<font color='#E77471'><span style='color:crimson'>غريب .. في ديرتي ..حزين .. مع انه الوقت وقت فرح ..
خايف من الناس؟ .. &nbsp;مع انه الناس يحبوني و يحسبولي الف حساب ...</span>

دامك غريب .. خلك غريب عن الدنيا وقريب للآخره .. حزين لانك حساس وتاخذ المواضيع اكثر من اللازم .. وخوفك من الناس تماما مثل خوفي منهم .. صح يحبونا لكن ماندري بقلوبهم&#33;

<span style='color:crimson'>متردد .. يوم اكون روحي او ويا بعض الناس ما اقدر آخذ قراراتي ..اكون خايف .. متردد .. ساعات اتكون هناك مواقف ما اقدر اتصرف فيها ..احس عمري ضعيف .. مع اني في اقوا حاله ..احس عمري منبوذ .. مكروه .. محد يحبني .. مع انه الناس كلهم زينين ويايه .. لكن احس انهم يجاملوني .. و من ورايه يسبوني ..</span>

كلنا ضعاف ونحتاج لشخص يفهمنا ويوجهنا ولو كنا نملك قوة الف نمر.. واذ كنت تحس بعمرك انك مكروه وفنفس الوقت الناس يحبونك هذا تراه مجرد وسواس يبى يخرب عليك عشيتك..

<span style='color:crimson'>بمعنى ثاني .. ما اثق في عمري .. انا اقدر اثق في اي انسان ثقه عميا .. لكن ما اقدر اثق في عمري مووول ..</span>

من اليوم وصاير قول انا واثق من كل خطوه اقوم ابها.. ولاتقول ماقدر اثق بعمري مول لانك جذيه تحط حاجز بينك وبين الثقه بالنفس..

<span style='color:crimson'>بكل صراحه .. قلتلكم انا ما اثق في عمري ..
احس انه كل شي اسويه غلط .. كل شي اسويه ما يعيب الناس .. انا غلط .. شكلي غلط .. حياتي غلط .. اسمي غلط .. كل شي غلط فييه ..
اذا حد غلط علييه .. اسكت .. على قولة بعض الناس الحقران يقطع المصران .. لكن ماشوف غير انه هالشي يخلي الواحد يتمرد اكثر و يذلني اكثر و يخليني مصخره ما اسوا بيزه جدام الناس ..ليش ها كله؟ ليش انا ما اقدر ارد على الناس .. و اذا رديت يكون رد قوي و يزعل مني .. ليش دوم اخاف انه الناس يزعلون مني .. لكن اذا حد زعلني عادي ؟
احس اني غلط .. بكبري غلط .. و انه الناس هم الصح ..</span>

انته مب غلط ولا شياته بس نفس ماقلتلك انته توهم عمرك بها الاشياء.. وانته تسكت عن الناس لانك طيب من داخلك وقلبك صافي يا المنحوس وهذا الشي يخليك تحلى اكثر واكثر فعيون الكل .. والانسان اللي يتمرد عليك بالرغم من انك سكت عنه.. تراه نذل وخسيس ومب انته اللي يخليك ماتسوى شي جدام الناس بالعكس هو اللي مايسوى شي.. وشعورك وايد طيب انك تراعي الناس وماتزعلهم ويوم بتنقهر وبترد خل ردك يكون بعقلانيه يعني لاتعطي للامور اهميه اكثر مما تحتاجها..وهاجذيه بتكون انته سكتهم بردك ومابيسرون يردون عليك .. وبعدين اذ شفتهم زعلانين طيب خاطرهم بكم كلمه.. ولكن عن انك انته تزعل ومحد يعطيك طقه خلها على الله ياخويه( صارلي اسبوع امبوزه وحياتك اكبر طاف مسويلي)..

<span style='color:crimson'>اخاف من الناس .. اخاف من كلام الناس .. ياما قالولي لا تفتكر في كلام الناس لأنه ما بيخلص .. لكن اعيد الي قلته .. كلام الناس ما يرحم .. ليش &nbsp;؟؟هل الغلط مني ؟ لاني ما عرفت اربي نفسي و اهذبها ؟ولا الغلط من اهلي لأنهم وايد يخافون علييه و ما خلوني يوم كنت صغير اخالط الاولاد كلهم .. ؟ولا الغلط من الناس و الزمن ؟ لأنه الي قلبه طيب في هالزمن لازم يكون خسران .. خسر روحه و كرامته و قلبه و الناس كلهم ..</span>

صح كلام الناس لايودي ولا اييب.. لاتهتم لرمسة الغير دامك انته صح.. والغلطان طبعا الكل.. انته ماتشل كل الحمل .. لانه لو ماكانت الظروف اللي عشتها جان ماصار فيك اللي صار.. والقلب الطيب عمره ما بيكون خسران وحط فبالك انك لو خسرت فهاي الدنيا الفانيه ترا ربك كريم وبيعوضك فالجنه انشالله ..


اسمحلي على الاطاله.. خذت اسلوبك فالرد تراني..
<img src="http://oasis.bindubai.com/emoticons/wink.gif" border="0" valign="absmiddle" alt=':;):'></font>