: اففف ما ريد ارد...
ليلى: احيدج تموتين في دبي...شو ياج على هل بوظبي..؟
امل: حبيتهم..ابى اتم هني...زين عمتي وين سايره الحين...؟
ليلى وغيرت رايها:بيلس في الحديقه..تيين وياي؟
امل: هيه..
ويلست هي وياها...وتمت تسولف لها شو تسوي ما تسوي....وعن المدرسه وكل شي...وقالت لها امل انها كانت مشتركه بمسابقة افضل صوت في أي مجال على مستوى في المشاركات الصيفيه...وفازت بالمركز الاول محلياً...
ليلى: زين والله وليش ما شاركتي على مستوى الخليج...؟
امل: ابويه ما خلاني قال عيب...
ليلى: صح فديت بنت اخويه اللي تفهم..وفديت صوتها الحلو....
امل مستحيه:عمتي استحيت..
ضحكت ليلى..
امل بثقه: عمتي شو تبين تسمعين..؟
ليلى: امممم أي شي...على ذوقج...
امل : احم احم...
وغنت"الزين هذا حلو و زين..خصه الي لبس القلايد..فتان يسبي القلب والعين..فيه الحسن والزين زايد...ما شفت انا في وصفه اثنين...ذرف الصبا غض النهايد..من وين هذا الريم من وين..لي صار للغزلان قايد...مفنود عن كل المزايين..نوره لنور الشمس عايد في مبسمه در مثامين..مسك ودانات فرايد..عوده اذا هب الهوا يلين فارع ومياس ونايد..تحلى به الاوصاف وتزين..وتزين به حتى القصايد..."
ليلى منصدمه من صوتها: هذا وتوج ناشه من الرقاد جي..عيل لا صحصحتي شو بتسوين..؟
امل: قولي ما شاء الله عن تحسديني...
ليلى تضحك: فديت روحج والله صوتج جنان اموله...
امل: زين عيبج..امس غنيت للبنات في بيت يدي مبارك...
ليلى: منو اكثر وحده عيبتج ومن اللي ما حبيتيها...؟
امل: حبيت ميره وريم مع انها شوي خقاقه..بس ما حبيت مها ابدا ..لانها شرات ايمانوه اختي...
تضحك ليلى: خقاقه..؟
امل: ودلوعه...
وقبل ترمس ليلى سمعت صوت شيخه من بعيد...وقامت ودخلت البيت وشافتها واقفه في بداية الدري من فوق..ومبتسمه ابتسامه مشرقه من الصبح...وماسكه دب صغير..ولابسه قميص برتقالي فيه عصافير صفرا وبنطلون نفس الشي...
وبفرحه طفوليه اول ما شافت ليلى وعيونها بعدها ما بطلتها عدل مدت ايديها عشان ليلى تييها وقالت: امي..
ابتسمت ليلى وضحكت امل..وسارت لها فوق وشلتها..
ليلى وهي تحبها على خدها: فديت هالويه وفديت هالخدود يا ربي..
امل: عمتي وايد دبه..شو تأكلينها..؟
طالعتها ليلى بنظره حاده: قولي ما شاء الله..
امل مبتسمه: ما شاء الله..
شيخه ماسكه ثوبها وعفست ويهها وتطالع بدلتها باحتقار: ماليد ثليه..مث حلو..
ليلى طالعتها بخبث: نروح نتسبح.؟
شيخه بخوف: لا لا ماليد ثبح...
ليلى: زين تعالي بغسل ويهج حياتي..
وسارت الحجره وغيرت لها ونزلت الصاله ويلسن امل وليلى... وشيخه يالسه على ريول عمتها ليلى ..
ليلى: شواخي..
شيخه وهي طايحه براسها على كتف ليلى وبكسل: هاه..
ليلى: غني لي عشان امل تسمعج وانتي تغنين...؟
شيخه: ماليد..
ليلى: من يبى حلاوه...؟
امل تغايض شيخه: انا...
شيخه نشت بسرعه وبعصبيه: لا لا انا...
ليلى: ما يي معاج الا هالاسلوب..يالله غني يا علايه...
شيخه: يا علايه يا علايه ابوث ما عبلني يا علايه..
واستحت شيخه من امل وحطت ويهها في حضن ليلى وما قدرت تكمل...لوت عليها ليلى ويلست تتفداها ساعه..وقطعتها بوس..وامل ميته ضحك عليهن...
ويلست تسولف وياها لين ما نزلوا الباقين وسلموا وقربوا الريوق...وتريقوا كلهم..
................
الساعه 9:15 في بيت بو خليفه...الكل رقود هلكانين ومحد منهم نش للحين..وفي حد يبطل باب الصاله من برا بس مب رايم له...
" افففف شكله مصكر من داخل شو هالحاله...يا رب ان البشاكير نشن"
وسار من الباب اللي ورا الفله ولقى وحده من البشاكير تحط الحب للطيور في الحديقه اللي ورا...
ذياب ينادي بصوت مبحوح عشان محد يسمع: ناتالي ...
ناتالي: نعم بابا...
ذياب: قصري حسج علني ما صرت ابو جانج بنتي...
ناتالي: شو ريد...؟
ذياب: شو ابى من ويهج بعد...اقولج باب الصاله سيري بطليه ما اريد ادخل من باب المطبخ وتقبضني امايا..
ناتالي: ما في ولا واحد ينش لين الحين روح من هذا باب....
ذياب: بابا مبارك ما يسأل وين انا امس...؟
ناتالي: انا كيف يعرف..يمكن يسأل ماما..تعال تعال انا شوف طريق في حد ولا لاء..؟
ذياب: زين منج فايده..
وسارت البشكاره تشوف الصاله..واشرت له ان محد وعلى طول طلع فوق بسرعه لان ابوه يرقد تحت...واول ما وصل باب حجرته وبطلها...شاف ثلاثه رقود فيها..بطي ويوسف وبدر.
ذياب وايده على راسه" يالوهقه..عيل شموس اختيه يت وشيكت البارحه على عيالها واكيد بتقول اني ما رديت للفير...يا ربي شو اسوي."
ويلس في الحجره يفكر ويفكر...انه لازم ما يكون راقد في الحجره هذي..واحسن شي يفكر انه يرقد برا هالفله بس كيف..؟
"اووه كيف ما يت على بالي...هذي احسن فكره والله.."
وصك ذياب الباب وسار على طول وهو نازل على الدري سمع حد يرمس...
بو خليفه: جينا...جينا...
جينا: نعم بابا...
بو خليفه: ذياب رد من برا ولا بعده...
ذياب مات من الزيغه وقبض قلبه..وما عرف شو يسوي.."متى نش هذا..؟خلاص انكشفت انا شو دخلني هني يا ربييه شو هالمصيبه من الصبح.."
جينا: ما يعرف بابا بس باب الصاله من امس بند...يمكن هو في حجره فوق...
بو خليفه: وين اروم اطلع له الحين ..انا يالله يالله امشي..لو طلعت فوق اموت..بس بيلس له هني في الصاله...
ذياب" والله هاللي ناقص بعد"
ورد ذياب فوق...وسمع صوت حجرة تتبطل...وعرف انها شمسه وقبل يربع صوب حجرته...
سلمى بنبره حاده: وين شارد.؟
ذياب بعد ما طاح قلبه من الزيغه: الله يخسج موتيني من الرعب..تحريتج ام سعود..
سلمى: خس الله ويهك جي ترمس اختك اللي اكبر عنك...وين كنت ومتى ييت..الحين بنزل لابويه ارمسه...
ذياب: سلامي الله يخليج ابويه يالس في الصاله يترياني..حرام ساعديني ابى اظهر...
سلمى: وين بتروح..؟
ذياب: بسير انخمد في الميلس..جني راقد من البارحه وجي ما بيحس..
سلمى: اسفه ما اقص على ابويه...
ذياب: سلامي بس عاد..اوكي لا ترمسين ولا تقولين انج شفتيني ما في داعي تكذبين من الاساس..
سلمى نزلت وطنشته...ووقف على راس الدرج...وسمعها تسلم على ابوها اللي ينشدها عن ريلها وهي قالت له انه بييها اليوم...
سلمى: ابويه تعال نتريق في الحديقه...
بو خليفه: لا بنتي انا ما ريد باب الصاله يتبطل ما ادري به خوج وين يسير ما رد بعده للحين...
سلمى: ابويه خلك منه ذياب اكيد راقد في الميلس..
ذياب من فوق" فديتج سلامي والله انج اختي السنعه..."
بو خليفه: انا مب ناش من هني..اعرفه ذياب ما يداني يرقد على الارض...ومستحيل يرقد في غير حجرته...
ذياب يرمس روحه" احلف انت بس هاللي ناقص..انا مستعد ارقد على جمر بس انت اطلع من الصاله"
ويلس يفكر شو يسوي وكيف يطلع من الصاله واخر شي يته فكره..وطلع وكمل طريجه لين فوق ووصل باب السطح...وفتحه..ويلس فوق يفكر كيف ينزل وشاف سلم من السطح لين نص الفله مثبت في كل البيوت اللي لها هالديزاين.....وعقب نزل من فوقه...لين تحت..ويوم وصل صوب الدرايش تقبض فيهن ومسك عمود الماي وتزحلق عليه ونط الارض...وانطرت كندورته من تحت لين ركبته...وتخيست تراب وماي...
ذياب وبصوت عالي: عشت يا راعي المغامرات والله هوليوود لازم تعتبرني احد المغامرين بدون حبكه ولا خرابيط واكشن على الهوا وصدج بعد...
ونزل راسه يشوف كندورته وسولف لعمره"نفاد بدل الوحده عشر..بس وين ادسها من هالبشاكير الملاسين"
وسار يربع لين ما وصل الميلس...وشاف سعود راقد لروحه هناك..وسحب عنه اللحاف وتلحف وجلب وحده من مخدات الميلس ورقد على طول...
.
.
تعب بو خليفه من كثر ما يتريا..وبطل باب الصاله..وهو نازل الدري شاف نعال ذياب وانصدم كيف دخل والباب مبند..بعدين حس انه ظلمه وانه اكيد راقد فوق....
وسار ويلس في الحديقه ..وشوي نش بدر ويوسف وساروا عند يدهم في حديقة البيت....وسلموا عليه...
بو خليفه: حيا الله الرياييل...
بدر: الله يحييك يدي مبارك..
يوسف: ما شاء الله جو بوظبي هاليومين يفتح النفس...
بو خليفه يضحك: احسن من حرها...الا اقول يوسف خالك ذياب رقد عندكم ولا لاء...
يوسف ارتبك وتذكر ان خاله ذياب موصنه هو وبطي...
بدر: لا ما رقد ويانا...
يوسف" يالوهقه"
بو خليفه: زين ولدي قم بارك الله فيك شوف اذا راقد بالميلس ولا لاء...؟
بدر: ان شاء الله يدي...
وسار بدر الميلس ويوسف حس عمره مرتبك وايد...بس يلس يسولف ويا يده..لين ما ياهم بدر...
بو خليفه: هاه ولدي ؟
بدر: راقد في الميلس الصغير اللي ورا صالة الطعام مال الرياييل هو وسعود خويه...
بو خليفه بضيج: الهرم يتحراني ما بعرف سواد ويهه...
يوسف يرقع الموضوع: يمكن انه يا ولقى الباب مبند..
بو خليفه: انا قافل الباب الساعه ثنتين الا شي..وكل خالاتك رقدن بس ما عليه ان شاء الله انا بشوف لي صرفه ويا هالولد...
ويلس بدر يسولف ويا يده هو ويوسف ويتهم سلمى ويابت الريوق ويلست وياهم وتريقوا..
....................
الساعه 10:00 الصبح الموبايل يدق..ويدق بس محد يرد..يسكت ويرد يدق مره ثانيه...يتحرك من مكانه..وينجلب على الجهه الثانيه..ويعصب فجأة
"شو هالحاله محد يعرف يرقد في هالبيت.."
شل التلفون وتم يتحسسه..واغلقه على طول بدون ما يشوف من اللي يتصل...بس ما حط راسه الا وتلفون الحجره يدق..ونش معصب من مكانه..
شل السماعه وبكل غضب الكون اللي متيمع في نبرة صوته..
حمد: خير في شي ..ما تحسون الساعه 10 الصبح ما تعرفون تخلون الناس ترقد..؟
اليازيه:مب منك يا حمد من اللي تدق لك ..هذا ويهي ان شفت رقمي مره ثانيه..
حمد ارتبك وما عرف ويمع كلامه: يزوي سوري فديتج والله مب راقد عدل تحريته حد مغلط...
اليازيه: وليش منو بيدق لك غيري..؟ محد قريب منك الا انا بتدق لك في الوقت اللي تبى...
حمد وهو تعبان موت يلس على طرف الشبريه: زين غناتي ما شاء الله ناشه من وقت...
اليازيه بدلع: هيه بس حبيت اقولك ان اهلي اليوم سايرين العين..كلهم ومحد بيتم الا انا..
حمد مبتسم: ويعني...؟
اليازيه: حموود بس عاد ما يليق عليك الاستهبال...
حمد يضحك: فديت روحج حبيبتي..زين متى امرج...؟
اليازيه: بسوي لك مس كول يوم اكون جاهزه...
حمد: اوكي ..
اليازيه: عيل حبيبي كمل رقادك و خلاف ارمسك...
حمد وارتاحت نفسيته انه بيبند: زين حياتي الله وياج...
اليازيه: بباي...
وبند عنها حمد وسحب واير التلفون...
" مأذيتني هذي شو تبى..هالبنات محد يسوي لهن سالفه..والله انهن يابن لي المرض متى القى لي وحده افهمها وتفهمني.."
وانسدح بكل برود ورقد يتريا اليازيه الليله..</font>

[درة الشرق]

<font color='#000000'>تسلمين اختي ونتريا التكمله ولو اني ما قريتها اختي النحيسه قومتني

درة الشرق

http://www.alghali.com/cards.php?card_id=281&cat_id=5</font>

[العامري]

<font color='#000000'>اخويه &nbsp;الغالي يعلني &nbsp;افداك &nbsp;انا &nbsp;شكلي &nbsp;حبيتك &nbsp;تعرف &nbsp;ليش &nbsp;لانك &nbsp;الوحيد &nbsp;الي &nbsp;ما تبطي &nbsp;علينا &nbsp;في التكمله &nbsp;وامنى &nbsp;تواصل &nbsp;كتاباتك &nbsp;الحلوه &nbsp;u know man, ur the best &nbsp;heeeeeeeeeere coz u continue ur stories immediately and don&#39;t make us wait much time, lol..ye3elne afdaaak walla..ya66ash yarrash, ya dehen el3oud m766aay fel3&#39;rash , weteslam eeedak walla, lol <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> <img src="http://oasis.bindubai.com/emoticons/biggrin.gif" border="0" valign="absmiddle" alt=':D'></font>

[بن دبي]

<font color='#000000'>مشكور اخوي عين الدماني
وشكر خاص لشوق بوظبي على تكمله القصصه
تحياتي ...ابتسامة جرح
<img src="http://oasis.bindubai.com/emoticons/biggrin.gif" border="0" valign="absmiddle" alt=':D'> <img src="http://oasis.bindubai.com/emoticons/tounge.gif" border="0" valign="absmiddle" alt=':p'></font>

[شمه]

<font color='#F660AB'>تسلميــــــــــن <span style='color:indigo'>اختي عيـــــــــــن الدمانـــي</span>..

و نتريا التكملــــــــه <img src="http://oasis.bindubai.com/emoticons/smile.gif" border="0" valign="absmiddle" alt=':)'>


<img src="http://oasis.bindubai.com/emoticons/inlove.gif" border="0" valign="absmiddle" alt=':lov:'>
شمـــــــــه</font>

[شمه]

<font color='#F660AB'><img src="http://oasis.bindubai.com/emoticons/rock.gif" border="0" valign="absmiddle" alt='???'>
<img src="http://oasis.bindubai.com/emoticons/rock.gif" border="0" valign="absmiddle" alt='???'>

وين التكملــه

<img src="http://oasis.bindubai.com/emoticons/inlove.gif" border="0" valign="absmiddle" alt=':lov:'>
شمــــــه</font>

[الجنيه]

<font color='#810541'>مشكور اخوي على القصه الحلوه و الله يعطي العافيه لكاتبتنا القديره وننتظر منج المزيد ...


اخوي يلا عاد نبا انكمل القصه ممكن لو سمحت اتكملها بسرعه عسب ما تنقطع علينا الوناسه <img src="http://oasis.bindubai.com/emoticons/sad.gif" border="0" valign="absmiddle" alt=':('> <img src="http://oasis.bindubai.com/emoticons/sad.gif" border="0" valign="absmiddle" alt=':('> <img src="http://oasis.bindubai.com/emoticons/sad.gif" border="0" valign="absmiddle" alt=':('> <img src="http://oasis.bindubai.com/emoticons/sad.gif" border="0" valign="absmiddle" alt=':('> <img src="http://oasis.bindubai.com/emoticons/sad.gif" border="0" valign="absmiddle" alt=':('> <img src="http://oasis.bindubai.com/emoticons/sad.gif" border="0" valign="absmiddle" alt=':('>

pleas <img src="http://oasis.bindubai.com/emoticons/sad.gif" border="0" valign="absmiddle" alt=':('></font>

[عين الدماني]

<font color='#728FCE'>آسفه على التأخير حبايبي بس كان في بعض المشاكل اللي أدت للتأخير في تكملة القصة و ألحين بتركم تستمعون و ما بهذرب وايد..
&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; --------------------------------------

الحلقه الخامسه
الجزء الاول(5)
الساعه 10:30 الصبح يت سلامه بيت يدتها غاليه وكان وياها كم كتاب ودفتر..ودخلت الصاله وشافت شيخه منسدحه جدام التلفزيون وتشوف الفيديو وكانوا حاطين لها (شركة المرعبين المحدوده) ومحد كان في الصاله الا هي....يت سلامه وحطت كتبها على الطاوله وابتسمت بلعانه..وسارت وقفت جدام التلفزيون..وتمت شيخه تلف يمين ويسار عشان تشوف وسلامه تغايضها عشان ما تخليها تشوف التلفزيون...
شيخه: قومي قومي طفثه...
سلامه تضحك: انتي طفسه...
شيخه: ماليد وثعي وثعي..يالله..
سلامه ببرود: مابا اوسع كيفي...
وبندت سلامه التلفزيون..
وصاحت شيخه وتمت تضرب بريولها على الارض..وتصارخ..وتتجلب يمين ويسار..
شيخه: ماليد ماليد...ابى مالد وثوثني..ثلامه طفثه..خاثه..
سلامه تضحك على رمستها: انتي خايسه وطفسه..
يت شرملى بسرعه من الحوي يوم سمعت شيخه تصيح وشافت سلامه وعصبت..
شرملى بعصبيه: شو هدا انتي شو سوي...؟
سلامه: مالج خص..
شرملى وهي تشل شيخه: انتي مافي مخ بنت كبير سوي مشكله ويا بيبي صغير..عوز بالله منج..
سلامه: يالهرمه عوذ بالله منج انتي..يا ويه ابليس..
شرملى وهي معصبه: انا خبر بابا راشد...
سلامه بثقه: خبري..من درا عنج انتي وبابا راشد..
شرملى تمت تتحرطم: بنت مافي ادب..
وشيخه بعدها تصيح وما سكتت وتسحب شعر الخدامه..لين ما هدتها..ويلست على الارض...وتصارخ..
شيخه:مالد وثوثني...اليد مالد وثوثني...
سلامه تصارخ: بس سكتي ابى ادرس....
شرملى: روحي بيتكم شو يريد يقعد هني..
سلامه: بيتج هو يا مسودة الويه..؟
ودخلت ام راشد من باب الصاله لابسه عباتها يايه من بيت جيرانهم...
ام راشد: شو هالحشره اصواتكن واصله باب الشارع..
سلامه: امي غاليه شوفي هالشرملى مالتكم تسبني..
شرملى: كدابه ماما والله هي يضرب شيخه...
سلامه تشهق: يالجذابه ضربتها؟؟
ام راشد: بسم الله منكن.شو مستوي عليكن..؟
شيخه طوف الصاله بتتكسر من حسها وهي تصارخ من الخاطر...وشوي وتيي ليلى على صوتها من فوق...وتنزل مريم وايمان وامل..
ليلى بسرعه رايحه صوب شيخه: حياتي شو فيج حبيبتي ليش تصيحين؟
وشلتها ولوت عليها..وتقبضت فيها شيخه بقو...وتمت تصيح من خاطرها...
شيخه: مالد وثوثني...
ايمان: شو تقول..؟
ليلى: منو مبند التلفزيون عنها...؟
سلامه: شرملى..
ويلست على الكنبه وحطت ريل على ريل..وفتحت كتابها ويلست تلعب بشعرها...
ليلى: شويخ منو مبند عنج الرسوم..؟
شيخه وهي تشهق من كثر ما صاحت وتأشر على سلامه وماده بوزها شبرين: طفثه هذي..
ليلى:سلامه كم مره قلت لج لا تأذينها ما تستحين انتي حاطه راسج براس وحده ياهل ما تفهم شي...
سلامه: ما يخصني هي معليه صوت التلفزيون على الاخير...ما خلتني ادرس...
ليلى بعصبيه: خلصن الحجر ما شي الا الصاله تدرسين فيها..وبعدين من فلاحتج ولا درجاتج اللي تبيض الويه..
كانت ليلى ترمس جدام بنات مبارك وامها...وما حست بعمرها الا وقالت هالكلام...
سلامه نشت من مكانها وهي معصبه ما توقعت عمتها ابد بتقول هالكلام وفرت الكتاب تحت وتمت تطالعها وما نزلت عيونها من عيون ليلى وانترسن عيون سلامه بالدموع حست ان كبرياءها انطعن...وطلعت برا سايره صوب فلتهم على طول...
احترم الكل صمت ليلى..وسحبت مريم خواتها وطلعن فوق...وام راشد يلست حذالها ...حتى شيخه يوم شافت ليلى معصبه سكتت وشرملى طلعت برا الصاله...
كانت ليلى ساكته ما عرفت شو تسوي ولا شو تقول...وفكرت كيف سوت جي وبينها وبين نفسها بصمت..
" حبيبتي يا سلامه فديت روحج والله عورني قلبي بس كل شي ولا شيخه عاد"
ام راشد: بنتي هوني على عمرج هذيل يهال لازم يستوي بينهم جي..
ليلى: عادي امايا ما صار الا كل خير...
ونشت ام راشد سايره صوب حجرتها...
شيخه يلست تطالع ليلى وتنقل نظراتها بينها وبين كل شي في الصاله...يلست ليلى على الكنبه..وسندت راسها وتنهدت من القلب..وشيخه يلست على الارض وتمت ترسم بايدها على الارض وتخربش صور من خيالها..ورفعت راسها تطالع ليلى بس انتبهت انها ما تطالعها ويلست تتحرك تبى تلفت نظر ليلى بأي شي...بس كانت ليلى غرقانه في افكارها...
نشت شيخه من مكانها وحاولت بصعوبه انها تطلع على الكنبه وما قدرت..وتمت تستجدي ليلى بنظراتها انها ترفعها بس ليلى كانت مطنشه وما اهتمت من كثر ما هي ضايجه....
واخيراً..قدرت شيخه تطلع ووقفت على الكنبه..ويلست على ريول ليلى وبكل هدوء لوت عليها وحطت راسها في رقبة ليلى...
شيخه : حبيتي انتي..(حبيبتي انتي)...
وحطت شفايفها على خد ليلى ورصت بقو عليها وحبتها من الخاطر ووسعت عنها شوي..
شيخه بعد ما باست ليلى بقوه: ااححححح ..قوه..(كانت تقصد بوسه قويه)..
ابتسمت ليلى رغم كل الضيج اللي فيها..ولوت على شيخه...وباستها على خدها...
شيخه رفعت راسها بعد ما تأكدت ان عمتها هدت...
شيخه مبتسمه: مالد وثوثني...
ونشت ليلى وشغلت الفيديو..وحطته لها...وسارت عنها...
شيخه: يلثي ثوفي مالد وثوثني...
ليلى: لا غناتي انا بروح انتي شوفي مارد وشوشني لروحج انا برد بعد شوي..
شيخه وهي تسوي عمرها مؤدبه: ذين..
................
نشت حصه الساعه 11:20 وبطلت الباب..وقبل تنزل شافت باب حجرة ذياب مبطل وطلت براسها وشافت بطي يالس عدال يوسف ويرمسون بصوت واطي..وبدر عندهم بس بعيد شوي يالس على الكمبيوتر...ودخلت..ونشوا يسلمون عليها لانهم ما شافوها من يوم وصلوا..
حصه: شو تسوون هني ليش ما تنزلون..؟
بطي بتردد: ماريد انزل...
يوسف: محد في الصاله الاحريم وبنات..
بدر بعد ما رد للكمبيوتر ومعطنهم ظهره: ما يبون يشوفون امايه مسودين الويه..
حصه مبتسمه: ليش شو مسويين..؟
تنهد يوسف من قهره من اخوه بدر الملسون...
بطي: خالوه..بخبرج شي عن خالي حمد...
انتفضت حصه وحست شي بجسمها ..وشعرها كله وقف...
يوسف: ريال خربان..
حصه ما ردت بس مبطله عيونها وبينها وبين نفسها" يعني محد الا انا تقولون لي هالرمسه"
وخبرها بطي كل السالفه...
حصه بضيج: زين يوم انزل برمس شموس انا... خلكم عادي...طنشوا حمد ولد عمي دومه جي ما يداني حد..
وطلعت حصه من الحجره وهي متضيجه..ونزلت تحت وشافت ميره يالسه ويا سمر...حصه اول ما شافت سمر ابتسمت ابتسامه خبيثه...واول ما شافت سمر حصه طالعتها بنظره حاده...
حصه مبتسمه: يمدحونهم اللاجئين من حجره لحجره...
سلمى: شف عوذ بالله منج...ليش تتحرشين فيها وهي ساكته..؟
حصه:متفيجه ما عندي شغله...
سمر ساكته ما تقدر ترمس بعدها ما نست هزبة ابوها البارحه...
حصه: تريقتوا؟
سلمى: انا تريقت ويا ابويه وبطاي ويوسف وبدر...بس الباقين مادري..
حصه: وين شموس ونوره وبدريه؟
سلمى: بدريه بعدها راقده ونوره وشمسه مسيرات على خالتي فاطمه ما تروم تيي تسلم على شموس فيها روماتيزم وقالت امي نحن بنسير لها...
حصه: زين خلاص انا ابى اتريق..
سلمى تأشر على المطبخ : هناك الدرب سيري تدلينه بيتكم ما يحتاي...
حصه: سمر..
سمر رفعت راسها وتمت تطالعها بغضب:شو تبين.؟
حصه: دخيلج روحي قولي حق جينا تسوي لي ريوق ما فيني اسير لين هناك...
سمر: ماريد..
حصه: حرام سمر اول مره اطلب منج شي...
سمر: ليش طردتيني امس..ابويه هزبني في الليل..
حصه وهي تبى تمسك عمرها لا تضحك: خلاص حقج علي والله باجر بييب لج شي حلو وياي من الدوام..
سمر متأففه بعد ما لعبت حصه بعقلها شوي: زين بسير يالله ميره نروح...
وطلعن..
سلمى: يا ويلج من الله شو تسوين فيها..؟
حصه: كيفي محد عندي افرغ شحنات غضبي فيه الا هي...
سلمى: ما عليه يايينج الدور..
حصه: من منو...؟
سلمى: ما في شي يصعب على الله..
سكتت حصه ويلست على الكنبه وبطلت شعرها القصير الاسود وطاح على كتوفها وتمت تحرك راسها يمين ويسار بدلع...
حصه: سلامي حلوه انا؟
سلمى: مب اكثر عني..
حصه: زين حلوه ولا لاء؟
سلمى: يعني مب وايد...
حصه: عادي اتقبل غيرتج القاتله ما لومج...
تضحك سلمى...وتدخل ام خليفه ونوره وشمسه....وسلمن ويلسن...
شمسه وهي تيلس على الكنبه: اااخ يا ريولي والله تكسرن...
نوره: اااه يا عظامي والله بغيت اموت...قلت لج امايه بنسير بسياره بس الله يهداج ما طعتي..
ام خليفه: شو من حرمات انتن..العيازه في عظامكن ما فيكن شده تسون شي...مشيتن خطوتين وهلكتن عيل لا قلت لكن بنسير نمشي في الفريج بالليل شو بتسون..؟
شمسه: امايا انا كبرت عوده خلاص عيزت ما تحمل أي مجهود...
نوره: لا لا انا ما عيزت بس تعبانه هاليومين...
سلمى:الحين تبن سياره لين بيت خالوه فاطمه..؟ من بعده هو؟
شمسه: ما تشوفين ريولي والله بغن يتفطرن من التعب...
ودق تلفون حصه وقامت من عندهن وسارت الحديقه ويسلت ترمس...
حصه: هلا والله شو هالصباح المنور...من وين الشمس طالعه اليوم.؟
ليلى: فديت روحج من مكانها اللي كل يوم...
حصه: شحالج اليوم.؟
ليلى: بخير وانتي شو النفسيه اليوم ان شاء الله احسن..؟
حصه: حد يسمع هالحس ويتعب مستحيل...
ليلى: اقولج باي..
حصه: لا لا تعالي وين تبين مب الحين تنتحرين..
ليلى: خلاص حفظتي المنهج...؟
حصه: اكيد ما يبا له شي..حتى حمدوه قامت تطبق عملي...
ليلى مبتسمه:ولهت على ناصر...
حصه مبتسمه: يا ربييه على هالناصر اللي قالب لج الحياة فوق تحت...
ليلى: شسوي الله بلاني في حبه..
حصه: باجر بتشوفينه...
ليلى: وايد مستعيله ما داني هالويكند...
حصه: ما يستاهل محبتج..ما يسوي أي خطوات ايجابيه...
ليلى: ما طلبت رايج..يعني هو بكيفي احب ولا ما احب..
حصه: محد يروم لج ...شو سويتي اليوم؟؟
ليلى: حصه ابى اقول لج شي..
حصه: قولي فديتج...
ليلى: اليوم زعلت سلامي وجرحتها جدام بنات مبارك...
حصه ببرود: وخير يا طير..ياما هزبنا حمدوه وعفاري ولا سمر اختي في وجه المدفع اربع وعشرين ساعه...
ليلى: انا مب متعوده ازعل حد من عيال اخواني...
حصه: برايها هي بترضى وبعدين سلامي ويهها لوح ما تحس روحها ولاديه وتستاهل اللي ييها..
ليلى: حرام عليج والله انها ملكة جمال شو تقولين واحساس وانوثه بس شخصيتها وايد قويه...
حصه: زين برايها اذا ما رضت راضيها...عطيني شواخي برمسها...
ليلى: تشوف التلفزيون...
حصه: ازقريها...
وزقرت ليلى شيخه ويت تركض للتلفون...
شيخه: الوه...
حصه: ياااااااااي فديت حسج يا عمري...
شيخه: ........
حصه: شواخي..
شيخه:هاه..
حصه: تحبيني..؟
شيخه:لاء...
حصه: افا يا دبه...زين شو تشوفين في التلفزيون....
شيخه بفرح وتزاعج بصوت عالي: تأااالي ثوفي مالد وثوثني...
حصه تضحك: فديت روحج....
وخذت ليلى التلفون وسارت شيخه...
ليلى: شبعتي..؟
حصه:فديت روحها والله خبلت بي...عطيني اياها ليلوه..
ليلى: هاللي ناقص انتي حد يعطيج يهال عشان تجتلينها يا متوحشه...
حصه: حرام عليج ....ما حبج..
ليلى: احسن...
حصه: وشو بعد...يالله متى بيي باجر ابى اداوم...
ليلى: مادري بس حصوه ابى دفاتري ومذكراتي من عندج...
حصه: بالمشمش ...يوم تردين صوري مال الابتدائيه بردهن لج...
ليلى: يا هالصور..ما بردهن..عندج صور مثلهن حق شو تبين مالي انا...؟
حصه: كيفي مااداني شكلي يوم كنت في الابتدائيه واريد اقضي على كل الصور..
ليلى تضحك: اوكي بعطيج الصور وقطعيهن بس كيف بتقطعين باقي الصور اللي عند البنات...؟
حصه: مابا كيفي خلها عندهن اهم شي انتي ما ريدها عندج..
ليلى: عيل موتي والله ما تاخذينهن...
حصه: سخيفه..
ليلى: طالعه عليج..
حصه: زين ابى صور شواخي..
ليلى: اوكي بصورها وبعطيج..
حصه مبتسمه: فديتج والله..زين يا ويهج بسير لخواتي فضيحه يالسات لرواحهن وبيسيرن اليوم بيلس عندهن شوي خصوصا اخت نوره محد بيشوفها لين عقب رمضان..
ليلى تضحك: اوكي غناتي الله وياج..سلمي عليهن..
حصه:يبلغ فديتج..
................
الساعه12:00 سلامه في حجرتها شابه ضو ومعصبه وفيها قهر ما عرفت شو تسوي وفتحت الكبت وطلعت كل ملابسها وعقتهن على الارض..وخربت كل شي وطيرت الاوراق على الارض وعقت كتبها من فوق المكتب ولوت على مخدتها وصاحت..ما عرفت من قهرها شو تسوي ..ليش عمتها رمستها جي جدام بنات عمها مبارك وهي ما تدانيهن مول؟ ..كيف تجرح احساسها عشان ياهل صغيره ما تفهم شي..؟كيف تسمح عمتها لنفسها تخلي مريم والباقين يسكتون من الفشله يوم جي رمستها؟ زين هي مب شاطره وتدري بهالشي ليش عمتها تعايرها وتغايضها فيه؟
لاول مره سلامه تتقبل شي بحساسيه وطول عمرها قويه وما ترضى الا وترد الا يوم تكون ليلى في السالفه تسكت تستكثر منها كل شي مب متعوده منها غير البزا والحب الزايد...
وهناك في فلة ناصر ابو راشد...ليلى يالسه في الصاله وعقب ما بندت من عند حصه...سارت وشلت شيخه وبندت التلفزيون...
شيخه وليلى شالتنها: وين نلوح؟
ليلى وهي تحاول تغير الموضوع: بنلعب...
شيخه بفرح:عند وحث؟
ليلى:لاء ..
وبينها وبين نفسها" الله يعيني على حشرتج الحين لو تدرين وين بنروح؟؟"
وطلعت ليلى فوق ودخلت حجرتها ويلست شيخه على الشبريه وكانت شيخه تسمع صوت شي مشوش في الحجره وسارت صوب الحمام..وشافت الماي مفتوح في البانيو وينترس ماي...وردت بسرعه وشكلها متغير..
شيخه: ماي ماي من ثوي تش...؟
ليلى وهي تفتح كبت شيخه وتطلع لها لبس: خليه بنروح نتسبح..
هني الصاعقه حلت على راس شيخه اللي عرفت انها بتسوي الشي اللي ما تطيقه وشردت في الحجره وتمت تصيح ..
شيخه: ماليد اثبح ماليد..
ودخلت في كبت ليلى ونها بتنخش..وهي تصيح...
ليلى وهي تضحك: الحين محد قالج شي..اندسي في الكبت ومحد بيشوفج بس ليش تصيحين داخل ؟ جني ما بعرف انج هني..؟
فتحت شيخه الكبت ونظراتها تستجدي ليلى:مابا مابا...
ويت لها ليلى وشلتها وهي تمت تصيح وعرفت ليلى انها بتبدا مناحه يديده فيلستها على الشبريه قبل تشل ملابسها..
ليلى: ليش حياتي الماي حلو ليش تخافين؟
شيخه وهي تلوي على ليلى بقوه: ماليد ماليد ثبح...
ليلى: زين شواخي انتي حلوه وشعرج حلو وويهج حلو شوفي هالثوب اليديد انا اشتريته حقج..حلو حياتي...
ويلست ليلى تأشر على ثوب شيخه اللي هي لابستنه: شوفي هذا يع مب حلو وريحته مب حلوه..يالله عشان سلامي ما تضحك عليج بنروح نتسبح ونلبس ثياب حلوه وبنروح عند الوحث...
شيخه اللي سكتت: بنلوح عند وحث..؟
ليلى مبتسمه: هيه بنلوح عند وحث....
شيخه: انتي مالوحين..؟
ليلى: بلى بروح وياج..يالله حبيبتي تعالي بشل ثيابج عشان اسبحج...
وشلت ليلى ثيابها وودتها البانيو ويلستها فيه ويوم صبت الماي على راسها ...
شيخه بخوف: ما ثوي ثابون...؟
ليلى: لا حياتي ما بسوي صابون انتي بس يلسي...
وسبحتها عقب طلعتها ويابت لها عيش ابيض وروب واكلتها وعلى طول رقدتها....وصلت صلاة الظهر..وصكت الباب ونزلت تحت....
..........
حمدان لبس هو عمر وعمهم مبارك وساروا الحوش يشغل مبارك الموتر وشاف راشد ياي من بعيد...
مبارك: يالله يا بو حمدان اتأخرنا...
راشد: ياي انا خلاص..
وركبوا الموتر وساروا المسيد عشان يلحقون على صلاة الجمعه....
وفي البيت كانت خلود هي وشمسه اللي يسون الغدا وما خلن البشاكير يدقن شي...وام راشد سارت تصلي الظهر..محد تم الا ليلى هي و بنات مبارك اللي يالسات في الصاله يشوفن التلفزيون....
مريم: عمتي انا بسير اصلي في حجرتج...
امل: وانا...
ليلى: زين بس تحملن تنش شيخه توني رقدتها....
مريم: ان شاء الله عمووه..
ايمان: انا ابى شيلة صلاه نظيفه..
ليلى وهي تطالعها بطرف عينها: وليش اخت ايمان حد قالج ان نحن نصلي في شيل نجسه لا سمح الله...
ضحكت مريم وطلعت فوق هي وامل..
ايمان: ما قلت بس ابى شي نظيف..
ليلى: المشكله انج راده دبي اليوم ولا جان عرفت كيف تشوفين الشيل النظيفه...سيري حجرة عويش ورا الباب شيل الصاله تنقي انظف وحده والبسيها...
ايمان: زين
وسارت عنها وليلى طلعت سايره صوب فلة راشد وشلت كتب سلامه اللي خلتها في البيت...اول ما دخلت لقت البيت مظلم وشغلت الليتات وكانت ريحة البيت تجنن...
" ما شاء الله عليج يا حرمة اخويه كامله في كل شي بس عيبج هالعيال ما تنشدين عنهم"...
طلعت فوق ومرت الصاله وشافت حجرة حمدان مبطله ودقت ودخلت بس محد كان فيها وعرفت انه راح يصلي..طلعت وسارت حجرة سلامه وعرفت اكيد انها مبنده...بس يوم جربت تفتح الباب تبطل وكانت الحجره مثلجه ...بس مزبله من الاغراض اللي فيها..وشافت ليلى شكل الحجره وانصدمت مهما كان سلامه نظيفه ومرتبه عمرها ما سوت جي...
ليلى في خاطرها"الظاهر انها فرغت غضبها في اغراضها"
سارت ويلست على الشبريه وشلت لحافها وكانت سلامه شبه غافيه...ونشت اول ما سحبت عمتها اللحاف...
ليلى مبتسمه وبكل حنان: حبيبتي...
سلامه اول ما شافتها صدت وردت تتلحف...
ليلى قلبها عورها: سلامي غناتي...
وشلت اللحاف وحبتها على خدها...هني سلامه ما قدرت تتحمل ويلست تصيح...وليلى حست عمرها ميته ما قدرت تتحمل...تشوف شيخه وعيال اخوها راشد كل شي بحياتها ولا تحب حد يهزهم ابد..وقوتهم وثقتهم في انفسهم كلها مستمدينها منها...ومن طريقة تعاملها معاهم...
ليلى: سلامي ما اباج تحطين راسج براس شيخه..تعرفين انها ما تهون علي..واني بزعل حتى امايا عشانها...
وانا اسفه على اللي قلته بس صدج كنت معصبه من خاطري...قومي غناتي والله ما تهونين علي فديت روحج..والله اذا ما نشيتي ما برد البيت برقد هني...
ما نشت سلامه وكانت متضيجه صدق...عقب قامت ليلى تعدل الحجره وترتب اوراقها وملفاتها وتدخل الملابس في الكبت..وفي هالوقت سلامه سارت الحمام وغسلت ويهها...ويلست تطالع كتابها...ويت ليلى ويلست عدالها على الشبريه ولوت عليها...
ليلى: سلامي سوري بس عاد ما يسوى عليج..اول مره نزعل من بعض..
سلامه: مب زعلانه بس قهرتني نظرات مريم وخواتها...
ليلى: ما عليج منهم شو يسوون فيج..انتي محد يروم يوصل لج...
ابتسمت سلامه...ولوت على عمتها...
سلامه: عمتي حبيبتي والله صدج خفت اني ما رمسج مول..
ليلى وهي تمسح على شعرها: بكفيج هو..؟ اذا تستغنين عني انا مالي غنى عنج...بعدين منو بيتدلع علي..؟
سلامه وهي بعدها في حضنها: شيخه الخايسه..
ليلى: تحطين عقلج بعقل يتيمه..
سلامه سكتت وردت ترمس : مبزايه وايد...
ليلى تضحك: مشكله اللي ما يشوفون عمارهم...
ويلست تسولف لها سلامه وتخبرها عن المدرسه وليلى يلست تراجع لها دروسها وتحل واجباتها وياها...لين ما وصل حمدان وغير ثيابه ..ومر عليهن...
حمدان: عمتي هني ولا تمر علي والله زعلت...
ليلى: لحوول شو فيكم اليوم..جنه يوم الزعل العالمي...
حمدان: زين يالمبزايه قومي...
سلامه وهي حاطه راسها على ريول ليلى: مابا كيفي...
ليلى مبتسمه: وين راشد.؟
حمدان :دخل يغير يالله بنسير بيت امي غاليه اكيد حطوا الغدا...
ليلى: يالله سلامي فديتج..
ونشت ليلى وسلامه وسارن مع حمدان بيت ام راشد...
................
الساعه 1:30 حطوا الغدا في بيت مبارك بو خليفه...ويلسوا الكل يعني عيال مبارك كلهم الاولاد والبنات وحريم العيال وكانت لمه ولا اروع...
وكانت عفرا وبدريه يحطن الاكل على السفره...ويوم خلصن سارت عفرا داخل المطبخ بتييب شي.. وبدريه يلست عدال عبدالله..
عبدالله يهمس لبدريه: فديت ايدينج اللي يابن هالاكل..
بدريه مستحيه: مسود الويه نحن مب لرواحنا...
عبدالله يهمس: زين حبيبتي كيفي ادلعها شو اللي حارنهم..؟
بدريه: حرام لازم نراعي مشاعر ناس..
عبدالله قبل يضحك: وحليلها سلامي اختي بتنفجر من حامد..
بدريه:هيه والله...
سلمى وهي تطالع بدريه ومبتسمه مع انها ما سمعت شي: بدريه حبيبتي كلي قبل يبرد الاكل ولاحقه على ريلج..
عبدالله ما قدر يمسك عمره وانفجر ضحك: ما قلت لج يا بدور والله انها ساس البلى..مب سهله يالسه تسمع وتراقب...
سلمى: يا سلام يعني حشيتوا فيني...
وتموا يسولفون بس لاحظوا ان خليفه ما كان ياكل...
ام خليفه: ولدي خليفه بلاك ما تاكل...؟
خليفه: ما يهنى لي اكل بدون عفاري بنتي..
حمده: احم احم...
ويت عفرا...
خليفه يوسع لها شوي:عفاري تعالي عند ابوج يا حبيبته...
عفاري ابتسمت لابوها: علني افدا روحك...
ويلست حذاله...
حمده: والله يمدحونهم بنات البطه السودا وايد سمعت عنهن...
يضحكون...بس محد انتبه ان بو خليفه متضيج ومعصب..وشمسه مب في المود العدل...وكانوا مشغولين بالسوالف...
كان سعود طول الوقت يطالع عفرا..بس ما سوت له سالفه وكانت كل ما رفعت راسها شافت عينه في عينها ..وكانت تلف عنه بكل برود..ويوم شافته مصخها وكل شوي يطالع..عطته نظره من الخاطر خلته ينزل راسه...
سلمى: ولهت على دبي..
بدريه ضحكت..
عبدالله: يمدحونها الشرده انصاص الليالي..
سلمى : اسكت الله يخليك..
ساره تطالع بدريه وتبتسم...
حمده: اقول تعرفون ان باقي على الامتحانات النهائيه شهر و اسبوعين...
حصه مبتسمه: لا تنسين الكريمه فوق الكيك..
حمده تضحك: ودج اني ارسب حلمكم كلكم..
عبدالله: ودي افهم كيف هالبنت ترسب طول السنه وتنجح اخرها...
نوره: اخوي خليفه ليكون بس عندك واسطه بالوزاره..
خليفه: لو عندي جان خليتها شرات اختها اولى على المنطقه..
حمده: هذا سر المهنه..اصلا انا اشطر عن عفاري بس ما ريد ابين عشان ما يحشروني اغششهم ولا حد يصكني بعين واخلي شغلي المبهر للامتحان النهائي..
يضحكون كلهم عليها..وينفتح باب الصاله ويدخل بدر ويوسف وبطي وخالهم ذياب...
ذياب: السلام عليكم..
كلهم ردوا السلام وابوه خزه بنظره...
ويلسوا يتغدون وبطي يلس يطالع امه اللي في نظرتها الف سؤال وسؤال...
بو خليفه: مسود الويه عقب الغدا تعال حجرتي اباك..
ذياب يستهبل: عبدالله سمعت ابويه شو قال...
عبدالله يطالعه باستغراب: ابويه انا..؟؟
بو خليفه:عارف نفسه..ذياب ودر الشغل الماصخ وين المريله..عنبوك عمرك 20 سنه وبدر اعقل عنك...
يوسف يهمس لبدر: شف يدي يالس يشبه خالي ذياب فيك يعني انت خبل ويقولون انك اللي ما عليك لوم وانك ...
بدر بصوت عالي: يدي انا خبل...؟؟
بو خليفه طالعه: لا ولدي ودي ذياب يستوي شراتك انت ريال وريال عود بعد..وين ييك الخبال..
بدر: يوسف قال...
شمسه طالعت عيالها بنظره غريبه وفي نفسها
" ابويه الحين معصب وانا ناقصه خبال عيالي"
شمسه: بدر ويوسف تغدوا واسكتوا..
وطالعت بطي بنظره...ونزل راسه وكمل غداه..
سمر: ابويه ..
ما رد بو خليفه...ونش من على الغدا وسار حجرته ...
حصه بهمس تضحك: يا سلام على القفطه اللي تشد الويه...
سمر بضيج: خايسه والله...امايه شوفيها...
ام خليفه: بس يا حصه خلي اختج تتغدا..
حصه: شو امايه انا ساكته ما قلت شي هي تفج حرتها فيني عشان ابوي مب مسوي لها سالفه....
سلمى ترمس ذياب: مسود الويه انت من يوم تدش نحن ما نشوف خير..
خليفه: وين راقد البارحه..؟
عبدالله: والله لولا ان امي يالسه جان بالعقال في ظهرك..ابوي روحه تعبان وانت ما يحتاي تغط الراس في التراب..
ذياب نش من مكانه قبل يذوق لقمه وحده وطير صحنه على السفره: اشبعوا بغداكم..
وسار فوق...
ام خليفه: حرام عليكم ما ذاق شي الولد...
خليفه بعصبيه: والله يا امايه لولا حشمتج جان كسرت راسه..
نوره: هالاسلوب بيدمره اكثر وبيخليه يعاند اكثر...
نشت شمسه وعيالها وبناتها وقالت لهم يجهزون اغراضهم عشان ابوهم بيي عقب المغرب ياخذهم...
ونشت نوره عقبها وسلمى وخليفه وساره وبناتها وردوا فلتهم...وام خليفه سارت عند ريلها..وبدريه يلست تساعد الباقين وشلت وياهم السفره هي وحصه ...وسمر سارت حجرتهم..
كان الجو متكهرب في البيت عقب ما دش ذياب اللي مسبب لابوه ازمه..لا يداوم ولا راضي يشتغل وكل اللي في باله ذهب ادراج الرياح عقب ما وصلته نتايج القبول في كلية خليفه بن زايد الجويه..وطبعا ما انقبل ..ومن هاك اليوم والولد منحرف واللي براسه يسويه...وهالشي مسبب لابوه ازمه لانه صدق مب عارف كيف يحكم سيطرته على ذياب ابدا....
..................
في الحجره...يلست سمر على المكتب وفتحت كتابها ويلست تقرا وتراجع دروسها حق باجر..ودخلت حصه الغرفه وانسدحت...ما تعرف شو تسوي..عقب نشت وبطلت الكمبيوتر...ويلست تتسمع اغاني وتتصفح المواقع...
سمر بدت تحل واجباتها ويوم خلصت فتحت كتاب العربي تبى تسمع لعمرها كم شي عشان عندها تسميع باجر...
وبدت تسمع بصوت عالي...
حصه طفرانه وتباها من الله..
حصه: ممكن تقصرين حسج..؟
سمر: عندي تسميع باجر شو اسوي ما احفظ عشانج..؟
حصه: زين طلعي برا ابى اشتغل مب متفيجه لويهج...
سمر: انا ييت قبل..
حصه: اوكي يلسي بس اسكتي..
سمر: ماريد لازم اسمع لروحي..
حصه: ان شاء الله ترسبين...
سمر: ان شاء الله تدعمين باجر..
حصه ونشت من مكانها وسمر شردت تبى تبطل الباب تشرد بس حصه كانت قافلتنه اول ما دخلت بالمفتاح...
سمر وهي تترجاها: خلاص والله اسفه ان شاء الله عبود ولد ييرانا ولا انتي..
حصه وهي تيودها من كتفها : ليش شو ذنبه عبود.؟ ان شاء الله انتي ولا هو...
وفرتها حصه بعيد وعقت كتبها في الممر...وصكت الباب..بس سمر تمت في الحجره..
انسدحت سمر في الحجره عناد علىشبريتها...
سمر: عادي بس ما بطلع...
حصه كانت محترقه ومب عارفه كيف تقتل سمر من القهر...وحطت اغنيه سمر تكرهها وهي اغنية علي عبد الستار "نظرة عينه"...
سمر عشان تقهرها اكثر: الله حصووه علي الصوت وايد احبها..
حصه ونشت مره ثانيه من مكانها وصارخت في ويهها: طلعي برا يا سمر لا تقهريني...
سمر: شو فيج اريد ادرس حشى جني حرمة ابوج مسويه فيني كل هذا...
حصه: زين طلعي يالله..
ونشت سمر من مكانها وشلت كم كتاب وياها وطلعت من الحجره وسارت الصاله اللي فوق عشان تدرس..
...............
الساعه 3:15 كانت ام راشد في الصاله مع شمسه حرمة ولدها مبارك وهم خلاص جاهزين بيروحون...
ام راشد: الله الله بنفسج يا بنتي وبعيالج وريلج..
شمسه متبسمه: ان شاء الله عمتي فديت روحج...
مبارك: يالله تأخرنا...
ليلى: والله يا مبارك يا خوي محد يطلع وقت القايله الا انتوا جان صبرتوا للعصر..
مبارك: لا ليلى لازم نظهر الحين عشان نوصل بدري اليهال وراهم مدارس وانا وراي دوام وكم شغله يبا لي اخلصها في البيت..
شمسه: هيه غناتي والله البيت طلعنا وهو معتفس والبشاكير ما يندرى بهن ينظفن ولا لاء...
قربوا العيال يسلمون على يدتهم ويحبونها على راسها...
ام راشد: الله الله بالمدارس علني فداكم...
مريم: لا توصين يدووه ان شاء الله كل شي بيكون مثل ما تبين...
سلامه كانت يالسه في الصاله...وام حمدان كانت يايه من عند المطبخ...وياييبه شي وياها مغطى عدل...
خلود: شمسه خذي هالكيك لليهال يتسلون فيه في الدرب...توني مسوتنه...
شمسه مستحيه: تسلم ايدج يا ام حمدان ما قصرتي علني فداج والله...
مبارك: مشكوره يا ام حمدان...
مريم سارت تحب عمتها ام حمدان: مشكوره عمتي...
خلود: قليل من قدركم..
يت امل ولوت على ليلى...
امل: عمووتي بتوله على بوظبي...
ليلى: خلصوا المدرسه وتعالوا وبتشبعون منها....
ايمان: لا لا عقب المدرسه نبى نسافر عشان في وايد اشياء بتفوتنا برا لو ما سافرنا...
ليلى وهي تطالعها باستغراب: خاطري اعرف هالبنت طالعه على منو..لا امها ولا ابوها جي..
مبارك: والله محد مطلع لي قرون غيرها....
شمسه: يوم انها مفتهمه بكل شي مب عايبتنكم..
ايمان: مب مشكله امايا الغيره تسوي اكثر عن جذي...
ضحكوا كلهم...وظهروا قوم مبارك رادين دبي...
ويلست ام حمدان مع ام راشد...
سلامه: اففف ما بغوا يسيرون...
خلود بنظره حاده: سلامه عيب..
سلامه بتأفف: زين..
ام راشد: بارك الله فيج يا بنتي والله مادري كيف بيكون هالبيت بلياج...
خلود مبتسمه: افا عليج يا عمتي وين اروح انا هني تامه عندكم وين اروم اصبر بدونج...
ليلى: سلامه وين حمدان؟
سلامه تقلب القنوات: مادري يمكن راقد...
خلود: مريت عليه يوم سرت الفله وكان يدرس...وراشد رقد..
ام راشد: زين بنتي سيري ارقدي من الصبح وانتي في المطبخ...
ليلى: اووه صح تسلم ايدينج حرمة اخوي على هالغدا السنع..
خلود: هني وعافيه..
ونشت بتسير بيتها..
خلود: عمتي اترخص الحين فديتج بسير احط راسي شوي..
ام راشد وهي تنش بصعوبه: يالله فديتج وانا بعد بسير حجرتي..
وتمت ليلى وسلامه...في الصاله...
................</font>

[عين الدماني]

<font color='#728FCE'><span style='color:chocolate'>درة الشرق</span> الله ايسلمج حبوووبه.. و التكمله بحطها عقب شوي...

<span style='color:chocolate'>حسين بن تميم العامري</span> أشكرك جزيل الشكر على كلامك الحلو و انا ماحب أطول عليكم عسب أنا بعد ماحب الإنتظار.. بس لا تعصب إذا طولت عليكم في يوم يمكن الظروف ما تسمحلي.. و حبيت أوضحلك شي بعد ترا انا بيت مب ولد.. لكن ماعليك انت مب أول ولا آخر واحد يتحراني ولد..

<span style='color:chocolate'>ابتسامة جرح</span> العفو لا شكر على واجب... و أرد اقولج اختي الغاليه انا بنـــــــت...

و أخيرا حد ايعرف اني بنت فديتج يا شمه.. الله ايسلمج حبوبه..

<span style='color:chocolate'>انا روحك</span> العفوانشاءالله التكمله جريب..

<span style='color:chocolate'>الجنيه</span> لا تزعلين حبوووبه الحين بنزل التكمله و آسفه عالتأخير...</font>

[عين الدماني]

<font color='#728FCE'>

<STRONG><FONT face="Tahoma, Arial, Helvetica, sans-serif" color=#336699>الحلقه الخامسه </FONT></STRONG><STRONG><FONT color=#ff0000><FONT face="Tahoma, Arial, Helvetica, sans-serif" color=#336699>الجزء الثاني
</FONT></P></FONT><FONT color=black></FONT></STRONG>


<FONT color=#cc9966><STRONG><FONT><FONT face="Tahoma, Arial, Helvetica, sans-serif">الساعه 4:00حمدان في حجرته يالس يحاول يحل مسألة في الرياضيات ومب عارف كيف...وما عرف شو يسوي..ونش الصاله اللي فوق وشاف امه داخله حجرتها وقفلت الباب بترقد...</FONT></FONT></STRONG>
</FONT><FONT face="Tahoma, Arial, Helvetica, sans-serif"><FONT color=#cc9966><B>شل سماعة التلفون واتصل....</B>
<B>حمدان: السلام عليكم ...</B>
<B>حمده: هلا حمدان وعليكم السلام...</B>
<B>حمدان: شحالج </B>
<B>حمده: بخير شحالك انت...؟</B>
<B>حمدان: حمدووه وين عفرا..؟</B>
<B>حمده: شو تباها...؟</B>
<B>حمدان: شعليج...روحي قولي لها حمدان يباج...</B>
<B>حمده : زين اصبر شوي ودق بعد خمس دقايق ابويه وامي راقدين بفصل التلفون وبشله حجرة عفاري...</B>
<B>حمدان: اوكي...</B>
<B>شلت حمده التلفون ودقت الباب..</B>
<B>عفرا: ادخلي...</B>
<B>حمده مبتسمه بهدوء: عفاري...</B>
<B>عفرا ونزلت نظارتها وهي تقرا في واحد من كتبها وتحل مسائل ومشغوله على الاخر..</B>
<B>عفرا: خير في شي...وليش يايبه التلفون وياج...؟؟… </B>
<B>حمده: ما في شي بس حمدان ولد راشد كان يبغيج مادري في شو وقلت له يصبر شوي...</B>
<B>عفرا بطلت عيونها وعقدت حياتها: شو..؟ شو يبى فيني حمدان...؟؟</B>
<B>حمده وهي تركب واير التلفون: مدري والله...تخبريه يوم يدق...</B>
<B>عفرا نشت من مكانها وسحبت الواير...وابتسمت بثقه...</B>
<B>عفرا: حبيبتي شو يستوي لي حمدان عشان ارمسه..؟ قولي له اذا دق مره ثانيه بعدني ما فصخت الحيا اسولف وياه...</B>
<B>حمده: خيبه شو بيقول لج...؟</B>
<B>عفرا: خلاص انتهى الكلام...</B>
<B>حمده: بس انتي تكلمينه في المدرسه...</B>
<B>عفرا: هناك اللي بينا علاقة زماله ما تتعدى حدود الدراسه وتنتهي بمجرد ما اطلع من سور المدرسه...</B>
<B>حمده: رمسيه بسج عاد عن الخبال يمكن يحتاي شي...</B>
<B>عفرا: يكفي انتي يا اخت حمده...شو تتوقعين امايا بتقول لو تدري انج ترمسينه بالتلفون شرات أي وحده من ربعج...؟</B>
<B>حمده: ما فيها شي صديقي في المدرسه...</B>
<B>عفرا: ما شاء الله ومن متى نرابع الاولاد نحن...حمده انا مالي شغل فيج طلعي بدرس..</B>
<B>حمده: واذا دق...؟</B>
<B>عفرا بثقه: شو اذا دق قولي له اللي قلت لج...قولي له ماريد ارمسه شو بيني وبينه عشان ارمسه خله يحشم عمره اول وقولي لها تقولك عفرا لو دق سعود ولد خالوتي شمسه على سلامي اختك بيكون عادي عنده...؟؟</B>
<B>حمده: زين شمعنى سعود ترمسينه بالتلفون...؟؟</B>
<B>عفرا ارتبكت بس ردت بثقه اكبر: حبيبتي امايا تعرف هالشي وانا بس رمسته مرتين يوم كان يباني افهمه شي في كتاب الmath مال الجامعه وكانت امي عندي في الصاله وانتي سويتيها سالفه..وبعدين سعود ولد خالتي وحمدان ما يستوي لي مول..</B>
<B>حمده: بس امي تقول انه من اهلنا يعني يستوي لنا..</B>
<B>عفرا: قرابه بعيده مب شرات هل البيت...يعني يده يستوي ليدتي وبس ...</B>
<B>حمده طلعت من الحجره وقفلت الباب...وعفرا تنهدت وردت لبست نظارتها ويلست تقرا في كتابها...</B>
<B>وفي الصاله اول ما حطت حمده الواير رن التلفون...</B>
<B>حمده: مرحبا...</B>
<B>حمدان: هلا حمده..</B>
<B>حمده: عفرا راقده...</B>
<B>حمدان: مستحيل علينا باجر امتحان math وعفرا ترقد لا يمكن...على العموم قولي لها بس كنت اباها تفهمني شي ومب لازم الحين الف طريقه للجذب يا اخت حمده...وما فيها شي لو قلتي الصدق..</B>
<B>حمده مستحيه: شو تقول انت...؟؟</B>
<B>حمدان: اللي سمعتيه ..يالله باي وراي دراسه..</B>
<B>حمده مستغربه: باي</B>
<B>...........</B>
<B>الساعه 5:30 العصر نش حمد وسار سبح وتلبس وفتح تلفونه..وعلى طول وصلنه اكثر عن 16 مسج.. وقبل يفتح المسج الاول رن تلفونه...وابتسم..</B>
<B>سالم: وينك ياخي من ساعتين وتلفونك مغلق..</B>
<B>حمد: انا غالقنه من الصبح..الحين بييكم...</B>
<B>سالم: انت في البيت ولا الشقه..؟</B>
<B>حمد: الشقه ...بس بييكم انتوا وين.؟</B>
<B>سالم: في هافانا كافيه...</B>
<B>حمد: خسكم الله اوكي ياي الحين..</B>
<B>سالم: وليش تسب..</B>
<B>حمد: كيفي شيخ يالله مع السلامه..</B>
<B>وبند عنه سالم...ويلس حمد يطالع مسجاته وعقب تسفر وطلع..وهو يشغل السياره تذكر اليازيه وشاف الساعه..</B>
<B>"اووه بعده وقت لين الليل..."</B>
<B>ودخل الشريط وحط محمد عبده "اعترفلك.."</B>
<B>وفي الدرب رن تلفونه ..</B>
<B>"لا حوول نحن ما بنخلص من هالتلفونات..؟؟"..</B>
<B>حمد: الووه..</B>
<B>بدريه: هلا حمود..</B>
<B>حمد: هلا الغاليه..شحالج...</B>
<B>بدريه: بخير والله شحالك انت...؟</B>
<B>حمد : الحمد لله..هذا موبايلج؟</B>
<B>بدريه: هيه..ما وصيك عاد في المسجات...</B>
<B>حمد: وشو الداعي للموبايل من بيتصل بج..ريلج لو يباج يدق على البيت..</B>
<B>بدريه : الله يهديك ما تبطل طبايعك ابد..انا من متى معرسه وانتهى شورك علي الا اذا مسويه شي غلط..بس الحمد لله ريلي راضي علي..</B>
<B>حمد: بس التلفون ماله داعي..شو تبين بالمشاكل..؟</B>
<B>بدريه: وليش حد قالك اني متعرفه على شباب ..؟</B>
<B>حمد: هاللي ناقص..يعني نترياه يصير..وعقب نمنع التلفون...</B>
<B>بدريه: حمد استح على ويهك على العموم برايك انا بخليك...الله وياك..</B>
<B>حمد: ونج زعلتي..؟</B>
<B>بدريه: برايك انا بس بغيت اسألك ليش اهلي ما يردون علي..؟</B>
<B>حمد: يمكن حد ساحب الواير...شو تبين بهم.؟</B>
<B>بدريه: بسير عند امايا يومين..</B>
<B>حمد: اخيرا وافق ريلج يستغني عنج يومين..</B>
<B>بدريه بضيق: مع السلامه حمد...</B>
<B>حمد يضحك: باي الغاليه..</B>
<B>كان حمد نذل لابعد الحدود وما يحشم صغير ولا كبير..ويتم يجرح في الناس ومحد متحملنه غير بدريه اخته اللي ما يقصر فيها ويسمعها من كلامه اللي يسم البدن...بس هي تطنش وتعرف ان حمد ملسون بس قلبه طيب...</B>
<B>............</B>
<B>عقب المغرب كانت ام راشد في حجرتها تصلي ودخلت عندها سلامه وانسدحت على شبريتها لين ما تخلص..وعقب ما سلمت ام راشد..</B>
<B>ام راشد: بنتي سلامه...صليتي..؟</B>
<B>سلامه وهي منسدحه: لاء...</B>
<B>ام راشد: ليش يا بنتي قومي صلي قبل تفوتج الصلاه وتعرفين صلاة المغرب وقتها قصير...</B>
<B>سلامه: زين يدوه بقولج شي..</B>
<B>ام راشد: ماريد اسمع منج شي قبل تصلين..هكوه الحمام سيري تمسحي وصلي عقب يلسي رمسيني..</B>
<B>ونشت سلامه وتمسحت وام راشد يلست ترتب ثيابها وتحطهن في الكبت..وخلصت سلامه وسارت وانسدحت وحطت راسها على ريول يدتها...</B>
<B>ام راشد: شو هالصلاه يا بنتي..؟</B>
<B>سلامه مستغربه: شو بلاها..؟</B>
<B>ام راشد: ما تعرفين تصلين...متى اخر مره صليتي..؟</B>
<B>سلامه مستحيه: مدري..</B>
<B>ام راشد: خاف انج مصليه من سنه...؟؟لحوول يا بنتي شو من تربيه هذي اللي ما تخلي الاوادم يصلون...تعوذي بالله من ابليس وصلي عشان الله يبارك فيج..</B>
<B>سلامه: ان شاء الله...</B>
<B>ويلست ام راشد تتمسح وتسحي شعرها...</B>
<B>سلامه: يدووه..ابى اقولج شي..</B>
<B>ام راشد: شو بنتي...؟</B>
<B>سلامه: انتي ما تزيغين يوم ترقدين بروحج؟</B>
<B>ام راشد: من شو ازيغ الحمد لله الامان موجود...ما شي نزيغ منه الا رب العالمين...</B>
<B>سلامه: لا يدوه انا اقصد في الظلام..</B>
<B>ام راشد ولا في الظلام بعد..</B>
<B>سلامه: زين ابى ارقد عندج اليوم...</B>
<B>ام راشد: حياج الله بنتي ارقدي في أي وقت..بس انا ما روم للمكيف وما شغله مول هلكني وياب لي المرض في ريولي...</B>
<B>سلامه: عيل كيف تتحملين الجو ايام الصيف..</B>
<B>ام راشد: لي يا الصيف يصير خير بس الحمد لله الجو هاليومين ابدع ما يكون...</B>
<B>سلامه: يدووه..</B>
<B>ام راشد: هاه بنتي..</B>
<B>سلامه: قولي لي كيف مات عمي سيف الله يرحمه...؟</B>
<B>ام راشد تنهدت...وسكتت شوي ..وسرحت شوي بعيد..ولاحت صورة سيف في خيالها..</B>
<B>ام راشد: بنتي سيري لذاك الدرج وهاتي الالبوم اللي فيه بروايج شي..</B>
<B>ونشت سلامه ويابته...وبطلته لها ام راشد..وشافت صور عمها سيف من ايام قبل المدرسه وصورته وهو في الروضه..وصور وايده له وهو في المدرسه..واخر صوره له وهو يدرس كانت ايام الثانويه العامه وهو لابس لبس الجويه..وفي صور له في امريكا ويا ربعه..يوم سار يكمل دراسته..واخر شي صوره وهو خريج وصورته ليلة عرسه..وكانت هذي اخر صوره تصورها وعطاها امه...وشافت سلامه سعاد حرمته...</B>
<B>رفعت سلامه راسها بتتخبرها اذا هذي سعاد وشافت يدتها تمسح دموعها في شيلتها...</B>
<B>سلامه مرتبكه: يدوه ليش تصيحين..؟</B>
<B>ام راشد تتنهد بحرقه: لا يا بنتي ما شي ..عمج سيف الله يرحمه..ما شي منه في الرياييل..الله يرحمه يا سلامه..</B>
<B>سلامه وهي تطالع الصور: الله يرحمه...</B>
<B>كانت صورة سيف تجنن وملامحه جميله ويشبه ليلى وايد..بس شيخه ابد ما كانت تشبه ابوها..كانت نسخه مطبوعه من امها سعاد..اللي نفس الشي كانت حلوة الملامح..ومملوحه بعد...وحتى بياضها ماخذتنه من امها...</B>
<B>سلامه تسأل ويدتها تتكلم وهي محترقه...</B>
<B>سلامه: زين كيف مات..؟</B>
<B>ام راشد حست بشي قبض فوادها...رغم البرود اللي تسألها فيه سلامه..بس ام راشد كانت شابه ضو من داخل..وتحس انها تموت الف مره كلما طروا سيف جدامها..وكانت ما تحب ترمس عنه في أي مكان..بس ما حبت ترد سلامه ولا تبين لها شي...ورمست ام راشد وحسها تغير ومبين انها مخنوقه وهي ترمس...</B>
<B>ام راشد:في رمضان كان ساير يعزي واحد من ربعه في وفاة اخوه ..وكان عمر شيخه 7 شهور..وقالت له سعاد انها بتسير وياه..لان حرمة ربيعه جد يتها كذا مره للبيت..وخلوا شيخه عند ليلى وكانت هاديه ما تصيح ولا تقول شي...</B>
<B>سكتت ام راشد..</B>
<B>سلامه: كملي يدوه..</B>
<B>ام راشد تتنهد وبدا الضيج اكثر على ويهها..تحس بشي يحترق داخلها..ودها تقول لسلامه تسكت بس ما عرفت ليش ما قدرت..تحس هم الكون ياكل روحها...وتحس ان في صدرها حطب كلما رمست سلامه شب ضو اكثر...تحس التنفس صاير اصعب والدنيا ممكن في أي لحظه تاخذ أي انسان تحبه..تذكرت على طول ضحكات سيف وخفة دمه..وكيف كان مالي البيت ضحكات ..وكل شي فيه يذكرها به...حتى لو كوبها اللي تشرب فيه كان سيف مشتري طقم منه..وبعدها للحين محتفظه فيه..ما استوعبت للحين انه توفى..وكانت دوم تستغفر ربها على قلة صبرها..بس ما قدرت تتحمل انها تفقد ضناها وقطعه منها...حتى تعرف ان البيت تغير عقب ما مات..قبل الناس كلها تضحك في وجود سيف ..واليوم البيت مظلم كئيب عقب غيابه...</B>
<B>واللي زاد همها اكثر ان بو راشد لحق بو سيف على طول...وحست بعمرها وحيده رغم وجود عيالها...بس هذي حكمة الله في خلقه...</B>

<B>كملت ام راشد وبدت العبره تخنقها: وعقبها ما ردوا الا اخر الليل ع الساعه 2 ومن العين لين بوظبي وقريب من الوثبه ...البقعه كلها بر ومحد فيها ومادري يا بنتي كيف ما يود عمره وهو يسوق ودعم في اطراف الحديد اللي ع الشارع...واصتكت عليهم السياره..وابطوا فيها محد ياهم ..واختارهم الله يا بنتي..</B>
<B>سلامه نزلت راسها: الله يرحمهم...</B>
<B>ام راشد ابتسمت عشان تقتل حالة الالم اللي في نفسها وكابرت وتمخضت شفاتها عن ابتسامه تجمع هم السنين والم الكون..وفاجعه فقدان اقرب الناس..رسمتها بكل صعوبه وهي تعلن تحدي جديد لمآسي الله يعلم اخرتها...</B>
<B>وبكل حنان الدنيا الممزوج بألم الرحيل : يالله بنتي قومي ادرسي انا ما شفتج يودتي الكتاب من اسبوع..</B>
<B>سلامه تضحك: شو اسبوع يدوه...&#33;&#33; عاد هذي مبالغه عوده...</B>
<B>ام راشد: يالله نشي..</B>
<B>وقبل تطلع سلامه كان باب الحجره يتحرك ومسكة الباب ترتفع وتنزل وحد يحاول يبطله بس مب رايم..</B>
<B>ام راشد: انتي قفلتي الباب بالمفتاح..؟</B>
<B>سلامه: لا والله...</B>
<B>ام راشد: قومي شوفي من عند الباب...</B>
<B>وسارت سلامه واول ما بطلت الباب شافت شيخه وويهها كله رقاد...وفي عيونها نظرة غضب..وخدودها حمرا وشكلها شوي وتنفجر صياح...</B>
<B>تمت تنقل نظراتها في الحجره تدور حد تباه بس ما لقته...</B>
<B>مدت بوزها شبرين وبصوت مخنوق والعبره خانقتنها: وين ماما...؟</B>
<B>سلامه ابتسمت: محد..</B>
<B>ام راشد: تعالي بنتي تعالي شيخه فديتج..وين ليلى عنها..؟</B>
<B>سلامه تمد ايدها : تعالي شواخي..</B>
<B>صاحت شيخه: ماليد وين امي..اليد امي...</B>
<B>وبدت شيخه المناحه وشلت البيت بصياحها وما طاعت تسكت..ونشت لها ام راشد بس ما خلتها تمسكها وتمت تصيح من قلبها..ولا طاعت تسكت..</B>
<B>سلامه متأففه: لا حووول متى بتسكت هذي اذتنا اففف منها صوتها حشره...</B>
<B>ام راشد وهي تلوي على شيخه: بس غناتي فديت روحج..</B>
<B>شيخه وهي تبعد نفسها عن يدتها وتصارخ: اليد امي..امي...</B>
<B>ام راشد متحسره: لا حول ولا قوة الا بالله..من وين اييب لج امج الحين يا بنتي..الله يرحمها..</B>
<B>سلامه منصدمه: يدووه لا تخبرينها حرام هي تتحرى ليلى امها...</B>
<B>ام راشد: وهي اشدراها شو اقول..؟</B>
<B>سلامه: يدووه شو تتحرينها غبيه ما تفهم...؟</B>
<B>ويتها شرملى يايبه لها الحليب..وحاولت تشلها بس ما رضت وسارت عنها شرملى ما قدرت تراضيها....شيخه معصبه ومسكت مرضاعتها..وسارت تيلس عدال طاوله في الصاله وحاضنتنها..وتصيح من قلبها...وتصارخ: اليد امي...</B>
<B>ام راشد: وين ليلى ؟</B>
<B>سلامه: سكتوها حشرتنا...</B>
<B>وسارت شرملى فوق تدور ليلى بس ما لقتها ودخلت حجرتها وليلى طلعت من الحمام وكانت متسبحه...</B>
<B>ليلى: عوذ بالله منج زيغتيني..</B>
<B>شرملى: شيخه صيح يريد انتي...</B>
<B>لبست ليلى بسرعه ولفت شعرها...ونزلت الصاله واول ما شافتها عورت لها قلبها وشكلها مسكينه يالسه عند الطاوله وتصيح..شيخه اول ما شافت ليلى زاد صياحها وسارت عندها وشلتها ليلى فوق وهي حاضنتنها بقو بس شيخه ما طاعت تسكت...وسدحتها على الشبريه وانسدحت عدالها وهي لاويه عليها..وحبتها على يبهتها..وتمسح دموعها...</B>
<B>ليلى تكلمها بلهجة اطفال: عيوني شو فيج يا حياتي...وليش كل هالدموع فديت روحج...</B>
<B>شيخه ساكته بس متقبضه في ليلى بكل قوتها...</B>
<B>ليلى: كل هذا عشان نشيتي وما حصلتيني جدامج...يا دلوعه...</B>
<B>ورفعت ليلى راسها وشافت ويهها متخيس دموع بس هي سكتت...</B>
<B>ليلى: تبين حبيبه..؟</B>
<B>شيخه وبعدها زعلانه: هيه...</B>
<B>ويلست ليلى وشيخه يلست وياها..ومشت لين الطاوله اللي عليها الحليب وشيخه نشت وراها ورقدتها على الشبريه ويلست تجفف شعرها...</B>
<B>شيخه وتأشر على ريول ليلى: هني..</B>
<B>ابتسمت ليلى: تعالي حبيبتي..</B>
<B>ويت شيخه وحطت راسها في حضن ليلى وانسدحت على ريولها ويلست تشرب حليبها...</B>
<B>................</B>
<B>الساعه 8:00 كانت ام خليفه واقفه عند باب الصاله وتسلم على بنات شمسه...وشمسه خلاص بيردون دبي...وكانن كلهن موجودات عدا نوره اللي روحت الساعه 5:00 العصر..</B>
<B>ام خليفه: الله الله بنفسج يا بنتي...</B>
<B>شمسه: ان شاء الله امايه وانتي بعد الله الله بصحتج...</B>
<B>بدريه وهي تسلم على بنات شمسه:يالله يا حلوات شدن حيلكن بالدراسه...</B>
<B>سلمى: ما عليج منهن ما يتوصن امهن شمسه بنت مبارك...</B>
<B>وهن يرمسن يتهن ساره وبناتها من بعيد...واول ما وصلت..</B>
<B>ساره: الحمدلله اني لحقت عليكن..ياني خليفه يقول ان سالم هني وبيروحون قوم شمسه..</B>
<B>حمده: افا عمووه تسيرين ولا تقولين...بلجيكا علمتكم جي..؟</B>
<B>ساره: عيب يا حمده..</B>
<B>شمسه ومبين انها ضايجه من امس وحتى تبتسم من ورا خاطرها: لا فديتها حمدووه محد يزعل منها...</B>
<B>عفرا سلمت على عمتها والبنات: عمتي انا ما روم اطول هني بسير عندي امتحان ولازم ادرس...لا تقطعينا..</B>
<B>شمسه وهي تلوي عليها: لا فديتج سيري الله يوفقج ان شاء الله...</B>
<B>وسارت عفرا لين فلتهم وهي في الدرب شافت عمها ذياب مع سعود...</B>
<B>ذياب: عفرووه..</B>
<B>عفرا: خير..</B>
<B>ذياب: وين اختي شموس.؟</B>
<B>عفرا: مدري بسير انا..</B>
<B>ذياب: سيري كلي اوراق الكتاب...</B>
<B>كان سعود يطالعها ومبتسم بس ما سوت له سالفه وسارت عنه..</B>
<B>سعود: عفاري..</B>
<B>عفرا تطالعه: شو..؟</B>
<B>سعود: بنسير ايطاليا عقب اسبوعين..تامرين بشي...؟</B>
<B>عفرا وقفت: متى عينوا خالي سالم..؟</B>
<B>سعود اللي ما صدق انها نطقت: امس مسوين له تلفون ...وعقب اسبوعين لازم يسير يخلص كل اوراقه وعقب يسير ايطاليا..</B>
<B>عفرا ابتسمت ابتسامه ملائكيه بعفويه: الله وياكم...الله الله بدراستك..</B>
<B>سعود بفرح بس ما بينه الا بابتسامه صادقه: ان شاء الله وانتي بعد..</B>
<B>كانت عفرا ترمس عادي صح انها ترمس حد لاول مره بعفويه بس ما كانت تكن لسعود أي مشاعر...اما سعود اللي يحبها صدق من قلبه سار وهو مرتاح على الاقل شوي رمسها ونفسها حلوه...</B>
<B>ذياب: ابى اسير وياكم..</B>
<B>طالعه ذياب: حووه ارمس انا...</B>
<B>سعود: زين اسمعك..اقول خالي...</B>
<B>ذياب:شو..</B>
<B>سعود: متى بتراضي ابوك...؟؟</B>
<B>ذياب: مب شغلك..</B>
<B>سعود سكت وساروا فلة بو خليفه عقب سلم سعود عليهم...</B>
<B>بطي: باااي خالوه بدريه...بنتوله على سوالفج...</B>
<B>بدريه: فديت روحك ادرس عدل ولا تنسى الموضوع اللي بينا..</B>
<B>سلمى: الحمدلله والشكر شو تبين في بطاي الخبل..؟</B>
<B>بطي مطلع لسانه يغايض خالته:عمتي سلامي يلسي ببوظبي شو تبين تردين دبي...</B>
<B>سلمى: والله انك ما تخيل..</B>
<B>بطي: شو رايج تيين ويانا...؟ بنوصلج...</B>
<B>سلمى: كثر خيرك..ريلي موجود حق شو ايي وياك..ما شي شغله...</B>
<B>بطي وهو يسير عنهن: يالله برايكن انا بسير عن يخلوني..صراحه ما تحمل جو بوظبي..مول ما يعيبني...</B>
<B>حصه: عدال يا مدلل..</B>
<B>سمر: من زينك انت ودبي..كلها هنود..</B>
<B>بطي من بعيد: وايد عليج...خالوه سمر..</B>
<B>بدريه: فديت روحه يا ربي والله ان دمه عسل...</B>
<B>سمر:حرام برد وحيده كلهم راحوا...</B>
<B>حصه: الا قولي ارتاحوا من ويهج ليتني رايحه وياهم على الاقل ما بشوف ويهج مول..</B>
<B>سمر: يعني انا اللي ميته عليج خلاص ما روم اعيش بدونج...</B>
<B>حصه: جب اسكتي صوتج يعور اذنيه ماداني اسمعه...</B>
<B>ام خليفه: لا اله الا الله شو من بنات انتن...سمر يا بنتي سكتي منها..اختج ضو..كل ما رمستيها زادت..</B>
<B>حصه: هيه امايه انتي اللي تحرضينها علي وترفعين من قدرها وانا جني بنت الحرمه الشينه ما تسوين لي سالفه..</B>
<B>سلمى بتأفف : يالله يالبزا وثقالة الدم اللي فيكن..</B>
<B>بدريه: الاخت متوتره..الا اقول حماده مالج هذا متى بيوصل؟</B>
<B>سلمى وهي تيلس على الكنب بقهر: وانا شدراني يعله يا ربي...</B>
<B>ام خليفه: اذكري ربج شو تدعين على ريلج..</B>
<B>سلمى: يا امايه ورايه شغل ودوام ومدرسه وتحضير شو من ريال مودرني في بوظبي ويالس في دبي...</B>
<B>ساره: يمكن عند حرمته الثانيه...</B>
<B>سلمى: قلعته هو وياها المهم ابى ارد البيت...</B>
<B>حصه: الاخت ملت منا...</B>
<B>سمر: بسير ادرس...</B>
<B>حصه: باللي ما يردج...</B>
<B>ام خليفه بعصبيه: حصه بس عاد زودتيها...</B>
<B>سلمى ونشت سايره فوق ودق تلفون الصاله...</B>
<B>حمده: مراحب...</B>
<B>حامد: السلام عليكم..</B>
<B>حمده: وعليكم السلام..</B>
<B>حامد: وين سلمى.؟</B>
<B>حمده: اصبر شوي..</B>
<B>نزلت السماعه وسلمى سايره فوق..</B>
<B>حمده: عمتي سلمى تعالي تلفون...شكله ريلج..</B>
<B>نزلت سلمى بسرعه ورمسته وشوي واجعها ان تلفونها مغلق وقال لها تتجهز انه صار قريب منهم...وطلعت سلمى فوق وجهزت اغراضها ونزلت..</B>
<B>ام خليفه: شكلج مستانسه تودرين البيت..</B>
<B>سلمى: امايا حرام عليج وراي باجر مدرسه وتعرفين يبا لي احضر الدروس عشان الشرح ..</B>
<B>حمده: شو رايج تغيبين عشان البنات يفرحون وياخذون حصة فراغ..؟؟</B>
<B>سلمى: احلفي انتي بس...</B>
<B>حصه: اختي سلمى لزقه ما تغيب ويعرفون البنات انها مستحيل تغيب عشان جي فاقدين الامل في غيابها...</B>
<B>سلمى: وليش اغيب اذا ما شي اعذار...</B>
<B>دخل ذياب الصاله...</B>
<B>ذياب: سلمى ريلج في موتره يقول لج يالله مستعيل...</B>
<B>ام خليفه: مسود الويه ليش ما ينزل يسلم..ما شي مذهب...</B>
<B>سلمى مفتشله: الحين بقول له يي امايا..</B>
<B>ام خليفه: لا برايج سيري غناتي وراج دوام..اذا ما كان مسنع مب انتي اللي بتسنعينه...</B>
<B>وسلمت عليهم سلمى وروحت ...وام خليفه سارت تصلي العشا..وحصه طلعت فوق وبدريه سارت الحجره اللي رقدت فيها سلمى البارحه..</B>
<B>..................</B>
<B>في بيت بو راشدالساعه 10:00 كانت خلود واقفه عند باب الصاله ...</B>
<B>خلود: تصبحين على خير عمتي انا بسير البيت...</B>
<B>ام راشد: وانتي من اهله غناتي..فديت روحج..</B>
<B>وظهرت خلود وام راشد سارت حجرتها بترقد...</B>
<B>وسلامه يالسه في اخر الصاله تدرسها ليلى كيمياء..</B>
<B>سلامه: خلاص عمتي بسير ارقد تعبت..</B>
<B>ليلى: من شو تعبتي باقي 12 صفحه ونخلص...</B>
<B>سلامه: لااا وايد عمتي ما روم ابطل عيوني...</B>
<B>ولفت سلامه وشهقت من اللي شافته...كانت شيخه ماسكه دفتر سلامه وما خلت فيه بقعه بيضا ويلست تخربش على كيفها وتلعب وترسم شخابيط وشوهت الدروس والواجبات....وقطعت بعض اوراق الدفتر ...</B>
<B>سلامه ونشت بسرعه بتضربها وهي معصبه: اووووه..</B>
<B>شيخه اول ما شافتها عقت كل شي وفي عيونها نظرة خوف..ونشت بصعوبه وسارت تركض شارده وفجأة انفجرت ضحك ان حد يالس يلاحقها.. ونطت فوق ليلى وتعلقت فيها وتمت تدفن عمرها وجنها تبى تدخل داخل جسم ليلى وهي تضحك بصوت عالي وتزاعج بفرح....ضحكت ليلى ولوت عليها..</B>
<B>ليلى تضحك: خلاص سلامي هالمره مسحيها في ويهي..</B>
<B>وقربت سلامه من شيخه وقرصتها في ريلها وابتسمت وقالت بغياض: ضربتج...&#33;&#33;</B>
<B>شيخه مسكت ريلها من المكان اللي يعورها وطالعتها بنظره متألمه: اححححح</B>
<B>ليلى تبى تهدي الوضع: عادي ما يعور صح شواخي..؟</B>
<B>شيخه بعناد ومغايض اكثر ومدت لسانها عناد: ما عولني ..ما عولني...</B>
<B>سلامه: اوووه شو هاه والله بضربها كيف بسوي باجر يعني لازم ننهزب كل يوم..</B>
<B>ليلى: ما عليه حبيبتي انتي متعوده..خلاص سيري ارقدي ووعد باجر يوم ارد من الدوام بشل هالدفتر وبعيده لج من اوله لين اخر درس...</B>
<B>ابتسمت سلامه: اوكي...</B>
<B>ويلست سلامه تيمع كتبها ..ولفت عليها شيخه وشافتها ..</B>
<B>شيخه تغايضها وتطلع لسانها ومبتسمه بمغايض: ثوفيني.....</B>
<B>سلامه رفعت راسها: جب يا دبه دبه..انتي دبه كبيره مثل الفيل..</B>
<B>شيخه تتحرطم وتسوي روحها فاهمه شي: اتي طفثه..</B>
<B>سلامه: انتي دبه ومب حلوه...</B>
<B>ليلى تضحك: لا حوول يا سلامه مسويه راسج براس ياهل...</B>
<B>شيخه وهي متعلقه: خاثه اتي...</B>
<B>سلامه: انتي اللي خايسه مب انا...عمووه سكتيها انا روحي معصبه...</B>
<B>ليلى: شواخي بس حبيبتي..</B>
<B>شيخه: ماليد ..</B>
<B>سلامه بعد ما شلت كتبها: يالله عمووه وصليني ابى اسير البيت وزايغه...</B>
<B>ليلى: حرام عليج تبيني اصك درب لين فلتكم ليش تعذبيني..</B>
<B>سلامه: شو ؟؟ ماريد ارقد هني بيتكم ما فيه ثياب المدرسه مالي..الله يخليج قومي...</B>
<B>ونشت ليلى وشلت شيخه ووصلت سلامه وردت البيت...وطلعت حجرتها...وغيرت ملابس شيخه ورقدتها على الشبريه وانسدحت عدالها بترقد...وبندت الليت..</B>
<B>هني شيخه انفجرت ضحك...</B>
<B>شيخه: وحث وحث...</B>
<B>ليلى: اسكتي بنرقد...اذا ما رقدتي بييج الوحش...</B>
<B>شيخه بفرح: وحث..</B>
<B>ليلى: لا حوول انا احيد ان الوحش يزيغ ما يفرح خلق الله..كلما طريتلج الوحش تتشققين من الوناسه...يالله ارقدي..</B>
<B>شيخه: ماليد...</B>
<B>شيخه وهي تدور ايد ليلى عشان تمسكها...</B>
<B>شيخه: اتي وين..؟</B>
<B>ليلى: هني وين بكون يعني..يالله ارقدي انا برقد وبخليج..</B>
<B>شيخه ونشت وتتحسس ليلى وين ويلست فوق بطنها...وتمت تنط..</B>
<B>ليلى: شواخي بس عورتيني انزلي ..يالله...ولا بطلع وبخليج..</B>
<B>شيخه بفرح: لا لا انا دويه...</B>
<B>ليلى: ادري انج قويه..بس انزلي يالله...</B>
<B>شيخه بشطانه: ماليد...هييييه</B>
<B>وتمت تزاعج وتتنطط وماطاعت ترقد..ورقدت عنها ليلى لان وراها دوام باجر...وشيخه في الظلام تمت تتجلب فوق ليلى وتفتح عيونها..</B>
<B>شيخه: قومي يالله..يالله...</B>
</FONT></FONT><FONT face="Tahoma, Arial, Helvetica, sans-serif"><FONT color=#cc9966><B>بس ليلى ما تحركت وخلتها ورقدت..واخر شي يوم يأست منها سارت ورفعت ايدها وحطت راسها في حضن ليلى ولوت عليها ورقدت على طول..
....................</B>
<B>في منطقه غير محددة الذكر في بوظبي..على الساعه 12:00 نص الليل كان حمد يمر بموتره عليها وساعه يدق على تلفون اليازيه بس ما ترد..</B>
<B>" الله يخس ويهج جني اللي ابى مب انتي..وينها هذي"..</B>
<B>ودار فوق العشر مرات على المنطقه وحتى الشباب اللي كانوا يتيمعون ويسهرون للفير في المنطقه حسوا ان في هالموتر شي او انه مواعد وحده هني...</B>
<B>طبعا الشباب طنشوا وما حبوا يتدخلون...بس حمد مصخها واخر شي وقف عدال بقاله وطلب شي بارد ويلس في السياره..ودق لها تلفون...</B>
<B>وردت اخيرا...</B>
<B>حمد بعصبيه: احلفي انتي بس...قولي والله..؟؟</B>
<B>اليازيه: شوفيك انا قلت لك بسوي كول يوم بخلص..ليش محتشر حد قالك تيي الحين...؟</B>
<B>حمد بقهر من برودها: والله...؟</B>
<B>اليازيه: لا ترمسني بهالاسلوب ما يعيبني..عوذ بالله منك جاف ما تعرف ترمس..</B>
<B>حمد: اذا مب عايبنج دوري واحد ثاني..مالت عليج وعلى ويهج..بتموتين وانتي تراكضين ورا الشباب..</B>
<B>اليازيه بضيج: حمد شو هالرمسه..؟</B>
<B>حمد: خس الله ويهج شو قالوا لج كلب انا اراكض ورا البنات..يكون في علمج انا البنات اللي يربعن وراي هب انا اللي اسير لهن..واقولج اسف لان سهرتج الليله بتخترب وجلبي ويهج ترا فريجكم متروس شباب دوري لج واحد منهم لين ما يردون هلج من العين..</B>
<B>اليازيه قبل تنطق...بند حمد التلفون وما اغلقه بالعكس خلاها ترد تدق وتدق عشان تحترق اكثر وهي تترياه يرد..ويباها تموت وهي تدري انه حذال التلفون بس ما بيرد ...</B>
<B>حرك حمد الموتر وما سار الشقه ..رد البيت على طول..وطبعا شي بديهي ان اهله ما يعرفون ان عنده شقه..</B>
<B>وخذ تلفونه الثاني ودق على ربيعه بكل برود..</B>
<B>حمد: هلا بو شهاب..</B>
<B>احمد: هلا الغالي..</B>
<B>وتم يسولف وياه يمكن عشر دقايق ..</B>
<B>حمد: خذ رقمها وهذي هديه مني لك..</B>
<B>احمد: شو اسوي بها..؟</B>
<B>حمد:لا تسألني...يالله بسير ارقد وراي دوام...</B>
<B>احمد: هي حلوه..؟</B>
<B>حمد: يعني الميك اب معدلنها يالله تعرف واحكم بنفسك....</B>
<B>احمد: وانت ليش ودرتها...؟</B>
<B>حمد: مليت يابت لي الغثه..وانت بعد غثيتني شو رايك تخليني اسير البيت...؟</B>
<B>احمد: الله وياك...</B>
<B>وخذ احمد رقم اليازيه من حمد..</B>
<B>واول ما وصل البيت..سار وسبح ورقد والتلفون بعده محترق ومحد يرد عليه..وحطه على السايلنت وما سوا لها سالفه...وانتهت سالفة اليازيه نفس ما انتهت سالفة الف بنت غيرها...</B>
<B>..............</B></FONT>



<B><FONT color=#336699>ترقبوا الحلقه السادسه قريباً</FONT></B></FONT></P></font>

[شمه]

<font color='#F660AB'>

شكـــــــرا ع التكملـــه
الحين بقراهــــــــــــــــــــ ـــا ..
واكيد حلوه.. <IMG src="http://oasis.bindubai.com/emoticons/smile.gif" border=0></P>


&nbsp;</P>


يالله بنتريا الجزء السادس <IMG src="http://oasis.bindubai.com/emoticons/smile.gif" border=0></P>


&nbsp;</P>


<IMG src="http://oasis.bindubai.com/emoticons/inlove.gif" border=0>
شمـــــــــــــــه</P></font>

[عين الدماني]

<font color='#728FCE'><P align=center><FONT face="Tahoma, Arial, Helvetica, sans-serif" color=#ff00cc><STRONG>تسلمين عالتواصل شمه</STRONG></FONT></P>
<P align=center><IMG src="http://oasis.bindubai.com/emoticons/laugh.gif" border=0></P></font>

[الجنيه]

<font color='#810541'>

السلام عليج اختي ريم الدماني ...</P>


الصراحه انا زعلانه منج واااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااايد </P>


والله حرام عليج مخلتني جذه متلعوزه اتريا التكمله والله القصه غاويه بس انتي اللي يهداج مقسطتنها لنا ووايد تتاخرين علينا ...<IMG src="http://oasis.bindubai.com/emoticons/sad.gif" border=0></P>


يعني انا بقولج رايي الصراحه الحين انتي يوم تتاخرين اتحطين بقيه الاجزاء اتخلينا ننسى القصه لاني وانا اترياج اتحطين التكمله اقرا قصه ثانيه وبجي تتلخبط علي السالفه كلها ويوم ايي اكمل القصه ما اعرف راسي من ريولي وبجي يعني تتتشتت الافكار والقصه تفقد بريقها فياريت غناتي ما اتطولين علينا واتوافينا بالاجزاء ورا بعض عسب ما تفقد القصه مضمونها ونكهتها ....</P>


اسمحليلي اذا ازعجتج بس ودي انج اتكلينها بسرعه .....please <IMG src="http://oasis.bindubai.com/emoticons/rock.gif" border=0></P></font>

[عين الدماني]

<font color='#728FCE'><P align=center><FONT face="Tahoma, Arial, Helvetica, sans-serif"><FONT color=#0099cc>عليج السلام اختي</FONT><FONT color=#ff0099> الجنيه</FONT>... </FONT></P>
<P align=center><FONT face=Tahoma color=#0099cc>أفاااا والله كله عاد ولا زعل أهل الواحات.. لكن حقج عليّ و انا أعتذر عن هالتأخير السموحه والله بس الظروف ما كانت تسمحلي.. عسب كنت أداوم طول الفتره اللي طافت و تونا من ثلاث أيام مخلصين دوام.. إنشاءالله الحين ما بطول عليكم.. و أنا عندي لج اقتراح انشاءالله ايساعدج... انتي قلتي انه بسبب التأخير تنسين القصه و تتلخبط عليج السالفه صح..؟ اوكى يوم بنزل جزء يديد قبل ما تبدين في قراءة هذا الجزء ردّي للجزء اللي قبله و اقري آخر فقره عسب تسترجعين الأحداث و تكون الأفكار عقبها متواصله و مترابطه... و السموحه again <IMG src="http://oasis.bindubai.com/emoticons/blush.gif" border=0></FONT></P>
<P align=center><FONT face=Tahoma color=#0099cc>اختج *+*+*+عــــين الدمـــــاني+*+*+*</FONT></P></font>