ماضي في حياة زوجي !! مذكرات ادم وحواء 6

[حلم الطفوله]

الشوق سلسلة آدم وحواء وياج أكيد غير

بس هالطفله العجيبه إلي أكيد واقعيتها تثبت إنها طفله من هذا الزمان عيبتني بردها واااايد

واقعيه .... ويمكن إنها من النوع إلي يحب التحدي بالحب ...الحب الصعب ....يعني نخلي المستحيل واقع

يمكن تكون فكره مستحيله ....بس ما شيء مستحيل على ربنا ...وعلى حواء خصوصا ...

لو خذنا الامر بواقعيه إشوي ...ماشيء شاب ما جرب يحب ....والانسان إلي يحب صدق يستاهل التقدير

لانه في هالزمن من النادر تحصلين شخص وفي شكلي وايد حطيت على آدم

طفله إنتي شوه تقربين لحلم الطفوله

[الشوق]

ام خــــــدود .. و حلـــــــم الطفوله
حطوا في بالكم انا اتكلم عن الشاب المتزوج ..
ومااتكلم عن الشاب العزابي ..
يعني الشاب اكيد عاش حياته .. وعاش علاقات في ماضيه ..
لكني اتكلم عن الرجل اللي تزوج وجعل من هالماضي وساده خاليه يتذكر فيها محبوبته في كل ليلة ينام فيه مع زوجته .. ويجعل من ذكرياته القديمه حلما جميلا قد عاشه في يوم من الايام .. وها هو يعيش هذا الحلم الان مع زوجته وسط محبوبته ..
يعني جسده مع زوجته لكن الروح والقلب مع محبوبته
وجوده مع زوجته لكن خياله مع محبوبته
اسماء قد يخطأ فيها في مناداة زوجته باسم حبيبته
يعني يدمر ماضيه بيديه من اجل العيش على ذكرى قد كانت له في يوم من الايام ..
.
.
.
حلم الطفوله شيء جميل ان تتحدى الزوجه ذاك الماضي ..
وتستطيع بمشاعرها وبوجودها وبحكمتها ورجاحة عقلها ان تغلب ذاك الماضي ..
لتسيطر عليه وتكون هي المستقبل .. . لكن اتعتقدين عندما تشجعين زوجك على هذا التفكير بالاخرى فانك تجعلينه قريبا منك انما تفتحين لك بابا في ان يفكر في الخيانه الااااف المرات .

تحياتي لكم/ الشــــــــوق

[حلم الطفوله]

عدنااااااااااااا

عزيزتي الشوق ....اقري ردي مره ثانيه .... أنا قلت عيبني ردها بس

الحين بتكلم

أولا: كنت أتكلم عن رد طفله وتوقعت إنه فيه أشخاص تحب التحدي بحياتها ...يعني تتزوج وبعدين تكتشف إنه زوجها يفكر بوحده غيرها ....عاد الحين حواء وشطارتها ...لو صدق حبت هالانسان وعرفت كيف تكسبه مثل ما كسبته حواء الأولى ..بتحاول باسلوبها تجذبه لها وتخلي هالقلب إلي حب فعلا بيوم من الأيام يحبها ... يمكن هالخطوه تنجح او تفشل ....بس الحياة مغامره ومثل ما يقولون الحب يصنع المعجزات .
ثانيا: قلتي بكلامج إنه حب قبلها ، وأكيد بيكون الحب لحواء وحده فمستحيل يكون قلبه فندق وكل يوم بيذكر وحده شكل ....بهالحاله لو كانت حواء بالفعل حبت آدم فبتسوي المستحيل لاستمالة قلبه صوبها ...

ثالثا: هالحواء إلي صدع راسي فيها شو كان مصيرها ؟ عرست ...ماتت ...عنست ؟؟
لو كان يحبها كل هالحب كان بيتمسك فيها وما بيرضى ياخذ غيرها حتى لو غصبوه أهله
يعني من موقف آدم هذا وعدم تمسكه بحواء الأولى ... فيه أمل بإنه ينساها ويعقها بحر ...ولا تستهينين بحواء لو حبت آدم

رابعا : لو عيفني حياتي ليل ونهار واستوى شرات عنتر بن شداد يبكي على عبله .... أو يتهور فجأه ويسمم عمره شرات روميو..؟؟ بتفاهم وياه بعقل ...ولو ما نفع العقل وياه .... كل واحد بطريج بآخر الموضوع ...مستحيل تستمر الحياة بمحاوله من طرف واحد لإكمال الزواج ... بياكل قلبي حشا

خامسا: الخيانه وارده ...ولو تحدثنا عن خيانة آدم ..... فيمكن يخون حتى زوجته إلي يحبها وتزوجها عن اقتناع .... بو طبيع ما ايوز عن طبعه ... وبنات الناس مب لعبه بإيد آدم وربعه ...

الحياة الزوجية تنبني على اتفاق وتفاهم والتضحيات ببدايتها كثيره من الطرفين .... والحب هو إلي يتوجها ...والاحساس بالأمان والثقه من الطرفين يخليها تستمر
بهالحياة فيه نماذج كثيره ....وسلسلة آدم وحواء يبالها مجلدات على حسب البيئات والأشخاص..