<font color='#728FCE'>الحلقه السادسه والعشرون
ومات ابو هزاع الرجل الطيب الذي كرس حياته ليسعد اسرته الصغيره..التي لم يقصر معها وضحى بحياته من اجلها...وترك الكثير من الحزن والالم خلفه..مر اسبوع كامل على وفاته..والبيت لم يتوقف الناس عن التوافد اليه..إكراماً لذكرى المرحوم…و لم يكن يعلم الا الله عن الحاله التي مرت بها عائلته..ولم ينسوا وقوف كل هذه الاسر الى جانبهم في محنتهم..خصوصاً ابناء حميد اخوان ميثا..الذين لم يقصروا وقاموا بالواجب على اكمل وجه وتكفلوا بكل شئ و واجب الضيوف الذي اصروا ان يكون عليهم وفي لفته كريمه منهم وموقف لا ينسى لهم..على مدة اسبوع كامل…
اما حمده التي بقيت في بيت اهلها نظراً لحالة التعب الشديده التي عانت منها…وحاولت قدر الامكان ان تخرج من ازمتها وقد تحسنت قليلاً منذ عادت الاوضاع الى شبه مستقره في البيت…
نوره مع انها اكثر وحده تأثرت من اللي صار بس الحمد لله ايمانهم بالله قوي وقدروا يخرجون نفسهم من هالمحنه اللي المت بهم..ورضيوا بقضاء الله وقدره...وشما شو اقول عن شما اكثر وحده كانت مدلعه عند ابوها ..بس هذا قضاء الله وقدره في الحياه...والكل لازم يرضى فيه..
طبعاً ميثا كانت طول الوقت مداومه في بيت بو هزاع..وما قدرت تتخيل عمرها لحظه بعيده عن شما في هالوقت...وبيت عم شما كانوا اربع وعشرين ساعه عندهم...ومجابل ميثا وروضه زاد في هالفتره...
................................
وفي الشركه ...خالد يبدو اكثر مسؤوليه واكثر التزاماً عن ذي قبل...ما ان ينتهي من بعض الاوراق ويجلس خلف مكتبه يشرب قهوته...يمسك هاتفه ليتصل في هزاع...ويجد رساله موجوده فيه...لكن من رقم غريب...
(لا تضيق بك دنيا..وانت اغلى ما فيها..وان ضايقتك مره..لاجلك والله لابكيها...)
( انا ميثا)
يتنهد خالد وغصب ترتسم ابتسامه مريره على وجهه...
" اااه يا ميثا ليتج مني قريبه وتدرين شو اللي في الخاطر والله محد حاس فيني ..والكل يتحراني قوي وقلبي حصى..بس ما يدرون اني منهااار والله منهار.."
رساله ثانيه تصله..
ميثا( سلام يسوقه من عنا البعد عاشق..يخفي الجروح..ويرسل الروح مشتاقه)
" افديت روحج يا ميثوووه والله محد فاهمني غيرج.." خالد يكلم نفسه ويرسل رساله لميثا ...
خالد( يا من بقلبي هويتك...لا تحسب اني نسيتك..لو تسمح لي ظروفي..دقيت بابك وجيتك..)
ومرت فتره بين خالد وميثا وانقطع اللي بينهم...بسبب ظروف كل واحد منهم...
.........................................
وبعد شهرين في العين....وفي بيت سلطان ابو خليفه...
خليفه يالس في الميلس ويا ابوه...واخوه الكبير احمد...وذياب اللي اكبر من خليفه...
ابو خليفه: يالله يا خليفه متى تبي العرس ...ومتى تبينا نملج على ميثا ترى الناس ملوا والله منا...
خليفه: ابويه بغيت اقولك شي بس هالمره ما بيك تتعب ولا تقول لي ان كلامي بيزيد السكر عليك..وما بقول لك غير كلمتين..ويا بويه عمري ما عصيتك ولا قلت لك لاء في أي شي...بس عمرك ما سمعت رايي وطول عمرك وانت تبي تفرض علي كل شي غصب طيب..من بد كل اخواني وما ادري شو السبب...بس بغيت اقولك كلمتين وعقب ما بأذيك ولا بخليك تشوف ويهي خير شر...وبترتاح مني للابد...
يصمت ابو خليفه ولو انه يتنقل بنظره بين احمد وذياب...
خليفه: ابويه تراني والله تعبت من هالدنيا وما ادري شو اخرتها..خطبت ميثا وانا ما ابيها..وحرمتوني من بنت خالي وانا شارنها وهي تبيني...واخر شي تعشموني ان البنيه تمت تترياني كل هالسنين..وبعدين ايلس ويا بنت عمي واللي طلعت بعد مغصوبه على كل شي ..وتمت تترجاني اخليها فحالها.....أي ظلم هذا اللي نحن عايشين فيه...!!!
هذا عرس يا بويه عشرة عمر..مب يوم وليله..هذا الدهر كله..ومسؤولييه وعيال..واشياء انت في غنى عن معرفتها لانك ادرى الناس فيها...انت تبيني ارضيك واخذ بنت عمي والناس يفرحون وانا وهي في بيت واحد وكل واحد مب طايق الثاني..وعقب تبي الطلاق يستوي من بينا ومب نحن بنضيع بس ..لا المصيبه لو يبنا عيال..شو ذنبهم ..كل واحد يعيش بعيد عن الثاني...وينحرمون من حنان الام..واهتمام الاب....انت ما تجني علي انا وبنت عمي بس..انت تجني وتظلم جيل كامل ورانا ماله ذنب....ومب انا اللي بيي اعلمك كل هذا لانك تدري فيه قبل لا اقوله بس حبيت اذكرك فيه...
احمد: خلصت رمستك يا خليفه..
خليفه: اظن رمستي موجهه للوالد مب لك يا احمد..
ذياب: هذا اللي انت فالح فيه تجهد ابويه وترفع له السكر وتطلع الشارع ويا ربعك...
خليفه: ادري ان الكل ضدي وعمركم ما بتحسون فيني لين ما تحققون كل اللي تبونه على حسابي..
كل هذا كان يحدث وابو خليفه صامت لا يتحدث...واخيراً نطق..
ابو خليفه: طلعوا كلكم من الميلس ويتم احمد هني بس...
وخرج ذياب وخليفه...خليفه كان مرتاح وحس انه وصل شوي من اللي في قلبه لابوه..اللي عمره ما حس وما همه غير مصالحه وارضاء نفسه وغروره..ولكن ابو خليفه انصدم من كلام خليفه وتناقش بالموضوع ويا احمد...
ابوخليفه: شو رايك في رمسة اخوك يا احمد..
احمد: يا بويه انا ما ابي ازيد خليفه..وما ادري شو ردة فعلك ولو اني اشفق عليه والله..بس بعد ما بقول رايي..انت سيد العارفين..
ابو خليفه حس من كلام احمد انه ضاغط عليهم وحارمهم من ابسط حقوقهم ومن رايهم..وهذا احمد شكبره.. و اكبر عياله مثل اصغر عيال ابو خليفه... مب قادر يقول رايه بس لانه يحترم رغبات ابوه...
ابو خليفه: يا احمد وانا بوك..قل كل اللي بخاطرك ولا تفكر انه بيضيج بي...انت شو تشوف في عرس اخوك..وتتوقع انها صدج ما تبيه..
احمد بتردد: والله ما ادري شقول يا بويه بس بصراحه خليفه هذا غامضني...
ابو خليفه: وشو تبينا نقول لعمك حميد..انت تبي المشاكل تشب ضو من بينا شرات قبل..معلق البنت 6 سنين واخر شي نقول ما توفقوا..
احمد: يا بويه السالفه مب صعبه والله..انتوا اللي كنتوا معلقين السالفه انت وعمي حميد..وخليفه وميثا ما يدرون بشي..ومالهم امر على عمارهم..وثاني شي نحن قطعنا وايد عن بيت عمي وما ندري شو كان يصير لو كنا وياهم وشو كان بيصير...وعقب ما ردينا ويلس خليفه ويا ميثا وتفاهموا وعرفوا بعض اكثر..حسوا اذا هم بيتفاهمون ولا لاء..والظاهر انها كانت تشد خيطها وهو يسحب اكثر وما صار نصيب..وميثا وايدين يخطبونها والله..وما ينخاف عليها...
ابو خليفه: والله ما ادري لازم اتشاور ويا عمك بالموضوع..
وانتهى النقاش بين احمد ووالده ...ولكن خليفه لم يكن يعرف عن الموضوع أي شئ....
............................................
مرت اسابيع على السالفه وبدا الفصل الثاني والدراسه بالجامعه كانت على اشد ما يكون..وفي مره في بيت شما في الويكندكانت شما يالسه ويا ميثا ...
شما: ميثا ودي اعرف شو سالفتج ويا روضه بنت عمي..
ميثا: ما شي والله..
شما: لا تحلفين احس العداء اللي من بينكم مب طبيعي..
ميثا: سمعي يا شما انا بخبرج بكل شي واظن خلاص ما في اكثر من اللي صار ..وما بينا شي نخبيه وكل شي صار واضح..وما اقدر اخبي بنفسي اكثر عن جي..
شما: رمسي يا ميثا والله وعد ما يطلع اللي بينا..
ميثا: اول حلفي بغلاة اغلى الناس ان الرمسه ما توصل لخالد..
شما باستغراب: اشمعنى خالد..
ميثا: بس حلفي عقب بقولج..
شما: وغلاة المرحوم اني ما قول..
ميثا: فديتج والله...سمعي يا شما..تعرفين ان اللي بيني وبين خالد خلاص انتهى بالنسبه لسالفة عرس ما عرس..ومستحيل انه يي يوم واكون فيه حرمته...وتعرفين ان عرسي صار قريب على خليفه..وها شي خارج عن ارادتي انا وهو..وما بظلم ولد عمي وياي..شما خليفه ما يبيني بس مغصوب عليه مثل ما انا مغصوبه عليه ومثل ماانتي مغصوبه على حميد...
بس يا شما في شي في خاطري ما بيبرد لو شو ما صار وفي نار بصدري ما ادري شو اللي بيطفيها...من زماااااااان..
شما: قولي شو يالله..فلختيني..والله..
ميثا: خالد اخوج..انا بنظره وحده خاينه ما تعرف تحب..وانانيه..وانا ما بقولج ما يهمني تفكيره..بالعكس والله ويعور قلبي كل اللي يفكر به..شما انا علاقتي بخالد اكبر من كل تصور واسفه اني خبيت عليج طول هالفتره بس انا وخالد كان بينا تواصل بالمسجات في التلفون...
تبتسم شما: ادري..
ميثا: كيف عرفتي..؟؟
شما: كملي ابسمعج للاخير عقب برد عليج..
ميثا: وبعدين محد كاان يدري باللي بينا الا انتي وحمده ...بس ما تدرين شو صار ...بنت عمج اللي ما تتسمى ..باليوم اللي تراضينا فيه كانت داقه على تلفوني وتمت تعق رمستها اللي ما تنقال وقالت لي كلام اترفع اني اذكره..وقالت اني ابي افرق بين اهلج واهلها..وما تبيني اتدخل في خالد وابعد عنه لانه خطيبها..او بمعنى اخر انه بيستوي جريب خطيبها...
شما مصدومه وما عرفت شو تقول...
ميثا: انا ما قدرت ارد عليها وما لمتها لانه من حقها تغار عليه لو كان كلامها صدق..بس يا شما اللي قهرني هو اخوج خالد اللي كان يمثل علي الاخلاص والوفاء..وهو يسوي عمره يحبني وشارني ..طلع يلعب علي وكل هذا وهو خاطب بنت عمه...وبس هذا اللي بقوله..
شما: انتي وهي شو يالسات تخرفن تخطبن وتيوزن على كيفكن ..من قالج ان خالد خطب رويض..ابويه سيري انشدي العرب من اللي بياخذ رويض..حبيبتي روضه خطبها ذياب ولد سهيل بن حابس وخلاص مب ماخذها خالد اللي عمره ما كان يبيها...امايه اهي اللي ملزمه على خالد ياخذ روضه بس هو ما يبي..حتى المرحوم كان دوم يقول خلوه على راحته وما بياخذ روضه اذا ما يبيها..ويكون في علمج يا ميثا ان ابويه الله يرحمه كان اول واحد اقنع امايه واقتنع ان يسيرون يخطبونج...وكان اكثر واحد مقتنع فيج ويشوفج مناسبه لخالد اخويه...
وسكتت ميثا وشما ..بس تأثروا يوم طروا ابو هزاع الله يرحمه..وما قدرت شما تمسك عمرها وتمت تصيح ..وميثا بعد وياها..وانجلبت السالفه من نقاش لهم وغم...
ميثا وهي حاضنه شما بقوه : شما خلاص عاد والله قطعتي قلبي...
شما: ما ادري حسيت بقهر والله ..ابويه تذكرته يا ميثا..كل ما حطيت راسي برقد تخيلته..ومرات والله تمر علي ليالي يحرم علي فيها الرقاد من كثر ما افكر فيه...
ميثا: حياتي والله هوني على عمرج بس عاد..لا تمين تجلبين باشياء انتهت...
وتمت ميثا تسولف ويا شما ونستها الموضوع وردوا على سالفة روضه...
ضعفتي وتمكن منج الشيطان قومي وصلي ركعتين واستغفري الله..يالله يا نوره وباجر الخميس بنستغل خلودي وبنسير بوظبي مول..وبنتشرى على كيف كيفنا...
تبتسم نوره بعدما ريحتها شما شوي..وقامت وغسلت ويهها ويلست شوي تقرا قرآن..
ام هزاع في الصاله تمت شوي تعبانه عقب سارت حجرتها ورقدت ..والله العالم اذا كانت راقده ولا جفاها النوم مثل كل ليله يطري فيها ابو هزاع على البال...
..........................................
الليله هي ليلة العيد...ام هزاع يالسه تبخر البيت..ونوره يالسه تساعد شما وحصه وهم يرتبون اثاث الصاله..وفطامي ومهاري يلعبن في الصاله..ويدخل هزاع ويتم يساعدهم..وبعد شوي يوصل خالد ومب قادر يتحرك من كثر الاكياس اللي شالنها وركضت نوره وفاطمه بنت هزاع عسب يساعدنه..
فاطمه: انا بشل اكبر كيسه لاني كبيره...وقويه..
نوره: ههههههههه سيري جلبي ويهج..
فاطمه: عمي خالد شوفها تقولي جلبي ويهج..
خالد: ههههه هيه صدج جلبي ويهج يالدبه..
فاطمه وخلاص قربت تصيح: والله لسير اعلم ابويه عليكم...
وتصارخ فاطمه في الصاله: ابويه هزاع ابويه هزاع...ابويه هزاع...تعال شوف عمي خالد وعمووه نوره ..يواجعوني...
هزاع: من اللي مضيج بفطيم يا ويله مني بمسح فيه بلاط المطبخ..
خالد: هههههههه ارحمنا يا هزاع بنتك خربت ميزانية الدوله ..خلها تخفف اكل شوي..
ام هزاع: اذكر الله يا خالد....بسم الله على البنيه..
ويضحك كل من في الصاله...
هزاع: هاي عمتك يالهرم..
خالد: فطيم تعالي شوفي شو يبت لج...
وتركض فطامي صوب عمها خالد...اللي يطلع لها من الكيس عروسه اكبر من فطيم نفسها..وما تقدر تشيلها...وتركض مهاري صوبهم..
وبكلام طفولي متقطع..
مهره : و..ا انا ..وين..مالي..
يشلها خالد ويتم يبوسها على خدودها... ويصارخ في الصاله بصوت عالي: انتي روحج اكبر عروسه في الدنيا كلها...فديييييييتها...هزاع بعدك اذنك تسمحلي اكلها...
يضحك هزاع..
شما: لا دخيلك اذا يوعان خذ لك اكل من عند فطيم فيها مخزون يكفي افريقيا كلها...مهاري وحليلها ضعيفونه...
ام هزاع: اشبلاكم علىالبنيه اذكروا الله عليها...شاللي ياكم الليله طايحين بها...
حصه: يغارون يا عمتي لانها احلى وحده فيهم...
نوره: هههههههههههههههههه امحق حلى يا حصه لا عيون ولا خشم دبه على الفاضي تقولين يابانيه...
وتموا يسولفون لين ما سار كل واحد حجرته عقب ما رتبوا البيت يستعدون لباجر..
وفي غرفة خالد...
يطرش مسج لميثا....
( تدري اني من عرفت العيد بكره رحت في مليون فكره..شو ابهدي من هديه..والله اني لو هديت الروح لعيونك شويه..)
وتم خالد يقرا كتاب ..ودقت عليه شما باب الحجره..
خالد: تعالي يا شما..
شما: بغيتك في موضوع ضروري...
خالد: بسم الله الرحمن الرحيم..مواضيعج المهمه تفلخني...
شما: اسمعني هالرمسه من عند ميثا مب من عندي..
انتفض خالد مكانه وتم مهبت ما عرف شو يقول ...
شما: اعصابك يا مزيوون..
وخبرت شما خالد السالفه كلها..عن روضه وعقب ما خلصت..فر خالد الكتاب من ايده..وعصب وتم يصارخ...
خالد: بكسر راسها هذي بأي حق تتصل في ميثا...والله يا رويض اذا ما جلبت بوظبي كلها فوق تحت ع راسج..لا تسميني خالد ولد محمد..
شما: بسم الله شوفيك هدي اعصابك السالفه مر عليها اكثر من 3 اشهر ما ادري اربعه..ليش محرج..
خالد: كيف ما تبيني احرج وانا قلت تصافينا وتي هاللي ما تتسمى وتسوي سواتها..والله جتلها حلال..
شما: ما شي فايده ..عصبت ما عصبت انت خسرت الثنتين...ميثا جريب خليفه بيملج عليها..وروضه خطبها ولد سهيل بن حابس..
خالد: في احلامج انتي وخليفه انه ياخذ ميثا...
شما: ارجوك لا تضحكني...يا خالد خل عنك هالقوه في البيت..ومن تظهر ويا خليفه ولا كأن الموضوع يعنيك..
يجلس خالد مكانه ولا يتكلم..
شما: انا بروح الحين بس حبيت اوصل لك رمسة ميثا...
خالد: وليش تبيني اعرف ..وليش قالت لج تقولين لي..شو الحكمه..
شما: بصراحه ميثا ما تبي تقولك بس انا اجبرتها..لان روضه قالت لها لو طلع الموضوع من بينهن بتستوي مشاكل بينا وبينهم...وما قالت لك ميثا..
خالد: الله ياخذها هاي والله لأدبها وبتشوفين محد بيعرف يسنعها غير منصور اخوها..
وتخرج شما من غرفة خالد..لتتركه ينام وتذهب للنوم هي ايضاً....
........................................</font>
رد مع اقتباس
مواقع النشر (المفضلة)