شمه و خليفه.. خالد و ميثا

[بن دبي]

<font color='#F660AB'>بدون عذييييييييييييب لو سمحتوا كملووهاااااااااااااااااا</font>

[عين الدماني]

<font color='#728FCE'>السلام عليكم خواتي <span style='color:orange'>شمــــه و دكتورة فطيم</span>
اعذروني عسب أعرف اني رفعت ظغتكم بس انا ما حطيت القصة كلها مره وحده عسب عدة اسباب.. أول سبب هو انه القصة جي يعني جزء ورا الثاني ايخلي فيها تشويق و إثاره أكثر... ثاني سبب و هو اللأهم ترى القصة واااااااااااااايد طويله.. 30 حلقة و في بعض الحلقات لهم جزئين أو أكثر فا من المستحيل انكم تقرونها في يوم واحد و أخاف إذا حطيتها كلها مرة وحده تندمجون فيها و تقرونها كلها و يضيع وقتكم أو أأخركم عن شي... لكن بطريقة الحلقات ما بطولون في القراءة و بتمون تفكرون بالقصة و ترى هذا هو المطلوب &nbsp;<img src="http://oasis.bindubai.com/emoticons/wink.gif" border="0" valign="absmiddle" alt=':;):'>

أتمنى انكم ما تزعلون مني و ما تظيجون بس ترى في النهايه بتكتمل القصة لا تحاتون...

اختكم <span style='color:purple'>*+*+*+عــــــــــ� �ن الدمـــــــــانــي+*+*+*</span></font>

[عين الدماني]

<font color='#728FCE'>والحين بحطلكم الحلقه الحاديه عشر

في الصباح تستعد نوره للذهاب للمدرسه...وتتناول الافطار مع خالد....يصعد خالد للاعلى ويستأذن بالدخول الى غرفة شما لكنها لا ترد...يحاول ان يفتح الباب...يفتح الباب...ويدخل....يجلس بجانبها....
خالد: شماني ...شماني....
شما بصوت متعب: هاه شو خلني ارقد راسي يعورني...
خالد: شما يالله انا ساير الدوام ..بسرعه تاخرتي على الجامعه....
شما باستغراب تنهض بسرعه: شو تقول...؟؟
خالد: اللي سمعتيه...يالله بسرعه دوام نوروه بيبدا عقب شوي...
تنهض بسرعه غريبه وتلوي عليه بدون ما تحس...: لا خليت منك يا خالد..كنت ادري اني ما هون عليك...
خالد: ما تهونين عليه بس تأدبي مره ثانيه وياي..ولا تعيدين اللي صار...
شما: يالله يالله وخر عني بسير اغير ملابسي واصلي بسرعه اكيد ميثا بتطير من الفرحه بسوي لها مفاجأة....
يبتسم خالد ويحدث نفسه وهو خارج..."لو تدرين انه لولاها جان انتي راقده للحين..فديت ميثاني اانا"
........................
في جامعة زايد في ال Z Building ...تدخل شما احد الصفوف التي اعتادت هي وميثا ان يجلسن فيها وتضع اغراضها هناك...وتبحث عن ميثا...تقوم بتشغيل جهازها المحمول....
الساعه تشير الى 8:30 وميثا لم تصل بعد...تستمر شما بالانتظار وتشغل نفسها بمعاينه بريد الهوت ميل...وبعد طول انتظار صرخه كبيره عند الباب..ترفع شما رأسها وتصرخ بفرح..
شما: ميثوووووووووووووووووووووو وووووووووه
ميثا: والله كنت حاسه انج بتييين ...
تسلم شما عليها ويجلسن لسرد احداث اليومين الفائتين.....
شما: والله تولهت عليج اففف شو تسوى الدنيا بدونج...
ميثا: هههههههه جي بصدق عمري سكتي بس والله امس ما ياني رقاد من كثر ما احاتي...
شما: فديتج واللله طمنيني بعد علوم اخبار شو اخبار الكلاسات..شو صار ما صار في غيابي تولهت على الجامعه والله..
ميثا: والله كل شي اوكي ..الكل يسألني عنج....الا اقول ما قلتي لي كيف اقتنع خالد (استهبال)...
شما: تصدقين والله ما ادري انا البارحه عقب ما رمستج رقدت والبيت كان هادي ومب معقوله ان امايه رمسته..بس ياني اليوم الصبح هو اللي وعاني وقال يالله خلاص سيري بغيت اتخبل...
ميثا: قلت لج والله طيب ما يفكر بشر بس...وبعد ابي اعرف ليش ما يبيج تسيرين الجامعه...
شما تضحك: ههههههههههههههههه معقوله اني ما خبرتج ولين الحين ما تعرفين...
ميثا: ليش ..؟؟؟&#33;&#33;&#33; تحيدين متى اخر مره شفتج فيها...
وعندما تنتهي شما من سرد الحكايه.....
ميثا: ههههههههههههههههههههه الله يغربلج يا حمدووه صدق ياهل....
شما: سكتي بس محد توهق غيري ..وهي ما عند خالد شي عسب يقهرها فيه...
ميثا: تبين الصدق انا لو مكانج بحب ايدي ورا وجدام واصلي ركعتين لو عندي اخو يقول لا تسيرين الجامعه....
شما: ليش ان شاء الله ومستقبلي وطموحي و12 سنه كرف بالمدرسه وين اوديهن؟؟&#33;&#33;&#33;&#33;؟؟؟
ميثا: أي كرف اللي ترمسين عنه شو في اختج حمدوووه كرفت في جامعة الامارات لين ما قالت بس وتعذبت اكثر عنج وهذا غير المسافات اللي كل اسبوع من بوظبي للعين وشوفي اخرتها خلصت وما اشتغلت.....
شما: انتي ما تعرفين الحشره اللي حاشره البيت فيها..وبعدين تعالي حمدووه طموحها وايد كبير ...ومب بس هذا يكون في علمج ان اصرارها فضيع للشغل بس مشكلتها انلعب براسها... تحب حمد ولد عمي اكثر من أي شي بالدنيا وهلي واهله محيرينها له من وهم صغار...
ميثا: وشو يعني هذا...شو دخل حمد بالسالفه وبطموح حمده..؟؟؟
شما: تعرفين الرياييل ما يصدقون يسيطرون على الحرمه..بس حمد ولد عمي ما صدق ان حمدوه وافقت وهات يا خرط...وما ادري كيف كسر جماح رغبتها واقنعها انها ما تشتغل......وشوفي الحين ما تسأل ولا تدري بتشتغل ولا لاء.. وكله تفكر بالعرس ...
ميثا: احلى كلام والله....الوحده تنستر ببيت ريلها وشلها بالدراسه وويع الراس...
شما: بس بس خلي عنج السوالف صدج ان مخج مصدي ..
ميثا: هههههههههه الا اقول متى بيبدا كلاسنا...
شما: يالله بنسير الكلاس...بيبدا عقب ربع ساعه خلينا نشل قشارنا...لين ما نوصل المبنى الثاني بيكون بقى خمس دقايق...
ميثا: يالله...بنسير..
.............................................
وفي البيت...حصه تحاول الاتصال...بهزاع لكنه مغلق منذ الامس..وبدون فائده...
تذهب لغرفة حمده....
حمده: هلا حصوه تعالي هني ...
حصه: حمده قلبي مب مرتاح هزاعي مبند تلفونه من امس...
حمده: لا تشغلين بالج يمكن انه مشغول وايد..عقب هو بيسوي لج تلفون...
حصه:حلفي انتي بس ..بشو مشغول انا والله من رديت ما رمسته ولين متى بنتي بتم جي بليا اسم...
حمده: لا تحاتين وايد اليوم الثلاثاء تريي يومين عقب وبيي ابويه وهو بيتصرف...
حصه: انا ما اتريا عمي شو بسوي به ..انا ابي ارمس ريلي..
حمده: هههههههه ريلج وتفاهمي وياه ...شعلي انا لو مبند تلفونه..؟؟
حصه: انا بسير عند عمتيه ابرك لي من مجابلج..الله يعين حمد خويه عليج بس..
حمده:هههههه ضحكتيني والله وبعدين حميدووووه يحصل له الشرف...
حصه: أي شرف الله يخليج..ترومين تقولين هالرمسه جدامه...
حمده بخجل : لا والله ما روم...
حصه: يالله حمده بسير عندي بناتي ...فطامي والثانيه المظلومه بسميها(بدون) لين ما يسمونها...
حمده: حليلها بتتعقد يوم تكبر...
حصه:ههههههههه يالله تعالي بنسير حجرتي ولا عند امج...
حمده: يالله...
.................................................. ........
في شركة ابو هزاع...خاالد يقرا الجريده ..تدخل عليه احدى الموظفات تحمل ملفات المراجعين...يصرفها خالد...
خالد:شليهن مب مسوي شي اليوم لايعه جبدي خليهن حق باجر ما عندي وقت..
الموظفه: بس المراجعين حشرونا...
خالد: والله مب متفيج اللي مب عايبنه يدور له مكان ثاني يتحرون نحن ما ورانا غير اشغالهم...
الموظفه:بس ابو هزاع بيزعل لو رجع والشغل مب منتهي...وهاي الملفات صار لها اكثر من شهرين عندنا..
خالد:يالله ..هلكتيني تراج..سيري وشلي الملفات وانتي ساكته ويوم يوصل ابويه قولي له كل شي...
تنصرف الموظفه ....ويتذكر خالد موعد احضار نوره من المدرسه..ويخرج...وفي الطريق يشتري بعض الحلويات لنوره و فاطمه..يتجه نحو مدرسة نوره ..وفي السياره..
نوره:باجر الاربعاء احلى يوم والله ...
خالد:............
نوره:بلاك جي ساكت مب عوايدك...
خالد: طفران والله طفران...
نوره: وانا بعد والله..اقول خالد عندي فكره شو رايك فيها يمكن يطير الطفر...
خالد:قولي يالله بس ان طلع في السالفه مول ما مول بفتح الباب وبفرج بالشارع...
نوره:بسم الله الرحمن من ياب طاري المول الحين..اقول لك شو رايك انا وانت وشماني وحمدووه نسير البحر اليوم بروحنا..
خالد: تصدقين فكره..وشو رايج نفرج هناك..ونفتك من افكارج اللي مثل ويهج...
نوره:شو يعني مب عايبتنك الفكره..؟؟؟
خالد: ما شي عندي بنات يسيرن البحر...الحمد لله الخير وايد واللي تبي تتسبح بنسوي لها مسبح خاص في البيت...
نوره: اهو وووه...من قالك الحين بنسير نتسبح ...نحن بس نبي نشوف الطبيعه...
خالد: سيري الحوش ابويه تارسنه زراعه..طالعي الطبيعه مثل ما تبين....
نوره: حرام عليك انتوا كله حابسينا بالبيت...
خالد:يالله يالله نزلي وراي شغل يعل الدريول الماحي ما شي الا يسير ليوا ويا ابويه مشغليني عندكن دريول على اخر عمري...
تنزل نوره متجهه نحو البيت....وينزل معها خالد...وتصله نغمة المسج......
ميثا( محبتكم وسط قلبي ..بدم القلب اسقيها..فلا الايام تنسيني ..ولا الساعات تمحيها)..
خالد: فدييييييييييتها يا ربي شو اسوي بعمري...
نوره: هيه شو بلاك نحن عند الباب لا يسمعك حد من الجيران...
خالد يغير الموضوع: لا بس تخيلت شكل بنت هزاع الصغيرونه فديتها مثل القمر تشبهني..
نوره: الحمد لله والشكر...
ويتجهون للبيت.......
خالد: السلام عليكم
ام هزاع: وعليك السلام والرحمه..
نوره: هلا امايه شحالج...
ام هزاع: بخير غناتي سيري بدلي وحطي راسج لين ما يحطون الغدا....
نوره: ان شاء الله امايه..بس اول شي بسير اشوف البيبي..
خالد: ههههه حليلها هالبيبي ولا احسن يسمونها المعقده ما شي اسم....
ام هزاع: حرام عليكم بتعقدون امها...
تنزل حصه من الاعلى ....تحمل ابنتها الصغيره وتمسك بيد فطامي...
حصه: هلا خالد
خالد: فدييييتها يا ربي والله متخبل عليها ..امايه والله اني لازم ارد الشركه الحين بس خليتها عسب اشوف هالقمر...
ام هزاع: محد قبض ايدك انت بس أشر ونحن نخطب لك...
خالد: لا امايه انتوا ما بتخطبون ولا شي انا البنت اللي ابيها بختارها لروحي ما ابي حد يتنقى لي...
ام هزاع: مب عايبنك اختيارنا...بس لا تتحراني بخطب لك وحده مغازلنها بالشارع...
حصه: لا عمووه خالد مب من هالنوع...
خالد: هيه فديتني انا برئ تصدقين امايه البنات هن اللي يرقمني يوم اظهر برا..
ام هزاع: هيه فديتك تصدق جني ما اعرفك ..؟؟؟
ويضحك الجميع....
حصه: خالد من امس يوم ردينا وانا ادق على هزاع تلفونه مغلق...
خالد: انا بشوف لج اياه اليوم بس الحين اترخص امايه...بسير الدوام..
ام هزاع: الله يحفظك...
يذهب خالد وتجلس حصه مع ام هزاع....
حصه: هييييييييييه عمتيه زين اني ذكرت...تري اهلي بيييون اليوم كلهم...
ام هزاع: يا حيهم والله الساعه المباركه يوم ييونا بيت بو منصور....
حصه: اخويه حمد رمسني قال بيون عندنا عقب صلاة المغرب وبالمره بعد هو ياي عسب يشوف حمده...
ام هزاع: يا حيهم والله زين ذكرتيني عسب ننظف البيت ونجهز الفواله عقب المغرب....
.................................................. .
وفي الجامعه الساعه الرابعه عصراً.....ميثا وشما في المحاضره....والاحاديث بينهن لا تنتهي....لكن على الاوراق...
شما( مليت يالله ابي اطلع)..
ميثا( باقي ساعه كامله لين ما يفارج)
شما(ميثا رمسيه قولي له يكفي استاذ نحن تعبانات)
ميثا(لا والله شو تعبانات هاي بعد..عسب انا ارسب اخر الكورس)
شما( الله يخس العدو والله روحي بتطلع الله لا يسامح اللي مسوي جدولي ..الاحد والثلاثاء اخس يومين..كلهن لين خمس)
ميثا(الله يصبرنا على هالجامعه)..
شما(زين على الاقل قولي له يعطينا بريك عشر دقايق)
ميثا(ليش كله تحطين علي ليش ما تقولي له انتي)
شما( بس انتي ما منج فايده)..
تنشغل شما بالمحاضره ...وتحس ميثا بإهتزاز في حقيبتها الصغيره...تخرج الهاتف...لترى رسالتين...
خالد( أعذرني لا بدا مني قصور..ما تجاهلتك ابد لا ولا هو غرور..بس ظروفي عيت معي تدور)
خالد(شوق اللقا زاد حرّه...يا ليت اشوفه بس مره..واهديه روحي بخيره وشره)...
وتناجي ميثا نفسها بعد ان تنهدت بعمق...."ويل حالي منك...شاللي بيصبرني اعيش باقي العمر وانت بعيد"
شما(شو يالسه تسوين..؟؟)
ميثا(ما شي بس اخويه عبدالله مطرش مسج يقول انه عند الباب يبيني اظهر..)
شما(هه وحليله قولي له مطولين خله يسير له المول لين ما تيي خمس)
ميثا(لا لا خليه يتنقع شوي)
شما(ههههههه برايه)
ميثا(باقي نص ساعه يعني 30 دقيقه من القهر والملل)
شما(والله برايه انا بحط راسي ما روم والله مليييت)
ميثا(صار لج ثلاث ايام مب مداومه وهذا اول يوم ومن الحين تحسين انج مصدعه لو انتي مثلي كل يوم بالجامعه فديتني وصابره على كل الصعوبات)
ينتبه الاستاذ ان الملل قد اصاب طالباته..ثم يعرض عليهن ان يستمر معهن خمس دقائق اخرى ثم يتركهن...فيرحبن بالقرار المتأخر..وما ان انتهى حتى خرج فهو الاخر يبدو منهكاً..
ترتب شما وميثا حاجياتهن...ويستعدن للخروج..وفي الحمام..
ميثا: الو هلا عبدالله..
عبدالله: خلصتي ...يالله ظهر ي انا عند الباب..
ميثا:يالله برايك...
شما: وصل..؟؟
ميثا: هيه شو رايج تيين ويانا...بيعيبج اخويه عبدالله راعي سوالف..
شما:حووو شو تقولين ...هو عرض سيارات ولا شو....؟؟
ميثا: بسم الله سكتي لا ينط لج عرج..امزح عافانا الله عوفه ...
شما: ادري بس انا قلبي ما اسمح لحد يتعدى عليه...هذا فيه ناس ولا غيرهم يسكن الفواد...
ميثا:وحليلج والله ولا يدري عنج شماني اعقلي....
شما: مصيره يعرف بطريقه او اخرى...
ميثا: على قولتج من بينا الايام بظهر ...عبادي بيحشرني ...سلمي على خالوه ام هزاع والبنات وحبي لي البيبي على خدها ...
شما: ان شاء الله وانتي سلمي بعد..
............................................
قررت احطلكم هالجزئين اللحين علشان اعرف انها الويكند وتبون تقرون وتعرفون احداث القصه وانشالله الجزء عشر الثاني بنزله هالليله كله ولا زعلكم تراني ما اقدر عليه...........

&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;---------------------------------

اليوم انشاءالله بحطلكم خمس حلقات بس مب مره وحده...:)</font>

[بن دبي]

<font color='#000000'><img src="http://oasis.bindubai.com/emoticons/cry.gif" border="0" valign="absmiddle" alt=':cry:'> مشكورين على القصه واايد حلووه
&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; المرايه <img src="http://oasis.bindubai.com/emoticons/man4.gif" border="0" valign="absmiddle" alt=':man:'></font>

[عين الدماني]

<font color='#728FCE'>الحلقه الثانيه عشر



الساعه السادسه وقت المغرب..البيت مرتب والحلويات موضوعه على طاولة مجلس الحريم بعنايه فائقه...ورائحة البخور...تعطر اركان البيت...حصه تنزل للاسفل لتستقبل اهلها...
وام هزاع من المطبخ للصاله ..الى مجلس الحريم...ثم تصعد للاعلى الى غرفة شما ونوره....
ام هزاع: شما لا ترقدين بيت عمج سالم بيونا ...
شما: لا والله وانا شعلي والله انا برقد ما تشوفيني من 8 الصبح والحين المغرب حرام عليكم مب وقته والله..
ام هزاع: لا ترقدين فديتج عقب البنات بيزعلن....
شما:ليش منو اللي بيي فيهن...؟؟
ام هزاع: كلهن ما تدرين اختهن ربت ولازم يووونا كلهم...
شما: ادري بهن هذيل ما يزورنا غير في المناسبات....
ام هزاع:بس سكتي خليج احسن عنهن وبعدين والله بتستانسين وياج رويض حلاة القعده وياها...
شما:ادري انها فنانه بس ما احبها مرات..وايد تخق علينا...
ام هزاع: تحملي فديتج الا هي كم من ساعه....
شما:اوكي امايه بقوم اتسبح واصلي عشان خاطرج بس...
ام هزاع:الله يجبر بخاطرج يا شما....
وفي الجانب الاخر من البيت ...حمده لم تخرج من غرفتها..وام هزاع في الاسفل لوحدها مع الخادمات....وتذهب الى مجلس الحريم لتجد حصه هناك...
حصه: وايد تأخروا...
ام هزاع: ما عليه البيت بيتهم بأي وقت ...
حصه: بس مب حلوه الحركه وايد تأخروا امي قالت عقب المغرب او المغرب بنصلي عندكم...
ام هزاع: اشفيج مستعيله....وبعدين الليل طويل وباجر اجازة..الا اقول ما رمستي هزاع..
حصه:خالد قال بيشوف لي شو السالفه اليوم...
تطل نوره على المجلس..
نوره:امايه شوفيني جي مبينه حلوه....؟؟؟
ام هزاع: ما شاء الله يا نوره عروس...تقولين للقمر قوم بيلس مكانك..
حصه:نواري روعه عليج اللبس والله ما شاء تعرفين ما يبينج ياهل يعني جي شابه حليوه...
نوره:وييييييييييه فديتني جاااان استحي والله...
حصه:بتستانس عليج امايه وايد تحبج والله....
نوره: يا ويلها لطيفه اذا ما يت كل مره تسوي خيانه فيني ولا تيي وانا يوم امايه تسير اروح بيتهم....
حصه:عمتيه ..نحن قبل ما كنا جي ..كنا دوم نتزاور و 24 ساعه ويا بعض...بس من كبروا الشباب فبيتنا وبيتكم قمنا ما نزور بعض شرات قبل...
وقبل ان ترد ام هزاع بثواني معدوده....يرن الجرس....وتسرع الخادمه لفتح الباب....
ويدخل الضيوف...الى مجلس الحريم......( وهم كالتالي ومنهم شخصيه سوف تبرز في باقي اجزاء القصه)..... (ام منصوروالدة حصه,روضه و لطيفه اخوات حصه )...
روضه اكبر من شما بعامين واصغر من حمده بعامين ايضاً...ولطيفه بعمر نوره.....لا تهم الشخصيات الاخرى بقدر ما سوف تبزغ معنا شخصية روضه التي ستلعب دوراً هاماً في تغيير معظم مجريات القصه..(.بس بدون زعل)..روضه لم يبقى لها سوى عام واحد وتتخرج من جامعة زايد..لكنها فضلت ان تأخذ استراحه في هذا الفصل لذلك قررت ان تتوقف عن الدراسه شهران أي (نص كورس)لتعاود الدراسه في بداية العام القادم..قمة في الجمال وتفوق حصه اختها جمالاً..متفوقه دراسياً...ولكن مغروره نوعاً ما رغم انها تتمتع بطيبة شديده....وروح مرحه...
تنزل شما وتدخل على الضيوف في المجلس وتسلم عليهم....وتأخذ الاحداث مجراها بينهم..
شما: رويض قومي بنسير الصاله هني حشرة حريم ويهال...ولا تبين تيلسين ويا اختج...؟؟
روضه: لا... قومي والله يايه بقول..واختي عقب بيلس وياها...هي بتيينا قبل ما هزاع يرد...
شما: يالله قومي نظهر...
ام منصور: ما شاء الله وين سايرات...؟؟
شما: ما بنسير مكان عمووه هني بس بالصاله...
نوره:يالله لطوووف بنسير حجرة المكتب بنسير نلعب شوي...
شما: هيه بالمره خربي البنت بالكمبيوتر...
روضه:لا لا شو تخرب اختيه..نحن من بونا عندنا كمبيوتر...يعني لا تتحرين لطيفه ما تعرف شي...
شما بإستغراب: انا ما قلت جي كيف تفهمين انتي..المهم قومي الصاله....
وفي الصاله..احاديث وتنبيش بالماضي..وضحك وذكريات...وتنزل حمده من الاعلى....
شما: الحمد لله على السلامه يا عروس..الناس بيروحون وانتي توج نازله..
حمده: هلاااااااااااااااا رويض لا لا مب مصدقه انتي هني...
روضه:هلا شحالج علوم اخبار..
حمده: بخير الله يسلمج واخبارج انتي...
روضه: والله ما شي الحال انتي اللي اخبارج هاه ما بتشتغلين...
حمده وبدلع: لا ما اريد اشتغل ..انا وحمد متفقين..
روضه بغرور:فديت حمد خويه يعرف يقنع...
شما: شو قصدج..حووو هم متفقين لا أثّر عليها ولا شي...خلي عنج السوالف...
حمده: المهم برايكن انا سايره عند عمتيه ...بس اقول تعالي شموه شوي المطبخ...
وفي المطبخ....
حمده:اففففففففففففف والله بنفجر منها بس ابي اسوي روحي عاديه غصب..
شما: عيل شو تقولين عني انا اللي يالسه وياها بعدها ما بدت والحين بيبدا شغل الطاخات ..تريي شوي...
حمده: حاولي تكوني عاديه وياها ما فيني توصل رمسه لحمد...
شما: وخير يا طير من درا عنه حمد هذا..
حمده: جب ..انتي ما دريتي عنه انا اللي ادري..ويهمني رايه..وبعدين لا تاخذين وياها وايد يمكن توصل لحميد...
شما: لا تخليني اسوي شي لا تحمد عقباه انتي ويا حميد..لا بصراحه جرحتيني ..من حميد يكون الا ...من قوم اللهم يا كافي ولا يعني لي أي شي...
حمده: يالله سيري لها بتلاقينها تتحرطم الحين.....وانا بسير اسلم على عمتيه عقب بيدش حمد بييلس وياي شوي..
شما: شعليج شعليج...بس هاه ما وصيج لا تموتين وهو يرمس...
حمده: زين زين يالله سيري بسرعه...
وفي الصاله.....
روضه:تأخرتي وايد ليكون مشغولات بس...؟؟
شما: لا لا بس تبي تسألني شي عن خالد...
روضه تبتسم:خاااااالد ...وحليلله..من زماااااااان ما شفته...والله احيد اخر مره يمكن شفته وانا في اول اعدادي ...خيبه عمر من الزماااان...
شما:خيبه من اول اعدادي ..&#33;&#33;&#33;؟؟؟ الحين وين خالد تغير لو تشوفينه ما شاء الله عليه ريال والنعم جمال واخلاق ورجوله يعيبج والله ما عليه رمسه...شيوخي الملامح,حسين الرمسه...
روضه:حليله والله .. شرات طبايع اخويه حميد والله...
شما وقد قلبت ملامحها:حميد&#33;&#33;&#33;&#33; لا لا غناتي خالد ماله شبيه..
روضه:خلي عنج السوالف ...لا تسوين روحج مب مهتمه ...اصلاً حميد حاشر ابويه الا يرمس عمي عسب يخطبونج...متخبل عليج والله..
شما:نعم..؟؟؟&#33;&#33;&#33; لا حبيبتي انا ما افكر بالعرس الحين وراي دراسه وشغل....
روضه:أي شغل ..&#33;&#33;&#33; الله يخليج والله هذا ويهي اذا اشتغلتي كلمتين من هزاع اخوج وبتيلسين في البيت...
شما: ما برد عليج ما ادري شو تتحرينا مسوين معسكرات في البيت..وكل شي بالقوه...
روضه: حبيبتي تتحرينا ما سمعنا ان اخوج خالد حرمج من الدراسه كم يوم والله يعلم شو السبب..
شما باستغراب وخجل: من قالج ؟؟؟ اصلا محد قال هالرمسه اان كنت غايبه فتره عسب اختج حصوه كانت بالمستشفى...
روضه:المهم خلينا من هالرمسه ..ما قلتلج...منو يا عندنا الاسبوع اللي طاف...
شما بقرف: لا ما قلتي لي ..ليش انا وين اشوفج..؟؟
روضه: تعرفين بيت محمد بن سعيد...اللي في العين ..
شما: هيه عرفتهم شفيهم...
روضه: ولدهم سعيد يا وخطبني من ابويه ..بس ابويه ما طاع وقال البنت بعدها صغيره وتكمل دراستها...
شما بضجر: هيه وحليلج صغيره...وليش رفض ابوج وين بيلاقي احسن من عيال بو سعيد..
روضه: امي تضايجت وايد بس ابويه قال انه يستحي من عمي بو هزاع لو يوزني لولد ناس غرب ...وعيال عمي اقرب لي ..
شما بقهر واضح: هيييييييه والله صدج رمسة عمي سالم ما عليه زود...
روضه: وبعد ما خبرتج عن بيت بو سلطان اللي ساكنين في البطين...
شما وهي تكاد تنفجر من الضحك: هييييييه دريت بهم...اكيد خطبوج لولدهم مايد...
روضه: هييه والله رمسوا اخويه منصور بس ما طاع...
شما: الله يعينج....اقول لاعت جبدي من هالسوالف ممكن نغير الموضوع...
روضه: برايج ..الا اقول حمد خويه ما دخل..؟؟
شما: بالميلس يتريا خالد....
روضه: ليش خالد مب هني ...؟؟؟
شما: لا مب هني اصلا ما ييلس خالد بالبيت...
وبعد ساعه من الوقت وحوالي الساعه الثامنه يدخل خالد الصاله يدندن..." الله يهنيك بي والله يهنيني والله يديم الغلا ما بيني وبينك...ساعة اشوفك يزين الكون واشوف كل المحبه تنطق بعينك..."...
تهتف شما: حووو خالد عندنا عرب بالبيت ما تعرف تدق البيبان....
وتغطي روضه وجهها بشيلتها...وتقف لتسلم على خالد.....
خالد: ليش من عندنا...؟؟
شما: بيت عمي سالم...وهاي رويض ما بتسلم عليها....؟؟؟
خالد: هلاااااااااااااااا والله برويض بنت عمي من متى مب شايفنج والله عمر...
روضه بخجل: هلا خالد الله يعافيك شحالك....
خالد بخير الله يسلمج...وين ما شاء الله من متى مقاطعه بيتنا...عنبو نحن اهل والسلام واجب..
روضه: من كثر ما تيي بيتنا انت الحين...
خالد: جااااااان تحرجني والله....المهم اخبار الدراسه واشحال دنياج...
روضه: بخير الله يعافيك....
خالد: الا اقول محد من الشباب ياي وياكم.....؟؟
روضه: نحن اليوم عشانا عندكم...وكل اهل البيت هني عدا منصور اخويه وحرمته بدبي....وابويه مع عمي بو هزاع بليوا ...
خالد: والله الساعه المباركه يوم بيت عمي سالم عندنا بالبيت ..عيل استريحي انا بسير عند حمد وحميد بالميلس وقبل بخطف على عمتيه بسلم عليها....
روضه: برايك....
.................................................
وفي المطبخ..
خالد: شما الله يغربلها...هاي رويض...؟؟ انا ما اقدر اصدق...؟؟
شما باستنكار شديد: وليش ان شاء الله مب قادر تصدق ....ليكون شفت الليدي ديانا وانا ما ادري...؟؟
خالد: تخسي وتعقب الليدي ديانا شو تسوى جدام جمال رويض والله ما شاء الله عليها ملكة جمال الله يغربل عدوينها...
شما: وانت كيف شفتها وهي متغشيه...
خالد:هههههههههه انتوا بنات هالايام تغشيكن والعدم واحد...بس بصراحه ما توقعت رويض احلوت بهالشكل...وينها ووين حصوه اختها...
شما: الله يعين ...صراحه جبدي اليوم لايعه من كل شي...وبيني وبينك والله اني احلى عنها...
خالد:هههههههههههه وانا اقول ليش البنيه شوي وتنفجر من القهر....
شما: على شو يا حسره...
خالد:مالت عليكن كلكن لو شو ما وصل جمالكن محد تيي بظفر حبيبتي...
شما تتنهد براحه: ومن هاي تعيسة الحظ؟.؟
خالد وقد انصرف لخارج المطبخ دون ان يلتفت اليها: خلي عنج الاستغباء...
ويظهر خالد متجهاً نحو المجلس...وترجع شما للصاله....ويرجع خالد من فوره....
خالد : شما وين حمده...؟؟
شما: عند الحريم..ليش...؟؟
خالد: قولي لها حمد يبي يسلم عليها....
شما: لحظات وبزقرها ...بس انت خله يدش الحجره اللي حذا الميلس...لان ما شي حجر فاضيه ...داخل....
خالد: اوكي بس بسرعه..
وفي الحجره الخارجيه....تدخل حمده على حمد...ليقف مرحبا بها....
حمد: يا حيا وسهلا يا مرحبا والله يالغاليه...
حمده: مرحبا بك يا حمد شحالك...
حمد:بخير وعافيه ربي يعافيج..شحالج انتي والعلوم..وين انتي ووين هالغيبه..؟؟
حمده: وين يعني والله في البيت....انت اللي ما تنشاف ولا تسأل...
حمد: والله اسمحيلي يا حمده ادري اني مقصر بس شسوي والله قلة الحيله..ودي لو ارمسج كل يوم بس والله ما يستوي ادق لج على البيت...
حمده: ما عليه يا حمد مسموح ...المهم اخبارك ...
حمد: بخير وعافيه...دامني اشوفج...
حمده:....................
حمد: حمده....
حمده: لبيه...
حمد: حمده ما روم اصبر ...دخيلج خلينا نملج قبل الاجازه...وافضل والله في اجازة العيد...
حمده: والله ما ادري يا حمد مب جنك مستعيل...
حمد: تعرفين والله يا حمده تمر علي ايام ودي اسمع صوتج..وتدرين بعد اني ما روم ازورج متى ما بغيت البيت...يعني تعرفين بنات عمي كبار و مب من الحشمه اني كل يوم والثاني عافد عليكم...لكن لو ملجنا ..اروم اطلع لج تلفون ومتى ما ابي اسولف وارمسج ما بيردني شي ...فكري معاي شوي ...
حمده: والله يا حمد ما يدري باللي بالقلب الا الله..على العموم اللي تشوفه انا اشوفه...بس لا تييب لي طاري العرس...لاني والله ما حس عمري مستعده اعرس الحين..
حمد وقد بدا الضيق بادياً عليه : على راحتج واللي تشوفينه..اهم شي اني اضمن لو رمسة ابويه ان نحن نملج..ما بيتعذر فيج عمي ...
حمده:خلاص تطمن من هالناحيه...
حمد:الله لا يخليني منج...
حمده: ولا منك ان شاء الله...حمد..انا بظهر الحين عيب والله عمووه بتزعل بتقول ما يلسنا وياها...
حمد: مستعيله...
حمده:حرام عليك والله ودي ايلس بس تعرف ما فيني على الاحراجات...
حمد:ع راحتج غناتي تحملي على عمرج..
حمده: و انت بعد تحمل على عمرك...
حمد:ديري بالج على حمدوه تريها مهمه عندي...
حمده: من عيوني يا حمد...وانت بعد دير بالك على حمد تراه بعيوني..
حمد: بس دخيلج ابي ارقد اليووم لا تخليني اسهر للفجر..
حمده:ههههههه يالله برايك يا حمد..
حمد:ربي يحفظج...
.................................................. ...........
وبعد ان تناولوا العشاء ..جلس الجميع بالصاله...يتبادلون الاحاديث..ثم دخل خالد ليخبرهم ان حمد يستدعيهم...للخروج...وانصرفوا بعد ان عرضوا على حصه الذهاب معهم لكنها اعتذرت ووعدتهم بزيارتهم مره اخرى قبل وصول هزاع....
وبعد ذهابهم ..التهى الجميع بتنظيف البيت ..وصعدوا الى غرفهم...للنوم.....
الساعه الواحده بعد منتصف الليل.....في غرفة حصه...الهاتف يرن وحصه تحاول ان تهدي ابنتها التي لم تتوقف عن البكاء....تنهض مسرعه..انها النغمه الخاصه والمميزه لها...
حصه: الو مرحبا وهلا والله..
هزاع: هلا هلا غناتي...شحالج...
حصه: مب بخير انت وين من امس وانا ادق ولا ترد كل هاه مشغول...؟؟
هزاع: والله ان تلفوني ما ادري بلاه مخترب توي من ساعه ساير اييب لي واحد يديد...شكل البطاريه احترقت....
حصه: المهم اخبارك علومك..اشوفه ما وحى لك تسمي بنتك ولا مب داري عنها..؟؟
هزاع: انتي تنقي واختاري شو تحبين اذا عيبني بوافق عليه...
حصه: ما شي معين ببالي ...شو رايك بروضه او عفرا...
هزاع: لا لاء كل شي ولا روضه..ما اداني اختج رويض خير شر...
حصه:هههههههههههه ليش بسم الله شو دخل اختي روضه بالاسم...
هزاع: ما احب بنتي تطلع شراتها...تحيدين شو كانت تسوي يوم كنا صغار...كله تمط شعري وتسحب اذنيه...والحين شوفي النتايج جني خفاش من طول اذنيه...
حصه:هههههههههه بس الحين رويض تغيرت صارت من عرايس بيتنا عقل ورزانه وجمال... وذيج ايام اول...
هزاع: يالله تنقي اسم ثاني بسرعه عشان يوم السبت ابي خالد يسير الجوازات والطب الوقائي ..ابيه يخلص اوراقها...
حصه: ما شي ببالي والله...يالله انت اختار...
هزاع: شو رايج نختار واحد من هذيل تنقي انتي...نوره,شما,عفرا,ساره...
حصه: بصراحه كلهن مو شي...الا شما وعفرا...وانا افضل عفرا لان عمتها بالبيت شما وما يستوي ثنتين شما...
هزاع: لا لا مب عايبني عفرا...ابي اسم غير عناداً فيج...
حصه:اوهوووه يالله عاد...ما عندي شي انت اختار..
هزاع: شو رايج بسلامه والله هالاسم روعه....
حصه: يعني مقبول ولو ان روضه بخاطري اكثر...
هزاع: لا دخيلج تكفينا روضه المربوشه ببيت عمي سالم...
حصه: الحين تقول مربوشه ليتك تشوفها والله يا هزاع الف من يتمناها...
هزاع: خلاااااااص انا مكتفي ...عندي حصووه بالدنيا..شو رايج نيوزها خالد اخويه...
حصه: عيل شو اصلا عمي وابويه متفقين ان روضه من نصيب خالد وهو من نصيبها اذا الله راد....
هزاع: يالله بس بنشوف راي الريال ما بنغصبه...وبعدين خالد بعده طايش تريوا لين ما يعقل...
حصه: المهم..انت متى ناوي ترد...
هزاع: بصراحه انا افكر اتم سنه وشوي بعد...
حصه:شوووووووووووووووووووو� �
هزاع:اللهم يا كافي روعتيني ..امزح امزح خلاص باقي اسبوعين وانا راد...بإذن الله...
حصه: ان شاء الله...هاه خلاص قررت نسميها..سلامه...
هزاع: تبين الصدج انا فكرت ويا ببالي الحين اسم...انا قررت مهره وبس...
حصه: مهاري وايد روعه كيف ما خطر على بالي....
هزاع:اوكي خلاص انا بدق لخالد الحين برايج حصوه فديتج وتصبحين على خير غناتي...
حصه: وانت من اهله تحمل على عمرك فديتك...
هزاع: في وداعة الكريم...
حصه: ربي يحفظك...
.......................</font>

[عين الدماني]

<font color='#728FCE'>الحلقه الثالثه عشر



بعد شهر كامل تم عقد قران حمده على حمد... وفي يوم الخميس بالتحديد...وبعد عودة هزاع طبعاً من الخارج...البيت خالي لا يوجد به احد..الجميع في دبي منذ الثامنه صباحاً ما عدا ام هزاع وابو هزاع...اما خالد والبنات وحصه وهزاع فجميعهم ذهبوا للتسوق لانه قد تقرر ان يكون زفاف حمده في الصيف وبالتحديد في اواخر شهر 6 .....
حمده وشما لم يتركن مركزاً لم يذهبن اليه...وفي اخر جولاتهن وبعد اختيار القطع المناسبه للفساتين...اختلفن على من يكون المصمم اذ اصرت حمده على ان يتم تصميم فستانها في دبي بينما ثبتت شما واصرت والزمت الجميع على انها لن تصمم الا في العاصمه عند المصمم نيكولاس جبران...حاولت حمده تغيير رأيها...حيث حاولت اقناعها بأن التصميم في دبي لدى ابيتي افضل ب 100 مره...لكن من يستطيع اقناع شما....
وفي النهايه توصل الجميع لقرار عادل..على ان يتم تصميم فستان حمده وحصه في دبي ..بينما شما ونوره في ابوظبي....وبعد صولات وجولات في اسواق دبي ومراكزها...ولولا انه عرس حمده لما وافق خالد وهزاع على ذهاب اخواتهم لمراكز دبي ولكنها الحاجه....
وفي حوالي الساعه التاسعه مساءً عاد الجميع بعد يوم حافل بالتعب...صعد الجميع الى غرفهم...وانصرف خالد الى غرفته.....منهك ومتعب...يحاول ان يغفو...يغمض عينيه ويقطع غفوته نغمة المسج...
ميثا(قسى قلبه وهو طيب..ولا فكر يراسلني ..بخيل حيل في وصله..كريم بزود هجرانه..)
خالد(ظلمني لو يظن اني نسيته..نظر عيني هوى قلبي فديته..ابد منساه دام الصدر بيته)
ميثا(انت الامل ما خاب من كان يرجيك..وانت الذي تشتاق عيني لعينك)
خالد(شفت النجوم اللي تعلت على الكون*****غلاك عندي زاد حتى وصلها)
ميثا(غلاك يزيد ما ينقص ..ويبقى دايم ببالي ..وان بعدت عن عيني ..بقلبي منزلك عالي)
خالد( غناتي ميثوه ما روم اطول وياج اكثر عن جي توني راد من دبي والله مب قادر حتى افتح عيوني من التعب ...)
ميثا(انا اسفه والله ما ادري اسمحلي خلاص يا غالي تصبح على خير)
خالد(لا والله غناتي بالعكس ارتحت وايد انج مب زعلانه مني فاعذريني لو كنت مقصر معاج)
................................
اليوم الجمعه والبيت هادئ الجميع منهكون من البارحه....تستيقظ ام هزاع مبكرا مع ابو هزاع...كالعاده ..ابو هزاع في حديقة المنزل يشرف عليها...وام هزاع في المطبخ تعد
شاي الصباح لها ولابو هزاع...وتخرج للحديقه في جو الصباح الجميل...
ابو هزاع: والله يا ام هزاع ودي تسيرين المزرعه...لو تشوفين الشغل...ما شاء الله ما بقى شي كل شي خالص...
ام هزاع: والله ودي بس ما اقدر اودر البنات لروحهن..وتعرف يعني ما روم والله اودرهن واسير ليوا...
ابو هزاع: المهم يا ام هزاع بغيت اقولج شي عن اخويه سالم...
ام هزاع: هاه شعندك عسى ما شر....
ابو هزاع: لا والله ما شي بس...ع سالفة حمده....تصدقين انا مب مقتنع يكون العرس في بداية االاجازه ودي يأخرونه شوي......
ام هزاع وقد ابتسمت وبدا السرور واضحاً عليها: لا والله...الساعه المباركه..يوم يجدمونه وانت ليش ما تبيه بسرعه بالعكس كل ما قرب احسن للبنت...
ابوهزاع: بس نحن ما عرفنا شو راي حمده..ولا ندري تبي العرس الحين ولا عقب...احسها مب مقتنعه...
ام هزاع: خلاص حمده وافقت والعرس الرياييل يحددونه...
ابو هزاع: ما قلنا شي بس هم يبون العرس بالاجازه...وفي بدايتها بعد....
ام هزاع: وليش متضايج..؟؟ انا برمس حمده اليوم...مع انب البنت مب معترضه على شي..بس االله يهديك بتخرب بناتك بالدلع...
ابو هزاع: على خير ان شاء اللله...
ومن الداخل تخرج فاطمه..متجهه نحو جدها....وترمي نفسها في احضانه....
ابو هزاع: هلا والله بفطامي هلا بالعسل كله..
فاطمه وبلغتها الطفوليه المكسره: انت عتل ....
ابو هزاع: من الحلوه ومن العسوله ...
فاطمه: انا عتل انا الوه.....(انا عسل وانا حلوه)..
ابو هزاع: وين بابا يا فطيم....
فاطمه: بابا هناك ............وتشير بيدها للداخل...
ابو هزاع: من احلى انتي ولا مهاري...
فاطمه بغيره شديده: لا لاء انا الّوه...مهالي يع يع...
ام هزاع: الله يغربل عدوينج من بنيه...تغار من اختها...
ابو هزاع: لازم ما تحيدين شموه شو كانت تسوي يوم انولدت نوره...
تضحك ام هزاع...ثم تنهض ...
ام هزاع: بسير اوعيهم....الساعه 10 وهم رقود من امس الساعه 9 بالليل يكفي رقاد...
وتدخل ام هزاع الى البيت...بينما تبقى فاطمه عند جدها...يداعبها و يلاعبها.....
وبعد ساعه الجميع في المنزل...ضحك واحاديث...الى ان حان وقت الغداء ...وبعد ان انتهى الغداء...وانصرفوا الى غرفهم.....وفي غرفة البنات....
شما: يالله والله اني مستعيله...متى بتخلص الجامعه...اففففففف
نوره: الحمد لله...نحن باقي لنا اسبوعين ونفتك...ما بقى لنا غير الامتحانات...
حمده: كلما طريتوا الاجازه بطني يعورني...
شما: بالعكس انا والله وايد متلهفه على العرس...تصدقين بخاطري اكشخ والله...
نوره بفرح: هيه والله وانا بعد...
حمده: انتن فرحانات بس انا اللي رايحه فيها...
شما: انا والله اتريا على نار...مب مصدقه اخيرا حد فينا بيعرس...
حمده:ههههههه دامج مستعيله عرسي انتي...
شما: منو يا حسره ..كلهم يسدون النفس..
حمده مبتسمه: عندج حميد والله كل البنات يتمننه والله...وبعدين ودي بس افهم ليش ما تبينه مع انج تدرين انه يحبج...
شما: بس جي عناد..مب شرط احب ولد عمي...في الف وحده تتمناه خلاص ياخذ من هالالف اربع....اما انا لاء...
نوره: والله لو حميد يحبني شرات ما يحبج ما افضل عليه حد...
شما: هذي انتي مب انا...
نوره: زين كملوا سوالف انا بسير الحين براجع شوي بعض الدروس الامتحانات السبت الياي...
حمده: نواري هالاسبوع اجازه صح...؟؟
نوره: هيه ما بسير ولا يوم...ما بدوام الا يوم السبت الياي اللي هو اول يوم بالامتحانات.....
شما: الله يوفقج...بس درسي عدل....
نوره: زين الله يعينا بس....
وتخرج نوره...
شما: اما نحن مطولين..الله ياخذ الجامعه...
حمده: زين متى تخلصون انتوا....
شما: اخر يوم بيكون ...تقريباً...17/6 ...يعني جي...
حمده: زين مب بعيد وايد..انتي تعرفين كم تاريخ اليوم...اليوم 12/5 يعني باقي شهر وكم من يوم غير الويكند...
شما: هيه تقريباً جي...
حمده: تعرفين انتوا بتأجزون من هني والعرس عقب ما تأجزين على طول...
شما: ليش انتوا حددتوا يوم معين...للعرس..؟؟
حمده: هيه انا وحمد بس بيني وبينج والله محد يدري غيري انا وحمد واعمامي....
شما: وامايه وابويه...؟؟
حمده: حمد قال بيي اليوم يخبرهم....
شما: زين متى...؟؟
حمده: 24 /6 ...
شما: الله وايد جريب هيييييييييييييه فرحتيني والله...بس اقول الله يخليج بس بخبر انسانه وحده ارجوج...
حمده: انا كنت ادري انج بتفضحينا...اوكي ما عليه خبري ميثا والله عرفت هالبنت كل شي في بيتنا تدري به...
شما: فديت ميثا والله...اقول حمدووه ودي اصارحج بشي وودي تقولين لي رايج بس ما ابي حد يعرف حتى نوره...
حمده: هيه والله شو...والله ما خبر..
شما: شو رايج نرمس امايه تخطب ميثاني حق خالد...؟؟
حمده باستغراب شديد: شو تخرفين انتي ...مستحيل امايه تطيع لو شو ما صار...
شما بعصبيه: ليش ان شاء الله قولي بعد ميثا مب حلوه...قولي مب مؤدبه...قولي مب بنت ناس...والله يا حمده الف من يتمنى ظفرها.....
حمده: شوي شوي على مهلج الشور مب عندي انا...بس انتي ما تعرفين شي...
شما: شو بعد...
حمده: امايه ما تبي تخطب لخالد وحده مب من اهلنا...
شما: اوهوووووووه شو فيج...هاي من اعز بنات العرب والقبايل.... لو ما تدرين...
حمده: ادري والله ...بس امايه في بالها حد ثاني انتي ما تعرفينه...
شما: شو من اللي في بالها...
تضحك حمده...
شما: حووو رمسي من اللي في بالها....
حمده: انتي ما تعرفين ان امايه تبي تخطب روضه بنت عمي سالم ..حق خالد...
شما وقد نهضت من مكانها وبصوت مرتفع: والله لو على موتي ما يا خذ خالد رويض لو تم اخويه عزابي طول العمر...هاللي ناقص...ما بقى غير رويض...
حمده: قصري حسج لحد يسمعنا...وبعدين الشور مب لج...وهذا ولدهم والبنت بنت عمه ولا شو تبين العرب يقولون عنا...بيقولوا خلوا بنات عمومتهم وساروا يخطبون بنات ناس غرب..
شما: خليهم يرمسون لين ما يقولون بس ..نحن لو تمينا نسمع رمسة خلق الله ...متنا من القهر والغصه...ولو تمينا قبل لا نسوي شي نحسب حساب رمسة الناس ما سوينا أي شي في دنيانا....
حمده: والله ما اعرف شو اقولج...
شما: زين خالد يعرف ان هلي يبون ييوزونه روضه...؟؟
حمده: ما ادري انا حمد قال لي ان امايه لمحت لامه...
شما: عيل والله ما يصير انا اعرف خالد ما يبي رويض واعرف انه مستحيل يحب غير اللي بباله...
حمده: عن شو ترمسين...
شما: ما شي...بس بقولج شي خالد لا يمكن ياخذ رويض لو شو ماصار...
حمده: حرام عليج والله مبين بعيون روضه انها تحب خالد والله...
شما: مشكلتها والله...وبعدين هي دوم تتمدح ان محد بقى من عيال العرب ما خطبها من العين لبوظبي لين دبي....توافق على أي واحد منهم...
حمده: جي انتي تبين مشاكل تستوي بين ابويه وعمي ترضين...؟؟؟
شما: بس يا حنونه سكتي...اللي يسمع الحين ان هلي خطبوا روضه....بعده ما صار شي...وما عليج خالد خليه علي...
حمده: والله ما يندرى افكارج هاي وين بتوصلنا....
................................................</font>

[عين الدماني]

<font color='#728FCE'>الحلقه الرابعه عشر



في الجامعه ميثا متضايقه لا تتكلم على غير العاده...تنتبه شما ان ميثا غير طبيعيه اليوم...
شما: ميثاني شو فيج متضايجه..؟؟
ميثا: ما ادري والله احس اني مب مرتاحه ما اعرف احس شي مب زين بيصير...
شما: بسم الله الرحمن تعوذي بالله من ابليس...شو فيج؟؟
ميثا: والله ما ادري احس بضيجه...ودي بعد اصيح...
شما: مستحيل تحسين بهالاحساس مني والدرب اكيد في شي مضايجنج...
ميثا: لا والله ما في شي..
شما: افا نحن الاسرار من بينا مرفوعه...تخبين علي...
ميثا: عن الاستهبال من متى اخبي عليج...
شما: قولي ليكون انخطبتي...تريني بذبحج....
ميثا: لا والله يا حسره منو..ابويه وعبدالله اخويه ما خلوا حد ما ردوه..جي احس عمري ما بعرس..ولا حد بيخطبني من كثر ما يردون خلق الله ..شكله ويهي عايبنهم وما يبون يفارجونه...
شما: هههههههههههه والله حالتج حاله..... مستعيله على العرس...
ميثا: لا والله بس انتي فتحتي السالفه..
شما: لا تحاتين العرس وايد..انتي محد بياخذج غير اخويه خالد...
تتغير ملامح ميثا ويبدو الخجل واضحاً عليها...ولا ترد...
شما: عسب جي احذرج لو وافقتي على حد...
ميثا: لا تقولين جي وتعلقين قلبي ...مستحيل يستوي هالشي...
شما: من قالج...؟؟
ميثا: ما ادري بس احساس...
شما: عيل سكتي...
ميثا: تعرفين انا ما خبرتج شي...وما سألتيني ليش ابويه ما يبي ييوزني لحد...
شما: لا والله ما قلتي لي...
ميثا: تعرفين عمي سلطان اللي في العين...
شما: لا ما عرفه..
ميثا: عقب برمسج عنهم..هذيل ما عندهم بنات بس عندهم 8 شباب...اربعه منهم معرسين واربعه بعدهم...
شما: وبعدين...
ميثا: نحن وياهم متقاطعين...يعني جي بين ابويه وعمي زعل ...وما يرمسون بعض...بس ابويه مع هذا يرفض كل اللي يتقدمون لي...ويقول انه جد قرب بخليفه ولد عمي سلطان..ومستحيل يرده...
شما: يعني انتي مخطوبه؟؟؟&#33;&#33;&#33;&#33;
ميثا: لا لا مب مخطوبه بس يعني جي تفهمين من رمسة عمي ان حيرني لولد عمي...اما سالفة خطبه ما خطبه والله ماشي...بس ابويه الله يهديه..
شما: ابوج متمسك بوهم...كيف يربط مصيرج بواحد ...مقطوعه كل سبل التواصل بينكم...يعني هم متضاربين الحين وبينهم زعل...وما يندرى متى يتراضون...ومصيرج متعلق بينهم...اسمحيلي اقولج ان ابوج ما يعرف يفكر...
ميثا: وانا قلت جي بعد بس لنفسي...ابويه يقول مصيرهم يتراضون...وما بياخذج حد غير اللي طلبج وما بفضل حد على ولد عمج...
شما: ما عليج منه مصيره يقتنع ان هاللي يسويه غلط...بس والله عندي فكره شو رايج ارمس امايه تخطبج لاخويه خالد..وبنشوف ردة فعل ابوج..خصوصاً ان ابوج يعرف عمي سالم...يعني شبه قرايب...
ميثا: لا لاء يا شما..الا خالد...مستحيل والله تعرفين هاه اجمل شي بحياتي ...والله ...عسب جي ما ابي حد يقطع اللي بينا...لو ردكم ابويه بكره عمري...وبخسر خالد والله ادري...
شما: سكتي بس اونه بيردنا..ليش حبيبتي اول ما بيلاقي حد احسن عن خالد وبيحشم ابويه...
ميثا: ابويه ما حشم عيال خوالي...كيف انتوا اللي ما تقربون لنا...
شما: انتي سكتي وخلي كل شي علي...بس بعد صبري ما اقدر اسوي شي لين ما نخلص من عرس حمده....
ميثا: والله ما ادري شو اقولج...سوي اللي تشوفينه يا شماني برايج...
شما: يالله عاد فرفشي واضحكي ما في شي يرزا زعل ميثاني في الدنيا..
ميثا: تصدقين وايد متلهفه على عرس حمدووه..ما ادري ليش...
شما: عيل شو تقولين عني انا اللي بتخبل والله...بعدين ونااااااااااسه بتكون والله ...
ميثا: هيه والله بشوف خالد بعد...
شما: هيه والله لو ما تيين يبيفوتج نص عمرج عاد خصوصا خواني وقت اليواله ما عليهم رمسه خصوصا خالد زين منج اذا ما طحتي ...
ميثا: لا تخبلين بي اخاف اموت قبل لا احضر من فرحتي...
وبذلك استطاعت شما انت تغير الجو الكئيب الذي كانت تحس به ميثا...ومن يقدر على ان يفهم ميثا غير شما....
.......................................
في البيت حوالي التاسعه تذهب شما الى غرفة خالد..وتستأذنه بالدخول...
خالد: ما اقدر اصدق شو تنازلتي تدخلين كوخي الصغير...لا لا جان تلحفتي ولا لبستي لج ملابس خاصه..عشان الوقايه من الجراثيم اللي بحجرتيه..
تجلس شما على طرف السرير: تراني رايقه ع الاخر...عسب جي ما برد عليك...المهم شخبارك وعلومك ...
خالد: والله بخير ...اللهم يا كافي ليكون هذا الهدوء اللي قبل العاصفه...شعندج اليوم هاديه على غير العاده...
شما: يعني انا ما اعيبك الا يوم اكون معصبه....
خالد: لا دخيلج خليج جي حلوه...
شما: زين زين ..تعرف انا يايه عندك وبدخل بالموضوع على طول...
خالد: انا عرفت ان السالفه فيها انّ...
شما: امم زين بعد يا فطين...المهم خلادي بغيت اسألك شي...
خالد: هاه شو قولي ...الله يستر...
شما: شو رايك بربيعتي ميثا...
خالد: ....شو فيها...ما فيها شي...
شما: خل الاستغباء وارمس صدج وياي..بذمتك انت الحين من صدج تحبها...
خالد : من قال...
شما: خالد خلك مره وحده جدي ارمس وياي انت من صدج تحبها ولا مثل عوايدك....
خالد : اممم تبين الصراحه .....
شما: يا ليت...
خالد: ماشي خيارات...
شما:صدج انك متفيج وانا ما عندي سالفه...
خالد:حوو بلاج نمزح نحن ..ولا كل شي تبينه ع البراد...
شما: ارمس زين...
خالد: هيه والله احبها....وحتى افكر ارمس هلي عسب اخذها....
شما بفرح: احلف يا خالد....
خالد: والله العظيم....انا هالمره جاد والسالفه ما فيها لف ودوران...
شما: والله هاللي كنت يايه اسألك عنه....الحمد لله ريحتني....
خالد: ليش بشو كنتي تفكرين....
شما: خلاص فديتك والله جي انا ارتحت عيل بخليك الحين....بسير ارقد وراي دوام باجر...
خالد: الحمد لله والشكر...
بعد ان خرجت شما ..ارسل خالد رساله الى ميثا....
خالد( لو عشقتج يا بوظبي مو عشان انج فريده....بس عشان ان فيج اللي هوى قلبي يريده)
ميثا( خذها عهد...لو غبت ..لو رحلت..وابطيت..غلاك لا يمكن...فوادي يمله)...
وبينما يحاول خالد ارسال رساله الى ميثا...يرن هاتفه...
خالد:هلا والله وغلا ومليون مرحب في ذمتيه ولا يسدن...عد ما بيني وبينك وعد ما بين بوظبي والعين ولو انه شويه...
خليفه: هههههههههههههه يا مرحبا بك والله..هاللي انت فالح فيه...الرمسه بس...اما انك تدق ولا تتعب عمرك وتسأل ما فيك فايده والله...
خالد: افا جي انا بزعل....خلاص زعلت..
خليفه: بوظبي جزيره...وحوالينها بحر شكبره اشرب منه لين ما تقول بس...
خالد:هههههههه الله يغربلك...شحالك ...اخبارك ...
خليفه: بخير الله يسلمك...والله تمام اخبارك انت علوم دنياك...شخبار بوظبي وجوها والله تولهنا عليها...
خالد: توب التوب ما عليها رمسه...وانتوا علومكم علوم العين واهلها...
خليفه: والله بخير ولله الحمد...ولو ان الجو شوي حار عندنا تعرف الصيف قرب...
خالد: هيه والله ...الهم اخبارك يالطيب...
خليفه: ما شي اخبار ولله..العلوم من صوبكم...شخبار حبايبك...
خالد: والله بخير ما عليهم رمسه...عذبتني يا خليفه عذاب...
خليفه: دامك تحبها هالكثر...ليش ما تخطبها من اهلها...
خالد: تصدق والله افكر جي...ابي انهي حياة العزوبيه مع اللي اختارها..
خليفه: هيه وعقب بتودرنا...
خالد:افا عليك...من قال ....وانت بعد مب ناوي تعرس...
خليفه: والله شو اقولك ولا اقول...الاهل الله يهديهم...
خالد: شو ما يبونك تعرس...
خليفه: الله يهديك بس منو ما يبي عياله يعرسون....
خالد: عيل شو السالفه....
خليفه: ماشي بعدهم متمسكين بسالفةان بنت العم لولد العم...ولا مايوز ياخذ غير بنت عمه...
خالد: ليش يبون ييوزونك بنت عمك وانت ما تبي...
خليفه: شقول لك بس....تعرف ان ابويه مرمس عمي من يوم عمرها 15 سنه...عسب اخذها...
خالد: خيييييييييبه وشو تتريا...
خليفه: الظروف النحسه...عمي وابويه...مقطوع اللي بينهم من اربع سنين...ونحن معلقين جي...وغامضتني بنت عمي والله....
خالد: ليش انزين ...انت ما تبيها...
خليفه: خطبوها لي بس كلام...وانا ما اعرف شي...المهم عروس...بس الحين كل شي تغير..مسكينه والله مظلومه معاي...تعرف ان كل الشباب اللي بعمرها بعايلتنا واللي اكبر عنها...تقدموا لها..وما طاع عمي يقرب بهم...عسب ان ابويه متكلم فيها قبل وقرب بنا...
خالد: افكار حجريه...والحين انت رمس ابوك وقل له..انك تبي تعرس وانك ما تبي تتريا بنت عمك...وحبال الوصل مقطوعه من بينكم...
خليفه: انا لوعت جبد ابويه من كثر ما رمسه..بس اضرب بحديد بارد..ولا درى عني....وعلىفكره انا والله ما ابيها..ولا هي داشه مزاجي..وانا ما ابي الا بنت خالي وهي تبيني يعني انسانه انا واثق من مشاعرها صوبي...لكن بنيه ياهل بعيده ولا ادري تبيني ما تبيني خاطبينها وعمرها 15 سنه..بعدها ما طلعت من البيضه..ويبوني اخذها هاللي مب داش مزاجي....انا ريال جاد بحياتي...وانسان واقعي...وهي وحيدة اهلها...ودلوعه اكيد وانا ما اتحمل هالنوع من البنات...
خالد:خليفه...لا تقول جي يمكن البنت تغيرت وهي اللي متمسكه فيك..وانت تتحرى ان ابوها اللي ما يبيها تعرس...يمكن هي اللي تترياك...
خليفه: لا يا بوك انا عارف كل شي...
خالد: شو رايك نخلي حد من العرب اللي عندنا هني يصلحون من بين ابوك وعمك...ترى فضيحه يتمون جي..
خليفه: ما بقى حد ما حاول فيهم...لو هو عمك سالم...تدخل من بينهم بس بدون فايده...
خالد: وليش شو دخل عمي سالم من بينهم..؟؟؟
خليفه: ترى عمي حميد جار عمك سالم...يعني الباب بالباب....
خالد: اها ..فهمت...بس تصدق ما عرفه والله...
خليفه: والله ميئوس منهم مستحيل يفهمون....
خالد: عافانا الله ...الشيطان لاعب بروسهم....
خليفه: شنسوي بس...امرنا بيد غيرنا..وهذيل مهما كان اهلنا ما نروم نردهم ولو مب في صالحنا...خلاص يا بوك...
خالد: الله يكون بعونك والله لو بيدي برمس ابويه يرمسهم ..عيب هاللي مستوي على الاقل مب ع سالفة بنت عمك..لو على الاقل يتراضون...مب حلوه جدام العرب...
خليفه: ما في داعي تتعب شيبتك ع الفاضي..ناس ما يفهمون...
خالد: الله يعين..
خليفه: برايك خالد والله بس حبيت اسلم عليك...على الاقل نتطمن بس خذتنا السوالف ورانا دوام باجر...
خالد: مشكور والله واسمحلنا على التقصير...وان شاء الله انا ياي العين جريب...
خليفه: منوره من الحين من سمعت انك بتييها...
خالد: الله يسلمك ويخليك..
خليفه: يالله في وداعة الرحمن...
خالد: الله يحفظك..
........................................
وبعد اسبوع..انتهت نوره من الامتحانات.....البيت في اوج استعداداته لعرس حمده...التصليحات...والتعديلا ت...الاسواق ..هواتف المصممين من دبي التي لا تتوقف..التغييرات في كل شي كل يوم....وفي الصاله...
حصه: يالله حمده تأخرنا...
حمده: يايه خلاص بس بعدل وقايتي...
حصه: بسرعه ما اريد فطيم تشوف اني طالعه..بسرعه ابطينا على هزاع...
نوره: ودوني وياكم...
حمده: نحن مب سايرين نلعب....
حصه: ما بنطول بس بنسير نقايس الفستان ما شي وقت ونحن وايد متاخرين..وبنشوف اذا خلص ولا لاء...
حمده: وبعدين بنييب فساتينكن انتي وشماني بالدرب ونحن رادين...تري دقينا وقالوا خلصوها...
نوره: اوهو والله ملانه شلوني...
حمده: نوره عن الدلع خلي بالج من فطيم ومهاري...
نوره: اففففففففف....
تخرج حمده وحصه....مع هزاع الى دبي....لاحضار الفستان وشراء البقيه الباقيه مما تبقى...من احتياجات حمده......وبعد ساعه من ذهابهم تعود شما للبيت....
شما: حوووو محد هني وين الناس...
نوره: تعالي هني انا في الصاله....
شما: السلام عليكم..
نوره: وعليج السلام...
شما: وين امي...
نوره: اذا ما لقيتي امايه بالبيت ..عرفي انها في ميلس ام سعيد..راعية السوالف...
شما: هههههههههههههه قولي ميلس القرض والحش وانتي الصادجه...
نوره: شفتي حمدووه السخيفه وحصوه راحن دبي ولا خذني...
شما: ادري خبرتني حمده امس انها بتروح...وكنت بسير وياها...بس خالد ما طاع قال ماله داعي...
نوره: اففففففف منه كله يتحكم فينا....
شما: برايج انا سايره اغير ثيابي وارقد...خلي بالج من اليهال...عن تضرب فطيم مهاري...
نوره بتأفف: زين ...على اخر عمري مربيه....
...............................
مرت الايام سريعه...انتهى الدوام في الجامعه...الجميع متفرغون للتسوق والاستعداد...اللحظات حاسمه وقريبه...بقي من الزمن يومان.......
شما بالصاله والبيت خالي لا يوجد به غيرها هي ونوره....وبنات هزاع....تتصل شما بميثا...
شما: هلا والله بالغلا كله هلا بميثااااااااااااااااااني.. .
ميثا: اهلين....اشوفه ما وحى لج تدقين ولا تردين...خلاص جن محد عنده عرس الا انتوا....
شما: والله سوري غناتي ادري اني مقصره...
ميثا: يالله شسوي الله بلاني فيج لازم اتحمل...شحالج...
شما: بخير وعافيه..شحالج انتي...
ميثا: والله تمام..غريبه اليوم ما سرتي السوق..
شما: لا مب سايره..عقب المغرب...الحنّايه...بتيي البيت تحنيني انا ونوره...
ميثا: اها وحمده...؟؟؟
شما: لا حمده سارت ويا حصوه دبي...عسب يخلصن كل شي خاص بحمدووه البديكير والمنيكير...وبيتحنن هناك...
ميثا: ذكرتيني والله بسير الصالون بعد شوي بتحنى....
شما: انتي حاجزه...؟؟
ميثا: لا بس عادي ما بتكون زحمه...
شما: شدراج يا غبيه هذا موسم اعراس....
ميثا: يعني لا اسير....
شما: تعالي ويانا نحن بس ثنتين وبنخلص بسرعه...
ميثا: تقولين جي....؟؟؟
شما: هيه يالله تعالي محد بالبيت غيري انا ونوره...امي سارت ويا ابويه يتشرون ...
ميثا: اوكي بخليج الحين بسير اقول لامايه...اذا بتخليني ولا لاء...
شما: اترياج...
ميثا: مع السلامه..
شما: فمان الله...
أذن المغرب وقامت نوره وشما للصلاه....وبعد نص ساعه وصلت ميثا....سوالف وضحك...الى ان وصلت المحنيه....
شما: ميثاني يالله انتي اول...
ميثا: لا والله انتوا ....شو عرس اختكن انتن اول عقب انا...
نوره: يالله شما انتي اول وعقب ميثاني وانا اخر شي عسب اتم ميوده اليهال....ومن تخلص ميثا بتكون حنة شماني جفت وترومين تمسكين مهاري...
شما: ما شاء الله طلع عند اختيه مخ ...نواري والله اول مره تعرفين تفكرين.....
ميثا: يالله تحني وانتي ساكته....اقول نواري عطيني مهاري...
تحمل ميثا ...مهره وتلاعبها...وتلعب مع فاطمه ايضاً....وبينما هي مشغوله معهن...تصلها رساله على الهاتف....تترك مهره وترى الرساله...
خالد(غلطان اللي يرسل لك رساله...المفروض انه يجي لك عاني...ويضمك حيل لاحضانه...)
تتغير ملامح ميثا...ويتغير لونها...وتلاحظ شما ذلك....
شما: هاه شعندج اشوف ويهج تغير...ليكون تحبين من وراي...
ميثا: هههههههه لا والله...
شما: بلاه ويهج احمر وازرق واخضر....
ميثا: ههههههه والله ماشي....خليج بحالج احسن...
كانت شما تعلم ان ميثا تحب خالد بجنون...لكنها لم تكن تعلم ان هناك بينهم تواصل بالهاتف...
ترسل ميثا رساله اخرى.....
ميثا( خايف اتواضع...يكسرني تعاليك...قلت اتعالى كسر قلبي تواضعك..)...
خالد( شو يالسه تسوين)
ميثا( سؤالك غريب..انا يالسه الاعب مهاري بنت اخوك هزاع)
خالد( شو اللي وصلها بيتكم&#33;&#33;&#33;)
ميثا( انا اللي ف بيتكم...)
خالد(حلفي قولي والله)...
ميثا(والله..ليش شو تبي تسوي...ليكون بس تبي تيي)
خالد(لا والله كيفي بيتنا)
ميثا(حرام عليك والله تحرجني جدام شما)
خالد( ثواني وانا عندكم...)
ميثا( ليش انت وين)
خالد(توني راد من العين...سرت اعزم ربيعي خليفه على عرس اختي)
ميثا(ليش من يكون ان شاء الله تتعنى له لين العين ..يعني ما يكفيه تلفون)
خالد(لا والله ما يكفيه هاه سبيشل والله)
وتقطع شما حديث ميثا وخالد الودي....
شما: يالله يا ميثا دورج..
ميثا: وااااااااااااااو روعه والله.....
شما:يالله عاد الحين كل شي ولا بياض ميثاني والله اروع حنا باحلى ايدين بالدنيا...
نوره: بس بس خلصونا يتغزلن الحبايب فاضيات...
شما: يالله يالغيره....
ميثا: وحليلج نواري تغمضيني مرات...
نوره: بس تحني وانتي ساكته.....
انتهت ميثا وشما ونوره....الساعه تشير الى العاشره مساءً.....ولم يصل احد للبيت حتى خالد....ولا ابو هزاع وام هزاع...
ميثا: يالله انا بسير والله وايد تأخرت...
شما: يلسي الله يخليج والله ملل..نواري رقدت ..وبنات هزاع رقدن بعد...ما شي شغله...
ميثا: بس انا بعد تعبانه....
شما : يلسي الله يخليج...
ميثا: اوووه عاد هاي شما من يروم يقول لا...
شما:فديتج والله....ادري مب عشاني بس عشان خلادي...
ميثا بخجل :صدج متفيجه...
شما: والله يا ميثا ما اعرف أي اخبار عنه...ولا ادري حي ولا ميت....موجود بالبلاد ولا مسافر...
ميثا: منو هذا...؟؟
شما: اخر مره يوم شفته بالبيت...وخلاص ما عرف عنه شي...
وتتنهد شما بعمق...
ميثا: يا بوج طبيه...شتبين به والله انج موهومه وايد...
شما: برايه المهم اشوفه لو من بعيد لو ما درى فيني....
ميثا: يالله يا حميد يا حليلك والله يغضمني ...
شما: ليش....؟
ميثا: بقلبه حب كبير لانسانه عاشقه لغيره...ويالله والله اني حاسه فيه...
شما: مصيره ينسى....
ميثا: يقوله اللي ما يدري بلوعة الحب...
شما: اها يا عاشقه انتي حاله خاصه...
ميثا : الله يعين..
شما تغني: لو جيت اعاتب...ترى ودي و ما ودي...معتاد قلبي ..انا يعاتب...معازيبه....ولا ريد اوضح ..واكشف للملا سدي...بعض الخفايا اذا تتوضح مصيبه..
ميثا: ما فيه حيله ميحد....
شما تكمل الاغنيه:وش تبغي اكثر عطيتك كل ما عندي ...من حب من شوق من اخلاص من طيبه....خليتك تقول يالمزيون من قدي...في قلبي اللي غديت اغلى محابيبه...
ميثا: جلبيتها مرقص....
شما: مستانسه...
ميثا: يالله ابي اروح فيني رقاد...والله...
وفي نفس اللحظه يدخل ابو هزاع وام هزاع...وتسلم ميثا على ام هزاع....بينما ينصرف ابو هزاع...
ميثا: يالله خالوه انا اترخص...
ام هزاع: يلسي ويا شما....
ميثا: لا خالوه وايد ابطيت ع البيت..تلاقين امايه الحين تحاتيني...
ام هزاع: من بيوصلج...
ميثا: الحين بدق للدريول...
ام هزاع: سلمي على اهلج وايد...وهاه لا تنسون لازم تيون العرس...
ميثا: افا عليج خالوه...انا وامايه من اسبوع..نتجهز واخر شي ما تبينا نيي...نحن بنوصل حتى قبلكم....
ام هزاع: فديتج والله غناتي....
تصل ميثا رساله تقطع الحديث.....وقبل ان تفتحها...
ام هزاع: يالله فديتج سلمي على الوالده...انا بسير عنكن فوق...
ميثا: تسملين خالوه واصل السلام...
تقرا ميثا الرساله....
خالد( انا جدام بيتنا...بعدج موجوده)..
لم تستطع ميثا الرد عليه...لوجود شما....غطت وجهها...وبقيت واقفه في فناء البيت تنتظر السائق مع شما..
يدخل خالد...ثم تتنحى ميثا جانباً...متفادية النظر اليه.....
يمر..خالد لكنه لا يستطيع النظر.....وبينه وبين نفسه" الحين هاه وقته يا شما يالسه هني...عافانا الله منج عوفه...مثل العظم بالبلعوم"....
يصل سائق ميثا....وتذهب....
بينما خالد يراقب من الاعلى...وبتأفف شديد من اخته شما...التي حتى من النظر قد حرمته...
" حليله خالد يغمض"...
.....................</font>

[عين الدماني]

<font color='#728FCE'>الحلقه الخامسه عشر

اليوم عرس حمده...للدنيا طعم اخر هذا اليوم...وللشمس اشراقه اخرى...ولون الصباح مختلف...حتى لون الشمس غير كل يوم...نسمات الهواء..ذات عبير مميز هذا النهار....الليله حتماً ستكون مختلفه....الجميع على اشد استعداداتهم....وفي ارقى صالونات العاصمه...في صالون دولا..توجد حمده وشما ونوره مع حصه زوجة هزاع...منذ العاشره صباحاً والساعه الان تشير الى السادسه مساءً....تنضم اليهم ميثا...
شما: ميثاني ..انا وانتي بنسوي المكياج والتسريحه نفس الشي...
ميثا: تصدقين والله انا بعد فكرت نفس الشي...
شما: نواري يالله وانتي ويانا...بعد بنسوي حركه ..
نوره: لا انا ما اريد خليج انتي وميثوه شرات بعض. . انا احب اكون Different
شما: مالت ....
ميثا: خليها ياهل لازم تبي كل شي غير...
شما: ميثاني ما شفت فستانج..؟؟
ميثا: خليها مفاجأة...
شما: ما قلتي لي وين فصلتيه...
ميثا: عند زهير مراد ...روعه لو شفتي تصاميم بسيطه بس والله تينن....ما جد شفت مثلها...انا برايي والله انه احلى عن اروشي...
شما: ما ادري ما ..جد صممت عنده..عيل بشوفج بالقاعه...الا اقول ميثوه انتي بتردين ويانا ولا حد بييج...
ميثا: لا امايه قالت لي ارد ويا سعيد خويه..او عبدالله..
شما: اها..اقول بسير اشوف حمدوه خلصت ولا لاء...
تدخل حصه على البنات قبل ان تخرج شما...وهي تبدو في قمة جمالها وروعتها....
حصه: خلصتن...؟؟؟
شما: هيه انا وميثاني خلصنا ...بس باقي نوره الحين بتخلص.....حمدوه خلصت....؟؟
حصه: هيه تقريباً بس باقي لها اللمسات الاخيره...
شما: حصوه...وين خواتج روضه ولطوف بيتعدلن...؟؟؟
حصه: ما ادري والله...ما قالن لي بس يوم قلت لهن تعالن ويانا ما طاعن...
شما: ادري هاي رويض الخقاقه تبي تكون مميزه ولا حد يشبهها...
حصه: حرام عليج والله...
شما: ههههههههههه امزح امزح.....
حصه: المهم انتن زاهبات ولاء...لاني بدق لهزاع الحين يينا...
شما: دقي له نوره هذي خلصت....
نوره: هاه شو رايكن....؟؟
شما باندهاش: ليش فاله شعرج والله امايه بتعصب...
نوره: عرس اختيه..اذا ما كشخت واستانست بعرسها ...عيل متى بكشخ...
حصه: والله عمتيه بتواجع.... نواري يا ويلج والله منها...
نوره: سيرن هناك انتن وامايه كيفي...الا ما قلتن لي شو رايكن...؟؟
ميثا: روعه والله...والمكياج خفيف بس يجنن...
نوره: ثانكس فديتج.....
شما: حلو بس مب احلى عني....انا متأكده اني بسرق الاضواء الليله...وبكون نجمة الحفل....
حصه: وايد مصدقه عمرج...ليكون بس تتحرين عمرج العروس....
شما بغرور : شو العروس انتي بعد..؟؟ وين العروس وحليلها تتمنى توصل لجمالي...
ميثا: شمووه شو هالخقه....؟؟؟
نوره: هههههههه والله يحق لها تخق ...نجمة السهره....
يضحك الجميع....ويذهبون الى حمده وقد انتهت من زينتها.....
الساعه تشير الى التاسعه....اتصلوا بهزاع ...الذي اتى من فوره...بينما قد سبقتهم ميثا الى قاعة الانتركنتونانتال..وعندما وصلوا....دخلت حمده على اروع موسيقى ...كانت جميع الانظار متجهه نحو حمده التي بهرت الجميع بجمالها واناقتها....وليس هذا فحسب ولكن للكوشه التي سرقت جميع الانظار...والتي اكاد اجزم بانها مسرح ....للعرض....فستان حمده كان من ارقى ما رأت جميع المدعوات....وتسريحتها وطريقة المكياج متفرده...وكل شي له ميزته الخاصه...والى ان وصلت حمده على المكان المحدد لجلوسها...بدأت المصوره بالتصوير...بالفيديو وكاميرات التصوير الاخرى...لمصورات محترفات في هذا المجال...
كان عرس حمده فريداً من نوعه..ولم يكن هناك أي مجال لنقد أي شئ فيها.....الطاولات والترتيبات...شكل القاعه....والجميع لا تخفى عليه فخامة الانتر.....ومهما قلنا فلن نستطيع ان نصف ولو جزءً بسيطا من ذالك العرس الاسطوري.......
ولنترك الحديث عن حمده وزينتها....لنرى ملكات الجمال الاخريات...اللواتي سرقن انظار جميع الحضور....حيث كانت جميع تحركاتهن محسوبه وكل الشفاه تنطق بطريقة لبسهن وتصرفاتهن...ثلاث فتيات في ريعان الشباب اثنتان مع بعضهما والاخرى تتجول بخيلاء وحدها...غرورها يصل هامات السحب.....جمالها كان مميزاً هذه كانت روضه اخت حصه......
والاخريات هن شما وميثا....وبالاخص شما التي كانت قمة في الجمال والروعه ...وميثا التي كانت تفوق الجميع وصفاً وقد استغرب الجميع من تكون هذه..الغريبه التي اخذت حريتها في التجول وكانها فرد من افراد العائله......
وبدا الرقص ....واكثر شي لفت النظر في نوره وخلى امها تعصب عليها يوم فلت شعرها...اللي كان ماشاء الله ولا اروع...ونعشت عدال اختها حمده...لين ما قالت بس...صح صغيره بس جمالها شفع لها....وشعرها اللي كان مغطي جسمها كله....اما ميثا يوم رقصت ما بقى حد ما قام ولا صفق ...ومب بس هذا يوم رقصت ويا شما ...الكل قاموا من الفرحه...ودخلت وياهن حصه ونوره...وعقبها روضه ولطيفه وكانت رقصه ولا اروع....وفلت ميثا شعرها ..مع انها تدري ان امها بتجتلها عقب العرس...ونعشت بروحها نعشت والكل مبهور...لين ما سحبتها شما وقالت لها يكفي من خوفها من عيون الناس عليها...وعقب ما خلصن رقص نزلت شما مع ميثا..تحت يسلمن على الحريم...ويوم وصلن عند وحده من الطاولات وسلمن على الحريم....شافت ميثا حرمه....وحست برجفه في جسمها...وقربت منها شما وسلمت عليها....ويوم قربت منها ميثا حضنتها بقو...وكانت ميثا ساكته ولا نطقت بحرف....
ام خليفه: حيا الله ميثا ...
ميثا: هلا عمتيه شحالج....
ام خليفه : بخير وسهاله شحالج غناتي ...
ميثا: بخير يعلج الخير...
ام خليفه: ما شاء الله يا ميثا شو اقول ولا اقول...والله انج من زينة بنات العرب ..ربي يحفضج ويرعاج...كبرتي واحلويتي ..من متى ما شفناج...
ميثا: الله يسلمج عمووه..ما تقصرين....شخبار عمي والعيال....
وتم الحديث مستمر بين ميثا والحرمه الغريبه...اللي قاعده بروحها بعيد..وشما واقفه ما تدري من هذي ولا تعرف شو صلتها بميثا....
شما: اقول ميثا ما خبرتيني منو هاي....
ميثا ونظرة قلق في عينيها: سوري فديتج والله نسيت...هاي حرمةعمي سلطان اللي في العين....خبرتج عنهم...
شما: هيه اللي خبرتيني عنهم قبل فتره...ام خليفه على ما اعتقد...
ام خليفه: ميثا من هاي ما شاء الله عليها...
ميثا: هاي اخت العروس....البنت الثانيه اسمها شما...
شما: مرحبا بج خالوه نورتي وحياج...ما شاء الله يايين من العين والله من طيب اصلج....
ام خليفه: اكيد لازم نيي والله ولو اني تعبانه بس والله ولدي خليفه ما طاع ولزم علي الا ايي...وقال كله ولا نرد خالد ...تري هو ربيع خالد اخو العروس الروح بالروح.....من يوم كانوا في جامعة العين رباعه...وهو اقرب ربيع لولدي خليفه...
شما وقد تصلبت من الدهشه: انتي ام خليفه ربيع خالد....
ام خليفه وهي مبتسمه: هيه خليفه اللي مرتز عندكم ببوظبي 24 ساعه..
ميثا:...........................
صعقت شما ولم تعد تستطيع الكلام....وتغير لون الدنيا في عينيها...هذه المرأة التي تتحدث معها وتجلس امامها هي ام خليفه صديق خالد...هي ام خليفه حبيب قلبها...هي ام خليفه الذي اكتشفت في وقت متأخر بانه عريس صديقة عمرها ميثا المنتظر....لم تستطع شما الكلام واكتفت بالاعتذار متعذره بانها سوف تذهب لتجلس مع اختها....وتركت ميثا مع تلك المرأه بينما بقيت ميثا متجمده مكانها...فقد انقلبت بها الارض رأساً على عقب...وحدثت نفسها وهي في عالم اخر....
" ليش يا ربي ليش....&#33;&#33;&#33;&#33; الحين انا بعد كل هذا اللي يصير في حياتي من هم ...
وغم ومصايب الدنيا..اكتشف اخر شي ان ولد عمي اللي رابطيني فيه من طفولتي....
واللي انا لين الحين ما عرست بسبته ...واللي انا عايشه بهم وغم من سبب ارتباطي فيه..
وكل احلامي اللي ما اقدر اعيشها....يطلع هو خليفه ربيع حبيب عمري وروحي...
يطلع ربيع الانسان اللي اختاره قلبي...لاء هذا اللي ما اقدر اصدقه....
الحين خليفه ما غيره ولد عمي سلطان...يطلع هو حبيب ربيعتي وتوأم روحي.. ورفيقة عمري ودرب طفولتي وكل سنوات عمري...
يطلع حبيب شماني اللي كل يوم تيي تفضفض لي عنه...
وعن حبها العذري له...لاااااااااااااااء يا ربي ما اقدر اصدق ليش انا بالذات...ليش..."
تستأذن ميثا من ام خليفه لتذهب الى امها وتجلس بجانبها....لم يعد قلبها ولا أي قوه في العالم قادره ان تجلعها تنظر في عينيّ شما...مصيبتها هذه الليله مصيبتين...الاولى في حبيبها خالد والثانيه في توأمها شما....
اما بالنسبه لشما التي حاولت قدر الامكان ان تبدو طبيعيه....فقد كتمت في قلبها صدمتها..ودارت جراحها من اجل خاطر اختها حمده..وتمنت ان تنتهي هذه الليله التي لم تبدأ بعد من فورها ويذهب كل في حال سبيله...ولكن هيهات فالعرس لم يبدأ بعد...فأنى له ان ينتهي...
اقتربت روضه من شما....
روضه: شموه شوو بلاج شكلج متضايجه...
شما: ما شي بس شوي احس بصداع..
روضه:لا والله شكلج مب طبيعي ابداً...قولي لي شو فيج...؟؟
شما: رويض بليز لا تزيديني ما فيني شي...بس متضايجه عسب حمده بتسير من عندنا..
روضه: هههههه صدج ما عندج سالفه..وانا تحريت شي وبعدين عادي غناتي حسي فيني شوي يوم خذيتوا حصوه مني...
شما بعصبيه: تريج متفيجه وانا والله ما لي بارض اسوي أي شي دخيل والديج خليني بحالي....
مرت الساعات طويله على شما...وميثا لم تتحرك من مكانها ابدا وبقيت بجانب امها التي استغربت من تصرفها...الى ان استأذن حمد بالدخول على حمده ...ليسلم عليها...وانصرف جميع الموجودين..ولم يبقى سوى عائلة حمد وحمده وام خليفه وعائلة ميثا...
ودخل حمد على حمده ورفع عنها الطرحه ...وسلم عليها وحبها علىراسها....وقربت نوره منهم هي ولطيفه وفلن شعرهن وتمن ينعشن....ولبست روضه وشما عباءاتهن وايضاً ميثا التي بقيت تراقب من بعد....ودخل خالد وحميد ومنصور وهزاع وابو هزاع وابو منصور...وسلموا على حمده وحمد وباركوا لهم...ولم تستطع حمده ان تتمالك نفسها وانهارت باكيه بعد ان دخل عليها اخوانها...وخصوصاً ابوها... وصار الرزيف اللي ماشي منه ولا جد صار ولا استوى على الكوشه من الفرحه...حميد وخالد وهزاع ومنصور ...
وكان احسن واحد فيهم اللي بهر الجميع هو حميد...اللي ما نزل عينه من شما...وهو مقطع عمره وده يشوف شو اللي تحت الغشوه....وكل مشغول بليلاه...وخالد عيونه على شما ويدور ميثا ...ولكن ميثا ما قدرت تصبر وخذت عمرها وروحت...مع امها من دون لا تسلم على حمده...وحطت هديتها عند ام هزاع...والحرمه اللي كانت موجوده ام خليفه روحت ...وكل واحد شل عمره وروح والمعاريس روحوا برج العرب لان منصور اخو حمد كان حاجز لهم ذيك الليله فيه...وانتهت الليله بالنسبه للكل....
بس شما..اول ما وصلت البيت..على طول وصلت حجرتها وتمت منهاره تصيح ومب عارفه ليش وكيف اللي صار...وما قدرت تتلكم ولا تقول لاي حد أي شي...ولا في هالدنيا من يخطر على بالها تفضفض له الا ربيعتها ميثا...ولكن الحين وين اللي بيسمعها يوم انها بتشكتي من ظلم الايام ..وين اللي بيسمعها وهي تبي تشتكي من ميثا وخليفه وخالد والصدف وقدرها وكل شي....
" حليلج يا شما والله ما تستاهلين"..</font>

[عين الدماني]

<font color='#728FCE'>يالله شو تبون بعد أكثر عن جي اليوم حطيتلكم خمس حلقات مب وحده بس... عسب ما تقولون اني أذلكم و أبخل عليكم...</font>

[شمه]

<font color='#F660AB'>تدريــــــن ..كنت متضايجـه وايد اليوم بس يوم شفت انج كملتي القصه استانســــــــــت ..


بس فديتها شماني ... والله حراااااام..

يا الله هالمره بتريا التكملـــه..

<img src="http://oasis.bindubai.com/emoticons/inlove.gif" border="0" valign="absmiddle" alt=':lov:'>
شمــــــــــــه</font>

[عين الدماني]

<font color='#728FCE'>الحلقه السادسه عشر



مرت الايام بعد زفاف حمده...كل شي تغير وزاد عمق العلاقه بين خالد وميثا للحد الذي جعله يصارحها بالزوج... صارح خالد..ميثا بانه يود ان تكون هي شريكة حياته وتكمل معه باقي العمر....وانتظر منها رداً ولكنها لم تجبه.....ومرت الايام وخالد ينتظر منها الجواب...وصمت ميثا في ازدياد مستمر...الى ان جاء هذا اليوم...
خالد( ما في داعي لكل هالقطيعه وانا تحريت حبج صادق من الاعماق...لو ادري ان طاري الزواج...بيغيرج جي ما فتحته...)
ميثا( لا والله يا خالد ..لا تفكر بهالطريقه..انا ما قصدت شي )
خالد(على العموم انا مب من طبعي العب على بنات خلق الله وانا اللي ما ارضاه على شما ونوره ما ارضاه عليج..وسمحيلي انا كنت افكر فيج كام لعيالي..)
ميثا( وانا والله يحصلي الشرف..بس ما ادري احس عمري مب مصدقه اللي يصير..)
خالد( ليش مب مصدقه تتحريني العب عليج...انا بخليج تفكرين مثل ما تبين ويوم تقررين انا موجود وبرمس هلي بعد)
ميثا( والله يا خالد ..انا لو امري بإيدي ما عندي أي مانع..بس ما ادري ..اتوقع اهلي ما بيوافقون..)
خالد( من ناحية اهلج لا تحاتين...خليهم علي...وبعدين يا بنت الناس نحن ما فينا شي ينعاب عسب يردونا هلج..)
ميثا( انا ما قلت شي...بس خلاص انتهى الموضوع..وتعال يا خالد انت ويا هلك في أي وقت....)
خالد( تريج اللي عطيتيني التصريح...عيل والله كل شي بيصير جريب..)..
ميثا( عيل انا اترياك...وتأكد اني دوم وياك والله يا خالد)..
خالد( على خير بأذن الله)..
وانتهى الحديث بين خالد وميثا على اساس ان ميثا قد صرحت لخالد وفتحت له باب الدخول الى اهلها...وبهذا تعد الخطوه القادمه على خالد ان يخطوها نحو تحقيق ما يصبو اليه....
الظروف تغيرت..وكل سبل الاتصال بين شما وميثا شبه منقطعه... وكل واحده منهن لم تكن لتعرف الاسباب..علاقتهن اصابها الفتور..شما لم تجرؤ على اخبار خالد عن أي شي وظلت متكتمه على كل شي...الدنيا اصبحت غير....شما احست بصدق انها اذا قدخسرت خليفه لن تحطم قلب اخوها...وعليها ان تجعل امها تجرب وتخطب ميثا مع انها تعلم بان كل ما تفعله ليس هو الصواب ..فهي تخفي عن خالد حقيقة ميثا وخليفه..فقررت مفاتحة امها بالموضوع حتى لو على حساب احساسها....ولكن خالد كان اسرع منها....وفي يوم من الايام في غرفة ام هزاع...
خالد: امايه بغيت ارمسج بشي...
ام هزاع: لبيه يا خالد...
خالد: امايه انا ابي اعرس....
ام هزاع: انت من صدج ترمس...واخيرا اقتنعت يا ولدي....
خالد: خلاص يمه انا عقلت وقررت اخطب وانهي حياة الصياعه والعزوبيه...
ام هزاع: يعلني فداك يا خالد كم تمنيت اسمع هالكلمه منك....
خالد: خلاص ارتحتي..؟؟
ام هزاع: الله يريحك يا ولدي...والله بيستانسون عليك بيت عمك سالم من متى وهم يتريون هاللحظه....خصوصاً عمتك ام منصور..
خالد باستغراب: ليش عمتيه شو دخلها بالموضوع بشري ابويه احسن...
ام هزاع: كيف شدخلها...مب هي ام العروس...
خالد: حوو امايه شو تقولين انا قلت لج بعرس بس انا باخذ اللي ابي انا ما ابي رويض...شو تقولين انتي...؟؟
ام هزاع بعصبيه: عيل من اللي تبي...؟؟ وحده من بنات الشوارع...ولا شو..؟؟؟
خالد: من قالج يمه اني ابي وحده من بنات الشوارع....
ام هزاع: خلاص خبرني من اللي تبي؟؟
خالد: هب قايل لين ما توافقين....
ام هزاع: والله مب موافقه على أي بنت...الا روضه بنت عمك...
خالد: يمه انا اللي بتزوج مب انتوا ...انا اللي بعيش وياها...شو فيكم...انا ما ابي روضه..
ام هزاع: ليش شو فيها روضه شاللي ناقصنها...والله الف من يتمناها...
خالد: خلاص انا لا تحسبيني من هالاف...انا ما ابي روضه وهي ما ناقصنها شي علم وجمال واخلاق بس كيفي قلبي مب متقبلنها...
ام هزاع: عيل قم والله ما خطبت لك غيرها...واذا تبي تعرس بوحده ثانيه يحرم علي ايي عرسك ولا تدخل حرمتك البيت...
خالد: يعني جي رايج...
ام هزاع: وبعد والله ما يرضى عليك خاطريه العمر كله لين ما موت...
خالد: الله ياخذني يوم قلت بعرس لو تميت ساكت احسن لي ...عيل انا مخلي لكم البيت بكبره واشبعوا بروضه ....واحلموا تشوفون رقعة ويهي...
وخرج خالد غاضباً...لم يعرف يمينه من شماله....وتغير كل شي بالدنيا وقبل ان يخرج من البيت ...ذهب الى غرفة شما...وسرد لها كل التفاصيل....واخبرها بانه قرر السفر الى لندن..وانه لن يعود قبل سنه....شما كانت صامته طوال الوقت....وعندما انتهى خالد من حديثه نظر الى شما التي استغرب من حالها...فرأى دموعها غزيره على خديها...وفي عينيها الف شيء و شيء ...حاول خالد ان يستكشف ما بها لكنها اكتفت بالصمت والبكاء....
احتضنها بقوه مع انه كان مستغرباً من ردة فعلها العجيبه وتوقع ان تكون اول من يتفاعل معه....فظن بنيه بريئه ان شما لم تجد ما تواسي به اخاها غير الدموع...
خالد: شما فديتج لا تصيحين ...والله العظيم ان توني طالع من حجرة امايه مالي أي بار ض ارمس أي حد..وما ييت الا عندج...
شما:...................
خالد: شو فيج والله ما احسج تصيحين عشاني شما شو تخبين رمسي مب انتي الضعيفه اللي تكتم...
شما بحالة انهيار: ما شي والله ماشي بس متضايجه عشان حمده...
خالد: انا من يوم عرس حمده وانا اشوفج مب طبيعيه...شماني قولي اذا في أي شي صار...
شما باكيه: والله ماشي بس جي احس بضيجه ما ادري ليش....
خالد: قومي لبسي عباتج..يالله بطلعج وياي....
شما: ما اريد والله مالي بارض اظهر من حجرتيه....
خالد: قومي يالله بحياتي ما جد عزمت عليكن تظهرن وياي...شماني يالله قومي فرصه لا تعوض...
شما: ما ابي والله ما لي خاطر اشوف أي حد...
خالد: والله يا شما ما ودي اقول هالكلمه بس قومي وبحياتي ما توقعت اني بقولها...شما يالله تلبسي بوديج بيت ميثا.....
قال خالد هذه الكلمه وعرض على شما هذا الشي لاول مره.. ظناً منه انه لا يستطيع أي احد في هذا الكون ان يخرج شما من كآبتها غير صديقتها ميثا....ولكنه من يكن ليعرف ان
ميثا كانت من اهم اسباب الحاله التي تعيشها شما...
خالد: بلاج ساكته ردي علي....
شما: ما اريد ما اريد....
احس خالد من نبرة صوتها بأن شيئاً قد حدث بينهما...وقرر ان يعرف ما هو لكن من ميثا.....
خالد: ورفجه تقومين وياي حلفت عليج...يالله يا شما بوديج مكان روعه...
وبعد الحاح شديد من خالد...نهضت شما ولبست عباءتها وخرجت معه...وفي السياره.....
شما: وين بتوديني ..؟؟
خالد: بخطفج...؟؟؟
شما: ارمس جد وين بتوديني....؟؟
خالد: مفاجأه....
كان خالد رغم الضيقه التي المت به يحاول ان يخرج شما من حزنها المجهول....بل انه ليحاول جاهداً ان يكتشف خباياها فهو على الاطلاق لم يتعود ان تكون شما بهذا الضعف...وبينما كانت شما ملقيه برأسها على المقعد الامامي...تغطي وجهها...هائمه في عالم اخر قام خالد بتشغيل إحدى الاغاني.....وكانت لراشد الماجد...
" عزت علي نفسي من قسوة زماني ...وانا اللي من قسو الايام ليّن..هو حظي اللي في زماني رماني..او هو الزمان اللي لحظي مشيّن"
كان خالد متجهاً الى حيث لا تعلم شما...وعندما التفت ليكلمها وجدها تبكي بصمت....صدم من حالها...واصابته الدهشه...اذ من المستحيل ان كل ما تعانيه شما سببه رحيل حمده شقيقتها...وتأكد ان شما تكتم شيئاً كبيراً في نفسها....
اوقف السياره في احد الجوانب....
خالد: شماني فديت عمرج والله شو فيج غناتي...اقطع عمري واموت 100 مره ولا اشوفج جي...والله تعذبيني...
شما:...........
خالد: شما حالج مب عايبني...فضفضي لي يعلني فداج....
شما: خالد والله ودي اموت اليوم..انت ما تعرف شو فيني...ارجوك لا تحاول تسحب الرمسه مني...
وانهارت باكيه...
خالد: بسم الله عليج...شو هالرمسه...تتحريني مصدق ان كل هاه عشان حمدووه...والله يا شما انا مب ياهل واعرفج عدل...شو اللي مخبيتنه بنفسج..
شما: ما اعرف ما اعرف...
خالد: شو ما تعرفين...شو كل هالدموع..وهالحال اللي انتي فيها...والله لو انج مداومه بالجامعه جان عدتي الكورس الف مره وانتي مب حاسه...شماني رمسي...
شما: شو اقول لك ولا اقول ...ما اقدر ارجوك ارحمني وخلني جي احسن...كلما سالتني اتذكر....واضايج اكثر..
كالطفله غطت وجهها بيديها...مداريه منظر دموعها وهي تنساب بحراره على خديها...بينما ينظر اليها خالد عاجزاً...يتمنى ان يعلم ما في نفسها...
خالد: لا تصيحين يا شما ...والله العظيم وربي شاهد...دمعه من دموعج تسوى عندي الف راس...
شما: خلاص والله ما اريد اصيح بس انت لا تسألني وايد...
خالد: هاه اندوج تلفوني ...ودقي على ميثا...قولي لها تيي هني...يمكن تستانسين....
شما: لا ما في داعي فضيحه ادق لها الحين ..يمكن ما تروم ..واحرجها بس...
خالد يحدث نفسه" عيل والله شماني ما بتقول جي مني والدرب ..والله انهن متزاعلات ...عسب جي شماني متضايجه ولازم ارمس ميثا ..."
شما: الا ما قلت لي وين بنروح..
خالد: الحين نحن وصلنا ما تشوفين..
شما: وين..؟؟؟
خالد: زين غطي ويهج وانزلي...شوفي نحن وين...
رفعت شما رأسها...والتفتت....فرأت البحر بجماله صافياً يبهر الالباب..ويسرق النظر...فتحت الباب...فهب نسيمه عليلاً...وابتسمت....
شما: الله يا خالد بحياتي كلها ما توقعت ايي البحر وبالذات معاك انت...
خالد: اسكتي انا روحي متوهق...ما احب طلعات البنات بس ادري بهن خواتي يتخبلن على البحر وطاريه...
شما : عادي اسير هناك صوبه....؟؟
خالد: عيل ليش ياييبنج هني....
شما: بس يمكن حد يي هني...
خالد: لا تخافي انا مسوي كل الاحتياطات يايبنج مكان مهجور....مأمن عمري..
تبتسم شما...وتقترب من الماء ...وتجلس مع خالد...
خالد: شما انا بسافر...
شما مصدومه: وين بتسير.....؟؟
خالد: والله متضايج من البيت ...كنت عارف يوم افتح لامايه الموضوع بتسوي هالحشره بس ما توقعت تقول لي انها ما بترضى عليه العمر كله...
شما: زين انت بس رمستها مره وحده..لو انك ما عاندت وخبرتها منهي البنيه ..يمكن تقبلت الموضوع...
خالد: انا روحي ابيها من الله عسب اسافر..احس بضيجه بالبلاد..ابي اغير جو....
تتنهد شما: وبعدين يوم بتسافر انا بتم لروحي هني...
خالد: شو رايج اخذج انتي ونوره وياي...
شما: ما بيطيعون لو شو ما صار...
خالد: برمس هزاع...يي هو وحرمته وانا وانتن...
شما: خالد شو رايك تجرب مره ثانيه ورمس ابويه يمكن يروم يقنع امايه...
خالد: اففففف بشوف والله بس بسافر بسافر...
شما: اللي يريحك....
استمر الحديث بين شما وخالد الى ان اقترب اذان المغرب...ورجعا الى البيت ...وفي طريق العوده...رساله بهاتف خالد....
ميثا(لا اتصال...ولا ارسال..ولا سؤال..ولا كيف الحال..اقول ..اكيد نحن مب ع البال...)..
خالد( يا غايب عن مدى النظر...وانت بخافقي موجود..غلاك كثر البحر..لو اللقاء محدود..)
وصلوا الى البيت ودخلت شما عائده الى غرفتها بينما ذهب خالد الى بعض الشباب ليغير الجو معهم........
.................................................. ...
وبعد اسبوعان وخالد على هذه الحال يتكلم معهم قليلاً وبعدها يخرج حتى لا يحتك مع والدته كثيراً....عرضت شما في احد الايام على خالد ان يفاتح والده بالموضوع..فإقتنع خالد وعزم على الامر...وفي فناء المنزل...
ابو هزاع: ماشاء الله اشوفك يالس بالبيت اليوم..
خالد: ماشي شغله..
ابو هزاع: الا اقول انت ما بتاخذ لك اجازه هالسنه...
خالد: ان شاء الله يا بويه..بس بغيت ارمسك بشي...
ابو هزاع: خير يا خالد شعندك....
خالد: والله يا بويه ما ادري من وين ابدا لك ...اخاف تسوي بي اللي سوته امايه...
ابو هزاع: افا عليك رمسة الريال ما تتقارن برمسة الحريم ....
خالد: لا يا بويه ما قصدت شي ...بس بغيت اقولك...عن سالفة....
وقبل ان يكمل خالد كلامه قاطعه ابو هزاع.....
ابو هزاع: تبي تعرس.....
خالد: اها يعني خبرتك امايه عن السالفه....
ابو هزاع: والله ما ادري شو اقولك يا خالد...ما ابي اتدخل بحياتك الخاصه...بس عمك سالم شو تبيني اقوله....والله مب حلوه بحقي ولا ادري وين اودي ويهي منه...
خالد: لا يا بويه...افا عليك اذا ما تدخلت انت من اللي بيتدخل...بس بغيت اوضح لك وانت سيد العارفين...يا بويه والله انا ما ابي روضه ولين متى بنتم متمسكين بهالسوالف....انا لبنت عمي وبنت عمي لي...وبنت عمي رويض والله مب هذيك اللي محد يبيها...بالعكس والله ما شاء الله وانت تعرف...كم واحد تقدم لها..بس ابوها يرفض...
وانت ادرى الناس بهالموضوع...
ابو هزاع: انت تفكر صح...بس ليش ما سألت نفسك ليش عمك سالم يرفض كل اللي يتقدمون لها....
خالد: والله اذا كان يتريانا عسب نخطب رويض اسمحلي مع احترامي لك اقولك ان ما عنده سالفه شدراه اني بعيش لين ما اخطبها او اني ابيها..ليش عمي ما فكر او حط احتمالات بإني ولد ومب مغصوب على روضه...
ابو هزاع بعد ان اقتنع بكلام خالد قليلاً يتنهد بعمق : زين يا خالد اللي تشوفه والله ما بقول لك شي..كلامك ما عليه زود...
خالد: والله يا بويه محد فاهمني غيرك..يعلني فداك والله...
ابو هزاع: بس ما قلت لي تبي منو...؟؟؟
خالد: امم والله ما دري شو اقولك اخاف اصدمك...
ابوهزاع:عيل يوم انه بيصدمني ما ريد اعرفه...الحين مودر بنت عمك هذا غير اللي بيستوي بيني انا وعمك..واخر شي تقول لي شي بيصدمني...
خالد: مب سالفة صدمه ابويه...هو شي بتستغرب منه...اقول ابويه بدخل بالموضوع على طول...
ابوهزاع: عيل قول وفكني من الصدعه....
خالد:بصراحه وباختصار انا ابي ميثا بنت حميد اللي في المناصير ساكنين حذا بيت عمي سالم...
ابو هزاع : مب هاي ربيعة اختك شما...؟؟
خالد: هذي هي وما عليك قصور...
ابوهزاع: اها...زين زين...والله ناس والنعم....
خالد: ابويه يعني وافقت....
ابوهزاع: اصبر انا ما قلت شي بس ليش امك ما تبيها...
خالد: ابويه انا امايه ما تدري ان انا ابي ميثا.....
ابوهزاع: عيل انا برمسها وبفهمها كل شي وبنتشاور عقب بنرد لك خبر...
خالد ينهض ويقبل رأس والده: لا خليت منك يا بويه ياللي ما تكسر بخاطر حد...
ابو هزاع: خلاص عيل انا بدخل البيت وان شاء الله بالبيت برمس امك ..انت الحين سير وين ما تبي....انا داخل صوب البيت....
ينهض ابو هزاع متجهاً نحو البيت ...يتبعه خالد...حتى يصل الى الاعلى طرقات سريعه على غرفة شما....
شما: ادخل الباب مفتوح...
خالد: شماني عندي لج خبر بمليون درهم...شو مليون والله ولا كل كنوز الدنيا...
شما: هاه شعندك....قول شو مستوي بك ياي متخبل...
خالد: ابويه اقتنع اني اخذ ميثا...قولي لي مبروك...
شما بكل برود: والله..&#33;&#33;&#33;؟؟؟
خالد: بلاج جي ....ليكون مب عايبنج..؟؟
شما: افا والله يا خالد اذا مب عايبني انا قلي من اللي يلس يخطط ويسوي..ويفكر غيري...اذا لقيت حد بهالدنيا فرح نص فرحتي سوي اللي تبي...
خالد: وي وي وي بتخبل والله جني بنيه خاطبينها وتتريا حد يوافق عليها....
تبتسم شما: يا سلام وين هذا خالد اللي اعرفه...مب ذاك اللي مكشر قبل اسبوع...روعتني والله...
خالد: تحيدين يوم خاطرت بحياتي ووديتج البحر...
شما:هههههه خاطر ت بحياتك مره وحده..؟؟؟.... بعدني مب مصدقه للحين...
خالد: ولا انا والله ...بس انا قلت بسوي المستحيل ولا اشوف شماني متضايجه...
تنزل شما رأسها وكأن خالد قد قلب مواجعاً كثيره في نفسها.....ولكنها آثرت الصمت على البوح....
خالد: حووو ردينا للسرحان...ودي تقولين لي أي شي ودي افهم ليش كل هالضيجه....؟؟
شما: لا تسألني انا ما اعرف شي....
خالد: شو رايج نسير بيت عمي سالم باجر ونسلم عليهم ومنها تشوفين حمدووه ...
شما: والله...؟؟؟&#33;&#33;&#33;&#33;&#33;&#33;& #33;&#33;
خالد:هيه باجر الساعه 5 العصر...انتي ونواري...
شما: انت وين ونواري وين....
خالد: ليش شو فيها...
شما: وحليلك ولا تدري بشي...هزاع يبي يسافر مع حصه...وقالوا لي انا ونوره نسير وياهم بس انا ماطعت وقلت بتم هني ويا اهلي...ونوره ما صدقت الهياته على طول...
خالد: وشو قال ابويه...؟؟
شما: اصلا ابويه اللي عرض عليهم الموضوع....
خالد: اها جي يعني...عيل اول ما يسافرون ...انا وانتي بنسير فرنسا...
شما: ههههههههه فرنسا مره وحده....
يرن هاتف خالد....
خليفه: السلام عليك...
خالد: يا حيا وسهلا...وعليكم السلام والرحمه...
خليفه: شحالك...
خالد: بخير الله يسلمك...علومك يالدب...
خليفه: ههههههه بخير وسهاله ...جان انا دب انت شو تطلع...؟؟؟
خالد: لا تضحكني انت الله يخليك...تتحدى جسمي ما شي احسن عنه تتمناه يا خليفه انت وكل شباب العين..
تتجمد شما عندما تسمع اسم خليفه.....وتحاول جاهده ان تلهي نفسها بأي شي حتى لا تلفت انتباه خالد...ويستمر الحديث بين خالد وخليفه...ينهض خالد ويخرج من غرفة شما...تاركاً اياها في دوامةٍ لا نهاية لها... من الافكار..
....................................
اليوم هو الاثنين....وفي المساء....استدعى ابو هزاع ابنه خالد الى غرفته....
خالد: هلا بويه خير ان شاء الله...
ابو هزاع: خير ان شاء الله ...بس بغيت ارمسك عن موضوع بنت حميد...
خالد بتوتر: هاه بويه شو تشوف...؟؟
ابو هزاع: والله انا شاورت امك بالموضوع وامك لزمه على روضه بنت عمك...
خالد: ابويه اقولك باختصار.....
ابو هزاع: شفيك مستعيل اسمع الرمسه للاخير.....امك اقتنعت بميثا...بس والله يا ولدي نحن متلومين في عمك سالم ..تراها والله مب زينه بحقنا...ولا بحق بنت عمك...
خالد: برايهم يا بويه اهم شي انا مرتاح...والاهم من كل هذا ان نحن متأكدين ان نحن ما سوينا شي غلط...
ابو هزاع: ما ادري شو اقولك والله..
خالد: الله يعافيك يا بويه..والله كفيت ووفيت ما قصرت وانا تحريت امايه هي اللي بتخرب علي...
ابو هزاع: هاه متى عزمت وتبينا نسير لهم...؟؟
خالد: والله باقرب فرصه ...شو رايك هالخميس....
ابو هزاع: على خير ان شاء الله...برمس امك تسير ويا شما عسب يرمسون امها بالموضوع...
خالد: لا لا يا بويه نحن الرياييل اللي بنسير...عقب الحريم...
ابو هزاع: على هواك ....
خالد: انا بسير عنك ابويه..تامرني بشي...؟؟
ابو هزاع: سلامة راسك...بس طيب خاطر امك تراها وايد متضايجه انك ما صرت تسال عنها...
خالد: انت تامر امر يا بو هزاع...
ينهض خالد ويقبل رأس والده..وينصرف للخارج....
مرت الايام سريعه ..اليوم هو الاربعاء....وغداً هو الخميس الموعد المنتظر... اتصل ابو هزاع بأخيه سالم ليطلب منه رقم ابو سعيد والد ميثا...واتصل به ودار بينهما حديث طويل اذ ان بينهما معرفه قديمه...واخبره بأنه سيقوم بزيارتهم غداً بعد صلاة المغرب....فرحب به والد ميثا على الفور وانتهى الحديث على ان تتم الزيارة غداً مساءً.....
لم يخبر خالد ميثا بأي شي من الذي حدث... وقرر ان يقدم لها اجمل مفاجأه ما كانت لتتوقعها ابداً....
وقبل ان ينام....يرسل لها رساله...
خالد( ألا يا ليتني حلمك...ازورك حزة رقادك...أبات الليل في عينك...تغطيني بأجفانك..)
ميثا( بعض الغلا يمر مثل الفجر عابر...لكن غلاك..مثل البحر...مال للبحر اخر...)
نام بعد الرساله خالد وهو ينتظر الغد على احر من الجمر......
...............................</font>

[عين الدماني]

<font color='#728FCE'>الحلقه السابعه عشر



اليوم هو الخميس...اليوم المرتقب الذي طالما..تمناه خالد..وانتظرته ميثا بصمت...مرت الساعات طويله...وبعد يوم طويل ...الساعه الان...5 عصراً....يدخل خالد حجرة شما وهي تتحدث مع نوره....
شما: شعليك ...لابسنا اليوم عاد خطبه وجي...اذا عرست شو بتسوي ..اكيد بتتبرى منا...
نوره: هيه سكتي تريها وراثه...حتى حمدوه اختج نستنا ...والتلفون ما صارت تدقه...
خالد:يا ساتر منكن ...عطني فرصه ارمس وادافع عن عمري...
نوره: دافع عن عمرك...الا اقول انا ما خبرتك تراني باجر بسافر لندن....
خالد: فرحانه يعني....؟؟
نوره: عيل شو ما تبيني اطلع من هالحكره...
خالد: شتبين من لندن..من زينها احسن لج تمي بالبلاد...
شما: قلت لها بس مب طايعه...الا اقول تعال ايلس يا خالد ليش واقف....
نوره: يا خالد دخيلك تعال اقنع لي شما مب راضيه تسير ويانا...
خالد: لا شما مب سايره هي قالت لي بتم وياي ..
نوره: اها يعني جي السالفه متفقين....
شما: لا متفقين ولا هم يحزنون....بس انا ما لي بارض افارج بوظبي هالسنه...
نوره: برايج والله بس انا بحس بالضيجه وانتي مب وياي...
خالد: بتتعودين...باجر شما بياخذها حميد وبتعرس وبتمين لروحج...لازم تدربين نفسج من الحين...
شما: ههههههههه ما بقى الا حميد...نفكر فيه...خلصوا الرياييل..
نوره: يا سلام شو حميد بعد...شو هاه بيت عمي سالم ياخذون منا كل بناتنا....والله حرام...
شما: هيه انتي منو قالج اني بوافق على حميد لو يموت ما خذاني...
خالد: بس بس سكتن...ما عندكن غير سوالف العرس...
نوره: افففففف يالله متى بيي باجر ابي اطلع...
شما: طلعي وفكينا منج..
طرقات على باب غرفة شما.............
شما: تعالي يا حصوه...محد هني الا انا وخالد ..
هزاع: مرحباااااااا...هذا انا مب حصوه.....
شما:تعال يا هزاع تحريتك حصه..
هزاع: لا مب حصه...حصه سارت تسلم على اهلها....
تعدل شما جلستها هي ونوره..
شما: يا سلام يا هزاع...شو هالمرور الغريب على حجرتيه...
هزاع: ما شاء الله تتجمعون وتتناقشون...وانا محد يطريني ولا يقول تعال يا هزاع...فديتني انا ولد البطه السودا..
نوره: ههههههههه انت اللي دوم مشغول مع ربعك وحصوه وبناتك المفاعيص...
هزاع: مفاعيص....؟؟؟ هذيل عماتج يالهرمه....
نوره: ههههههه والله عصب...
شما: تعال ايلس يا هزاع ولا تاخذ من كلام نوره ...ترى ما على الخبال عتب...
هزاع: زين ما عليج دواها عندي باجر...
نوره: خلاص الحجز مؤكد شو بتسوي يعني بتقولي لا تسافرين...
خالد: بس صدعتونا...غيروا السالفه...
هزاع: الحبيب متوتر اليوم...محد بيسير يخطب الا هو...
خالد: اسكت يا هزاع من الصبح بطني ما ادري شو بلاه...جن حد يعصرني عصر...من البارحه ما هنيت برقادي...كل خمس دقايق انش وارد ارقد...تقول انا البنت وجن حد ياي يخطبني...
هزاع: هههههه شعور طبيعي...
يضحكن البنات...
شما: الا اقول يا خالد امايه ما بتسير وياكم...
خالد: لا ...
هزاع: هييييه ما خبرتكم...
شما: شوووو
خالد: هاه شعندك...
نوره: اكيد شي عادي...
هزاع: شي عادي يالهرمه...انتي ما بوديج وياي مصدعتني من هني الله يعيني عليج شهرين....
شما: يالله يا هزاع قووول شو عندك...
هزاع: حمد وحمده بيسافرون ويانا...
نوره: هييييييييييه احلف بالله...
هزاع: والله العظيم...
خالد: باجر....؟؟؟
هزاع: لا مب باجر عقب بيلحقونا...يعني جي ع الاسبوع الياي...لانهم بيسيرون فرنسا اول شي عقب بيمرون علينا ...
شما: اها جي يعني والله وناسه...
نوره: شماني ما بتغيرين رايج...حمدووه ويانا...
شما: ما بسير....
هزاع: اقول بظهر عنكم الحين يأذن المغرب...
خالد: وانا بعد....اقول بنات بطني يعورني زياده كل ما قرب المغرب...
شما: ههههه خالد خل عنك الخبال...
نوره: يالله شماني قومي بنصلي....
يخرج خالد وهزاع للمسجد....وتقوم نوره وشما للصلاه...
......................................
الساعه الان السابعه مساءً في سيارة خالد...ابو هزاع وهزاع...متجهين الى بيت ميثا...وعندما وصلوا....
خالد: ابويه بطني ما ادري بلاه ...احس اني خايف...
ابوهزاع: افا والله ...جي هاي مب حركات رياييل...
هزاع: ابويه ها شعور عادي...
ابو هزاع: كيف عادي...اذا هو حس جي شو يسون البنات...
هزاع: يالله ابويه والله عيب واقفين جي من ساعه انزلوا.....
وفي بيت حميد والد ميثا...وبالتحديد في مجلس الرجال....يوجد ابو هزاع وخالد وهزاع...وحميد والد ميثا وابناءه...سعيد وسلطان وعبدالله وناصر اخوان ميثا...
ويدور بينهم حديث مطول...وبالاخص بين خالد و ناصر .....وهزاع وعبدالله.....حيث ان سعيد وسلطان من اعمار لا تتوافق مع عيال ابو هزاع....وجاءت اللحظه الحاسمه....
ابو هزاع: والله يا بو سعيد...نحن بينا عيش وملح...ومتعارفين من قبل...ونحن اليوم يايين نخطب بنتكم لولدنا خالد...
ابو سعيد: افا عليك يا بو هزاع نحن ما بينا هالرسميات....وبعدين نحن اهل واخوان قبل كل شي....
واثناء حديثهما تعلو الدهشه وجه عبدالله وناصر.....ويقطع دهشتهما...حديث والدهما...
ابو سعيد: والله ما ادري شو اقولك يا بو هزاع ونحن والله يحصل لنا الشرف نناسبكم...بس السموحه منكم نحن مقربين بولد عمها من يوم البنيه عمرها 15 سنه...
ابو هزاع: افا والله ...نحن ما عندنا علم والله...
ابو سعيد: السموحه منك يا بوهزاع...
ابو هزاع: لا والله يا بوسعيد ما حصل الا كل خير وما يا منكم قصور.....
تدور الدنيا برأس خالد...ويسوّد الكون في عينيه...وبينما هو يبحر بأفكاره بعالم ملئ بالسواد...يقطع حديثه عبدالله شقيق ميثا...ويزيد عمق صدمته بصدمه اكبر منها...
عبدالله: الا اقول يا خالد...انت ما تدري منو اللي خاطب ميثا ومن ولد عمها....؟؟
ناصر: هيه والله ...شكلك ما تدري..ولله...يا خالد الله يسلمك انت اليوم ياي تخطب على خطبة ربيعك خليفه...
هزاع: خليفه ولد سلطان اللي ساكن بالعين...؟؟؟
عبدالله: عليك نور ..ما غيره.....
ينقلب الكون رأساً على عقب ...يحس خالد بألم كبير في صدره...يصبح التنفس صعباً وكان الاكسجين قد انتهى من الكون....لا يرى أي احد امامه...وكأن المجلس قد خلى من الناس....يحاول جاهداً ان يبدو طبيعياً...لكن هيهات ونظرات الالم تعتصره...والقهر يمزق اوصاله....
ابو هزاع: نحن نستأذن يا بو سعيد...نشوفكم قريب ان شاء الله...
ابو سعيد: ايلس يا بو هزاع...العشا عندنا الليله..
ابو هزاع: سلمت يا بو سعيد بس والله مشاغل الدنيا وايده...ونشوفكم مره ثانيه....
خرج ابو هزاع وخالد وهزاع...بصمت حاول ابو هزاع ان لا يتكلم...فقد رأى الانكسار جلياً في عيني ابنه...والتزم هزاع الصمت ايضاً...مداراتاً لشعور اخيه المحطم...
وفي الطريق...قطع الصمت...صوت ابو هزاع الذي تكلم بصوت حنانه يفوق كل لغات الكون....
ابوهزاع: فدوةٍ لراسك يا خالد....مالها حظ فيك....والله لو تبي من تبي لخطبها لك بس لا تكدر خاطرك ترى الدنيا ما ترزا....وفي الف من تتمناك يا خالد...
هزاع: ما عليه يا خالد...العوض في وجه الكريم...
يلتزم خالد الصمت...ويبتسم ابتسامه باهته...يخفي فيها مصيبته....
خالد: عادي والله عادي...بس منو اللي طلع خاطبنها....خليفه ربيع عمري...خليفه...لا يا بويه انا ما اقدر اصدق...
ابو هزاع: خليفه ماله ذنب...شدراه انك يوم من الايام بتخطب بنت عمه....
هزاع: خلاص يا خالد يمكن خيرها في غيرها...وعسى ان تكرهوا شيئاً وهو خير لكم....
ابوهزاع: الله يعين بس....
وصلوا الى البيت...وخالد لم ينزل بل ذهب الى اللامكان...عله يلاقي من يجتث منه الالامه......يبحث عن جهة يفرغ فيها همومه...
........................
وفي بيت ميثا...يدخل عليها اخوها عبدالله...وهي مستلقيه على فراشها تتصفح احدى المجلات...
عبدالله: شو تسوين..؟؟
ميثا: اللي تشوفه يالسه اقرا المجله...
عبدالله: اهااا زين زين...
ميثا: ليش واقف تعال ايلس...
وتعدل ميثا جلستها...ويقترب منها عبدالله...
عبدالله: ميثا ...شخبار ربيعتج شما...
ميثا: بخير ..ليش تسأل...
عبدالله: تعرفين من كان عندنا قبل شوي بالميلس....؟؟
ميثا دون ان تنظر اليه وهي تتابع تقليب صفحات المجله: ليش من متى انا ادري من اللي يدخل ومن اللي يطلع ..وبعدين انا شلي باللي عندكم بالميلس...
عبدالله: تعرفين انا بقولج من كان عندنا...كان عندنا يا طويلة العمر..ناس يايين يخطبونج...
ميثا: هه ويعني ..اكيد قلتوا لاء كالعاده....
عبدالله: بس هالناس غير مستحيل تتوقعين منو..؟؟
ميثا وقد بدا الخوف والارتباك واضحاً في ملامحها: منو..؟؟
عبدالله يضحك: ههههههههه خالد اخو شما.....
تصعق ميثا وتنتفض في مكانها...
عبدالله مبتسماً: بلاج جي تغيرتي...والله يا ميثوه اول ما عرفت انه يبي يخطبج ضحكت من خاطري...مسكين والله تحريته يعرف..ما يدري انه ياي يخطب على خطبة ربيعه...
ميثا لم تتحرك تغير لونها...وقد لاحظ عبدالله ذلك..لكنه لم يفهم ما السبب واكتفى ببعض كلمات زادت الطعنات في قلبها...
عبدالله: عادي عادي ..لا تنحرجين من شما...وقولي لها ان انتي مخطوبه من قبل...وحليله خالد والله غمضني...
ينهض عبدالله خارجاً لا يعلم ما الذي تركه في نفس ميثا من جروح..ولا يدري عمق المراره التي بناها في كيانها....
.................
في شوارع ابوظبي يدور خالد كالمجنون..لا يدري الى اين او..ما ينوي فعله...كل الذي يعرفه...انه اليوم قد خسر اجمل احلامه...استولى على فكره شبح الكراهيه وقرر ان يحطمها ببرود كما خدعته...لم يسمح لعقله بالتفكير.. ومن فوره ارسل لها رساله مليئه بالغضب...دون ان يشعر..
خالد( عطيتك عمري وايامي...احسب ان معي توفين..سرتي لغيري جدامي...جرحي صار لي جرحين..)
استقبلت ميثا رسالة خالد في ذهول فضيع...وقد صدمت ولم تتحمل قسوته...وعرفت انه قد فهم كل شئ وعرف ان خليفه صديقه هو خطيبها او لنقل من اختارته العائله ليكون زوجاً لها..
ارسلت له رساله من فورها...
ميثا( لا تحاسبني على قل الوصال والامل مابيك مني تقطعه..)
خالد( ما دامك بغيري معجب...ليش عليه تلعب..خلك مع من تحب..وخلني بدنيتي اتعب..)
ميثا( ارجوك لا تطرش لي هالمسجات والله مالي ذنب يا خالد)
خالد( اقول يالشيخه لو سمحتي..امسحي رقمي من تلفونج..ولا تدقين عليه..مب من شيم العرب يخونون ربعهم..)
ميثا( والله اني ما ابيه والله)
خالد( ما اريد اسمع شي لو سمحتي مسحي رقمي لا تخليني اغيره عشان ما تأذيني)
ميثا( ارجوك لا تجرح احساسي...)
لم يرد خالد واتجه نحو البحر عله يأخذ منه بعض همومه..وقف امامه..واغلق هاتفه ليرتاح من نغمة الرسائل التي امطرته بها ميثا..دون ان يكترث او ان يفتح احدها...وقف امام البحر يتقاذف امواجه...تنهد بعمق..وتمنى انه لم يعرفها او انه مات قبل ان يراها...امتلأت عيناه بالدموع..وخانه الموقف..ولم يتوقع ان ينهار...تدارك نفسه..وحاول جاهداً ان لا يكسره الحزن...وقرر السفر ..عله ينسى او يجد ما يلهيه...
وفي طريقه...حجز له ولشما على اقرب رحله الى باريس...وعاد الى البيت..عاد خالد..او لنقل بقايا خالد..واتجه نحو غرفته...القى بنفسه على فراشه..وتنهد بعمق ..دفن وجهه في مخدته...وحاول جاهداً ان يمنع دمعةً خانته وانسابت على خده..وبسرعه مسحها...معاتباً نفسه بألم وقاسياً عليها...و كأن رجولته تمنعه من الحزن...
احدهم عند الباب..طرقات على الباب...
شما: افتح يا خالد انا شما...
خالد: ما اريد..انا تعبان برقد...
شما: ارجوك بس كلمتين وبظهر...
خالد: قلت لج ما ريد....
شما: والله ما باخذ من وقتك بس خمس دقايق...
خالد: شما سمعي الكلام وخليني ارقد يكفيني اللي فيني...
وتنصرف شما...نحو غرفتها ولكن هيهات...لقد تركها النوم..وغزا جفنيها السهر....لاتستطيع النوم..تتقلب في فراشها...
" كنت عارفه ان كل هاه بيصير...والله ان نص ذنوب خالد علي...لواني قلت له شو كنت بخسر..؟؟؟.بس من انانيتي فكرت كيف اشوه صورة ميثا بعينه..مثل ما اكتشفت متأخره ان خليفه هو ولد عمها..سبحان الله كيف العشره بين الناس تهون بين ليله وليله...فديتك والله يا خالد..ما تستاهل اللي صار فيك..."
مر الليل بطيئاً لم يستطع خالد النوم...وظل طوال الليل يفكر ويستعيد اللحظات...." ليش يا ربي ..انا شو سويت في الدنيا من ذنب عسب تحرق قلبي..والله مب هامتني هالبنت كثر ما هامني ربيعي...اللي ما لي ويه اقابله بعد اليوم..."
ليس خالد وشما فقط من جافاهم النوم...ميثا ايضاً قضت ليلتها بالدموع...ولم تستطع كتمان جرحها...ومصابها في فقدان خالد..الحب الاول في حياتها وحبها العذري...خالد الذي رسمت معه اجمل ايام العمر...وغازلت بحبه النجوم..وتغنت مع القمر وعجزت في وصف حبها له الوصوف والاشعار...."يا رب اموت اليوم ولا اشوف اللي شفته في حياتي...ليتني مت قبل ينخلق خليفه...الله ياخذه يا رب يموت اليوم..يا رب اموت انا بعد...ولا يضيج خاطر خالد...والله يا ربي مالي ذنب انا محكومه من غيري..ولا لرايي..قيمه..ليش يا ربي خالد مب راضي يفهمني...ليش يا ربي ..انا ما اعترض على قضاءك بس بعد ما اريد اجرح خالد...يا رب ليتني اموت ولا اسمع ولا اشوف اللي خالد يعانيه...والله حياتي مالها معنى..."
..................................</font>

[شمه]

<font color='#F660AB'>تدرين عندي امتحان باجر بس دخلت الواحات عشان اقرا القصـــه..

والله روعـــــه.والله مشكوره انج حطيتيهـــا..ياالله اتريا التكملـــــه ... <img src="http://oasis.bindubai.com/emoticons/smile.gif" border="0" valign="absmiddle" alt=':)'>



<img src="http://oasis.bindubai.com/emoticons/inlove.gif" border="0" valign="absmiddle" alt=':lov:'>
شمــــــــــه</font>

[عاشقة الكتب]

<font color='#000000'>مشكوره القصة صراحة واااااااايد حلووووووووه
و الله طول الوقت أفكر فيها
أتريا التكمله <img src="http://oasis.bindubai.com/emoticons/hi.gif" border="0" valign="absmiddle" alt=':hi:'> &nbsp;<img src="http://oasis.bindubai.com/emoticons/hi.gif" border="0" valign="absmiddle" alt=':hi:'> &nbsp;<img src="http://oasis.bindubai.com/emoticons/hi.gif" border="0" valign="absmiddle" alt=':hi:'></font>

[بن دبي]

<font color='#000000'><span style='color:orangered'>القصة وااااااااااايد وااااااااااااااايد
حلوووووووووووووووووووووه <img src="http://oasis.bindubai.com/emoticons/love.gif" border="0" valign="absmiddle" alt=':lo:'> &nbsp;<img src="http://oasis.bindubai.com/emoticons/love.gif" border="0" valign="absmiddle" alt=':lo:'> &nbsp;<img src="http://oasis.bindubai.com/emoticons/love.gif" border="0" valign="absmiddle" alt=':lo:'>
طول الوقت أفكر فيها &nbsp;<img src="http://oasis.bindubai.com/emoticons/biggrin.gif" border="0" valign="absmiddle" alt=':D'> &nbsp;<img src="http://oasis.bindubai.com/emoticons/biggrin.gif" border="0" valign="absmiddle" alt=':D'> &nbsp;<img src="http://oasis.bindubai.com/emoticons/biggrin.gif" border="0" valign="absmiddle" alt=':D'>
علشان أعرف التكمله &nbsp;<img src="http://oasis.bindubai.com/emoticons/sweatdrop.gif" border="0" valign="absmiddle" alt=':swe:'> &nbsp;<img src="http://oasis.bindubai.com/emoticons/sweatdrop.gif" border="0" valign="absmiddle" alt=':swe:'> &nbsp;<img src="http://oasis.bindubai.com/emoticons/sweatdrop.gif" border="0" valign="absmiddle" alt=':swe:'>
يلا كملووووووووووووها &nbsp;<img src="http://oasis.bindubai.com/emoticons/cry.gif" border="0" valign="absmiddle" alt=':cry:'> &nbsp;<img src="http://oasis.bindubai.com/emoticons/cry.gif" border="0" valign="absmiddle" alt=':cry:'>
و الله نترياها على نار <img src="http://oasis.bindubai.com/emoticons/hothead.gif" border="0" valign="absmiddle" alt=':hot:'> &nbsp;<img src="http://oasis.bindubai.com/emoticons/hothead.gif" border="0" valign="absmiddle" alt=':hot:'> &nbsp;<img src="http://oasis.bindubai.com/emoticons/hothead.gif" border="0" valign="absmiddle" alt=':hot:'></span></font>