<font color='#000000'><span style='color:chocolate'>يوم سكرت الريم عن عبدالله يلست تفكر فيه وحست ان الدنيا ضحكت لها واخيرا لقت الشخص اللي تحبه ويحبها ... عقبا قالت : الللللللله شو هالسعادة اللي انا فيها ...يعني شوفوا وتخيلوا وياي سعادة كل اثنين مرتاحين يا بعضهم وما يكون في اي شي يفرقهم ... بيكون (أحلى حب في الدنيا ) ويوم بعد يوم العلاقة تتطوربين الريم وعبدالله وصاروا ما يستغنون عن بعض ويحبون بعض بشكل جنوني حب ما صار ولا استوى ... والريم طبعا من كثر سعادتها ووناستها ما قدرت تخبي السالفة وطبعا خبرت شوق واختها مريوم ...
مريم : قولي والله ريموه ...
الريم : والله العظيم ...
مريم : يعني ... يعني قلتيله الو وقالج الو ...
الريم : ههههههههههههه واكثر بعد ...
مريم : هههههههههاي من قدج ...
الريم : عقبالج قولي امين ...
مريم : آآآآآآآآآآآآآآآآآآآآآآآآآ آآآآآآمين ...
اليوم الثاني ...
محمد : اماية ابا اعرس ...
ام محمد : والله زين تسوي يا وليدي...
بو محمد : ابركها من ساعة ومنو هي اللي حاط عينك عليها ...
محمد : شيخة بنت خالوه موزة ...
ام محمد : الصراحة شيخة هي شيخة البنات ...
بو محمد : هي والله مب شرات بنات هالايام ...
محمد : احم احم ... طبعا ذوقي وقلبي اختار ...
ام محمد : خلاص من باجر نسير نخطبها لك ...
محمد : شووووووووووووووووووووو؟
ام محمد : بسم الله بلاك ...
محمد انا شو يصبرني لين باجر اليوم غقب المغرب نسير ...
وفي نفس الوقت اللي كان محمد يتكلم فيه تنزل مريوم من الدري ...
مريم : شو بيستوي باجر عشان حمود مب قادر يصبر ....؟
محمد : بسم الله انتي عاقة اذنج ويانا ...
مريم تضحك بمصخرة : ههههههههه هاتلي شوكة دغدغني عشان اضحك ... يالله صج شو بيستوي ...
ام محمد : اخوج بياخذ شيخة بنت خالتج موزة ...
مريم : والله ... مبروووووووووووك ... والله وكبرت ياولدي وبتعرس ... هييييييييييييه يالزمن والله وعشت وبشوفك بتعرس ...
كلهم يضحكون على مريوم ...
وتنزل الريم وتشوفهم يضحكون ...
الريم : ضحكونا وياكم ...
مريم : ما دريتي شيبتنا بيعرس ...
الريم : ابوووووووووي ...؟
مريم : هههههههههههه شو ابوي شيبتنا الثاني حمود ...
الريم : صج مبروك حمود واكييد بتاخذ شيخو صح ؟
محمد: الله يبارك فيج ... هي باخذ شواخي ...وعقبالج انتي وام لسانين ...
وسارت ام محمد بيت ختها موزة وخطبوا شيخة وهي وافقت وتحدد موعد المجلة وطبعا الاستعدادات والملابس واكيد بينشغلوا لكن الريم مستحيل تنشغل عن حب حياتها كانت لازم ترمسه كل يوم ... وعقب ملج محمد على شويخ وعاد هو ههههههههههه يحليله جنه مب شايف خير مستاااانس الريال وموصل حده بعد ...
الريم كانت ترمس عبدالله
الريم : اشتقت لك موووووووت عبادي ...
عبدالله : وانا اكثر والله ويا حلاة اسمي على لسانج تدرين توني عرفت ان اسمي حلو ...
الريم : فديت روحك والله ...
عبدالله : ريماني والله احبج واموت فيج ... تدرين انا لو مارمستج يوم احس ان شي مهم ناقصني في حياتي ... ولو شفت الدمعة بعينج امسحها واحطها بعيني ... ولي ييت ارقد اتمناج يمي تمسحين على راسي واتلحف بشعرج ... ولي شفت القمر جني اشوف ويهج السمح ... وهذا بس وصف بسييييط عن حبي لج ...
الريم : الللللللللله يا عبدالله عيشتني في جو رومانسي وكلامك كله حلو وانا احبك واموت فيك بعد ...
عبدالله :ريماني ... ابا اقولج شي واباج تفهميني ولا تزعلين ...
الريم : افاااا انا ازعل منك ... مستحيل والله في حد يزعل من نفسه ...
عبدالله : فديتج ... جوفي ريماني انا قبل لا احبج وقبل لا اشوفج كنت احب بنت جيراننا واسمها ميثا وتمينا ويا بعض سنتين تقريبا وفي يوم الله لا ييبه مبينا قالت لي انها كانت وياي بس عشان تنتقم من حبيبها الاولي وعشان تغيظه بعد ويوم رجع لها هدتني وانا كل ذنبي كان اني حبيتها من قلبي والله ... وكان يحتاجلي وقت لين ما انسى حبها وعشان يلتأم الجرح الجديم لكن من حبيتج صدق نسيتها وصرتي انتي الوحيدة اللي تشغل تفكيري دووم ..
الريم : عبادي انا مستحيل الومك على اللي استوى لان القلب يوم يحب ما بيستاذن منا دايما الحب يدق باب قلبك فجاة وتكون انته مب مستعد له واحيانا تجرفك العواطف بدون تفكير وكل انسان لازم يكون مر بتجارب وانا حاسة فيك ... واباك تكون دوم واثق مني ومن حبي لك وتقتل هالخوف والشك اللي فيك وتحط في بالك ان مافي شي بيفرقنا غير الموت...
عبدالله : فديتج يا ريماني انا عرفت انج بتفهميني ومحد يقدر يلومني لاني حبيت انسانة مثلج ...
الريم : خلاص عبادي فديتك انا تعبانة وابا اسير ارقد...
عبدالله : تصبحين على خير غناتي ...
الريم : وانت من هله حبي ...
وتسكر الريم عن عبدالله ...
على الغدا ...
بو محمد : محمد ...
محمد : هلا ابويه ...
بو محمد : انا رمست ريل خالتك وحددنا موعد العرس بيكون الخميس اللي عقب الياي ...
محمد : يا سلااااااااااااام اخيرا ...
مريوم : اللللللللللله عيل بفصل فستان وبخليه يكون احلى من فستان شيخوو ...
محمد : تخسي والله اصلا شيختي احلى عنج انتي والريم ...
الريم : امحق حلا ...
في الليل ... في غرفة بو محمد ...
بو محمد : بو عبدالله رمسني وقال انه يبا ريماني حق ولده عبدالله ...
ام محمد : زين والله عبدالله ريال وما عليه كلام ...
بو محمد : وحتى عبدالله رمسني وقال يبي يسوي عرس غير شكل حق الريم وعطاني خطة يعني بنسوي عرس الريم وبنحدده وهي ما تعرف باي شي ... سمعي الخطة ...
وعقب ما خبرها الخطة سار وخبر مريوم ومحمد ...
مريوم : اللللللللللللللله حلو ...
محمد : الصراحة فكرة حلوه...
بو محمد : اتذكري مريوم يوم تكونوا في الصالون حطي شي على عيونها عشان ما تشوف الفستان مالها ...
مريم : انزين...
بو محمد : ولا تنسي اهم شي ما تخليها تشوف عمرها في المنظرة ...
مريم : خلها علي يا بوي ...
محمد : بس هي بتشوف الفستان بعيونها من دون ما تطالع في المنظرة ...
مريم : لا لا عادي هي اصلا مختارة فستانها اللي حق عرس محمد لونه فضي واحنا بندور لها فستان عرس لونه فضي عادي مب شرط ابيض ...وهي حتى ما تعرف كيف بيكون شكل فستانها ...
يوم العرس ... مريم سوت كل شي قالها ابوها تسوي ويوم يا الوقت اللي بتدخل فيه شيخة (شيخة تعرف الخطة ) وعقب قالت مريوم</span></font>