<font color='#000000'><span style='color:royalblue'>&nbsp;بعد ما وصلت مهاوي ورفيجتها البيت وسلمت على أمها وأخواتها اللي كانوا قاعدين يشوفون التلفزيون وقعدت عنادي في الصالة ومهاوي راحت حق حجرتها عشان تبدل ملابسها وتمت عنادي تسولف ويا أم مهاوي وتنزل مهاوي من فوق وقعدت مع أمها وعنادي وتموا يسلفون ومن بعدها قامت مهاوي وعنادي عشان يروحن لحجرة مهاوي وكانت عنادي تقول حق مهاوي يا لله أبي اعرف السالفة....ومهاوي تضحك ودخلن الحجرة وتمت مهاوي تقولها كل اللي صار معها وكيف تعرفت عليه وشو السبب اللي خلاها تجي وتمت تقولها السالفة وعنادي مش مصدقه أن مهاوي تسوي كل هذا المهم بعد ما خلصت مهاوي من سالفتها قالت لها عنادي :شو أنتي مصدقته ؟؟
مهاوي:أكيد لأنه بدي يتعلق فيني أنتي يا لخبله ما تشوفين كيف ير مسني ميت على(كانت مهاوي تضحك على عمرها في هذا الشي بس تبي عنادي تصدق)
عنادي:أنزين دشي الحين خليني أشوف إذا صدق هذا الكلام ولا لا
مهاوي :أوكية
ويدخلن للنت وتفتح مهاوي المسن عشان تبي ترمس راكان جدام عنادي بعد ما دخلت حصلته اون لاين استأنست ولحظة عنادي فرحت مهاوي عليها وقالتها لهدرجه انتي مستا نسه عشانه ومهاوي:أكييييييييييييد يا عمري
عنادي:أوكية ارمسي أشوف أخرتها معاج
وتمت مهاوي تسولف معها وتضحك ومش حاطه في حسابها شو أخرتها معها هذا الذيب اللي دمر حياتها وكانت عنادي واااااااااااااايد متضايقة من اللي تسويه مهاوي بس قالت ما راح أتخلى عنها لازم أخليها تودره بأي طريقه المهم ويوم كانت مهاوي تسولف مع راكان قالت عنادي يا لله مهاوي أنا بروح البيت مهاوي:لالالالالالالالالال لا وين رايحه تمي إذا كنتي متضايقة لأني أرمس خلاص بسكر عنه
عنادي:لالالالالالالالالا تمي بس وااااايد تأخرت عن البيت
مهاوي:لا والله ما يخصني تمي قولي لي شورايج فيه (فديته)
عنادي:تبين الصدق ما ادري عنه
مهاوي:أنا رمسته جدا مج وتقولين ما تدرين
عنادي:مش من أول مره بقولج إذا اوكيه ولا لا
مهاوي:اهااااااااااا بس صدقيني احس انه يحبني
عنادي:لاتصدقينه عقب بتتعبين شوحبج في مدة قصيييير وااايد وتقولين انه يحبج
مهاوي:ههههههههههههههه لاما أظن لاني اقدر اسيطر عليه
عنادي أوكيه على راحتج راح نشوف في الاخير
مهاوي:اوكيه
عنادي: يا الله انا ابي اروح
وتقوم مهاوي وعنادي ويطلعن من الحجره وتوصلها مهاوي لين عند الباب وترجع مهاوي بعدما روحت عنادي بيتها وراحت مهاوي لحجرتها عشان ترتاح وشوي وبعدها تقعد ترمس فارس أحلامها.....
وكانت عنادي تفكر شوتسوي معها عشان تفتك من هذا الحيوان اللي راح يخرب حياتها اللي عايشتنها وقالت في نفسها لازم اسايرها عشان ابعدها بدون ما تاثر على صداقتنها....
وفي بيت مهاوي كانت مهاوي فاتحه المسن تكلم راكان اللي اعتبرته حبيبها الاول والاخير المهم ومهاوي كانت ترمسه....
مهاوي:هلاااااااااااااوغلا ااااااااااا بنور قلبي
راكان:اهلين ليش طلعتي بسرعه يوم كنت اكلمك
مهاوي:ماشي امي نادتني كانت تبيني في شغله
راكان:اهاااااااااااااا أخبارك
مهاوي:مشتاقه لك حيييييل
راكان(وهومش مستغرب من هذا الكلام لانه سمعها واااااايد من غيرها):وانا بعد اشتقت لك
مهاوي:.....
راكان:ايش فيك ساكته لتكونين مستحيه
مهاوي:راكان لاتحرجني
كانت مهاوي في كل مرة توهم نفسها انها تحبه وهي اصلا مش متاكده من هذا الشي بس تقضية وقت كانت تقول في خاطرها
مهاوي :حبيبي راكان انت شووووو وظيفتك
راكان:أناموظف في شركه
مهاوي:شي حلو والله ....ممكن اسالك سؤال؟؟؟
راكان:تفضلي
مهاوي:أمك وأبوك موجودين
راكان:ابوي يعطيك عمره وامي لين الحين حيه
مهاوي:اوووه سوري مب قصدي اضايقكك بسؤالي
راكان:لاعادي حياتي من حققك وأ نتي؟؟؟
مهاوي:الحمدالله كلهم عايشين
راكان:اهاااااااا يعني عمي عايش الحمدالله
مهاوي:شوووووووووو؟؟؟؟؟؟؟ انت شوووو قصدك
راكان:هههههههههههههه خليه مع الوقت ارح تعرفين لاتستعجلين
مهاوي:وبعدخبرني عن نفسك؟؟؟
وتم راكان ساكت ماردعليها وهي كانت مستغربه وتنادي علييييييييييييييييييه وهو طبعا كان مش فاضي عنده من يكلمها وعصبت مهاوي على هذه الحركه اللي ماكانت تتوقعها منه وتطلع المسن وهي متضايقه حيييييييييييل منه ......
ونامت مهاوي وهي معصبه عليه المهم يوم نشت من ارقادها راحت الجامعة لحظة عنادي على مهاوي انها متضايقه مالها خاطر...
عنادي:مهاوي شفيج ليش متضايقه
مهاوي:ماشي
عنادي:اوووف شفيج ليش كل هذه العصبية
مهاوي:عنادي الله يخليج مالي خلق اكلم حد اسكتي عني
عنادي:أوكيه بسكت بس بعدين راح تقولين لي
مهاوي:اوكية يصير خيييير
وطووول ما كنت مهاوي في الجامعة وكانت متضايقه ومعصبة على اللي صارلهاماتوقعته انه راح يتجاهلها وعلى طول بعد ما خلصت محاضراتها روحت البيت بدون ما ترمس مع عنادي أو تقعد معاها وكانت عنادي متأكده انه في شي صاير معاها ومع راكان اللي بدي يغير مهاوي.....
واتصلت عنادي المغرب على مهاوي عشان تعرف شفيها وليش كانت متغيره اليوم في الجامعه يرن تلفون مهاوي...
مهاوي:الووووووو
عنادي:هلااااااااا
مهاوي:اهلين
عنادي:حياتي مهاوي شفيج ليش كنتي متضايقه اليوم اناعنادي حبيبتج تخبين عليها
مهاوي:عنادي البارحه بعدماروحتي فتحت على المسن وكنت ارمسه عادي اوكيه
عناديماتحب طاريه ):أوكية
مهاوي:وبعدفترة فجأة سكت ارمسه مايرد وطول على تقريبا نص ساعة مارد ومن بعدها عصبت وطلعت من النت
عنادي:انزين بمكن كان مشغووووول
مهاوي:لاوالله كان قالي مب يسكت وهوأول مرة يسويها فيني
عنادي:حياتي اعذرية هذه المرة
مهاوي:يعني؟؟؟
عناديوهي تسايرهاعشان تشوف اخرتها):هيه
مهاوي:فديييييتج عنادي محد حاس فيني غيرج
عنادي:اكييييد حبيبتي انا عنادي مب أي حد ههههههههههه
مهاوي لا والله شووو صدقتي عمرج
عنادي:ليش عندج شك
مهاوي:لا كل شي الا عنادي ههههههههههههههههههه
عنادي:اوكيه حبي بخليج عشان بروح ارقد
مهاوي:لاوالله ليش ما رقدتي قبل
عنادي:لاني مااترتحت دامج متضايقه
مهاوي:فدييييتج أوكيه خلاص بخليج ترقدين وأنا بعد ابي ارقد شوي ....
وتسكر عنادي من مهاوي وتستعد مهاوي وعنادي للايام امتحانات الي بدي على الابواب وكانت مهاوي مش مهتمة مثل السنوات اللي قبل في دراستها وكان كل همها راكان اللي سيطر على حياتها من كل الجوانب ......
وفي اليوم الثاني بعد تفكير طوووووويل لعنادي في موضوع مهاوي قررت انها لازم تحاول تاخذ ايميله عشان ترمس معاه وبتشوف اذا كان يخون مهاوي أو لا وبيكون دليل قوي حق مهاوي واتصلت عنادي في مهاوي عشان تروح بيتهم وتاخذ ايميل راكان من مهاوي بدون ما تعرف مهاوي المهم................
&nbsp;</span></font>