و شو ذنبي؟

[خنفروش]

<font color='#000000'><P align=center><FONT color=#cc6600>مرحباااا مرة ثانيه لـ غزيل الصراحه الاعضاء الي قبلي ماقصروا - فخليني اقول لج الي انا اعرفه من خلال الحياة بين الاولاد يعني لو بتضربج بنت غير عن لما يكفخج ولد بكس على اعيونج او ايحرج عليج و ايفرج ابسجين والا يجادي عليج بالنشابه و عالضرس والا يحرق لج كتب المدرسه ليش انتي اشطر منه - بإختصار (( خنفروش وين ايعرف الاختصار بعد خخخخخخخ )) انزين - هي غلطانه وستين مليون غلطانه و لو كانت اختي كنت بمرص اذنها نيابة ً عنج (( لا اتصدقين اخاف تظهر اقوى مني و اتدورين انتي وياها لما اتشوفين غريب قاعد يتطاول على اختج -- الموهيم على قولة ام اغزوز المتحجبه يالله كيف شكلها بالحجاب و الغزوز يعني مثل الايرباق خخخخخخخخ ام الغز عن اتحرجين تدرين اني اسولف )) انزين بكمل للـ غزيل الفله الله ايسلمج :-
&nbsp;1 ) خلي الموضوع يهدى 2 )&nbsp;ايلسي بروحج فكري في الموقف من اوله لآخره 3 )&nbsp;فكري في الاسباب الداخليه لكل وحده بعطيج مثال&nbsp;أ - اختج المتوسطه ساكته كأن مافي شي حاصل - مب مهتمه - هي مهتمه و متوتره بس ما يظهر عليها - ما نعنها الخوف او لانها تعودت على المناقر الي يحصل بينكن - او هي توقعت ان الموضوع ما يتطور - ما تبغي اتدور مع اي وحده منكم عشان ما ايزيد الموضوع فيصير ثنتين ضد وحده - هي فاهمه حالة اختج العوده لانها كانت يالسه في نفس الغرفه&nbsp;- وفاهمه توترج انتي و حاجتج الملحه للجهاز . ب - أنتي شو كانت نفسيتك - قلق لأنج مثلا (( انتبهي لمثلا )) تأخرتي في المذاكره - هالماده صعبه عليج - ما تدرين ان اختج العوده متضايجه و تتحرينها تبغي اتنرفزج وبس ج&nbsp;- اختج العوده (( المدلعه - يقولون الصغيره بعد دلوعة البيت )) ماعلينا - انزين شو كانت نفسيتها فشو كانت اتفكر - لما طلبتي منها الجهاز&nbsp;شو اعتبرت طلبج مجرد&nbsp;مناقر كالعاده والا بس عشان ما تستخدم جهازك والا فهمت&nbsp;ان عندج امتحان و خذت كلامج محمل الجد و نظرت للعواقب انج بتتضررين&nbsp;وبدون لا تكون متنرفزه اصرت على التأخير - هاي مجرد اسباب خطرت فبالي انتي ايلسي بروحج فكري او حتى اكتبي&nbsp;
4 ) ابغيج تتذكرين الحوار عدل - و نبرة كل وحده و عناد كل وحده و تذكري شو الكلام الي كان لازم ينقال و ما انقال في هاك الموقف - مثلا انا عندي امتحان و هالماده انا ضعيفه فيها&nbsp;- وبعد شوفي الكلام الي انقال و شعلل الموقف شو الكلمة الي خلت اختج اتمد ايدها&nbsp;عليج - شو قالت هي من كلام و نرفزج لدرجة الثوران&nbsp;
5 )&nbsp;في اشياء اتصير بين الاخوان ما تنحل الا بالتقرب من بعض و الخوف على بعض - يعني الغيره و المقارنه الجائره من قبل الاهل بين فلانه وفلانه شوفي فلانه&nbsp;اشطر منج شوفي فلانه اجمل منج شوفي فلانه اسلوبها احسن عن اسلوبج - و بعد التفضيل بين الابناء مع انه محرم بس الناس اتسويه بدون ما تشعر - فشوفي انتي اشقد مأثر في الموقف ان&nbsp;اختج طلباتها تنفذ و انت طلباتج تتطنش
6 ) الاهتمام في بعض يوطد الروابط - لا اتقولين ما ابغي و ماادري شو هاي اختج من لحمج و دمج انتي بتحصلين مليون صديقه بس اخت ما بتلقينها واقفه لج في الشارع -
7 ) كوني انتي الافضل (( فخيرهما الذي يبدأ بالسلام ))
8 ) الحوار حاوري الجميع مب هي بس اتكلمي معاهم عن الاشياء الي ما تعجبج و الي تعجبج - خلي الحواجز اتزول بين هاي العوده و هاي الصغيره&nbsp; و ابني معاها جسر الصداقه - خبريها عن ألمج من الموقف أتقولين هاي اختج اسمعي كلامي و خبريها لا اتطنشين الموضوع سيري لها - ترى ما ضيع علاقة الاخوان ببعض الا عزة النفس - مع اخواتج شلي هالكلمة من قاموسج ماشي عزة نفس - خذي معاج شي هي اتحبه و ايلسي عدالها امدحيها و قلي لها بالحرف الواحه افلانه تراني بحصل صديقات وايد بس اخوات ما بحصل انتي اختي و انتي العوده و همج تراه هو همي و اذا قدرتي تحضنينها زين وقولي لها اشقد ألمتج اش قد المراره في قلبج - لا تناقشين معاها الموقف لالالا انتي قولي لها انا احتاج لج انتي الاخت العوده انتي الصديقه الي ادور عليها الي عندها المعرفه و عندها الخوف علي و ما بتدور غير الي فيه مصلحتي - غزيل لو انا منج بصيح بعد بظهر كل الي فخاطري على جتفها و شوفي رد فعلها بتتأثر و بتعرفين اشقد ضميرها مأنبنها - بس لازم تختارين الوقت الي اتكون هي فيه رايقه يعني خلي اختج المتوسطه اتدش عليها و اترمسها و اتشوف شو نفسيتها عقب دشي انتي جنج تبغين شي اذا طردتج (( مثلا )) حاولي مره اخرى إذا ما قالت شي سيري ايلسي عادلها بس لازم ايكون الشي الي هي اتحبه في ايدج و لازم اتشوفج شايلتنه لها و عقب ردي عليه
9 ) اغزيل لا اتخلين الي فخاطرج ايتم تراه بيقطعج و بيقطعها - لانها بتكون مثلج عندها عزة نفس و اعتدال بالذات عالي (( مب اختج )) يعني هي تعبانه من الموقف و صدقيني لو هي الي كاتبه الموضوع جان قلت لها نفس الشي بس شو استوي الموضوع كتبته الصغيره - و الكبيره ابعقلها سيري لها و صدقيني قلبج بيرتاح و بتتغير اشياء وايد امبينكم - ولو ما صار لا تيأسين&nbsp;
10 ) لا اتدورين على منو الي لازم ينلام في هالموقف دوري لان لكل شخص دور في تأجيج الموقف
11 ) أتمنى أني قلت كلام ايفيدج و اتمنى اني اشوف ردج بعد المحاولة - ماابغيج اتقولين ما بحاول لانج بهالشي اتساعدين ابليس على نفسج و على اختج لانه يبغي ايخرب الي بينكم و السموحه</FONT></P></font>