<font color='#000000'>((الجزء الثانى))
(فى المارينا)
هزاع يكلم دانه:ها.....اى محل تبين تروحين؟
دانه:ليش..؟!! انته بتروح معايه....انا بروح عند ربيعتى
هزاع:لا بس قصدى اوصلج لربيعتج
دانه:هييه قووول جيهمن اول.....ماله لازمه انا برووح بروحى
هزاع:لا...انا بوصلج عندها بعدين برووح عنج
دانه:انزين...خلنا نروووح برومود...هيه مناك تتريانى
راحو محل برمود ومناك كانت واقفه بنت متغشيه
قالت دانه:هاذي مها
هزاع يلتفت:وين...وين
دانه تضحك:يلاه باى ......بدقلك يوم بخلص........
راحة دانه عند مها
دانه:هلا مها
مها:ويييينج انتى......صارلى ساعه اترياج
دانه:سامحينى...ترى اخويهما ما طاع يودينى...
مها:اها....اوكى يلاه نتحوط
فى نفس الوقت كان هزاع رايح لمبارك فى كوفى كامير....دخل هزاع الكوفىويسمع صوت:هزاع.....منيه (كان هذا مبارك)
راح هزاع لمبارك وسلم عليه
مبارك:ها قووول شو السالفه .....هميتنى
هزاع:اى سالفه...؟!!!!
مبارك:اففف.....مب انته اتصلت وقلت تبانى اى منيه بسرعه
هزاع:هييييييه......
مبارك :انزين ليش شو السالفه....؟
هزاع:انزين بقولك السالفه بس لا تقاطعنى......اوكى
مبارك:اوكى.....
هزاع قال السالفه كلها لمبارك من المدرسه الين الحين ....بس ما قاله ان اخته مع مها فى المارينا
مبارك:انزين عطيتها الرقم وانته تكلمها على المسنجر
هزاع:لا....
مبارك:ليييييييييييييش....؟؟
هزاع:يا الخبل مب كل شى مره وحده....خلنى اول شى اقردنها الين ما تتطيح وهذيج الساعه ما بتاخذ الرقم وبس ....ولا بعد بنتواعد
مبارك يضحك:اسميك خبيرفى هالسوالف
هزاع:هههههههههه........اكيد ترانى هزاع....(كلهم يضحكوون)
مبارك:انزين وينها الحين ابا اشوفها
هزاع:لا ...مب لازم الحين
مبارك:لييييييييش؟؟
هزاع:ما اعرف وينها.....
مبارك(وهو يقوم من مكانه):انزين بندورها.....
هزاع:يا ريال اقعد مب لازم
مبارك:اف....انته شو فيك مب من شوى قايلى انك ياي منه عشان تشوفها.......
هزاع :هيه ...
مبارك:عيل قوم ندور عليها....
هزاع:انته اعمى ولا شو سالفتك....ما تشوف ؟...كل البنات اللى منيه متغشيات وهيه بعد اكيد متغشيه......كيف تبانا ندورها
مبارك:زين...على الاقل خلنا نقوووم نتحوط شوى وبالمره ندورلنا على صيد يديييد (كلهم يضحكون)
هزاع:لووووكى.....يلاه
(بعد ساعه)
دق هزاع تلفون لدانه....هزاع:الووو
دانه:هلا هزاع
هزاع:وينج يلاه بنرووح.....
دانه:انزين.....انا عند المحل اللى خليتنى فيه
هزاع:اوووووووكى .....انا الحين ياينج....
بعد دقيقه كان هزاع على بعد مسافه من المحل ....وكانت دانه واقفه مع مها.....دانه:مها شوفى...
مها:شو اشوف....؟؟
دانه:اتشوفين هذاك الريال الطويل الاسمر
مها:اى واحد..؟؟
دانه:اللى لابس غتره حمرا
مها :هيه شوفيه
دانه:هذا اخويه هزاع.....
مهاتشوف هزاع:مشالله عليه اخوج وايد حلو....وانا اقول من وين يايبه هذى الحلاه ثرها من اخوج.....
دانه:عيل اذا سمعتى صوته وهو يغنى شو بتقولين....
مها:ليش صوته حلو....؟
دانه:إيييييه....حلو وبس الا اينن....وخاصتا اذا كان يدق على العوووود....
مها و هزاع يشوفون بعض...ويحسون باحساس غريب ....كانو يحسون بانهم يعرفون بعض ....وان فى شى يربطهم ببعض
دانه:اقوووول مهوى ......مايى دريولكم..؟؟؟
مها:اف.....لا بعده ما يى
دانه:اوكى تعالى بوصلج ......
مها:شووووو.....انتى ينيتى....تبينى اروح معاج و اخوج موجود...
دانه:عادى ما فيها شى ......
مها:لا والله
دانه:اوكى بتريا معاج اللى مايى دريولكم
مها:اوكى بس اخوج ياشرلج تييين
دانه:بقوله يتريا الين ما اي دريولكم.....(تروح دانه لهزاع)
هزاع:يلاه نروووح
دانه:لا ...لا خلنا نتريا شو
هزاع:لييييييش....؟
دانه:عشان دريول مها بعده مايى
هزاع:انزين ليش ما قلتيلها نوصلها....
دانه:قلتلها بس ما طاعت
هزاع:اوكى...روحيلها بس اذا تاخر دريولهم لزمى عليها نوصلها
دانه:انشالله.......(ترجع دانه لمها)
مها:دانووووه.....يلاه باى.....الدريول يتريا برع
دانه:والله ....زين عيل خلنا نطلع نع بعض
مها:اوووكى...
دانه تاشر لهزاع انها طالعه.......هزاع فهم ان مها خلاص بترووح....هزاع يلحق دانه..ولما وصل يلاقىدانه تقول لمها:الاقيج على المسنجر
مها:انشالله
هزاع فى خاطره:زين...زين يعنى بتدخل المسنجر مره ثانيه
(فى البيت)
يدخل هزاع و وراه دانه.....ام هزاع:ها.....يتو
هزاع:هيييييه
ام هزاع تكلم دانه:ها..... شو اشتريتى
دانه:افففف.....السوق هالايام مستوى زباله.....ما فيه شى غاوى
ام هزاع:عيل شو هالكيس اللى شالتنه فى ايدج
دانه:هذا قميص....
ام هزاع:يعنى حصلتى شى.....هاتى بشوفه
هزاع يخلى امه ودانه ويروووح غرفة دانه........ ويدخل الانترنت.......هزاع يتريا مها تدخل المسنجر.......بع نص ساعه دخلت مها....مها: مرحبا
هزاع:يا مرحبا الساع.....انتى وييينج انا من اصبح وانا اترياج
مها:كنت طالعه.....
هزاع:هيييييه انزين سمعى هالغنيه اهداء......
((عامريه ليت قلبى عامريه......الله الله ......وابدويه هي اصيله وابدويه....الله الله......عذبتنى ....جننتنى فى هواها....وتركتنى....عامريه ليت قلبى عامريه))
هزاع:ها.....شو رايج بالغنيه.....؟؟؟
مها:الله.....الغنيه تجنن...وايد حلوه
هزاع:هههههههه......لازم دام الغنيه عن عامريه
هزاع:الا انتى شو قبيلتج....؟؟؟؟
مها:امممممممممم...... انته شو تتوقع
هزاع:عــــــــــــــــــا ريه
مها تقول فى خاطرها:بسم الله ....هذا اشدراهانى عامريه.....
مها:ليش يعنى بالذات عامريه...؟؟
هزاع:لانج حلوه........و كل العامريات حلوات
مها:اشدرااااااااك ......يمكن اكونخسفه....
هزاع:لا.....احساسى يقول انج حلوه....واحساسى عمره ما جذب على
مها:ههههههههههه......بس هالمره جذب عليك.....
هزاع:لا.....احساسى ماجذب على .....الانى شفتج ......
مها تفاجأةمن كلام هزاع.......شافنى...؟؟متى و وين....
هزاع:اشفيج ساكته......
مها:لا ......ماشى بس وين شفتنى....؟؟؟
هزاع:شفتج......فى.........فى.......... الحلم......ههههههههههههه
مها ارتاحت وقالت:الحمد لله ......تحريته يتكلم صدق......
مها:هههههه.....انزين كيف كان شكلى....؟؟
هزاع:امممممممممم.....طويله.... .سمرا.......عيونج كبار مثل عيون الغزال......شعرج ناعم وطويل
مهاتقول فى خاطرها:هذا جنه يعرفنى......اول شى قال انى عامريه وثانى شى انه شافنى....والحين يوصف شكلى والمشكله كل اللى يقوله صح.....
هزاع:ها....صح ولا لا........(فديتج قولى صح لا تفشلينى)
مها:هههههههههههه...........اممم ممممممم......صح
هزاع:جفتى احساسى ما يخيب.....
مها:ههههههههههه..........هيه باين
بعدين تمووو يسولفوووون الين الساعه 10
مها:هزاع.....انا اترخص
هزاع:لااااااااااا........ليش ...تمى
مها:خلاص بروووح اصلى وادرس شوى ترانى ما فتحت الكتاب اليوم
هزاع:دام جيييه ما اعطلج.....بس ها درسى عدل...ترانى اباج تيبين نسبه ترفع الراس......
مها:انشالله ....
هزاع:اشوفج باجر....؟؟
مها:انشالله....الظهر الساعه 3 ...اوكى؟؟
هزاع:تم
مها:باى........هزاع:باى
تطورة العلاقه بين مها وهزاع.......و صارو يكلمووون بعض دايمن.....ما يمر يوم الا وهم مكلمين بعض....وان مر يوم وما قدرو يكلمون بعضيحسون بشى ناقصنهم...............وهزاع قام و نقل الكومبيوتر من غرفة دانه لغرفته...حتى يكلم مها على راحته من دووون حشرة اخته دانه....
((نهاية الجزء الثانى))</font>
رد مع اقتباس
مواقع النشر (المفضلة)