<font color='#F52887'>السلام على كل اللي بيمر عالموضوع
الكل يدري ان بعد ايام معدوده انشاء الله راح نستقبل شهر الخير والبركه والغفران
شهر العباده والتعبد
شهر الصوم والصوم والصوم.... يعني الصوم عن كل شي مو بس الاكل
يا جماعه من سنين وانا يتجدد ببالي نفس السؤال كلما يطل رمضان..... اتسائل ليش بس برمضان كل القنوات تتسابق وتحط مسلسلات يديده بالجمله<img src="http://oasis.bindubai.com/emoticons/glare.gif" border=0>
يعني تعتقدون شو الهدف بالضبط؟؟ اشمعنا برمضان يعني؟
فوازير وخرابيط وهشك بشك ولا جنه شهر صوم وعباده وغض نظر....
احينه لو كانت القنوات اللي تحط هالمواد التلفزيونيه كانت خارجيه ومسيحيه ونصرانيه وغيرها حتى لوكانت عربيه كنت اقول ان هدفها شي ثاني وان الاسلام بها الدول مو قوي
لكن المصيبه ان دول الخليج اول الناس اللي تتسابق على هالشي؟
الحينه بالذمه الواحد يقعد يتعبد وللا يتابع مسلسلات؟
بصراحه يصير ادمان حتى لو الواحد ما بغا يتابع
بصراحه عن نفسي من السنه اللي طافت ما تابعت ولا شي الا مسلسل واحد كان ينحط بعد المغرب .... يعني واحنا على السفره بعد الفطور
واقول لكم النكته..تعرفون مسلسل حكم البشر اللي حطوه العام برمضان وبكل القنوات وردوا عادوه مليون مره ... انا توني شفته بقناة دبي من قبل اسبوعين<img src="http://oasis.bindubai.com/emoticons/tounge.gif" border=0>
بصراحه الله يسهل على وهالسنه بعد احاول ما ادمن التلفزيون ابرك لي
ويا ليت لو انكم تحاولون تسون نفس الشي لان التلفزيون لاحقين عليه واللي يحطونه برمضان يعيدونه بعدين..... لكن ساعات البركه برمضان ما تتكرر طول السنه .... وللا شو رايكم؟
خلووونا نبدأ من الحين نبعد عن التلفزيون</font>
رد مع اقتباس
مواقع النشر (المفضلة)