الحساس ..
اسمحليه يادكتورنا عاد اتاخرت عليك في الرد ما انتبهت له الا الحينه ..
.
.
اعجبتني هالمقوله اللي ذكرتها .. في قولك:-
الانسان احساس.. لم يخلق كامل... ان امتلك شي يحب يكون انه هو الوحيد الي يملكه (يعني نوع من الانانيه) هب في كل شي ولكن في حالة الزوج والزوجه فكلاهما يتمنى يكون الاخر له هو فقط.. وهذا حق شرعي..لانها ذكرتني اب شي راح اطرحه احينه الا وهو ..
ساعات الزوجه يوم اتشوف ريلها يلعب تتغصص وتضارب واتنرفز وقد اصير مشاكل لا غني عنها ..
لكن يوم اتي في لحظه الزواج (( تقف عند هالحد )) يعني اتحصلون الحرمه ممكن انها تسكت لو الريال لعب .. وهالشي اصلا انا ماارضاه ... لانها خيانه .. لكن في النهايه ..
مقتنعه انه راح يرجعلها .. (( ومثل ما قال الحساس .. ملكيه خاصه ))
يعني احينه هالشي الحرمه كيف ترضى ان الزوج .. يلعب اب ذيله ولا انه يعلب عن طريق الحلال ..
اكيد في اسباب ..
الريال يوم بيلعب مره بيلعب 20 الف مره ومستحيل يتزوج ال 20 الف هذيل
لان اللي يضير ع العشره .. بايعنها .. بايعنها ..
وابصراحه ..
هالايام صارن الرياييل ما يحترمون خصوصياتهم امام زوجاتهم
لازم يخربون بيتهم بيدينهم . لانهم يعرفون ان حريمهم ما يتحملون وجود امراه ثانيه
.
.
وتسلم يالحساس ..
امتعني ردك
تحياتي / الشوق