<font color='#000000'><font color=#cc0000>الجزء الثاني ..
رد محمد مكانه وشاف نا صر يالس يطالع خولة... فحس انه يمكن عرفها(( طبعا محمد مسوي الطبخة كلها. اصلا هنادي نزلت مب عسب الدريول ..لا .. نزلت تتريا محمد))
محمد: نصور. عندي لك خبر يسوى ملايييين
ناصروهو حاس: قول واللي يسلمك قول
محمد : سم بسم الله
ناصر: اوووووف حمود بتقول ولا ؟؟ لا تلعب باعصابي
محمد: انزين انزين ....تعرف البنت اللي يالس تبحلق فيها ... هاي الله يسلمك محبوبتك
ناصر من الوناسة غص بالكباشينو وقام محمد ودحاه على ظهره
محمد: حلا ل... حلال
ناصر نش من مكانه لكن محمد زخاه :اثقل يا رييال ...شوف الناس اللي هني
ناصر: والله وصدق احساسي... انا ماعليه من الناس وبسير لها عيل اخلي هالفرصة تضيع مني
محمد: وغلاتها عندك ما تسير ... شو تبا تفضح عمرك انت
وتم محمد يحاول يقنعه انه ما يسير لها... لين ما حلفاه انه ما يقرب منها
محمد:المهم قم احين خلنا نسير
ناصر: والله ما ني هاد الكرسي لين ما تشبع عيوني منها
محمد: نصور .. اعقل .. بس انا ماروم اتم .. ناس يتريوني تحت
ناصر: في امان الله اخوي
محمد: لا يالهرم... مو منك مني انا الخدية اللي ما فتهم وخبرتك
ناصروهو يضحك: ترا ناس يتريونك تحت
محمد وهو ماشي: عن تنسى عمرك تراك في ميركاتو
ناصر: واحلى ميركاتو
--ناصر يفكر ويفكر فيها---
لين ما نشت من مكانها ... ناصر ما عطى الوقت فرصة وسار وراها بدون ما تحس..خولة اتصلت باسما تتخبرها عن مكانها.... علىطول ظهر موبايله
وسحب رقم موبايلها( هاي التقنية اليديدة الللي ظاهرة احين).. وما هدها لييين ما ظهرت من ميركاتو
----في حجرة خولة------
يست تذكر كل كلمة قالت لها هنادي.....وهي مب مصدقة شقايل صورتها عند واحد انزين يمكن مب هي يمكن وحدة ثانية بس هنادي كانت متاكدة من اللي تقوله..... تمت تصيح ... ما تعرف شو تسوي تتصل بها ولا لا ...لين ما ثبتت على راي واحد هو انها تتصل بهنادي وتتاكد منها اكثر...لكن رن موبايلها قبل لا تتصل.... الرقم غريب ...من الفضول اللي فيها ردت: الو وهي خايفة
ناصر : خولة؟!
خولة وهي تتنافض: منو انت
ناصر:دخيلج خولة لا تسكرين .... انا ناصر اللي رمستج عني ربيعتج
لا اراديا سكرت موبايلها....وعلى طوووول اتصلت بهنادي
هنادي: يا مرح.....
خولة: جــــــــــب.. افا يا هنود انا ربيعتج جي تسوين فيني... وتصيح
هنادي وهي مصدومة: خولة حبيبتي لا تعورين قلبي واللي يسلمج لا تصيحين
خولة:جب جب جب جب وتصيح
هنادي: انزين انتي خبريني السالفة وانا بنجب وبسكت
خولة: لج ويه تسالين عن السالفة.. يا حسافة الايام اللي ككانت وياج
هنادي ودموعها اربع اربع:خوالي حبيبتي شوي شوي عليي ...فديتج انا والله ما اعرف شو السالفة بلاج انتي قولي لي عسب نتفاهم
خولة وهدت شوي:هنادي.... لولا معزتج بقلبي جان حلفت اني ما رمسج....بس سمعي هو سؤال واحد بس.. واباج تردين بهيه او لا
هنادي:حاااااااااضر
خولة: مو ا نتي اللي عطيتي رقمي لناصر؟
هنادي وهي تعتدل في يلستها وبكل ثقة:لا والف لا
خولة:عيل من وين ياب الرقم
هنادي: هيه
خولة:شو هيه يا الهبلة ... بلاج؟؟
هنادي : لا اتحرا انه مب مسموح لي الا بها الكلمتين
خولة: نتي ما تيوزين من حركاتج...... المهم قولي
هنادي:خولة انا بخبرج السالفة ونتي حكمي...... وخبرتها عن الطبخة اللي طبختها هي ومحمد
خولة وهي تصيح: يا ربي ...انا بنتحر ... رقمي عند واحد يعرفني والاحلى انه صورتي عنده
هنادي هدتها شوي ... وخبرتها انها بتتصل بمحمد وتتخبر منه السالفة
خولة: وراس حمود لا تبطين لاني بين...
-----ترن ترن موبايل محمد-----
محمد: ياهلا بالزين كله.. هاه بشري بالاخبار الحلوة مثلج
هنادي وهي متضايجة: واحلى من الحلوة.... الله لايبشر عدوك بخير.... وقالت له اللي صار ويا خولة.. وانها منهارة لان صورتها ورقمها عند واحد
محمد: ويت ويت.... الصورة عنده... لكن الرقم ؟! يديدة
هنادي طلبت منه انه يتصل به ويتخبره من وين يا ب الرقم...... وطلبت مننه انه ما يسو شي بالصورة
---------- هالمرة ترن ترن لموبايل ناصر----------
محمد ساله عن الرقم وانه من وين لقاه.... ناصر تردد بالاول .... بس ويا زنة محمد خبره السالفة
محمد: اها احين فهمت..... ناصر شوي شوي على البنت
ناصر: مو بيدي .... قلبي ما يرحمني... صدقني احبها
محمد:انزين انت ما تعرفها ...يمكن ويمكن؟!
ناصر: محمد ما سمح لك... كفاية حرمتك تعرفها وانا سالت عنها وعن اهلها وظهرو ناس مزاييين وما عليهم رمسة
محمد: برايك... بس يمكن هي حاطه ببالها حد ثاني
ناصر: فال الله ولا فالك... لا بوجاسم البنات يحبون العيناويين وانا بو الدم البنفسجي
محمد: اسميييك منو ياب طاري العين احين( تراهو نصراوي) المهم جي ما تخطبها؟؟
ناصر:ودي اليوم قبل باجر ...بس باالول اتاكد من مشاعرها
محمد : انت سر خطبها ... وبتتاكد من مشاعرها...اثبت لها انك تباها ونيتك صافية
ناصر وهو متردد: مممممم .... خلاص شورك وهداية الله
سكر ناصر عن محمد........ وسار الصالة شاف امه ياسة ... رمسها عن السالفة...
الام وهي ما خذه السالفة غشمرة: صدق... كم الرقم عسب اخطبها احين
ناصر: فديت امي انا وحبها على راسها
الام:ههههههههه فديتك انت نسيت انك توك متوظف والبنت وحليلها بعدها ما تخرجت.... بعدين بنات هلك اولى
ناصر وهو محرج:ا لبيزات مب مشكلة الحمد لله عندنا خير .....وانابسير خطبها عسب ما تطير مني... وبنات هلي الله يرزقهم
الام شافت انه ناصر جاد بكلامه ... نشت وخبرت بوناصر الي طار من الوناسة اول ما سمع الخبر وسار عنده... وقال له انهم بيزورونهم على اخر الاسبوع
في الليل ...... يلس ناصر وما ياله رقاد ...وتم ميود الصورة وحاطنها على قلبه..... لين ما فكر انه يطرش لها مسج .. وكتب لها((لقيت روحي بعد ما انا لقيتك .. بعد اللقا ارجوك لا تغيبي))
واتصل بمحمد ربيعه.....وخبره السالفة ... محمد بارك له مقدما وتم يلعوزه شوي..... ومحمد بدوره اتصل بهنادي وخبرها.... وهنادي من كثر ما هي استانست عطته بوسة بالتلفون وتفدته لين ما قال بس وسكرت عنه يعني ما عطته فرصة ..... والمسكين الريال رايح فيها
------------
خولة ....... تعبت من التفكير وتعبت من كثر ما انها تحاتي صورتها... ياويلها من شباب ها الزمن...ويلست تصيح....فجاة سكتت.. وفكرت في انه شقايل لقى صورتها ... وتمت تفكر انه صورها ما تعطيهم حق حد..... لكن رن موبايلها... وهي تتنافض يودت الموبايل وشافت الرقم ..: اوه الحمد لله هاي هنادي
خولة: الحمد لله انج تصلتي يا هنادي
هنادي: خواااااالي ..... بصوت عالي
خولة: لا اختي مغلطة في الرقم مب الطواري هني
هنادي: جب.... عندي لج خبر يسوى عسجد
خولة: صددق ..... اكيد الصورة عندج
هنادي:أي صورة واي خرابيط ..... خولوه استعدي لتلقي الخبر واحد اثنين ثلاث
مبــــروووووك
خولة وهي مبعدة الموبايل عن اذنها: حسبي ياالله عليج ....صمغتيني
هنادي:خولوووووه .......والله اني احبج هههههههههههه سمعي السالفة.......... ناصر وهله بييون وبيخطبونج يااااااااااااااااي
خولة وهي مصدومة على مستحية على مو مصدقة
هنادي: بلاج يالعروس ساكتة......... ههههه اونج تستحين
خولة:هنادي.... لا يكون انتي مسوية ها الرمسة من وراي
هنادي:انا ما يخصني.... توه حمود فديته داق علي ... وخبرني..... شفتي يوم اقولج انه الريال شهم وما عنده ها الحركات وحلى شي انه عيناوي
خولة: هنود نسيتي اني وصلاوية ودمي اصفر...... المهم احين عرفت قصده من المسج
هنادي: اوب اوب مسجات ومن ورانا لا يكوووون!
خولة: جب ياللي ما تستحين .... كلن يرى الناس بعين طبعه
وتمت هنادي تلعوزها .... لين ما : هنادو... جلبي ويهج
هنادي: طاع طاع ما تبا ترمسني .... ترا صرنا مال اول
خولة: اكسز موا.. جلبي فيسج
هنادي: خووب .. بجلب فيسي بس هاه لا تفكرين وايد ..تراج بتعيزين
خولة: ان شاء الله عموه بس فارجي
هنادي : هاه ما خطبها وجي ..... عيل لو خطبها اكيد بتسوي لنا بلوك
وسكرت خولة عن هنادي............... وناصر يطرش لها مسجات بالهبل..... طول الايام....وهي تبا تطرش بس كبرياءها ...واخر مسج طرش لها قبل
لا ييونهم البيت ..((نامت عيون الناس الا عيوني تنشدني عن اللي احبهم ليتهم يذكروني))
*******
ومرت الايام ....ويا اليوم الموعود------
في بيت بو ناصر
ناصر: يلا امي تاخرنا
الام:لا تا خرنا ولا شي شوف الساعة بعدها سبع ونص... الا انت ما فيك صبر
ناصر على مستانس ومستحي: لا يعني قلت عيب نتاخر عليهم
وركبو السيارة الابوواخوه والام والمعرس الكاشخ ومرو على خالته..... وصك ناصر 120الا عداها 0000 مستعيل الريال
-----في حجرة خولة---------
هنادي وهي تكشخ خولة وتنصحها شو تسو وشو تقول ...جان تدخل عليهم اسما وتخبرهم بوصول المعرس
اسما: تراهم وصلو ........اللللللله عليه وعلى كشخته دوخنا بريحة عطره
هنادي تضحك وتغمز لخولة المستحية..... وتظهر خولة وتسلم على الام واختها
وعقب نص ساعة بالكثير ...اتصل حارب بخولة وقال لها تلبسي لانه الريال بيموووووووت عسب يشوفج
خولة: هنودة حياتي انتي سيري بدالي
هنادي:لا انا ما يخصني بج.... عندي حمادة حبيبي
خولة:انزين شو ها المصاخة بعد..... عنده صورتي شافني لين ما شبع ليش بعد يبا يشوفني
هنادي: احم احم ... يا عيني على الشرموكة.......ترا يبا يشوفج على الطبيعة عسب يتاكد اذا انتي هي ولا لا
تنش خولة وتقرصها...وتدخل اسما وتقول لها تعالي يلا اخوج يترياج.... خولة وهي تعدل شيلتها : هنودة استحي
اسما ما تعطيها سالفة وتيرها من ايدها وتوديها صوب الميلس
وييها حارب وويلسها ويقول لها: مو تتحركين من مكانج
وخولة في حاالة ما يعلم بها الا الباري
ويدخل ذاك الشاب.... فارع الطول... عريض المنكبين... ذات العيون العسلية مرتديا الكندورة المارونية"عنابية"...ومتعصما بالغترة الناصعة البياض
قائلا: السلام عليكم ورحمة الله وبركاته
خولة ما رامت تنش من مكانها حست ان ريولها صابهم شلل
ناصر وهو ييلس: شحالج خولة
خولة بغى يغمى عليها.... لكنها تمالكت اعصابها ورفعت راسها...:بخير غصب ظهرتها
وما ان رفعت خولة راسها...الا يفز قلب ناصر بالقمر اللي يشوفه صح انها لابسة اسود في اسود ومب طالع منها الا يدها ويهها لكنه
تذكر الصورة وقارن.... شاف انه لاااا على الطبيعة وااااااااااايد احلى من في الصورة ... والصوت ولا صوت الكناري...والعيون الوساع المدعجة الناعسات..و الخدود الوردية اللي من زود الحيا صارت حمرا..... يعني كلها على بعضها = قمر
ناصر: شحال الدراسة وياج؟
خولةوهي تعدل شيلتها(لانها تبا تشوفه بطريقة مب مباشرة ) : مشين الحال
حارب : احم احم ...هاه خولة شرايج بناصر
حست خولة انه الدنيا دارت بها..... حست انها ما تروم تحرك لسانها... حست بحرارة شديدة بجسمها.. وبلا ارادية منهاربعت برع الميلس...لين حجرتها
وصكت الباب طاااااااااااااخ بالقو..... وهنادي ...دووووووف على الارض من الكرسي:أي قلبيييييي ... شصار بالدنيا يالدفشة... يحليله شوفي قلبي ياس يترقص يدامي......... اوه خولووووووووووووه ههههههههااااااااااااي وحليلج شوفي ويهج بالمنظرة صاير اخس عن الطماط......ذااااااااات بيوتفل
خولة: جب جب جب سكتي عني
هنادي: ههههههههه اوقي اوقي مدام
----في الميلس-----
قال لهم حارب انه بيرد عليهم خبر عقب كم من يوم لين ما يشاورون البنت ويسالون عنهم
--في نفس اليوم---
تم ناصر يطرش مسج ورا مسج لخولة..........وخولة ودها تطرشش له بس هو اكيد بيتصل بها لو طرشت...لين ما طرش لها مسج((احبك حب ما اقدر اعاند فيه احساسي.... ولقيت الحب شي اكبرمن اني آخذ انفاسي)) خولة حست انه قلبها بدا يدق... بتصل ...لالالا ما بتتصل...انزين هو خاطبني يعني يباني....لالالااستحي.....اوهو وووووو بتصل واللي يصير يصير.... لا اثقلي يابنت... انزين بكتب له مسج انه على طوووول يتصل "ياعيني على التغلي"((بي ضيقة ودعت انا اليوم غالي... واسهر من فراقه ايام وليالي..)).... وعلى طووول ترن ترن ...
ناصر: ادري بج تترييني ... لكن تغليج ذبحني
خولة اونها عاد: وعليكم السلام
ناصر: خلينا من الرسميات .... دخيلج لا تسكرين
خولة:....
ناصر: نتي ليش معذبتني... تراني بينت لج حسن نيتي صدقيني خولة انا اباج من كل قلبي اباج.... وخلي عنج ها التغلي
خولة:انزين... مووو
ناصر: لا تقولين شي انا بقول.... خولة انا احبج وبظل احبج وصدقيني ما بقصر عليج بشي
خولة نزلت عليها الكلمة ..((كالصاعقة)) ...بغت تقول له انها هي بعد تحبه....بس هي من النوع الخجول
وحاولت انها تغير السالفة: قالو لي انه صورتي عندك؟؟ ورقمي بعد ممكن اعرف من وين؟؟
ناصر فهم انها ياس تغير السالفة لانه خبر محمد واكيد محمد خبر هنادي ... وهنادي ما تروم تخش شي عنها
لكنه مشى وياها على الخط:صدقيني انتي احلى بواااااااااايد عن الصورة ولين احين عيوني ما شبعت منج
خولة تحاول تغير السالفة باي طريقة: انزين ما تحيد شكل البنت اللي طاح منهاا الصورة؟
ناصر: البنت كانت متغشية....اللي اعرفه انها تقرب حق ربيعي سيف
على طووووول يا ببالها اسما... لانه اختها سارة مخطوبة لسيف ولد خالتها ...بس بعدين قالت لا ان بعض الظن اثم
نا صر: أي استفسارات ثانية
خولة : لا مشكوووور
ناصر: اااااه يلا عيل احين برمس
خولة: لا ما علي اسمح لي باجر عندي امتحان رياضيات تعرف العلمي شقايل متغربلين
ناصر:اها موفقة ان شاء الله......... بس جي ما تذاكرين من قبل؟؟؟
خولة: مستحيييييل اليوم كانت مباراةالوصل والنصر وتباني اطوفها....لالالاا استحالة....بس الحمد لله صرنا حبايب و تعادلنا
ناصر: اوه ماظهرتي عيناوية؟ انزين وصلاوية ولا نصراوية؟
خولة: وصلاوية اب عن جد.... وانت شو؟
ناصر: انا عيناوي
خولة من ورا خاطرها: المهم انه كلهم عيال البلاد.... مع انه يا زينك لو تكون وصلاوي.... جت تو جو(get to go)
ناصر: ههههههههههه انا عيناوي ومزيون بكامل الزين... ويا خفة دمج ..تيك يور تايم
خولة:اوكي عيل مع السلامة
ناصر: خوالي ... متى بلقاج مرة ثانية
خولة: ممم بعطيك رنة او مسج
ناصر: فديتج لا تبطين
خولة: ان شاء الله
ناصر:احبج
وخولة وهي مستحية: وانا بعد باي
ناصر: وانتي شو .... حلفتج والله ما ني مسكر لين ما تقولين ونتي شو؟
خولة: .....احبك .. وبكل هدوووء
ناصر: فديت اللسان اللي نطق بكلمة احبك
خولة وهي منفعلة : بااااي وتسكر..... وتربع لشبريتها وتنسدح....تطالع السقف وتفكروتتذكر الكلام اللي دار بينهم... وكيف انها تغلت وتضحك
-وتمر الايام--
حارب تم يسال ويسال عن ناصر الكل يمدح فيه وفي اخلاقه(( الا ظاعن ولد عم حارب)) اللي ما يخاف ربه
تم يذم فيه 0... وما خله شي ما قاله طبعا كله جذب...لانه كان حاط عينه على بنت عمه خولة.... وبالاساس هو خطبها لكن خولة رفضته لانه ما خلى بنت الا.............وهو ريال ما خذ الدنيا لعب... فبغى ينتقم منها...وتم يروج الاكاذيب لحارب.... وخصوصا انه اللي خاطبنها هو عدوه ناصر
لين ما حارب ساله عن الدليل... وقال هل ان الدليل بيكون بايده باجر..... وحارب سال ربعه وقالو له نفس رمسة ظاعن المتفق وياهم
ظاعن: انا كنت ربيعه من زمان واعرفه زين ما زين .... ونصيحة ومن اخ لاخوه حرام تعذب اختك وياه
حارب رد البيت وهو مهموم..... ما يعرف يصدق منو يصدق ولد عمه اقرب الناس واللي كان شاري خولة..... ولا الناس الغرب
-------- وعقبها بكم من يوم---------
ناصر:السلام عليكم ... شحالك حارب
حارب: وعليكم السلام.... الحمد لله بخير
ناصر : صدق اني اتصلت قبل الموعد بس حبيت اتخبر عن رايكم.... وهو من مناك متاكد من خولة وموافقتها
حارب:اسمح لي يا ناصر انت ريال ما عليك قصور..... لكن مالك نصيب بالبنت...والله يرزقك ببنت تسعدك
ناصر:انت شو تقول؟
حارب : سلامي للوالد ... في امان الله.... ويصكر عنه
ناصر... مصدوم من اللي سمعه كيف جي وليش.... بس هو متأكد من حب خولة له ..عيل شو اللي غيرها.... قام واتصل بها
خولة: مرحبا ملايين ما يسدن
ناصر: اهلين
خولة: وسهلين يكملونها يالزطي
ناصر: خولة ابا اسالج سؤال
خولة حست انه متضايج بس مشت وياه على الخط: سين سؤال منك وجيم جواب مني... تفضل آآآآآآآمر
ناصر:انتي تحبيني ... بصراحة اباج تقولين
خولة:لو ما كنت احبك ... جان ما رمستك
ناصر: انا اسالج وابا الجواب
خولة:انا مو بس احبك .... انا اموت فيك وعليك
ناصر وهو مستغرب:عيل ليش رفضتيني؟!!!
خولة وهي اكثر استغراب:انا؟! متى وكيف وليش ؟؟ ومنو قال لك؟؟!!
ناصرعرف انه خولة ما لها ذنب: حارب اخوج
خولة: متاكد؟ من ها الرمسة؟
ناصر: لو ماني متاكد جان ما اتصلت
خولة وهي مغيظة:اوكي ناصر اسمح لي .. احين بسير له وبتخبر منه السالفة
ناصر:خولة حبيبتي ادري بج بنت فاهمة وعاقلة حاولي وياه ... وخلج هادية برمستج
خولة: شحاول وياه... اصلا الشور شوري انا مب هو
وتسكر خولة عن ناصر.... وتسير صوب حجرته وتدق الباب.... تظهر اسما وتخبرها انه حارب بالميلس يطالع التلفزيون
وتسير صوب الميلس... وتدخل ... حارب: هلاااااااااا
خولة وبجدية: حارب اباك بسالفة
حارب حس بالموضوع:امري تدللي كم من خولة عندنا
خولة: بلا مقدمات.... انت قلت لناصر اني مب موافقة؟
حارب وهو رافع حياته:لا الجذب حرام... انا قلت له مالك نصيب في البنت
خولة وعيونها دمعت: ليش؟ شو السبب؟ وبدون ما تخبرني
حارب:السبب انه ما يصلح لج وبكل برود
خولة وهي معصبة: شو ما يصلح لي.....الكل يمدح فيه...وبعدين الشور شوري انا مب شورك انت
حارب:افا ياخولة.... يي منج اكثر
خولة وهي حست بتانيب الضميرلانها تطاولت على اخوها:لا يا حارب صدقني مب قاصدة بس...
حارب: لا بس ولا شي0.... اللي صار صار
خولة:وانت ليش رافضنه؟!!!
حارب: ونتي ليش تبينه!!!!
خولة وهي بصراع نفسي تقول له ولا لا.....لين ما صرخت وقالت: احبه وتصيح
حارب وهو مغيظ: شو تحبينه... على كيفج هو وعلى شو تحبينه..... والله لولا وصية الوالد جان عرفت كيف اتفاهم وياج
خولة وهي تصيح وتصيح..... حارب وهو يلومها انها كلمته من وراه
خولة: صدقني ما رمسته لين ما خطبني
حارب: يعني رمستيه وهو مب مالج عليج؟؟
خولة: غصب عني.... وانت لاتنسى عمرك يوم انك خطبت اسما.
حارب: الزمي حدودج.... ومن سابع المستحيلات انج تاخذينه..... تسالين ليش.... شوفي الصورة وبتعرفين
خولة اول ما تشوف الصورة..تطيح غشيانة.... ويشلها حار ب ويوديها السيارة...واسما تربع وراهم وهي شالة شيلتها وعباتها حتى انها بغت تخرطف بالعباة....بس المهم انها وصلت السيارة سالمة وبعدهاما صكت الباب الا ....حارب يصك 120 للمستشفى
ناصر في ها اللحظة حس انه قلبه قابضنه.... وخصوصا انه خولة تاخرت عليه وما اتصلت.... شل الموبايل ودق الرقم ..طوط طوط محد يردويتصل مرة ثانية وثالثة ورابعة.....لكن محد يرد .... حس بخوف على خولة لا يكون صار بها شي
اتصل بمحمد وخبره السالفة
محمد:وليش ما تتصل بحارب؟؟
ناصر: صاحي انت ... اقولك الريال ما يبا يرمسني
محمد: انزين شو بتسو احين؟
ناصر وهو حاس انه دقات قلبه مب طبيعية:ما اعرف امري لله بتريا وبصبر
------في المستشفى---------
خولة كانو معطينها مهدئ..... وحارب واسما ياسين برع الحجرة وتييهم هنادي.... ويدخل حارب الحجرة
هنادي: حمد لله على سلامتها....غطاكم الشرانا ما عرفت الا من البشكارة يوم سرت بيتكم.... خير ان شاء الله شصار فيها؟؟
اسما: الله يسلمج ويعافيج... ما ادري بها مرة وحدة طاحت علينا
هنادي حست انه بالموضوع شي لكنها سكتت....: انزين ما روم اشوفها؟؟
اسما : لا حبيبتي تراهم معطينها مهدي واحين نايمة هي ان شاء الله لي قامت بخبرها انج ييتيها
هنادي: ان شاء الله .... باجر بييها ونتي ردي البيت شوفي ويهج شصاير فيه
اسما: انا عقب شوي بسير عند قوم امي لان حارب حالف انه ما يرد البيت الا وخولة وياه... تدرين بغلات خولة عنده
هنادي وايهتها وروحت... وودها تعرف شصار بربيعهتا الغالية....
ما هدالها بال قامت واتصلت بمحمد.... تموا يرمسون شوي... وخبرته السالفة
محمد وهو يبا يهديها: لا حبيبتي لا تحطين ببالج وربيعتج ما بلاها شر......
هنادي: اااااااه ماتعرف بالضيج اللي بقلبي صدق خولة غالية غالية على قلبي
محمد اونه بيغير الجو: اذا هي الغالية عيل نحن شو نكون؟!
هنادي: لا عاد كم من حمود عندنا غير ابوي
محمد: حتى ونتي متضايجة ما تيوزين....عسب جي احبج انا ... المهم ما قلتي لي ليش طاحت غشيانة
هنادي: ما اعرف بغيت اسال بس اسما مب عارفة السالفة.... محمد بتخبر نا صر ولا لا؟
محمد:لو سالني وما روم اجذب عليه
------اليوم الثاني-------
تنش خولة على حشرة المستشفى.... واول ما تفتح عيونها تلقى عمرها بحجرة روحها .... تخاف وترتجف..تقوم من مكانها مع انها ما تروم تمشي لكنها تيود اليدار وتحاول انها توصل للباب.....حارب يدخل الحجرة ... ويتفاجاً ..... ويركض عند خولة يحضنها ويحبها على راسها.... ويتحمد لهاعلى السلامة... وخولة تدمع عيونها... من كثر ما تاثرت ما تروم تتحرك من مكانها ... حارب يشلها ويرقدها على الشبرية
وعقب شوي تييهم اسما.... وتتحمد لها على السلامة........ وتمو يضحكون ويرمسون..... فجأة تذكرت السالفة وتمت تصيح
وحارب يحاول يهديها........ بانه كل شي قسمة ونصيب
-------------------------
ناصر وهو مهموم: أنا قلبي متعذب يا ربي ليش الدنيا ما ترحم؟!
محمد: اذكر ربك يا ناصر ..... الله كريم .... واعرف انه لو لك نصيب فيها بتاخذها غصب عن الكل
ناصر: آآآآآآآآآآآآآآمممين.
لحظـــة سكوت .....يقطعها ناصر: حمود .. طلبتك يالغالي
محمد: عيوني لك ... آآآمر
ناصر: ادري حشرة.... لكن ليش ما تسال حرمتك عنها؟؟
محمد وهو متلعثم وما يعرف بشو يرد: انت تامر...اكيد.. اكيد بسالها
ناصرشك باسلوبه لكنه طوفها<!-- / message --></font></font>
رد مع اقتباس
مواقع النشر (المفضلة)