<font color='#000000'><span style='color:royalblue'>وتطلع مهاوي من الشات وهي مشغول تفكيرها بهذا الانسان اللي بدي يسيطر على تفكيرها لانها حست من اسلوبه انه قريب من تفكيرها ولانه لفت انتباهها من الموجودين…وراحت تنا م على سريرها وتفكر في اللي صار معاها وتمت تفكر لين ما رقدت انها كانت وايد تعبانه وكان عليها دوام في اليوم الثاني…….
مهاوي وهي قامت من الرقاد تذكرت ان وراها كثيييير من الواجبات ما كتبتهم قالت في نفسها يالله معليه الدكتور راح يسامحني هذه المرة…..
ومهاوي وهي في الدوام مع رفيجتها عنادي..
عنادي:صباح الخير مهاوي….وهي تبتسم طبعاعنادي…
مهاوي:صباح النور
عنادي :شفيج مهاوي في شي مضايقنج اوفي شي تبين تقولينه….
مهاوي:لا
وكانت مهاوي محتاره اذا تقول حق رفيجتها عن موضوع راكان ولا لا لانها تدري بعنادي ما تحب هذه السوالف ويمكن هذا سبب يفرقها عن رفيجتها اللي كانت معاها من يوم كانوا صغارقالت مهاوي احسن اقولها بطريقه اخليها تفهمني وما تبتعد عني…
عنادي :مهاوي شفيج سرحانه وانا قاعده ارمسج عن الامتحانات جربت انتي متهاوشه مع حد في البيت..
مهاوي :بس عنادي ارحميني من اسئلتج شوي
عنادي:افااااااااااااا لهدرجه اسئلتي ضايقج انا اسفه لاني ضايقتج…
مهاوي حست انها جرحتها بكلمتها
مهاوي:حبيبتي عنادي انا اسفه لاني جرحتج بقولج السالفه واحنا طالعين من المحاضره…
عنادي اوكيه على راحتج
مهاوي:يالله قومي نروح المحاضره لانها بدت
عنادي:اوكيه…
تروح عنادي ومهاوي لمحاضراتهم ….
كانت مهاوي في المحاضره تفكر متى يمشي الوقت عشان تروح تتكلم معاه بس عشان تعرف شو سالفته ولحظة عنادي على مهاوي انها سرحانه وقالت في نفسها(الظاهر الموضوع جايد الله يستر)
الدكتور:مهاوي قومي جاوبي على السؤال؟؟
مهاوي: وهي متفاجأه شووووو؟؟؟
الدكتور:شفيج مهاوي انا مالت لج شي بس قومي جاوبي.
مهاوي:سوري دكتور ما اعرف…
الدكتور وهو متضايق:وكنتي سرحانه حضرتج
مهاوي وهي منحرجه:لا ماشي دكتور انا اسفه
الدكتور:اوكيه مش مشكله
عنادي :شفيج مهاوي اول مره يسالج الدكتور وتتورطين بهذه الطريقه
مهاوي:اسكتي بعدين بتعرفين وبتعذريني
عنادي :اهااااااااا
وتمر المحاضره وينتهي وقتها وتطلع مهاوي ورفيجتها
عنادي :يالله تعالي قولي سالفتج اللي خلج تنحرجين وياالدكتور
مهاويوهي ما تعرف شلون تبتدي في الموضوع)خلاص عنادي خليه الموضوع بعدين بقولج خلينا نروح الحين لاني وايد تعبانه…..
عنادي:اوكيه على راحتج بس عرفي انج راح تقوليلي…
مهاوي:أوكيه..
وتطلع مهاوي ورفيجتها بعد ما تغدوا في الكفيتيريا وروحوا البيت…..
مهاوي اول ما وصلت البيت على طول راحت لحجرتها وغيرت ثيابها ونامت شوي لانها كانت وايد مرهقه وبعد ما مرت ساعتين من ارقادها نشت وراحت عند اهلها وخواتها عشان تقعد معاهم شوي لانها مشتاقه لهم ……..
وبعد ما قعدت مع اهلها وتعشوا طلعت الى غرفتها عشان تدخل الشات ……..
دخلت مثل كل مره وحصلته موجودعلى العام وطلبها على الخاص عشان يشوف اذا هي اولا المهم….
راكان :هلا والله بمهاوي شحالك
مهاوي:بخير وانت شحالك
راكان:تمام والحمدالله … شو كلمتنا السريه….
مهاوي :وهي متردده (أحبك)….صح
راكان:صح اللحين ارتحت انك انتي اللي تكلمت معها وكنت انتظرها على احر من الجمر
مهاوي:ههههههههه وليش يعني
راكان:بس كذا تعجبيني….
مهاوي وهي مستغربه….كيف اعجبك وانت لين الحين ما تعرفني عدل
راكان :هههههههههههههههههه
مهاوي:ليش تضحك شو انا قلت نكته عشان تضحك…
راكان:اضحك على سؤالك انتي عجبتيني من يوم ما كلمتك وحسيتك انك غير عن البنات
مهاوي:صدق (وهي مستانسه على هذا الكلام ..لانها اول مره حد يميزها عن غيرها)
راكان:اشتقت لك
مهاوي: امممممممممممممممممم
راكان:ردي على اشتقتي لي أو فكرتي فيني
مهاوي:لا
راكان:افاااااااااااا
راكان:افاااااااااااااا
راكان :ليش أنا ماهميتك
مهاوي:لا
راكان: وهو معصب ومتفاجأه بكلامها..ليش من اللي كان ماخذ عقلك
مهاوي:ههههههههههههههههههه ليش يهمك أني اقولك…
راكان: أكيد يالله قولي
مهاوي :سوري اناااألحين طالعه بروح ارقد لاني تعبانه
راكان:لالالالالالالالالال لالالا
مهاوي:ليش؟؟؟؟؟
راكان:حرام عليك كنت انتظرك كل هذا الوقت وبسرعه تتطلعين
مهاوي عشان تغير الموضوع جت فكره في بالها
مهاوي:ممكن اسالك سؤال؟؟؟؟؟
راكان: من عيوني أسالي….
مهاوي:فديت عيونك
راكان:عيديها تكفين
مهاوي:لالالالالالالالا المهم انتي شو قبيلتك
راكان:وهومتعجب !!!!!!!!!! ! ليش؟؟؟
مهاوي:بس تجي أبي اعرف
راكان:اسمحيلي انا ما اتنزل اذكر قبيلتي في مثل هذه الاماكن
مهاوي:لا والله ليش أن شاء الله
راكان بس كيفي
مهاوي:اوكيه على راحتك أنا طالعه اوكيه
راكان:لالالالالالالالالا
مهاوي:باي
راكان وهو معصب ايش فيها هذا البنت أمرها عجيب
بعد ماطلعت مهاوي وراحت تنام على السريربدى التفكير يشغلها في راكان اللي تعجبت ليش رفض انه يذكر قبيلته مثل غيره حست ان في شي في الموضوع……..ورقدت وهي كانت تفكر فيه…….</span></font>
رد مع اقتباس
مواقع النشر (المفضلة)